Iranun Meal — Şeyh Abdülazîz Gru Alam Saro Mentang — Nuh 71:1 – Nas 114:6

1. Mata-an! A Sukami na Siyogo Ami so Nuh ko pagtao Niyan: (sa Pitharo-on a:) Pakaiktiyarangka so Pagtaongka ko da kiran pun kata­lingomai a siksa a Malipudus.

2. Pitharo lyan: Hai pagtao Akun! Mata-an! A Sakun na pha­maka-iktiyar rukano a mapayag:

3. Showasowata niyo so Allah, go kalukun niyo Sukaniyan, go Onoti Ako niyo:

4. Ka Napin Niyan rukano so manga dosa niyo, go pakapulago­dun kano Niyan sa taman ko ta-alik a miyapunto: Mata-an! A so ta-alik o Allah na igira-a miyakatalingoma na di khisundod; o sukano na kata­wi niyo.

5. Pitharo lyan: Kadnan Ko! Mata-an! A Sakun na diyolon Na­kun so pagtao Akun ko kagagawi-i na go so kadaondao:

6. Na da-a minipagoman kiran o Panolon Nakun a rowar sa kapala­goi;

7. Go Mata-an! A Sakun na oman Nakun siran Dolonun , ka Anuka siran Kapuma-api, na iyolun niran so manga tindoro iran ko manga tangila iran, go ishalikom­ bong iran so manga nditarun niran, go idadayon niran (so Kaongkir) go Mumaratabat siran sa mala a Ka­pumaratabat;

8. Oriyan niyan na Mata-an! A Sakun na tiyawag Akun siran sa matanog.

9. Go Mata-an! A Sakun na piyakalangkap Akun kiran, go ini punanai Akun kiran sa tanto a ka­punanai,

10. Na Pitharo Akun: A Panguni kano sa Ma-ap ko Kadnan niyo; Mata-an! A Sukaniyan na tatap a Manapi,

11. Ka botawanan Niyan rukano so oran a marugus,

12. Go pakadakulun Niyan ruka­no so manga tamok a go so manga Wata, go sunggayan kano Niyan sa manga Pamomolan, go sunggayan kano Niyan sa manga lawasaig.

13. Ino kano wai a di niyo khaluk so Allah sa Sulasula,

14. A Sabunar a Inadun kano Niyan ko pishoson a butad?

15. Ba niyo da manggudaguda o andamanaya i Kiya-aduna o Allah ko pito a manga Langit a Miyaka­ phapangkata,

16. Go biyaloi Niyan ro-o so Olan a Sindao, go biyaloi Niyan so Alongan a Palita-an?

17. Na so Allah na Inadun kano Niyan a pho-on ko Lopa, sa (lagid o) Mangunguto,

18. Oriyan niyan na Phakakaso­wingkano Niyan ro-o, go phakagu­ma-on kano Niyan sa samporna a kapakagumao.

19. Na so Allah na biyaloi Niyan rukano so Lopa a makakayat,

20. Ka angkano puphakaokit ko manga lalanon a manga dadaya.

21. Pitharo o Nuh: Kadnan Ko! Mata-an! A siran na siyangka Ako iran, ka aya iran inonotan so tao a da-a amini-omanon o tamok iyan, a go so Wata iyan, a rowar sa kalogi;

22. Go miyagikmat siran sa ik­mat a mala;

23. Go Pitharo iran: A di niyo ngganati so manga Katohanan niyo: Go di niyo ngganati so (Barahala) Wadda, go so Suwaa, go so Yaghus, go so Yauqa, go so Nasra;

24. Go Sabunar a miyakadadag siran sa madakul; na da-a Pagoma­nun Ka ko manga darowaka a ro­war ko kadadag.

25. Po-on ko manga kasala-an niran na inulud siran, go piyakaso­lud siran ko Apoi; na da a miyato­on niran a bagiyan niran a salakao ko Allah a mamakatabang.

26. Na Pitharo o Nuh: Kadnan Ko! Da-a Pulambaangka ko Lopa ko Miyamangongkir a Makapama­gingudon!

27. Mata-an! A Suka na o adun a lamba-an Ka kiran na madadag iran so manga Oripun Ka, go da-a imbawata iran a rowar sa baradosa a Miyongkir,

28. Kadnan Ko! Puma-api Ya­ kongka, a go so mbala a lokus Akun, go so tao a somiyolud ko Walai Akun a Mapaparatiyaya, a go so Miyamaratiyaya a manga Mama go so Miyamaratiyaya a manga Babai, go da-a pagomanun Ka ko manga darowaka a rowar ko kabinasa!

1. Tharowangka (Ya Muham­ mad): A ini ilaham Rakun a Mata­ an naya! A adun a Miyamakinug a salompok ko manga Jinn; na Pitharo iran: A Mata-an! A sukami na Miyakanug kami sa Kapangadi a pakamumusa!

2. Puphakatoro ko ontol, na Piyaratiyaya mi Sukaniyan: Go da dun a lshakoto ami ko Kadnan nami a isa bo,

3. Go Mata-an naya! A maporo so Kabusaran o Kadnan nami: Da kowa sa Karoma a go Wata;

4. Na Mata-an naya! A adun a di-i Tharo a manga mondo rukami, makapantag ko Allah sa minitaralo a kabokhag,

5. Na Mata-an! A sukami na aya tangkapami ron na da dun a Ma­katharo a Manosiya a go Jinn ma­ka pantag ko Allah sa kabokhag;

6. Na Mata-an naya! A adun a manga Mama ko manga Manosiya a Phulindong siran ko manga Mama ko manga Jinn, na Kiya­ omanan niran siran sa kandarowa­ ka;

7. Na Mata-an! A siran na aya arangan niran na lagid o arangan niyo a da dun a pagoyagun o Allah ko oriyan o kapatai a isa bo;

8. Na Mata-an! A sukami na mi­yaka sampai ko langit na miyato-on nami sukaniyan a miyapuno a Pup­hamagipat a manga babagur a go manga kadug;

9. Go Mata-an! A sukami na aya butad ami na Puphakaontod kami ron ko manga Ontoda makapantag ko kapamamakinug (gowani). Na sa phamamakinug imanto na phakato­ o non sa kadug a puphamagayan;

10. Na Mata-an! A sukami na di ami katawan o ino marata a piyaka­ antap ko tao ko Lopa, antawa-a piyaka-antapan siran o Kadnan nir­an sa Torowan;

11. Go Mata-an! A sukami na adun a pud rukami a manga Bilan­gatao, go adun a pud rukami a soranga oto: Miyatago kami ko manga okit a mbidabida;

12. Go Mata-an! A sukami na tiyangkud ami a diyami dun mal­ipos so Allah ko Lopa, go di ami ron ndun milipos i kapalagoi,

13. Go Mata-an! A sukami na kagiya a manug ami so Torowan, na Piyaratiyaya mi Sukaniyan: Na sa dun sa Maratiyaya ko Kadnan Niyan na di niyan ikaluk o ba ka­ korangi, go o ba Ma-a niyaya;

14. Go Mata-an! A sukami na adun a pud rukami a Mimbabayor­antang, go adun a pud rukami a Miyamanilai. Na sa dun sa Mbayor­antang na siran man i Miyakathiba­ba komudug sa ontol.

15. Na so puman so Miyamanilai na miyabaloi siran a itagon o Nar­aka Jahannam;

16. (Phitharo o Allah:) Na opa­ma ka Miyontol siran ko lalan na Mata-an a ododan Ami siran sa ig a madakul,

17. Ka-an Nami kiran noto mi­tupung. Na sa tao a tomalikhod ko Tadum ko Kadnan Niyan, na paka­soludun Niyan ko siksa a Marugun.

18. Na Mata-an! A so manga Masjid na ruk o Allah na da a Phangangarapani niyo a pud o Al­lah a isa bo;

19. Na Mata-an naya! A kagiya tomindug so Oripun o Allah a Pu­phangangarapan Rukaniyan na maito siran bo na khabaloi siran non a Phuliliyawawa.

20. Tharowangka (Ya Muham- mad): A aya bo a Phangangarapa-nan Ko na so Kadnan Ko, go da-a Ishakoto Akun non a isa bo.

21. Tharowangka: A Mata-an! A Sakun na da-a Mipapa-ar Akun rukano a kabinasa, a go Torowan.

22. Tharowangka: A Mata-an! a Sakun na da dun a makalinding Rakun ko Allah a isa bo, go da dun a khato-on Nakun a salakao Rukaniyan a Khalindongan;

23. Inonta so Kapamakasampai a pho-on ko Allah a go so manga Pakawit lyan: Na sa tao a sangka­an niyan so Allah a go so Sogo lyan na Mata-an a bagiyan niyan so Apoi ko Naraka Jahannam: A ma­kakakal siran non sa dayon sa day­on.

24. Taman sa amai ka kasandun­gan niran so idi diyandi kiran, na katokawan niran ndun o antawa-a i malumuk i tabanga go maito i bi­langan.

25. Tharowangka: A di Ko kata­wan o ino marani so idi diyandi rukano, antawa-a balowin sukani­yan o Kadnan Ko a mathai;

26. Katawan Niyan so Migagaib, na da-a phayagan Niyan ko Igagaib lyan a isa bo,

27. Inonta so tao a Miyasowaton a Sogo, na Mata-an naya! A tiyago­wan Niyan so kasasangoran Niyan a go so katatalikhodan Niyan sa puphagipat,

28. Ka-a Niyan katokawi a Sa­bunar a minisampai Ran so manga Pakawit o Kadnan Niran; go kata­wan Niyan so shisi-i kiran, go Mai­itong lyan so bilangan o langowan taman.

1. Hai (Nabi a) khakayokos!

2. Tindugun Ka (so Sambayang), ko kagagawi-i, inonta so maito,-

3. Kalo-o kan noto,- o di na Korangingka oto sa maito,

4. O di na Lawaningka sukani­yan; go Phiyapiya-ingka Matiya so Qur-an sa malanat a Kabatiya.

5. Mata-an! A Sukami na Thor­onan Ami Suka sa Katharo a Ma­punud.

6. Mata-an! A so Pukha-adun a Amal ko kagagawi-i na giyoto na tanto a Somasagat ko pamikiran, go marayag so Katharo.

7. Mata-an! A si-i ko kadaondao na adun a Tumbanguka a mala:

8. Na Tatadumingka so ngaran o Kadnan Ka, go Tholabos Ka si-i Rukaniyan sa toto-o a Katholabos,-

9. Kadnan o Subangan a go so Sudupan: -da a Tohan inonta Suka­niyan-na Kowa-angka Sukaniyan a Sasarigan.

10. Go Phantangingka so gi-i ran Tharo-on go Awaingka siran sa ka­awa a Maliwanag;

11. Go botawani Akongka a go so Miyamanaplis a piyamugan sa Limo, go Pakapulagodangka siran sa maito.

12. Mata-an! A adun a shisi-i Rukami a manga patong, a go ka­dug,

13. Go Pangunungkun a pakaba­kug, go siksa a Malipudus!

14. Si-i ko Alongan a Linogun so Lopa a go so manga Palao, go mabaloi so manga Palao a puthad a pukha-anas.

15. Mata-an! A Sukami na Siyo­go-an Nami sukano sa Sogo, a saksi rukano, lagid o Kiyasogo i Ami ko Pir-aon sa Sogo.

16. Na siyangka o Pir-aon so Sogo; na siniksa Ami sukaniyan sa siksa a Mailot.

17. Na andamanaya i kapakali­das iyo amai ka Mongkir kano ko Alongan a khabaloi niyan so manga Wata a manga lokus?

18. So Langit na manga Bubung­kag sa sabap Rukaniyan. Miyabaloi so diyandi Rukaniyan a Mapunggo­laola.

19. Mata-an! A giyaya na Pana­nadum: Na sa tao a khabaya na mba-al sa lalan ko Kadnan Niyan.

20. Mata-an! A so kadnan Kana katawan Niyan a Mata-an! a Suka na Puthindug Ka ko korang ko dowa ko tulo bagi ko kagagawi-i, go so kalo-oki ron go so ika tulo ron bagi, go so salompok ko siran a manga pud Ka. Na so Allah na tatakudirun Niyan so gagawi-i, a go so daondao. Katawan Niyan a di niyo to khaitong, na Piyakatao­bat kano Niyan Na Batiya a niyo so malbod (rukano) ko Qur-an, Kata­wan Niyan a khabaloi so saba-ad rukano a pukhakasakit, go so man­ga pud na Puphulalakao siran ko Lopa, a gi-i siran mbabanog ko kakawasa-an o Allah, go so manga pud na gi-i siran Makimbonowai ko lalan ko Allah. Na Batiya-a niyo so malbod don, go Pamayandugun niyo so Sambayang, go tonaya niyo so Zakat; go pagotangi niyo so Al­lah sa otang a mapiya. Na sa dun sa mipakawit iyo a ruk o manga gina­wa niyo a mapiya na khato-on niyo to si-i ko Allah, giyoto i lubi a mapiya go lubi a mala a balas. Na Panguni kano sa Ma-ap ko Allah. Mata-an! A so Allah na Manapi, a Makalimo-on.

1. Hai (Nabi a) khokolob!

2. Pamayandug Ka na go Ka Pamaka-iktiyar!

3. Go so Kadnan Ka na Shula­sula-angka!

4. Go so nditarun Ka na So­tiyangka!

5. Go so Marshik na Pakawata­ningka!

6. Go di Ka Phamumugai sa pantag sa kapulaba!

7. Go makapantag ko Kadnan Ka na Thigur Ka!

8. Na amai ka iyopun so Sangga­kala,

9. Na giyoto man sa Alongan noto i Alongan a marugun,

10. Si-i k o Miyamangongkir, kuna a ba malbod.

11. Botawani Akongka, a go so tao a Inadun Ko a Tawantawan!

12. Go singgayan Ko sa bagiyan niyan a tamok a madakul,

13. Go manga Wata a khipaka­mamasa,

14. Go Piyakapangondaya Akun non sa samporna a kapangondaya.

15. Oriyan niyan na mai-nam iyan a kaomani Ko ron.

16. Di dun noto; ka Mata-an! A sukaniyan na miyabaloi si-i ko man­ga Ayat Ami a Somasangka!

17. Ipaliyogat Akun non so Ka­panakudug!

18. Mata-an! A sukaniyan na miyamimikiran go mithakdir,-

19. Na Pimorka-an, andamanaya i kiyathakdir iyan!

20. Oriyan niyan na Pimorka-an, andamanaya i kiyathakdir iyan!-

21. Oriyan niyan na Miyangilai­lai,

22. Oriyan niyan na Miyakari­mung, go komirus;

23. Oriyan niyan na Tomiyali­khod go Miyanakabor;

24. Na Pitharo iyan: A da ko ungkaya inonta na balik mata, a gi-i mithatanana;

25. Da ko ungkaya inonta na Katharo o Manosiya!

26. Pakasoludun Ko sukaniyan ko Naraka Sakar!-

27. Na antawa-a i miyakandao Ruka o antona-a i Naraka Sakar?-

28. A da-a Pulamba-an niyan, go da-a imbagak iyan!

29. Puthotong ko kobal!

30. Katatagowan sa sapolo a go siyao (a Malaikat).

31. Na da-a tindo Ami a khito­tonggo ko Naraka a rowar ko man­ga Malaikat; go da-a kiyatundo Ami ko itongan niran a rowar sa tupung ko siran a Miyamangongkir; ka-an makatangkud so piyamugan ko Kitab, go an Makapagoman so Miyamaratiyaya sa Paratiyaya, go andi Kapaparampangi so piyamu­gan ko Kitab a go so Miyamara­tiyaya, go an Matharo o siran a kiyatagowan so manga poso iran sa Gudamun a go so Miyaman­gongkir: A antona-a i piyaka-anta­ pan o Allah sangkai a ibarat? Lagid man noto a kandadaga o Allah ko tao a kabaya lyan, go Kathoro a Niyan ko tao a kabaya lyan: Na da-a Mata-o ko manga tantara o kadnan Ka inonta Sukaniyan. Na da-a sal­akao saya a rowar sa Pananadum a ruk o Manosiya.

32. Di dun: lbut Ko Olan,

33. Go so Gagawi-i igira-a Khai­pos,

34. Go so Khapita igira-a Muli­wanag,-

35. Mata-an naya! A titho a isa a mala,

36. A lpuphamaka-ik tiyar ko Manosiya,-

37. Si-i ko tao a khabaya rukano Mangonakona, o di na Puphapa­kaori.

38. Oman i ginawa na sanda ko Pinggalubuk iyan;

39. Inonta so manga tao ko ka­wanan,

40. Ka si-i ko manga Sorga, gi-i ran Pamagishai iyan,

41. So manga Baradosa:

42. Ino kano phakasolud ko Nar­aka Sakar?

43. Isumbag iran: Da kami ma­baloi a pud ko manga Barasam­bayang,

44. Go da kami mabaloi a Pu­phamugai sa Pangunungkun ko Miskin,

45. Go miyabaloi kami a Pupha­murak, a pud o Puphamamurak,

46. Go miyabaloi kami a gi-i yami pakambokhagun so Alongan a kapamalas,

47. Taman sa Miyakatalingoma rukami so kapakatangkud (a giyoto so Kapatai).

48. Na di kiran makanggai a gona so Sapa-at o Puphamanapa-at.

49. Na antona-a i mapumbagiyan niran sa katatalikhod iran ko Pana­nadum?

50. Lagid o ba siran manga ki­mar a puphamalagoi,

51. A piyalagoyan niran so Ar­imao!

52. Kuna, ka kabaya o omani isa kiran a kabugan sa manga sorat a makakayat (a pho-on ko Allah)!

53. Di dun noto. Kuna, ka di iran ikhaluk so Akhirat.

54. Sabunar, a Mata-an! A giya Qur-an naya! Na Pananadum:

55. Na sa tao a khabaya na Pa­nanadum niyan noto!

56. Na da-a Phakatadum kiran inonta sa kabaya o Allah: Sukani­yan i patot a ikhaluk, go patot a Phuma-ap.

1. Pushapa Ako sa lbut ko Alon­gan a Qiyamah;

2. Go Pushapa Ako sa lbut Ko Niyawa a Puphanginsoya (ka Pa­goyagun kano dun).

3. Ba aya tarima-on o Manosiya na di Ami dun khatimo so manga tolan niyan?

4. Owai, khagaga Mi a kathaong Ami pharoman ko manga kumur iyan!

5. Kuna, ka kabaya o Manosiya a Kapumbaradosa niyan ko kasa­sangoran niyan;

6. Iphagisha iyan: o anda i ka­phakatalingoma o Alongan a Qiya­mah?

7. Na amai ka maburug so kailai,

8. Go Nggarahana so Olan,

9. Go matimo so Alongan a go so Olan,-

10. Matharo o Manosiya sa Alongan noto: A'anda i khapalago­yan?

11. Da dun noto! Ka da-a Kha­lindongan!

12. Sobo so Kadnan Ka sa Alon­gan noto i kaputhakna-an.

13. Panotholun ko Manosiya sa Alongan noto so mini-ona niyan a go so mini pakaori niyan.

14. Kuna, ka so Manosiya i shak­si ko ginawan niyan,

15. Na apiya i inibugai niyan a manga dalina iyan.

16. Dingka pukhaoga sa sabap rukaniyan (a Qur-an) so dila a Ka makapantag sa Kaphagalokaloking­ ka-on.

17. Mata-an! A si-i Rukami so katimo iyan, a go so Kapuphangadi iron:

18. Na igira-a Piyangadi-an Ami Sukaniyan , na Kudugangka so Kiyapangadi iron;

19. Oriyan niyan na Mata-an! A si-i Rukami so Kapakarayagaon.

20. Sabunar, a kuna, ka Pukha­babaya-an niyo so (doniya a) matag sagad,

21. Go ipumbagak iyo so Akhir­at

22. Adun a manga paras sa Alon­gan noto a Mamakataid,-

23. A mailai ran so Kadnan nir­an;

24. Go adun a manga paras sa Alongan noto a khipaka-i ibi,

25. Maguguda iran a adun a Punggolaola-an kiran a marugun.

26. Sabunar a amai ka isampai (so Niyawa) ko manga tolan ko bakurung;

27. Na Matharo: A antawa-ai Pamomotar?

28. Na Miyatangkud iyan a Mata-an! A sukaniyan so Kapaka­ pungganata (o Niyawa a go so Ba­dan);

29. Na milapis so Marugun ko isa a Marugun:

30. Si-i bo ko Kadnan Ka sa Alongan noto so khandodan!

31. (Sukaniyan) na da Pangimbu­nar, go da Shambayang!

32. Na ogaid na Tomiyaplis, go Tomiyalikhod!

33. Oriyan niyan na somiyong ko pagtao niyan a Shasagola!

34. So kabinasa a ruk ka, na Miyakarani (hai Miyongkir)!

35. Oriyan niyan na so kabinasa a ruk ka, na Miyakarani!

36. Ba aya tarima-on o Manosiya na imbagak sa Kandarainon?

37. Ba da mabaloi sukaniyan a malumuk a mani a pukhipantos?

38. Oriyan niyan na mimbaloi a rogo a mimbathik, na Inadun o Allah go Pithaong lyan sa tarotop;

39. Na biyaloi Niyan sukaniyan a ngganapa: Mama, a go Babai.

40. Ba di giyoto i phakagaga sa Kaoyaga Niyan ko Miyamatai?

1. Sabunar a somiyagad ko Man­osiya so wakto a pud ko Masa, a da-a maito bo a kiya-aloi niyan.

2. Mata-an! A Sukami na Inadun Ami so Manosiya a pho-on sa Not­fa a Miyakashaoshaog, ka-an Ami katupungi sukaniyan; na biyaloi Ami sukaniyan a Puphakanug, a Puphakailai.

3. Mata-an! A Sukami na Ping­gonanao Ami sukaniyan ko lalan: Na adun a Miyanalamat, na adun a Miyongkir.

4. Mataann! A Sukami na pithiyagaran Ami so Miyamangong­kir sa manga rantai, go manga pa­tong, go kadug.

5. Mata-an! A so Miphipiyapiya, na phamakainom siran ko inomun, a adun a saogiyan a Kafur,

6. Bowalan a pukhainom sukani­yan o manga Oripun o Allah, Pu­phamaka-ondasun niran noto sa sadun sa Phakaondasan niran non.

7. lputhoman niran so Paliyogat, go ika-aluk iran so gawi-i a miya­baloi so karata-an niyan a langkap (a giyoto so Alongan a Qiyamah);

8. Go puphakakun niran sa Pan­gunungkun si-i ko kapukhababaya i rukaniyan so miskin, go so Wata a ilo, go so Bilanggo;

9. (Pitharo iran:) Aya bo a Ka­puphakakana mi rukano na maka­pantag ko balas o Allah: Da a singanin nami rukano a balas, o di na Panalamat;

10. Mata-an! A Sukami na ipu­khaluk Ami pho-on ko Kadnan nami so gawi-i a marimung, a mita­taralo.

11. Na phakalidasun siran o Al­ lah ko karata angkoto a gawi-i, go mbugan Niyan siran sa kataid, go kapipiya ginawa;

12. Go imbalas lyan kiran sabap ko Kiyaphantang iran, so Sorga go (Nditarun a) Sotra,

13. Gi- i siran ro-o Shasandasan­dang ko manga Kantir; da-a khagu­dam iran ro-o a (kayao) o Alongan, go da-a Matunggao;

14. Go Midadayondong kiran so manga along ro-o, go puphamangi­taliyadok so manga Onga on a Pao­notonot,

15. Go iphulibut kiran so manga Pananagowai a pirak, go manga baso a ropa-an a manga Batowin­tan,-

16. Manga Batowintan a pirak, a diniyangka iran noto sa samporna a diyangka,-

17. Go puphaka-inomun. siran ro-o sa inomun a aya saog iyan na Zinjabil;

18. Bowalan ro-o a Pumbutho­wan sa Salsabila;

19. Na gi-i siran nggagayanan o manga tatap a manga Kangoda-an; na igira-a Inilaingka siran, na aya tarima-a Ka kiran na manga Mon­tiya a Misasamborak;

20. Go igira-a Miya-ilaingka na Ro-ongka khailai so Limo go Ka­ datu a lubi a mala;

21. Khindiditar siran sa manga nditarun a Sotra a manipis a ga­dong, go Sotra a makapal; go Phan­gimowan siran sa manga salunda a Pirak, go phakainomun siran o Kadnan niran sa inomun a Phaka­soti:

22. (Putharo-on kiran a;) Mata­ an! A giyaya na miyabaloi a balas rukano, go miyabaloi so Amal iyo a Tiyarima.

23. Mata-an! A Sukami na Suka­mi na Initoron Ami Ruka so Qur-an sa Katoron (a Miyakashosokli);

24. Na thigur Ka makapantag ko Kokoman o Kadnan Ka, go Dingka Pagonoti so pud kiran, a baradosa o di na Miyongkir.

25. Go Tatadumingka so Ngaran o Kadnan Ka ko kapitapita, go so kagabigabi;

26. Go so saba-ad ko kagagawi-i na Pushojiod Ka Rukaniyan; go Phoroporo-on Ka Sukaniyan ko ka­ gagawi-i sa malayat.

27. Mata-an! A siran naya na Pukhababaya-an niran so matag sa­gad, na ipumbagak iran so kasasan­goran niran a gawi-i a Mapunud.

28. Sukami na Inadun Ami siran, go Pimbaibaitan Ami so Taong iran. Na amai ka kabaya Ami na somambi Kami sa manga lagid iran sa samporna a kasambi.

29. Mata-an! A giyaya na Pana­nadum: Na sa tao a khabaya na mba-al sa lalan si-i ko Kadnan Ni­yan.

30. Na da-a kapa-ar iyo inonta o Miyog so Allah. Mata-an! A so Allah na Tatap a Mata-o, a Maon­gangun.

31. Phakasoludun Niyan so tao a kabaya Iyan si-i ko Limo Iyan. Na so manga darowaka na Pithiyagar­an Niyan siran sa siksa a Malipu­dus.

1. lbut ko Puphamanogo-on, a di-i Makathondotondog,

2. Go so puphamanambur sa mabandus,

3. Go so puphamayapat (ko oran) sa samporna a kapamayapat,

4. Go so gi-i makashusung-gaya sa samporna a kasunggai,

5. Go so puphamamugai sa Pa­nanadum (a manga Malaikat).-

6. Kapamokas sa Kataksilan, o di na Kapamaka-iktiyar,-

7. Mata-an! A so diyandi rukano (a Mapunggolaola ko Alongan a Qiyamah) na phakatana dun.

8. Na amai ka so manga Bito-on na mapadung,

9. Go amai ka so Langit na mabunsad,

10. Go amai ka so manga Palao na mamangikayambur.

11. Go amai ka so manga Sogo na Limodun ko wakto a Mapupun­to,-

12. Antona-a Alongan a tiya­alik?

13. Si-i ko Alongan a Kokoman.

14. Na antona-a i miyakandao Ruka o antona-a i Alongan a Koko­man?

15. Kabinasa sa Alongan noto, a bagiyan o Piyamakambokhag iran naya!

16. Ba Ami da binasa-a so miyanga o ona?

17. Oriyan niyan na iputhondog Ami kiran so miyanga o ori

18. Lagid oto man a ikhidiya Mi ko manga baradosa.

19. Kabinasa sa Alongan noto, a bagiyan o Miyamanaplis!

20. Ba Ami sukano da Aduna a pho-on sa ig a malumuk?

21. Na tiyago Ami oto ko darpa­ a Mapapalihara,

22. Taman ko diyangka a kata­wan,

23. Na Pindidiyangka Ami. Na sayana Kami a mapiya a Midi­diyangka!

24. Kabinasa ko Alongan noto, a bagiyan o Miyamanaplis!

25. Ba Ami da baloya so Lopa a maka-a angkos,

26. Ko manga Oyagoyag a go so Miyamatai,

27. Go piyakabukunan Ami oto sa manga Palao a manga poporo, go piyaka-inom Ami sukano sa ig a tabang?

28. Kabinasa sa Alongan noto, a bagiyan o Miyamanaplis!

29. (Putharo-on kiran:) Songka­no ko piyakambokhag iyo sukani­yan!

30. Songkano ko Along a tulo sa-i

31. Di khasirongan, go di khirun ko kadug.

32. Mata-an naya! A ipuphululu­bad iyan so manga kotokoto a Apoi a datar o manga torogan.

33. Lagid o ba oto manga Onta a manga Bibinaning.

34. Kabinasa sa Alongan noto, a bagiyan o Miyamanaplis!

35. Giyaya so Alongan a di siran Makaputharo,

36. Go di kiran iphangonot, ka o ba siran Makapamitowa.

37. Sangat a siksa sa Alongan noto, a bagiyan o Miyamanaplis!

38. Giyaya so Alongan a Koko­man: Linimod Ami sukano a rakhus o miyanga-o ona!

39. Na o adun a ikmat iyo, na ikmat Ako niyo!

40. Sangat a siksa sa Alongan noto, a ruk o Miyamanaplis!

41. Mata-an! A so Miyamanang­gila, na si-i ko khikasisirongan a go manga bowalan,

42. A go manga Onga, a pud ko Pukhababaya-an niran.

43. (Putharo-on kiran:) Kangka­ no, go inom kano sa kapipiya gina­wa sabap ko Pinggolaola niyo (a mapiya).

44. Mata-an! A Sukami na lagid oto man a kambalasi Ami ko Mi­phipiyapiya.

45. Sangat a siksa sa Alongan noto, a ruk o Miyamanaplis!

46. Kangkano go khariyala kano sa di mathai. Mata-an! A sukano na manga sala.

47. Sangat a siksa sa Alongan noto, a ruk o Miyamanaplis!

48. Na igira-a Pitharo kiran: a (Shambayang kano sa) Pangalimba­ba-angkano! Na di siran Phangalim­baba-an.

49. Sangat a siksa sa Alongan noto, a ruk o Piyakambokhag iran naya!

50. Na antona-a i Tothol, ko oriyan angkai a Qur-an, i Phara­tiyaya-an niran?

1. Antona-a so gi-i ran Pama­gishai yan?

2. A Tothol a mala,

3. A so siran na di siran non Phagayonayon?

4. Na gunuki ran, ka khatoka­wan niran-bo!

5. Oriyan niyan, na Sabunar, a katokawan niran-bo!

6. Ba Ami da baloya so Lopa a Miyadumpas?

7. Go so manga Palao a manga pasuk?

8. Go Inadun Ami sukano a Nggaganapa,

9. Go biyaloi Ami so torog iyo a kadukha,

10. Go biyalaoi Ami so gagawi-i Anditarun,

11. Go biyaloi Ami so daondao a Ipuphaningkaoyagun;

12. Go Pimbalayan Ami so ka­porowan niyo sa pito a manga ba­bagur (a manga Langit),

13. Go Miyadun Kami sa Palita­an a Masindao (a Alongan),

14. Go piyakatoron Ami a pho­on ko manga gabon so ig a mada­kul,

15. Ka-an Ami mapakagumao sa sabap rukaniyan so purpuran a go Mangunguto,

16. A go manga Pamomolan a Milapilapis.

17. Mata-an! A so Alongan a Kokoman na miyabaloi a wakto a Kaputhatalabokan,

18. Si-i ko Alongan a kaiyopa ko Sanggakala, na Makatalingoma kano a Pishagorompong,

19. Go kaluka-an so Langit na mabaloi a manga paitao,

20. Go mikayontong so manga Palao na mabaloi a lopapuk.

21. Mata-an! A so Naraka Jahan­nam na aya butad iyan na mibubu­kun a ayan,

22. A khandodan o Miyamanga­ kowala,

23. Matatap siran non sa Tani­tiyasa;

24. Da-a khata-am iran non a Pakadunggao, go da-a Khainomon,

25. A rowar ko phulikabo a ig a go dana,

26. Balas a Pindait (ko galubuk iran a marata).

27. Mata-an! A siran na aya bu­tad iran na di iran ikhaluk so iton­gan,

28. Go Piyakambokhag iran so manga Ayat Ami sa tanto a Kapa­kambokhag.

29. Na langowan taman na inisorat Ami sukaniyan ko daptar;

30. Na ta-ami niyo, ka da dun a ipagoman Ami rukano a rowar ko siksa.

31. Mata-an! A adun a bagiyan o Miyamananggila a darpa a Kapa­kadaya,

32. A manga Pamomolan, a go manga Anggor,

33. Go manga Raga a Murush­arusha,

34. Go tagowai sa inomun a Tuthubira.

35. Da-a khanug iran non a ilang go da-a kabokhag;-

36. Balas a pho-on ko Kadnan Ka, a Pamumugayan a tarotop,-

37. Kadnan o manga Langit, a go so Lopa, a go so nganin a pagulutan a dowa nan, a Masalinggagao; da-a phakagaga kiran non Mbitiyarai.

38. Si-i ko Alongan a tomindug so Roh a go so manga Malaikat a shasa-a sa-ap, da-a Makaputharo kiran, a rowar sa idinan (o Allah a) Masalinggagao, a go Putharo sa ontol.

39. Giyoto man so Alongan a bunar; na sa dun sa khabaya na mba-al sa darpa a khandodan si-i ko Kadnan Niyan.

40. Mata-an! A Sukami na Piya­ki-iktiyaran Ami rukano so siksa a marani, si-i ko Alongan a kasan­dungan o tao so Miyanggalubuk o mbala a lima niyan, na Matharo o Miyongkir: Hai o ba a ko bo Mim­baloi a botha

1. Ibut ko di-i Nggagandur to­mukao (a manga Malaikat),

2. Go so Puphamanonggos sa mananai,

3. Go so Puphamanoron sa maga-an,

4. Go so Puphamangonakona mona,

5. Go so gi-i Thatandingan ko Sogowan (ka Pagoyagun kano dun);

6. Si-i ko Alongan a Thambu­tambug so Phakatambug,

7. A matondog sukaniyan o pha­katondog.

8. So manga poso sa Alongan noto na ma-aluk,

9. So manga kailai ron na Maka­susunong.

10. Gi-i ran Tharo-on: Ba Mata­-an! A sukutano na khikasoi tano dun ko asal a butad (a kaoya­goyag)?

11. Ati apiya pun mabaloi tano a manga tolan a miyanga rorophod?

12. Pitharo iran: A giyoto man na sa maoto na kapakakasoi a kalogi!

13. Na giyoto na Satiman bo a Lalis,

14. Na sa maoto na siran na matago siran ko liyawao o Lopa (a manga Oyagoyag).

15. Ino a Miyakatalingoma Ruka so Totholan ko Musa?

16. Gowani a itawag Rukaniyan o Kadnan Niyan si-i ko balintad a Soti a giya Towa:

17. Songka ko Pir-aon, -Mata­ an! A sukaniyan na Miyangakowa­la,-

18. Na Tharowangka: Ino kha­baya ka a Masoti ka?

19. Go Manggonanao Akun suka ko Kadnan ka, na Makapananggi­laka.

20. Na Piyaki-ilai Niyan non so tanda a mala.

21. Na Piyakambokhag iyan go Somiyangka,

22. Oriyan niyan na Tomiyali­khod a gi-i nggaga-an,

23. Na tominimo sa tao go Piya­kalangkap iyan,

24. Sa Pitharo iyan: Sakun i To­han niyo a Maporo.

25. Na ini danugon o Allah so siksa ko Mori, a go so Paganai.

26. Mata-an! A adun a matatago saya a titho a Thoma ko tao a Ma­alukun (ko Allah).

27. Ba sukano i marugun a adu­nun, antawaa so Langit? Pimbalai Niyan Sukaniyan:

28. Ini Poro lyan so kaporo iyan, go Pithaong lyan Phiyapiya,

29. Go Piyakalibotung Iyan so gagawi-i ron, go Piyakaliwanag lyan so daondao ron;

30. Go so Lopa ko oriyan noto na Kiyayat Iyan,

31. Piyakambowat lyan non so ig rukaniyan, a go so manga Pangu­nungkun non;

32. Go so manga Palao na Piya­makabukun Niyan non,

33. Pagupur rukano a go so man­ga Ayam miyo.

34. Na amai ka Makatalingoma so khaolaola a mala,

35. Si-i ko Alongan a Katadu­man o Manosiya so Pinggolaola niyan,

36. Go payagun so Naraka Jahim ko phakailai ron.

37. Na so puman so tao a Miyan­gakowala,

38. Go miyatomo iyan so kaoya­ goyag sa doniya,

39. Na Mata-an! A so Naraka Jahim na giyoto i darpa iyan.

40. Na so puman so miyaluk sa ka Kha-adapa niyan ko Kadnan Niyan, go pininggun niyan a ginawa niyan ko kabaya a ribat.

41. Na Mata-an! A so Sorga na giyoto i darpa iyan.

42. lpagisha iran Ruka so Bang­kit, o andai kaphakadongko iyan?

43. Na Bangka kiran noto Ka­phakisaboti?

44. Si-i bo ko Kadnan Ka so Khadansalan niyan.

45. Mata-an! A Suka na matag Ka Phamaka-iktiyar ko ma-aluk Rukaniyan.

46. Lagid o ba Mata-an a siran ko Alongan a kasandungi ranon na da-a minitarug iran (ko doniya) a rowar ko kagabi gabi o di na so kapita pita!

1. Miyakarimung (so Nabi) go tomiyalikhod,

2. Sa Kiyapakatalingoma-on o Bota (a si Abdullah lbno Ommi Maktoum).

3. Na antawa-a i kaphakitoka­wan niyan Ruka sa masikun a su­kaniyan na Pushoti,

4. O di na Phakindao na ma­kanggai ron a gona so undao?

5. Na so tao a Mitharambisa,

6. Na Suka na Ayangka gi-i Sha­sagipa-an,

7. A kuna a ba Ruka khisundit a di niyan Kapushoti.

8. Na so puman so miyakaoma Ruka a Mananamar,

9. A sukaniyan na Ma-alukun (ko Allah),

10. Na Suka na ikaririmorung Ka.

11. Dingka oto Pupharomani, Mata-an naya! A Pananadum,

12. Na sa dun sa khabaya, na Pananadumun niyan.

13. Matatago ko manga Kitab a Susula-an,

14. A ipoporo, a Sosotin,

15. A Minggolalan ko manga lima o manga Panonorat,

16. A Khisusula-an a Puphaman­gongonotan.

17. Pimorka-an so Manosiya (a Miyongkir)! Sayana a da-a Tadum iyan!

18. Antona-a Shai i pakapo-on niyan, sa Kiya-aduna-on o Allah.

19. Miyakapo-on sa Notfa Inad­un Niyan go Pindidiyangka lyan,

20. Oriyan niyan na so lalan na libod Iyan non,

21. Oriyan niyan na ini sabap lyan a kiyapatai niyan, na Piyaki­kobor lyan;

22. Oriyan niyan na amai ko kabaya Iyan na Oyagun Niyan mbo.

23. Sabunar, a da niyan Nggola­lanun so ini Sogo-on (o Allah).

24. Na Pamimikirana o Mano­siya so Pangunungkun niyan:

25. A Mata-an! A Sukami na inodod Ami so ig sa samporna a kaodod,

26. Oriyan niyan na piyakamba­batukad Ami so Lopa sa maroni a kambabatukad,

27. Na Piyamakathowan Ami su­kaniyan sa Purpuran,

28. Go Anggor, go lulutha-an,

29. Go Shaiton, go Qormah,

30. Go manga Pamomolan a manga rarabong,

31. Go manga Onga, go manga Paotanotan:

32. Ka-aniyo kanggonai a go so manga Ayam iyo.

33. Na amai ko Makatalingoma so lalis,

34. Si-i ko Alongan a palagoyan o tao so Pagari niyan,

35. Go so Ina iyan, a go so Ama iyan,

36. Go so Karoma niyan, go so manga Wata iyan.

37. Omani isa kiran sa Alongan noto, na adun a butad a Makatu­tumbangon.

38. Adun a manga Paras sa Alon­gan noto a khisisigai,

39. Makakakala, a Mabababaya;

40. Go adun a manga paras sa Alongan noto a masasalapot a lopapuk,

41. A kakokoloban sa malibo­tung:

42. Siran man na siran so Miya­mangongkir a manga baradosa.

1. Amai ka so Alongan na kowa­an sa Sindao,

2. Go amai ka so manga Bito-on na manga o olog,

3. Go amai ka so manga Palao na Mamangikayontong,

4. Go amai ka so manga Onta a maogat na indarainon,

5. Go amai ka so manga Bina­tang na timo-on,

6. Go amai ka so manga Kalo­dan na Pakakadugun,

7. Go amai ka so manga Niyawa na ito-on ko manga ganap iyan.

8. Go amai ka so Bagowaraga a ini lubung a Oyagoyag na i isha,

9. O antona-a i dosa a sabap a ini bono-on;

10. Go amai ka so manga daptar (a siyoratan ko manga Amal) na kayatun,

11. Go amai ka so Langit na pokasun ko darpa iyan,

12. Go amai ka so Naraka Jahim na Pakashokhaya-on,

13. Go amai ka so Sorga na ipakarani (ko Miyamananggila),

14. Na katokawan o ginawa so Pithiyagar iyan.

15. Na Pushapa Ako sa lbut ko (manga Bito-on a) somubang so­mudup,

16. A Puphamalalagoi a Pupha­mangigaib,

17. Go so gagawi-i igira a pha­kalibotung,

18. Go so khapita igira-a phaka­liwanag.

19. Mata-an! (a giya Qur-a n naya) na titho a gi-i Matharo o Sogo a Susula-an,

20. Mabagur si-i ko khiruk ko Kapa-ar, a adun a Pangkatan Ni­yan,

21. Pukhaonotan ro-o, a Kasasa­na-an.

22. Na da ko Bolayoka iyo (a Muhammad) iba Pumbuthanga.

23. Na Sabunsabunar a miyailai Niyan sukaniyan (a Jibril) ko sinda­dan o kailai sa porn a mapayag;

24. Go kuna a ba Niyan ini pu­ligut so katawan Niyan ko dama­payag;

25. Go kuna a ba aya Katharo a Shaitan a Puradiyamun:

26. Na anda kano shong?

27. Da-a salakao saya a rowar sa Pananadum a bagiyan o manga Ka­adun,

28. Si-i ko tao a kabaya lyan rukano a kapakaontol iyan:

29. Na da-a kapa-ar iyo, inonta sa kabaya o Allah, a Kadnan o manga Ka-adun.

1. Amai ka so Langit na manga bubungkag,

2. Go amai ka so manga Bito-on na mikayambur,

3. Go amai ka so manga Kalo­dan na Pakandadanona-an,

4. Go amai ka so manga kobor na pamaklidun,

5. Na katokawan o ginawa so piyakaona niyan a go so piyakaori niyan.

6. Hai Manosiya! Antona-a i Miyakalimpang ruka ko Kadnan ka, a Maginawa,

7 . So Miyadun Ruka , go Mithaong Ruka phiyapiya, go mis­hokod ruka?

8. Apiya antona-a bontal i ka­ baya lyan na Piyakimbontal lyan Ruka.

9. Sabunar, a kuna, ka o Ongkir­un niyo so Kokoman!

10. A Mata-an! A titho a adun a khisisiyap rukano (a manga Malai­kat),-

11. A Khisusula-an, -a manga Panonorat:

12. A katawan niran so gi-i niyo nggolaola-an.

13. Mata-an! A so Miyamara­tiyaya, na khatago dun ko Pakadar­andang.

14. Na Mata-an! A so manga baradosa na khatago dun ko Nar­aka Jahim;

15. Phamakasolud siran non ko Alongan a kapamalas,

16. Na di siran non mamaka­awa.

17. Na antawa-a i miyakandao Ruka o antona-a i Alongan a kapa­malas?

18. Oriyan niyan, na antawa-a i miyakandao Ruka o antona-a i Alongan a kapamalas?

19. So Alongan a da-a mapukha­ pa-ar o isa a ginawa ko isa a ginawa a maito bo: Ka so Kokoman sa Alongan noto, na Ruk o Allah .

1. Sangat a siksa a bagiyan o manga Palilimpang:

2. Siran na igira-a miyakipagasad siran ko manga Manosiya na Pu­phakitarotop siran,

3. Na igira-a piyagasadan niran siran o di na Pithimbangan niran siran na puphangorang siran.

4. Ba di tatangkuda o siranoto a Mata-an! A siran na pagoyagun siran,

5. Si-i ko Alongan a lubi a mala:

6. A so Alongan a kapakatindug o manga Manosiya sa Hadapan o Kadnan o manga ka-adun?

7. Gunuki ran, ka Mata-an! A so Kitab o manga baradosa na khata­go dun ko Sijjin,-

8. Na antawa-a i miyakandao Ruka o antona-a i Sijjin?-

9. Kitab a Sosoratan.

10. Sangat a siksa sa Alongan noto a bagiyan o Miyamangongkir!

11. Siran na o Ongkirun niran so Alongan a kapamalas.

12. Na da-a Phagongkiron a ro­war ko omani Malawani, a Barado­sa!

13. lgira-a Puphangadi-anon so manga Ayat Ami na gi-i niyan Tharo-on: A manga iringa a manga kabokhag o miyanga o ona!

14. Sabunar, a kuna, kamitha-ab ko manga poso iran so pinggalubuk iran (a dosa)!

15. Sabunar, a Mata-an! A siran sa Alongan noto na kharunding sir­an ndun ko Kadnan niran:

16. Oriyan niyan na Mata-an! A siran na makasolud siran ndun ko Naraka Jahim;

17. Oriyan niyan na Tharo-on (kiran): A giyaya so Inongkir iyo sukaniyan.

18. Sabunar, a Mata-an! A so Kitab o Miyamaratiyaya na khata­go dun ko iliyin,-

19. Na antawa-a i miyakandao Ruka o antona-a i illiyun?-

20. Kitab a Sosoratan,

21. Shasaksi-an noto o manga rarani (ko Allah).

22. Mata-an! A so Miyamara­tiyaya na khatago dun ko Pakadar­andang;

23. Si-i ko manga Kantir, a gi-i siran mbabantabantai,

24. Masasarinongka ko manga Paras iran so Sigai o Kadarandang;

25. Puphamaka-inomun siran ko Soti a Arak, a paparkatun:

26. Aya parkat iyan na kastori na makapantag saya na Pamagarabaya so Puphamagarabaya (ko Kapan­gongonotan ko Allah) -

27. Go sasaogan noto sa Tasnim:

28. Bowalan, a phaginomun oto o manga rarani (ko Allah).

29. Mata-an! A so manga bara­dosa na aya butad iran na gi-iran ikhakala so Miyamaratiyaya (si-i sa doniya),

30. Go igira-a siyagadan niran siran na gi-i siran khukurata;

31. Go igira-a miyakandod siran ko manga ta-alok kiran, na makan­dod siran a pukhababaya siran;

32. Go igira- a miya-ilai ran sir­an, na Tharo-on niran: Mata-an! A siran naya na titho a Miyangadada­dag,

33. Akuna a ba siran Siyogo a khisisiyap kiran.

34. Na sa Alongan naya na siran a Miyamaratiyaya na ikhakala iran so manga kapir:

35. Si-i siran ko manga Kantir a gi-i siran Mbabantabantai.

36. Ino minibalas ko manga ka­pir so Pinggolaola iran?

1. Amai ka so Langit na manga bubunsad,

2. Go mangonot ko Kadnan Ni­yan, ka Miyapatoton,

3. Go amai ka so Lopa na pa­kaoladun,

4. Go iyawa iyan so nganin a madadalumon, na kada-an sa tago,

5. Go mangonot ko Kadnan Niyan, ka miyapatoton!

6. Hai Manosiya! Mata-an! A suka na Pananagontaman sa taman sa kitumo ko Kadnan ka sa sam­porna a panagontaman, ka mipum­baratumowa-a ka Sukaniyan.

7. Na sa dun sa mibugai ron so Daptar iyan si-i ko kawanan niyan,

8. Na mapamagitong dun sa iton­gan a malubod,

9. Go makandod ko manga ton­ganai niyan a mabababaya!

10. Na so puman so midawagon so Daptar iyan si-i ko tampar ko likod iyan.

11. Na migoraok iyan ndun so kabinasa,

12. Go makasolud ko kadug.

13. Mata-an! A sukaniyan na so katatago iyan (sa doniya) ko manga tonganai niyan na mabababaya.

14. Mata-an naya! A aya tangkap iyan non na di dun phakandod (ko Kadnan Niyan).

15. Owai na, Mata-an! A so Kad­nan Niyan na tatap a phagilain Niyan!

16. Na Pushapa Ako sa Ibut ko Pamorawag a mariga,

17. A go so gagawi-i, go so nga­nin a miyatiganus iyan,

18. Go so Olan igira-a mimbir­ing,

19. Ka puphakasakat kano dun ko sapangkat pho-on ko sapangkat.

20. Na antona-a i maka-arun kir­an sa di iran Kapharatiyaya,

21. Go-igira a biyatiya kiran so Qur-an na di siran Phangalimbaba­an?

22. Kuna, ka siran a da Pamar­atiyaya na gi-i ran Pakambokhagun (so Qur'an).

23. Na so Allah i lubi a Mata-o ko pagu-unusun niran.

24. Na Pamanotholangka kiran so siksa a malipudus,

25. Ogaid na so siran a Miyamar­atiyaya go Pinggalubuk iran so manga pipiya: Na adun a bagiyan niran a balas a di khaompas.

1. lbut ko Langit, a katatagowan sa manga darpa o manga Bito-on,

2. Go so Alongan a di diyandi-in (a so Alongan a Qiyamah),

3. Go so saksi, a go so pushaksi­an;

4. Pimorka-an so khimangaruk ko kakar,

5. A Apoi a tatagowan sa itagon,

6. Gowani a siran na Mo-ontod siran ko obai niyan,

7. A siran na mbabantayan niran so ipukhidiya iran ko Miyamara­tiyaya.

8. Na da-a ini kagowad iran kir­an a rowar sa Kapaparatiyaya a iran ko Allah, a Mabagur, a diyai­tan o Podi,

9. So Khiruk ko Kapa-ar ko manga Langit a go so Lopa. Na so Allah i saksi ko langowan taman.

10. Mata-an! A siran a sominiksa ko Miyamaratiyaya , a manga Mama a go Miyamaratiyaya a man­ga Babai, oriyan niyan na da siran Thaobat, na bagiyan niran so siksa ko Naraka Jahannam, go bagiyan niran so siksa a Phakatotong.

11. Mata-an! A so siran a Miya­maratiyaya go Pinggalubuk iran so manga pipiya, na adun a bagiyan niran a manga Sorga a puphaman­gondas ko kababa-an niyan so man­ga lawasaig: Giyoto man so da-ag a mala.

12. Mata-an! A so siksa o Kad­ nan Ka na titho a mailot.

13. Mata-an! A Sukaniyan na Sukaniyan i Puphanagipo-on Man­gadun, go pupharoman Mangadun;

14. Go Sukaniyan so Manapi, a Mala i Gagao,

15. A Khiruk ko Aras, a Susula-an,

16. A lnggogolalan Niyan so nganin a Kabaya lyan.

17. Ino a miyakatalingoma Ruka so Totholan ko manga tantara,-

18. A so Pir-aon a go so pagtao a Samood?-

19. Kuna, ka siran a da Pamar­atiyaya na shisi-i ko Kao ongkir!

20. Na so Allah, na Katatangka­lan Niyan so mbalabala kiran!

21. Kuna, ka Sukaniyan so Qur­-an a Susula-an,

22. A madadalum ko lauh Mah­ fod.

1. Ibut ko Langit, a go so Bito-on a Tariq,-

2. Na antawa-a i Miyakandao Ruka o antona-a so Bito-on a Tariq?-

3. So Bito-on a Masindao!-

4. Da-a Baraniyawa a ba da-a somisiyapon.

5. Na nggudaguda-a o Manosiya so kiyapakapo-on o kiya-aduna on!

6. lnadun a pho-on ko ig a mini pantos,

7. Phuliyo a puphakapo-on ko pagulutan o bukhokong (o Ama) a go so manga gosok (o Ina).

8. Mata-an! A Sukaniyan na ma­tatangkud a Gaos Iyan a kikasowin Niyan non (ko Kaoyagoyag)!

9. Si-i ko Alongan a payagun so Piyamaguma;

10. Na da-a bagur iyan ro-o, go da-a tabanga iyan.

11. lbut ko Kawang, a gi-i kha­sokasoyan (o Oran),

12. Go so Lopa a gi-i mbabatu­kad,

13. Ka Mata-an! (A giya Qur-an naya) na titho a Katharo a miyaka­shunggaya (ko ontol a go so ribat):

14. Go kuna a ba sukaniyan ka­ sandagan.

15. Mata-an! A siran na Pupha­gantangan siran sa toto-o a Antan­gan a marata,

16. Na Puphagantangan Ako sa toto-o a antangan.

17. Na Pakapulagodangka (Ya Muhammad) so manga Kapir: Pa­kapulagodangka siran sa di mathai.

1. Phoroporo-on ka so ngaran o kadnan ka a Maporo,

2. A so Miyangadun, go Mithaong Phiyapiya;

3. Go Sukaniyan so Mindi- diyangka na Minggonanao;

4. Go Sukaniyan so Piyakagu­mao Niyan so pagupur,

5. Na biyaloi Niyan a rarag a maitum.

6. Phakibatiya Ami Ruka (Ya Muhammad) na Dingka khalipatan,

7. Inonta sa kabaya o Allah: Mata-an! A Sukaniyan i Mata-o ko Mapapayag a go so Misosolun;

8. Go pulubodun Ami Ruka so okit a malbod.

9. Na Pamakatadum Ka, amai ka phakanggai a gona so Pananadum.

10. Phakatadum so tao a ma­alukun (ko Allah);

11. Na Phakawatanan sukaniyan o marata i okor,

12. A so phakasolud ko Apoi a mala;

13. Oriyan niyan na di ro-o pha­tai go di khaoyag (sa kaoyag a mapiya).

14. Sabunar a miyakada-ag so tao a Mishoti,

15. Go kiyataduman niyan so Ngaran o Kadnan Niyan, go Mis­hambayang.

16. Kuna, ka ilulubi niyo so Kaoyagoyag ko doniya;

17. A so Akhirat i thomo a go kakal.

18. Mata-an! A giyaya na titho a matatago ko manga Kitab a miya­ona,-

19. A manga Kitab o Ibrahim a go so Musa.

1. Ino a miyakatalingoma Ruka so Totholan ko khikolob?

2. Adun a manga paras, sa Alon­gan noto, a Khipakatitipadung,

3. A Gomagalubuk, a khidodo­kawan,-

4. A phamakasolud ko Apoi a tanto a mayao,-

5. A phuphamaka-inomun ko bowalan a pulikabo.

6. Da-a Pangunungkun niran a rowar ko sorokun,

7. Di ipukhaolit, go di Phakarun sa kaor.

8. Adun a manga paras, sa Alon­gan noto, a Madadarandang,

9. Sabap ko galubuk iran na Masosowat siran;

10. Si-i ko Sorga a Maporo,

11. Da-a khanug iran non a ilang:

12. Katatagowan sa manga Bo­walan a Puphamanoga;

13. Katatagowan sa manga kan­tir a manga poporo,

14. Go manga baso a khi-a adir­un,

15. Go manga olona a khi-a anti­bun,

16. Go manga Paramadali a khi­kakayatun.

17. Ba iran ndi Punggudaguda-a so manga Onta o andamanaya i kiya-aduna-on?

18. Go so Langit o andamanaya i Kiniporo-onon?

19. Go so manga Palao o anda­manaya i kiyapamakatindugaon?

20. Go so Lopa o andamanaya i kiyakayataon?

21. Na Pamaka-inungka Ka, a Suka na matag Puphamaka-inung­ ka.

22. Kuna a ba siran Ruka paki­ phanugulun,

23. Ogaid na sa dun sa tomali­khod go Mongkir,

24. Na isiksa on o Allah so siksa a mala.

25. Mata-an! A si-i Rukami so khandodan niran;

26. Oriyan niyan na Mata-an! A si-i Rukami so itongan kiran.

1. Ibut ko Fajr,

2. Go so manga gagawi-i a sha­sapolo,

3. Go so ganap a go so gansar,

4. Go so gagawi-i igira -a khaipos (ka shiksa-an ndun so manga ka­pir);

5. Ba saya di matatago so Ka­shapa ko adun a sabot iyan?

6. Bangka da nggudaguda-a so ini-kidiya o Kadnan Ka ko (pagtao a) Ad,-

7. A so Iram, a manga poporo i tindug,

8. So da-a Miya-adun a lagid iran ko manga Ingud?

9. Go so (Pagtao a) Samood, a so Miyanonggirub siran ko manga da­lama ko balintad?

10. Go so Pir-aon a adun a man­ga lutakan niyan?

11. A siran na Miyamangakowa­la ko manga Ingud;

12. Go piyakandakul iran ro-o so kapaminasa.

13. Na Piyakatoronan siran o Kadnan Ka sa mbarambarang a mailot a siksa:

14. Mata-an! A so Kadnan Ka na titho a tomitilik.

15. Na so puman so Manosiya, na amai ka tiniyoba sukaniyan o Kadnan Niyan ka bigan Niyan sa Munang, go ini Kalimo Iyan, na Tharo-on niyan: A so Kadnan ko na bigan nako Niyan sa Munang.

16. Na amai ka tiniyoba Iyan, ka Piyakasimpitan Niyan ko pagupur Iyan, na Tharo-on niyan: A so Kad­nan ko na Piyakarondan nako Ni­yan!

17. Sabunar, a kuna, ka di niyo Phoporongan so Wata a ilo!

18. Go di niyo iphami-is so ka­ pakakana ko Miskin!

19. Go phagarabun niyo so Pa­ninggalan sa ka-arab a kabosao,

20. Go mababaya kano sa tamok sa kabaya a mitataralo.

21. Sabunar, a amai ka roputun so Lopa, a Maropuroput,

22. Go Makatalingoma so Kad­ nan Ka, a go so manga Malaikat a Shishinundai;

23. Go miyoma sa Alongan noto so Naraka Jahannam, na sa Alongan noto na Phananadum so Manosiya, na aigona-on o Kapa­nanadum?

24. Matharo iyan: Aidao, o ba ako bo miyakapamakot sa ruk, o Kaoyagoyag akun!

25. Na si-i ko Alongan noto, na da-a makapaniksa ko siksa lyan a isa bo!

26. Go da-a makaphamatong ko kaphamatong lyan a isa bo.

27. Hai Niyawa a thatana!

28. Ndod ka ko Kadnan ka, a Masosowat, a Makasosowat!

29. Na solud ka ko manga Or­ipun Ko!

30. Go solud ka ko Sorga Akun!

1. Pushapa Ako sa Ibut ko un­gkai a Ingud (a Makkah),-

2. A Suka na Mababaling sang­kai a Ingud,-

3. Go so Mimbawata a go so Inimbawata,

4. Ka Sabunsabunar a Inadun Ami so Manosiya si-i ko karomasa­yan:

5. Ba niyan tatarima-a sa da dun a phakapa-aron a isa bo?

6. Gi-i niyan Tharo-on: A miya­kailang ako sa tamok a madakul!

7. Ba niyan tatarima-a sa da-a miyakailai ron a isa bo?

8. Ba Ami da sunggai sukaniyan sa dowa mata?

9. Go dila go mbala a modol?

10. Go Pinggonanao ami sukani­yan ko dowa a lalan?

11. Na ino niyan da Panagonta­mani so mapigul,-

12. Na antawa-a i miyakandao Ruka o antona-a so mapigul?-

13. So Kapumaradika sa Oripun,

14. O di na so kapakakana si-i ko Alongan a kaor,

15. Ko Wata a ilo a madasug,

16. O di na so Miskin a Midudu­kut ko botha;

17. Oriyan niyan na miyabaloi a pud ko siran a Miyamaratiyaya, a go iniphipi-isa iran so Kaphantang, go iniphipi-isa iran so Kapangali­mo.

18. Na siran man i manga tao ko kawanan.

19. Na so siran a Miyamangong­kir ko manga Ayat Ami, na siran i manga tao ko diyowang;

20. A kakokoloban siran sa Apoi.

1. lbut ko Alongan a go so Sin­dao niyan,

2. Go so Olan igira-a tiyondog iyan,

3. Go so daondao igira-a piyayag iyan,

4. Go so gagawi-i igira-a ipukho­lob iyan,

5. Go so Langit, a go so Mimba­lai Ron,

6. Go so Lopa a go so Ko­miyayaton,

7. . Go so ginawa , a go so Mithaongon Phiyapiya:

8. Na ini-ilaham Iyan non so Kapumbaradosa niyan, a go so Ka­phangongonotan niyan;-

9. Sabunar a miyakada-ag so tao a Siyoti niyan a ginawa niyan;

10. Go Sabunar a kiyawiswisan so tao a diyadag iyan a ginawa niyan!

11. Piyakambokhag o (Pagtao a) Samood (so Sogo kiran) sabap ko Kiyapangakowala iran;

12. Gowani a mbakorot so lubi a darowaka kiran,

13. Na Pitharo kiran o Sogo o Allah: (Botawani niyo) so Onta o Allah, go so kaphaginom iyan!

14. Na Piyakambokhag iran Su­kaniyan, na biyono iran noto, na bininasa siran o Kadnan Niran sa­bap ko dosa iran, na Piyakapurar­ampata Iyan siran,

15. Go di Niyan ikhaluk so kiya­ bolosan noto.

1. Ibut ko gagawi-i igira-a pukhi­kolob (so kalibotung iyan),

2. Go so daondao igira-a lomini­wanag,

3. Go so Miyadun ko Mama, go so Babai,-

4. Ka Mata-an! A so galubuk iyo na Sabunar a mbidabida.

5. Na so puman so tao a Miya­mumugai a go Miyananggila,

6. Go tiyanto niyan so mapiya,-

7. Na pulubodun Nami ron a (Kaparoliya niyan ko) malbod,

8. Na so puman so tao a Miligut go Mitharambisa,

9. Go Piyakambokhag iyan so mapiya;

10. Na pulubodun Nami ron a (ka-akir iyan ko) margun.

11. Go di ron phakanggai a gona so tamok iyan amai ka maolog (ko Naraka).

12. Mata-an! A si-i Rukami so titho a Torowan,

13. Go Mata-an! A ruk Ami so khaori, a go so paganai.

14. Na Piyaki-iktiyaran Ko ruka­no so Apoi a pukhadug;

15. Da-a phakasoludon a rowar ko marata i okor,

16. A so Tomiyaplis go Tomiya­ likhod.

17. Na phakawatan non so Miya­nanggila (sa dosa).

18. A so Puphamumugai ko ta­mok iyan ka-an Masoti;

19. Go kuna a ba adun a ruk o isa a tao a shisi-i rukaniyan a Limo ambalasan,

20. Ogaid na singanin ko Kaso­sowat o Kadnan niyan a Maporo;

21. Na matatangkud a Khasowat dun.

1. Ibut ko Tunganaik,

2. Go so gagawi-i igira-a lomini­botung,

3. Ka da Kandarainonun o Kadnan Ka (Ya Muhammad) go da Ka Niyan Kararangiti;

4. Go matatangkud a so khaori na tomo Ruka a di so paganai;

5. Go matatangkud a Mbugangka dun o Kadnan Ka na Khasowat Ka.

6. Ba Ka Niyan nda mato-on a Wata a ilo na Piyakisiyap Ka Niyan?

7. Go Miyato-ongka Niyan a madadadag na pinggonanao Ka Niyan,

8. Go Miyato-on Ka Niyan a miskin, na Bigangka Niyan sa ka­kawasa-an.

9. Na so Wata a ilo na Dingka Phangarasi-i;

10. Go so puphamanguni na Dingka Phurarasunga;

11. Go so Limo o Kadnan Ka na Puphamanotholangka!

1. Ba Ami da pakalowaga Ruka so rarub Ka (Ya Muhammad)?

2. Go piyokas Ami Ruka so ma­punud Ka?-

3. A so mini-punud ko likod Ka,-

4. Go iniporo Ami Ruka so Ta­dum Ruka?

5. Na Mata-an! A khatondog so margun, a malbod,

6. Mata-an! A khatondog so margun, a malbod.

7. Na igira-a miyakapasad Ka, na nggalubuk Ka puman,

8. Go si-i Ka bo ko Kadnan Ka Puphangangarapan.

1. lbut ko Tin a go so Zayton,

2. Go so Palao a Torsina,

3. Go giyangkai a lngud a (Mak­ka a) Panarigan,

4. Ka Sabunsabunar a Inadun Ami so Manosiya si-i ko lubi a mapiya a bontal,

5. Oriyan niyan na Pakakasowin Ami sukaniyan ko lubi a mababa ko manga bababa,

6. Inonta so Miyamaratiyaya go Pinggalubuk iran so manga Pipiya: Ka adun a bagiyan niran a balas a di Puthaman.

7. Na antawa-a i Maphaki ongkir iyan Ruka ko oriyan naya, so Ko­koman?

8. Ba di so Allah i lubi a Maontol i Kokoman ko manga Kokoman?

1. Pangadi Ka: Si-i ko Ngaran o Kadnan Ka a so Miyangadun;

2. Inadun Niyan so manga Man­osiya, pho-on ko manga rogo a mimbathik.

3. Pangadi Ka: Ka so Kadnan Ka na lubi a Maginawa,-

4. So Miyangundao ko (kisora­tun ko) Pansom,-

5. Inindao Niyan ko Manosiya so di niyan katawan.

6. Sabunar a Mata-an! A so Manosiya na phangakowala dun,

7. Ko kiya-ilaya niyan sa Miya­katharambisa.

8. Mata-an! A si-i bo ko Kadnan Ka i khandodan.

9. Aiguda-a Ka ko sukaniyan a Pushapar,

10. Ko Oripun (o Allah) igira a Mishambayang?

11. Aiguda-a Ka amai ka Suka­niyan na shisi-i ko Torowan,

12. O di na ini Sogo lyan so Kapananggila?

13. Aiguda-a Ka amai ka (so Puphanapar na) tomiyaplis go to­miyalikhod?

14. Ba niyan ndi katawi a Mata­ an! A so Allah na phagilain Niyan?

15. Gunuki niyan, ka Mata-an-a o di niyan gunuki, na gandurun Ami dun ko tandongan,-

16. (Khiruk ko) tandongan, a bokhag, a baradosa;

17. Na tawaga niyan i salinggo­goya iyan!

18. Ka tawagun Ami so khisi­siyap ko Naraka!

19. Sabunar! A Dingka Pagonoti sukaniyan, go Sojiod Ka, go pakar­ani Ka (ko Kadnan Ka).

1. Mata-an! A Sukami na Initor­on Ami a Qur-an naya si-i ko Ga­gawi-i a Susula-an.

2. Na antawa-a i miyakandao Ruka o antona-a so Gagawi-i a Susula-an?

3. So Gagawi-i a Susula-an na thomo a di so sanggibo a Olanolan.

4. Puthoron ro-o so manga Ma­laikat, a go so Ruh[18], sabap sa idin o Kadnan niran, makapantag ko oman i Sogowan: ——— [18] so oras a matatang kud so kakha aduni yan (aso alongan a maori)

5. Kalilintad Sukaniyan taman ko kasubang o Fijar!

1. Da ko butad o siran a da Pamaratiyaya a pud ko Tiyoronan ko Kitab, a go so manga Panana­koto o ba siran miyamagukar ta­man sa kiyapakatalingoma kiran o marayag a karina:

2. Sogo a pho-on ko Allah, a Makapuphangadi ko manga Kitab a manga Soti:

3. Khisosoratan noto sa (Koko­man a) ontol.

4. Na da makashusunggaya so siran a piyamugan ko Kitab inonta ko oriyan o Kiyapakatalingoma kir­an o marayag a karina.

5. A da-a ini Sogo kiran a rowar sa Kapushowasowata iran ko Allah, a Totolabosun niran non, so okit ko Kapaginutao, a Shasalimbotawan siran, a go so Kipamayandugun nir­an ko Sambayang, go so katonaya iran ko Zakat: Giyoto man i okit a ontol

6. Mata-an! A so siran a da Pamaratiyaya a pud ko Tiyoronan ko Kitab, a go so manga Panana­koto, na si-i ko Apoi ko Naraka Jahannam makakakal siran non. Siran man i miyakaratarata ko manga Ka-adun.

7. Mata-an! A so siran a Miya­maratiyaya, go pinggalubuk iran so manga pipiya, na siran man na siran i miyakapiyapiya ko manga Ka­adun.

8. Adun a balas kiran si-i ko Kadnan niran a manga Sorga a tatap, a puphamangondas ko kaba­ba-an niyan so manga lawasaig, makakakal siran non, sa dayon sa dayon. Miyasowat kiran so Allah na Khasowat siran non (mambo). Giyoto man na bagiyan o tao a inikaluk iyan so Kadnan niyan.

1. Amai ka ilinog ko Lopa so ipulinogon,

2. Go pakaliyon o Lopa so khi­pupunudon,

3. Go Matharo o Manosiya: A'antona ini?

4. Sa Alongan noto na Panotho­lun niyan so manga Tothol rukani­yan:

5. Sabap sa Mata-an! A so Kad­nan Ka na lpagilaham lyan non noto.

6. Sa Alongan noto na mamaka­liyo so manga Manosiya a mbidabi­da, ka phaki-ilai kiran so (balas o) manga galubuk iran.

7. Na sa dun sa nggolaola sa timbang bo o kolpong a mapiya, na khailai niyan noto;

8. Go sa dun sa nggolaola sa timbang bo o susurum a marata, na khailai niyan noto!

1. Ibut ko (manga Koda a) Pu­phulolompat a gi-i makashowara,

2. Go Puphamangapoyan sa ka­lamaging,

3. Go Puphamanibowa ko kha­pita.

4. Go Miyamakakayambur siran ro-o sa bayanuk,

5. Go minilumbak iran noto ko kao-orongan (ko ridowai);

6. Mata-an! A so Manosiya si-i ko makapantag ko Kadnan Niyan na titho a da-a Tadum iyan;

7. Go Mata-an! A sukaniyan sa makapantag ro-o i titho a saksi;

8. Go Mata-an! A sukaniyan ma­kapantag ko kabaya ko tamok na tonganai a minitaralo.

9. Ba niyan ndi katawi, -a amai ka pakaliyon so shisi-i ko manga kobor,

10. Go payagun so shisi-i ko manga rarub?-

11. Mata-an! A so Kadnan niran sa Alongan noto i titho a Kaip kiran.

1. So Phakatukutuk!

2. Antona-a so phakatukutuk?

3. Na antawa-a i miyakandao Ruka o antona-a so Phakatukutuk?

4. Alongan a mabaloi so manga Manosiya a makairing sa manga Paroparo a Masosolapak,

5. Go mabaloi so manga Palao a makairing ko bombol a riyodot.

6. Na sa dun sa tao a makapunud so manga timbang iyan,

7. Na sukaniyan na matago ko Kaoyagoyag a Makasosowat.

8. Na so puman so tao a Maka­khap so manga timbang iyan,

9. Na aya darpa iyan na so Nar­aka Hawiya.

10. Na antawa-a miyakandao Ruka o antona oto?

11. Apoi a Miyakayaoyao!

1. Miyakatumbang rukano so Kapamagindiga sa kadakul,

2. Taman sa makasongkano ko manga kobor.

3. Na gunuki niyo, ka khatoka­wan niyo dun!

4. Oriyan niyan na gunuki niyo, ka khatokawan niyo dun!

5. Sabunar, a okatokawi niyo sa Kata-o a matatangkud!

6. Na Mata-an a mailai niyo dun so Naraka Jahim!

7. Oriyan niyan, na Mata-an a mailai niyo dun noto sa kailai a matatangkud!

8. Oriyan niyan, na Mata-an a khi-isha rukano dun sa Alongan noto so manga Limo (rukano)!

1. lbut ko Masa,

2. Ka Mata-an! A so manga Manosiya na matatago dun ko ka­logi,

3. Inonta so Miyamaratiyaya, go pinggalubuk iran so manga pipiya, go ini pamagosiyata iran so bunar, go ini pamagosiyata iran so kaphan­tang.

1. Sangat a siksa, a ruk o omani Taliyanta-an, a makasodi,

2. A so Miyanimo sa tamok na miyatamanon magitong,

3. Tatarima-an niyan sa Mata­ an! A so tamok iyan na miyabaloi niyan sukaniyan a kakal!

4. Gunuki niyan noto, Mata-an a Phoshangun ndun ko makaroput;

5. Na antawa-a i miyakandao Ruka o antona-a so makaroput?

6. So Apoi o Allah, a pakakaka­dugun,

7. So pushokhayao ko manga poso:

8. Mata-an naya! A si-i kiran mikolob,

9. Si-i ko manga pasuk a manga rarawa.

1. Bangka da Katokawi so iniki­diya o Kadnan Ka ko khimangaruk ko Gadiya?

2. Ba Niyan nda tagowa so An­tangan niran a marata si-i ko kalo­gi?

3. Go biyotawanan Niyan siran sa manga Papanok a khirurungkap.

4. A Puphangolog kiran sa Ator a pho-on ko lipao a kiyomba;

5. Na biyaloi Niyan siran a miya­kairing ko pur a kiyan (a olud)?

1. Makapantag ko kiyasinanad o manga Quraish,-

2. So kiyasinanad iran ko katho­togalin ko kapanununggao niyan a go so kakhakayao niyan,-

3. Na Showasowata iran so Kad­nan a ungkai a Baitollah,

4. So migai kiran sa Pangunung­kun po-on ko kaor, go miyakasarig kiran pho-on ko kaluk.

1. Ino kiyatokawan Ka so gi-i niyan pakambokhagun so balas (ko Akhirat)?

2. Na giyoto man so Puphanaromag ko Wata a ilo,

3. Go di niyan iphamintal so kapakakana ko Miskin.

4. Na sangat a siksa a ruk o manga Barasambayang,

5. A so siran na so Sambayang iran na pakalilipatan niran,

6. So siran na maki-ilailain siran,

7. Go u-urunun niran so kakha­ piya-an!

1. Mata-an! A Sukami na inibu­gai Ami Ruka (Ya Muhammad) so madakul (a Mapiya)

2. Na Shambayang Ka makapan­tag ko Kadnan Ka, go Khorbang­ ka.

3. Mata-an! A so Pukhararangit Ruka na sukaniyan i da a tondasi­yan.

1. Tharowangka (Ya Muham­mad): Hai manga Kapir!

2. Kuna a ba Akun di-i Showa­sowata so gi-i niyo Showasowatun;

3. Go da rukano i ba niyo di-i Showasowata so gi-i Yakun Showa­sowatun:

4. Go da Rakun i ba Ko Push­owasowata so Pishowasowat iyo,

5. Go da rukano i ba niyo Push­owasowata so gi-i Yakun Showaso­watun.

6. Ruk iyo so okit iyo ko Kapa­ginutao, na ruk Akun so okit Akun ko Kapaginutao.

1. lgira-a Miyakatalingoma so Tabang o Allah, a go so Daag,

2. Go Mailaingka so manga Manosiya a Puphamanolud ko Aga­ma o Allah, a ndadakudakul,

3. Na Puthasbik Ka a rakhus o Podi ko Kadnan Ka, go Panguni Ka On sa Ma-ap: Mata-an! A Su­kaniyan na Tatap a Puphanarima ko Taobat.

1. Miya-ilang so dowa a tangan o Abilahab, go miya-ilang (Sukani­yan)!

2. Da-on makanggai a gona so tamok iyan, a go so miyasokat iyan!

3. Phakasolud dun ko Apoi a Pushokhayao!

4. Go so Karoma niyan a Ma­awid sa itagon,-

5. Kiyatagowan so lig iyan sa tali a phamukul!

1. Tharowangka: Sukaniyan so Allah, a isa isa!

2. So Allah a Puphangangaron­ganan!

3. Da Mbawata, go da Mbawata­an,

4. Go da-a Miya-adun a saginda Niyan a isa bo.

1. Tharowangka: A Mulindong Ako ko Kadnan o khapita,

2. Po-on ko karat-an o nganin a Inadun Niyan,

3. Go so karata-an o Gagawi-i igira-a Miyakalibotung,

4. Go so karata-an o Puphaman­giyop ko manga palot,

5. Go so karata-an o makasi-ig igira-a miyani-ig.

1. Tharowangka: A Mulindong Ako ko Kadnan o manga Mano­siya,

2. A Phapa-ar ko manga Mano­siya,

3. A Tohan o manga Manosiya,

4. Po-on ko karata-an o Puphan­gonsi, a Puphano-o so-ok,-

5. So Puphangonsi ko manga rarub o manga Manosiya,-

6. A pud ko manga Jinn, a go so manga Manosiya.