Cebuano (Bisaya) Meal — Rowad Tercüme Merkezi — Saffat 37:1 – Necm 53:62

Ako (Dios) nanumpa sa [mga anghel] nga naglinya sa usa ka laray,

ug pinaagi (ang mga anghel) nga kugihan nga magmaneho (sa mga panganod aron sa pagbisibis sa uga nga kayutaan),

ug pinaagi niadtong (mga anghel) nga naglitok sa Pahinumdom 'pulong sa Dios',

Sa pagkatinuod, inyong Dios usa ra lamang (ang Allah lang):

Ang Ginoo sa mga langit ug sa yuta ug sa unsay anaa sa taliwala niini, ug ang Ginoo sa pagsubang sa adlaw.

Kami nagpanindot sa labing duol nga langit pinaagi sa mga dayandayan nga mga bituon,

Ug ingong panalipod batok sa matag masukihon nga demonyo.

Dili sila makapaminaw sa halangdon nga panagtigom (sa mga anghel) tungod kay sila ginalabay gikan sa matag kiliran,

Sa usa ka pagpalayas. Ug alang kanila mao ang makanunayon nga pagsakit,

Gawas kaniya nga naga-ilog (pipila ka mga pulong) pinaagi sa pagpangawat niini, apan sila gigukod sa nagdilaab nga kalayo.

Busa pangutan-a sila (kadtong naglimod sa Kamatuoran sa Islam) kon sila: "Mas kusgan ba sila sa kabuhatan o ang [uban pa mga kahibulongan] nga Among gibuhat?" Sa pagkatinuod, Kami nagbuhat kanila gikan sa lapok.

Hinoon, ikaw matingala ˹pinaagi sa ilang panghimakak' samtang sila nagbiaybiay (kanimo),

Sa diha nga sila pahimatngonan, sila dili manumbaling.

Sa diha nga sila makakita ug Timaan, sila magdasig sa usag-usa sa pagbiaybiay niini,

nga nag-ingon: "Kini wala nay lain gawas sa usa ka tin-aw nga salamangka",

Sa diha nga kita nangamatay na ug nahimong abug ug mga bukog, kita ba pagabanhawon pa gayud (gikan sa mga patay)?

Ug ang atong mga katigulangan "ingon man"?

Isulti: "Oo, ug kamo unya gipakaulawan."

Kini usa lang ka singgit (pagtayhop sa trumpeta), unya sa kalit sila nagtutok.

Ug sila moingon: "O pagkaalaut namo, kini mao ang Adlaw sa Pagbalus."

(Sila pagasultihan): "Kini mao ang Adlaw sa Paghukom nga kaniadto inyong gipanghimakak."

(Oh mga anghel), tiguma sila nga nagbuhat ug kadautan (ang mga pagano, manlilimod) ug ang ilang matang, ug ang unsay ilang ginasimba kaniadto,"

Gawas kang Allah, unya dad-a sila 'tanang' ngadto sa dalan sa Imperno."

Pahunonga sila, kay sila pangutan-on:

Unsay nahitabo kaninyo (Oh mga manmilimod ug mga pagano) nga (karon) kamo dili makatabang sa usag-usa?

Apan sila magtugyan nianang adlawa.

Ang uban kanila moduol sa uban, nga naglabay sa pagbasol sa usag-usa.

[Ang uban] moingon, "Kaniadto miduol ka kanamo gikan sa usa ka posisyon sa gahum."

Sila moingon, "Dili, kamo 'sa inyong mga kaugalingon' dili mga magtutuo."

Ug kami wala'y pagbulot-an (o gahum) diha kaninyo, apan kamo malinapason nga mga katawhan;

Busa ang Pulong 'Dekreto" sa (Allah) nga atong Ginoo gipatuman batok kanato, nga kita sa pagkatinuod makatilaw (sa Silot);

Busa gipahisalaag namo kamo, kay kami (usab) sa among mga kaugalingon mga nangahisalaag.

Busa nianang Adlawa, sila (tanan) makaambit sa Silot.

Sa pagkatinuod Ingon niana Kami magtagad sa mga daotan.

Sa pagkatinuod sila kaniadto nagagawi nga mapahitas-on , sa diha nga giingon ngadto kanila: "Walay dios (nga takos simbahon) gawas sa Allah;"

Ug miingon: "Itugyan (biyaan) ba gayud nato ang atong mga dios tungod (lang) sa usa ka buang nga magbabalak?"

Dili, siya (ang Propeta Muhammad) miabot dala ang Kamatuoran, ug iyang gipamatud-an ang (nauna) nga mga Mensahero (sa Allah).

Kamo 'kinsa naglimod sa kamatuoran' makatilaw gayud sa masakit nga silot.

Ug kamo dili pagabalusan gawas (sa) unsay inyong gibuhat kaniadto.

Gawas sa pinili nga mga alagad ni Allāh.

Alang kanila adunay ilado nga tagana (sa Paraiso),

Mga prutas (sa tanang matang), ug sila pagapasidunggan pag-ayo,

Sa mga Tanaman sa kalipay,

Sa mga trono (sa dignidad), nga nag-atubang sa usag-usa.

Ang usa ka kopa (sa lunsay nga bino) igapasa-pasa (igalibot) ngadto kanila gikan sa tin-aw nga nagadagayday nga tubod.

Puti (tin-aw), lamian alang sa mga muinom.

Walay pagsakit sa ulo. Hingpit ug hapsay, ug dili maka-hubog.

Ug uban kanila adunay mga babaye nga maglikay sa ilang mga panan-aw, nga adunay dagko, matahum, ug madanihon nga mga mata;

Ingon nga sila sama sa gitagoan nga mga itlog (sa ostrich), nga maayo ang pagkapreserbar (ug pag-amping).

Unya sila molingi sa usag-usa, nga magpangutana sa usag-usa.

Ang usa ka mamumulong gikan kanila moingon: "Sa pagkatinuod ako kaniadto adunay usa ka kauban (sa kalibotan),

Naga-ingon: "Kamo ba gayud uban niadtong mga mituo (sa Pagkabanhaw human sa kamatayon)?"

"(Nga) Sa diha nga kita patay na ug nahimong abog ug mga bukog, dad-on (banhawon) ba gayod kita alang sa Pagbalus 'ug Paghukom'?".

Siya moingon: "Motan-aw ba kamo (kaniya kung unsa na ang iyang kahimtang)?

Unya mitan-aw siya sa ubos ug Nakita niya siya nga anaa sa tunga-tunga sa Imperno.

Siya moingon: "Pinaagi sa Allah, ikaw sa tinuod hapit na magdala sa kalaglagan kanako.

Kon dili pa tungod sa grasya sa (Allah) nga akong Ginoo, ako sa pagkatinuod nauban na unta niadtong gidala (ngadto sa Imperno)."

(Ang nagpuyo sa Paraiso muingon) "Dili na ba kita mamatay",

"Gawas sa atong naunang kamatayon? Ug kita dili na pagasilotan?"

Sa pagkatinuod, kini mao ang Dakong Kalamposan.

Ang bisan kinsa nga buot niini (Paraiso), nan, tugoti siya nga maninguha sa maong tumong.

Kini ba (ang Paraiso) labing maayo isip pag-abiabi o ang kahoy nga Zaqquum?

Sa pagkatinuod, Kami naghimo niini nga usa ka pagsulay alang sa mga mamumuhat sa dautan.

Sa pagkatinuod, kini usa ka kahoy nga mitubo gikan sa gamut sa Impiyerno.

Ang mga bunga niini sama sa mga ulo sa mga yawa[1]. ——— [1] Laing kahulogan: "Ang mga bunga niini sama sa mga ulo sa mga bitin sa Cobra, hilabihan ka mangil-ad nga dulumtanan kan-on, makadaot sa uban, makadaot sa kaugalingon."

Unya sa pagkatinuod sila magakaon gikan niini, ug sudlan ang ilang mga tiyan gikan niini.

Ug sa pagkatinuod sila pagahatagan ug nagbukal nga tubig (aron sa pag-inom, nga adunay sagol nga Zaqquum).

Unya sila tinuod nga mobalik sa Impiyerno.

Sa pagkatinuod ilang nakaplagan ang ilang mga amahan nga nangasalaag,

Busa sila usab nagdali ngadto sa ilang mga lakang!

Sa pagkatinuod, kadaghanan sa mga karaang katawhan mga nangahisalaag sa wala pa sila,

Ug sa pagkatinuod Kami nagpadala kanila ug mga tigpasidaan.

Unya tan-awa, kung unsa kamakalilisang ang katapusan niadtong mga gipasidan-an,

Gawas sa sinsero (ug matuod) nga mga ulipon sa Allah.

Si Noe sa pagkatinuod mitawag Kanato, ug unsa ba Kami Kamaayo sa pagtubag (sa pag-ampo).

Kami miluwas kaniya ug sa iyang pamilya gikan sa dako nga kagul-anan (pagkalumos ug ang pagpanglimod sa iyang katawhan).

Ug naghimo sa iyang mga kaliwatan kinsa nagpabilin alang sa pagsanay.

Ug nagbilin alang kaniya (usa ka maayong handumanan) taliwala sa ulahing mga kaliwatan.

Kalinaw ug ang hataas nga pagdayeg maanaa kang Noe taliwala sa mga kaliwatan.

Kami sa ingon nagganti sa mga magbubuhat ug maayo.

Sa pagkatinuod siya kauban sa Among mga magtutuo nga mga ulipon.

Ug Among gilumsan ang uban.

Usa gayud sa iyang (Noe) mga sumusunod si Abraham.

Sa diha nga siya miabot sa iyang Ginoo (Allah) uban sa putli nga kasingkasing,

Sa diha nga siya miingon sa iyang amahan, ug ngadto sa mga katawohan: "Unsa kining inyong ginasimba?"

Kini bang bakak – laing mga diyos (gawas) ni Allāh - ang inyong gitinguha?"

Busa, unsa ang imong hunahuna bahin sa Ginoo sa tanang binuhat?"

Ug siya mipa-siplat sa mga bituon,

Ug siya miingon: "Sa pagkatinuod ako masakiton (siya gustoha aron makapabilin sa templo aron sa pagguba sa ilang mga dios-dios)."

Busa sila mitalikod ug mibiya gikan kaniya.

Busa siya milingi sa ilang mga dios-dios ug miingon: "Dili ba kamo mokaon (sa mga gipanghalad sa inyong atubangan)?"

Unsa may nahitabo kaninyo nga kamo dili mosulti?

Unya siya miatubang ngadto kanila, nga mibunal kanila pinaagi sa (iyang) tuong kamot.

Busa sila (ang mga magsisimba sa mga diosdios) miadto kaniya nga nanag-dali.

Si (Abraham) miingon: "Nagsimba ba kamo sa inyong gikulit?"

Samtang si Allah naglalang kanimo ug ang unsang inyong gibuhat."

Sila miingon: "Pagtukod alang kaniya ug 'usa ka hudno' unya itambog siya sa nag-lagiting Impiyerno."

Ug sila naninguha sa usa ka laraw batok kaniya, apan Kami naghimo kanila nga labing gipakaulawan.

Si (Abraham) miingon: "Sa pagkatinuod ako molalin sa akong Ginoo (Allah); Siya mugiya kanako!"

(Oh Allah) akong Ginoo, hatagi ako (usa ka anak) gikan sa mga matarung."

Busa Kami mihatag kaniya sa maayong balita sa usa ka mapailubon nga anak nga lalaki.

Busa sa diha nga siya (Ishmael) miabut (sa pangidaron) sa pagtrabaho uban kaniya, siya (Abraham) miingon: "O akong anak, sa pagkatinuod nakita ko sa akong damgo nga ihalad ko ikaw; tan-awa unya, kun unsa ang imong panglantaw." Siya (Ishmael) miingon: "O akong amahan, buhata ang gisugo kanimo; kon itugot sa Allah, ikaw maka-kaplag kanako nga mapailubon.

Busa sa diha nga silang duha (Abraham ug Ismael) mipailalom (sa Kamandoan sa Allah), ug iyang gibutang siya pinaagi sa (kilid sa) iyang agtang 'sa yuta',

Kami mitawag kaniya (nga nag-ingon): "O Abraham!"

Ikaw nakatuman na sa panan-awon. Sa ingon Kami muganti sa mga magbubuhat sa maayo.

Kini sa pagkatinuod mao ang tin-aw nga pagsulay.

Ug Kami mitubos kaniya (Ismael) sa usa ka dako nga halad (usa ka laki nga karnero).

Kami nagbilin alang kang Abraham (usa ka maayong paghisgot) sa ulahing mga kaliwatan.

Ang kalinaw maanaa kang Abraham.

Sa ingon Kami muganti sa mga magbubuhat sa maayo.

Sa pagkatinuod, siya (Abraham) usa sa among mga magtotoo nga mga alagad.

Ug (sa hustong panahon) Kami mihatag kaniya sa maayong balita mahitungod kang Isaak, usa ka Propeta gikan sa mga matarung.

Kami mihatag sa among mga panalangin ngadto kaniya ug ngadto kang Isaac; ug (gikan sa) taliwala sa ilang mga kaliwat mao sila nga nagbuhat og maayo, ug (usab adunay) kadtong kinsa sayop sa ilang mga kaugalingon.

Sa pagkatinuod, Kami naghatag sa Among mga pabor kang Moises ug Harun (Aaron).

Kami nagluwas kanilang duha ug sa ilang mga katawhan gikan sa dakong katalagman (gikan sa paglutos kanila pinaagi ni Paraon ug sa iyang katawhan).

Kami mitabang kanila, mao nga sila nahimong mga nagmadaugon.

Kami mihatag kanilang duha sa ka tin-aw nga Kasulatan.

Ug nag-giya kanila sa matul' id nga dalan.

Kami nagbilin alang kanila nga duha (usa ka maayong handumanan) sa ulahing mga kaliwatan.

Kalinaw ug hataas pagdayeg alang Moises ug Aaron.

Sa ingon niana Kami nagganti sa mga magbubuhat ug maayo.

Sa pagkatinuod, silang duha kauban sa Among mga magtutuo nga mga alagad.

Si Ilyas (Elijah) tinuod nga usa sa mga Mensahero (sa Allah).

Sa diha nga siya miingon sa iyang katawhan: "dili ba ninyo bantayan ang inyong kaugalingon batok dautan?

Nagsimba ba kamo ngadto sa Ba'al[2], ug mibiya sa Labing Maayo sa tanang Manlalalang - Allâh -?" ——— [2] Usa ka inila nga diosdios sa iyang panahon.

Si Allah maoy inyong Ginoo ug Ginoo sa inyong mga katigulangan?"

Apan sila mipanghimakak kaniya, busa sila sa pagkatinuod pagadad-on ngadto (sa Imperno).

Gawas sa pinili nga mga alagad ni Allah.

Kami nagbilin alang kaniya (maayong paghisgot) taliwala sa ulahing mga henerasyon.

Kalinaw ug hataas nga pagdayeg alang kang Ilyas (Elijah).

Sa ingon niana Kami muganti sa mga magbubuhat ug maayo.

Sa pagkatinuod, siya usa sa Among mga magtutuo nga mga alagad.

Sa pagkatinuod, si Lut usa sa mga Mensahero (sa Allah).

(Busa hinumdomi) sa dihang Kami miluwas kaniya ug sa iyang panimalay.

Gawas (sa iyang asawa) sa usa ka tigulang nga babaye (nga kauban) sa mga nagpabilin sa ulahi (ug naguba).

Unya among gilaglag ang niadtong uban (sa dakbayan sa Sodom).

Ug sa pagkatinuod kamo naga-agi kanila (sa ilang dapit) matag kabuntagon,

Ug sa gabii. Wala ba kamo makasabot?

Si Yunus (Jonas) sa pagkatinuod usa sa mga Mensahero (sa Allah).

Sa dihang (siya gitalikdan ang iyang katawhan) ug mikalagiw paingon sa sakayan nga gikargahan.

Unya nagripa siya uban kanila, apan siya ang napildi.

Busa gilamoy siya sa isda samtang siya takos nga basulon.

Busa kon dili pa sa iyang pagdayeg ug paghimaya (kang Allah),

Siya (Jonas) magpabilin unta sa tiyan niini hangtod sa Adlaw nga sila pagabanhawon.

Apan gilabay Namo siya sa mamala nga baybayon samtang siya masakiton.

Kami nagpatubo alang kaniya sa usa ka punoan sa kalabasa (nga nagalandong ug nagbugaw sa mga langaw).

Kami nagpadala kaniya ngadto sa usa ka gatus ka libo (nga tawo), o sobra pa.

Busa sila mituo, unya Kami naghatag kanila ug kalipay sa usa ka gitakdang panahon.

Busa pangutan-a sila: "Ang mga anak nga babaye iya ba sa imong Ginoo (Allah) ug ang mga anak nga lalaki ila ba?"

O gibuhat ba Namo ang mga anghel ingon nga mga babaye (sama sa ilang gisulti) ug sila mga saksi niini?

Kay sa pagkatinuod kini gikan lamang sa ilang kaugalingong mga bakak nga sila nag-ingon:

Si Allāh nanganak ug mga anak. Ug, sa pagkatinuod, sila mga ang bakakon!

Nagpili ba Siya ug mga anak nga babaye kay sa mga anak nga lalake?

Unsa ba'y nahitabo kaninyo, giunsa ba ninyo paghukom (paghunahuna)?

Wala ba kamo namalandong niini?

O aduna ka bay sigurado nga pamatuod?

Nan kon mao, dad'a ang inyong mga kasulatan, kon tinuod man ang imong gisulti!

Sila nagpahayag sa usa ka kadugo tali Kaniya ug sa mga anghel. ug sa pagkatinuod ang mga anghel nahibalo nga sila (nga naghimo sa ingon niana nga pag-angkon) sa pagkatinuod pagadad-on (ngadto sa Silot sa Imperno);

Himaya sa Allāh labaw sa bisan unsa nga ilang gihulagway ngadto Kaniya (sa mga politeismo nga mga pagtuo),

Gawas sa pinili nga mga alagad ni Allāh (nga wala makaambit niana nga sala).

Busa, kasigurohan nga kamo ug ang inyong gisimba,

Dili makatintal (kang bisan kinsa) palayo gikan Kaniya,

Gawas kanila nga mga maga-padulong ngadto sa Impiyerno.

˹Ang mga anghel mitubag,˺ “Walay usa kanamo nga walay gitudlo nga estasyon ˹sa pagsimba˺.

Sa pagkatinuod, kami (mga anghel) paglinya nga nahan-ay (alang sa pagsimba),

Sa pagkatinuod, kami (mga anghel) usab nagpahayag sa Himaya (ug Kadungganan sa Allah).

Sa pagkatinuod sila (ang mga pagano) nag-ingon:

Kon kita adunay usa ka pahinumdom gikan sa mga karaan,

Kita unta karon, matinumanon nga mga alagad (ni) Allāh.

Busa (karon) sila nanag-dumili niini (ang Qur'an) apan sila sa dili madugay mahibalo!

Sa pagkatinuod, ang Among pulong nanag-una na kanhi alang sa among mga alagad nga mga mensahero:

Nga sila mao ang gipangtabangan (nga magmadaugon),

Ug sa pagkatinuod, nga ang Among mga sundalo (ang mga magtutuo) mao ang magmadaugon.

Busa biyai sila (ang mga manlilimod) sa makadiyot.

Ug (dayon) lantawa unsay mahitabo kanila, ug sila usab makakita (sa Silot).

Magpadali ba sila sa Among Silot?

Apan sa diha nga kini moabut ngadto sa ilang nataran, ang kadautan mao ang mamahimong kabuntagon sa mga gipasidan-an (nga wala naminaw).

Busa biyai sila sa makadiyot.

Lantawa unsay mahitabo kanila, ug sila usab makakita (sa Silot).

Himayaon ang imong Ginoo 'Allāh' —ang Ginoo sa Kadungganan ug Gahom—labaw sa unsay ilang giangkon!

Ang Kalinaw maanaa sa tanan nga mga Mensahero (sa Allāh).

Ang tanan nga pagdayeg iya sa Allāh, ang nga Ginoo sa tanang linalang.

Ṣād[1]. 'Nanumpa ako pinaagi sa Qur'an nga puno sa Pahinumdom. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Apan kadtong milimod 'sa Kamatuoran sa Islam' anaa sa bakak nga pagkamapahitas-on ug pagsupak.

Pila na ba ka kaliwatan (sa mga makasasala) ang Among gilaglag una kanila (tungod sa pagpanghimakak sa ilang Mensahero)! Sila nagtuaw samtang ang panahon sa pag-ikyas milabay na.

Ug (karon, kining pagano) mohibulong nga miabot kanila ang usa ka tigpasidaan (ang Propeta Muhammad) gikan sa ilang kaugalingon, ug (mao usab) ang mga manlilimod miingon: "Kini (si Muhammad) usa ka salamangkero, usa ka bakakon."

Nangangkon ba siya nga adunay usa lamang ka Diyos puli sa tanang ubang mga diyos? Sigurado nga kini usa ka katingad-an nga butang."

Ug ang mga inila (pangulo) midali taliwala kanila, [nga nag-ingon]: "Padayon, ug barug nga malig-on sa pag-alagad sa inyong mga dios-dios!" Sa pagkatinuod kini usa ka butang nga gidisenyo (batok kaninyo).

Wala gayud kami makadungog (usa ka pag-angkon nga sama) niini sa bisan unsa nga pagtuo sa naunang mga adlaw; kini usa lamang ka tinumo-tumo (sa usa ka mortal nga tawo)!

Ang Pahinumdum (Mensahi) ba gipadayag lang ngadto kaniya sa atong taliwala?" Dili! Apan sila nagduhaduha mahitungod sa Akong Pahinumdom. Dili! Apan wala pa sila makatilaw (sa Akong) Silot!

O sila ba adunay mga bahandi sa Kalooy sa imong Ginoo (Allah), ang Hingpit Makagagahum, ang Dakong Maghahatag?

O kanila ba ang kamandoan sa mga langit ug sa yuta ug sa unsay anaa sa taliwala niini? Nan, pasulaya sila sa pagsaka sa tanan (nga mahunahunaan) nga paagi (ngadto sa langit).

Sila' nahimong napildi nga mga kasundalohan (tanan) sama sa mga managkaalyado nga pundok (sa mga manlilimod) sa karaan nga mga panahon.

Una kay kanila, ang mga tawo ni Noe, (ang tribo ni) ‘Aad, ug si Paraon, nga adunay gamhanang mga kasundalohan ug dagko nga gingharian misalikway (sa mga Mensahero sa Allah).

(Ang tribu ni) Thamud, ang katawhan ni Lut, ug ang mga lumulupyo sa kala-sangan (sa Madyan); sila maoy kadtong mga (wala motoo) nga mga panon.

Ang matag usa kanila naglimod sa mga Mensahero (sa Allah), busa ang Akong Silot miabut nga makatarunganon ug dili kalikayan (ngadto kanila).

Ug sila (nga mga manlilimod) walay gihulat gawas kusog nga Pagbuto (ang pagtayhop sa Trumpeta), ug kini dili gayod maga-langay.

Sila miingon (nga nagbiaybiay): "Among Ginoo, pagdali alang kanamo sa among bahin [sa silot] sa dili pa ang Adlaw sa Pag-ihap."

Antosa (nga mapailubon) ang ilang gisulti, ug hinumdumi ang among ulipon nga si David na may lakas sa pakikipagtunggali sa mga kaaway niya at [may] pagtitiis sa pagtalima kay Allāh. Sa pagkatinuod siya kanunay nga nagabalik (ngadto sa Allah sa paghinulsol).

Sa pagkatinuod, Among gihimo sa kabukiran sa pag-palanog uban kaniya ang kahimayaon 'ng Allāh' kagabhion ug sa kaadlawon.

Ug (mao usab) ang mga langgam, nanaghugpong (uban kaniya 'David'; ang matag usa matinumanon sa (Allāh lamang).

Kami nagpalig-on sa iyang gingharian, ug naghatag kaniya og kaalam ug tin-aw nga paghukom.

Nakaabot ba kaninyo ang balita sa duha ka mga nagkalalis? Sa diha nga sila mingsulod ngadto sa pribadong lawak alampuanan (ni David) pinaagi sa pagsaka sa ibabaw sa mga dingding?

Sa diha nga sila nahisulod ngadto kang David, siya nahikurat kanila, ug sila miingon: "Ayaw kahadlok; (Kami) duha ka nanggilalis, ang usa kanamo nakabuhat ug dili matarung ngadto sa usa, busa maghukom ikaw sa taliwala namo uban ang katarung ug kaangayan, ug giyahi kami ngadto sa dalan nga husto."

Sa pagkatinuod, kini mao ang akong igsoon nga lalaki; siya adunay kasiyaman ug siyam ka mga karnero, samtang ako adunay (usa lamang) ka karnero; apan siya miingon: "Isalig kana kanako, ug siya midaug kanako sa pagpanulti!."

(Si David) miingon: "Sa pagkatinuod siya nahimong dili makiangayon kanimo sa pagpangayo sa imong karnero (aron idugang) sa iyang kaugalingong mga karnero; ug kadaghanan sa mga managkauban nagabuhat ug dili matarong ngadto sa usag-usa, gawas niadtong mituo ug nagbuhat sa matarung nga mga buhat, ug sila diyutay lamang"; ug si David nakaamgo nga Kami nagsulay kaniya, busa siya naninguha sa Kapasayloan sa iyang Ginoo (Allah) ug siya mihapa nga nagduko ug mibalik (sa Allah) sa paghinulsol.

Busa Kami mipasaylo kaniya tungod niana, ug sa pagkatinuod alang kaniya ang pagkaduol ug tinuod nga kasuod, ug ang labing maayo nga dapit sa pagbalik (sa Paraiso).

Oh David, sa pagkatinuod Kami naghimo kanimo nga usa ka Khalifah (tigdumala) sa yuta; busa paghukom taliwala sa mga tawo uban sa katarong ug ayaw sunda ang (imong kaugalingon) nga tinguha, kay basin unya kini makapasalaag kanimo gikan sa Dalan sa Allah; (alang) niadtong nahisalaag gikan sa Dalan sa Allah, sila sa pagkatinuod makabaton sa usa ka hilabihan nga Silot tungod kay sila nakalimot sa Adlaw sa Pagkwenta.

Kami wala maglalang sa langit ug ang yuta ug ang anaa sa taliwala niini sa kawang (walay katuyoan); mao kana ang ang opinyon kadtong naglimod 'sa Kamatuoran sa Islam', busa alaot sila nga naglimod (sa Allah, sa Iyang mga Mensahero, ug sa Katapusan nga Adlaw) gikan sa Impiyerno.

O himoon ba namo sila nga mituo (sa Allah ug sa Iyang mga mensahero) ug nagbuhat ug matarung nga sama sa nanag-himo ug kagubot sa yuta? O himoon ba Namo ang mga matarong sama sa mga dautan?

(Ania ang) usa ka Kasulatan (Qur'an) nga Among Gipadayag kanimo (O Propeta Muhammad), nga napuno sa mga panalangin, aron sila mamalandong sa mga Bersikulo niini, ug aron nga kadtong gitugahan sa pagsabut makahunahuna.

Among gihatag si Solomon kang David. Pagkadakong sulugoon. Sa pagkamatuod siya labing mahinulsulon kanunay nga nagabalik (sa Allah sa paghinulsol ug pagkamasinulundon).

(Hisguti) sa dihang ang mga kabayo gipresentar kaniya sa usa ka hapon, nga malig-on kun nagtindog, ug matulin sa diha nga mudagan,

ug siya miingon: "Sa pagkatinuod ako nahigugma sa maayo (niining mga kabayo) kay sa paghinumdom sa akong Ginoo (sa akong hapon nga pag-ampo)," hangtud nga ang panahon nahuman, ug ang adlaw mitago sa tabil (sa gabii),

Siya miingon: "Dad-a sila (ang mga kabayo) balik kanako." Unya misugod siya sa pagpahid sa iyang kamot sa ilang mga bitiis ug sa ilang mga liog.

Ug sa pagkatinuod, Among gisulayan si Solomon, ug Kami nagbutang sa iyang trono ug usa ka (patay) nga lawas, ug human niana siya mibalik (ngadto sa Allah sa paghinulsol).

Siya miingon: "Akong Ginoo (Allah), pasayloa ako ug hatagi ako ug usa ka gingharian nga dili takus sa lain sunod kanako; sa pagkatinuod Ikaw mao ang dako nga Maghahatag."

Busa Kami nag-alagad alang kaniya sa hangin nga nagdagayday sumala sa iyang sugo nga malumo bisan asa niya gustohon,

ug ang mga yawa (gikan sa Jinn): matag magtutukod ug mananalom,

ug adunay uban nga gigapos sa kadena (gapos).

Mao kini ang Among gasa: busa ipanghatag kini o tipigi, nga walay pagpangwenta.

Ug sa pagkatinuod alang kaniya ang pagkaduol ug tinuod nga kasuod, ug ang labing maayo nga dapit sa pagbalik (sa Paraiso).

Hisguti ang Atong sulugoon nga si Job sa diha nga siya mituaw sa iyang Ginoo 'Allâh' nga nag-ingon: "Ang Satanas nag-takod kanako ug kahago ug pagsakit.

Busa giingnan siya sa Allah : "Pagyatak ang imong tiil diha sa yuta; aniay tuburan nga ig-huhugas ug bugnaw nga ilimnon."

Kami naghatag kaniya (balik) sa iyang banay ug ang sama kanila taliwala kanila ingon nga usa ka kalooy gikan Kanamo ug ingon nga usa ka pahinumdom alang kanila nga adunay salabutan.

Ug kuhaa sa imong kamot ang usa ka nipis nga pungpong sa sagbot, ug hampaka (sa hinay) pinaagi niini[2], ug ayaw lapasa ang inyong panumpa. Sa pagkatinuod Kami nakakaplag kaniya nga mapailubon. Unsa ka labing maayo (siya) nga ulipon! Sa pagkatinuod siya kanunay nga nagabalik (sa Allah sa paghinulsol). ——— [2] Ang imong asawa, ingon nga si Job nagsaad nga buhaton niya kana kung ibalik siya sa Allah sa kahimsog, ingon nga usa ka silot sa pagpakaulaw sa iyang asawa kaniya tungod sa pagpadayon niya sa Pagtuo.

Hisguti ang Atong mga sulugoon nga si Abraham, Isaac, ug si Hakob, kinsa adunay kusog ug pan-Lantaw.

Kami nagpili kanila alang sa usa ka espesyal nga kinaiya nga mao ang handumanan sa panimalay [sa sunod nga kinabuhi].

Ug sa pagkatinuod sila anaa sa Panan-aw Namo, nga mga pinili, nga labing maayo.

Hisguti si Ismael, Eliseo ug Dhul-Kifl (Ezekiel). Silang tanan kauban sa mga labing maayo.

Kini usa ka Pahinumdom; ug sa pagkatinuod adunay usa ka maayo nga dapit (sa Paraiso) alang sa mga matarong,

Mga tanaman sa Eden, diin ang mga ganghaan kanunay nga abli alang kanila.

Diin magsandig sila niini, nagtawag alang sa bunga sa kadagaya ug lamian nga ilimnon.

uban kanila adunay putli nga mga babaye nga nagpugong sa ilang mga panan-aw (alang lamang sa ilang mga bana), managsama sa pang-edaron.

Mao kini ang gisaad kaninyo alang sa Adlaw sa Pagkwenta.

Kini mao gayud ang Among tagana, nga dili gayud matapos.

Mao na kana. Apan sa pagkatinuod adunay usa ka dautan nga dapit sa pagbalik alang sa mga malinapason;

Gehinnom 'Imperno'; sila pagasunogon niini, makalilisang ang mao nga dapit kapahulayan.

Mao na kana, busa patilawi sila niini – usa ka makasunog nga tubig ug nana,

Ug ang uban pang (mga silot) sa daghang mga matang, (tanan kini magkauban)!

Kini usa ka panon nga mosulod uban kaninyo; walay pag-abiabi alang kanila, sila siguradong masunog sa Kalayo.

Sila moingon: "Mao usab kamo – walay pag abi-abi alang kaninyo: Kamo mao ang nagdala kanamo dinhi, ug hilabihan kadautan kini nga dapit alang sa pagpahulay".

Sila moingon: "Among Ginoo 'Allāh', bisan kinsa nga nagdala kanamo dinhi, idugang ngadto kaniya ang doble nga pagsakit sa Kalayo."

Ug sila moingon: "Nganong dili ta makakita sa mga tawo nga kaniadto among giisip nga kauban sa mga dautan?"

Gihimo ba namo sila ingon nga usa nga kataw-anan, o ang among mga panan-aw (maoy) napakyas sa pagkakita kanila?

Kana sa tinuod mao gayud ang Kamatuoran: (Mao kana) ang panag-away sa mga pumoluyo sa Kalayo.

Muhammad', ingna: "Ako usa lamang ka tigpasidaan, ug walay tinuod dios gawas sa Allah lamang, ang Madaugon (sa tanan)."

Ang Ginoo sa mga langit ug sa yuta ug sa unsay anaa sa taliwala niini, ang Hingpit Gamhanan, ang Hingpit Mapasayloon.

Isulti: "Kini (Qur'an) usa ka dakung Balita."

Apan kamo motalikod gikan niini:

Ako walay kahibalo mahitungod sa kinatas-ang konseho (sa mga Anghel) sa dihang sila naglalis (bahin kang Adan).

Gawas lamang niining gipadayag kanako; aron ako maga-pasidaan nga dayag (sa pagsakit alang kang bisan kinsa nga nagbutang ug kauban sa Allah ug nagbuhat ug daotan).

(Busa hisgoti) sa dihang ang imong Ginoo (Allah) miingon ngadto sa mga anghel; "Sa pagkatinuod ako magabuhat ug usa ka tawo gikan sa lapok";

Busa sa dihang giumol Ko siya nga hingpit ug gihuypan sa iyang kalag (nga gibuhat) pinaagi Kanako, Yumukbo kamong tanan, kaniya."

Busa ang mga Anghel miyukbo, silang tanan, sa tingub,

Gawas kang Iblees 'Satanas'; nahimo siyang garboso ug nahimong sa manlilimod.

(Ang Allah) miingon: "Oh Iblees (Satanas), unsa ang nakapugong kanimo gikan sa pagyukbo kaniya nga Akong gibuhat sa Akong duha ka kamot? Ikaw ba mapahitas-on (sa paghimo sa pagyukbo) o naghunahuna ka ba nga labaw ka sa tanan?"

(Si Iblis) miingon: "Ako mas maayo kay kaniya; Gibuhat mo ako gikan sa kalayo, ug gibuhat mo siya (Adan) gikan sa lapok."

(Ang Allah) miingon: Nan gawas gikan niini (Paraiso), kay sa pagkatinuod ikaw gipapahawa (ug tinunglo).

Ug sa pagkatinuod ang Akong tunglo anaa kanimo hangtod sa Adlaw sa Pagbalus.

(Si Iblis) miingon: "Akong Ginoo 'Allāh'. Hatagi ako ug lugway hangtod sa Adlaw nga sila pagabanhawon."

(Ang Allah) miingon: "Sa pagkatinuod Ang ikaw gihatagan lugway."

Hangtud sa Adlaw nga gitakda ug nahibaloan (ako lamang).

(Si Iblis) miingon: "Nan pinaagi sa Imong Gahum, ako sa pagkatinuod magpahisalaag kanilang tanan,"

Gawas sa Imong sinsero ug matinud-anon nga mga ulipon gikan sa kanila.

Siya miingon: "Kay ang kamatuoran [gikan Kanako] ug ang kamatuoran Ako moingon:

Ako sa pagkatinuod mupuno sa Impiyerno gikan kanimo ug gikan sa bisan kinsa nga mosunod kanimo sa ilang taliwala, sa tingub."

(Muhammad' Ingna, "wala ako mangayo kaninyo og bisan unsa nga ganti alang niini (nga Mensahe), ni Ako nag-paka-aron ingnon unsa ako dili".

Sa tinooray, kini (Qur'an) usa lamang ka pa-hinumdom alang sa tanan nga mga katawhan ug jinn.

Siguradong mahibal-an nimo ang balita niini pagkahuman sa usa ka panahon."

Ang pagpadayag sa Libro (Qur'an) gikan ni Allāh, ang Hingpit Gamhanan, ang Hingpit Maalamon.

Kami sa pagkatinuod gipakanaog ug gipadayag kaninyo ang Libro 'Qur’an' uban sa kamatuoran, busa simbaha si Allāh (lamang), nga matinud-anon ngadto Kaniya sa pagsimba.

Ang putli nga pagsimba iya ni Allāh lamang. Apan Kadtong kuhaa gawas Kaniya lain nga mga dios [nag-ingon]: "Kami wala magsimba kanila apan aron sila makapaduol kanamo ngadto kang Allāh sa labing haduol." Sa pagkatinuod si Allāh maoy maghukom tali kanila mahitungod sa bisan unsa nga ilang panagkalahi. Sa pagkatinuod ang Allah dili mogiya kaniya kinsa nga usa ka bakakon, dili mapasalamaton.

Kon si Allāh gibuot pa unta nga magbaton ug anak alang sa Iyang kaugalingon (sama sa giangkon sa mga Kristiyano), siguradong makapili Siya kung kinsa ang Iyang gikahimut-an gikan sa Iyang mga binuhat. Ang Himaya (ug Kadungganan) anaa Kaniya; (Siya Labing layo gikan sa unsay ilang gipasangil ngadto Kaniya.) Siya mao ang Allah, ang bugtong Usa ka Tinuod nga Dios (nga angayan sa pagsimba), ang Madaugon (sa tanan).

Siya naglalang sa mga langit ug sa yuta alang sa tinuod nga katuyuan. Iyang putos ang gabii sa adlaw, ug putos ang adlaw sa kagabhion, ug Iyang gihimo ang adlaw ug ang bulan nga sakop kanimo; ang matag nagtuyok alang sa usa ka piho sa panahon. Sa pagkatinuod Siya 'Allāh' mao ang Hingpit Gamhanan, ang Hingpit Mapasayluon.

Siya naglalang kaninyo gikan sa usa ka kalag (Adan): Unya lyang gilalang gikan niini ang iyang kapikas (Eba). Gipadala niya kanimo gikan sa mga mananap ang walo ka parisan. Siya naglalang kaninyo sa sabakan sa imong mga inahan sa sunod-sunod nga paglalang sa tulo ka kangitngit[1]. Kana mao si Allāh, imong Ginoo; Iya ang gingharian. Walay Dios (nga takos simbahon) gawas Kaniya. Busa giunsa ka pagpabalhlin 'gikan sa Kamatuoran', ——— [1] Ang kangitngit sa tiyan, sa sabakan ug sa placenta.

Kon kamo naglimod "Sa Kamatuoran', hibaloi nga ang Allah wala nanginahanglan kaninyo; ug Siya dili makagusto sa pagka dili mapasalamaton gikan sa lyang mga ulipon; ug kon kamo mapasalamaton, Siya makagusto nini gikan kaninyo; ug walay tigpas-an sa palas-anon nga makapas-an sa palas-anon sa uban; ug ngadto sa (Allah) inyong Ginoo mao ang inyong (katapusan) nga pagbalik, busa Siya mopahibalo kaninyo sa unsay inyong naandan nga ginabuhat; sa pagkatinuod Siya mao ang Labing Nakahibalo sa tanan kon unsa ang anaa sa mga dughan (sa katawhan).

Sa diha nga ang pipila ka kalisdanan mutandog sa tawo siya motawag sa iyang Ginoo (Allah) ug mibalik ngadto Kaniya (nga nag-inusara diha sa paghinulsol ug sa pagsunod); unya sa diha nga Siya muhatag kaniya sa usa ka pabor gikan Kaniya, siya makalimot Kaniya nga Maoy iyang gitawag kaniadto, ug nagbutang ug kauban sa Allah aron sa pagpahisalaag (sa mga tawo) gikan sa Iyang Dalan. Isulti: "Paglingaw sa imong pagkawalay pagtuo sa makadiyot; sa pagkatinuod ikaw usa sa mga pumoluyo sa Kalayo."

Mao ba ang usa nga matinud-anon nga masinugtanon sa mga takna sa kagabhion, nga miyukbo sa iyang kaugalingon ug mibarog (sa pag-ampo), ug nahadlok sa Pikas Kinabuhi ug naglaum sa Kaluoy sa (Allah) nga iyang Ginoo (sama ba iyang kinsay dili)! Ingna: "Managsama pa kadtong nahibalo ug kadtong wala mahibalo?" Ang adunay salabutan nga mga tawo ra ang mahunahunaon.

Isulti (Oh Muhammad, nga ang Allah nag-ingon): "O akong mga alagad nga mituo, pagbantay sa pagpakasala batok sa 'Allāh' inyong Ginoo. Alang niadtong nagbuhat ug maayo niini nga Kalibutan, ang [ganti] maayo. Ang yuta ni Allah kay lapad. Kadto lamang mga mapailubon ang pagabayaran sa ilang ganti sa hingpit nga walay sukod.

Isulti: "Gisugo Ako sa pagsimba sa Allāh (lamang), nga matinumanon alang Kaniya sa relihiyon (uban sa gugma, kahadlok, ug paglaum)."

Ug nagsugo nga ako mahimong una niadtong mga nagpasakop sa ilang mga kaugalingon ngadto sa Allah 'Dios'.

Ingna: "Sa pagkatinuod, ako nahadlok, kon ako mosupak sa 'Allāh' akong Ginoo, ang silot sa makalilisang nga adlaw 'ang Adlaw sa Paghukom'.

Isulti: "ang Allah (lamang) ang akong gisimba, nga matinud-anon ngadto Kaniya sa akong pagsimba (uban sa gugma, kahadlok, ug paglaum)."

Busa 'Oh mga manlilimod' simbaha ang bisan unsa nga imong gitinguha gawas Kaniya." Ingna: "Sa pagkatinuod ang mga pildero mao kadtong nawala sa ilang kaugalingon ug sa ilang mga pamilya sa Adlaw sa Pagkabanhaw (ug Paghukom)." Timan-i, kana mao ang dayag nga kapildihan.

Sila adunay mga tabon nga Kalayo gikan sa ilang ibabaw ug gikan sa ilang ilalum adunay tabon nga Kalayo; pinaagi niini si Allāh nagpasidaan sa Iyang mga ulipon: "Oh Akong mga ulipon kahadloki Ako ug pagbantay sa pagpakasala batok Kanako."

(Alang) niadtong naglikay sa pagsimba sa bakak nga mga dios, ug midangop sa Allah (sa paghinulsol ug pagsunod), alang kanila ang maayong balita. Busa pagdala ug maayong balita sa Akong mga alagad,

Kadtong namati sa gisulti unya nagsunod sila sa labing maayo niini. Kini mao ang mga gigiyahan ni Allāh ug sila mao ang mga maalamon.

Nan, ang usa ba nga batok kaniya ang Pulong sa Silot gipakamatarung (sama sa usa nga naglikay sa dautan)? Maluwas ba nimo sila nga nahukman na ngadto sa kalayo?

Apan (alang) niadtong gikahadlokan 'ang Allāh' ilang Ginoo ug naglikay sa lyang mga gidili; alang kanila mao ang mga lawak gikan sa ibabaw diin ang mga lawak gitukod, uban sa mga suba nga nagaagay gikan sa ilalum nila. kini mao) ang Saad sa Allāh. Ang Allāh dili magpakyas sa (lyang) Saad.

Wala ba ninyo makita nga ang Allah nagpadala ug tubig gikan sa langit, nga gipaagay 'gibu'bo' kini sa yuta pinaagi sa mga tuburan, ug nagpatubo niini sa mga tanum nga nagkalainlain ang kolor, unya kini nalaya aron makita ninyo nga kini nahimong dalag, unya gihimo Niya kini nga nadugmok ug nabuak nga mga piraso? Sa pagkatinuod adunay Pahinumdom niini alang niadtong kinsa mahunahunaon.

Siya ba nga ang kasingkasing giablihan sa Allah ngadto sa Islam (tinuod nga Relihiyon sa Dios), aron siya anaa sa kahayag gikan sa iyang Ginoo Allâh (sama niadtong mga patay, sa kangitngit)? Busa alaut kadtong ang ilang mga kasingkasing migahi batok sa Paghinumdum sa Allah. Sila anaa sa dayag nga kasaypanan.

Gipadala sa Allah ang labing maayo nga pagpamulong, usa ka Libro (Qur'an) nga adunay hingpit nga pagkamakanunayon sa lain-laing mga bahin niini, nga nagbalikbalik, diin ang mga panit mangurog alang niadtong nagbarug sa kahadlok sa (Allah) nga ilang Ginoo, unya ang ilang mga panit ug ang ilang mga kasingkasing mohumok kang Paghinumdum sa Allah. Mao kana ang giya ni Allah, Siya mugiya niini sa kinsay Iyang gusto; ug (mahitungod) kaniya nga gibiyaan sa Allah nga nahisalaag[2], alang kaniya walay giya. ——— [2] Tungod sa iyang pagkamapahitas-on ug pagpadayon sa pagpakasala.

Siya ba, nga moatubang sa makalilisang nga Silot sa Adlaw sa Pagkabanhaw pinaagi sa iyang nawong (sama kaniya nga mosulod sa Paraiso nga malinawon)? Ug iga-ingon ngadto sa mga mamumuhat sa kadautan: "Tilawi ang inyong kinitaan kaniadto."

Ang mga na-una kay kanila naglimod (sa mga Propeta), busa miabut kanila ang Silot nga diin naggikan sa wala nila palandunga.

Ang mga na-una kay kanila naglimod (sa mga Propeta), busa miabut kanila ang Silot gikan diin sa wala nila palandunga.

Sa pagkatinuod, Kami sa nag-pasabot niini nga Qur'an ngadto sa mga tawo nga (nagkadaiyang sa) panig-ingnan, aron sila makasabot.

Ang Qur'an nga gipadayag sa Arabiko nga pinulongan nga walay bisan unsa nga kahiwian, aron sila mahadlok sa Allah ug magbantay ilang kaugalingon batok sa kadautan.

Ang Allāh nag-latid ug sam-bingay. Usa ka lalaki gipanag-iya sa daghang manga agalon nga nagka-sumpaki, ug usa usab ka lalaki nga gipanag-iya sa usa lamang ka agalon. Manag-sama ba kining duha? Dalaygon (si) Allāh. Apan kadaghanan kanila wala mahibalo.

Sa pagkatinuod, ikaw (oh Muhammad) mamatay ug sila (usab) mamatay.

Unya sa pagkatinuod sa Adlaw sa Pagkabanhaw sa atubangan sa inyong Ginoo 'Allah' inyong ibutang ang tanan ninyong mga panaglalis.

Kinsa ba ang labaw nga dili makiangayon kay sa niadtong nagsulti ug bakak batok sa Allah[3], ug (siya nga) nagpanghimakak sa Kamatuoran[4] sa diha nga kini (nga kahibalo) moabut kaniya; dili ba ang Imperno mao ang (angay) nga Puloy-anan alang sa (tanan nga) mga manlilimod? ——— [3] Pinaagi pag-asoy ug anak nga lalaki o mga anak nga babaye ngadto Kaniya o bisan unsa nga kaubanan ngadto Kaniya. [4] Nga ang Dios walay kauban, walay anak nga lalaki, walay mga anak nga babaye, walay kapikas ug walay katupong.

Siya (ang Propeta Muhammad) nga maoy nagdala sa Kamatuoran ug siya nga midawat niini ingon nga maoy Kamatuoran - kini mao ang mga matarong.

Sila makabaton bisan unsa nga ilang gitinguha gikan sa ilang Ginoo 'Allāh'[5]. Mao kana ang ganti sa mga maayong magbubuhat. ——— [5] Gikan sa panahon sa kamatayon hangtod sa ilang pagsulod sa Paraiso, nga maluwas gikan sa silot sa lubnganan ug gikan sa kabug-at sa Adlaw sa Pagkabanhaw ug Paghukom).

Aron ang Allah mopasaylo kanila sa labing daotan nga ilang gibuhat, ug maghatag kanila sa ilang ganti sumala sa labing maayo sa unsay ilang gibuhat kaniadto.

Dili ba igo ang Allah alang sa nagsimba Kaniya? Apan sila nagtinguha sa paghadlok kanimo uban niadtong (ilang gisimba) gawas Kaniya; apan siya nga gibiyaan sa Allah nga nahisalaag[6], walay giya alang kaniya. ——— [6] Tungod sa iyang pagkamapahitas-on ug pagpadayon sa pagpakasala.

Bisan kinsa nga gitultolan ni Allah, walay nagpahisalaag kaniya. Dili ba si Allāh Gamhanan, Makahimo sa pagbalos?

Kon ikaw mangutana kanila, Kinsa ang naglalang sa langit ug sa yuta? Sila sa pagkatinuod moingon: Ang Allah (Dios)". Isulti: "Nahunahunaan ba ninyo ang inyong gisangpit gawas sa Allah, Kon si Allāh mobuot ug kadaot kanako, mahimo ba nila nga tangtangon ang Iyang kadaotan? O kon gusto Niya nga kaluy-an ako, makahunong ba sila sa Iyang kaluoy?" Isulti: "Si Allah Igo na alang kanako. Kaniya (lamang) ang mga magtutuo nagbutang sa ilang hingpit nga pagsalig."

isulti: "O akong katawhan, pagbuhat kamo sumala sa inyong pamaagi, sa pagkatinuod ako nagabuhat usab, ug sa dili madugay mahibaloan nimo,

Kang kinsa ba moabut ang pagsakit nga magpakaulaw kaniya ˹niini nga kinabuhi˺, ug kang kinsa ba mahimong ang walay katapusan nga pagsakit 'sa sunod nga kinabuhi'.”

Sa pagkatinuod, Among gipakanaog kanimo (Oh Muhammad) sa Libro (Qur’an) alang sa katawhan uban sa Kamatuoran. Busa bisan kinsa nga matultolan, kana alang sa iyang kaugalingon; ug bisan kinsa nga mahisalaag, siya mahisalaag alang lamang sa iyang kaugalingong kapildihan; ug ikaw dili usa ka sinaligan ibabaw kanila.

Ang Allah mokuha sa mga kalag sa panahon sa ilang kamatayon, ug kadtong wala pa mamatay (Siya nagakuha niini) sa panahon sa ilang pagkatulog. Unya Iyang magpugong kadtong [mga kalag] nga Iyang gitakda nga mamatay ug gipabalik ang uban hangtud sa gitakda nga panahon; sa pagkatinuod adunay mga timaan niini alang sa mga tawo nga namalandong.

O nagkuha ba sila ug mga tigpataliwala (nga ilang ginasampit) gawas sa Allah? Isulti: "Bisan pa tuod kun sila walay gahum sa bisan unsa, ni sila makasabut?"

Isulti: "Iya sa Allah (ang katungod) sa pagtugot sa bug-os nga pagpataliwala; Iya ang ginharian sa mga langit ug sa yuta, ug ngadto Kaniya kamong tanan ibalik (alang sa Paghukom)."

Sa diha nga ang Allah lamang ang gihisgotan, ang mga kasingkasing niadtong wala mituo sa Pikas Kinabuhi mokunhod uban sa pagdumot, ug sa diha nga sila (nga ilang gisimba) gawas Kaniya[7] gihisgutan, diha-diha dayon sila nangalipay. ——— [7] Sama Hesukristo, iyang inahan nga si Maria, ang espiritu santo, ang mga anghel, mga santos, jinn, mga estatuwa, ug uban pa.

Isulti: "O Allah, tigmugna sa mga langit ug sa yuta, Nakahibalo sa dili makita ug sa makita. Ikaw ang maghukom tali sa Imong mga ulipon (sa katawhan ug jinn) mahitungod nianang diin sila nanagkalahi."

Kon sila nga nagbuhat ug daotan (pinaagi sa paghimo og mga kauban ni Allāh sa pagsimba) adunay ang tanan nga ania sa yuta, ug sa susama pa niini, sa pagkatinuod sila makatubos [sa ilang kaugalingon] uban niini gikan sa pagsakit sa pag-antus sa Adlaw sa Pagkabanhaw. Ang wala nila damha kaniadto nga magalibot ngadto kanila gikan sa Allah.

Ug ang dautan (nga sangputanan) sa ilang nahimo (ni mga sala) mutungha ngadto kanila, ug ang maong butang nga ilang gibiaybiayan magalibot kanila sa hingpit.

Busa sa diha nga ang kadaot mutandog sa tawo, siya motawag sa Allâh (lamang) alang sa tabang; unya, sa diha nga Kami mohatag kaniya og usa ka pabor gikan Kanamo, siya muingon: "Ako nahatagan niini pinaagi lamang sa (akong) kahibalo." Hinonoa, kini usa ka pagsulay, apan kadaghanan kanila wala mahibalo.

Ang mga nag-una kanila nagsulti niini usab, apan ang tanan nilang nahimo wala gayod magpulos ngadto kanila.

Busa dihay midangat kanila ang dautan (nga sangputanan) sa ilang mga buhat; ug (mahitungod) kanila nga nagabuhat ug kadautan gikan taliwala kanila, mahitabo kanila ang dautan (nga sangputanan) sa unsay ilang gibuhat, ug sila dili makaikyas.

Wala ba sila mahibalo nga ang Allah naghatag ug igo nga paagi sa panginabuhian kang bisan kinsa nga Iyang gusto, ug Siya nagpig-ot niini (kang bisan kinsa nga Iyang gusto)? Sa pagkatinuod adunay mga timaan niini alang sa mga tawo nga nagtuo.

Isulti (Oh Muhammad, nga ang Allah nag-ingon): "O akong mga ulipon (sa katawhan ug jinn), nga nakalapas batok sa ilang mga kaugalingon, ayaw pagkawalay paglaum sa Kalooy sa Allah; sa pagkatinuod ang Allah mopasaylo sa tanang sala; sa pagkatinuod Siya mao ang Labing Mapasayloon, ang Labing Maloloy-on."

Balik kamo ngadto sa inyong Ginoo (Allah) diha sa paghinulsol sa kanunay, ug magpasakop ngadto Kaniya sa dili pa moabot kaninyo ang pagsakit, ug kamo dili matabangan.

Sunda ang pinakamaayo (ang Qur’an) nga kaninyo gipakanaog nganha gikan sa (Allah) nga inyong Ginoo sa dili pa moabut kaninyo ang Silot sa kalit samtang kamo wala makabantay;

Tingali unya ang usa ka kalag moingon: "Alaut ako! Tungod sa akong kapakyasan sa akong katungdanan ngadto sa Allah, ug sa pagkatinuod ako usa niadtong nagbiaybiay (sa Kamatuoran)";

O (tingali) kini moingon: "Kon (si) Allāh nag-giya pa kanako, mahi-ipon unta ako sa mga matarong";

O (kaha) kini muingon sa diha nga kini makakita sa Silot: "Kon aduna pa unta akoy laing higayon (nga makabalik sa kalibutan) nan ako mahimong mahiuban sa mga maayong magbubuhat.

Apan oo! Ang Akong mga Bersikulo miabot kanimo, apan ikaw nagsalikway niini, ug ikaw nagmapahitas-on, ug ikaw usa sa mga manlilimod.

Sa Adlaw sa Pagkabanhaw (ug Paghukom) imong makita kadtong namakak batok sa Allah [8]; ang ilang mga nawong muitom. Dili ba ang Imperno usa ka (haom) nga Puloy-anan alang sa mga mapahitas-on? ——— [8] Pinaagi sa pag-asoy og anak nga lalaki o babaye, o sayop nga kinaiya ngadto Kaniya.

Apan si Allāh magaluwas niadtong (nagtuo) kinsa nagbantay sa ilang kaugalingon (batok sa dautan) uban sa ilang kalampusan, ang kadautan dili makatandog kanila, ni sila maguol.

Si Allāh mao ang Magbubuhat ug Tigsalig sa tanang butang, ug Siya ang (bugtong) Magbalantay ug Tigdumala sa mga kalihokan (sa Iyang mga linalang).

Kaniya (lamang) ang mga bahandi sa mga langit ug sa yuta. Kadtong naglimod sa mga timaan sa Allah, sila mao kadtong mga pildero.

Isulti: "Gisugo ba ninyo ako sa pagsimba sa lain gawas sa Allah, Oh, kamo nga mga tawong buang?"

Ug sa pagkatinuod, gipadayag na kanimo (Oh Muhammad) ug maingon man kanila sa (Mga Propeta) nga una kay kanimo: "Kon kamo makig-uban [sa Allah] bisan unsa butang sa pagsimba (nan) sa pagkatinuod (tanan) inyong maayong mga buhat makawang, ug kamo mahimong kauban sa mga pildero."

Apan simbaha ang Allah (nga nag-inusara, ang Usa ug bugtong Tinuod nga Diyos), ug pagmapasalamaton (Kaniya).

Wala nila gihatagan og pagtahod si Allāh sa tinuod nga pagtamod uban sa pagtahod nga angay Kaniya. Ang tibuok kalibotan maanaa sa lyang pagkupot sa Adlaw sa Pagkabanhaw, ug ang mga langit nalukot sa lyang tuong Kamot. Himaya ngadto Kaniya ug gibayaw Siya labaw sa bisan unsa nga ilang gipakig-uban Kaniya (ingon mga kaubanan sa pagsimba).

Ang trompeta pagahuyopon, busa ang tanan nga anaa sa mga langit, ug ang tanan nga anaa sa yuta mamatay, gawas sa nianang gibuot sa Allah; unya kini pagahuypon pag-usab, ug dihadiha sila manindog nga naghulat (aron pagahukman).

Ang yuta modan-ag sa kahayag uban sa Kahayag sa iyang Ginoo (Allah), ug ang talaan (sa mga binuhatan) magbutang, ug ang mga Propeta ug ang mga saksi pagadad-on, ug ang Paghukom ihatag taliwala sa mga tawo uban ang hustisya, ug sila dili pagahukman nga dili makiangayon.

Ang matag kalag pagabayran sa hingpit kung unsa ang nahimo niini, ug Siya ang labing nakahibalo kung unsa ang ilang gibuhat.

Sila nga milimod (sa Allah ug sa Iyang mga Mensahero) dad-on ngadto sa Imperno sa (sunodsunod) nga mga pundok; hangtud, sa diha nga sila muabut niini, ang mga pultahan niini maablihan, ug ang mga magbalantay niini moingon kanila: "Wala ba muabot kaninyo ang mga Mensahero kaninyo nga gilitok kaninyo ang mga Pinadayag sa inyong Ginoo (Allah), ug nagpasidaan kaninyo sa Panagtigom niining inyong Adlaw?" Moingon sila: "Oo, apan ang Pulong sa Silot gipakamatarung batok sa mga manmilimod."

Kini igaingon: "Sulod kamo sa mga ganghaan sa Impyerno ingon nga sila magpabilin niini. Mao nga pagkaalaot ang puloy-anan sa mga mapahitas-on."

Apan Kadtong kahadloki (kang Allah) nga ilang Ginoo ug nagtuman sa iyang mga Kamanduan pagadad-on ngadto sa Paraiso nga (nagsunod-sunod) nga mga pundok; Hangtud si diha sila makaabut niini, sila makakaplag mga ganghaan niini nga abli kaayo, ug ang mga magbalantay niini moingon kanila: "Ang Kalinaw maanaa kaninyo, kamo maayo ug putli; busa sulod niini aron sa pagpabilin dinhi sa kahangturan."

Sila moingon: "Dalaygon si Allāh nga nagtuman sa Iyang saad kanato ug naghatag kanato sa yuta isip usa ka kabilin; aron kita makapuyo sa Paraiso nga diin kita nakagusto; busa kaayohan ang ganti sa mga matarong.

Makita nimo ang mga anghel nga nagalibot sa Trono, nga naghimaya sa ilang Ginoo (Allah) uban ang Pagdayeg; ug sila (sa katawhan ug jinn) pagahukman uban sa Hustisya, ug kini igasulti: "Dalaygon si Allāh, ang Ginoo sa tanang binuhat."

Ha Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Kini nga Libro (Qur'an) usa ka pagpadayag nga gipakanaog gikan kang Allāh'Dios', ang Labing Gamhanan, ang Labing Nakahibalo,

Ang Tigpasaylo sa sala, ang Tigdawat sa paghinulsol, Ang Hilabihan sa pagbalos, ug ang Tag-iya (sa walay kinutuban) kadagaya; walay dios (nga takos simbahon) gawas Kaniya; ngadto Kaniya ang kataposang pagbalik[2]. ——— [2] Aron Iyang gantihan sila sumala sa angay kanila.

Wala'y nakig-batok mahitungod sa mga Pinadayag sa Allah gawas sa nga naglimod (sa Kamatuoran sa Islam), busa ayaw itugot nga ang ilang (walay pagpugong nga) paglihok sa yuta makalimbong kanimo.

Una kanila, ang mga katawhan ni Noe mipanghimakak (sa ilang Propeta), ug ang (mga dili magtutuo nga) mga pundok human kanila, ug ang matag nasod naglaraw batok sa ilang Mensahero sa pagdakop kaniya, ug sila nakiglantugi pinaagi sa kabakakan aron nga pagsanta ang Kamatuoran, busa Ako (Allah) misakmit kanila. Palandonga kung unsa sa makalilisang ang akong silot.

Sa ingon niana, ang Pulong sa (Allah) nga imong Ginoo gipakamatarung batok kanila nga naglimod (sa Kamatuoran sa Islam), nga sila mao ang mga lumulupyo sa Kalayo.

Ang mga (anghel) nga nagdala sa Trono (sa Allah), ug kadtong naglibot niini naghimaya sa ilang Ginoo (Allāh) uban ang pagdalayeg, ug mituo Kaniya ug nangayo ug Kapasayloan alang sa mga magtutuo (nga nagsulti): "(O Allah) among Ginoo, Imong gilangkuban ang tanang butang diha sa Imong kaluoy ug kahibalo, busa pasayloa sila nga midangup (nganha Kanimo sa paghinulsol) ug misunod sa Imong Dalan, ug luwasa sila gikan sa Silot sa Imperno:

(Oh Allah) among Ginoo, pasudla sila sa mga Tanaman sa Eden "Ang Paraiso" nga diin Imong gisaad kanila, uban sa mga matarung gikan sa ilang mga amahan, sa ilang mga asawa, ug sa ilang mga anak (kaliwat). Sa pagkatinuod, Ikaw mao ang Hingpit Gamhanan, ang Hingpit Maalamon.

Luwasa sila gikan sa dautan nga mga sangputanan (sa ilang mga buhat), bisan kinsa nga Imong luwason gikan sa dautan nga mga sangputanan nianang Adlawa, sa pagkatinuod Ikaw nagpakita ug Kalooy ngadto kaniya, ug kana mao Ang Dakong Kalamposan.

Sa pagkatinuod, sila nga naglimod (sa Allah ug sa Iyang mga Mensahero) pagasultihan (nianang Adlawa): "Sa pagkatinuod ang Kasilag (Kasuko) sa Allah (kaninyo) sa dihang kamo gitawag ngadto sa Pagtuo ug kamo misalikway, labing dako pa kay sa inyong kasilag sa usag-usa (karon sa Imperno)."

Sila (ang mga manlilimod) moingon: "(O Allah) among Ginoo, sa makaduha ikaw naghimo kanamo nga walay kinabuhi (sa bat-ang sa among mga amahan ug sa mga lubnganan), ug sa makaduha ikaw naghatag kanamo ug kinabuhi (sa pagkatawo ug sa Pagkabanhaw), busa among gisugid ang among mga sala; nan, aduna bay dalan aron sa paggawas (sa Imperno)?"

(Ug sila pagasultian): "Kini (nahitabo kaninyo) kay sa diha ang Allāh nga bugtong mao lamang ang ampoan, kamo naglimod, apan sa diha nga mga kaubanan[3] gipakig-uban Kaniya, kamo mituo; busa, ang Paghukom iya sa Allah lamang, ang Labing Hataas, Ang Labing Dako." ——— [3] Sama ni Hesu Kristo, ang balaang espiritu nga mao si Gabriel, ang mga anghel, ang mga propeta, ang mga santos, jinn, mga estatwa, ug uban pa.

Siya (Allah lamang) mao ang nagpakita kaninyo sa Iyang mga Timaan, ug nagpakanaug alang kaninyo ug tagana gikan sa langit, ug walay makahinumdom (niana) gawas kaniya nga mibalik sa kanunay (ngadto Kaniya sa paghinulsol).

Busa ampo sa Allah lamang ug pagmatinud-anon ngadto Kaniya sa pagsimba, bisan pa ang mga manlilimod nagsupak (niini):

(Si Allāh mao ang) nanag-iya sa ranggo kahitas'an nga labaw sa tanan, ang Ginoo sa (Dakong) Trono "bulag sa tanan Niyang binuhat". Siya nagpadala sa pinadayag pinaagi sa Iyang Mando ngadto kang bisan kinsa nga Iyang gustohon sa Iyang mga ulipon (sa katawhan ug jinn), aron siya (ang Mensahero) makapasidaan (mahitungod) sa Adlaw sa Pagpakigtagbo (Kaniya).

(Sa) Adlaw nga sa dihang mogula sila, walay bisan unsa kanila nga matago gikan sa Allah. Kang kinsa pa ba ang (tanan) nga Pagkahari nianang Adlawa? Ngadto sa Allāh, ang Usa (lamang Tinuod nga Dios), ang Manlulupig (sa tanan).

Niining adlawa ang matag kalag pagabalusan sumala sa iyang nahimo; walay inhustisya (nga pagabuhaton) niining adlawa; sa pagkatinuod ang Allah mao ang Maabtik Dali sa Pag-ihap.

Pasidan'i sila niana nga adlaw nga naga-kahiduol: sa diha nga ang mga kasingkasing musaka ngadto sa mga tutonlan, nagmasub-anon; ug ang dili makiangayon dili makabaton ug suod nga higala ni tigpa-taliwala nga pagatumanon.

Siya (Allah) nasayod sa malimbongon nga mga mata, ug ang mga tinagoan sa mga kasing-kasing.

Ug ang Allah magahukom uban sa Kamatuoran (ug Hustisya); samtang kadtong ilang gitawag gawas Kaniya wala (nagbaton ug gahum sa) paghukom sa bisan unsa; sa pagkatinuod ang Allah mao ang Labing Makadungog sa Tanan, ang Labing Makakita.

Wala ba sila makapanaw pinaagi sa kayutaan ug nakakita kon unsa ang kataposan niadtong nauna kanila? Sila mas kusgan kay sa kanila sa gahum, ug gitukod labaw pa sa yuta, apan ang Allāh naglaglag kanila tungod sa ilang mga sala; ug walay bisan usa nga makapanalipod kanila gikan sa Allāh.

Kini (Silot) tungod kay niabot ang ilang mga Mensahero sa Dios uban sa tin-aw nga mga Pamatuod, apan sila misalikway (kanila), busa gisakmit sila sa Allah 'Dios'; sa pagkatinuod Siya mao ang Labing Kusgan, hilabihan sa silot!

Sa pagkatinuod, Kami nagpadala kang Moises uban sa Among mga Timaan ug usa ka tin-aw nga gahum (katungod),

Ngadto kang Paraon, Haman ug Qarun (Kuri), apan sila miingon: "(Siya usa ka) salamangkero, usa ka bakakon."

Busa sa diha nga siya (Moises) nagdala kanila sa Kamatuoran gikan Kanamo, sila miingon: "Patya ang mga anak nga lalaki niadtong mituo uban kaniya, ug buhia ang ilang mga babaye. Apan ang laraw sa mga manlilimod dili makatultol ngadto sa bisan unsa gawas sa sayop (ug kapakyasan).

Ug si Paraon miingon: "Pasagdi ako sa pagpatay ni Moises, ug pasagdi siya nga motawag sa iyang Ginoo (Allah); sa pagkatinuod ako nahadlok nga siya mousab sa inyong relihiyon (ug paagi sa kinabuhi) o nga siya makahimo sa kagubot nga magpakita sa yuta."

Si Moises miingon: "Sa pagkatinuod nangayo ko ug dangpanan sa Allah akong Ginoo ug inyong Ginoo gikan sa matag mapahitas-on ug wala motuo sa Adlaw sa Pag-ihap (ug Paghukom)."

Ug ang usa ka magtotoo nga lalaki sa katawhan ni Paraon (Hizqil, ig-agaw ni Paraon ug tresurero – sinaligan sa bahandi) nga nagtago sa iyang Pagtuo miingon: Mopatay ba kamo ug tawo (nga mao si Moises) tungod kay siya miingon: 'Ang akong Ginoo mao ang Allah,' ug sa pagkatinuod siya nagdala nganha kaninyo sa tin-aw nga mga Pamatuod gikan sa (Allah) inyong Ginoo? Ug kon siya (Moises) usa ka bakakon, kaniya lamang ang pagpamakak batok sa iyang kaugalingon, ug kon siya matinud-anon, adunay mahitabo kaninyo nga pipila nianang iyang gihulga kaninyo; sa pagkatinuod ang Allah dili mugiya kaniya nga usa ka malinapason, nga bakakon:

Oh akong katawhan, kaninyo ang gingharian karong adlawa, nga mga agalon sa yuta, apan kinsay makatabang nato batok Silot sa Allah kon kini moabut kanato? Si Paraon miingon: "Wala ako magpakita kaninyo ug bisan unsa gawas sa akong makakita (sa akong kaugalingon), ug wala ako nagtultol kaninyo sa bisan unsa gawas sa husto nga dalan."

Ug siya nga mituo (sa Allah ug sa Iyang mga mensahero) miingon: "O akong katawhan, sa pagkatinuod ako nahadlok alang kaninyo sa susama sa nahitabo sa (dili matinuohon) nga mga alyansa (kaniadto)",

Sama sa gidangatan sa katawhan ni Noe ug (sa mga tribo ni) ‘Aad ug Thamud ug niadtong misunod kanila. Ang Allah wala magtinguha ug inhustisya alang sa (Iyang) mga ulipon (sa katawhan ug jinn);

Ug, O akong katawhan, Nahadlok ako alang kaninyo tungod sa adlaw sa pag-patawag,

Sa adlaw diin kamo magatalikod ug maga-kalagiw: wala'y manluluwas bisan kinsa alang kaninyo gikan sa (Silot sa) Allah, ug siya nga Gipasag-dan sa Allah[4], walay usa nga maka-giya kaniya: ——— [4] Tungod sa iyang pagkamapahitas-on ug pagpadayon sa pagpakasala.

Ug sa pagkatinuod si Yusuf (Jose) mianha kaninyo kaniadto uban sa tin-aw nga mga Pamatuod, apan kamo sa gihapon nagpabilin nga nagduhaduha mahitungod sa unsay iyang gidala; hangtud sa diha nga siya namatay, kamo miingon: " Ang Allah dili na gayud magpadala ug usa ka Mensahero human kaniya." Sa ingon si Allah nagpahisalaag kaniya nga mapahitas on ug madu-haduha 'on.

Kadtong nakiglalis mahitungod sa mga Timaan sa Allah nga walay bisan unsa nga katungod nga Iyang gihatag kanila; Kini mao ang makalilisang ug dulomtanan sa atuba-ngan (ni) Allāh ug sa mga magtotoo. Sa ingon niana ang Allah nagbutang ug selyo ibabaw sa kasingkasing sa matag mapahitas-on nga malupigon.

Si Paraon miingon: "Oh Haman, pagtukod alang kanako ug taas nga tore aron nga makaabot ako sa mga agianan:

Ang mga paagi sa pag-abut sa mga langit, aron akong makab-ot si 'Allāh' Dios ni Moises, ug sa pagkatinuod ako hunahunaa kaniya (Moises) nga usa ka bakakon. Sa ingon niini ang pagkadautan sa iyang mga buhat gihimo nga matahum ngadto kang Paraon, ug siya mitipas gikan sa Dalan 'sa Islam'; ug ang laraw ni Paraon dili (matapos) sa bisan unsa gawas sa kalaglagan.

Ug siya nga mituo (sa Allah ug sa Iyang mga Mensahero) miingon: "Oh akong katawhan, sunod kanako, ako mugiya kaninyo ngadto sa Dalan sa matarung nga paggawi",

Oh akong katawhan, kini nga kinabuhi sa kalibutan usa lamang ka (lumalabay nga) mga kalipay 'nga maputol', ug sa pagkatinuod ang Pikas Kinabuhi mao ang Puloy-anan nga magpabilin sa kahangturan;

Bisan kinsa nga nagbuhat ug daotan nga buhat, siya dili pagabalosan (sa bisan unsa) gawas sa sama niini, ug bisan kinsa nga nagbuhat ug maayong buhat, lalaki man o babaye, ug usa ka magtotoo, sila makasulod sa Paraiso, diin sila paga-panalanginan nga walay limitasyon.

Ug, Oh akong katawhan, giunsa pagkahitabo nga ako nagtawag kaninyo sa (tinuod) nga kaluwasan, samtang kamo nagtawag kanako sa Imperno?

Kamo nagtawag kanako nga ako maglimod sa Allah ug magbutang ug kauban Kaniya nga diin ako walay (Balaanon) nga Kahibalo, ug ako nagtawag kaninyo ngadto 'Islam' (ni Dalan sa Allāh - Dios) ang Labing Makagagahum, ang Labing mapinasayloon;

Walay pagduhaduha ang unsay inyong gidapit kanako sa (pagsimba) walay gahum sa pagtubag sa akong pag-ampo dinhi sa kalibutan, ni sa Pikas Kinabuhi; ug sa pagkatinuod, ang atong pagbalik ngadto sa Allah lamang, ug ang mga malinapason mao ang mga lumolupyo sa Kalayo (sa Imperno);

Kamo unya mahinumdom sa akong gipamulong kaninyo. Ako nagsalig sa tanan nga may kalabutan kanako ngadto sa Allāh lamang. sa pagkatinuod ang Allah mao ang Labing Makakita sa Iyang mga ulipon (sa katawhan ug jinn).

Busa si Allāh mipanalipod kaniya gikan sa daotan (nga mga sangputanan) sa unsay ilang giplano, ug ang labing daotan nga Silot misakmit sa katawhan ni Paraon:

Ang Kalayo[5], sila naladlad niini (matag) buntag ug gabii, ug sa Adlaw sa diha nga ang Takna moabut (iga-ingon): "Pasudla ang katawhan ni Paraon ngadto sa labing sakit nga Silot." ——— [5] Sa Barzakh, lubnganan, ang hugna taliwala sa kamatayon ug Pagkabanhaw.

(Hisguti) sa diha nga sila maggilalis sa usag-usa didto sa Imperno, ug ang mga mahuyang moingon niadtong mga mapahitas-on: "Sa pagkatinuod kami inyong mga sumusunod; malikay ba ninyo (karon) gikan kanamo ang kabahin sa Kalayo?"

Sila nga mga mapahitas-on moingon sa ilang mga sumosunod: "Sa pagkatinuod kitang tanan anaa niini 'ang kalayo' ": Sa pagkatinuod ang Allah naghukom na tali sa Iyang mga ulipon (sa katawhan ug jinn uban hustisya).

Sila nga mga anaa sa Kalayo moingon ngadto sa mga magbalantay sa Imperno: "Sangpita ang imong Ginoo (Allah) aron Siya magpagaan alang kanamo sa pag-antus (bisan lang) sa usa ka adlaw."

Sila moingon: "Wala ba miabot kaninyo, ang inyong mga Mensahero uban sa tin-aw nga mga Pamatuod?" Sila moingon: "Oo." Sila motubag: "Nan pag-ampo kamo (sumala sa inyong gusto). Ang pag-ampo sa mga manlilimod walay [katapusan] gawas sa kasaypanan ug kawang lamang[6]' ——— [6] Tungod kay wala kini gidawat gikan kanila tungod sa ilang paglimod.

Sa pagkatinuod, Kami mutabang sa Among mga mensahero maingon man usab niadtong mituo sa kinabuhi niining kalibotana ug sa Adlaw nga ang mga mi-saksi patindugon.

Sa Adlaw nga ang mga pama-libad sa mga dautan walay kapus-lanan, ug alang kanila usa ka Tunglo (ang paghingilin gikan sa kaluoy ni Allah), ug alang kanila mao ang dautan nga Puloy-anan.

sa pagkatinuod, Kami naghatag kang Moises sa (katungod) giya, ug Kami naghimo sa mga anak sa Israel sa pag-panunod ang Kasulatan (Torah),

Ingon nga giya ug pahinumdom, sa katawhang masinabuton.

Busa mag-mapailubon, sa pagkatinuod ang Saad sa Allah nga tinuod. Pangayo ug pasaylo sa imong sala, ug himayaa ang imong Ginoo (Allah) uban ang pagdayeg sa sinugdanan sa adlaw ug sa katapusan niini.

Sila nga nakiglalis mahitungod sa mga Bersikulo sa Allah nga walay bisan kaman-doan nga gikahatag kanila, walay bisan unsa nga anaa sa ilang mga dughan kondili (usa ka tinguha) nga mahimong bantugan, nga diin dili gayud nila makab-ot. Busa dangop kang Allāh. Sa pagkatinuod Siya mao ang Labing Makadungog, ang Labing Makakita[7]. ——— [7] Siya mao ang Tigpatalinghog sa gisulti sa Iyang mga alagad, ang Tigtan-aw sa ilang ginabuhat: walay bisan unsa nga nakalingkawas Kaniya gikan kanila bisan unsa ug Siya magabalus kanila.

Sa pagkatinuod ang paglalang sa mga langit ug sa yuta mas dako pa kay sa paglalang sa mga tawo, apan kasagaran sa mga tawo wala mahibalo.

Ang buta ug ang makakita dili managsama, ni sila nga mituo ug nagbuhat ug matarung nga mga buhat ug ang mamumuhat sa daotan managsama; gamay lang kanang inyong nahinumduman.

Sa pagkatinuod, ang Takna (ang Adlaw sa Pagkabanhaw ug Paghukom) moabotay, walay pagduhaduha niini, apan kadaghanan sa mga tawo dili motuo.

Ang imong Ginoo (Allāh) nag-ingon: "Tawag kamo Kanako, Ako motubag kaninyo; sa pagkatinuod kadtong nagtamay sa pagsimba Kanako sa dili madugay sila makasulod sa Imperno, nga gipakaulawan."

Siya ang Allah nga Maoy nagbuhat alang kaninyo sa kagabion aron kamo makapahulay niini, ug sa adlaw aron makakita; sa pagkatinuod ang Allah Madagayaon ngadto sa mga tawo, apan kadaghanan sa mga tawo wala magpasalamat.

Mao kana ang Allah, nga inyong Ginoo, ang Magbuluhat sa tanan; walay dios (takos simbahon) gawas Kaniya; nan giunsa man ninyo pagtalikod[8]? ——— [8] Sa pagsimba Kaniya ngadto sa pagsimba gawas Kaniya taliwala sa mga dili makahatag ug kaayohan o kadaot.

Sa ingon niana sila mitalikod 'sa kamatuoran' niadtong nagalimod sa mga Timaan sa Allāh.

Siya ang Allah nga Maoy naghimo sa yuta nga usa ka pahulayanan alang kaninyo, ug sa langit nga usa ka tabil, ug Siya nag-umol kaninyo, unya mihimo imong mga porma nga maayo ug Siya gitagana alang kanimo ang mga maayong mga butang; kana mao ang Allah, ang inyong (tinuod nga) Ginoo, busa Bulahan ang Allah, ang Ginoo sa tanan linalang.

Siya mao ang Walay Katapusan nga Buhi, walay dios (takos simbahon) gawas Kaniya, busa pag-ampo ngadto Kaniya lamang, pagmatinud-anon kang kaniya diha sa pagsimba; (ang tanan) pagdayeg kang Allah, ang Ginoo sa tanang linalang.

Isulti: "Ako gidid-an sa pagsimba niadtong inyong gisangpit gawas sa Allah sa diha nga ang tin-aw nga mga Pamatuod miabut kanako gikan sa (Allah) nga akong Ginoo, ug ako gisugo sa pagtugyan ngadto sa (Allah lamang) ang Ginoo sa tanan nga linalang."

Siya (Allah) mao ang Nagbuhat kaninyo gikan sa abog, dayon gikan sa usa ka tulo sa semilya, dayon gikan sa usa ka lapot nga dugo, unya nag-pagula kaninyo sa usa ka bata, ug aron kamo makabaton sa inyong pagkahamtong, unya kamo mahimo tigulang - ug ang uban kaninyo mamatay sa wala pa kaniadto - aron kamo makaabot sa gitakda nga termino (panahon), ug aron kamo makasabut.

Siya (Allah) mao ang naghatag ug kinabuhi ug nagpahinabog kamatayon, busa sa dihang Siya nagtakda sa usa ka panghitabo, Siya moingon lamang niini: ‘Mahimo,’ ug kini mahitabo.

Wala ka ba makakita niadtong kinsa nakiglalis mahitungod sa mga timailhan ni Allāh: kung sa unsang paagi sila mitalikod (gikan sa Kamatuoran, bisan pa sa katin-aw niini)?

Sila kadtong naglimod sa Libro (Qur’an), ug nga niana (Kaalam) nga diin Kami nagpadala uban sa Among mensahero (ang Propeta Muhammad); apan sa dili madugay sila mahibalo[9], ——— [9] Kining mga bakakon mahibalo sa sangpotanan sa ilang pagpamakak ug ilang makita ang kaalaot sa kataposan.

Sa diha nga ang mga talikala ug mga kadena maanaa sa ilang mga liog; sila birahon,

Sa nagabukal nga tubig, Unya sa kalayo sila pagasunugon;

Unya igaingon ngadto kanila: "Hain na ang mga dios nga imong gigamit sa nakig-uban sa pagsimba ingon nga mga kaubanan?"

Gawas sa Allah? Ang mga manlilimod moingon: "Mibiya na sila kanamo. Hinunua, kami wala mag-ampo sa bisan unsang butang kanhi." Sa ingon niini gipahisalaag sa Allah ang mga manlilimod.

(Ang mga anghel moingon): "Kini tungod kay kamo nanagkalipay diha sa yuta nga dili makatarunganon, ug nga kamo nagagawi sa pagkamapahitas-on".

Pagsulod (karon) sa mga ganghaan sa Impyerno aron magpabilin niini sa kahangturan. Makalilisang ug daotan ang mao nga Puy-anan sa mga mapahitas-on.

Busa pagmapailubon ka (Oh Muhammad), sa pagkatinuod ang Saad sa Allah tinuod. Busa kon Kami mopakita kanimo sa kabahin sa unsay Among gihulga kanila, o kung Kami magpahinabo nga ikaw mamatay, nganhi Kanamo (Allah) sila (tanan) igabalik 'alang sa Paghukom'.

Kami nagpadala ug mga Mensahero una kanimo (Oh Muhammad): Ang uban kanila nga mao kadtong giasoy kanimo sa ilang mga sugilanon, ug adunay uban nga Kami wala mag-asoy kanimo sa ilang mga sugilanon, ug walay bisan kinsa nga Mensahero nga magdala ug usa ka Timaan gawas nga uban sa pagtugot sa Allāh, apan sa diha nga ang Kamandoan sa Allāh moabut, ang butang pagahukman sa kamatuoran, ug ang mga sumusunod sa kabakakan maanaa sa hingpit nga pagkawala.

Siya ang Allah nga maoy nagbuhat sa mga bakahan alang kaninyo aron kamo makasakay sa pipila kanila, ug ang uban kanila inyong pagakan-on.

Ug adunay mga kaayohan alang kaninyo diha kanila, ug aron kamo makakuha pinaagi kanila sa panginahanglanon nga anaa sa inyong mga dughan (aron kamo makaabot sa layo nga mga dapit ug sila magadala sa inyong mga butang), ug pinaagi kanila, ug pinaagi sa mga sakayan 'taliwala sa uban', kamo gikuha.

Siya nagpakita kanimo sa Iyang mga Timaan: Nan hain man sa mga Timaan sa Allah ang inyong gilimod?

ba sila mag-latas pinaagi sa kayutaan ug nakakita kun unsa ang katapusan niadtong nauna kanila? Kadto mas daghan pa (sa gidaghanon) kay kanila, ug mas dako pa sa kusog, ug sa mga kuta (tinukod) sa yuta, Bisan pa niana, ang ilang nakab'ot lunlon kawang!

Unya sa diha nga ang ilang mga Mensahero miabut kanila uban sa tin-aw nga mga Pamatuod, sila nalipay (ug mapahitas-on) nianang ilang nabatonan nga kahibalo (sa kalibutanon nga mga butang), ug didto milibot kanila (ang Silot sa Allāh) nga ilang naandan sa pagbiaybiay.

Busa sa diha nga sila nakakita ang Among Silot, sila miingon: "Kami mituo sa Allah lamang, ug kami naglimud sa unsay among naandan sa pagpakig-uban Kaniya (ingon nga mga kauban sa pagsimba)."

Apan ang ilang pagtuo walay kaayohan kanila sa higayon nga ilang makita ang Among Silot. (Kini) mao ang Paagi sa Allāh sa pakiglabot sa Iyang (daotan) nga mga ulipon (sa katawhan ug jinn), ug didto ang mga manlilimod maanaa sa hingpit nga pagkawala.

Ha Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Kini 'Qur'ān' usa ka pagpadayag gipakanaog gikan ni Allāh, ang Labing Madagayaon, ang Labing Maluluy-on.

(Kini) usa ka Libro diin ang mga Bersikulo tin-aw (ug sayon ​​sabton). Usa ka Qur'an sa pinulongan nga Arabiko alang sa usa katawhan nga (nagtinguha nga) mahibalo (sa Kamatuoran gikan sa kabakakan),

Nga tighatag sa maayong balita "sa mga magtutuo", ug usa ka tigpasidaan "sa mga manlilimod", apan ang kadaghanan kanila motalikod, mao nga wala sila maminaw.

Ug sila mingon: "Ang among mga kasingkasing anaa natabunan batok sa unsay gitawag ngadto kanamo, ug adunay pagkabungol sa among mga dalunggan, ug sa taliwala kanamo ug kaninyo adunay tabil, busa pagbuhat (sa unsay imong gusto), ug kami usab magabuhat (sa unsay among gusto)."

(Oh Muhammad) isulti: "Ako usa lamang ka tawo sama kaninyo; gipadayag kanako nga ang inyong (Tinuod nga) Dios usa lamang ka Dios (Allah), busa subaya ang tul' id nga dalan ngadto Kaniya, ug pangayo sa Iyang Kapasayloan. Kaalautan sa kadtong nagbutang ug mga kauban (sa Allah sa pagsimba)",

Kadtong wala maghatag sa mga kabus nga kantidad (nga mao ang Zakah - obligado limos) ug naglimod sa pagtuo sa Pikas Kinabuhi.

Sa pagkatinuod sila nga mituo 'kang Allāh ug sa Iyang mga mensahero' ug nagbuhat ug maayong mga buhat, sila sa pagkatinuod makabaton ug ganti nga dili gayud matapos "Paraiso".

Isulti: "Kamo ba gayud mulimod sa (Allah) nga Maoy nagbuhat sa yuta sulod sa duha ka adlaw, ug kamo ba nagbutang ug katupong ngadto Kaniya? Mao kana ang Ginoo sa tanan nga linalang.

Gibutang niya didto (sa yuta) ang lig-on nga mga bukid sa ibabaw niini, aron dili niini matay-og, ug gipanalanginan niya niini, ug gisukod niini ang mga pagkaon (sustento) sulod sa upat ka adlaw nga managsama (upat ka gitas-on sa panahon), alang sa tanan nga nangutana (mahitungod sa paglalang niini).

Unya (Siya) gitumong sa iyang kaugalingon ngadto sa kalangitan sa diha nga kini aso pa, ug Siya miingon niini ug sa kayutaan: "Umari kamong duha, sa kinabubut-on o sa dili kinabubut-on." Silang duha miingon: "kami mi-uyon ug maga-sunod Imong sugo".

Busa iyang gikompleto ang pito ka langit sulod sa duha ka adlaw, ug nagdasig sa matag langit sa kalihokan niini; ug Kami nagdayandayan sa ubos nga kalangitan uban sa masidlak nga mga bitoon, ug (gihimo kini usab) aron sa pagbantay (batok sa mga satanas); kana mao ang Kamandoan sa (Allah) ang Hingpit Makagagahum, ang Hingpit Nahibal-an.

Apan kon sila motalikod, nan isulti: "Ako nagpasidaan kaninyo sa usa ka silot , sama sa silot (nga nahulog ngadto sa mga tribo) sa ‘Aad ug Thamud.

Sa diha nga ang ilang mga Mensahero (nga gipadala sa Allah) miabut kanila gikan sa ilang atubangan ug gikan sa ilang luyo, nga nag-ingon: "Ayaw pagsimba ug bisan unsa gawas sa Allah", sila miingon: "Kon si 'Allāh' atong Ginoo mubuot, Magpadala unta siyag mga anghel. Busa bug-os namong gilimod ang unsay gipadala uban kaninyo.”

Unya mahitungod sa (tribo sa) ‘Aad, sila mga mapahitas-on diha sa yuta nga walay katungod, ug sila miingon: "Kinsa ang mas kusgan kay kanato sa kusog?" Wala ba nila makita nga ang Allah Nga nagbuhat kanila mas gamhanan pa kay kanila sa kusog, ug sila kaniadto nagsalikway sa Among mga pinadayag.

Busa Kami nagpadala kanila ug usa ka mabangis nga hangin sa mga adlaw sa dautan nga tilimad-on (alang kanila), aron magpatilaw kanila sa makauulaw nga Silot sa kinabuhi niining kalibutana; apan sa pagkatinuod ang Silot sa ang Kinabuhi nga Kinabuhi labaw pa nga makauulaw, ug sila dili gayud matabangan.

Ug mahitungod sa (tribo ni) Thamud, Kami mipakita kanila sa husto nga Dalan, apan sila mipili sa pagkabuta nungka sa Giya, Busa ang makalilisang nga kastigo sa pag-pakaulaw mi-abot kanila tungod sa ilang pagpakasala ug pagkadili-masinugtanon.

Ug Kami miluwas niadtong mituo (sa Allah ug sa Iyang mga Mensahero) ug nagbantay sa ilang kaugalingon batok sa daotan.

(Hisguti Oh Muhammad) ang Adlaw sa diha nga ang mga kaaway sa Allah pagatigumon ngadto sa Imperno, samtang sila giumol (ug giabog) ngadto sa mga pundok.

Ug sa diha nga sila mahiabot na niini (kalayo sa Imperno), ang ilang pandungog, ang ilang mga mata, ug ang ilang mga panit, magasaksi batok kanila sa unsay ilang naandang gibuhat (sa pagkawalay pagtuo, mga kalapasan ug mga sala)[2]. ——— [2] Nianang panahona hukman ko kamo. Gusto ko nga mosaksi batok sa tanan nga mga barangan ug mga mananapaw ug mga bakakon. Mamulong ako batok sa mga agalon nga nanikas diha sa suholan, nga nagdaugdaug sa mga balo ug mga ilo, o naghikaw sa mga langyaw nga nagpuyo sa taliwala kanila sa hustisya, kay kini nga mga tawo wala mahadlok kanako,' nag-ingon si Allāh, ang Ginoo sa mga Kasundalohan sa Langit.

Ug sila moingon ngadto sa ilang mga panit: "Nganong misaksi man kamo batok kanamo?" Sila moingon: "Ang Allah nga maoy naghimo sa tanang butang nga makasulti, maoy naghimo kanamo nga musulti," ug Siya naglalang kaninyo sa sinugdanan, ug ngadto Kaniya kamo (tanan) mubalik.

Kamo wala magtinguha sa pagtago sa inyong mga kaugalingon aron ang inyong manga dulung gan, manga mata ug mga panit dili maka-saksi batok kaninyo, apan kamo naghunahuna nga ang Allah wala mahibalo sa kadaghanan sa inyong gibuhat (sa dautang mga buhat).

Kanang dautan nga pangagpas nga imong gihunahuna bahin sa 'Allāh' imong Ginoo naglaglag kanimo, mao nga nahimo kang mga napildi."

Busa kon sila maka-lahutay (sa kalayo) nan, bisan pa niana, sa gihapon, ang kalayo maoy ilang puloy'anan, ug kon sila mangayo nga pasayloon, bisan pa niana sila dili kauban niadtong kinsa mapasaylo[3]' ——— [3] Kon sila mangayo alang sa pagtangtang sa pag-antos ug alang sa Allah sa kalipay diha kanila, sila dili makaangkon sa Iyang kalipay ni makasulod sa Tanaman sa kahangturan.

Kami nagbutang alang kanila ug mga kauban (sa kalibutan gikan sa mga makasasala nga jinn ug mga tawo), busa ilang gihimo nga matahum tan-awon alang kanila ang unsay anaa sa ilang atubangan ug ang unsay anaa sa ilang luyo (ni mga sala), ug ang Pulong (ang Kamandoan sa Allah) napamatud-an nga tinuod batok kanila - gikan sa mga nasud sa jinn ug mga tawo. Sila sa pagkatinuod mga pildero.

Ug sila nga naglimod (sa Allah ug sa Iyang mga Pinadayag) nag-ingon: "Ayaw pagpaminaw sa Qur’an ug paghimo og kasaba diha niini, aron pinaagi niini ikaw makadaug ug mahimong magmadaugon."

Apan Kami sa pagkatinuod maghimo kadtong mga manlilimod (sa Allah ug sa Iyang mga Pinadayag) nga makatilaw sa usa ka hilabihan nga Silot, ug Kami sa pagkatinuod mobalos kanila sa labing dautan sa unsay ilang gibuhat kaniadto (sa kadautan).

Kini mao ang balus sa mga kaaway sa Allah - ang Kalayo; alang kanila didto mao ang walay katapusan nga puloy-anan; nga balos sa ilang pagsalikway sa Among mga pinadayag.

Ug sila nga milimod (sa Allah ug sa Iyang mga pinadayag) moingon: "(Oh Allah) among Ginoo, ipakita kanamo kadtong nagpahisalaag kanamo gikan sa mga jinn ug mga tawo aron kami motunob kanila ilalom sa among mga tiil aron sila mahimong labing ubos."

Sa pagkatinuod, sila nga nag-ingon: Ang among Ginoo mao ang Allah, unya magmalig-on kamo nga magpadayun sa husto nga Dalan, ang mga anghel manaug kanila (sa panahon sa ilang kamatayon), nga nag-ingon: "Ayaw kahadlok ni magka-balaka, apan dawata ang maayong balita sa Paraiso nga kaninyo gika-saad.

Kami (ang mga anghel) mao ang inyong mga tigpaluyo sa kinabuhi niining kalibotana ug sa Pikas Kinabuhi, ug alang kaninyo didto (sa Paraiso) mao ang tanan nga gitinguha sa inyong kaugalingon, ug alang kaninyo anaa didto ang tanan nga inyong pangayoon:

Ingon nga gasa ug usa ka maabiabihon nga tagana gikan sa Labing Mapasayloon, nga Labing Maluluy-on (Allāh).

Kinsa ba ang labaw pang maayo sa sinultihan kaysa niadtong nagtawag ngadto (sa Dalan) sa Allāh samtang siya sa iyang kaugalingon nagbuhat (kon unsa ang) matarung (ug hustisya), ug nag-ingon: "Ako sa pagkatinuod usa sa mga Muslim (nga nagpasakop lamang sa Dios)."

Dili managsama ang buhat nga maayo ug dautan. Giduso nimo (ang dautan) pinaagi sa maayo, kun mao kana, siya nga sa taliwala nimo ug kaniya adunay kasuko (sa usag-usa mamahimong) sama siya sa usa ka suod nga higala.

Apan walay gihatagan niini gawas niadtong mapailubon, ug walay gihatagan niini gawas niadtong (gihatagan) og dako nga bahin sa kaayohan.

Kon ang hunghong sa Satanas nagtintal kanimo sa pagtalikod (o magpukaw kaninyo sa kasuko o kaulag o bisan unsa nga dautang hunahuna), nan pagdangop kang Allāh ug pagdangop diha Kaniya; sa pagkatinuod Siya mao ang Hingpit Nakadungog, ang Hingpit Nakahibalo.

Ug lakip sa mga Timaan (sa Allāh) mao ang kagabion ug ang adlaw ug ang adlaw ug ang bulan. Ayaw paghapa sa adlaw o sa bulan; apan yukbo (ug pagpailalom) ngadto sa Allah nga Maoy nagbuhat kanila, kon kamo (sa tinuoray) misimba Kaniya (nga nag-inusara).

Apan kon sila magmapahitas-on (sa pagbuhat sa ingon), nan anaay mga (ang mga anghel) nga nagdayeg ug nag naghimaya Kaniya sa gabii ug adlaw nga wala gayod maluya.

Ug lakip sa mga Timaan (sa Allah) mao nga kamo nakakita sa yuta nga nagpundo, apan sa diha nga Kami mipadala niini sa tubig, kini mikutaw (sa kinabuhi) ug mipatubo (sa mga lunhaw): Sa pagkatinuod Siya nga naghatag niini ug kinabuhi mao ang Maghatag ug kinabuhi sa mga patay; sa pagkatinuod Siya adunay Gahum ibabaw sa tanang butang.

Sa pagkatinuod, sila nga mitipas gikan sa husto nga Dalan mahitungod sa Among mga Bersikulo dili matago gikan kanamo (Allah). Siya ba nga itambog ngadto sa Kalayo mas maayo, o siya nga moabut nga luwas sa Adlaw sa Pagkabanhaw (ug Paghukom)? Buhata ang inyong gusto, sa pagkatinuod Siya (Allah) Kanunay nga Nakakita sa inyong gibuhat.

Sa pagkatinuod, sila nga naglimod sa Pahinumdom (Qur’an) sa diha nga kini miabut kanila (sila mga pildero), kay sa pagkatinuod kini usa ka Gamhanan nga Libro (ang Qur’an)[4], ——— [4] Nga dili makahimo sa usa ka tigsalikway sa pagtuis sa kahulogan niini ni sa usa ka tig-ilis sa pag-usab niini.

Ang kabakakan dili moabut niini gikan sa atubangan niini ni gikan sa luyo niini; (kini) usa ka Pinadayag gikan sa (Allah) Labing Maalamon, Labing Dalaygon.

Walay gikasulti kaninyo (nga paagi sa pagsupak) gawas sa unsay gisulti gayud ngadto sa mga Mensahero (sa Allah) una kaninyo; sa pagkatinuod, ang imong Ginoo (Allāh) hingpit nga nagpasaylo, ug masakit sa silot.

Ug kon Kami nagpadayag niini ingon nga usa ka Qur’an sa langyaw nga pinulongan gawas sa Arabiko, sila sa pagkatinuod moingon: "Ngano man nga ang mga Bersikulo niini wala gipasabut nga detalyado (sa among pinulongan)? Usa ka langyaw (nga dila) ug (ang Mensahero) usa ka Arabo? Isulti: "Kini alang kanila nga mituo, usa ka Giya ug usa ka tambal; ug (alang) kanila nga wala motoo, adunay pagkabungol sa ilang mga dalunggan, ug kini anaa kanila ang pagkabuta, kini sila mao ang mga gitawag gikan sa halayo nga dapit (busa sila dili maminaw o makasabot).

Sa pagkatinuod, Kami mihatag sa Kasulatan (Torah) ngadto kang Moises, apan ang panaglalis mitungha niini, ug kon dili pa sa usa ka Pulong nga migula gikan (sa Allah) nga inyong Ginoo, ang paghukom sa pagkatinuod nahatag na tali kanila; ug sa pagkatinuod sila anaa sa dakong pagduhaduha mahitungod niini (Qur'an).

Bisan kinsa nga magabuhat ug maayo, kini alang lang sa iyang kaugalingon; ug bisan kinsa nga magabuhat ug dautan, kini batok lang (kaniya). Ang imong Ginoo 'Allāh' dili gayud dili makiangayon ngadto sa Iyang mga ulipon (sa katawhan ug jinn).

Ngadto sa Allah lamang mudangop nga kahibalo sa Takna (ang Adlaw sa Pagkabanhaw ug Paghukom). Walay mogawas nga bisan unsang bunga gikan sa mga tabon niini, ni ang usa ka babaye magsabak, ni walay bata nga ipanganak gawas pinaagi Iyang Kahibalo. Ug sa Adlaw nga Siya motawag kanila: "Hain naman ang (kadtong inyong gitawag) Akong mga kaubanan?" Sila moingon: "Kami nagpahayag kanimo, nga walay usa kanamo nga nagasaksi (nianang dako kaayo nga bakak)."

Bisan unsay ilang gisimba 'gawas sa Allāh' kaniadto mahanaw gikan kanila, ug sila mahibalo sa kasigurohan nga walay kaikyasan alang kanila (gikan sa Silot sa Allah).

Ang tawo dili gayud kapuyon sa pag-ampo alang sa maayo, apan kon ang dautang kapalaran mutandog kaniya, nan siya mawad'an sa paglaum "sa kaluoy ni Allāh".

kon Kami mopatilaw kaniya ug Kaluoy gikan Kanamo human sa kalisdanan nga mitandog kaniya, siya sa pagkatinuod moingon: "Kini alang kanako (tungod sa akong katakus), ug ako dili mutoo nga ang Takna (sa Kalaglagan) nga mu-abot, ug kon ako ibalik ngadto sa akong Ginoo (Allah), ako sa pagkatinuod makabaton uban Kaniya sa kaayohan; apan Kami sa pagkatinuod mopahibalo kanila nga mga manlilimod sa unsay ilang nabuhat, ug Kami sa pagkatinuod mopatilaw kanila sa hilabihan nga Silot.

Sa diha nga Kami naghatag ug pabor sa tawo, siya motalikod; apan sa diha nga ang dautang kapalaran modangat kaniya, siya maga-ampo ug tag'as nga mga pangamuyo.

Isulti: "Nakahunahuna ba kamo nga kon kini (ang Qur’an) gikan sa Allah (Dios); unya kamo naglimod niini, kinsa ba ang labaw nga nahisalaag kay kaniya nga anaa sa pagsupak 'sa Kamatuoran', halayo 'gikan sa Matarung nga Dalan sa Islam'?"

Kami sa dili madugay magpakita kanila sa Among mga Timaan sa Kawanangan ug sa ilang mga kaugalingon, hangtud nga kini mahimong tin-aw ngadto kanila nga kini (ang Qur’an o Siya, si Allah) mao ang Kamatuoran. Dili pa ba kini igo mahitungod sa inyong Ginoo (Allah) nga Siya usa ka Saksi ibabaw sa tanang butang?

Sa pagkatinuod, sila anaa sa pagduhaduha mahitungod sa Pagpakigtagbo sa ilang (Tinuod) nga Ginoo (Allah). Sa pagkatinuod Siya naglangkob sa tanang butang (pinaagi sa Iyang Kahibalo ug Gahum).

Ha, Meem.

‘Ayn Sin Qaf[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Sa ingon niini ang Allah, ang Hingpit Makagagahum, nga Hingpit Maalam, nagpadayag kanimo (Oh Muhammad) sama sa gipadayag sa mga (Mga Propeta) nga nauna kanimo[2]. ——— [2] Sama sa ni Noe, Abraham, Moises ug Jesus, hinaut nga ipataas ni Allah ang ilang paghisgot.

Iya 'Allāh' bisan unsa nga anaa sa mga langit ug ang bisan unsa nga anaa sa yuta, ug Siya mao ang Labing Hataas, ang Labing Halangdon.

Ang mga langit sa ibabaw nila halos mabuak [gikan sa kataha Kaniya], ug ang mga anghel himaya sa ilang Ginoo (Allāh) uban ang pagdalayeg ug mangayo ug pasaylo alang niadtong ania sa yuta. Sa pagkatinuod ang Allāh mao ang Labing Mapasayloon, ang Labing Maloloy-on.

Ug (alang) kanila nga mikuha ug mga ginoo (tigpanalipod, ug manluluwas) gawas Kaniya, ang Allah nagbantay kanila, ug ikaw walay tulubagon sa ilang 'kadaotan' paggawi.

Sa ingon Kami nagpadayag kanimo (Oh Muhammad) perpekto Qur'an sa Arabiko, aron ikaw makapasidaan sa inahan sa mga siyudad (Makkah) ug sa (tanan) nga nakapalibot niini, ug aron ikaw makahatag ug pasidaan sa Adlaw sa Panagtigom nga diin walay pagduhaduha; usa ka pundok " ang mga magtutuo" maanaa sa Paraiso, ug ang usa ka pundok "ang mga manlilimod" maanaa sa nagdilaab nga Kalayo.

Kon ang Allah mibuot pa, Siya sa pagkatinuod makahimo kanila nga usa ka pundok lamang (nga mga magtutuo), apan Siya mupasulod sa kinsay Iyang gusto ngadto sa Iyang Kalooy, ug ang mga mamumuhat sa kadautan walay tigpanalipod ni magtatabang.

O gikuha nila ba ug mga tigpanalipod gawas Kaniya? Samtang ang Allah mao ang tinuod nga Ginoo ug tigpanalipod, ug Siya naghatag ug kinabuhi sa mga patay, ug Siya adunay Gahom sa tanang butang.

Ug sa bisan unsa nga butang nga kamo wala managkauyon, ang paghukom niini anaa sa Allah; ingon niana ang Allah, akong Ginoo, ngadto Kaniya (lamang) ako nagsalig ug ngadto Kaniya (lamang) ako mubalik (sa paghinulsol).

Si Allāh mao ang Tigmugna sa mga langit ug sa yuta; Siya nagbuhat ug managpares alang kaninyo gikan sa inyong mga kaugalingon, ug managpares usab sa mga bakahan, ug nagpadaghan kaninyo pinaagi niini (nga pagkamanagpares). Walay bisan unsa nga sama Kaniya, ug Siya mao ang Labing Makadungog sa Tanan, ang Labing Makakita sa Tanan.

Iya sa (Allah lamang) ang mga bahandi sa mga langit ug sa yuta; Siya gipalapdan ang tagana alang kang bisan kinsa nga Iyang gusto, ug nagpiit (niini alang kang bisan kinsa nga Iyang gusto); sa pagkatinuod Siya mao ang Nakahibalo sa tanang butang.

Siya nagsugo kaninyo sa sama nga relihiyon (Islam) nga Iyang gisugo ngadto kang Noe, ug nianang Among gipadayag kanimo (Oh Muhammad), ug nianang Among gisugo kang Abraham ug Moises ug Hesus, sa pag-matinumanon niini ug sa dili pag-bahin-bahin; lisud alang niadtong nagbutang ug kauban sa Allah kanang unsay imong pagtawag kanila; Ang Allah nagpili alang sa Iyang kaugalingon sa kinsay Iyang gusto, ug naggiya ngadto sa Iyang kaugalingon sa kinsay mibalik (ngadto Kaniya) nga makanunayon (sa paghinulsol ug pagsunod).

Ug sila (ang naunang mga Hudeyo ug Kristohanon) wala mabahin (ngadto sa daghan nga mga sekta) hangtud nga human lamang sa kahibalo nga miabut kanila, tungod sa kasina gikan sa ilang mga kaugalingon; ug kon dili pa sa usa ka Pulong nga migula gikan sa (Allah) nga imong Ginoo sa gitakda nga panahon, ang butang sa pagkatinuod nahusay na taliwala kanila; ug kadtong (naulahi nga mga kaliwatan kanila) nga gihimo nga makapanunod sa Kasulatan human kanila, anaa gayud sa makapalibog nga pagduhaduha mahitungod niini (Qur’an).

Busa dapita ang mga tawo (ngadto sa tinuod nga relihiyon sa Allah, Islam) ug sunda ang husto nga dalan sumala sa gisugo kanimo, ug ayaw sunda ang ilang ubos (kawang) nga mga tinguha, ug isulti: "Ako mituo sa unsay gipadayag gikan sa Allāh sa Kasulatan, ug ako gisugo sa pagbuhat ug hustisya tali kaninyo: ang Allah mao ang among Ginoo ug inyong Ginoo; kami makabaton sa among mga buhat, ug kamo makabaton sa inyong mga buhat; wala nay panaglalis tali kanamo ug kaninyo; Ang Allah magtigum kanato nga managkauban, ug ngadto Kaniya ang (katapusan) nga pagbalik."

Kadtong kinsa nakiglalis mahitungod sa Allah "ug Iyang relihiyon" human nga kini madawat (sa mga tawo), ang ilang panaglalis walay kapuslanan ngadto sa ilang Ginoo (Allāh), ug ngadto kanila mao ang (Iyang) Kasuko, ug alang kanila ang hilabihan nga Silot.

Siya ang Allah Maoy nagpakanaog sa Libro (Qur’an) sa kamatuoran ug sa Timbangan, ug unsa ba ang makapahibalo kaninyo nga tingali ang Takna (sa kalaglagan) haduol na?

Sila nga nag-padali niini mao ang mga wala mitoo, apan sila nga mituo anaa sa kahadlok niini, ug sila nahibalo nga kini mao ang Kamatuoran. Sa pagkatinuod sila nga nakiglalis mahitungod sa Takna (sa kalaglagan) anaa sa hilabihan nga kasaypanan.

Ang Allah Madagayaon ug Mabination sa Iyang mga binuhat; Siya naghatag ug grasya ngadto sa kinsay Iyang gusto, kay Siya lamang ang Kusgan, ang Labing Gamhanan.

Bisan kinsa nga nagtinguha sa ani (ganti) sa Pikas Kinabuhi, Kami mohatag kaniya ug dugang sa iyang ani; ug bisan kinsa nga nagtinguha sa ani (ganti) niini nga kalibutan, Kami mohatag kaniya gikan niini, ug sa Kinabuhi siya walay bahin (sa kaayohan).

O aduna ba silay mga kauban (nga mga dios) nga nagtakda alang kanila ug usa ka relihiyon nga wala gayud gitugot sa Allah[3]? Apan kon dili pa tungod sa usa ka mahukmanong Pulong (nga migawas na), ang maong butang nahukman na unta tali kanila; ug sa pagkatinuod ang mga mamumuhat sa kadautan makabaton ug masakit nga Silot. ——— [3] Sama sa himoong mga kauban kaniya sa pagsimba, pagdili sa Iyang gitugot, ug pagtugot sa Iyang gidili.

Imong makita ang mga mamumuhat sa kadautan nga nangahadlok tungod sa ilang nahimo (sa mga sala), ug kini maga-abot gayod kanila, ug sila nga mituo ug nagbuhat ug maayong mga buhat, maanaa sa nanga-limyon nga mga kabulakan sa mga Tanaman; sila makaangkon sa unsay ilang gitinguha gikan sa ilang Ginoo (Allah): Kini mao ang labing dakong panalangin ug ang Dakong Kadagaya.

Kana (nga ganti) mao ang maayong balita nga gihatag sa Allah ngadto sa Iyang mga ulipon, nga mituo ug nagbuhat sa matarung nga mga buhat. Isulti (Oh Muhammad): "Wala ako mangayo gikan kanimo, alang sa pagpadangat sa kamatuoran, usa ka ganti gawas sa usa ka ganti nga nagbalik sa kaayohan niini kanimo." ug [nga kinahanglan nimong] higugmaon ang imong isigka mga tawo.” Bisan kinsa nga makakab-ot sa usa ka maayo nga buhat, Among dugangan ang iyang ganti alang kaniya. Sa pagkatinuod, si Allāh mao ang Mapasayloon sa mga sala niadtong midangop Kaniya taliwala sa Iyang mga alagad, Mapasalamaton sa ilang maayong mga buhat nga ilang gibuhat tungod sa [kahimuot sa] Iyang nawong.

O sila ba nag-ingon: "Siya nagmugna ug bakak batok sa Allah (Dios)"? Apan kon itugot sa Allah, mahimo unta nga masilyohan Niya ang inyong kasingkasing; ug ang Allah mopapas sa kabakakan ug magpabarug sa Kamatuoran pinaagi sa Iyang mga Pulong; sa pagkatinuod Siya mao ang Labing Nahibalo sa tanan kon unsa ang anaa sa mga dughan (sa katawhan).

Siya (Allah) mao ang Modawat sa paghinulsol gikan sa Iyang mga ulipon (sa katawhan ug jinn), ug mopasaylo sa mga sala, ug Siya nahibalo sa inyong gibuhat,

Siya motubag (sa pagpangamuyo) niadtong mituo ug nagbuhat sa matarung nga mga buhat, ug naghatag kanila ug labaw pa gikan sa Iyang Kadagaya. Ug (alang) sa mga manlilimod, sila makabaton ug hilabihan nga Silot.

Kon ang Allah mopadako pa sa tagana "sustento' alang sa Iyang mga ulipon (sa katawhan ug jinn) sila sa pagkatinuod mosukol dinhi sa yuta; apan Iya kining gihatag sumala sa sukod sa Iyang pagbuot; sa pagkatinuod Siya mao ang Labing Nasayod, Labing Makakita sa Iyang mga ulipon.

Siya (Allah) mao ang nagpadala sa ulan human sila mawad-an sa paglaum, ug Siya mibuklad sa Iyang Kalooy; ug Siya mao ang Magbalantay (Tigsuporta, Manluluwas, Manunubos sa mga magtotoo), ang Labing Dalaygon.

Ug ang lakip sa mga Timaan (sa Allah) mao ang pagkabuhat sa mga langit ug sa yuta, ug sa unsay Iyang gibuklad sa tibuok kanila; ug sa diha nga Siya mobuot, Siya makahimo sa pagtigom kanila nga managkauban.

Bisan unsa nga katalagman nga moabut kaninyo, kini tungod sa unsay natigom sa inyong mga kamot (sa mga sala), ug (bisan pa niana) Siya nag-papas (sa inyong mga kasal'anan) sa makadaghan.

Kamo walay ka-ikyasan dinhi sa yuta, ug kamo walay bisan unsa nga (tinuod) nga ginoo (tigpanalipod, manluluwas) ni bisan unsa nga magtatabang gawas sa Allah.

Ug ang lakip sa mga Timaan sa Allah mao ang mga sakayan sa dagat, nga sama sa mga bukid.

Kon Siya (Allah) mobuot, Siya mopahunong sa hangin aron sila mapundo nga dili makalihok sa ibabaw niini; sa pagkatinuod adunay mga Timaan niini alang sa matag usa nga mapailubon, ug mapasalamaton,

O Siya magpahinabo kanila nga mawala (pinaagi sa pagkalumos) tungod sa unsay ilang nahimo (ni mga sala), ug (bisan pa niana) Siya nagpasaylo sa makadaghan.

Aron nga kadtong nakiglalis mahitungod sa Among mga Bersikulo mahibalo; nga walay dapit nga dalangpanan alang kanila.

Busa bisan unsa nga butang nga gihatag kaninyo, kana usa lamang ka tagana sa kinabuhi niining kalibutana, ug ang unsay anaa sa Allah mao ang labing maayo ug labing malungtaron alang kanila nga mituo (sa Iyang Pagkausa) ug nagsalig sa ilang Ginoo (Allah lamang).

Ug kanila nga mga naglikay sa mas dagkong mga sala ug kalaw-ayan, ug sa matag higayon nga sila masuko (mopugong sa ilang mga kaugalingon ug) mopasaylo,

Maingon man sila mao nga nagtubag sa ilang Ginoo (Allah) ug kanunay ipadayon ang pag-ampo (sa gitakda niini nga ilang mga panahon), ug (nagdumala) sa ilang mga kalihokan pinaagi sa pagtinambagay sa usag-usa, ug naggasto (sa gugmang putli) gikan sa unsay Among gihatag kanila.

Kadtong sa diha nga sila paga-daug-daugon manag-panalipod sa ilang mga kaugalingon.

Ug ang balos sa dautang buhat mao ang silot nga sama niini, apan ang bisan kinsa nga maga-pasaylo ug maga-pasig'uli, ang iyang ganti mao gikan Allāh. Sa pagkatinuod, Siya (Allāh) dili mahigugma kanila nga mga malinapason.

Apan ang bisan kinsa nga maga-panalipod sa iyang kaugalingon human sila gilupigan, sa sila niana walay pagbasol batok kanila.

Ang paagi (sa pagbasol) batok lamang niadtong nagdaugdaug sa mga tawo, ug misukol dinhi sa yuta nga walay katungod; alang nianang (mga mamumuhat ug daotan) adunay sakit nga Silot.

Apan bisan kinsa nga magpakita og pagpailub ug mupasaylo, nan, sa pagkatinuod mao kini ang tinubdan sa maligdong buhat.

Bisan kinsa nga gibiyaan sa Allah sa pagkasalaag[4], alang kaniya walay tigpanalipod human Kaniya; ug imong makita ang mga mamumuhat sa kadautan, sa diha nga sila makakita sa Silot nga naga-ingon: "Aduna bay bisan unsa nga paagi aron sa pagbalik (sa kalibutan aron kami makabuhat ug maayo)?" ——— [4] Tungod sa iyang pagkamapahitas-on ug pagpadayon sa pagpakasala.

Imong makita kanila nga gidala sa (Imperno), nga gipakaubos pinaagi sa (ilang) kaulawan, (ug) nagtan-aw uban sa maluspad nga pagtan-aw. Ug sila nga mituo (sa Allah ug Iyang mga Mensahero) moingon: "Sa pagkatinuod ang mga pildero mao ang mga mawad-an sa ilang mga kaugalingon ug sa ilang mga pamilya sa Adlaw sa Pagkabanhaw (ug Paghukom)." Sa pagkatinuod ang mga mamumuhat sa kadautan (nga nagbutang ug kauban sa Allah sa pagsimba) magpabilin sa walay katapusan nga Silot.

Wala silay bisan kinsa nga mga tigpanalipod nga motabang kanila batok sa Allah (Dios). Bisan kinsa nga gibiyaan sa Allah nga nahisalaag, walay dalan alang kaniya hangtod sa hangtod (ngadto sa Giya ug sa walay katapusan nga Kalipay).

Tubaga, O katawhan, ang pagtawag gikan sa inyong (tinuod nga) Ginoo (Allāh) pinaagi sa pagdali sa pagtuman sa Iyang gisugo ug paglikay sa Iyang gidili, sa dili pa moabut ang Adlaw nga gikan sa Allāh (Dios) nga dili malikayan. Kamo walay madangpan nianang Adlawa, ni kamo makahimo ug bisan unsa nga paglimud (sa inyong mga sala).

Apan kon sila motalikod, Kami wala magpadala kanimo (Oh Muhammad) ingon nga usa ka magbalantay ibabaw kanila; nganha kanimo mao lamang ang pagpadangat (sa Mensahe nga tin-aw); ug sa pagkatinuod sa diha nga Kami mopatilaw sa tawo sa Kalooy gikan Kanamo, siya malipay niini; ug kon ang usa ka kadautan mohampak kanila tungod sa unsay gihimo sa ilang mga kamot (ni mga sala), nan sa pagkatinuod ang tawo (ang dili magtutuo) kanunay nga dili mapasalamaton.

Iya sa Allah ang kamandoan sa mga langit ug sa yuta; Gibuhat Niya ang unsay Iyang gusto; Siya nagahatag ug mga anak nga babaye kang bisan kinsa nga iyang gibuot, ug naghatag ug mga anak nga lalaki ngadto kang bisan kinsa nga iyang gusto.

O Siya naghatag kanila sa duha ka matang, lalaki ug babaye; ug Iyang gihimo nga apuli ang kinsay Iyang gibuot; sa pagkatinuod Siya (Allah) mao ang Labing Nakahibalo, Labing Gamhanan.

Kini dili gitugot kang bisan kinsa nga tawo nga ang Allah makigsulti kaniya gawas nga pinaagi sa Pinadayag o gikan sa luyo sa tabil, o pinaagi sa pagpadala ug mensahero (anghel) aron magpadayag pinaagi sa Iyang pagtugot sa bisan unsa nga gitinguha ni Allah. Sa pagkatinuod Siya (Allah) Labing Hataas, Labing Maalamon.

Sa ingon Kami nagpadayag kanimo (Oh Muhammad) usa ka Nalamdagan nga Kasulatan sa Atong Balaod (ang Qur'an). Kamo wala nahibalo kung unsa ang Libro, ni unsay pagtuo ˹kaniadto˺ apan Kami naghimo niining Qur'an ingon nga usa ka lampara diin Kami naggiya sa bisan kinsa nga Among gibuot sa Among mga sulugoon. Sa pagkatinuod Ikaw naggiya sa mga tawo ngadto sa usa ka tul-id nga dalan,

Ang Dalan sa Allah, nga diin kaniya ang bisan unsa nga anaa sa mga langit ug ang bisan unsa nga anaa sa yuta. Sa pagkatinuod ngadto sa Allah ang tanan nga mga butang mobalik (alang sa paghukom).

Ha Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ako (Dios) nanumpa pinaagi sa tin-aw nga Libro (ang Qur'an):

Sa pagkatinuod, Kami naghimo niini nga perpekto nga Qur’an sa Arabik (nga pinulongan), aron kamo makasabut.

Ug sa pagkatinuod, kini anaa sa Inahan sa mga Talaan (Al-Lauh Al-Mahfuz- ang Gipreserbar nga Papan) nga anaa Kanamo, Hataas, puno sa Kaalam.

Kami ba unya mupahilayo sa Pahinumdom (Qur’an) gikan kaninyo tungod kay kamo manga kataw-hang malinapason?

Pila ka mga Propeta ang Among gipadala taliwala kanhing mga katawohan?

Walay propeta nga miabot kanila, gawas nga sila kaniadto nagbugalbugal kaniya.

Unya Among gilaglag sila nga mas kusgan kay kanila sa gahom, ug ang sugi-lanon sa karaang mga tawo naasoy na[2], ——— [2] Ang Qur'ān naghulagway sa pagkaguba sa mga naunang mga katilingban, sama sa `Ād, Thamūd, mga kababayan ni Lot, ug sa mga lumulupyo sa Madyan.

Kon ikaw maga-pangutana kanila; "Kinsa'y naglalang sa manga langit ug yuta?" Sila sa pagkatinuod maga-ingon; "Kini gilalang sa 'Allāh' ang Hingpit Gamhanan, ang Hingpit Nasayod."

Siya nga maoy nag-buklad sa yuta ingon nga inyong pahulayanan, ug naghimo ug mga kadalanan alang kaninyo aron kamo makatultol.

Maingon man mao Siya (Si Allāh) nga nagpakanaog ug ulan gikan sa panganod sa tukma nga sukod. Pinaagi niini Kami mobanhaw sa usa ka patay nga yuta: busa mao usab ang imong pagkabanhaw,

Siya ang nagbuhat sa tanang butang nga managkapares, ug nagbuhat alang kaninyo sa mga sakayan ug mga mananap nga inyong ginasakyan,

Aron kamo lig-on nga makalingkod sa ilang mga buko-buko, ug hinumdumi ang Pabor sa (Allah) nga inyong Ginoo sa diha nga kamo lig-on nga naglingkod niini, ug isulti: "Dalaygon Siya 'Allāh' nga naghimo niini nga nagpailalom ngadto kanamo, ug dili namo kini mahimo (pinaagi sa among mga kaugalingon lamang);"

Sa pagkatinuod, ngadto sa (Allah) nga atong Ginoo gayud kita tanang mobalik 'alang sa Paghukom'.

Bisan pa niini, sila nagtudlo ngadto (sa Allah) ug usa ka bahin sa Iyang binuhat (pinaagi sa pag-angkon nga ang mga anghel nga mga anak nga babaye sa Allah). Sa pagkatinuod, ang tawo dayag nga dili mapasalamaton (maglilimod).

Nagkuha ba Siya ug mga anak nga babaye alang sa Iyang kaugalingon gikan sa unsay Iyang kaugalingong binuhat, ug nagpili alang kaninyo nga makabaton ug mga anak nga lalaki?

Sa diha nga ang usa kanila hatagan sa maayong balita sa (pagkatawo) usa (anak nga babaye nga) nga iyang gihimo nga panag-ingnan ngadto sa (Allāh) nga Labing Madagayaon, ang iyang nawong mingi'ob ug siya mapuno sa kasuko sa kahiladman.

(Sila ba unya nagpahisama ngadto sa Allah) nianang binuhat nga gipadako pinaagi sa mga dayandayan, ug samtang anaa sa panaglalis dili makapatin-aw sa ilang mga kaugalingon!

Sila nag-angkon nga ang mga anghel mao ang mga anak nga babaye sa Allāh - samtang sa ilang kaugalingon mao ang mga alagad sa (Allah) nga Labing Madagayaon - sila nasaksihan ba ilang paglalang? Ang ilang mga pahayag igasulat, ug sila pangutan-on.

Apan sila miingon: "Kon (ang Allah) ang Labing Madagayaon mobuot, kami dili gayud unta mosimba kanila 'ang mga dios-dios". Sila walay kahibalo ˹sa pagsuporta˺ niini ˹pangangkon˺; wala silay gibuhat gawas sa mamakak.

O Kami ba naghatag kanila ug Kasulatan sa wala pa kini (ang Qur’an) aron sila mogunit niini?

Hinuon, sila ingnon: "Kami nakakaplag sa among mga amahan nga nagsunod sa usa ka 'partikular' pamaagi ug sa pagkatinuod kami giyahan pinaagi sa ilang mga lakang."

Ug sa ingon niana, Kami wala magpadala una kaninyo og bisan unsa nga tigpasidaan sa usa ka lungsod, gawas nga kadtong nagpuyo sa sayon ​​nga mga pagkinabuhi niini miingon: "Sa pagkatinuod kami nakakaplag sa among mga amahan nga magsunod sa usa ka 'partikular' nga pamaagi, ug sa pagkatinuod kami magsunod sa ilang mga lakang."

( Ang tigpasidaan) miingon: "Bisan pa ba kon dad-on ko kaninyo ang usa ka labing maayo nga giya kay sa nianang inyong nakit-an sa inyong mga amahan?" Sila miingon: "Sa pagkatinuod kami manlilimod nianang (butang nga) imong nagpadala ka uban."

Busa Kami mikuha ug balos gikan kanila, tan-awa giunsa ang mao kapalaran sa mga nagpanghimakak (sa Kamatuoran).

(Hisguti Oh Mohammad) sa dihang si Abraham miingon sa iyang amahan ug sa iyang katawhan: "Sa pagkatinuod, ako walay kalabotan sa unsay inyong gisimba,"

Gawas (sa Allah) nga maoy nagbuhat kanako, kay sa pagkatinuod Siya mugiya kanako.

Ug siya naghimo niini nga usa ka pamulong nga maga-lungtad sa iyang mga kaliwatan (iyang anak), sa handom nga mudawat ug pahimangno.

Hinoon, Ako naghatag sa maayong manga butang kanila ug sa ilang manga ginikanan aron sila mabuhi nga haya-hay hangtod nga miabot kanila ang kamatuoran uban ang usa ka mensahero nga paghimo nagpatin-aw sa mga butang.

Sa diha nga ang kamatooran (Qur'an) miabot kanila, sila miingon: "Kini usa ka salamangka ug bug-os namo kining gisalikway.”

Sila miingon: "Ngano man nga ang Qur'an wala gipakanaog ngadto sa usa ka tawo nga bililhon sa duha ka lungsod (nga mao ang Makkah ug Ta'if sa Arabia)?"

Sila ba nag-apod-apod sa Kalooy sa (Allah) nga imong Ginoo? Kami nag-apud-apod kanila sa ilang panginabuhian sa kinabuhi niining kalibutana, ug Kami mipataas sa uban kanila nga labaw sa uban sa mga ang-ang, aron ang uban pagsuhol sa uban diha sa pag-alagad, apan ang Kalooy sa (Allah) imong Ginoo mas maayo pa kay sa bisan unsang bahandi sila magtapok.

Kon dili pa nga ang tanang tawo basin 'matental sa' mahimong sa usa komunidad (ang tanang dili magtutuo nagtinguha lamang sa kinabuhi niining kalibutana), Kami sa pagkatinuod naghatag na ngadto kanila nga naglimod sa Labing Madagayaon, sa ilang mga balay, mga atop ug hagdanan nga gikan sa pilak, nga diin pinaagi niini sila magasaka.

ingon man usab nga pilak nga mga ganghaan ug mga trono nga ilang pahuwayanan,

Apan kining tanan dili labaw kay sa usa ka lumalabay nga kalipay niining kalibutanon nga kinabuhi, ug ang Pikas Kinabuhi uban sa imong Ginoo (Allah) alang lamang kanila nga mga matarung.

Kay ang bisan kinsa nga mitalikod sa iyang kaugalingon gikan sa Paghinumdom sa 'Allāh' ang Labing Madagayaon, Kami maga-tudlo ug usa ka yawa alang kaniya , aron nga siya mahimong iyang kauban.

Sa pagkatinuod sila (mga yawa) mupahilayo kanila gikan sa Dalan (sa Allah), apan sila naghunahuna nga sila (matarong) nga nagiyahan,

Hangtud nga siya maga-abot nganhi Kanamo, siya (nga ang manlilimod) moingon (sa iyang kauban nga satanas): "Oh hinaut unta nga tali kanako ug kanimo adunay gilay-on sama pa lamang unta sa Sidlakan ug Kasadpan. Pagkaalaot nga kauban!

Tungod kay kamong duha dili makiangayon, Kini dili makabenepisyo kaninyo karon sa pagkahibalo nga kamo mga kauban sa silot.

Makahimo ba ikaw sa pag-padungog sa mga bungol, o maga-giya sa mga buta, o kaniya nga anaa sa dayag nga kasaypanan?

Bisan pa, kon Kami mokuha kanimo (Muhammad) palayo, Kami sa pagkatinuod sa gihapon maga-panimalos kanila!

O (kon) Kami magpakita kanimo nianang (Silot) nga diin Among gika-saad kanila; nan sa pagkatinuod Kami hingpit sa Gahom ibabaw kanila.

Busa kupti pag-ayo (O Propeta Muhammad) kanang gipadayag kanimo (ang Qur’an); sa pagkatinuod ikaw anaa sa husto nga Dalan.

Sa pagkatinuod, kini nga Qur'ān usa ka dungog alang kanimo ug sa imong katawhan, ug kamong [tanan] pangutan-on mahitungod niini[3]. ——— [3] Sa Adlaw sa Pagkabanhaw mahitungod sa hugot nga pagtuo niini, sa pagsunod sa iyang giya, ug sa pagdapit ngadto ang katawhan ngadto niini.

Ug pangutan-a kadtong Among mga Mensahero nga Among gipadala una kanimo: "Nagtudlo ba Kami ug mga dios aron simbahon gawas sa (Allah) nga Labing Madagayaon?"

​​Ug sa pagkatinuod, Kami nagpadala kang Moises uban sa Among mga Timaan ngadto kang Paraon ug sa iyang konseho, busa siya miingon: "Sa pagkatinuod Ako mao ang Mensahero sa (Allah) ang Ginoo sa tanan nga linalang."

Apan sa diha nga siya (Moises) miabot kanila uban sa Among mga timaan, dihadiha ilang gikataw-an sila.

Kami wala magpakita kanila ug usa ka Timaan, apan nga kini mas dako pa kay sa mga nauna niini, ug Kami misakmit kanila sa (kalibutanon) nga silot, aron sila mobalik (kanato) gikan sa ilang pagkawalay pagtuo apan walay kapuslanan.

Apan sila miingon (ngadto kang Moises): "Oh salamangkero, pag-ampo alang kanamo ngadto sa imong Ginoo ingon nga Siya naghimo sa Pakigsaad uban kanimo; Kun Iyang tangtangon ang Silot gikan kanamo, kami sa pagkatinuod sunda sa giya".

Apan sa diha nga Kami mikuha gikan kanila sa pagsakit, diha-diha dayon sila miguba ang ilang mga saad.

Si Paraon mitawag sa iyang mga katawhan nga nanghambog sa iyang gingharian: "O akong katawhan! Dili ba akoa ang gingharian sa Ehipto? Sud'unga ninyo mga suba nga naga-agay sa ubos nako, wala ba ninyo makita niini?"

Dili ba? Ako labaw'ng maayo ni-ining hiwi nga dili makasulti ug maayo?

Nganong wala'y baklaw nga mga pulseras nga bulawan nga kaniya gisul'ob? Ug kon nganong wala'y mga anghel nga kuyog niya ingon nga kauban?

Siya gisul'sol sa iyang katawohan sa pag-supak, ug sila nagtuman kaniya: kay sa pagkatinuod, sila mga tawong makasasala.

Busa sa diha nga sila nagpasuko Kanamo, Kami nagpahamtang ug balos kanila, busa Kami naglumos kanilang tanan,

Busa Kami naghimo kanila nga panig-ingnan sa karaan, ug usa ka pagtulon-an ngadto sa ulahing mga kaliwatan.

Sa diha nga ang anak nga lalake ni Maria (Hesu-Kristo) gikutlo ingon nga usa ka panig-ingnan, diha-diha dayon ang imong katawhan mikatawa (sa panig-ingnan).

Sila miingon: "Mas maayo ba ang among mga dios, o siya (Hesus)? Wala nila kini gikutlo (nga pagtandi) gawas (lamang) sa pakiglalis; hinonoa sila mga palaaway nga mga tawo."

Si 'Hesus anak ni Maria' walay lain gawas nga dili mulabaw sa usa ka mapainubsanon nga binuhat (usa ka ulipon sa Allah) nga diin Kami (Allah) naghatag ug Pabor (Pagkapropeta), ug Kami naghimo kaniya nga usa ka panig-ingnan alang sa mga anak ni Israel.

Kon amo lang gituyo, Kami sa pagkatinuod molaglag kaninyo ug magbuhat puli kaninyo sa mga anghel nga magpanunod dinhi sa yuta[4]. ——— [4] Nga mosimba sa Allah lamang, nga dili makig-uban Kaniya sa bisan unsa.

Sa pagkatinuod siya (Hesus, ang anak nga lalake ni Maria) mahimo (sa iyang ikaduhang pag-anhi sa yuta) nga usa ka nailhan nga Timaan sa Takna (nga nagkaduol ang Adlaw sa Pagkabanhaw ug Paghukom), busa ayaw pagduhaduha mahitungod niini, ug sunod kanako (sa Islamikanhon nga Pagkausa sa Dios): Kini mao ang husto nga Dalan.

Ug ayaw itugot nga si Satanas mopugong kaninyo (gikan sa husto nga Dalan); sa pagkatinuod siya usa ka dayag nga kaaway kaninyo.

Sa diha nga si Hesus miabot (ngadto sa mga anak sa Israel) uban sa tin-aw nga mga Pamatuod, siya miingon: "Ako sa pagkatinuod mianhi kaninyo uban sa kaalam, ug aron Ako mupatin-aw kaninyo bahin sa unsay inyong gikalahian; busa pagbantay sa (inyong katungdanan sa) Allah ug sunda ako:

Sa pagkatinuod ang Allah mao ang akong Ginoo ug inyong Ginoo "ug akong Dios ug inyong Dios" busa simbaha Siya lamang; kini mao ang husto nga Dalan:

Apan ang mga (Hudeyo ug ang mga Kristohanon) nagkalahi taliwala kanila, busa alaut sila nga nagbuhat ug kadautan (pinaagi sa pagsimba kang Hesus) gikan sa Silot sa Sakit nga Adlaw.

Aduna ba silay bisan unsa nga gihulat gawas sa Takna (ang Adlaw sa Pagkabanhaw), nga kini moabut kanila sa kalit samtang sila dili makabantay?

Ang mga managhigala nianang adlawa mahimong mga kaaway sa usag-usa gawas sa mga matarung.

O akong mapaubsanon (mga ulipon - mga magtutuo), ayaw kamo kahadlok niining Adlaw ni kamo mag-kabalaka.

Sila kinsa mituo sa Atong mga pagpadayag ug nga mga Muslim (nga nagtugyan sa ilang kabubut-on ngadto sa Dios lamang).

Sumulod kamo sa Paraiso, kamo ug ang inyong mga kapikas, nga magmaya.”

Adunay igapasa ngadto kanila nga bulawan nga mga panaksan ug imnanan nga mga copa ug (maanaa) niini ang tanan nga tinguhaon sa kinahiladman sa usa ka tawo, ug ang tanan nga makapahimuot sa mga mata, ug kamo magapuyo niini sa walay katapusan.

Kini mao ang Paraiso nga gihatag kaninyo ingon nga usa ka kabilin tungod sa unsay inyong maayong mga binuhatan.

Alang kaninyo sa sulod niini ang daghan nga mga bunga diin kamo magakaon (sumala sa inyong gusto).

Sa pagkatinuod, ang mga daotan mahiagom sa silot sa Impiyerno. didto sila pa-puy'on sa kahangturan.

Ang silot dili gayod paga-kub'san kanila, ug niini sila wala nay paglaum.

Ug dili Kami ang dili makiangayon ngadto kanila, apan sila sa ilang mga kaugalingon ang dili makatarunganon.

Sila motawag: "Oh Malik (ang magbalantay sa Imperno), himoa nga ang (Allah) nga imong Ginoo mutapos kanamo." Siya moingon: "Sa pagkatinuod, kamo magpabilin sa sulod niini sa walay katapusan."

Sa pagkatinuod, Kami nagdala sa Kamatuoran nganha kaninyo, Apan kasagaran kaninyo naligutgot sa Kamatuoran.

O naglaraw ba sila ug pipila ka laraw? Nan, sa pagkatinuod Kami usab naglaraw.

O naghunahuna ba sila nga Kami wala makadungog sa ilang mga tinago, ug sa ilang pribadong mga panagtambag? Oo (Kami Nakadungog), ug ang Among mga mensahero (ang nagtala nga mga anghel) uban kanila nagasulat.

Isulti: "Kun (ang Allah) ang Labing Madagayaon adunay anak nga lalaki, nan ako ang una sa mga magsisimba sa Allāh nga naglimud ug nagsalikway niini nga inyong pag-angkon, ug (ako) ang unang magsisimba sa Allah lamang.

Ang Himaya (ug Kadungganan) maanaa sa (Allah) ang Ginoo sa mga langit ug sa yuta, ug Ginoo sa Trono, layo labaw sa tanan (kabakakan) ang ilang gipahinungod Kaniya.

Busa pasagdi sila sa pagpatuyang sa bakak nga mga pakigpulong ug panagdula, hangtod nga ilang ikahibalag ang Adlaw nga kanila gipasidaan.

Siya (Allah) mao (ang Usa lamang ka Tinuod) nga Diyos (nga gisimba) sa mga langit, ug (ang Usa lamang ka Tinuod) nga Diyos (nga gisimba) sa yuta; ug Siya mao ang Labing Maalamon, ang Labing Nakahibalo.

Bulahan Siya (Allāh), nga Kaniya ang kamandoan sa mga langit ug sa yuta ug sa unsay anaa sa taliwala niini, ug anaa Kaniya ang Kahibalo sa Takna (ang Adlaw sa Pagkabanhaw), ug ngadto Kaniya kamong tanan ibalik (alang sa Paghukom).

Kadtong ilang gisimba gawas Kaniya walay gahum alang sa pagpataliwala, gawas niadtong nagsaksi sa Kamatuoran (sa Islam), samtang sila nahibalo.

Ug kon ikaw mangutana kanila kinsa ang nagbuhat kanila, sila sa pagkatinuod moingon: "ang ‘Allah." Nan, Sa unsa nga paagi sila mitalikod?

(Ang Allāh adunay Kahibalo) sa dihang ang iyang (ang Propeta) panulti: '(Oh Allah) akong Ginoo, kini mga tawo nga dili magatoo sa imong gipadala uban kanako ngadto kanila!"

Busa talikod gikan kanila, ug isulti, kalinaw, kay sila sa dili madugay mahibalo.

Ha, Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ako (Dios) nanumpa[2] pinaagi sa tin-aw nga Libro (ang Qur'an): ——— [2] Si Dios nanumpa diha sa Qur'ān nga nagdan-ag sa dalan sa giya ngadto sa kamatuoran:

Sa pagkatinuod, Among gipakanaog kining (Qur’an) sa usa ka bulahan nga kagabion[3]. Sa pagkatinuod Kami kanunay nga magpasidaan (sa katawhan ug jinn). ——— [3] Ang pagpadayag sa Qur'an nagsugod sa Gabii sa Dekreto (Al-Qadr) sa bulan sa Ramadān

Niini (nga kagabion) gihimo nga tin-aw (takda) ang matag butang[4]. ——— [4] Niana ang matag hukom nga ma-alamom nga may kalabutan sa mga probisyon, kamatayon, sa pagkatawo, ug uban pa taliwala sa bisan unsang mga panghitabo nga buhaton ni Allah sa kana nga tuig.

Pina'agi sa Mando nga gikan Kanamo; sa pagkatinuod Kami mao ang mga Nagpadala (sa mga mensahero),

Ingon nga Kaluoy gikan sa imong Ginoo. Sa pagkatinuod, Siya mao ang Labing Makadungog sa Tanan, ang Labing Nakahibalo sa Tanan.

Ang Ginoo sa mga langit ug yuta, ug sa tanan nga anaa sa taliwala niini, kon kamo adunay pagtoo nga adunay sigurado[5]. ——— [5] Tumoo ka sa Allāh ug Iyang mga Mensahero.

Walay dios (nga takos simbahon) gawas Kaniya 'Allāh'. Siya ang naghatag ug kinabuhi ug nagpahinabog kamatayon, (Siya ang) inyong Ginoo, ug ang Ginoo sa inyong mga katigulangan.

Apan sila anaa sa pagduhaduha, nga nagpatuyang sa ilang kaugalingon (sa kalibutanon) nga mga tinguha, naglingaw sa ilang kaugalingon.

Busa padayon sa paghulat sa adlaw nga ang langit magdala ug masanag nga aso, nga makita sa tin-aw -

Nga maga-lukop sa katawhan. Mao kini ang usa ka sakit nga Pag-antos.

Among Ginoo 'Allāh', ipalayo kanamo kini maong pag-antos; sa pagkatinuod, kami mga magtotoo.

Unsaon pa man nga paagi alang kanila sa pag-pulos sa pahinumdom, sa diha nga ang usa ka mensahero (ang Propeta Muhammad) nga miabut na kanila, nga nagpatin-aw sa mga butang sa tin-aw,

Apan sila mitalikod kaniya ug miingon: "Siya usa kinsa tudloan, ug giyawaan."

Sa pagkatinuod, Kami magwagtang sa Pag-antos sa makadiyot, (apan) kamo kasigurohan nga mobalik (sa pagkadaotan).

Busa sa adlaw nga Kami maga-dakop (kanila) uban sa labing dako nga Pagsakmit; sa pagkatinuod, Kami kanila maga-balos!

Una kay kanila Among gisulayan katawohan ni Paraon, ug dihay mianhi kanila nga usa ka halangdon nga mensahero (Moises) "nagdapit kanila sa pagtuo sa pagkausa ni Allāh ug sa pagsimba Kaniya lamang",

Nag-ingon: "Ipahi'uli kanako ang mga ulipon sa Allah (ang mga anak sa Israel), sa pagkatinuod ako usa ka matinud-anon nga Mensahero nganha kaninyo,

Ayaw pagpasigarbo batok sa pagsimba si Allāh; sa pagkatinuod Ako mianhi kaninyo uban sa tin-aw nga awtoridad (katungod);

Ug sa pagkatinuod ako nagpasalipod sa (Allah nga) akong Ginoo ug inyong Ginoo, kay tingali unya kamo mobato kanako ngadto sa kamatayon (o mobiaybiay kanako):

Kon kamo dili maga-too kanako, nan, pasagdi na lamang ako.

Unya (sa katapusan) si Moises mitu'aw sa iyang Ginoo (Allāh, nga nag-ingon): "Mao kini 'katawohan ni Paraon', ug labing dautan nga katawhan[6]." ——— [6] Karapat-dapat sa pagpapadali ng parusa.

Busa lakaw uban sa Akong mga ulipon (ang mga anak sa Israel) sa kagabion; sa pagkatinuod kamo gigukod:

Ug biyai ang dagat nga malinawon ug nabahin; sa pagkatinuod sila (katawhan ni Paraon) usa ka panon nga malumos.

Unsa kadaghan sa mga tanaman ug mga tubod ang ilang gibiyaan?

Ug mga uma sa trigo ug halangdon nga mga dapit?

Ug mga maayong butang nga ilang gikalipay?

Sa ingon niini (kini nahitabo), ug Kami mihatag kanila ingon nga kabilin ngadto sa lain nga mga katawhan (ang mga anak sa Israel).

Busa ang langit ug ang yuta wala maghilak alang kanila (Paraon ug sa iyang katawohan sa diha nga sila nangalumos), ni sila nahatagan ug lugway "sa paghinulsol".

Sa pagkatinuod, Kami miluwas sa mga anak sa Israel gikan sa makauulaw nga pag-antos,

Gikan kang Paraon. Sa pagkatinuod, siya usa ka tinuod nga malupigon, usa ka malapason.

Ug sa pagkatinuod Kami nagpili kanila (ang mga anak sa Israel) ibabaw sa mga nasud (sa ilang kapanahonan), uban sa kasayuran.

Ug Kami mihatag kanila sa mga Timaan diin adunay tin-aw nga pagsulay.

Sa pagkatinuod, kini (mga manlilimod) nag-ingon:

"Wala nay lain gawas sa atong unang kamatayon ug kita dili na mabanhaw."

Busa dad-a (pabalik sa kinabuhi) ang among mga katigulangan, kon kamo nagsulti sa tinuod[7]. ——— [7] Nga si Allāh mobanhaw sa mga patay ingon nga buhi alang sa pag-ihap ug pagbalos.

Sila ba mas maayo o ang katawhan sa Tubba ug kadtong nauna kanila? Kami naglaglag kanila (tungod sa ilang mga sala), kay sa pagkatinuod sila mga masupilon.

Kami wala magbuhat sa mga langit ug sa yuta ug sa unsay anaa sa taliwala kanila sa walay kapuslanan nga panagdula (nga walay tumong ug katuyoan).

Kami wala maglalang niini gawas nga alang sa Kamatuoran 'ug katuyoan', apan kadaghanan kanila wala mahibalo.

Sa pagkatinuod, ang Adlaw sa Paghukom mao ang ilang tinudlong panahon, alang kanilang tanan.

Ang Adlaw nga diin ang usa ka higala dili makabenepisyo (sa iyang) higala nga bisan unsa, ni sila matabangan,

Gawas niadtong Kanila nga ang Allah adunay Kalooy; sa pagkatinuod Siya mao ang Labing Gamhanan ang Labing Maluluy-on.

Sa pagkatinuod, ang kahoy sa Zaqqum,

Mao ang pagkaon sa makasasala,

Sama sa nagabukal nga lana; kini magbukal sa (ilang) mga tiyan,

​​Sama sa pagpabukal sa init nga tubig.

Dakpa siya, ug guyora siya ngadto sa tunga-tunga sa Imperno;

Unya bu’boi ang ibabaw sa iyang ulo sa silot sa nagbukal nga tubig:

Tilawi kini; ikaw nga nag-isip sa imong kaugalingon nga hilabihan kagamhanan, ug kahalangdon!

Sa pagkatinuod, mao kini (Silot) imong giduhaduhaan ug gilalisan kaniadto.

Sa pagkatinuod, ang mga matarung maanaa sa luwas nga dapit,

Sa mga tanaman ug mga tubod;

Sila magsul-ob sa pino ug baga nga seda, (nga naglingkod nga malipayon) nag-atubangay;

Sa ingon niini (kini mahitabo), ug Kami magpapangasawa (magpaminyo) kanila ngadto sa mga maanyag (nga mga babaye sa Paraiso) nga adunay lapad, ug matahum nga mga mata.

Sila maga-tawag sa matag-bunga uban ang kalinaw ug luwas.

Didto (sa Paraiso) wala na'y kamatayon, gawas sa na-una nga kamatayon (sa kalibutan), ug Siya maga-luwas kanila gikan sa nag-lagiting nga Kalayo sa Imperno,

Ingon nga usa ka gasa ug panalangin gikan sa (Allah) nga inyong Ginoo; mao kini ang dakong kalampusan.

Busa Kami naghimo niini (nga Qur’an) sayon sa imong dila, aron sila makahinumdom.

Busa paghulat (sa Kamanduan sa Allāh); sa pagkatinuod sila usab naghulat[8]. ——— [8] Kana mao ang "Kon dili nila dawaton ang pahimangno bisan karon, maghulat ka kung giunsa sila pagduaw sa ilang kalaglagan."

Ha, Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ang pagpakanaog sa Libro (Qur’an) gikan kang Allāh, ang Hingpit Gamhanan, ang Hingpit Maalamon.

Sa pagkatinuod (dinha) sa mga langit ug sa yuta adunay mga Timaan (sa Pagkausa sa Diyos) alang sa mga magtotoo.

Ug sa inyong (kaugalingong) pagkalalang, ug sa tanan nga mga mananap nga Iyang gisabwag [sa ibabaw sa yuta] adunay mga Timaan alang sa mga tawo nga adunay Pagtoo uban sa kasigurohan.

Ug (sa) pagpuli-puli sa gabii ug sa adlaw, ug (sa) unsay gipakanaog sa Allah sa sustento gikan sa panganod aron sa bagpabalik ug kinabuhi sa yuta human kini mamatay, ug (sa) pag-usab-usab sa mga hangin, adunay mga Timaan alang sa mga tawo nga masinabuton.

Kini mao ang mga Bersikulo sa Allah nga Among gilitok kanimo sa kamatuoran; nan, sa unsa ba nga pahayag sila motuo human sa (ilang pagpanglimod) sa Allāh ug sa Iyang mga Bersikulo?

Alaut ang matag makasasala nga kanunay'ng namakak.

Kinsa makadungog sa mga Bersikulo ni Allah nga naglitok ngadto kaniya, apan nanag-padayon sa iyang garbo sama sa wala maka-dungog niini. Busa ihatag kaniya ang balita sa usa ka makalilisang nga silot!

Sa diha nga siya mahibalo sa bisan unsa mahitungod sa Among mga Bersikulo, siya maghimo niini ingon nga kataw-anan; alang kanila adunay makauulaw nga Silot.

Sa ilang atubangan mao ang Imperno, ang ilang mga naabot (sa kalibutanong mga kaayohan),dili maga-pulos kanila, ni kadtong ilang gisimba nga mga dios gawas sa Allah, ug sila makabaton ug usa ka makalilisang nga Silot.

Kini mao ang Giya; ug (alang) kanila nga milimod sa mga Bersikulo sa ilang Ginoo (Allah), sila makabaton sa usa ka sakit nga Silot.

Si Allāh maoy naghimo sa dagat nga nagpasakop kaninyo aron ang mga barko makalawig niini pinaagi sa Iyang Pagmando, ug aron kamo mangita sa Iyang kadagaya ug magmapasalamaton (Kaniya).

Ug Iyang gihimo nga nasakop kaninyo ang unsay anaa sa mga langit[2] ug ang unsay anaa sa yuta[3], ang tanan gikan Kaniya[4]; sa pagkatinuod adunay mga Timaan niini alang sa mga tawo nga namalandong. ——— [2] Sa adlaw, bulan, bituon, ug uban pa. [3] Sa mga dagat, suba, kahoy, kabukiran, ug uban pa. [4] Kining tanan para sa inyong kaayohan, aron ang grasya nga moabot sa mas daghan pa nga mga tawo mahimong hinungdan sa pag-awas sa pagpasalamat ngadto sa himaya ni Allāh.

Isulti niadtong mituo (sa Kamatuoran), aron mopasaylo niadtong (nagpasakit kanila), nga wala maglaom sa mga Adlaw sa Allah (nga mao ang Pagbalos), aron Siya mubalus sa usa katawhan sa unsay ilang nahimo (ni mga sala).

Bisan kinsa nga magbuhat (sa unsay) matarung (ug makiangayon), kini alang sa iyang kaugalingon, ug bisan kinsa nga magbuhat ug dautan, kini batok sa iyang kaugalingon; unya kamo ibalik ngadto sa (Allah) nga inyong Ginoo (alang sa Paghukom).

Sa pagkatinuod, Kami mihatag sa mga anak sa Israel sa Kasulatan (Torah), hukom, Pagkapropeta, ug Kami mihatag kanila sa mga maayong butang, ug Kami mipili kanila ibabaw sa mga kanasuran (sa ilang panahon).

Kami mihatag kanila og tin-aw nga mga Pamatuod sa butang (sa panrelihiyon), apan sila wala magkalahi hangtud nga ang kahibalo miabut ngadto kanila tungod sa kasina gikan sa ilang mga kaugalingon; sa pagkatinuod ang imong Ginoo (Allah) mohukom tali kanila sa Adlaw sa Pagkabanhaw mahitungod nianang diin sila nagkalahi.

Unya Kami naghimo kanimo nga anaa sa hustong gikatudlo nga pamaagi (sa relihiyon), busa sunda kini, ug ayaw sunda ang kawang nga tinguha niadtong wala mahibalo.

Sa pagkatinuod, sila dili motabang kanimo sa labing gamay batok sa Allah (Dios); ug sa pagkatinuod ang mga mamumuhat sa kadautan sila mga tigpanalipod sa usag-usa, ug ang Allah mao ang Tigpanalipod sa mga matarong.

Kini ang tin-aw mga Pamatuod alang sa mga tawo, ug usa ka Giya ug Kalooy alang sa usa katawhan nga adunay Pagtoo uban sa kasigurohan.

O sila ba nga (ang pagano, mga manlilimod) nga nagbuhat ug daotang mga buhat, hunahuna nga Kami maghimo kanila nga sama niadtong mituo ug nag-buhat nga matarong nga nagbuhat -nga ang ilang kinabuhi ug ang ilang kamatayon mahimong managsama? Daw unsa ka hiwi ang ilang pang-hukom!

Si Allāh maoy naglalang sa kalangitan ug kalibutan sa kamatuoran, aron ng matag kalag pagabalosan sa unsay iyang nahimo, ug wala'y usa dili pagabuhaton o gitratar nga dili makiangayon.

Ikaw ba nakakita kaniya nga naghimo sa iyang kawang nga mga tinguha ingon nga iyang dios, ug ang Allah nga nahibalo (kaniya sa ingon niana) mibiya kaniya nga nahisalaag, ug nagbutang ug selyo sa iyang pandungog, ug sa iyang kasingkasing ug nagbutang tabon ibabaw iyang panan-aw. Kinsa na man unya ang makagiya kaniya human sa Allah? Wala ba kamo makasabot?

Sila moingon: "Wala nay lain gawas sa atong kinabuhi niini nga kalibutan; kita nabuhi ug mamatay (sa makausa) ug wala'y makabuntog kanato gawas panahon." Apan sila walay (sigurado ug tinuod) nga kahibalo mahitungod niini (sa tinuod nga kinaiya ug kahulogan sa kinabuhi ug kamatayon, ug sa kinabuhi human niini). Sila nagsunod lamang sa ilang mga pangagpas.

Sa diha nga ang Among tin-aw nga mga Bersikulo ilitok ngadto kanila, ang ilang pangatarongan walay lain gawas nga sila muingon: "Dad-a pagbalik ang among (mga namatay na) nga mga amahan, kung nagsulti ka sa tinuod."

Isulti: "Ang Allah naghatag kaninyo ug kinabuhi, unya Siya naghimo nga kamo mamatay, unya Siya magtapok kaninyo ngadto sa Adlaw sa Paghukom diin walay pagduhaduha niini, apan kadaghanan sa mga tawo wala mahibalo."

Iya sa Allah ang Gingharian sa mga langit ug sa yuta; ug sa Adlaw nga ang Takna (ang Adlaw sa Pagkabanhaw) mahitabo, niadto nga adlaw ang mga tawo sa kabakakan unya mahimong sa pagkawala kinatibuk-ang.

Ug inyong makita matag katawhan nanggiluhod; ang matag nasud pagatawgon ngadto sa ilang talaan (sa mga buhat). Karong adlawa kamo pagabalusan sa unsay inyong binuhatan.

Kini, Ang Among talaan nagsulti mahitungod kaninyo uban sa kamatuoran; sa pagkatinuod Kami (Ang Among mga anghel pinaagi sa Among sugoan) nagtala sa unsay inyong gibuhat kaniadto.

Alang kanila nga mituo ug nagbuhat sa matarung nga mga buhat, ang ilang Ginoo (Allah) magpasulod kanila ngadto sa Iyang Kalooy (Paraiso); kana mao ang Dayag nga Kalamposan.

Mahitungod niadtong mga naglimod (sa Kamatuoran, iga-ingon ngadto kanila): "Wala ba ang Akong mga Bersikulo gilitok nganha kaninyo? Apan kamo mga mapahitas-on, ug kamo daotan nga mga tawo."

Sa diha nga kini iga-ingon: "Sa pagkatinuod ang Saad sa Allah nga tinuod ug sa Takna (ang Adlaw sa Pagkabanhaw), walay pagduhaduha mahitungod niini" - kamo muingon: "Kami wala mahibalo kon unsa ang Takna"; kami wala maghunahuna (nga kini mahitabo) gawas nga usa (lang) kalumalabay nga hunahuna, ug kami dili gayud sigurado."

Unya ang mga dautang (sangputanan) sa unsay ilang gibuhat mahimong dayag ngadto kanila ug kanang ilang biaybiayan (ang silot) magalibut kanila sa hingpit.

Ug iga-ingon: "Niining Adlawa Kami maglimot kaninyo (sa ato pa, pagabiyaan kamo sa Kalayo), sama sa inyong pagkalimot sa Pagpakigtagbo niining inyong Adlaw, ug ang inyong Puloy-anan mao ang Imperno, ug walay mga magtatabang alang kaninyo;

Kini tungod kay inyong gihimo ang mga Bersikulo sa Allah ingon nga bugal-bugal, ug ang kinabuhi niini nga kalibutan gilimbongan ka kaninyo. Busa nianang Adlawa sila dili pagawson gikan niini (Imperno), ni wala na silay kahigayonan sa paghinulsol.

Busa (ang tanan nga) pagdayeg alang sa Allah, ang Ginoo sa mga langit ug Ginoo sa yuta, ang Ginoo sa tanan nga linalang.

Ngadto Kaniya ang tanan nga Pagkahalangdon ug Pagkagamhanan sa mga langit ug sa yuta, ug Siya mao ang Hingpit nga Gamhanan, ang Hingpit nga Maalamon.

Ha, Meem[1]. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili katupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ang pagpadayag sa Libro (Qur’an) gikan kang Allāh, ang Hingpit Gamhanan, ang Hingpit Maalamon.

Kami wala magbuhat sa mga langit ug sa yuta ug sa unsay anaa sa taliwala kanila gawas uban kamatuoran[2] ug katuyoan ug (alang sa) gikatudlong panahon. Sila nga milimod (sa Allah, sa Iyang kataposang Mensahero nga si Muhammad, ug sa Ulahing Adlaw) talikdi gikan sa unsay gipasidaan kanila. ——— [2] Nga naglakip nga ang mga tawo makaila sa ilang Ginoo pinaagi kanila aron sila mosimba Kaniya lamang ug dili sila makig-uban sa bisan unsa uban Kaniya.

Isulti: "Nakahunahuna ba kamo nianang unsay inyong gisangpit gawas sa Allah? Ipakita kanako kung unsa ang ilang gilalang sa yuta, o aduna ba silay kabahin sa mga kalangitan? Dad-i ako ug Libro (pinadayag) nga nauna niini, o ​​timaan sa kahibalo (nga nagpamatuod nga sila mga kaubanan sa Allah), kung kamo matinud-anon, (diin kana dili gayud ninyo mahimo)."

Kinsa ba ang labaw nga nahisalaag kay sa usa nga nagsimba mga dios-dios gawas sa Allāh, ang ingon niana (nga mga dios-dios) nga dili motubag kaniya hangtud sa Adlaw sa Pagkabanhaw, ug sila walay pagtagad sa ilang pag-ampo?

Sa diha nga ang mga tawo pagatigumon sa tingub, sila mahimong ilang mga kaaway, ug maga-salikway sa tanan nilang pagsimba (kanila).

Sa diha nga ang Among tin-aw nga mga Bersikulo maoy gilitok ngadto kanila, sila nga naglimod mosulti mahitungod sa Kamatuoran sa diha nga kini miabut ngadto kanila: "Kini usa ka tin-aw nga salamangka."

O sila moingon: "Siya (Muhammad) nagtumo-tumo niini (Qur’an)." Isulti: "Kon ako nagtumo-tumo niini, kamo walay gahom para panalipdan ako gikan sa Allah; Siya nahibalo pag-ayo kon unsa ang inyong ginasulti mahitungod niini; igo na Siya isip Saksi tali kanako ug kaninyo, ug Siya maoy Labing Mapasayloon, ang Labing Maluluy-on."

Isulti: "Ako dili ang una sa mga Mensahero (sa Allah), ug ako wala mahibalo kon unsa ang pagabuhaton kanako o kaninyo (sa ato pa, wala ako mahibalo sa dili makita gawas sa unsay gipadayag sa Allah kanako), ako nagsunod lamang sa unsay Gipadayag kanako, ug ako usa lamang ka tin-aw nga tigpasidaan."

Isulti: "Nakahunahuna ba kamo, kon kini (Qur'an) gikan sa Allah (Dios), unya kamo naglimod niini, samtang ang usa ka saksi gikan sa (maalam) nga mga anak sa Israel mipamatuod nga ang Qur'an maoy (gikan kang Allāh) sama sa (Torah), ug siya mituo, apan kamo nag-pagarbo! Sa kamo nagmapahitas-on uban sa garbo". Sa pagkatinuod ang Allah dili mogiya sa mga masupilon nga mga tawo nga nagbuhat ug daotan.

Sila nga milimod muingon niadtong mituo: "Kon kini (pagtuo) usa ka maayo nga butang, sila dili unta mag-una kanato niini!" Ug sa diha nga sila wala magtugot sa ilang mga kaugalingon nga magiyahan pinaagi niini, sila muingon: "Kini usa ka karaan nga bakak!"

Sa wala pa kini, ang Kasulatan ni Moises (Torah) usa ka Giya ug Kalooy. Ug kini usa ka Libro (Qur'an) nga nagpamatuod (niini) sa Arabiko nga pinulongan, aron kini magpasidaan (sa Silot alang) niadtong nagbuhat ug kadautan, ug ingon nga maayong balita alang sa mga magbubuhat ug maayo.

Sila nga nag-ingon, ang among Ginoo mao ang Allah, unya magpabilin nga lig-on (sa husto nga Dalan), alang kanila walay kahadlok, ni sila maguol.

Kini sila mao ang mga pumoluyo sa Paraiso, nga magapuyo sa sulod niini sa kahangturan, usa ka ganti sa unsay ilang gibuhat kaniadto (nga kaayohan).

Kami nagsugo sa tawo nga mahimong maayo ug mabination ngadto sa iyang mga ginikanan; uban sa kalisdanan gisabak siya sa iyang inahan, ug uban sa kalisdanan gipanganak; ug ang pagsabak kaniya ug ang paglutas kaniya anaa sa katloan ka bulan; hangtud siya makabaton sa hingpit nga kusog ug moabut sa kap-atan ka tuig, makaingon siya: "Oh akong Ginoo, itugot kanako nga ako makapasalamat sa Imong Kalooy nga Imong gihatag kanako ug sa akong mga ginikanan, ug nga akong buhat sa matarung mga buhat nga makapahimuot Kanimo, ug makahimo sa akong mga anak (kaliwat) nga mga matarung; sa pagkatinuod ako mibalik Kanimo (sa paghinulsol ug pagsunod), ug sa pagkatinuod ako usa sa mga Muslim (nagpasakop sa Imong Kabubut-on)."

Kini sila mao kadtong Kami modawat nga labing maayo sa unsay ilang nabuhat, ug mobaliwala sa ilang mga dautang buhat, nga kauban sa mga pumoluyo sa Paraiso; ang Saad sa Kamatuoran nga diin gisaad kanila.

Apan siya nga naga-ingon sa iyang mga ginikanan: "Alaut kamo! Kamo ba naghulga kanako, nga ako pagabanhawon samtang ang mga kaliwatan nga una kanako nanglabay na (nga wala mabanhaw)?" Ug silang duha (ang mga ginikanan) nanawagan alang sa Tabang sa Allah (ug nag-ingon): "O dili! Tumuo ka, sa pagkatinuod ang Saad sa Allāh (kanunay) nga tinuod." Apan siya miingon: "Kini walay lain gawas sa mga sugilanon sa mga karaan."

Sila kadtong batok kanila ang Pulong (sa Silot) ug gipakamatarong uban sa mga nasud sa mga jinn ug mga tawo nga nangagi una kanila; sa pagkatinuod sila mao ang mga pildero.

Alang sa tanan adunay mga ang'ang sumala sa unsay ilang gibuhat, ug aron Siya magabayad kanila sa hingpit sa ilang mga buhat, ug sila dili gayod tratohon nga dili makiangayon.

Sa Adlaw nga ang mga manlilimod pagadad-on sa atubangan sa Imperno, (iga-ingon kanila): "Inyong gihurot ang inyong maayong mga butang sa inyong kinabuhi sa kalibutan, ug kamo nalingaw niini sa makadiyot, busa niining Adlawa kamo pagabalusan uban makauulaw nga Silot tungod kay kamo nagmapahitas-on sa yuta nga walay katungod, ug tungod kay kamo kaniadto masupilon nga misupak."

Hisguti si (Hud) ang igsoon sa (tribu sa) ‘Aad; sa dihang iyang gipasidan-an ang iyang mga katawhan sa balason nga kapatagan - ug sa pagkatinuod adunay mga tigpasidaan nga miabut una kaniya ug human kaniya, nga nag-ingon: "Ayaw pagsimba sa bisan kinsa gawas sa Allah; sa pagkatinuod ako nahadlok alang kaninyo sa pagsakit sa usa ka Makalilisang nga Adlaw."

Ang iyang katawhan' miingon kaniya: "Mianhi ka ba kanamo aron sa pagpahilayo kanamo gikan sa pagsimba sa among mga dios? Nan, ihatag kanamo ang silot nga imong gipasidaan kanamo, kon ikaw matinud-anon sa imong giangkon."

Siya miingon: "Ang kahibalo 'sa panahon sa pagsakit' anaa lamang sa Allah (Dios), ug akong gipahayag kaninyo ang Mensahe nga diin akong gipadala, apan akong nakita nga kamo mga tawong walay alamag!

Busa, sa diha nga ilang nakita kini ingon sa usa ka panganod nga nagpakita sa kawanangan nga nagpadulong ngadto sa ilang mga walog, sila miingon: "Kini usa ka panganod nga magahatag kanato ug ulan." Dili, kini mao ang inyong gipangita nga mapadali - ang usa ka hampak sa hangin diin adunay sakit nga pagsakit,

Kini moguba sa tanang butang pinaagi sa Kamandoan sa (Allah) nga iyang Ginoo, busa sila nahimong ingon niana, nga walay bisan unsang makita gawas sa ilang mga puloy-anan. Ingon niini ang Among ganti kanila nga nagpadayon sa ilang pagpanglimod ug sa ilang pagkadili-masinugtanon.

Sa pagkatinuod Kami nagtukod kanila nga mga hinungdan sa abilidad nga Kami wala magtukod kanimo, ug Kami naghatag kanila ug pandungog ug panan-aw ug mga salabutan, apan bisan pa niana ang ilang pandungog, o ang ilang mga mata, o ang ilang mga salabutan, wala makabenepisyo kanila sa bisan unsa, tungod kay sila naglimod sa mga Timaan sa Allah, ug ang ilang gibiaybiayan gilibotan kanila sa hingpit.

Sa pagkatinuod Kami milaglag niadtong (makasasala) nga mga lungsod nga anaa sa inyong palibut, ug Kami nag-pakita sa mga Pasidaan ug mga Timaan diin among gilauman nga sila mamalik (gikan sa ilang pagdumili ug pagsalikway).

Ngano nga walay tabang nga miabot kanila, gikan niadtong ilang gipanag-simba nga gawas pa Allah aron sa pagpaduol (kanila) ngadto (Kaniya)? Apan sila nangawala kanila. Mao kana ang ilang mga bakak ug ang ilang mga tinumotumo[3]. ——— [3] Nga kini nga mga butang makaayo kanila ug magpangamuyo alang kanila sa atubangan ni Allāh.

(Hisguti, Oh Muhammad) sa dihang Kami nagpadala kanimo ug usa ka pundok sa mga jinn aron naminaw sa Qur’an; sa diha nga sila nakatambong niini, sila miingon: "Paghilum", unya sa diha nga kini nahuman, sila mibalik ngadto sa ilang mga katawhan nga nagpasidaan (kanila).

Sila miingon: "Oh among mga katawhan, kami naminaw sa usa ka Libro (Qur'an) nga gipadala pagkahuman ni Moises nga nagpamatuod sa nauna niini, nga naggiya sa Kamatuoran ug ngadto sa usa ka husto nga Dalan."

Oh among mga katawhan, tubaga ang Tigtawag sa Allah (ang Propeta Muhammad) ug tuohi siya, Siya (Allah) mopasaylo kaninyo sa inyong mga sala ug magluwas kaninyo gikan sa usa ka sakit nga pagsakit (silot).

Bisan kinsa nga dili motubag sa tigtawag ni Allah - Muhammad - siya dili makaikyas dinhi sa yuta ug walay mga tigpanalipod alang kaniya batok sa Allah (Dios). Sila anaa sa dayag nga kasaypanan.

Wala ba sila mamalandong nga si Allāh, kinsa naglalang sa manga langit ug sa yuta; ug wala gikapoy sa paglalang kanila, mao makahimo sa pagbanhaw sa mga patay alang sa pag-ihap ug pagpanimalos? Oo, Siya sa pagkatinuod makahimo sa tanang butang.

Ug sa Adlaw nga sila nga naglimod sa Allah ug sa Iyang mga mensahero pagadad-on atubangan sa Imperno (sila pangutan-on): "Dili ba kini mao ang Kamatuoran?" Sila moingon: "Oo, pinaagi sa (Allah) nga among Ginoo." Siya moingon: "Nan tilawi ang Silot, tungod sa inyong pagkawalay pagtuo sa Kamatuoran."

Busa pailob ug mag-padayon, ingon sa mga Mensahero[4] sa kusganong kabubut-on ug nga determinasyon nga nag-mapa-ilubon, ug ayaw pagtinguha sa pagdali alang kanila (sa ilang kalaglagan). Sa Adlaw nga ilang makita kung unsa ang gisaad kanila, kini mahimong ingon nga sila nagpabilin lamang ˹niini nga kalibutan˺ sulod sa usa ka oras sa usa ka adlaw. (Kini) igo na nga pahibalo. Unya aduna bay bisan kinsa nga pagalaglagon gawas niadtong masupilon nga masinupakon? ——— [4] Nga mao sila: Noe, Abraham, Moises, Hesus, ug Muhammad, ang kalinaw maanaa kanilang tanan.

Kadtong mga milimod (sa Kamatuoran sa Islam) ug nagpahisalaag sa mga tawo gikan sa Dalan sa Allāh 'Dios'. Siya mahimong kawang ang ilang mga buhat.

Apan kadtong mituo ug nagbuhat sa matarung nga mga buhat, ug mituo sa unsay gipadayag ngadto (sa Propeta) Muhammad, ug kini mao ang Kamatuoran gikan sa ilang Ginoo 'Allāh', Siya mopasaylo kanila sa ilang mga sala, ug maghimong maayo sa ilang kahimtang.

Kini tungod kay sila nga milimod (sa Allah ug sa Iyang mga Pinadayag) nagsunod sa kabakakan, samtang sila nga mituo nagsunod sa Kamatuoran gikan sa ilang Ginoo. Sa ingon niana ang Allah nagpakita ngadto sa katawhan sa ilang mga panag-ingnan.

Busa, sa diha nga ikaw makig-atubang diha sa natad sa panggubatan (batok) niadtong nagdumili sa Kamatuoran (ug nagsupak sa Islam) nan hapaka ang ilang mga liog hangtod nga inyo silang malupig; Dakpa ug gaposa sila, ug pagkahuman mahimo nga imo silang buhian ingon nga usa ka pabor o pasagdi sila nga molukat (sa ilang mga kaugalingon) hangtod nga matapos ang gubat (ug ang Kalinaw mopatigbabaw). Mao kana ang (Kamandoan sa Allah); ug kon ang Allah (Dios) mibuot pa, Siya sa Iyang kaugalingon misilot na kanila, apan (Siya nagmando ug armadong pakigbisog batok sa mga kaaway sa Kamatuoran, Hustisya, ug Kalinaw) aron sulayan ang pipila kaninyo pinaagi sa uban; ug (alang) niadtong namatay sa Dalan sa Allah (nga mao ang matarong nga Pamaagi ngadto sa Kalinaw), dili gayud Niya usikan ang ilang (maayong) mga buhat.

Siya mogiya kanila ug palambuon ang ilang kahimtang.

Ug maga-pasulod kanila sa Paraiso nga Iyang gipahibalo kanila.

Oh mga magtutuo, kon kamo motabang (sa Kawsa sa) Allah, Siya usab motabang kaninyo, ug mopalig-on sa inyong mga tiil (nga mahimong malig-on).

Apan (alang) kanila nga milimod (sa Among mga Pinadayag), alang kanila ang kalaglagan, ug Iyang himoon nga kawang (walay kapuslanan) ang ilang mga buhat.

Kini tungod kay ilang gikasilagan ang unsay gipakanaog sa Allāh (ang Qur’an), busa Iyang gihimo ang ilang maayong mga buhat nga kawang.

Wala ba sila nakapanaw pinaagi sa kayutaan ug nakakita kong unsa ang katapusan niadtong nauna kanila? Ang Allah nagpakanaug ug kalaglagan ngadto kanila (tungod sa ilang mga sala), ug ang mga manlilimod makabaton sa sama niini.

Kini tungod kay ang Allah mao ang Tigpanalipod (Magbalantay, Manluluwas) sa mga magtotoo, ug tungod kay ang mga manlilimod walay (tinuod) nga tigpanalipod 'o Manluluwas'.

Sa pagkatinuod, ang Allah magpasulod niadtong mituo ug nagbuhat ug matarong nga mga buhat, ngadto sa mga Tanaman nga diin ang mga suba nagdagayday sa ilalom niini; apan sila nga naglimod ug naglingaw sa ilang mga kaugalingon (sa yuta) ug nagkaon sama sa nagkaon nga mga mananap , ug ang Imperno mao ang ilang puloy-anan.

Ug pila ka mga lungsod ang Among gilaglag nga mas gamhanan pa kay sa inyong lungsod nga naghingilin kaninyo? Kami naglaglag kanila (tungod sa ilang mga sala), ug walay magtatabang alang kanila.

Siya ba nga adunay tin-aw nga Pamatuod gikan sa iyang Ginoo (Allah) sama kaniya, nga diin ang kadautan sa iyang buhat gihimo nga matahum sa iyang panglantaw, ug nagsunod sa ilang ubos nga mga tinguha.

Ang panag-ingnan sa Paraiso nga diin gisaad sa mga matarong: Anaa niini ang mga suba sa tubig nga dili mausab, mga suba sa gatas nga ang lami dili mausab, mga suba sa (putli) nga bino nga lamian alang niadtong muinom, ug mga suba sa lunsay nga dugos, ug alang kanila sa sulod niini ang tanan nga mga prutas ug Kapasayloan gikan sa ilang Ginoo (Allah). (Kini ba) sama kanila nga nagpabilin sa Imperno, nga muinom sa nagabukal nga tubig aron kini moputol-putol sa ilang mga tinai?

Adunay uban kanila nga (nagpakaaron-ingnon) nga naminaw kanimo, hangtud sa diha nga sila mopahawa na gikan kanimo, sila moingon kanila nga gihatagan sa kahibalo: "Unsa kadtong iyang gisulti karon lang?" Kini sila mao kadtong ang mga kasingkasing gibutanan sa Allâh ug silyo, ug sila lamang nagsunod sa ilang ubos nga mga tinguha.

Ingon (alang) kanila nga nagsunod sa husto nga Dalan, Siya nagdugang kanila sa Giya, ug naghatag kanila sa ilang pagkadiosnon.

Aduna ba silay gihulat gawas sa Takna (ang Adlaw sa Pagkabanhaw ug Paghukom) nga kini moabut kanila sa kalit? Ang mga Timaan niabot na, apan unsaon nila pagbaton sa ilang pahinumdom sa diha nga kini moabut kanila?

Busa hibaloi nga walay dios (nga takos simbahon) gawas sa Allah, ug pangayo ug kapasayloan sa imong sala, ug alang usab (sa mga sala sa) mga magtutuo nga mga lalaki ug nga mga babaye. Ang Allāh mao ang labing nasayod sa inyong pag-lihok-lihok ug sa inyong dapit nga kapahulayan. Walay natago gikan Kaniya gikan niana.

Kadtong kinsa mituo kang Allāh nag-ingon: "Nganong wala may usa ka Kapitulo (sa Qur’an) nga gipadala (ngari kanato uban sa Pagtugot sa pagpakig-away sa mga pwersa sa dautan)?" Apan sa diha nga ang usa ka mahukmanon nga Kapitulo (sa Qur'an) gipadala, ug ang pagpakig-away (batok sa mga pwersa sa kadautan) gihisgutan didto, imong makita niadtong ang mga kasingkasing adunay sakit (uban pagkasalingkapaw) motan-aw kanimo sama sa tinan-awan sa usa kakuyapon tungod sa kamatayon. Busa ala'ut sila.

Ang Pagtuman (sa Allah) ug ang maayong mga pulong (maoy labing maayo alang kanila). Ug sa diha nga ang butang (sa pagpakigbisog batok sa mga pwersa sa dautan) gika-takda, nan, kon sila nag-matinudanon (kang) Allāh, kini labaw nga ika-ayo alang kanila.

Nan Ikaw ba, kung hatagan ka ug awtoridad (gahum), maghimo ka ba ug kadautan sa yuta, ug moputol sa mga dugtong sa pagkaparyente?

Kini sila mao ang gitunglo sa Allah, busa Iyang gihimo sila nga bungol ug gibutaan ang ilang mga mata (sa Kamatuoran).

Dili ba sila unya mamalandong sa Qur'an? O aduna bay mga kandado sa ilang mga kasingkasing.

Sa pagkatinuod sila nga mitalikod (ingon nga mga manlilimod) human ang Giya nahimong dayag ngadto kanila, si Satanas nag-haylo kanila, ug mipuno kanila sa bakak nga mga paglaum.

Kini tungod kay sila nag-ingon ngadto kanila nga nasilag sa unsay (ang Qur'an) gipadayag sa Allah: "Kami mosunod kaninyo sa pipila ka mga butang"; ug ang Allah nahibalo sa ilang mga tinago.

Apan unsaon na man kini sa diha nga ang mga anghel maga-kuha na sa ilang mga kalag, nga nagahampak ang ilang mga nawong ug sa ilang mga buko-buko 'sa puthaw nga mga rehas'.

Kini sa hinungdan nga sila nagsunod sa unsay dili makapahimuot sa Allah ug gidumtan Iyang Kahimuot, busa Iyang gihimo nga walay pulos ang ilang (maayo) nga mga buhat.

O sila ba nga ang mga kasingkasing adunay sakit (nga pagkasalingkapaw) naghunahuna nga ang Allah dili magdala (sa kahayag) sa tanan nga ilang dautang gusto?

Kon Kami mibuot, Kami unta nagpakita kanila nganha kanimo, aron ikaw sa pagkatinuod makaila kanila pinaagi sa ilang mga marka ug sa pagkatinuod ikaw makaila kanila pinaagi sa tono sa (ilang) sinultihan; ug ang Allah nasayod sa tanan ninyong binuhatan.

Sa pagkatinuod, Kami mosulay kaninyo hangtud nga Among madayag kadtong anaa kaninyo nga naningkamot pag-ayo (sa Kawsa sa Allah), ug ang mga mapailubon, ug sulayi ang imong pagkamatinud-anon.

Sa pagkatinuod sila nga milimod (sa Kamatuoran) ug mipatalikod (sa katawhan) gikan sa Dalan sa Allah ug misupak sa Mensahero (Muhammad) human ang Giya nahimong tin-aw ngadto kanila, (sila) dili makadaut sa Allah sa bisan unsa nga paagi, ug Iyang himoon nga walay kapuslanan ang ilang (maayo) nga mga buhat.

Oh mga magtutuo, tumana ang Allah ug tumana ang Mensahero (Muhammad), ug ayaw himoa nga makawang ang inyong (maayo) nga mga buhat.

Sa pagkatinuod sila nga milimod (sa Kamatuoran) ug mitalikod gikan sa Dalan sa Allah, unya mamatay samtang sila mga manmilimod, ang Allah dili gayud mopasaylo kanila.

Busa ayaw kahuyang ug kasing-kasing ug ayaw hangyo alang sa 'dili makiangayon' nga kalinaw 'kauyonan' kay makabaton labaw nga kamot, ug ang Allah (Dios) anaa uban kaninyo, ug Siya dili gayud magkunhod sa ganti sa inyong maayong mga buhat.

Ang kinabuhi niining kalibutana mao lamang gawas sa panagdula lamang ug lumalabay nga kalipay, ug kon kamo motuo (sa Allah, sa Iyang kataposang Mensahero nga si Muhammad, ug sa Ulahing Adlaw) ug magbantay sa inyong kaugalingon batok sa daotan Siya mohatag kaninyo sa inyong mga ganti, ug dili mangayo sa tanan ninyong mga bahandi[1]. ——— [1] Nangayo lamang siya kanimo sa gitakdang obligado limos.

Kon Siya mangayo kanimo sa tanan nimong bahandi, ug miinsister niini, kamo maibugon nga nagpugong, ug Siya magabutyag sa tanan ninyo nga dautang gusto ug mga pag-bagulbol.

Ania kamo – kamo nga gitawag aron sa paggasto sa Dalan sa Allah, apan gikan kaninyo anaa kadtong mga kuripot, ug bisan kinsa nga kuripot, kuripot lamang batok sa iyang kaugalingon; ug ang Allah mao ang Igo sa Kaugalingon ug kamo nagkinahanglan (Kaniya). Ug kong kamo motalikod, siya magdala puli kaninyo ug laing katawhan, ug sila dili mahisama kaninyo.

Sa pagkatinuod Kami naghatag kanimo (Oh Muhammad) ug dayag nga kadaugan (nga mao ang Kasabutan sa Hudaybiyah);

Aron si Allah mopasaylo kaninyo sa inyong nangagi ug sa umaabot nga mga kasaypanan (kung naa man), ug makompleto niya ang Iyang grasya kanimo, ug magabantay kaninyo sa husto nga Dalan,

Ug nga ang Allah motabang kaninyo uban sa (Iyang) Gamhanan nga Tabang.

Siya mao ang nagpadala ug kalinaw ngadto sa mga kasingkasing sa mga magtutuo aron sila madugangan sa Pagtoo uban sa ilang (kasamtangan) nga Pagtuo, ug iya sa Allah ang mga kasundalohan sa mga langit ug sa yuta. Si Allah mao ang Labing Nakahibalo sa Tanan, ang Labing Maalamon;

Aron Siya maghimo sa mga magtutuo nga mga lalaki ug mga babaye nga makasulod sa mga Tanaman nga diin ang mga suba nagadagayday sa ilalom niini, aron sa pagpabilin sa sulod niini hangtod sa hangtod, ug sa pagpasaylo kanila sa ilang mga sala; ug kini, sa Panan-aw sa Allah, mao ang kinatas-ang kalamposan.

Ug musilot sa salingkapaw nga mga lalaki ug nga mga babaye, ug sa tigsimbag dios-dios nga mga lalaki ug nga mga babaye, nga mga nalingaw sa dautang mga hunahuna mahitungod sa Allah (Dios). Alang kanila ang makauulaw nga silot, ug ang Kasuko sa Allah maanaa kanila, ug Siya nagtunglo kanila, ug nag-andam ug Imperno alang kanila, unsa ka makalilisang nga kapadulngan.

Ug iya sa Allah ang mga kasundalohan sa mga langit ug sa yuta; ug ang Allah mao ang Hingpit Gamhanan, ang Hingpit Maalamon.

Sa pagkatinuod, Kami nagpadala kanimo (Oh Muhammad) ingon nga saksi ug ingon nga tigdala sa maayong balita (sa walay katapusan nga Kalipay) ug ingon nga tigpasidaan (sa Impiyerno),

Aron kamo makabaton ug Pagtuo sa Allah ug sa Iyang Mensahero (Muhammad), ug (aron kamo) motabang kaniya ug motahud kaniya; ug (aron) kamo makapahayag (sa) Himaya sa Allah, buntag ug gabii.

Sa pagkatinuod, Sila nga misaad pinaagi panumpa sa pagtuman kanimo (Oh Muhammad), sila sa pagkatinuod nagsaad ug pagtuman ngadto sa Allah. Ang kamot (ni) Allāh anaa sa ibabaw sa ilang manga kamot. Busa ang bisan kinsa nga maga-bali sa iyang panumpa, siya maga-sakit lamang sa iyang kaugalingong kalag, apan ang bi-san kinsa nga maga-tuman sa iyang pa-numpa (kang) Allāh, Siya maga-hatag kaniya sa ganti nga dili hitupngan.

Ang mga lumulupyo sa disyerto sa mga Arab nga nagpabilin sa luyo (gikan sa gubat) moingon kanimo: "Ang among bahandi ug ang among mga pamilya nagpapuliki kanamo, busa pangayo ug pasaylo alang kanamo." Ilang gisulti sa ilang mga dila kung unsay wala sa ilang mga kasingkasing. Isulti: "Nan kinsay makatabang sa bisan unsa nga alang kaninyo batok sa Allah (Dios). Kon Siya nagtinguha alang kaninyo ug kadaot o kon Siya nagtinguha alang kaninyo ug maayong butang; hinonoa, Ang Allah mao ang Labing Nakahibalo sa unsay inyong gibuhat.

Apan kamo naghunahuna nga ang Mensahero (Muhammad) ug ang mga magtutuo dili na makabalik ngadto sa ilang mga pamilya, ug kana nahimo nga maanindot sa inyong mga kasingkasing ug kamo naghunahuna ug dautan nga panghunahuna, ug kamo mga tawo nga gikatakdang nangalaglag.

Ug bisan kinsa nga wala nagtuo sa Allah ug sa Iyang Mensahero (Muhammad), nan sa pagkatinuod Kami nag-andam ug Imperno nga kalayo alang sa mga manlilimod 'sa Kamatuoran".

Iya sa Allah ang kamandoan sa mga langit ug sa yuta; Siya mopasaylo sa kinsay Iyang gusto, ug mosilot sa kinsay Iyang gusto. Ang Allah mao ang Hingpit Mapasayloon, ang Hingpit Maloloy-on.

Sila nga nagpabilin sa luyo (wala nag-apil sa gubat) moingon sa diha nga ikaw mobiya ngadto sa usa ka gubat nga nagsaad sa mga inilog (nga bahandi): "Tugoti tugoti kami sa pag-sunod kaninyo. Sila nagtinguha sa pag-usab sa mga Pulong sa Allah." Isulti: "Dili gayod kamo mosunod kanamo; mao kini ang gisulti sa Allah kaniadto." Unya sila moingon: "Hinunoa, kamo nasina kanamo." Apan (sa pagkatinuod) sila dili makasabut gawas sa diyutay (ingon nga ang ilang mga kasingkasing nahimong buta tungod sa ilang mga sala).

Isulti ngadto sa mga lumolupyo sa disyerto nga nagpabilin sa luyo (gikan sa gubat): "Kamo sa dili madugay dapiton (sa pagpakig-away) batok sa katawhan nga gihatagan sa dakung pakiggubat; kamo makig-away kanila o sila mosurrender; unya kon kamo mosunod, ang Allah mohatag kaninyo og maanindot nga ganti (sa Paraiso); apan kon kamo mutalikod sama sa inyong pagtalikod kaniadto, Siya musilot kaninyo sa sakit nga Silot.

Dili usa ka sala alang sa usa nga gihatagan og usa ka pasangil tungod sa pagkabuta o pagkapiang o masakiton 'ang dili pag-apil sa gubat.' Bisan kinsa nga motuman sa Allah ug sa Iyang Mensahero 'Muhammad', Siya magpasulod kaniya sa mga Tanaman diin ang mga suba nagadagayday sa ilalom niini, ug bisan kinsa nga motalikod, Siya musilot kaniya sa sakit nga Silot.

Sa pagkatinuod ang Allah nahimuot pag-ayo sa mga magtutuo sa diha nga sila nanumpa ug pagpakig-unong kanimo (Oh Muhammad) ilalom sa kahoy, ug Siya nahibalo kon unsa ang anaa sa ilang mga kasingkasing, busa Siya nagpadala ug kalinaw ngadto kanila, ug miganti kanila sa naga-kahi-duol nga kadaugan;

Ug daghan nga mga inilog sa gubat nga ilang maangkon; ug ang Allah mao ang Hingpit Gamhanan, ang Hingpit Maalamon.

Si Allah nagsaad kaninyo sa daghang mga inagaw nga diin inyong makab-ot pa, unya Siya nagdali niini alang kaninyo, ug nagpugong sa mga kamot sa mga tawo gikan kaninyo, ug aron nga kini mahimong Timaan alang sa mga magtotoo ug aron nga Siya Mugiya kaninyo ngadto sa tul-id nga dalan.

Ug (Siya nagsaad) sa lain pa nga (mga kadaugan) nga diin wala pa ninyo makab-ot, ang Allah sa pagkatinuod naglangkob kanila, ug ang Allah Kanunay nga Makahimo sa tanang butang.

Kon sila nga milimod (sa Pagtuo sa Islam) makig-away kanimo, sila magakalagiw, ug sila dili makakita ug bisan unsa nga tigpanalipod o tigtabang.

Ingon niana ang Pamaagi sa Allah niadtong milabay na kaniadto, ug dili ka makakitag bisan unsang kausaban sa Pamaagi sa Allah.

Siya mao ang nagpugong sa ilang mga kamot gikan kaninyo, ug sa inyong mga kamot gikan kanila didto sa walog sa (Hudaibiyah, duol sa) Makkah human nga Siya naghatag kaninyo ug kadaugan batok (niadtong misulong kaninyo sa inyong dalan paingon sa Makkah); ug ang Allah kanunay nga nakakita sa inyong gibuhat.

Sila mao sa usa naglimod 'sa Kamatuoran' ug nagpugong kanimo gikan sa Sagradong Mosque, nga nagpugong sa mga mananap nga gihalad sa pag-abot sa ilang destinasyon. ˹Among unta gitugotan ka namo sa pagmartsa latas sa Mecca,˺ kon walay mga lalaki ug babaye nga magtutuo, nga wala nimo mailhi. Mahimong gitumban nimo sila, nga nakonsensya tungod sa imong nabuhat kanila nga wala nahibal-an. Aron si Allah makahimo sa pagpasulod sa Iyang kaluoy bisan kinsa nga Iyang gusto. Kung ang mga wala mailhi nga mga magtutuo nagbulag, Kami sa pagkatinuod misilot niadtong mga milimod gikan kanila uban sa usa ka masakit nga silot.

Sa diha nga kadtong milimod (sa Kamatuoran) naghambin sa ilang mga kasingkasing (sa mga pagbati sa) pagpasigarbo ug pagpakamapahitas-on, - ang pagpasigarbo ug pagpakamapahitas-on sa panahon sa pagkawalay alamag-, unya ang Allah mipadala sa Iyang Kalinaw (ngadto) Iyang Mensahero (Muhammad) ug sa mga magtotoo, ug mihimo kanila sa pagtuman sa Pulong sa pagbantay batok sa dautan, kay sila labing takus niini nga [balaan nga gasa], ug takus niini pag-ayo[1]; ug ang Allah adunay hingpit nga Kahibalo sa tanang butang." ——— [1] Nga mao ang Pulong nga nag-ingon: "kamo dili magsimba sa bisan unsa gawas sa Allah.

Sa pagkatinuod, ang Allah magatuman sa panan-awon (damgo) nga Iyang gipakita ngadto sa Iyang Mensahero (Muhammad) sa kamatuoran: Kamo sa pagkatinuod makasulod sa sagradong mosque (sa Makkah), kon itugot sa Allah, samtang nga kamo luwas, (ang uban) gipakiskisan ang ilang mga ulo ug (ang uban) nakapaputol sa ilang buhok, walay kahadlok, tungod kay Siya nahibalo sa unsay wala ninyo mahibaloi, busa Siya nagdala ug duol nga kadaugan sa wala pa kana.

Siya mao ang nagpadala sa Iyang mensahero (Muhammad) uban sa Giya ug sa tinuod nga Relihiyon 'sa Islam" aron Siya maghimo niini nga mopatigbabaw sa matag (bakak o inusab) nga relihiyon. Ang Allah Igo na isip usa ka Saksi.

Si Muhammad mao ang Mensahero sa Allah, ug sila nga uban kaniya lig-on batok sa mga manlilimod (nga misupak sa Islam), apan maloloy-on sa usag-usa; makita nimo sila nga nagduko, naghapa sa ilang mga kaugalingon, nangita ug grasya gikan sa Allah (Dios) ug sa Iyang Maayong Kahimuot; ang ilang mga timaan anaa sa ilang mga nawong gikan sa agi sa paghapa; mao kana ang paghulagway kanila sa Torah[2]; ug ang paghulagway kanila diha sa Ebanghelyo[3]; sama sa usa ka (gipugas nga) liso nga mopagula sa iyang mga salingsing, unya naghimo niini nga lig-on, ug nahimong baga, ug kini nagbarog nga lig-on sa sanga niini, nga nakapalipay sa mga magpupugas, aron Siya makapasuko sa ang mga manlilimod pinaagi kanila. Ang Allah nagsaad niadtong uban kanila nga mituo (sa Kamatuoran) ug nagbuhat ug matarong nga mga buhat, sa Kapasayloan ug Dakong Ganti (Paraiso). ——— [2] Deuteronomio 33:13, Numeros 16:22. [3] Marcos 4:26,29 Mateo 13:39).

Oh mga magtutuo, ayaw ibutang (ang inyong mga kaugalingon) nga una sa Allah ug sa Iyang Mensahero, (apan paghulat sa unsay itudlo kaninyo) ug kahadloki ang Allah (pagmalig-on sa pagtuman sa Iyang mga Kasugoan); sa pagkatinuod ang Allah mao Ang Hingpit Nakadungog, Hingpit Nakahibalo.

Oh mga magtutuo, ayaw ipataas ang inyong mga tingog ibabaw sa tingog sa Propeta (Muhammad), ug ayaw pagsulti og makusog ngadto kaniya sama sa inyong pagpakigsulti sa usag-usa, kay basin unya ang inyong (maayo) nga mga buhat mahimong walay kapuslanan samtang kamo wala makabantay niini.

Sa pagkatinuod kadtong kinsa nagpaubos sa ilang mga tingog atubangan sa Mensahero sa Allah, sila mao kadtong ang (ilang) mga kasingkasing gisulayan sa Allāh alang sa pagka diosnon, sila makabaton Kapasayloan ug dako nga ganti (sa Paraiso).

(Mahitungod) niadtong nagtawag kanimo (Oh Muhammad) gikan sa likod sa pribadong mga lawak (puloy-anan), sa pagkatinuod kadaghanan kanila wala makasabut.

Kon sila maghulat nga mapailubon hangtud nga ikaw mogawas ngadto kanila, kini sa pagkatinuod labing maayo alang kanila, ug ang Allah mao ang Labing Mapasayloon, Labing Maluluy-on.

Oh mga magtutuo, kung ang usa ka tawo nga masupilon moabut kaninyo nga adunay dalang mga balita, tan-awa kini pag-ayo (tin-awa o klaroha), kay basin unya kamo makahatag ug kadaut (ngadto) sa (ubang) katawhan tungod sa pagka walay alamag, ug kamu unya magmahay tungod sa unsay inyong nabuhat.

Hibaloi, Oh mga magtutuo, nga nga diha kaninyo anaa ang Mensahero sa Allah (ang Propeta Muhammad); kon siya mosunod kaninyo sa daghan nga mga butang, kamo sa pagkatinuod mahulog ngadto sa kalisdanan, Apan si Allah gikan sa Iyang kaayo naghimo kaninyo nga nahigugma sa pagtuo, naghimo niini nga madanihon sa imong mga kasingkasing. Ug Siya naghimo nga inyong kasilagan ang pagkawalay pagtuo, pagkamasinupakon (sa Allah), ug ang paghimog sala. Kini sila ang mga hustong nagiyahan.

(Kini) Pabor nga gikan sa Allah ug (Iyang) Grasya. Ang Allah mao ang Labing Nahibalo sa tanan, ang Labing Maalamon.

Kon adunay duha ka pundok sa mga magtutuo nga nag-away, himoa ang pakigdait, tali sa duha. Apan kung ang usa sa duha nagdumili sa paghimo sa kalinaw ug paglapas, pakig-away sa malapason hangtod nga siya mobalik sa hukom ni Allah. Busa kon kini mobalik sa paghukom ni Allāh, himoa ang pakigdait taliwala kanila sumala sa hustisya ug pagkaparehas. Magmatarong sa imong paghukom tali sa duha. Si Allah nahigugma niadtong mga makiangayon ug makataronganon.

Ang mga magtutuo maoy tinuod nga managsoon, busa himoa ang kalinaw taliwala sa inyong mga igsoon, ug pagtuman sa mga Kasugoan sa Allāh, aron kamo mapanalanginan sa lyang Kaluoy.

Oh mga magtutuo, ayaw tugoti ang mga lalaki nga magbiaybiay sa ubang mga lalaki, kay (tingali) mahitabo nga sila (nga ilang gibugal-bugalan) mas maayo pa kay kanila, ug ayaw tugoti ang mga babaye (nga magbiaybiay sa ubang) mga babaye, kay tingali sila (nga ilang gibugal-bugalan) mas maayo pa kay kanila; ug dili usab kamo mangdaot sa dungog sa usag-usa, ni manginsulto sa usag-usa pinaagi sa (pagtawag) opensiba mga angga. Pagkadaotan nga tawgon nga tigbuhat ug daotan human makadawat sa pagtuo.Bisan kinsa nga dili maghinulsol, kini sila mao ang mga dili makiangayon.

Oh mga magtutuo, likayi ang daghang mga pagduda, kay sa pagkatinuod ang pipila sa mga pagduda mga kasal-anan, ug ayaw paniid sa usag-usa, ni tugoti nga ang uban kaninyo manglibak sa uban. Gusto ba sa usa kaninyo nga mokaon ug unod sa patayng lawas sa iyang igsoon? Kamo dili makagusto niana (busa ayaw kamo panglibak); ug tumana ang mga Kasugoan sa Allah, sa pagkatinuod ang Allah mao ang Tigdawat sa Paghinulsol, nga Labing Maluluy-on.

Oh katawhan, sa pagkatinuod Kami nagbuhat kaninyo gikan 'lamang' sa usa ka lalaki (Adan) ug usa ka babaye (Eba), ug naghimo kaninyo ngadto sa mga nasud ug mga tribo, aron kamo magkailhanay sa usag-usa (ug pagtinabangay kamo sa Pagkamatarung ug sa pagbantay batok sa dautan); sa pagkatinuod ang labing maayo kaninyo sa Panan-aw sa Allah mao kadtong labing Manggihadlokon (sa Dios gikan) kaninyo. Sa pagkatinuod ang Allah mao ang Labing Nahibalo, ang Labing Nasayud.

(Ang Pipila sa Arab) mga lumulupyo sa disyerto miingon: "Kami mituo." Isulti: "Kamo wala (pa) motoo, apan isulti (hinoon): Kami nagpasakop (sa Islam)"; kay ang Hugot nga Pagtuo wala pa mosulod sa inyong mga kasingkasing; ug kon kamo mosunod sa Allah ug sa Iyang Mensahero (Muhammad), Siya (Allah) dili magakunhod sa Ganti sa unsay inyong mga (maayong) nabuhat; sa pagkatinuod ang Allah mao ang Labing Mapasayloon, ang Labing Maluluy-on.

Ang mga magtutuo mao lamang kadtong mituo sa Allah ug sa Iyang Mensahero (Muhammad) ug wala nagmaduhaduhaon apan nanlimbasug pag-ayo uban sa ilang bahandi ug sa ilang mga kinabuhi diha sa Dalan sa Allah; kini sila mao ang mga matinud-anon.

Isulti: "Inyo bang gipahibalo ang Allah sa inyong relihiyon (sa inyong pagtuo ug mga buhat), samtang ang Allah nahibalo sa tanan nga anaa sa mga langit ug sa tanan nga anaa sa yuta; ug ang Allah mao ang Labing Nakahibalo sa tanan."

Sila nag-isip nga kini usa ka pabor nganha kanimo (oh Muhammad) nga sila midawat sa Islam. Isulti: "Ayaw isipa ang inyong pagsulod sa Islam nga usa ka pabor ngari kanako; hinoon, ang Allah (mao ang) naghatag ug Pabor nganha kaninyo pinaagi sa paggiya kaninyo ngadto sa Pagtoo, kon kamo sa tinuoray mga matinud-anon."

Sa pagkatinuod, ang Allah nahibalo sa dili makita nga mga butang sa mga langit ug sa yuta. Ang Allah kanunay nga Nakakita sa unsay inyong gibuhat (nga maayo o dautan).

Qaf[1]. Ako (Dios) nanumpa sa Mahimayaon nga Qur'an. ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Apan sila nahibulong nga adunay miabot kanila nga usa ka tigpasidaan ( Muhammad) gikan sa ilang mga kaugalingon, busa ang mga manlilimod miingon: "Kini usa ka katingad-an nga butang,

Unsa, sa diha nga kita nangamatay na ug nahimong abug, (kita ba mabanhaw)? Kana usa ka malayo nga pagbalik!

Kami nahibalo gayod kon unsa ang gikaon sa yuta (gikan) kanila (nga patayng lawas), ug nganhi Kanamo (Allah) anaa ang walay kapakyasan usa talaan.

Apan ilang naglimod ang Kamatuoran (ang Qur’an) sa diha nga kini miabut kanila, busa sila (karon) anaa sa kahimtang sa pagkalibog.

Wala ba sila makalantaw sa kala-ngitan ibabaw kanila, kun giunsa Namo sa pag-pahimutang ug gidayandayanan kini (sa mga bitoon), ug wala kiniy mga liki?

Ug ang yuta, Kami naghimo niini nga patag, ug nagbutang niini ug lig-on nga mga bukid, ug Kami nagpatubo niini sa tanang matang sa maanindot nga butang,

Ingon ka talan'awon ug usa ka pahinumdom sa tanang alagad (sa Allah) nga makanunayon nga nagabalik (ngadto Kaniya sa paghinulsol ug pagtuman).

Kami nagpakanaug gikan sa langit ug gipanalanginan nga tubig, ug Kami nagpatubo pinaagi niini ug mga tanaman ug mga lugas nga gina-ani,

Ug ang tag-as nga mga kahoyng palma uban sa mga bunga niini nga na-han'ay nga adunay mga pungpong nga nagtapot ibabaw sa usag-usa,

Ingong usa tagana alang sa ˹Akong˺ mga ulipon (sa katawhan ug jinn), ug Kami naghatag ug kinabuhi pinaagi niini ngadto sa patay nga yuta. Ingon niana mao (usab) ang Pagkabanhaw.

Sa ilang atubangan, ang mga tawo ni Noe naglimod 'sa Kamatuoran', ingon man ang mga pumoluyo sa Ar-Rass ug (ang tribo sa) Thamud,

Ug ang katawhan sa ‘Aad, ug ni Paraon, ug ang mga kaigsuonan ni Lut,

Ang mga nagpuyo sa kalasangan (sa Madian), ug ang katawhan sa Tubba (sa Yemen); ang tanan nanghimakak sa mga Mensahero (sa Allāh Dios), busa ang Akong Hulga ug Pagsakit natuman (ug sila nangalaglag).

Nan, Kami ba gikapoy sa unang paglalang? Hinonoa sila duhaduha pa mahitungod sa bag-ong paglalang (ang sunod nga kinabuhi).

Ug sa pagkatinuod, Kami nagbuhat sa tawo, ug Kami nahibalo kon unsa ang gisugyot sa iyang kalag ngadto kaniya, ug Kami[2] labing duol kaniya kay sa ugat sa liog. ——— [2] Allah pinaagi sa Iyang walay kinutuban nga Kahibalo ug Gahum, o sa Iyang mga anghel.

(Hinumdomi) ang duha ka tigdawat (tigtala nga mga anghel) nga mao ang makadawat (ug magtala sa mga pulong ug mga buhat sa tawo), ang usa naglingkod sa tuo ug ang usa anaa sa wala.

Siya (ang tawo) walay isulti nga (bisan) usa ka pulong gawas kon adunay usa ka tigpaniid (nga anghel) sa iyang kiliran nga gipahinungod (sa pagtala sa iyang sa mga pulong ug mga buhat).

Ang kasakit sa kamatayon magdala sa kamatuoran[3]; kana ang imong gipaningkamotan sa paglikay kaniadto. ——— [3] Ug sila makaamgo nga ang Pagkabanhaw, Paghukom, Paraiso ug Impiyerno, ang tanan tinuod.

Ang trompeta pagatayhupon. Kini mao ang Adlawng Gisaad.

Ang matag kalag moabut, uban sa (duha ka mga anghel), usa ka giya ug usa ka saksi (sa iyang mga pulong ug mga buhat).

(Ug kini igaingon]: Sa pagkatinuod ikaw wala magtagad niini; apan karon Among gikuha gikan kanimo ang imong tabon, busa ang imong panan-aw niining Adlawa mahait."

Ang iyang kauban (ang anghel) moingon: "Ania ang talaan (sa iyang mga buhat) nga andam na uban kanako."

(Ang Allah moingon ngadto sa duha ka mga anghel): "Itambog ngadto sa Imperno ang ang matag matig-a nga pagdumili.

Nga tigpugong sa maayo, malinapason, maduhaduhaon,

Nga nagbutang ug laing dios kauban sa Allāh, busa ihulog siya ngadto sa hilabihan (kasakit) nga Silot.

Ang iyang kauban (nga satanas) moingon mahitungod kaniya: "Among Ginoo, ako wala maghimo kaniya nga makalapas, apan siya kaniadto anaa sa halayo nga kasaypanan."

(Ang Allah) moingon: "Ayaw pakiglalis sa Akong Atubangan, kay Ako nang napadala kaninyo ang Pasidaan":

Ang Akong Pulong (Mando) dili mausab, ni Ako sa labing diyutay dili matarong sa (Akong) mga ulipon (sa katawhan ug jinn).

Sa Adlaw nga Kami (Allah) moingon ngadto sa Imperno: "Napuno na ba ka?" Ug kini muingon: "Aduna pa bay daghan (nga moabut)?"

Ug ang Paraiso pagadad-on duol ngadto sa mga matarong, nga dili halayo (kanila):

Kini mao ang gisaad kaninyo, (kini) alang sa tanan nga makanunayon nga nagabalik (ngadto sa Allah sa paghinulsol ug pagkamasinugtanon), ug nagtuman sa 'Iyang mga sugo' —

Nga nagbarug sa Kahadlok sa Labing Madagayaon (Allāh) sa tago, ug miabot uban ang kasingkasing nga nagabalik sa paghinulsol (ngadto Kaniya, nga gawasnon sa pagsimbag dios-dios ug pagkasalingkapaw):

Sumulod kamo (sa Paraiso) niini sa kalinaw, mao kana ang Adlaw sa Pagpamuyo (Pagpabilin sa kahangturan).

Anaa kanila didto (sa Paraiso) ang bisan unsa nga ilang gitinguha, ug uban Kanamo adunay daghan pa (kay niana).

Pila na ka (makasasala) nga kaliwatan ang Among gilaglag una kanila nga mas gamhanan sa gahum kay kanila, ug nakasuroy sa daghang mga yuta. Aduna bay dapit nga kaikyasan (alang kanila sa diha nga ang Paghukom muabut)?

Sa pagkatinuod niana adunay usa ka pahinumdom alang sa bisan kinsa nga adunay kasingkasing o naminaw samtang siya usa ka saksi.

Sa pagkatinuod, Kami nagbuhat sa mga langit ug sa yuta ug sa unsay anaa sa taliwala kanila sulod sa unom ka Adlaw, ug walay bisan unsa nga kaluyahon o kakapoy nga nakatandog Kanamo.

Busa pagpakamapailubon sa unsay ilang gisulti, ug himayaa ang imong Ginoo (Allāh) uban ang pagdalayeg sa dili pa ang pagsubang sa adlaw ug sa dili pa (ang) pagsalop niini.

Ug himayaa Kaniya sa (bahin sa) kagabion ug human sa paghapa (mga pag-ampo).

Paminaw sa Adlaw sa diha nga ang tigtawag (usa ka anghel) motawag (alang sa Pagkabanhaw) gikan sa duol nga dapit (pinaagi sa Mando sa Allah).

Ang Adlaw sa diha nga sila makadungog sa (kusog nga) Pagbuto uban kamatuoran; kana mao ang Adlaw sa Pagpanggawas (gikan sa mga lubnganan).

Sa pagkatinuod, Kami naghatag ug kinabuhi ug nagpahinabog kamatayon, ug nganhi Kanamo ang kataposang Pagbalik;

Sa Adlaw nga ang yuta mapikas alang kanila samtang sila midali sa paggula [gikan sa ilang mga lubnganan]; kana usa ka sayon ​​nga panagtigum alang Kanato.

Kami nakahibalo pag-ayo sa ilang gisulti (nga pagpanghimakak niini nga Mensahe), ug ikaw dili usa aron sa pagpamugos kanila (sa pagtuo o pagpasakop); apan pahinumdumi (siya) pinaagi sa Qur'an, siya nga nahadlok sa Akong pagpanghulga ug silot.

Ako (Dios) nanumpa pinaagi sa hangin nga gisabwag 'abug',

Ug ang mga panganod nga nanag-sapnay sa mabug' at nga mga lulan (sa tubig),

Ug pinaagi sa mga barko nga naglawig sa kadagatan sa kasayon,

Ug pinaagi sa mga anghel nga nagahatud (sa mga tagana ug panalangin) pinaagi sa Mando (sa Allah);

Ang unsay gisaad kaninyo (sa pagkabanhaw) tinuod gayod,

Ug sa pagkatinuod, ang Paghukom moabut gayud.

Ug pinaagi sa kalangitan sa ilang kahibulongang disenyo[1]! ——— [1] Mga orbito, mga agianan sa mga bitoon, ug uban pang langitnong mga butang.

Sa pagkatinuod, ang inyong gipa-mulong (mahitungod sa Qur'an) nagka-sumpaki,

Talikod gikan 'sa Qur'ān' ang bisan kinsa nga mitalikod niini.

Tinunglo ang mga bakakon nga nangagpas ug nanglibak[2], ——— [2] Laing kahulogan: Alaot kadtong kinsa mao naunlod sa pagkawalay pagtagad ug pagkalibog (mahitungod sa Kamatuoran) nga wala magtagad niini.

Kinsa naunlod sa pagkawalay pagtagad ug pagpasagad (mahitungod sa Pikas Kinabuhi);

Sila pangutana: "Kanus-a ang Adlaw sa 'Paghukom ug' Pagbalus?".

Ang adlaw sila pagsulay (pagasunogon) pinaagi sa kalayo.

(Kini igaingon kanila): "Tilawi ang imong pagsulay 'pagsakit'; mao kini ang imong gipangayo aron mapadali".

Sa pagkatinuod, ang mga matarong maanaa sa mga tanaman ug sa mga tuburan (sa Paraiso).

Nga nanagkalipay sa unsay gihatag sa ilang Ginoo (Allāh) kanila; sa pagkatinuod sila sa wala pa kini, mga mamumuhat ug maayo.

Dili sila matulog tibuok gabii (gawas nga sila makagahin ug pipila ka mga pag-ampo niini).

Ug sa mga takna sa dili pa ang kadlawon sila nangayo ug kapasayloan kang Allāh sa ilang mga sala.

Ug sa ilang bahandi adunay katungod alang sa nangayo (makalilimos), ug alang sa gihikawan (pobre nga wala mangayo).

Ug sa yuta adunay mga timaan alang kanila nga adunay hugot nga pagtuo ug kasiguroan.

(Adunay mga ebidensya sa Kamatuoran) sa inyong mga kaugalingon; dili ba unya ninyo makita?

Ug anaa sa langit ang inyong tagana ug unsay saad kaninyo.

Ug pinaagi Kaniya ang Ginoo 'Allāh' sa kala-ngitan ug yuta, mao kini ang tanan nga kamatooran; sama sa kamatooran nga inyong gipamulong karon.

Nasayod ba kamo sa sugilanon sa "mga pinasidung'gan nga mga miduaw kang Ibrahim (i.e., ang mga anghel)?

Sa diha nga sila (ang mga anghel) misulod sa ibabaw niya, sila miingon: ‘Kalinaw.’ Siya mitubag, ‘Kalinaw,’ ug miingon: ‘Kamo mao mga estranghero 'ngadto Kanamo'.’

Unya siya miadto sa iyang pamilya sa tago, ug nagdala ug usa ka tambok nga (sinugbang) nating baka,

Ug iyang gibutang duol kanila, ug miingon; " dili kamo mukaon?"

Siya nahadlok kanila, apan sila miingon; "Ayaw kahadlok." Ug sila (ang mga Anghel) mihatag kaniya sa maayong balita sa manganak usa ka batang lalaki nga adunay kahibalo (ang pagkatawo ni Isaak).

Unya ang iyang asawa misaka uban ang paghilak (sa kalipay), ug iyang gisagpa ang iyang nawong (sa pagkatingala) ug miingon: 'Ako usa ka tigulang nga apuling babaye!'

Sila miingon: "Mao kana ang giingon (sa Allah) nga imong Ginoo": Sa pagkatinuod Siya mao ang Labing Maalamon, ang Labing Nahibalo.

(Si Abraham) miingon: "Nan unsa man ang inyong misyon dinhi, Oh (anghelanon) nga mga Mensahero?"

Sila 'ang mga anghel' miingon: "Sa pagkatinuod kami gipadala ngadto sa usa ka daotang katawhan (ang katawhan ni Lut)",

Aron ipakanaog kanila ang mga bato nga hinimo sa gahi nga yutang kolonon.

Nga gimarkahan sa imong Ginoo 'Allāh' alang sa ang mga malinapason.

Unya ˹sa wala pa ang pagsakit˺ Gipabakwit namo ang mga magtutuo gikan sa siyudad.

Apan usa ra ang among nakit-an nga pamilya nga nagpasakop sa 'kay Allah' [3]. ——— [3] Ang Propeta Lut ug ang iyang duha ka anak nga babaye.

Ug didto[4] Kami nagbilin og usa ka Timaan alang kadtong kinsa adunay kahadlok sa sakit nga pagsakit. ——— [4] Sa Lugar sa Patayng Dagat sa Palestina.

Ug sa (sugilanon ni) Moises (adunay Timaan): Sa dihang Kami nagpadala kaniya ngadto kang Paraon uban sa tin-aw nga katungod (gahum).

Apan siya (Paraon) mitalikod uban sa iyang kasundalohan ug miingon (mahitungod kang Moises): "Usa ka salamangkero o usa ka buang nga tawo."

Busa Among gisakmit siya (Paraon) ug ang iyang mga sundalo, ug gisalibay silang tanan ngadto sa dagat, samtang siya mao ang angay nga pagabasulon.

Aduna usab ebidensya sa Kamatuoran) sa (sugilanon sa) Aad Sa dihang Kami nagpadala batok kanila ug malaglagon nga hangin.

Wala kini magbilin ug bisan unsang gihuyop niini kondili gihimo kini nga naguba ug nadugmok.

Ug sa (tribo sa) Thamud: (adunay timaan) sa diha nga gikaingon ngadto kanila: "Paglingaw sa inyong mga kaugalingon sa makadiyot."

Apan sila misukol batok sa Kasugoan sa ilang Ginoo (Allāh), busa ang dalugdog misakmit kanila samtang sila nagtan-aw.

Busa sila wala maka-tindog, ni sila makapanalipod sa ilang mga kaugalingon.

Ug (Among gilaglag) ang mga katawhan ni Noe kaniadto, sa pagkatinuod sila usa ka katawhan nga masupilon.

Ang langit Among nagtukod kini uban sa gahum, ug sa pagkatinuod Kami mao gayud ang magpalapad niini.

Ug ang yuta, Kami gibuklad (niini); ug (Kami) ka Maayo nga Tigbuklad.

Ug ang tanang butang Among gibuhat nga managpares, aron kamo mahinumdom (sa mga Gasa sa Allah)[5]. ——— [5] Gikan sa matag butang gibuhat namo ang usa ka parisan sama sa lalaki ug babaye, ang langit ug ang yuta, aron inyong mahinumdoman ang pagkausa ni Allāh nga naglalang gikan sa matag butang usa ka paris ug kamo mahinumdom sa Iyang abilidad.

Busa kalagiw kamo (kang) Allāh, sa pagkatinuod ako usa ka tin-aw nga tigpasidaan nganha kaninyo gikan Kaniya.

Ayaw gayod kamo pagsimba ug laing diyos gawas (kang) Allāh: Sa pagkatinuod ako usa ka tin-aw nga tigpasidaan kaninyo gikan Kaniya.

Sa samang paagi walay miabot niadtong nauna kanila, nga Mensahero (gikan sa Allah) gawas nga sila miingon 'mahitungod kaniya': "Siya usa ka salamangkero o usa ka buang nga tawo."

Napasa ba nila kini ingon nga kabilin sa usag-usa? Hinunoa, sila sa ilang kaugalingon malinapason nga katawhan.

Busa ˹karon˺ talikod gikan kanila ˹O Propeta˺, kay dili ka mabasol.

Apan pahinumdumi (sila), kay sa pagkatinuod ang pahinumdom makaayo sa mga magtotoo.

Ako (Allah) wala naglalang sa jinn ug sa mga tawo gawas nga aron sila mosimba Kanako lamang.

Wala ako nagtinguha ug tagana gikan kanila, ni hangyuon sila sa pakan-or Ako (nga mao, pagpakaon ilang kaugalingon o ang Akong mga linalang).

Sa pagkatinuod ang Allah mao ang Dakong Maghahatag sa tanang kalan-on (sustento), Tag-iya sa Dakong Kusog, ang Labing Malig'on.

Busa sa pagkatinuod sila nga nagbuhat ug kadautan, makabaton sa usa ka bahin sa Silot, sama sa dautan nga bahin sa Silot (nga miabut ngadto sa) ilang mga nag-una, busa ayaw pasagdi sila nga mangutana Kanako sa pagpadali niini.

Busa, alaut sila nga naglimod sa kamatuoran, sa ilang Adlaw diin sila nga gihulga.

(Gipanumpa Ako) pinaagi sa bukid 'Sinai'[1], ——— [1] Sa bukid Sinai, diin si Moises gihatagan sa Torah.

ug pinaagi sa usa ka Libro nga gisulat (ang Qur'an).

Sa usa ka lapad nga bukas basahon nga linukot,

Ug pinaagi sa Balay (sa pagsimba) nga ginaduaw kanunay[2], ——— [2] Si Allāh nanumpa pinaagi sa Balay nga ang mga anghel sa langit mibisita kasagaran tungod sa Iyang pagsimba o ang Ka'bah.

Ug [pinaagi sa] ang atop nga gipataas sa taas (ang kalangitan),

Pinaagi sa dagat nga magbukal ug napuno sa tubig[3]. ——— [3] O pinaagi sa dagat nga nagdilaab.

Sa pagkatinuod ang pagsakit sa (Allah) nga imong Ginoo mahitabo[4]; ——— [4] Niadtong dili motuo.

Walay bisan kinsa nga makapugong niini;

Sa Adlaw nga ang langit mauyog sa makalilisang nga pag-uyog.

Ug ang kabukiran mabalhin gikan sa ilang mga dapit (sama sa usa ka panganod o nagkatag nga abog).

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Nga anaa sa (kawang) nga mga pagkigpulong nga naglingaw sa ilang mga kaugalingon (pinaagi sa pagsunod sa ilang ubos nga mga tinguha).

Ang Adlaw nga diin sila itambog ngadto sa Kalayo sa Imperno uban (sa dili mapugngan) nga pagduso, (ug pagasultian):

"Kini mao ang Kalayo sa Imperno nga inyong gilimod kaniadto."

Kini ba (nga Silot) salamangka o dili nimo kini makita?

Sumulod kamo (aron) mangasunog sa sulod niini, ug antosa (kini) nga mapailubon, o dili mapailubon, kini managsama lamang kaninyo; kamo gibaslan lamang (sa) sa tanan ninyong mga dautan nga binuhatan.

Sa pagkatinuod, ang mga matarong maanaa sa mga tanaman ug mga kahupayan nga dili maputol (Paraiso),

Nga nag-maya sa kadagaya nga gihatag kanila sa ilang Ginoo (Allāh), ug (tungod kay ang Allāh) ang ilang Ginoo miluwas kanila gikan sa Silot sa Imperno.

(Sila pagasultihan): "Kumaon ug uminom kamo nga malipayon, tungod sa unsay inyong gibuhat kaniadto (nga pagkamatarung)."

Nga Nagsandig sa mga trono nga gibutang nga hinan'ay, ug Kami magpaminyo (magpapangasawa) kanila sa mga maanyag nga (mga babaye nga) adunay maanyag nga mga mata.

Ingon (alang) kanila nga mituo, ug sa ilang mga anak nga nagsunod kanila sa Pagtuo, Kami maghiusa kanila uban sa ilang mga anak, ug Kami dili maghikaw kanila sa bisan unsa (nga ganti) sa ilang (maayo) nga mga buhat; ang matag tawo adunay tulubagon nianang unsay iyang kinitaan 'sa maayo o daotan.

Ug Kami magahatag kanila ug prutas ug karne nga maoy ilang gitinguha.

Didto, Sila magpasapasa ngadto sa usag-usa ka kopa (sa lunsay nga bino) nga walay pulong nga kakawangan, ni pag-pakasala.

Adunay molibot kanila nga batan-ong mga lalaki (nga nag-alagad kanila) ingon nga kon sila tinago nga mga perlas nga gitipigan sa ilang mga kabhang.

Ug ang uban kanila moduol sa uban nga magpinangutan-anay sa usag-usa.

Sila moingon, “Sa wala pa kini nga ganti˺ kita kaniadto ahadlok sa Allah samtang kami taliwala sa atong katawhan.

Apan ang Allah nagmaloloy-on kanamo, ug Siya miluwas kanamo gikan sa Silot sa Kalayo.

Sa pagkatinuod kami kaniadto misangpit Kaniya (Allah lamang ug wala nay lain) kaniadto, sa pagkatinuod Siya mao ang Labing Maliputon, ang Labing Maluluy-on.

Busa (padayon sa) pagpahinumdom (kanila), kay ikaw dili, pinaagi sa grasya sa (Allah) nga imong Ginoo, usa ka mananagna o usa ka buang nga tawo.

O sila nag-ingon: "(Siya) usa ka magbabalak, kita maghulat alang kaniya nga dautan nga mga katalagman sa kapanahonan."

Isulti: "Paghulat (kamo), kay sa pagkatinuod ako usab uban kaninyo nga naghulat."

O ang ilang mga salabutan nagsugo ba kanila sa pagsulti niini? O sila malinapason nga katawhan (nga nagsupak sa Kamatuoran ug sa Kalinaw)?

O sila ba nag-ingon: "Siya (Muhammad) nagtumotumo niini (ang Qur’an). Dili, sila wala motuo."

unya pasagdi sila nga makapatungha ug usa ka nga pamahayag nga sama niini (ang Qur’an) kon sila matinud-anon.

O sila ba gibuhat gikan sa wala bisan unsa? O sila ba ang mga manlalalang (sa ilang kaugalingon)?

Sila ba maoy naglalang sa mga kalangitan ug yuta? Dili! Hinoon, sila walay kasigurohan.

O sila ba maoy tag'iya sa mga tipiganan nga bahandi nga anaa sa imong Ginoo (Allah)? O sila maoy nag-dumala nini?

O sila ba adunay mga pamaagi 'ngadto sa mga langit) nga diin sila naminaw? Nan, siya nga naminaw, ipagula siya sa Kamatuoran ug tin-aw awtoridad.

O Siya ba adunay mga anak nga babaye (ingon sa inyong pag-angkon), samtang kamo adunay mga anak nga lalaki?

O nangayo ka ba kanila (Muhammad) alang sa usa ka ganti (alang sa Mensahe) aron sila mabug-atan sa utang?

O nanag-iya ba sila sa [kahibalo sa] Dili Makita aron ilang masulat kini?

O sila ba nagplano ug usa ka laraw (batok kanimo Oh Muhammad)? Apan sila nga (nagpadayon sa) paglimod mao ang anaa sa laraw ug daan nanag gi-timan'an.

O aduna ba silay dios gawas sa Allah? Himayaon ang Allah gikan sa tanan nga ilang gipaangkon (Kaniya) nga mga kauban 'sa pagsimba'.

Kon sila maka-kita sa tipak sa langit nga mahulog, sila maga-ingon pa, kini mao mga panganod lamang nga tinapok.

Busa biyai sila hangtod nga ilang maatubang ang Adlaw diin sila pagahampakon (sa kahadlok ug kalisang, ang Adlaw sa Pagkabanhaw):

Ang adlaw diin ang ilang manga laraw dili maga-pulos, ni usab sila tabangan.

Ug sa pagkatinuod sila nga nagbuhat sa kadautan (pinaagi sa pagbutang ug kauban sa Allah or pagbuhat lian ug makamatay nga mga sala) makabaton ug usa ka silot gawas pa niana (sa kalibutan), apan kadaghanan kanila wala mahibalo[5]. ——— [5] Sa Kalibutan kini pinaagi sa kamatayon ug pagkabihag ug sa Barzakh kini pinaagi sa pag-antus sa lubnganan, apan kadaghanan kanila wala mahibalo niana ug mao nga sila nagpabilin sa ilang pagkadili-matinuohon.

Busa humulat ka nga mapa-ilubon 'O Muhammad' sa Kamandoan sa (Allah) nga imong Ginoo, kay sa pagkatinuod ikaw anaa ilalum sa Among mga Mata (Panan-aw, ug Panalipod), ug himayaa ang imong Ginoo (Allah) uban ang pagdayeg sa diha nga ikaw mahigmata.

Sa panahon sa kagabhion, himayaa ug dayega usab Siya, ug human sa pagsalop sa mga bitoon (sa kadlawon).

Ako (Dios) nanumpa pinaagi sa bitoon[1] sa diha nga kini magasalop. ——— [1] Ang konstelasyon sa Pleiades.

Ang inyong kauban 'Si Muḥammad, ang Mensahero ni Allāh' wala mahisalaag sa dalan sa giya ni siya mitipas;

Ni siya 'Propeta Muhammad' mosulti gikan sa (iyang kau-galingong) pulong ug tinguha.

Kini usa lamang ka Pinadayag nga gipadayag (kaniya, pinaagi sa Anghel Gabriel),

Siya gitudloan pinaagi sa usa (Gabriel) ka dakong kusog.

(Nga usa ka anghel) matahum sa panan-awon, sa salabutan, ug siya nagpakita (ngadto sa Propeta Muhammad) 'sa iyang tinuod nga hulagway',

Samtang siya 'Anghel Gabriel' anaa sa kinatas-ang bahin sa kapunawpunawan.

Unya siya (si Gabriel) mikanaug ug miduol;

Sa gilay'on nga duha ka pana o labing duol kay niini;

Ug Siya (Allah) mipadayag ngadto sa Iyang alagad (ang Propeta Muhammad pinaagi kang Gabriel) sa unsay buot Niyang ipadayag.

Ang kasingkasing 'sa Muhammad' wala ma-makak bahin sa unsay nakita niini 'atol sa Pagsaka ngadto mga langit'.

Nan, makiglalis ba kamo kaniya mahitungod sa unsay iyang nakita sa gabii sa iyang panaw ug Pagsaka sa mga langit?

Ug sa pagkatinuod si Muhammad nakakita kaniya (Gabriel) sa laing pagkanaug 'sa gabii sa iyang panaw ug Pagsaka sa mga langit',

Sa kinalay-ang kahoy sa Sidr[2] ; ——— [2] Nga anaa sa kinalay-ang utlanan sa Ikapitong langit diin human niini wala gayoy maka-agi.;

Nga duol niini walay katapusan ang Tanaman sa Puy-anan (Paraiso).

Sa diha nga gitabunan sa sidr nga unsay tinabunan (ang mga kahibulungan ug gwapa matang sa mga kolor);

Ang panan-aw (sa Propeta Muhammad) wala magduhaduha, ni kini makalapas sa utlanan.

Sa pagkatinuod siya nakakita sa mga kahibulongan nga mga Timaan sa iyang Ginoo (Allāh)[3]. ——— [3] Nakita gayud ni Muḥammad - hinaut nga panalanginan siya ni Allah ug hatagan siya og kalinaw - sa gabii sa iyang pagkayab gikan sa labing dako nga mga timailhan sa Iyang Ginoo, nga nagpamatuod sa abilidad sa Ginoo, tungod kay nakita niya ang Paraiso ug nakita niya ang Impiyerno ug ang uban pa niini.

Nakahunahuna na ba kamo (O mga tigsimbag diosdios) sa (babaye nga mga dios-dios) kang Lat ug Uzza (ug uban pa, nga inyong gisimba gawas ni Allāh),

Ug si Manat, ang laing ika-tulo nga diyos-diyos.

Unsa! Alang ba kaninyo ang anak nga lalaki ug alang Kaniya ang (anak nga babaye, ingon sa imong pag-angkon).

Kini sa pagkatinuod usa ka dili makiangayon nga pagkabahin!

Sila (mga dios-dios nga inyong gisimba) walay lain kondili mga ngalan nga inyong gihingalan, kamo ug ang inyong mga amahan; Ang Allah wala nagpakanaug alang kanila ug bisan unsang katungod (awtoridad). Sila (nga nagsimba kanila) walay gisunod gawas sa pangagpas, ug sa ubos nga mga tinguha nga sa (ilang) kaugalingong gikahiligan; ug sa pagkatinuod ang (husto) nga Giya miabut kanila gikan sa ilang Ginoo (Allah).

O kinahanglan ba nga (ang matag) tawo makabaton ug bisan unsa nga (mga tigpataliwala) iyang gusto 'ug ang tanang iyang mga tinguha'?

Hinunoa, Iya sa Allah (lamang) ang Kataposan ug ang unang kinabuhi[4]. ——— [4] Busa wala na magkinahanglan ug bisan unsa nga tigpataliwala o tigpangaliya tali sa Dios ug sa Iyang mga binuhat, kamo kinahanglan nga mag-ampo sa direkta ngadto Kaniya ug pangayoa ngadto lamang Kaniya ang unsay inyong mga panginahanglanon).

Ug pila na ka anghel nga anaa sa mga langit nga ang ilang pagpataliwala wala gayuy kapuslanan gawas kon ang Allah maghatag ug Pagtugot ngadto sa kinsay Iyang gusto ug gikahimut-an[5]. ——— [5] Si Allāh dili motugot ni bisan kinsa nga nagbutang ug kauban [kauban Niya] sa pagpataliwala ug si Allāh dili mahimuot sa tigpataliwala nga nagsimba gawas ni Allāh.

Sa pagkatinuod, kadtong dili motuo sa Pikas Kinabuhi naghingalan sa mga anghel ug pangbabaye nga mga pangalan (naghunahuna kanila nga sila mga babaye nga mga diyosa).

Apan sila walay (Balaanon) nga kahibalo niini; wala silay bisan unsa nga gisunod gawas sa pangagpas, ug sa pagkatinuod ang pangagpas walay bisan unsa nga kapuslanan batok sa Kamatuoran.

Busa talikdi ang bisan kinsa nga mitalikod sa Among Pahinumdom (Qur’an), ug wala magtinguha sa bisan unsa gawas sa kinabuhi niining kalibotana.

Kana mao ang ilang limitadong naabot sa kahibalo; sa pagkatinuod ang imong Ginoo (Allāh) labing nakaila kaniya nga nahisalaag gikan sa Iyang Dalan, ug Siya labing nahibalo kon kinsa ang maong giniyahan.

Iya sa Allah ang bisan unsa nga anaa sa mga langit, ug ang bisan unsa nga anaa sa yuta aron Siya magabalos kanila nga nagbuhat ug daotan sumala sa unsay ilang gibuhat, ug muganti niadtong nagbuhat ug maayo uban sa kaayohan.

Kadtong nagpalayo sa dagkong mga sala ug ngil-ad nga mga kalaw-ayan gawas sa ginagmay nga mga sala - sa pagkatinuod ang inyong Ginoo (Allah) lapad sa Kapasayloan (alang kanila). Siya ang labing nakaila kaninyo sa diha nga Siya nagpagawas kaninyo gikan sa abog sa yuta, ug sa diha nga kamo mga puya pa nga anaa sa sabakan sa inyong mga inahan; tungod niana ayaw paka-matarunga ang inyong mga kaugalingon ug ayaw pag-angkon ug kaputli. Siya (Allah) labing nakaila kaniya nga nanag-likay sa pag-pakasala.

Nakita ba ninyo siya kinsa nga mitalikod (sa Islam)?

Nga naghatag ug diyutay ug dayon nagpugong?

Anaa ba kaniya ang kahibalo sa dili makita aron siya makakita?

O, wala ba siya mapahibalo kon unsa ang anaa sa Kasulatan ni Moises?

Ug (kang) Abraham nga mituman (sa mga Kasugoan sa iyang Ginoo - Allāh):

Nga ang usa ka tawo dili magapas-an sa sala sa lain diha sa iyang kaugalingon[6], ——— [6] Gawas lamang kon iyang midasig o mitabang sa uban (ngadto) sa pagpakasala - ang hingpit nga Hustisya gikan sa Allah.

Ang tawo walay bisan unsa gawas sa unsay iyang gipaningkamotan,

Ug ang iyang buhat sa dili madugay makita.

Unya siya pagagantihan alang sa iyang buhat sa hingpit sa ganti.

Ug ngadto sa imong Ginoo (Allāh) mao ang pagbalik ug katapusan sa tanang butang 'ug ang ilang pagbalik human sa ilang kamatayon".

Siya (Allah) mao ang Nagpahinabo kaninyo sa pagkatawa ug paghilak.

Siya (Allah) mao ang naghimo sa kamatayon ug naghatag ug kinabuhi.

Siya (Allah) nagbuhat sa paresan, ang lalaki ug ang babaye,

​​Gikan sa semilya sa diha nga kini gipagawas 'ug gibutang sa sabakan'.

Ug diha Kaniya nag-agad ang Kinabuhi human ang kamatayon (Pagbanhaw sa mga patay).

Siya 'Allāh' mao nga nagpadato ug makatagbaw.

Ug Siya (Allah) mao ang Ginoo sa Sirius[7]; ——— [7] Ang bitoon nga gisimba sa ang mga pagano.

Ug Siya (Allah) mao ang naglaglag sa ‘Aad (katawhan) sa karaang panahon[8]. ——— [8] Sila mao ang mga igsoon ni Hūd sa diha nga sila nagpadayon sa ilang kawalay pagtuo.

Iyang gilaglag ang [tribu] ni Thamūd[9], busa wala Siya magbilin bisan usa kanila. ——— [9] Ang mga banay ni Ṣāliḥ.

Maingon man sa katawhan ni Noe kaniadto 'Iyang gilaglag'; sa pagkatinuod sila labaw nga dili makiangayon ug labaw pa nga malupigon[10]. ——— [10] Sa pagkatinuod ang mga tawo ni Noe mas grabe pa sa paglapas sa hustisya ug mas bug-at pa kay sa [tribu ni] `Ad ug [tribo ni] Thamūd tungod kay si Noe mipuyo uban kanila usa ka libo ka tuig gawas sa kalim-an ka tuig, samtang nagdapit kanila sa pagtuo. sa pagkausa ni Allāh, apan wala sila motubag.

Ug Siya ang naglaglag sa mga syudad (sa Sodoma ug Gomorra) nga Iyang gigun-ob[11]. ——— [11] Ang mga katilingban sa mga katagilungsod ni Lot iyang gibayaw ngadto sa pataas. Unya gisalibay niya sila sa yuta.

Ug mitabon kanila ang unsay nakatabon (sa pagsakit).

Hain sa mga Pabor sa (Allah) nga inyong Ginoo ang inyong giduhaduhaan (o pakiglalis)?

(Si Muhammad) mao usa Tigpa-sidaan sama sa kanhing Tig-pasidaan (gikan sa Dios).

Ang Gitakda nga takna (Adlaw sa Paghukom) naga-kahiduol.

Walay usa nga makapadayag niini o makatangtang sa kalisod niini gawas kang Allāh.

Ikaw ba unya nahibulong niining (Balaanon) pahayag?

Ug kamo maga-katawa niini ug wala mohilak?

Samtang kamo nag-usik sa inyong panahon diha sa mga walay kapuslanan[12]. ——— [12] Kakawangan, ug nagpatuyang sa kalingawan, walay pulos nga panagdula, panag-awit, nga anaa sa pagkawalay pagtagad.

Busa (pagtugyan ug) paghapa kamo ngadto Kang Allāh ug pag-alagad Kaniya nga matinud-anon (uban sa tibook nga kasing-kasing ug kalag).