Fulani Mokhtasar — Zuhruf 43:1 – Hakka 69:52

Haa, Miim. Yewtere fii sugu ɗee kalfe yawtiino ka cortewol Al baqarah.

Allah woondirii Deftere ɓannginnde laawol peewal ngol.

Men waɗii nde janngeteende e haala aarabu, no taskoron maanaaji mayre, onon ɓee ɓe nde jippinaa e haala mun, faamon ɗum, egganon mofte goo.

Pellet, ndee Alqur'aanaare, hino ka Alluwal reenaangal, toowunde darja, ñeñaande e yamirooje e haɗaaɗi Aayeeje mun.

E Men acciray jippinirgol Alqur'aana e mon, ɗuurnoragol on, fii ko fantinirɗon kon sirku e geddi? Men waɗataa ɗum ! Tawde Meɗen yurmaa on.

Ɗuuɗii e Annabaaɓe ɓe Min nuli e mofte adinooɓe ɓen.

Annabaajo Allah araano e ɗen mofte adinooɓe, si wanaa ɓe wonuno e jalkitugol mo.

Men halkiino ko ɓuri ɗen mofte saɗtude jawlagol. Wanaa mofte ɓurɗe ɓen ɗon jaasude Men ronkata fii mun ! Toode mise halkanooɓe goo, yawtiino ka Alqur'aana; wano Aadi'en, e Samuuda'en, e yimɓe Luutu ɓen, e wondiiɓe Madyana ɓen.

Ko pellet, si an Nulaaɗo a lamndike ɓee sirkooɓe fennuɓe: wiide ko hommbo tagi kammuuli ɗin e leydi ndin? Ɓe wi'ay: ko Fooluɗo Mo fooletaake On, Annduɗo kala huunde On tagi ɗi.

Allah waɗiranɗo On leydi ndin weertaandi, ka rewnoton teppe mon, O waɗani on kadi laawi e pelle e naɗf mayri, fii no ɗoworon ɗe ka yahdu mon.

On jippinirɗo ndiyam ka kammu, yeru ko yonata on onon e neemoraɗi mon e remuruuji mon. Men wuurnitiri ɗam, leydi yoorundi ndi alah puɗi. Ko non tigiri, woni ko Allah wuurnitiroyta on.

On taguɗo kala nooneeji ɗin: wano jemma e ñaloram, gorel e deyel ekw, O waɗirani on e laaɗe ɗen e neemoraaɗi ɗin, ko waɗɗoron ka setagol mon: waɗɗoɗon laaɗe ɗen ka maayo, waɗɗoɗon neemoraaɗi ɗin ka njorndi.

On eltiranii on ɗum fow, fii yo on fotondir e hoore ko waɗɗotoɗon kon ka setagol mon, refti annditon neema Joomi mon On, tuma nde fotondirɗon e majji, wi'on ontuma: Laaɓal e senayee woodanii eltanɗo men ndii baɗɗateeri, menen on, men wonaano haɗtamɓe e mun, si wanaano Allah eltani men.

Menen on, ko ka Joomi amen tun, woni ko men ruttoytoo, si men maayii, fii ñaaweede warjee.

Sirkooɓe ɓen aaƴii wonnde tagaaɓe goo, ko jibinaaɓe taguɗo On seniiɗo, tuma ɓe wi'unoo: Malaa'ika'en, ko ɓiɗɓe Allah rewɓe ! Pellet, neɗɗanke wi'oowo sugu ngol konngol, ko yedduɗo ɓannguɗo keeferaaku e majjere.

Kaa hara onon ɓee sirkooɓe, on wi'u wonnde Allah jogitanike hoore Makko ɓiɗɓe rewɓe, e ko O tagi kon, O heertinani on onon, ɓiɗɓe worɓe ɓen? Ko honɗum e senndoore woni kon ko aaƴiɗon?

Si goɗɗo e maɓɓe wewliniraama jibinaneede ɓiɗɗo debbo ko o dammbunoo kon e Joomi makko, yeeso makko ngon niɓɓitira suno, metteendi ndi o wonndi. Ko honno non o dammbirta e Joomi makko, kon ko tikkinta mo, si o humpitiraama ɗum.

E ko on ne'eteeɗo e cuɗaari, hara kanko on ka yeddondiral, o ɓannginirtaa haala, sabu ndewaagu makko ngun?

Ɓe inni Malaa'ikaɓe tawɓe ɓen ko jeyaaɓe Jom Hinaranke On, rewɓe. Kere ɓe seedino fewndo Allah tagate ɓen, haa feeñani ɓe wonnde ko ɓe rewɓe? Awa fii ngol seedagol maɓɓe winndete, ɓe lamnditoyee fii mun, Ñalnde Darngal, ɓe leptiree nden fenaande maɓɓe.

Ɓe wii hoɓe hujjaniro koddoruyee, ɓe wi'i: si Allah haajuno, men rewataano Malaa'ika'en. Tawde O haajii ɗum, hollii Himo welaa. Kono ɓe alanaa e kon ko ɓe wowlata, hay e ganndal; ɓee wonaali, si wanaa e fenugol.

Kaa ko Deftere Men addani ɓee sirkooɓe, ado Alqur'aana, daginanaynde ɓe rewugol ko woori Allah, hara ko e nden Deftere woni ko ɓe dallinorta?

Ko woni kon, ɓe dallinor finaa-tawaa wiide: memen men tawu baabiraaɓe amen ɓen e hoore diina, rewaynooɓe sanamu; haray ko e ɗin batteeji ɗon men rewata e mun.

Ko wano ɓee ɗoo fenniri non, ɓe dallinori baabiraaɓe maɓɓe ɓen, ko non woniri Men nulaali jertinoowo yimɓe mun aditaade ma an Nulaaɗo, si wanaa hooreeɓe maɓɓe ɓen wi'ay: menen men tawu baabiraaɓe amen ɓen e dow diina, ɗum non ko batteeji maɓɓe ɗin men jokkata. Haray wanaa e maa woni ko adii e ɗum.

Nulaaɗo maɓɓe on maakani ɓe: on jokkay tun baabiraaɓe mon ɓen, hay si mi addanii on ko ɓuri diina maɓɓe kan moƴƴude? Ɓe wi'i: memen dey, ko men yedduɓe ko nulidaɗon e mun kon.

Men yottii e ɗen mofte fennunooɓe Nulaaɓe mun ɓen ado maa, Men halki ɓe. Taskii no battane maɓɓe wa'unoo. Ko battane muusunooɗe wonunoo.

Janto kadi yo Nulaaɗo, tuma nde Ibraahiima maakannoo ben makko e yime makko ɓen: min on ko mi daɗndiiɗo e sanamuuji ɗi rewoton ɗin, gaanin Allah.

Si wanaa Allah taguɗo lam On, On ɗon fewnay lam e jokkugol diina focciika kan.

O waɗi konngol tawhiidi ngol Ibraahiima maaki ngol, heddotoongol e ɓaawo makko, ngol mulataa e geyngol wootinɗinooɓe Allah ɓen ɓe kafidataa Mo e huunde. Belajo'o, ɓe ruttoray e Allah, tuubugol e sirku e geddi.

Mi hawjaano halkugol ɓee sirkooɓe fennuɓe, Mi dakmitirno ɓe e heddagol e aduna, kamɓe e baabiraaɓe maɓɓe ɓen, haa nde Alqur'aana arunoo e maɓɓe, e Nulaaɗo ɓannguɗo, woni Muhammadu (Jom kisiyee).

Nde Alqur'aanaare nden ardirunooɓe goonga mo sikke alaa e mu'un, ɓe wi': ɗum ko ko Muhammadu woni mbilɗoraade men, menen non, ko men yedduɓe ɗum.

Sirkooɓe fennuɓe ɓen wi'i: ko hanno Allah jippinira Alqur'aana e gooto e worɓe koohooɓe Makka maa Taa'ifu ɓen? hara wanaa e Muhammadu baaso alyatimaajo oo?

E ko kamɓe senndata yurmeende Joomi maa nden, an Nulaaɗo, sakko wona ɓe okkay nde mo ɓe yiɗani, ɓe ɗala nde mo ɓe haaji, kaa ko Allah? Awa ko Menen woni ko senndi arsikeeji maɓɓe ɗin hakkunde maɓɓe aduna, Men waɗi e maɓɓe alɗuɓe e waasuɓe, fii no yga maɓɓe wonira eltanaaɓe ɓeya. Haray, ko ko Joomi maa yurmetee jeyaaɓe Makko ɓen kon ka laakara, ɓuri moƴƴude e dii ko ɓee mooɓata e aduna lannoowo on.

Si wanaa fii wata yimɓe ɓen wonu e mofte goote ka keeferaaku, Men waɗayno e cuuɗi yedduɓe Allah ɓen: kiɓɓale kaalisi, e ŋabbirɗe ka ɓe ƴawra.

Men waɗayno kadi e cuuɗi maɓɓe ɗin, dame e danɗe e ndaɗɗuɗe ka ɓe soɓɓindoo fii no ɓe unura e fitina on seeɗa-seeɗa.

Men waɗanayno ɓe kadi cuɗaari kaŋŋe. Kono ɗum fow wonaali, si wanaa ko dakamme nguurndam aduna; nafa mun ko seeɗa mo juutataa. Ko neema laakara on ka Joomi maa an Nulaaɗo, ɓuri moƴƴannde ɗoftiiɓe Allah ɓen, ɓe woɗɗitii e haɗaaɗi Makko ɗin.

Kala ɗuurniiɗo e Alqur'aana, haa o ronki taskagol nde, haray o leptirte wuurteede e setaneeru ndu o seertataa e mun, ko ɓeyda mo bewre.

Ɗin awaseeji coowodaaɗi non e ɓen ɗuuniiɓe Alqur'aana, ko sakkotooɗi ɓe e diina Allah kan, haa ɓe ronka ɗoftaade Mo, ɓe haɗitoo e haɗaaɗi Makko ɗin, hara hiɓe sikka ko ɓe feewuɓe e goonga, ɓe ronka tuubude e nden majjere maɓɓe.

Haa si on ɗuurninooɗo jantoore Allah nden aroyii Ñalnde Darngal, o yelora wiide: ee bone ! hara hakkunde am e maa, an oo coowodaaɗo, woɗɗirayno goɗɗal fuɗnaange e hiirnaange woɗɗondiri ! Tawde a bonii coowodaaɗo !

Allah daalana heeferɓe ɓen nden Ñalnde: ɗum nafataa on hannde - nde tawnoo on tooñiriino ko'e-mon sirku e geddi - wonnde on hawtoyte ka lepte. Ɓe sirkanɗon ɓe, ronnditantaako on huunde e lepte ɗen.

Ɓee ko faaɗuɓe e nanugol goonga, wumiɗuɓe e yi'ugol mo. Hara non ko an Nulaaɗo, woni ko waawata naninnde faaɗuɗo maa fewna bunɗo maa majjuɗo laawol focciingol ngol?

Si Men aru ƴettitude ma ado Men leptude ɓe, haray doo ko Men yottorayɓe e maɓɓe, leptugol aduna e laakara.

Maa hara Men holle yoga e ko lepte ɗe Men kammbirani ɓe ɗen, haray doo ko Men gaynooɓe fii maɓɓe. Ɓe haɗtanaa dartagol Men e huunde.

An Nulaaɗo, jogito kon ko Joomi maa wahayini e maaɗa, golitiraa ɗum. Pellet, hiɗa jokki laawol goonga, ngol jilɓuya alah e mum.

Ndee Alqur'aanaare non, ko teddungal maaɗa an e yimɓe maa. Arma nde lamnditeɗon fii gomɗingol nde ngol, e rewgol peewal hende ngal, e noddugol e mayre ngol Ñalnde Darngal.

An Nulaao, lamndii e ɓen ɓe Nulunoo ado maa, si tawii Men waɗuno tanaa Allaahu On, reweteeɗi goo?

Gomɗii Men immindinii Muusaa e Aayeeje Amen ɗen, haa e Fir'awna e mbatu yimɓe makko ɓen, o maakani ɓe: ko mi Nulaaɗo Jeyɗo tageefo ngon fow.

Nde o addannooɓe Aayeeje Amen ɗen, ɓe woni e jalugol ɗe jalkita.

Men hollaali Fir'awna e mbatu mun ngun hujja semmbinɗo ko Muusaa addi kon, si wanaa haray ko on ɓuri adiiɗo mo on mawnude. Men nanngiri ɓe lepte ɗen aduna, jortagol nde ɓe ɓoorotoo e keeferaaku, kono ɗum nafaano.

Nde memi ɓe huunde e lepte, ɓe wi'ani Muusaa (yo o his): ko an yo mbileejo! Torano men Joomi maa, ko O jantimaa kon ka fii huncugol lepte ɗen, si wonii men gomɗinii. Tawde pellet, ko men feewooɓe, si O huncanii men lepte ɗen.

Nde Men huncannooɓe lepte ɗen, e jaka yoo, hiɓe firta ahadi maɓɓe ndin.

Fir'awna noddi e yimɓe makko ɓen, o woni e mantorgol laamu makko ngun, wi'angol ɓe: ko onon yo yimɓe am, wanaa min jey laamu Misra? E hino ɗii canɗi Niilu ngol hino ila e ley kuɓeeje am? E on yi*aani laamu am ngun, haa anndon mawngu am ngun?

Ko min ɓuri teddungal, e dii Muusaa lo'uɗo, on mo lobbintaa haala.

Awa ko hanno Allah werloo jawe kaŋŋe, e oo mo O nuli, no o hollira wonnde ko o Nulaaɗo Makko? Maaɗum Malaa'ikaaɓe ɓen arda e makko nun, hara ko ɓe jokkondirɓe?

Fir'awna ɗaytini ɗaytini yimɓe makko ɓen, ɓe ɗoftii majjere makko nden. Pellet, ɓen ɗon laatino yimɓe yaltuɓe e ɗoftaare Allah.

Nde ɓe tikkinirnoo Men haɓɓitagol e keeferaaku ngun, Men yottii e maɓɓe; Men yooli ɓe fow maɓɓe.

Men waɗi Fir'awna e yimɓe mun ɓen, adiiɓe yimɓe ɓen e keeferaaku, Men waɗti ɓe waajitorteeɓe, wonannde kala waajitoriiɗo ɓe, fii wata sugu mun heɓu ɗum.

Nde sirkooɓe ɓen sikkunoo wonnde Iisaa, Mo Annasaara'en rewata on, hino jeyaa e ɓe Allah daali fii mun ɓen :"Pellet, onon e ko rewoton kon gaanin Allah, ko on carmalle Jahannama. Ko on joloyayɓe e magge", e hino le Allah haɗii rewugol mo, no O haɗiri rewugol sanamuuji ɗin non, tawaa yoo, yimɓe maa ɓen, an Nulaaɗo, hino sonka wennjondiree, ɓe wi'i: men weltorii tawde reweteeɗo amen on, ko martaba Iisaa woni. Allah jippini ɗon kisan, ko raddira ɓe: "Pellet, ɓen ɓe moƴƴi ɗin adanii ɗum ka Amen, ɓen ɗon ko woɗɗintinteeɓe e magge"

Ɓe wi'i: Ko reweteeɗi amen ɗin ɓuri moƴƴude, kaa ko iisaa? Ibn az-Ziba’raa e nanndo makko piyiranaali ngal misal, fii heɓugol yottaade ka, ko fii tun wennjodnireede. Ɓen ko yimɓe saɗtuɓe wennje.

Iisaa geɗal Maryama on wonaali, si wanaa jeyaaɗo Allah, mo Men neeminiri Annabaaku e Nuleede, Men waɗi mo misal wonannde ɓiɗɓe Israa'iila ɓen, ko ɓe dallinora e kattal Allah ngal, nde tawnoo O tagirmo ko aldaa e baaba, wano O tagiri Aadama ko aldaa e jibimɓe.

Si Men haajuno gaynugol fii mon, onon ɓiɗɓe Aadama ɓen, Men waɗirayno ɗum, waɗtitirgol on Malaa'ika, ko lomtoo on ka leydi, ɓe wona e rewugol Allah, hara ɓe kafidataa Mo e goɗɗum.

Ko pellet, Iisaa ko maande jeyaande e maandeeji Darngal mawɗi ɗin, tuma o jippoytoo ka jamaanu sakkitoru. Wata on sikkito fii ɗum. Jokkee lam e ko mi addi kon immorde ka Allah, ko ɗum woni laawol focciingol ngol.

Wata seytaane falor on e laawol focciingol ngol, ɗayne e koomte maako ɗen ! tawde pellet, ko o gaño mon ɓannginɗo ngayngu.

Nde Iisaa (jom kisiyee) on ardannoo yimɓe makko ɓen hujjaaji ɓannginɗi Nulala makko ngal, o maakani ɓe: Gomɗii mi ardanii on e ñeeñal immorde ka Allah, e no ɓannginirana on yoga e ko luutondirɗon e mun, ka diina mon. Haray huliree Allah, ɗoftagol yamiraaɗi Makko ɗin, e woɗɗitagol haɗaaɗi Makko ɗin. Ɗofton mi e ko yamirta on kon, rentoɗon e ko mi haɗi on e mun kon.

Pellet, ko Allah woni Joomi am e Joomi mon. Reweteeɗo goo alanaa en. Laɓɓinanee mo Kanko tun, dewe ɗen. Ko ɗum woni laawol focciingol ngol.

Feddeeji Annasaara ɗin luutondiri hakkunde maɓɓe, fii Iisaa: woɗɓe wi'i: ko o reweteeɗo, woɗɓe ɓen wi'i: ko o ɓiɗɗo Allah, woɗɓe goo wi'i: kanko fow e neene makko, ko ɓe reweteeɓe. Awa bone woodanii ɓen tooñirɓe ko'e mun, siforgol Iisaa reweteeɗo, maa ɓiɗɗo maa tammo tammitaaɓe, immorde e lepte muusuɗe, habbitiiɗe ɓe Ñalnde Darngal.

Hara ɗii feddeejii luutondirɗi fii Iisaa no habbii si wanaa nde Darngal ngal ardata ɓe e juhal, hara ɓe so'aa anndude fii ɗum? Si ngal arii ɓe e fewndo keeferaaku maɓɓe, haray battane maɓɓe, ko lepte muusuɗe.

Weldunɓe yiɗindiri ɓen e majjere keeferaaku, yoga maɓɓe ayroyay yoga, Ñalnde Darngal; si wanaa hulirɓe Allah ɓen, ɗoftagol yamaruyeeji Makko ɗin, woɗɗitoo e haɗaaɗi Makko ɗin. Ɓen ɗon, weldigal maɓɓe ngal duumoto.

Allah daalano ɓen gomɗumɓe: Ko onon yo jeyaaɓe Am ! Kulol alanaa on hannde, e fii ko yawtiri on kon; wanaa on sunorayɓe kadi, fii geɓoy aduna yawtukoy.

Ɓen gomɗimɓe Alqur'aanaare jippiinde nden e Nulaaɗo maɓɓe on, ɓe woni jebbilaniiɓe nde; waajitoray ɓe, ɓe haɗitora kaɗaaɗi mayre kadi.

Naatee ka Aljanna, onon e nannduɓe e mon gomɗinal, hara hiɗon weltora neemaaji duumotooɗi, ɗi lannataa, taƴondirtaa.

Gollooɓe hino wanngindinee e maɓɓe, miranji kaŋŋe e ñedduɗe yooɗuɗe. Hino ka Aljanna ton: kala ko wonkii muuyetee, gite dakmitora ndaarugol. Hara non, ko on duumotooɓe ton, on yaltatah haa poomaa.

Ko on Aljanna mo sifanaɗon fii mun, woni mo Allah roniniri on ɓural Makko, sabu kon ko gollaynoɗon.

Hino woodani on ton, muuyanteeɗi ɗuuɗuɗi, ɗi taƴondirtaa, ko e ɗin ñaamoton.

Pellet, bonnirɓe keeferaaku e geddi ɓen, ko ka lepte Janhannama ɓe luttoyta Ñalnde Darngal, ɓe heddoo ton poomaa.

Ɓe hoynantaake lepte ɗen, wurin hara ko ɓe taƴiiɓe e yurmeende Allah nden.

Men tooñiraali ɓe naadugol ɓe Yiite, si ko woni, ko kamɓe tooñirnoo ko'e maɓɓe keeferaaku.

Ɓe nodda Malaa'ikaajo halfinaaɗo Yiite ngen on, ɓe wi'a: ko an yo Maaliku ! Yo Joomi maa gaynu fii amen, men foofto e lepte ɗen. O jaabitoo ɓe: pellet, ko e ɗen lepte luttoton poomaa, on maayataa ton, sakko lepte ɗen taƴondira e mon.

Gomɗii Men addanno on goonga ka sikke alaa e mu'un ; kono ɗuuɗuɓe e mon, ko añunooɓe goonga.

Si ɓe fewjanii Annabiijo on (yo o his), haray doo ko Men fewjanooɓe ɓe feere ɓurnde nden ɗon.

Kaa hara ɓe sikku wonnde Men nanataa gunndooji maɓɓe ɗin e sirruuji maɓɓe ɗin? Ko pellet, Men nanay ɗi fow ! Wuri Malaa'ikaaɓe ɓen hino maandina kala ko ɓe huuwi.

An Nulaaɗo, maakan dammbuɓe ɓiɗɓe rewɓe ɓen e Allah: wonnde O siforaali jogitagol ɓiɗɗo ! O laaɓii O senike e ɗum ! Si ɗum wonuno, ko min woni adiiɗo rewude Alla ceniiɗo O.

Senyanee woodanii Jeyɗo kammuuli ɗin e leydi ndin, Jeyɗo kadi Arsi kin e kon ko ɓee sirkooɓe dammbirta Mo debbo e ɓiɗɗo.

Nulaaɗo, accuɓe ɓe jumpa e meere nde ɓe woni e mun, ɓe fija haa ɓe hawroya e ñalaande maɓɓe nde ɓe fodaa, ndeen woni Ñalnde Darngal.

Ko Kanko Allah woni reweteeɗo e goonga On ka kammu e ka leydi, ko Kanko kadi woni Ñeeño e tagu Mun e eɓɓoore Mun e toppitagol Mun, Annduɗo fiyakuuji jeyaaɓe Makko ɓen. Mo tawata huunde suuɗaaki Mo e fii maɓɓe.

Moƴƴere Allah e barki Makko ɓeydanike Mo, Kanko On Mo woodani ɗum laamu kammuuli ɗin e leyd ndin e ko woni hakkunde majji. Ko ka Makko tun, anndal fii daragol Darngal woni, goɗɗo goo anndaa ɗum. Ko ka Makko tun kadi, woni ruttorde mon laakara, fii ñaaweede yoɓitee.

Ɗi sirkooɓe ɓen rewata ɗin acca Allah, ɗi waawataa tefoygol ka Allah, si wanaa ɓen seediiɓe konngol liimaanu ngol, hara hiɓe anndi ko ɓe seedii kon: wano Iisaa, e‘Uzayru, e Malaa'ika'en.

Ko pellet, si a lamndike ɓe, ko hommbo woni ko tagi ɓe? Ɓe wi'ete: Ko Allah. Ko honno non ɓe yiiliraa e rewugol Mo, ɓaawo ɓe qirritaade ɗum?

Allah hino anndi kadi fii ko Nulaaɗo wullitornoo fennugol yimɓe makko ɓen, nde ɓe maakunoo: ko an Joomi, pellet, ɓee ko yimɓe ɓe gomɗitaa ko nuluɗaa lam e maɓɓe kon.

Awa ɗuurno ɓe, maakanaa ɓe ko duñata bone maɓɓe on - ɗum ko Makka waɗi - aray nde annda ko sabbitiiɓe kon e yaggineede.

Haa, Miim. Yewtere fii sugu ɗee kalfe yawtiino ka simoore Al baqarah.

Allah woondirii Deftere ɓannginnde laawol peewal ngol.

Men jippinirii Alqur'aana, e jemma laylatul qadiri: jemma hebbiniraaɗo barki, Men siforii wonde jertinirooɓe ndee Alqur'aanaare.

Ko e nder on jemma, woni ko kala fiyaaku ñeñaaɗo, humondirɗo e arsike maa lajal ekn, woni ko Allah siinata e nden hitaande.

Meɗen senndira kala fiyaaku ñeñaaɗo immorde ka Amen. Men siforii wonde imminooɓe Nulaaɓe.

Meɗen imminira Nulaaɓe ɓen, yurmeende Joomi maa an Nulaaɗo, yurmegol Nulaaɓe e mun ɓen. Pellet, Kanko Allah, ko O Nanoowo haalaaji jeyaaɓe Makko ɓen, Annduɗo kuuɗe e annuyeeji maɓɓe ɗin. Hunnde e ɗin suuɗaaki Mo.

Jeyɗo kadi kammuuli ɗin e leydi ndin e ko woni kon hakkunde majji, si wonii ko on yananaaɓe ɗum, haray gomɗinee Nulaaɓe Am ɓen.

Reweteeɗo e goonga woo alaa, si wanaa Kanko. Himo wuurna, Himo wara, wuurnoowo wara alaa, si wana Kanko. Jeyɗo on Jeyi baabiraaɓe mon adinooɓe ɓen.

Ɓee sirkooɓe yananaaka e ɗum. Si ko woni, hiɓe sikkitiiɗi ɗum, ɓe woni e fijugol e meere.

Habbitoyo Nulaaɗo, lepte yimɓe maa ɓadiiɗe hewtuɗe, ñalnde kammu ngun ardata e curki feeñayngu e gite maɓɓe, hakkee ko ɓe sattina heege muusnge.

Hara curki kin hino sudda yimɓe ɓen, ɓe wi'anee ontuma: ko lepte muusuɗe woni ko heɓi on.

Ɓe wona e tororgol Joomi maɓɓe wi'ugol: Joomi amen, huncan men ɗee lepte, haray ko men gomɗinooɓe ma e Nulaaɗo Maa on, si A huncanii men ɗe.

Ko honno ɓe waajitorta, ɓe tuubana Joomi maɓɓe, hara le Nulaaɗo ariino ɓe, ɓannginani ɓe Nulal ngal, ɓe anndi le ko o goonguɗo hoolniiɗo?

Refti ɓe ɗuurnii e goongingol mo ngol, ɓe wi'i mo: ko goɗɗo goo woni e anndinnde mo, o wonah Nulaaɗo, haa ɓe wi'oyi: ko o haangaaɗo.

Tuma Men huncani on lepte ɗen yeru seeɗa; pellet, on ruttitoto e keeferaaku e fennugol mon ngol.

Habbito ɓe yo Nulaaɗo, haa Ñalnde Men nanngiroyta yimɓe maa yedduɓe ɓen, wippannde manwde nden Badri, haray pellet, ko Men yottoytooɓe e ko ɓe yeddiri kon Allah, ɓe fenni Nulaaɗo Makko on.

Gomɗii Men jerribinoke ado maɓɓe, yimɓe Fir'awna ɓen, Nulaaɗo Allah tedduɗo, ari e maɓɓe, himo nodda ɓe e wootinɗingol rewa Allah: on woni Muusaa (yo o his).

Muusaa maakani Fir'awna e yimɓe mun ɓen: accidee lam e ɓiɗɓe Israa'iila ɓen, tawde ko ɓe jeyaaɓe Allah. Haqqe alanaa on e maccinɗingol ɓe. Awa min wonannde on, ko mi Nulaaɗo Allah e mon, hoolniiɗo e ko Allah nuli lam yottingol kon, mi ɗuytataa mi ɓeydataa e mun.

E wonde wata townitanor Allah, tertagol rewude Mo, townitanoo jeyaaɓe Makko ɓen, tawde min on, mi addanay on hujja ɓannguɗo.

Min kadi non, mi moolorii Jeyɗo lam On Jeyi on, nde warirtonmi kaaƴe.

Si on gomɗinaa ko mi addi kon, haray woɗɗitee lam, hara on hewtiraali lam bone.

Annabi Muusaa noddiri Joomi mun, wonnde ɓee yimɓe Fir'awna ɗoo e dental mun ɗoo, ko bomɓe hannduɓe e yaccinaneede lepte.

Allah yamiri Muusaa yaadugol e yimɓe makko ɓen jemma, O humpiti mo, wonnde Fir'awna e yimɓe non, ko jokkitooɓe mo.

Allah yamiri mo lummbidugol e ɓiɗɓe Israa'iila ɓen ka maayo, O acca ngo ko deeƴa, tawde Fir'awna e konu mun ngun, kalkirete yooleteede ka maaya.

Ɗuuɗii ko Fir'awna e yimɓe mun acci ɓaawo maɓɓe, immorde e gese e ɓulli ilooji.

Ɓe acci kadi remuruujo e koɗanɗe labaaɗe.

E koɓe acci caggal mum en e nguurndam ɓe wonunoo neeminireede.

Ko wano siforanoɗon non, feƴƴirnoo e maɓɓe. Men ronini ɗin neemaaji maɓɓe, yimɓe goo, ɓen woni ɓiɗɓe Israa'iila ɓen.

Kammu ngun wullaali yoolagol Fir'awna e yimɓe mun ɓen, wanaa leydi ndin, ɓe wonaali kadi muññoranteeɓe no ɓe tuubira.

Gomɗii Men daɗndii ɓiɗɓe Israa'iila ɓn e lepte hoynooje, tawde Fi'awna e yimɓe mun ɓen, laatino warooɓe ɓiɗɓe maɓɓe worɓe, ɓe acca rewɓe ɓen.

Men daɗndi mo e lepte Fir'awna ɗen, tawde o wonuno mawnintiniiɗo fantini e yawitagol yamaruyee e diina Allah kan.

Gomɗii Men suɓorike ɓiɗɓe Israa'iila ɓen e dow anndal Amen, e hoore winndere jamaanu maɓɓe, tawde ɓe ɗuuɗirano Annabaaɓe.

Men okki ɓe hujjaaji ɗi Men semmbiniri Muusaa, ɗi neema feeñirani ɓe e mun, wano manna e colli juɗaaɗi.

Ɓee sirkooɓe fennooɓe no wi'a e yeddugol ummital:

Ndee maayde wonaali, si wanaa aranere nden tun, men wonaali kadi immintinoyteeɓe ɓaawo mun.

Awa Muhammadu, an e jokkuɓe ma ɓen, artiree baabiraaɓe amen maaynooɓe ɓen, si wonii ko e goonga wonɗon, wonnde Allah immintinay maayɓe ɓen, fii ñaaweede yoɓitee.

Kere ko ɓee sirkooɓe fennuɓe ma an Nulaaɗo, ɓuri cemmbe e neema, kaa ko yimɓe "Tubba'in" ɓen e ɓeya adinooɓe ɓe, wano 'Adi'en e Samuuda'en, Men halkuno ɓen fow, tawde ko ɓe laatina bomɓe.

Me tagiraali kammuuli ɗin e leydi ndin e ko woni hakkunde majji kon, fijooɓe e ɗum.

Men tagiraali kammuuli ɗin e leydi ndin, si wanaa fii ñeñƴal faandaangal. Kono ko ɓuri ɗuuɗude e sirkooɓe ɓen, ɓe anndaa ɗum.

Pellet, ko Ñalnde Darngal, woni ko Allah saatini senndindirgol hakkunde jeyaaɓe ɓen, ɓe fow maɓɓe, tuma ɓe mooɓindiraa.

Ñalnde nde giɗo woo nafoytaa giɗo mun ; ɓe wonaali kadi daɗooɓe lepte Allah ɗen, tawde Laamu ngun nden Ñalnde, ko Allah woodani, wanaa goɗɗo e nodditoraynooɓe ngu.

Si wanaa neɗɗo mo Allah yurmaa woo, on ɗon nafitoroy golle makko moƴƴe ɗen. Pellet, Allah ko Fooluɗo Mo fooletaake, Hinnotooɗo kala tuubuɗo e jeyaaɓe Makko ɓen.

Pellet, leggal Zaqquumi ngal Allah fuɗini ngal ka asli Yiite,

Ko ngal woni ñaamdu ɗuuɗuɓe bakkaatu ɓen, woni heefero o na nyaama e ɓesnooje makki coɓɗe ɗe.

Nde ɓesnaande na nanndi e nebban ɓale nde taayinaa, hara hino fata e deedi maɓɓe ɗin, hakkee ko wuli.

Wano ndiyam wulɗam jaw nguli fatirta.

Ayninaayɓe Yiite ngen wi'anee: nanngee mo pooɗiron doole, haa ka hakkunde Jahiimi.

Refti yuppon ka hoore makko, ndiyam fasnaaɗam ɗam, hara o seertataa e lepte ɗen.

O wi'anee ontuma: awa meeɗu non lepte muusuɗe ɗen ! An sikkunooɗo ko a fooluɗo mo dartetaake, tedduɗo hakkunde yimɓe mun.

Awa ko ɗee lepte woni ko sikkitinoɗon si laatotono Ñalnde Darngal sikke iwii e mon caggal On fellitii hannde.

Pellet, hulirɓe Joomi mun ɓen ɗoftagol Mo haɗitoo e haɗaaɗi Makko, ɓen wonii e weerde hoolniinde e kala bone.

E nder gese e ɓulli ilayɗi.

Hiɓe ɓoornoo ka Aljanna ton, comci ɗaatuɗi e tekkuɗi, hara hiɓe fewtondiri, ɓe runtandirtaa.

Ko wano Men teddiniri ɓe non ɗin jantaaɗi, Men resiniri ɓe kadi ka Aljanna, rewɓe yaajuɓe gite, tiiɗuɓe ɓaleeri gite.

Hiɓe gollooɓe ton ɓen, fii addangol ɓe kala muuyanteeɗi ɗi ɓe faaletee, hara ko ɓe hooliiɓe e anngal taƴondirgol ɗi maa lorra majji.

Ko ɓe duumotooɓe ton, ɓe meeɗataa ton maayde woo, si wanaa maayde aranere nden aduna, Joomi maɓɓe daɗnda ɓe lepte Yiite ngen.

Ɗum ko dokkal e moƴƴere immorde ka Joomi maa. Haray ko jantaa koo, e naadeede ɓen Aljanna, daɗnda ɓe Yiite, ko ɗum woni maloore mawnde nden, nde sugu mun alaa.

Ko Men newinirani ndee Alqur'aanaare jippinirgol nde e ɗemngal maa, aarabu ngal, an Nulaaɗo, ko no ɓe waajitora.

Habbito faabo maa ngon e halkeede ɓe nden. Kamɓe ko ɓe habbitiiɓe maayde maa.

Haa, Miim. Yewtere fii sugu ɗee kalfe yawtiino ka cortewol Al baqarah.

Jippagol Alqur'aana, ko immorde ka Allah, Fooluɗo Mo fooletake On, Ñeeñuɗo e tagu Mun e kattal Mun e toppitagol Mun.

Pellet, hino e kammuuli ɗin e leydi ndin, tinndinayɗi kattal e gootaagu Allah ngun, wonannde gomɗimɓe ɓen. Tawde ko ɓen taskorta maandeeji ɗin.

Hino e tagugol on ngol kadi, onon yimɓe ɓen, immorde e toɓɓere maniiyu, refti huyre, refti heɗɗere, e ngun tagu ngu Allah saaki ka leydi hino ruuga, ko maandeeji wonii e ɗum fow, wonannde yimɓe yananaaɓe wonnde ko Allah woni taguɗo On.

Wonii kadi e luutongol jemma e ñalorma ngol, e kon ko Allah jippiniri ka kammu, immorde e ndiyam, O wuurnitiri ɗam leydi ndin, fewndo ndi yoorunoo ndi alaa puɗi, e firlitagol keneeli ɗin, yiltindira ɗi senngo kala, tuma woo, fii nafa mon, ko maandeeji non, wonannde yimɓe haqqilooɓe ɓen. Ɓe dallinora ɗum, e wootinɗingol Allah ngol, e wonnde Himo haɗtani ummitingol, O haɗtani huunde kala.

Ɗin ko maandeeji e hujjaaji ɗi Men janngirta e dow maaɗa, an Nulaaɗo, e hoore goonga. Si tawii ɓe gomɗinaali yewtere Allah e hujjaaji mun jippinaaɗi e Jeyaaɗo Makko on, haray ko yewtere honnde goo ɓe gomɗinoyta?

Halkaare e lepte Allah woodanii kala ɗuuɗuɗo fenaande e bakktuuji !

On geddo hino nana Aayeeje Allah ɗen ka Alqur'aana hino janngee e dow makko, refti o duumoo e geddi e keeferaaku makko, o townitanoo jokkugol goonga kan, wa si tawii o nanaano ɗen Aayeeje janngaaɗe e dow makko. Awa an Nulaaɗo, humpitu on bone makko laakara, ɗum le ko lepte muusuɗe hino habbitii mo ton.

Si goɗɗum hewtii mo e Alqur'aana, o jogitora ɗum jalnori makko. Ɓen siforɓe ngol jalkitugol Alqur'aana, hino woodani lepte hoynooje, Ñalnde Darngal.

Jahannama hino yeeso maɓɓe, habbitii ɓe laakara. Jawle ɗe ɓe faggitinoo duncanoytaaɓe huunde ka Allah, wanaa sanamuuji ɗi ɓe jogitinoo reweteeɗi ɗin gaanin Allah, woni ko duncanoyta ɓe. Hino woodani ɓe Ñalnde Darngal, lepte mawɗe.

Ndee deftere nde Men jippini e Nulaaɗo Amen on Muhammadu, ko ɗowoore e goonga. Ɓen yedduɓe non Aayeeje Joomi maɓɓe ɗen, hino woodani ɓe lepte bonɗe muusuɗe.

Ko Alla gooto O woni eeltanɗo mon- ono yimɓe- maaya ngo ngam laaɗe ndiyam ndoga e hengo, haa ɗaɓɓon e ɓural makko e nooneeji paggitaaɗe dagiiɗe, mbela joo njetton neemaaji Alla e dow mon.

Alla mbo senaade woodani eeltanii mon denndaangal ko woni e kammuuji hono naange e lewru e koode, e ko woni e leydi hono caatli e leɗɗe e montaanji eken, wonii e eeltude ɗiin noon dallilaajim baawka Alla e ngootaagu Makko, wonande yimɓe miijatooɓe kaawisaaji makko ɗi ɓe teskooɗi.

Maakan aan Nulaaɗo, ɓeen goonɗinɓ Alla e nulal Nullaaɗo Makko : yoɓe njaafa ɓeen heefereɓe bonɓe e mum en ɓe ngannduɗa paalaaka neemaaji Alla e lepte makko e dow mum en, Ma Alla yoɓ goonɗinɓe munyɓe e heefrɓe jaggitɓe koɓe paggittono e golle nder aduna;

Kala golluɗɗo golle lobbe ko hoore mum o gollani, Alla na yondani e golle mum he, kala kadi mo golli golle bonɗe ko lepte ɗe ngonata e dow mum, bone golle mum loratah Alla, refti koto Alla ɓe nduttoto nyande darngon gooto fof yoɓe ko haandi ko.

Ko goongo Min njonnii Banii Israa*iil Tawreet e senndude hakkunde aade en min waɗi ko ɓuri heewde e Annabaaɓe ko Annabi Ibraahiima njalti yo jam e kisal ngon e mum, Min ngarsikini ɓe e nooneeji laaɓɗi, Min ɓurniɓe e yimɓe jamaanu mum en.

Min toottiɓe dallillaaji ɓannguɗi ceerndooji hakkunde goongo e fenaande, ɓe luuraani si wonah caggal nde hujjaaji neleede Muhamed pawii e maɓɓe, alah fof ko fooɗiɓe e ngal luural si wonah bewre e reerɗude e laamu kam e koongu, Joomo noo Aan Nulaaɗo na seernda hakkunde mum en koɓe yeddandiratno ka aduna, O seernda jom goongo e jom fenaande.

Refti Min mbaɗma e laawol e sunna e dow yamiroore Amen nde Min njamiri annabaaɓe adiiɓe, nodda e Iimaan e golle lobbe, rew o sariya, woto belaaɗe ɓeen ɓe nganndah goonga, belaaɗe maɓɓe na majjinaɓe gaa e goonga.

Pellet ɓeen ɓe nganndah goonga ɓe curantaa Ma lepte Alla hay huunde si a rewii belaaɗe maɓɓe, toonyooɓe seertuɓe laabi yogo e mum en wallat yogo goo, ɓe mballandira e dow juulɓe, Alla noon wallat hulɓe Koɓe ciini jamirooje makko deenii kaɗaaɗe Makko.

O quraana kombo gite ɗe yimɓe njiirata goongo e peewal faade e goongo, e yurmeende wonande yananaaɓe, sabu ko e mammbo ɓe peewrata faade e laawol poocingol ngam Joomi mum en weleeɓe, O naatnaɓe aljanna, O deestinaɓe yiite.

Mbela ɓeen faggitiriiɓe terɗe mum en keefeeru e goopi cikkat ma Min mbaɗ njoɓdi mum en hono njoɓdi ɓeen golluɓe golle lobbe, ɓe ngoonɗini, ɓe pota aduna e laakara? kaanii ñaawoore mum en.

O tagri kammuuji e leydi ñeeñal timmungal, O tagiraaniɗi fijirde, e ngam O yoɓa kala fittaandu kondu faggino ko boni wolla ko lobbi, Alla toonyataaɓe ustude moƴƴi mum en ma ɓeydude bonɗi mum en.

Ndaar -aan nulaado- faade e oon dewɗo belaaɗe mum o waɗiɗe hono dewetooɗo mbo o lunndataaka, Alla majjanii mbo e ganndal ummaade e makko, sabu hombo haandi e majjineede, O ommbi ɓernde makko o nanatah nangol naftaraade, O muuri ndaarɗe makko haa o sutataako goonga, hombo hawrinta oon e goonga caggal de Alla majjani mbo? Mbela on miccataaka lorlo rewde belaaɗe, e nafoore rewde sariya.

Heefareeɓe yedduɓe ummital wii: Nguurndam alah si wonah nguurndam amen aduna ɗam, nguurndam alah caggal ɗaam, njiirle na maaya nduttataaka, jiirle kadi nguura, alah ko warata min si wonah lomtandirde jemma e nyalawma, ɓe ngalah ganndal koɓe njeddi ko ummital, ɓe ngonah si wonah sikkooɓe, te sikke nafatah goonga hay ndiga;

Si aayeeje Amen njanngaama e sirkuɓe yedduɓe ummital, ɓe ndañatah hujja mbo kujjinorto si wonah wiide Nulaaɗo yo o his e wondiiɓe makko: nguurtinane min baabiraaɓe amen si on ngonii goonɗuɓe e ko noddittaɗon wonde ma min ummita caggal maayde amen:

Maakanɓe Aan Nulaaɗo: Alla na wuurna mon e takde mon refti O wara mon, refti O renndina on caggal maayde mon faade darorde nyalngu darnga ngam haasbo e njoɓdi, oon nyalawma sikke alah e gargol mammbo, kono ko ɓuri heewde e yimɓe nganndah, ko ɗum waɗi ɓe keblorantaaka ɗum golle moƴƴe.

Ko Alla tan laamu kammuuji e leydi ngoodani, alah potɗo reweede e goonga mbo wona Alla, nyande darnga darii Alla ummitini maayɓe ngam hasbeede e njoɓdi nyande heen de meeranteeɓe rewatnooɓe ko wonah Alla yahatnooɓe ngam bonnude goonga cemmbina meere perta.

Haɗa yiya - aan nulaaɗo- e oon nyalawma kala lenyol na gurfanii e koppi mum na fadi ko waɗate, kala lenyol na nodde e deftere golle mum nde malaykaaji binndooji mbinnduno, nguu ñallngu ma on njoɓe ko ngollatnaɗon e aduna fofti ko lobbum wolla ko bonɗum.

Ndee ko deftere Amen- nde malaykaaji amen mbinndatno golle mon- honde seedoo e mon goonga njanngee nde, Min ngoniina yamirooɓe malaykaaji binndooji nde mbinndata golle mon ka aduna.

Tawi ko ɓeen goonɗinɓe ɓe ngolli golle moƴƴe Joomi mum en ma O naatnuɓe aljana e yurmeende mum, ndiin njoɓdi ndi Alla tottiɓe woni malal laaɓngal ngal mal malal goɗngal waawah ɓadaade.

Tawii ko been yeddube Alla be wi*nee woynude ɓe: Mbele aayeeje Am njanngetanaake e mon mawnakinadon dow iimanaagal, gondon yimɓe bonɓe, paggitadon heeefeeru e goopi.

Siɓe mbi*aama:pellet fodoore Alla fodani jiyaabe mum wonde ma O ummitibe O yobabe ko goonga mbo alah sikke, darnga ko goonga sikke alah heen ngoolonee mbo, mbi*on: Min nganndah o darnga, min cikkiti sikke loodo wonde ma mbo ar, min njananaaka gargol mammba.

Feeñaniɓe boneeji golle mum en nder aduna ummorde e keefaraagu e goopi, lepte ɗeɓe njalkitatno tellii e mum en ɗeɓe njeertinteno e mum.

Alla daalaniɓe: hannde Min acca on e yiite hono no yejjatirɗon ñalngu mon hannde ngu, on keblanaani ngu iimaan e golle lobbe, ko yiite woni ñiiɓirde, on ngalah balla diiwanoowo mon leɓte.

Leɓte ɗe ɗe lepteɗon sabu ko njaggirno ɗon aayeeje Alla ɗe saboote e jalkitde, nguurndam aduna ɗam hodiri mon dakamme e tuuyooji majjam, hannde ɓe heeferɓe jalkitatnooɓe aayeeje Alla njaltatah yiite, ɓe keddato e henge haa pooma, ɓe nduttetaake e nguurndam aduna haa ɓe ngolla golle lobbe, Joomi mum en weletaake ɓe.

Ko Alla tan woodani jettoode, Jom kammuuji e leydi, Jom denndaangal tagu.

Ina woodani Mbo teddungal e manngu nder kammuuji e leydi, kanko woni poolɗo mbo gooto foolatah, nyeenya e tagu makko e hoddira makko e jiilgol makko e sariya makko.

Haa, Miim. Yewtere fii sugu ɗee kalfe yawtiino ka simoore Al baqarah.

Jippagol Alqur'aana, ko immorde ka Allah, hay foolondirtah e Makko, Ñeeñuɗo e tagu Mun e kattal Mun e toppitagol e sariya Mun.

Men tagiraali kammuuli ɗin e leydi ndin e kon ko woni hakkunde majji, fii fijindaaru; ko Men tagiri ɗin fow, ko hoore goonga e ñeeñe yottiiɗe: wano fii no jeyaaɓe ɓen anndira ɗin, woodeede Mo, ɓe rewa Mo Kanko tun, hara ɓe kafidaali Mo e huunde, e no ɓe tottira paandale lontineede ɓe nden ka leydi, haa e caatal happaangal, ngal Allah tun anndi fii mun. Yedduɓe Allah ɓen non, ko ɓe ɗuurniiɓe e kon ko ɓe jertinaara ka Deftere Allah, ɓe haajaaka e ɗum.

An Nulaaɗo, maakan ɓee sirkooɓe ɗuurniiɓe e goonga: yeetee lam fii sanamuuji mon ɗi rewoton accon Allah ɗin, ko honɗum e geɗe ɗi tagi e leydi ndin? Hara ko fello? Kaa ko ilol? Kaa hara hiɗi kafidi e Allah ka tagugol kammuuli ɗin? Awa addanee lam Deftere jipporiinde ka Allah, ado ndee Alqur'aanaare, maa batte ganndal ko adinooɓe acii, si wonii ko on goonguɓe e ko nodditorton, wonnde sanamuuji mon ɗin hino hanndi e reweede!

Alaa ɓurɗo majjude, wa on rewuɗo ko wanaa Allah, sanamu ko jaabotaako mo haa Darngal daroo! Hara non, ɗin sanamuuji, ko welsindiiɗi e ko ɓe rewata ɗin kon, wanaa fii ɗi nafa ɓe maa ɗi lorra ɓe.

E hoore ko sanamuuji ɗin nafataaɓe kon aduna, ko non kadi woni si yimɓe ɓen mooɓoyaama Ñalnde Darngal, ɗi wontanoyay ɓe ayɓe, ɓe daɗndinoo e majji, ɓe wona e yeddugol ko ɓe rewaynooɗi kon.

Si Aayeeje Amen jippinaaɗe e Nulaaɗo Amen on janngaama e maɓɓe, yeddunooɓe Alqur'aana ɓen tuma nde jippornoo e Nulaaɗo on wi'a: Ɗum ko mbilewu ɓanngungu, wanaa wahayu Allah nii.

Kaa ɓee sirkooɓe wi'ay woni: wonnde Muhammadu fefindi ndee Alqur'aanaare, o dammbi Allah? Awa an Nulaaɗo, maakan ɓe: si taw mi fefindi nde, haray doo on duncantaa lam e huunde e lepte Allah ɗen, si wonii O faandanike lam ɗum. Haray ko honno mi yollirta hoore am e lepte, fefindorgol nde? Ko Allah ɓuri anndude on, tuma nde jumpirton e mayre tuuningol nde. O yonii non seedee hakkunde men. Ko Kanko woni Haforoowo junuubi kala tuubuɗo e jeyaaɓe Makko ɓen, Hinnotooɗo ɓe.

An Nulaaɗo, maakan ɓee sirkooɓe fennuɓe Annabaaku maa: wanaa min Allah adii nulude, sakko ŋalɗon e ko mi noddata on e mun kon, ɗuuɗuɓe adinoke lam. Awa kadi, mi anndaa ko Allah waɗatammi, maa ko O waɗata on aduna. Min on jokkaa, si wanaa ko Allah woni wahayinnde kon e am; mi wowlataa mi huuwataa, si wanaa ko yaadi e wahayu. Mi laataaki, si wanaa jertinoowo on e lepte Allah ɗen, ɓannginana on ɗum.

Nulaaɗo, maakan ɓee fennooɓe: Yeetee lam, si tawii le ndee Alqur'aanaare ko immornde ka Allah, yedduɗon ɗum, goɗɗo e geɗalɓe Israa'iila ɓen seeditii wonde ko non woniri, tippude e ko ari kon ka Tawreeta fii mayre, kanko o gomɗina nde, onon kan townitanoɗon gomɗingol nde; haray ontuma wanaa on tooñuɓe? Awa le, pellet, Allah fewnataa yimɓe tooñooɓe goonga ɓen.

Yedduɓe Alqur'aana e ko Nulaaɓe ɓen addani ɓe kon wi'ani gomɗimɓe ɓen: si tawno ko Muhamaadu addunoo ko goonga fewnoowo e moƴƴere, ɓee waasuɓe maccuɓe lo'inaaɓe aditotanooko men e mun. Nde tawnoo non ɓe feewiraali ko Nulaaɓe ɓen addani ɓe kon, ma ɓe wi'u: ko o addani men ko'o, ko fenaande ɓooynde, menen non men jokkataa fenaande.

Hino aditii ndee Alqur'aanaare, Deftere Tawreeta jippinaande nden e Annabi Muusaa (yo o his), ɗowornde e goonga, e yurmeende wonannde kala gomɗinɗo nde o jokki nde e ɓiɗɓe Israa'iila ɓen. Ndee Alqur'aanaare jippinaande e Muhammadu (jom kisiyee) kan, ko Deftere goonginirnde ɗeya Defte adinooɗe nde, e ɗemngal aarabu, fii yo jertinir nde, tooñirɓe ko'e mun ɓen sirkugol yedda Allah, e wewlinirgol nde moƴƴimɓe hakkunde mun e taguɗo ɓe On e hakkunde maɓɓe e tagu Makko ngun.

Pellet, wi'uɓe ɓen: Ko Allah woni Joomi amen, wanaa goɗɗum goo , refti ɓe tabiti e gomɗinal e golle moƴƴe, kulol alanaa ɓen laakara, wanaa kamɓe kadi sunoytoo ton, fii ko yawtiɓe aduna.

Ko ɓen siforɓe ɗin sifaaji, woni yimɓe Aljanna ɓen duumotooɓe ɓen ton poomaa, njoɓdi golle maɓɓe moƴƴe ɗen aduna.

Men yamirii neɗɗanke on jamirgol teeŋtungol, wonnde yo o moƴƴor e jibimɓemo ɓen, ɗiggangol ɓe e nguurndam maɓɓe, e ɓaawo maayde maɓɓe, ko lunndaaki sari'a on, teŋtinii non jiido makko soworiiɗo mo saɗteende, o jibiniri mo kadi saɗteende; hakkunde soweede mo e enteede mo, ko lebbi cappanɗe tati. Haa si wonii o yottike cemmbe makko ɗen ka ƴoƴugol e ka mawnugol, o timminii duuɓi cappanɗe nayi, o wi'a: Joomi, longinam yettugol neema Maa mo neeminirɗaa mi mi e jibimɓe lam ɓen, e ndemi gollata golle moƴƴuɗe weltinyɗe Ma, jaɓanaa mi ɗum, moƴƴinanaa lam ɓiɗɓe am ɓen. Min mi tuubanii ma junuubi am ɗin, ko mi jeyaaɗo e jeɓɓilaniiɓe ɗoftagol yamaruyeeje Maa.

Ko ɓen woni ɓe Men jaɓanta ko ɓuri moƴƴude e ko ɓe golli kon, Men yawtana ɓe bonɗi maɓɓe, hara ɓe nanngitirtaake ɗi, ko ɓe jeyaaɓe e yimɓe Aljanna ɓen. Ko ɓe fodaa koo, ko fodoore goonga nde ɓe fodanoo, ko pellet, nde hunnete.

Kala non wi'anɗo jibimɓe mo ɓen: wus mo'on ! kere on foday lam immintineede ɓaawo maayde am, hara gomɗii mofte ɗuuɗuɗe yawtiino ado lam, ɓen fow maayi, kono le ɓe immintinaaka? Hara ontuma, jibimɓe mo ɓen hino ɗaɓɓira Allah faabo, nde O fewnata ɓiɗɗo laɓɓe on e gomɗinal, ɓe wi'ana mo: Ee bone maa ! kori gomɗin ummital. Tawde pellet, ko Allah fodi kon fii ummital, laatoto ko sikke alaa e mu'un. O wi'itana ɓe: ko wowletee e fii ummital kon wonaali, si wanaa ko eggaa e defte adinooɓe ɓen, ɗum tabitintah e Allah.

Ko ɓen woni ɓe lepte waɗɗi e mun, jeyaaɓe e mofte wulinooɗe ado maɓɓe, immorde e jinna e yimɓe. Pellet, ɓe laatino sooyuɓe. Tawde ɓe sooyinirno ko'e-maɓɓe e yimɓe maɓɓe ɓen naatugol Yiite.

Hino woodani kala fedde e yimɓe Aljanna e Yiite ɓen: darjaaji, yeru golle maɓɓe ɗen. Darjaaji yimɓe Aljanna ɓen, ko toowuɗi, darjaaji yimɓe Yiite ɓen kan, ko joluɗi. Ɗum ɗon, ko fii no Allah hunnira ɓe njoɓdi golle maɓɓe ndin, e hoore ɓe tooñiroytaake Ñalnde Darngal, ɗuytaneede maa ɓeydaneede.

Ñalnde yedduɓe Allah ɓen ɓe fenni Nulaaɓe Makko ɓen, weeɓitiroytee e Yiite ngen fii lepteede, ɓe feliree wi'aneede: on lanniino fii moƴƴi mon ɗin ka nguurdam mon aduna, dakmitorɗon welii-fotii. Hannde non, on yoɓitirte lepte hoynooje on, sabu ko townitoraynoɗon kon ka hoore leydi, ko aldaa e goonga, e sabu ko yaltirnoɗon kon e ɗoftaare Allah, geddi e keeferaaku.

Janto an Nulaaɗo, fii Huudi, musiɗɗo Aadinkooɓe ɓen ka dammbe, tuma nde o jertinirnoo yimɓe makko ɓen, e lepte Allah yanooje e maɓɓe, hara hiɓe ka cuuɗi maɓɓe nder ayɗe nano duunde arab nden - gomɗii le Nulaaɓe jertinooɓe goo jertiniino yimɓe mun, ado Huudi e ɓaawo makko, wonnde : wata on rewu dey, si wanaa Allah tun. Min mi hulanii on, onon yimɓe am, lepte ñalaande mawnde, woni Ñalnde Darngal.

Yimɓe makko ɓen wi'ani mo: E a aru e amen fii no firlitaa men e reweteeɗi amen ɗin? Ɗum gasataa ! Addan men kisan, ko kammbiranɗaa men kon e lepte, si wonii ko a jeyeeɗo e goonguɓe ɓen.

O maaki: Ganndal fii lepte ɗen, ko ka Allah woni, wonaa min anndi fii mun. Min on, mi yottinanay on tun woni, ko mi nulaa kon e mooɗon. Ko woni tun, mi yi'ii ko on yimɓe majjaaɓe ko nafata on, waɗi si ɗon sela ɗum, jokkiron lorra mon, sabu majjere mon nden.

Nde lepte ɗe ɓe hawjirnoo ɗen arunoo e maɓɓe, ɓe yi'i duulere no weeɓitori ka kammu, senngo ayɗe maɓɓe ɗen, ɓe wi'i: ndee ko duulere toɓanay nde men. Annaba Huudu maakani ɓe: wanaa ko sikkuɗon kon ! Ndee duulere, ko lepte ɗe hawjirnoɗon ɗen: ɗum non ko henndu jillundu lepte muusuɗe.

Hindu muncira kala ko ndu rewi e mun, yamiroore Allah, halkugol ɗum. Ɓe wonti halkaaɓe, tawi huunde yi'etaake si wanaa cuuɗi maɓɓe ɗin, ko seeditoo wonnde ɓe woodano ɗon. Ko wano Men yoɓitiri non ɓen ɗon lepte muusuɗe, Men yoɓitirta bonnirooɓe geddi e keeferaaku ɓen.

Gomɗii Men yeɗii yimɓe Huudi ɓen e nooneeji newaare, ko Men yeɗaali on. Men waɗani ɓe nanɗe, e giiɗe e ɓerɗe. Kono nanɗe maɓɓe, e giiɗe maɓɓe e ɓerɗe maɓɓe fow duncanaano ɓe goɗɗum, daɗndaali ɓe lepte Allah, tawde ɓe wonuno e yeddugol Allah ɗen, O jippini e maɓɓe, ɗen lepte ɗe ɓe jalkitiraynoo Nulaaɗo maɓɓe on Huudu, si on jertiniriino ɓe ɗe.

Gomɗii Men halkiino ca'e yimɓe Makka ɓen wonunooɓe takko mon : Men halki Aadi'en, e Samuuda'en, e yimɓe Luutu ɓen e wondiiɓe Madyana ɓen. Men ɗuɗɗinani ɓe hujjaaji e dallillaaji, jortagol no ɓe yiltora e keeferaaku maɓɓe.

Ko haɗno sanamuuji ɗi ɓe jogitornoo ɗin reweteeɗi gaanin Allah, ɗi ɓe ɓaɗtinoraynoo dewe e kirse, faaboo ɓe? Kono ɗi hunnantaa ɗum. Wurin, ɗin wirnanike ɓe fewndo ka ɓe hatonjini e majji; ko ɗum wonunoo fenaande e fefinannde maɓɓe, nde ɓe aaƴoraynoo wonnde ɗin sanamuuji tefanoyay ɓe ka Allah.

Janto an Nulaaɗo, tuma nde Men imminnoo fedde jinna e maaɗa, hiɗi heɗoo Alqur'aana jippinaande nden e maaɗa. Nde ɗi tawanoo kin janngin, yoga e majji wi'ani yoga: Deƴƴee haa heɗoɗen nde. Nde Nulaaɗo (jom kisiyee on) gaynunoo janngugol, ɗi yiltitori ka yimɓe majji, jertinirgol ɗe lepte Allah ɗen, si tawii ɗi gomɗinaali ndee Alqur'aanaare.

Ɗi wi'i: Ko onon yo mbatu amen, men nanii Deftere jippinaande ɓaawo Muusaa, goonginnde ɗeya Defte immorɗe ka Allah, adiiɗe nde. Ndee Deftere nde men nani, ko fewnaynde e goonga, e laawol focciingol, ngool woni laawol lislaamu ngol.

Ko onon yo mbatu amen, nootee Muhammadu, e goonga ka o noddata on e mun kan, gomɗinon wonnde ko o Nulaaɗo Joomi makko. Ontuma, Allah haforanay on junuubi mon ɗin, O hisina on e lepte muusuɗe, habbitinooɗe on, si on gomɗinaano.

Kala mo nootaaki Muhammadu (yo o his) e goonga ka o noddata e mun kan, wanaa doo o laawotooɗo Allah ka hoore leydi, o alaa kadi giɗo gaanin Allah, ko daɗnda mo lepte. Ko ɓen woni e nder majjere ɓanngunde.

E ɓee sirkooɓe fennooɓe ummital yi'aali wonnde ko Allah tagi kammuuli ɗin e leydi ndin, O ronkiraali tagugol e hoore ko ɗi mawni kon fow, wonnde ko O haɗtanɗo wuurnitugol maayɓe ɓen fii hasbeede yoɓitee? Pellet, Himo haɗtani ɗum. Kanko seniiɗo On, ko O haɗtanɗo kala huunde. O ronkataa wuurnitugol maayɓe.

Ñalnde yedduɓe Allah e Nulaaɗo mun on weeɓitoytee e Yiite ngen fii lepteede, ɓe feliree wwi'eede: wanaa goonga reenuɗon e ɗee lepte? Kaa on fenniray wano fenniraynoɗon aduna non? Ɓe wi'a: Ko non tigiri woniri, men woondirii Joomi amen. Ɓe wi'anee: awa meeɗiree lepte ɗen, sabu ko yeddirɗon kon Allah.

Muñño an Nulaaɗo, e ko yimɓe maa ɓen fennete kon, wano yimɓe pellital ɓen ka Nulaaɓe muññornoo non: ɓen woni Nuuhu, e Ibraahiima, e Muusaa e Iisaa (yo ɓe his); wata a hawjiramɓe lepte. Ñalnde ɓe yi'oyta lepte ɗe ɓe kambirananoo ɗen laakara, ɓe wa'oyay wa si ɓe ñiiɓaano aduna, si wanaa dumunna-hun ñalorma, hakke ko lepte ɗen juutanta ɓe. Awa ndee Alqur'aanaare jippinaa-nde e Muhammadu (yo o his) no yoini e yimɓe e jinna. Haray non, halkiroytaake lepte, si wanaa yaltirnooɓe ɓen e ɗoftaare Allah nden, geddi e keeferaaku.

Ɓen yedduɓe Allah ɓe sakkii yimɓe ɓen e diina Makko kan, Allah bonnii fii golle maɓɓe ɗen.

Ɓen gomɗimɓe Allah, ɓe golli golle moƴƴe, ɓe gomɗini ko Allah jippini kon e Nulaaɗo Makko on Muhammadu (yo o his) - on goonga immorɗo e Joomi maɓɓe - O yawtanii ɓe bonɗi maɓɓe ɗin, O moƴƴinii kadi fiyaaku maɓɓe on aduna e laakara.

Ko waɗi si ɗin feddeeji ɗiɗi yoɓitiraa non, ko ko tawi kon yedduɓe Allah ɓen jokkii meere nden, gomɗimɓe Allah e Nulaaɗo mun on kan jokki goonga kan immorde e Jommi maɓɓe. Fedde kala yoɓiraa ko haandi kon. Awa ko wano Allah ɓannginiri non ñaawoore ɗin feddeeji ɗiɗi : gomɗimɓe e heeferɓe, woni ko O piyiranta yimɓe ɓen, mise maɓɓe ɗen. O humindira huunde kala e nanndo mun.

Onon muumini'en, si on hawrii e yedduɓe ɓen ka hare, ko soppugol daaɗe maɓɓe ɗen, jokkiron non haa ɗuɗɗinon warugol ɓe. Si ɗum waɗii, ko haɓɓugol koyɗe dahaaɓe ɓen. Ko onon anndi si on accitiray ɓe nii tun, maa si ɓe yoɓay soktiigu ngun. Fow e mun, jokkee haɓugol ɓe ngol, haa hare nden ɓuuɓira silmugol ɓe ngol maa haldigal mon e maɓɓe. Ko jantaa koo, ko ɗum woni ñaawoore Allah nden, si Allah muuyuno non, O wallirayno gomɗimɓe ɓen e dow heeferɓe ɓen, ko aldaa e hare, ko woni tun, O sar'inir jihaadi, fii jarribagol yoga mon e dow yoga: O ndaarndoo haɓooɓe ɓen ka muumini'en e ɓe haɓataa ɓen, O ndaarndora gomɗinɗo on kadi keefeero on; si gomɗinɗo on waraama, o naata Aljanna, si ko kanko keefeero on, on naata Yiite. Kala non waraaɓe fii Allah ɓen, pellet, Allah yeebataa golle maɓɓe ɗen.

Arma O fewna ɓe goonga, e nguurndam maɓɓe aduna, O moƴƴina fiyaaku maɓɓe on.

Ñalnde Darngal, O naadoyay ɓe Aljanna, mo O ɓannginannoo ɓe fii mun.

Ko onon yo gomɗimɓe Allah,gollirɓe ko O sar'ini,si on wallirii Allah, wallugol diina e Annabaajo Makko on haɓa heeferɓe ɓen,O wallitoray on foolugol ɓe,O tabintina teppe mon ɗen ka haɓidugol e maɓɓe.

Yedduɓe ɓen Allah e Nulaaɗo Makko on, hayrere e halakuyee woodanii ɓe, Allah bonnii kadi fii golle maɓɓe ɗen.

Ko waɗi si on halakuyee yani e maɓɓe, ko tawde ɓe añii Alqur'aana nde Allah jippini nden e Nulaaɗo Makko on, fii hinde nodda e bajjinɗingol Mo. Allah bonni fii golle maɓɓe ɗen, ɓe wonti hayruɓe aduna e laakara.

E ɓee fennooɓe yiilaaki e leydi ndin, ɓe teskoo ko honno battane ɓeya fennunooɓe ado maɓɓe wa'unoo? Ɗum wonuno ko kaani. Tawde Allah muncituno cuuɗi maɓɓe ɗin e hoore maɓɓe, ɓe halkodii e ɓiɗɓe e jawle maɓɓe. Awae hino woodani yedduɓe kala jamaanu e nokku.

Ko waɗi sabu ndin njoɓdi haalaandi e ɗin feddeeji ɗiɗi, ko tawde ko Allah woni walloowo gomɗimɓe ɓen; hara non yedduɓe ɓen, ballo woo alanaa ɓe.

Pellet, Allah naadoyay ɓen gomɗimɓe Allah e Nulaaɗo Makko on, ɓe golli golle moƴƴe, Aljannaji ɗi canɗi ilata senngo ley kuɓeeje e leɗɗe majji. Ɓen non yedduɓe Allah e Nulaaɗo Makko on, hiɓe dakmitora aduna, jokkugol tuuyooji maɓɓe, ɓe ñaamira wano neemoraaɗi ɗin ñaamirta: ɓe himmiraa si wanaa deedi e farjuuji maɓɓe; hara non Ñalndɗ Darngal, ko Yiite ngen woni jaaƴorde maɓɓe.

Ɗuuɗii e ca'e mofte adinooɓe, ɓurnooɓe tiiɗude doole e jawle e ɓiɗɓe, e dii ndee saare Makka, nde yimɓe mun raɗi maa e mun, Men halkuno ɓen fow, ko ɓe fenniri kon Nulaaɓe maɓɓe ɓen. Ballo woo alanaaɓe, mo no daɗnda ɓe e lepte Allah ɗen, si ɗe aranii ɓe. Awa Men ronkataa halkude yimɓe Makko ɓen kadi, si Men faandanike ɗum.

Kere ko on wonɗo e hujja ɓanngirɗo ka Joomi mun, rewiroowo Mo e ko ɓanngi, wa'i wa ɓen ɓe seytaane cuɗinani kuuɗe mun bonɗe ɗen, ɓe jokki mbeleeɗe maɓɓe rewugol sanamu ngol, faggitoo bakkaatu, e fennugol Nulaaɓe?

Ko woni sifa Aljanna Mo Allah fodi hulooɓe Mo ɓen: ko mo canɗi ndiyam woni e mun ɗam waylaaki fii neeɓde, e canɗi ɓira ɗam waylataa dakamme mun, e canɗi konnjam welanɗam yarooɓe, e canɗi njuuri laɓɓinaandi. Hino woodani ɓe kadi ton: noone kala e ɓiɗɓe leɗɗe ko ɓe faaletee, e yawtaneede junuubi immorde ka Allah. Hara ɓen ɗon wa'ay wa ɓe njoɓdi mun wonoyta luttinoyeede ka Yiite poomaa, ɓe yarnee ton diyam fatinaaɗam, ɗam taƴa tetekki maɓɓe ɗin, hakkee ko ɗam wuli?

Hino e naafiqi'en, heɗitotooɓe maa an Nulaaɗo, ɓe heɗitora nanugol ronka jaɓude, wurin ɓe ɗuurnoo ontuma. Haa si wonii ɓe yaltii ka maaɗa, ɓe wi'ana ɓen ɓe Allah okki ganndal: ko honɗum dee, o wi'unoo naanen? Majjintingol ɗuurnoo. Ko ɓen woni ɓe Allah noti e ɓerɗe mun ɓen, moƴƴere woo hewtataa e majje, ɓe jokki mbeleeɗe maɓɓe ɗen, ɗe majjini ɓe e goonga kan.

Ɓen feewirɓe laawol goonga ɓen e jokkugol ko Nulaaɗo (jom kisiyee) on addi kon, Joomi maɓɓe ɓeydu ɓe peewal e sawaaba, O hawrindiniɓe kadi gollugol ko daɗndata ɓe Yiite.

Hara ɓee heeferɓe no habbii si nde Darngal ngal ardata ɓe juhal? Gomɗii le maandeeji maggal feeñiino: wano nuleede Annabiijo on (yo o his), e feccagol lewru ndun. Ko honno non ɓe waajitorta si Darngal ngal aroyii?

Fellitu an Nulaaɗo, wonnde reweteeɗo e goonga alaa, si wanaa Allah, ɗaɓɓiraa Mo haforaneede junuubi maa ɗin, e junuubi gomɗimɓe ɓen ka worɓe e ka rewɓe. Allah no anndi dillanɗe mon ɗen ñalorma, e ñiiɓirɗe mon ɗen jemma. Huunde e mun suuɗaaki Mo.

Gomɗimɓe Allah ɓen hino wi'a yeloo nde Allah jippinta cortewol e Nulaaɗo Makko on, yewtungol fii ñaawoore hare : hara Allah jippinayno cortewol jantotoongol fi hare. Si wonii non Allah jippinii cortewol ñeñaangol e ɓanngugol e ñaawooje mun, jantiingol fii hare, a tinay an Nulaaɗo, ɓen naafiqiiɓe ɓe sikkitaare woni e ɓerɗe mun no ndaare, ndaarɗe mo maayde faɗɗini, hakkee kulol e ɗenƴere. Allah kammbirani ɓe wonnde lepte maɓɓe ɗen, ko ko hewti ɓe, sabu ko salori kon hare nden, ɓe huli nde.

ko ɗoftagol Allah, e wowlugol konngol moƴƴol (ɓuri haanannde ɓe). Si wonii hare nden farlaama, soobee nanngaama, hara nun ɓe gomɗinirno Allah goonga, ɓe ɗoftorii Mo non kadi, ko ɗum ɓuraynoo moƴƴannde ɓe e dii naafiqaaku e yeddugol jamirooje Makko on.

Hino hasii e fiyaaku mon, nde tawata si on ɗuurniima e gomɗingol Allah ngol ɗoftoo Mo, nde bonnirton e leydi ndin geddi e keeferaaku, taƴon emɗamaaji mon, wano wa'unoɗon fewndo majjere mon.

Ko ɓen sifroɓe ɗin sifaaji bonnugol ka leydi, taƴa enɗamaaji mun, woni ɓe Allah woɗɗindini ɓen e yurmeede Makko, O faaɗini noppi maɓɓe ɗin gaay e nanugol jaɓa goonga, O wumini kadi giiɗe maɓɓe ɗen gaay e yi'ugol taskoo.

Ko haɗi ɓee ɗuurniiɓe Alqur'aana taskoo ko woni e mayre? Si ɓe waɗuno ɗum, nde ɗowayno ɓe e kala moƴƴere, nde woɗɗina ɓe kadi e kala bone. Kaa hara ko e ɓerɗe ñaawiraaɗe sokeede ɓee woni, hara waaju hewtataa ɗe, sakko ɗe nafitora?

Pellet, ɓen yiltiiɓe e gomɗinal mun ngal faade e keeferaaku e naafiqaaku, ɓaawo nde hujja on ñiiɓude e dow maɓɓe, goonga Annabiijo on mo jam e kisiyee woni e mun on ɓanngani ɓe, ko seytaane woni ko cuɗinani ɓe ngun keeferaaku e naafiqaaku maɓɓe, o hodiri ɓe ɗum ko juuti.

Nde majjineede ko heɓi ɓe, ko tawde ɓe suuɗino ɓe wi'ani sirkooɓe añuɓe wahayu mo Allah jippini on e Nulaaɗo Mun on: Men ɗoftoto on e yoga e piiji, wano salagol hare nden. Allah non hino anndi ko ɓe suuɗata e ko ɓe feññinta. Huunde suuɗaaki Mo e ɗum. Himo feññinana Nulaaɗo Makko on, ko O yiɗi e mun.

Ko honno yiiruɗaa lepte maɓɓe, e fiyaaku maɓɓe bonɗo mo ɓe woni e mun oo, si Malaa'ika'en timminii fiii maɓɓe, hara hiɓe bantora geece maɓɓe e dote maɓɓe ɓole njanɗe.

Ɗen lepte maɓɓe, ko sabu ɓe jokkii kala ko tikkinta Allah kon: immorde e keeraaku, e naafiqaaku e lunndagol Allah e Nulaaɗo Makko on, ɓe añi kadi ko ɓaɗtinta ɓe kon e Joomi maɓɓe, waɗa sabu O weleede ɓe: immorde e gomɗingol Allah, jokka Nulaaɗo Makko on, Kanko kadi O bonni fii golle maɓɓe ɗen.

Hara ɓen naafiqiiɓe ɓe ñawu sikke woni e ɓerɗe mun sikku wonnde Allah yaltintaa ngaynguuji maɓɓe ɗin O feññina? Ko ma Men waɗiru ɗum jarribagol ndaarndoo, fii senndindirgol hakkunde gomɗinirɗo goonga on e fenuɗo on, goonguɗo on anndee, naafiqiijo on wirtoo.

Sinno Men haajuno anndingol an Nulaaɗo, ɓee naafiqiiɓe, Men holleteno ɓe. A anndirayno ɓe maandeeji maɓɓe ɗin; a anndirayno ɓe no ɓe wowlirta non. Allah non hino anndi golle mon ɗen. Huunde e mun suuɗaaki mo. O yoɓitoyay on njoɓdi golle mon ɗen.

Ma Men jarribor on, onon muumuni'en, jihaadi e haɓugol ayɓe ɓen, haa Men annda tiiɗnorayɓe ɓen e laawol Allah ngol fii Allah, e muññotooɓe ɓen e mon ka haɓidugol e ayɓe Makko ɓen. Men jarriboo on kadi, Men annda goonguɗo e fenuɗo on hakkunde mon.

Pellet, yedduɓe ɓen Allah e Nulaaɗo Makko on, ɓe faddii laawol diina Allah kan, ɓe sakki woɗɓe goo e makka, ɓe woni e lunndagol Nulaaɗo Makko on ayra e makko ɓaawo nde ɓanngani ɓe wonnde pellet, ko o Annabaajo, ɓen lorrataa Allah, ko hoore-maɓɓe ɓe woni e lorde. Ma Allah bonnu golle maɓɓe ɗen.

Ko onon yo gomɗimɓe Allah, ɓe gollitiri sari'a Makko on! Ɗoftee Allah, ɗoftoɗon Nulaaɗo on e ko ɓe yamiri on, woɗɗitoɗon e kala ko ɓe haɗi on, wata on bonnir golle mon ɗen, keeferaaku e yiingo.

Pellet, ɓe yedduɓe Allah, ɓe sakkii hoore-maɓɓe ɓe sakki kadi woɗɓe goo e diina Allah kan, refti ɓe maayi e keeferaaku maɓɓe ngun hara ɓe tuubaali, Allah haforanoytaa ɓen, surroygol junuubi maɓɓe ɗin. O nanngitiroyay ɓe ɗi, O loɓɓa ɓe ka Yiite, ɓe lutta ton poomaa.

Onon muumini'en, wata on lo'inkino yeeso ayɓe mon ɓen, noddon moƴƴintingol ado kamɓe ɓe noddude on e mun. Ko onon woni fooluɓe ɓen, Allah no wonndiri e mon ballal e faabo Makko, O ɗuytantaa on huunde e njondi golle mon ɗen, wurin O ɓeydanay on e ɓural Makko ngal.

Anndee pellet, nguurndam aduna ɗamko fijindaaru e mbeleeɗe. Haqqiloowo non sokolirtaa ɗum gaay e laakara. Hara le si on gomɗinii Allah e Nulaaɗo Makko on, on hulirii Allah ɗoftagol yamiraaɗi Makko ɗin woɗɗitoo haɗaaɗi Makko ɗin, O yeɗiray on njoɓdi golle mon ɗen no timmiri, O lamndotaa- ko on jawle mon ɗen fow, ko yeru ko waɗɗii kon e Zakka tun O lamndii on.

Si O aru ɗaɓɓirde on jawle mon ɗen fow, haa O doonii e ɗum, wuddiron ɗe, O yaltina non ngayngu ngu ɓerɗe mon ɗen soomunoo e fii nafqugol laawol Makko ngol; waɗi si O acci ɗon lamndagol on ɗum, ko yumingol on.

Hey mon onon ɗoo, hiɗon noddee e fii wintagol seeɗa e jawle mon ɗen, fii laawol Allah ngol, wanaa jawle mon ɗen fow ɗaɓɓiraɗon e ɗum. Hino e mo'on non, salorayɓe ɗum nguddam. Kala non wuddirɗo seeɗa e jawdi muin ndin fii laawol Allah ngol, haray ko hoore-makko o añani baraaji wintagol ngol. Ko Allah woni Galo Mo hatonjinaa e ko wintotoɗon, Onon kan wonɗon waasuɓe hatonjimɓe e Makko. Si on yiltike e lislaamu on haa on jokkoyii keeferaaku ngun, O gaynay fii mooɗon, O addoyay woɗɓe goo, hara non ɓen wa'oytaa wano mon, ɓen ko ɗoftoytooɓe Mo wonata.

Men udditanii ma an Nulaaɗo, uddital ɓanngungal, ñannde beldal ngal Hudaybiyyah.

Fii no Allah yawtinrane junuubi maa ado ngal uddital, e ko sakkitii ɓaawo maggal, O timminira neema on e maaɗa wallugol ma, O fewne e laawol focciingol; woni laawol lislaamu ngol.

E no Allah wallire ballal tiiɗungal e foolugol ayɓe maa ɓen.

Ko Allah woni jippinɗo tabital e deeƴere e ɓerɗe gomɗimɓe ɓen, fii no ɓe ɓeydora gomɗinal e hoore gomɗinal maɓɓe ngal. Ko Allah heerani jeygol koneeli kammuuli ɗin e leydi ndin, Himo semmbinira ɗi kala Mo O yiɗani e jeyaaɓe Makko ɓen. Allah siforii wonnde Annduɗo ko moƴƴani jeyaaɓe Makko ɓen, Ñeeñuɗo ko O dognata e ballal e semmbingol ko O wallitorta kon.

E fii no Allah naadira ɓen worɓe gomɗimɓe Allah e Nulaaɗo Makko on e rewɓe gomɗimɓe ɓen, Aljannaaji ɗi canɗi ilata senngo leydi kuɓeeje e leɗɗe mun, e no O montirana ɓe bonɗi maɓɓe ɗin, hara O nanngitirtaa ɓe ɗi. Kon ko jantaa ɗon wonii hebde ko tora ko ɗuum woni aljanna, e deestaade ko hulaa ko duum woni nanngireede bondi di dum ko ka Allah, ko maloore mawnde, nde sugu alaa.

E no O leptira naafiqiiɓe worɓe ɓen e naafiqiiɓe rewɓe ɓen, e sirkooɓe worɓe ɓen e sirkooɓe rewɓe ɓen, sikkooɓe ɓen woonde Allah wallataa fii diina Makko kan, haa O toowna fii Konngol Makko ngol. Awa yiiloonde lepte wonii e maɓɓe. Allah tikkiranii ɓe sabu yeddugol ɓe ngol sikka Mo ko boni, O woɗɗinii ɓe kadi e yurmeende Makko nden, O hebilanii Jahannama ka laakara, ko ɓe luttata poomaa adabaa. Nge bonii ruttorde!

Ko Allah jeyi koneeli kammuuli ɗin e leydi ndin, Himo semmbinira ɗi mo O muuyani e jeyaaɓe Makko ɓen. Allah siforii wonnde Fooluɗo Mo fooletaake, Ñeeñuɗo e tagu Mun e kattal Mun e toppitagol Mun.

Men nulirii ma an Nulaaɗo, seedoytooɗo e mofte maa ɗen Ñalnde Darngal, e wewlinoowo gomɗimɓe ɓen, ballal poolal ngal Allah marani ɓe ngal aduna, e neema mo O marani ɓe on laakara. Men Nulirmaa kadi hulɓinoroowo heeferɓe ɓen, koyeera e fooleede ko O fodi kon gomɗimɓe ɓen huuway e maɓɓe aduna, e lepte muusuɗe ɗe O hebilani ɓe ɗen laakara, hino habbitiiɓe.

Fii no gomɗiniron Allah e Nulaaɗo Makko on, mawninon mo, teddinon, Subbuhinanoɗon Allah bimmbi e kiikiiɗe.

Pellet, ɓen wonɓe ahodude e maaɗa an Nulaaɗo, ka ahodal “Bayʿat al-Riḍwān”, fii haɓugol sirkooɓe ɓen, anndu ɓen ko Allah ɓe ahda,dirta tawde ko Kanko yamiri ɓe haɓugol sirkooɓe ɓen, ko kanko kadi warjo- tooɗoɓe. Haray junngo Allah hino senngo dow juuɗe maɓɓe ɗen fewndo ka ahodal, Himo ƴellitii e maɓɓe, tawde huunde suuɗaaki Mo e fii maɓɓe. Kala non firtuɗo ko ahodi kon e Allah wonnde o wallay diina Makko kan, haray lorra mun kan ko e makko yantata; kala kadi hunnuɗo ko ahodi kon e Allah wonnde wallay diina Makko kan, aray nde O okkata mo njoɓdi mawndi, ndiin woni Aljanna.

Ɓen ɓe Allah tultinnoo ɗowtugol ma ka setagol maaɗa Makka, aray nde ɓe wi'ani, si on feloyiiɓe: ko jawle amen ɗen e ɓeynguureeji amen ɗin woni ko haɗi men ɗowtugol ma. Ɗaɓɓiran men Allah haforaneede junuubi. Hara hiɓe wowlira ɗemɗe maɓɓe, ko alaa e ɓerɗe maɓɓe; tawde ɓe tuubaali taho. Awa maakan ɓe: Hay gooto waawanaa on huunde ka Allah, si wonii O faandanike on moƴƴere, maa hara O faandani on bone. Wurin Allah siforii wonnde Humpitiiɗo ko golloton kon. Huunde e kuuɗe mon ɗen suuɗaaki Mo, ko etiɗon woo.

Nganto mon wiide ko jawle e ɓiɗɓe mon tultini on yaadugol e makko, wanaa non woniri. Ko woni goonga kon, on sikkuno wonnde Nulaaɗo on e sahaabaaɓe makko ɓen fow maayayno ton, hara ɓe artataa ka ɓeynguureeji maɓɓe Madiina. Seytaane cuɗinani on ɗum ka ɓerɗe mon;sikkuɗon Joomi mon sikke bonɗe; wonnde O faabotaako Nulaaɗo Makko on, laatiɗon yimɓe halkiraaɓe ngol sikkugol mon Allah sikke bonɗe e tultugol yaadude e Nulaaɗo Makko on.

Kala dee mo gomɗinaali Allah e Nulaaɗo Makko on, ko yedduɗo. Haray non Men hebilanii yedduɓe ɓen Ñalnde Darngal, Yiite dulbaynge, ke ɓe leptetee heen.

Ko Allah tun heeranii laamagol kammuuli ɗin e leydi ndin. Himo haforana junuubi mo O muuyani e jeyaaɓe Makko ɓen, O naada ontigi Aljanna; Himo leptira kadi nunɗal Makko ngal, mo O muuyani e jeyaaɓe Makko ɓen. Allah siforii wonnde Haforoowo junuubi kala tuubuɗo e jeyaaɓe Makko ɓen, Hinnotooɗo ɓe.

Aray nde ɓen ɓe Allah tultinnoo wi'a, tuma fokkitanoyton onon gomɗimɓe ɓen, konu-honyri ndin Khaybar, ndin ndi Allah fodunoo on ɓaawo ahodal ngal Hudaybiyyah, ɓe wi'a: accee men yaada e mon, fii heɓugol konu-hoyri ndin. Ɓen tultulɓe ko faalaa, ko waɗtitirgol ɗum ɗon, kon ko Allah fodunoo gomɗimɓe ɓen ɓaawo ahodal ngal Hudaybiyya nde O tottata ganngal ngal tawanoobe wolde Khaybar. Awa Nulaaɗo maakan ɓee: on jokkataa men e ndin konu-hoyri ɗon fes. Tawde ko fodi men e ndin, ko fii tawaaɓe Hudaybiyya ɓen. Ma ɓe wi'u ontuma: on añanay men tun woni. Ɗum wanaa yamiroore Allah non. Ko non le woniri, wanaa no ɓe aaƴorii non. Ko waɗi ɗum, ko tawde ɓe faamataano yamirooje e haɗaaɗi Allah ɗin, si wanaa seeɗa. Ko yolli ɓe e yeddugol mo.

An Nulaaɗo, maakiran tultunooɓe yaadugol ɓen e maaɗa Makkan, jeyaaɓe e yimɓe ladde ɓen, ndaarndagol ɓe: arma nde noddeteɗon e haɓugol joomiraaɓe doole tiiɗuɓe e hare. Haɓon ɓe fii laawol Allah ngol, maaɗum ɓe naatira lislaamu on jam. Si on ɗoftike Allah e kon ko O noddi on e mun ɗon, O okka on mbarjaari moƴƴundi, woni Aljanna; si on huccitirii non e ɗoftagol Mo ngol, wano huccitirnoɗon e mun, fewndo tultulnoɗon yaadugol e Nulaaɗo on Makka, haray O leptiray on lepte muusuɗe.

Bakkaatu fawaaki e ngantinorɗo mbumɗam, maa laƴugol maa nawnaare, si o tultirii hare nde fii ɗum. Kala ɗoftiiɗo e Nulaaɗo Makko on, O naadoyay mo Aljannaaji ɗi canɗi ilata senngo ley kuɓeeje e leɗɗe mun. Kala kadi ɗuurniiɗo e ɗoftagol ɓe ngol, O leptiray mo lepte muusuɗe.

Gomɗii Allah welano gomɗimɓe ɓen, tuma ɓe yeeyondiraynoo e maaɗa ka ahodal Hudaybiyya e ley leggal. O anndi gomɗinal e laaɓal e goonga ko woni e ɓerɗe maɓɓe ɗen, O jippini deeƴere nden e ɓerɗe maɓɓe ɗen, O warjoriiɓe ɗum, uddital Khaybara ɓaɗtiingal, ko lonntinana ɓe kon ko laawinooɓe naatugol Makka.

O okki ɓe kadi konu-heyri ɗuuɗundi e yimɓe Khaybara ɓen. Allah siforii wonnde Fooluɗo Mo fooletaake, Ñeeñuɗo e tagu Mun e kattal Mun e toppitagol Mun.

Allah fodii on, onon muumini'en, konu-heyri ɗuuɗundi ndi henndotoɗon ka udditoyton liislaamu woo, O yaccinani on konu-hoyri ndin Khaybara, O haɗi juuɗe Alyahuuda'en hewtugol ɓeynguureeji mon ɗin ɓaawo mon, fewndo ɓe himmirnoo ɗum, haray ko no ɗin konu-hoyriiji yaccinaaɗi wonirana on maande ko Allah wallata on kon O semmbina on, O fewnira on kadi e laawol focciingol, ngol ooñaaki.

Allah fodii on konu-hoyri goo kadi, ndi on haɗtanaali henndagol taho, ko Allah tun haɗtani ɗum ka ganndal e ka toppitagol Makko. Allah siforii wonnde haɗtanɗo kala huunde. Huunde ronkintaa Mo.

Hay si yedduɓe ɓen Allah e Nulaaɗo Makko on haɓiino on, onon gomɗimɓe ɓen, ɓe huccitirayno laawagol foolaaɓe yeeso mon, refti ɓe heɓoytaa giɗo heftoowo fii maɓɓe, wanaa ballo ko faaboo ɓe e haɓugol on.

Ko gomɗimɓe ɓen foolata kon, heeferɓe ɓen foolee, ko tabituɗum e kala nokku e jamaanu. Ko sunna Allah non e mofte yawtunooɗe ɗen ado ɓee fennooɓe ɗoo. A heɓantaa an Nulaaɗo, sunna Allah on, mbattiigu.

Ko kanko woni haɗuɗo sirkooɓe ɓen hewtugol on, fewndo nde worɓe ɓurɓe cappanɗe jeetato e maɓɓe eɓɓunoo memirde on bone Hudaybiyyah, O haɗi ɓe kadi juuɗe mon memude ɓe, hara on haɓataa ɓe on lorrataa ɓe, wurin on accituno ɓe, ɓaawo nde waawunoɗon ɓe. Allah siforii wonnde Reenuɗo ko golloton kon. Huunde e mun suuɗaaki Mo.

Ko ɓen woni ko yeddi Allah e Nulaaɗo Makko on, ɓe sakkii on e Juulirde Hormorde nden, ɓe haɗi neldaari ndin hewtugol nokku hirsirde nden ka hormorde. Si wanaano sabu worɓe e rewɓe gomɗimɓe Allah ɓe on anndataano haa waɗtidon ɓe e haɓidaaɓe ɓen ka heeferɓe, bakkaatu e diya (soktorɗum) fawora on ko waruɗon ɓe kon, ko aldaa e anndugol, si wanaano fii ɗum, Allah duŋinanayno on ka udditugol Makko, fii no Allah naadira e yurmeende Makko nden, kala mo O muuyani, wano gomɗimɓe ɓen Makko.Si yedduɓe ɓen senndondirno e gomɗimɓe ɓen Makka ɗon, ko pellet, Men leptirayno ɓen yedduɓe Allah e Nulaaɗo on, lepte muusuɗe.

Tuma nde yeddunooɓe Allah e Nulaaɗo mun on waɗunoo e ɓerɗe maɓɓe ɗen jinngo majjiyanke, ngo humondiraa e goonga woo si wanaa mbeleeɗe. Ɓe salorii naatugol Nulaaɗo Allah (jom kisiyee) on Makko, hitaande Hudaybiyyah nden, kulol wata ɓe felire wi'eede o fooliiɓe. Allah jippini deeƴere Makko nden e dow Nulaaɗo Makko on e gomɗimɓe ɓen, ka tawata ɓe teeɗoragol sirkooɓe ɓen yeru kuuɗe maɓɓe ɗen, wanaano ko tikkinta ɓe. O fawi ɓe Konngol goonga ngol wiingol " reweteeɗo tanaa Allaahu alaa ", e ñiiɓnugol ngol, ɓe niiɓni ngol. Woniri non, tawi ko gomɗimɓe ɓen ɓuri hanndude e maggol, ɓe laatorii hannduɓe e maggol, sabu moƴƴere wonnde e ɓerɗe maɓɓe, nde Allah anndi fii mun. Allah siforii wonnde annduɗo kala huunde. Hay huunde suuɗaaki Mo.

Gomɗii Allah goonginiranii Nulaaɗo Makko on, koyɗol ngol e hoore goonga, fewndo O hollunoo mo ngol koyɗol, o humpiti ngol sahaaba'en makko, wonnde o naatidoyay e maɓɓe, ko Suudu Allah Hormordu, hara ko ɓe hooliiɓe bone ayɓe maɓɓe, woɗɓe e maɓɓe femmba salaaji mun, woɗɓe ɓen ɗuyta tun sukundu ndun, fii maandingol lannude golle hajju ɗen. Allah no anndi ko moƴƴani on, onon muumini'en, huunde nde tawata on anndaa onon. O waɗii non ko wanaa ko koyɗol ngol holli kon, naatugol Makko nden hitaande, uddital ɓadiingal. Ko ɗum woni ko Allah newini fii mun ka ahodal Hudaybiyya e ko jokki ɗon kon ka uddital Khaybara, e juuɗe gomɗimɓe ɓen tawanooɓe Hudaybiyya.

Ko Kanko woni nulirɗo Nulaaɗo Makko on Muhammad (yo o his) ɓanngannduyee laaɓuo e diina goona - woni lislaamu -; fii yo ɓamtu ka e hoore kala ko lunndii ka e diina. Allah no seedii ɗum, Allah yonii seedee.

Muhammadu ko Nulaaɗo Allah. Sahaabaaɓe wonduɓe e makko ɓen, ko ñaaɗuɓe e yedduɓe haɓidaaɓe maɓɓe ɓen, yurmondirɓe hakkunde maɓɓe yiɗindirɓe, hiɗa yi'a ɓe an ndaaroowo, hiɓe ruƴƴana Allah sujjana Mo, hiɓe ɗaɓɓira Allah yawtaneede e mbarjaari mawnundi e welayee Makko. Maandeeji maɓɓe ɗin hino ka geece maɓɓe batte sujuudu e peewal e annoora julde ko feeñata e maɓɓe. Ko ɗum woni ko ɓe Tawreeta jippinaande e Muusaa nden sifori ɓe. Si a yilti ka Linjiila jippinaande e Iisaa nden, a taway hinde siforii jogondiral maɓɓe ngal, wano remuru yaltinndu puɗi mayru, ɗin mawni ɗi fotondiri, fii no Allah tikkinira ɓe yedduɓe ɓen, si ɓe yi'ii cemmbe e jogondiral maɓɓe ngal. Allah fodii sahaabaaɓe gomɗimɓe Mo ɓen ɓe golli golle moƴƴe, haforaneede junuubi e mbarjaari mawndi ka Makko, woni Aljanna.

Ko onon yo ɓen gomɗimɓe Allah, ɓe jokki sari'a Makko on, wata on aditor yeeso Allah e Nulaaɗo Makko, konngol maa kuugal. Huliron kadi Allah, ñemtinirgol yamaruyeeji Makko ɗin e woɗɗitagol haɗaaɗi Makko ɗin. Pellet, Allah ko Nanoowo haala mon, Annduɗo golle mon. Huunde e mun laawotaako Mo. Ma O yoɓitiroy on ɗi.

Ko onon yo ɓen gomɗimɓe Allah, ɓe jokki sari'a Makko on, ne'anee Nulaaɗo Makko on, hara on townaali sowtooji mon ɗin e hoore sowto Annabaajo on (yo o his) tuma yewtoton mo, wata on ewnor kadi innde makko nden, wano yoga mon ewnorta yoga; noddiree mo newaare wiide Annabiijo e Nulaaɗo; fii wata golle mon ɗen bonir sabu ɗum, hara on so'aa-anndude ɗum.

Pellet, ɓen joltinay ɓe sowtooji mun ɗin ka Nulaaɗo Allah on (yo o his), ko ɓen woni ɓe Allah jariboori ɓerɗe mun ɗen hulugol Mo, O laɓɓiniri ɗe ɗum. Hino woodani ɓe haforannede junuubi ɗi ɓe nanngitirtaake, e njoɓdi mawndi Ñalnde Darngal, wonnde Allah naadoyay ɓe Aljanna.

Pellet, ɓen yimɓe ladde ɓe no noddire an Nulaaɗo ka ɓaawo cuuɗi rewɓe maa ɓen, ko ɓuri ɗuuɗude e maɓɓe, wanaa haqqilooɓe.

Sinno ɓee noddiraynooɓe ma an Nulaaɗo, ka ɓaawo cuuɗi rewɓe maa ɓen muññino haa yawtaa tawaa ɓe, ontuma ɓe yewtire sowtooji joltuɗi, ko ɗum ɓuraynoo moƴƴannde ɓe dii noddirgol maa ɓaawo, tawde ko tintodugol e maa ngol wonndi e teddungal. Allah non ko Haforoowo junuubi kala tuubuɗo e maɓɓe e wanaa kamɓe sabu majjeede maɓɓe, Hinnotooɗo ɓe kadi.

Ko onon yo ɓe gomɗimɓe Allah ɓe golliri sari'a Makko on, si faasiqiijo ardanii on e kabaaru fii yimɓe, haray tefee fii mun, haray on hawjiraali goongingol mo, fii wata on heɓor e yimɓe, sau majjeede huunde nden, waɗtiniron kon ko heɓiɗon e maɓɓe ɗon, ninsuɓe, tuma fenaande kumpital ngal laaɓani on.

Anndee wonnde Nulaaɗo Allah on hino hakkunde mon, onon muumini'en, wahayu on no jippaade e makko, rentoɗon e fennugol, sakko wahayu jippoo e makko humpitugol mo ngol fennugol mo, e hino le himo anndi ko moƴƴanta on. Si o tewtino on e ko holloton mo, on yanayno e tampere nde o faalananooka on. Kono Allah kan, e ɓural Makko ngal, O yiɗini on gomɗinal, O cuɗini ngal e ɓerɗe mon haa gomɗinɗon; O añini on keeferaaku, e yaltugol e ɗoftaare Makko, e yeddugol Mo. Ko ɓen siforaaɓe ɗin sifaaji ɗon, woni jokkuɓe laawol peewal ngol.

Ko heɓu ɗon kon e cuɗinaneede gomɗinal ka ɓerɗe mon, e añineede bone on, fow ko ɓural immorde ka Allah, ngal O moƴƴorii e mon, e neema kadi mo O neeminiri on. Allah ko annduɗo jeyaaɓe Makko yettooɓe Mo ɓen, O fewna ɓe, Ñeeñuɗo kadi, tawde O waɗay huunde kala ka haani ɗon.

Si feddeeji ɗiɗi e gomɗimɓe ɓen haɓii, haray ko yo on moƴƴintinir hakkunde maɓɓe, onon gomɗimɓe ɓen, noddugol ñaawirgol sari'a Allah on e kon ko waddi ɓe. Si fedde goo e maɓɓe salike nde jaggitii, haɓee nden jaggitunde ɗon, haa nde ruttoo e ñaawoore Allah nden. Si nde ruttike e ɗum, ko moƴƴintinirgol hakkunde maɓɓe, nunɗal e laaɓal. Nunɗee ka ñaawugol hakkunde maɓɓe, tawde pellet, Allah no yiɗi nunɗooɓe e ñaawugol maɓɓe ngol.

Anndee gomɗimɓe ɓen ko jeyduɓe ka lislaamu. Jeydugol non e lislaamu, hino lamndii moƴƴingol hakkunde mon, onon gomɗimɓe pooɗondirayɓe ɓen. Huliree Allah ɗoftagol yamaruyeeji Makko, woɗɗitoo haɗaaɗi Makko, belajo, on yurminte.

Ko onon yo ɓen gomɗimɓe Allah, ɓe golliri sari'a Makko on ! Wata yimɓe goo e mon jalkitu woɗɓe dey: hino gasa hara ɓen jalkitaaɓe hino ɓuri moƴƴude e mun en ka Allah. Wata rewɓe kadi jalkitu rewɓe : hino gasa ka ɓen jalkitaaɓe ɓurata ɓe moƴƴude ka Allah. Wata on aybin musiɗɓe mon, hiɓe wa'i wa mon. Wata on bugondir kadi jammooje ɗe on yiɗaa, wano yimɓe Madiina anndiranoo ando seenagol Nulaaɗo Allah on (yo o his). Kala e mo'on waɗuɗo ɗum, ko yaltuɗo e ɗoftaare. Sifa ngun jikku ɗon non bonii baawo goɗingol. Kala mo tuubaali e ɗin geddi, ko ɓen woni tooñirɓe ko'e-mun, unagol e halkaare, sabu ɗin geddi maɓɓe.

Ko onon yo ɓen gomɗimɓe Allah ɓe golliri sari'a Makko on, waɗɗitee e ko ɗuuɗi e sikke. Pellet, yoga e sikke ko bakkaatu ; wano sikkugol goɗɗo bone, hara le ko moƴƴere feeñi e makko. Wata on wiɗo gomɗimɓe ɓen ɓaawo maaɓe, wata yoga mon kadi wowlu yoga ko mettata oya ; sabu ɗum no wa'i wa ñaamugol teewu musiɗɗo mun maay- ɗo. Hara non goɗɗo e mo'on yiɗay ñaamugol teewu musiɗɗo mun maayɗo? Awa añiree ño'ugol mo ngol wano non. Huliron Allah ɗoftagol yamiraaɗi Makko, woɗɗitoo haɗaaɗi Makko. Pellet, Allah ko Jaɓanoowo kala tuubuɗo e jeyaaɓe Makko ɓen, Hinnotooɗo ɓe.

Ko non yo yimɓe ! Men tagirii one gorel gootel, on woni baaba mon Aadama, e deyel gootel, on woni neene mon Hawaa; dammbe mon ko gootum, wata woɗɓe e mon wasooro dammbe e hoore woɗɓe. Men waɗi on kadi leƴƴi ɗuuɗuɗi e gori saakitiiɗi heen fow, fii yo on anndindir hakkunde mon, wanaa ko mantoree. Ko senndi on, ko gomɗal ngal, ko ɗum waɗi si O daali: "Pellet, ɓurɓe teddude e mon ɓen ka Allah, ko ɓurɓe gomɗude ɓen e mon". Awa Allah ko Annduɗo fiyakuuji mon ɗin, Humpitiiɗo fii ɗuytaare maa ɓeydaare ko woni e mon. Huunde e mun suuɗaaki Mo.

Yoga e yimɓe ladde ɓen nde hewtunoo ka Annabiijo on ( yo o his) ɓe wi'i: Men gomɗinii Allah e Nulaaɗo Makko on. Maakan ɓee, an Nulaaɗo: On gomɗinaali taho. Wi'ee kan : Men silmii, men jebbilike. Gomɗinal ngal naataali taho ka ɓerɗe mon, hino hasii non ka ngal naatoya. Si onon ɓee yimɓe laddeeɓe, on ɗoftike Allah e Nulaaɗo Makko on ka gomɗinal e ka golle moƴƴe, e ka woɗɗitagol harminaaɗi ɗin, Allah ɗuytantaa on huunde e mbarjaari golle mon ɗen. Pellet, Allah ko Haforanoowo kala tuubuɗo e jeyaaɓe Makko ɓen, Hinnotooɗo ɓe.

Gomɗimɓe tigi ɓen, ko ɓen gomɗimɓe Allah e Nulaaɗo Makko on, refti ɓe jillaani sikke e gomɗinal maɓɓe ngal, ɓe tiiɗnori kadi jawle e pittaali maɓɓe ɗin fii laawol Allah ngol, hara ɓe wuddiraali huunde e majji. Ɓen siforaaɓe ɗin sifaaji, ko ɓen woni goonguɓe e gomɗinal mun.

An Nulaaɗo, maakan ɓee yimɓe ladde : kere on anndinay Allah diina mon kan? Hara non Allah no anndi kala woni ka kammuuli e ka leydi. Allah ko Annduɗo kala huunde. Hay huunde suuɗaaki Mo. O hatonjinaa e ko humpitoton Mo fii diina mon.

Ɓee yimɓe ladde no wajite an Nulaaɗo, fii ɓe silmii. Maakan ɓe : wata on wajitam naatuugol mon e diina Allah kan, sabu ɗum ko onon nafata. Si ko woni, ko Allah wajitata on fii O hawrindinii on e gomɗingol Mo, si wonii ko on goonguɓe e nodditorgol mon naatugol e diina kan.

Pellet, Allah no anndi wirniiɗi kammuuli ɗin e leydi ndin. Huunde e mun suuɗaaki Mo. Allah ko Reenuɗo ko golloton kon. Huunde e golle mon ɗen suuɗaaki Mo. O yoɓitoyay on ko boni e ko moƴƴi e majje.

Qaaf : yewtere fii sugu ɗee kalfe yawtiino ka fuɗɗorde cortewol Al-Baqarah. Allah woondirii Alqur'aanaare teddunde nden, moftunde maanaaji e moƴƴere e barkeeji ɗuuɗuɗi, wonnde ko pellet, on immintinoy on Ñalnde Darngal, fii ñaaweede yoɓitee.

Ɓe saloraaki sikkitagol ɓe wonnde a fenay, hiɓe anndi ko e goonga wonɗaa. Si ko woni, ɓe ŋalɗu ko tawi kon Nulaaɗo jertinoowo arii ɓe jeyaaɗo e maɓɓe, hara wanaa jeyaaɗo e Malaa'ika. Ɓe wi'i: Arugol Nulaaɗo ɓanndinke on e meeɗen, ko huunde haawniinde.

Kere men immintinoyte si men maayii men wontii mbulmbuldi? Ngol immintinegol ruttitoo e nguurndam ɓaawo fii amen gaynude, ko huunde woɗɗiinde, nde laatotaako.

Gomɗii Meɗen anndi ko leydi ndin ñaamata kon e ɓalli maɓɓe ɗin, ɓaawo maayde maɓɓe, ɗum suuɗaaki Men ; hino ka Amen gaa deftere reenude kala ko Allah eɓɓani ɓe ka nguurndam e ɓaawo maayde maɓɓe nden.

Si ko woni, ɓee sirkooɓe fennu Alqur'aana, tuma nde Nulaaɗo on ardannooɓe e mayre, hiɓe e fiyaaku jilɓuɗo ; ɓe tabitataa e huunde wootere fii mayre.

E ɓee fennooɓe ummital teskaaki kammu ngun dow maɓɓe, ko honno Men tagiri ngun Men mahi, Men cuɗiri ngu koode ɗe Men waɗi e maggu; hara perɗi woo alanaa ngu ko itta ella e maggu? Awa taguɗa ɗin kammuuli On, O ronkataa wuurnitude maayɓe.

Leydi ndin kadi, Men weertiri ndi ka hoɗee e mun, Men werlii e mayri pelle ko tabintina ndi, Men fuɗini e mayri kala nooneeji puɗi e leɗɗe wooɗuɗe.

Men tagiri ɗum fow, ko wana teskuya waaju kala jeyaaɗo ruttorayɗo ka Joomi mun ɗoftaare.

Men jippini kadi ndiyam keewɗam barke e moƴƴere ka kammu, Men fuɗiniri ɗam gese e gabbe soñeteeɗe ekw.

Men fuɗiniri ɗam kadi leɗɗe tamaro juutuɗe toowuɗe, wonduɗe e piindi fawondirndi.

Men fuɗiniri ɗam ɗin ɗon fow: fii arsike jeyaaɓe ɓen, ka ɓe wuura. Men wuurnitiri ɗam kadi leydi yoorundi ndi alaa puɗi. Ko wano Men wuurnitiri non leydi yoorundi ndin ɗam ndiyam, ko non Men wuurnitirta maayɓe ɓen, ɓe yalta e gennale ɗen hiɓe wuuri.

Ado ɓee fennooɓe ɓe ɗoo an Nulaaɗo, hari yimɓe goo fenniino Annabaaɓe mun : Yimɓe Nuuhu ɓen, e yimɓe Ɓunndu ɓen e Samuuda'en fow fennuno.

Aadi'en kadi fenni, e Fir'awna e yimɓe Luutu ɓen.

yimɓe Su'aybu e Yimɓe Tubba Laamɗo Yaman ɓe fof pennii nulaaɓe Alla ɓe O nuli ɓe, tabiti e mum en ko Alla fodani ɓe e lepte.

Kere Men ronkuno tagugol ka arannde, sakko Men ronka fii immintingol on? Ko woni kamɓe, hiɓe e jiɓaare fii tagu hesu, ɓaawo ɓe tageede ka laawol aranol.

Gomɗii Men tagii neɗɗanke on, Meɗen anndi miijooji ko yiilotoo e wonkii makko. Ko Meɗen ɓuri mo ɓadaade e dii ɗaɗol makko daande ngol jogondirgol e ɓernde nden.

Tuma nde Malaa'ikaaɓe ɓen ɗiɗo jaɓɓoroytoo golle makko ɗen nano e ñaamo, hara gooto kala e maɓɓe no jooɗorii senngo.

O wowlataa konngol, si wanaa hino takko makko ɗon, Malaa'ikaajo winndoowo ko o wowlata kon, tawaaɗo.

Faɗɗere maayde nden ardi e goonga ka sikke alaa e mu'un : awa ko ɗum wonunoo ko -an neɗɗanke on, welsandiiɗa- ko leelatnaɗa ana dogaa.

Mala'iikaajo halfinaaɗo alaandu ndun wutta e mayru ɗiɗaɓol ; ko nden woni Ñalnde Darngal ; Ñalaande kammbanaande leptugol heeferɓe e yedduɓe ɓen.

Wonkii kala ara, hara hiki wonni e Malaa'ikaajo soggoowo ki, e goɗɗo goo ko seeditoo e golle makko ɗen.

On neɗɗo soggaaɗo wi'anee : Gomɗii a laatinoke welsindiiɗo e ndee Ñalaande, sabu hoomteede maa nden e tuuyooiji maa e dakkemmeeji maa. Men hunci welsindaare maa nden kisan, lepte e wemmbaare ko wonuɗaa naɓude kon; awa hannde on, gite maa ɗen hino yi'ude kon ko welsindotonoɗaa e mun.

Malaa'ikaajo mo o halfinaa on wi'a: ko ɗum woni ka am ɗoo, e golle makko tawnaaɗe ko aldaa e ɗuytugol maa ɓeydugol.

Alla daalana Malaa'ika'en ɗiɗo - soggoowo e seedotooɗo on - : Bugee ka nder Jahannama, kala yedduɗo goonga, salii ka.

ɗuuɗuɗo haɗugol goonga ka Allah waɗɗini kan e makko, yawtoowo keeri Allah ɗin, sikkitotooɗo kala fodoore maa kammba ko O humpitata fii mun.

On waɗiduɗo e Allah reweteeɗo goo, ko o kafida Mo ka dewal. Haray bugee mo ka nder lepte saɗtuɗe.

Teekonjo makko seytaniiru ndun e hisnagol e makko wi'ugol : Joomi amen, mi majjinaali oo; si ko woni, ko e majjere woɗɗunoonde goonga o wonunoo e mun.

Allah daala : Wata on yeddondir ka Am ɗoo, nafa woo alaa e mun ! Nde tawnoo Mi addiniino e mon ka aduna, kammbaa saɗtuɗo mo Nulaaɓe Am ɓen ardunoo e mun on, e hoore kala yedduɗo Lam.

Konngol waɗtitetaake ka Alla ɗoo, wanaa fodoore Am Mi firtata ; wanaa kadi Mi tooñiroowo jeyaaɓe ɓen, ɗuytugol moƴƴi maɓɓe ɗin maa ɓeydana ɓe bonɗi ; ko yeru golle maɓɓe ɗen Mi yoɓata ɓe.

Ñalnde Men wi'anoyta Jahannama on : Heeferɓe e yedduɓe bugaaɓe e maaɗa ɓen hebbinii ma? Nge jaabora Joomi : Ko ɓeydee hino woodi? Nge ɗaɓɓira ɗum, fii tikkere nga Joomi magge nden.

Aljanna on ɓaɗtinanee hullirɓe Joomi mun ɓen ɗoftagol Mo woɗɗitoo haɗaaɗi Makko ɗin, ɓe ceedoo neemaaji makko ɗin, hara wanaa ka woɗɗi ɓe.

Ɓe wi'anee : ko ɗum ɗoo woni ko Joomi mon fodi on, wonannde kala ruttorɗo e Joomi mun tuubugol, reeniiɗo e ko O waɗɗini mo e mun kon.

On huluɗo Allah e gunndoo mo tawata ko Allah tun reeni mo, o hawroyi e Allah, wonndude e ɓenrde hisunde laaɓani Allah, ɗuuɗunde ruttagol e Makko.

Ɓe wi'anee ontuma : naatiree Aljanna on hisugol kala ko añuɗon. Ko nden woni ñalaande luttaynde, nde wonnde goo artataa ɓaawo mun.

Hino woodani ɓe ton neemaaji kala ɗi lannataa ko ɓe faaletee, hara kadi ɓeydaari mun hino ka Amen ko gite yi'aali, nowru nanaali wanaa sakko ɓernde neɗɗo miijoo fii mun; ɗum ko wano yi'ugol Allah seniiɗo On.

Ɗuuɗii e mofte ɗen Men halki ado ɓee yimɓe Makka sirkooɓe fenna, ɓen yiilorii e leydi ndin, ndaarugol si ɓe heɓay laaworde lepte ɗen, kono ɓe ronki heɓude.

Pellet, wonii e koo ko jantaa e halkugol mofte adinooɓe, jantoore e waaju wonannde kala jom ɓernde haqqilirayɗo nde, maa heɗtorii noppi hara ɓernde makko nden no tawaa, mo welsindaaki.

Gongii Men tagii kammuuli ɗin e leydi ndin e kon ko woni hakkunde majji, nder balɗe joogoo, e hoore non Meɗen haɗtannoo tagugol ɗi nder hinƴaango. Tampere woo heɓaali Men, wano Alyahuuda'en aaƴorta.

Awa an Nulaaɗo, muñño e ko Alyahuuda e woɗɓe goo wowlete kon, juuliranaa Joomi maa yettugol Mo ka julde fajiri ado puɗal naange ngen, juulaa alansaraa on ado mutal ngal.

Jemma on kadi, juulanaa Mo, subbunhinanoɗaa Mo ɓaawo farlaaɗe ɗen.

Heɗo an Nulaaɗo, ñalnde Malaa'ikaajo halfinaaɗo wuttugol ka allaandu noddiroyta wuttaandu ɗiɗaɓuru ndun, e nokkuure ɓadiinde.

Ñalnde tagu ngun naniroyta haacaango ngon e hoore goonga, mo sikke alaa e mu'un. Ko nden Ñalnde woni yaltugol maayɓe ɓen ka genaale maɓɓe, fii ñaaweede yoɓee.

Pellet, ko Menen wuurnata Men wara, wanaa goɗɗo goo kippi fii ɗum, ko ka Amen tun kadi woni ruttorde jeyaaɓe ɓen Ñalnde Darngal, fii ñaaweede yoɓee.

Ñalnde leydi ndin seekotoo, ɓe yaltira heñagol; ko nden woni mooɓirde newaniinde Men.

Ko Menen ɓuri anndude ko ɓee fennooɓe wowlata kon. An Nulaaɗo, a wonaa saɗtinanoowo ɓe fii gomɗingol, golle maa ko yottingol tun ko Allah nulu maa kon. Haray waajor Alqur'aanaare nden, kala huloowo kammbaa Am on hakkunde heeferɓe e yedduɓe ɓen. Tawde ko huloowo waajitotoo, o jaɓa si on waajaama.

Allah woondirii keneeli jarotooɗi leydi ndin !

Mi woondirii kadi duule ronndotooɗe toɓo tiiɗngo !

Mi woondirii kadi laaɗe dogirayɗe ka maayo ɗen no newori !

E malaykaaji peccooji ko Alla yamiri yo fecce ko e fiyakuuji jiyaaɓe.

Ko Alla fodata on ko e hasbeede e yoɓeede ko goongo mbo alah jeddi.

Haasbeede ko ko wonat nyande darngo alah e sago.

Allah woondirii kammu labaangu tagu jom ɗate ngun.

Pellet, onon yimɓe Makka ɓee, hiɗon e konngol piyondirngol : nde wonnde wi'on : Alqur'aana ko mbilewu, nde wonnde kadi wi'on : ko nde gimi, ma wi'on kadi nde wonnde: Muhammadu ko mbileejo, e wonnde goo wi'on : ko yimoowo.

Hino yiltee e gomɗingol Alqur'aana e Annabiijo on (yo o his) kala firlitaaɗo e anndal Allah, e gomɗinal ngal; anndugol Mo wonnde onɗon gomɗintaa, ko ɗum waɗi si O firlitaa.

Ɓee fenuɓe e hoore Alqur'aana e Annabiijo maɓɓe on fow ɓe huɗaama.

Ɓen yooliiɓe e majjere, welsindiiɓe fii galle laakara ɗen.

Hiɓe lamndoo : ko honnde woni Ñalaande njoɓdi kuuɗe? Hara non ɓe alaa gollannde nde !

Allah jaaboo lamndal maɓɓe ngal : ko Ñalaande nde ɓe leptoytee ka Yiite.

Ɓe wi'ane : meeɗee non lepte mon ɗen ; ko ɗum woni ko hawjiraynoɗon kon, waɗton jalnori, tuma jertintenoɗon.

Pellet ɓeen hulirɓe Joomi mum en ɗoftaade jamirooje Makka, e reenaade kaɗaaɗe Makka ñande darngo hoɓe e jardeeji e caalli dogooji.

Jaggatnooɓe ko Alla okkataɓe e njoɓdi teddundi, ɓe pellet ko adii ndii njoɓdi hoɓe moƴƴinatno golle ka aduna.

Hoɓe njuulatno jemma, ɓe ɗaanatanooko si wonah setta.

E saanga ndoogu hoɓe toro yaafeede bakkatuuji mum en ummorde ka Alla.

Ina e jawle mum en he hakke-hoɓe ngattoo heen- yimɓe ñaagatooɓe e ɓe ñaagataako,yimɓe haɗiraaɓe arsuko e kala sabaabu.

E nder leydi ko Alla waɗi ko e hendi ummaade e tule haa e maaje e caalli e leɗɗe e puɗi e kulle, ko dallillaaji mbaawko Alla wonande yananaaɓe wonde ko Alla woni takɗo mbaadinɗo.

Ina e nder pittaali mon - onon aade en- dallillaaji kollirooji mbaawko Alla, mbela on ndaaratah ngam teska ɗon?

Ina nder kammu arsuko mon aduna, ina e hembo ko podante ɗon e moƴƴe e bonannde.

Mi woondirii Jom kammu e leydi, pellet ummital ko goongo mbo alah sikke e mum, hono no sikke waasi wonde e haala mon saanga nde kaalaton.

Mbela arii e ma -Aan Nulaaɗo- yeewtere hoɗɓe Ibraahiima jeyaaɓe e malaykaaji, ɓe Alla teddini.

Ndeɓe naati e makko, ɓe mbi*ni mbo salaaman: Ibraahiima ruttiɓe salminaandu, nduun woni salaam, O maaki e fittaandu makko: ɓe ko yimɓe ɓe nganndaaka.

O fayi to yimɓe makko e mbaadi cuuiindi, o addori toon ngaari payndi, sabu o sikkuno koɓe yimɓe.

O ɓanni ɓe ngaari ndi, o haaldi e maɓɓe e newuya: mbela on ñaamatah?

Nede ɓe waasno ñaamde o so*i e fittaandu makko he kulol, ɓe paami ɗuum, ɓe lelnir ɓernde makko wiide taa hulu, minen komin nulaaɓe ummaade ka Alla, ɓe kabri mbo ko welata mbo, ɗuum woni ma o heɓ keewɗo ganndal, ko oon woni Ishaaqa.

Nde jom suudu makko nani o wela wela o ari homo wulla ngam weltaare, o hellii yeeso makko, o wii hombo haawa: mbela nayeeja na jibina, te kanko ko o dimara.

Malaykaaji ɗi mbi* imbo ko min kabru ma ko woni ko Joom ma daali, ko O daali ko noon ruttetaake, ko Kanko woni ñeeñuɗo e tagu Makko e hoddiro Makko, ganndo tagu Makko e ko nafataɓe.

Annabi Ibraahiima maaki Malaa'iɓe ɓen : ko honɗum woni fii mon? E ko faanditiɗon?

Malaa'ika'en jaabii mo wonnde : menen, Allah neli men e yimɓe bomɓe ɓen faggitotooɓe kuuɗe bonɗe.

Fii yo men accitu e maɓɓe, kaaƴe iwɗe e loope juɗaaɗe

Maandiniraaɗe ka Joomi maa an Ibraahiima, wurtaaɗe e yawtooɓe keeri Allah ɓen, fantinooɓe yeddugol Mo ngol.

Men yaltini taho kala gomɗimɓe wonunooɓe e saare yimɓe Luutu ɓen, fii wata lepte bomɓe ɓen hawru e maɓɓe.

Men tawaano e nden saare, si wanaa suudu juulɓe wooturu, ndun le ko suudu ɓeynguure Luutu nden (yo o his).

men acci e nden saare yimɓe Luutu, batteeji lepte ɗen, ko holla wonnde ɗe yanuno e maɓɓe, wona waajitorɗum kala huloowo lepte muusuɗe ɗen yanunooɗe e maɓɓe, ontigi hula waɗugol sugu kuuɗe maɓɓe ɗen, fii daɗugol ɗen lepte.

Men acci kadi maande e Muusaa, tuma nde Men nulunoo mo e Fir'awna, wonndude e hujjaaji ɓannguɗi, wonannde kala huloowo e lepte muusuɗe ɗen.

Kono Fir'awna ɗuurni fawaade e cemmbe e konu makko fow salii goonga, o wi'i Muusaa : ko mbilɗotooɗo yimɓe maa hara feetuɗo.

Men nanngi mo kanko e koneeli makko ɗin fow, Men weddii ɓe ka maayo, ɓe yoolii ɓe halkii, tawde Fir'awna ko feliraaɗo fennugol mo ngol nodditoo reweteeɗo.

Men acci kadi maande e 'Adi'en, yimɓe Huudu ɓen, wonannde kala huloowo lepte muusuɗe ɗen, tuma nde Men wurtunoo e maɓɓe henndu ndu ardaa e toɓo, ndu worgintaa leɗɗe ndu aldaa kadi e barke.

Ndu accataa hay wonkii maa jawdi ekw e kon ko ndu arani, si wanaa ndu muncay fii mun, ndu waɗta ɗum wano rappunde sariinde.

Men waɗi kadi maande e Samuuda'en, yimɓe Annabi Saalih ɓen, wonannde kala huloowo lepte muusuɗe ɗen, tuma nde ɓe wi'ananoo : awa dakmitoree nguurndam mon ɗam, ado lajal mon gal timmude.

Ɓe townitanii yawmiroore Joomi maɓɓe gomɗingol e ɗoftagol Mo ngol, haacaango lepte ngon nanngi ɓe, tawi hiɓe ƴeewa ko ɗum jippotoo kon. Tawde ɓe kammbirano lepte ɗen, balɗe tati ado ɗe jippaade.

Ɓe waawaano duñugol lepte ɗen gaay e maɓɓe, ɓe heɓaano kadi feere faabeede.

Gomɗii kadi Men halkiriino yimɓe Nuuhu ɓen ado ɓee jantaaɓe ɗoo, yoolagol. Pellet, ɓen ko yimɓe yaltunooɓe e ɗoftaare Allah, waɗi si ɓe hanndi e lepte Makko ɗen.

Kammu ngun, Men mahir ngu doole Amen, Men ɗiggini ɗum. Pellet, ko Men yaanooɓe cebe mammba.

Leydi ndin kan, Men weertiranndi hoɗooɓe ɓen, wano ndaɗɗundi maɓɓe. Men moƴƴii weertan ɓe ndi.

E kala huunde, Men tagii noone ɗiɗi: wano deyel e gorel, kammu e leydi, njodrndi e maayo; balajo'o on waajitoray gootaagu Allah taguɗo ɗin On, teskoɗon fii kattal Makko ngal.

Dogee lepte Allah ɗen, yaccoron e mbarjaari Makko ndin, ɗoftaare e anngal yeddugol Mo. Min, wonannde on onon ɓee yimɓe, ko mi jertinoowo e lepte Makko ɗen, ɓannguɗo jertinol.

Wata on waɗde e Allah reweteeɗo goo ko rewon. Min, wonannde on immorde ka Makko, ko mi ɓannguɗo jertinol.

nKo wano yimɓe Makko ɓen fenniri nii, mofte adinooɓe ɓen fennirnoo. Nulaaɗo Allah araali e ɓen, si wanaa ɓe wi'ay mo : ko mbileejo maa feetuɗo!

Hara heeferɓe adinooɓe ɓen yamondirno e sakkitiiɓe ɓen e ngol fennugol Nulaaɓe? Oo'o woye. Ko woni kon, ko bewre renndiniɓe e mum.

An Nulaaɗo, selu ɓee fennooɓe, a wonaa felniiɗo. Ko pellet, a yottinii ko nulaɗaa kon e maɓɓe.

Haɗataa si a selii ɓe, waajoraa ɓe anndintinaa ɓe; tawde waajagol anndina ngol, hino nafa gomɗimɓe Allah ɓen.

Mi tagiraali jinna e yimɓe, si wanaa fii yo ɓe rewan Min tun. Wanaa dey fii yo ɓe waddam e goɗɗum goo.

Mi ɗaɓɓiraa ɓe arsike; Mi ɗaɓɓiraa ɓe yo ɓe ñamminam.

Pellet, ko Allah woni arsikoowo jeyaaɓe ɓen, fow no hatonjini e arsike Makko On, Kanko Jom cemmbe tiiɗuɗe ɗe huunde foolataa. Denndangal jinna e yimɓe ko cemmbe Makko ɗen yankinanii.

Haray hino woodani tooñirɓe ko'e mun ɓen fennugol ma, an Nulaaɗo, geɓal e lepte, yeru geɓal nanndo maɓɓe'en adinooɓe ɓen. Ɗum no happanaa lajal, wata ɓe ɗaɓɓiram yaccinangol ɓe ɗum ado happu mun on.

Halkaare woodanii ɓen yedduɓe Allah, ɓe fenni Nulaaɗo Makko on, e nden Ñalaande Darngal nde ɓe kammbiranaa yanugol lepte ɗen e maɓɓe.

Allah woondirii Fello ngo O yewtidi e Annabi Muusaa ngon.

O woondiri kadi Deftere winndannde nden.

E ɗeri fontoriiɗi wa Defte jippinaaɗe ɗen.

O woondiri kadi Suudu ndu Malaa'ika'en wuurniri ndin rewugol Allah ka kammu.

O woondiri kadi kammu toowungu, wonu ngu kippoodi e leydi ndin.

O woondiri kadi maayo hebbiniraango ndiyam ngon.

Pellet, lepte Joomi maa ɗen an Nulaaɗo, ko yanooje e heeferɓe ɓen, feere mun alaa.

Alaa ko duñanaɓe ɗe, haa ɗe ronka yanude e maɓɓe.

Ñalnde kammu ngun dillirta dillere, ngu folwo hollirde daragol Darngal ngal.

Pelle ɗen woni e sottugol nokku majje, watta yahugol.

Haray nden ñalnde, halkaare e hayrere woodanii fennuɓe lepte ɗe Allah kammbirani yedduɓe ɓen.

Ɓen wonuɓe e jumpugol fija e nder meere, hara ɓe tefaa fii ummital e caakagol.

Ñalnde ɓe duñiroytee doole ka Yiite Jahannama duñannde.

Ɓe wi'anoyee nde ñalnde : awa ko ngee Yiite woni ko fennaynoɗon, fewndo Nulaaɓe mon ɓen hulɓiniraynoo on nge.

E ko mbilewu woni ɗee lepte ɗe sutiɗon? Kaa hara on alaa e yi'ude?

Meeɗee nguleeki ngee Yiite sumon nge ! Muññiɗon ɗum maa hara on muññaaki, fow no fota e mon. On yoɓetaake hannde, si wanaa ko geddi e keeferaaku ko gollaynoɗon kon aduna.

Pellet, hulirɓe Joomi mun ɓen ɗoftagol yamiraaɗi Makko woɗɗitoo e haɗaaɗi Makko ɗin, hino e Aljannaaji e naamaaji mawɗi, ɗi taƴondirtaa.

Ko ɓe dakmitorayɓe dakammeeji ñaametee e njaram e desal ko Allah okki ɓe, Joomi maɓɓe daɗnda ɓe lepte Jahiimi ɗen. Ɓe maliree dañugol dakamme yela maɓɓe on, e daɗndeede lepte.

Ɓe wi'anee ontuma : ñaamee yaron kala ko yiɗuɗon, ko hannduɓe e mun, wata on hulu lorra ko ñaamoton maa ko yaroton kon. Ɗum ko njoɓdi mon, e golle mon laaɓuɗe ɗen aduna.

Hara ko on soɓɓindiiɓe e hoore danɗe cuɗinaaɗe weertindiraa. Men resini ɓe kadi rewɓe yooɗa giteeɓe.

Ɓen gomɗimɓe, genyngol maɓɓe ngol kadi jokki ɓe e gomɗinal ngal, Men tawtindinay ɓe e geyngol maɓɓe ngol, fii no ɓerɗe maɓɓe ɓuuɓira e fee maɓɓe, hay si ɓen golliraano wano maɓɓe. E hoore Men ɗuytanoytaaɓe huunde e baraaji golle maɓɓe ɗin; tawde neɗɗo kala ko tiginnde e bonɗi ɗi o faggitii ɗin, gooto ronnditantaako mo ko golli kon.

Men ɓeydanii ɓee yimɓe Aljanna, nooneeje e muuyanteeɗi e kala ko ɓe tuuyetee e teewu.

Hiɓe jaaondira ka nder Aljanna ton : ñedduɗe ɗe jillaa njaram wa'uɗam wa njaramji goo aduna; woni ko siwrinta adda cona-cana maa ko sabimbinta bakkaatu.

Hara sukaaɓe no eltanaaɓe hino wanngoo e maɓɓe, wa'uɓe wa kaŋŋe reenaaɗe, hakkee ko ɓe jalbi.

Woɗɓe e yimɓe Aljanna ɓen fewtita ɓeya, ɓe lamndondira fii fiyaaku maɓɓe on aduna.

Ɓe jaabora ɓe wiide : pellet, men laatino aduna, ko men hulunooɓe lepte Allah ɗen, hakkunde yimɓe amen ɓen.

Allah moƴƴorii e amen, feewugol e lislaamu, O daɗandi men lepte norngal Yiite.

Men laatino e nguurndam amen aduna, meɗen rewaynoo Mo men toroo Mo daɗndugol men Yiite. Tawde pellet, ko Kanko woni moƴƴo goonguɗo e ko O fodi jeyaaɓe Makko ɓen kon, Hinnotooɗo ɓe. Hino jeyaa e ko O moƴƴorii e amen O yurmii men : fewnugol men e gomɗinal, naada men Aljanna, woɗɗina men e Yiite.

An Nulaaɗo, anndintinir tun Alqur'aanaa, sabu ko neema gomɗinal e haqqil ko Allah yeɗu maaɗa kon, a wonaa ndureejo gollidoowo e jinna, a wonaa kadi feetuɗo.

Kaa ɓee fennooɓe wi'au wonnde : Muhammadu wanaa Nulaaɗo, ko yimoowo ! Mo men habbitanii tun biftagol maayde, men pooftoo e makko.

An Nulaaɗo, maakan ɓe : awa habbitee maayde am ! Min kadi miɗo habbitii nde lepte ɗen yanata e mon, sabu ko fennuɗo lam kon.

Kaa ko haqqille maɓɓe ɗen yamiri ɓe wi'ugol : ko o ndureejo e feetuɗo? Ɓe hawtita ko hawtitaa e neɗɗo. Si ko woni, ɓee yimɓe yawtuɓe tun keeri. Ɓe ruttotaako e sari'a wanaa e haqqil.

Kaa ɓe wi'ay wonnde : Muhammadu tafu nde Alqur'aanaare, huunde wahayinaaka e makko? Oo'owoye... Si ko woni, ɓee ko townitaniiɓe gomɗingol nde, waɗi si ɓe wiide o sincu nde.

Awa yo ɓe addii yewtere goo sugu mayre, hay si ko fefindaande, si wonii ko e goonga ɓe woni, wiide ko nde tafaande.

Kaa ɓe tagira ɓaawo tagoowo? Kaa ko kamɓe woni taguɓe ko'e maɓɓe? Pellet, huunde tagaaka ɓaawo taguɗo nde, ko tagaa kadi tagataa. Ko haɗi ɓe rewa taguɗo ɓe on kisan?

Kaa ko kamɓe tagi kammuuli ɗin e leydi ndin? Ko woni goonga, ɓee yananaaka wonnde ko Allah tagi ɓe. Tawde si ɓe yanananoo ɗum, ɓe wootinɗinanyno Mo, ɓe gomɗina Nulaaɗo Makko on.

Kaa ɓe jogiti ngaluuji arsike Joomi maa ɗin, sakko ɓe salanoo ɗi mo ɓe yiɗanaa? Maa Annabaaku ngun, sakko ɓe yeɗa ngun mo ɓe yiɗani, ɓe salanoo ngu mo ɓe yiɗanaa? Kaa ko kamɓe woni huɓindiiɓe e piiji ɗin, hara ɓe hiɓe gerdira ɗi no ɓe haajiri?

Kaa ɓe jogiti ƴawirgal ka kammu, ngal ɓe heɗitorta wayahu Allah wi'oowo ɓe ko e goonga ɓe woni? Awa yo heɗitiiɗo on e maɓɓe addu on wahayu, wonndude e hujja ɓannguɗo, goonginoowo ko nodditorɗon kon, wonnde ko e goonga wonɗon.

Kaa hara ko ɓiɗɓe rewɓe ɓe añanɗon ko'e mon ɓen, woodanta seniiɗo On toowuɗo On, onon kan woodanii on ɓiɗɓe worɓe ɓen?

Kaa a lamndi ɓe njoɓdi, an Nulaaɗo, e ko yottinirtaa kon e maɓɓe, immorde ka Joomi maa? Hara non ɗum wontanay ɓe donŋgal ngal ɓe townataa?

Kaa ɓe anndu fii wirniiɗi ɗin, haa hiɓe winndana yimɓe ɓen, ko ɓe ƴellitii e majji, ɓe humpita ɓe kala ko ɓen faalaa e mun?

Kaa ɓee fennuɓe faala fewjannde ma an e diina maa kan? Awa hoolo Allah. Tawde ɓen yedduɓe Allah e Nulaaɗo Makko on, ko kamɓe woni fooleteeɓe pewje ɓen, wanaa an.

Kaa hiɓe mari reweteeɗo goo e goonga, ko wanaa Allah? Allah senike O laaɓii e kon ko ɓe dammbata e Makko, immorde e sirku ! Kala ko yawti kon, wanaa non woniri, jaɓirtaake non kadi !

Si ɓe yi'ii taƴatine iwrunde ka kammu no yani, ɓe wi'a : ko duule fawondiri ɗoo, wano woowiri non. Ɓe ronka tasakaade maa ɓe gomɗina.

Nulaaɗo, accuɓe e sattere feere maɓɓe e yeddugol maɓɓe, haa ɓe hawroya e ñalaande maɓɓe nde ɓe leptoytee e mun. Woni Ñalnde Darngal.

Ñalnde nde pewje maɓɓe ɗen duncanoytaa ɓe hay huunde, ɗuuɗi fanɗi, wanaa kadi ɓe faaboroyteeɓe daɗndeede lepte.

Ko pellet, hino woodani tooñirɓe ko'e mun ɓen sirku e geddi, lepte adiiɗe lepte laakara ɗen: ɗen woni wareede e daheede, ka genaale kadi ɓe leptee. Kono ko ɓuri ɗuuɗude ko e maɓɓe, ɓe anndaa ɗum. Ko ɗum waɗi si ɓe ñiiɓa e keeferaaku maɓɓe.

An Nulaaɗo, muñño ñaawoore Joomi maa nden, e ñenƴal sari'a Makko on. Tawde pellet, hiɗa e ndenka Amen. Seninaa Joomi maa, tuma ɓaŋotoɗaa e ɗoyngol maa.

Jemma on kadi, subbunhinanoɗaa Joomi maa, Juulanaa Mo, juulaa subaka on, tuma ka koode ɗen mutirta ɗon feeɗugol ñallal ngal.

Alla woondirii hoodere sinde fukkiima.

Nelaaɗo-yo o his- ooñaaki gaa e laawol peewal, o wonaani bewɗo, kono ko o peewɗo.

O haalatah e o quraana tawa hombo rewi e belaaɗe makko.

O quraana mbo wonah si wonah wahyu, mbo Alla wahyato faade e makko ummaade e Jibriil.

Ko malayka jom semmbe oon woni Jibriil anndini ɗum mbo.

E jibriil-yo o his- jom mbaadi njooɗndi, o fotondiri e mu, hombo feenyani annabi-yo o his- e mbaadi ndi Alla tagri mbo.

Jibriir hombo e jookli toowɗi.

Refti Jibriir ɓadii o ɓeydi ɓattaade.

O ɓadinoo mbo fotde laanye ɗiɗe wolla ko ɓuri ɓadaade.

Jibriir wahyii faade e maccuɗo Alla muhamadu-yo o his- ko O wahyii ko.

ɓernde muhamadu -yo o his- fennaani ko O yi*i ko.

mbela hoɗon njeddandira e makko-onon heefareeɓe-ko Alla holli mbo ko ñande jemma israa mbo Alla nawi mbo?

Ko goonga tigi muhamadu-yo o his- yi*ii e mbaadi makko laawol goɗngol e jemma israa he.

ka lekki sidra haaɗtirki, kiin ka lekki mawki to kammu jeeɗiɓo.

ka kiin lekki woni aljanna koɗirɗo.

Nde naati e sidra-Jaaɓi- he huunde mawnde ummaade e jamirooje Alla, hay gooto anndah no ɗuum laatarii si wonah Alla.

Yitere Nelaaɗo-yo o his- ooñaaki nyaama wolla nana, nde yawtaani keerol.

Muhamadu-yo o his- yi*ii jemma seteede mbo MiiraaJ kaawisaaji Alla mawɗi kollirooji kattane Makko, O yi*i aljanna e yiite e goɗɗum.

Mbela on nji*ii-onon heefereeɓe- sanamuuji ndewaton ɗi ko aldah e Alla:Laata e Ujjaa.

E manaata tatɓiija goɗɗo o e sanamuuji mon. kabree kam mbela hoɓe njoganii on nafoore wolla lorla.

Mbela na woodani on-onon heeferɓe- gorko ko yiɗɗon ko, na woodani Mboko Joomiraawo demmbo mbo nganñɗon o?

Ndeen fecccoore nde peccirɗon belaaɗe mon ko nde tooñnde.

ɗi sanamuuji ɗi ngonah si wonah inɗe ɗe ngalah maana, ɗi ngalah hay geɗal e sifaaji Alliyankeewal on inniriiɗi onon e baabiraave mon ummaade e ko*e mon, Alla jippinaani heen hay daliil, sirkuɓe ɓe ndewata si wonah sikke e belaaɗe pittaali mum en e ko seytaane suɗi e ɓerɗe mum en, arii e mum en ummaade e Joom mum en peewal e ɗemngal nelaaɗo-yo o his- te ɓe peewaani.

Mbela na woodani neɗɗa ko o wooɗa ko e tefnga sanamuuji faade Alla?

Alah, alanah mbo ko o wooɗa ko, ko Alla tan woodani ko sakkati e ko adii, O okka heen ko O wela O haɗa ko O haaja.

Hono foti malayka nder kammuuji ɗi tefoore majji nafatah hay huunde soɗi faalaama tefande gooto si wonah caggal de Alla sakkiti tefnga wonande Mbo O haaja e ɓeen, O wele tefnanteeɗo o, Alla sakkitantah oon baɗanɗo Mbo nandadiijo, O weletaake oon tefnanteeɗo dewoowo ko wonah Alla.

ɓeen ɓe goonɗinaani ummital to laakira maɓe innir malaykaaji ɗi inɗe rewɓe sabu sikkude ɓe koɓe ɓiɓɓe Alla, Alla toowii e konngi mum en hee toowal manngal.

Woodanaaniɓe ganndal tuugnorgal e koɓe innirta ko malaykaaji inɗe rewɓe, alah koɓe ndewata e ɗuum si wonah sikke e ko laaɓaani, sikke noon nafatah e goonga hay huuunde nyande darnga.

ɗuuna-aan aan nulaaɗa- oon duntiiɗo innude Alla o faalaako nde, alah ko o faala si wonah nguurndam aduna, o gollanataaka laakara, sabu o goonɗinaani mbo.

Ko sirkuɓe ɓe kaalata ko, ko faati e innirde malaykaaji inɗe rewɓe, fotde ganndal mum en ko ɗoon haaɗi, sabu koɓe majjuɓe, ɓe ɓe njottaaki e yananeede, ko joom ma noon ɓuri anndude oon gooñiiɗo acci laawol peewal, ko Kanko ɓuri anndude kadi oon peewɗo e laawol makko he, alah fof ko wirnii e Makko hay huunde.

Ko Alla tan woodani ko woni e nder kammuuji, na woodani Mbo ko woni e leydi to bannge jeyal e takgo e jiiloowo, ngam O yoɓa bonnuɓe e aduna koɓe kaandi ko e lepte, O yoɓa goonɗinɓe golluɓe ko moƴƴi aljanna.

Ɓen woɗɗitotooɓe junuubi mawɗi ɗin, e geddi kaanuɗi ɗin, ɓe faggitotaako si wanaa tokoosi ɗin. Ɗin no yaaforee accitugol mawnuɗi ɗin, e ɗuɗɗinirde dewe. Pellet, Joomi maa an Nulaaɗo, ko yaajuɗo yaafuyee. Himo yaafoo junuubi kala tuubuɓe e jeyaaɓe Makko ɓen. Ko Kanko Seniiɗo On, ɓuri anndude fii mon gila O tagirnoo ben mon Aadama e leydi, haa nde wonunoɗon saawaaɓe e deedi neeniraaɓe mon; hiɗon tagiree sagara naɓi sagara. Huunde e ɗum suuɗaaki Mo. Haray wata on mantir ko'e hulugol Allah. Ko Kanko ɓuri anndude huluɓe Mo ɓen, ɗoftii yamaruyeeji Makko, woɗɗitii haɗaaɗi Makko.

E a tinaali bonnde fiyaaku ɗuurniiɗo lislaamu on, fewndo ka o ɓadinoo mo?

Himo okka seeɗa e jawdi, hooti o ɗawa; tawde nguddan ko jikku makko. E hoore ɗum, himo manta hoore-makko.

Kere o jogi ganndal wiirniiɗi ngal o ndaarirta o yewta fii mun?

Kaa hara o fefindi o takki e Allha? Hara o humpitaaka fii ko woni kon ka ɗeri arani ɗi Allah jippini ɗin e Muusaa?

E ko woni kon ka ɗeri Ibraahiima hunnoɗo kala ko Joomi makko nulunoo mo yo o yottingol kon.

Wonnde neɗɗo woo ronnditotaako bakkaatu goɗɗo goo.

E wonnde alanaa neɗɗanke on, si wanaa yeru baraaji golle makko ɗen.

E wonnde golle makko ɗen, aray ka yi'ee Ñalnde Darngal.

Refti o yoɓiree golle makko ɗen, njoɓdi timmundi di ustaaki.

E wonnde ko ka Joomi maa an Nulaaɗo, woni ruttorde jeyaaɓe ɓen si ɓe maayii.

E wonnde ko Kanko woni weltinoowo Mo O yiɗi, O jalna ontigi, O sunina mo O yiɗi, O wullina ontigi.

E wonnde ko Kanko woni Waroowo wuuruooɓe aduna ɓen, O wuurnita ɓe ɓaawo mun.

E wonnde O tagii nooneeji ɗin : gorel e deyel.

Immorde e toɓɓere maniiyu si rufaama e rennga.

E wonnde ko Kanko woodani tagitugol ɗin ɗiɗi ɓaawo ɗi maayude.

E wonnde ko Kanko alɗiniri jeyaaɓe Makko ɓe yiɗani jawdi, O yeɗi ɓe jawle ɗe yimɓe ɗaɓɓata.

E wonnde ko Kanko woni Jeyɗo hoodere Si'iraa, nde yoga e sirkooɓe rewata kafida nde e Allah.

E wonnde ko Kanko halkunoo Aadi'en adinooɓe, ɓen woni yimɓe Huudi ɓen, fewndo ɓe haɓɓitinoo e keeferaaku ngun.

O halki kadi Samuuda'en, yimɓe Saalih ɓen, O heddinaano hay gooto e maɓɓe.

Ko non kadi O hlkirnoo yimɓe Nuuhu ɓen ado Aadi'en e Samuuda'en. Pellet, yimɓe Nuuhu ɓen laatino ɓurɓe tooñude e tiiɗude bewre diini Aadi'en e Samuuda'en. Tawde Nuuhu wonnduno e maɓɓe duuɓi ujunere ŋakkirɗum cappanɗe jowi, himo nodda ɓe e wootinɗingol Allah, kono ɓe salii nootagol mo.

E ca'e yimɓe Luutu ɓen ɓen O wayliti haa ka kammu, refti O wayliti ɓe ka leydi.

O hippiri ɗe kaaƴe ɗen ɗe O hippi e maɓɓe ɓaawo O townude ɓe ka kammu, O liɓde ka leydi.

Ko honɗum e neemaaji Joomi maa tinndinayɗi e kattal Makko woni wennjata fii mun, ronkaa waajitorde ɗum, an oo neɗɗanke?

Awa oo Nulaaɗo immninaaɗo e mon, ko jeyaaɗo e Nulaaɓe adinooɓe.

Darngal hewtungal ngal ɓadike.

Duñoowo ngal itta, maa ƴellitotooɗo fii maggal, alaa si wanaa Allah.

E ko ndee yewtere Al*ur'aana janngeteende e dow mon, woni ko haawetoɗon wiide ko ka Allah nde iwri?

Hiɗon jala jalkita nde, on wullataa tuma nanuɗon waaju mayre?

Hara ko on weldiiɓe, ɓe haajaaka e mayre?

Koni sujjanee Allah, laɓɓinanon Mo dewal.

Darngal ngal hewtii, lewru ndun kadi seekinoke gila fewndo Annabiijo (jom kisiyee on). Seekagol ndu ngol woni maande laaɓunde.

Si sirkooɓe ɓen yi'ii maande e hujja goonginɗo Nulaaɗo on (yo o his), ɓe ɗuurnoo jaɓugol ɗum, ɓe wi'a: ɗii hujjaaji e ɓannganduyeeji ɗi men yi'i, ko mbilewu meerente.

Ɓe fenni goonga ka o addani ɓe kan, ɓe jokki mbeleeɗe maɓɓe fennugol ngol. Hara le fiyaaku kala - moƴƴi maa boni - ko waɗayɗum no haaniri non Ñalande Darngal.

Gomɗii kumpite mofte ɗe Alllah halkirnoo yeddugol tooña arii e maɓɓe, yeru ko ɓe haɗitora yeddugol tooña.

Kon ko ari e maɓɓe, ko ñeñƴal timmungal, fii no wonira hujja e maɓɓe. Kono jertingol nafataa yimɓe ɓe gomɗintaa Allah e Ñalaande sakkitiinde.

Si ɓe salanike ma an Nulaaɗo, selu ɓe ɗuurnoɗaa ɓe, habbitoɗaa ñalnde noddoowo halfinaaɗo wuttoygol ngol ka allaandu noddoyta e huunde añiniinde, nde tawata tageefo anndaano sugu mayre ko adii.

Jaasuɓe e ndaarɗe, hiɓe yaltira e genaale ɗen faade ka ñaawirde, wano kanuuji carotooɗi, hakkee hawjere.

Heñaniiɓe noddoowo on ka ñaawirde. Heeferɓe ɓen wi'a: ndee ɗoo ko ñalaande sattunde. Tawde hinde wonnde e caɗeele e kulhuli.

Ado ɓee yedduɓe ma ɗoo an Nulaaɗo, hari yimɓe Nuuhu ɓen yeddiino. Ɓe fenni ko Men nuli kon jeyaaɗo Amen on Nuuhu e maɓɓe, ɓe wi'i woo: ko jinnaaɗo ! ɓe purii mo noone fow wiide si o accaali noddugol ɓe.

O torii Joomi makko, wonnde : yimɓe am ɓen foolii lam, ɓe jaɓanaali lam. Faaboram jippinirgol leopte e dow maɓɓe.

Men udditiri dammbuɗe kammu ngun, ndiyam saaƴayɗam jokkondira.

Men tuɓɓiniri leydi ndin ɓulli ndiyam. Ndiyam ɗam ka kammu e ɗam ka leydi fottiri yamiroore Allah hoddiranoonde ko ɓooyi. Ɗam yooli fow, si wanna ɓe Allah daɗnunoo ɓe.

Men roondorii Nuuhu e laana lesaaka marka alluwe e peŋe. Men daɗndi mo kanko e wondunooɓe e maɓɓe ɓen yoolagol.

Ka laana no dogira e mororonje maayo e ngon, ndenka Amen. Ɗum ko faabo Nuuhu ngon non e ko yimɓe makko ɓen fenni mo kon, ɓe yeddi ko o addani ɓe kon immorde ka Allah.

Gomɗii Men fillitorii kon ko Men leptirnoo ɓe, waaju e tasakuyee. Taw non si woodi waajitryɗo ɗum?

Taskii ko honno lepte Am ɗen wa'unoo? E ko honno jertinol Am halkugol ɓe ngol wa'unoo?

Gomɗii Men newinirii Alquur'aanaare nden waajitorgol. Hara no woodi waajitorayɗo tasakuyeeji mayre.

Aadi'en fennuno Annabaajo maɓɓe on Huudu. Onon yimɓe Makka, teskee ko honno lepte Am ɗen wa'unoo e maɓɓe? Taskoɗon kadi ko honno Mi jertinirnoo ɗe woɗɓe goo?

Men wurtu e maɓɓe henndu tiiɗundu ɓuuɓol, e ñalaande ɓaleere, duumodaynde e maɓɓe haa ka Jahiimi.

Hindu wippitira yimɓe ɓen e leydi ndin, ndu bugora ɓe ko'e maɓɓe ɗen, wa si tawii ko ɓe daƴƴe ɗoofaade e jayru.

Taskee onon yimɓe Makka ɓen, ko honno lepte Am ɗen wa'unoo e maɓɓe? Taskoɗon kadi ko honno Mi jertinirnoo ɗe woɗɓe goo?

Gomɗii Men newinirii Alquur'aanaare nden waajitorgol. Hara no woodi waajitorayɗo tasakuyeeji mayre.

Samuuda'en fennuno waaju Nulaaɗo maɓɓe on Saalih (yo o his).

Ɓe wi'i hiɓe yedda : kere ko neɗɗo gooto e amen woni ko men jokkata? Si men waɗii ɗum, haray ontuma men wonii woopuɓe sari'a ooñiini e mun, woni kadi e tampere.

Hara ko e makko wahayu on jippinaa hakkunde amen? O heertora ɗum hakkunde amen? Si ko woni, ko fenoowo nii, townitiiɗo.

Aray ɓe annda Ñalnde Janngo, ko hommbo woni fenoowo townitiiɗo on? Anndon si Saalih kaa ko kamɓe?

Ko Men yaltinirooɓe ngelooba ndewa mbam ka fetere, Men wurtira mba e maɓɓe, jarribagol ɓe. Aynituɓe ɓe an Saalih, tinaa ko ɓe waɗata mba e ko ɓe huuwetee ontuma, muññoɗaa lorra maɓɓe.

Humituɓe wonnde ndiyam woyndu maɓɓe ndun, ko senndaaɗam hakkunde e maɓɓe e ngelooba mbam: mba yara ñallal, ɓe yara ñallal. Kala maɓɓe yara geɓal mun kañum tun, e ñalaande mun nden.

Ɓe noddiri wonndiiɗo maɓɓe on, fii warugol mba. O jonni kaafa kan, o wari mba e yamaruyee yimɓe makko ɓen.

Taskee onon yimɓe Makka ɓen, ko honno lepte Am ɗen wa'unoo e maɓɓe? Taskoɗon kadi ko honno Mi jertinirnoo ɗum e woɗɓe goo?

Ko haacaango wooturu tun Men wurtunoo e maɓɓe, ngo halki ɓe, ɓe wa'i leɗɗe caŋe yooruɗe ɗe gaynaako wallitorta dammi mun.

Gomɗii Men newinirii Alquur'aanaare nden waajitorgol. Hara no woodi waajitorayɗo tasakuyeeji mayre.

Yumɓe Luutu ɓen fennuno waaju Nulaaɗo maɓɓe on Luutu (yo o his).

Men wurtuno henndu kaaƴe e maɓɓe, si wanaa e ɓeynguure Luutu nden (yo o his) lepte ɗen hewtaano ɓe, tawde Men daɗnuno ɓe fewndo o yaltidunoo e maɓɓe ka wenndoogo, ado lepte ɗen yanude e ɓeya.

Men daɗniri ɓe lepte ɗen, moƴƴere Amen e maɓɓe. Ko wano Men yoɓitiri non Luutu, Men yoɓitirta kala yettuɗo neema Allah on e makko.

Gomɗii le Luutu hulɓinirno ɓe lepte Amen ɗen. Kono ɓe yeddondiri e jertinol makko gol, ɓe fenni mo.

Gomɗii ɓe ɗaɓɓirno Luutu accidugol ɓe e hoɗɓe makko ɓen, fii no ɓe huuwira paŋnkare e maɓɓe. Laatii Men mahi gite maɓɓe ɗen, ɓe acci yi'ude, ɓe wi'ani ɓe: meeɗee non lepte ɗen e bone salagol jertinol Am ngol.

Gomɗii lepte duumiiɗe dawiranno ɓe bimmbi law, ko heddoda e maɓɓe haa laakara, lepte ɗen ton kadi heɓa ɓe.

Ɓe wi'aee ontuma: Meeɗee lepte Am ɗe Mi liɓi e mon ɗen, e salagol mon jertiaango Luutu ngol.

Gomɗii Men newinirii Alquur'aanaare nden waajitorgol. Hara no woodi waajitorayɗo tesakuyeeji mayre.

Gomɗii jertinaango Amen ngon arii e yimɓe Fir'awna ɓen, e dow ɗemngal Muusaa e Haaruuna, yo ɓe his.

Ɓe fenni kala hujja e ɓanngannduyeeji immorɗi e Amen. Men yagginiri ɓe fennugol ɓe ngol, lepte Fooluɗo Mo fooletaake, Hattanɗo Mo ronkataa hay huunde.

Kere ko heeferɓe mon ɓen onon yimɓe Makkah ɓen, ɓuri moƴƴude e dii ɓeya heeferɓe jantaaɓe (Yimɓe Nuuhu, e Aadi'en, e Samuuda'en, e Yimɓe Luutu ɓen e Fir'awna e yimɓe mun?) Kaa ko daɗugol e lepte Allah ɗen woni maandinanaa on e Defte jippiiɗe ɗen?

Kaa hara ɓee heeferɓe Maakkah wi'ay: menen ko men dental wallindirooɓe e hoore kala faandaniiɗo men bone, eɓɓuɗo senndugol men?

Aray nden dental ɓee heeferɓe foolee, ɓe huccintina ɓabbe, yeeso gomɗimɓe ɓen. Ɗum waɗuno ñalnde hare nde Badri.

Wurin ko Darngal ngal ɓe fennunoo ngal, woni fodoore leptugol ɓe ngol. Ko Darngal non ɓuri mawnude e saɗtude lepte dii ko ɓe leptanoo kon aduna ka Badri.

pellet, bonnirɓe geddi e keeferaaku ɓen, wonii e majjere woɗɗiinde goonga, e lepte e tampere kadi.

Ñalnde ɓe daasiroytee geece maɓɓe ɗen ka nder Yiite, ɓe wi'anee : meeɗee non lepte Yiite ngen.

Men tagir huunde kala e eɓɓoore Amen yawtunde, tippude e anndal e muyɗe Amen, wonndude e ko Men winndunoo ka Alluwal reenaangal.

Si Men faandanike huunde, yamiroore Amen e mayre wonataa, si wanaa konngol gootol pet, woni wiide : laato, nde laatora no Men faaliraa, yaawira wa hinƴaango yiitere.

Gomɗii Men halkiino goreeɓe mon heeferɓe mofte adinooɓe. Hara wooday waajitorayɗo ɗum, o ɓooroo e keeferaaku makko?

Kala huunde nden jeyaaɓe ɓen huuwi, hino maandinaa ka nder ɗeri Malaa'ika'en halfinaaɓe ɗum ɓen, ɓe winnday fow.

Kala ko fanɗi e kuugal maa haala, e ko mawni e mun, hino winndaa e ɗeri golle ɗin, maraa ka Alluwal reenaanagl. Aray nde ɓe yoɓitoyee ɗum.

Pellet, hulirɓe Joomi mun siinuɓe yamiraaɗi Makko woɗɗitoo e haɗaaɗi Makko ɗin, hino e Aljannaaji ɗi ɓe neeminotoo e mun, canɗi ialyɗi.

E toolorde goonga, nde alaa haala meere wanaa bakkaatu, ka Laamɗo jogitiiɗo kala huunde On, Hattanɗo Mo huunde ronkintaa. wota a lamda fii neemaaji maɓɓe duumotooɗi ton ɗin.

Jom Hinaraŋke On, Jom yurmeende yaajunde On.

O anndinirii yimɓe ɓen Alqur'aana, newingol hunjagol nde, newo faamugol nde.

O tagi neɗɗaŋke O fotindir, O labini mbaadi makko.

A anndini mo ɓannginirgol ko woni e fonndo makko, haalugol e winndugol.

Naange ngen e lewru ndun, O eɓɓanii ɗi, dogugol yeru eɓɓoore ñeñaande, no yimɓe ɓen anndira limoore kitaale e limre.

Delbi ɗin e leɗɗe ɗen kadi, hino sujjannde Allah seniiɗo On, yankinoo jebbilanoo Mo.

Kammu ngun, O toownu ngu dow leydi ndin O waɗi kippoodi mun. O ñinni nunɗal ngal ka leydi, O yamiri ɗum jeyaaɓe Makko ɓen.

O ñinniri nunɗal ngal, fii wata on bewu on yimɓe ɓen, hodon ka peesuugol maa ka betugol.

Ñinniron etugol ngol no nunɗiri. Wata on ɗutu etirɗe ɗen e mandakke ɗen tuma etoton maa mandikoton.

Leydi ndin, O weƴƴitirnde ka tagoore nden ñiiɓa e mun.

Leɗɗe rimayɗe muuyanteeɗo hino e mayri, e leɗɗe tamaro marɗe poƴƴi.

Hino ton gabbe marɗe ñaande: wano muutiri e mahe, hino ton kadi puɗi ɗi uurngol mun welanto on.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe?.

O tagirii Aadama (yo o his) immorde e loopal yoorungal, ngal senlaango mun nanorta wa loope juɗaaɗe.

O tagiri jinnaaji ɗin, immorde e lew lewndu yiite, ki jillaa curki.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Jeyɗo fuɗirɗe naange ngen e lewru ndun e mutirɗe majje ɗe, dabbunde e ceeɗu.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Allah tuppindirii maaje ɗen ɗiɗi, ngo lamɗam e deeƴungo, fottirayɗe no gite yiirata.

Heedo hino hakkunde kala majje, fii wata maayo goo jillondir e ngoya, hara maayo heddoday e ko heerori.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino yalta e ɗen e ɗen maaje kala : kaŋŋe "Lu'lu'u" e "Marjaan", njane e togoose.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ko Kanko Seniiɗo Toowuɗo On tun, woni ko yiilata laaɗe dogooje ɗen ka maaje, wa'itayɗe wa pelle.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Kala tagoore ko woni e hoore leydi ndin, ko re'ayɗum feere mun alaa.

Heddoo Jaati Joomi maa Kin, an Nulaaɗo, Jom mawngu e moƴƴere, e ɓural e dow hoore jeyaaɓe Makko ɓen. Ko Kanko tun woni fii lannataa poomaa.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Kala Malaa'ika ko woni ka kammuuli, e jinna e yimɓe ko woni ka leydi fow no toroo Mo haaju mun. Ñalnde woo, Kanko Himo e fii fiyakuuji jiyaaɓe Makko ɓen, immorde e wuurnitugol, e warugol, e arsikugol ekn.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Aray nde Men faandii hasbude on, onon yimɓe e jinna, Men yoɓa kala mon ko hanndi kon, immorde e baraaje maa lepte.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Si Allah mooɓoyii jinna e yimɓe Ñalnde Darngal, O daalana ɓe : ko onon yo dental jinna e yimɓe ! Si on hattanii heɓugol yaltirgal teleren ka kammuuli e ka leydi, haray yehee. Si wanaa tun, on hattantaa waɗugol ɗum, si wanaa e doole e ɓanngannduyee. Ko honno non heɓirton feere ɗum?

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino wurtee e mon, onon jinna e yimɓe, ɗemngal yiite nge jillaa curki, e curki ki jillaa yiite. On waawaa haɗitaade e ɗum.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Si wonii kammu ngun seekorii jippagol Malaa'ika'en iwa e maggu, ngu wojjira wa pentiir boɗe.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Nde ñalaande mawnde, wanaa neɗɗo maa jinna, woni ko lamnditoytee fii junuubi mun, tawde Allah no humpitii fii golle maɓɓe ɗen.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Bomɓe ɓen hino annditiroyee Ñalnde Darngal, maandeeji maɓɓe ɗin : ɗin woni ɓawlugol geece e mbuliɗugl gite. Tiiɗe maɓɓe ɗen humindiree e teppe ɗen, ɓe bugee ka Yiite Jahnnama.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ɓe wi'anee fureede ontuma : awa ko ngee woni Jahannama nge bomɓe ɓen fennnaynoo fii mun aduna, e hino nge yeeso maaɓe, ɓe waawaa yeddude nge ɗoo.

Hara hiɓe denngi denngina hakkunde magge e ndiyam wulɗam hattuɗam wulde.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino woodani hulɗo daragol yeeso Joomi mun laakara, o gomɗini o golli golle moƴƴe, aljannaaji ɗiɗi.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ɗin aljannaaji hino mari calɗi ɗiɗ dukke mawɗ, kecci, rimayɗ.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino e ɗin aljannaaji ɗiɗi, ɓulli ɗiɗi kadi ilayɗi ndiyam.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino e nder majji kala muuyanteeɗi ɗin, noone mun ɗiɗi.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hara ko ɓe soɓɓindiiɓe e ndaɗɗule tekkiniraaɗe nder majje hariiri, dimɗe e muuyanteeɗi heɓotooɗi ton ɗin ko ɓadiiɗe, hewtay dariiɗo, jooɗiiɗo e soɓɓindiiɗo fow.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Rewɓe hino ton, raɓɓindinayɓe ndaarɗe mun e genndiraaɓe ɓe mun ɓen tun, ɓe neɗɗo woo memaali ado genndiraaɓe maɓɓe ɓen, wanaa kadi jinna.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Labiraaɓe jalbiri wa kaŋŋe yaaŋuutu e marjaan.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ko wonata njoɓdi moƴƴinɗo ɗoftagol Joomi mun, si wanaa nde Allah moƴƴinta e makko njoɓdi?

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino gaanin ɗin aljannaaji ɗiɗi jantaaɗi, aljannaaji ɗiɗi goo kadi.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ɗiɗi hattuɗi e heɓɓiɗugol.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino e ɗin aljannaaji ɗon ɗiɗi kadi: ɓulli ɗiɗi tubbayɗi ndiyam, ɗam taƴondirtaa tubbugol.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino e ɗin aljannaaji ɗiɗi kadi : muuyanteeɗi ɗuuɗuɗi, e leɗɗe tamaro mawɗe, e rummaana.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Hino e ɗin aljannaaji ɗiɗi : rewɓe moƴƴuɓe jikkuuji, labaaɓe geece.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Huurul'ayniiɓe, maraaɓe e tillisooji fii ko reena ɓe.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Neɗɗo memaali ɓen rewɓe, ado genndiraaɓe maɓɓe ɓen, wanaa kadi jinna.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Ko ɓe soɓɓindotooɓe e hoore ngawluuji muuriraaɗi haako, e ndaɗɗule labaaɗe.

Ko honɗi e neemaaji Allah ɗuuɗuɗi e mo'on, woni ko fennaton onon denndaangal jinneeji e yimɓe ?.

Innde Joomi maa nden mawnii nde ɗuuɗii moƴƴere, Jom Mawngu e Moƴƴere, e Ɓural e dow hoore jeyaaɓe Makko ɓen.

Si Darngal ngal darorii ko feere mun alaa.

Alanaa wonkii woo fennugol ngal, wano ɓe fenniraynoo ngal ka aduna.

Hoyfinɗinirayngal heeferɓe bomɓe ɓen naadeede Yiite, ngal ɓamtira fii gomɗimɓe ɓen naadugol Aljanna.

Si leydi ndin dilliniroyaama dillannde mawnde.

Pelle ɗen ɗigginiroyee ɗigginannde.

ɗe wontira nden muncannde ɗon, collaari sariindi ndi tabitataa.

Wontoyon nooneeji tati, nden ñalnde:

Ko wontirooɓe ñaamo ɓen henndorayɓe talki mun ɗin ka ñaamo. Iskin toowal e mawngu martaba maɓɓe !

E wontirooɓe nano ɓen henndorayɓe talki mun ɗin ka nano. Bone bis e ɓen yimɓe nano !

Ko adondiraynooɓe ɓen e golle moƴƴe ka aduna, woni ko adoytee naadeede Aljanna ka laakara.

Ko ɓen woni ɓadnitaaɓe ɓen ka Allah.

Hiɓe e nder Aljannaaji neeminiiɗi, ka ɓe dakmitora kala noone neema.

Dental jeyaangal e ɗee mofte, e mofte adinooɓe ɓen.

E yimɓe seeɗaaɓe, jeyaaɓe e mofte sakkitiiɓe ɓen, ɓen kadi ko adinooɓe ɓallinaaɓe.

Hiɓe e hoore danɗe yuɓɓiraaɗe kaŋŋe.

Hara hiɓe soɓɓindii e ɗen danɗe, ɓe fewtondiri, tawa ɓe runtandirtaa.

Sukaaɓe duuminaaɓe hino wanngoo hakkunde maɓɓe, ko ligganoo ɓe, ɓen nawyataa ɓe lannataa.

Hara hiɓe jinndida ton e ñedduɗe ɗe alaa uddooɗe, e caltale uddotooɗe, e koroy hebbiniraakoy beere ilaynde nder Aljanna nde taƴondirtaa.

Nden wa'aa wa beere aduna nden, tawde mo yarii nde o muusetaake hoore o haangataake.

Ɓen sukaaɓe wanngodato hakkunde maɓɓe ton kadi e muuyanteeɗi ɗi ɓe suɓotoo.

Ɓe jinndida ton kadi e teewu colli ngu ɓe tuuyatee.

Hino woodani ɓe ka Aljanna ton kadi, rewɓe labaaɓe yooɗa e yaaja giteeɓe

Wa'uɓe wa kaŋŋe lu'ulu'u reenaaɗe nder oogirɗe.

Ɗum ko njoɓdi golle maɓɓe moƴƴe ɗen aduna.

Ɓe nanataa ka nder Aljanna ton, haala bonuka, wanaa ko fawata jom mun bakkaat.

Ɓe nanataa ton si wanaa ko Malaa'ika'en saɗnata ɓe kon, e ko ɓe salmondirta hakkonde maɓɓe kon.

E joman en ñaame tottirteeɓe ɗeri mum en juuɗe ñaame, alah ko ɓuri mawnude ɓe daraja e ngonko ka Alla.

Ɓe wonoyay e leɗɗe ɗe alaa bulle-gi*e-, ɗe lorrataa.

E banaanaaje sukuɗe, weertiraaɗe yoga e dow yoga.

E ɗowdi duumiindi, ɗi iwataa.

E ndiyam juurayɗam, ɗam taƴondirtaa.

E ɓiɗɓe leɗɗe ɗuuɗuɗe ko limotaako.

Ɗe taƴondirantaaɓe fes, ɗe alaa yonta, huunde kadi toŋataa ɗe.

Ɓe wonay e leecee toownaaɗe e hoore danɗe.

Ko Menen woni ko tagi ɓen huurul'ayniiɓe fuɗɗi ɓe.

Men waɗi ɓe curbaaɓe ɓe yiidaali e gorko.

Rewɓe yiɗuɓe moodiiɓe mun, goreeɓe.

Men tagir ɓen, fii yimɓe ñaamo ɓen, maande maloore maɓɓe nden.

Ɓen ko dental jeyaaɓe e mofte Annabaaɓe adinooɓe ɓen.

E seeɗaaɓe jeyaaɓe e mofte Annabiijo Muhammadu ɗen (yo o his) mofte sakkitiiɓe ɓen.

E jom en nane tottirteeɓe ɗeri mum en e nane mum en ndaw ko boni alhaaleeji e battane.

Ɓen no e henndu tiiɗundu nguleeki, e ndiyam tiiɗuɗam fatugol.

E ɗowdi iwndi e curki ɓawluki.

Wanaa henndu ɓuuɓundu, wanaa labaandu yi*annde.

Ado ɓe wonnde e ɗee lepte maɓɓe, hari ko ɓe neeminanooɓe aduna, ɓe alaano himme si wanaa tuuyooji maɓɓe.

Ɓe laatino hiɓe haɓɓitoo e yeddugol Allah, rewa sanamu ko woori Mo.

Hari hiɓe yeddaynoo ummital, ɓe jalkita fii maggal ɓe wi'a: Enee, hara si men maayii, men wontii mbullaari e ƴi'e kiɗɗe, hara men wuurnitete ɓaawo ɗum?

Hay baabiraaɓe amen adinooɓe men kadi ɓen maayude immintinoyte?

An Nulaaɗo, maakan ɓee fennuɓe fii ummital : Pellet, yimɓe adinooɓe e sakkitiiɓe fow e mun.

Ko on mooɓoyteeɓe Ñalnde Darngal feere mun alaa, fii ñaaweede yoɓitee.

Refti onon fennooɓe ummital majjuɓe laawol poocingol ko ñaamooɓe ñande darnga e ɓesnaaɗe lekki Jaqquum ko kiin ɓuri bonde e soɓde ɓesnaaɗe.

Refti onon fennooɓe ummital majjuɓe laawol poocingol ko ñaamooɓe ñande darnga e ɓesnaaɗe lekki Jaqquum ko kiin ɓuri bonde e soɓde ɓesnaaɗe.

Leggal ngal hebbiiroyton dimɗe mun haaɗuɗe, deedi mon yeewuɗi.

Surkoron ngal ndiyam wulɗam haa fati.

On ɗuɗɗiniroyay yarugol e maggal, wano ngelooba ɗuɗɗinirta yarugol si ñawii.

Ko on ñaametee mettuɗo e ndiyam haaɗuɗo, woni ko ɓe jaɓɓortee ñalnde njoɓdi kuuɗe mon.

Ko Menen tagi on, onon yo fennuɓe ummital, hari on woodaaka. Ko haɗi on goonginnde wonnde Men wuurnitay on si on maayii?

Onon ɓee yimɓe, on yi'ii maniiyu mo rufoton on e rennga rewɓe ɓen?

Ko onon tagata on maniiyu? Kaa ko Menen woni tagooɓe mo?

Ko Menen woni ko hoddiri maayde nden hakkunde mon; gooto kala e lajal, aditotaako wattintaako. Men wonaali ronkiteeɓe.

E wattitugol honooɓe mon e tagudu e mbaadi mon, Men fuɗɗira on e ko on anndaano e tagudu e mbaadi.

Gomɗii hiɗon anndi no Men tagiri on non ka aranun. E on taskotaako anndon wonnde taguɗo On aranun ɗum, hino hattani immintingol on si on maayii?

On yi'ii gabbe ɗe sankoton ɗen ka leydi?

Ko onon fuɗinta ɗen gabbe? Kaa ko Menen?

Si Men haajuno waɗugol ndun remuru foron, ko pellet, Men wattayno mo ɗum, fewndo ka ɓadini ƴoƴugol. Wattinon ɓaawo ɗum, hiɗon ŋalɗa e ko heɓu ngu.

Wi'on : Menen ko men leptiraaɓe hayrugol ko men nafqi kon.

Wurin ko men haaaɓe arsike.

On yi'ii ndiyam ɗam yaroton ɗam si on ɗomɗaama?

E ko onon saaƴiniri ɗam ka kammu? Kaa ko Menen saaƴini ɗam?

Si Men haajuno waɗugol ɗam ndiyam ɗuuɗuɗam lamɗam, hara ɗam nafataa yarugol wanaa yarnirgol, ko pellet, Men waɗayno ɗum. Ko haɗi on yettugol Allah e ko O jippiniri yurmeende Makko nden kon, ndiyam welɗam?

On yi'ii yiite nge huɓɓirton haajuuji mon ɗin?

E ko onon tagi leɗɗe huɓɓirteeɗe ngen yiite? Kaa ko Menen tagiri ɗe yurmegol on?

Men waɗir ngee yiite ko waajitoron Yiite laakara ngen, e nafitor nge setotooɓe mon.

Subbunhinor an Nulaaɗo, Joomi maa, Mawnuɗo e ko O hanndaa e mun.

Allah woondirii nokkuuli koode ɗen.

Ko pellet, woondirgol mutirɗe ɗee koode, ko mawɗum, si ɗon anndunoo. Tawde maandeeji e tasakuyeeji no ton ko lannataa.

Ndee Alqur'aanaare wonaande janngeede e mon, ko Alqur'aanaare teddunde. Tawde hinde ɗuuɗi nafooje mawɗe.

Wonnde e deftere reenaande e gite yimɓe, nden woni Alluwal reenaangal ngal.

Meemataa nden, si wanaa Malaa'ika'en laɓɓinaa e bakkatuuji e ayiibe.

Ko jippiniraande ka Jeyɗo tageefo ngon, e dow Annabiijo Muhammadu jom kisiyee.

E ko ndee yewtere woni ko fennoton, onon ɓee sirkooɓe fennoobe?

Hiɗon waɗira yettirgol mon Allah ngol e ko O arsikiri on neema, fennugol on ɗum? Wonon e dammbirgol toɓo ngon battinorgol hoodere (naw`u) nden? Wi'on: Men toɓinorii hoodere naw'u kaariiree e kaariire?

Ko haɗata si ruuhu on yottike ka lookoƴere,

Hara onon hiɗon ndaara ngirɓoowo on fewndo yeeso mon on tuma.

Hara non ko Menen e ganndal e kattal Amen, wonndude e Malaa'ka'en Amen, ɓuri on ɓadaade maayoowo mon on, ko woni tun, on yi'ataa ɓen Malaa'ikaaɓe.

Ko haɗata on, si tawiino hara ko no aaƴoriɗon non, wonnde on immintintaake fii warjeede golle mon,

Rutton kin wonkii wonuki yaltude e maayoowo mon on, si tawii ko on goonguɓe? On hattanaa ɗum.

Si tawii on maayɗo ko jeyaaɗo e adondirtenooɓe e moƴƴuɗi.

Haray ko fowtere nde jokkondirtaa e ronkere alah caggal mum, e arsike laaɓuɗo, e yurmeende, e Aljanna mo o neeminotoo e mun kala ko wonkii makko faaletee, woni ko woodani mo.

Si tawii maayɗo on ko jeyaaɗo e yimɓe ñaamo ɓen, haray wata fii makko sunin; tawde ko kisal e hoolaare woodani ɓen.

Si tawii maayɗo on ko jeyaaɗo e yimɓe ñaamo ɓen, haray wata fii makko sunin; tawde ko kisal e hoolaare woodani ɓen.

Si tawii non maayɗo on ko jeyanooɗo e fennunooɓe ko Nulaaɗo on mo jam e kisiyee woni e mun on, majjunooɓe laawol focciingol ngol.

Haray jipporde makko nde o jaɓɓetee e mun nden, ko ndiyam fatayɗam.

E sumoyeede Yiite Jahiimi ngen.

Pellet, ko Men fillani maa kon an Nulaaɗo, ko goonga yananaaɗo, mo sikke alaa e mu'un.

Senin innde Joomi maa Mawɗo On, mawninaa Mo e kala ustaare!

Kala tagoore Allah wonnde ka kammuuli e ka leydi seninii Mo laɓɓinii Mo. Ko Kanko woni Fooluɗo Mo fooletaake, Ñeeñuɗo e tagu Mun, e eɓɓoore Mun.

Ko Kanko tun heeranii laamagol kammuuli ɗin e leydi ndin. Himo wuurna Mo O muuyani nguurndam, O wara Mo O muuyani maayde. Kanko ko O hattanɗo kala huunde. Fii huunde ronkintaa Mo.

Ko Kanko woni Arano Mo goɗɗum aditaaki, Sakkitiiɗo Mo goɗɗum arataa ɓaawo Mun, Feeñuɗo Mo goɗɗum alaa dow Mun, Wirniiɗo Mo goɗɗum alaa senngo ley Mun. Kanko ko O annduɗo kala huunde. Huunde laawotaako Mo.

Ko Kanko tagiri kammuuli ɗin e leydi ndin nder balɗe jeegoo, ñalnde ɗum fuɗɗornoo e Alet, lanniri e Jumaare, e hoore non Himo waawunoo tagude ɗin ko ɓuri ɗum famɗirde yeru hinƴaango. Refti O toowi O fotondiri ka dow "Arsi" no O hanndiri. Himo Anndi kala ko naatata e leydi ndin; immorde e ndiyam, e puɗi ekw, e kala ko yaltata e mayri; immorde e puɗi, e oogirɗe ekw, e kala ko jipporta ka kammu; immorde e toɓo, e wahayu ekw, e kala ko ƴawata e maggu; immorde e Malaa'ika, e golle jeyaaɓe ɓen e pittaali maɓɓe ɗin. Himo wonndiri e mon anndal Makko, nokku kala ka wonɗon, onon ɓee yimɓe. Huunde e fii mon suuɗaaki Mo. Allah no reeni ko golloton ko. Huunde e mun wirnanaaki Mo. O yoɓitoyay on ɗum.

Ko Kanko tun heeranii laamagol kammuuli ɗin e leydi ndin. Ko ka Makko tun kadi woni ko fiyakuuji ɗin ruttetee, O ñaawa tagoore nden Ñalnde Darngal, O warjooɓe golle maɓɓe ɗen.

Himo naada jemma on e nder ñalorma on fii no niɓɓitira yimɓe ɓen ɗaanoo, O naadira kadi ñalorma on e nder jemma on fii no ndaygira yimɓe ɓen yalta golle. Kanko ko O annduɗo ko woni e ɓerɗe jeyaaɓe Makko ɓen. Huunde suuɗaaki Mo e ɗum.

Gomɗinee Allah e Nulaaɗo Makko On, nafqon jawdi ndi Allah waɗiri on ndin lomtinaaɓe e mun, hiɗon yiilira ndi no Allah sar'inirani on. Gomɗimɓe ɓen Allah e mo'on, ɓe wintii jawle maɓɓe ɗen e laawol Allah, hino woodani ɓen mbarjaari mawnundi ka Makko, ndin le ko Aljanna.

E ko haɗi on gomɗingol Allah? E hino Nulaaɗo on hino nodda on e Allah, jortagol nde gomɗinton Joomi mon seniiɗo On. Gomɗii le Allah ƴetti e mon ahadi, nde gomɗinton Mo, fewndo O yaltinirnoo on e keeci baabiraaɓe mon, si on laatike gomɗimɓe.

Ko Kanko woni jippinoowo e jeyaaɗo Makko on Muhammadu (yo o his) Aayeeje ɓannguɗe, fii no o yaltinira on e niɓe keeferaaku e majjere faade e ndaygu gomɗinal e ganndal. Pellet, Allah ko Yurminoowo on, Hinnotooɗo On. Tawde O nulii Annabaajo Makko on e mon, ko fewna on wewlina.

E ko haɗata on sakkagol fii laawol Allah ngol? E hino le ko Allah heeranii ronugol kammuuli ɗin e leydi ndin. Fotataa e mon, onon muumini'en, ɓen sakkinooɓe jawle mun fii laawol Allah ngol ɗaɓɓirgol welayee Makko ado uddital Makkah ngal ɓe haɓidi e heeferɓe ɓen fii ɓamtugol Lislaamu, ɓen fotataa e sakkiiɓe ɓen ɓaawo uddital ngal ɓe haɓidi e heeferɓe ɓen. Ko sakkinooɓe ɓen ado uddital ngal ɓe haɓidaa fii ɓamtugol laawol Allah ngol, ɓuri mawnude maqaama ka Allah, ɓuri kadi darja e dii sakkiiɓe jawle mun ɓen ɓaawo mun ɓe haɓidaa. Ɓe fow maɓɓe non, Allah fodii ɓe Aljanna. Allah no humpitii ko golloton kon. Huunde e mun suuɗaaki Mo. O yoɓitoyay on ɗum.

ko hommbo tottirta jawdi laɓundi ndin fii Allah, Allah warjora mo ɗum jawdi sowaandi, hara kadi hino woodani mbarjaari mawndi Ñalnde Darngal, woni Aljanna?

Ñalnde yi'oytaa gomɗimɓe worɓe ɓen e gomɗimɓe rewɓe ɓen, hara annoora maɓɓe on no yaara yeeso maɓɓe e ñaamo maɓɓe, ɓe wi'anee nden ñalnde : weltaare mon nden hannde, ko Aljannaaji ɗi canɗi ilata senngo ley kuɓeeje mun e leɗɗe mun, ko on duumotooɓe nder ton poomaa. Ko ndin njoɓdi ɗon woni maloore mawnde nde sugu mun alaa.

Ñalnde naafiqiiɓe worɓe ɓen e naafiqiiɓe rewɓe ɓen wi'anoyta gomɗimɓe ɓen : habbee men, men ndayginora annoora mon on fii lummbugol siraate. Ɓe wi'anee jalkiteede : Yiltoree ɓaawo mon, ɗaɓɓiroyon ton ko ndayginoron. Heedo waɗee hakkunde maɓɓe, hara ko jogiingo damal, tawa nder maggal on no fewtiri gomɗimɓe ɓen yurmeende, ɓaawo on fewtiri naafiqiiɓe ɓen lepte.

Naafiqiiɓe ɓen noddoya muumini en, ɓe wi'a ɓe :E men wondaano e mon ka lislaamu e ka ɗoftaare? Juulɓe ɓen jaaboo ɓe : Ko non woniri, hari ko enen. Ko woni tun, on fitinirno ko'e mon naafiqaaku, ɗum bonni fii mon, habbitaniɗon gomɗimɓe ɓen fooleede fii no feññiniron keefee- ru mon, sikkitiɗon si Allah wallay gomɗimɓe ɓen, sikkitiɗon kadi fii ummital caggal maayde, yelaaji penaale hodi on haa maayde juhi on e mun. Seytaane hodi e moƴƴere Allah nden.

Hannde on, onon ɓee naafiqiiɓe on jaɓantaake soktorɗum lepte Allah ɗen, wanaa feññimɓe keeferaaku ɓen kadi jaɓantee ɗum. Depporde mon nden onon e maɓɓe, ko ka Yiite : ko ngen hanndi e mon. Nge bonii ruttorde.

Hara yontaali gomɗimɓe Allah e Nulaaɗo Makko on, nde ɓerɗe maɓɓe ɗen hecciɗira jantoore Allah nden e kon ko jippinaa ka Alqur'aanaare immorde e fodooje e kammba? Hara ɓe wa'aali wa Alyahuuda okkanooɓe Tawreeta ɓen e Annasaare okkanooɓe Linnjiila ɓen e yoorugol ɓerɗe. Dumunna juuti hakkunde maɓɓe e nuleede Annabiijo maɓɓe on, ɓerɗe maɓɓe ɗen yoori sabu ɗum, ko ɗuuɗunoo e maɓɓe kon, hari ko yaltuɓe e ɗoftaare Allah, unii e yeddugol Mo.

Anndee pellet, Allah wuurnitay leydi ndin fuɗingol ndi si ndi yoorii. Gomɗii Men ɓannginiranii on onon ɓee yimɓe, dalilaaji e hujjaaji fii kattal Allah e gootaagu Makko ngun, fii no haqqiliron, anndon wonnde wuurnituɗo ndin leydi On, ko hattanɗo wuurnitugol on si on maayii, ko non kadi O waawiri haccinde ɓerɗe mon ɗen si ɗe yoorii.

Pellet, sakkotooɓe yoga e jawle mun ɓen ka worɓe e ka rewɓe, wintorayɓe ɗe ɓernde laaɓunde hara wanaa fii feere alaa, ɓen sowanoyte mbarjaari golle maɓɓe ɗen : sappo kala yeru mun, haa hewtoya teemeɗɗe jeeɗiɗi cowanɗe ɗuuɗuɗe, hara hino woodani ɓe mbarjaari mawndi ka Allah, woni Aljanna.

Ɓen gomɗimɓe Allah e Nulaaɗo Makko nn ɓe senndaali ɗum, ko ɓen woni siforɓe goonguugol. Sahimbinaaɓe ɓen ka Joomi mun, hino woodani ɓen mbarjaari maɓɓe maranaaɓe ndi ɓen e annoora ndaygiroyaɗo yeeso e ñaame maɓɓe Ñalnde Darngal. Ɓen non yedduɓe Allah e Nulaaɗo Makko on, ɓe woni e fennugol Aayeeje jippinaaɗe ɗen e Nulaaɓe Amen ɓen, ko ɓen woni yimɓe Jahiimi ngen. Ɓe naatoyat e magge Ñalnde Darngal, ko ɓe luttata poomaa.

Anndee wonnde ɗam nguurndam aduna ko fijindaaru ɓalli e welo-welo ɓerɗe, e cuɗaari mon, e mantagol hakkunde mon fii laamu e dakamme, ɓurodira ɗuuɗugol jawle e ɓiɗɓe. Ɗum no wa'i wa toɓo haawnayngo remooɓe ɓen e puɗi mun, refti ɗin puɗi kecci yoora ko yaawi, yi'aa ɗum an ndaaroowo on, hino wonta ko soyɗi, refti Allah muncita fii mun wonta kelon kelon. Hino ka laakara, lette saɗtuɗe wonannde heeferɓe ɓen e naafiqi'en, e yaafuyee immmorde ka Allah wonannde bakkatuuji jeyaaɓe Makko gomɗimɓe ɓen e welayee Makko. Awa ɗam nguurdam aduna wonaali, si wanaa dakamme lannoowo. Kala suɓiiɗo on dakamme lannoowo e hoore neema laakara on, haray on ɗon ko sooyuɗo koomtaaɗo.

Ko onon yo yimɓe, adondiree e golle moƴƴe ɗe dañirton yaafaneede junuubi ka Joomi mon: immorde e tuubugol maa kala golle ɓaɗtorɗe Allah ekw, e no heɓiron Allah mo yaajeendi mun wa'i wa yaajeendi kammu ngun e leydi ndin, on maranaama ɓen gomɗimɓe Allah e Nulaaɓe Makko ɓen. Ngal keɓal ko ɓural Allah ngal O okkata mo O muuyani e jeyaaɓe Makko ɓen. Allah ko Jom ɓural mawnungal e dow jeyaaɓe Makko gomɗimɓe ɓen.

Bone woo heɓataa yimɓe ɓen ka leydi immorde e kokke m. kw. wanaa ko memata ɓe e wonkiiji maɓɓe, si wanaa ɗum tabitananooma ka Alluwal reenaanagl, ado Men tagude ndee tagoore. Pellet, ɗum ko ko newanii Allah.

Ɗum ko fii wata onon ɓee yimɓe wata on suno e ko laawii on kon, hara kadi on weltoraali neema ko O neemini e mon kon fantinon. Pellet, Alla yiɗaa kala ñaaƴoroowo mantoro ko Allah okki mo kon e hoore yimɓe ɓen.

Ɓen wuddirooɓe ko ɓe haani okkude kon, ɓe yamira kadi yimɓe ɓen nguddam, ko hayruɓe. Kala ɗuurniiɗo e ɗoftagol Allah, ɗum ko kanko lorrata, wanaa doo Allah. Pellet, Allah kan ko Galo Mo hatonjinaa e ɗoftaare jeyaaɓe Makko, Yettiniiɗo e kala fiyaaku.

Sellii Men nulirii Nulaaɓe Amen ɓen hujjaaji ɓannguɗi, Men jippindinani ɓe Defte e sariyaare, fii no yimɓe ɓen ñiiɓira e nunɗal. Men jippini kadi njamndi ndin, ndi doole tiiɗuɗe woni e mun; ko kayri tafirɗe jogaaji, ko non kadi nafooje wonirani yimɓe ɓen e majje ka mecce maɓɓe, e fii kadi no Allah anndira anndal feññinirangol jeyaaɓe ɓen, ɓen wallooɓe Mo e jeyaaɓe Makko ɓen ka wirnii. Pelelt, Allah ko Jom cemmbe, Fooluɗo Mo fooletaake. Fii huunde ronkinŋtaa Mo.

Gomɗii Men nulii Nuuhu e Ibraahiima (yo ɓe his), Men waɗi e geyngol maɓɓe ngol Annabaaku e Defte tellinaaɗe. Hino jeyanoo e geyngol maɓɓe ngol feewuɓe e laawol foccingol ngol, hawri e peewal, ko ɗuuɗunoo kon e maɓɓe ko yaltunooɓe e ɗfotaare Allah.

Refti Men jokkintini ɓe Nulaaɓe Amen ɓen, Men nuliri ɓe kala e mofte mun. Men jokkintiniri ɓe Iisaa geɗal Maryama on, Men okki mo Linjiila, Men waɗi e ɓerɗe gomɗimɓe mo ɓen jokki mo : yurmeende e giggol, ɓe yiɗindiri ɓe yurmondiri. Ɓe sincoyi fantingol ka diina maɓɓe, ɓe acci yoga e ko Allah daginannoo ɓe immorde e desal e dakamme, e hoore Men ɗaɓɓiraa ɓe ɗum, ko kamɓe fawitii ɗum sincugol ka diina. Ko Men ɗaɓɓirnoo ɓe Menen, ko jokkugol welayee Allah on, kono ɓe waɗaali ɗum. Men okki mbarjaari gomɗimɓe ɓen e maɓɓe. Ko ɗuuɗunoo kon e maɓɓe, ko yaltirnooɓe e ɗoftaare Allah fennugol ko Nulaaɗo Muhammadu addunoo kon.

Ko onon yo gomɗimɓe Allah gollitiri sari'a Makko on ! Huliree Allah ɗoftagol yamaruyeeji Makko ɗin, woɗɗitoo e haɗaaɗi Makko ɗin, gomɗinon Nulaaɗo Makko on; O okkay on geɓe ɗiɗi e mbarjaari gomɗingol mon ngol Muhammadu e Nulaaɓe adinooɓe ɓen, O waɗana on kadi annoora ɓe ndayginorton ka aduna mon e ka lummboygol Siraate Ñalnde Darngal, O haforana on kadi bakkatuuji mon ɗin hara O nanngitirtaa on ɗi. Pellet, Allah seniiɗo On, ko Haforanoowo jeyaaɓe Makko ɓen, Hinnotooɗo ɓe.

Ko Men ɓannginirani on ɓural Amen mawngal ngal e kon ko Men marani on onon muumuni'en, immorde e mbrajaari sowaandi, ko fii no Alyahhuda e Annasaara ka yimɓe Defte anndira wonnde ɓe hattanaa hay huunde e ɓural Allah ngal, sakko ɓe yeɗa mo ɓe yiɗani, ɓe ɗawa ngal mo ɓe yiɗi ɗawude, ɓe annda kadi pellet, ɓural ngal ko e juuɗe Allah woni, Himo yeɗa ngal mo O muuyani e jeyaaɓe Makko ɓen. Pellet, Allah ko Jom ɓural mawngal ngal O heertinanta mo O muuyani e jeyaaɓe Makko ɓen.

Ko goonga Alla nanii haala debba-khawlata bintu saalabata-duttandiratɗo e ma haala-aan nelaaɗo- ko faati e jom galle makko-awsu ibnu saabit- nde o nanndidini mbo e neene makko; hombo wullito faade e Alla ko oon golli mbo ko; Alla na nana ko kaaldaton ko; hay ndiga wirnaaki mbo; pellet Alla na nana konnguɗi jiyaaɓe; hombo yi*a golle mum en hay ndiga wirnataako Mbo.

ɓeen nanndinooɓe rewve mum en; nde gooto e mum en wiyata jom suudu makko: Aan de mbaaɗaa mi kono neene am nih, ɓe penii e konnguɗi mum en ɗi, rewɓe maɓɓe ngonah yummiraaɓe mum en, kono woni yummiraaɓe mum en ko jibinɗoɓe ɓe, ɓe na kaala konngi pankari e fenaande, Alla noon na yaafo na suura bakkatuuji, Alla sariyaniiɓe kaffaara; ngam O hisnaɓe e bakkaat.

ɓeen haalooɓe ɗi konngi bonɗi, refti ɓe faale renndude suddiiɓe mum en ɓe nanndi ɓe, na fawii e maɓɓe kaffaar rimdinde daande ko adi ndeɓe ndenndata mbalndi, ndeen ñaawoore haalaande yamiraɗon ngam furaade ɓeen nanndinooɓe, Alla na humpati ko golloton ko, hay ndiga wirnataako Mbo e golle mon he.

Kala e mon mbo dañaani rimɗinde daande, yo o hoor lebbi ɗiɗi dewawandirɗi ko adii nde o memandirta e cuddiiɗo makko, si o hattanaani yo o ñammin capanɗe 60 miskiin, nde ñaawoore nde min ñaawiri ko ngam goonɗinon ko Alla yamiri nde, ciinee nde, ɗe ñaawooje ɗe Alla ñaawi ko keeri Alla wote njawtee ɗi, na woodani heefereeɓe e ɗe ñaawooje ɗe O dotti lepte muusɗe.

ɓeen haɓatooɓe Alla e Nelaaɗo Mum ɓe koynaama hono no hoynirano leƴƴi gadiiɗi koynirano, Min tellinii aayeeje laaaɓtuɗe, woodanii heeferɓe lepte koynooje.

Ñande O ummaniɓe kamɓe fof O accatah hay gooto e mum en, O hollaɓe e koɓ ngolluno ko e golle kaantare e aduna, Alla na tonngiɗe e dow mum en hay ndiga fuutataako e golle he, ɓe njejjitiɗe, kono ɓe tawi hoɗe mbinndaa e kaayitaaji mum en hay ndiga accaaka heen, Alla na sutii kala huunde, alah fof ko suuɗotoo Mbo e golle mum en.

Mbela a yiyaani aan nelaaɗo wonde Alla na anndi ko woni e nder kammuuli e ko wjoni e nder leydi, hay huunde wirnataako Mbo ko woni e majji, yeewtere wonataha hakkunde tata si wonah tawa hmbo wondi e mum en e ganndal makko, yeewtere sirru wonatah hakkunde njoya si wonah O wona battuɗo jeegom e ganndal makko, wonah limjoore ɓurnde ndeen famɗude wolla heewde si wonah hombo wondi e mum en toɓe ngoni fof, hay ndiga suuɗotaako mbo, refti Alla habraɓe wonde ma O habruɓe koɓe ngolli ñande darngo, Alla na anndi kala huunde, hay ndiga suudataako Mbo.

Mbela a yiyaani aan nelaaɗo ɓeen yahjuud en ngunndotooɓe si ɓe njiyii juulɗo, Alla haɗiɓe ndeeyu, rfti ɓe ndutto koɓe haɗa ko, ɓe ndeeyda ko jogi bakkaat hono ñoore goonɗinɗo, e ko woni heen e ngañaneegu e dow mum en e woopde nelaaɗɓo, siɓe calmaniima ɓe calmanirma no Alla salminiraani ma, ɗuum woni konngol mum en Saam aleyka-yo maayde yan e ma- ɓe mbiya fennude nelaaɗo: Ko haɗi Alla leptude amen komin wiyata ko nelaaɗo tawi hombo haala goonga ko o noddittoo ko, yoniiɓe jahatnama lepte koɓe haalata ko, bonii wattande batane mum en.

Eehey mon goonɗinɓe Alla gollirɓe ko Alla sariyini, wote ndeeyde ko woodi bakkaat wolla añanaagal ma goopol nelaaɗo haa ;mbaason nanndude e yahuud, ndeeyde ko woodi ɗoftaare Alla, ndeentoroɗon Alla e siinude jamirooje makko e reenaade kaɗaaɗe makko, ko faade e makko tan mooɓoyte ɗon ñande darnga ngam haasbeede e yoɓeede.

Gunndo wondungo e bakkaat e añde e woopde nelaaɗo ko e cuɗgol seytaane e soko soko mum wonande waliyaaɓe makko, ngam o naatna suna e goonɗinɓe wonde hoɓe pewane, seytaane noon e peeje mum wonah ko lorata juulɓe hay huunde si wonah e sakkitoore Alla e muuyaande makko, yo goonɗinɓe mbakkila e Alla.

Eehey mon goonɗinɓe si on mbiyaama: njaacne e nokkuuji jooɗorɗi, naacne Alla yaacnana on aduna e laakara, si on wiyanaama ɓamtaɗe e yogo nokkuji jooɗorɗi ngam yimɓe ɓural njooɗo ɓamtaɗe, Alla ɓamtana ɓeen goonɗinɓe e joman en gannde darajaaji tedduɗi, Alla na humpatii ko golloton ko, hay huunde wirnataako mbo e golle mon he, ma O yoɓ mon ko golluɗon ko.

Nnde Sahabaaɓe kebbini deeyde Nelaaɗo, Alla daali: Eehey mon goonɗinɓe si on faalaama deeydude e nelaado tottire sada e ndeeyu mon hee, tottirde oon sadak ɓuri moƴƴude e mon ɓuri laaɓde, ngam ko woni ko heen e lootde ɓerɗe, si on heɓaani ko cakkorton satteende alah e deeydude e makko, pellet Alla ko jaafatooo bakkatuuɗi jiyaaɓe makko, ko O jurmotooɗo ɓe, O fawataaɓe koɓe hattantah.

Mbela on kul baasal sabu tottirde sadak si on ndeeydi e nelaaɗo?si on gollaani ko Alla yamiri on ko heen, O jaɓani on tuububuya O newnani on accude sadak o, toottire juulde na ɓuri timmirde, tottiron askal jawle mon, ɗoftoɗon Alla e nelaaɗo makko, Alla na humpatii ko golloton ko, hay huunde suuɗataako mbo e golle mon hee, ma O yoɓ mon golle mon.

Mbele a yi*aani aan nelaaɗo ɓeen naafiqeeɓe wondaniiɓe yahuud en ɓe Alla huɗi sabu keefaraagal mum en e goopi maɓɓe, ɓe naafiqeeɓe njeyaako e goonɗinɓe ɓe njeyaako e yahuud en, ɓe ngoni tan ko e denngi denngnde hakkunde ɓeya e ɓeya, hoɓe ngoonda wonde koɓe juulɓe, hoɓe ngoonda ɓe eggaani kabaruuiji juulɓe nawana yahuudu, te koɓe fenooɓe e ɗeen goondooje.

Alla heblaniiɓe lepte cattuɗe ka laakara, to naatnataɓe to ɓuri joltude e yiite, bonii koɓe ngollatno e golle keeferaagal ka aduna.

ɓe nanngari goondooje ɗeɓe ngoondatno heeda ngam ɓe mbaasa wareede sabu keeferaagal mum en, ɓe peññini islaam ngam ɓe ndeena ɗiiƴam mum en e jawle mum en, ɓe pirliti yimɓe e goonga sabu koɓe njiɓata ɓe ko e koɓe ngaamnata ɓe juulɓe, woodaniiɓe lepte koynooje.

Pellet ɓeen yedduɓe nafataaɓe jawle mɓɓe wonah ɓiɓɓe mum en gaa e lepte Alla hay huunde, ko ɓeen woni yimbe yiite, ɓe naatat toon ɓe lutta toon haa pooma, lepte ɗe taƴandirtah.

Ñande Alla ummani ɓe kamɓe fof O acctah hy gooto e mum en si wonah O ummina mbo ngam njoɓdi, ɓe ngoonana Alla wonde ɓe ngonaana e keeferaagal e naafiqaagal, ɓe wiya ɓe ngonnoo ko goonɗinɓe gollatnooɓe ko welata Alla, ɓe ngoonana Mbo ka laakara hono noɓe ngoondiranta on e aduna wonde koɓe juulɓe, hoɓe sikka ɗee goondooje ko huunde addoore nafa ma duncanaɓe lorla, ko woni ko ko kamɓe ngoni fenooɓe tigi e goondugol mum en e aduna, e goongol mum en ka laakara.

Seytaane tehriiɓe o yejjitiniɓe jantaade Alla, ɓe gollaani ko welata Mbo, kono ɓe golli ko ka tikkinta Mbo, sifariiɓe nih ngoni konuuji ibliis e wondiiɓe mum, wondiiɓe ibliis e koninkooɓe mum ngoni pertuɓe aduna e laakara, ɓe ngostoriima peewal majjere, ɓe cootri aljanna jaynge.

Pellet habatoobe Alla e nelaado makko ko ɓe Alla hoynata aduna e laakara ɓenjeya, O hoyniiɓe e dente jedduɗe ɗe.

Alla ñaawi e ganndal Mum gadingal ma O fool kanko e nelaaɗo makko añɓe makko tawa ko e daliil e semmbe, pellet Alla na semmbini e wallude nelaaɓe makko, ko tedduɗo hombo yofto añɓe makko.

A tawatah -aan nelaado- yimɓe goonɗinɓe Alla e ñalngu darnga na njiɗa gaña Alla e nelaaɗo Makko, haysi ɓe añɓe ngonii baabiraaɓe maɓɓe wolla ɓiɓɓe wolla siɓɓe maa boom gorol mum en ngol ɓe ngaskatinto, sabu islaam na haɗa gilli añɓe Alla e nelaaɗo makko, sabu jokkondiral iimaan ɓuri toowde denndaangal jokkondire, ko ngaal ardinte si jotondire luurdii, ɓeen ɓe njiɗatah añɓe Alla e nelaaɗo Makko hay siɓe ngoni ɓadiiɓe ɓe, ko ɓeen Alla tabitini iimaan e ɓerɗe mum en, Alla semmbiniɓe e daliil e annoore ummiinde e makko, Alla naatnaɓe ñande darnga aljannaaji na doga ley kuɓeeje e ledde majji caatli, ɓe ñiiɓa toon haa pooma, neemaaji ɗi taƴatah ngasatah, Alla welaama ɓe tikkere alah caggal ɗuum, kamɓe kadi ɓe mbelaama Alla ko O okkiɓe e neemaaji ɗi ngasatah ina heen yiide Alla ceniiɗo O, ko ɓe sifariiɓe nih ngoni koninkooɓe Alla siinooɓe jamirooje makko, ɓe ngacca ko reentini, ko koninkooɓe Alla ngoni foolooɓe, ko Alla okkiɓe ko e faalete e ko danndiɓe koɓe kulatno aduna e laakaara.

Mawnanii Alla senini Mbo ko O haandaani kala tagaaɗe ko woni e kammuuli e ka leydi, kanko woni poolɗo hay gooto foolataa mbo, Ñeeñɗudo e tagu makko e sariya makko e kattan makko.

Ko kanko yaltini yahuud banii nadiir yedduɓe Alla, penni nelaaɗo makko-yo o his-e galleeji mum en e jaltingol gadanol ka madiina faade shaam ɓeen ko yahuud jom en tawreeta ɓe njeya, caggal ndeɓe pirti aadi ɓe ngondoyi e sirkuɓe e dow nelaaɗo, o yaltaniɓe faade leydi shaam, on cikkaano onon juulɓe maɓe njaltu e galleji mum en e teddungal e neema koɓe ngonnoo e dow mum, ɓe sikki tataaji ɗiɓe mbaɗi ɗi heedatɓe baasi Alla e lepte makko, baasi Alla ardiɓe ɗoɓe cikkaana, nde nelaaɗo yamiri yoɓe kaɓe ɓe yaltine galleeji mum en, Alla naatni e pittaali mum en kulol cattungol, ɓe ngoni e yirbinde galleeji mum en nder haa juulɓe mbaasa naftaraade, juulɓe ɗe njirbiniri ɗi yaasi, mbaajitee onon joman en hakkillaaji ko yani ko e heeferɓe he, wotee ngone yeru maɓɓe, keɓon nobdi mum en e lepte debe leptira ɗe.

Si wonaana ko Alla winndi ko e mum en yaltindeɓe e galleji maɓɓe, ma O leptirɓe warngo e daheede ka aduna hono O gollidi e musiɓɓe mum en Banii Kurayjata, woodaniiɓe kadi lepte yiite habbiinge ɓe, ɓe nduu- mo henge haa bada.

ɗum ko jolaniɓe ko sabu ɓe ngañi Alla e nelaaɗo Makko jeddi mum en e firtude aadiiji, kala lunndiiɗo Alla, Alla na satti lepte, te lepte Alla ma keɓ mbo.

Kala ko taƴdon-onon goonɗinɓe- e tamarooje haa ceknon añɓe Alla nder wolde Badri Bani najiir en wolla acconɗe hoɗe ndari e pooɓe majje haa naftoroɗon ɗe-ko e yamiroore Alla-wonqh bonnere e nder leydi hono ɓe wi*irata, kono ko ngam Alla hoyna yaltuɓe doftaare Alla e yahuud en firtunooɓe aadi, ɓe cuɓi laawol hodaade e dow laawol huuɓnude aadi.

Ko Alla rutti ko jawle Banii nadiir faade e nelaaɗo, on yaawnaaki ɗaɓɓirde ɗum ko waɗɗotoɗon hono pucci wolla gellobi, on heɓaani heen tampere, kono tan Alla na wuurta nelaaɓe makko dow mbo O haaji, Alla wuurti nelaado e dow Bani nadiir o udditi leɗe mum en ko aldah e hare, Alla na hattani kala huunde, hay ndiga ronkintaa mbo.

Ko Alla neemini e nelaaɗo mum sabu ɗum waasa yiilaade e jawle yimɓe gure dow ko aldah e hare, O tottata ɗum ko mbo O haaji, nelaaɗo na jogii heen geɗal, e ɓadiiɓe mbo bani haasim e bani mauttalib, ngam wostanaade ɓe koɓe kaɗaa ko sadak, ko noon kadi alyatiim en e waasɓe e tumoranke mbo njooɓo mum gasi, ngam ɗum waasa yiilaade e juuɗe alɗuɓe gaa e waasve, ko nelaaɗo totti on e jawle Fay*u nannge, ko o haɗi on ngaccee, ndeentire Alla siinude jamirooje makko e reentaade kaɗaaɗe makko, pellet Alla na satti lepte ndeentaɗee Mbo.

Huunde e ndi jawdi na totte waasɓe ferɗ*ɓe e laawol Alla, ɓeen yaltinaaɓe galleeji mum en e jawle mum en e ɓiɓɓe mum en, tawa na ngondi njoorta nde Alla arsakintaɓe e aduna, e weluya laakara, ɓe mballa Alla e nelaaɗo makko ka jihaadi e laawol Alla, ɓe sifariiɓe nih ngoni ñiiɓooɓe e iimaan tigi.

Ansaar en tellinooɓe ka Madina ko Muhaajiriin en, ɓe cuɓii iimaan e goonɗinde Alla e nelaaɗo makko, hoɓe njiɗi ɓeen ferɓe faade e mum en ummorde Makka, ɓe tinatah e ɓede mum en tikkere wolla haasidaagal si Muhaajiriin en tottaama huunde e Fay*u tawa kamɓe ɓe tottaaka, ɓurna muhaajiriina en ko*e mum en ko faati e piiji aduna, haysi tawii hoɓe mbaasi e hatajinde, mbo Alla reeni fittaandu makko e reerɗude e jawdi o tottirandi e laawol, ko ɓeen ngoni foolɓe sabu dañde faale mum en e hisde koɓe kuli ko.

ɓeen arɓe caggal ɓe ɗo ɓe ndewiɓe e moƴƴere haa ñande darnga na mbi*a: Alla yaafa amen e musiɓɓe adiiɓe amen e iimaan e goonɗinde nelaaɗo, wotah waɗ e ɓerde amen cokotaagal e hay gooto e goonɗinɓe he, Alla ko Aan woni enɗatooɗo jurmotoooɗo.

Mbela a yi*aani-aan nelaaɗo- ɓeen suuɗɓe keefeeru ɓanngini iimaan, na wiya siɓɓe mum en ka keefaraagu yahuud en sukkuɓe e tawreet baylaaɗo, tabitee e galleeji mon min koynatah on, min tottirtaa on, si juulbe yaltanii on ma min yaltid e mon, min ɗotataako hay gooto haɗoowo amen yaltidde e mon, siɓe havii e mon ma min wallu on, Alla na seedi ɓe naafiqeeɓe ko fenooɓe, koɓe noddittoo ko yaltidde e yahuud en siɓe yaltii, e haɓde wondude e mum en siɓe haɓaama.

Si juulɓe yaltanii yahuud ɓe njaltidtah e mum en, siɓe kaɓii e maɓɓe ɓe wallataaɓe, siɓe walliiɓe e dow juulɓe ɓe ndogat refti naafiqeeɓe mballetaake caggal ɗuum, kono Alla hoynatɓe.

Ko onon-juulɓe-ɓuri sattude kulol e ɓerɗe naafiqeeɓe e yahuud en gaa ni e Alla, ko jantah ko sattude kulol mum en e mon, e lohre kulol maɓɓe e Alla-saabi ɗum koɓe paamatah, siɓe paamatno ɓe ngannday Alla ko goongo ɓurɗo haandude e huleede, ko kanko wuurti mon e dow maɓɓe.

Yahuud en kaɓatah e mon-onon juulɓe-si wonah e gure gallinaaɗi miiruuji,wolla caggal miiruuji,ɓe mbaawah huccandirde e mon sabu kulol mum en,bone hakkunde maɓɓe na satti sabu añanaagal, haɗa sikka ko ɓe konngol gootol ɓe ngoni,kono ɓerɗe maɓɓe na ceerti, ngal luural e añandirde sabu mum koɓe kakkiltah,soɓe kakkilna maɓe nganndu goonga ɓe ndewa mbo ɓe luuratah heen.

Yeru ɓe yahuud en e keeferaagal mum en e ko yani ko e mum en e lepte, ko hono sirkuɓe Makko e yonto ɓadiido, ɓe meeɓi bone batte keeferaagu mum en waraaɓe ɓe mbara ɓeya ndaha ñande badri, na woodaniɓe ka laakara lepte muusde.

Yeru mum en e nangol ummaade e naafiqeeɓe, ko hono seytaane nde wi*i neɗɗanke yo o yeddu, nde o yeddi nde sabu ko seytaani suɗani mbo keefeeru, seytaane wi*i: Miin ko mi kisɗo e ma ko njedduɗa ko, miin mina huli Alla jom binnde O.

Laatinooma fiyaaku seytaane e doftiiɗo mbo- seytaani ɗo o e aade ɗotiiɗo o- ñande darnga ko yiite ɓe caasa toon haa pooma, ndiin njoɓdi habbiindi ɓeen ko njoɓdi tooñirɓe pittaali mum en yawtude keeri Alla.

Eehey mon goonɗinɓe Alla ɓe golliri ko Alla yamiriɓe ko, kuliree Alla siinude jamirooje makko e deestaade kaɗaaɗe makko, yo fittaandu ndaartina kondu ardini e golle lobbe wonande ñalngu darnga, kulee Alla, Alla ko kumpatiiɗo ko golloton ko, hay huunde wirnataako Mbo e golle mon te ma O yoɓmon ɗeen golle.

Wote mba*e e ɓeen yejjitirɓe Alla accude siinude jamirooje Makko e reentaade ko O haɗi, Alla yejjitiniɓe pittaali mum en,ɓe gollaani ko danndata e ɓe tikkere e lepte Alla,-ko ɓeen de ngoni yejjitɓe Alla ɓe ciinaani yamiroore Makko ɓe ngaccaani kaɗaaɗe Makko- ɓeen ngoni yaltuɓe ɗoftaare Alla.

Yimɓe yiite ɓe yimɓe aljanna potatah, koɓe seertuɓe e njoɓdi hono noɓe ceertiri e golle ka aduna, yimɓe aljanna ngoni malaaɓe sabu heɓde ɗaɓɓaaɗe maɓɓe, e hisɓe koɓe kulata ko.

Si en tellinna o quraana e dow tulde ma a yi*i-aan nulaaɗo- ndeen tulde wondude e yoorde mayre honde hoyi honde fetta sabu hulde Alla, sabu ko woni ko e quraana e waajuuji kulɓinooji e kammbagol cattungol, ɗi ciimti emin piyanaɗi yimɓe ɓe ngam ɓe ngollira hakkillaji mum en ɓe mbaaciro ko ari ko hende e waajuuji e teskuyaaji.

Ko kanko woni Alla mbo deweteeɗo e goongo alah si wonah kanko, ganndo ko wirnii e ko wirnaaki, hay huunde suuɗotaako mbo e ɗuum, jurmotooɗo aduna e laakara, yurmeende Makko yaaji winndere nde, kanko woni jeyɗo, ceniiɗo e kala ustaare, kisɗo e kala ayiibe, goonɗonirɗo nelaaɓe makko kaawissji kaawniiɗi, koroowo golle jiyaaɓe makko, pooloowo mbo fooletaake, jom cemmbe poolduɗo cemmbe makko kala huunde, mawɗo, Alla seniima kala ko O renndinte ummaade e sanamuuji e tanaa majji.

Ko kanko woni Alla mbo deweteeɗo e goongo alah si wonah kanko, ganndo ko wirnii e ko wirnaaki, hay huunde suuɗotaa kombo e ɗuum, jurmotooɗo aduna e laakara, yurmeende Makko yaaji winndere nde, kanko woni jeyɗo, ceniiɗo e kala ustaare, kisɗo e kala ayiibe, goonɗonirɗo nelaaɓe makko kaawissji kaawniiɗi, koroowo golle jiyaaɓe makko, pooloowo mbo fooletaake, jom cemmbe poolduɗo cemmbe makko kala kala huunde, mawɗo, Alla seniima kala ko O renndinte ummaade e sanamuuji e tanaa majji.

Ko kanko woni tagɗo kala huunde, gootnuɗe geɗe, mbaadinɗo tagaaɗe mum fotde no O faalara, woodanii Mbo inɗe ɓurɗe lobbude e sifaaji toowɗi, na laɓɓina mbo kala ko woni e nder kammuuji e leydi e kala ustaare, tedduɗo mbo hay gooto foolatah, Ñeeño e tagu, e sariya e hoddira makko.

Eehey mon goonɗinɓe Alla gollirɓe ko O sariyaniɓe, wotee nanngire añɓe Alla e anyɓe mon heedɓe e sehilaaɓe ɓe njiɗandirton, yedduɓe ko ardi e mon ummaade e nelaaɗo e diine, yaltinooɓe nelaaɗo e galle makko, ɓe njaltina on e galleeji mon ka Makka, ɓe ngaynatah jiidigal wonah enɗam, ɓe mbaɗiri ɗum tan ko ngoonɗinɗon ko Alla joom mon, wotee golle ɗuum si tawii taki mon yaltude ko jihaadi laawol Alla e yiilaade weluya Alla, hoɗon ndeeyaɓe kabaruuji juulɓe ngam yidde ɓe, Mina anndi ko mbirnaton e ko peññinton, hay ndiga wirnataako Mi, kala keednuɗo wolla yiɗi heeferɓe o accii laawol pooccingol, o majjii goongo o deestiima peewal.

Siɓe peewnatiima e mon ɓe kollira koɓe cuuɗatno e ngañngu, ɓe lorlira mon juuɗe maɓɓe piggal, ɓe mbellita ɗemɗe maɓɓe ƴattooje e yennude, ɓe ngooɗe de njeddaton Alla e nelaaɗo makko ngonon yeru mum en.

Nafatah mon jiidigal mon, wonah ɓiɓɓe mon si on keednii heeferɓe ngam mum en, ñande darnga Alla seernda mon, yimɓe aljanna naata aljanna yimɓe yiite naata yiite, alah nafoowo goɗɗo o, Alla na yi*a ko golloton ko, hay ndiga wirnataako mbo e golle mon, ma o yoɓ mon ɗe.

Woodaniina mon-onon goonɗinɓe- ñeemtinirgal moƴƴal e Ibraahiima-yo o his- e gonnɗinɓe wondunooɓe e makko, nde ɓe yimɓe mum heefereeɓe : komin hisɓe mon e ko ndewaton e sanamuuji ko wonah Alla, min njeddii ko ngonɗon ko e diine, feeñi hakkunde men gañndiral haa ngoonɗinon Alla gooto O, wotee ndenndinee Mbo e hay gooto, on potno hisnaade e yimɓe mon heefereeɓe hono mon, si wonah konngol Ibraahiima-yo o his- ngol o wiino baabiiko, ma mi yaafnano ma Alla, wote ñeemtinee mbo e ɗuum, sabu ɗum wonno ko adii nde Ibraahiima fiɓtato e baaba makko, alanah juulɗo nde o yaafnanato cirkuɗo, mi duñantaama e lepte Alla he hay huunde, joomi amen ko e Ma min tuugnoto, ko e Ma min nduttoto tuubɓe, ko e Ma woni ruttorde ñande darnga.

joomi amen wota A waɗ min fitina wonande ɓeen heefereeɓe hono nde nguurtataaɓe e dow amen ɓe mbi*a: si ɓe wonna e goonga Alla wuurtataana amen e dow maɓɓe, habran amen bakkatuuji amen, ko Aan woni pooloowo mbo fooletaake, ñeeñɗuɗo e tagu makko e sariya makko e hoddira makko.

Ngal ñeemtinirgal moƴƴal, ñeemtinta ngal ko joortiiɗo e Alla moƴƴere aduna e laakara, kala ɗuurniiɗo ngal ñeemtanirgal moƴƴal, Alla kam ko jondaniiɗo e jiyaaɓe makko, O hatajinaani e ɗoftagol maɓɓe, ko kanko woni jettateeɗo e kala alhaali.

Yaama Alla waɗa hakkunde mon-onon goonɗinɓe- e heefereeɓe ɓe kaɓaton ɓe gilli peewnooji e islaam, ɓe ngona musiɓɓe mon e diine, Alla na hattani nde O waylata ɓerɗe maɓɓe faade e iimaan, Alla ko jaafatooɗo wonande tuubɗo e jiyaaɓe Makko jurmotooɗo ɓe.

Alla haɗatah mon ɓeen ɓe kaɓaraaki on ngam ko ngonɗon ko juulbe ɓe njaltinaani mon galleeji mon moƴƴude e mum en e nuunɗande ɓe totton ɓe hakkeeji mum en gondi e dow mon, Alla noon ina yiɗi ɓeen nuunɗooɓe e pittaali mum en e koreeji mum en.

Alla haɗata mon ko ɓeen haɓatooɓe mon sabu iimaan mon, ɓe njaltini on galleeji mon, ɓe mballandiri e yaltinde mon, Alla na haɗa mon nde mbaɗato ɓe heetɓe, kala baɗɗoɓe weldiiɓe ko ɓeen ngoni tooñooɓe pittaali mum en sabu jolnude ɗi jolirde halkaare sabu luutndaade yamiroore Alla.

Eehey mon goonɗinɓe ɓe ngolliri sariya Makko,si rewɓe goondinɓe hoɓe peri ngarii e mon ummaade e leydi keefeeru faade leydi islaam ndaareeɓe e goonɗude iimaan mum en, Alla na anndi iimaan mum en, hay ndiga wirnaaki mbo ko woni e ɓerde mum en,si wonii on nganndii iimaan mum en caggal ndaarde ɓe,wote ndutteeɓe to worɓe maɓɓe heeferɓe,dagaaki nde goondinɓe rewɓe ndeste e heeferɓe,heefereeɓe kadi ndagataaka nde ndesa juulɓe rewɓe,totte worɓe maɓɓe koɓe tottirno e teŋe, bakkaat alah e mon si on faalaama resde ɓe caggal gasde edda mum en si on tottiiɓe teŋe mum en,kala mbo debbo mum woni keefeero wolla murtuɗo woto o nanngu mbo,sabu taƴde dewgal mum e keefeeru, naamnee heefereeɓe ko tottirɗon e teŋe rewɓe mon murtuɓe, kamŋɓe ne yo ɓe naamna koɓe tottiri e teŋe rewɓe mum en wontuɓe juulɓe, ko jantaa ko-e ruttude teŋe ummaade e mon e ummaade e mum en- woni ñaawoore Alla,hombo ñaawa hakkunde mon ko o haaja,Alla na anndi fiyakuuji jiyaaɓe mum e golle mum en, hay huunde suuŋɗataako mbo heen ko O Ñeeño ko O saryani jiyaaɓe Makko

Si woni yogo e rewɓe mon njaltii faade e heefereeɓe ɗaɓɓudon teŋe mum en e heeferɓe he ɓe tottaani on keɓdon e heeferɓe ganngal, totte worɓe ɓe koɓe tottrno ko, ɓeen ɓe rewɓe mum en njaltuno na murti, yeru koɓe tottirno ko e teŋe, kule Alla mbo goonɗin ɗo O, ciinon jamirooje makko ndeentoɗon ko O reentini ko.

Eehey ma annabi, si rewɓe goonɗnɓe ngari e ma hoɓe coodandira e ma-hono ko waɗno e udditgol Makka- ndeɓe mbaasata renndinde Alla e goɗɗo, ɓe ndewa mbo kanko tan,ngujjatah, njinatah, mbaratah ɓiɓɓe heɓaaɓe e jina hono jaahil en mbaɗatno, ɓe pawatah ɓiɓɓe jina dow worɓe mum en, ɓe ngoopotaa ma e moɓƴƴere hono woywaade e laɓde sukundu e seekde jaybeeji, ndeen de soodandir e mum en, ɗaɓɓanɓe yaafuya ummaade e Alla, caggal soodandirde e mum en, Alla ko jaafatooɗo wonande tuubɗo e maccuɓe Makko jurmotooɗo ɓe.

Eehey mon goondinɓe ɓe golliri ko Alla sariyini, wote keetne yimɓe ɓe Alla tikkani ɓe njananaaka laakar, kono koɓe fiɓtiiɓe hono piɓtagol mum en ruttaade maayɓe mum en faade e mum en sabu yeddude ɓe ummital.

Seninii Alla laɓɓani Mbo e kala ko O haandaani, kala ko woni e kammuuji e leydi, ko kanko woni tedduɗo poolɗo mbo fooletaake, Ñeeño e tagu makko,e hoddira e sariya makko.

Eehey mon goonɗinɓe Alla, holko taki hoɗon mbiya min mbaɗii huunde tawa on mbaɗaani nde? Hono no gooto e mon wi*irata: Mi haɓraama e silaama am piymi, tawa o haɓraaka silaama makko o fiyaani.

Mawnii ko tikkaa ka Alla nde kaalaton ko on mbaɗatah, haanaani e goonɗinɗo nde o waasata wonde goonɗuɗo wondude e Alla, golle makko ngoonɗina bolle makko.

Alla na yiɗi goonɗinɓe ɓeen haɓateeɓe e laawol Alla ngam ndaarde weluyo makko hoɓe ngoni saffeeji takkandirɗi hakkunde majji.

Siftor Aan nelaaɗo- saanga Muusa wi*i yimɓe makko: eehey mon yimɓe am holko taki hoɗon lorira mi lunndaade jamirooje am te hoɗon nganndi komi nelaaɗo Alla faade e mon? ndeɓe ngooñi gaa e goongo Alla wooñi ɓerɗe maɓɓe gaa e goongo e fooccaare, Alla hawrandintah e goongo yimɓe yaltuɓe ɗoftaare makko.

Siftor-aan nelaaɗo- tuma nde Iisa ibnu Mariyama -yo o his-wi*i: onon banii Israa*iil, pellet komi nelaaɗo e mon goonɗin ɗo ko telli ko adii mi ummaade e Tawreet, mi wonah gadiiɗo e nelaaɓe, mbeɗa weltanira nelaaɗo garoowo caggal am bi*ateeɗo Ahmadu, nde Iisa addaniɓe dallillaaji kollooji goonɗude mbo ɓe mbi*i: ɗum ko mbilewu laaɓngu, min ndewataangu.

Alah ɓurɗo sattude tooñannge e oon pepandiiɗo fenaande e dow Alla, o waɗoni Mbo nanndaiijo, deweteeɗo mbo wonah makko, tawa oon na noddee faade e islaam diine tawhiide laaɓɗo wonande Alla, Alla okkatah kawral wonande tooñirooɓe pittaali mum en sirku e goopi faade ko feewnata ɓe.

Fenooɓe na njiɗi ñifirde annoore Alla nde konngi mum en bonɗi e bonnitde goongo, Alla noon ko timminoowo annoore Makko nde haysi mettii ɓe, O ɓanngina diine o funnaange leydi e hirnaange mayri e toownude konngol Makko.

Alla neliri nelaaɗo Muhamadu-yo o his- diine islaam, diine peewal e huccitinde e jam, diine ganndal nafawal e golle lobbe, haa mbo toowo e dow denndaangal diineeji weli metti sirkuɓe ɓeen añooɓe nde mbo feewnitto e leydi.

Eehey mon goonɗinɓe Alla, gollirɓe ko sariyini, mbela mi huccintaa on mi feewna on e njulaagu tonotoongu, ngu dannda on e lepte muusɗe.

Nguu njulaagu tonatoongu woni goonɗinde Alla e nelaaɗo Makko mbaɗiron jihaadi e laawol Alla ceniiɗo O tottirde jawdi mon e pittaali mon ngam weluya Alla, ɗeen golle jantaaɗe ɓuri moƴƴude e mon si on laatiima annduɓe njaawnee faade heen.

Woni tono ngu njulaagu ko nde Alla yaafato mon bakkatuuji mon O naatna mon aljannaaji caatli na ila ley kuɓeeje e ledde mum, O naatna on e koɗorde belde ka aljanna ñiiɓal ngal eggatah, ndiin njoɓdi woni malal manngal ngal hay malal ɓadataaka ngal e mawnude.

Ina jeya e ngañaari o njulaagu sifa mbo njiɗɗon e aduna oon woni nde Alla wallata on e añɓe mon, e udditgol ɓadingol ngool woni udditgol Makka eken. habru aan nelaado juɓe ɓe ko welataɓe e ballal e aduna e maleede ka laakara.

Eehey mon gooɗiɓe Alla ngolliri sariya Makko,ngonee wallirooɓe Alla wallude diine makko mbo annabi makko addi mba*on na hawaariin Iisa-yo o his-nde o maaki:ko hombo wallata mi faade e Alla?ɓe jaabi ɓe wi*i:Ko minrn woni wallooɓe Alla,heen fedde e Bani isra*il goonɗini Iisa wonnde nde yeddi, Mn cemmbini goonɗinnde nde dow yeddunde nde, ɓe ngoni foolɓe.

Kala ko woni tagu ko woni ka kammuuji e ka leydi hino laɓɓinnde Allah e kala ustaare ko yaadah e Makko. Ko Kanko woni Laamɗo hertorɗo laamu, Laaɓuɗo e kala ustaaree, Fooluɗo Mo gooto foolataa, Ñeeñuɗo e tagu Mun e sari'a Mun e koddoruyee Mun.

Ko kanko nuli e Aarabeeɓe ɓe anndaano binndol e jannde ɓen, Nulaaɗo jeyaaɗo e maɓɓe, himo ɓe janngana ɓe Aayeeje ɗe Allah jippini e Makko, o laɓbina ɓe e keeferaaku e jikkuuji bonɗi, o anndina ɓe Alqur'aana e Sunnah, hari non ɓen ko ɓe majjunooɓe goonga ado o Nuleede e maɓɓe, tawde ko sanamu ɓe rewaynoo, ɓe rufa ƴiiƴe, ɓe taƴa enɗam.

O Nuli kadi Nulaaɗo on e Aarabeeɓe goo e ko wanaa ɓen, ɓen araali taho, hiɓe saatii non arde. Ko Kanko woni Fooluɗo Mo gooto foolataa, Ñeeñuɗo e tagu Mun e sari'a Mun e hoddira Mun.

Ko jantaa koo e Nulugol Nulaaɗo on faade e Aarabeeɓe ɓen e ko wanaa kamɓe, ko ɓural Allah ngal O okkata ngal mo O muuyani. Allah ko Jom moƴƴere mawnunde. Hino jeyaa e moƴƴere Makko mawnde nden, nulugol Nulaaɗo ɗee mofte on e yimɓe ɓen fow.

Misal Alyahuuda fawanooɓe gollitirgol ko woni e Tawreeta kon ɓe salii, no wa'i wano mbabba ronndii mba defte tedduɗe, hara mba anndaa ko mba ronndinaa : ko defte kaa wanaa? Sugu ngal misal yimɓe fennuɓe Aayeeje Allah ɗen bonii. Allah fewnataa yimɓe tooñooɓe ɓen e peewal.

An Nulaaɗo, maaku: ko onon yo heddiiɓe e Alyahuudaaku ɓaawo wayleede ɗum ! Si on aaƴike wonnde ko on yiɗaaɓe Allah heertiniraaɓe ɗum ko wanaa yimɓe hedditiiɓe ɓen, haray yelee maayde fii no O yaccinirana on ko O heertinani on kon e teddungal ngal aaƴiɗon, si tawii ko on goonguɓe e kon ko nodditorɗon.

Ɓe yelotaako maayde nden muk, wurin ko heddagol aduna ɓe yelotoo, sabu ko keeferaaku e geddi e tooñi ko ɓe huuwi kon, e waylugol wattita Tawreeta. Allah ko annduɗo tooñooɓe ɓen. Hunde e kuuɗe maɓɓe ɗen wirnaaki Mo. Ma O yoɓitoyɓe ɗum.

An Nulaaɗo, maakan ɓee Alyahuudaaɓe : Anndee ndee maayde nde dogoton, ko hawraynde e mon neeɓa maa yaawa feere mun alaa. Refti rutteɗon ka Allah Ñalnde Darngal, On annduɗo ko wirnii e ko feeñi, Mo huunde e majji suuɗaaki Mo, O yeetitoo on ko gollaynoɗon kon aduna. O yoɓita on ɗum.

Ko onon yo gomɗimɓe Allah, ɓe gollitiri sari'a Makko on ! Si noddinoowo on noddinanii julde nden ñalnde Juma, ɓaawo Almaami on ƴawde ka ganngunal, haray yaccee e juulirɗe ɗen fii tawegol kutuba on e julde nden, acciton ngeñngu ngun hara ngu sokoliraali on e dewal ngal. Ko on yamaruyee ɓuri moƴƴannde on, si tawno hiɗon anndunoo ɗum. Ɗoftee ko Allah yamiri on kon kisan.

Si on gaynii julde Juma nden, haray saakitoree ka leydi ɗaɓɓugol arsike halal e huntugol haajuuji mon, ɗaɓɓiron ɓural Allah ngal sooda yeeya ko dagii, jantoron innde Allah e mun ko ɗuuɗi, woto yiilaade arsuka soklin mon juulde, belajo'o on malira dañugol ko yiɗuɗon, e daɗugol ko huluɗon.

Si yoga e juulɓe ɓen yi'ii ngeyngu maa fijindaaru, ɓe yalta ɓe hammira ton, ɓe acce an Nulaaɗo, hiɗa darii ka ganngungal. Awa maakan ɓe an Nulaaɗo : ko njoɓdi golle moƴƴe ɗen ka Allah ɓuri moƴƴude e dii ngeyngu e fijindaaru ngu hammirɗon e mun, si tawii ko laawol Alla yaltini on Ko Allah ɓuri Moƴƴude e arsikooɓe ɓen.

Si naafiqiiɓe feññinooɓe Islaamu ɓen suuɗa keeferaaku tawaa e jonnde maa an Nulaaɗo, ɓe wi'a : Meɗen seedii wonnde pellet, ko a Nulaaɗo Allah. Allah kan hino anndi pellet, ko a Nulaaɗo Makko; Allah no seedii wonnde pellet, naafiqiiɓe ɓen ko fenooɓe e kon ko ɓe nodditotoo e mun, wiide hiɓe seedora ɓerɗe maɓɓe wonnde ko Nulaaɗo Allah.

Ɓe jogitorii goondooje maɓɓe nodditorɗe gomɗinal ɗen heedo e daɗirɗum wareede e daheede, ɓe sakkorii yimɓe ɓen e gomɗingol ngol, sikkintingol ɓe. Pellet, naafiqaaku e goondooje penaale ko ɓe huuwaynoo fii mun fow bonii.

Ɗum le ko tawde ɓe gomɗinir naafiqiyaagal hari gomɗinal ngal naataali e ɓerɗe maɓɓe, refti ɓe yeddiri Allah gunndoo, ɓerɗe maɓɓe ɗen notiraa e mun sabu keeferaaku maɓɓe ngun; kamɓe on ɓe paamatah peewal e ko moƴƴanta ɓe, sabu noteede ɓerɗe maɓɓe ɗen.

Si an ndaaroowo a yi'iiɓe, fii maɓɓe welete, hakkee ko ɓe jalbi ɓe neeminiraa; si ɓe wowlii, a heɗitoto ɓe, hakkee ko ɓe laaɓi ɗemɗe. A sikkay ɓe ka jonnde maa an Nulaaɗo, ko ɓe pecce ɓaaraɗe, ɓe faamataa hay huunde. Hiɓe sikke eenaango kala ko kamɓe fewti, sabu bonnere maɓɓe nden. Ko ɓen tigiri woni ayɓe ɓen, rento ɓe an Nulaaɗo, nde ɓe saakitata gunndoo maa, maa ɓe fewjane pewje bonɗe. Allah huɗii ɓe ! Ko honno kamɓe ɓen yiltiraa e gomɗinal ngal, e hoore ko ngal ɓanngi daliil kon fow?

Si ɓee naafiqiiɓe wi'anaama: Aree ka Nulaaɗo Allah on, o ɗaɓɓana yaafuyee ka Allah, ɓe yiilira ko'e maɓɓe ɗen jalkitugol, yi'aa hiɓe ɗuurnoo e kon ko ɓe yamiraa, hara hiɓe townitanii jaɓugol yaŋkinanoo goonga kan.

Ko ɗaɓɓantaa ɓe yaafuyee an Nulaaɗo maa hara a waɗaali ɗum, hino fota ter e maɓɓe : Allah yaafantaako junuubi maɓɓe ɗin ɓe fes, tawde pellet, Allah fewnataa yaltuɓe e ɗoftaare Makko nden, haɓɓitiiɓe e yeddugol Mo ngol.

Ko ɓeen woni wi*ooɓe: wote okke jawɗe mon ɓeen waasɓe e gure downaaɓe wonɓe e sara Nelaaɗo haa ɓe ummo sara makko, ngannde noon na woodani Alla moftirɗi kammuuli e leydi, O okko mbo O welaa e maccuɓe makko, kono tan naafige en nganndah wonde marirɗe arsuka woni ko e juuɗe Alla.

Mawɗo mum en Abdullaay Ibnu ubayi: Si min nduttiima Madina pellet ma tedduɓe ɓe yaltin-ɓeen ngoni miin e yimɓe am- ɓeeen ɓurɓe hoyde -muhamadu e sahaaba mum- na woodani Alla tan e nelaaɗo mum e goonɗinɓe ɓe teddungal, ngal woodanaani Abdullaay ibnu ubayyi e wondiiɓe mum, kono tan naafige en nganndah wonde ko Alla e Nelaaɗo e goonɗinɓe ɓe woodani teddungal.

Eehey mon goonɗinɓe Alla ngolliri sariya makko,woto soklin on jawle mon e ɓiɓɓe mon gaa e juulde e farrillaaji islaam goo,kala mbo jawdi makko e ɓiɓɓe makko coklini gaa ko Alla fawi e dow makko hono juulde eken,ko ɓeen ngoni pertuɓe tigi,sabu ɓe pertu pittaali mum en e koreeji mum en ñande darngo.

Nafqe ko Alla arsakini on e ngaluuji ko adii nde maayde arata e gooto e mon o wiyana joomiiko: leelnanam dummuna setta, mi sakkoro e jawdi am e laawol Alla, mi tawee e maccuɓe Alla labaaɓe ɓe golle mum en laba ɓe.

Alla leelnantaha hay fittaandu si happu mum e nguurndam gasii, Alla na humpatii ko golloton ko, hay huunde wirnataako mbo e golle mon, ma O yoɓ mon, si golle lobbe njoɓeɗɓon ko lobbi, siko golle bonɓe njoɓe ɗon ko boni.

Ina senina Alla na laɓɓina Mbo kala ko O haandaani e ustaare denndaangal ko woni e kammuuli e leydi e tagefo,woodanii Mbo kanko gooto laamu laamɗo goo alah tanah makko,woodanii Mbo mantooje lobbe,ko O kattanɗo kala huunde,hay ndiga ronkintah Mbo.

Ko kanko tagi on-onon aade en- ina e mon keefeero batte mum ko yiite, ina e mon goonɗinɗo battane mum ko aljanna, Alla noon na yi*a ko golloton ko, hay huunde wirnataako Mbo e golle mon, te ma on njoɓe golle mon.

O tagri kammuuli e leydi goongo, O tagraaniɗi fijirde, O mbaadini on O lobbini mbaadiili mon-onon aade en- e moƴƴere makko e ɓural, si O faalana O waɗa on mbaadi ndi yooɗaani, ko e Makko tan woni battane ñande darnga, O yoɓa on golle mon, lobbinɗo daña ko lobbo, mbo booni heɓa ko boni.

Hombo anndi ko woni e kammuuli e leydi, hombo anndi ko suuɗaton e ko ɓannginton e golle, Alla na anndi ko woni e ɓerɗe foti ko jam wollo ko bone, hay huunde wirnataako Mbo e ɗuum.

Mbela araani e mon-onon sirkuɓe-kabaruuji leƴƴi pennuɗi ko adii mon,hono yimɓe Nuuhu e Samuud eken.ɓe meeɗi lepte keefeeru ko ɓe wonnoo ko e keefeeru e nder aduna,e to laakara kadi na woodani ɓe lepte muusɗe, ko noon kay arii e mon ɗuum,teskee ko wonnoo batte mum en,nduttee e Alla ko adii nde yanata e mon hono ko yannoo e mum en.

Saabi lepte yannooɗe e maɓɓe ko nelaaɓe mum en ngaddanatno ɓe dallillaaji ɓannguɗi, ɓe mawnikinoo nde hono mum en peewnataɓe faade e goonga, ɓe njeddi ɓe ɗuurnii goonɗinde ɓe, ɓe loraani Alla hay huunde, Alla yondanii gaa e iimaan mum en e ɗoftaare mum en, sabu ɗoftagol mum en ɓeydatah Alla hay huunde, Alla ko jondaniiɗo e dewal mum en, ko O jettaaɗo ka golle e bolle.

Heeferɓe ɓe aaƴiima wonde ɓe ummintaake e genaale caggal ndeɓe maayi, maakan aan nelaaɗo ɓe yedduɓe: ma on ummine tigi refi kabreɗon ko gollaynaɗon e aduna, ngool ummingol na newanii Alla, ngam ko kanko tagnoo on ka adii, wadde hombo waawi on umminde caggal on maayi, O wuurtina on O yoɓa on caggal haasbeede.

Goonɗinee -onon aade en- Alla e nelaaɗo makko, goonɗinee quraana mbo O tellini o e nelaaɓe Mako he, Alla na humpatii ko golloton ko, hay ndiga wirnattako mbo e golle mon, ma O yoɓ mon ɗe.

janta aan nelaaɗo ñande Alla renndinta on ñande darnga ngam O yoɓa on golle mon, ko e oon ñalngu feeñata perte heeferɓe e ustaare mum en, goonɗinɓe ndona galleji aljanna, heeferɓe ndona galleeji yiite, kala goonɗinɗo Alla golli ko laba, Alla momta bonɗi makko, O naatna mbo e aljannaaɓji ɗi caatli ilata les kuɓeeje e leɗɗe mum ɓe wona toon haa pooma, ɓe yaltah heen, neema mum taƴandirtah, ko ɗuum woni malal manngal ngal hay gootal ɓadataaka.

Ko ɓeen yedduɓe penni aayeje amen ɗe min tellini e nelaaɓe amen ngoni yimɓe yiite duumotooɓe toon haa pooma, battane mum en mbonii.

Hay gooto musiiba heɓatah fittaandu mum wolla jawdi mum maa ɓiɓɓe si wonah e hoddira Alla e ñaawoore Makko, kala goonɗinɗo ɗuum non Alla hawrina ɓernde makko jaɓde yamiroore mum e weleede ñaawoore makko, Alla na anndi kala huunde hay ndiga wirnataako mbo.

Ɗoftee Alla e nelaaɗo, si on nduntiima ko ari ko e mon ummaade e nelaaɗo bakkaat ɗuum ko dow mon fawii, fawaaki nelaaɗo si wonah yottinde ko o yamiraa ko, o yottanii on ko Alla yamiri yo o yottin ko.

Ko Alla woni deweteeɗo e goongo, alah deweteeɗo e goongo mbo wonah Makko, ko e Alla tan goonɗinɓe poti fawde denndaangal fiyakuuji mum en.

Eehey mon goonɗinɓe Alla ngolliri sariya mum, ina e suddiiɓe mon e sukaaɓe mon ko añɓe mon, sabu hoɓe coklina on innude Alla e jihaadi laawol Alla, ɓe ngaamna on, ndeenteeɓe woto ɓe mbattin e mon, si on njawtini pergitte mum en cuurɗon ɓe, ma Alla yaafa mon bakkatuuji mon O yurmoo on, njoɓdi ko hono golle.

jawle mon e sukaaɓe mon ko jariba wonande mon, ina gasa ndeɓe fawa e mon faggaade ko harmi e accude dewal Alla, ina woodani Alla baraaje mawɗe wonande oon ɓurnuɗo ɗoftaade Alla gaa e ɗoftaade sukaaɓe, e soklirde jawdi, ndi njoɓdi mawndi woni aljanna.

Ndeentiree Alla siinude yamiroore makko e deestaade kaɗaaɗi makko fotde ko kattanɗon, nanee ɗoftoɗon Alla e nelaaɗo makko, tottire jawle ɗe Alla arkisini on e laabi moƴƴi, kala deenaaɗo e ndeereeru fittaandu makko, ko oon woni malaaɗo e ko ɓe ɗaɓɓuno, hisɓe koɓe kulno ko.

Si on ñamlii Alla ñamaande moƴƴere; hono tottirde jawdi mon e laawol Alla, O sowana on njoɓdi, O sowa moƴƴel gootel laabi sappo haa e teemedde jeeɗiɗi cowe keewɗe, O yaafoo on bakkatuuji mon, Alla ko jettoowo hombo tottira e golle setta njoɓdi keewndi, muñɗo mbo yaawnataako e leptude.

Alla ceniiɗo O, na anndi ko wirnii, hombo anndi ko woodi hay huunde wirnataako mbo, pooloowo mbo fooletaaken ñeeño e tagu makko e sariya e hoddira makko.

Eehey ma annabi si a faalaama wolla gooto e yimɓe ma faala seerde cuddiiɗo makko yo o seer mbo e arwannde edda makko, nde ceergal ngal wonata e laaɓal ngal moodi makko renndani e mum nde leeso, ndeene edda o, haa mbaawon artirde suddiiɓe mon si on faalaama, ndeentiree joomi mon siinude yamiraaɗi makko e deestaade kaɗaaɗi makko, wotee njaltine ɓe ceerɗon ɓe galleeji ɗiɓe koɗi e mum, woto ɓe yaltin ko*e mum en, haa edda mum en gasa, si wonah ɓe gollu bone hono jina, ko ɗee ñaawooje ngoni keeri ɗi Alla dottani jiyaaɓe makko, kala jawtuɗo ɗi o tooñii hoore makko, sabu o naatnii ndu naatirde halkaare ko o woopi ko joomiiko, a anndah-aan ceerɗo- nde Alla addata e ɓernde jom galle reerɗude ruttude jom suudu makko.

Si edda maɓɓe ɓadiima gasde nduttireeɓe yidde e moƴƴude gondigal, wolla accon ruttude ɓe haa edda joofa, ɓe njeya ko*e mum en, wondude e tottude ɓe hakke mum en, si on faalaama artirde ɓe wolla seerde, ceetnee seedeeji ɗiɗi nuunɗuɗi ummiiɗi e mon ngam luural tottiree-onon seedatooɓe- seede o ngam Alla, ko haala ko e ñaawooje na siftinire oon goonɗinɗo Alla e ñalngu darnga, sabu ko oon naftorto waajeede, kala kulirɗo Alla siinude jamirooje makko e reentaade kaɗaaɗi makko, Alla okka mbo damal kala nde ɓittere heɓi mbo.

O arsiga mbo ko araana e ɓende mum, wonaana ko o hasbuno, kala pawɗo e Alla fiyakuuji ma O yon mbo, Alla ko ciinoowo yamiroore makko, hay ndiga ronkintaa mbo, hay huunde faatataako mbo, Alla waɗanii kala huunde happu to ɗum haaɗata, na woodani satteende happu, na woodani yaajeende happu alah heen fof duumotongel e neɗɗo.

Seeraaɓe piɓtiiɓe fiilaade ngam pamaru duuɓi wolla nayewu, si on cikkatiima e edda mum en, ko lebbi tati woni edda o, tokooosɓe ɓe siwah fiilaade ko lebbi tati woni edda mum en, debadeedi gasirde edda mum e ceergal wolla maayreede ko heɓtaade, kala deenariiɗo Alla siiude yamirooje makko e reentaade ko O haɗi, O newna mbo geɗe makko, O weeɓnana mbo kala ko satti.

Ko haala ko e ñaawooje ceergal e duttal e edda ko ñaawoore Alla nde O tellini e dow mon-onon goonɗinɓe-haa nganndon ɗum,kala deentariiɗo Alla siinude yamiroore Makko e reentaade kaɗe makko,O momtana mbo bonɗi ɗi o golluno,O okka mbo njoɓdi mawndi ka laakara,ko ɗuum woni naatde aljanna,e dañde neema mbo gasatah.

Koɗnee ɓe- onon worɓe to koɗɗon fotde baawde mon, Alla fawatah mon ko kattanaani, wotee naatnee lorla e maɓɓe to nafaqe e hoɗorde sabu ɓittinde ɓe, si seeraaɓe ɓe ngonii horiiɓe nafqeeɓe haa ɓe ndañco siɓe musninanii mon totteeɓe njoɓdi muyningol ngol, njeewtidee ko faati e njobdi muyningol no labara nih, si jom galle wuddi ko debbo o faala ko e njobdi, debbo ne jaggatii ko o faala ko e njoɓdi, yo baaba o yiila muyninoowo goo ngam muyninana mbo ɓiy makko.

Yo oon jom yaajeende nafku e jawdi makko debba mum e ɓiɗɗo mum fotde ko o waawi, oon mbo arsuka mum famɗi yo o tottir e ko Alla okki mbo ko, Alla fawatah fittaandu si wonah ko O okkindu ko, O fawataa ndu kondu hattanaani, ma Alla waɗ caggal ɓittere e sattere yaajeende e ngalu.

Heewi ko gure goopɗe yamiroore joomi mum e yamiroore nelaaɗo mum yo jam e kisal won e mum en; Min kaasbiiɓe kaasbagol cattungol sabu golle maɓɓe kaantare, min lepti ɓe lepte cattuɗe ka aduna e ka laakara.

Nde meeɗi lepte golle mayre bonɗe, battane maggo woni perte ka aduna, e perte ka laakara.

Alla heblanii ɓe lepte cattuɗe, kule Alla- onon joman en hakkillaaji goonɗinɓe Alla e nulaaɗo mum- siinuɓe jamirooje makko reentii kaɗaaɗe makko, haa waasa yande e mon ko yani ko e ɓeen, Alla tellinii e mon ciftanirgol ciftinatngol bone batte goopol, e labeede batte ɗoftaare.

Ngol ciftinirgol woni nelaaɗo janngoowo e mum en aayeeje Alla ɓannguɗe: joortaade nde ɓeen goonɗinɓe Alla e nelaaɗo Makko golluɓe ko lobbi nde njaltinetee e niɓe majjere faade e annoore peewal, oon goonɗinɗo Alla golli ko moƴƴi Alla naatna mbo e aljannaaji caatli na ila ley kuɓeeje e leɗɗe majji ɓe nduumo toon haa pooma, Alla moƴƴinanii mbo arsuka ko naatni mbo ko aljanna mboo neema mum taƴatah.

Ko kanko woni tagɗo kammli jeeɗiɗi, O tagi leyɗe jeeɗiɗe hono kammuuli ɗi, yamiroore Alla winndereyankeere na tello kakkunde heɗi, haa nganndon wonde Alla na hattani kala huunde, hay huunde ronkintah Mbo, ganndal Alla na fiiltii kala huunde, hay ndiga wirnataako Mbo e nder kammuuli e nder leydi.

Eehey ma nelaaɗo ko saabii haɗa harmina ko Alla dagnan ma fii dakmitaade e korɗo ma Maariya, ko sabu haɗa faala heen welnaade suddiiɓe ma nde ɓe kirnoo nde, Alla na yaafa ma na yurmo ma.

Alla sariyanii on dagtinde goondoote mon e kaffaara si on heɓii ko ɓuri moƴƴude wolla njanɗon e woondoore he,ko Alla woni balla mon,ko kanko woni gannduɗo fiyakuui mon e ko moƴƴi e mon; Ñeeña e sariya makko e hoddira makko.

Siftor nde Annabi-yo o his-heerirani hafsa kabaaru, ina e hembo wonde O ɓadataako cuddiiɗo makko Maariya, hafsa haalani aa*isa kabaaru o, Alla anndini annabi makko saaktaade sirru o, O feli hafsa O haalani mbo yogo e yeewtere he o fanki ko heddii ko, hafsa wi*i Mbo hombo haalan ma o kibaaru? O maaki habrii kam Gannda kala huunde kumpatiiɗo kala ko wirni.

Ina waɗɗii e mon nde tuubaton sabu ɓerɗe mon naayiima e ko Nelaaɗo Alla añi ɗum woni woɗɗitaade korɗo makko e harminde mbo e hoore makko, si on ndooniima e waylaade e dow makko, pellet Alla ko ballo makko, ko noon kadi jibriil e uulɓe labaaɓe ko walladii ɓe mbo e Malayka en caggal ballugol Alla koɓe wallooɓe mbo e dow loroowo Mbo.

Yaama de joomiiko ceniiɗo O si annabi makko seeriiɓe O wostanoo mbo suddiiɓe ɓurɓe mon moƴƴude, ɗowtiiɓe jamirooje Makko, goonɗinɓe Alla e nelaaɗo makko, ɗoftiiɓe Alla, tuubooɓe bakkatuuji mum en, rewooɓe jom mum en, hoorooɓe, seemedɓe e boomi ɗi naatdaaka tawa, kono tan O seeraani ɓe.

Eehey mon goonɗinɓe Alla ngolliri ko O sarayini ko e mum en, mbaɗane ko*e mon e koreeji heeda e yiite nge docate mannge ko yimɓe e kaaɓe, ina e dow nge yiite Malayka en sattuuɓe e naatooɓe e henge, ɓe ngoopatah yamiroore Alla si O yamiriiɓe, hoɓe mbaɗa ko ɓe njamira ko, ko aldah e leelde.

Na wiyanee heeferɓe ñande darnga: eehey mon heeferɓe, wotee ngantinee hannde ko ngonnoɗon e yeddude e woopde, Alla gantinantaa on, njoɓeteɗon hannde tan ko ko ngollatnaɗo e aduna ummaade e keefeeru e fennude nulaaɓe.

Eehey mon goonɗinɓe Alla ngolliri ko O sariyani ɓe, tuubee e Alla bakkatuuji mon tuubgol goonɗungol, mbela Alla momtana on bonɗi mon, O naatna on aljannaaji caatli na ila les kuɓeeje mum ñande darnga, ñande Alla hoynirtah annabi e juulɓe wonduɓe e makko naatnude ɓe yiite, annoore mum en na yaha hakkunde juude mum en e yeeso mum en e dow siraata, hoɓe mbiya: Aan joomi amen timminan min annoore amen, haa min naata aljanna, min mbaasa nanndude e naafigeeɓe ɓe annoore mum en ñifi e dow siraata, yaafa min bakkatuuji amen, pellet ka kattanɗo kala huunde, A ronkatah timminde annoore amen e yaafaade bakkatuuji amen.

Eehey ma nelaaɗo haɓoro heeferɓe silaama, kaɓora naafigeeɓe ɗemngal e darnude hiddeeji,sattu e mum en haa ɓe kul ma,tapporde mum en ñande darnga ko jahannama,bonii battane ka ɓe ruttoto.

Alla fiyanii misal wonande ɓeen yedduɓe Alla e nelaaɗo Mum-wonde gondigal mum en e juulɓe nafatah e kala mbaadi- rewɓe annabaaɓe ɗiɗo e annabaaɓe Alla: Nuuhu e Luutu yo ɓe kis, ɓe laatinooma soknaaɓe jiyaaɓe Alla moƴƴuɓe, ɓe njanfirii ɓeen falaade laawol Alla, e wallude heefereeɓe, wonde ɓe soknaaɓe ɓe moƴƴube nafaani ɓe hay fus, ɓe wiyane: naate yiite wondude e naatooɓe heeferɓe e naafige en.

Alla fiyani goonɗinɓe Alla e nelaaɗo misal wondde ɓe e heefereebe lorataaɓe, battintah e mum en tawde hoɓe peewi e goongo debba fir*awna nde o wii: Aan joom am, mahanam ka Ma suudu nder aljanna, kisnaa mi e bone fir*awna e laamu mum, e golle mum kaantare, kisnaa mi e tooñirooɓe pittaali mum en rewde fir*awna e bewre makko e tooñannge makko.

Alla fiyi misaal wonande ɓeen goonɗinɓe Alla e nelaaɗo mum, e alhaali Maryama ɓiy Imraana deenɗo hoore makko e jina, Alla yamiri jibriil nde o wuttata e mum, o saawi Iisa ko aldah e baaba e hoddira Alla o goonɗini sariyaaji Alla e defte makko tellinaaɗe e dow nulaaɓe Makko, o laatii e ɗoftariiɓe Alla siinude jamirooje Makko e accude kaɗaaɗe Makko.

Mo laamu woni e juuɗe Mum on tun mawnii O ɗuuɗii moƴƴere Alla nde, ko Kanko woni hattanɗo kala huunde. Alaa ko ronkiŋta Mo.

On tagirɗo maayde e nguurdam, fii ndaarndagol on onon ɓee yimɓe, annda ko hommbo e mo'on ɓuri moƴƴude golle. Ko Kanko woni Fooluɗo Mo gooto foolataa, Haforanoowo kala tuubuɗo e jeyaaɓe Makko ɓen.

O taguɗo kammuuli jeeɗiɗi, kammu kala hino dewtii e hoore nguya ko aldaa e momondirgol hakkunde majji. An ndaaroowo on, a yi'ataa e ko ɓuradata woo e tagu Allah ngun. Yiltii gite maa ɗen ndaaraa. Taw si a yi'ay ceekol maa ɓurdal? Pellet, a yi'ataa ɗum ! Ko yi'aa, ko tagu ñeñaangu, gollii ngu.

Refti ruttitin ndaarɗe maa ɗen laaɓi ɗiɗi, gite ɗen ruttitoray e maaɗa hara ko ɗe hoyɗe, tawde ɗe yi'ataa ella ma ŋakkere e tagugol kammu ngun, hara kadi ko ɗe taƴiiɗe e ndaarugol.

Gomɗii Men cuɗirii kammu ngu aduna ngun koode jalbuɗe, Men waɗi ɗen koode fiɗirɗe seytanuuji wujjayɗi heɗoo ɗin ko sunna ɗi, Men hebilani ɓe ka laakara ton lette Yiite Huɓɓunge.

Ñalnde Darngal, hino woodani ɓen yedduɓe Joomi mun, lette Yiite Jahnnama. Nge bonii ruttorde jaaƴoyteeɓe e magge.

Si wonii ɓe bugaama ka nder Yiite, ɓe naniraynge hito kaanungo sanne, hara hinge fatira wa ko wulnata.

Hinge eɓɓa fultagol, nge sennditoo, hakkee ko nge tikkani naadaaɗo e magge ɓen. Tuma kala nde fedde e heeferɓe ɓen bugaa e magge, Malaa'ikaaɓe ayninaaɓe nge ɓen lamndoo ɓe wi'a: Enee ! Nulaaɗo araano e mon aduna, jertinaynooɗo on e lette Allah ɗen?

Heeferɓe ɓen wi'a : Ko pellet, Nulaaɗo aruno e amen tigi, himo jertinaynoo men e lette Allah ɗen, kono men fenni mo, men wi'i mo: Allah jippinaali hay wahayu. Onon ɓee Nulaaɓe, on wonaali si wanaa e nder majjere mawnde woɗɗii goonga.

Heeferɓe ɓen wi'ita : Si men nanayno men jaɓa, maa hara men haqqilayno men senndindira hakkunde goonga e meere, men jeyetanooke e yimɓe Yiite ɓen; men gomɗinayno Nulaaɓe ɓen, men goongina ko ɓe addi kon, fii no men jeyiree e yimɓe Aljanna ɓen.

Ɓe qirritanoo ko'e-maɓɓe, keeferaaku e fennugol ɓe ngol, Yiite ngen jojji e maɓɓe. Awa halakuyee woodanii yimɓe Yiite ɓen.

Pellet, hulooɓe Joomi mun ɓen ka ɓe weeyata ɗon, hino woodani ɓen haforaneede junuubi, e njoɓdi mawndi ndiin woni Aljanna.

Suuɗee onon ɓee yimɓe, konnguɗi mon maa feññinon ɗi. Allah kan hino anndi fii majji. Kanko seniiɗo On, himo anndi ko woni e ɓerɗe jeyaaɓe Makko ɓen. Huunde e ɗum suuɗaaki Mo.

E hara taguɗo taguuli ɗin fof On anndaa sirru e ko ɓuri sirru wirnaade? Ko Kanko le woni Newaniiɗo jeyaaɓe Makko ɓen, Humpitiiɗo fiyakuuji maɓɓe. Huunde suuɗaaki Mo e ɗin.

Ko Kanko waɗani on leydi ndin eltaandi newiniraa ka hoɗee : haray yahee e seraaji mayri, ñaamon e arsike Makko mo O hebilani on e mayri. Ko ka Makko tun woni ummital fii ñaaweede njoɓdi.

E on hooli wonnde Allah wonɗo On ka kammu nde fettinta leydi e mo'on leydi ndin wano O mutiniri Qaaruuna e mayri? Hari le ko ndi newinanoondi fii hoɗugol e mun. Tawaa yoo hindi dilla e mon ɓaawo ndi deeƴude.

Kaa on hooli wonnde Allah wonɗo ka kammu On nde O accitataa kaaƴe e mo'on immorde ka kammu, wano O accitirnoo ɗen e yimɓe Luutu ɓen? Aray nde anndon ko honno woni jertinaango Am ngon, tuma yi'oton lette Am ɗen. Ko woni tun, on nafitoroytaa ɗum ɓaawo nde yi'oyton lette ɗen.

Sellii wonnde mofte adinooɓe ɓen sirkooɓe ɗon ɓen fenniino, lette Allah ɗen yani e maɓɓe fewndo ɓe haɓɓitinoo e yeddugol fenna. Taskii ko honno lette Am ɗen wattinirnoo e maɓɓe ! Ɗum wonuno lette sattuɗe.

E ɓee fennooɓe yi'aali colli ɗin dow maɓɓe, tuma ɗi wiirata, ɗi fontay gabitannji majji ɗin e henndu ndun, ɗi ñobba ɗi kadi? Wonnde ko Allah jogitii ɗin fii wata ɗi yanu ka leydi. Pellet, Kanko ko O reenuɗo kala huunde. Hay huunde suuɗaaki Mo.

Konuujo alanaa on onon ɓee heeferɓe ɓe, mo no daɗana on e lette Allah ɗen tuma O faandanii on ɗe. Tigi on, heeferɓe ɓen wonaali si wanaa hodaaɓe; ko seytaane hodi ɓe, ɓe ɗaynitori mo.

Alaa arsikoowo on si Allah jogitike ko O arsikata on kon. Si ko woni, heeferɓe ɓen duumi e ƴaggere e townitaare, e salagol goonga.

Kere ko on yaaroowo no hippi yeeso mun, e maanaa sirkoowo on ɓuri feewude? Kaa ko gomɗinɗo yahoowo on no ñiiɓi e laawol focciingol?

An Nulaaɗo, maakan ɓee sirkooɓe fennooɓe : ko Allah woni taguɗo on, O waɗani on nanɗe ɗe naniron, e giiɗe e yi'iron, e ɓerɗe ɗe haqqiliron. Kono fanɗii ko yettoton Mo e ko O neeminiri on kon.

An Nulaaɗo, maakan ɓee sirkooɓe fennooɓe : Ko Allah woni saakitɗo on e leydi ndin, wanaa sanamuuji mon ɗi tagataa ɗin hay fus ! Kadi, ko ka Makko tun woni mooɓitoyteɗon Ñalnde Darngal, fii ñaaweede yoɓitee, wanaa ka sanamuuji mon. Hulee Mo kisan, rewon Mo Kanko tun.

Ɓee fennooɓe ummital no wi'a : ko honnde tuma woni fii ndee fodoore nde fodu-ɗaa men an Muhammadu e wonndiiɓe maa ɓen, si tawii ko on goonguɓe e kon nodditiɗon wi'ugol nde aray?

Maakan ɓe yo Nulaaɗo : Anndee anndugol fii Darngal, ko ka Allah woni. Hay gooto anndaa nde ngal darotoo si wanaa Kanko. Min on ko mi jertiniinoowo tun ɓannginana on jertinaango am.

Nde kammbaa on yanoyta e maɓɓe ɓe yi'a lette ɗen ka ɓadii ɓe, woni Ñalnde Darngal, geece yedduɓe Allah ɓen wayloto ɓawla, ɓe wi'anee ontuma : ko ɗum ɗoo woni ɗaɓɓaynoɗon yaccinaneede ka aduna.

An Nulaaɗo, maakan ɓee sirkooɓe fennooɓe : Yeetee lam, si Allah ƴettiti lam, O ƴettitii gomɗimɓe wonnduɓe e am ɓen, wollo O yurmii min ko hommbo daɗndata heeferɓe ɓen e lette muusuɗe? O alaa daɗndoo- wo mbo e heɗe hay gooto.

An Nulaaɗo, maakan ɓee sirkooɓe : Ko Kanko Jom hinaraŋke noddoowo on e rewugol Mo Kanko tun On. Men gomɗinii Mo, ko e Makko tun kadi woni ko men fawata fiyakuuji amen. Aray pellet, nde anndoton, ko hommbo wonunoo e majjere ɓanngunde e wonunooɓe e laawol focciingol ngol.

An Nulaaɗo, maakan ɓee sirkooɓe : Yeetee lam, si ndiyam ɗam yaroton ɗam wattinii ɓeeɓuɗam ka leydi, ko hommbo addanta on ontuma ndiyam ɗuuɗuɗam ko ila? Ko Allah tun.

Nuun : Haala fii sugu ɗee kalfe yawtiino ka fuɗɗorde cortewol Al-Baqarah. Allah woondirii ɗoo karambol, O woondiri kadi ko yimɓe ɓen winndirta kon karammbi maɓɓe ɗin.

Aan Nulaaɗo a wonaa kaangaaɗo, sabu ko Allah neeminir-maa kon Annabaaku. Aan ko a danndiiɗo e feetere nde ɓee sirkooɓe siforte.

Ko pellet, hino woodan-maa mbarjaari ndi taƴondirtaa e ko dokkal hay gooto e dow Ma sabu kon ronnditagol nulal ngal e yimɓe ɓen.

E ko pellet, hiɗa e jikku mawngu ngu Alqur'aana ardi e mun. Ko a jikkinirɗo ko woni e mayre kon e mbaadi timmundi.

Aray nde tinaa an, ɓee fennooɓe kadi yi'a.

Ñalnde goonga feeñata, anndoton ko hommbo e mo'on woni haangaaɗo.

Pellet, ko Joomi maa an Nulaaɗo ɓuri anndude ooñiiɗo on e laawol Makko ngol, ko Kanko kadi ɓuri anndude feewuɓe ɓen. Himo anndi ko kamɓe woni majjuɓe ɓen, an woni feewuɗo e laawol Makko ngol.

An Nulaaɗo, wata a tewto fennooɓe ko adduɗaa kon.

Hiɓe yiɗi si a newantono ɓe e innde diina, kamɓe kadi ɓe newano-maa.

Wata a tewto kadi kala ɗuuɗuɗo woondirgol meere, hoyɗo.

Ɗuuɗuɗo ño'ugol yimɓe, ɗuuɗuɗo yaarugol waddude yimɓe fii senndira hakkunde maɓɓe.

Ɗuuɗuɗo haɗugol moƴƴere, jaggitoowo jawle e teddule e pittaali yimɓe, ɗuuɗuɗo bakkaatu e geddi.

Yoora-ɓerndeejo, ŋiñiraaɗo heɓireede nii.

Fii tun o wonii jom jawdi e ɓiɗɓe, o townitanii gomɗingol Allah e Nulaaɗo Makko on.

Si Aayeeje Amen ɗen janngaama e makko, o wi'a: Ko tinndi adinooɓe nii.

Men waɗanay mo maande nde momtotaako ka hoore kinal makko.

Men jarribor ɓee sirkooɓe kokke e heege, wano Men jarribornoo jeyɓe ngesa ba, fewndo ɓen woondunoo wonnde pellet, ɓe soñiroyay mba subaka on, hiɓe hittina fii wata miskiino ñaamu e mabba.

Ɓe ronki ittintinnde e woondoore maɓɓe nden, wi'ugol : "Si Allah jaɓii".

Allah wuurti yiite e mabba, nge ñaami ba tawi ɓe e mabba hari hiɓe ɗaani, ɓe waawaali duñugol yiite e mabba.

Mba ɓawliri wa jemma niɓɓo.

Ɓe noddindiri bimmbi law.

Ɓe wi'i : Dawee ka ngesa mon ado waasuɓe ɓen arude, si tawii ko on soñooɓe mba.

Ɓe yahiri ka ngesa maɓɓe hiɓe sowndondira hakkunde maɓɓe.

Hiɓe wi'indira hakkunde maɓɓe : miskiino woo naatataa ka ngesa ton hannde.

Ɓe dawidi e eɓɓoore ɗawugol dimɗe maɓɓe ɗen.

Nde ɓe yi'noo ngesa mban no huɓɓa, ɓe wi'i: Pellet, men majjii laawol amen ngol.

Wurin ko men haɗaaɓe suñugol dimɗe amen ɗen, sabu ko men eɓɓunoo kon ɗawugol miskimɓe ɓen.

Ɓurɗo moƴƴude on wi'i: Mi wi'anaano on fewndo eɓɓunoɗon ɗawugol waasuɓe ɓen : haanii ka subhinanoɗon Allah, tuubanon Mo?

Ɓe wi'i : Senayee woodanii Joomi amen ! Pellet, hari men tooñitorii pittaali amen eɓɓugol ɗawude waasuɓe ɓen ɗee dimɗe amen.

Ɓe ruttitii e konngol maɓɓe ngol, hiɓe felitoo.

Ɓe ninnsi ɓe wi'i : Ee bone amen ! Pellet, hari ko men yawtunooɓe keeri, sabu ko men ɗawi kon waasuɓe ɓen haqqee maɓɓe.

Hino gasa ka Joomi amen wattitana men ngesa mban. Ko ka Joomi amen tun woni ko menen men rerɗanta. Men jortorii Mo yaafuyee, meɗen ɗaɓɓira Mo moƴƴere.

Ko sugu ɗee lette haɗeede arsike ɗoo, woni ko Men lettirta yeddayɓe Men ɓen; ko lette laakara ɗen non ɓuri mawnude, sinno hiɓe anndunoo tiiɗugol e duumagol ɗe ngol.

Huluɓe Allah ɓen ɗoftii yamirooje Makko ɗen ɓe woɗɗtitii haɗaaɗi Makko ɗin, ko pellet, hino woodani ɓe ka Joomi maɓɓe, Aljannaaji neema, ɗi ɓe neeminotoo e mun, ko aldaa e taƴondiral.

Kere Men waɗay juulɓe ɓen wano heeferɓe ɓen ka njoɓdi, wano sirkooɓe Makka ɓen aaƴori ɗum?

Ko heɓi on onon ɓee sirkooɓe, si tawii hiɗon ñaawira ndee ñaawoore ooñiinde?

Kaa hiɗon mari Deftere, nde janngoton e mun wiide ɗoftiiɗo e goopɗo no fota?

Pellet, ko woodani on e nde Deftere, ko ko suɓoytoɗon ka laakara.

Kaa ko aadiiji teentinaaɗi woodani on e Amen, wonnde pellet, ko ko ñaawanɗon ko'e-mon kon woodani on?

An Nulaaɗo, lamndii ɓe wowlu ɓe ngol konngol ɓen, ko hommbo e maɓɓe fawtanii ɓe ɗum?

Kaa ko kafidaaɗi woodani ɓe gaanin Allah, fotnayɗi ɓe e gomɗimɓe ɓen njoɓdi? Awa yo ɓe addu ɗin kafidaaɗi maɓɓe, si tawii ko e goonga ɓe woni nodditorde fotnugol ɓe e gomɗimɓe ɓen ka njoɓdi.

Ñalnde Darngal, kulol ngol feeñay, Joomi men feññina korlal Makko ngal, yimɓe ɓen noddee e sujjugol : gomɗimɓe ɓen sujja, heddoo heeferɓe ɓen e naafiqiiɓe ɓen tawde ɓe waawoytaa sujjude.

Hara gite maɓɓe no heli, nimse e koyeera kadi no suddi ɓe. Ko tawde ɓe ɗaɓɓirteno sujjangol Allah ka aduna, fewndo ka ɓe waawunoo ɓuri hanndeere nden.

An Nulaaɗo, accidam e kala fennuɗo ndee Alqur'aanaare jippinaande e Maaɗa; aray nde Men soggira ɓe e lette ɗen sagara-sagara ka ɓe anndataa wonnde ko fewjoori e hoore maɓɓe non.

Mi nennan ɓe tun e bakkatuuji maɓɓe ɗin seeɗa. Ko pellet, pewje Am ɗen e hoore heeferɓe e fennooɓe ɓen ko tiiɗuɗe. Ɓe fuutotaako Lam, ɓe daɗoytaa kadi lette Am ɗen.

Kaa hara an Nulaaɗo on a ɗaɓɓir ɓe njoɓdi e ko noddataa ɓe e mun kon, hara ko yoɓugol ɗum woni ko sattani ɓe haa tawata ɓe ɗuurnoto ma? Tigi on, wanaa ɗum. A ɗaɓɓiraani ɓee njoɓdi fes. Ko haɗi ɓe non jokkugol ma?

Kaa ɓe anndu fii wirniiɗi ɗin, hara ko ɗin woni ko ɓe winndirta ko waalantooɓe e hujjaaji ɗi ɓe wennjire?

An Nulaaɗo, muññor ko Joomi maa ñaawiri kon suynirgol ɓe nennaneede, hara a wa'aali wa Annabi Yuunusa wonndiiɗo linngii ngii, taƴinooɗo e yimɓe mun tuma o noddunoo Joomi makko ka niwre maayo e niwre linngii.

Si wanaa fii yurmeende Joomi makko nden hewtitike mo, ko pellet, linngii ngii bugotono mbo e wulaa hara ko o felniiɗo.

Joomi makko suɓii mo, O waɗi mo jeyaaɗo e moƴƴuɓe ɓen.

Hay yedduɓe Allah ɓen yeddi Nulaaɗo Makko on, ɓe eɓɓiino yuwirgol ma gite maɓɓe ɗen, hakkee ko ɓe puttinatno maa gite, tuma ɓe nanata ndee Alqur'aanaare jippinaande e maaɗa, hara hiɓe wi'ira mbeleeɗe e ɗuurnagl goonga : Oo Nulaaɗo arduɗo e ndee Deftere, ko haangaaɗo.

Ndee Alqur'aanaare jippinaande e maaɗa wonaali, si wanaa waaju e janntoore yimɓe e jinna.

Allah no janntoo fii Ñalaande ummital ndee fow tawetee e mun.

Refti O mawniniri ɗum ngal lamndal : ko honɗum woni fii Darngal?

E ko anndin maa ko woni fii ngal Darngal?

Samuudu yimɓe Saalihu ɓen, e Aadi en yimɓe Huudu ɓen fennii Darngal duɗɗay ngal yimɓe hakkee kul huli maggal.

Samuuda en kan, Allah halkirno ɓe haacaango yottiingo satteende e kulaleeji.

Aadi en kan, Allah halkir ɓe henndu ɓuuɓundu haa feƴƴiti, tiiɗundu e maɓɓe.

Allah wurti henndu ndun e hoore maɓɓe dumunna jemmaaji jeeɗiɗi e ñalormaaje jeetati, ndu lanni fii maɓɓe haa ka hatti. Yi'aa yimɓe ɓen e koɗooli mun hino halkaa e leydi, wa si tawii hara ko binndeeje tamaro yanɗe e leydi yoorundi.

Taw si a yi'anay ɓe fittaandu heddii ndu ɓaawo lette ɗen yanude e maɓɓe?

Fir'awna e mofte adinooɓe mo ɓen, e ca'e lettiranooɗe wayliteede ɗen, woni yimɓe Luutu ɓen, ɓe ardi e kuuɗe bonɗe immorde e sirku e geddi.

Kala maɓɓe yeddi Nulaaɗo mun on, ɓe fenni mo; Allah nanngiri ɓe nanngal ɓeydiingal ko O timminta halkude ɓe.

Ko Menen woni, fewndo ndiyam ɗam hummbunoo, ronndinoo ɓen wonunooɓe keeceele mon ka laana dogayka, ka Annabi Nuuhu lesunoo e yamiroore Amen, fii ko waɗɗoɗon e mun.

Men waɗiri kan laana e fillayee makka on, waaju ko dallinoree e halkeede yedduɓe ɓen, daɗnda gomɗimɓe ɓen, nowru nanayndu nana ɗum.

Si Malaa'ikaajo halfinaaɗo wuttugol on ka allaandu wuttii wuttaande wootere, ko ndeen woni ɗiɗaɓiire nden.

Leydi ndin e pelle ɗen ɓamtee, ɗe mo ɓññe mo ɓññannde sattunde, pecce leydi ndi e pelle ɗe sewi.

Nden ɗum fow waɗata, Darngal ngal daroo.

Kammu ngun seekora nden ñalnde, sabu jippagol Malaa'ika'en, hara hingu lo'i, ɓaawo ngu wonnde sattungu jogondirngu.

Hara Malaa'ika'en no wontiri ka seraaji maggu, njeetato e Malaa'ikaaɓe ɓannitaaɓe ɓen ronndoo Arsi Joomi maa kin nden ñalnde.

Nden ñalnde, ko onon weeɓitetee ka Allah, onon ɓee yimɓe. Hay huunde e fii mon suuɗotaako Mo. Allah ko ƴellitoto fii maɓɓe on fow.

Si ko jonnitiroyaaɗo talkuru golle mun ɗen ka ñaamo mun, on weltoroyay wi'ugol : Jaɓee ! Janngon talkuru golle am ɗen.

Min mi fellitu ka aduna, wonnde mi immmintinoyte, mi hawra e njoɓdi am ndin.

Hara himo e nguurndam welɗam, hakkee neema duumiiɗo ko o yi'ata.

E nder Aljanna toowuɗo nokku e darja.

Aljanna mo teɓateeriiji mun weli heɓude.

Ɓe teddiniree wi'aneede : ñaamee yariron ko lorra woo alaa e mu'un, sabu ko ardinirɗon kon golle moƴƴe e ñalaaɗe feƴƴunooɗe aduna.

Si tawii non ko jonnitiraaɗo talkuru golle mun ɗen ka nano mun, on wi'oyay : Ee bone am! Haananiino lam hara mi joniitaaka talkuru golle am ɗen, sabu kuuɗe bone ko woni e mayru kon, waɗata haa mi lettee.

Hara mi anndaali hay huunde e ko wonata ñaawoore am.

Hara maayde am nden wonuno timmoode am nde immintiŋtaake e mun fes.

Jawdi am ndin nafiraali lam duñangol lam lette Allah ɗen.

Cemmbe e jaahu am ko mi wallitoraynoo fow bonntirii lam.

Malaa'ika'en wi'anee : nanngee mo, kombon mo haa e daande.

Refti naadon mo ka Yiite fii no o meeɗira nguleendi magge.

Refti naadon mo e nder jolokooje ɗe junndi mun woni cappanɗe jeeɗiɗi sogonal.

Tawde pellet, o gomɗinaano Allah Mawɗo On.

O reerɗintaano woɗɓe goo e ñammingol miskiino.

Giɗo ɓadondiraaɗo alanaamo Ñalnde Darngal, ko duñanamo lette ɗen.

Wanaa ñaametee woodani mo, si wanaa ko siiɓaa e ɓalli yimɓe Yiite ɓen.

Hay gooto ñaametee ndin ƴiƴƴiƴiri, si wanaa yedduɓe e bakkondimɓe ɓen.

Allah woondirii ko yi'oton kon.

O woondiri kadi ko on yi'ataa kon.

Pellet, Alqur'aana ko daalol Allah, ngol O Nulaaɗo Makko tedduɗo on janngata e dow mon.

Wanaa nde konnguɗi yimoowo; tawde nde yuɓɓiraaka wa gimɗi. Kono fanɗii ko gomɗinton.

Nde wanaa kadi nde konnguɗi mbileejo, tawde mbilewu hino seedi e Alqur'aana. Kono fanɗii ko waajitotoɗon.

Ko jippiniraande ka Jeyɗo tageefo ngon fow.

Si tawno Muhammadu fefindino e Amen yoga e konnguɗi ɗi iwraani e Amen.

Ko pellet, Men yoɓtotono bmo, Men naangira mo doole e kattal.

Hooti Men taƴayno e makko ɗaɗol yottiingol e ɓernde nden.

Alaa hay gooto e mo'on haɗoowo e makko, himo daɗndii e fefindagol e Amen fii mon.

Pellet, Alqur'aana ko waaju hulirooɓe Joomi mun ɓen ɗoftagol yamiraaɗi Makko ɗin, e woɗɗitoo haɗaaɗi Makko ɗin.

Haray kadi, Meɗen anndi fennooɓe ndee Alqur'aanaare ina e mon.

Pellet non, fennugol Alqur'aana ngol, ko nimse mawɗe wonoyta Ñalnde Darngal.

Pellet kadi, Alqur'aana ko goonga yananaaɗo mo sikke alaa e mu'un, wonnde ko ka Allah nde iwri.

Haray an Nulaaɗo, subbunhinor innde Joomi maa, kala ko haandaani e Makko, jantoɗaa innde Joomi maa Mawɗo On.