Cebuano (Bisaya) Meal — Rowad Tercüme Merkezi — Beled 90:1 – Nas 114:6

Ako (Dios) nanumpa pinaagi sa lungsod (sa Makkah).

ug ikaw ˹O Propeta˺ gawasnon sa ˹pagpugong˺ sa niini nga siyudad ˹sa Makkah˺

Ug Ako nanumpa pinaagi sa usa ka amahan (Abraham) ug sa iyang anak nga lalaki (Ismael: ang mga magtutukod sa Ka’bah sa Makkah).

Sa pagkatinuod, Among gilalang ang katawhan sa ˹kanunayon˺ nga pakigbisog.

Naghunahuna ba siya nga walay usa nga adunay gahum ibabaw kaniya?

Siya nag-ingon (nga mapasigarbuhon): "Ako migasto sa bahandi nga abunda."

Naghunahuna ba siya nga walay naka-kita kaniya?

Wala ba Kami nagbuhat alang kaniya ug duha ka mata?

Ug usa ka dila ug duha ka ngabil?

Ug nagpakita kaniya sa duha ka mga dalan (sa maayo o sa dautan)?

Apan siya wala nagsulod ug nag agi ngadto sa pig-ot nga dalan?

Ug unsa ang makapahibalo kanimo kung unsa ang Hikpit nga Dalan?

(pinaagi ba sa) paghatag ug kagawasan sa usa ka ulipon (o usa ka binihag),

O ang pagpakaon sa adlaw sa kagutom,

sa usa ka ilo nga paryente,

O sa usa ka kabus (nga mitapot sa abog tungod sa kalisdanan).

Unya siya mao usa kadtong kinsa mituo, ug nagtambag sa usag-usa sa pagbaton og pailub (pagkamakanunayon, ug pagpugong sa kaugalingon) ug nagtambag sa usag-usa sa pagpakita (gugma ug) kalooy.

Kini sila mao ang mga katawhan sa toong kamot.

Apan ingon (alang) niadtong naglimod sa among mga Bersikulo (niining Qur’an), sila mao ang mga tawo sa wala nga kamot (Imperno).

Sa Kalayo nga nagsira sa ibabaw kanila (gikan sa tanan nga dapit).

Ako (Dios) nanumpa pinaagi sa adlaw ug ang kahayag niini una udto.

Maingon man sa bulan nga naga-sunod sa adlaw (nagpabanaag sa kahayag sa adlaw).

Pinaagi sa adlaw, sa diha nga kini nagapahayag sa iyang kahayag,

Ug ( pinaagi sa) kagabion, sa diha nga kini mitabon niini (sa adlaw),

Ug (pinaagi sa) langit ug Kaniya nga Maoy nagbuhat niini,

Ug (pinaagi sa) yuta ug Kaniya nga nagbuklad niini,

Ug (pinaagi sa) kalag, ug Kaniya nga naghingpit kaniya sa hulagway,

Ug Siya nagdasig niini aron masabtan kon unsa ang husto ug sayop alang kaniya,

Siya sa pagkatinuod magmalampuson, siya nga nagaputli sa iyang kaugalingon (gikan sa kadautan),

Apan siya nga nagdaut niini kasigurohan nga pagahikawan 'sa maayong'.

(Ang tribo ni) Thamud nagsalikway (sa Kamatuoran) pinaagi sa ilang paglapas,

Sa diha nga ang labing dautan kanila gipadala ˹aron sa pagpatay sa baye nga kamelyo˺.

Busa ang Mensahero sa Allāh (Salih) miingon kanila: "Kini usa ka baye nga kamelyo nga gilalang sa Allāh, busa pasagdi siya (sa) pag-inom (ug ayaw siya pasakiti)".

Apan sila misalikway kaniya, ug mipiang (ug dayon mipatay) kaniya (kamelyo), busa ang ilang Ginoo (Allah) midugmok kanila tungod sa ilang mga sala, ug kini (ang silot) mipatag kanila (ngadto sa yuta o naghimo niini nga tupong ngadto kanilang tanan).

Ug Siya (Dios) wala mahadlok sa mga sangpotanan niini[1]. ——— [1] Pamatikdi: [Ang pagpanumpa Allah pinaagi sa Iyang mga binuhat, mao laktud nga pagpanumpa gamit ang Iyang Balaan nga Kaugalingon, tungod kay Siya ang Ginoo sa Kahingpitan ug sa tanan nga anaa. Busa, sa diha nga ang Allah manumpa sa pipila sa mga binuhat nga mga butang, Siya nagdani (lamang) sa atong pagtagad ngadto sa dako nga importansya sa mga butang nga Iyang gihisgutan, ug ang kamahinungdanon o pagkabililhon sa unsay Iyang gipanumpaan. Ang pagpanumpa sa Allah pinaagi sa linalang mao lamang ang pagpanumpa ngadto sa Iyang Kaugalingon, sa Iyang Kahingpitan, ug sa Iyang Kaugalingong Kahalangdon. Gihisgotan sa Allah ang pipila sa Iyang mga binuhat isip ebidensya o pamatuod sa Iyang pagkaanaa, ug gipasiugda (gipasabot) ngadto sa mga magbabasa sa Balaan nga Pinadayag aron sa pagpamalandong sa Iyang mga Timaan. Ug samtang ang Allah makapanumpa pinaagi sa unsay Iyang gusto, (nan) alang sa katawhan kini gidili o supak sa balaod alang kanila nga sila manumpa ngadto sa lain sa Allah.Kini usa ka Dakong sala: ang pagpanumpa kang Propeta Muhammad o kang Hesu-Kristo o kang bisan kinsang Propeta o anghel o matarong nga tawo, o sa Ka'aba, o sa bisan kinsang kinabuhi sa usa ka tawo nga gipasidunggan, o sa lubnganan. Ang Propeta Muhammad, ang kalinaw ug ang mga panalangin sa Allah maanaa kaniya, miingon: «Bisan kinsa nga manumpa sa bisan unsa (o kang bisan kinsa) nga gawas sa Allah, (nan siya) sad-an sa dili pagtuo o sa pagsimbag laing dios-dios»” Abu Dawud, At-Tirmidhe, Ahmed. Siya usab miingon: "Ayaw pagpanumpa pinaagi sa mga dios-dios, ni pinaagi sa imong mga amahan." – [Saheeh Muslim].

Ako (Dios) nanumpa sa gabii sa diha nga kini mutabon (sa yuta sa kangitngit),

Ug pinaagi sa adlaw sa diha kini magpakita sa iyang kahayag.

Ug pinaagi Kaniya (Allah) nga maoy naglalang sa lalaki ug babaye,

Sa pagkamatuod ang inyong manga paninguha nag-kadaiya,

Busa ingon nga alang sa usa nga naghatag sa unsa ang obligado kaniya sa paghatag ug nagbantay sa iyang kaugalingon batok sa kadautan,

Ug nagtuo sa gisaad ni Allāh kaniya ingon nga ganti (sa Paraiso);

Kami mapadali alang kaniya ang Dalan sa Kasayon​​ (sa Paraiso).

Apan alang kaniya nga kuripot ug nag-huna-huna nga kaniya walay nakulang,

Ug pagsalikway sa labin maayong ganti (sa Paraiso),

Kami mapadali alang kaniya sa dalan padulong sa kapildihan (sa Imperno).

Unsa ang dad-on sa iyang bahandi kaniya nga siya kuripot sa diha nga siya mamatay ug mosulod sa Kalayo?

Sa pagkatinuod kini ibabaw Kanato (Allāh) ang paggiya.

Sa pagkatinuod nganha Kanato ang kinabuhi sa umaabot ug ang kinabuhi niining kalibotana:

Busa gipasidan-an Ko kamo sa kalayo nga nagdilaab:

Walay laing masunog niini nga kalayo kondili ang labing alaot (ang manlilimod),

Nga nagsalikway (sa Kamatuoran) ug mitalikod gikan (niini).

Apan ang Labing mga matarong mahilayo gikan niini (sa Impiyerno),

Nga naghatag sa iyang pinakamaayong bahandi (sa mga buhat sa kaluoy ug gugmang putli), aron sa pagputli sa iyang kaugalingon 'gikan sa mga sala',

Ug dili balos sa iyang gihatag gikan sa iyang bahandi aron sa pagpares sa grasya nga gihatag kaniya sa lain,

Apan sa pagpangita lamang sa Nawong sa iyang Ginoo (Allah), ang Labing Halangdon.

Ug sa dili madugay siya mahimuot pag-ayo (sa diha nga siya mosulod sa Paraiso nga maangkon ang tumang kalipay).

Ako (Dios) nanumpa pinaagi sa sayo nga mga takna sa kabuntagon,

Ug ang gabii, sa diha nga kini mongitngit.

Ang imong Ginoo (Allāh) wala mobiya kanimo (Oh Muhammad), ug siya wala nasuko kanimo.

Ug ang Pikas Kinabuhi 'umalabot' mao labing maayo alang kanimo kay sa Una (ie, ang kinabuhi karon),

Ug sa dili madugay ang imong Ginoo (Allāh) maghatag sa daghan nga kaayohan ngadto kanimo, aron ikaw magmalipayon.

Dili ba, Ikaw iyang hikaplagan nga ilo, ug nag-hatag kanimo sa pasilungan?

Dili ba ikaw Iyang nakaplagan nga naglatagaw (wala masayud) ug ikaw Iyang gigiyahan?

Ug wala ka ba niya nakaplagan nga kabos busa iyang gihimong ka nga adunahan.

Busa mahitungod sa ilo tagda uban ang kalooy , ug ayaw siya abusari,

Ug mahitungod kaniya nga nagapangayo, ayaw badlonga siya;

Ug mahitungod sa Pabor sa (Allah) imong Ginoo - ipahayag kini[1]. ——— [1] I.e., Ang Pagkapropeta, ang Qur'an, ug ang imong hingpit nga relihiyon sa Islam.

Wala ba Kami nagpalapad alang kanimo (Oh Muhammad) sa imong dughan,

Ug nagpagaan gikan kanimo sa palas-anon?

Nga nag-duot sa hilabihan sa imong likod?

Ug gipataas alang kanimo ang imong dungog (kahimtang),

Kay sa pagkatinuod uban sa matag kalisdanan adunay kasayon (kaharuhay).

Sa pagkatinuod uban sa matag kalisdanan moabut ang kasayon (kaharuhay).

Busa kon ikaw nahuman sa imong pag-ampo, nan, padayona "sa paghinumdom ang Allāh ug pangamuyo",

"Ug ngadto sa imong Ginoo ˹nag-inusara˺ pagdirekta ang tanan nimong magtinguha 'uban ang paglaom'."[1] ——— [1] Ug ngadto sa Allāh nga imong Ginoo lamang itugyi ang tanan nga imong mga gusto mga pangamuyo, tuyo, mga panginahanglan, mga pangandoy ug mga paglaum; pagdangop Kaniya sa imong pagsimba ug pagpangita sa unsay anaa Kaniya sa Iyang Kabulahanan ug Kalipay.

Ako (Dios) nanumpa pinaagi sa igira ug sa olibo[1] ——— [1] Ug sa mga yuta niini, diin daghang mga bantugan nga mga Propeta sa Allah ang miabot sama nila ni Hesus, Abraham, ug Noe.

Maingon man sa bukid sa Sinai[2], ——— [2] Siya nanumpa didto sa Bukid sa Sinai nga ang Iyang propeta nga si Moises nakigsulti uban Kaniya.

Ug pinaagi niining luwas nga lungsod (sa Makkah[3], ——— [3] Diin nagpakita ang Propeta Muhammad. Siya nanumpa pinaagi sa Makkah, ang labing balaan nga siyudad nga bisan kinsa nga mosulod niini luwas, nga si Muḥammad gipadala gikan didto ingon Sinugo sa Dios.

Kami naglalang sa tawo sa labing maayo nga porma,

Unya Kami nagbalik kaniya ngadto sa labing ubos sa tanang ubos[4]. ——— [4] Sa Imperno o sa pagkatigulang ug sa usa ka kahimtang nga sama nalang sa bata human sa iyang kusog ug pagkahamtong.

Apan sila nga mituo ug nagbuhat sa matarung nga mga buhat, sila adunay ganti nga walay katapusan (Paraiso).

Busa unsay naghimo gilimod nimo sa ˹katapusan˺ Paghukom ug Pagbalos?

Dili ba ang Allah ang Labing Maayo sa mga maghuhukom[5]? ——— [5] Dili ba si Allāh – sa paghimo sa Adlaw sa Pagkabanhaw nga usa ka adlaw alang sa panimalos – ang labing maghuhukom sa mga maghuhukom ug ang labing makiangayon kanila? Bisan kinsa nga maghukom tali kanila aron Iyang magaganti ang magbubuhat sa maayo sa pagbuhat ug maayo ug silotan ang magbubuhat sa dautan tungod sa pagbuhat ug dautan?

Lituka ˹O Prophet Muhammad' sa Ngalan sa nga imong Ginoo nga mag-lalang,

naglalang sa tawo gikan sa usa ka lapot nga dugo.

Lituka ug ang imong Ginoo (Allāh) mao ang Labing Manggihatagon,

kinsa nagtudlo [sa tawo] sa paggamit sa pluma —

Nagtudlo sa tawo sa wala niya mahibaloi kaniadto.

Dili, apan ang tawo sa pagkatinuod kalapas,

Sa diha nga iyang nakita ang iyang kaugalingon nga igo na (sa bahandi, dungog, ug ranggo).

Sa pagkatinuod, ngadto sa (Allah) nga imong Ginoo mao ang (katapusan) nga Pagbalik (sa tanan).

Nakita ba nimo siya (ang dili magtutuo) nga nagbabag,

Ang usa ka ulipon (sa Allah) sa diha nga siya nag-ampo?

Nakita ba nimo kung siya anaa ba sa husto nga Giya (sa Dios)?

O nagsugo sa pagkamatarong?

Nakita ba nimo kung kini nga kritiko nagsalikway sa kamatooran o motalikod gikan niini?

Wala ba siya mahibalo nga ang Allah nakakita (sa unsay iyang gibuhat)?

Dili, kon siya dili mohunong, Sakmiton gayod Namo siya pinaagi sa iyang agtang,

Usa ka bakakon, makasasala nga agtang.

Busa (pasagdi siya nga) manawag siya sa iyang mga kaubanan,

Kami usab magpatawag sa mga Magbalantay sa Imperno (aron siya pagalaglagon).

Dili, ayaw siya tumana, apan naghapa ka uban ang pag-dayeg, ug paduol (ngadto sa Allāh).

Sa pagkatinuod Kami nagpakanaog ug nagpadayag niini (ang Qur'an) sa Gabii sa Dekreto.

Ug unsa ang makapahibalo kanimo kung unsa ang gabii sa Dekreto?

Ang Gabii sa himaya ug gahum - Dekreto- labing maayo pa kay sa usa ka libo ka mga bulan.

Ang mga anghel ug ang balaang espiritu (Gabriel) manaog diha niini sa pagtugot sa ilang Ginoo (Allah) alang sa tanang mga kamandoan (nga gitakda sa Allah gikan nianang tuiga ngadto sa mosunod),

Niining gabie ang tanang Kalinaw anaa (sa mga magtutuo) hangtod sa pag-abot sa ka-adlawon.

Kadtong mga wala motoo gikan sa mga sumusunod sa (nauna) nga Kasulatan (ang mga Hudeyo ug ang mga Kristohanon) ug ang mga tigsimbag dios-dios dili mahibulag (gikan sa pagkawalay pagtuo ug pagsimbag dios-dios) hangtud nga moabut kanila ang tin-aw nga Pamatuod (Ebidensya):

Usa ka Mensahero gikan sa Allah (ang Propeta Muhammad), nga magalitok sa giputli nga mga Panid (sa Kasulatan),

Diin anaa ang tanang husto nga mga Balaud (nga sukwahi sa ilang sayop nga pagtuo ug mga tuotuo).

Apan kadtong gihatagan sa Kasulatan 'mga Hudeyo ug mga Kristohanon' wala mabahin 'ngadto sa daghang mga sekta' gawas lamang human miabot ang tin-aw nga Pamatuod (Ebidensiya) (gikan sa Allah) ngadto kanila.

Ug sila wala sugoa sa bisan unsa gawas lang nga sila kinahanglan nga mosimba sa Allah (lamang), nga matinud-anon ngadto Kaniya diha sa relihiyon (sa Islam, sa kinasing-kasing ug pagkamasinugtanon, nga matul-id, ug ang pagbuhat sa pag-ampo ug pagbayad sa kabus nga kantidad o Zakah – Obligado limos, ug kana mao ang husto nga relihiyon.

Sa pagkatinuod sila nga (nagpadayon sa) pagpanglimod gikan sa mga sumusunod sa (naunang) Kasulatan ug ang mga tigsimbag dios-dios maanaa sa Kalayo sa Impiyerno, nga magpabilin sa sulod niini hangtod sa kahangtoran; sila ang pinakadaotan sa tanang binuhat.

Kanila nga mituo ug nagbuhat sa matarung nga mga buhat, sa pagkatinuod sila mao ang labing maayo sa tanang binuhat.

Ang ilang Ganti sa ilang Ginoo (Allāh) mao ang mga Tanaman sa Eden diin sa ilawom niini nagdagayday ang mga suba, nagpabilin niini hangtod sa kahangturan; Ang Allah Nalipay kanila ug sila usab nalipay pag-ayo Kaniya; kana alang kaniya nga anaa sa Kahadlok (ug Pagtahod) atubangan sa iyang Ginoo (Allah).

Sa diha nga ang kalibutan paga-linugon na nianang maong Linog, "Alang sa Adlaw sa Pagkabanhaw",

Ug ang yuta nagpagula sa mga sulod niini ug mga palas-anon.

Ug ang tawo maga-ingon: "Na-unsa ang nahitabo niini sa yuta nga naglihok ug nag-uyog?"

Nianang adlawa kini magpahibalo sa iyang mga balita ug unsa ang gibuhat sa ibabaw niini, "maayo ug daotan",

Tungod kay ang imong Ginoo (Allah) dinasig ug nagsugo niini.

Nianang Adlawa ang mga tawo manggula sa nagkatibulaag nga mga pundok aron sila makasaksi sa ilang mga buhat nga ilang nahimo dinhi sa yuta.

Bisan kinsa nga nagbuhat ug sama sa gibug-aton sa usa ka atomo nga maayo, kini iyang makita.

Ug bisan kinsa nga nagbuhat ug sama sa gibug-aton sa usa ka atomo nga dautan, kini iyang makita.

Ako (Dios) nanumpa sa mga (kabayo nga) tigdagan uban sa paghangos (nagdala sa mga manggugubat),

Ug pinaagi niadtong nagpatunghag tuasik sa kalayo pinaagi sa ilang mga kuko (sa dihang nagasikad sa pagdagan),

Ug pinaagi niadtong nagabuhat ug mga pagsulong sa kaadlawon,

Nga nakapa-ukay sa (sama sa panganod [baga] nga) abog,

Nga nagasulod isip usa ka lawas ngadto sa kasingkasing sa mga linya sa kaaway.

Sa pagkatinuod ang tawo (ang manlilimod) dili mapasalamaton sa iyang Ginoo (Allāh).

Ug sa pagkatinuod siya saksi man niini.

Ug tungod sa iyang hilabihan nga gugma sa bahandi, siya kuripot niini.

Apan wala ba siya masayod nga kon magkatag na ang sulod sa mga lubnganan ug gihaw-as,

Ug unsay anaa sa mga dughan iga butyag man.

Sa pagkatinuod ang ilang Ginoo (Allah), nianang Adlawa, Labing naka-ila kanila.

Ang Adlaw sa kalaglagan.

Unsa ba ang maong ang adlaw sa kalaglagan?

Ug unsay makapaamgo kanimo kon unsa ang adlaw sa kalaglagan?

Mao kini ang adlaw nga diin ang manga tawo mahisama sa anunugba nga sinabwag,

Ug ang mga kabukiran mamahimong sama sa mga balhibo sa karnero sa ilang paglihok.

Ug alang kaniya nga ang sukod sa iyang maayong mga buhat bug-at,

Siya mopuyo sa usa ka makapahimuot nga kinabuhi (sa Paraiso).

Ug alang kaniya nga ang sukdanan sa iyang maayong mga buhat gaan,

Nan, ang iyang puloy-anan mao ang usa ka bung-aw 'kahiladman'.

Ug unsay makapaamgo kanimo kon unsa kini?

Kana maoy Kalayo sa tumang kainit, nag-lagiting!

Ang panag-indigay sa usag-usa pagpadaghan sa (kalibutanon nga bahandi) hilabihan nga nakapasimang kaninyo,

Hangtod nga kamo mamatay ug mobisita sa imong mga lubnganan.

Apan dili! Kamo sa dili madugay mahibalo.

Usab dili, sa dili madugay kamo mahibalo sa mga sangputanan niana.

Kon kamo nasayod pa lamang unta, uban sa tataw nga kahibalo,

Kamo sa pagkatinuod makakita sa nagdilaab nga Imperno;

Unya kamo sa pagkatinuod makakita niini sa inyong mga mata nga walay pagduhaduha mahitungod niini.

Ug unya, kamo pangutan 'on niana nga adlaw mahitungod sa mga pabor (grasya) sa Dios, sa unsay Iyang gipanalangin kaninyo.

Ako (Dios) nanumpa sa panahon (sa mga katuigan)!

Sa pagkatinuod, ang tawo anaa sa bug-os nga kapildihan,

Gawas niadtong mituo ug nagbuhat sa matarung nga mga buhat, ug nagtambag sa usag-usa uban Kamatuoran ( Hustisya ug kalinaw), ug nagtambag ang usag-usa sa pagpailub (ug paglahutay).

Kaalautan ngadto sa matag tigpanglibak, ug tigbugalbugal,

Nga nagtigom sa hilabihang ka-hakog sa mga bahandi ug nag-ihap niini 'sa makadaghan',

Nga hunahuna nga ang iyang bahandi maghimo kaniya nga dili mamatay.

Siya sa pagkatinuod itambog ngadto sa Tigdugmok nga Kalayo (Imperno nga makaguba sa tanan),

Ug unsay makapaamgo kanimo kon unsa ang Tigdugmok nga Kalayo?

Kana ang Kalayo ni Allāh, 'walay katapusan' nagdilaab,

Nga nagdilaab sa mga kasingkasing (sa mga manlilimod).

Sa pagkatinuod kini (Imperno) pagasirad-an ibabaw kanila,

(Sila igapos) Sa dagkong mga haligi [sa Kalayo sa Imperno].

Wala ba kamo mahibalo ˹Oh Propeta Muhammad˺ giunsa sa imong Ginoo (Allah) nakiglabot ang mga tag-iya sa elepante?

Wala ba Niya himoa nga ang ilang plano (sa pagguba sa Ka’aba sa Makkah) matapos sa pagkapakgang (nga nahimong hinungdan nga sila nangalaglag),

Ug Siya nag-padala batok kanila sa panon sa mga langgam;

Nga naglabay batok kanila ug mga bato sa gahi nga lapok,

Busa gibiyaan sila sama sa giusap nga uhot.

Alang sa naanad nga kasigurohan sa mga tribu sa Quraish 'sa Makkah',

Ang ilang naandan nga seguridad (sa) ilang mga panaw sa pamatigay (sa panahon sa) tingtugnaw ug sa ting-init.

Busa pasagdi sila sa pagsimba (sa Allah lamang) ang Ginoo niini nga Balay (ang Ka'ba sa Makkah),

Kinsa nagpakaon kanila batok sa kagutom ug giluwas sila batok sa kahadlok.

Nakita ba nimo siya kinsa nga naglimod sa (Adlaw sa Paghukom ug) Pagbalos?

Siya nga maoy nakiglabot sa ang ilo [uban sa mapintas],

Ug wala mag-awhag (sa uban) sa pagpakaon sa mga kabus.

Busa alaut kadtong ˹mga salingkapaw˺ nga nag-ampo -

Kinsa walay pagtagad ngadto sa ilang mga pag-ampo;

kadtong gusto lamang nga magpakita sa ilang maayo nga binuhatan 'ug daygon',

Ug nagdumili sa paghatag bisan sa pinakasimple nga tabang sa uban.

Sa pagkatinuod, Kami naghatag kanimo (Oh Muhammad) sa Kawthar (usa ka suba sa Paraiso ug usa ka Abunda nga kaayo),

Busa pag-ampo ngadto sa imong Ginoo (Allāh lamang) ug himoa ang imong mga halad (ngadto Kaniya lamang).

Sa pagkatinuod siya nga nagdumot kanimo mao ang mahikawan (gikan sa tanan nga kaayohan, niini nga kinabuhi ug sa Pikas Kinabuhi).

Isulti: Oh, kamo nga mga manlilimod,

Ako dili musimba nianang unsay inyong gisimba,

Ni kamo maga-simba sa akong gisimba (Allāh lamang),

Dili ako maga-simba sa inyong gisimba,

Ni kamo maga-simba sa akong gisimba (Allāh lamang),

Anaa kanimo ang imong paagi 'sa kinabuhi', ug ako adunay akong paagi 'sa kinabuhi'.”

Sa diha nga moabut na ang Tabang sa Allah ug ang kadaugan (ang pagkompleto sa pagsakop sa Makkah),

Ug nakita nimo ang mga tawo nga nagasulod sa Islām sa daghan,

Nan himayaa ang imong Ginoo (Allāh) uban sa pagdalayeg, ug pangayoa ang Iyang Kapasayloan; sa pagkatinuod Siya mao ang Kanunay nga Nagadawat sa Paghinulsol.

Ang kalaglagan maoy mahiagoman sa mga kamot ni Abu Lahab[1] ug siya malaglag! ——— [1] Ang uyoan sa Propeta, usa sa iyang labing lig-on nga mga kaaway, uban bisan unsay pa lain ang mga kaaway sa Islam.

Ang iyang bahandi dili makapulos kaniya ni ang tanan nga iyang natigom.

Sa dili madugay siya masunog sa kalayo nga nagdilaab,

Ug ang iyang asawa usab, ang tigdala ug sugnod [2]. ——— [2] Siya nagbutang ug mga tunok sa dalan sa Propeta ug nagbutangbutang kaniya (ﷺ). Ang pulong nga "sugnod" gigamit sa mga Arabo sa pagpasabot sa pagbutangbutang ug paglibak.

Sa iyang liog mao ang hugot nga linubid nga pisi [3]. ——— [3] I.e. ang kadena nga anaa sa Kalayo (sa Impiyerno).

Isulti: "Siya si Allāh (Diyos) - Usa (lang), 'walay laing dios gawas Kaniya'."

Allah—ang Tanan Tigpaluyo 'gikinahanglan sa tanan˺[1]. ——— [1] Ang Allah Mao Ang Ginoo, Ang walay Katapusan nga Dalangpanan, Ang Igo sa Kaugalingon, nga Hingpit walay panginahanglan.

Wala Siya manganak, ug wala usab Siya gipanganak.

Walay usa nga sama Kaniya ug walay katumbas Kaniya.”.

Isulti: "Ako nangita sa pagpanalipod sa (Allāh), ang Ginoo sa kaadlawon",

Gikan sa kadautan sa tanang sa mga linalang.

ug gikan sa kadautan sa kagabhion sa diha nga kini moabot,

Ug gikan sa kadautan sa mga salamangkero nga naghuyop sa mga baligtos,

Ug gikan sa kadautan sa masinahon, sa diha nga siya masina.

Isulti: "Ako nangita sa pagpanalipod sa (Allāh) ang Ginoo sa katawhan,"

Ang Hari sa tanang katawhan,

Ang Dios sa tanang katawhan,

Gikan sa kadautan sa nag-atras nga tighunghong 'ang Satan',

Nga nagahunghong ( daotan nga mga hunahuna ug mga sugyot) ngadto sa mga dughan sa mga tawo,

(Kini nga mga satanas) gikan sa mga jinn ug sa mga tawo.