Fulani Mokhtasar — Meâric 70:1 – Nas 114:6

Gooto e sirkooɓe ɓen toranike e hoore mun e yimɓe mun ɓen lette, himo jalkita, sikkugol lette ɗen waɗaatah. Hara ɗum waɗay Ñalnde Darngal.

Wonannde yedduɓe Allah ɓen, alah duñanoowo ɓe ɗee lette.

Ko immorde ka Allha, Jom toowal e darja, e ɓure e neemaaji.

Malaa'ika'en wonndude e Jibriilu hino e ƴawa e ɗin darjaaji Ñalnde Darngal, juutungal, eɓɓirtengal duuɓi ujune cappanɗe jowi.

Muñño tun, yo Nulaaɗo, muñal ngal jillah ɗenƴagol maa wullitagol.

Kamɓe hiɓe reeni ɗee lette ko woɗɗiiɗe tultooje.

Menen le Meɗen reeni ɗe ko ɓadiiɗe, yanayɗe feere mun alaa.

Ñalnde kammu ngun wa'oyta wano sila maa kaŋŋe taayinaaɗum.

Pelle ɗen kadi wa'oya wano hottollo goobaako saraako.

Ka ɓadondiraaɗo lamdotaako fii musiɗɗo mun, tawde haray mo kala hino sokliri hoore mun.

Kala maɓɓe yi'ay ɓadondiraaɗo mun on ka suuɗaaki. Wondude e ɗum fof gooto lamndotaako fii oya hakkee ko annde. Hannduɗo e Yiite ngen yeloo jonnugol ɓiɗɓe makko ɓen fii sottorgol mo lette ɗen.

O sottora gennda makko e neene gooto makko on.

o sottora kadi gorol makko ɓaɗiiɓe mo, ɓen ɓannitaynoo ɓe mo si sattii.

O sottora kadi kala yimɓe e jinna ekw ko woni kon ka leydi, refti o jonnira ɗum fii sottoragol, daɗnda hoore makko lette Yiite ngen.

Ɗum gasirtaa wano bonɗo on yelori. Yiite laakara ngen ko uuyaynge huɓɓa.

Ɓoltaynge wippita guri hoore; hakkee ko nge wuli e konge huɓɓi.

Hinge nodda on ɗuurniiɗo goonga, o hucciti o salii gomɗinnde mbo o ronki gollude.

O mooɓi jawle, o mari ndi fii wata o nafqu ndi e laawol Allah.

Pellet, neɗɗo on tagaama ko o tiiɗuɗo reerɗugol.

Si lorra nawnaare maa baasal memii mo, tawaa ko o fanɗuɗo muñal.

Si ko heɓii mbo ko weltinta hono amo e ngalu heɓii mo, o wona tiiɗuɗo salorgol ɗum e fii laawol Allah ngol.

Si wanaa juulooɓe ɓen, ɓen ɗon hino hisi e ɗin jikkuuji ŋiñaaɗi.

Ɓen tawɓe ko duumiiɓe e juulde maɓɓe nden, ɓe welsindotaako e mayre, ɓe tottira nde e waqtu mayre happaaɗo on.

E ɓen tawɓe hino e jawle maɓɓe ɗen geɓal dottangal farlangal.

Geɓal nagl ɓe ittanta torotooɗo ɓe e baaso mo torortaako.

E ɓen goooginanyɓe Ñalaande Darngal nden. Ñalnde Allah yoɓitoyta kala e ko o haanndi kon.

E ɓen tawɓe hiɓe huli lette Joomi maɓɓe ɗen, e hoore ko ɓe ardini e golle moƴƴe kon fow.

Pellet, lette Joomi maɓɓe ɗen, ko hulɓiniiɗe ɗe haqqilɗo haanaa hoolaade daɗugol.

E ɓen tawɓe hino reenirɓe farjuuji maɓɓe ɗin : surragol woɗɗitoo e pankare.

Si wanaa e rewɓe maɓɓe ɓen maa e horɓe ko ɓe jeyi kon, ɓe feletaake ɗon on fii dakmitorgol ɓen mbalndi e tanaa mun.

Kala non ɗaɓɓuɗo ka dakmitora hara wanaa e ɓen rewɓe e horɓe jantaaɓe, haray ko ɓen woi yawtuɓe keeri Allah ɗin.

E ɓen tawɓe si ɓe hoolnaama e jawle e gunndoo ekw, e aynitooɓe ahadiiji maɓɓe ɗin e yimɓe ɓen kulol wata hoolaare bonu ɓe firtatah aadi.

E ɓen tawɓe ko ñiiɓirɓe e seedeeji maɓɓe ɗin no haaniri, tawata jeydal maa e ngayngu battintaa e mun.

E ɓen tawɓe hiɓe reenorii e julde maɓɓe nden, tottirgol nden e waqtu mayre, wonndude e laaɓal e deeƴere, hara huunde sokoliŋtaa ɓe e mayre.

Ɓen siforaaɓe ɗin sifaaji, ɓe teddiniroyte e Aljannaaji, neemaaji ñiiɓuɗi, e ndaaroygol Yeeso Allah Teddungo ngon.

E ko nanngi sirkooɓe jeyaaɓe e yimɓe maa ɓen, an Nulaaɗo, hiɓe heñora fennugol ma?

Hiɓe huuɓitir-maa ka ñaamo e ka nano, koɓe dentoy-dentoy.

Hara gooto kala e maɓɓe tamƴini nde Allah naadoyta mo Aljanna neemaaji, ka o neeminorta neemaaji duumiiɗi, e hoore ko o heddii e keeferaaku mum?

Wanaa no ɓe sikkiri non ! Men tagiriɓe e ko ɓe anndi fii mun, woni ndihal hoykal, ɓe lohiri non kamɓe kadi, tawde ɓe waawah nafude ko'e maɓɓe wanah fii lorra. Ko honno non ɓe townitorta?

Alla woondiri Hoore Makko ko Kanko woni jom Funnaangeeji e Hirnaangeeji naange e lewru e denndaangal koode wonde ko O kattanɗo.

Meɗen hattani wattirgol ɓe woɗɓe goo, ɗoftotooɓe Allah, Men halka fii maɓɓe kamɓe. Men siforaa ronkooɓe gaynude fii maɓɓe, wattitira ɓe woɗɓe goo si Men faandanike ɗum.

Accuɓe yo Nulaaɗo, ɓe jumpa e meere e majjere ko woni e mun, ɓe fija e nguurndam maɓɓe aduna ɗam haa ɓe hawroya e Ñalaande Darngal nde ɓe kammbiranaa nden ka Alqur'aana.

Ñalnde ɓe yaltirorta e gaburuuji ɗin heñaare, wa si tawii hara ko kaaƴe sanamu ɓe adandirta.

Hara gite maɓɓe no heli, koyeera no suddi ɓe. Ko nden woni ñalaande nde ɓe kammbirananoo nden e aduna, nde ɓe ittaanoo yiila e mun.

Men imminii Nuuhu haa e yimɓe makko ɓen, fii noddugol ɓe jertina ɓe, ado lette muusuɗe arde e maɓɓe, sabu ko ɓe woni e sirkannde kon Allah.

Nuuhu maakani yimɓe makko ɓen : ko onon yo yimɓe am, min ko mi jertinoowo on, ɓannginɗo jertinaango lette habbitiiɗi on, si tawii on tuubanaali Allah.

Jertinaango am ngon, ko wi'ugol on : rewee Allah tun, hara on kafidaali Mo e goɗɗum goo, huliron Mo ɗoftagol yamiraaɗi Makko e woɗɗitagol haɗaaɗi Makko, ɗoftoɗon lam e ko mi yamirta on kon.

Si on waɗii ɗum, Allah haforanany on junuubi mon ɗi humondiraaɗi e haqqeeji jeyaaɓe ɓen, O juutina laje mofte mon ɗen haa e happu mo Allah anndi, nguurnon leydi fotde hiɗon ñiiɓi e ɗum. Ko woni tun, maayde nden si hewtii, ngal nennetaake, si ɗon anndunoo ɗum, on tiiɗnorayno gomɗingol Allah, tuubun e sirku e majjere ko wonɗon e mun.

Nuuhu maaki : Joomi am, mi jokkindirii noddirgol yimɓe am ɓen e rewugol Ma e wootinɗine, jemma e ñalorma ko ewindii.

Kono noddaandu am ndun ɓeydaani ɓe, si wanaa dogugol wɗɗitoo ko mi noddata ɓe e mun kon.

Tuma kala kadi nde mi noddi ɓe e ko ɓe haforantee junuubi : wano rewugol Ma An tun, ɗofto Maa An e Nulaaɗo Maa on, ɓe uddira noppi maɓɓe ɗin kollin ɗin fii wata ɓe nanu, ɓe buumora comci maɓɓe ɗin fii wata ɓe yi'am, ɓe duumii e sirkugol ngol, ɓe townitanii jaɓugol noddaandu am ndun, mawnintinanoo ndu.

Refti Joomi am, mi noddirii ɓee e kene.

Refti mi townanii ɓe hito ka noddugol, mi gunndii ɓe gunndagol, mi noddiri ɓe noone fow.

Mi wi*ani ɓe : ko onon yo yimɓe am, ɗaɓɓiree Joomi mon tuubaneede, tawde O siforii wonnde Haforoowo junuubi kala tuubuɗo e jeyaaɓe Makko ɓen.

Si on waɗii ɗum, Allah jippiniray toɓo ngon e mooɗon, jokkondiral tuma haaju mon yani e maggo, hara on heɓataa kokke.

O yeɗay on jawle e ɓiɗɓe ɗuuɗuɓe, O waɗana on gese ɗe ñaamoton dimɗe mun, O waɗana on canɗi ka yaron yarnon gese e neemoraaɗi mon.

E ko heɓi on yimɓe am, on hulataa manngural Allah ngal, hiɗon yeddiral Mo yawitaare?

Gomɗii le O tagirii on sagara-sagara, immorde e maniyyu, hooti heɗɗere, hooti huyre.

E on yi'aali no Allah tagiri kammuuli jeeɗiɗi tegondirɗi, kammu kala ina e hoore nguya?

O waɗi lewru ndun ka kammu aduna, ina heen ndaygu yimɓe leydi ndin; O waɗi naange ngen kadi ndayginnge.

Ko Allah tagiri e leydi ndin e tagugol baaba mon Aadama e mayri, hooti ko e mayri wuurdaton ko ndi funnata.

Refti O ruttiray on e mayri ɓaawo on maayude, O yaltinira ummintineede e mayre yaltudee.

Allah waɗiranii on leydi ndin weertaandi hebliraandi ka hoɗee.

Fii no naatiron e mayri laawi yaajuɗi, ka ɗaɓɓiron arsike dagiiɗo.

Nuuhu maaki : Joomi am, yimɓe am ɓen salanike lam e ko mi yamiri ɓe wootinɗingol Ma rewa Maa kon An tun. Jaasuɓe ɓen e maɓɓe jokki hooreeɓe ɓe neeminirɗaa ɓen e maɓɓe jawle e ɓiɗɓe. Hara le kon ko neeminirɗaa ɓe ɓeydaali ɓe si wanaa majjere.

Hooreeɓe maɓɓe ɓen fewji feere mawnde, fii no ɓe cuynira jaasuɓe maɓɓe ɓen e Nuuhu.

Ɓe wi'ani jokkuɓe ɓen : wata on terto dey reweteeɗi mon ɗin : wata on terto rewugol sanamuuji mon ɗin Wudda, e Suwaa'a, e Ya'uuqhta, e Nasr.

Ko pellet, ɓe majjinirii yimɓe ɗuuɗuɓe, ɗii sanamuuji maɓɓe. Joomi, wata A ɓeydir tooñirɓe ko'e mun ɓen geddi e keeferaaku, si wanaa majjugol goonga.

Ko sabu goopi maɓɓe ɗi ɓe faggitinoo ɗin, ɓe yoliranoo waame ɗen, ɓe naadoyaa kisan ka Yiite ɓaawo maayde maɓɓe. Ɓe heɓanaano ko'e maɓɓe ko wanaa Allah, danɗndoowo ɓe yoolagol e sumgol.

Nde Allah humpitunoo Nuuhu wonnde hay gooto gomɗintaa e yimɓe maa ɓen si wanaa ɓeya gomɗinnooɓe, O maaki kadi: Joomi am, wata A accu e leydi ndin, hay keefeere gooto yiilatooɗo wollo dilloowo.

Ko pellet, si A nennanii ɓe An Joomi amen, ɓe majjinoyay jeyaaɓe Maa gomɗimɓe ɓen, ɓe jiidoytaako kadi si wanaa bonnooɓe ɓe ɗoftotaako Ma, tiiɗuɓe yeddugol ɓe yettatah neemaaji Maa ɗin.

Joomi am, haforanam junuubi am, min e jibimɓe lam ɓen, haforanaa kala gomɗinɗo naatuɗo ka suudu am, e gomɗimɓe worɓe ɓen e gomɗimɓe rewɓe ɓen; wata A ɓeydir tooñirɓe ko'e mun ɓen geddi e leeferaaku, si wanaa halkagol e hayrugol.

An Nulaaɗo, maakan mofte maa ɗen: Allah wahayinii e am, wonnde dental jinna heɗitike lam Baṭnu Nakhlah, miɗo jannga Alqur'aanaa. Nde ɗi ruttinoo ka jamaa majji, ɗi wi'ani ɗin : Menen men nani konngol hino janngee, haawniingol e ɓannginol e laaɓugol mun.

Ngol konngol ngol men nani, hino fewnira e peewal ka fiɓnde, e ka konngol e ka kuugal. Men gomɗinii nde. Men kafidataa e Joomi amen jippinɗo nde On, hay e gooto.

Men gomɗinirii Mo, tawde manngural Joomi amen ngal toowii, O siforaali jogitagol ɓeyngu, wanaa ɓiɗɗo.

E wonnde Ibuliisa hino wowlaynoo peenale e hoore Allah, ɓe dammba genndo ɓiɗɗo e Makko.

Menen men sikkuo wonnde sirkooɓe yimɓe e jinna ɓen wonah fenaande wowlunoo, fewndo ɓe aaƴinoo wonnde Allah no jogitii genndo e ɓiɗɗo. Men goongini ɓe men jokki ɓe.

Hari ado islaamu, worɓe yimɓe goo hino mooloraynoo worɓe jinna goo, tuma kala ɓe hewti e nokku hulɓiniiɗo, nanaa hiɓe wi'a: mi moolorii koohoojo ndee aynde, immorde e bone ɗaytuɓe yimɓe mun ɓen. Worɓe yimɓe ɓen ɓeydii hulugol ɗeƴnoo worɓe jinna ɓen.

Yimɓe ɓen sikkir no sikkirɗon non onon jinnaaji ɗin, wonnde Allah immintintaa hay gooto fii ñaaweede yoɓitee, ɓaawo maayde mun.

Men tefuno fii kammu ngun, men tawi hingu hebbiniraa Malaa'ka aynooɓe tiiɗuɓe, ko ayna ko men heɗitotonoo kon. Ngu hebbiniraa kadi yiite ko fiɗiree kala ɓadiiɗo ngu.

Hari meɗen jooɗotonoo ka kammu ton fii heɗagol ko Malaa'ika'en wowlata, men heɓa ko men humpita ndureeɓe leydi ndin, kono ɗum wayiima. Kala heɗitiiɗo e amen jooni, o hawray e docotal yiite, no o ɓadori, ngal sunna mo.

E wonnde men anndaa sabu ngol aygnugol kammu ngun. Hara ko bone faandoraa yimɓe leydi ndin? Kaa hara Allah faandani ɓe moƴƴere. Kumpite kammu ngun majjitorike men.

E wonnde menen jinnaaji ɗin, hino e amen gomɗuɗi ɗigguɗi, hino e amen kadi keeferi naafiqiiji. Hari ko men nooneeji seertuɗi.

E wonnde men yanano men laawotaako Allah seniiɗo On, si O faandanike men huunde, ko non kadi men laawortaa Mo dogugol, tawde Himo huɓindii men.

E wonnde nde men nanunoo Alqur'aana fewnaynde nden, men gomɗinno nde. Kala gomɗinɗo Joomi mun, on hulataa ɗuytaneede moƴƴi mun, maa ɓeydaneede bonɗi goo e hoore adinooɗi.

E wonnde hino e amen julɗuɗi jebbiliranii Allah ɗoftagol Mo, hino e amen kadi ooñiiɗi seli goonga e ñiiɓal. Kala non jebbiliranii ngii Allah ɗoftagol golla ko moƴƴi, ko ɗin woni faandiiɗi peewal e sawaaba.

Ooñiiɗi e laawol goonga e ñiiɓal ɗin kan, ɗi laatanike Jahannama on carmalle huɓɓinirɗe nge, kannji e yimɓe nannduɓe e majji.

Ko wano wahayiniraa non e makko fii dental jinna heɗinooɗi Alqur'aana ɗin, ko non kadi wahayiniraa e makko wonnde si jinna e yimɓe ñiiɓuno e laawol Islaamu ngol, ɓe gollitiri ko woni e mun kon, ko pellet, Allah yeɗayno ɓe ndiyam ɗuuɗuɗam, O neeminira ɓe kadi ko seertuɗi.

Fii no Men ndaarndora ɓe ɗam si ɓe yettay neema Allah on kaa hara ɓe yedday mo? Kala ɗuurniiɗo Alqur'aana e waajuuji ko woni kon e mayre, Joomi makko naadoyay mo e lette sattuɗe ɗe o townoytaa.

E wonnde juulirɗe ɗen ko Allah tun heeranii. Wata on rewidu e Allah ton hay e gooto, haa wa'on wa Alyahuuda e Annasaara'en ka cuuɗi dewe maɓɓe.

E wonnde tuma Muhammadu jeyaaɗo Allah (yo o his) darinoo himo rewa Joomi makko ka wi'etee : "Baṭnu Nakhlah", jinnaaji ɗin eɓɓuno fawondirgol e hoore makko, hakkee ɓiƴondiro fii heɗagol himo jannga Alqur'aana.

An Nulaaɗo, maakan ɓee sirkooɓe : Anndee ko Joomi am tun min mi rewata, mi kafidataa Mo e goɗɗum goo no wa'i woo.

Maakan ɓe : min on mi waawanaa on duñogol lorra mo Allah hoddirani on, wanaa fii pooɗugol nafa mo Allah ɗawi on.

Maakan ɓe : Hay gooto waawaa daɗndude lam e Allah si mi yeddii Mo; mi heɓataa kadi ko woori Mo ƴooñorde ka mi moolotoo.

Ko mi waawani on, ko yottingol ko Allah nulin mi kon e mon, e nule Makko ɗe O imminirimmi ɗen e mon. Kala yedduɗo Allah e Nulaaɗo Makko on, hara depporde makko nden ko ka Yiite Jahannama, o lutta e magge, o yaltataa poomaa.

Heeferɓe ɓen heddoray non e yeddugol haa si ɓe yi'oyii lette ɗe ɓe kammbirananoo ɗen aduna, ontuma ɓe anndoyto ko hombo ɓuri lo'ude ballo, ɓuri kadi fanɗude wallooɓe.

An Nulaaɗo, maakan ɓee sirkooɓe yedduɓe fii ummital : mi anndaa si tawii lette ɗe kammbiranaɗon ɗen hino ɓadii, maa si tawii ɗe happanaa lajal ngal Allah tun anndii fii mun.

Kanko seniiɗo On ko O annduɗo wirniiɗi ɗin fow. Huunde e ɗum wirnanaaki Mo. O ƴellintinantaa wirniiɗi Makko ɗin e hay e gooto. Ko Kanko tun heertorii ko O anndi fii mun kon.

Si wanaa mo Allah suɓii e Nulaaɗo, O ƴellintinay on ɗon ko O muuyi woo, O immina Malaa'ikaaɓe reenooɓe yeeso on Nulaaɗo ko ayna mo, fii wata mo wanaa Nulaaɗo ƴellito e ɗum.

Fii yo Nulaaɗo on anndu wonnde imminaaɓe ɓen ko adii mbo ɓe yottinii Nule Joomi mun ɗin, tawde Allah no huɓindori ko woni ka Malaa'ika e Nulaaɓe fow e mun ganndal. Huunde wirnaaki Mo fii maɓɓe. Himo mofti limoore kala huunde. Hay huunde suuɗaaki Seniiɗo On.

Ko an yo buumorɗo comci mun (woni Annabiijo Muhammadu yo o his).

Juulu jemma on, si wanaa seeɗa e makko.

Juulaa feccere makko si ɗa faala, maa ko ɓuri ɗum fanɗude haa yottoɗa etataɓal ngal.

Maa ɓeydaa ɗon haa wano tataɓe ɗiɗe, Ɓannginaa janngin maa Alqur'aana kin, no neworii.

Meɗen saatii tellinnde e maaɗa an Nulaaɗo, Alqur'aana. Ko nde Konngol teddungol, tawde hinde yowondiri e farillaaji, e keeri, e ñaawooje, e neediiji ekw.

Pellet, ko dewal tummbo jemma ngal, ɓurata battinnde e ɓernde, ɓuri botude konngol.

Anndu hino woodan-maa ferlitagol e golle maa ɗen e ñalorma, no hettanoraa janngugol Alqur'aana. Juulu jemma on.

Jantor Allah noone kala e janntooje ɗen, taƴo-ɗaa yahaa e Makko Kanko seniiɗo On, hattirde e taƴogol, hara hiɗa laɓɓinani Mo dewal.

Jeyɗo fuɗnaange e hiirnaage. Reweteeɗo e goonga alaa si wanaa Kanko. Jogito Mo tuuginorteeɗo maa e kala huunde.

Muñño e ko fennooɓe ɓen wowlata kon ɓe jaggita ɓe yenna; ɗuurno-raa ɓe ɗuurnagol ko lorra alaa e mu'un.

Wata aanu fii fennooɓe joomiraaɓe neemaaji aduna ɓen, accidam e maɓɓe; habbito-ɗaa ɓe seeɗa, haa laje maɓɓe timma.

Ko pellet, hino ka Amen laakara gaa, dummbirɗi tiiɗuɗi, e Yiite sunnay nge.

E ñaametee ɗeɗɗoowo e lookoƴere hakkee ko metti, e lette muusuɗe hoore ko ɓe yawtini kon.

Ɗen lette heɓayɗe fennooɓe ɓen, ko Ñalnde leydi ndin e pelle ɗen dilloyta waɗata, pelle ɗen wa'oya wa njaareeri ilayndi, hakkee kulaleeji.

Min nelii faade e mon Nelaaɗo ceedatooɗo golle mon ñande darnga, hono no Min nelduno e fir*awna nelaaɗo Oon woni Muusa-yo o his-.

Fir*awna woopi nelaaɗo nelaaɗo o faade e makko Min leptiri mbo lepte cattuɗe ka aduna yoolde mbo, e leptirde naatde yiite ka laakara, onon noon wotee ngoope nelaaaɗo mon heɓa mon ko heɓi mbo ko.

Hono kaɗraton pittaali mon ndeenon ɗi- si on yeddii Alla pennuɗon nelaaɓe Makko-ñalawma cattuɗo, takoowo sukaaɓe tokosɓe waɗde danndanndi sabu sattude kolol.

Kammu o na fetti sabu kulol, fodoore Alla nde ko wonoore sikke alah heen.

Pellet o waaju- coomɗo ɓannginde ko woni e o ñalawma e kul huli e caɗeele-, ko siftarinde nde goonɗinɓe naftoro to, kala faalaaɗo nanngude laawol jottinatngol faade e joom mum yo nanngu ngol.

Joomi maa an Nulaaɗo, hino anndi wonnde hiɗa juulira tummbere jemma e feccere jemma heen saanga, e tatabal jemma heen saanga, yogo e goonɗinbe na ummado e Ma, Alla na hoddira jemma e ñalawma, O tonnga waktuuli mum, Alla na anndi hoɗon mbaawi tonngude e limde ɗi, na satta e mon daraae ko ɓuri ko heewde e hembo, ko ɗuum saabi O yaafi on, njuule ko newanii on, Alla na anndi -onon- goondinɓe ma won e mon ñawɓe tampuɓe, woɓe na ɗatnoo ngam laaroyde arsuka, yogo na haɓa e heefereebe ngam yiilaade weluya Alla e toowde konngol Alla, na saɗa e ɓe ummaade jemma, tottiree juulde farlaande na timmiri, tottire askal nafkon jawle e laawol Alla, kala tottirɗon e moƴƴere, ndañon ko ɓuri ɗum moƴƴude e mawnude, yiila yaafeede ummaade ka Alla, Alla ko jaafatooɗo oon duttiiɗo faade e Makko e jiyaaɓe Makko ko O jurmotooɗo ɓe.

Ko an yo mojoriiɗo comci mun (woni Annabiijo Muhammadu yo o his).

Ɓaŋo renntinaa fii lepte Allah ɗen.

Mawninaa fii Joomi maa.

Laɓɓinaa hoore maa e junuubi, laɓɓintinoɗaa e soɓe.

Woɗɗito-ɗaa e rewugol sanamu.

Wata a okkiri fii Joomi maa ɓeydoraa ɗen golle maa ko ɓuri heewde.

Muññor fii Allah, e kala lorra ko heɓata maa.

Si wuttoyaama ɗiɗmun ka allaandu.

Haray ko nden woni ñalaande sattunde nden.

E hoore ɓen yedduɓe Allah e Nulaaɗo Makko on, nde wanaa newiinde.

An Nulaaɗo, accidam e mo Mi tagi on kañun tun, ka teege yumma makko, fewndo nde o alaano jawdi e ɓiɗɓe, on woni Waliid ibn al-Mughiirah.

Mi yeɗi mo jawdi ɗuuɗundi.

Mi waɗani mo ɓiɗɓe wonnduɓe e makko, tawdeteeɓe e makko tummbondire, ɓe seedataa e makko fii setagol, hakkee ko o ɗuuɗiraa jawdi.

Mi yaññani mo nguurndam e arsike e ɓiɗɓe, yaññudee.

Refti e hoore keeferaaku makko ngun, himo tamƴinoo nde mi ɓeydanta mo e hoore ɗum.

Wanaa no o sikkiri non ! Tawde o wonuno sanndalɗiiɗo e Aayeeje Amen jippinaaɗe e Nulaaɗo Amen on, o woni feenuɗo ɗe.

Aaray nde Mi fawata mo lette sattuɗe, ɗe o hattanoytaa ronnditagol.

O keefeero mbo neeminɗa ɗiin neemaali o miiliima ko o wiyata e Quraana ngam bonnude mbo, o hoddiri ɗuum e fittaandu makko.

O huɗaama o lepta hono no o hoddiri.

Refti o huɗa o lepta hono no o hoddiri.

Refti o ndaartandi ko o haalata.

Refti o ñirɓanii o ɓeydi ñirɓinaade, saanga nde o heɓaani ko o yuwri Quraana o.

Refti o runtii iimaan, o mawnikinii rewde e Annabi-yo o his-.

O wi*i: Ko Muhamadu addi ko, wonah haala Alla, kono ko ɗum mbilewu mbo o habrata ummaade woɓɓe.

Ko haala wonah haala Alla, kono ko ka haala aade.

Ma Mi naatnu o keefeero beɗi beɗi yiite, ngeen woni Saqara o muuse nguleeki henge.

Hol ko anndin Ma-aan muhamadu- ko woni yiite Saqara.

Nge heddatah hay huunde e leptateeɗe o singe arii e makko, nge accataa mbo haa o rutto no o laatarino nih, refti nge ara e makko kadi.

Sattunge sumgol e waylude guri.

Ina e dow mannge sappo e jeenay malayka, ko ɓeen ngoni reenooɓe nge.

Men waɗaali aynooɓe Yiite ngen, si wanaa Malaa'ikaaɓe, tawde neɗɗo waawaa ɗum. Abu Jahal fenuno fewndo o aaƴinoo wiide kanko e yimɓe makko ɓen ɓe waaway dartagol ɓen Malaa'ikaaɓe haa ɓe fuutoo e Yiite ngen. Hary non, Men waɗiraali limoore ɓen, si wanaa jarribagol yedduɓe Allah ɓen, fii no ɓe wowolira haala kan haala maɓɓe, lette ɗen sowanee ɓe, e fii no Alyaahuda yimɓe Tawreeta'en e Annasaara yimɓe Linnjiila'en fellitira fewndo jippagol Alqur'aana, wonnde ko nde goonginnde ko woni e Defte maɓɓe ɗen, e fii no gomɗimɓe ɓen ɓeydora gomɗinal tuma yimɓe Defte ɓen fottata e maɓɓe, e fii wata Alyahuuda e Annasaara e gomɗimɓe sikkito, e fii no murtuɓe e gomɗinal ɓen e heeferɓe ɓen wi'ira : hara ko honɗum Allah faandorii e ndee limooore haawniide? Ko wano ɓee yedduɓe ndee limoore majjinri non, goongimɓe ɓen feewiri ɗum, Allah majjinirta mo O muuyani majjugol, himo fewna kadi mo O muuyani feewugol. Hay gooto anndaa no koneeli Joomi maa ɗin fotata e ɗuuɗude, si wanaa Kanko tun. Yo Abu Jahal anndi ɗum, wi'unooɗo : Muhamaadu alaa wallooɓe si wanaa sappo e jeenay? O lamndori ɗum jalkitugol fenna. Haray ngen Yiite wonaali, si wanaa waaju wonannde neɗɗanke, fii ko o anndira mawngu Allah ngun.

Yo henane wanaa no yoga e sirkooɓe ɓen aaƴori non woniri, wonnde woɗɓe e maɓɓe waawanay halfinaaɓe Yiite ngen fii no ɓe fuutora. Allah woondirii lewru ndun.

O woondiri jemma si mbo runtiima.

O woondiri subaka si mbo jalbii.

Ko pellet, Yiite Jahannama ngen, ko jeyaange e musiibaaji mawɗi.

Ko nge jertinirnge e hulɓinirnge yimɓe ɓen.

Wonannde yiɗuɗo woo e mo'on onon yimɓe ɓen, nde o yaccotoo e gomɗingol Allah golla ko moƴƴi, maa o nennora keeferaaku e geddi.

Wonkii kala ko fagiikon e golle nanngirte, Ko si tawii golle makki halkay fii makki, maa si tawii hara ɗe daɗnday ki.

Si wanaa gomɗimɓe ɓen, ɓen ɗon nanngitiroytaake goopi mun, ɓe yawtanoyte ɗin, sabu golle maɓɓe moƴƴe ɗen.

Ɓe wonoyay Ñalnde Darngal e nder geese, hara hiɓe lamndondira hakkunde maɓɓe.

Fii heeferɓe halkirɓe ko'e mun ɓen golle geddi.

Ɓe wi'ana ɓen : ko honɗum naadi on Jahannama?

Heeferɓe ɓen jaaboo ɓe : men jeyanooka e juulaynooɓe farlaaɗe ɗen e nguurndam aduna.

Men jeyanooka kadi e ñamminaynooɓe waasɓe ɓen e ko Allah yeɗi men kon.

Hari kadi ko yimɓe meere ɓen min yiiladaynoo e mun, men yewtida e majjuɓe bewɓe ɓen.

Hari kadi men fennayno fii ñalaande njoɓdi kuuɗe nden.

Men woni e fennugol ɗum, haa maayde nden arani men, men ronkii tuubude.

Nafataaɓe ñande darnga tefoore tefooɓe foti ko malayka wolla annabaaɓe e moƴƴuɓe, sabu ina e sarteeli tefngo weluya tefanteeɗo.

Honde huunde taki ɓe sirkuɓe na ɗuurnoo Quraana?

Hoɓe mba*i e ɗuurnagol mum en e dokgol mum en e bamɗi ladde cattuɗi dokgol.

Dokɗi mbaroodi ngam hulde ndi.

Gooto e sirkuɓe na faala nde wonata e hoore makko deftere saraande hollre wonde Muhamadu ko nelaaɓɗo ummaade ka Alla, ɗum noon sababu mum wonah famɗude daliil wollo lohde ɗi, kono tagi ɗum ko sanndalinde e mawnikinaade.

Huunde nde wonah hono noon, woni sabaabu doonaade ɓe e majjere mum en ko ɓe goonɗinaani lepte laakara, ɓe keddii e keeferaagal mum en.

Pellet Quraana ko waaju e siftanirde

Kala faalaaɗo nde o janngata Quraana o waactaroo mbo, o jannga mbo o waactaroo mbo.

ɓe mbaactataako si wonah tawi ko Alla faala nde ɓe mbaactato, ko Kanko ceniiɗo O haandi e hulireede siinude jamirooje Mum e reentaaade kaɗaaɗe Makko, Hombo haandi e yaafaade maccuɓe Makko si ɓe tuubi.

Alla woondirii ñande darnga, ñande aade ndarato ngam Jom binnde.

Alla woondiri felooru joom mayru sabu raɓɓiɗinaade e golle lobbe, e golludee ko boni, O woondirii ɗee geɗe ngam duñde aade en e miilaade njoɓdi e haasbeede.

Mbela aade sikkat Min ndenndintah ƴi*e makko caggal maayde ngam ummitinde mbo.

Oho kay, emin kattani ruttude gulle peɗeeli makko tagu potondirɗo no o wa*unoo nih.

Aade faala ko yeddude ummital haa o doono e saay saayagal makko ko arata ko aldah e kaɗoowo.

Hombo naamnoro e mbaaadi yeddude ñande darnga: ndey mbo arata?.

Si yitere weemii nde muga saanga nde nde yi*i konde fennatnoo ko.

Ndaaygu lewru yahi.

Renndina ɓanndu naange e lewru.

Aade faajir wi*a e oon ñalawma: hoto dogirde woni?.

Alah dogdu alah e oon ñalngu, moolorde alanah saay saay, wonah reentorde nde o reentorto.

Ko e joom Ma-aan nelaAɗo- woni ruttorde e battane ngam haasboore e ñobdi.

Aade na habree ñande heen ko o ardini e golle makko, e ko o leelni heen.

Ko woni ko aade na seedo e fittaandu makko sabu seedaade terɗe makko ko faggiti e bakkatuuji.

Hay si o addi ngantuuji ɗi o yeddirta fittaandu makko ko o golli ko e bone ɗi nafataa mbo.

Woto dillin-aan nelaado-ɗemngal Ma e Quraana haa njaawnaɗa woto mbo ɓoccito Ma.

Pellet na woodani Amen renndinde mbo e ɓernde Ma, e tabitide janngugol mbo e ɗemngal Ma.

Si Nelaaɗo amen Jibriil janngii e ma hetta njanngiin Makko o.

Refti ko e Amen fawii firde mbo.

Alah, fiyaaku o wonah no nodditoiriɗon waasde woodeede ummital, hoɗon nganndi tagɗo mon ko adii na waawi mon wuurtinde caggal maayde, kono saabi yeddude mon ummital ko yidde mon nguurndam aduna gasajam ko yaawi.

Accon nguurndam laakara ɗam laawol mum woni siinude yamiroore Alla, e accude kaɗaaɗe Makko karminaaɗe.

Geece jom en iimaan e malal e oon ñalngu na pooyni.

Hoɗe ndaara joom mum en wondude e dakmitaade.

Geece heeferɓe hiitaaɓe e oon ñalngu ko ñirɓaniiɗe.

Na yanana nde telloto e mum lepte mawɗe muusɗe.

Wonah no sirkuɓe mbi*i nih wonde si ɓe maayi ɓe leptetaake, si fittaandu gooto e mum en yottiima e bororde.

Wi*a yogo e yimɓe wonande woɓɓe ɓe: Hombo moccata o ngam o sella.

O yanane oon gonɗo sukraat ndeen de woni ceertirgol makko e aduna sabu maayde.

Caɗeele ndenta saanga gasirde aduna e fuɗɗorde laakara.

Si ɗuum laatiima maayɗo soggee faade e joom makko.

Oon keefeero o goonɗinaani ko nelaaɗo addi ko, o juulaani sabu Alla.

Kono o fennu o ɗuurnii.

Refti o keefeero yahi to koreeji mum hombo ñaaƴa e yaadu mum ngam mawnakinaare.

Alla kammbanii keefeero o wonde lepte ɓadiimo mbo.

Refti O filli haala ka O daali: Hlalkaare woodanii ma e halkaare.

Mbela aade sikku Alla accat mbo dudoowo mbo fawaaka hay ndiga.

Mbela aade wonaana toɓɓere maniyyu yuppaande e rannga.

Refti o wonti caggal ɗuum heɗɗere fenndiinde, refti Alla tagi mbo, O laatini mbo tagu pooctiiɗo.

O waɗi e lenyol makko nooneji ɗiɗi: dewel e gorel.

Mbela oonn tagɗo aade e tobbel maniyyu refti heɗɗere hattanaani wuurtinde maayɓe ngam haasbeede e yoɓeede laawol goɗngol?Oho kay, hombo hattani.

Wirtiima e aade dummuna juutɗo nde o wonno baasaaɗo mbo haalatenooke.

Min tagrii aade toɓɓere jillunde ndiyam gorko e debbo, Min njariboo mbo ko Min pawi mbo ko e pawe,Min laatini mbo nanoowo ji*oowo ngam o siina ko o fawa ko e sariyaaji.

Min kollii mbo e ɗemɗe nulaaɓe laawol peewal, ɓanngani mbo e laawol majjere, caggal mum o wona peewɗo o sukka e laawol peewal, o wona jiyaaɗo goonɗindo jettoowo Alla, wollo o wona majjudo maggol, o wona maccuɗo keefeero jedduɗo kaawisaaji Alla.

Pellet Min nkeblanii heeferbe yeddube Alla e nelaaɗo Makko callalle daasrateede faade yiite, e tonngi ko o tonngira toon, e yiite huɓɓe.

Pellet goonɗinɓe ɗoftiiɓe na yara ñande darnga e kaas sanngara keewɗo jillaaɗo kaafuur mbo uurangol belngol.

ɗam njaram keblaɗam wonande ɗotiiɓe ko e seewnde newiinde heɓde woni yuppatoonde nde gasatah, honde ɗomɗatina jiyaaɓe Alla, hoɓe ilnande noɓe faalira fof.

Sifaaji maccuɓe yarooɓe e ndeen seewnde woni huuɓnude aadi e dow pittaali mum en ko faati e ɗoftaade Alla, hoɓe kula ñalawma mbo bone mum sarato saako ko oon woni darnga.

Hoɓe nyammina nyaamdu wondude e yiɗdeɓe nduun ñaamdu e tuuya mum en e hendu, ɓe ñammina waasɓe e miskiin en e alyatiime en.

ɓe cuuɗa e pittaali mum en wonde min ñammanirta on ko sibi Alla, ɓe faalaaka heen njoɓdi wonah mantoore.

Pellet min kuli ko ummaade e joomi amen ko ñalawma mbo geece hiitaaɓe tumminto sabu sattude mbo.

Alla reeni ɓe e bone oon ñalawma mawɗo, O okki ɓe njooɗndam e geece pooynuɗe, ngam teddinde ɓe, e weltinde ɓerɗe mum en.

Alla barjiiɓe ko ɓe muñi ko e ɗoftaade, e munyal e hoddiraaji Alla, aljannaaji ɓe neemo hen, e hariir mbo ɓe ɓoornato.

Hoɓe tuugni heen e leece cuɗaaɗ, ɓe yi*atah toon naange nge ciinsiinɗe mum lorata, wonah jaangol cattungol, ko e ɗowdi nduumiindi ndi alh nguli wonah ɓuuɓol ɓe ngoni.

Na ɓadiiɓe ɗowdi hembo, na eelta ɓesnaaɗe hembo ñaamooɓe ɓe ñaama e newuya, hay gajjiido e jooɗiiɗo e dariiɗo fof na keɓa.

Liggatooɓe taarnaɓe ngennduwon feewnirkon kaalis, e kaaseeje laaɓtuɗe mbaadi saanga yarde.

Noɗe mba*i laaɓde mbaadi a sikkat ko weer ɗe peewnira kono tan ko kaalis ɗe feewnira, hoɗe potndira no ɓe faalda nih, ustaaki ɓeydaaki.

Na yrnee ɓe teddinaaɓe kaas sanngara jillaaɗo janjabiil.

Hoɓe njara e swnde ka aljanna na wiyee sal sabiil.

Na yiilo e mum en ka aljanna sukaaɓe heddiiɓe e cagataagal mum en, si a yi*iiɓe sikka koɓe lu*u lu*u sabu ɗaatde e yooɗde geece mum en.

Si a yi*ii ko woni ka aljanna, yi*a neema mbo waawah sifeede, yi*a laamu manngu ngu laamu waawatah ɓadaade e mawnude.

Na e dow ɓalli mum en comci hariir jooɗɗi koyɗi, e diibaaj tekkuɗo ɓe ɓoorne jawe kaalis, Alla yarnaɓe njaram ɗam jillaani ko lorata.

Hoɓe wi*anee teddinde ɓe: O neema mbo totteɗon ko njoɓdi golle mon lobbe, golle mon laatiima jaɓaaɗe.

Ko Minen tigi tellini e Ma-aan nelaado-Quraana ceerndaaɗo, Min tellinaani mbo laawol gootol.

Muñ ko Alla ñaawi e hoddira e sariya, woto ɗofta bakkainoowo ko o noddata ko e bakkaat, wonah keefeero ko o noddata ko e keefeeru.

janta Innde joom ma saanga juulal subaka,e saanga juulal sakket takkusaan.

Innu Mbo e juulɗeele ɗiɗe jemma: Futura e geeƴe, hinkaƴina caggal majje.

Ɓe sirkuɓe na yiɗi nguurndam aduna hoɓe ndeerɗi e majjam, hoɓe ngacca caggal mum e ñande darnga, oon ko nisɗo, sabu ko woni ko e hembo e caɗeele.

Ko Minen tagi on Min cemmbiniri tagu mon semmbinde jokkorɗe mon e tere mon, si Min faalaama halkude on Min ngosto toon yeru mon, Min kalka on Min ngosto mon.

Nde simoore konde waajo e siftanirde, kala faalaaɗo nanngude laawol yottaade e weluya Alla nannga ngol.

On faaletaake nanngude laawol peewal si wonah Alla faalanee on ɗuum, fof ko e Alla ruttato, Alla na anndi ko moƴƴanta jiyaaɓe Makko, e ko moƴƴaani e mum en, ko O ñeeña e tagu Makko e hoddira e sariya Makko.

Hombo naatna mbo O wela e jiyaaɓe Makko e yurmeende Makko, O hawrinaɓe e iimaan e golle moƴƴe, O heblani tooñruɓe ɓe pittaali mum en keefeeru e goopi lepte muusɗe ka laakara, ko ɗuum woni lepte yiite.

Alla woondirii keneeli dewandirɗi hono siiru puccu.

O woondiri keneeli bippooji bippugol.

O woondiri keneeli carooji toɓo cargol.

O wooniri malayke en tellinooji ko seernata hakkunde goongo e meere.

O woondiri malayka en tellinooji wahyu.

Hoɗi tellina wahyu okkoowo ngantu ummaade ka Alla faade e aade en e jeertinde ɓe lepte Alla.

Ko podante ɗon ko e ummital e haasbeede e njoɓdi ko ko arata sikke alah heen.

Si annoore koode e ndaaygu mum momtaama.

Si kammu on fettii sabi tellaade Malayka en e mammba.

Si pelle ɗuggitaama e nokku mum en ɗe kelta haa ngonti sollaaru.

Saanga nde Nelaaɓe ndennina e waktu dottaaɗo.

ñalawma mawɗo dirtinaama ngam seedaade e leƴƴi mum en.

E ñalngu ceerndugol hakkunde jiyaaɓe, feeña hakkunde mbo goonga e mbo meere, e malaaɗo e kiitaaɗo.

Hol ko anndin Ma-aan nelaaɗo-ko woni ñalngu ceerndugol.

Halkaare e lepte e perte e oon ñalawma woodanii fennuɓe ko nelaaɓe ngaddi ummaade ka Alla.

Mbela Min kalkaana leƴƴi gadinooɗi nde njedduno penni Nulaaɓe mum en?.

Refti Min bndewna heen cakkatiiɓe ɓe, Min kalkaɓe no Min kalkiri mon nih.

Ko hono no Min kalkiri ɗiin leƴƴi, Min kalkirta fennuɓe ko Nelaaɗo addi ko.

Halkaare e lepte woodanii wonande ɓeen fennooɓe njbdi mum en ñande ñalngu njoɓdi.

Mbela Min tagaani mon- onon aade en-ummaade e ndiyam kouɗam ko ɗaam woni toɓɓere maniyyu.

Min mbaɗi ndiyam ɗam e nokku deenaaɗo ko oon woni rannga debba.

Haa e dumunna ganndaaɗo ko oon woni yonto caawgol suko.

Min koddiri sifa jibinaaɗo o mbaadi makko e ko nanndi heen, heskey Oon koddirɗo ɗuum fof Minen.

Halkaare e lepte e perte woodanii wonande ɓeen fennooɓe baawal Alla.

Mbela Min mbaɗaani leydi ndi na sooma aade en fof.

Hondi renndini wonɓe heen wuurɓe e maayɓe ubbaaɓe e hendi .

Min mbaɗi e hendi pelle tabitɗe, na ndeena ndi e dillude toowɗe, Min njarndi mon ndiyam mbelɗam, tagɗo ɗuum horataaka umminde mon.

Halkaare e lepte woodanii wonande ɓeen fennooɓe njoɓdi mum en ñande ñalngu jnobdi.

Wiyanee fennooɓe ko nelaaɓe ngaddi ko- onon fennoobe- kuuƴe faade ko pennatnaɗon ko e lepte.

Njahee faade e mbeelu cuurki yiit mbanndi cate tate.

Ɓuuɓol ɗowdi alah toon, ndi haɗatah lew lewndu yiite e nguli mum yande e mon.

Yiite nge na werlo peete, kala heen wootere Alla no mawniri a sikkat ko huɓeere.

Peete werleteeɗe Alla noɗe ɓalwiri e noɗe mawniri a sikkat koɗe geloobi ɓaleeji.

Halkaare woodanii wonande ɓeen fennooɓe njoɓdi mum en ñande ñalngu jnobdi.

E o ñalngu ɓe kaalatah hay huunde.

Ɓe cakkitantaake sabu ɓe ngantina faade e joom mum en ko faati e keefeeru e bone mum en, ɓe ɗaɓɓira Mbo ngantu.

Halkaare e perte woodanii ɓeen fennooɓe kabaruuji ñalngu jnobdi.

O ko ñalngu ceerndugol hakkunde tagaaɗe, Min ndenndinii on e leƴƴi gadiiɗi e dingiral gootal.

Si tawii hoɗon ndañi feere nde puuntiraton haa ndaɗon e lepte Alla pewjanee lan.

Halkaare woodanii wonande ɓeen fennooɓe njoɓdi mum en ñande ñalngu jnoɓdi.

Pellet ɓeen reentiriiɓe joom mum siinude jamirooje Alla e reentaade kaɗe Makko, hoɓe e nder ɗowdi lekɗe aljanna e ceewle ndiyam belɗe ilooje.

E ɓesnaaɗe ɗeɓe tuuyate ñaamde.

Ɓe wi*anee:ñaame e laaɓɗi, njaron njaram mbelɗam ɗam alah lorla, sabu ko golle mon moƴƴe ka aduna.

Yeru ndi njoɓdi ndi Min njoɓi mon, ko hono ndi Min njoɓirta labinɓe golle mum en.

Halkaare e lepte e perte woodanii ɓeen fennooɓe ko Alla heblani hulɓe e jnoɓdi.

Fennuɓe ɓe na wiyee:ñaame ndakmitaɗon e wela wela nguurndam tuma setta ka aduna, ko on bonɓe sabu ko pennuɗon ko Alla e nelaaɓe Makko.

Halkaare woodanii wonande ɓeen fennooɓe njoɓdi mum en ñande ñalngu jnoɓdi.

Si ɓee fennooɓe mbiyaama: njuule ngam Alla ɓe njuulatah.

Halkaare e lepte e perte e oon ñalawma woodanii fennuɓe ko nelaaɓe ngaddi ko ummaade ka Alla.

Siɓe goonɗinaani oo Quraana tellinaaɗo ummaade ka Alla honde yeewtere woɗnde ɓe goonɗinta?.

Ko ɓee sirkuɓe naamnandirta caggal de Alla neli e mum en nelaaɗo Makko-yo o his-

Hoɓe naamnandira kabaaru mawɗo on, oon woni Quraana tedduɗo tellinaaɗo e nelaaɗo mum en coomɗo kabaaru ummital.

O Quraana mbo ɓe luuri e mum e koɓe cifatoo mbo ko, wonde kombo mbilewu wolla jime wollo wageyaagal wolla tinndi adiiɓe.

Wonah noɓe ngaaƴarii nih, ɓee fennuɓe qurana maɓe nganndu batte pennugol maɓɓe bonngol.

Refti teentana ɓe ɗuum.

Mbela Min mbattaani leydi ndi keblaandi wonande ɓe, lobbundi ngam ñiiɓal mum en.

Min mbaɗi pelle ɗe penɗe na haɗa leydi ndi dimmbaade.

Min tagi on onon yimɓe nooneeli: worɓe e rewɓe.

Min mbaɗi ɗoyngol mon taƴaade gah e golle ngam pooftaɗon.

Min mbaɗi jemma o ko cuuroowo on hono niɓe jemma mbo cuurdaton awraali mon.

Min mbaɗi ñalawma o lefu faggitaade e yiilaade arsuka.

Min mahi dow mon kammuuli jeeɗiɗi cattuɗi mahnga ñeeñuɗi gollal.

Min mbaɗi naange nge lampu cattuɗa kuɓɓam e njalbeendi.

Min tellini ummaade e duule potɗe toɓde ndiyam njuppajam sanne.

Ngam Min yaltina heen noone gabbe, e noone puɗi.

Min njaltina heen gese pilandirɗe leɓɗɗ ngam naatandirde cate mum.

Pellet, ñalawma ceerndugol hakkunde tagaaɗe laatiima ko ka dotta e waktu mbo luutndataako.

Ñande Malayka o wutti e allaadu he wuttannde ɗimmere, ngaron-onon yimɓe- pelle pelle.

Kammu on uddite mbo wonta hono dame udditaaɗe.

Pelle ɗe mbaɗaa jahooje haa ɗe ngonti punndi nduuyndi, ɗe mba*i hono merere.

Pellet yiite jahannama nge wontii tommbii nge.

Nge wonanii bewɓe ɓe ruttorde kaɓe nduttato.

ɓe ñiiɓa toon yontaaji ɗi ngalah happu.

ɓe meeɗatah toon henndu ɓuuɓndu ustooru nguli Sa*iir, wonah ndiyam ɓuuɓɗam kono dakmitire.

ɓe meeɗatah si wonah ndiyam ngulɗam jaw, e ƴiiƴiiri ciiwatoondi e yimɓe yiite.

Njobdi yaadundi e koɓe wonno ko e dow mum ummaade e keefeeru e majjere.

Pellet ɓe e aduna ɓe kulaano haasboore Alla ka laakira, sabu ɓe ngoonɗinaani ummital, siɓe ngoonɗinna ummital ɓe ngoonɗinatna Alla, ɓe golla ko moƴƴi.

ɓe penni aayeeje Amen tellinaaɗe e Nelaaɗo Amen pennugol.

Kala huunde e golle mum en Min tonnggiɗe Min limi, tawa na winnda e ɗeri golle mum en.

Meeɗe -onon bewbe- ɗee lepte duumiiɗe, Min ɓeydantah on si wonah lepte e dow lepte mon.

Pellet na woodani hulirɓe Alla siinude ko O yamiri e accude ko O haɗi, nokkere malal nde mbo ɓe ndañata faalee mum en ko ɗuum woni aljanna.

Gese e inabeeje.

E ƴoolnuɓe fotɓe duuɓi.

E kaas dolo keewɗo.

Ɓe nanatah ka aljanna haala meere, wolla fenaande, ɓe penandirtah.

ɗum fof ko dokke Alla jonɗe.

jom kummuuli e leydi e ko woni hakkunde mum en, jurmotooɗo aduna e laakara, denndaangal ko woni e kammu e leydi ngalah hakke naamnaade Mbo si wonah O sakkitan ɓe ɗuum.

Ñande jibriil ummii tawa malayka en na waɗi saffeeli, ɓe haalatah e tefande hay gooto si wonah mbo jurmotooɗo sakkitani tefoore, o haala ko feewi, ko ɗuum woni konngol tawhiid.

ɗuum ko cifanaɗon woni ñalngu mbo alah sikke gargol mammba, mbo faala daɗde e lepte Alla yo o nanngir laawol golle lobbe ɗe Alla welete faade heen.

Min njeertanii on-onon aade en- lepte ɓadiiɗe yande, ñande aade ndaari ko gollunoo ko ka aduna, keefeero o wiya ngam wooɗeede iwde e lepte: haaniina mi wonta leydi hono no kulle ɗe nih, saanga nde ɗe mbiyate: ngontee leydi.

Alla woondiri malayka en pooɗooji pittaali heeferɓe pooɗgol cattungol.

Alla woondarii malayka en ittatɗi pittaali goonɗinɓe e mbaadii newiindi.

Alla woondarii malayka en lummbatooɗi ummaade kammu faade leydi e yamiroore Alla.

E Alla woondarii malayka en gadandiratɗi gadandirgol fii siinude yamiroore Alla.

Alla woondarii kadi malayka en ciinooji ko Alla yamiri e ñaawoore Mum hono malayka en wakkilaaɓe golle jiyaaɓe, O woondarii ɗum fof wonde ma O umminɓe O haasba ɓe O yoɓa ɓe.

ñande leydi ndi ndimmbii saanga wuttaango adano.

Rewa e nduu wuttaandu wuttaandu ɗimmuru.

ɓerɗe heefereeɓe e faasigeeɓe ñande heen na kuli.

Na feeña e gite mum en batte koyeere.

Hoɓe mbiyatnoo: Mbela min nduttoto e nguurndam caggal min maayi.

Mbela si min ngontii ƴi*e dappuɗe min nduttoto no min ngonruno nih.

ɓe mbi*a: si min nduttiima, ngool duttagol wona duttagol pertungol, joom mum wona puuntaaɗo.

Fiyaaku ummital na newii, ɗuum ko wuttaango wooto ummaade e malayka bakkilaaɗo wuttude.

Ndeke tan denndaangal wuurɓe e dow leydi caggal ndeɓe ngonnoo maayɓe e nder reedu mayri.

Mbela arii e Ma-aan nelaaɗo- kabaaru Muusa wondude e joom Makko e wondude e gaño makko fir*awna.

Tuma nde joom makko ceniiɗo O noddimbo ka caatngol Tuwa laɓɓinangol.

O maakini mbo e ko maaki: yahu ka fir*awna o yawtarii keerol tooñde e mawnikinaare.

Maakan mbo: Mbela woodanaani ma-aan fir*awna- nde laaɓataa e keefeeru e goopi.

Mi feewnu ma faade e joom ma Oon takɗo ma O reen ma kulaa Mbo, ngollaa ko welata Mbo, ndeenaɗa ko mettata Mbo.

Muusa holli mbo maande mawnde nde holliroonde wonde ko O nelaaɗo ummaade e joom makko, ko ndeen woni junngo ngo e sawru ndu.

Fir*awna alah ko waɗi si wonah fennude nde maande, o woopi ko joom makko yamiri ko Muusa-yo o his-.

Refti o ɗuurnii goonɗinde ko Muusa addi ko o tiiɗnii e woopde Alla.

O renndini yimɓe makko e sukkuɓe e makko ngam foolandirde e Muusa o noddi o wii:

Miin woni joom mon ɓurɗo toowde, ɗoftaare woonanaani mbo wonah miin e dow mon.

Alla nanngi mbo O leptiri mbo e aduna yoolaade e maaya, O leptiri mbo laakara naatnude mbo e lepte cattuɗe sanne.

Wonii e halkude fir*awna aduna e laakara waaju wonande kulɗo Alla, ko oon naftorto waajuuji.

Mbela ko woodnude mon-onon fennuɓe ummital- ɓuri sattude wolla ko woodnude kammu mbo mahi o ɓuri sattude.

O waɗi mbildi mammbo ko toowndi, O waɗi mbo potondirɗo, mbo alah petti wolla ayiiba.

O niɓɓaɗini jemma makko si naange mutii, O feññini annoore makko si naange fuɗii.

E leydi caggal nde O tagi kammu O werti ndi, O waɗi e mayri nafooje mayri.

O yaltini e mayri ndiyam ceewle ilooje, O fuɗni heen puɗi ngam durngol kulle.

E pelle ɗe O laatin ɗe tabitɗe e dow leydi.

ɗum fof ko nafooje mon-onon aade en- e daabe mon, O tagɗo ɗum fof ronkatah ruttude ɗum e laawol goɗngol.

Si wuttaango ɗimma ngo arii ngo huurdi kala huunde e kulhuli, darngo darii.

ñalawma mbo ari aade siftoro ko o golluno, foti ko ko lobbi wollo ko boni.

jahannama adde ɓannginane wonande yi*oowo.

Tawi ko oon palguɗo keerol e nder majjere.

O ɓurni nguurndam aduna ngasajam e dow nguurndam laakara keddoto ɗam.

Pellet ko yiite woni ñiiɓirde makko nde o hoɗata.

Tawi ko oon kuldo daraade e yeeso joom makko, o haɗi fittaandu sukkude e belaaɗe e ko Alla harmini ko aljanna woni galle makko.ɗƴñƴñ

Tawi ko oon kulɗo daraade e yeeso joom makko, o haɗi fittaandu sukkude e belaaɗe e ko Alla harmini ko aljanna woni galle makko.

Na naamna ma-aan nelaaɗo-fennooɓe ummital ndey darnga darato.

Woodanaani Ma ganndala daragol darnga saka kaalanaa ɓe ɗum, te ɗum wonah ko mah, wonan ma ko heblanaade ɗum.

Ko e joom ma gooto tan woni haaɗtirde ganndal darnga.

Ngonɗaa tan ko jeertinoowo kulɗo darnga, sabu ko oon woni naftoroowo jeertingol Ma.

Elle ñande ɓe ceedii darnga, ɓe ñiiɓaani si wonah kikiiɗa yel e nguurndam mum en aduna wolla subaka yel gootel.

O ñirɓanii o runtii.

Sabu arde Abdullaay Ibnu ummu Maktuum hombo ɗaɓɓa peewal,ko o gumɗo o wonnoo,o ari tawi nelaaɗo na sokliri mawɓe sirkuɓe ngam O feewnaɓe.

Hol ko anndin Ma-aan nelaaɗo- yaama oo gumɗo laaɓa e bakkatuuli makko.

Wollo o waajito ko o nanata ko e ma e waajuuli o naftaroo ɗi.

Tawi ko oon jonaaɗo hoore makko ngalu makko o acci iimaan e ko ngadduɗa ko.

Aan haɗa faloo mbo haɗa hucca e makko.

Hol ko heftoto Ma si o laaɓiraani e bakkatuuji makko ruttaade e Alla.

Tawi ko oon gaɗo e ma hombo yaha ngam yiilaade moƴƴere.

Hombo huli Alla.

Aan noon haɗa sokliri mawɓe heeferɓe gaa e makko.

Wonah noon huunde nde wa*i, huunde nde kay ko teskuya wonande jaɓoowo.

Kala faalaado jantoo mbo, o waajitoroo ko woni ko e Quraana.

Oo quraana mbo woni ko e ɗereeli teddinaaɗi ka malayka en.

ɓamtaaɗo toownaaɗo; ceniiɗo mbo soɓe mematah.

Hombo e juuɗe malayka en nulaaɓe.

Tedduɓe ka Alla, heewɓe golle lobbe.

Huɗaama aade alah ko ɓuri mbo sattu keefeeru.

E honde huunde Alla tagiri mbo haa o mawnikinii e dow leydi o yeddi Mbo?.

E ndiyam setta O tagri mbo, O waɗi tagu makka taaɓe taaɓe.

Refti O newnani mbo caggal ɗee taaɓe laawol no o yaltiri e reedu neene makko.

Refti caggal nde O hoddirani mbo wuurde e nguurndam O wari mbo, O waɗani mbo e yenaande o heddoo heen haa ummital.

Refti si O faalaama O ummitina mbo ngam haasbeede e yoɓeede.

Wonah noon huunde nde keefeero o sikki wa*i hono wonde o tottii ko Alla haandi ko e dpow makko e hakkeeli, alah o tottiraani ko o fawaa ko e farillaaji.

Yo aade keefeero o ndaar ñaamdu makko ndu o ñaamata hono o heɓri ndu.

Woni asli mum ko ndiyam telliɗam ummaade e kammu e mbaadi keewndi.

Refti Min pettini leydi ndi, ndi yaltini puɗi.

Min puɗni heen gabbe hono makkaari e bele e ka nanndi heen.

Min puɗni e hendi inabu e huɗo ngam jaɓnde daabe.

Min puɗni e hendi oliv e tamara.

Min puɗni e hendi gese keewɗe leɗɗe.

Min puɗni e hendi muuyanteele e ko daabe ndurata.

Ngam wona nafoore mon e nafoore daabe mon.

Si haacaango manngo cukkoowo noppi ko ngoon woni ɗimmo ngo arii.

ñande aade dogi musiɗɗo makko.

O doga neene makko e baaba.

O doga cuddiiɗo makko e ɓiɓɓe makko.

Kala gooto e mum en na sokliri ko o woni ko e dow mum ummaade satteende suna oon ñalngu.

Geece malaabe ñande heen pooyni.

Hoɗe njala hoɗe mbeltii.

Geece hiitaaɓe e oon nyalngu ina e dow mum sollaaru.

Na hippaɗe niwre.

Sifariiɓe ɗii sifaali ngoni renndinɓe keefeeru caay saagal.

Si kammu renndinaama annoore mum yahi.

Si koode caami ndaaygu mum momtii.

Si pelle ndillinaama ittaa nokkuuli mum.

Si naagaaji coowɗi ɗi jom mum en pompandiratno mbelsindaama ɗi ngacca.

Si kulle ladde ndenndinaama e aade en e nokku gooto.

Si maaje kuɓɓaama haa ngonti yiite.

Si pittaali cinndindiraama e ko ɗi nanndi, hulndu Alla cinndindire e hulndu Alla, saay saayeeru cinndindire e saay saayeeru.

Si Alla naamniima deyel ubbanangel na wuuri.

Hol bakkaat wardi ngel barɗa ngel o.

Si ɗeri golle jeyaaɓe caaktaama, haa gooto fof jannga ɗerewol mum.

Si kammu o huttaama hono no dammuwol huttirte nih.

Si yiite huɓɓaama.

Si aljanna ɓallinaama hulɓe Alla ɓe.

Si ko haala ko fof arii fittaandu annda kondu tawni e golle nder oon ñalawma.

Mbeɗa woondira koode birniiɗe ko addi ndeɗe pudata saanga jemma.

Dogooje e falakuuli mum wirnatooɗe saanga subaka ari hono lelli naatɗi e koɗrɗe mum.

Mi woondarii arwannde jemma si mbo arii e arde, e si mbo arii e runtaade.

O woondiri subaka si annoore mum arii.

Pellet quraana telliiɗo e Muhamadu-yo o his-ko haala Alla ko malayka koolaaɗo yottini mbo, oon woni jibriil-yo o his- mbo Alla hoolii.

jom semmbe jom daraja ka jam arsi Ceniiɗo.

Na ɗoftii mba ɓe kammu, koolaaɗo ko O yottinta ko e wahyu.

Muhamadu-yo o his- gondiijo mon mbo ngannduɗon hakkille makko e hoolaare mum e goonɗude mum wonah kaangaaɗo hono noɓe pepindorto nih.

Gondiijo mon yi*ii jibriil e mbaadi tagu mbo o tagiraa o ka jookli kammu laaɓtuɗo on.

Gondiijo mon O wonah ɗawoowo nde O yottinta on ko O yamiraa ko yo O yottin, O nanngatah njoɓdi hono no wageeɓe nih.

O auraana wonah haala seytaan diiwaaɗo ummaade e yurmeende Alla.

Hongol laawol naataton haa njeddon wonde Quraana ko ka Alla mbo ummii caggal ɗii dallillaaji?

O auraana mbo wonah si wonah waaju wonande yimɓe e jinneeji.

Kala e mon faalaaɗo fooccaade e laawol goongo.

On faaletaake fooccaade wolla goɗɗum goo si wonah Alla haaje ɗuum jom binnde On.

Si kammu on fettii sabi tellaade Malayka en e mammba.

Si koode ɗe njanii ɗe carii.

Si maaje ɗe udditiraama ɗe njillandiri.

Si genaale ɗe leydi mum waylaama sabu ummitaade maaynooɓe wonnooɓe heen.

Oon ntuma kala fittaandu annda kondu ardinno e golle e kondu leelnuno tawa ndu gollaana ɗuum.

Eehey ma neɗɗanke keefeero;holko taki haɗa lunndoo joom ma tuma nde O muñan ma O yaawnaaki leptude ma e teddungal Makko?

Oon gootnuɗo ma caggal nde a wonaani, O waɗ ma fotandirɗo terɗe poocciiɗ.

E kala mbaadi ndi O faalaa O takru ma, O neemanii ma sabu O waɗaani ma e mbaadi mbabba wollo waandu maa rawaandu wollo goɗɗum.

Huunde nde wonah no mbaadanirɗon nih-onon hoomtaaɓe- ko woni ko, ko on yeddooɓe ñalngu njoɓdi on ngollantaa mbo.

Na woodi e dow mon, malaykaaji deenooji golle mon.

Tedduɗi ka Alla, binnddoji golle mon.

Gannduɗi ko ngolloton e golle ɗi mbinndaɗe.

Pellet ɓeen heewa golle lobbe e ɗoftaare ina e neema duumiiɗo ñande darnga.

Pellet ɓe faajiraagal ina e yiite huɓɓatnde e dow mum en.

Hoɓe naatange ñande ñalngu njoɓdi.

ɓe ngonah wirnatooɓe yiite nge haa bada, ko woni kay ko toon ɓe caasata.

Hol ko anndin Ma-aan nelaaɗo-ñalngu njoɓñdi.

Refti hol ko anndin Ma ñalngu njoɓdi.

ñalngu ngu hay gooto waawah nafde hay gooto, huunde fof ko Alla woodani ñande heen, O firlitoo hono no O faalara, goɗɗo wo alah.

Halkaare e perte ngoodanii ustooɓe peese.

ɓeen peesanteeɓe ummaade woɓɓe ɓe ɗaɓɓa timminaneede hakke mum en timmuɗo ko aldah e ustaare.

Siɓe ɓetanii aade en wolla ɓe peesani ɓe, ɓe usta, ko nih yimɓe Madiina ngonruno saanga fergo Nelaaɗo-yo o his- faade e mum en.

E ɓe golloobe ɗe pankare pellitaani wonde maɓe ummitine faade e Alla?.

Na woodani haasboore e njobdi ñalngu teddungu ngam ko woni ko heen e musibbaaji e kul huli.

ñande yimbe ummanii jom tago fof ngam haasbeede.

Huunde nde wonah no mbaadanirɗon nih wa*i wonde ummital alah caggal maayde, ko woni ko deftere faajireeɓe nani ka to ɓuri leesɗude ka leydi.

Hol ko anndin Ma-aan nelaaɗo-hol ko woni sijjiin?.

Pellet deftere mum en ko winndaande, nde uytetaake nde ɓeydetaake.

Halkaare e perte woodanii e oon ɗo ñalngu fennuɓe ɓen.

ɓeen fennooɓe ñalaande njobdi nde, nde Alla yoɓata heen jiyaaɓe makko golle mum en ka aduna.

Fennatah oon ɗo ñalngu si wonah palguɗo keerol, keewdo bakkaat.

Si aayeeje amen tellinaaɗe e nelaaɗo Amen janngaama e mum, o wi*a: Ko tinndi leƴƴi gadiidi, wonah ko ummii ka Alla.

Huunde nde wonah no fennooɓe mbaadaniri nih, kono muuri ɓerɗe maɓɓe koɓe paggatii ko e goopi, ɓe nji*iraani goongo ɓerɗe mum en.

Ko goongo kamɓe de koɓe haɗaaɓe yiide joomi mum en ñande darnga.

Refti kamɓe koɓe naatooɓe yiite, ɓe tampa e nguli henge.

Refti ɓe wi*e ñande darnga sekndorde ɓe: ɗe lepte kawruɗon ɗe de woni ko pennatna ɗon ka aduna nde nelaaɗo habri on.

Huunde nde wonah no,mbaadinirɗon nih wonde haasboore e njoɓdi ngaratah, deftere ɗoftiiɓe nani ka Illiyiina ko toon woni to martaba ɓurɗo toowde.

Hol ko anndin Ma-aan nelaaɗo-hol ko woni Illiyyiina?.

Pellet deftere mum en ko winndaande, nde uytetaake nde ɓeydetaake.

Ina seedoo nde deftere ɓadiiɓe kala kammu ummaade e malayka en.

Pellet ɓeen heewa golle lobbe e ɗoftaare ina e neema duumiiɗo ñande darnga.

E dow leece cuɗaaɗe koɓe ndaarooɓe faade e joom mum en, e kala ko welnata pittaalimum en.

Si a yi*iiɓe nji*a e geece mum en batte neema ngam lobbere e yooɗde.

Na yarnaɓe liggatooɓe mum en dola mbo mbaɗirkon mum omndaa.

Balangol misku na uura haa e haaɗtirde mum, e ndii njoɓdi teddundu yo daɗandirooɓe daɗandir heen, tawa ko e gollude ko welata Alla, e accude ko tikkinta Mbo.

Njaram ɗam na jille e seewnde Tasniim.

Ndeen ko seewnde ɓurnde toowde ka aljanna laaɓde pos, denndaangal goonɗinɓe na njara heen.

ɓeen faajirinɓe sabu koɓe ngonnoo e keefeeru, hoɓe njalatnoo goonɗiɓe ngam jalkitde ɓe.

Siɓe mbirtiima goonɗiɓe ɓe ngona e ɓiiñandirde ngam jalkitde e saboote.

Siɓe nduttiima ka koreeji mum en ɓe ndutto koɓe weltorɓe koɓe ngoni ko e keefeeru e sabootde goonɗinɓe ɓe.

Siɓe ceediima juulɓe, ɓe mbi*a: pellet ɓee ko majjuɓe gaa e laawol peewal, sabu accude ɓe diine baabiraaɓe mum en.

Alla wakkilaani ɓe reende golle mum en haa ɓe kaala haala mum en ko.

ñande darnga goonɗinɓe Alla njala heeferɓe hono noɓe njaldatnooɓe ka aduna.

E leece cuɗaaɗe hoɓe ndaara ko Alla heblani ɓe e neema duumiiɗo.

Ko goongo yoɓraama heeferbe golle mum en ɗebe ngollatno ka aduna lepte koynooje.

Si kammu on fettii sabi tellaade Malayka en e mammba.

Mbo heɗii joomi makko wondude ɗoftaare, woodani mbo hakke e ɗuum.

Si Alla fooɗti leydi ndi hono no nguru fooɗtirte nih.

Ndi werlii ko woni e mum e ngaluuji e maayɓe, ndi acciti gaa mum en.

Mbo heɗii joomi makko wondude ɗoftaare, woodani mbo e hakke kadi woodanii Mbo e ɗuum.

Eehey ma aade, ko a golloowo jam wolla bone, ko a pottoowo e joom ma ñande darnga ngam O yoɓ ma golle ma.

Tawi ko oon tottiraaɗo ɗerawol golle mum junnga ñaama.

Yaama o haasbe haasbeere newiinde o holle golle mum ko aldah e nanngiteede.

O ruttoo e koreeji makko ko p beltiiɗo.

Tawi ko oon tottiraaɗo deftere mum nana makko ummorde caggal keeci makko.

Ma o noddu halkaare e dow hoore makko.

O naata yiite jahannama o suma e nguleeki mum.

Pellet o woniina beltiiɗo e nder koreeji makko sabu ko o wonnoo ko e heefeeru e goopi.

Pellet o sikkiina o ruttataaka e nguurndam caggal maayde.

Oho kay, ma Alla ruttu mbo e nguurndam hono no tagirnoo mbo adanum nih, Alla noon na sutii alhaali makko hay ndiga wirnataako Mbo, ma O yoɓ mbo golle makko.

Alla woondirii mboɗeeri koode saanga mutal naange e jookli.

O woondiri jemma e kombo soomi.

O woondirii lewru si ndu timmii.

Ma on pawandire e mbaadi tagu e alhaali caggal alhaali ummaade e toɓɓere refti heɗɗere refti husre refti heen nguurndam caggal maayde.

Hol ko haɗi heefereeɓe goonɗinde Alla, e ñalngu cakkatiiɗo.

Si Quraana janngaama e mum en ɓe cujjatah.

Woni ko ɓeen heefereeɓe ɓe pennat ko nelaaɓe mum ngaddani ɓe.

Ko Alla anndi ko wirnii e ɓerɗe mum en, hay huunde wirnataako Mbo e golle mum en.

Habruɓe-aan nelaaɗo- ko fadiɓe e leɓte muusɗe.

Si wonah ɓeen gomɗimɓe Allah e Nulaaɗo Makko on, ɓe golli moƴƴuɗi yamiraaɗi ɗin, hino woodani ɓe njoɓdi duumotoondi ndi taƴatah, woni Aljanna.

Alla woondirii kammu coomɗo tolndeeji naange e lewru e ko nanndi heen.

O woodirii ñalngu darnga mbo O fodi nde O renndinta tagoore nde.

O woondiri kala ceediiɗo hono Annabi seedorto e leñol mum, e kala ko seeda hono no leñol seedororto e Annabi mum.

Hulaama ɓeen fettinɓe leydi petti mawɗi.

ɓe kuɓɓi yiite, ɓe mberlii heen goonɗinɓe tawi hoɓe nguuri.

Tuma nde ɓe njooɗi e ngool pettol kebbinangol yiite.

Kamɓe koɓe mbaɗata ko goonɗinɓe ɓe e lepte e muusnude koɓe seediiɓe, sabu taweede ɓe ɗuum.

Heefereɓe ngaybinaani goonɗiɓe ɓe si wonah ɓe ngoonɗinii Alla poolɗo Mbo gooto foolatah, jettaaɗo.

Ko kanko gooto tan woodani laamu kammuuli e leydi, ko O kumpatiiɗo kala huunde, hay huunde suuɗataa ko Mbo e fiyakuuji jiyaaɓe Makko.

ɓeen leptirɓe juulɓe worɓe e juulɓe rewɓe yiite ngam ruttaɓe gaa e goonɗinde Alla gooto O, refti ɓe tuubaani bakkatuuji mum en, woodaniiɓe ñande darnga lepte jahannama, woodaniiɓe lepte yiite sumoowe ɓe honge sumaɓe, sabu njoɓdi koɓe cumrunoo goonɗiɓe yiite.

Pellet ɓeen goonɗinɓe Alla, ngolli ko lobbi, woodaniiɓe Aljannaaji na ila ley kuɓeeje e ledde mum caatli, ngam njoɓdi ndi Alla heblani ɓe, ndiin woni malal manngal, ngal malal waawah ɓadaade.

Pellet nanngannde joom ma-aan tooñɗo- hay si O muñanii ma- konde sattunde.

Ko Kanko fuɗɗata tagu e lepte, O ruttaɗe.

Ko Kanko woni Yaafatooɗo tuubɗo e jiyaaɓe Makko, Hombo yiɗi waliyaaɓe Makko hulɓe Mbo.

jom arsi tedduɗo.

Baɗoowo ko O haaja e yaafaade bakkaatji, e leptude mbo O welaa hay gooto waawnataa Mbo.

Mbela arii e maa-aan nelaado- yeewtere konuuli ngam habtaade goongo e falaade mbo?.

Fir*awna e Samuud gondiiɗo Saalihu.

Haɗaani ɓe gooɗinde waasde arde e mum en kabaruuji leƴƴi pennuɗi e halkeede ɗi, kono tan koɓe fennooɓe ko ari ko e mum en ummaade e nelaaɓe sabu rewde delaaɗe mum en.

Alla huɓindii golle mum en hay huunde faatataako Mbo heen, te ma O yoɓɓe.

Quraana wonah yimre hono no fennooɓe mbiirata, kammba ko mbo Quraana tedduɗo.

Hombo e alluwal deenangal e wayleede maa usteede wolla ɓeydeede.

Alla woondirii kammu e hoodere fuɗoore jemma.

Hol ko anndin Ma -aan nelaado- ko woni fiyaaku hoodere mawnde nde?

Konde hoodere yuliroore kammu njalbeeri mayre.

Alah fittaandu si wonah Alla na wakkili e mayru malayka ndeenoowo golle mayru ngam hasboore ñande darnga.

Yo aade ndaartina ko e hoɗum Alla tagri mbo, haa laaɓana mbo kattane Alla e ronkere aade.

Alla tagirii mbo e ndiyam njuppoto ɗam e rannga.

ɗam ndiyam na yalta hakkunde noorol keeci gorko e ƴi*e ɓernde debbo.

Alla ceniiɗo o -nde O tagi mbo e ndiyam koyɗam-na hattani ummindede mbo caggal maayde ngam hasboore e njoɓdi.

ñande cuuɗiiɗi kuncaa, ko wonno e ɓerɗe e anniyaaji e piɓle njaltina, ko laba seera ko boni.

Woodanaani aade e oon ñalawma cemmbe duñooje lepte Alla wonah balloowo.

Alla woondirii kammu ngu toɓo, sabu hongo tellaro toon laawol caggal laawol.

Alla woondirii leydi ndi petti ɗi puɗi e ɓeynaaɗe e leɗɗe njaltata.

Pellet o Quraana telliiɗo e muhamadu komb konngol ceerndawol hakkunde goonga e meere e hakkunde goongo e fenaande.

Mbo wonah fijirde e meere, kammbo ko mbo soobe e goongo.

Pellet fennuɓe ɓe hoɓe pewja peeje keewɗe ngam ɓe ndutta noddaandu makko ndu, ɓe mbonna ndu.

Miin mi fewja feere sabu ɓannginde diine e ittude meere.

Muñan -aan nelaaɗo- ɓee heefereeɓe muñagol setta, wota heñana leptugol ɓe e halkude ɓe.

Senin Innde joom ma gonɗo dow tagu Makko, ngowla Innde Makko mawninaa Mbo.

Oon takɗo aade hombo foti, hombo fooccii darnde.

Oon koddiranɗo tagooje leƴƴi mum e noone mum e sifaaji mum, O feewni kala ko taga e ko yaadi e mum.

Oon yaltinɗo e leydi durngol daabeeje mon.

O watti ngol yoorngol guuringol e ɓaleeri caggal nde ngol woni keccol.

Ma Min janngin Ma-aan nelaado- quraana, Min ndenndina mbo e ɓernde Ma A yejjittaa mbo abadan, woto adandir e jibriil e janngude mbo hono no mbaɗratnaɗa ko adii ngam reerɗude waasde yejjitde.

Si wonah ko Alla faala yo A yejjit ngam ñeeñal, Alla ceniiɗo O na anndi ko ɓanngi e ko wirnii hay ndiga wirnataako Mbo e ɗuum.

Min newnan Ma golle belooje Alla naatnooje aljanna.

Waaja aade en ko Min mbahyi Ma e quraana, siftinir ɓe ɗo waaju nafata.

Ma waacta e waaju Ma oon kulɗo Alla, sabu ko oon naftorto waaju.

Na woɗɗito waaju o, o doga mbo oon keefeero, sabu ko kanko ɓuri hiiteede ka laakara ngam naatde mbo yiite.

Oon naatoowo yiite mannge nge o tampa e nguleeki henge haa pooma.

Refti o saasnee e yiite o maayatah o foofto e lepte, o wuuratah nguurndam mbelɗam tedduɗam.

Malaama oon laaɓɗo e sirku e goopi.

O jantii ko sariyina e jikru, o tottiri juulde e mbaadi yamiraandi ndi.

Kono hoɗon ngardina nguurndam aduna e dow nguurndal laakira wondude noɗe mba*i seertude nih.

Na woodani laakara ɓural e dow aduna sabu ko woni ko laakara e dakkamme duumiiɗo e neema mbo taƴandirtah haa pooma.

Ko Min haalani on ko e jamirooje e kabaruuji ina e ɗereeji gadiiɗi tellaade ko adii.

ɗiin ngoni tellinaaɗi e Ibraahiima e Muusa yo kisal won e mum en.

Mbela arii e Ma-aan nelaaɗo-yeewtere ñalngu darngo muuratngu aade e kuli huli mammba?

Aade en e ñande darnga ko hiitaaɓe wolla malaaɓe, tawi ko hiitaaɓe Geece mum en na koyi na yankanii.

Hoɗe tampiri callale ɗeɓe ndaasirte, e tonngi tonngiraaɗi.

ɗeen geece na naata yiite wulnge ɓe tampaira nguleeki ki.

Hombo yarnee e seewnde nde ndiyam mum satti nguleeki.

ɓe ngalah ñaamdu si wonah darii, ɗum ko ñaamdu ɓurndu bonde e luuɓde e puɗi soɗi njoori ɗi tookete.

ɗi nafatah ñaamoowo ɗi ittatah heege.

Geece malaaɓe e oon ñalawma na neemi na njalbi, sabu neema.

Golle mum lobbe ɗe ɓe ngolli e aduna na mbela, sabu heɓde njobdi golle mum moftanooɗe na cowa.

E nder Aljanna toowuɗo nokku e darja.

A nanatah e aljanna haala meere e bolle puuyɗe, wonah noon nande ko harmi.

Ina e aljanna he ceewle ilooje, ɓe firlitoo heen noɓe welara.

Ina e hembo leece ɓamtaaɗe.

E kaasaaji na kebla ngam yardeede.

Ina e hembo ngaflaaje pawandiraaɗe yogo e dow yogo.

Ina e hembo mbettule buy na werta kala nokku.

Mbele ɓe ndaaraani ndaarannde teskagol no Alla tagiri ngelooba O eeltaniba aade?

ɓe ndaara kammu hono mbo ɓamtira haa mbo wonti mbildi ndeenaandi, mbo yanatah e dow mum en.

ɓe ndaara pelle hono ɗe ɓamtira ɗe tabitini leydi haa ndi waasa dimmbaade e dow aade en.

ɓe ndaara leydi ndi hono ndi wertira, ndi heblana yimɓe ngam ɓe koɗa heen.

Aan nelaaɗo waaja ɓe, kulɓinaaɓe lepte Alla, aan ko a baajatooɗo, ɗaɓɓaaka e ma si wonah siftinde, hono kawraangal e iimaan ko junngo Alla woni.

A wonah pawaaɗo e mum en haa mbaawnaaɓe goonɗinde.

Kono oon duntiiɗo iimaan, o yeddi Alla e Nelaaɓe Makko.

Alla lepta mbo ñande darnga lepte ɓurɗe mawnude ɗuum woni naatde yiite o saasa toon haa pooma.

Pellet ko e Amen woni ruttorde maɓɓe caggal maayde.

Refti ko Amen tan woni ko golle mum kaasbate, wonah e goɗɗo goo.

Alla ceniiɗo O woondarii wenndoogo.

Alla woondirii jemmaaji sappa battandiiɗi e lewri jil hijjati.

Mi woondiri ko ɗimmita e ko teelɗi e geɗe goodaaɗe.

Mi woondiri jemma si mbo arii; mbo ɓenni mbo runtii, ma on njoɓe golle mon.

Mbela ina ndee woondoore ko jaɓnata jom hakkille?

Mbela A yi*aani-aan nelaado- no Alla waɗi Aad en yimɓe Huud nde ɓe penni nelaaɓe?

Leñol Aad ummingol e taani mum en Iram jom darnde.

Mbo hono mum tagaaka e dow leydi.

Mbela A yi*aani no joom Ma waɗi Samuud yimɓe Saalihu, ɓeen seekɓe pelle, ɓe mbaɗi ɗe cuujɗi.

Mbela A yi*aani hono joom ma waɗi Fir*awna oon jom penɗe ɗe o leptiratno yimɓe.

ɓee fof mbewiina njawti keeri e canndallaagal e tooñnnge, gooto e mum fof yawtiino keerol e leydi mum.

ɓe kebbini e hendi bonannde sabu ko ɓe caakti toon ko e keefeeru e goopi.

Alla meeɗniɓe lepte cattuɗe, O ɗoofiɓe e dow leydi.

joom Ma-aan nelaado- na tommbii golle mum en na ndaara ɗe, ngam yoɓde oon moƴƴinɗo aljanna, oon bonnuɗo yoɓee yiite.

Tawi ko aade na e neesu mum si joom makko jaribiimo mbo O teddini mbo; O neeminiri mbo ngalu e ɓesngu e koongu, o sikka wonde ɗuum ko teddungal ka Alla, o wiya:joom am teddinii kam sabu mina haandi e teddungal Makko.

Si tawii O jaribiimo mbo O faaɗni arsuko makko, o sikka ɗuum ko koyeere makko to joom mum, o wiya:joom am hoynii kam.

Alah wonah no aade mbaadinta wonde neemineede ko daliilu weluya Alla wonande maccuɗo mum, e wonde satteende ko maande koyeere to joomiraawo, ko woodi ko woni on teddintaana baaya e arsuko Alla okki mon o.

O hirjindirtah ñamminde baasɗo mbo alah nguura.

Hoɗon ñaama hakkeeli lohɓe rewɓe e yatimeeɓe ñaamgol cattungol ko aldah e reentaade na dagii wolla dagaaki.

Hoɗon njiɗi jawdi sanne, lomon nafkude ndi e laawol Alla sabu reerɗude e hendi.

Haanaani nde golle mon wa*ata nih, ciftare si leydi ndi dimmbaam dimmbere sattunde ndi yirbi.

joom ma ara-aan nelaado- ngam ñaawde hakkunde jiyaaɓe; malaykaaji ɗi ngara na mbaɗi saffeeji.

E oon ñalawma jahannama addee hombo waɗi 70000 ujunere ginol, kala heen gootol na e mum 70000 wuluure malayka na ndasa mbo, ndeen noon aade siftoro ko o welsandino, kono ko siftorde nafata oon ñalawma, o ñalngu ko mbo njoɓdi wonah mbo golle.

O wi*a sabu sattude nimsa: Haaniino mi ardina golle lobbe wonande nguurndam am ka laakara, ko ɗaam woni goongo.

E oon ñalawma hay gooto leptatah yeru lepte Alla, sabu ko lepte Alla ɓuri sattude e duumaade.

Hay gooto tonngotaake e callallale hono tonngi heeferɓe e nder henge.

Tawi ko fittaandu goonɗinɗo ndu wi*anee saanga maayde e ñande darnga: Eehey ma fittaandu deeƴndu faade e iimaan e golle lobbe:

Ruuto e joom ma hombo wela ma, anne haɗa welaa Mbo sabu ko ndaɗa ko e baraaje mawɗe sabu golle ma lobbe.

Naat e maccuɓe Am moƴƴuɓe.

Naatdu e mum en aljanna Am mbo keblanmi ɓe.

Alla woondirii e leydi kormaandi ndi ndiin woni Makka.

E Aan- nelaaɗo-na dagani Ma ko mbaɗɗa e ndii leydi, hono warde potɗo wareede, e dahde potɗo daheede.

Alla woondiri baaba mum aade en, o woondiri kadi ko yalti e ɓiɓɓe mum.

Ko goongo Min tagii aade e tampere, o hawra e tamperaaji aduna.

Mbela aade sikku si o waɗii goopi hay gooto waawah e mum hay huunde, hay si ko Alla tagɗo mbo o.

O wiya: Mi nafkii jawdi keewndi pawandirndi.

Mbela o basorotooɗo ko o tottiri ko Alla yi*aani mbo? te alah kaasboowo mbo, holto o dañi kaake mum ɗe.

Mbela Min mbaɗanaani mbo gite ɗe o yiirata.

E ɗemngal e toni ɗiɗi hombo yeewtira mum.

Min nganndini mbo laawol jam e laawol meere.

Ko o ɗaɓɓiraaɗo falgude palal keetngal mbo e aljanna o taƴa ngal o yawta ngal.

Hol ko anndi Ma-aan nelaaɗo-palal ngal o foti taaɓaade ngam o naata aljanna.

Ngaal palal woni rimɗinde daande gorko maa debbo.

Nde o ñamminta e ñalngu ngu newaaki heɓde ñaamde.

Suka yatiime baaba, jiidaaɗo ko ɓadi.

Wollo baasɗo mbo alah hay ndiga.

Refti o laati e ɓeen goonɗiɓe Alla, yogo e mum en wasiyii yogo muñal e ɗoftaade e goopi e musibbaaji, ɓe mbasandiri yurmondirde.

Ko ɓeen sifariiɓe ɗiin sifaaji ngoni joman en ñaaame.

ɓeen yedduɓe aayeeje Amen tellinaaɗe e nelaaɓe Amen, ɓeen ngoni joman nane.

Ina e dow mum en yiite uddaange ñande darnga ɓe lepte e henge.

Alla woondirii naange e waktu ɓamtaraade nge ka fuɗirde mannge.,

O woondiri lewru sondu rewii batte henge caggal mutal.

O woondiri ñalawma sombo hunciima e dow yeeso leydi e njalbeendi hembo.

Mi woondiri jemma si mbo muuri laral leydi, ndi wonta niɓɓundi.

O woondiri kammu, O woondiri mahngo mammbo haralla.

O woondiri leydi, O woondiri mbertu mayri, ngam aade en koɗa heen.

O woondiri kala fittaandu, O woondiri tagde Alla ndu fittaandu fotondirndu.

O fammini ndu ko aldah e jannginde ko boni ndu deesto, e ko laba ndu waɗa.

Malaama oon laɓɓinɗo fittaandu mum o suɗi ndu e ɓure, o ittindu e ko boni.

Pertii tigi oon loowɗo fittaandu makko e goopi e bakkatuuji.

Samuud en pennii annabi mum en Saalih sabu yawtude ɓe keerol e waɗde goopi e bakkatuuji.

Tumo nde ɓurɗo hiiteede e mum en ummii caggal neleede mbo ummaade e yimɓe mum en.

Nelaaɗo mum en Saalih maakani ɓe: Accee naaga Alla,e yarde ba ñalawma mabba wotee memnee ba bonannde.

ɓe penni nelaaɓe mum en ko faati e ngelooba he, ɓurɗo o hiiteede wari ba e weleedeɓe, ɓe ndenndi bakkaat, Alla ommbi e mum en lepte Makko, O halkari ɓe haacaanga sabu bakkatuui mum en, O fotndi ɓe lepte ɗe O halkari ɓe.

Alla waɗi e mum en lepte kalkuɗe ɓe, te O hulaani kanko Ceniiɗo O battane mum.

Alla woondirii e jemma si mbo muurdii hakkunde kammu e leydi e niwre mammbo.

O woondirii ñalawma si mba hunciima mbo ɓanngi.

O woondirii ko O tagi ko nooneeji ɗiɗi gorel e deyel.

Pellet golle mon-onon yimɓe- na ceerti, na heen lobbe naatnooje aljanna; e bonɗe na wona sabaabu naatde yiite.

Kala tottirɗo ko fawii mbo hono askal e nafaqe e kaffaara, o reenti ko Alla haɗi.

O goonɗini ko Alla fodani mbo e lomtaari.

Ma Min newnan mbo golle lobbe, e nafqude e laawol Alla.

Tawi ko oon gammbuɗo ngalu makko o tottiraani mbo to haani, o yondinii e jawdi makko gaa e Alla o naamnaaki Alla e ɓural Makko hay huunde.

O fenni ko Alla fodi ko e wostaneede e baraaje ko nafqi ko jawdi mum e laawol Alla.

Ma Min newnan mbo golle bonɗe, Min cattinana mbo gollude ko laba.

Nafataa mbo jawdi ndi o ɗawi hay huunde , si o naatii yiite.

Ko e Amen fawi seerndude laawol goongo e meere.

Woodanii Amen nguurndam laakara e nguurndam aduna, Min pirlitoo heen no Min mbelara, alah mbo ɗum woodani si wonah Minen.

Njeertin Mi on yiite huɓɓoowe si on ngoopi Alla.

Yanngataaka e nguli ngee yiite si wonah ɓurɗo hiiteede oon woni keefeero.

Oon pennuɗo ko nelaaɗo-yo o his- addi ko, o ɗuurnii gollirde yamiroore Alla.

Ma woɗɗitonge ɓurdo hulde Alla oon woni Abuu bakri yo welu Alla won e makko.

Oon nafqoowo jawdi mum e geece moƴƴere ngam o laaɓa e bakkatiiji.

Tottirtah tottiroowo e jawdi mum ngam o yoɓa neema mbo goɗɗo neemini e dow makko.

Alah ko o faala ko o tottirta ko e jawdi makko si wonah Yeeso Toowɗo e dow tagu Makko.

Yaama o wele ko Alla tottata mbo e njobdi teddundi.

Alla woondirii arwannde ñalawma.

Alla woondirii jemma si mbo niɓɓiɗi dille aade en deeƴi.

joom Ma -aan nelaaɗo- accaani Ma, O tikkanaani ma, hono no sirkuɓe mbi*irata nde wahyu darii setta.

Ko gelle laakar ɓuri galle aduna, sabu ko mbo soomi ko e neemaaji duumiiɗi ɗi taƴandirtah.

Yaama joom ma okku ma baraaje aan e leñol ma haa mbeleɗa ko O okku ma ko.

O tawii ma ko a yatiime mbo baaba mum sankii, O tottuma moolorde, Taane Abdul Muttalibi neh ma ko noon kadi Bappa ma Abuu Taalib.

O tawma a anndah binndol e iimaan, O anndin ma heen ko a anndaana.

O taw ma ko a baasɗo O alɗin ma.

Woto bonnu gollodde e alyatiima baasɗo baaba makko saanga cukaagu, woto hoynu mbo.

Woto furo ñaagatooɗo katajinɗo.

Yettu neema mbo joom ma neemin ma kaala mbo.

Alla yaacnii ɓernde ma O yiɗnu ma jaɓɓaade wahyu.

Min njaafi ma ko yawti ko e bakkatuuji ma Min tellinan ma teddeendi balɗe jaahiliyya ɗe ngonnaɗa ɗe.

Oon tampinɗo ma haa keeci ɗesi helde.

Mi toownan ma jantawol ma, haa mbattuɗa inneede e noddinaandu e wuurnaandu e ka nanndi heen.

Sattaande ɓittere fof woni battane mum ko newuya e yaajeende e ittude nde.

Kala satteende e ɓittere na wondi e newaare e yaajeende, si a anndii ɗuum hulnataa ma wollo faloo noddaandu ma lorde yimɓe ma wollo falaade noddaandu Ma.

Si gaynii golle ma, kantinɗaa ɗe tiiɗna e dewal Alla.

Waɗ ndeereeru Ma e faandaare Ma faade e Alla gooto O.

Alla woondirii Tiin e ɗoki fuɗi, e jeytuun e ɗoki fuɗi to leydi Palastiin ka Iisa -yo o his- nelanoo to.

Alla woondirii Fella Tuur ka Siina to Alla haalduno e Muusa-yo o his-.

Alla woondirii Makka leydi kormaandi ndi naat ɗo heen fof dañata hoolaare, ka Muhamadu-yo o his- nelaa to.

Miin ngoodnii aade e tagu e mbaadi ɓurndi labeede e fooccaade.

Refti Min ndutti mbo e nayewu e naakgol ka aduna, o naftortah ɓanndu makko, ko noon kadi o naftortah si o bonnii neesu makko o wattini e yiite.

Si wonah ɓeen goonɗinɓe ngolli golle lobbe, ɓeen haysi ɓe naywii na woodani ɓe baraaje duumiiɗe ɗe ta ƴandirtah, ko ndiin woni aljanna, sabu ɓe laɓɓanii neesu mum en.

Hol huunde roondu ma -aan aade- haa pennuɗa ñalawma njobdi caggal seedaade maande kattane Alla keewɗe.

Mbela Alla wonah-ko O waɗi ko ñalngu dargo kombo njobdi- ko kanko ɓuri nuunɗude e ñaawooɓe? Mbela na yaadi hakkille nde O acca jiyaaɓe Makko ko dudooɓe ko aldah ñaaweede hakkunde mum en, o yoɓa mo moƴƴinɗo golle mum, bonnuɗo yoɓe ko boni.

janngu-aan nelaaɗo- ko Alla wahyi ma ko, udditiraa e Innde joom ma Oon takɗo denndaangal ko taga ko.

Takɗo aade e ɗiiƴam petndiɗam caggal nde o woni toɓɓere.

janngu-aan nelaaɗo- ko Alla wahyoto ma ko, e joom ma ɓurɗo teddude Mbo alah fof ɓadiiɗo teddungal Makko, ko O keewɗo dokke.

Oon ganndanirɗo binndol e winndirde kuɗol.

O anndini neɗɗo ko o anndaa.

Ko goongo aade saay saay hono Abu jahli na yawta keerol e nanngitde keeri Alla.

Sabu si o yi*ii o yondaniima ko o dañi ko jawdi e koongu.

Pellet ko e joom ma-aan aade- woni ruttorde ñande darnga, O yoɓa mbo kala ko o haandi ko.

Mbela a yi*ii ko ɓuri haawnaade e fiyaaku Abu jahli oon kaɗoowo.

Maccuɗo amen si o juulii ka kaaba.

A yi*ii si Oon kaɗaaɗo laatiima e peewal ummaade e joom makko?

Wollo o woni hombo yamira yimɓe kulol Alla e siinude ko Alla yamiri e deestaade ko O haɗi, mbela hombo haɗa mbo nih woni fiyaaku mum?

Mbela yi*i si o fennii o kaɗoowo ko nelaaɗo addi ko,o ɗuurnii ɗum, mbela o hulath Alla?

Mbela o kaɗoowo maccude juulde anndah wonde Alla na yi*a ko o gollata ko, hay ndiga wirnaaki Mbo?

Fiyaaku o wonah no majjuɗo sikkirta, si accaani lorlude maccuɗo Amen o e fennude mbo, ma Min nanngu mbo Min mbippa mbo faade e yiite e tiin tiinol makoo ko satti.

jom tiin tiinol o penoowo e konngol, goopɗo e golle.

Yo o noddu saanga o nanngate e tiin tiinol faade yiite wondiiɓe mum e joodoɗiiɓe mum o wallinoo ɓe ngam danndeede.

Ma Min noddu sokooɓe jahannama ummaade malayka en tekkuɓe ɓe ngoopatah Alla ko O yamiri ɓe, hoɓe ngolla ko O yamiri, ndaare hombo e pelle he ɓuri semmbinde e hattande.

Fiyaaku o wonah no tooñoowo sikkiri nih nde o yottinta ma bonannde, woto ɗofto mbo e yamiroore mum e haɗde mum, sujjan Alla, ɓadoroɗaa Mbo dewe.

Min tellinii Quraana e na tonnga faade e kammu ɓurɗo ɓadaade hono no Min puɗɗorno tellide mbo e Annabi-yo o his- e jemma leylatul qadiri nder lewru koorko.

Mbela ana anndi-aan nelaaɗo- ko woni e hembo e moƴƴere e barke?

O jemma mawdo moƴƴere, ɓuri ujnere lewru moƴƴude sabu ko woni e hembo e iimaan e fawaade e Alla.

Malaukaaji na telloo jibriil kadi telloo heen e sakkitoore joom mum en Ceniiɗo e kala yamiroore nde Alla ñaawi e ndeen hitaande foti ko arsuka wolla maayde wolla jibinegol eka nanndi heen.

O jemma barkinaaɗo ko mbo moƴƴere kammba fof gila arwannde haa sakket hembo haa feeral wenndoogo.

Wonaana ɓeen heeferɓe jom defte en ummaade e Yahuud e Nasaara en e sirkuɓe seertuɓe pottal e dental e dow keefeeru haa ari e mum en dallillaaaji laaɓtuɗi e hujju ɓannguɗi.

O daliil laaɓtuɗo woni nelaaɗo ummiiɗo e Alla, O neli Mbo hombo jannga ɗeri laɓɓinaaɗi memataa ɗi si wonah laɓɓinaaɓe.

Ina e ɗiin ɗereeji kabaruuji e ñaawooje nuunɗuɗe, peewnooje e ko woni jam e peewal.

Luuraani Yahuud tottaaɓe Tawreeta e Nasaara tottaaɓe Injiil, si wonah caggal nde Alla neli Annabi makko faade e mum en, ina heen jebbelii ɓe, ina heen kadi dooniiɓe e keefeeru wondude e anndude ɓe goonɗude Annabi Makko.

Ina ɓannga canndallaagal Yahuud e Nasaara ɓe njamiraaka e Quraana si wonah koɓe njamira e defte mum en ɗuum woni rewde Alla kanko tan, e deestaade sirku, e tottirede juulde e askal, koɓe njamiraa ko woni diine poocciiɗo mbo ooñaaki.

Pellet ɓeen heeferɓe yahuud en e nasaara en e sirkuɓe, maɓe naat ñande ndarnga yiite jahatnama ɓe ngona toon haa pooma, ko ɓeen ngoni ko ɓuri bonde e tagoore he, sabu koɓe njeddi ko Alla e fennuude ɓe nelaaɓe.

Pellet ɓeen goonɗinɓe ɓe ngoli ko lobbi, ɓeen ngoni ko ɓuri moƴƴude e tagoore he.

Njoɓdi mum en ka joom ko aljannaaji caatli na ila les kuɓeeje mum e leɗɗe mum, ɓe nduumo heen haa pooma, Alla na welaaɓe sabu goonɗingol mum en e ɗoftaare mum en, hoɓe mbela Alla koɓe ndañi ko yurmeende Makko, nde yurmeende ko kulɗo Alla dañata nde o siini ko yamira ko o deestii ko haɗa ko.

Si leydi dimmbaama dimmbagol cattungol baɗatngol ñande darnga.

Leydi ndi yaltini ko wonnoo e reedu mum ummaade maayɓe mum e ko nanndi heen.

Neɗɗo na wi*a hombo haawa: Hol ko woni fiyaaku ndi leydi ndillatndi polwotoondi.

E oon ñalawma mawɗa leydi ndi habra ko waɗano e mayri foti ko ko laba wolla ko boni.

Sabu ko Alla anndini ndi O yamiri ndi.

E oon ñalngu mawɗa mbo leydi ndi dimmmboto yimɓe njalta ummaade e nokku haasboore pelle pelle ngam ɓe ceedo golle mum en ɗe ɓe mbaɗno ka aduna.

Kala mo golli fotde gabbel jarra e golle moƴƴe e ɗiggere ma o taw ɗe yeeso makko.

Kala mo golli fotde ñuungel jarra e golle moƴƴe e ɗiggere ma o taw ɗe yeeso makko.

Alla woondirii pucci dogooji ƴekkitaali mum nane ngam sattude dokdu.

O woondiri pucci ɗi kolce mum kuɓɓata yiite siɗe memindirii e kaaƴe sabu sattude jangol e dow majje.

O woondiri pucci duggooji añɓe waktu subaka.

ɗi dilliniri kolce ɗe punndi.

ɗi ngoni hakkunde jaambareeɓe mum e dental añɓe.

Pellet aade ko kaɗoowo moƴƴere nde joomii mum faala e mum nde.

Kanko e haɗde mbo moƴƴere ko o ceediido, o waawah ɗum yeddude sabu ɓanngude ɗum.

Kanko ko no fantiniri nih yiɗde jawdi o lomatndi.

Mbela aade anndah kanko koomtiiɗo e aduna o wonde si Alla yaltanii wonɓe e genaale ummaade e leydi ngam haasboore e njoɓdi ma taw fiyaaku o wonah noɓe cikkiri nih woni?

Yaltine ɓanngina ko woni e ɓerɗe ummaade e anniyaaji e piɓle e tanaa mum.

Pellet joom mum en ñande heen ko O kumpatiiɗo, hay ndiga wirnataako Mbo e fiyaaku jiyaaɓe Makko, ma O yoɓ ɓe ɗuum.

Tuma nde ɓerɗe konngete saba mawnude kul huli.

Hol ko woni o waktu mbo ɓerɗe na konnge sabu mawnude kul huli?

Hol ko anndin Ma-aan nelaaɗo-o waktu mbo ɓerɗe aade en ndillata sabu mawnude kulol hembo? Kombo ñande darnga.

ñande ɓerɗe aade en ndilli ɓe mba*a no mbeɗon Alla carikon caaktikon bannge yo bannge.

Pelle ɗee mba*a hono hottolo goobaako e hoyde yaadu mum e dille mum.

Tawi ko oon mbo golle mum moƴƴe ɓuri teddude golle mum bonɗe.

Hara hombo e nguurndam mbelɗam ɗam o heɓata ka aljanna.

Tawi ko oon mbo golle mum bonɗe ɓuri teddude e dow golle mum lobbe.

Hoɗorde makko e ñiiɓirde makko ñande darnga ko jahannama.

Hol ko anndin Ma-aan nelaaɗo-hol ko woni ngeen?.

Ko nge yiite wulnge jaw.

Soklanii mon-onon aade en- wasandirde ngalu e sukaaɓe gaa e ɗoftaade Alla.

Haa maayɗon naatɗon e genaale.

Woodanaana mon wasandirde gaa e ɗoftaade Alla, yaama nganndon batte soklirde ɗuum.

Refti yaama nganndon batte mum.

Ko goongo ma on ngaandu ganndal yananeede ko on umminteeɓe faade e Alla, ma O yoɓ mon golle mon, ko coklirɗon aduna wasandirde ngalu e sukaaɓe.

Wollaahi ma on ceede yiite ñanda darnga.

Refti ma on ceedo nge ceedagol yananeede ko aldah e sikke.

Refti ma Alla naamna on e oon ñalngu neema mbo O neeminno mon hono ngalu e cellal.

Alla woondiri e waqtu takkusaan.

Pellet aade woni ko ustaare e halkaare.

Si wonah ɓeen goonɗiɓe ngolli ko moƴƴi, ɓe mbasandiri goonga, e muñal e dow goonga, ko sifariiɓe nih ndaɗata e nguurndam mum en aduna e laakara.

Halkaare e lepte cattuɗe woodanii ño*oowo ko heewi e juwoowo aade en.

Oon mbo woni himme makko ko renndinde ngalu e limde mbo, o alah himme goo.

Hombo sikka jawdi makko ndi o renndini ndi danndat mo e maayde, o wuura e aduna haa pooma.

Alah wonah no majjuɓe mbaadiniri nih, ma ɓe mbedde e yiite jahannama heltatnge kala ko wedda e henge sabu sattude bone mannge.

Hol mbo anndin Ma-aan nelaaɗo- ngee yiite heltoowe kala ko weddaa e mannge?

Konge yiite Alla huɓɓatnge.

Ngeen yiite woni yulatnge keeñ.

Ngeen de konge sokaange e dow leptateeɓe ɓe.

E doosɗe poottiɗe juutɗe haa gooto waawatah yaltude.

Mbela a anndah-aan nelaaɗo- no Alla waɗi Abraha e wondiiɓe mum jom en ñiiwo ndeɓe faalano yirbinde Kaaba.

Ko goongo Alla waɗii pehe mum en bonɗe yirbinde Kaaba ko pertuɗe, ɓe ndañaani faale mum en falaade yimɓe ɓe Kaaba ɓe ndañaani heen hay huunde.

O neli e mum en ndiwri ndi ardi dente dente.

Hondi werlooɓe kaaƴe loope joorɗe.

Alla waɗi ɓe hono kaakooli ɗi daabe ñaami ɗi njaɓɓi ɗi.

Sabu woowde Quraysi en e aadorde ɓe.

ɗatngal dabbunde faade Yaman e ceeɗu faade Saam tawa hoɓe kisi.

Yo ɓe ndew jom ndu suudu hormaandu Kanko tan, Oon newnanɗo ɓe ngal ɗatngal, woto ɓe ndenndi Mbo e goɗɗo.

Oon ñamminɗo ɓe saanga heege, o hoolniɓe e kulol, ko laati e ɓerɗe arab teddinde suudu hormaandu ndu e teddinde hoɗɓe heen.

Mbela A anndii oon fennoowo njoɓdi ñande darnga.

Oon woni duñiroowo alyatiime e mbaadi cattundi.

O reerɗatah e ñamminde miskiin o reerɗinirtah goɗɗo ñamminde miskiin.

Halkude e leptude ɓeen welsandiiɓe nder juulde mum en, ɓe ngoƴaako nde haa waktu hende yawta.

Halkude e leptude ɓeen welsandiiɓe nder juulde mum en, ɓe ngoƴaako nde haa waktu hende yawta.

ɓeen waɗooɓe yiingo e golle mum en e juulde mum en, ɓe cellintah golle ngam Alla.

Hoɓe kaɗa wallude tanaa mum en ko lorla alah e wallirde ɓe ɗuum.

Min tottiima-aan nelaaɗo- moƴƴere heewnde, ina hende caatngol Alkawsara ka aljanna.

Yettu Alla e o neema, nde njuulantaa Mbo Kanko gooto kirsa, ko luuri no sirkuɓe mbaɗata ɗuum woni ɓallaraade Alla sanamuuji.

Oon gañɗo ma woni taƴiiɗo e kala moƴƴe bonɗo mbo annduɗa si haalaama ko bone tan haalate e mum.

Maaku-aan nelaaɗo-eehey mon mon yedduɓe Alla.

Mi rewatah jooni wonah ko arata ko ndewaton ko e sanamuuji.

Onon ne on ndewatah Mbo ndewat Mi O, ko Oon woni Alla.

Mi wonah dewoowo ko ndewɗon e sanamuuji.

Onon ne on ndewatah Mbo ndewat Mi O ko Oon woni Alla.

Woodanii on diine mon mbo pepindaniɗon pittaali mon, woodanii kam diine mbo Alla tellini e Am.

Si ballal Alla diine ma arii-aan nelaaɗo- e semmbinde ma, uddital Makka laati.

Nji*a yimɓe na naata e diine Alla he pelle caggal pelle.

Anndu ɗum ko maande ɓadaade gasde ko takna Ma ko neleede, subhina e yettude joom Ma, yettude Mbo e neema e poolgu e uddital, yaafno Mbo, sabu ko keewɗo yaafaade jiyaaɓe Makko.

Halkiima juuɗe bappa nelaaɗo -yo o his- Abii laha biy Abdul Muttalibi e pertude golle makko, sabu ko loratno nelaaɗo, golle mum cooyi.

Hol ko jawdi mum nafi mbo? ndi ittanaani mbo lepte, ndi addanaani mbo yurmeende.

Ma o naat nyande darnga yiite nge lewlewndu, o tampa e nguleeki henge.

Ma debbo makko Ummu jamiil naat yiite sabu ko o loratno nelaaɗo-yo o his-weddaade gi*e e laawol makko.

Ina e daande makko ɓoggol moccangol haa tiiɗi o ɗowree ngol faade yiite.

Maaku-aan nelaaɗo- ko Kanko woni gooto e Alliyankaagal, alah dewatee e goongo si wona Kanko.

Ko kanko woni koohoowo mbo koongu haaɗti nder sifaaji timmal e njooɗndam, Mbo tagaaɓe paandato.

Oon mbo jibinaani O jibinaaka,O jibinaani hay gooto,O alah ɓiɓɗɗo-Kanko ceniiɗo O- O alah jiknaaɗo.

Woodanaani Mbo pasa hay gooto.

Maaku-aan nelaaɗo- mbeɗa moolo e jom subaka mbeɗa hoddinoo mbo.

E bone ko lorata tagoore nde.

Mbeɗa moolo e Alla e bone ɓanngoowo jemma ummaade daabe e banndi en.

Mbeɗa e moolo Makko e bone wileeɓe wuttooɓe e piɓle.

Mbeɗa moolo e bone haaside si o golli ko faanata mbo e haasidaagal.

Maaku-aan nelaaɗo- mbeɗa moolo e jom yimɓe mbeɗa hoddinoo mbo.

Laamɗo yimɓe, hombo firlito e mum en no O faalira, alah laamɗo tanah Makko.

Deweteeɗo mum en e goongo, alah deweteeɗo e goongo mbo wonah Makko.

E bone seytaneeji cikkinooji si o welsandiima innude Alla, o leeli siftorde Mbo.

Hombo werlo sikkeeli makko e ɓerɗe yimɓe.

ɗum wonata ko e yimɓe hono ɗum wonrata e jinneeji.