Cebuano (Bisaya) Meal — Rowad Tercüme Merkezi — Nur 24:1 – Yâsin 36:83

Kini usa ka kapitulo (sa Qur’an) nga Among gipadayag, ug naghimo 'sa iyang mga hukom' nga obligado, ug niini Kami gipadayag ug tin-aw nga mga Bersikulo aron kamo makahinumdom.

Ang (dili minyo) nga babaye o sa (dili minyo) nga lalaki ng.nakit-ang sad-an sa pakighilawas, latigoha ang matag kanila usa ka gatos ka mga latos, ug ayaw itugot ang kaluoy alang kanila makapugong kaninyo sa pagsunod sa Allah, kung kamo mituo sa Allah (Dios) ug sa Ulahing Adlaw, ug himoa nga ang usa ka pundok sa mga magtutuo makasaksi sa ilang Silot.

Ang makihilawason (nga lalaki) ayaw paminyoa ug lain gawas nga makig-ipon lamang sa makihilawason (nga babaye) o sa tigsimbag dios-dios, ug ang (babaye) nga makihilawason walay mangasawa kaniya gawas makihilawason o sa tigsimbag dios-dios; ug kini (ang kaminyoon sa maong tawo [gawas maghinulsol]) gidili ngadto sa mga magtutuo.

Ug sila nga nag-akusar sa putli nga mga babaye (o mga lalaki, sa pagpanapaw) unya dili makadala ug upat ka mga saksi, latigoha sila, kawaloan ka hampak, ug ayaw pagdawat ug bisan unsa nga pagpamatuod gikan kanila bisan kanus-a; ug kini sila mao ang mga masupilon.

Gawas niadtong naghinulsol human niini, ug nagreporma sa ilang mga paagi, nan sa pagkatinuod ang Allah mao ang Labing Mapasayloon, Labing Maluluy-on.

Ug (alang) niadtong (mga bana) nga nag-akusar sa ilang mga asawa (sa pagpanapaw) nga walay mga saksi gawas sa ilang mga kaugalingon, ang pagpamatuod (pagpanumpa) sa usa niini kanila (kinahanglan nga pagahimoon) sa upat ka higayon (pagpanumpa) pinaagi sa Allāh nga siya nagsulti sa tinuod.

Ug ang ikalima (nga pagpanumpa) (mao) nga ang Tunglo sa Allah maanaa kaniya, kung namakak siya.

Ug kini makapalikay sa silot gikan kaniya (babaye) kon siya magpamatuod (o manumpa) sa upat ka higayon, nga nanumpa sa Allah nga siya (lalaki) namakak;

Ang ikalima (nga higayon) (mao) nga ang kasuko sa Allah maanaa kaniya (babaye), kung siya (lalaki) nagsulti ug tinuod.

Ug kon dili pa tungod sa Pabor sa Allah kaninyo ug sa Iyang Kalooy, ug nga kay ang Allah mao ang Kanunay nga Nagabalik (sa Kalooy), Nga Labing Maalamon - (kamo unta mangalaglag).

Sa pagkatinuod kadtong kinsa midala uban nianang ˹makalilisang˺ nga pagbutangbutang (batok Aisha, asawa sa Propeta), (sila) usa ka pundok gikan kaninyo. Ayaw paghunahuna nga kini daotan alang kaninyo; hinoon, kini maayo alang kaninyo. (Ug alang sa mga tig-akusar), ang matag-usa kanila makabaton sa unsay iyang natigom nga sa sala; ug (alang) kaniya nga mikuha sa iyang kaugalingon sa kinadak-ang bahin niini, siya makabaton ug usa ka hilabihan nga Silot.

Nganong dili man ang mga magtutuo nga mga lalaki ug ang mga magtutuo nga mga babaye, sa matag higayon nga ang maong (hungihong) madungog, maghunahuna sa labing maayo sa usag-usa, ug moingon nga: "Kini usa ka dayag nga kabakakan?"

Nganong wala man sila nagpatunghag upat ka mga saksi? Busa, tungod kay sila napakyas sa pagpatunghag mga saksi (alang sa mga tawo), nan sila, sa Panan-aw sa Allah, mao ang mga bakakon.

Ug kon dili pa tungud sa Pabor sa Allah ug sa Iyang Kalooy nga anaa dinhi ning kalibutana ug ang pikas nga Kinabuhi, ang usa ka hilabihan nga Silot ipahamtang kanimo tungud sa mga bakak nga pagpanulti nga inyong giapil-apilan.

Sa diha nga kamo midawat niini pinaagi sa inyong mga dila ug gipanaglitok pinaagi sa inyong mga baba sa unsay wala ninyo mahibaloi, ug kamo nag-isip niini nga usa ka gaan ​​nga butang, apan (kang) Allah kin labing mangil'ad!

Unta sa diha sa inyong pagkadungog niini kamo nag-ingon: "Dili angay kanamo ang pagsulti (mahitungod) niini (nga hungihong)" Ang Himaya ma inuha (O Allah). Kini usa ka makalilisang nga pagbutangbutang.

Ang Allah nagpasidaan kaninyo batok sa pagsubli sa sama niini pag-usab, kon kamo mga magtotoo.

Ug ang Allah nagtin-aw kaninyo sa mga Bersikulo; kay ang Allah mao ang Nakahibalo sa Tanan, Labing Maalamon.

Niadtong nakagusto sa kalaw-ayan (pagpanapaw, makauulaw nga mga panghitabo, pagbutangbutang, ug dautan) nga mapakaylap taliwala niadtong nagatuo (sa Kamatuoran), sila makabaton sa usa ka sakit nga Silot dinhi sa kalibutan ug sa Pikas Kinabuhi; ug ang Allah nahibalo, samtang kamo wala mahibalo.

Ug kon dili pa tungod sa Pabor sa Allah kaninyo ug sa Iyang Kalooy, ug nga ang Allah (Dios) Mabination, Maluluy-on - (kamo unta mangalaglag).

Mga magtutuo, ayaw sunda ang mga tunob ni Satanas, ug bisan kinsa nga mosunod sa mga tunob (mga pamaagi) ni Satanas, nan sa pagkatinuod siya nagsugo sa pagbuhat sa kalaw-ayan ug kadautan; ug kon dili pa sa Pabor sa Allah nganha kaninyo ug sa Iyang Kaluoy, walay usa kaninyo nga mahimong putli (gikan sa kalaw-ayan ug kadautan), apan ang Allah nagputli sa kinsay Iyang gusto; ug ang Allah mao ang Labing Nakadungog, Labing Nakahibalo sa Tanan.

Ayaw pasagdi kadtong adunay pabor ug kadagaya sa pagpanumpa batok sa paghatag ngadto sa mga paryente, sa mga kabus, ug niadtong mibiya sa ilang mga panimalay alang sa Kawsa ni Allah. Pusagdi sila sa pagpasaylo. Dili ba nimo gusto nga pasayloon ka ni Allah? Kay si Allah mao ang Labing Mapasayloon, Labing Maluluy-on.

Sa pagkatinuod, sila nga nagbutang-butang sa putli nga magtutuo nga mga babaye, nga wala mahibalo (nianang imoral nga mga butang o sa bisan unsa nga dili matinud-anon nga kinaiya), mga tinunglo dinhi sa kalibutan ug sa Kinabuhi. Ug sila mag-antus sa usa ka makalilisang nga silot.

Sa Adlaw nga ang ilang mga dila, mga kamot, ug mga tiil mutistigo batok sa ilang mga binuhatan.

Nianang Adlawa ang Allah magbayad kanila sa hingpit sa ilang angay nga ganti, ug sila mahibalo nga ang Allah mao ang Dayag nga Kamatuoran.

Ang dili maayo nga mga pulong ug mga buhat mao ang (kinaiya) sa daotan ug dili putli nga mga tawo, ug ang daotan ug ang dili putli nga mga tawo (mahilig) sa daotan nga mga pulong ug buhat. Sa samang paagi ang maayong mga pulong ug mga buhat mao ang (kinaiya) sa maayo ug putli nga mga tawo, ug ang maayo ug putli nga mga tawo (mahilig) ngadto sa maayong mga pulong ug mga buhat; ingon niana (ang mga inosente nga mga tawo) gawasnon gikan sa gikasulti batok kanila (sa pagbutangbutang), alang kanila ang kapasayloan ug madagayaon nga tagana (sa Paraiso).

Oh mga magtutuo, ayaw pagsulod sa mga balay gawas sa inyong kaugalingon nga mga balay hangtod nga kamo mangayo ug pagtugot ug pagtimbaya kamo sa mga tagbalay, mao kadto ang labing ikaayo kaninyo aron kamo makahinumdum.

Kung dili kamo makakaplag ug bisan usa sa panimalay, nan ayaw kamo pagsulod hangtud nga ang pagtugot ihatag nganha kaninyo; Ug kung hangyoon ka nga mobiya, biyai, kini labing putli alang kaninyo; ug ang Allah (Dios) mao ang Labing Nakahibalo sa tanan nga inyong gibuhat.

Walay sala nganha kaninyo nga kamo mosulod (sa walay pagpangayog pagtugot) sa balay nga walay nagpuyo nga magamit ninyo; ug ang Allah (Dios) nahibalo sa unsay inyong gibuhat sa dayag o gitagoan.

Isulti ngadto sa mga magtutuo nga mga lalaki nga nagpaybos (ug ilikay) sa ilang panan-aw gikan sa unsay gidili (sama sa pagtan-aw sa mga babaye nga dili gikan sa ilang kaugalingong mga pamilya o mga asawa), ug magbantay sa ilang unodnong tinguha, kana labing putli alang kanila; sa pagkatinuod ang Allah mao ang Labing Nakahibalo sa unsay ilang gibuhat.

Ug isulti ngadto sa mga babaye nga magtutuo nga ipaubos ang ilang panan-aw gikan sa unsay gidili (ug ipabilin ang ilang kaligdong), ug bantayan ang ilang mga pribadong bahin sa lawas (gikan sa gidli nga pakighilawas ug bisan sa panglantaw sa uban). ug nga dili nila ipakita ang ilang mga dayan dayan sa lawas gawas sa unsay (dili kalikayan) nga makita gikan niini (gikan sa ilang mga pandong), ug himoa sila nga magbutang sa ilang mga pandong (nga mao ang pagputos sa usa ka bahin sa ilang mga pandong sa ulo) ibabaw sa ilang mga dughan ug sa unahan, ug ayaw sila tugoti sa pagpasundayag sa ilang katahum gawas sa ilang mga bana o sa ilang mga amahan, o sa mga amahan sa ilang mga bana, o sa ilang mga anak nga lalaki, o sa mga anak nga lalaki sa ilang mga bana, o sa ilang mga igsoong lalaki, o sa mga anak nga lalaki sa ilang igsoon nga lalaki, o sa mga anak nga lalaki sa ilang igsoong babaye, o sa ilang mga babaye, o niadtong gipanag-iyahan sa ilang tuong mga kamot, o mga lalaki nga ulipon nga walay panginahanglan (sa mga babaye ug sa labaw pa sa tanang tinguha sa pakighilawas), o sa mga bata nga wala pa mahibalo sa pribadong aspeto sa mga babaye; ug ayaw sila tugoti sa pagyatak sa ilang mga tiil aron ang unsay ilang gitagoan sa ilang katahum ug mga dayandayan mahibaloan; ug balik ngadto sa Allah, kamong tanan sa paghinulsol, O mga magtutuo, aron kamo mahimong maglampuson.

Ug pangasawa kamo niadtong mga dili minyo diha kaninyo, ug niadtong mga matarung (sa pisikal ug sa pamatasan) gikan sa inyong mga ulipon nga lalake ug mga ulipon nga babaye; kon sila mga kabus, ang Allah (Dios) magpadato kanila gikan sa Iyang kadagaya; kay ang Allah Igo sa Pagpanghatag, nga Labing Nasayud sa Tanan.

Ug himoa nga kadtong dili makakita og pamaagi aron sa pagminyo magpabiling putli hangtud nga ang Allah (Dios) magpadato kanila gikan sa Iyang Kadagaya. Ug (alang) kanila nga nangayo og usa sa pagpalingkawas gikan kanila nga gipanag-iyahan sa inyong tuong mga kamot, ihatag kanila ang pagpalingkawas kon kamo nahibalo sa bisan unsang maayo diha kanila, ug hatagi sila sa bahandi sa Allah nga Iyang gihatag kaninyo; ug ayaw pugsa ang inyong mga sulogoon nga babaye (nga inyong gipanag-iyahan) sa pagpakighilawas, sa diha nga sila nagtinguha sa pagpabilin nga putli, aron nga kamo makaginansya sa (lumalabay nga) mga butang sa kinabuhi niining kalibutana; ug bisan kinsa nga mopugos kanila, nan sa pagkatinuod human sa ilang pagpamugos, ang Allah mao ang Labing Mapasayloon, Labing Maluluy-on (sa mga ulipong babaye nga gipugos).

Ug sa pagkatinuod Kami nagpakanaog kaninyo ug tin-aw nga mga Bersikulo ug mga panag-ingnan (gikan sa kasaysayan) niadtong mga nangagi na sa wala pa kamo, ug usa ka nag-pahinumdom sa mga matarong.

Ang Allah mao ang Kahayag sa mga langit ug sa yuta; ang panag-ingnan sa lyang Kahayag (Giya) sama sa usa ka Sudlanan diin adunay usa ka lampara, ang lampara anaa sa sulod sa bildo, (ug) ang bildo sama sa usa ka perlas nga puting bituon, (usa ka lampara) nga gipasiga gikan sa usa ka bulahan nga kahoy sa olibo, nga wala silangan o sa kasadpan; ang lana niini halos mohatag na og kahayag bisan pa ang kalayo wala makatandog niini, kahayag ibabaw sa kahayag, ang Allah nagagiya ngadto sa Iyang Kahayag sa kinsay Iyang gusto, ug ang Allah nagbutang ug mga panag-ingnan alang sa mga tawo. Ang Allah mao ang Nasayud sa tanang butang.

(Kini nga Giya makita) sa mga balay alampoanan (Masjid) nga gitugotan sa Allah nga ipataas, nga ang Iyang Ngalan mahisgotan niini; nga nagpakahalangdon Kaniya sa sulod niini, sa kabuntagon ug sa kagabion,

Mga lalaki nga ang mga baligya o ang pagpamaligya wala nagpahilayo kanila gikan sa Paghinumdum sa Allah ug sa pagpahigayon sa lima ka beses nga pag ampo ug sa pagpanghatag sa mga kabus nga kantidad [Zakah – Obligado limos] (ngadto sa ilang benepisyaryo). Nahadlok sila sa usa Adlaw nga ang mga kasingkasing ug mga mata mangurog,

ang Allah (Dios) moganti kanila sumala sa labing maayo nga ilang mga buhat, ug magdugang kanila gikan sa Iyang Kadagaya. Ang Allah naghatag ug tagana kang bisan kinsa nga Iyang gusto nga walay sukod.

Mahitungod sa mga manlilimod, ang ilang mga buhat sama sa usa ka talan-awon sa usa ka desyerto, nga ang giuhaw naghunahuna sa tubig, apan sa diha nga siya moduol niini, makita niya nga wala butang. Hinunoa, ang Allāh 'Diyos' lamang ang iyang makaplagan didto aron husayon ​​ang ilang Pagbalos. Ug si Allah mao ang tulin sa pag-ihap.

O (ang kahimtang sa usa ka dili magtutuo) sama sa giladmon sa kangitngit sa lawom nga dagat; nga nagatabon niini ang usa ka balud, nga sa ibabaw niini adunay pay lain nga balud, nga sa ibabaw niini anaa ang (mangitngit) nga mga panganod, (mga nagsapaw nga) hilabihang kangitngit, ang usa ibabaw sa usa; ug sa diha nga ituy-od sa usa ka tawo ang iyang kamot, dili niya kini makita. Ug alang kang bisan kinsa nga ang Allah wala maghatag ug kahayag, nan alang kaniya walay kahayag.

Wala ba ninyo makita nga ang Allah gihimaya (gipasidunggan ug gidayeg) sa tanan nga anaa sa mga langit ug sa yuta, ug (sa) mga langgam nga nagabuklad sa mga pako? matag usa Siya nahibalo sa iyang pag-ampo, pagdayeg ug paghimaya. Ang Allah mao ang Labing Nakahibalo sa unsay ilang gibuhat.

Iya sa Allah (lamang) ang Ginharian sa mga langit ug yuta, ug ngadto sa Allah ang (katapusan) nga pagbalik (sa tanan).

Wala ba ninyo makita nga ang Allah nag-abog sa mga panganod (uban) sa kalumo, unya nagtigom kanila nga managkauban, pagtapok kanila ngadto sa masa ug mga tapok, aron inyong makita ang ulan nga migula gikan sa ilang taliwala? Ug Iya usab ginapakanaog gikan sa panganod ang daw sama sa bungtod nga mga gabon nga diin sa sulod niini anaay mga gagmay nga nyebe, ug gibubo Niya kini kang bisan kinsa nga Iyang gusto, ug nagpahilayo niini kang bisan kinsa nga Iyang gusto. Ang kasulaw sa kahayag sa kilat niini halos na mokuha sa mga panan-aw.

Ang Allah nagpapulipuli sa gabii ug sa adlaw, sa pagkatinuod adunay usa ka pagtulun-an niini alang niadtong adunay panan-aw.

Gibuhat sa Allah gikan sa tubig ang matag buhi nga binuhat; ug kanila adunay nga nagalakaw pinaagi sa tiyan niini, ug kanila adunay nagalakaw pinaagi sa duha ka mga tiil, ug kanila adunay nagalakaw (pinaagi) sa upat (ka tiil). Gibuhat sa Allah ang unsay Iyang gusto. Sa pagkatinuod ang Allah makahimo sa tanang butang.

Sa pagkatinuod Kami nagpakanaog ug Tin-aw nga mga Bersikulo, ug ang Allah mugiya sa kinsay Iyang gusto ngadto sa Matul-id nga Dalan (sa Islam).

Ug sila (ang mga tigpakaaron-ingnon) muingon: "Kami mituo sa Allah ug sa Mensahero (Muhammad) ug kami mituman, apan ang usa ka pundok kanila mitalikod human niini, sila dili mga magtutuo.

Sa diha nga sila gidapit ngadto sa Allah ug sa Iyang Mensahero (Muhammad) aron siya maghukom tali kanila, diha-diha ang usa ka pundok kanila motalikod.

Apan kon ang kamatuoran anaa dapig kanila, sila moduol kaniya sa dali, nga masinugtanon.

Anaa ba sa ilang mga kasingkasing ang sakit (usa ka pagtipas gikan sa Pag-alagad sa Usa ka Dios), o sila ba nagduhaduha, o sila nahadlok nga ang Allah ug ang Iyang Mensahero (Muhammad) mobuhat ug dili makatarunganon ngadto kanila? Hinonoa, sila sa ilang kaugalingon mao ang mga mamumuhat sa kadautan.

Ang tubag sa mga magtutuo, sa diha nga sila gidapit ngadto sa Allah ug sa Iyang Mensahero (Muhammad) aron siya maghukom tali kanila, mao lamang ang (ilang) pag-ingon: "Kami nakadungog ug kami mituman", ug kini sila mao ang mga malampuson.

Kay bisan kinsa nga mituman sa Allah ug sa Iyang Mensahero (Muhammad), ug nahadlok sa Allah (Dios), ug nagtuman sa Iyang mga Kasugoan, kini sila mao ang mga magmadaugon.

Ug sila nanumpa pinaagi sa Allah uban sa ilang labing tinud-anay nga mga pagpanumpa, nga kon ikaw mosugo kanila sila sa pagkatinuod moadto (alang sa pagpakigbisog sa Kawsa sa Allah). Isulti: "Ayaw pagpanumpa, (kini) nga pagsunod (ninyo) nahibaloan na (nga bakak), sa pagkatinuod ang Allah Labing Nakahibalo sa unsay inyong gibuhat."

Isulti: "Tumana ang Allah (Dios) ug tumana ang Mensahero (Muhammad), apan kong kamo motalikod, nan siya manubag lamang sa unsay gikasugo kaniya, ug kamo manubag sa unsay gikasugo kaninyo, ug kon kamo mosunod kaniya (ang Propeta Muhammad), kamo anaa sa husto nga Dalan, ug walay bisan unsa nga anaa sa katungdanan sa Mensahero (sa Allah) gawas lamang sa tin-aw nga paghatod (sa Mensahe).

Ang Allah (Dios) misaad ngadto kanila nga mituo (sa Kamatuoran), ug nagbuhat sa matarung nga mga buhat, nga Siya sa pagkatinuod maghatag kanila ug pagpanunod (sa espirituhanong pagkalabaw ug lumalabay nga pagpangulo) dinhi sa yuta sama sa Iyang gihatag kanila sila nga nauna kanila, ug nga Siya sa pagkatinuod magtukod alang kanila sa relihiyon (Islam) nga Iyang giuyonan alang kanila, ug nga Siya sa pagkatinuod, human sa ilang kahadlok, mohatag kanila ug seguridad, (Sa diha nga) sila mosimba Kanako (Allah) lamang ug dili magbutang ug bisan unsang kauban (sa pagsimba) Kanako, ug bisan kinsa nga dili mapasalamaton pagkahuman niini, kini sila mao ang mga masupilon.

Ipahigayon ninyo ang mga Pag-ampo ug bayri ang kabus nga kantidad [nga mao ang Zakah – Obligado limos] ug tumana ang Mensahero (Muhammad), aron kamo makabaton sa kaluy-an (ni Allāh).

Ayaw hunahunaa nga kadtong nagpadayon sa pagkawalay pagtuo makaikyas (ang silot ni Allah)sa yuta, ug ang ilang puloy-anan mao ang Impiyerno, ug sa pagkatinuod dautan kadto nga padulngan!

Oh mga magtutuo, himoa nga kadtong gipanag-iyahan sa inyong tuong mga kamot (pinaagi sa hustong gikatugot nga mga paagi), ug kadtong wala pa makaabot sa pagkahingkod mangayo ug pagtugot kaninyo sa tulo ka higayon; sa dili pa ang pag-ampo sa kabuntagon, ug sa diha nga huboon ninyo ang inyong mga bisti sa udtong tutok sa ting-init, ug sa human sa pag-ampo sa kagabhion; kini mao ang tulo ka mga panahon nga pribado alang kaninyo; gawas niini nga mga panahon, walay sala alang kaninyo o alang kanila sa pag-adto aron sa pag-atiman sa mga panginahanglanon sa usag-usa. Sa ingon niini ang Allah nagpatin-aw sa mga Bersikulo nganha kaninyo. Kay ang Allah mao ang Labing Nakahibalo sa Tanan, Tinuod nga Maalamon.

Sa diha nga ang mga bata diha kaninyo moabut na sa pagkahingkod, tugoti nga sila mangayo og pagtugot sama niadtong nauna kanila nga nangayo og pagtugot; sa ingon niana ang Allah nagpatin-aw sa Iyang mga Bersikulo nganha kaninyo, kay ang Allah mao ang Labing Nakahibalo sa Tanan, ang Tinuod nga Maalamon.

Ug (mahitungod sa) mga babaye nga tigulang na, nga wala na maghandom sa pagminyo, dili sala alang kanila kung ilang tangtangon ang ilang (panggawas) nga mga bisti (sama sa kupo o tabon sa nawong), sa pamaagi nga dili aron sa pagpakita sa ilang mga dayandayan (nga gitagoan, sama sa kulintas, pulseras, o pulseras sa buolbuol); apan ang paglikay (sa pagbuhat sa ingon, pinaagi sa dili pagtangtang sa ilang panggawas nga bisti) mas maayo alang kanila; ug ang Allah mao ang Hingpit Nakadungog, Hingpit Nasayod.

Walay pagbasol sa buta, ni ang piang , ni ang masakiton ni walay pagbasol sa inyong mga kaugalingon, nga kamo mokaon gikan sa inyong mga balay, o sa mga balay sa inyong amahan, o sa balay sa inyong inahan, o sa balay sa inyong igsoon nga lalaki, o sa mga balay sa inyong igsoong babaye, o sa mga balay sa inyong uyoan sa amahan, o sa mga balay sa inyong iyaan sa amahan, o sa mga balay sa inyong uyoan sa inahan, o sa mga balay sa inyong iyaan sa inahan, o sa unsay inyong gipanag-iyahan nga mga yawe, o sa inyong higala (nga mga balay). Walay sala kaninyo kon magkaon kamo nga managkauban o maglain. Busa kon kamo mosulod sa mga balay, paghatag ug mga pagtimbaya sa kalinaw (sa pag-ingon ug: as-salamu alaykum - ang kalinaw maanaa kaninyo), nga usa ka pagtimbaya gikan sa Allah, mapanalanginan (ug) maayo, sa ingon niana si Allah nagpatin-aw kaninyo sa mga Bersikulo aron kamo makasabut.

Ang mga magtutuo mao lamang kadtong mituo sa Allah ug sa Iyang Mensahero (Muhammad), ug sa diha nga sila uban kaniya sa pipila ka komon nga butang, sila dili mobiya hangtud nga sila mangayo sa iyang pagtugot; sa pagkatinuod sila nga nangayo sa imong pagtugot mao ang mga mituo sa Allah ug sa Iyang Mensahero. Busa sa diha nga sila mangayo sa imong pagtugot alang sa ilang mga bulohaton, paghatag ug pagtugot kang bisan kinsa nga imong gusto kanila, ug pangayo ug Kapasayloan alang kanila gikan sa Allah (Dios); sa pagkatinuod ang Allah mao ang Labing Mapasayloon, Labing Maluluy-on.

Ayaw himoa ang pagtawag sa Mensahero (sa Allah) kaninyo nga sama sa inyong pagtawag sa usag-usa, ang Allah sa pagkatinuod nahibalo kung kinsa kaninyo ang namiya ubos sa kapasilonganan (nga walay pagtugot sa pagbiya gikan sa Mensahero), busa himoa nga sila magbantay sa kinsay mosupak sa iyang (Propeta) sugo, tingali unya ang pipila ka pagsulay mahitabo kanila [niini nga kinabuhi] o usa ka masakit nga silot [sa sunod].

Hibaloi, sa pagkatinuod Iya sa Allāh (lamang) ang bisan unsa nga anaa sa mga langit ug sa yuta, Siya nahibalo gayud sa unsay anaa kaninyo (nga pagtuo, kawalay pagtuo, o pagkasalingkapaw), ug sa Adlaw nga sila ibalik ngadto Kaniya, Siya magpahibalo kanila sa unsay ilang gibuhat, ug ang Allah Nahibalo sa tanang butang.

Himayaon ang (Allah) Nga Maoy nagpakanaog sa Sukdanan (aron sa pag-ila tali sa husto ug sayop - ang Qur’an) ngadto sa Iyang ulipon (ang Propeta Muhammad) aron siya mahimong tigpasidaan sa mga Katawhan ug Jinn.

Si Allah mao' ang Usa nga nanag-iya sa gingharian sa mga langit ug yuta, kinsa wala pa gayud makabaton ug bisan unsa nga kaliwat, ni Siya adunay kauban sa pagdumala sa gingharian. Gilalang niya ang tanan butang, ug Iya nang gipahamtang ang kapalaran niini.

Apan (sila) manag-simba ug mga diyos-diyos gawas Kaniya, nga pulos walay lalang nga bisan unsa, samtang sila sa ilang kaugalingon mao gilalang. Dili usab sila makapanalipod o makabenepisyo sa ilang kaugalingon. Ni makontrol nila ang kinabuhi, kamatayon, o pagkabanhaw.

Ug sila nga naglimod (sa Kamatuoran) Ingna: "Kini (Qur'an) walay lain gawas sa usa ka bakak nga iyang (Muhammad) gimugna, ug ang ubang mga tawo mitabang kaniya niini." Sa pagkatinuod sila nakahimo ug inhustisya ug (nakasulti) ug kabakakan.

Ug sila ingna: "(Kini) Mga bakak sa mga karaan nga iyang gisulat, ug kini ilang gibasa ngadto kaniya sa buntag ug gabii."

Isulti: "Kini (Qur’an) gipadayag sa (Allah) nga Maoy nasayod (sa matag) tinago sulod sa mga langit ug sa yuta, sa pagkatinuod Siya Mapasayloon, nga Maluluy-on.

Ug sila miingon: "Unsay nahitabo niini nga Mensahero (Muhammad) nga siya mokaon man ug pagkaon ug magsuroysuroy sa mga merkado, nganong wala man gipadala ang usa ka anghel uban kaniya, aron siya mahimong usa ka tigpasidaan uban kaniya?"

O (nganong wala man) ang bahandi gipadala ngadto kaniya, o siya gihimo nga adunay usa ka tanaman nga diin siya makakaon? Ug ang mga mamumuhat sa kadautan (pagano, magmilimod) nag-ingon: "Wala kamoy gisunod gawas sa usa ka tawo nga ubos sa epekto sa salamangka.”

Tan-awa kun unsa ang panag-ingnan nga ilang gipakita alang kanimo (oh Muhammad), mao nga sila nahisalaag ug dili makakita ug dalan (ngadto sa tinuod nga Giya).

Bulahan Kaniya (Allah), nga diin kon Iya gayong pagabut-on, (Siya) mohatag kaninyo sa labing maayo pa kay niana, mga tanaman nga sa ilalom niini nagdagayday ang mga suba, ug Siya magahatag kaninyo ug mga palasyo.

Apan ilang gilimod ang (Katapusang) Takna, ug Kami nag-andam ug nagdilaab nga Kalayo alang kaniya nga nagdumili sa Takna (sa Kalaglagan).

Sa diha nga kini (ang Kalayo sa Imperno) makakita kanila (ang mga pagano, manmilimod) gikan sa halayo nga dapit, sila makadungog sa mapintas nga kapungot ug sa pagngulob niini.

Ug sa diha nga sila itambog ngadto sa usa ka masigpit nga dapit niini, nga ginapus sa mga tanikala, didto sila mag-ampo alang sa kamatayon.

Ayaw pagtawag niini nga Adlaw alang sa usa ka kamatayon, apan pagtawag alang sa daghang mga kamatayon.

Isulti (Oh Muhammad) : "Kana ba (silot) maayo o ang nagpabilin nga paraiso nga gisaad ngadto kanila nga mga matarung? Kini alang kanila usa ka ganti ug padulngan.”

Maangkon nila sa sulod niini ang ilang gitinguha, nga magpabilin niini sa kahangtoran; kini usa ka dili mapakyas nga Saad gikan sa imong Ginoo (Allah).

(Hisguti) ang Adlaw nga sila Iyang tigomon (nga mga tigsimbag diosdios), ug ang bisan unsa nga ilang gisimba gawas sa Allāh[1]. Siya moingon: "Kamo ba ang nagpahisalaag kanila, kadtong Akong mga ulipon (sa katawhan ug sa jinn), o sila lang ba sa ilang kaugalingon ang nangasalaag gikan sa Dalan (sa Islam)?" ——— [1] Mga anghel sama sa balaang espiritu, mga propeta sama ni Hesukristo, mga santos sama ni Maria, ug jinn, ug uban pa.

Sila moingon: "Ang Paghimaya kanimo (O Allah); dili (angay) alang kanamo nga magkuha ug mga ginoo (mga manluluwas, mga agalon) gawas Kanimo, apan Imong gitugotan sila ug ang ilang mga katigulangan nga makatagamtam (sa mga kaharuhay sa kalibutanong kinabuhi) hangtud nga sila nakalimot sa Pahinumdom, ug sa ingon niana nahimong usa ka katawhan sa hingpit nawala.

Busa ilimod nila kamo mahitungod sa unsay inyong gisulti, unya kamo (O mga tigsimbag diosdios) dili makapalikay (sa Silot) ni makakuha og tabang, ug bisan kinsa kaninyo nga makahimo og inhustisya[2], Kami mopatilaw kaniya sa hilabihan nga Silot. ——— [2] Pinaagi sa pagbutang ug kauban sa Allah ug mamatay sa ingon niana.

Kami wala magpadala una kanimo (oh Muhammad) ug bisan unsa nga mga Mensahero apan sila sa pagkatinuod nagakaon ug kalan-on ug nagsuroysuroy sa mga merkado; ug Kami naghimo sa pipila kaninyo nga usa ka pagsulay alang sa uban; busa kamo ba magpailob? Ug ang imong Ginoo (Allah) mao ang Labing Makakita sa tanan.

Sila nga wala maglaum sa pagsugat Kanato, nag-ingon, "Nganong wala man ipadala ang mga anghel nganhi kanato, o [nganong wala kita] makakita sa atong Ginoo (Allah)?" Sa pagkatinuod, sila nadala sa ilang pagkamapahitas-on ug hingpit nga milabaw sa tanan nga mga limitasyon.

Sa Adlaw nga ilang makita ang mga anghel, walay kalipay nianang Adlawa alang sa mga dautan, ug sila (mga anghel) moingon: "Kini (ang maayong balita) hingpit nga gidili kaninyo (Oh manmilimod)."

Ug Kami mupadayon ngadto sa unsay ilang nabuhat nga (maayo unta) nga mga buhat, ug Kami maghimo niini nga sama sa nanggikatag ug naglutaw nga abog[3]. ——— [3] Ingon nga kini kulang sa tanan nga pagkasinsero ug pagtuo sa Pagkausa sa Allah.

Ang mga pumoluyo sa Paraiso nianang Adlawa maanaa sa mas maayong puloy-anan, ug mas maayong dapit nga kapahulayan.

Ug [hinumdomi] ang Adlaw sa dihang ang langit maabli uban sa (puti) nga mga panganod, ug ang mga anghel igapakanaog, nga manaug sunod sa usa.

Ang tinuod nga Pagbulot-an nianang Adlawa mahiangay nga Iya (lang) sa (Allah) ang Labing Madagayaon, ug kini usa kamalisud nga Adlaw alang sa mga manmilimod.

Ug sa Adlaw nga ang mamumuhat sa daotan (pagano, manmilimod) mopaak sa iyang mga kamot [sa depresyon], nga mag-ingon: "Oh! Unta ako mikuha ug Dalan (ngadto sa Allah) uban sa Mensahero (Muhammad)."

Alaut ako! Maayo pa unta nga wala (nalang) ako magkuha sa ingon niana isip usa ka nga higala!

Sa pagkatinuod iya akong gipahisalaag gikan sa Pahinumdom (Qur'an) human kini miabot kanako, kay si Satanas mabudhion sa tawo.

Ug (nianang Adlawa) ang Mensahero (Propeta Muhammad) moingon: "(O Allāh) akong Ginoo, sa pagkatinuod ang (pipila sa) akong katawhan nag-isip niini nga Qur'an isip usa ka butang nga gibiyaan.

Ug sa ingon niana Kami naghimo alang sa matag Propeta ug usa ka kaaway gikan sa mga dautan, ug Igo na ang imong Ginoo (Allah) ingon nga usa ka Giya ug Magtatabang.

Ug sila nga milimod (sa Among mga Pinadayag) nag-ingon: "Ngano nga ang Qur'an wala gipadala ngadto kaniya sa makausa?" Sa ingon niini (kini gipadayag), aron Kami makapalig-on sa imong kasingkasing pinaagi niini, ug Among gipadayag kini sa maayong pagkahan-ay sa mga hugna.

Ug sila dili moanha kanimo uban ang analohiya [o argumento] gawas nga Kami nagdala kanimo sa kamatuoran ug usa ka maayong katin-awan.

Kadtong pagatigumon sa Impyerno [naghapa] sa ilang mga nawong - sila mao ang labing ngil-ad sa kahimtang, ug labing nahisalaag gikan sa (husto) nga Dalan (sa Islam).

Ug sa pagkatinuod Kami mihatag kang Moises sa Kasulatan (Torah), ug Kami mitudlo uban kaniya sa iyang igsoon nga si Aaron ingon nga usa ka magtatabang.

Unya Kami miingon: "Lakaw ngadto sa mga tawo nga nagsalikway sa among mga Timaan". Unya Kami milaglag kanila (ang mga manlilimod) uban sa bug-os nga kalaglagan.

Maingon man ang katawhan ni Noe, sa diha nga sila nagdumili sa mga Mensahero, Kami naglumos kanila, ug Kami naghimo kanila nga usa ka Timaan (ug pagtulon-an) alang sa katawhan, ug Kami nag-andam ug usa ka sakit nga Silot alang mga mamumuhat ug daotan,

Maingon man (Among gilaglag) ang (mga tribo sa) ‘Aad ug Thamud ug ang mga pumoluyo sa Rass ug ang daghan nga mga kaliwatan tali kanila,

Ug ang matag usa [kanila] Kami nagbutang ug usa ka sambingay [ingon nga usa ka pasidaan] ug ang matag usa [kanila] among gilaglag uban ang [hingpit nga] kalaglagan.

Ug sa pagkatinuod sila miagi sa lungsod (sa Sodoma), nga diin gipaulanan ug dautang ulan (sa mga bato), wala ba sila makakita niini? Hinunoa, sila wala maglaum nga mabanhaw pa (gikan sa mga patay).

Ug sa diha nga sila makakita kanimo [Oh Muhammad], sila nagtagad kanimo sa [usa ka paagi uban ang] pagbiaybiay [nga nag-ingon]: "Kini ba ang gipadala ni Allah ingon nga usa ka Mensahero?"

Hapit na unta kita niya papahawaon gikan sa atong mga dios, kon wala pa unta kita nagpailub sa [pagsimba] kanila (ang mga diosdios)!" Apan sila (ang mga manlilimod) makaila, inigkakita nila sa silot, kinsa ang nahisalaag pa gikan sa [matarong] nga dalan!

Imo bang nakita kadtong usa nga naghimo sa iyang (kawang) nga tinguha ingon nga iyang dios? Mahimo ka ba nga usa ka Giya ngadto kaniya?

O kamo ba naghunahuna nga ang kadaghanan kanila naminaw o nakasabot? Sa pagkatinuod dili. Kondili sama lamang sila sa mga kahayupan, hinoon, sila labaw pa nga nahisalaag sa dalan (kay sa mga mananap).

Wala ba ninyo mahunahunaan (kung giunsa sa Allah) nga imong Ginoo pagpalapad sa landong? Ug kong gibuot pa Niya, Iya unta kining gihimong [magpabilin] nga dili molihok; unya Among gihimo ang adlaw nga giya niini.

Pagkahuman , Amo kining gikuha ngadto sa Among kaugalingon - sa hinayhinay.

Ug Siya (Allah) mao ang naghimo sa kagabhion ingon nga usa ka tabon, (nagtabon ug nagtago kaninyo sa iyang kangitngit), ug ang pagkatulog [ingon nga usa ka paagi] sa pagpahulay, ug [Siya naghimo sa adlaw sa pagsubang (ug sa pagpangita sa (inyong) panginabuhian).

Ug Siya mao ang nagpadala sa mga hangin ingon nga maayong balita sa Iyang kalooy (ang ulan), ug Kami (Allah) nagpadala ug putli nga tubig gikan sa langit,

Aron Kami maghatag ug kinabuhi pinaagi niini ngadto sa usa ka patay 'apuli' nga yuta, ug ilimnon sa tanan nga Among linalang gikan sa mga mananap maingon man sa daghang katawhan.

Ug sa pagkatinuod, Kami nag-apod-apod niini [ang ulan o tubig] ngadto kanila aron sila makahinumdom[sa panalangin ni Allah], apan kadaghanan sa mga tawo nagbalibad (sa pagdawat sa bisan unsa) gawas pagpadayon sa paglimod ug pagkadili mapasalamaton.

Ug kon Among gustohon, ipadala unta namo ang usa ka tigpasidaan sa matag lungsod.

Busa ayaw pagtuman ang mga manlilimod, ug panlimbasug pag-ayo batok kanila pinaagi niini (Qur'an) uban sa tumang pagpanlimbasug.

Ug Siya (Allah) ang nagpagawas (nga dungan) sa duha ka dagat (mga lawas sa tubig), ang usa presko nga tam-is ug ang usa parat nga pait, ug Iyang gibutang sa ilang taliwala nila [sa duha ka matang sa tubig] usa ka babag [busa sila dili maga-lapas ang usa ngadto sa usa).

Ug Siya (Allah) mao ang nagbuhat sa tawo gikan sa tubig (semilya), unya Siya naghimo alang kanila ug mga relasyon pinaagi sa dugo ug kaminyoon, ug ang 'Allah' imong Rabb (Ginoo) mao ang Kanunay nga Gamhanan.

Ug sila nagsimba gawas sa Allah nga dili makahatag og kaayohan kanila o makadaut kanila; ug ang manlilimod kanunay nga magtatabang [ni Satanas] batok sa iyang Ginoo (Allah).

Kami wala magpadala kanimo gawas nga magsasangyaw sa maayong balita (sa walay katapusan nga Kalipay), ug ingon usa ka tigpasidaan (sa Silot sa Dios).

Isulti: "Wala ako mangayo kaninyo ug bisan unsa nga balos alang niini [Mensahe) gawas nga siya makagusto, mosubay sa (tul-id) nga Dalan ngadto sa iyang Ginoo (Allah)."

Salig sa (Allah lamang nga) ang Walay Katapusan nga Buhi, Nga dili mamatay, ug maghimaya (Kaniya uban sa) Pagdayeg. Igo na Siya (Allah) ingon nga Nasayod sa mga sala sa Iyang mga ulipon (sa katawhan ug jinn),

˹Siya mao˺ ang Usa nga naglalang sa mga langit ug sa yuta ug sa unsay anaa sa taliwala niini sulod sa unom ka mga Adlaw, unya Siya mikayab ug bangon sa ibabaw sa Trono (sa paagi nga nahiangay sa Iyang Kahalangdon). ˹Siya˺ ang Labing Madagayaon! Pangutan-a ˹walay lain gawas sa˺ Allah ang Labing Kahibalo bahin sa Iyang Kaugalingon (sa Qura'n ug Sunnah).

Ug sa diha nga ingon ngadto kanila: "Hapa ngadto sa (Allah) nga Labing Madagayaon", sila moingon: "Ug kinsa kanang Labing Madagayaon? Mohapa ba kami nianang imong kasugo kanamo?" Ug kini nagdugang lamang sa [dugang] pagsukol [rebelyon] kanila.

Himayaon Siya (Allah) maoy nagbutang sa langit ug dagkong mga bituon ug nagbutang niini ug (nagdilaab) nga suga (ang adlaw) ug usa ka nagdan-ag nga bulan.

Ug Siya (Allah) mao ang nagbuhat sa gabii ug sa adlaw nga nagsunod sa usag-usa alang kaniya nga nagtinguha nga mahimong mahunahunaon (sa Allah) o nagtinguha sa pagpasalamat.

Ug ang (tinuod) nga mga ulipon sa Labing Madagayaon (Allah) mao sila nga naglakaw sa yuta sa pagka mapainubsanon [halangdon ug walay garbo], ug sa diha nga ang mga buang-buang mosulti kanila (mapintas, sa dili husto), sila moingon: "(mga pulong sa) kalinaw.

Ug sila kadtong nga naggahin [bahin sa panahon sa] kagabhion sa ilang Ginoo, nga naghapa ug nagtindog [sa pag-ampo].

Sila nga nag-ingon: "(O Allah) among Ginoo, ipahilayo kami sa Silot sa Impiyerno, sa pagkatinuod kini Silot [nagpabilin] nga gilakip."

Sa pagkatinuod kini [Impiyerno] dautan ngil-ad isip usa ka destinasyon ug puloy-anan.”

Ug sila nga, sa diha nga sila mogasto, dili mausikon ni talamayon, ug (nagpabilin) ​​taliwala niining (duha ka pagpanghinobra) kasarangan nga paagi.

Ug sila nga wala magtawag sa lain gawas (kang) Allah ug dili mopatay sa kinabuhi nga gihimo sa Allah nga sagrado, gawas sa usa ka makatarunganon nga rason, ug (kadtong) wala manapaw, ug siya nga nagbuhat niini makakaplag sa bayad sa iyang sala;

Ang pag-antos doblehon alang kaniya sa Adlaw sa Pagkabanhaw (ug Paghukom), ug siya magpabilin niini diha (Imperno) sa kaulawan,

Gawas kaniya nga naghinulsol, ug mituo, ug nagbuhat sa maayong mga buhat, Si Allah mopuli alang kanila sa ilang dili maayo nga mga buhat sa maayong mga buhat, ug si Allah mao ang Hingpit nga Mapasayloon, Hingpit nga Maluluy-on.

Ug bisan kinsa nga maghinulsol ug magbuhat sa matarung nga mga buhat, sa pagkatinuod siya mobalik ngadto ni Allah uban sa [tibuok kasingkasing] paghinulsol.

Ug [sila] mao kadtong wala magsaksi sa bakak, ug sa diha sila mahiagi sa mga ka-ka-wangan, sila moagi nga dungganon.

Ug sila (mao) kadtong, sa diha nga gipahinumduman sa mga Bersikulo sa ilang nga Ginoo (Allah), dili mahulog nga bungol ug buta niini.

Ug sila (mao) kadtong nga nag-ingon: "(O Allah) among Ginoo, hatagi kami gikan sa among mga asawa, ug mga kaliwat nga mahimong kalipay sa among mga mata, ug himoa kami nga mga giya alang sa mga matarong."

Kini sila mao ang pagagantihan sa labing taas nga mga dapit (sa Paraiso) alang sa ilang pasensya, ug pagasugaton didto uban sa mga pagtimbaya sa pag-abiabi ug sa pulong sa kalinaw.

Sila magpabilin didto sa 'Paraiso' hangtod sa kahangtoran. Kini usa ka maayo kaayo nga destinasyon ug lugar nga kapuy-an.

Isulti: "Ang akong Ginoo (Allāh) dili maghatag ug pagtagad ngadto kaninyo kung dili pa tungod sa inyong mga pag-ampo, Apan karon kamo sa pagkatinuod nagsalikway niini "ang pagtuo sa Islam". Nan ang silot mamainyo ug magpabilin uban kaninyo (sa kahangturan).

Ta Seen Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Kini mao ang mga Bersikulo sa tin-aw nga Libro (Qur'an).

Tingali nagsubo ka sa imong kaugalingon hangtod sa kamatayon uban ang kasubo, tungod sa ilang kawalay pagtuo.

Kun Kami mobuot, Kami makapadala kanila gikan sa langit ug usa ka Timaan nga diin sila moduko sa ilang mga liog sa pagpaubos.

Ug sa bisan unsa nga miabut kanila ang usa ka Pahinumdom (Qur'an) ingon nga usa ka bag-ong Pinadayag gikan sa Labing Madagayaon (Allah) apan sila (nga mga misalikwayon) motalikod gikan niini.

Sila sa pagkatinuod naglimod (sa Kamatuoran), busa ang balita sa ilang gibugalbugalan moabut kanila sa dili madugay.

Wala ba nila makita ang yuta, unsa kadaghan sa matag halangdon nga matang sa tanum nga Among gipa-tubo niini?

Sa pagkatinuod, adunay usa ka timaan niini, apan kadaghanan kanila dili mutuo.

Ug sa pagkatinuod ang imong Ginoo (Allah) mao ang Labing Gamhanan, ang Labing Maloloy-on.

Ug (hisguti) sa diha nga ang imong Ginoo (Allah) mitawag kang Moises, nga nag-ingon: "Lakaw ngadto sa mga dili matarung nga mga tawo",

Ang katawhan ni Paraon.Dili ba sila mahadlok kang Allah ug maglikay sa dautan?"

(Si Moises) miingon: "(O Allah) akong Ginoo, sa pagkatinuod ako nahadlok nga sila maglimod kanako,

Ug maghuot ang akong dughan ug dili makasulti ang akong dila sa klaro; busa ipadala si Aaron (aron sa pagtabang kanako)",

Ug sila adunay pasangil (usa ka kaso sa pagpatay) batok kanako, busa ako nahadlok nga sila mopatay kanako.

(Ang Allah) miingon: "Dili, lakaw kamong duha uban sa Among mga Timaan; sa pagkatinuod Kami uban kaninyo, nga magpatalinghug",

Ug adto kang Paraon ug isulti: "Sa pagkatinuod kami ang mga Mensahero sa (Allah), ang Ginoo sa tanan nga linalang".

Busa ipadala uban kanamo ang mga anak (kaliwatan) sa Israel.

(Si Paraon) miingon: Dili ba kami maoy nag-patubo kanimo gikan sa pagkabata ipon kanamo; ug ikaw mipuyo ipon kanamo sa hataas nga manga katuigan?

Ug imong gibuhat (kana) nga imong nabuhat (nga mao ang pagpatay ug tawo), ug ikaw na dili mapasalamaton.

Si [Moises] miingon: “Gibuhat ko kana niadtong higayona samtang ako kauban niadtong nahisalaag [i.e., ignorante, sa wala pa moabut ang pagpadayag ngadto kanako].

Busa ako mikalagiw gikan kaninyo sa diha nga ako nahadlok kaninyo, ug ang akong Ginoo (Allah) mihatag kanako sa paghukom (kaalam ug Pagkapropeta) ug mitudlo kanako isip usa sa mga Mensahero.

Ug kini ba usa ka pabor nga imong gipahinumdum kanako, nga imong giulipon ang mga anak sa Israel?

Si Paraon miingon: Ug unsa kanang Ginoo sa mga linalang?

Si (Moises) miingon: (Siya mao ang Allah) ang Ginoo sa mga langit ug sa yuta ug sa unsay anaa sa taliwala kanila, kon buot kang makasiguro.

(Si Paraon) miingon sa mga nag-palibot kaniya; "Wala ba kamo makadungog?"

(Si Moises) miingon: "(Siya usab) ang inyong Ginoo, ug ang Ginoo sa inyong mga katigulangan."

(Si Paraon) miingon: "Sa pagkatinuod ang inyong Mensahero nga gipadala nganha kaninyo nabuang.

(Si Moises) miingon: "(Ang Allah mao) ang Ginoo sa Sidlakan ug Kasadpan ug sa unsay anaa taliwala niini, Kon kamo aduna pay salabutan.

(Si Paraon) miingon: "kon ikaw mokuha (moila) ug laing dios gawas kanako, sa pagkatinuod ibutang ko ikaw sa prisohan."

(Si Moises) miingon: "Bisan pa ba kon ako makadala kanimo dayag nga timaan?

(Si Paraon) miingon: Nan dad-a kini, kon ikaw nag-sulti sa matood.

Busa (si Moises) miitsa sa iyang sungkod, ug sa diha nahimong dayag nga bitin,

Ug iyang gituy-od ang iyang kamot, ug tan'awa kini nahimong puti (uban sa kahayag) ngadto sa mga maga-lantaw.

Si Paraon miingon ngadto sa panagtigom sa mga halangdon nga nagalibot kaniya: Sa pagkatinuod kini usa ka hanas nga salamangkero,

Nga buot mopahilayo kaninyo gikan sa inyong yuta pinaagi sa iyang salamangka, unsa na man ang inyong ikatambag?

Sila miingon: "Hatagi siya (Moises) ug ang iyang igsoon nga lalake (Aaron) ug lugway, ug ipadala ang mga tigtawag ngadto sa mga siyudad,"

Nga ilang dad-on kanimo ang matag hanas nga salamangkero.

Busa ang mga salamangkero nanagtigum nga tingub (silang tanan) sa iladong panahon sa natudlong adlaw,

Ug kini giingon ngadto sa katawhan: "Magatigum ba kamo nga managkauban?"

Nga kita mosunod sa mga salamangkero, kon sila mao ang mga mananaog.

Sa diha nga ang mga salamangkero ming-abut, sila miingon kang Paraon: "Makadawat ba kami ug suhol kong kami ang magmadaugon?"

Siya miingon: Oo, ug kamo sa walay pagduhaduha kamo mahiipon kanila nga mga duol (ngari kanako)."

Si Moises miingon kanila: Iitsa ang buot ninyo iitsa.

Busa ilang gi-itsa ang ilang mga pisi ug ang ilang mga sungkod ug miingon: Pinaagi sa gahum ni Paraon, kita maoy siguro nga dumadaog.

Unya si Moises miitsa usab sa iyang sungkod ug tan'awa kini milamoy sa tanan nilang giimbento.

Ug ang mga salamangkero nangatumba nga naghapa;

Sila miingon: "Kami mituo sa (Allah) ang Ginoo sa tanan nga linalang,"

Ang Ginoo ni Moises ug Aaron.

(Si Paraon) miingon: Kamo mituo kaniya (Moises) sa wala pa ako mohatag kaninyo sa pagtugot; sa pagkatinuod siya mao ang inyong pangulo nga nagtudlo kaninyo sa salamangka, busa kamo mahibalo sa dili madugay: Sa pagkamatuod akong pagaputlon ang inyong mga kamot ug ang inyong mga tiil sa managkaatbang nga bahin, ug sa pagkamatuod igalansang ko kamong tanan sa krus.

Sila miingon: "Walay kadaot (niini kanamo), sa pagkatinuod ngadto sa (Allah nga) among Ginoo kami mobalik;

Sa pagkatinuod kami naglaum nga (ang Allah) nga among Ginoo mopasaylo kanamo sa among mga kasaypanan - ingon nga kami ang nauna sa mga magtotoo.

Ug Kami nagpadayag kang Moises, nga nag-ingon: Lakaw uban sa Akong mga ulipon sa gabii, sa pagkatinuod kamo paga-gukdon.

Busa si Paraon nagpadala ug mga tigpahibalo ngadto sa mga kalungsoran;

Sa pagkatinuod, sila 'ang mga Israelita' usa ka gamay nga pundok;

Ug sa pagkatinuod sila nakapasuko kanamo;

Ug sa pagkatinuod kita usa ka nasud nga mabinantayon, hingpit nga andam ngà abtik ug andam batok sa bisan unsang kalisang.

Busa Kami miabog kanila (mga tawo ni Paraon) gikan sa manga tanaman ug manga tuburan.

Ug (gikan sa) mga bahandi nga ngkadaiya, ug puloy' anan nga ma-anindot.

Busa mao kana, ug gipahinabo Namo nga mapanunod kini sa mga anak sa Israel.

Unya sila (si Paraon ug ang iyang mga panon) migukod kanila (mga anak sa Israel) sa pagsubang sa adlaw.

Busa sa diha nga ang duha ka panon nagkita sa usag usa, ang mga kaubanan ni Moises nanag-ingon: Sa tinooray kita madakpan.

(Si Moises) miingon: "Dili mahitabo, sa pagkatinuod (ang Allah) ang akong Ginoo uban kanako - Siya mugiya kanako".

Unya Kami mipadayag kang Moises: "Ihapak ang imong tungkod sa dagat", busa nabahin kini, ug ang matag-pikas nahimong sama sa dagkong bukid.

Ug Kami naghimo sa ubang panon sa pag-paduol niini,

Ug Among giluwas si Moises ug kadtong uban kaniya, silang tanan.

Unya gilumsan Namo ang uban (ang mga nanggukod).

Sa pagkatinuod, adunay usa ka timaan niini, apan kadaghanan kanila wala nagatuo.

Ug sa pagkatinuod (ang Allah) nga imong Ginoo mao ang Labing Gamhanan, ang Labing Maloloy-on.

Ug ilitok kanila ang sugilanon ni Abraham.

Sa diha nga siya miingon sa iyang amahan ug sa iyang katawhan: "Unsa ang inyong gisimba?"

Sila miingon: "kami nagasimba sa mga dios-dios, ug ngadto kanila kami deboto sa kanunay."

Siya miingon: "Nakadungog ba sila kaninyo sa diha nga kamo mutawag (kanila)?"

O makahimo ba ug Kaayohan sila kanimo o makadaot kanimo?

Sila miingon: "Apan among hingkaplagan ang among mga amahan nga nanagbuhat sa ingon."

(Si Abraham) miingon: "Kamo ba naghunahuna kon unsa ang inyong gisimba?"

Kamo ug ang inyong karaang mga amahan (mga katigulangan).,

Sa pagkatinuod sila mga kaaway nganhi kanako, gawas sa Ginoo sa tanang linalang (Allāh);

Nga maoy naglalang kanako, ug Siya nag-giya kanako.

Siya maoy naghatag kanako ug kalan'on ug ilimnon.

Ug sa diha nga ako masakiton, Siya mao ang nagaayo kanako.

Ug maoy magpahinabo nga ako mamatay, unya maghatag kanakog kinabuhi pag-usab (maga-banhaw kanako).

Ug naglaum nga Siya maga-pasaylo kanako sa akong kasay-panan sa adlaw sa paghukom.

(O Allah) akong Ginoo: ihatag kanako ang saktong paghukom ug himoa nga ako mahiipon sa manga matarong.

Ug hatagi ako ug maayong paghisgot (pahinumdom) sa ulahing mga kaliwatan.

Himoa akong manununod sa Tanaman sa Kabulahanan.

Pasayloa ang akong amahan, kay sa pagkatinuod siya nasalaag.

Ug ayaw ako pakaulawi sa Adlaw nga sila pagabanhawon (gikan sa mga patay).

Sa Adlaw nga diin ang bahandi dili magapulos, ni ang mga anak,

Gawas lamang kaniya nga maga-abot sa Allah nga adunay maayong kasingkasing (gawasnon gikan sa pagsimbag diosdios ug pagpakaaron-ingnon).

Ug ang Paraiso ipaduol niadtong mga matarung,

Ug ang Kalayo sa Impiyerno mahimong dayag ngadto sa mga nagtipas,

Kanila igapangutana: Hain naman ang kadtong inyong gisimba kaniadto?

Gawas sa Allah? Makatabang ba sila kaninyo o makatabang sa ilang kaugalingon?"

Busa sila igatambog didto (sa Imperno), sila (ang mga dios-dios) ug ang mga nahisalaag,

Ug ang mga panon ni Iblees (satanas), silang tanan.

Sila moingon samtang sila nagbasol sa usag-usa niini ug maga lalis,

Pinaagi sa Allah! Sa pagkatinuod kita anaa sa dayag nga kasaypanan,

Sa diha nga gihimo namo kamo nga katumbas sa (Allāh) nga Ginoo sa tanan nga linalang;

Ug walay bisan kinsa gawas nga ang mga daotan nagpahisalaag kanamo;

Busa Karon, walay mga tigpataliwala alang kanamo.

Ni tinuod nga higala;

Oh, kon aduna pa unta kamiy higayon nga makabalik (sa kalibutan), muuban gayud kami sa mga magtotoo!

Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod ang imong Ginoo (Allah) mao ang Labing Gamhanan, ang Labing Maloloy-on.

Ang mga tawo ni Noe nagdumili sa mga Mensahero (sa Allah).

Sa diha nga ang ilang igsoon nga si Noe miingon kanila: "Dili ba kamo Magmanggihadlukon sa Allah (ug maglikay batok sa kadautan)?"

Sa pagkatinuod ako usa ka matinud-anon nga Mensahero nganha kaninyo;

Busa kahadloki ang Allah ug tumana ako.

Ug wala ako mangayo kaninyo ug bisan unsa nga bayad alang niini 'Mensahe'; ang akong ganti anaa lamang sa (Allah) nga Ginoo sa tanan nga linalang,

Busa kahadloki ang Allah ug tumana ako.

Sila nag-ingon: "Magatoo ba kami kanimo samtang ang labing ubos (sa mga tawo) ang misunod kanimo?"

Siya mitubag: "Wala akoy kahibalo sa ilang mga buhat kaniadto."

Ang ilang husay anaa lamang sa (Allah) nga akong Ginoo, kon inyo (lamang unta) kining masabtan.

Dili ako maga-abog sa mga magtotoo;

Ako usa lamang ka dayag tigpasidaan (sa Silot alang kang bisan kinsa nga nagbutang ug bisan unsang kauban sa Allah ug nagbuhat ug daotan).

Sila miingon: "Kong ikaw dili magahunong O Noe, Kami maga-bato kanimo sa kamatayon.

Siya miingon: "(O Allah) akong Ginoo, ang akong katawhan nagsalikway kanako."

Busa paghukom tali kanako ug kanila uban sa (matarong) nga paghukom, ug luwasa ako ug sila nga uban kanako nga mga magtotoo (sa Kamatuoran).

Busa Among giluwas siya ug kadtong uban kaniya sa kargado nga barko.

Unya Among gilumsan ang uban.

Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod ang imong Ginoo (Allah) mao ang Labing Gamhanan, ang Labing Maloloy-on.

Ang tribo sa 'Aad nagdumili sa mga Mensahero (sa Allah).

Sa diha nga ang ilang igsoon nga si Hud miingon kanila: "Dili ba kamo nahadlok kang Allah (ug magbantay batok inyong kaugalingon sa kadautan)?"

Sa pagkatinuod ako usa ka matinud-anon nga Mensahero nganha kaninyo;

Busa kahadloki ang Allah ug tumana ako.

Ug dili ako mangayo kaninyo ug bisan unsa nga balus alang niini; sa pagkatinuod ang akong ganti anaa lamang sa (Allah) ang Ginoo sa tanan nga linalang.

Nagtukod ba kamo og bantayog sa matag habog (nga dapit)? Kawang (lamang) kanang unsay inyong gibuhat:

Ug naghimo kamo ug lig-on nga mga gambalay aron tingali kamo molungtad sa kahangturan.

Ug sa diha nga kamo motapion sa mga kamot (sa mga tawo), kamo motapion sa mga kamot (sama sa) mga mapintas nga mga pangulo;

Busa kahadloki ang Allah ug tumana ako.

Ug Kahadloki Siya (Allah) nga naghatag kaninyo ug kadagaya sa unsay inyong nahibaloan.

Gihatagan niya kamo ug daghang kahayupan ug mga anak,

Ug mga tanaman ug mga tubod;

Sa pagkatinuod ako nahadlok alang kaninyo sa silot sa usa ka makalilisang nga Adlaw.

Sila miingon: Kini managsama lamang (alang) kanamo, kon ikaw magasangyaw o dili."

Kini walay lain gawas sa bakak nga mga sugilanon sa mga karaang katawhan;

Ug dili kami pagasilotan.

Busa sila milimod kaniya, unya Kami naglaglag kanila. Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod (ang Allah) nga imong Ginoo mao ang Labing Gamhanan, ang Labing Maloloy-on.

Ang tribo ni Thamud midumili sa mga Mensahero (sa Allah).

Sa diha nga ang ilang igsoon nga lalake nga si Salih miingon kanila: "Dili ba kamo mahadlok Kang Allah (ug magbantay sa inyong kaugalingon batok sa dautan)?"

Sa pagkatinuod ako usa ka matinud-anon nga Mensahero nganha kaninyo.

Busa kahadloki ang Allah ug tumana ako.

Ug wala ako mangayo kaninyo ug bisan unsa nga balus alang niini "Mensahe'; ang akong ganti anaa lamang sa (Allah) ang nga Ginoo sa tanan nga linalang:

Magapabilin ba kamo nga luwas tungod sa inyong naangkon karon?

Sa mga tanaman ug mga tubod,

Ug ang mga umahan sa mais ug mga kahoyng palmera nga adunay maayong mga bunga?

Ug kamo pagkulit ug mga balay gikan sa mga kabukiran uban ang dakong kahanas.

Busa kahadloki ang Allah ug tumana ako.

Ug ayaw tumana ang sugo sa mga malinapason,

Nga nagabuhat ug kadautan sa yuta ug wala magbuhat ug matarung.

Ikaw ubos sa usa ka salamangkero nga epekto.”

Ikaw usa lamang ka tawo sama kanamo. Busa pagdala ug timaan kung ikaw nagsulti sa tinuod.

(Si Salih) miingon: "Kini usa ka baye nga kamelyo; alang kaniya adunay (takna sa) pag-inom (gikan sa atabay), ug alang kaninyo adunay (panahon sa) pag-inom, (sa matag usa) nailhan nga adlaw,

Ug ayaw siya hilabti pinaagi sa kadautan, o ang Silot sa usa makalilisang nga Adlaw mosakmit kaninyo.

Apan ilang gipatay kini, unya nahimong nagbasol,

Busa ang kastigo misakmit kanila. Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod ang imong Ginoo (Allah) mao ang Labing Gamhanan, ang Labing Maloloy-on.

Ang mga katawhan ni Lut nagdumili sa mga Mensahero (sa Allah).

Sa diha nga ang ilang igsoon nga si Lut miingon ngadto kanila: "Wala ba kamo mahadlok sa Allah (ug magbantay inyong kaugalingon batok sa daotan)"?

Sa pagkatinuod ako usa ka makasaligan nga Mensahero nganha kanimo;

Busa kahadloki si Allah ug tumana ako.

Ug wala ako mangayo kaninyo ug bisan unsa nga ganti alang niini 'Mensahe'; ang akong ganti anaa lamang sa (Allah) ang Ginoo sa tanan nga linalang;

Mianhi ba kamo (nga may kaibog) sa mga lalaki nga dili sama sa ubang mga binuhat.

Ug naga-biya sa unsay 'Allah' nga inyong Ginoo nga naglalang alang kaninyo aron mahimong inyong mga asawa? Apan dili! Kamo usa ka katawhan nga nagalapas (sa tanan nga mga utlanan).

Sila miingon: "Kung dili ka mohunong, O Lot! Ikaw sa pagkatinuod papahawaon niining dapit."

Siya miingon: "Sa pagkamatood, ako nag-panghimaraut niining inyong buhat.

(O Allah) akong Ginoo! Luwasa ako ug ang akong pamilya gikan sa unsay ilang gibuhat.

Busa Among giluwas siya (Lut) ug ang iyang pamilya, silang tanan;

Gawas lamang sa usa ka tigulang babaye taliwala sa mga nagpabilin (ug namatay).

Unya Kami (Allah) hingpit nga milaglag sa uban.

Ug Kami nagpaulan kanila sa labing mapintas nga ulan (sa mga bato). Unsa ka dautan ang mao nga ulan niadtong mga gipasidan-an.

Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod ang imong Ginoo (Allah) mao ang Labing Gamhanan, ang Labing Maloloy-on.

Ang mga pumoluyo sa kalibonan (ang mga tawo sa Midian) midumili sa mga Mensahero (sa Allah).

Sa diha nga si Shu'aib miingon kanila: "Dili ba kamo mahadlok Kang Allah (ug magbantay sa inyong kaugalingon batok sa dautan)?"

Sa pagkatinuod ako usa ka makasaligan nga Mensahero nganha kaninyo;

Busa kahadloki (si) Allāh Ug tumana ako.

Ug wala ako mangayo kaninyo ug bisan unsa nga bayad alang niini, ang akong ganti anaa lamang sa (Allah) ang Ginoo sa tanan nga linalang;

Ihatag ang bug-os nga takos, ug ayaw ipakunhod (sa sukod) ngadto sa uban,

Ug timbanga (ang mga butang) uban sa makatarunganon nga pagtimbang,

Ayaw ihikaw ang mga katawhan sa ilang mga kabtangan, ug ayaw pagbuhat ug pag-abuso dinhi sa yuta, nagpakaylap sa korapsyon.

Ug pagbantay batok sa (Silot) Niya (Allah) nga maoy nag-lalang kaninyo, ug sa kanhing mga kaliwatan.

Sila miingon: "Ikaw usa lamang sa mga nailalom sa usa ka (salamangka) epekto,

Ug ikaw usa lamang ka tawo nga sama kanamo, ug sa pagkatinuod kami naghunahuna nga ikaw bakakon.

Busa ipakanaug kanamo ang usa ka tipik sa langit, kung nagsulti ka sa tinuod.

(Si Shu'aib) miingon: "Ang akong Ginoo (Allah) labing nahibalo sa inyong gibuhat."

Apan misalikway sila kaniya, busa ang silot sa adlaw sa paglandong mitabon kanila; sa pagkatinuod mao kadto ang Silot sa usa makalilisang nga Adlaw.

Sa pagkatinuod, adunay usa ka timaan niini, apan kadaghanan kanila dili mga magtotoo.

Ug sa pagkatinuod (ang Allah) nga imong Ginoo mao ang Labing Gamhanan, ang Labing Maloloy-on.

Ug sa pagkatinuod kini usa ka Pinadayag nga gipakanaog gikan sa (Allah) ang (tinuod) nga Ginoo sa tanan nga linalang.

Ang kasaligan nga espiritu (Gabriel) mikunsad kuyog niini.

Sa imong kasingkasing (O Propeta Muhammad), aron ikaw mahimong usa sa mga tigpasidaan.

Sa putli nga pinulongang Arabiko.

Ug kini sa pagkatinuod ˹gitagna˺ sa Kasulatan sa mga karaan (nauna).

Dili ba kini usa ka Timaan alang kanila nga ang mga makinaadmanon nga mga tawo sa mga anak sa Israel nahibalo niini?

Ug kung among gipakanaog kini (ang Qur'an) sa bisan kinsa sa mga dili Arabo,

Ug iyang gilitok kini ngadto kanila, sila dili magatoo niini.

Sa ingon niini Kami naghimo niini (ang paglimod sa Qur'an) nga mosulod sa mga kasingkasing sa mga daotan.

Dili sila motuo niini, hangtod nga makita nila ang sakit nga Silot.

Ug kini moabut kanila sa kalit, samtang sila wala makabantay niini;

Ug sila unya maga-ingon; "Dili ba kita pagahatagan ug lugway?"

Nagtinguha ba sila nga ang Among Silot mapadali?

Mahunahunaan na ba ninyo kung tugotan Namo sila nga maglingaw sa ilang kaugalingon sa daghang mga katuigan,

Unya adunay moabut kanila nga diin mao kadto ang gikapasidaan kanila,

Unsang kaayohan ngadto kanila ang tanan nilang karaan nga kalipay?

Kami wala maglaglag sa bisan unsa nga lungsod nga walay tigpasidaan.

Sa pagpahinumdom, ug Kami wala gayud nagpaka dili makiangayon.

Ug ang mga yawa wala nagdala niini (kining Qur'an).

Kini dili alang kanila 'ang pagbuhat sa ingon', ni sila makahimo (sa pagbuhat sa sama niini).

Sa pagkatinuod sila gipahilayo sa pagdungog sa bisan unsa (gikan sa langit).

Busa ayaw pagsangpit ug lain nga dios gawas sa Allah, kay unya kamo maapil sa mga gipangsilotan.

Busa pasidan-i ang imong labing duol nga kabanay (sa nagsingaboy nga silot sa Allah).

Ug pagmabination ngadto kaniya nga nagasunod kanimo gikan sa mga magtotoo.

Apan kon sila magasupak kanimo, ingna sila; Gawas ako nianang inyong gipanghimo.

Ug salig sa (Allah lamang) ang Labing Makagagahum, ang Labing Maloloy-on,

Nga nakakita kanimo sa imong pagtindog (ug pag-ampo).

Ug sa tanan nimong mga lihok uban niadtong nagpaubos nga naghapa (sa atubangan sa Allah).

Sa pagkatinuod Siya mao ang Labing Makadungog sa Tanan, ang Nakahibalo sa Tanan.

Mopahibalo ba ko kaninyo kang kinsa ang mga yawa mukanaog?

Sila nanaug sa matag makasasala nga bakakon,

Sila naminaw sa tago, ug ang kasagaran kanila mga bakakon.

Ug alang sa mga magbabalak, sila gisundan ˹lamang˺ sa mga tigtipas.

Wala ba nimo makita nga sila naglatagaw nga walay tumong sa matag walog (dapit).

Ug nga sila nagsulti sa unsay wala nili buhata,

Gawas niadtong (mga magbabalak nga) mituo ug nagbuhat sa matarung nga mga buhat, ug kanunay naghinumdom sa Allah, ug depensahan sa ilang mga kaugalingon human sila napasakitan; ug kadtong dili makiangayon sa dili madugay mahibalo kun sa unsa nga dapit sila pagabalihon.

Ta-seen[1]. Kini mao ang mga Bersikulo sa Qur'an ug usa ka klaro nga Libro. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Usa ka Giya ug maayong balita alang sa ang mga magtotoo,

Sila nga nagmakanunayon sa Pag-ampo ug nagbayad sa Zakah (Obligado limos) ug adunay sigurado nga pagtuo sa Pikas Kinabuhi.

Mahitungod sa mga wala motuo sa sunod nga Pikas kinabuhi, Kami sa pagkatinuod naghimo sa ilang 'dautan' mga buhat nga nindot tan-awon alang kanila, busa sila naglatagaw nga mga buta.

Kini sila mao ang makabaton sa labing ngil-ad nga pag-antos (niining kalibotana), ug sa Pikas Kinabuhi sila mao ang labing dako nga mga alkansi (pildero).

Ug sa pagkatinuod ikaw nakadawat sa Qur'an gikan 'Allah' ang Labing Maalamon, ang Labing Nahibalo.

Hisguti' sa dihang si Moises miingon sa iyang pamilya: "Sa pagkatinuod ako nakakita ug kalayo; Akong Dad-on kaninyo gikan niini ang pipila ka mga balita, o dad-on ko kaninyo gikan niini ang usa ka nagdilaab nga agipo aron mapainitan ninyo ang inyong kaugalingon.

Busa sa pag-abut niya niini, siya gitawag: "Bulahan ang usa nga duol kalayo, ug bulahan usab ang anaa sa palibot niini; ug Himayaon (si) Allah ang Ginoo sa tanang binuhat.

Oh Moises, sa pagkatinuod Ako kini, ang Allah (Dios), ang Labing Gamhanan, ang Labing nga Maalamon;

I-itsa ang imong sungkod. Busa sa diha nga siya nakakita niini nga nagalihok ingon sa usa ka bitin, siya midagan sa walay pag-lingi.: (Apan kini gikaingon kaniya) Oh Moises! Ayaw kahadlok; sa pagkatinuod ang mga Mensahero wala mahadlok sa Akong Presensya;

Gawas kaniya nga nakasala, ug pagkahuman nag-ilis sa daotan ug maayo (pinaagi sa kinasingkasing nga paghinulsol), nan sa pagkatinuod Ako Mapasayloon, nga Maluluy-on:

Isulod ang imong kamot sa bukha sa imong bisti, mahimo kining puti (uban ang kasilaw) nga walay (sanla o bisan unsa nga) sakit; taliwala sa siyam ka mga ilhanan ngadto kang Paraon ug sa iyang mga tawo, sa pagkatinuod sila mao masupilon nga mga tawo.

Busa sa diha nga ang Among tin-aw nga mga Timaan miabut kanila, sila miingon: "Kini usa ka tin-aw nga salamangka."

Ug sila naglimod niini (ang mga Timaan pinaagi) inhustisya ug pagkamapahitas-on. samtang ang ilang mga kaugalingon miila kanila. Busa lantawa giunsa ang katapusan sa mga kurakot?

Ug sa pagkatinuod Kami naghatag ug kahibalo ngadto kang David ug Solomon, ug silang duha miingon: "ang Pagdayeg iya sa Allah, Nga naghimo kanamo nga mulabaw sa daghan nga Iyang magtutuo nga mga ulipon."

Ug si Solomon nakapanunod (sa kahibalo ni) David, ug siya miingon: "Oh katawhan, gitudloan kami sa pinulongan sa mga langgam, ug gihatagan kami sa tanang mga butang; sa pagkatinuod kini mao ang dayag nga grasya."

Ug ang iyang mga sundalo sa jinn ug sa mga tawo ug ang mga langgam gitigum ngadto kaniya, ug sila nagmastsa nga naglaray.

Hangtud sa pag-abut nila sa walog sa mga hulmigas, usa sa mga hulmigas miingon: "Oh mga hulmigas, sulod sa inyong mga balay, (aron) si Solomon ug ang iyang mga sundalo dili makadugmok kaninyo samtang sila wala makabantay niini."

Busa siya mipahiyom, nahibulong sa (hulmigas) pulong, ug miingon: "(Oh Allah) akong Ginoo, dasiga ako aron ako mahimong mapasalamaton sa Imong pabor nga Imong gihatag kanako ug sa akong mga ginikanan, ug ako makabuhat (sa unsay) husto (ug matarong) sa ingon nianang Ikaw nahimuot, ug pasudla ako pinaagi sa Imong Kaluoy (sa dihang ako mamatay) uban sa Imong matarong nga mga alagad (sa kinatas-ang Langit).

Ug iyang gisusi ang mga langgam, ug miingon: "Unsa may hinungdan nga wala ako makakita sa hudhud (ngalan sa Langgam) o wala ba siya nag-abot?"

Ako sa pagkatinuod musilot kaniya pinaagi sa grabe nga silot, o ihawon (nako) siya, gawas lamang kon siya adunay bug'at nga hinungdan.

Apan siya (langgam) wala magdugay sa pag-abut, ug siya miingon: “nahibal-an (usa ka butang) nako ang wala nimo hibaloi. Ug ako adunay dala nga matuod nga balita gikan sa Sheba.

Sa pagkatinuod ako nakakaplag ug usa ka babaye [2] nga nagmando kanila, ug siya gihatag ug bahinsa tanang butang, ug siya adunay usa ka dakung trono: ——— [2] Bilqees, Makeda.

Nakit-an ko siya ug ang iyang katawhan nga nagsimba sa adlaw imbes nga sa Allah, kay si Satanas naghimo sa ilang mga buhat nga nindot tan-awon ngadto kanila, ug sa ingon niana mitalikod sila gikan sa (matarong) nga Dalan (sa Islam), busa sila wala magiyahi,

Mao nga sila wala naghapa sa Allah (paagi pagsimba ngadto Kaniya lamang); nga nagpagula sa unsay tinago sa mga langit ug sa yuta, ug nahibalo sa unsay inyong gitago o gidayag:

Ang Allah, walay dios (nga takos simbahon) gawas Kaniya: Siya mao ang Ginoo sa Dakong Trono.

(Si Solomon) miingon: "Atong tan'awon kon ikaw nag-sulti sa matood o namakak,

Lakaw ug dad'a kining akong sulat kanila, ug ihatag kini kanila, unya pahawa gikan kanila. Tan-awa (ang tubag) nga ilang igatubag".

Siya (Bilqees) miingon: "O mga inila nga pangulo, sa pagkatinuod ang usa ka halangdon nga sulat miabut kanako,

Sa pagkatinuod kini gikan kang Solomon, ug sa pagkatinuod kini nag-ingon "sa Ngalan sa Allah, ang Labing Madagayaon, ang Labing Maluluy-on;

"Ayaw ipataas ang inyong mga kaugalingon batok kanako, apan anhi kanako uban ang bug-os nga pagpasakop ingon nga mga Muslim".

Siya miingon: "O mga inila nga pangulo, tambagi ako sa akong pagabuhaton, Dili ako magahukom sa usa ka kalihokan hangtod nga kamo anaa sa akong presensya."

Sila miingon: "Kita nakapanag-iya sa dakong pwersa (kusog), ug nakapanag-iya sa dako nga abilidad sa pagpakiggubat, apan ang pagmando anaa kanimo, busa tan-awa (huna-hunaa) pag-ayo kon unsa ang imong igasugo."

Siya miingon: "Sa pagkatinuod ang mga hari, sa diha nga sila mosulod sa usa ka lungsod, ilang gub-on kini ug himoon nga ubos ang labing halangdon ang mga mga tawo niini, ug ingon niana ang ilang (kanunay) nga ginabuhat;

"Apan sa pagkatinuod magpadala ako ug usa ka gasa ngadto kaniya, ug maghulat aron sa pagtan-aw kong unsa ang (tubag nga) pagadad-on balik sa mga gisugo."

Busa sa diha nga sila miabot kang Solomon, siya miingon: "Kamo ba nagahatag kanako ug bahandi? Apan ang gihatag sa Allah kanako mas maayo pa kay sa Iyang gihatag kaninyo. Apan, kamo nagmaya sa inyong gasa."

Balik ngadto kanila (ug sultihi ang imong katawhan nga) kami sa pagkatinuod muabot kanila uban sa mga sundalo nga sila walay gahum sa pagpakigbatok, ug kami maga-abog kanila didto nga magpapahawa, ug sila ipaubos.

(Si Solomon) miingon: "O katiguman (sa mga pangulo), kinsa kaninyo ang maka-dala nganhi kanako sa iyang trono sa dili pa sila muabot kanako uban ang bug-os nga pagpasakop."

Ang usa ka ('Ifrit) kusgan gikan sa mga jinn miingon: "akong dad-on kini kanimo sa dili pa ka motindog gikan sa imong dapit; ug sa pagkatinuod ako kusgan, kasaligan alang niini nga bulohaton."

Ang usa nga adunay kahibalo sa Kasulatan miingon: "Dad-on ko kini kanimo sa usa lang ka pagpamilok sa mata." Unya sa diha nga si (Solomon) nakakita niini nga nahimutang diha sa iyang tapad, siya miingon: "Kini mao ang pabor sa akong Ginoo (Allah) nga Siya mosulay kanako kon ako magmapasalamaton o dili mapasalamaton; ug bisan kinsa nga mapasalamaton, siya mapasalamaton lamang alang sa iyang kaugalingon, ug bisan kinsa nga dili mapasalamaton, nan sa pagkatinuod ang akong Ginoo (Allah) mao ang Igo sa Kaugalingon, ang Halangdon."

Siya miingon; Usba ang iyang harianong trono gikan sa orihinal nga porma niini ug tan-awa kung iya ba kining mailhan o dili.

Busa sa diha nga siya miabot, kini gikaingon: "ingon ba niini ang imong trono?" Siya miingon: "Kini sama gayud niadto." (Si Solomon miingon): "kami gihatagan sa kahibalo sa wala pa kini, ug kami mga Muslim (nagtugyan sa among kaugalingon ngadto sa Allah lamang)."

Ug ang iyang gisimba gawas sa Allah nagpugong kaniya (sa pagtugyan ngadto Kaniya), sa pagkatinuod siya kauban sa mga manlilimod nga katawhan.

Kini gikaingon kaniya: "Sumulod sa palasyo"; apan sa diha nga siya nakakita niini (ang bildo nga salog), iyang giisip kini nga usa ka dako nga hawan sa tubig ug (iyang giaswat ang iyang bisti) ug nakapaabli sa iyang mga batiis. Si (Solomon) miingon: "Sa pagkatinuod kini usa ka palasyo nga hinimo gikan sa bildo." Siya miingon: "(O Allah) akong Ginoo, sa pagkatinuod ako nahimong dili makatarunganon sa akong kaugalingon, ug ako nagpasakop uban ni Solomon ngadto sa Allah, ang Ginoo sa tanan nga linalang.

Sa pagkatinuod Kami nagpadala ngadto sa (tribo ni) Thamud sa ilang igsoon nga si Salih, nga nag-ingon: "Simbaha ang Allah lamang"; ug dihadiha nahimo silang duha ka pundok nga nagkasumpaki sa usag-usa.

Siya miingon: "O akong katawhan! Nganong nangandoy man kamo sa pagpadali sa kadautan nungka sa kaayohan? Nganong dili man kamo mangayo ug Kapasayloan gikan sa Allah, aron kamo makadawat sa (Iyang) Kalooy?"

Sila miingon: "Nakakaplag kami ug daotang tilimad-on tungod kanimo ug tungod niadtong uban kanimo." Siya miingon: "Ang inyong kapalaran, maayo man o daotan, anaa sa Allah (Dios lamang); hinonoa, kamo usa ka katawhan nga gibutang sa pagsulay."

Ug diha sa lungsod adunay siyam ka mga lalaki (pangulo sa mga tribo mga anak nga lalaki) nga nagbuhat ug kadautan sa kayutaan, ug wala magbuhat ug matarung.

Sila miingon: "(Kita) manumpa sa usag-usa pinaagi sa Allah nga kita sa pagkatinuod mohimo ug usa ka kalit nga pag-atake ngadto kaniya ug sa iyang pamilya sa kagabion, unya kita moingon ngadto sa iyang manununod: Kami wala makasaksi sa kalaglagan (kamatayon) sa iyang pamilya, ug kami sa pagkatinuod mga matinud-anon."

Ug sila naglaraw ug usa ka laraw (batok sa Among Mensahero), ug Kami nagplano ug usa ka laraw (batok kanila) samtang sila wala makabantay.

Tan-awa unya, kun unsa ang katapusan sa ilang laraw, nga Kami naglaglag kanila ug sa ilang katawhan, tanan managkauban.

Busa kini mao ang ilang mga balay nga anaa sa hingpit nga pagkagun-ob, tungod kay sila malinapason (dautan), sa pagkatinuod adunay Timaan niini alang sa katawhan nga (nagtinguha nga) mahibalo (sa Kamatuoran gikan sa kabakakan).

Apan Kami nagluwas sa manga tumuloo ug nagmanggihadlukon sa Allah.

Ug (hisguti) si Lut, sa diha nga siya miingon sa iyang katawhan: "Nagbuhat ba kamo ug kalaw-ayan samtang kamo nagtan-aw (sa usag-usa nga nagabuhat ug dautan diha sa dayag ug kamo nakakita sa kaulawan sa inyong homoseksuwal nga mga buhat)?"

Kamo ba nagaduol sa mga lalaki nga may kailigbon (kaulag) imbes nga sa mga babayi? Hinunoa, kamo mga tawo nga nagbuhat sa pagkawalay alamag.

Apan ang tubag sa iyang katawhan walay lain gawas nga sila miingon: "Pahawaa ang pamilya ni Lut gikan sa inyong lungsod; sa pagkatinuod sila mga tawo nga nagtinguha nga mahimong limpyo ug putli!"

Busa Kami miluwas kaniya ug sa iyang pamilya, gawas sa iyang asawa. Among gitagana siya nga usa sa magapabilin.

Ug Kami nagpaulan kanila sa labing mapintas nga ulan (sa mga bato). Dautan ang mao ng gipaulan niadtong napasidan-an.

Isulti: "Dalaygon ang Allah ug ang kalinaw maanaa sa Iyang mga ulipon nga Iyang gipili", Ang Allah ba labing maayo, o ang unsay (bakak nga mga dios nga) ilang gikauban (Kaniya)?"

Dili ba Siya 'labing maayo' nga Maoy nagbuhat sa mga langit ug sa yuta, ug nagpakanaog kaninyo ug tubig gikan sa mga panganod; nga pinaagi niini Kami magpatubo didto sa matahum nga mga tanaman; dili mahimo nganha kaninyo nga mupatubo sa mga kahoy niini didto (sa kayutaan). Aduna bay laing dios gawas sa Allah? Wala, apan sila mga tawo nga nagbuhat ug mga managsama (ngadto kang Allah).

Siya ba dili labing maayo' nga maoy nagbuhat sa yuta nga usa ka lig-on nga yuta, ug naghimo diha niini ug mga suba, ug nagpahinutang sa ibabaw niini sa mga bukid ug nagbutang taliwala sa duha ka dagat ug usa ka babag. Aduna bay laing dios gawas sa Allah? Wala, Apan kadaghanan kanila wala mahibalo.

Dili ba Siya (nga Labing Maayo) Maoy nagatubag sa naguol sa diha nga siya mitawag Kaniya ug nagwagtang sa mga sakit (nga maoy hinungdan sa inyong kagul-anan), ug naghimo kaninyo nga mga manununod dinhi sa yuta. Aduna bay laing dios gawas sa Allah? Diyutay lang (gayud) ang inyong nahinumduman!

Siya ba dili Labing Maayo' nga Maoy naggiya kaninyo (gikan) sa hingpit nga kangitngit sa yuta ug sa kadagatan, ug Maoy nagpadala sa mga hangin ingon nga maayong balita sa wala pa ang Iyang Kalooy (ang ulan). Aduna bay laing dios gawas sa Allah? Halangdon ang Allah labaw pa sa unsay ilang gipakig-uban Kaniya.

Siya ba dili Labing Maayo' nga Maoy nagpasiugda sa kabuhatan, unya magbanhaw niini pag-usab alang sa Paghukom, ug maoy naghatag kaninyo ug tagana gikan sa langit ug sa yuta. Aduna bay laing dios gawas sa Allah? Isulti: "Dad-a ang inyong pamatuod, kung kamo matinud-anon."

Isulti: "Walay usa (gikan) sa mga langit o sa yuta ang nakahibalo sa dili makita gawas sa Allah; ug wala sila mahibalo kon kanus-a sila pagabanhawon (gikan sa mga patay)."

Sa pagkatinuod, sila walay sigurado nga kahibalo mahitungod sa Pikas Kinabuhi; hinoon, sila nagduhaduha mahitungod niini; ug sila, mahitungod niini, mga buta.

Ug sila nga manlilimod moingon: "Sa diha nga kami nahimo na nga abog ug ang among mga amahan (usab), kami ba gayod ibalik pag-usab?"

Kami sa pagkatinuod gisaaran niini, kami ug ang among mga amahan kaniadto; kini walay lain gawas sa mga bakak sa karaang mga tawo.”

Isulti: "Panaw sa kayutaan, ug tan-awa kung unsa ang katapusan sa mga daotan?"

Ayaw kaguol bahin kanila, ug ayaw kabalaka bahin sa ilang laraw.

Ug sila nag-ingon: "Kanus-a man kini nga hulga mahitabo, kon kamo nagsulti sa tinuod?".

Isulti: "Tingali kanang gusto ninyong dalion, mahimong duol sa inyong luyo."

Ug sa pagkatinuod ang 'Allāh inyong Ginoo Madagayaon sa mga tawo, apan kadaghanan kanila dili mapasalamaton.

Ug sa pagkatinuod ang imong Ginoo (Allah) nahibalo sa unsay gitago sa ilang mga dughan ug sa unsay ilang gidayag.

Ug walay bisan unsa nga natago sa langit ug sa yuta gawas nga kini anaa sa tin-aw nga talaan.

Kining Qur'an nag-asoy sa kaliwatan sa Israel mahitungod sa kadaghanan sa unsay ilang gikalahian (gilalisan).

Ug sa pagkatinuod kini usa ka Giya ug Kalooy alang sa mga magtotoo.

Sa pagkatinuod ang imong Ginoo (Allah) magahukom tali kanila pinaagi sa Iyang Paghukom, ug Siya mao ang Labing Makagagahum, ang Labing Nakahibalo.

Busa ibutang ang imong pagsalig sa Allah (lamang); sa pagkatinuod ikaw anaa sa dayag nga Kamatuoran.

Sa walay pagduhaduha dili nimo mahimo nga padunggon ang mga patay, ni imong mapadungog ang mga bungol pinaagi sa pagtawag kanila sa dihang sila mokalagiw nga mitalikod.

Ni ikaw makagiya sa mga buta gikan sa ilang kasaypanan; kanimo dili mahimo ang bisan kinsa nga makadungog gawas niadtong mituo sa Among mga bersikulo, ug nga mga Muslim.

Ug sa diha nga ang paghukom moabut batok kanila, Kami magdala alang kanila sa usa ka mapintas nga mananap gikan sa yuta aron sa pagsulti kanila nga, sa pagkatinuod, ang mga tawo walay sigurohan nga pagtuo sa Among mga Bersikulo.

Ug (pasidan-i) sa Adlaw nga Kami magtigom gikan sa matag nasod ug usa ka pundok gikan niadtong naglimod sa Among mga Pinadayag, ug sila pagatigumon (ug bugawon ngadto sa dapit sa Paghukom).

Hangtud sa diha nga sila moabut (sa dapit sa Paghukom, ang ilang Ginoo Allah) moingon: "kamo ba naglimod sa Akong mga Pinadayag nga wala gani kamo naningkamot sa pagsabot kanila? O unsa ba kanang inyong naandan nga ginabuhat kaniadto?"

Ug ang Pulong (sa Silot) ipakamatarung batok kanila alang sa ilang sayop nga nagbuhat, busa sila walay ika-sulti.

Wala ba sila makakita nga Kami naghimo sa kagabion aron sila makapahulay niini, ug sa adlaw nga naghatag ug kahayag (aron sa pagpangita sa panginabuhian sa usa ka tawo)? Sa pagkatinuod adunay mga Timaan niini alang sa mga tawo nga nagtuo.

Ug (pasidan-i) ang Adlaw sa diha nga ang trompeta pagahuypon, unya sila nga anaa sa mga langit ug sila nga anaa sa yuta pagahampakon sa kalisang, gawas kanila nga gibuot sa Allah, ug ang tanan moduol Kaniya nga mapaubsanon.

Ug inyong makita ang mga bukid, naghunahuna nga ang lig-on, apan naglinok sama sa mga panganod. Kini mao ang Buhat sa Allah, nga mao ang nag-hingpit sa tanang butang; sa pagkatinuod Siya mao ang Labing Nakahibalo sa unsay inyong gibuhat.

Bisan kinsa nga moabut uban sa maayo nga buhat, siya makabaton ug mas maayo pa kay niini; ug sila luwas gikan sa katalagman nianang Adlaw 'sa Pagkabanhaw'.

Ug bisan kinsa nga moabut uban sa dautan nga buhat (idolatriya o paglimod sa Kamatuoran), kini sila itambog pinaagi sa ilang mga nawong ngadto sa Kalayo; pagabalosan ba kamo (sa) bisan unsa, gawas (lamang) sa unsay inyong gibuhat kaniadto (nga kadautan)?

(Isulti), "Ako gisugo nga simbahon ang Allah lamang) ang Ginoo niining dapit (ang Makkah ug ang mga palibot niini), Kinsa nagbuhat niini nga sagrado, ug kang kinsa ang pagpanag-iya sa tanang butang ug ako gimanduan nga mahimong usa ka Muslim (nagpasakop sa Kamatuoran).

aron sa paglitok sa Qur'an, busa si kinsa man nga makadawat sa Giya (sa Dios), siya nakadawat niini alang sa (kaayohan sa) iyang kaugalingon, ug bisan kinsa nga nahisalaag, nan isulti: "Ako usa lamang sa mga tigpasidaan.

Ug isulti: "ang Tanang Pagdayeg Iya lamang sa Allah, Siya magpakita kaninyo sa Iyang mga Timaan, ug kamo makaila niini; ug ang imong Ginoo 'Allāh' nahibalo sa unsay inyong gibuhat."

Ta Seen Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Kini mao ang mga Bersikulo sa klaro Libro (Qur'an).

Kami naglitok kanimo (Oh Muhammad) sa pipila sa balita mahitungod ni Moises ug Paraon sa kamatuoran, alang sa mga tawo nga nagatuo.

Sa pagkatinuod gipakahalangdon ni Paraon ang iyang kaugalingon diha sa yuta, ug naghimo sa mga katawhan nga nabahin ngadto sa mga pundok, magpaluya sa usa ka pundok gikan kanila (nga mga anak sa Israel), iyang giihaw ang ilang mga anak nga lalake ug gibuhi ang ilang mga anak nga babaye (alang sa pagpangulipon); sa pagkamatuod siya kurakot (ug usa ka dautan nga madinaugdaugon).

Kami nagtinguha sa paghatag og pabor niadtong mga dinaugdaug sa yuta, sa pag-himo kanila nga mga pangulo, ug sa pag-himo kanila nga mga tigpanunod (sa sa bulahan nga yuta sa Levant human sa kalaglagan ni Paraon);

Ug aron sa paghatag kanila ug gahum sa yuta, ug sa pagpakita kang Paraon ug Haman ug sa ilang panon aron maka-kita diha kanila sa ilang gikahadlokan.

Ug Kami nasig ngadto sa inahan ni Moises, nga nag-ingon: "Pasusoa siya (sa diyutay nga panahon), apan kon ikaw mahadlok alang kaniya, nan ipaanod siya ngadto sa suba ug ayaw kahadlok ni maguol, sa pagkatinuod ibalik Namo siya nganhi kanimo, ug maghimo kaniya nga usa sa mga Mensahero."

Ug ang pamilya ni Paraon maoy mikuha (nagluwas) kaniya (gikan sa suba) aron siya mahimong usa ka kaaway ug kasubo alang kanila. Sa pagkatinuod si Paraon ug si Haman ug ang ilang mga sundalo mga makasasala.

Ug ang asawa ni Paraon (Asiyah) miingon: "(Ania siya nga) makahupay sa mata alang kanako ug kanimo. Ayaw siya patya, tingali siya magmapuslanon kanato, o ato bang sagupon siya ingon nga anak." Samtang sila wala nakabalo (kun unsa ang sangputanan sa ilang gibuhat).

Ug ang kasingkasing sa inahan ni Moises nahimong walay sulod (gikan sa kabalaka, gawas sa paghunahuna kang Moises), hapit na unta siya mabutyag, kon wala pa Kami nagpalig-on sa iyang kasingkasing, aron nga siya magpabilin nga usa sa mga magtotoo.

Ug siya miingon sa iyang igsoon nga babaye (Miriam): "Sunod kaniya." Busa siya nagtan-aw kaniya gikan sa halayo, samtang sila wala makabantay,

Ug sukad pa sa sinugdanan Kami mihimo kaniya (Moises) sa pagdumili sa (tanan) nga mga tigpasuso, hangtud nga siya (iyang igsoon nga babaye miabut ug) miingon: "Ako ba kamong itudlo ngadto sa usa ka panimalay nga moatiman kaniya alang kaninyo, ug mag-atiman kaniya sa maayong paagi?"

Busa Kami mibalik kaniya ngadto sa iyang inahan aron ang iyang mga mata malipay ug dili siya maguol ug nga siya mahibalo nga ang saad ni Allāh tinuod, apan kadaghanan kanila wala mahibalo.

Ug sa diha nga (si Moises) miabot sa iyang pagkahamtong ug hingpit nga kusog, Kami mihatag kaniya sa maayong paghukom ug kahibalo; ug sa ingon niana Kami muganti sa mga tigbuhat og maayo.

Ug siya misulod sa siyudad sa panahon nga ang (kadaghanan sa) mga tawo niini (anaa sa pagpahulay sa ilang mga balay), nga wala mahibalo sa unsay nahitabo (sa mga kadalanan); busa iyang nasugatan didto ang duha ka mga tawo nga nag-away, ang usa gikan sa iyang kauban sa pagtuo nga usa ka Muslim gikan sa Kaliwatan sa Israel, ug ang usa gikan sa iyang ' kaaway nga dili magtutuo). Ug siya nga gikan sa iyang kauban sa pagtuo misinggit ngadto kaniya batok sa iyang kaaway , busa gisuntok siya ni Moises ug (sa wala tuyoa) iyang napatay. (Si Moises) miingon: "Kini gikan sa buhat ni Satanas; sa pagkatinuod siya usa ka kaaway, nga nagpahisalaag sa dayag."

(Si Moises) miingon: "(O Allah) akong Ginoo, sa pagkatinuod ako nakasala batok sa akong kaugalingon, busa pasayloa ako." Ug gipasaylo Niya siya; sa pagkatinuod Siya mao ang Labing Mapasayloon, ang Labing Maloloy-on.

Siya miingon: "(O Allah) Ginoo ko, tungod sa imong pabor kanako, Ako dili gayod mahimong tigsuporta sa mga tigbuhat ug kadaotan."

Ug pagkabuntag, sa diha nga siya milibot (pag-usab) sa siyudad, nga adunay kahadlok ug nagbantay (nga nagpaabut kun unsa ang dangatan sa iyang nabuhat nga krimen nga pagpatay); sa kalit, siya nga nangayo sa iyang tabang atong miaging adlaw nanawag (misinggit) na usab kaniya aron sa pagpangayog tabang. Si Moises miingon kaniya: "Sa pagkatinuod ikaw usa ka tin-aw nga nag-aghat sa kasamok."

Busa sa diha nga siya nagtinguha sa paghampak sa tawo nga kaaway kanilang duha, siya miingon: "O Moises, naninguha ka ba sa pagpatay kanako sama sa imong pagpatay sa usa ka tawo kagahapon? Gusto lang nimo nga mahimong malupigon sa yuta. Dili nimo gusto nga makigdait!”

Usa ka tawo ang miabut gikan sa kinalay-ang bahin sa siyudad, nga nagdagan. Siya miingon: "O Moises, sa pagkatinuod ang mga inilang pangulo (sa siyudad) nanagsabut sa pagpatay kanimo, busa pahawa (diha dayon); sa pagkatinuod ako alang kanimo matinud-anon nga magtatambag sa pagbiya sa siyudad."

Busa siya mipahawa gikan didto nga nahadlok, ug nagdahom (nga siya pagadakpon), (ug) siya miingon: "(O Allah) akong Ginoo, luwasa ako gikan niining dautang katawhan."

Ug sa diha nga siya milingi sa iyang nawong ngadto sa Midian, siya (Moises) miingon: "Tingali (si Allah) nga akong Ginoo mogiya kanako ngadto sa matarung nga dalan (padulong sa Midian)."

Sa diha nga siya miabot sa dapit sa pagpangabu ug tubig (atabay) sa Madyan, hingkaplagan niya sa ibabaw niini ang usa ka pundok sa mga tawo nga nagpainum (sa ilang mga hayopan), ug gawas pa kanila iyang nakita ang duha ka babaye (si Zipora ug ang iyang manghud nga babaye) nga nanag-atang (sa ilang mga hayopan gikan sa uban. (Si Moises) miingon: "Unsay inyong suliran?" Sila miingon: "Kami dili makapainum (sa among mga hayopan) hangtud nga ang mga magbalantay sa hayopan (pastol) mokuha na sa (ilang mga hayopan) gikan sa tubig, ug ang among amahan tigulang na kaayo."

Busa iyang gipainum (ang ilang mga hayopan) alang kanila, unya mibalik pag-usab ngadto sa landong (sa kahoy) ug miingon: "(O Allah) akong Ginoo! Sa pagkatinuod ako nagkinahanglan sa bisan unsang kaayohan nga Imong ipakanaog kanako."

Unya ang usa sa duha ka babaye (si Zipora) miduol kaniya nga naglakaw nga maulawon, ug siya miingon: "Ang akong amahan nagdapit kanimo aron siya mohatag kanimo sa ganti sa imong pagpainom (sa among mga hayopan) alang kanamo." Busa sa diha nga (si Moises) miadto kaniya (Jethro) ug misulti kaniya sa (tibuok) nga sugilanon, siya miingon: "Ayaw kahadlok, (karon) ikaw luwas gikan sa mga mamumuhat ug kadautan."

Usa sa mga babaye (Zipporah) miingon: "O akong Amahan, suholi siya (isip trabahador); sa pagkatinuod ang labing maayo nga imong gisuholan mao ang kusgan nga kasaligan."

(Busa ang iyang amahan) miingon: "Gitinguha ko nga ipapangasawa kanimo ang usa niining duha ko ka anak nga babaye (si Zipora), sa kondisyon nga moalagad ka kanako sulod sa walo ka tuig; apan kon imong kompletohon ang napulo, kini mahimo sa imong kaugalingong kabubut-on, ug ako wala mangandoy sa pagpalisud kanimo; kon itugot sa Allah, imo akong hikaplagan nga matarong."

(Si Moises) miingon: "Kini mahimong (usa ka kasabutan) tali kanako ug kanimo; bisan asa sa duha ka termino nga akong tumanon, walay inhustisya ngari kanako; ug ang Allah ang Saksi sa unsay atong gipanulti."

Busa sa diha nga si Moises nakatuman sa (labing taas) nga termino, ug siya mipanaw uban sa iyang pamilya, iyang nabantayan gikan sa direksyon sa bukid (sa Tur) nga kalayo. Miingon siya sa iyang pamilya: "Pabilin kamo dinhi, nakakita akog kalayo, tingali ako magdala kaninyo gikan niini ug pipila ka mga balita o nagdilaab nga agipo aron mapainitan ninyo ang inyong mga kaugalingon."

Ug sa diha nga siya miabut niini, usa ka Tingog ang nanawag gikan sa tuo nga bahin sa walog, sa bulahan nga dapit, gikan sa kahoy, nga nag-ingon: "O Moises! Sa pagkatinuod Ako mao ang Allah, ang Ginoo sa tanang linalang."

"Iitsa ang imong sungkod". Busa sa dihang nakita niya kini nga naglihok sama sa usa ka bitin, siya misibog (sa kahadlok), ug wala (nangahas) nga mobalik. "O Moises, umari ka ug ayaw kahadlok; sa pagkatinuod ikaw luwas na;

Ibutang ang imong kamot sa imong dughan, mogawas kini nga puti (uban ang kasilaw) nga walay (sanla o bisan unsang) sakit, ug ibutang ang imong kamot duol sa imong kiliran aron malikayan ang imong pagkahadlok: Busa kining duha ka pagpamatuod gikan sa 'Allah' imong Ginoo ngadto kang Paraon ug sa iyang konseho. Rebelyoso gayod sila nga mga tawo (batok sa Diyos).”

(Si Moises) miingon: "(O Allah) akong Ginoo, ako sa pagkatinuod nakapatay sa usa kanila busa ako nahadlok nga sila mopatay kanako.

Ug ang akong igsoon nga si Harun maayong manulti kay kanako, busa ipadala siya kuyog kanako ingon nga katabang, nga maoy mag-panghimatood uban kanako: ako nahadlok nga sila magsalikway kanako.

(Allah) miingon: "Kami mopalig-on sa imong bukton (O Moises) pinaagi sa imong igsoon (Aaron), ug Kami muhatag kaninyo ug kagahom, aron sila dili makaabot kaninyo. Pinaagi sa Among mga Timaan, kamong duha ug kadtong nagsunod kaninyo (sa ato pa, ang mga Muslim niadtong panahona) maoy mamahimong labaw (magmadaugon)."

Busa sa diha nga si Moises miabot kanila uban sa Among tin-aw nga mga Timaan, sila miingon: "Kini walay lain kondili usa ka tinumotumo nga salamangka. Kami wala makadungog niini gikan sa among mga katigulangan."

Ug si Moises miingon: "Ang 'Allāh' akong Ginoo mao ang Labing Nahibalo kun kinsa ang nagaabut uban ang Giya gikan Kaniya, ug kinsa ang makakab-ot sa Balay sa kalipay 'Paraiso' sa katapusan; sa pagkatinuod ang mga mamumuhat sa kadautan dili molampos.

Ug si Paraon miingon: "O konseho, wala ako mahibalo nga kamo adunay laing dios gawas kanako; busa pagdagkot ug kalayo alang kanako, O Haman, aron sa pagluto (mga tisa) gikan sa lapok, unya pagpatindog alang kanako ug usa ka habog nga tore aron ako makapangita sa Dios ni Moises. Nagtuo ako nga siya bakakon".

Siya (Paraon) ug ang iyang mga sundalo naggawi nga mapahitas-on sa yuta nga walay katungod, ug sila naghunahuna nga sila dili na mobalik kanamo (Allah).

Busa Kami (Allah) misakmit kaniya (Paraon) ug sa iyang mga sundalo, ug naglumos kanila ngadto sa dagat. Busa tan-awa kung unsa ang katapusan sa mga dautan.

Ug Kami naghimo kanila nga mga pangulo nga nagdapit ngadto sa Imperno, ug sa Adlaw sa Pagkabanhaw (ug Paghukom) sila dili matabangan.

Ug Kami mihimo sa usa ka Tunglo nga magsunod kanila dinhi sa kalibutan, ug sa Adlaw sa Pagkabanhaw sila pagatamayon.

Ug sa pagkatinuod Kami mihatag kang Moises sa Kasulatan (Torah) human namo laglaga ang kanhing (makasasala nga) mga kaliwatan, ingon nga usa ka tin-aw nga pagpamatuod alang sa mga tawo, ug usa ka giya ug kalooy, aron sila makahinumdom.

Kamo (Oh Muhammad) wala didto sa kasadpang bahin (sa bukid) sa dihang Kami hatag sa Mando ngadto kang Moises (sa pag-adto ngadto kang Paraon), ug kamo dili mga saksi [niana].

Apan Kami nagpataas sa (bag-ong) mga kaliwatan, kinsa gipuyo nga taas sa kinabuhi. Ug ikaw wala magpabilin uban sa mga lumulupyo sa Midian, naglitok sa Among mga bersikulo ngadto kanila, apan Kami maoy tigpadala.

Ug wala ka didto sa kilid sa bukid (sa Tur) sa dihang Kami mitawag (kang Moises), apan (ikaw gipadala) isip usa ka Kalooy gikan (sa Allah) nga inyong Ginoo aron sa pagpasidaan sa katawhan nga diin walay tigpasidaan nga miabot una kanimo, aron sila makahinumdom.

(Kami mipadala kanimo ingon nga usa ka Mensahero ngadto kanila) basin unya ang katalagman musakmit kanila sa unsay gipadala sa ilang mga kamot (sa mga sala) unya sila muingon: "(O Allah) Among Ginoo, nganong wala ikaw magpadala kanamo ug usa ka mensahero aron kami mosunod sa Imong mga bersikulo ug kami mahiuban sa mga magtotoo?".

Apan (karon) sa diha nga ang kamatuoran miabut kanila gikan Kanamo, sila miingon: "Nganong wala siya gihatagan sa sama sa gihatag kang Moises?" Wala ba sila magdumili sa pagtuo sa gihatag kang Moises kaniadto? Sila miingon: "Duha ka salamangka 'ang Torah ug ang Qur'an' nga nagsuporta sa usag usa." Sila miingon: "Sa pagkatinuod kita mga manlilimod niining tanan!".

Isulti: "Nan, pagdala 'laing' Kasulatan gikan sa Allah nga labaw nga naggiya kay niining duha 'ang Torah ang Qur'an', (aron) ako mosunod niini, kon kamo matinud-anon."

Apan kon sila dili motubag kanimo, nan hibaloi nga sila nagasunod lamang sa ilang ubos nga mga tinguha; ug kinsa ba ang labaw nga nahisalaag kay kaniya nga nagsunod sa iyang kawang nga mga tinguha nga walay bisan unsa nga Giya gikan sa Allah? Sa pagkatinuod ang Allah dili mogiya sa katawhang malinapason.

Sa kasigurohan Kami Nagpa-abot sa pulong (Qur’an) ngadto kanila, aron sila makahinumdom.

(Ug alang) niadtong (lig-on sa kahibalo) nga Kami mihatag sa Kasulatan sa wala pa kini (Qur'an), sila mga magtutuo niini.

Sa diha nga kini gilitok ngadto kanila sila moingon: "Kami mituo niini, sa pagkatinuod kini mao ang Kamatuoran gikan (sa Allah) nga among Ginoo, sa pagkatinuod bisan sa wala pa kini kami mga Muslim na (nagpasakop sa Dios lamang)."

Mao kini sila ang makadawat sa ganti nga pinilo tungod sa ilang pagpailub ug tungod kay sila misumpo sa dautan pinaagi sa maayo, ug naggasto (sa kinabubut-on) gikan sa unsay Among gihatag kanila.

Sa diha nga sila makadungog sa dautan nga sinultihan sila motalikod gikan niini, ug moingon: "Kami makaangkon sa among mga buhat ug kamo makaangkon (usab) sa inyong mga buhat, maanaa kaninyo ang kalinaw, kami wala mangita (sa pamaagi sa ignorante) katawhan nga walay alamag."

Sa pagkatinuod dili ka makagiya sa bisan kinsa nga imong gusto (O Propeta Muhammad), apan ang Allah mugiya kang bisan kinsa nga Iyang gusto, ug Siya labing nakahibalo niadtong kinsay (matarong) nga nagiyahan.

Ug sila miingon: "Kun kami mosunod sa giya uban kaninyo, kami papahawaon gikan sa among yuta." Wala ba Kami magtukod alang kanila ug usa ka luwas nga dalangpanan ˹sa Mecca˺ diin ang mga bunga sa tanan nga mga matang midala ingon nga usa ka tagana gikan Kanato? Apan kadaghanan kanila wala mahibalo 'niini nga pabor'.

Pila na ka (makasasala) nga lungsod ang Among gilaglag, nga nagmaya sa ilang (pamaagi) sa pagkinabuhi, busa kini mao ang ilang mga puloy-anan, Apan karon wala nay namuyo human kanila gawas sa diyutay lamang, ug Kami mao ang Mga Manununod,

Ang imong Ginoo 'Allāh' dili gayud moguba sa usa ka katilingban hangtud nga Siya nagpadala ngadto sa iyang kaulohan og usa ka mensahero, nga naglitok sa Among mga pagpadayag ngadto kanila. Dili usab namo gub-on ang usa ka katilingban gawas kon ang mga tawo niini magpadayon sa sayop nga buhat.

Ang bisan unsa nga mga butang nga gihatag kaninyo, usa lamang ka tagana sa kinabuhi niining kalibutana ug mga dayandayan niini, ug bisan unsa nga anaa sa Allah labing maayo ug labing malungtaron, dili ba kamo makasabot?

Unya mao ba siya nga Kami nagsaad sa usa ka maayong saad (sa Paraiso) nga iyang mahimamat, sama kaniya nga Kami naghatag ug lumalabay nga kalipay sa kinabuhi niining kalibutana, unya sa Adlaw sa Pagkabanhaw siya usa niadtong gidala (ngadto sa Silot sa Imperno)?

Hisguti ang Adlaw nga ang Allah motawag kanila ug moingon: "Hain na kadtong inyong giangkon nga Akong kauban 'sa pagsimba'?"

Sila kansang muhukom gipasa na, maga-ingon: "(O Allah) among Ginoo, kini mao ang mga tawo nga among gipahisalaag, kami nagpahisalaag kanila, ingon nga kami mismo nahisalaag. Kami nagpahayag sa among pagkawalay sala nganha kanimo. Dili kami ang ilang gisimba kaniadto."

Ug kini iga-ingon: "Tawga ang inyong gikauban nga mga dios-dios Kang Allah. Busa sila motawag kanila, apan sila (ang mga dios-dios) dili motubag kanila, ug sila (mga pagano) makakita sa Silot, (ug unya sila mangandoy) nga kun unta sila nagiyahan.

Hisguti ang Adlaw sa diha nga Siya motawag kanila (ang mga manlilimod), ug moingon: "Unsa ang tubag nga inyong gihatag ngadto sa mga Mensahero (sa Allah)?"

Ang tanan nilang naandan nga mga argumento walay kapuslanan alang kanila nianang Adlawa, ug sila dili [makahimo] sa pagpangutana sa usag usa.

Mahitungod kaniya nga naghinulsol ug mituo ug nagbuhat sa maayo, kini gisaad sa Allah nga siya mahimong usa sa mga magmalampuson.

Ang imong Ginoo (Allah) nagabuhat sa bisan unsa nga Iyang gusto ug gipili; ang pagpili dili ilaha; ang Himaya Iya sa Allah, ug halangdon Siya labaw sa bisan unsa nga ilang gipakig-uban (Kaniya sa pagsimba).

Ug ang imong Ginoo (Allah) nasayod kung unsa ang gitago sa ilang mga dughan ug unsa ang ilang gidayag.

Ug Siya mao ang Allah, walay dios (nga takos simbahon) gawas Kaniya. Ang tanan nga pagdayeg alang Kaniya niining (kinabuhia) ug sa Umaabot, ug Kaniya ang Paghukom, ug ngadto Kaniya kamo (tanan) ibalik (aron Pagahukman).

Isulti: "Sultihi ako, kun ang Allah mohimo sa kagabion nga padayon ibabaw kaninyo hangtud sa Adlaw sa Pagkabanhaw, aduna bay laing dios gawas sa Allah nga makahatag kaninyo og kahayag? Dili ba kamo makadungog?"

Isulti: "Sultihi ako, kon ang Allah mohimo sa adlaw nga mapadayonon nganha kaninyo hangtud sa Adlaw sa Pagkabanhaw, aduna pa bay laing dios gawas sa Allah nga mao ang magdala kaninyo ug usa ka gabii nga diin kamo mopahulay? Wala ba ninyo makita?"

Ug gikan sa Iyang Kalooy, Siya (Allah) naghimo alang kaninyo sa gabii ug sa adlaw, aron kamo makapahulay niini, ug makapangita usab sa Iyang kadagaya, aron kamo magpasalamat.

Hisguti ang Adlaw nga si Allah motawag kanila (mga pagano) ug moingon: "Hain na sila (ang mga idolo) nga inyong giisip nga Akong mga kauban ug mga magtatabang?"

Kami magadala gikan sa matag nasud ug usa ka saksi, unya Kami moingon (ngadto sa mga makasasala): "Dad-a ang inyong pamatuod." Ug sila mahibalo nga ang Kamatuoran anaa sa Allah lamang, ug kanang ilang giimbento (nga mini nga mga dios) mobiya gikan kanila.

Sa pagkatinuod si Qārūn (Kore) usa sa mga katawhan ni Moises, apan siya nagpasigarbo ug midaugdaug kanila, ug Kami naghatag kaniya ug mga bahandi, diin ang mga yawe niini mahimong bug-at nga palas-anon alang sa kusgan nga mga lalaki. Sa diha nga (ilang nakita ang iyang pagkamapahitas-on) ang iyang mga katawhan miingon kaniya: "Ayaw pagmaya, sa pagkatinuod ang Allah dili ganahan niadtong nagsadya ug hilabihan (sa bahandi ug garbo)."

Ug pangitaa, pinaagi sa unsay gihatag sa Allah kanimo ang (umaabot) nga Puloy-anan (Ganti) sa Pikas Kinabuhi, ug ayaw usab pasagdi ang imong bahin dinhi sa kalibutan. Pagbuhat ug maayo (ngadto sa uban) ingon nga ang Allah nagbuhat ug maayo nganha kanimo. Ayaw paninguha sa pagbuhat ug kadautan sa kayutaan, sa pagkatinuod ang Allah dili makagusto sa mga mamumuhat sa kadautan.

(Si Kore) miingon: "Gihatagan ako niini tungod lamang sa kahibalo nga akong nabatonan." Wala ba siya mahibalo nga gilaglag ni Allah sa wala pa siya ang mga henerasyon nga mas kusgan kay kaniya sa kusog ug mas daghan sa pagpundok sa dakung bahandi. Ang mga sad'an dili na paga-pangutan on (sa ilang mga sala (tungod kay ang ilang dautang buhat dayag na ug igo na aron sila pagasilotan).

Busa miadto siya ngadto sa iyang katawhan uban sa iyang mga dayan-dayan. Kadtong nagtinguha lamang sa kinabuhi niining kalibotana nag-ingon: "O hinaut unta nga kita makabaton sa sama sa gihatag kang Kore," sa pagkatinuod siya usa sa naka-angkon ug dakung bahandi."

Apan sila nga gihatagan sa (hustong) kahibalo miingon: "Alaut kamo, ang ganti sa Allah (sa Pikas Kinabuhi) mas maayo alang kaniya nga mituo ug nagbuhat ug matarong nga mga buhat, ug walay makakab-ot niini gawas sa mga mapailubon (kinsa molahutay, nga nagsunod sa Kamatuoran ug Giya nga gipadayag kanila gikan sa ilang Ginoo - ang Allah)."

Sa ingon niana Kami nagbuhat sa yuta nga mulamoy kaniya (Kore) ug sa iyang puloy-anan; ug kaniya walay katabang nga makatabang batok (ni) Allah ni siya maka-panalipod sa iyang kaugalingon.

Ug kadtong nangandoy (sa kahimtang nga sama) sa iyang kahimtang sa adlaw nga nauna, nagsugod sa pag-ingon: "Wala ba kamo mahibalo nga ang Allah Mao ang nagpadako ug nagpanihit sa mga panginabuhian alang sa kinsay Iyang gusto sa Iyang mga ulipon. Kon si Allah wala pa magmabination kanato, Siya sa pagkatinuod makahimo (usab) sa Pagpalamoy kanato sa yuta. Busa sayri ang mga manlilimod dili gayod molampos ug mouswag.

Mahitungod sa (umaabot) nga Puloy-anan sa Pikas Kinabuhi (Paraiso), Kami naghatag niini ngadto kanila nga walay tinguha sa pagpataas sa ilang mga kaugalingon dinhi sa yuta, ni sa pagbuhat ug kadautan, ug ang maayong kataposan mao alang kanila nga mga matarong.

Bisan kinsa nga moabut uban ang usa ka maayo nga buhat, siya adunay labi pa ka maayo kaysa niini (sa ganti), apan ang maghimo ug dautan pagasilotan sumala sa ilang binuhatan.

Sa pagkatinuod, Siya (Allah) Nga naghatag kanimo (Muhammad) sa Qur'an kasigurohan nga modala kaninyo pagbalik ngadto sa Ma'ad (dapit sa pagbalik nga mao ang Paraiso). Isulti: Ang akong Ginoo (Allah) labing nakahibalo kung kinsa ang nagtultol ug kinsa ang anaa sa klaro nga sayup."

Ug ikaw (O Propeta Muhammad) wala magdahum nga ang Basahon (Qur’an) mapadayag nganha kanimo, apan kini usa ka Kalooy gikan sa 'Allāh' imong Ginoo. Busa, ayaw suportahi ang mga manlilimod.

Ayaw himoa nga sila (ang mga manlilimod) makapatipas kanimo (O Propeta Muhammad) gikan sa mga Bersikulo sa Allah, human nga kini ipadayag nganha kanimo, ug tawga (ang mga tawo) ngadto sa Dalan sa imong Ginoo (Allah), ug ayaw mahimong sa mga tigsimbag diosdios.

Ayaw pagsangpit ug laing dios uban ni Allah. Walay dios ˹takos simbahon˺ gawas Kaniya. Ang tanan nga mga butang mahanaw gawas sa Iyang Nawong. Iya ang Hukmanan ug Kaniya kamong tanan magabalik.

Alif, Lam, Mim[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Naghunahuna ba ang mga tawo nga pasagdan sila 'lamang' sa pag-ingon: "Kami mituo," samtang sila wala gisulayan?

Amo gyud gisulayan kadtong nga nauna kanila. Ug ˹niini nga paagi˺ ang Allah tin-awng nga mag-ila tali niadtong mga matinud-anon ug niadtong mga bakakon.

Ang nanaghimo (mga pagano, manlilimod) ug dautan naghunahuna ba nga sila maka-ikyas gikan Kanamo? Pagkasayop ang mao nga ilang pang-hukom!

Bisan kinsa nga naglaum alang ang panagtagbo uban ni Allah, ˹ipahibalo sila nga˺ ang tinudlong panahon ni Allah siguradong moabot. Ug Siya ang Hingpit nga Nakadungog, ang Hingpit nga Nakahibalo.

Ug si bisan kinsa nga naningkamot ˹sa kawsa ni Allah˺, siya naningkamot lamang alang sa iyang kaugalingon. Sa pagkatinuod ang Allah Gawasnon sa bisan unsa nga panginahanglanon gikan sa Iyang mga linalang.

Mahitungod kanila nga mituo ug nagbuhat sa matarung nga mga buhat, sa pagkatinuod Kami magapapas sa ilang tanang kada-utan ug magahatag kanila sa ganti, sumala sa labing maayo sa ilang mga maayong buhat.

Ug Kami nagmando sa mga tawo nga mahimong maayo ug masinulundon sa iyang mga ginikanan, apan kun sila (nagpugos) kanimo nga magbutang ug kauban Kanako (sa pagsimba), nga diin ikaw walay kasayuran niini, nan, ayaw ninyo tumana sila. Kamong tanan mubalik nganhi Kanako ug unya ipahibalo Ko kaninyo ang inyong mga ginabuhat.

Kadtong kinsa mituo ug nagbuhat sa mga buhat nga mga matarung, sa pagkatinuod sila Among pasudlon (sa Paraiso) ingon nga ipon sa mga matarung.

Taliwala sa mga tawo adunay nag-ingon: “Mituo kami sa Allah”; apan kun sila makaagi ug pag-lutos tungod (sa ilang pagtuo) sa Allah, ilang giisip nga ang pag-lutos gikan sa mga tawo (nga kini sama sa) silot sa Allah. Ug kun ang usa ka kadaugan gikan sa 'Allah' imong Ginoo muabot, kasigurohan (ang mga tigpakaaron-ingnon) muingon: “Sa pagkatinuod kami kanunay ninyo nga kauban!”. Dili ba ang Allah ang Labing Nakahibalo sa unsay anaa sa mga dughan sa mga tawo.

Ang Allah siguradong mag-ila tali sa mga tawo nga adunay hugot nga pagtuo ug kanila nga mga tigpakaaron-ingnon.

mga manlilimod miingon sa mga magtutuo, "Sunda ang among dalan, ug kami magapas-an sa inyong mga sala." Apan dili sila magpas-an sa bisan unsa sa ilang mga sala. Sa pagkatinuod sila mga bakakon!

Ug sa pagkatinuod pas-anon nila ang kaugalingon nilang mga palas-anon (mga sala), ug (ang uban) pa nga mga palas-anon uban sa ilaha, ug sila pagapangutan-on sa Adlaw sa Pagkabanhaw mahitungod sa tanan nilang giimbento sa mga bakak.

Sa pagkatinuod Kami nagpadala kang Noe ngadto sa iyang katawhan, busa siya mipuyo uban kanila sulod sa usa ka libo ka tuig gawas sa kalim-an ka tuig, unya ang katalagman (baha) misakmit kanila samtang sila malinapason.

Apan Kami nagluwas kaniya ug sa mga sakay sa sakayan ug naghimo niini nga Timaan (leksyon) alang sa tanang kanasuran.

(Hisguti) Abraham sa diha nga siya miingon ngadto sa iyang mga katawhan: "Simbaha ang Allah lamang ug kahadloki Siya; nga mas maayo alang kaninyo kon inyo lang nahibaloan.

Kamo nagsimba lamang gawas kang Allāh linilok nga mga larawan ug nagmugna kamo ug bakak. Sa pagkatinuod, kadtong inyong gisimba gawas ni Allah wala maghatag kaninyo ug pagkaon. Busa pangitaa gikan sa Allāh ang tagana, simbaha ug pasalamati Siya lamang. Kaniya lang, kamong tanan magabalik (alang sa Paghukom).

Ug kun kamo (O mga tawo) magsalikway (sa pinadayag sa Dios - ang Qur'an), - kaniadto pa man, ang mga nasud (kaliwatan) nga nauna pa kaninyo misalikway na (ilang mga sinugo ug pagpadayag). Ug ang katungdanan sa usa ka Sinugo klaro nga paghatud sa Mensahe.

Wala ba nila lantawa kun giunsa pagsugod sa Allah ang paglalang, unya banhawon kini? Sa pagkatinuod kini sayon lang sa Allah.

Ingna: "Panaw kamo sa kayutaan ug tan-awa kung giunsa Niya pagsugod ang paglalang. Unya si Allah magpahinabo sa kataposang pagkabanhaw. Sa pagkatinuod ang Allah ang adunay bug-os nga gahum sa pagbuhat sa tanang butang”.

Gisilotan niya ang Iyang gusto ug naluoy Siya sa Iyang gusto. ug Kaniya, kamo tanan mubalik 'alang sa Paghukom'.

Ug dili ka makaikyas sa Allah dinhi sa yuta o sa langit (ug babagan ang Iyang mga laraw). Ni kamo walay bisan unsa nga manluluwas o magtatabang gawas ni Allah.

Ug sila nga nagsalikway sa mga pagpadayag sa Allah ug sa Pakigtagbo Kaniya, sila nawad-an sa paglaom sa Akong kaluoy ug alang kanila adunay usa ka masakit nga silot.

Apan ang tubag sa iyang mga katagilungsod walay lain kondili nga sila miingon: "Patya siya o sunoga siya," apan giluwas siya ni Allāh gikan sa kalayo. Sa pagkatinuod adunay mga timailhan anaa niini alang sa mga nagtoo.

Siya (Abraham) miingon: "Ikaw nagkuha ug diyo-diyos (aron simbahon) gawas sa Allah uban sa usa ka gugma tali kaninyo niining kalibutanon nga kinabuhi. Unya sa Adlaw sa Pagkabanhaw kamo naggilimod sa usag usa ug kamo magtunglo sa usag usa. Ug inyong puloy-anan mahimong mao ang kalayo, ug walay bisan kinsa ang makatabang kaninyo."

Apan si Lot mitoo kaniya. Siya miingon: "Sa pagkatinuod ako mokalagiw ngadto sa 'Allah' akong Ginoo. Siya mao ang Hingpit Makagagahum, ang Hingpit Maalamon."

Gihatag namo kaniya si Isaac ug si Jacob ug gibutang sa iyang mga kaliwat ang pagkapropeta ug ang Pinadayag. Among gihatag kaniya ang iyang ganti sa Kalibutan. Sa pagkatinuod, sa sunod Kinabuhi siya maapil sa mga matarong.

Ug (hisguti) si Lut; sa diha nga iyang giingon sa iyang mga katawhan: “Kamo nagabuhat ug nga kahilayan (ang sodomiya), nga wala pay bisan kinsa sa tibuok kalibotan ang nakahimo niini nga nauna pa kaninyo.”

Sa pagkatinuod, inyong ginaduol ang mga kalalakin-an (pinaagi sa sodomiya), ug inyong ginababagan ang mga dalan (ug ginakawatan ang mga nagapanaw)ug nagbuhat ug daotan diha sa imong katigoman? Apan ang iyang katawhan wala mitubag gawas lang sa pagsulti: "Ipakanaug kanamo ang silot (ni) ALLAH kon ikaw nagsulti ug matood."

Siya miingon: “O akong Ginoo, tabangi ako ug hatagi ug kadaugan batok sa ang mga kurakot nga tawo."

Ug sa diha nga ang atong anghel nga mga mensahero miadto kang Abraham uban ang maayong balita, sila (ang mga anghel) miingon: " Sa pagkatinuod among gub-on ang mga katawhan niining dapit (ni Lut) tungod kay ang mga katawhan niining dapit mga makasasala.

Siya miingon: "Si Lot anaa gayod." Sila miingon: "Kami mas nahibalo kay sa bisan kinsa nga anaa didto. Kami gayud magaluwas kaniya ug sa iyang pamilya gawas sa iyang asawa; siya maapil niadtong nagpabilin (ang asawa ni Lut malaglag kauban sa mga pagalaglagon nga ang gikan sa iyang katawhan)."

Ug sa diha atong mga anghel nga mensahero miabot kang Lut, siya naguol alang kanila ug nakabati siya alang kanila ug hilabihan nga kabalaka. Ug ilang giingon: “Ayaw kahadlok o kabalaka. Sa pagkatinuod ania kami aron luwason ka ug ang imong pamilya gawas sa imong asawa, siya usa kanila nga mahibilin.

Sigurado nga ipahamtang namon ang silot gikan sa langit sa mga tawo niining siyudara tungod sa ilang pagkamasinupakon."

Ug sa pagkatinuod nagbilin Kami didto ug dayag nga timaan, alang sa katawhan nga masi-nabuton.

Ug sa (mga tawo) sa Midian gisugo Namo ang ilang igsuon nga si Shu’aib (Jetro), ug siya miingon: “O akong katawhan, simbaha ninyo ang Allah lamang ug paglaum (sa ganti) sa Ulahing Adlaw, ug ayaw paglibot sa yuta ingon nga mga tigsamok."

Apan ilang gisalikway siya; busa ang kusog nga linog misakmit kanila, ug sila nanggibuy-od nga wala nay kinabuhi sa ilang mga puloy-anan.

(Gilaglag usab Namo) ang (katawhan sa A’ad ug Thamud. Ug sa pagkatinuod, (ang ilang pagkalaglag) tin-aw nga nadayag kaninyo gikan (sa mga timaan) sa ilang mga tinukod (pagkagun-ob ang ilang gisangpotan). Ang yawa naghimo sa ilang mga kalihokan nga maayo sa ilang panan'aw, ug gipasimang sila gikan sa dalan [sa Allāh] samtang sila may kahibalo 'ug mga kahanas'.

(Ug Amo usab nga gilaglag) si Qārūn (Kore), Paraon ug Haman. Sa pagkatinuod si Moises nagdala kanila ug tin-aw nga mga pruweba apan sila nagagawi nga mapahitas-on diha sa yuta. Bisan pa dili sila makaikyas gikan Kanamo.

Busa kami mikuha sa matag usa sa iyang sala, adunay pipila kanila nga gihampak sa usa ka unos sa mga bato, ang uban naapsan sa usa ka tingog, ang uban kanila gilamoy pinaagi sa yuta, ug ang uban kanila nangalumos. Ug dili (si) Allah maoy midaut kanila, apan sila maoy nagdaot sa ilang mga kaugalingon.

Ang panag-ingnan niadtong mga nagakuha ug mga magbalantay o kaabag gawas pa sa Allâh susama sa lawalawa sa dihang kini nagtukod ug balay alang niini. Sa tinuud ang labing huyang nga mga balay mao ang balay sa lawalawa, kung lamang nahibal-an nila.

Sa pagkatinuod si Allāh nahibalo kon unsa nga ilang ginatawag gawas pa Kaniya. Ug Siya ang Hingpit Gamhanan, ang Hingpit sa Kaalam.

Kadtong mga panag-ingnan ug analohiya Among gibutang alang sa mga tawo. Walay makasabut kanila gawas niadtong kinsa may kahibalo.

Ang Allah ang naglalang sa mga kalangitan ug kayutaan lamang nga adunay tinuod katuyoan. Sa pagkatinuod adunay usa ka timaan niini alang sa mga magtotoo.

Ilitok (Oh Muhammad) ang gipadayag kanimo sa Libro (Qur’an), ug mag-makanunayon sa imong Salah (Pag-ampo). Sa pagkatinuod, ang pag-ampo nagbadlong sa kalaw-ay, kaulag ug dautang(tanan nga matang sa buhat nga gidili). Sa pagkatinuod ang paghinumdom sa Allāh mas dako nga 'pagpugong'. Nasayod ang Allāh sa tanan nimong gibuhat.

Ayaw pakiglalis sa mga katawhan sa (naunang) Kasulatan (ang Hudyo ug Kristiyano) gawas kon kini anaa sa pamaagi nga labing maayo, gawas niadtong kinsa kanilay nagbuhat ug sayop, ug isulti kanila: ‘Kami mituo sa gipadayag kanamo ug sa gipadayag nganha kaninyo, ug ang among Dios ug ang inyong Dios Usa (Allah), ug ngadto Kaniya (lamang) kami nagpasakop.’

Sa ingon niana Kami nagpakanaog sa Libro (Qur'an) nganha kanimo. Busa sila (nga lig-on sa kahibalo) nga Among gihatagan sa Kasulatan motuo niini, ug usab kanila (mga pagano nga Arabo) adunay mao mga (maalamon nga mga tawo) nga mituo niini, ug walay nagsalikway sa Among mga Bersikulo gawas sa ang mga manlilimod.

Wala gayud ka militok ug bisan unsang Kasulatan sa wala pa kini (Qur'an), ni ikaw misulat ug bisan unsa gamit ang imong tuong kamot; [kay] unya ang mga tawo sa kabakakan magduha-duha unta.

Hinoon! Kini (Qur'an), mao ang tin-aw nga mga Bersikulo sa mga kasingkasing niadtong kinsay gihatagan ug (hustong) kahibalo; ug walay nagsalikway sa Among mga Bersikulo gawas sa mga tigbuhat ug kadautan.

Sila miingon: "Ngano kaha nga ang mga milagro wala gipadala nganha kaniya gikan sa iyang Ginoo (Allah)?" Isulti: "Ang mga milagro anaa lamang sa Allah, ug ako usa lamang nga tigpasidaan (sa Silot alang kang bisan kinsa nga nagbutang ug kauban sa Allah (sa pagsimba ug nagbuhat ug daotan).

Dili pa ba igo alang kanila nga Kami nagpakanaog nganha kanimo sa Libro 'Qur'an' nga ilitok ngadto kanila? Sa pagkatinuod sa ingon niini adunay usa ka kalooy ug usa ka pahinumdom alang niadtong mga mituo.

Isulti: "Ang Allah Igo na isip usa ka Saksi tali kanako ug kaninyo; Nasayod Siya kun unsa ang anaa sa mga langit ug sa yuta". Ug (alang) kanila nga mituo sa bakak ug wala motuo sa Allah, sila mao ang mga alkansi (pildiro).

Ug sila naghagit kanimo sa pagpadali sa Silot alang kanila; ug kun dili pa ang usa ka termino nga gikatakda 'alang niini sa Allāh, sa pagkatinuod ang Silot miabut na kanila sa kalit; samtang sila wala makabantay.

Sila naghagit kanimo sa pagdali sa Silot, Ug ang Impiyerno sa pagkatinuod magalukop sa mga manlilimod.

Sa Adlaw nga ang Silot magatabon kanila gikan sa ilang ibabaw, ug gikan sa ilawom sa ilang mga tiil; ug ang Allah moingon: "Tilawi ang inyong gibuhat kaniadto."

Oh Akong mga ulipon (sa katawhan ug jinn) nga mituo (sa Kamatuoran), kasigurohan nga ang Akong yuta lapad, busa simbaha Ako lamang (niini).

Ang matag kalag makatilaw sa kamatayon, ug unya ngadto sa Allah kamo (tanan) ibalik (alang sa Paghukom).

Ug (alang) kanila nga mituo (sa Kamatuoran) ug nagbuhat sa matarung nga mga buhat, Kami sa pagkatinuod magabalay kanila sa hataas nga mga puloy-anan sa Paraiso, nga sa ubos niini anaa ang mga suba nagadagayday: Sila nini magapuyo didto sa kahangtoran: daw unsa ka nindot ang ganti alang kanila nga nanag-buhat sa maayo,

Sila nga mga mapailubon ug sa ilang Ginoo (Allah lamang) sila nagasalig ug nanag-panugyan.

Unsa kadaghan sa mga buhi nga binuhat ang walay kaugalingong panginabuhian! ˹Kini ang˺ Allah ˹Kinsa˺ ang nagtagana alang kanila ug ikaw usab˺. Siya sa pagkatinuod ang Hingpit nga Nakadungog, Hingpit nga Nasayud.

Kon kamo mangutana kanila: Kinsa ang nagbuhat sa mga langit ug sa yuta, ug naghimo sa adlaw ug sa bulan nga sakop kanimo, sila sa pagkatinuod moingon: "Ang Allah (Dios)". Busa, giunsa man nila pagkasalaag (gikan sa pagsunod sa Kamatuoran)?

Ang Allah (Dios) naghimo nga abunda sa panginabuhian alang kang kinsay Iyang gibuot sa Iyang mga ulipon (sa katawhan ug jinn), ug nagpanihit niini kanila alang sa kinsay (Iyang Gibuot), sa pagkatinuod ang Allah adunay hingpit nga Kahibalo sa tanang butang.

Ug kung pangutan-on nimo sila kung kinsa ang nagpakanaog ug tubig gikan sa langit, ug nagahatag ug kinabuhi sa yuta pinaagi niini, human kini mamatay; sila sa pagkatinuod moingon: "Ang Allāh (Dios)." Isulti: "Ang tanan nga pagdayeg alang sa Allah." Apan kadaghanan kanila wala makasabot.

Kining kinabuhi sa kalibutan walay lain kondili usa ka lumalabay nga kalipay ug usa ka panagdula lamang; ug mahitungod sa sunod nga puloy-anan sa Pikas Kinabuhi, kana sa pagkatinuod mao ang (walay katapusan nga) kinabuhi, kung nahibaloan lang nila!

Sa diha nga sila mosakay sa mga barko (ug makaplagan nila ang ilang kaugalingon sa kapeligrohan) sila motawag sa Allah (nga nag-inusara lamang), nga matinud-anon ngadto Kaniya sa pagsimba (sa pag-ampo ug pagpangamuyo), apan sa diha Iyang dad-on na sila nga luwas ngadto sa yuta, dihadiha sila nagbutang dayon ug mga kauban Kaniya (sa pagsimba);

Sila walay pagpasalamat sa unsay Among gihatag kanila, busa pasagdi sila nga maglingaw (sa makadiyot), apan sa dili madugay ilang mahibaloan (ang sangpotanan niini nga pamatasan).

Wala ba sila makakita nga Kami naghimo sa (Makkah) nga usa ka luwas nga santuaryo, samtang ang mga tawo mao gisakmit (gipatay ug gibihag) gikan sa tanan sa ilang palibot? Motuo pa ba sila sa kabakakan, ug naglimod sa Pabor sa Allah (sa Islam)?

Kinsa ba ang labaw nga dili makiangayon kay sa kaniya nga nag-imbento ug bakak batok sa Allah, o naglimud sa Kamatuoran sa diha nga kini miabut kaniya? Dili ba ang Imperno ang (haom) nga puloy-anan alang sa mga ang manlilimod?

Apan kadtong nga nanlimbasug pag-ayo (alang) sa Atong kawsa, Kami sa pagkatinuod mugiya kanila ngadto sa Among mga Dalan (sa kalinaw); Sa pagkatinuod si Allāh anaa gayud sa mga magbubuhat sa kaayohan.

Alif Laam Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ang mga Byzantine (mga Romanhon) nabuntog.

Sa labing duol (ug pinakaubos) nga yuta (Palestina, Siria, ug Hordan), ug sila (ang mga Romanhon) human sa ilang kapildihan, ilang mabuntog (ang mga persyano, nga mga Zoroastrianhon niadtong panahona),

Sulod sa pipila ka katuigan. Iya sa Allah ang kamanduan kaniadto ug karon, sa wala pa kana ug pagkahuman. Ug niadtong adlawa ang mga magtotoo managkalipay,

Sa Kadaugan sa Allah; Siya nagahatag ug kadaugan kang bisan kinsa nga Iyang gigusto; ug Siya mao ang Labing Gamhanan, ang Labing Maluluy-on;

(Kini mao ang) Saad sa Allah! Ang Allah dili magpakyas sa Iyang Saad, apan kadaghanan sa mga tawo wala mahibalo (niini).

Sila (ang mga manlilimod sa Kamatuoran) nakahibalo kun unsa ang dayag sa kinabuhi niining kalibutana, apan sa sunod nga Pikas kinabuhi sila walay pagtagad.

Wala ba sila mamalandong sa ilang kaugalingon? Ang Allah wala magbuhat sa mga langit ug sa yuta ug sa unsay anaa sa taliwala niini gawas sa kamatuoran, ug (alang sa) tinuod nga katuyuan. Ug sa pagkatinuod kadaghanan sa mga tawo nagpanghimakak sa panagtagbo sa ilang Ginoo (Allah).

Wala ba sila makapanaw pinaagi sa kayutaan, ug (wala) makakita kong unsa ang katapusan niadtong nauna kanila? Sila mas kusgan kay sa kanila sa gahum, ug sila nagtikad sa kayutaan ug nagpalambo niini ug labaw pa kay sa ilang pagpalambo, ug didto miabut kanila ang ilang mga Mensahero uban sa tin-aw nga mga Pamatuod. Sa pagkatinuod, ang Allah dili dili makiangayon ngadto kanila, apan sila mao ang dili makatarunganon sa ilang mga kaugalingon (pinaagi sa paglapas sa mga Katungod sa ilang Magbuluhat).

Dautan (gayud) ang katapusan niadtong nagbuhat ug kadautan, tungod kay ilang gipanghimakak ang mga Pinadayag sa Allah ug nagbiaybiay (sila) niini.

Ang Allah maoy nagpasiugda sa paglalang ug Iya kining sublion (banhawon kini pag-usab human mamatay), ug ngadto Kaniya kamo (tanan) ibalik (alang sa Paghukom).

Ug sa Adlaw, nga ang Katapusang Takna (Adlaw sa Pagkabanhaw ug Paghukom) moabut na, ang mga dili magtutuo mawad-an sa paglaum.

Sila dili makabaton ug bisan unsa nga tigpataliwala gikan sa ilang (bakak) nga mga diosdios nga ilang gihimo nga katugbang sa Allah, ug sila mamahimong mga manlilimod sa ilang gihimong kauban (sa Allah) nga mga diosdios.

Sa Adlaw nga moabot ang Katapusang Takna (ang Adlaw sa Pagkabanhaw), nianang Adlawa sila mabulag sa usag-usa.

Mahitungod niadtong mga mituo ug nagbuhat sa matarung nga mga buhat, sila pagalipayon sa usa ka Tanaman sa Kahimuot.

Apan alang sa mga milimod (sa Kamatuoran ) ug misalikway sa Among mga Bersikulo (ug Timaan) ug sa Panagtigom sa Ulahing Adlaw, kini sila pagadad-on ngadto sa Silot.

Busa Himaya'a ang Allah uban ang pagdayeg sa gabii, (Maghrib ug Isha pag-ampo) ug maingon man sa buntag (Faj'r pag-ampo).

Ug iya sa Allāh ang tanan nga pagdayeg sa mga langit ug sa yuta, ug (himayaa Kaniya uban ang pagdayeg) sa pagsalop adlaw (As'r pag-ampo), ug sa kaudtuhon (Dhuhor pag-ampo).

Iyang gipagula ang mga buhi gikan sa mga patay, ug naga-pagula ang mga patay gikan sa mga buhi, ug naghatag ug kinabuhi sa yuta human sa kamatayon niini. Maingon man unya niini ang inyong pag-pahiuli (pagbalik sa kinabuhi pag-usab human sa kamatayon).

Ug lakip sa mga Timaan sa Allah mao nga Siya naglalang kaninyo gikan sa abog sa yuta, unya dihadiha kamo nahimong mga tawo, nga misanay sa tibuok kayutaan.

Ug lakip sa Iyang mga Timaan nga Siya paglalang alang kaninyo mga kapikas gikan sa inyong mga kaugalingon aron kamo makakaplag ug kahupayan diha kanila, ug Siya nagbutang taliwala kaninyo sa pagbati (gugma) ug kalooy; sa pagkatinuod adunay mga Timaan niini alang sa mga tawo nga namalandong.

Ug lakip sa Iyang mga Timaan mao ang paglalang sa mga langit ug sa yuta, ug ang pagkamanaglahi sa inyong mga dila (mga pinulongan), ug mga kolor; sa pagkatinuod adunay mga Timaan niini alang niadtong adunay kahibalo.

Ug lakip sa Iyang mga Timaan mao ang inyong pagkatulog sa gabii ug ang inyong pagpangita sa Iyang kadagaya (sa) adlaw; sa pagkatinuod adunay mga timaan niini alang sa mga tawo nga maminaw.

Ug lakip sa Iyang mga Timaan mao nga Siya nagpakita kaninyo ug kilat alang sa kahadlok ug alang sa paglaum sa (ulan), ug nagpakanaug ug tubig gikan sa langit, ug pinaagi niini naghatag ug kinabuhi sa yuta human sa kamatayon niini; sa pagkatinuod adunay mga Timaan niini alang sa mga tawo nga makasabut.

Ug lakip sa Iyang mga Timaan mao nga ang langit ug lupa nga lig-on nga nagbarug pinaagi sa lyang sugo, unya sa diha nga Siya nagtawag kaninyo sa (usa ka) pagtawag gikan sa yuta, diha-diha dayon kamo migula.

Ngadto sa Allāh ang bisan unsa nga anaa sa mga langit ug sa yuta; ang tanan masinugtanon Kaniya.

Siya mao ang magsugod sa mga binuhat, unya Iya kining sublion (banhawon kini pag-usab sa kinabuhi alang sa Paghukom), ug kini sayon lang ​​alang Kaniya; ug Kaniya ang Labing Halangdon nga mga Kinaiya sa mga langit ug sa yuta, ug Siya (Allah) mao ang Hingpit Gamhanan, ang Hingpit nga Maalamon.

Naghatag siya alang kaninyo ug usa ka panig-ingnan nga gikuha gikan sa inyong kaugalingong mga kinabuhi: tugotan ba ninyo ang pipila niadtong mga ulipon nga anaa kaninyo nga mahimong managsama ninyong mga kaabag sa bisan unsa nga bahandi nga Among gihatag kaninyo, kahadloki sila sama sa inyong kahadlok sa matag-usa? Kini mao ang paagi nga Kami naghimo sa mga Bersikulo nga tin-aw alang sa mga tawo nga makasabut.

Apan sila nga nagbuhat ug kadautan (nga nagbutang ug kauban sa Allah diha sa pagsimba) nagsunod lamang sa ilang walay bili nga mga tinguha nga walay bisan unsa nga (Balaanong) kahibalo; busa, kinsa ba ang mogiya kaniya nga gibiyaan sa Allah sa pagkasalaag (tungod sa iyang pagkamapahitas-on ug pagpadayon sa sala)? Ug alang kanila walay mga magtatabang.

Busa iatubang ang imong nawong ngadto sa husto nga relihiyon - ang kinaiyanhon nga kahimtang nga gibutang sa Allah sa (tanan nga) mga tawo; walay pagpangusab sa binuhat sa Allah; kana mao ang husto nga relihiyon (Islam), apan kadaghanan sa mga tawo wala mahibalo.

Nan, paghinulsol balik Kaniya ug kahadloki Siya, mag-ampo nga makanunayon. Ayaw pagpahisama kanila nga mga tigsimbag diosdios.

Niadtong nagbahinbahin sa ilang relihiyon ug nahimong mga sekta, ang matag sekta nagmaya sa unsay anaa kanila,

Sa diha nga ang kalisdanan mosakit sa mga tawo, sila motawag ngadto sa ilang Ginoo (Allah), mobalik ngadto Kaniya (nga makanunayon diha sa paghinulsol ug pagkamasinugtanon), unya sa diha nga Siya mopatilaw kanila sa Kalooy gikan Kaniya, diha-diha dayon, ang uban kanila magsugod sa pagbutang ug kauban sa ilang Ginoo,

Tungod sa ilang paglimod ug pagkadili mapasalamaton sa gihatag Namo kanila; busa paglipay sa inyong mga kaugalingon (sa makadiyot), kay sa dili madugay mahibaloan ninyo (ang sangpotanan sa inyong mga buhat).

O, Kami ba nagpakanaog ngadto kanila ug awtoridad aron pagpamatuod sa ilang gilangkit uban Allāh?

Sa diha nga Kami mopatilaw sa mga tawo sa Kalooy, sila nalipay niini, apan sa diha nga ang pipila ka dili maayo nga panghitabo mahitabo kanila tungod sa unsay gihimo sa ilang mga kamot (sa sala), diha-diha dayon sila nawad-an sa paglaum.

Wala ba sila makakita nga ang Allah naghimo ug igo nga tagana alang sa kinsay Iyang gusto ug nagpugong [alang kang bisan kinsa nga Iyang gusto]? Sa pagkatinuod adunay mga Timaan niini alang sa mga tawo nga mituo.

Busa ihatag sa duol nga kaparyentihan ang iyang katungod, ug ngadto sa mga kabos, ug sa (natanggong) nga magpapanaw (estranghero ug langyaw); kini mao ang labing maayo alang niadtong nagtinguha sa Nawong sa Allah, ug kini ang mga mao magmalampuson.

Bisan unsa nga inyong ihatag (sa uban) nga adunay tubo (patubo), aron kini modaghan pinaagi sa (ubang) katigayunan sa mga tawo, dili kini magdala kaninyo ug dugang ngadto sa Allah; apan bisan unsa nga inyong ihatag (nga kinabobot-on) nga kinasing-kasing isip gugmang putli nga nagtinguha sa Nawong sa Allah - kini mao sila ang makadawat sa balus nga pinilo-pilo.

Siya mao ang Allah nga maoy nagbuhat kaninyo, ug naghatag kaninyo ug tagana, ug Siya magpahinabo nga kamo mamatay, unya magbuhi kaninyo (pag-usab aron pagahukman). Aduna bay bisan kinsa sa inyong mga gikauban nga mga dios-dios nga makabuhat niini? Ang Himaya ngadto Kaniya, ug halangdon Siya (Allah) labaw sa ilang gipakig-uban (Kaniya sa pagsimba).

Ang kadautan mitungha sa kayutaan ug sa kadagatan nga bunga sa unsay nahimo sa mga kamot sa mga tawo (sa kasal-anan), aron Iyang ipatilaw kanila ang kabahin sa ilang nabuhat, aron sila mubalik (ngadto sa unsay maayo ug husto).

Isulti: "Panaw sa kayutaan, ug tan-awa kung unsa ang katapusan niadtong nauna (kaninyo); kadaghanan kanila mga tigsimbag dios-dios."

Busa iatubang ang imong nawong ngadto sa husto nga relihiyon (sa Islam) sa dili pa moabut gikan sa Allah ang usa ka Adlaw nga dili malikayan; niadtong adlawa ang mga katawhan sila paga-bahinon.

Bisan kinsa nga naglimod (sa Pagkausa sa Allah), siya manubag sa iyang pagpanglimod, ug bisan kinsa nga nagbuhat (kon unsa ang) matarung (ug makiangayon); nan kini sila mao ang nag-andam (maayong dapit sa Paraiso) alang sa ilang kaugalingon.

Aron Siya muganti niadtong mituo ug nagbuhat ug matarong nga mga buhat gikan sa Iyang Kadagaya; sa pagkatinuod Siya wala makagusto sa mga manlilimod.

Ug lakip sa mga Timailhan sa Allah mao nga Siya nagpadala sa mga hangin ingon nga nagdala sa maayong balita, aron Siya mopatilaw kaninyo sa Iyang Kalooy, aron ang mga sakayan maga-lawig ubos sa Iyang pagmando, ug aron kamo mangita sa Iyang kadagaya, aron kamo mahimong mapasalamaton.

Ug sa pagkatinuod Kami nagpadala una kanimo (O Propeta Muhammad) ug mga Mensahero ngadto sa ilang mga katawhan, busa sila miabot kanila uban sa tin-aw nga mga Pamatuod, ug Kami mikuha ug balos (silot) gikan kanila nga mga dautan nga mga tawo; ug ang pagtabang sa mga magtutuo kanunay nga Among katungdanan.

Siya ang Allah (nga) maoy nagpadala sa mga hangin aron kini mopataas sa panganod, ug Iya kining gibuklad sa kawanangan sumala sa Iyang gusto, ug Iyang gibuak kini aron inyong makita ang ulan nga mogula gikan sa sulod niini; unya sa diha nga Iyang ihulog kini ngadto sa kinsay Iyang gibuot sa Iyang mga gingsakpan (sa katawhan ug jinn), dihadiha sila nagmalipayon.

Bisan pa nga sila sa wala pa niining panahon sa (ulan), (o) sa wala pa kini gipakanaug kanila, kasigurohan nga anaa sa pagkawalay paglaum.

Tan-awa unya ang mga epekto sa Kalooy sa Allah, kung giunsa Niya paghatag ug kinabuhi ang yuta human sa kamatayon niini, sa pagkatinuod Iyang banhawon ang mga patay; ug Siya makahimo sa tanang butang.

Ug bisan pa Kami maga-padala ug unos, ug ilang makita ang (ilang mga tanom) nangahimong dalag, sila sa pagkatinuod, maga pada-yon sa pagka panghimakak ug pagkadili mapasalamaton.

Kay sa pagkatinuod dili ka makahimo sa mga patay nga makadungog, ug ikaw dili makahimo sa mga bungol nga makadungog sa pagtawag, sa diha nga sila motalikod sa ilang mga likod.

Maingon man ikaw dili makagiya sa manga buta sa ilang pagkasalaag. Hino-noa, ang maka-dungog mao lamang sila nga mitoo sa Among mga pina-dayag ug nahimong Muslim ingon niana motugyan sa ilang mga kaugalingon ngadto sa Allah (Dios).

Siya mao ang Allah nga maoy naglalang kaninyo gikan sa usa ka kahimtang sa pagkahuyang, unya Siya mihatag ug kusog human sa pagkahuyang, ug human sa pagkakusgan mihatag kaninyo (pag-usab) sa pagkahuyang ug puti nga buhok; Siya nagabuhat sa unsay Iyang gusto, ug Siya mao ang Labing Nakahibalo, ang Labing Gamhanan.

Ug sa Adlaw nga moabot ang Katapusan nga Takna (Adlaw sa Pagkabanhaw), ang mga dautan manumpa (nga) wala sila magpabilin (sa kalibotan) gawas sa usa ka oras; sa ingon niana sila kanunay nga gitalikod (gikan sa Kamatuoran).

Kadtong gihatagan ug (husto nga) Kahibalo ug Pagtuo moingon: "Sa pagkatinuod kamo nagpabilin sumala sa Kamandoan sa Allah hangtud sa Adlaw sa Pagkabanhaw (ug Paghukom), busa kini mao ang Adlaw sa Pagkabanhaw, apan kamo wala mahibalo."

Busa nianang Adlawa ang ilang pagpangatarungan dili makabenepisyo niadtong nagbuhat ug kadautan (pinaagi sa pagbutang ug kauban sa pagsimba sa Allah), ug dili usab sila tugotan sa pagpahupay sa (Allah).

Ug sa pagkatinuod Kami nagbutang alang sa mga tawo sa tanang matang sa panag-ingnan diha sa Qur'an; apan kon ikaw (O Propeta Muhammad) magdala kanila ug bisan unsa nga Timaan, sila nga naglimod (sa Kamatuoran) kasigurohan nga moingon: "Kamo (mga magtutuo) naghimo lamang ug bakak nga mga pag-angkon."

Sa ingon niana ang Allah nagbutang ug silyo sa mga kasingkasing niadtong wala (nagtinguha) nga mahibalo (sa Kamatuoran gikan sa kabakakan).

Busa pagpakamapailubon; sa pagkatinuod Busa pagpakamapailubon; sa pagkatinuod ang Saad sa Allah tinuod ug ayaw itugot nga kadtong walay kasigurohan (sa Ulahing Adlaw) mopugong kanimo sa husto nga Dalan (aron makahimo kanimo nga walay pagpailub ug mobiya sa imong baruganan).

Alif Laam Meem[1], ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Kini mao ang mga Bersikulo sa Maalamong Libro (Qur'an).

Usa ka Giya ug Kalooy alang sa mga tigbuhat ug maayo,

Kadtong mga makanunayon sa pag-ampo (sa gikatakda niini nga mga takna) ug nagbayad sa kantidad alang sa mga kabus (obligado limos - Zakat) ug sila nakasiguro sa Katapusang nga Kinabuhi.

Kini sila mao ang anaa sa Giya gikan sa ilang Ginoo (Allah), ug kini sila mao ang mga magmalampuson ug mauswagon.

Diha sa katawhan adunay nagbayad sa walay pulos nga mga pakigsulti[2], aron lamang mapahisalaag ang uban palayo sa Dalan ni Allah nga walay kahibalo, ug kuhaa niini (Dalan sa Dios) ingon nga pagbiaybiay; kini sila mao ang makabaton sa makauulaw nga Silot. ——— [2] Ug gipalabi ang mga teatro, pagkanta, pagsayaw, o walay bili nga mga sugilanon.

Sa diha nga ang Among mga Bersikulo (sa Qur'an) gilitok ngadto kaniya, siya mutalikod sa pagkamapahitas-on, sama nga siya wala makadungog niini, ingon nga adunay pagkabug-at sa iyang mga dunggan, busa pasidan'i siya sa masakit nga Silot.

(Alang) kanila nga mituo ug nagbuhat sa matarung nga mga buhat, sila sa pagkatinuod makabaton sa mga Tanaman sa Kabulahanan,

Sila magpabilin didto sa kahangturan; ang Saad sa Allah; (usa ka) tinuod (nga Saad); ug Siya mao ang Hingpit Gamhanan, ang Hingpit Maalamon.

(Ang Allah) naglalang sa mga langit nga walay mga haligi sama sa inyong nakita kanila, ug nagbutang ug mga bukid sa yuta aron dili kini mauyog uban kaninyo, ug Iyang gipakaylap niini ang mga mananap sa tanang matang; ug Kami nagpadala ug tubig gikan sa langit, unya gipatubo diha niini (ang mga tanom) sa matag maayong matang.

(Kini mao ang paglalang sa Allah, busa ipakita kanako kung unsa ang niadtong (kinsa imong gisimba) gawas Kaniya nakamugna. Wala! apan ang mga mamumuhat sa kadautan (nga nagbutang ug kauban sa Allah sa pagsimba) anaa sa dayag nga kasaypanan.

Ug sa pagkatinuod Kami naghatag ug Kaalam ngadto kang Luqman 'Gideon', nag-ingon: "Pagpakamapasalamaton ngadto sa Allah. Kay bisan kinsa nga mapasalamaton, siya mapasalamaton lamang alang sa (kaayohan) sa iyang kaugalingon; ug bisan kinsa nga dili mapasalamaton, nan sa pagkatinuod ang Allah Igo sa Kaugalingon, Labing nga Dalaygon.

Ug (hisguti) sa diha nga si Luqman 'Gideon' miingon sa iyang anak nga lalaki (Abimelech) samtang siya nagtambag kaniya: "O akong anak, ayaw pagbutang ug bisan unsa nga kauban sa Allah 'sa pagsimba; sa pagkatinuod ang pagbutang ug mga kaubanan (uban Allah sa pagsimba) usa ka dakong inhustisya".

Kami sugo sa tawo (sa pagpasidungog) sa iyang mga ginikanan - ang iyang inahan midala kaniya (uban) sa kahuyangon sa ibabaw kaluyahon, ug ang paglutas kaniya anaa sulod sa duha ka tuig: Pagpakamapasalamaton kamo Kanako ug sa inyong mga ginikanan; Ngadto Kanako mao ang katapusang pagbalik.

Apan kung sila magapugos kanimo nga magbutang ug kauban Kanako nga diin ikaw walay (Balaanon) nga kahibalo niini, ayaw sila tumana, apan ipabilin ang maayong pagpakig-uban kanila dinhi sa kalibutan, ug sunda ang dalan niya nga mibalik Kanako (makanunayon sa paghinulsol ug pagsunod). Ug nganhi Kanako (Allah) ang inyong (katapusan) nga pagbalik, ug ipahibalo Ko kaninyo kung unsa ang inyong ginabuhat kaniadto.

[Si Luqmān miingon]: "O akong anak, matuod, kon adunay kini sama sa gibug-aton sa usa ka liso sa mustasa unya kini anaa sa usa ka bato o sa langit o sa yuta, si Allāh mopatungha niini. Sa pagkatinuod si Allāh mao ang Labing Maliputon, Labing Nahibalo.

Oh akong anak, magmakanunayon ang pag-ampo, isugo ang maayo, idili ang daotan, ug antosa nga mapailubon ang unsay mahitabo kanimo; sa pagkatinuod kini (ang pagpailub) kauban sa (gikinahanglan ug) bililhon nga mga buhat (nga gimando sa Allah);

Ayaw ilingiw ang imong nawong gikan sa mga tawo uban sa garbo, ni maglakaw nga mapahitas-on ibabaw sa yuta; sa pagkatinuod ang Allah wala makagusto sa tanan nga mapahitas-on, ug hambugero.

Pagpakamakasaranganon (ug ayaw pagpakitag pagkamapahitas-on) sa imong paglakaw, ug ipaubos ang imong tingog; sa pagkatinuod ang labing malaw-ay nga mga tingog mao ang singgit (pagsaba-saba) sa mga asno.

Wala ba ninyo makita nga ang Allah naghimo sa unsay anaa sa mga langit, ug sa unsay anaa sa yuta nga nagpailalom kaninyo, ug naghingpit ug nagpabuhagay (nganha) kaninyo sa Iyang mga pabor sa dayag ug sa tago? Ug gikan sa mga tawo adunay nakiglantugi mahitungod sa Allah bisan pa (sila) walay kahibalo, ni giya, ni usa ka makapalamdag nga Kasulatan.

Ug sa diha nga iga-ingon ngadto kanila: "Sunda kung unsa ang gipakanaog sa Allah", sila moingon: "(Dili), kami nagsunod nianang among nakit-an sa among mga amahan". Bisan pa si Satanas nagtawag kanila ngadto sa Silot sa nagdilaab nga Kalayo (sa Impiyerno)!

Bisan kinsa nga magtugyan sa iyang Nawong ngadto sa Allah, samtang nagbuhat ug maayo, sa pagkatinuod (siya) nakakupot sa labing lig-on ug labing kasaligan nga gunitanan; ug ngadto sa Allah anaa ang resulta ug ang hukom sa tanang butang.

Bisan kinsa nga naglimod (sa Pagkausa sa Allah), ayaw tugoti nga ang ilang pagkawalay pagtuo makapasubo kanimo; nganhi Kanamo (Allah) ang ilang (katapusan) nga pagbalik, ug Kami mupahibalo kanila sa unsay ilang nabuhat. Sa pagkatinuod ang Allah mao ang Labing Nasayud sa unsay nahitago sa mga dughan (sa mga katawhan).

Gitugotan namo sila (ang mga tigsimbag dios-dios ug ang mga manlilimod) nga malingaw sa makadiyot, dayon Kami mag-abog kanila ngadto sa usa ka hilabihan nga Silot.

Kon ikaw mangutana kanila kun kinsa ang nagbuhat sa mga langit ug sa yuta, sila sa pagkatinuod moingon: "Ang Allah". Isulti: "(Ang tanang) pagdayeg alang sa Allah"; apan kadaghanan kanila wala mahibalo.

Iya sa Allah (lamang) ang bisan unsa nga anaa sa mga langit ug sa yuta; sa pagkatinuod ang Allah mao ang Igo sa Kaugalingon, ang Dalaygon.

Kon ang tanang kahoy nga anaa sa yuta (mahimo nga) mga panulat, ug ang dagat (ang mga tinta), uban sa pito pa ka kadagatan nga idugang niini, ang mga Pulong sa Allah dili mahurot. Sa pagkatinuod, ang Allah mao ang Hingpit nga Gamhanan, ang Hingpit nga Maalamon.

Ang paglalang kaninyo ug ang pagbanhaw (gikan sa mga patay) sama lamang sa (kasayon sa paglalang ug pagbanhaw sa) usa lamang ka kalag. Sa pagkatinuod ang Allah mao Hingpit Nakadungog, Hingpit Nakakita.

Wala ba kamo mamalandong nga ang Allah nagpasulod sa gabii ngadto sa adlaw, ug Iyang gipasulod ang adlaw ngadto sa gabii, ug Iyang gihimo ang adlaw ug ang bulan nga nagpailalom kaninyo; ang matag usa nagpadayon sa agianan niini (orbit) hangtod sa gikatakda nga panahon; ug ang Allah mao ang Labing Nakahibalo sa unsay inyong ginabuhat?

Kini tungod kay ang Allāh, Siya mao ang Kamatuoran, ug ang ilang gisangpit gawas Kaniya, mao ang kabakakan, ug ang Allah mao ang Labing Hataas, ang Labing Halangdon.

Wala ba ninyo makita nga ang mga barko milawig sa dagat pinaagi sa pabor sa Allah aron Siya magpakita kaninyo sa Iyang mga Timaan? Sa pagkatinuod adunay mga Timaan niini alang sa tanang mapailubon, nga mapasalamaton.

Sa diha nga ang usa ka balud motabon kanila, nga sama sa mga bukid, sila mutawag ug nag-ampo ngadto sa Allah (nga nag-inusara), nga matinud-anon ngadto Kaniya sa pag-alagad, apan sa diha nga Siya mudala kanila nga luwas ngadto sa yuta, ang uban kanila magpabilin sa tunga-tunga (kasarangan sa pagpasalamat).Walay magasalikway sa Among mga Timaan gawas sa tanan nga mabudhion, nga dili mapasalamaton.

Oh katawhan, pagbantay (kamo) batok sa (Silot sa Allah) inyong Ginoo ug kahadloki ang Adlaw nga walay ginikanan ang makabenepisyo ug bisan unsa alang sa iyang anak, ni ang anak makabenepisyo ug bisan unsa alang sa iyang ginikanan ; sa pagkatinuod ang Saad sa Allah mao ang (kanunay) nga matuod, busa ayaw itugot nga ang kinabuhi niining kalibutana maglimbong kaninyo, ni magtugot nga ang pangulong limbonganon (Satanas) maglimbong kaninyo mahitungod sa Allah.

Sa pagkatinuod ang Allah, Kaniya lamang ang Kahibalo sa Katapusan nga Takna (ang Adlaw sa Pagkabanhaw), ug Siya nagpakanaog sa ulan, ug Siya nasayod sa unsay anaa sa mga sabakan; ug walay nahibalo kon unsay iyang kitaon ugma; ug walay nahibalo kon asa nga yuta siya mamatay. Sa pagkatinuod, si Allāh kay Labing Nasayud, Labing Nakahibalo.

Alif Laam Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ang pagpadayag niining Libro (ang Qur'an), walay pagduhaduha mahitungod niini, gikan (sa Allah) Ginoo sa tanang linalang.

O miingon ba sila: "Siya (ang Propeta Muhammad) nag-imbento niini (Qur’an)? Dili, kini mao ang Kamatuoran gikan sa (Allah) nga inyong Ginoo, aron ikaw makapasidaan sa katawhan nga walay tigpasidaan nga miabot kanila una kanimo, aron sila mahimong (husto) nga giniyahan.

Si Allah mao ang nagbuhat sa mga langit ug sa yuta ug sa unsay anaa sa taliwala nila sa unom ka Adlaw, unya Siya mikayab ug bangon sa ibabaw saTrono (sa paagi nga nahiangay sa Iyang Kahalangdon); wala kamoy laing Ginoo o bisan kinsang tigpataliwala gawas Kaniya; dili ba kamo makahinumdum?

Siya nagadumala sa matag butang gikan sa langit ngadto sa yuta (uban sa Kahingpit ug Kaalam), nan, kini maga-saka balik Kaniya sulod sa usa ka adlaw, diin ang sukod niini usa ka libo ka manga tuig, sumala sa inyong ihap.

Kana mao ang (Allah) ang Nakahibalo sa dili makita ug sa makita, ang Labing Gamhanan, ang Labing Maloloy-on,

Nga naghingpit sa tanan nga Iyang gibuhat, ug gisugdan Niya ang paglalang sa tawo nga gikan sa lapok.

Unya Iyang gihimo ang iyang (Adan) nga kaliwat gikan sa binhi sa gipagawas gitamay nga semilya.

Unya Siya naghatag niini ug saktong hulma (ug nagsugo sa mga anghel nga) huypon kaniya ngadto sa iyang kalag (nga gilalang) pinaagi Kaniya. Siya nagbuhat alang kanimo ug pangdungog, panan-aw ug kasing-kasing. Apan gamay ang imong gihatag nga pagpasalamat (ngadto Kaniya).

Ug sila miingon: "Sa dihang kita nagkatag sa yuta (human sa kamatayon), kita ba sa pagkatinuod malalang pag-usab ingon nga bag-ong binuhat?" Hinonoa, sila naglimod sa Pagpakigtagbo sa ilang Ginoo (Allāh).

Ingna: "Ang anghel sa kamatayon nga gitugyan kanimo, maoy magpahinabo nga kamo mamatay, unya sa imong Ginoo ikaw 'tanan' ibalik (alang sa Paghukom)."

Ug kon kamo makakita pa lamang sa diha nga ang mga dautan nagbitay sa ilang mga ulo sa atubangan sa ilang nga Ginoo, (aron sa pag-hangyo): "Among Ginoo, kami nakakita ug kami nakadungog, busa pabalika kami (ngadto sa kalibutan), kami magabuhat ug maayo; sa pagkatinuod, kami [karon] sigurado."

Kon Kami nagbuot pa, Kami sa pagkatinuod naghatag sa matag kalag sa iyang giya, apan ang pulong gikan Kanako matuman (mahitungod sa mga mamumuhat ug daotan nga: "Sa pagkatinuod akong pun-on ang Impiyerno uban sa jinn ug sa mga tawo[2] sa tanang. ——— [2] Nga wala motoo Kanako, sa Akong mga Mensahero, ug sa Katapusan nga Adlaw.

Busa tilawi (ang Silot sa Kalayo) tungod sa inyong pagkalimot sa Panagtigom niining inyong Adlaw sa Paghukom; (ug) sa pagkatinuod, Kami usab mulimot kaninyo (pagabiyaan kamo sa Kalayo); ug tagamtama ang wala'y katapusan nga Silot tungod sa inyong gibuhat kaniadto (nga mga dautang buhat).

Kadto lamang ang nagtuo sa Among mga bersikulo sa dihang gipahinumdoman, sila mohapa ug maghimaya uban sa pagdayeg sa ilang Ginoo samtang sila dili mapahitas-on.

Ang ilang mga kiliran nagbakwit gikan sa (ilang) mga higdaanan (mubangon sa kagabion aron sa pag-ampo), sila nagtawag ngadto sa ilang Ginoo (Allah) uban sa (gugma), kahadlok, ug paglaum, ug sila naggasto sa kinabobot-on ug madagayaon gikan sa unsay Among gihatag kanila.

Busa wala'y makahanduraw kon unsa (nga kasadya ug kalipay sa Paraiso) ang gitago alang kanila, nga makapalipay (ug makahupay) sa mga mata; usa ka ganti sa ilang maayo nga mga binuhatan.

Mao ba siya kinsa usa ka magtotoo sama sa usa nga masinupakon ug dautan? Dili sila manag-sama.

Alang kanila nga gituohan (sa Kamatuoran) ug nagbuhat sa matarung nga mga buhat, ang mga Tanaman mao ang ilang puloy-anan; isip usa ka pag-abiabi (gikan Kaniya) alang sa unsay ilang gibuhat kaniadto (sa pagkamatarung).

Alang niadtong masupilon nga misupak (sa Allah ug sa Iyang mga Mensahero), ang ilang Puloy-anan mao ang Kalayo; Sa matag higayon nga sila gusto nga makagawas gikan niini, sila pagadad-on pagbalik sa sulod niini, ug igasulti ngadto kanila: "Tilawi ninyo ang Silot sa Impierno nga inyong gilimod kaniadto."

Ug sa pagkatinuod Kami mopatilaw kanila sa labing duol nga silot (sa kalibutan) sa dili pa ang labing dako nga Silot (sa Pikas Kinabuhi), aron sila (maghinulsol ug) mobalik (ngadto sa Allah).

Kinsa ba ang labaw nga dili makiangayon kay kaniya nga gipahinumduman sa mga Bersikulo sa iyang Ginoo (Allah), unya mitalikod gikan niini? Sa pagkatinuod, Kami manimalos sa mga daotan.

Sa pagkatinuod, Kami naghatag sa Kasulatan (Torah) ngadto kang Moises, busa ayaw pagduhaduha mahitungod sa pagpakigkita kaniya[3]. Kami naghimo niini (ang Torah) nga usa ka Giya alang sa mga anak sa Israel. ——— [3] Nga mao ang pagpakigkita kang Moises sa gabii sa imong pagsaka ngadto ang mga langit.

Ug Kami naghimo kanila nga mga pangulo nga giniyahan pinaagi sa Among Kasugoan, sa diha nga sila nagmapailubon, ug sila nakasiguro sa Among mga Pinadayag.

pagkatinuod ang imong Ginoo (Allah) magahukom tali kanila sa Adlaw sa Paghukom sa bisan unsa man nga ilang gikalahian ug gikaawayan.

Dili ba kini tin-aw ngadto kanila, pila na sa mga (makasasala) nga mga kaliwatan nga Among gilaglag una kanila? (Ang mga tawo) sila moagi sa ilang mga puloy-anan? Sa pagkatinuod adunay mga Timaan niini; nan dili ba sila mamati?

Dili ba sila makakita nga Kami nagtultol sa tubig ngadto sa mamala nga yuta unya Kami nagpagula pinaagi niini nga mga tanom aron sila ug ang ilang mga kahayupan makakaon niini? Dili ba sila unya makakita?

Ug sila nanag-ingon: Kanus-a pa man mahitabo kini nga Paghukom, kon kamo nagsulti ug tinood?

Ingna: "Sa adlaw sa Paghukom, sila nga nagdumili sa pagtuo dili makabenepisyo gikan sa ilang pagtuo kon sila (nianang higayona) motuo, ni sila paga-hatagan ug lugway.

Busa talikod gikan kanila (Oh Muhammad) ug paghulat[4], sa pagkatinuod sila usab naghulat[5]. ——— [4] Ang Allāh motuman sa Iyang gisaad kanimo. [5] Nga pipila ka kaalautan o mamatay ang mahitabo kanimo.

Oh Propeta (Muhammad), pagmalig-on ug magmalahutayon sa pagkadiosnon 'para sa Allah' ug ayaw pagsunod sa (mga tinguha sa) mga manlilimod ug sa mga tigpakaaron-ingnon; sa pagkatinuod ang Allah mao ang Nahibalo sa Tanan, ang Labing Maalamon;

Sunda ang unsay gipadayag kanimo gikan sa 'Allah' imong Ginoo. Sa pagkatinuod, si Allah kanunay nga nakahibalo sa bisan unsa nga imong gibuhat;

Butang ang imong bug-os nga pagsalig kang Allāh. Si Allāh igo na isip Sinaligan.

Si Allāh wala maghimo alang sa usa ka tawo og duha ka kasingkasing sa sulod kaniya; Siya wala naghimo sa inyong mga asawa nga inyong gideklara nga nakasupak sa balaod ingon inyong mga inahan, Ni ang inyong sinagop nga mga lalaki inyong (Tinuod) nga anak. Kana mao (lamang) ang inyong gipanulti pinaagi sa inyong mga baba. Si Allāh nagsulti sa Kamatuoran, ug Siya naggiya sa (husto) nga Dalan.

Tawga sila (ang inyong sinagop nga mga anak) pinaagi sa (mga ngalan sa) ilang mga amahan; kini labing makiangayon sa (sa panan-aw sa) Allah; apan kon wala kamo makaila sa ilang mga amahan nan (tawga sila) nga inyong mga igsoon sa pagtuo ug sa imong mga sinaligan; ug walay sala diha kaninyo mahitungod niana kun kamo nakahimo ug sayop nga wala tuyoa, apan (mahitungod) niadtong gibuhat sa inyong mga kasingkasing nga tinuyo (kana mao ang mamahimong usa ka sala alang kaninyo). Si Allah kanunay Labing Mapasayloon, Labing Maluluy-on.

Ang Propeta mas takos sa mga magtotoo kay sa ilang kaugalingon, ug ang iyang mga asawa maoy (sama) sa ilang mga inahan; ug sila nga mga suod nga paryente (sa dugo) adunay labaw nga katungod sa kabilin gikan sa usag-usa, kay sa (uban) nga mga magtutuo ug mga migrante, gawas kun kamo magbuhat ug maayo (pinaagi sa usa ka kabilin) ngadto sa inyong suod nga mga higala; kini nahisulat sa Libro (ang Giampingan nga Papan).

Ug (Hinumdomi, oh Muhammad) Sa dihang Kami mikuha gikan sa mga propeta sa ilang pakigsaad, ug gikan kanimo, ug gikan kang Noe, Abraham, Moises, ug Jesus nga anak ni Maria. Kami mikuha gikan kanila sa usa ka lig-on nga pakigsaad,

Aron Siya (Allah) mangutana sa matinud-anon (nga mga Mensahero sa Allāh) bahin sa ilang kamatuoran (sa ipaabot sa mga Mensahe sa Allāh), Apan Siya nag-andam alang sa mga manlilimod ug sakit nga silot.

Oh mga magtutuo, hinumdomi ang grasya ni Allāh diha kaninyo sa dihang miabot kaninyo mga sundalo, busa Kami nagpadala batok kanila ug kusog nga hangin, ug mga kasundaluhan (sa mga anghel), nga wala ninyo makita. Si Allāh kanunay nakakita sa bisan unsa nga imong gibuhat.

(Hinumdumi) sa diha nga sila miabot kaninyo gikan sa inyong ibabaw ug gikan sa inyong ubos, ug sa diha nga ang mga mata nangabalhin (sa kahadlok), ug ang mga kasingkasing misaka ngadto sa mga tutonlan, ug kamo nagsugod sa paghunahuna sa nagkalain-laing mga panghunahuna mahitungod sa Allah.

Didto gisulayan ang mga magtutuo ug giuyog sila sa dakong pag-uyog.

(Hisguti) sa dihang ang mga tigpakaaron-ingnon ug sila nga kansang mga kasingkasing adunay sakit (sila nga ang pagtuo huyang) misugod sa pag-ingon: "ang Allah ug ang Iyang Sinugo wala misaad kanato gawas sa usa ka limbong."

(Hisguti) sa diha nga ang usa ka pundok kanila miingon: "O katawhan sa Yathrib (Madinah), Dili na kamo maka-sugakod, busa pamalik kamo (sa inyong puloy-anan); ug ang usa ka pundok kanila nangayo og pagtugot gikan ang Propeta, nag-ingon: sa pagkatinuod ang among panimalay dayag kaayo sa kaaway. "Bisan pa kini dili gayod dayag: Wala silay laing tuyo gawas sa pag-kalagiw.

Kon ang usa ka pagsulod sa kaaway nahimo diha kanila gikan sa tanang suok, ug sila gihangyo (sa kaaway) aron sa pagbiya sa ilang pagtuo, sila (ang mga tigpakaaron-ingnon) sa pagkatinuod makahimo gayud niini uban sa diyutay lamang nga pagduha-duha.

Sa pagkatinuod, sila nakahimo na ug pakig-saad (kang) Allah nga sila dili gayod maga-sibog ug maga-kala-giw. Ang Kasabotan ngadto sa Allah kinahanglan nga pagatubagon.

Isulti: "Ang pagkalagiw dili makaayo kaninyo; kon kamo mokalagiw gikan sa kamatayon o gikan sa pagpatay, ug kamo dili makatagamtam (niining temporaryo nga kinabuhi) gawas sa gamay.

Isulti: "Kinsa ba ang makapanalipod kaninyo gikan sa Allah (Dios) kon Siya nagtinguha sa pagbuhat ug kadaot kaninyo, o Siya nagtinguha sa pagpakita kaninyo ug Kaluoy? Sila dili gayod makakaplag alang sa ilang mga kaugalingon bisan unsa nga tigpanalipod (manluluwas) o magtatabang gawas sa Allah.

Si Allah nakaila niadtong nanag-babag sa uban (sa pagpakig-away diha sa Dalan sa Allah), ug niadtong nag-ingon sa ilang mga kaigsoonan: Umari kamo kanamo; ug sila dili moanha sa pagpakig-away gawas sa gamay,

Ang pagkahakog nganha kanimo. Sa diha nga moabut ang kahadlok, makita nimo sila nga nagatan-aw kanimo, ang ilang mga mata nagtuyok, sama sa usa nga naluya tungod sa paghunahuna sa kamatayon; apan sa diha nga ang kahadlok mawala na, sila magadasmag kaninyo sa mahait nga mga dila, nga hakog sa [paggasto] ug kaayohan. Wala sila mituo mao nga gihimo ni Allah nga walay bili ang ilang mga buhat. Ug kini sayon lang ​​alang sa Allah.

Naghunahuna sila nga ang mga kaalyado sa kaaway wala pa makalakaw, ug kon ang mga kaalyado moabut (pag-usab) gusto sila mao sa mga desyerto (nga naglatagaw) kauban sa mga Bedouin (mga ignorante nga taga disyerto) mangutana bahin sa imong balita, ug kon sila anaa uban kaninyo sila dili makig-away gawas sa gamay.

Sa pagkatinuod diha sa Mensahero sa Allah (Muhammad) aduna kamoy hingpit nga maayong panag-ingnan aron sundon, alang kaniya nga naglaum (sa Pagpakigtagbo) sa Allah ug sa Katapusang Adlaw, ug naghinumdom sa Allah kanunay.

Sa diha nga ang mga magtutuo nakakita sa mga kaalyado sa kaaway, sila miingon: "Kini mao ang gisaad sa Allah kanato ug sa Iyang mensahero, ug ang Allah ug ang Iyang mensahero nagsulti sa Kamatuoran; ug kini nagdugang lamang kanila sa Pagtuo ug pagpasakop."

Taliwala sa mga magtutuo anaay manga lalaki nga matinud anon sa ilang gihi-mong pakigsaad (kang) Allah nga wala gayod mutalikod. Adunay taliwala kanila nga nagtuman sa ilang mga panaad ug adunay taliwala kanila nga naghulat pa, ug sila wala mausab bisan diyutay.

Aron ang Allah moganti sa mga matinud-anon tungod sa ilang pagkamatinod-anon, ug musilot sa mga tigpakaaron-ingnon kon Siya mobuot o o mobalik kanila (nga maluloy-on); kay sa pagkatinuod ang Allah Labing Mapasayloon, ang Labing Maluluy-on.

Si Allāh miabog sa mga manlilimod ngadto sa ilang kasuko; sila wala makaangkon og bisan unsa nga kabintahaan, ug ang Allah igo na sa mga magtutuo sa pagpakig-away (pinaagi sa pagpadala batok sa mga dili magtutuo sa usa ka kusog nga hangin ug mga tropa sa mga anghel). Kanunay nga si Allāh Kusog, Gamhanan.

Ug Iyang gipapahawa kadtong gikan sa mga sumosunod sa (naunang) Kasulatan (ang mga Hudeyo) nga nagpaluyo (mga pagano nga mga Arabo) gikan sa ilang mga kuta, ug Iyang gibutang ang kalisang sa ilang mga kasingkasing; ang uban inyong napatay, ug ang laing pundok inyong nabihag.

Siya naghimo kaninyo nga manununod sa ilang yuta, sa ilang mga panimalay, sa ilang mga bahandi, ug ang yuta nga wala ninyo gitumban. Si Allah mao ang Makahimo sa tanang butang.

Oh Propeta (Muhammad), sultihi ang inyong mga asawa: "Kon kamo nagtinguha sa kinabuhi niining kalibotana ug sa mga dayandayan niini, nan umari kamo, ako magahatag kaninyo ug usa ka matahom nga tagana, ug Ako maga-pahigawas kaninyo sa maayong paagi. "

Apan kon kamo nagtinguha sa Allah ug sa Iyang Mensahero (Muhammad) ug sa (maayong) Puloy-anan sa Ulahing Adlaw, nan sa pagkatinuod ang Allah nag-andam alang sa mga tigbuhat ug maayo gikan kaninyo ug Dakong Ganti.

Oh mga asawa sa Propeta, bisan kinsa kaninyo nga magbuhat sa dayag nga kalaw-ayan, ang pag-antos (silot) doblehon alang kaniya (sa Pikas Kinabuhi). Kini sayon lang ​​alang sa Allah.

Bisan kinsa kaninyo nga masinugtanon sa Allah ug sa Iyang Mensahero (Muhammad) ug magkinabuhi nga matarong, Kami mohatag kaniya ug doble nga ganti, ug Kami nag-andam alang kaniya ug usa ka halangdon nga tagana (sa Paraiso).

Oh mga asawa sa Propeta, dili kamo sama sa ubang mga babaye (ingon nga kamo mga buhi nga panig-ingnan sa uban); Kong kamo magbantay batok sa kadautan, nan ayaw pagpahumok imong pagsulti, kay basin unya siya nga ang kasingkasing adunay sakit (sa pagkatintal, o kaibog) matandog uban sa tinguha, Apan pagsulti kamo sa tarong nga pamulong.

Pabilin kamo sa inyong mga balay ug ayaw ninyo ipasundayag ang inyong kaanyag sama sa ilang pagpakita sa karaang mga kapanahonan (pagano) sa pagkawalay alamag; (hinoon, tumana sa inyong kaligdong), Hupti ang pag-ampo, paghatag ug zakāh (obligado limos), ug tumana ang Allah ug ang Iyang Mensahero (Muhammad). Si Allāh gusto lamang nga tangtangon ang kahugawan gikan kaninyo, O pamilya (sa Propeta), ug sa pagputli kaninyo sa usa ka hingpit nga pagputli.

Hinumdumi [mga asawa sa Mensahero] kung unsa ang gilitok sa inyong mga balay nga mao ang mga bersikulo ni Allāh ug kaalam. Sa pagkatinuod, si Allāh kanunay nga labing maliputon, Nakahibalo sa Tanan.

Sa pagkatinuod ang mga lalaki ug babaye nga nagpasakop sa Allah, ang mga magtutuo nga mga lalaki ug nga mga babaye, ang mga masinugtanon nga mga lalaki ug nga mga babaye, ang mga matinud-anon nga mga lalaki ug nga mga babaye, ang mga lalaki nga molahutay ug ang mga babaye, ang mga lalaki nga mapainubsanon sa ilang kaugalingon ug sa mga babaye, ang mga lalaki nga naghatag ug mga charity ug ang mga babaye, ang mga lalaki nga nagpuasa ug ang mga babaye, ang mga lalaki nga nagbantay sa ilang pribadong mga bahin ug ang mga babaye, ug ang mga lalaki nga naghinumdom sa Allah kasagaran ug ang mga babaye, si Allah nag-andam alang kanila sa usa ka kapasayloan ug Dako nga Ganti (Paraiso).

Kini dili alang sa usa ka magtotoo nga lalaki o sa usa ka magtutuo nga babaye, sa diha nga si Allāh ug ang Iyang Mensahero naghukom sa usa ka butang, nga sila kinahanglan nga adunay usa ka pagpili sa unsa may kalabutan kanila ug sila niini dili mahiuyon. Bisan kinsa nga dili motuman sa Allah ug sa Iyang Mensahero sa pagkatinuod nahisalaag sa usa ka tin-aw nga paagi.

(Hisguti Oh Propeta Muhammad) sa dihang ikaw miingon kaniya (Zayd bin Harithah) kinsa gipaboran sa Allah (pinaagi sa paggiya kaniya ngadto sa Islam) ug ikaw pabor siya (pinaagi sa pagpahigawas kaniya): "Ipabilin ang imong asawa ug kahadloki Allāh, samtang ikaw nagtago sa usa ka butang nga si Allāh pagpadayag ug ikaw nahadlok sa mga tawo samtang si Allah mao ang mas takos nga imong kahadlokan. Apan sa diha nga si Zaid (bin Harithah) diborsyo kaniya (Zaynab bint Jahsh). Kami nakigminyo kaniya kanimo, aron walay mahitabo sa mga magtutuo nga makahasol mahitungod sa pag-asawa sa binulagan nga sa ilang mga sinagop nga lalaki, sa diha nga ang usa makigbulag sa usa nga maligdong. Ang sugo ni Allāh kanunay nabuhat.

Walay pagbasol sa Propeta sa pagbuhat nianang gitudlo sa Allah (Dios) ngadto kaniya; mao kana ang Pamaagi sa Allah niadtong mga nauna; ug ang Kasugoan sa Allah usa ka Pagtakda nga kanunay'ng nahingpit ug sigurado.

Sila nga nagpahayag sa mga Mensahe sa Allah ug nahadlok Kaniya, ug ayaw kahadlok kang bisan kinsa gawas sa Allah; ang Allah Igo na isip Tig-ihap.

Si Muhammad dili amahan sa bisan kinsa sa inyong mga kalalakin-an, apan siya mao ang Mensahero sa Allah ug ang Katapusan sa mga Propeta; ug ang Allah adunay hingpit nga Kahibalo sa tanang butang.

Oh mga magtutuo, hinumdumi si Allāh sa makanunayon nga pag-hinumdom.

Himayaa Siya sa buntag ug gabii.

Siya mao ang naghatag sa Iyang mga panalangin nganha kaninyo, ug ang Iyang mga anghel (naghangyo Kaniya sa pagbuhat sa ingon), aron Siya mopagawas kaninyo gikan sa tumang kangitngit ngadto sa kahayag; ug Siya mao ang Kanunay nga maloloy-on ngadto sa mga magtotoo.

Ang ilang pagtimbaya sa usa'g usa sa Adlaw nga ilang ikatagbo Siya mao ang: ‘Kalinaw,’ ug Siya nag-andam alang kanila ug usa ka Madungganong Ganti.

Oh Propeta 'Muhammad', sa pagkatinuod Kami nagpadala kanimo ingon nga usa ka saksi, ingon nga usa ka tigpahibalo sa maayong balita, ug ingon nga usa ka tigpasidaan,

Ug usa ka nagdapit ngadto sa Allāh pinaagi sa Iyang pagtugot, ug ingon nga usa ka suga nga naga-dan'ag.

Hatagi ang mga magtutuo sa maayong balita nga sila makabaton sa usa ka dako nga Kadagaya gikan sa Allah (Dios).

Ayaw pagsugot sa mga manlilimod ug sa mga tigpakaaron-ingnon, ug ayaw tagda ang ilang makalagot nga mga pulong, ug pagsalig kang Allāh. Si Allāh igo na isip Sinaligan.

Oh mga magtotoo, kung magminyo kamo sa mga babaye nga magtotoo unya bulagan ninyo sila sa wala pa ninyo sila matandog (pinaagi sa pakighilawas), walay obligasyon alang kaninyo ngadto kanila nga usa ka panahon sa paghulat nga inyong giisip. Busa hatagi sila ug gasa, ug hatagi silag kagawasan sa halangdon nga paagi.

Oh Propeta (Muhammad), sa pagkatinuod, Gihimo Namo nga subay sa balaod kaninyo ang inyong mga asawa nga inyong gihatag ang ilang mga bugay, ug sila nga iya sa inyong tuo nga kamot gikan sa unsay gihatag sa Allâh kaninyo, ang mga anak nga babaye sa imong mga uyoan sa amahan, sa mga anak nga babaye sa imong iyaan sa amahan, sa mga anak nga babaye sa imong uyoan sa inahan, ug ang mga anak nga babaye sa imong mga iyaan sa inahan nga milalin uban kanimo; ug usa ka magtutuo nga babaye kon siya mohalad sa iyang kaugalingon ngadto sa Propeta, kon ang Propeta gusto nga makigminyo kaniya - usa ka pribilehiyo ilabi na alang kanimo, dili alang sa (ubang) mga magtutuo; Kami nahibalo sa among gitudlo kanila mahitungod sa ilang mga asawa ug niadtong gipanag-iya sa ilang tuong mga kamot, aron walay kahasol nga mahitabo kaninyo; ug si Allah mao ang Labing Mapasayloon, Labing Maluluy-on.

Mahimo nimo nga ipaundang (ang turno sa) kinsay imong gibuot kanila (nga imong mga asawa), ug mahimo nimong dawaton kung kinsa ang imong gusto, ug kung kinsa ang imong gitinguha niadtong imong gilangay (ang iyang turno sa temporaryo); walay pagbasol kanimo (sa pagdawat kaniya pag-usab); kini mao ang labing tukma, aron sila mahupay ug dili maguol, ug nga silang tanan mahimuot sa unsay imong ihatag kanila. Ang Allah nahibalo kon unsa ang anaa sa inyong mga kasingkasing. Ang Allah mao ang Labing Nasayud sa Tanan, ang Labing Mapailubon.

Wala gitugot kanimo (Oh Propeta Muhammad) ang pagkuha (bisan unsa nga dugang) nga mga babaye human kini, ni makapuli sa bisan kinsa sa imong mga asawa sa lain, bisan pa ang ilang katahum makapahimuot kanimo, gawas sa unsay gipanag-iyahan sa imong tuo nga kamot (mga ulipon). Si Allāh kanunay nga nakahibalo sa tanan.

Oh mga magtotoo, ayaw pagsulod sa mga balay sa Propeta gawas kon ang pagtugot gihatag kaninyo alang sa pagkaon, nga dili maghulat sa pagluto niini nga mahuman; apan kung dapiton kamo, sumulod kamo, ug kun nakakaon na kamo, nan gawas na kamo; ug ayaw pagpabilin alang sa kaswal nga panagsultihanay; Ang ingon nga kinaiya mao ang tinuod nga makalagot sa Propeta, apan siya maulawon kaayo sa paghangyo kanimo sa pagbiya, ug si Allah wala maulaw sa kamatuoran. Sa diha nga kamo mangutana kanila [kinsa ang iyang mga asawa] alang sa usa ka butang, pangutan-a sila gikan sa luyo sa usa ka tabil. Kana mas putli alang sa inyong mga kasingkasing ug sa ilang mga kasingkasing. Dili alang kanimo ang pagdaot sa Mensahero sa Allah ni ang pagminyo sa iyang mga asawa human kaniya hangtod sa kahangturan. Sa pagkatinuod kana ngadto sa Allah usa ka dakong kadautan.

Bisan ikaw nagpadayag sa usa ka butang o nagtago niini, sa pagkatinuod ang Allah adunay hingpit nga Kahibalo sa tanan nga mga butang.

Walay sala alang kanila (kon sila dili magtabon sa ato pa, magsul-ob ug tabil) atubangan sa ilang mga amahan (o sa ilang mga uyoan sa amahan o mga uyoan sa inahan), o sa ilang mga anak nga lalaki, o sa ilang mga igsoong lalaki, o sa mga anak nga lalaki sa ilang igsoon nga lalaki, o sa mga anak nga lalaki sa ilang mga igsoong babaye, o sa ilang ang babaye, o sa unsay gipanag-iyahan sa ilang mga tuong kamot; kahadloki ang Allāh ug likayi ang dautan. Ang Allah mao ang kanunay nga Saksi sa tanang mga butang.

Sa pagkatinuod, si Allāh (Dios) ipadala sa Iyang Balaanong mga Panalangin ngadto sa Propeta (Muhammad) ug ang Iyang mga anghel nagtinguha sa Panalangin alang kaniya. O mga magtotoo, pangayo kamo sa (Allah) sa paghatag sa Iyang Balaanon nga mga Panalangin ngadto kaniya, ug paghatag kamo ug katahoran ngadto kaniya sa usa ka (takus) nga pagtimbaya sa kalinaw.

Sa pagkatinuod (alang) niadtong nagsulti ug dautan nga mga butang sa Allah ug sa Iyang Mensahero (Muhammad), ang Allah nagtunglo kanila dinhi sa kalibutan ug sa Kinabuhi, ug Siya nag-andam alang kanila sa usa ka makauulaw nga Silot.

Kadtong nakapasakit sa mga magtotoo nga mga lalaki ug mga babaye nga dili makatarunganon nagdala sa ilang mga kaugalingon sa usa ka pagbutangbutang ug usa ka tin-aw nga sala.

Oh Propeta (Muhammad), isulti ngadto sa imong mga asawa, sa imong mga anak nga babaye, ug sa mga magtutuo nga babaye nga ilang isul-ob ang ilang mga kupo palibut kanila; mao kini ang labing angay, aron sila mailhan (ingon nga putli nga magtotoo nga mga babaye), ug aron dili mahasi. Si Allah mao ang Labing Mapasayloon, Labing Maluluy-on.

Kung ang mga tigpakaaron-ingnon, kansang mga kasingkasing anaa sa sakit (sa pagkatintal, o kaibog), ug ang mga tigpakaylap sa mga hungihong, sa ingon niana nahimong hinungdan sa kasamok (ug kadautan) sa lungsod (sa Propeta), ayaw paghunong, kami sa pagkatinuod mag-aghat kanimo batok kanila ug gahum kanimo ngadto kanila, nan sila dili mahimong mga silingan nimo didto gawas sa kadiyot.

Mga tinunglo bisan asa sila makit-an, sila paga-dakpon ug pagapatyon ang usa ug ang tanan (tungod sa ilang kadautan).

(Mao kana ang) Pamaagi sa Allah ngadto kanila nga nauna; ug ikaw dili gayod maka-kaplag ug kausaban sa Pamaagi sa Allah.

Ang mga tawo nangutana kanimo bahin sa Katapusan nga Panahon. isulti: Ang kahibalo niini anaa lamang sa Allah. Unsa ang nagpahibalo kanimo nga ang Katapusan nga Takna nagkaduol na?"

Sa pagkatinuod ang Allah (Dios) mitunglo sa mga manlilimod ug nag-andam alang kanila ug nagdilaab nga Kalayo,

Sa magpabilin niini hangtod sa kahangtoran; Dili gayod sila makakitag tigpanalipod o katabang.

Sa Adlaw nga ang ilang mga nawong ibalibag sa Kalayo nga walay katapusan, sila moingon: "Oh (hinaut pa unta) kami mituman sa Allah ug mituman sa Mensahero (Muhammad)!"

Sila moingon: "O Allâh among Ginoo, sa pagkatinuod kami misunod niadtong among mga agalon ug bantugan nga mga tawo taliwala kanamo apan sila mipahisalaag kanamo gikan (husto) sa dalan.

(Oh Allah) among Ginoo, hatagi sila ug dobleng silot ug itunglo sila sa dakong Tunglo.

Oh mga magtutuo, ayaw pagpahisama niadtong mipasakit (ug estorya) kang Moises, apan ang Allah naghinlo kaniya sa ilang gipanulti, ug siya adunay dakong dungog sa Panan-aw sa Allah.

Oh mga magtutuo, kahadloki ang Allah, likayi ang daotan, ug isulti ang pulong nga husto, tinuod, ug makiangayon,

Ang Allāh mohikay kaninyo sa inyong mga kalihokan ug Siya mopasaylo sa inyong mga sala alang kaninyo. Bisan kinsa nga mituman sa Allāh ug sa Iyang Mensahero sa pagkatinuod iyang nakab-ot ang usa ka katapusang kalampusan.

Sa pagkatinuod Kami mitanyag sa Pagsalig ngadto sa mga langit ug sa yuta ug sa kabukiran, apan sila nagdumili sa pagdala niini, tungod kay sila nahadlok sa mga sangpotanan niini. Apan gidawat kini sa tawo; sa pagkatinuod siya (ang tawo) mao ang labing dili makiangayon (sa iyang kaugalingon), labing walay alamag (sa iyang katapusan nga padulngan);

Aron nga si Allah (Dios) musilot sa mga salingkapaw nga mga lalaki ug mga babaye, ug sa mga lalaki ug mga babaye nga nagbutang ug kauban Kaniya (sa pagsimba), ug ang Allah modawat sa paghinulsol sa mga magtutuo nga mga lalaki ug nga mga babaye. Si Allah mao ang Labing Mapasayloon, Labing Maluluy-on.

Ang tanan nga pagdayeg alang Kang Allah, kansang nanag-iya sa tanan nga anaa sa langit ug ang tanan nga ania sa yuta, ug ngadto Kaniya usab ang (tanang) pagdayeg sa Pikas Kinabuhi; ug Siya mao ang Hingpit Maalamon, ang Hingpit Nakahibalo.

Siya nahibalo sa unsay nahisulod sa yuta ug sa unsay mogula gikan niini, ug sa unsay mikanaug gikan sa langit, ug sa unsay nagasaka niini. Siya (Allah) mao ang Labing Maluluy-on, ang Labing Mapasayloon.

Sila nga naglimod (sa Kamatuoran sa Islam) nag-ingon: "Ang Takna (ang Adlaw sa Pagkabanhaw ug Paghukom) dili moabot kanamo." Isulti: "Oo, pinaagi sa (Allah) nga akong Ginoo, kini sa pagkatinuod moabut kaninyo"; (Siya, Allah, mao) ang Nakahibalo sa dili makita, walay bisan sama sa gibug-aton sa usa ka atomo (o sa usa ka gamay nga hulmigas) o mas gamay pa o mas dako pa niana nga makaikyas gikan sa Iyang Kahibalo sa mga langit o sa yuta, apan (ang tanan) anaa sa tin-aw talaan.

Aron Iyang gantihan kadtong mituo ug nagbuhat ug matarong nga mga buhat; alang kanila mao ang kapasaylohan ug usa ka halangdon nga tagana (sa Paraiso).

(Alang) niadtong nanlimbasug pag-ayo sa pagsupak sa mga Bersikulo (sa Allah), (nga naninguha) sa pagpahinabog kapakyasan, alang kanila mao ang usa ka sakit nga Silot nga dautan.

Kadtong gihatagan ug kahibalo nakakita sa tin-aw nga (kini nga Qur'an) gipakanaog nganha kanimo (O Propeta Muhammad) gikan sa imong Ginoo (Allah) uban ang Kamatuoran, ug kini nagpadulong sa Dalan sa (Allah) nga Labing Hataas Gamhanan, Labing Dalaygon.

Sila nga naglimod (sa Kamatuoran) nag-ingon: "Ipakita ba namo kanimo ang usa ka tawo (nga mao si Muhammad) nga nagpahibalo kanimo nga kung ikaw magkatibulaag ngadto sa abog ug magkuniskunis, nan ikaw mahimong (magbanhaw) sa bag-ong binuhat (alang sa Paghukom)?

Siya nagtumo-tumo og bakak batok sa Allah o adunay pagkabuang diha kaniya. Hinonoa, kadtong wala motuo sa Pikas Kinabuhi anaa sa pag-antos ug anaa sa dakong kasaypanan.

Wala ba nila mahunahunaan ang unsay anaa sa ilang atubangan, ug ang unsay anaa sa ilang luyo sa langit ug sa yuta? Kon Among gibuot, mahimo Namo nga ang yuta mulamoy kanila, o makahimo nga ang tipik sa langit mahulog kanila; sa pagkatinuod adunay Timaan niini alang sa matag sinsero nga makinasingkasingon nga tawo nga mibalik (sa Allah) diha sa paghinulsol.

Sa pagkatinuod, Kami naghatag kang David gikan Kanamo sa usa ka kadagaya. [Kami miingon]: "O mga kabukiran ug mga langgam, isubli ang paghimaya uban kaniya. Kami nagpahumok alang kaniya og ang puthaw,

[Nag-ingon]: "Himoa ug hingpit (nga mga taming), ug sukda ang mga sumpay (niini) ug (kamong tanan, O mga magtotoo) magbuhat sa pagkamatarung; Sa pagkatinuod ako Kanunay nga Nakakita sa unsa'y inyong gibuhat.

(Among gihimo) ang hangin magpailalom kang Solomon, Ang panaw niini sa buntag maoy usa ka bulan ug ang panaw sa hapon niini maoy usa ka bulan, ug Kami naghimo ug tubod sa tinunaw nga tumbaga nga moagas alang kaniya, ug sa mga jinn sila adunay mga nagtrabaho ubos kaniya pinaagi sa sugo sa iyang Ginoo (Allah); ug bisan kinsa nga mutalikod gikan sa Among sugo gikan kanila, Kami mopatilaw kaniya sa Silot sa Nagdilaab nga Kalayo.

Ilang gihimo alang kanila ang bisan unsa nga iyang gitugot nga mga mosque, mga estatwa, mga planggana sama sa mga pasungan, ug mga kolon nga nagbarog. Pagpasalamat kamo, O pamilya ni David, kay pipila lang sa Akong mga alagad maoy mapasalamaton.

Sa diha nga gitakda Namo ang kamatayon alang kaniya (Solomon), walay nagpahibalo sa mga jinn 'mga demonyo' sa iyang kamatayon gawas sa anay nga nagsigeg kaon sa iyang sungkod; busa sa diha nga siya natumba, ang mga jinn nakahibalo sa tin-aw nga kon sila nakahibalo lang sa dili makita, sila dili unta magpabilin sa makauulaw nga pag-antus (sa pagkaulipon).

Sa pagkatinuod, adunay usa ka Timaan alang sa Sheba (Saba) sa ilang yutang natawhan; duha ka tanaman sa tuo ug sa wala. (Sila gisultihan): "Kaon kamo sa mga grasya sa inyong Ginoo (Allah) ug pagpasalamat Kaniya; usa ka maayong yuta ug Mapasayloon nga Ginoo 'Allah'.

Apan sila mitalikod (sa Kamatuoran), busa Kami nagpadala batok kanila sa baha (nga gipagawas) gikan sa mga dam, ug puli sa ilang duha ka mga tanaman Kami mihatag kanila og duha ka tanaman nga nagapamunga ug mapait nga bunga ug (nagtubo) mga tunokon ug pipila ka mga kahoy nga walay bunga.'.

(Pinaagi niini) Kami nagbalus kanila tungod kay sila naglimod (sa Allah, sa Iyang mga mensahero, ug sa Ulahing Adlaw). Kami ba magabalos kang bisan kinsa gawas sa mga dili mapasalamaton.

(Sa wala pa ang ilang pagkapukan) Kami mibutang taliwala kanila ug sa mga lungsod nga diin Among gipanalanginan (sa daghang) mga lungsod nga daling makita sa usag-usa, ug sa ingon niana Kami naghimo sa pagpanaw nga sayon ​​(alang kanila, nga nag-ingon): "Panaw kamo pinaagi kanila sa gabii o sa adlaw, nga luwas."

Apan sila miingon: Among Ginoo, himoa ang mga hugna taliwala sa among mga pagpanaw mas taas; Ug nanag-himo ug hiwi batok sa ilang mga kaugalingon, busa Kami mihimo kanila (ingon nga panig-ingnan) nga mga sugilanon (sa nangagi nga panahon) ​​ug mipatibulaag kanila sa usa ka hingpit nga pagkatibulaag; sa pagkatinuod adunay mga Timailhan niini alang sa tanang mapailubon, mapasalamaton.

Sa pagkatinuod, si Satanas nagpamatuod sa iyang pangagpas mahitungod kanila sa tinuod, busa sila misunod kaniya gawas sa usa ka pundok sa mga magtotoo.

Tungod kay siya (Satanas) walay pagbulot-an ibabaw kanila (katawhan ug engkanto ), gawas nga Among nailhan ang kinsay mituo sa Pikas Kinabuhi gikan kaniya nga nagduhaduha mahitungod niini; ug ang imong Ginoo (Allah) mao ang mag-balantay sa tanang butang.

Isulti: "Tawag kamo niadtong inyong giangkon (nga mamahimong kaubanan nga mga dios) gawas sa Allah, samtang sila wala nanag-iya sa gibug-aton sa usa ka atoma sa mga langit o sa yuta, ni sila adunay bisan unsa nga panagkauban niini, ni adunay bisan kinsa kanila nga katabang ngadto Kaniya.

Ang tigpataliwala walay ikapulos sa bisan unsa atubangan Niya gawas kon kinsa ang Iyang gitugotan niini. Hangtud nga ang kahadlok gikuha gikan sa ilang mga kasingkasing; sila moingon (sa usag-usa): "Unsa kanang gisulti sa (Allah) nga imong Ginoo?" Sila moingon: "Ang Kamatuoran." Siya maoy Tinuboy sa Kahitas' an ang Labing Dako.

Isulti: "Kinsa ang maghatag kaninyo ug tagana gikan sa langit ug sa yuta?" Isulti: ‘Ang Allah.’ Ug sa pagkatinuod kami o kamo anaa sa husto nga Giya o anaa sa dayag nga kasaypanan.

Isulti: "Dili kamo pangutan-on kabahin sa mga sala nga among nahimo, ug dili usab kami pangutan-on kung unsa ang inyong nabuhat."

Isulti: "Ang atong Ginoo (Allah) magtigum kanatong (tanan) sa tingub, ug Siya maghukom tali kanato sumala sa kamatuoran. Siya mao ang Labing maayo Maghuhukom, ang Labing-Nasayud.

Isulti: "Ipakita kanako kadtong inyong gipahiusa ngadto Kaniya (Allah) ingon nga mga kaubanan (sa pagsimba)." Dili (walay bisan unsa nga kauban ngadto Kaniya)! Hinonoa, Siya (Allah lamang) mao (ang bugtong Tinuod) nga Diyos, ang Labing Gamhanan, ang Labing nga Maalamon.

Kami nagpadala kanimo (Oh Propeta Muhammad) sa tanan nga katawhan, ingon nga tigdala sa maayong balita ug ingon nga usa ka tigpasidaan, apan kadaghanan sa mga tawo wala mahibalo.

Sila nagaingon: "Kanus-a man kini nga saad (sa Pagkabanhaw ug Paghukom) kon kamo nagsulti matood?"

Isulti: "Kaninyo adunay gikatakda nga Adlaw (sa Paghukom) ug kamo niini dili makahimo sa pag-pasibog sa takna ni sa pag-padali.

Sila nga naglimod (sa Kamatuoran) nag-ingon: "Kami dili motuo niini nga Qur'an, ni sa nauna niini (sa Torah ug sa Ebanghelyo)"; apan kon inyong makita (unsa ang mahitabo sa Adlaw sa Paghukom) sa diha nga ang mga mamumuhat sa kadautan (ang mga pagano ug mga wala mutuog dios) patindogon sa atubangan sa ilang nga Ginoo (Allah), kun unsaon nila pagbasol ang usag-usa! Sila nga giisip nga huyang moingon ngadto sa mga mapahitas-on: "Kon dili pa tungod ninyo kami sa pagkatinuod nahimo untang mga magtutuo."

Sila nga mga mapahitas-on moingon ngadto sa mga kahimtang nga huyang: "Kami ba mipatalikod kaninyo gikan sa Giya human kini miabot kaninyo? Dili, kamo (sa inyong kaugalingon) mao ang mga daotan".

Kadtong giisip nga huyang moingon sa mga mapahitas-on. Hinonoa, (kini mao ang inyong) laraw pinaagi gabii ug adlaw sa diha nga kamo sugo kanamo sa dili pagtuo sa Allah, ug sa paghimo og mga kaatbang ngadto Kaniya ug sila napuno sa mga pagmahay, sa diha nga ilang nakita ang Silot; ug Kami magbutang ug mga tanikala sa mga liog niadtong mga naglimod (sa Kamatuoran); sila dili pagabalusan gawas lamang sa unsay ilang buhat kaniadto (sa mga sala).

Wala Kami nagpadala ug tigpasidaan ngadto sa usa ka lungsod gawas nga niadtong nagkinabuhi sa kasayon ​​niini (ang mga gihatagan sa kalibotanong bahandi), miingon: Sa pagkamatood, kami mga manlilimod nianang inyong gisangyaw nganhi kanamo.

Ug sila miingon: "Kami adunay labing daghan nga bahandi ug mga anak, ug kami dili masilotan."

Isulti: "Sa pagkatinuod ang akong Ginoo (Allah) naghatag sa tagana alang kang kinsa nga Iyang gusto ug nagpugong (alang kang bisan kinsa nga Iyang gibuot), apan kadaghanan sa mga tawo wala mahibalo."

Dili ang inyong katigayunan o ang inyong mga anak ang nagdala kaninyo nga labing duol Kanamo (nakaangkon sa maayong Kahimuot sa Allah), apan bisan kinsa nga mituo ug nagbuhat ug mga maayong buhat, sila adunay doble nga ganti sa unsay ilang nabuhat (sa pagkamatarong), ug sila mupuyo sa tag-as nga mga puloy-anan (sa Paraiso) sa kalinaw ug kaluwasan.

(Alang) kanila nga nanlimbasug batok sa Among mga Bersikulo, (nga nagtinguha) sa paghimo (niini) ug kapakyasan, sila pagadad-on ngadto sa Silot.

Isulti: "Sa pagkatinuod ang akong Ginoo (Allah) nag-padagaya sa tagana alang kang bisan kinsa nga Iyang gusto sa Iyang mga ulipon (sa katawhan ug sa jinn), ug nag-kunhod (niini) alang kang bisan kinsa (nga Iyang gibuot)", ug ang bisan unsa nga butang nga inyong gigasto (sa kaayohan), Siya magailis niini, ug Siya ang Pinakamaayo sa mga Tighatag.

Ug sa Adlaw nga Iyang tigomon silang tanan (ang mga tigsimba ug ang mga gisimba), ug Siya moingon sa mga anghel: "Kamo ba ang gisimba niining mga tawhana kaniadto?"

Sila moingon: "Himaya kanimo (O Allah)". Ikaw ang among magbalantay, dili sila. Oo, sila buta nga nagsimba sa jinn; kadaghanan kanila mga magtutuo kanila.

Busa nianang Adlawa (sa Paghukom) sila walay gahom nga makahimo ug kaayohan o kadaot alang sa usag-usa, ug Kami moingon ngadto kanila nga nagbuhat ug kadautan (mga pagano): "Tilawi ang Silot sa Kalayo nga inyong gilimod kaniadto."

Sa diha nga ang Among tin-aw nga mga Bersikulo litok ngadto kanila, sila moingon: "Kini usa lamang ka tawo (Muhammad) nga nagtinguha sa pagpahilayo kaninyo gikan sa gisimba sa inyong mga amahan (ug mga katigulangan)". Ug sila nag-ingon: "Kini 'ang Qur'an' usa lamang ka bakak nga gitumotumo". Ug sila nga naglimod mosulti mahitungod sa Kamatuoran sa diha nga kini moabut ngadto kanila: "Kini 'ang Qur'an' usa lamang ka tin-aw nga salamangka."

Kami wala maghatag kanila sa bisan unsa nga mga Kasulatan nga ilang matun-an, ni Kami nagpadala ngadto kanila una kanimo ug usa ka tigpasidaan.

Sila nga nauna kanila naglimod (sa Kamatuoran), ug kini sila (ang mga pagano) wala pa makakab-ot sa ikapulo sa unsay Among gihatag kanila, apan sila milimod sa Akong mga Mensahero, unya unsa 'makalilisang' ang akong silot.

Isulti: "Ako nagpahimangno kaninyo sa usa lamang ka butang, nga kamo mobarug nga lunsay alang sa Kawsa sa Allah nga managpares ug tinagsa-tagsa, ug pamalandong (niini nga Mensahe), Kay walay timailhan sa pagkabuang sa inyong kauban (ang Propeta Muhammad)"; siya usa lamang ka tigpasidaan kaninyo atubangan sa grabeng pag-antos.

Isulti: "Wala gayud Ako nangayo kaninyo ug bisan unsa nga ganti (alang niini nga Mensahe), hinoon kining tanan alang sa inyong kaugalingong kaayohan; kay ang akong ganti anaa lamang sa Allah (Dios), ug Siya Saksi sa tanang butang."

Isulti: "Sa pagkatinuod ang akong Ginoo (Allah) nagpadala sa Kamatuoran (batok sa tanan nga bakak). (Siya mao) ang Labing Nakahibalo sa dili makita."

Isulti: "Ang Kamatuoran (Qur'an) miabut na, ug ang kabakakan (Satanas, Iblees, o unsay inyong gisimba gawas sa Allah) dili makamugna ug bisan unsa ni makabanhaw (ug usa ka butang)."

Isulti: Kon ako mahisalaag, ako mahisalaag lamang batok sa akong kaugalingon, ug kon ako magpabilin (nga matarong) nga nagiyahan, kini tungod sa unsay gipadayag sa akong Ginoo (Allah) kanako; Sa pagkatinuod Siya Hingpit Nakadungog sa Tanan, ang Kanunay nga Duol.

Kon inyong makita sa diha nga sila (mga pagano, mga manlilimod, ug ang mga dautan) magkurog sa kahadlok, apan (unya) walay kaikyasan alang kanila ug sila pagasakmiton gikan sa duol nga dapit.

Sila moingon: "Kami (karon) mituo niini." Apan sa unsa nga paagi nga ang pagkab-ot (sa Pagtuo) mahimo gikan sa halayo nga dapit?

Ug samtang sila naglimod niini kaniadto, ug sila nagsulti ug mga pangagpas mahitungod sa dili makita gikan sa halayo nga dapit.

Ang usa ka babag igabutang sa taliwala kanila ug sa unsay ilang gitinguha, sama sa nahitabo sa ilang mga ka-gikan sa karaan; sa pagkatinuod sila anaa sa makalibog nga pagduhaduha mahitungod niini[1]. ——— [1] Adlaw sa Pagkabanhaw, Paghukom, ug ang Saad sa Allah nga Ganti ug Silot, ug Kinsa ba ang mas matinud-anon sa Iyang Saad kay sa Allah.

Dalaygon si Allāh, ang Magbubuhat sa mga langit ug sa yuta, Nga maoy naghimo sa mga anghel ingon nga mga Mensahero nga adunay mga pako, duha, tulo, ug upat; Siya nagadugang diha sa paglalang sa unsay Iyang gustohon. Sa pagkatinuod, si Allah makahimo sa pagbuhat sa tanang butang.

Bisan unsa nga hatagon ni Allāh alang sa mga tawo sa Kaluoy walay makapugong niini, ug unsay Iyang gipugngan nan walay bisan kinsa nga pagluwat niini human niana; ug Siya mao ang Hingpit Gamhanan, ang Hingpit Maalamon.

Oh katawhan, hinumdumi ang grasya ni Allah nganha kaninyo; aduna bay laing magbuluhat gawas sa Allah nga naghatag kaninyo ug tagana gikan sa langit ug sa yuta? Walay dios (nga takos simbahon) gawas Kaniya; nan giunsa ba ninyo pagtalikod (gikan sa Kamatuoran)?

Kon sila musalikway kanimo (Oh Muhammad), nan mao usab mga Mensahero gisalikway una kanimo, ug ngadto sa Allah mubalik ang tanan nga mga butang (alang sa paghukom).

Oh katawhan, sa pagkatinuod ang Saad sa Allah nga matuod, busa ayaw itugot nga ang kinabuhi niining kalibutana maglimbong kaninyo, ug ayaw itugot nga ang pangulo nga limbonganon (Satanas) maglimbong kaninyo mahitungod sa Allah.

Sa pagkatinuod, si Satanas maoy dayag nga kaaway batok kaninyo, busa tagda siya ingon nga usa ka kaa-way, siya nagdapit lamang sa iyang mga panon ngadto sa nag-silaob nga kalayo sa Imperno.

Kadtong milimod (sa Allāh ug Iyang Mensahero Muhammad), sila makabaton sa usa ka hilabihan nga pagsakit, ug (alang) niadtong mituo ug nagbuhat sa matarung nga mga buhat, sila makabaton ug kapasayloan ug dako nga ganti 'Paraiso'.

Siya ba, nga ang pagkadautan sa iyang mga buhat nahimong matahum sa iyang panan-aw, iyang giisip kini nga maayo (sama sa usa nga gitultolan sa matarung)? Kay sa pagkatinuod ang Allah (makatarunganon nga) mobiya sa pagkahisalaag kang bisan kinsa nga Iyang gusto, ug mugiya (ingon nga Kalooy gikan Kaniya) sa kinsay Iyang gusto, busa ayaw itugot nga ang imong kaugalingon masayang sa kasubo tungod kanila; sa pagkatinuod ang Allah mao ang Labing Nakahibalo sa unsay ilang gibuhat.

Si Allāh mao ang nagpadala sa mga hangin unya ilang gibalhin ang mga panganod, ug Kami nagdala kanila (mga panganod) ngadto sa usa ka patay nga yuta, ug dinha Kami mohatag ug kinabuhi sa yuta human sa iyang kamatayon; ingon niana ang Pagkabanhaw.

Bisan kinsa nga nagtinguha sa dungog, nan iya sa Allah (lamang) ang tanan nga pasidungog, gahum, ug himaya. Kaniya mikayab ang man yong mga pulong, Ug ang usa ka maayong buhat nagabayaw kanila. (Alang) kanila nga naglaraw ug dautang mga buhat, sila makabaton sa usa ka hilabihan nga pagsakit; ug (mahitungod) sa ilang laraw, dili gayod mag-pulos.

Ug ˹kini mao ang ˺ Allah ˹Kinsa˺ naglalang kaninyo gikan sa abog, unya ˹nagpalambo kaninyo ˺ gikan sa usa ka semilya, unya naghimo kaninyo nga paris. Walay babaye nga nanamkon o nanganak nga wala sa Iyang kahibalo. Ug walay kinabuhi sa tawo nga gipalugwayan o gipamub-an kondili gisulat sa usa ka talaan. Kini mao ang sa pagkatinuod sayon ​​alang sa Allah.

Ang duha ka mga lawas sa tubig dili managsama. Ang usa presko ug matam-is, nga maayong imnon; ug ang usa parat ug mapait; apan gikan sa matag usa niini kamo makakaon ug lab-as ug humok nga unod (isda), ug nagpagula ug mga dayandayan nga inyong ginasul-ob; ug imong makita ang mga sakayan nga naglayag niini, aron kamo mangita sa Iyang kadagaya, ug aron kamo mahimong mapasalamaton.

Siya mohimo ang kagabhion mosulod sa adlaw, ug mohimo nga mosulod ang adlaw ngadto sa kagabhion, ug Iyang gihimo ang adlaw ug ang bulan nga nagpailalom kaninyo; ang matag usa mosubay sa iyang dalan sa gitakda sa panahon. kini mao ang Allah, ang imong Ginoo, Kaniya ang Pagkahari; ug kadtong inyong gisangpit gawas Kaniya wala makapanag-iya (bisan pa) sa panit sa liso sa datiles (sa ato pa, wala silay gahum bisan unsa sa tanan).

Kon kamo mutawag ug mag-ampo kanila sila dili makadungog sa inyong pagtawag ug pag-ampo, ug bisan pa kon sila makadungog, sila dili makatubag kaninyo; ug sa Adlaw sa Pagkabanhaw (ug Paghukom) sila molimud sa inyong pag-paki-suod; ug walay makapahibalo kaninyo nga sama sa Usa nga Labing Nakahibalo (ang Allah).

Oh katawhan, kamo ang nanginahanglan sa Allah (Dios), apan ang Allah, Siya ang Igo sa Kaugalingon, ang Labing Dalaygon.

Kon Siya mobuot, mahimo Niyang wagtangon kamo, ug magpagula ug bag-ong binuhat.

Ug kini dili lisud alang sa Allāh.

Walay tigpas-an sa mga palas-anon nga palas-anon sa uban[1], ug kon ang usa nga nabug-atan sa iyang lulan mutawag (sa uban aron mupas-an) sa iyang palas-anon (nga mga sala), dili siya magdala bisan unsa gikan niini, bisan kung paryente siya. Imong pasidan-an lamang kadtong mibarog sa Kahadlok sa ilang Ginoo (Allah) bisan pa sila wala makita Siya (ibabaw sa ilang panglantaw) ug makanunayon sa pag-ampo. Bisan kinsa nga nagaputli sa iyang kaugalingon, siya nagaputli lamang sa iyang kaugalingon alang sa (kaayohan) sa iyang kaugalingon; ug ngadto sa Allah (Dios) ang kataposang pagbalik (sa tanan). ——— [1] Gikan sa Hustisya sa Allah mao kana nga dili Niya apilon ang uban nga walay sala, ingon nga sad-an sa mga kasal-anan sa ilang mga amahan pinaagi sa orihinal nga sala.

Ang buta ug ang makakita dili gayod managsama,

Ni ang kangitngit ug ang kahayag,

Ni ang landong ug ang kainit,

Dili usab managsama ang mga buhi ug mga patay. Sa pagkatinuod ang Allah naghimo sa bisan kinsa nga Iyang gusto nga makadungog, apan dili nimo mahimo nga ang anaa sa mga lubnganan makadungog sa imong tawag.

Ikaw (Oh Muhammad) usa lamang ka tigpasidaan.

Kami nagpadala kanimo (Oh Muhammad) uban sa Kamatuoran ingon nga tigdala sa maayong balita, ug usa ka tigpasidaan; ug walay nasud gawas nga ang usa ka tigpasidaan miagi na kanila.

Kon sila musalikway kanimo (Oh Muhammad), nan sila nga una usab kanila nagsalikway; ang ilang mga Mensahero miabot kanila uban ang tin-aw nga mga Pamatuod, sinulat nga mga Ordinansa (Balaud), ug uban sa makapalamdag nga Kasulatan.

Unya, Ako (Allah) misakmit kanila nga milimod (sa Kamatuoran), busa unsaon (makalilisang) ang mao nga Akong silot.

Wala ba ninyo makita nga ang Allah nagpadala ug tubig gikan sa langit unya Kami nagpagula pinaagi niini ug mga bunga nga nagkalainlaig kolor; Gikan sa kabukiran adunay mga labud nga puti ug pula, nga lainlaig kolor, ug (ang uban pa) hilabihan ka itom?

Ug sa mga katawhan ug sa mga mananap ug sa mga bakahan ingon usab maoy sa lain-laing mga kolor. Kadto lamang gikan sa Iyang mga ulipon (sa katawhan ug jinn) nga adunay (husto) nga kahibalo mao ang mga nagbarug (nga matuod) sa Kahadlok (ug Pagtahod) sa Allah (nga mao ang mga mahadlokon sa Dios); sa pagkatinuod ang Allah mao Labing Gamhanan, Labing Mapasayloon.

Sa pagkatinuod, kadtong kinsa naglitok sa Libro sa Allah (Qur'an) ug makanunayon sa pag-ampo (sa gikatakda ilang nga mga takna) ug naggasto gikan sa unsay Among gihatag kanila sa tago ug sa dayag, (sila) naglaum sa baratilyo nga dili mapakyas[2]. ——— [2] Nga mao ang walay katapusan nga Paraiso pinaagi sa grasya sa Allah ug isip sangpotanan (resulta) sa maayong mga buhat nga ilang natigom sa panahon sa ilang pagkinabuhi.

Aron Siya (Allah) magbalos kanila sa hingpit sa ilang mga ganti ug maghatag kanila ug labaw pa gikan sa Iyang Kadagaya; sa pagkatinuod Siya Hingpit nga Mapasayloon, nga Hingpit nga Mapasalamaton.

Unsa ang Among gipadayag nganha kang Kanimo (Oh Muhammad) sa Libro (Qur’an), mao ang Kamatuoran nga nagpamatuod sa nauna niini (sa mga Balaan Kasulatan)[3]; sa pagkatinuod ang Allah mao ang Labing Nakahibalo, Kanunay nga Nakakita sa Iyang mga ulipon (sa katawhan ug sa jinn). ——— [3] Ang Torah, ang Ebanghelyo ug ang mga Salmo, ug uban pa.

Unya Kami mitugyan sa Basahon ngadto kanila nga Among gipili gikan sa Among mga sulugoon; apan ang uban kanila mga mamumuhat ug daotan, ang uban kanila kasarangan, ug ang uban kanila milabaw sa maayong mga buhat pinaagi sa pagtugot ni Allāh. Kini mao ang Dakong Pabor.

Mga tanaman sa Eden, nga diin sila mosulod niini; sila pagasul-oban niini ug mga pulseras nga bulawan ug mga perlas, ug ang ilang bisti niini mga seda.

Sila moingon: "(Ang tanan) nga pagdayeg alang sa Allah, nga Maoy mikuha gikan kanato sa (tanan nga) kasubo; sa pagkatinuod ang atong Ginoo (Allah) Mapasayloon, Mapasalamaton (Madinawaton sa maayong buhat),"

Pinaagi sa Iyang Panalangin. Nag-papuyo kanato sa usa ka puloy-anan 'Paraiso' nga molungtad sa kahangturan; walay ka-kapoy ni kaluya nga maga-abot kanato.

Kadtong mga milimod (sa Kamatuoran), alang kanila ang Kalayo sa Imperno; diin sila dili matapos pinaagi sa kamatayon, ni ang Silot niini mapagaan alang kanila; sa ingon niana Kami nagabalus sa matag dili mapasalamaton.

Sila magtuaw didto alang sa tabang (nga nag-ingon): "(O Allah) among Ginoo, dad-a kami sa gawas gikan niini (aron mobalik sa kalibutan), kami magbuhat ug matarung nga mga buhat lian pa sa among gibuhat kaniadto. (Ang Allah motubag): Wala ba Kami naghatag kaninyo ug igong taas nga kinabuhi, aron nga ang bisan kinsa nga modawat ug pahimangno makadawat niini? Ug dihay miabot kaninyo nga tigpasidaan; busa tilawi (ang Silot ug resulta sa inyong daotang mga buhat); alang sa mga mamumuhat sa kadautan, walay magtatabang (ni tigpataliwala alang kanila).

Si Allah mao ang Nakahibalo sa unsay dili makita sa mga langit ug sa yuta; Siya adunay bug-os nga Kahibalo sa unsay anaa sa mga dughan (sa katawhan).

Siya (Allah) mao ang nagbuhat kaninyo nga mga manununod sa yuta; busa bisan kinsa nga milimod (sa Kamatuoran), ang iyang dili pagtuo batok (lamang) sa iyang kaugalingon; ug ang ilang pagsalikway wala makadugang sa mga manlilimod pinaagi ilang Ginoo (Allāh) sa bisan unsa gawas sa Kasilag; ug ang ilang pagsalikway dili makadugang sa mga dili magtutuo sa bisan unsa gawas sa kapildihan.

Ingna: "Nahunahuna ba nimo ang imong mga kauban[4] nga imong gisangpit gawas ni Allah? Ipakita Kanako kung unsa ang ilang gilalang gikan sa yuta o aduna ba silay bahin sa mga langit? O Kami naghatag kanila sa usa ka Libro aron nga sila magsunod sa usa ka tin-aw nga ebidensya gikan niini? Dili, hinonoa ang mga mamumuhat sa kadautan walay saad sa usag-usa gawas sa limbong. ——— [4] Sama ni hesukristo, ang espiritu santo, ang mga anghel, Maria, mga santos, jinn, ug uban pa.

Sa pagkatinuod, ang Allah nagkupot sa mga langit ug sa yuta aron dili kini mahanaw; ug kon sila mahanaw gikan sa ilang mga dapit, walay usa nga makakupot kanila gawas Kaniya; sa pagkatinuod Siya Labing Mapailubon, Labing Mapasayloon.

Sila nanumpa pinaagi sa Allah sa ilang labing bug-at nga mga pagpanumpa, nga kon adunay moabut kanila nga usa ka tigpasidaan, sila mahimong labing maayo nga nagiyahan kay sa bisan kinsa sa (nauna) nga mga nasud; apan sa diha nga miabut kanila ang usa ka tigpasidaan (ang Propeta Muhammad) kini wala makadugang kanila gawas sa pagdumot 'ngadto sa Kamatuoran",

(Tungod sa ilang) paggawi nga mapahitas-on sa kayutaan ug paglaraw ug kadautan; ug ang daotang laraw dili maglangkob sa bisan kinsa gawas sa mga nagmugna niini. Nan, aduna ba silay gilauman gawas sa dalan o pamaagi sa naunang mga tawo? Dili gayod ikaw makakaplag ug bisan unsa nga kausaban sa Pamaagi sa Allah; ug dili gayod ikaw makakaplag bisan unsa nga Pagkakabig sa Pamaagi sa Allah.

Wala ba sila mupanaw sa tibuok sa kayutaan, ug makakita kon unsay katapusan niadtong nauna kanila samtang sila (nga nauna) mas kusgan pa kay kanila sa gahom? Ug ang Allah dili ingon niana nga ang bisan unsa nga anaa sa mga langit o sa yuta makaikyas Kaniya; sa pagkatinuod Siya mao ang Nasayud sa Tanan, Labing Gamhanan.

Kon si Allāh magasilot sa katawohan sumala sa angay kanila walay usa nga binuhat nga mahabilin dinhi sa yuta, apan Siya naghatag kanila ug lugway hangtud sa gitakda nga panahon; busa sa diha nga ang ilang takna moabut na, nan sa pagkatinuod ang Allah mao ang Labing Nakakita sa Iyang mga ulipon (sa katawhan ug jinn).

Yaa Seen[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ako (Dios) nanumpa pinaagi sa maalamon nga Qur'an.

Sa pagkatinuod, ikaw (O Propeta Muhammad) usa sa mga Mensahero (sa Allah).

Sa tul-id nga Dalan.

(Kini ang pinadayag) nga gipakanaog pinaagi kang (Allah) ang Makagagahum, ang Hingpit Maluluy-on,

Aron ikaw makapasidaan sa katawhan kansang mga amahan wala mapasidan-i, busa sila walay pagtagad.

Matood, ang Pulong (mando) napamatud-an nga tinuod batok sa kadaghanan kanila, busa sila dili motoo.

Sa pagkatinuod, Kami nagbutang ug mga kwelyo sa ilang mga liog hangtod sa ilang mga suwang, nga tungod niini, mutikig ang ilang mga liog.

Kami nagbutang sa atubangan nila ug usa ka babag ug sa luyo nila usa ka babag, unya Kami mitabon kanila aron sila dili makakita (sa Dalan sa Kamatuoran).

Ug managsama lang kanila kung imo silang pasidan-an o dili nimo sila pasidan-an, sila dili motuo.

Mahimo lamang nga imong pasidan-an siya nga nagsunod sa Pahinumdom (Qur'an), ug nagbarog sa Kahadlok sa Labing Madagayaon (Allah) bisan pa dili makita; busa ipahibalo kaniya ang Kapasayloan ug usa ka halangdon nga ganti (sa Paraiso).

Sa pagkatinuod, Kami naghatag ug kinabuhi sa mga patay, ug Kami misulat sa unsay ilang gipadala unahan ug unsay ilang gibiyaan (nga maayo ug dautan), ug Among gisulat ang tanang butang sa usa ka tin-aw nga talaan.

Ihatag kanila ang usa ka sambingay sa katawhan sa lungsod (sa Antioquia), sa diha nga ang mga Mensahero miabot kanila.

Sa diha nga Kami nagpadala ngadto kanila og duha ka mga Mensahero, apan ilang gisalikway silang duha, unya Kami naglig-on kanila pinaagi sa ikatulo, ug sila miingon: "Sa pagkatinuod kami mga mensahero (nga gipadala) nganha kaninyo."

Sila miingon: "Kamo mga tawo lamang sama sa among mga kaugalingon, ug ang Labing Madagayaon (Allah) wala magpadala ug bisan unsang pagpadayag; kamo namulong ug kabakakan."

Sila miingon (ngadto sa katawhan sa lungsod): "Ang among Ginoo (Allah) nahibalo nga kami sa pagkatinuod mga mensahero nga (gipadala) nganha kaninyo."

Ang Among katungdanan maoy lamang sa ipaabot ang Mensahesa (sa Diyos, Islam) tin-aw.

Sila miingon (ngadto sa mga Mensahero): "Sa pagkatinuod kami nag-isip kaninyo nga dautang tilimad-on alang kanamo; kon dili kamo mohunong, batoon namo kamo, ug kasigurohan nga magpahamtang kaninyo sa sakit nga silot gikan kanamo."

(Ang mga Mensahero) miingon: "Ang inyong dautang tilimad-on anaa sa inyong mga kaugalingon." Kini ba kay tungod ang gitambag kanimo? Hinunoa, kamo mga malinapason nga katawhan.

May miabot gikan sa kinatumyang bahin sa siyudad nga usa ka tawo nga nagdagan, nga miingon: “Oh akong katawhan! Sunda ang mga Mensahero".

Sunda kadtong wala mangayo kanimo ug (bisan unsang) ganti (alang sa ilang pagsangyaw) ug sila mao saktong gigiyahan.

Ug nganong dili man ako mosimba Kaniya (Allah lamang) nga Maoy nagbuhat kanako? Ug ngadto Kaniya kamong (tanan) ibalik (alang sa Paghukom).

Magsimba ba ako sa laing mga diyos gawas Kaniya? Kon ang Labing Madagayaon (Allah) magtinguha sa pagsakit kanako,ang pagpataliwala walay makabenepisyo kanako sa bisan unsang pamaagi, ni sila (dili usab) makahimo sa pagluwas kanako?

Niana nga kahimtang kasigurohan nga ako anaa sa dayag nga kasaypanan:

Sa pagkatinuod, ako mituo sa (Allah lamang) ang inyong 'tinuod' Ginoo, busa paminaw kanako, (apan ila siyang gipatay).

Kini gika-ingon: "Sumulod sa Paraiso." Siya miingon: "Oh, kon ang akong katawhan lamang unta mahibalo",

nga akong Ginoo (Allah) mipasaylo kanako ug naghimo kanako nga kauban sa mga gipasidunggan.

Kami wala magpadala ngadto sa iyang katawhan human kaniya ug bisan unsa nga mga kasundalohan gikan sa langit, ni Kami magpadala (sa ingon niana nga mga panon).

Usa lamang kadto ka pagbuto (gikan ang langit), ug dihadiha sila (sama sa abo) nga nahilom.

Pagkaalaut nga mga ulipon 'katawhan ug jinn'! Walay miabut kanila nga Mensahero (gikan sa Allah) gawas nga sila nagbiaybiay kaniya.

Wala ba nila makita kon unsa kadaghan sa mga (makasasala) nga mga kaliwatan ang Among gilaglag una kanila, ug nga sila (nga nangamatay) dili na makabalik ngadto kanila?

Silang tanan sigurado nga pagadad-on atubangan sa Allah (alang sa Paghukom).

Ang usa ka timaan alang kanila mao ang yuta nga patay; Kami naghatag ug kinabuhi niini ug nagpagula gikan niini ug mga lugas aron sila makakaon niini.

Ug gikan niini, Kami nagpagula ug mga tanaman sa mga datiles ug mga ubas, ug mga tuboran nga nagadagayday niini.

Aron sila makakaon sa bunga niini, ug ang ilang mga kamot wala makahimo niini; dili ba gihapon sila magmapasalamaton?

Himaya (ug Kadungganan) maanaa sa (Allah) Nga maoy nagbuhat sa tanan nga mga parisan gikan sa unsay mitubo sa yuta, ug usab gikan sa ilang mga kaugalingon, ug gikan sa wala nila mahibaloan.

Ang kagabhion usa ka timaan alang kanila, ingon nga Kami mipagula gikan niini sa adlaw, busa sila anaa sa kangitngit;

Ang adlaw nagdagan sa (sa agianan niini [orbit]) ngadto sa usa ka napiho (natakda) nga panahon nga gikatudlo alang niini; kini mao ang Kamandoan sa (Allah), ang Labing Makagagahum, ang Labing Nakahibalo.

Alang sa bulan, Among gisukod ang ˹tukma˺ nga mga hugna alang niini, hangtod nga kini matapos sama sa usa ka tigulang, sama sa kurbada nga lindog sa palma.

Dili itugot nga ang adlaw makaabot sa bulan, ni ang kagabhion makaapas sa adlaw, apan ang matag usa, sa usa ka orbito, naglangoy.

Kini mao ang usa ka timaan alang kanila nga Kami nagdala sa ilang mga kaliwatan sa ka luwan nga barko (ni Noe).

Kami naghimo alang kanila sa sama niini nga nga ilang gisakyan.

Kon Kami mobuot, Kami malumos kanila ug walay magtatabang alang kanila, ni sila maluwas,

gawas sa pinaagi sa kaluoy gikan Kanamo, nagtugot kanila sa pagtagamtam sa makadiyot.

Ug sa dihang kini miingon ngadto kanila: "Bantayi ang imong kaugalingon batok sa umaabot nga silot, aron kamo makadawat ug kalooy (sa Allāh)".

Walay moabut kanila nga usa ka ilhanan sa taliwala sa mga ilhanan sa ilang Ginoo (Allah) apan sila motalikod gikan niini!

Ug sa diha nga ingon ngadto kanila: "Paggasto kamo (sa kinabubot-on nga pagpanghatag) gikan sa unsay gihatag sa Allah kaninyo", sila nga milimod moingon ngadto kanila nga mituo: "kami ba magpakaon kanila kadtong, kon ang Allah mibuot, Siya (sa Iyang Kaugalingon) makapakaon (kanila)? Kamo anaa lamang sa dayag nga kasaypanan.

Sila nagaingon: "Kanus-a man kini nga saad (sa Pagkabanhaw ug Paghukom) mahitabo, kon kamo nag-sulti sa matood?"

Sila Nag-paabot sa usa lamang ka butoh, nga maoy magsakmit kanila, samtang sila nanag-kalalis!

Busa sila dili makahimo sa paghatag ug tambag, ni sila makabalik sa ilang mga pamilya.

Ug ang trompeta pagatayhupon, ug diha-diha dayon gikan sa ilang mga lubnganan sila maga-dali ngadto sa ilang Ginoo (Allah).

Sila moingon: "Oh alaut kanato! Kinsa ang nagpabuhi kanato gikan sa dapit sa atong pagkatulog (gikan sa among mga lubnganan)?" (Ang tubag mao ang): "Mao kini ang gisaad sa Labing Madagayaon (Allah), ug ang mga Mensahero (sa Allah) gisulti sa Kamatuoran."

Usa lamang kini ka labing makusog nga pagbuto, ug silang tanan paga-dad'on nganhi Kanamo (sa kapatagan alang sa Paghukom).

Busa niining adlawa walay kalag nga pagahukman nga dili makatarunganon bisan sa labing diyutay; ug kamo dili pagabalusan gawas sa unsay imong gibuhat kaniadto.

Ang mga pumoluyo sa Paraiso nianang Adlawa malingaw, sa malipayon nga pagpuyo.

Sila ug ang ilang mga asawa maanaa sa makapahimuot nga landong, nga nanaglingkod sa mga Trono;

Sila makaangkon ug mga bunga niini ug sila makabaton sa bisan unsa nga ilang tinguha.

Salaam (Kalinaw) usa ka Pulong gikan sa Ginoo (Allah) nga Labing Maluluy-on.

(Dayon kini igasulti): "Pahawa kamo (gikan sa mga magtotoo ug sa ilang kalampusan) niining Adlawa, O kamong mga manlilimod!"

Wala ba Ako magsugo kaninyo, O mga anak ni Adan, nga kamo dili mosimba kang Satanas? Sa pagkatinuod siya usa ka dayag nga kaaway nganha kaninyo,

Ug nga kamo kinahanglan nga magasimba kanako (lamang); mao kini ang matul'id nga dalan.

Sa pagkatinuod, daghan (Satanas) kaninyo ang iyang gipasalaag. Busa dili ba nimo masabtan?

Kini mao ang Impiyerno nga gisaad kanimo kaniadto.

Sulod ug sunoga kini karon tungod sa inyong paglimod 'sa Kamatuoran'."

Niining Adlawa Kami magbutang ug selyo sa ilang mga baba, ug ang ilang mga kamot makigsulti Kanamo, ug ang ilang mga batiis magsaksi sa ilang nahimo kaniadto (sa mga sala).

Kon Amo lang gibuot, Kami sa pagkatinuod maghikaw niini (nga mga manlilimod) sa ilang mga mata (panan-aw), aron sila maningkamot sa pagsubay sa dalan, apan unsaon nila pagkakita (nga sila anaa sa kahimtang sa ilang pagkabuta).

Kon Amo lang gibuot, Kami sa wala'y pagduhaduha makapausab kanila (pinaagi sa pagparalisar kanila) sa ilang dapit, ug sila dili makahimo sa pagpadayon, ni sila makabalik.

Siya nga Among lugwayan ang iyang kinabuhi, Kami magbalik kaniya diha sa paglalang (ngadto sa kahuyang human sa iyang kusog); dili ba sila unya makasabut?

Wala namo siya (Muhammad) tudloi sa balak ug kana dili angay alang kaniya. Kini usa lamang ka pahinumdom ug usa ka tin-aw nga Qur'ān,

Aron sa pagpasidaan sa bisan kinsa nga buhi, ug ang Pulong (sa Pagsilot) mahimong makatarunganon batok sa mga manmilimod.

Wala ba sila mahibalo nga Kami naglalang alang kanila gikan sa gibuhat sa among mga kamot aron sila maoy makapanag-iya niini?

Kami nagpaaghop kanila alang kanila, aron ang uban niini ilang masakyan, ug ang uban niini ilang pagakaonon.

Ug alang kanila adunay uban pa nga mga kaayohan niini, ug ang (gatas) ingon nga mainom; dili ba sila magmapasalamaton?

Apan bisan pa niini, sila nanag-simba ug laing mga diyos gawas Allâh, aron nga tingali sila matabangan!

Wala sila'y gahum sa pagtabang kanila, samtang sila (ang ilang mga magsisimba) ilang mga sundalo nga mutambong kanila.

Busa ayaw itugot nga ang ilang sinultihan makapasubo kanimo. Sa pagkatinuod, Kami nasayud sa unsay ilang gibuhat sa tago, ug sa unsay ilang gibuhat sa dayag.

Wala ba nahibalo sa tawo nga Kami naglalang kaniya gikan (lang) sa usa ka tulo sa semilya? unya sa kalit siya usa ka tin-aw nga kaaway.

Siya mipresentar alang Kanamo ug usa ka pananglitan sa pag-pakig-atbang Kanamo ug nakalimot sa iyang kaugalingong pagkalalang. Siya nag-ingon: "Kinsa ba ang maghatag ug kinabuhi sa mga bukog sa diha nga sila dunot?"

Isulti: "Siya nga nagbuhat kanila sa unang higayon maghatag kanila ug kinabuhi; ug Siya sa matag paglalang mao ang Labing Nasayud."

Siya kinsa ang nagbuhat alang kanimo gikan sa lunhaw nga mga kahoy sa usa ka kalayo, aron pinaagi niini kamo makapadilaab.

Dili ba Siya (ang Allah) nga naglalang sa kalangitan ug kalibutan, makahimo sa paglalang sa sama kanila? Oo, ug Siya mao ang Magbuluhat (sa tanan), ang Labing Nahibalo.

Ang Iyang sugo, sa diha nga Siya magbuot sa usa ka butang, mao ang pag-ingon lamang niini: "Mahimo," unya kini mahitabo.

Ang tanang Dungog (ug himaya) mahimong Kang Allah kinsay anaa sa lyang kamot ang pagkahari sa tanan, ug ngadto Kaniya kamo tanan ibalik (alang sa paghukom).