Cebuano (Bisaya) Meal — Rowad Tercüme Merkezi — Kamer 54:1 – Fecr 89:30

Ang Takna nagkaduol na, ug ang bulan napikas (sa duha) ka bahin[1]. ——— [1] Ang pagbulag sa bulan usa sa ang pisikal nga mga milagro sa Propeta Muhammad - hinaut nga panalanginan siya ni Allah ug hatagan siya og kalinaw.

Kon sila (ang mga manlilimod) makakita og usa ka Milagro, sila motalikod ug moingon: "Kini usa nagpadayon nga salamangka."

Sila misalikway 'sa Kamatuoran' , ug misunod sa ilang ubos (kawang) nga mga tinguha; ug ang matag butang adunay gikatudlong panahon.

Sa pagkatinuod ang pipila ka kasayuran miabot kanila (sa paglaglag sa mga nasud), nga diin adunay (igo nga Pasidaan) sa pagpugong (kanila gikan sa kadautan).

Hingpit nga Kaalam - apan kini nga mga pasidaan walay kaayohan 'ngadto kanila';

Busa biyai sila (Oh Muhammad) hangtud muabot unya ang adlaw diin ang Magtatawag, kanila maga-tawag ngadto sa usa ka maka-lilisang butang!

Ang ilang mga mata nagpaubos, nga nanggawas gikan sa ilang mga lubnganan sama sa mga dulon nga nagkatibulaag;

nagdali paingon sa nanawag. Ang mga manlilimod mosinggit, "Kini usa ka lisud nga Adlaw!"

Una kanila, ang mga tawo ni Noe nagsalikway (sa ilang Mensahero), busa ilang gisalikway ang Among alagad (Noe), ug nanag-ingon: "Aniay usa ka boang." Ug siya ilang gihulga!

Busa siya nag-ampo sa (Allah) iyang Ginoo, (nga nag-ingon): "Ako nabuntog, busa tabangi (ako)."

Busa Kami nag-abli sa mga ganghaan sa langit uban sa tubig nga nagabubo.

Ug gipahinabo ang yuta sa pagbuto uban mga tubod, ug ang tubig manggitagbo alang sa gitakda na nga katuyoan.

Ug Among gidala siya (Noe) niana nga (arka) nga hinimo gikan sa mga tabla ug mga lansang;

Naglawig ilalom sa Atong ˹mabinantayon˺ Mga Mata—usa ka ganti alang kaniya (Noe) nga gisalikway.

Sa pagkatinuod, Kami nagbilin niini ingon nga usa ka Timaan, apan aduna bay bisan kinsa nga mokonsiderar niini?

busa, unsa (makalilisang) ang Akong pagsakit (pagkahuman) sa Akong mga Pasidaan.

Ug sa pagkatinuod, Among gihimo ang Qur’an nga sayon ​sa paghinumdum (ug pagsabot), apan aduna bay bisan kinsa nga makahinumdom ug mokonsiderar niini?

(Ang katawhan sa) ‘Aad misalikway (sa ilang Propeta Hud), busa, unsa (makalilisang) ang Akong pagsakit (pagkahuman) sa Akong mga Pasidaan.

Sa pagkatinuod, Kami nagpadala batok kanila sa ka mabangis nga hangin, sa usa ka adlaw sa walay hunong nga kagul-anan,

Nagbanlas sa mga tawo palayo ingon nga para bang sila mga inibot nga mga punoan sa palma.

Busa, unsa (makalilisang) ang Akong pagsakit (pagkahuman) sa Akong mga Pasidaan.

Ug sa pagkatinuod Among gihimo ang Qur’an nga sayon ​sa paghinumdum (ug pagsabot), apan aduna bay bisan kinsa nga makahinumdom ug mokonsiderar niini?

Ang tribo sa Thamud misalikway usab sa mga Pasidaan.

Busa sila miingon: "Usa (lang) ba ka tawo nga gikan kanato ang atong pagasundon (nga mao si Salih), nan sa pagkatinuod kita anaa sa kasaypanan ug pagkabuang.

Ang Pahinumdom ba gipakanaog ngadto kaniya lamang taliwala kanamo? Hinunoa, siya usa ka walay dungog nga bakakon!"

Ugma sila mahibalo, kong kinsa ang bakakon, ang mapahitas-on.

Sa pagkatinuod, Among ipadala ang baye nga kamelyo ingon nga usa ka pagsulay alang kanila; busa lantawa sila ( Oh Saleh) ug pagbaton og pailub.

Ipahibalo sila nga ang tubig sa ilang atabay gibahin-bahin sa taliwala nila ug sa kamelyo nga baye; ang katungod sa matag usa sa pag-inom gipabarog (pinaagi sa mga turno o pagpulipuli).

Apan ilang gitawag ang ilang kaubanan, busa iyang gikuha (usa ka espada) ug mipatay (kaniya).

Busa, unsa (makalilisang) ang Akong pagsakit (pagkahuman) sa Akong mga Pasidaan.

Sa pagkatinuod, Kami nagpadala kanila ug usa ka pagbuto (pagtayhop) tungod niana, sila nahimong manga kaging pagatpat nga ig-babalay sa toril.

Ug sa pagkatinuod Among gihimo ang Qur’an nga sayon ​sa paghinumdum (ug pagsabot), apan aduna bay bisan kinsa nga makahinumdom ug mokonsiderar niini?

Ang katawhan ni Lut misalikway sa mga Pasidaan.

Sa pagkatinuod, Kami nagpadala batok kanila ug usa ka mapintas nga unos sa mga bato (nga milaglag kanilang tanan), gawas sa pamilya ni Lut; Giluwas namo sila sa wala pa muabot ang banagbanag,

Isip usa ka grasya gikan Kanamo; sa ingon niana Kami moganti kaniya nga nagpasalamat.

Sa pagkatinuod, siya mipahimangno kanila sa Among pagkastigo, apan sila magahion nga nakiglalis sa mga Pasidaan.

Ug sila mihangyo kaniya nga itugyan ang iyang mga bisita ngadto kanila apan Kami gibutaan ang ilang mga mata: busa, tilawi ang Akong silot human sa Akong mga pasidaan.

Ug sa pagkatinuod sa sayong kabuntagon ang kalag-lagan miabot kanila.

Busa tilawi ang Akong Silot (human) sa Akong mga Pasidaan.

Ug sa pagkatinuod Among gihimo ang Qur’an nga sayon ​sa paghinumdum (ug pagsabot), apan aduna bay bisan kinsa nga makahinumdom ug mokonsiderar niini?

Ug sa pagkatinuod ang mga Pasidaan miabut ngadto sa katawhan ni Paraon.

Sila misalikway sa tanan Namong mga Timaan, busa Kami misakmit kanila pinaagi sa usa ka Pagsakmit sa Labing Gamhanan, Hingpit nga makahimo.

Ang imong mga manlilimod ba kaninyo mas maayo pa kay niini (guba nga mga nasud), o aduna bay pagkalingkawas alang kaninyo diha sa mga talaan?

O sila ba nag-ingon: "Kami usa ka katiguman nga nagtinabangay sa usag-usa ug nakatakda nga mudaug?"

Sa dili madugay ang ilang katiguman malupig, ug sila motalikod (sa ilang) mga likod[2]. ——— [2] Kini nahitabo sa Adlaw sa Badr.

Apan ang Takna (sa kalag'lagan) mao ang saad kanila nga panahon, Ug ang maong Takna labing mapait ug makalilisang.

Sa pagkatinuod, ang mga dautan anaa sa kasaypanan ug kagul-anan.

Sa Adlaw nga sila guyoron pinaagi sa ilang mga nawong ngadto sa Kalayo, (igasulti ngadto kanila): "Tilawi ninyo ang Paghikap sa Imperno."

Sa pagkatinuod, Among gibuhat ang matag butang sumala sa usa ka predestinasyon gikan Kanato[3] (aron sa pagtuman sa saktong katuyuan). ——— [3] Uban sa Among kahibalo, among kabubut-on, ug Kami misulat sa Gipreserbar nga Papan.

Ang Among Sugo mao lamang ang usa ka pulong sama sa pagpamilok sa mata.

Sa pagkatinuod, Amo nang gilaglag 'Oh manmilimod' ang mga sama kaninyo, apan aduna bay bisan kinsa nga makahinumdom ug mokonsiderar niini?

Ug ang tanan nga ilang gibuhat anaa sa sinulat nga mga talaan[4]. ——— [4] Ang matag butang nga nabuhat sa mga tawo, kini nahisulat sa mga talaan sa [mga anghel kinsa] mga magbalantay; walay makaikyas kanila gikan didto bisan unsa.

Ug ang tanang butang gagmay ug dagku nahisulat[5]. ——— [5] Ang matag gamay sa kung unsa ang nahimo ug unsa ang gisulti ug ang matag dako kanila nahisulat sa mga panid sa mga buhat ug sa Papan sa Gipreserbar, ug sila pagagantihan tungod niini.

Sa pagkatinuod, ang mga matarong maanaa sa mga Tanaman ug sa mga Suba (sa Paraiso).

sa Lingkoranan sa Kadungganan sa presensya sa Labing Gamhanan nga Soberano nga Hari.

Ang Labing Madagayaon (Allah),

gitudloan ang katawhan sa Qur'ān[1]. ——— [1] Pinaagi sa paghimo niini nga sayon sa pagsag-ulo ug sayon sabton ang mga kahulogan niini.

Naglalang sa tawo,

Ug nagtudlo kaniya sa pagsulti (nga masabtan)[2]. ——— [2] Gitudloan niya kon unsaon pagklaro kon unsa ang anaa sa iyang tanlag sa pagsulti ug pagsulat.

Ang adlaw ug bulan, naga-subay sa ilang mga dalan pinaagi sa tukma nga kalkulasyon.

Ang mga bituon ug ang mga kakahoyan nanag-yukbo 'kang Allāh' sa pagpasakop.

Ug ang langit, Siya (Allah) nagpataas niini nga habug, ug Iyang gihimo ang balansi (timbang)[3]. ——— [3] Ang langit iyang gibayaw ibabaw sa yuta ingon sa usa ka atop, Iyang gitukod ang justicia sa ibabaw sa yuta, Ug iyang gisugo sa iyang mga alagad.

Aron dili kamo makalapas sa sukod (balansi)[4]. ——— [4] Gitukod niya ang hustisya aron dili kamo madaogdaog, O katawhan, ug [aron dili kamo] mahimong magluib sa pagtimbang ug pagsukod.

Ug bantayi ang gibug-aton uban ang katarong (kaangayan), ug ayaw himoa ang sukod nga kulang.

Ug ang yuta, Iyang gibutang kini alang sa mga buhing binuhat;

Sa sulod niini anaa ang mga bunga ug mga palma nga adunay mga sudlanan diin gikan ang bunga sa datiles.

ug mga lugas nga adunay mga panit, ug mga tanum nga humot[5]. ——— [5] Ania ang mga lugas nga adunay mga uhay sama sa trigo ug sebada ug ania ang mga tanum kansang kahumot imong gihimo nga humot.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Siya naglalang sa tawo gikan sa yuta, sama mag-kukulon.

Ug Iyang gibuhat sa mga jaann 'Satan' gikan walay aso nga siga sa kalayo (ug ang mga anghel gikan sa kahayag).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

(Ang Allah mao) ang Ginoo sa duha ka pagsubang sa adlaw, ug ang Ginoo sa duha ka pagsalop sa adlaw (sa ting-init ug tingtugnaw).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Siya (Allah) nagtugot sa duha ka dagat (ang parat nga tubig ug ang presko nga tubig) nga modagayday nga gawasnon (aron) sila manggitagbo.

(Apan) tali kanila niini adunay usa ka babag diin sila dili magkasagol.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Gikan niini nanggawas ang mga perlas (mutya), ug mga korales dagko ug gagmay.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Iya ang tanan nga naglutaw nga mga butang, gipataas ibabaw sa dagat sama sa mga taluktok sa bukid.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ang tanan nga ania sa yuta mahanaw[6]. ——— [6] Bisan kinsa niining kalibutan nakatakdang sa mamatay.

Ang nawong sa (Allah) imong Ginoo nga magapabilin sa kahangturan, nga puno sa himaya, panalangin, ug kadung-ganan.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ang tanan nga anaa sa langit ug sa yuta nanag-pangayo Kaniya alang sa ilang mga panginahanglan; sa tanang higayon Siya (Allah) nagadala ug panghitabo (kalihokan sa tanang linalang).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Maga-abot ang takna diha Kami maga-husay kaninyo, Oh, duha ka mga panon (sa katawhan ug Jinn);

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Oh kamo nga manga panon sa katawohan ug mga jinn, kong kamo makahimo sa paglatas sa mga dapit sa kalangitan ug sa kayutaan, nan latasa ninyo; kamo dili makalatas gawas kon adunay pagtugot (awtoridad) (gikan sa Kanamo - Allāh).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Kini ipadala batok kaninyong duha (tawo ug jinn), walay aso nga mga siga sa kalayo ug tinunaw nga tumbaga, ug kamo dili makahimo sa pagpanalipod sa inyong mga kaugalingon.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Unya sa diha nga ang langit magisi, ug (kini) mahimong sama sa kolor sa rosas nga pulahon ( dili na ninyo maagwanta ang makalilisang nga mga panghitabo nga mahitabo).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Busa niadtong Adlawa walay tawo o jinn nga pangutan-on mahitungod sa iyang sala (tungod nailhan na sila).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ang mga dautan 'makasala' mailhan pinaagi sa ilang mga marka, ug sila pagasakmiton pinaagi sa ilang mga ulohan ug sa ilang mga tiil (ug igatambog ngadto sa Imperno).

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Mao na kini ang Imperno, nga gilimod sa mga dautan!

Sila mobalik-balik taliwala niini (sa nagdilaab nga kalayo) ug init nga tubig nga nagabukal[7]. ——— [7] Nga moputol sa ilang mga tinai.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

​​Alang kaniya kinsa nahadlok sa pagbarug (alang sa pagkwenta) sa atubangan sa iyang Ginoo (Allah, unya mituo ug nagbuhat og maayo -), adunay duha ka tanaman.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Nga adunay (nagakaylap) nga mga sanga.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Kanilang duha adunay duha ka mga tubod nga nagaagay.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Kanilang duha adunay duha ka parisan sa matag bunga.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Sila maga-higda sa mga higdaanan, nga ang pangsulod nga mga hapin hinimo sa seda nga borda; ug ang mga bunga sa duha ka tanaman haduol.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Alang kanila adunay mga babaye nga nagapugong sa ilang panan-aw sa ilang mga bana; nga walay tawo o jinn nga nakahikap una kanila.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ingon nga sila (sa kaanyag, sama sa) mga rubi ug korales.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ang ganti ba sa maayong buhat bisan unsa gawas sa pinaka - maayong ganti?[8]? ——— [8] Walay laing ganti alang kang bisan kinsa nga nagbuhat ug maayo pinaagi sa pagsunod sa iyang Ginoo kay sa pagbuhat ug maayo ni Allāh agig balos ngadto kaniya.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Ug gawas niining duha ka tanaman, mao ang duha ka (lain pang) mga tanaman:

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Misanag ang kaberde niining duha.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Niining duha ka tanaman adunay duha ka mga busay nga sa kadagaya nanag-agay.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Niining duha ka tanaman anaa ang daghang mga prutas ug mga palma ug mga granada.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Niini nga mga tanaman adunay nga labing maanyag ug putli nga mga babaye.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Mga putli (uban sa matahom nga mga mata) nga limitado sa ilang mga hatods nga puluy-anan.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Walay tawo o jinn nga nakahikap una kanila.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Nagsandig sa berdeng mga unlan ug nindot nga mga karpet.

Nan hain man sa mga panalangin sa (Allah) nga inyong Ginoo ang inyong ilimod (O jinn ug katawhan)?

Bulahan ang Ngalan sa (Allah) imong Ginoo, nga nanag-iya sa tanang Kahalangdon, Pasidungog, ug Grasya.

Sa diha nga muabot ang dakong (dili malilakayan) nga banghitabo nga moabut (ang Pagkabanhaw sa mga patay).

Walay malimod sa pagtungha niini,

Ug niana, adunay iga-paubos ug adunay iga-tuboy.

Sa diha nga ang yuta mauyog sa usa ka bug-at nga pagkauyog.

Ug ang mga kabukiran mukatag ug mahimong manga abog,

Busa sila mahimong sama sa nangakatag nga abug.

Ug kamo pagabahinon ngadto sa tulo ka mga panon 'nianang adlawa'.

Unya (mahitungod) niadtong anaa sa tuo nga kamot[1] unsa ka dako sa ilang kalipay nga katawhan sa tuo kamot. ——— [1] Nga kinsa mokuha sa ilang mga talaan sa mga buhat pinaagi ilang tuong mga kamot.

Ang mga kauban sa wala nga magkuha sa ilang mga talaan sa ilang wala nga mga kamot, Pagkaalaot ba gayud ang panon sa walang kamot?

Ug ang mga atua sa unahan (sa Pagtuo ug sa maayong mga buhat); sila maoy maga-una (sa pagsulod ngadto sa paraiso).

Sila mao kadtong labing haduol ngadto sa Allah,

Sa Tanaman sa Kalipay -

Usa ka panon sa naunang mga kaliwatan,

Ug pipila sa mga kaliwatan sa ulahing mga adlaw mao ang usa sa mga nag-una nga gipaduol,

Anaa sa mga trono nga hinabolan (uban sa bulawan ug mga mahalon nga bato),

Nga nagsandig niini, nag-atubangay sa usag-usa (sa kasadya ug kalipay);

Magalibut kanila ang imortal nga mga batan-on (nga nag-alagad kanila),

Uban sa mga tasa ug mga tadyaw ug baso (sa lunsay nga bino) gikan sa usa ka putli nga tuburan.

Nga dili makapahinabog kanila ug labad sa ulo o pagkahubog[2]. ——— [2] Kini dili sama sa bino sa Kalibutan tungod kay ang nag-inom niini wala gisundan sa labad sa ulo ni sa pagkawala sa panabut.

Ug (sila makabaton ug) mga bunga sumala sa ilang gipili,

Ug karne sa langgam ingon sa ilang handom.

Ug (alang kanila mao ang) mga maanyag nga mga babaye, nga adunay halapad nga makapadani nga mga mata,

Sama sa gipreserbar (giampingan) nga mga perlas.

Usa ka ganti sa unsay ilang gibuhat kaniadto (nga matarung nga mga buhat).

Sila dili makadungog diha niini ug walay kawang o makasasala nga pulong,

Gawas sa (pag-abiabi nga) pulong: ‘Kalinaw, Pakigdait.

Ug sila nga anaa sa toong kamot; Pagkamalipayon gayud niadtong anaa sa toong kamot!

(Sila maanaa) taliwala sa walay tunok nga mga kahoy sa Sidr,

Ug mga punoan sa saging (nga adunay mga bunga), nga nanggipungpong.

Ug gipalapad nga landong,

ug tubig nga nagaagay nga walay hunong,

Ug daghang mga bunga,

Nga wala gialihan o gidili,

Ug (uban kanila mao ang ilang mga kapikas) sa mga higdaanan nga gibayaw sa hataas.

Sa pagkatinuod, Among gibuhat (kadtong mga babaye)[3] sa espesyal nga pagkalalang, ——— [3] Ang ilang mga kapikas kaniadto sa kalibutan, nga misulod uban kanila sa Paraiso.

Ug gihimo Namo silang mga ulay birhen,

Mahigugmaon (sa ilang bana lamang), nga managsama sa pangidaron,

Alang niadtong anaa sa Tuong Kamot.

Usa ka panon sa naunang mga kaliwatan.

Ug usa ka panon sa ulahing mga kaliwatan.

Ug kadtong anaa sa wala nga kamot, pagkaalaot gayud niadtong anaa sa wala nga kamot!

(Sila maanaa) sa mabangis nga init nga hangin ug nagbukal nga tubig,

Ug ang landong sa maitum nga aso,

Dili bugnaw ni makapahimuot.

Sa pagkatinuod, sa wala pa kana, sila nagpatuyang sa kaluho.

​​Ug sila nagpadayon sa dakong sala (sa pagbutang ug mga kauban sa pagsimba ngadto sa Allah).

Ug sila naanad sa pag-ingon: "Sa diha nga kami mamatay ug mahimo na nga abug ug mga bukog, kami ba gayud mabanhaw (gikan sa patay)?"

"Ug mabanhaw ba ang atong mga katigulangan nga namatay una kanato?"

Isulti: "Oo, kadtong mga nauna, ug kadtong naulahi nga mga panahon,"

Sa pagkatinuod, sila pagatigumon gayud alang sa tinudlong panagtagbo sa nahibaloan nga Adlaw (ngadto sa Allah lamang).

Ug sa pagkatinuod kamo, Oh kadtong mga nahisalaag kinsa mga manlilimod (sa Pagkabanhaw ug Paghukom)!

Kamo mukaon sa nga mga kahoy sa Zaqqum,

Ug inyong pun-on ang (inyong) mga tiyan niini;

Ug muinom sa ibabaw niini sa nagbukal nga tubig;

Ug muinom sama sa pag-inum sa giuhaw nga mga kamelyo.

Kini mao ang ilang pag-abiabi sa Adlaw sa Pagbalus.

Kami (maoy) nagbuhat kaninyo, nganong dili man kamo motuo?

Nakahunahuna ba kamo sa (tawhanong semilya) nga inyong gipagawas?

Kamo ba ang naglalang niini o Kami (Allāh) ang mga Magbubuhat?

Kami nagtakda ug kamatayon nganha kaninyo ug Kami dili mabuntog,

Aron Kami mag-usab sa inyong mga porma ug makabuhat kaninyo (pag-usab) sa (mga porma) nga wala ninyo mahibaloi.

Ug kamo nahibalo na sa unang porma sa paglalang, nganong dili man kamo makahinumdom?

Busa nahunahuna ba nimo ang liso nga imong gipugas sa yuta?

Kamo ba ang nagpatubo niini, o Kami ba (Allah) ang Nagpahinabo sa pagtubo?

Kon Kami mobuot, Kami sa pagkatinuod makahimo niini ug uga nga balili nga mangadugmok, unya kamo mabilin sa pagkatingala.

Kamo moingon: "Sa pagkatinuod Kami gisilotan;

apan kami gihikawan sa tagana!"

Nakakita ba kamo sa tubig nga inyong giinom?

Kamo ba ang nagpakanaug niini gikan sa mga panganod, o Kami ba (Allāh) ang mga Tigpadala?

Kon Kami mobuot, Kami makahimo niini nga parat; nganong dili man kamo magpasalamat?

Nakakita ba kamo sa kalayo nga inyong gihaling?

Kamo ba ang nagpatubo sa mga kahoy alang niini, o Kami ba ang tigpatubo?

Kami (Allah) naghimo niini nga usa ka pahinumdom ug usa ka kaayohan alang sa mga magpapanaw (ug alang sa tanan nga mga katawhan).

Busa pagdayeg pag-ayo ug himayaa ang Ngalan sa (Allah) ang Ginoo, ang Labing Halangdon.

Ug Ako (Dios) manumpa pinaagi sa pagsalop sa mga bitoon;

Ug sa pagkatinuod kini usa ka dako nga panumpa, kon kamo nasayud lamang;

Sa pagkatinuod kini usa ka Pinasidunggan nga Qur'an,

Sa usa ka napreserbar nga Libro (ang Gipreserbar nga Papan),

Walay makahikap niini gawas sa mga giputli (ang mga anghel).

(Kini) usa ka gipakanaog gikan (sa Allāh) ang Nag-inusurang Ginoo sa tanan nga linalang.

Gihuptan ba ninyo kining (Balaan) nga Pamahayag sa gaan nga pagtamod?

ug pagbayad balik ang ˹Allah alang sa˺ inyong kadagaya nga inyong ilimod (Kaniya - ang tighatag)

Nganong dili man sa diha nga kini (ang kalag) mosaka sa tutunlan?

Ug kamo nianang panahona magtan-aw sa himatyon nga tawo sa imong atubangan,

Ug (ang Among mga Anghel nga mikuha sa kalag) mas duol niini kay kaninyo, apan kamo dili makakita.

Busa nganong dili- kon ikaw gawasnon gikan sa pag-ihap[4] - ——— [4] laing kahulogan: Busa nganong dili - kon ikaw, ingon sa imong gihunahuna, dili mabanhaw aron sa pagbayad kanimo sa imong mga buhat -

(Kamo) Magpabalik sa kalag (sa lawas niini), kon kamo matinud-anon?

Kun siya usa kadtong mga midala sa haduol "sa Allāh"[5]. ——— [5] laing kahulogan: Busa kon ang mga patay usa sa mga nag-una sa maayong mga buhat,

Nan (alang kaniya ang) kapahulayan ug kadagaya ug ang Tanaman sa Kabulahanan.

Ug kon siya usa niadtong anaa sa tuo nga kamot,

Nan (ang mga anghel moingon): 'Ang kalinaw maanaa kaninyo, kay (kamo) gikan niadtong anaa sa tuo nga kamot.

Apan kon siya taliwala sa mga manlilimod, ang mga nahisalaag,

Alang kaniya mao sa usa ka gi-abi-abi nga mao ang makasunog nga tubig.

ug nagdilaab sa kalayo sa Impiyerno.

Sa pagkatinuod, kini mao ang hingpit nga Kamatuoran uban sa kasigurohan.

Busa dayega ug himayaa ang Ngalan sa (Allah) ang Ginoo, ang Labing Bantugan.

Ang tanang anaa sa mga langit ug ang yuta nagpahayag sa pagdayeg ug paghimaya ni Allāh. Siya mao ang Hingpit Gamhanan, ang Hingpit Maalamon.

Iya ang Ginharian sa langit ug sa yuta; Siya naghatag ug kinabuhi ug nagpahinabog kamatayon; ug Siya (Allah) adunay gahom sa tanang butang.

Siya ang Una ug ang Katapusan, ang Labing Hataas ug ang Labing Haduol, ang Dayag ug ang Tinago, ug Siya adunay ˹hingpit˺ nga kahibalo sa tanang butang.

Siya (Allah) mao ang nagbuhat sa mga langit ug sa yuta sulod sa unom ka Adlaw, nan, mikayab ug bangon ibabaw sa Trono (sa paagi nga nahiangay sa Iyang Kahalangdon). Siya labing nasayod sa bisan unsa nga musulod sa mga yuta, ug sa mugawas gikan niini, ug nianang mikanaug gikan sa langit, ug nianang nagasaka ngadto niini, ug Siya uban kaninyo bisan asa man kamo nahimutang (pinaagi sa Iyang Kahibalo ug Gahum). Ang Allah Kanunay nga Nakakita sa unsay inyong gibuhat.

Iya ang gingharian sa langit ug sa yuta; ug ngadto sa Allah ang (tanang) mga butang ibalik (alang sa Paghukom).

Iyang gipasulod ang kagabion sa adlaw, ug Iya usab nga gipasulod ang adlaw ngadto sa kagabion, ug Siya adunay hingpit nga Kahibalo sa bisan unsa nga anaa sa mga dughan (sa katawhan).

Tuohi ang Allah ug ang Iyang Mensahero (Muhammad), ug makig-bahin nianang Iyang gisalig kaninyo. Busa kadtong taliwala kaninyo nga mituo kang Allah ug makig-bahin (sa kinabobot-on nga pagpanghatag sa mga pobre) makabaton ug dakong ganti (sa Paraiso).

Unsay inyong rason nga kamo dili motuo sa Allah? Samtang ang Mensahero (ang Propeta Muhammad) nagdapit kaninyo sa pagtuo sa (Allah) nga inyong Ginoo, ug sa pagkatinuod Siya mikuha sa inyong pakigsaad, kon kamo (tinuod) mga magtotoo?

Siya mao ang nagpakanaog sa tin-aw Iyang ulipon (ang Propeta Muhammad) sa tin-aw nga mga Timaan, aron siya ipagawas kaninyo ngadto sa gawas gikan sa tomang kangitngit ngadto sa kahayag; ug sa pagkatinuod si Allāh mao Labing Buotan ug Maluloy-on ngadto kanimo.

Unsa ang inyong rason nga dili kamo mogasto sa Dalan sa Allah? Samtang Iya sa Allah ang kabilin sa mga langit ug yuta. Dili managsama gikan kaninyo kadtong migasto (sa Among Dalan) sa wala pa ang pagsakop (sa Makkah), ug nakig-away (gikan niadtong uban kaninyo nga mibuhat niini nga ulahi): Kadto (nauna) mas taas og ranggo kay niadtong migasto ug nakig-away (sa Dalan sa Allah) human kanila. Si Allah nagsaad ug maayo sa tanan. Si Allah mao ang Labing Nakahibalo sa unsay inyong gibuhat.

Kinsa ba kadtong magpahulam sa Allah ug usa ka maayo nga pagpahulam (pinaagi sa paghatag ug tabang sa mga kabos), aron Siya (Allāh) magadoble niini alang kaniya, ug alang kaniya ang usa ka halangdon nga ganti (sa Paraiso).

Sa Adlaw nga inyong makita ang mga magtutuo nga mga lalaki ug nga mga babaye ang ilang kahayag nagdan-ag sa ilang atubangan, ug sa ilang tuong kamot (ang mga talaan sa ilang mga binuhatan, kini igaingon ngadto kanila ingon nga pag-abiabi): "Maayong balita alang kaninyo karong adlawa, (nga mao ang) mga tanaman nga diin ang mga suba nagadagayday sa ilalum niini, aron sa pagpabilin sa sulod niini sa kahangturan, mao kana ang Dakong Kalamposan."

Sa Adlaw nga ang mga tigpakaaron-ingnon, mga lalaki ug mga babaye, moingon ngadto kanila nga mituo (sa Allah, sa Iyang mga Mensahero, ug sa Katapusan nga Adlaw): "Hulata kami, aron nga kami makakuha sa uban ninyong kahayag"; kini igaingon (kanila): "Balik kamo ug pangita ug kahayag." Unya usa ka bungbong ang ibutang taliwala kanila nga adunay pultahan, sa sulod niini mao ang Kalooy, samtang sa gawas niini anaa ang pag-antus.

Sila motawag kanila: "Dili ba kami uban kaninyo 'sa Islām'?" Sila Moingon: "Oo, kamo kaniadto uban kanamo, apan kamo nagtintal sa inyong mga kaugalingon, ug pagduhaduha, ug ang kawang nga mga tinguha milingla kaninyo hangtud nga ang Mando sa Allah muabut, samtang ang pangulo nga limbongan (Satanas) naglimbong kaninyo mahitungod sa Allah[1]." ——— [1] Kamo nagduhaduha sa Allah ni saad ngadto sa mga magtutuo ug ang pagkabanhaw [pag-usab] human sa kamatayon. Ang bakak nga mga ambisyon milingla kanimo hangtod nga ang kamatayon niabot kanimo samtang anaa ka nianang [estado].

Busa karong adlawa walay lukat nga paga-dawaton gikan kaninyo (Oh mga tigpakaaron-ingnon), ni gikan kanila nga milimod (sa Kamatuoran); ang inyong puloy-anan mao ang Kalayo sa Imperno; kini mao (lamang) ang inyong dalangpanan, ug dautan kana nga kapadulngan.

Wala pa ba moabot ang panahon alang kanila nga mituo nga ang ilang mga kasingkasing kinahanglang magmapainubsanon ngadto sa Paghinumdom sa Allāh, ug sa unsay gipakanaog sa Kamatuoran sa Qur'an? Ug nga sila dili mahisama niadtong gihatagan sa Kasulatan kaniadto (nga mao ang mga Hudeyo ug mga Kristohanon), nga ang mga kasingkasing migahi sa paglabay sa panahon, busa ang kadaghanan kanila mga masupilon (sa Dios).

Hibaloi nga ang Allah naghatag ug kinabuhi sa yuta human sa kamatayon niini; sa pagkatinuod, Kami mihimo sa mga Timaan nga tin-aw alang kaninyo, aron kamo makasabut.

Sa pagkatinuod, ang mga lalaki ug ang mga babaye nga naghatag sa pipila sa ilang mga bahandi "alang sa kaayohan ni Allāh" ug (kadtong) nagpahulam ngadto sa Allah sa usa ka maayong pagpahulam, kini pagadoblehon alang kanila, ug sila makabaton ug halangdong ganti.

(Alang) kanila nga mituo sa Allah ug sa Iyang mga mensahero, kini sila mao ang mga matinud-anon, ug ang mga martir (o mga saksi) uban sa ilang Ginoo (Allah); sila makabaton sa ilang ganti ug sa ilang kahayag, apan (alang) niadtong naglimod (sa Kamatuoran) ug misalikway sa Among mga Bersikulo (ang Qur’an), kini sila mao ang mga lumulopyo sa Imperno.

Hibaloi nga ang kinabuhi niining kalibutana panagdula lamang ug lumalabay nga kalipay ug pagpasigarbo sa usag-usa ug panag-indigay mahitungod sa bahandi ug mga anak, sama sa ulan nga nagpatubo sa mga tanom nga makapahimuot sa mag-uuma, unya kini malaya aron inyong makita nga kini nahimong dalag, ug unya kini mahimong uhot. Apan sa Pikas Kinabuhi (adunay) usa ka hilabihan nga Silot (alang sa mga manmilimod), ug kapasayloan gikan sa Allah ug (Iyang) maayong kahimuot (alang sa mga magtutuo). Ug ang kinabuhi niining kalibutana walay lain gawas sa malimbongon nga kalipay.

Pagdali (kamo) ngadto sa Kapasayloan gikan sa (Allah) ang Ginoo, ug sa Paraiso nga ang gilapdon niini sama sa gilapdon sa mga langit ug sa yuta; nga giandam alang niadtong mituo sa Allah ug sa Iyang mga Mensahero; kini mao ang Pabor sa Allah, Siya naghatag niini kang bisan kinsa nga Iyang gusto; ug ang Allah mao ang Ginoo sa Dakong Kagadaya.

Walay katalagman nga mahitabo sa yuta o sa inyong mga kaugalingon, nga wala nahisulat sa usa ka talaan sa dili pa Namo kini ipa-lungtad. Kay sa matood, kini labing sayon alang sa Allāh.

Aron kamo dili maguol sa mga butang nga kamo napakyas sa pagkab-ot, ni managkalipay kamo tungod sa unsay Iyang gihatag kaninyo. Si Allah dili makagusto kang bisan kinsa nga mapasigarbuhon ug hambugero.

Kadtong mga kuripot ug nagsugo sa mga tawo nga mahimong kuripot[2]. Bisan kinsa nga mitalikod (gikan sa Pagtuo sa Islam), nan sa pagkatinuod ang Allah mao ang Igo sa Kaugalingon, ang Dalaygon. ——— [2] Si Allah wala magkinahanglan sa ilang gugma nga putli.

Sa pagkatinuod, Kami nagpadala sa Among mga mensahero uban sa tin-aw nga mga Pamatuod, ug nagpadala uban kanila sa Kasulatan ug sa Balanse (Hustisya o Kaangayan) aron ang mga tawo makagawi sa ilang kaugalingon uban ang hustisya; ug Kami nagpakanaug ug puthaw, diin anaa ang dakong gahum ug daghang mga kaayohan alang sa mga tawo, ug aron ang Allah magpakita kinsay mitabang Kaniya (sa Iyang Kawsa), ug sa Iyang mga Mensahero sa dili makita. Sa pagkatinuod si Allah maoy Kusgan, Hingpit Gamhanan.

Ug sa pagkatinuod Kami mipadala kang Noe ug Abraham, ug mibutang diha sa ilang mga kaliwat sa Pagkapropeta ug sa Kasulatan; busa adunay uban kanila nga nagiyahan, apan kadaghanan kanila mga makasasala.

Unya Kami nagpadala sa Among mga mensahero aron sa pagsunod sa ilang mga tunob, ug Among gipadala si Hesus, ang anak ni Maria aron sa pagsunod (ingon nga usa ka propeta), ug Among gihatag kaniya ang Ebanghelyo, ug Among gibutang sa mga kasingkasing niadtong nga misunod kaniya (tinuod) pagmahal ug kalooy; ug mahitungod sa monastisismo - nga ilang gimugnamugna alang sa ilang mga kaugalingon - Kami wala magmando niini alang kanila, apan (sila naninguha niini) aron lamang sa pagpangita sa Kahimuot sa Allah, apan sila wala magsunod niini uban sa husto nga pagtuman; busa Kami mihatag ngadto kanila nga mituo sa ilang Ganti, apan ang kadaghanan kanila mga makasasala.

Oh mga magtutuo, pagpailalom kamo ngadto sa mga Kasugoan sa Allah (Dios), ug tumuo sa Iyang nga Mensahero (Muhammad). Siya (Allah) mohatag kaninyo og doble nga bahin sa Iyang kaluoy, ug maghimo alang kaninyo og kahayag diin kamo magalakaw, ug mopasaylo kaninyo. Si Allah mao ang Labing Mapasayloon, Labing Maluluy-on.

Aron ang mga sumosunod sa (naunang) mga Kasulatan (Hudeyo ug Kristohanon) mahibalo nga sila dili makahimo sa pag-angkon ug bisan unsang Gahum sa Grasya sa Allah (kon sila magdumili sa pagtuo niini nga Mensahe), ug nga (ang tanang) Grasya anaa sa Kamot sa Allah (lamang), Siya naghatag niini ngadto sa kinsay Iyang gusto; kay ang Allah mao ang Ginoo sa Dakong Kaayohan.

Ang Allāh mitubag sa pag-ampo sa babaye[1] nga makiglalis uban kanimo (Oh Muhammad) mahitungod sa iyang bana[2], ug nagdala sa iyang reklamo (kang) Allāh ug si Allāh nakadungog sa imong dayalogo. Ang Allah mao ang Labing Makadungog, ang Labing Makakita. ——— [1] Nga mao si Khawlah, anak nga babaye ni Tha’labah. [2] Nga mao si Aws, nga anak nga lalaki ni Samit.

Ang bisan kinsa kaninyo nga maga-himog pakig-bulag sa ilang mga asawa pinaagi sa Zihar (Pag-tawag kanila nga inahan) pagtandi sa mga buko-buko sa ilang mga asawa ngadto sa buko-buko sa ilang mga inahan, sila (ang mga asawa) dili gayud mao ilang mga inahan; ang ilang mga inahan walay lain kondili kadtong nanganak kanila; ug sa pagkatinuod sila namulong sa dili maayo nga pahayag ug usa ka kabakakan, ug sa pagkatinuod ang Allah mao ang Tigpapas sa sala, Labing Mapasayloon.

kanila nga makig-bulag gikan sa ilang mga asawa, pinaagi kang Zihar, ug unya makig-uli sa ilang mga asawa, nan, sila kinahanglan maga-hatag ug kagawasan sa usa ka ulipon, sa dili pa sila muhikap sa usag usa; niana, kamo gitambagan. Si Allah ang Labing Nakahibalo sa imong gibuhat.

Apan bisan kinsa nga dili makakaplag (usa ka ulipon aron sa paghatag kagawasan), nan, magpuasa siya sulod sa duha ka bulan nga nanagsunod sa dili pa sila muhikap sa usag-usa unya mahitungod kaniya dili makahimo (sa pagpuasa), siya magpakaon sa kaunoman ka tawo nga kabus; kini aron sa pagpamatuod nga kamo sa pagkatinuod adunay hingpit nga Pagtuo sa Allāh (Dios) ug sa Iyang mensahero (Muhammad), ug kini mao ang gitakda nga mga utlanan sa Allāh; ug alang sa mga manmilimod adunay usa ka sakit nga Silot.

Kanila nga mosupak (kang) Allāh, maingon man sa Iyang mensahero, papaulawan sama niadtong mga na-una kanila gipakaulawan; ug sa pagkatinuod Kami nagpadala ug tin-aw nga mga Bersikulo, ug ang mga manlilimod makaangkon sa usa ka makauulaw nga Silot.

Niadtong adlawa diin silang tanan paga-banhawon na (ni) Allāh. Nan ipahibalo kanila sa unsay ilang nabuhat (niining kinabuhia), Ang Allah nagtala niini samtang sila nanga-limot na niini. Ang Allāh maoy saksi sa tanang butang.

Wala ka kabantay nga ang Allah nahibalo sa unsay anaa sa mga langit ug sa unsay anaa sa yuta? Walay bisan asa nga tambag sa tago tali sa tulo apan Siya (ang Allah mao) ang Ikaupat kanila, ni (tali sa) lima gawas nga Siya (Allah) ang Ikaunom kanila, ni sa ubos pa niana o sa sobra pa niana, apan Siya naga-uban kanila bisan asa pa sila (pinaagi sa Iyang Kahibalo ug Gahum); ug sa Adlaw sa Pagkabanhaw Siya mopahibalo kanila sa unsay ilang gibuhat (sa tibuok nilang kinabuhi); sa pagkatinuod ang Allah mao ang Labing Nasayod sa tanang butang.

Wala ba ninyo makita kadtong gidid-an gikan sa tago nga mga pagpanambag (sa pagbiaybiay ug panagkunsabo), unya sila mobalik ngadto sa unsay gidili kanila, ug sila naghupot sa tinago nga mga tambag alang sa kasal-anan ug sayop nga binuhatan ug sa pag-supak sa Mensahero (Muhammad)? Ug sa diha nga sila muabot kanimo, sila motimbaya kanimo uban nianang (pulong) diin ang Allah wala motimbaya kanimo, ug sila moingon sa ilang mga kaugalingon: "Ngano nga ang Allah (Dios) wala man maga-silot kanato sa unsay atong gisulti?" Ang Imperno igo na alang kanila; sila mosulod niini, ug dautan gayud kana nga maoy padulngan."

Oh mga magtutuo, sa diha nga kamo mohupot sa tago nga panagtambag, ayaw pag-awhag sa usag-usa ngadto sa sala, agresyon, sa sayop nga binuhatan, ug sa pagsupak sa Mensahero (sa Allah, Muhammad), hinonoa, pag-awhag kamo ngadto sa katarung ug pag-pugong sa kaugalingon. Kahadloki ang Allāh, diin kamong tanan maga-balik.

Ang tinago nga mga tambag mao (ang mga buhat) lamang ni Satanas, aron siya makahimo sa pagpaguol niadtong mituo, ug siya dili makadaut kanila kon dili pagbuot (ni) Allāh, ug kang Allah (lamang) himoa nga ang mga magtotoo magbutang sa ilang hingpit nga pagsalig.

Oh mga magtutuo, sa diha nga iga-ingon kaninyo: "Paghatag ug lugar (paagi ug uban pa). Himoa gilayon ang ingon, ang Allah (Dios) maga-hatag da unya ug dapit alang kaninyo", ug sa diha nga kini iga-ingon: "Tumindog kamo (alang sa pakigbisog sa Kawsa sa Allah o alang sa bisan maayong katuyoan)", nan tindog. Ang Allah mobayaw sa taas nga mga ang-ang niadtong kinsa kaninyo’y mutuo (sa Kamatuoran), ug kadtong gihatagan ug kahibalo; kay ang Allah mao ang Labing Nakahibalo sa unsay inyong gibuhat.

Oh mga magtutuo, sa diha nga kamo magapakig-tambag sa Propeta, nan pagtanyag ug pipila ka butang nga ikahatag sa dili pa ang inyong pagkonsulta ingon nga gugmang putli; kana labing maayo alang kaninyo ug labing putli; apan kon kamo wala makakaplag (ug bisan unsa nga ikahatag), nan sa pagkatinuod ang Allah mao ang Labing Mapasayloon, Labing Maluluy-on.

Nahadlok ba kamo nga dili kamo (makahimo) sa paghatag gugmang putli; sa dili pa ang inyong pagkonsulta? Sa diha nga dili ninyo kini mabuhat, ug ang Allāh nag-pasaylo man kaninyo, nan (labing menos) himoa ang kanunay nga pag-ampo, ug bayri ang kabus nga kantidad (Zakat – Obligado limos), ug tumana ang Allah (Dios) ug ang Iyang mensahero (Muhammad). Ang Allah mao ang Labing Nakahibalo sa unsay inyong gibuhat.

Nasinati ba nimo kadtong 'mga tigpakaaron-ingnon', nga nag-pakig-higala niadtong anaa kanila ang Kasuko sa Allah (nga mao ang dili magtutuo nga mga Hudeyo)? Sila dili uban kaninyo (Oh mga magtutuo), dili usab uban kanila (nga mga manlilimod), ug sila (ang mga tigpakaaron-ingnon) nanumpa sa bakakon samtang sila nahibalo.

Ang Allah nag-andam alang kanila ug usa ka hilabihan nga Silot; sa pagkatinuod dautan ang unsay ilang gibuhat.

Sila naghimo sa ilang mga panumpa ingon nga takuban (sa ilang mga kasaypanan), sa ingon niana sila mipatalikod sa mga tawo gikan sa Dalan sa Allāh; busa sila makabaton og usa ka makauulaw nga pagsakit.

Dili ang ilang bahandi o ang ilang mga anak mga makabenepisyo kanila sa bisan unsa batok sa Allah (Dios).Sila maoy mga piniriso sa kalayo sa Impyerno, didto sila magpabilin sa kahangturan.

Sa Adlaw nga ang Allah paga-banhawon kanilang tanan (gikan sa mga patay alang sa Paghukom), ug sila manumpa ngadto Kaniya sama sa ilang pagpanumpa (karon) kaninyo (Oh mga magtutuo), ug sila naghunahuna nga sila adunay butang (aron barogan sa ibabaw niini). Sa pagkatinuod, sila mga bakakon.

Si Satanas nakaangkon og gahum ibabaw kanila, busa siya nakahimo kanila nga makalimot sa Paghandum sa Allah; sila ang pundok ni Satanas. Sa pagkatinuod, ang pundok ni Satanas mao ang mga nangalugi (pildero).

Sila nga mga nakig-batok kang Allah ug sa Iyang mensahero (Muhammad); sila mauban sa mga labing gipakaulawan.

Si Allāh Nagmando: "Ako sa pagkatinuod modaog, Ako ug ang Akong mga mensahero"; sa pagkatinuod si Allāh maoy Kusgan, Labing Gamhanan.

Kamo dili makakaplag ug katawhan nga (tinuod) nga mituo sa Allāh ug sa Ulahing Adlaw nga adunay gugma alang kanila nga nakigbatok sa Allāh (Dios) ug sa Iyang mensahero (Muhammad), bisan pa sila sa ilang (kaugalingong) mga amahan, o ilang mga anak, o ilang mga igsoong lalaki, o ilang kaparentehan; kini sila mao kadtong ang mga kasingkasing Iyang (Allāh) gikulitan sa tinuod nga Pagtuo, ug siya Iyang gilig-on uban sa tinuod nga Giya gikan Kaniya. Iyang pasudlon sila sa mga Tanaman nga sa ubos niini mao ang mga suba nga nagdagayday, nga magpabilin niini hangtud sa kahangturan; Ang Allāh nahimuot kaayo kanila ug sila nalipay pag-ayo Kaniya. Kini mao ang panon sa Allāh; hibaloi, sa pagkatinuod kini mao ang panon sa Allāh nga magmalampuson ug mauswagon.

Ang bisan unsa nga anaa sa mga langit ug bisan unsa nga anaa sa yuta dayega ug himayaa ang Allah, ug Siya mao ang Hingpit Gamhanan, ang Hingpit Maalamon.

Siya mao ang Nagpapahawa niadtong mga manlilimod gikan sa mga sumosunod sa (naunang) Kasulatan[1] gikan sa ilang mga panimalay, sa ilang unang panagtapok (ug pagkahawa), wala kamo maghunahuna nga sila mobiya (nga walay pagsukol), samtang sila naghunahuna nga ang ilang mga kuta manalipod kanila batok sa Allah; apan ang Allah miabut kanila gikan sa dapit nga wala nila damha, ug nagbutang ug kataranta sa ilang mga kasingkasing; ilang giguba ang ilang mga balay sa ilang kaugalingon nga mga kamot ug sa mga kamot sa mga magtutuo; busa pagkuha ug leksyon gikan niini, O kamo nga adunay panan-aw! ——— [1] Nga mao ang mga Hudeyo sa tribo ni Nadheer nga milapas sa ilang kasabotan ngadto sa mga Muslim.

Ug kon dili pa, nga Allah nag-mando ug nagtakda alang kanila sa pagpahawa, Siya sa pagkatinuod misilot na kanila dinhi sa kalibutan, ug sa Pikas Kinabuhi sila makabaton sa Silot sa Kalayo'

Kini tungod kay sila nakig-batok kang Allah (Dios) ug sa Iyang Mensahero (Muhammad), ug bisan kinsa nga makig-batok kang Allah, nan sa pagkatinuod ang Allah Labing Mapig'ot sa pag-hatag ug Pagsilot.

Ang bisan unsa nga punoan nga inyong paga-putlon o gipasagdan nga nagbarog sa mga gamot niini, kini pinaagi sa Kamandoan sa Allah, ug aron Iyang pakaulawan ang mga masupilon.

Ug unsa ang gihatagan ni Allāh 'ingon nga mga inagaw ug bahandi' ngadto sa Iyang mensahero gikan sa kaaway, wala ka maghimo ug ekspedisyon uban sa bisan unsang mga mangangabayo o kamelyo sa pagdakop niini. Apan si Allah naghatag ug gahum sa Iyang Mensahero batok kang bisan kinsa nga Iyang gusto. Si Allah adunay Gahum sa tanang butang.

Ang bisan unsa nga gihatag sa Allah nga inilog ngadto sa Iyang mensahero (Muhammad, ingon nga mga inagaw ug bahandi' nga) gikan sa mga tawo sa mga lungsod, kini alang sa Allah (Dios) ug alang sa Mensahero ug alang sa (iyang) mga duol nga kaliwat[2], ug alang sa mga ilo ug sa mga timawa ug alang sa natanggong nga biyahedor, 'estranghero ug langyaw', aron kini dili mahimo nga galamiton lamang sa mga adunahan diha kaninyo. Bisan unsa nga ihatag sa Mensahero (ang Propeta Muhammad) kaninyo, dawata kini, ug bisan unsa nga iyang gidili kaninyo, likayi kini. Kahadloki ninyo (si) Allāh. Sa pagkatinuod, ang Allah Labing Mapig'ot sa Pag-silot. ——— [2] Nga diin ang Propeta nagdili kanila sa pagdawat sa mga hinabang.

Ug (adunay bahin usab) alang sa mga kabus nga mga milalin (mibakwit), nga gipapahawa gikan sa ilang mga panimalay ug (gihikawan) sa ilang mga bahandi, nga nangita ug kadagaya gikan sa Allah ug (sa Iyang) Maayong Kahimuot, ug mitabang sa Allah (sa Iyang Relihiyon) ug sa Iyang mensahero (Muhammad); sa pagkatinuod, sila mao ang mga matinud-anon.

Maingon man sila nga, sa wala pa sila, adunay mga balay (sa Madinah) ug midawat sa Pagtoo, sila gugma sa bisan kinsa nga milalin ngadto kanila, nga walay tinguha sa ilang mga kasingkasing alang sa bisan unsa nga ˹sa ganansya˺ gihatag sa mga migrante. Gipalabi nila ang mga migrante kay sa ilang kaugalingon bisag sila nanginahanglan. Bisan kinsa nga naluwas gikan sa kahakog sa iyang kaugalingon, kini sila mao ang mga nagmalampuson ug mauswagon.

Sila nga mga misulod sa pagtoo paghuman kanila, muingon: "(Oh Allāh) among Ginoo, pasayloa kami ug ang among mga kaigsoonan nga nag-una kanamo sa Pagtuo, ug ayaw ibutang sa among mga kasingkasing ang bisan unsang kasuko o pagdumot ngadto kanila nga mituo. (O Allāh) among Ginoo, sa pagkatinuod Ikaw ang Labing Maliputon, Labing Maluluy-on.

Wala ba kamo makabantay sa mga salingkapaw? Sila nag-ingon ngadto sa ilang mga kauban nga wala motuo gikan sa mga sumusunod sa (naunang) Kasulatan (nga mao, ang mga Hudeyo sa tribo ni Nadheer): "Kon kamo papahawaon, kami sa pagkatinuod mouban kaninyo, ug kami dili gayud motuman kang bisan kinsa batok kaninyo, ug kon kamo makig-away, kami sa pagkatinuod motabang kaninyo". Ang Allah misaksi nga sila sa pagkatinuod mga bakakon.

Sa pagkatinuod, kon sila papahawaon, sila dili mouban kanila, ug kon sila makig-away, sila (mga tigpakaaron-ingnon) dili motabang kanila, ug bisan pa kon sila motabang kanila, sila sa pagkatinuod motalikod, unya sila dili matabangan.

Kamo (mga magtutuo) sa pagkatinuod labing gikahadlokan sa ilang mga kasingkasing labaw pa sa Allāh; kini tungod kay sila usa ka katawhan nga wala makasabut.

Sila (ang mga Hudeyo sa Nadheer) dili makig-away batok kaninyo ingon sa usa ka lawas nga nagkahiusa gawas sa kinutaan nga mga lungsod o gikan sa luyo sa mga paril; ang ilang panag-away taliwala kanila hilabihan, ikaw naghunahuna nga nagkahiusa sila apan ang ilang mga kasingkasing nabahin; kini tungod kay sila mga tawo nga dili makasabut.

Sama niadtong (mga Hudeyo gikan sa tribo ni Qaynu-qa’) nga nag-una kanila og diyutay; natilawan nila ang dautan nga resulta sa ilang binuhatan, ug sila makabaton sa usa ka sakit nga Silot.

(Ang mga tigpakaaron-ingnon) sama sa panig-ingnan ni Satanas sa diha nga siya maga-ingon sa tawo: “Paglimod (sa Allah ug sa Iyang mga Mensahero)," apan sa diha nga siya naglimod, si Satanas miingon: Wala gyud koy labot ninyo, ako gawasnon gikan kanimo. Sa pagkatinuod ako nahadlok sa Allah, Ginoo sa tanan nga linalang.

Busa ang katapusan nilang duha mao nga silang duha maanaa sa Kalayo (sa Imperno) aron magpabilin didto sa kahangturan, ug kana mao ang balus sa mga mamumuhat sa kadautan.

Oh mga magtutuo, kahadloki ninyo ang Allāh, ug himoa nga ang matag tawo motan-aw sa unsay iyang gipadala unahan alang sa ugma, ug pagmalig-on sa pagsunod sa mga Kasugoan sa Allah; sa pagkatinuod ang Allah mao ang Labing Nakahibalo sa unsay inyong gibuhat.

Ug ayaw kamo pagpahisama niadtong nakalimot sa Allah (nga wala magtagad sa pagsunod Kaniya), mao nga Siya mihimo kanila sa pagkalimot sa ilang kaugalingon (nakalimot sa pagpadala ug maayong mga buhat alang sa ilang kaugalingon sa Pikas Kinabuhi). Kini sila mao kadtong mga dautan.

Dili managsama ang mga pumoluyo sa Imperno ug ang mga pumoluyo sa Paraiso, ang mga pumoluyo sa Paraiso mao ang mga nakakab-ot (sa dakong Kalamposan ug kadaugan).

Kon Kami nagpakanaog niini nga Qur'an sa usa bukid, makita nimo kini nga nagpaubos ug nag-uwang tungod sa kataha Kang sa Allāh. Kini mao ang Among sambingay alang sa katawhan, aron sila mamalandong.

Siya mao ang Allah, wala nay laing diyos gawas Kaniya; ang Nakahibalo sa dili makita ug sa makita; Siya ang Labing Madagayaon, ang Labing Maloloy-on.

Siya mao ang Allah, wala nay laing diyos gawas Kaniya; Ang Hari, Ang Balaan, Ang Kalinaw, Ang Mati-numanon, Ang Gam-hanan, Ang Mag-aayo, Ang Labing Dako. Dayega ug Himayaa ang Allah ug Siya Hataas ug halayo nga labaw sa unsay ilang gipakig-uban Kaniya 'sa pagsimba'. [3]. ——— [3] Ingon nga espiritu santo, Hesu-Kristo, sa mga jinn ug mga santos; ang tanang maoy naglalang sa Allah.

Siya mao ang Allah, Ang Mag-lalalang, ang Imbentor, Ang Tighatag ug Hulagway; Kaniya (lamang) ang Labing Halangdon nga mga Ngalan; ang bisan unsa nga anaa sa mga langit ug sa yuta naga-hugyaw sa Iyang Pag-dalayeg ug kahimayaan, ug Siya ang Makagagahum sa Tanan, ang Labing Maalamon.

Oh mga magtutuo, ayaw kuhaa ang Akong kaaway ug ang inyong kaaway nga mga suod nga higala (ug sinaligan), Ngano, (kamo ba) magpakita kanila og pagmahal samtang sila nanghimakak sa miabut kaninyo ni Kamatuoran, nga nagpapahawa sa Mensahero (sa Allah), ug sa inyong mga kaugalingon tungod kay kamo mituo sa Allah, nga inyong Ginoo? Kon kamo mianhi aron nakig-Jihad sa Akong dalan, ug sa pagpangita sa Akong Kalipay, magatugon ba kamo ug pagmahal kanila? Ug ako (Allah) nahibalo sa unsay inyong gitago o gidayag; ug bisan kinsa kaninyo nga nagabuhat niini, siya sa pagkatinuod nahisalaag gikan sa matul-id nga dalan (sa Islam).

Kon sila makaangkon og gahum ibabaw kaninyo, sila mamahimo nga inyong mga kaaway, ug maga-tuy'od sa ilang mga kamot ug mga dila batok kaninyo, ug sila nagtinguha nga kamo usab mahimong mga manlilimod.

Sa adlaw unya sa Pagkabanhaw, ang inyong nga paryente ni ang mga anak dili makatabang kaninyo, siya magahukom taliwala kaninyo. Kay ang Allah nakakita sa unsay inyong gibuhat.

Sa pagkatinuod, adunay usa ka maayo nga panig-ingnan alang kaninyo diha kang Abraham ug niadtong uban kaniya, sa diha nga sila miingon ngadto sa ilang mga katawhan: "Sa pagkatinuod, Kami walay bisan unsa nga uban kaninyo ug unsa ang inyong gisimba gawas sa Allah. Kami nagsalikway kanimo, kasuko ug pagdumot mitungha tali kanamo. ug ikaw, hangtud sa kahangturan - hangtud nga ikaw motuo kang Allah lamang." Gawas sa pulong ni Abraham ngadto sa iyang amahan nga: "Ako sa pagkatinuod mangayo ug kapasayloan alang kaninyo, apan ako walay gahum (sa pagbuhat) kaninyo ug bisan unsa uban sa Allah (Dios), (O Allah) nga among Ginoo! Kanimo (lamang) kami nagasalig, ug Kanimo (lamang) midangop (sa paghinulsol ug pagsunod), ug Kanimo ang kataposang Pagbalik.”

(Oh Allah) among Ginoo, ayaw kami himuang mupailalom sa paglutos sa mga manlilimod (ug nga sila adunay pagkalabaw ibabaw kanamo ug nagpahinabo kanamo og kasakit ug kasamok), ug pasayloa kami, (Oh Allah) among Ginoo. Sa pagkatinuod Ikaw ang Makagagahum sa Tanan, ang Labing Maalamon.

Sa pagkatinuod adunay alang kaninyo diha kanila (Abraham ug kanila nga misunod kaniya) nga usa ka maayong panig-ingnan, alang kanila nga naglantaw sa unahan (uban ang Paglaum ug Kahadlok) sa Allah ug sa Ulahing Adlaw. Ug bisan kinsa nga motalikod (gikan sa Kamatuoran), nan sa pagkatinuod ang Allah mao ang Igo sa Kaugalingon, Angayan sa tanang pagdayeg.

Tingali nga ang Allah magdala sa usag-usa ug pagmahal tali kaninyo ug niadtong inyong gihuptan nga inyong mga kaaway taliwala kanila. Ang Allah adunay gahum sa tanang butang ug ang Allah mao ang Labing Mapasayloon, Labing Maluluy-on.

Ang Allāh wala magdili kaninyo sa pag-pakita ug kaayo kanila nga manga wala makig-gubat kaninyo tu-ngod sa inyong tinoohan nga relihiyon maingon man kanila nga wala mag-abog kaninyo, gikan sa inyong manga panimalay; kamo mahimong makig-harong ug makig-ayo kanila, sa pagkatinuod ang Allāh nahigugma kanila nga manga matarong ug buhat:

Ang Allah nagdili lamang kaninyo gikan niadtong (mga dili magtutuo) nga nakig-away kaninyo tungod sa (inyong) relihiyon, o nagpalayas kaninyo gikan sa inyong mga panimalay o nagsuporta (sa uban) sa pagpalayas kaninyo, nga inyong himuon sila nga mga higala (ug sinaligan), ug bisan kinsa nga magakuha kanila nga mga higala (ug mga sinaligan), nan sila mao ang mga mamumuhat sa kadautan.

Oh mga magtutuo, sa diha nga ang magtotoo nga mga babaye moanha kaninyo ingon nga mga isip mga imigrante, nan sulayi ug susiha sila; Ang Allah labing nasayod sa ilang pagtuo; unya kon inyong makita nga sila mga magtutuo nga mga babaye, ayaw sila pabalika ngadto sa mga dili magtutuo, wala kini (nga magtutuo mga babaye) gikatugot alang kanila, ni sila (mga manlilimod) gikatugot alang kanila, ug ihatag kanila ang ilang nagasto (sa ilang mga asawa pinaagi sa dowry); ug walay sala diha kaninyo sa pagminyo kanila sa diha nga kamo makahatag kanila sa ilang mga bugay; ug ayaw paghupot sa mga bugkos sa kaminyoon ngadto sa dili-matinuohon nga mga babaye, ug pangayo sa unsay inyong nagasto (nga bugay), ug himoa sila (mga manlilimod) nga mapangayoan sa unsay ilang nagasto. Kini mao ang Paghukom sa Allah; Siya naghukom tali kaninyo, ug ang Allah mao ang Labing Nahibalo, ang Labing Maalamon.

Ug kon ang bisan kinsa sa inyong mga asawa mubiya kaninyo ug miadto ngadto sa mga manlilimod, ug human niini, kamo makabaton sa inyong turno (sa kadaugan nga makakuha ug bahandi gikan sa dinag-an sa gubat), nan bayri ang mga bana nga ang mga asawa mibiya kanila, sa samang kantindad sa unsay ilang nagasto (sa ilang mga asawa sa paghatag ug bugay kaniadto), ug pag-matngon sa inyong mga katungdanan (kang) Allāh nga diin kamo mituo.

Oh Propeta (Muhammad), Sa diha nga ang mga magtutuo nga mga babaye moabot kanimo nga naghatag kanimo ug panumpa nga sila dili magbutang ug kauban nga bisan unsa sa pagsimba sa Allah, dili mangawat, dili maghimo sa gidili nga pakighilawas, dili mopatay sa ilang mga anak, dili mamakak o mosulti sa pagbutangbutang, sa tinuyo, nga naghimog bakak tali sa ilang mga bukton (sama sa nagpaila sa usa ka bata nga sinagop kuno o natawo sa pagpanapaw ngadto sa bana sa babaye) ug nga sila dili mosupak kanimo sa unsay maayo, dawata ang ilang panumpa, ug pangayo ug Kapasayloan alang kanila gikan sa Allah; sa pagkatinuod ang Allah mao ang Labing Mapasayloon, Labing Maluluy-on.

Oh Mga magtutuo, ayaw himoa nga mga kaalyado (ug mga sinaligan) ang katawhan nga nakaangkon sa Kasuko sa Allah. Sila (ang walay pagtuo nga mga Hudeyo) nawad-an sa paglaum sa (ganti sa) Pikas Kinabuhi ingon ang mga pagano nga nawad-an sa paglaum niadtong anaa sa mga lubnganan (nga sila dili pagabanhawon).

Ang tanan nga anaa sa mga langit ug bisan unsa nga anaa sa yuta pagdayeg ug paghimaya Kang Allah, ug Siya mao ang Hingpit Gamhanan, ang Hingpit Maalamon.

Oh mga magtutuo, Ngano nga kamo nagsulti (o nagwali) sa dili ninyo buhaton?

Kini labing gikasilagan sa panan-aw sa Allāh nga kamo mosulti (o magsangyaw) sa unsay wala ninyo buhata.

Sa pagkatinuod, ang Allah nahigugma niadtong nakig-away diha sa Iyang Dalan nga nanaglaray, ingon nga sila sama sa (usa ka) lig-on nga gambalay nga gidugtong nga malig-on.

(Hisguti) sa diha nga si Moises miingon ngadto sa iyang mga katawhan: "O akong mga katawhan, nganong gilutos man ninyo ako? Samtang nasayud gayud kamo nga ako mao ang Sinugo sa Allah nganha kaninyo"; apan sa diha nga sila mitipas (gikan sa Dalan sa Allah), ang Allah mihimo sa ilang mga kasingkasing nga motipas. Ang Allah dili mugiya sa mga tawo nga mabinatukon.

(Hisguti) sa diha nga si Hesus, ang anak ni Maria miingon: "O mga anak sa Israel, ako usa ka Mensahero gikan Allāh alang kaninyo nga nagpa-matood sa Torah nga miabot una kay kanako, ug nag-pahibalo sa maayong balita sa usa ka Mensahero nga maga-abot sunod kanako, nga ang ngalan mao si Ahmad[1]. Apan sa diha nga siya miabot kanila uban ang dayag nga mga timaan, sila nag-ingon; "Kini usa ka tin-aw nga salamangka." ——— [1] I.e., Muhammad, nga nagpasabot sa daghan nga gidayeg, ang Parakleto, ang manlalaban o magtatambag.

Kinsa ba ang labaw nga dili makiangayon kay niadtong nagtumotumo ug bakak batok sa Allah samtang gidapit ngadto sa Islam (kalinaw ug bug-os nga nagpasakop nga Allāh). Ang Allah dili mogiya sa mga malinapason.

Gusto nila nga palongon ang Kahayag sa Allah (Dios) pinaagi sa ilang mga baba, apan ang Allah maghingpit sa Iyang Kahayag, bisan pa ang mga manlilimod dili makagusto niini.

Siya mao ang nagpadala sa Iyang mensahero (Muhammad) uban sa Giya ug sa tinuod nga Relihiyon, aron ipadayag kini nga madaugon sa tanang mga relihiyon, bisan pa ang mga tigsimbag diyos-diyos dili makagusto niini.

Oh mga magtutuo, ipakita ko ba kaninyo ang usa ka pagbinayloay 'o pakigpatigayon' nga moluwas kaninyo gikan sa sakit nga Silot.

Tumoo kamo (kang) Allāh maingon man sa Iyang Mensahero (ang Propeta Muhammad) ug panlimbasug pag-ayo diha sa Dalan sa Allah uban sa inyong bahandi ug sa inyong mga kinabuhi. Kini mao ang labing maayo alang kaninyo, kon kamo nasayod pa unta!

Siya mopasaylo kaninyo sa inyong mga sala, ug mopasulod kaninyo ngadto sa mga Tanaman nga sa ubos niini ang mga suba nagadagayday, ug maanindot nga mga puloy-anan sa mga Tanaman sa Eden; kana mao ang Dakong Kalamposan;

Ug usa ka (panalangin) nga inyong gihigugma: Tabang gikan sa Allah ug usa ka kadaugan nga haduol na. Busa isangyaw ang maayong balita sa mga magtotoo.

Oh mga magtutuo, pagtabang (sa Kawsa) sa Allāh, sama niadtong si Hesus, ang anak ni Maria, miingon sa (iyang) mga tinon-an: "Kinsa ang akong mga katabang (sa Kawsa) sa Allāh?" Ang mga tinon-an miingon: "Kami mga katabang (sa Kawsa) sa Allāh." Busa ang usa ka pundok sa mga anak sa Israel mituo, ug ang laing pundok naglimod (sa Kamatuoran); ug (ang Allāh) mipalig-on niadtong mga mituo batok sa ilang mga kaaway, ug sila nahimong madaugon (pinakalabaw kanila).

Ang tanan nga anaa sa mga langit ug bisan unsa nga anaa sa yuta pagdayeg ug paghimaya Kang Allah, ang Hari, ang Balaan, ang Labing Gamhanan, ug ang Labing Maalamon.

Siya mao ang nagpadala sa taliwala ang mga dili makamaong mobasa, ang usa ka Mensahero, aron sa paglitok kanila sa Iyang mga Bersikulo, ug sa pag-putli ka-nila ug sa pagtudlo kanila sa Libro ug sa Kaalam, bisan pa sila kaniadto anaa sa dayag nga sayop.

Maingon man ngadto sa lain pundok (ngadto sa tanang mga tawo sa tanang panahon, tanang mga rasa ug mga rehiyon), nga wala pa miapil kanila. Siya (Allāh) mao ang Hingpit Gamhanan, ang Hingpit Maalamon.

Mao man ang kadagaya (ni) Allāh; Iyang gihatag kini ngadto sa kinsay Iyang gusto, kay ang Allah mao ang adunay dakong gasa.

Ang panig-ingnan sa gitugyan sa kabalaoran sa Torah, unya sila wala magbantay niini, susama sa asno nga nagadala ug mga linukot nga basahon sa iyang likod (apan walay bisan unsa nga nasabtan niini). Unsa ka daotan ang panig-ingnan sa mga tawo nga nanghimakak sa mga Bersikulo sa Allah (ang Qur’an). Ang Allah dili mugiya sa mga tigbuhat ug kasaypanan nga mga tawo.

Isulti: "O kamo nga nagsunod sa mga pagtuo sa Hudaismo, kon kamo nag-angkon nga kamo (lamang) ang duol sa Allah uban sa inyong pagsalikway sa tanang tawo, nan pangandoy kamo sa kamatayon kon kamo mga matinud-anon."

Apan sa pagkamatuod, sila dili gayod mag-handom sa kamatayon, tungod sa unsay gipadala sa ilang mga kamot (nga kadautan). Ang Allah nakaila pag-ayo sa mga mamumuhat ug kadautan.

Isulti: "Ang kamatayon nga inyong gina-likayan, kana sa pagkatinuod magtagbo kaninyo, unya kamo ibalik ngadto sa (Allah) nga Nahibalo sa dili makita ug sa makita, ug Siya magpahibalo kaninyo nianang inyong naandan nga ginabuhat."

Oh mga magtutuo, sa diha nga inyong madung'gan ang tawag alang sa pag-ampo sa Adlaw nga Biyernes (ang adlaw sa katiguman), nan pagdali kamo ngadto sa Paghinumdom sa Allah, ug biyai ang pagpamaligya. Kini ang labing maayo alang kaninyo, kon kamo nasayod pa unta.

Apan sa diha nga ang pag-ampo matapos na, panlakaw sa kayutaan ug pangitaa ang Pabor sa Allah, ug hinumdomi ang Allah sa kanunay, aron kamo maga-uswag.

Apan (sa usa ka higayon) sa diha nga ilang nakita ang pipila ka mga baligya o kalingawan sila nagdali ngadto niini, ug mibiya kanimo (Oh Muhammad) nga nagbarog. Isulti: "Unsay anaa sa Allāh nga mas maayo pa kay sa bisan unsang kalingawan, ug (mas maayo) pa kay sa mga baligya. Ang Allāh mao ang Labing maayo sa mga tighatag."

Sa diha nga ang mga tigpakaaron-ingnon moabot kanimo (O Propeta Muhammad), sila moingon: "Kami nagasaksi nga ikaw sa pagkatinuod mao ang Mensahero sa Allah"; ug ang Allah nahibalo nga sa pagkatinuod ikaw Iyang Mensahero, ug ang Allah nagsaksi nga ang mga tigpakaaron-ingnon sa pagkatinuod mga bakakon.

Ilang gihimo ang ilang mga panumpa nga usa ka tabil (sa ilang pagkasalingkapaw), nga talikod (sa mga tawo) gikan sa Dalan sa Allah; sa pagkatinuod dautan kanang ilang ginabuhat.

Kini tungod kay sila mituo, unya naglimod, busa, ang ilang manga kasing-kasing giselyohan aron sila dili makasabot[1]. ——— [1] Unsa ang tinuod ug unsa ang bakak.

Sa diha nga ikaw makakita kanila, ang ilang panagway makapadani kanimo, ug kon sila mosulti, ikaw mamati sa ilang mga pulong; (sila walay bili sama sa haw-ang) nga mga piraso sa kahoy nga gisandig (nga dili makabarog sa ilang kaugalingon); naghunahuna sila nga ang matag pagtuaw batok kanila. Sila mao ang mga kaaway, busa pagbantay kanila; ang tunglo (ni) Allāh anaa sa ibabaw nila. Daw unsa sila ka mini!

Sa diha nga iga-ingon kanila: "Umari kamo, aron ang Mensahero sa Allah mangayo ug Kapasayloan alang kaninyo, sila motalikod, ug imo silang makita nga mipahilayo samtang sila mapahitas-on uban sa garbo."

Managsama kining alang kanila, kon ikaw mangayo ug kapasayluan alang kanila o dili mangayo; Ang Allah dili gayud mopasaylo kanila; sa pagkatinuod ang Allah dili mogiya sa mga masupilon ang nga mga tawo.

Sila mao ang mga nanag-ingon: "Ayaw gasto sa mga sa Mensahero sa Allah hangtod nga sila maga-katibulaag." Ug iya sa Allah (lamang) ang mga bahandi sa langit ug yuta, apan ang mga tigpakaaron-ingnon wala makasabut.

Sila naga-ingon: "Kon kita mobalik sa Madinah, ang labing dungganon (uban sa gahum ug bahandi)[2] sa pagkatinuod mopapahawa sa labaw nga ubos gikan niini[3]. Apan ang tanang kadungganan ug gahum iya ni Allah, sa Iyang Mensahero, ug sa mga magtotoo, apan ang mga salingkapaw wala mahibalo. ——— [2] Naghisgot sa ulo sa mga salingkapaw sa Madinah niadtong panahona. [3] Ang Propeta ug ang mga magtutuo.

Oh mga magtutuo, ayaw itugot nga ang inyong bahandi, ug ang inyong mga anak, makapugong kaninyo gikan sa Paghinumdum sa Allah; ug bisan kinsa nga magabuhat niana, nan sila mao ang mga nanga-alkansi (pildero).

Paggasto kamo gikan sa unsay Among gihatag kaninyo sa dili pa muabot sa usa kaninyo ang kamatayon, unya muingon: "(Oh Allah) Akong Ginoo, kon Imo lang unta akong langanon sa haduol na panahon, nan ako makahatag ug gugmang putli (hatagon gikan sa akong bahandi), ug mahiuban sa mga matarung."

Apan ang Allah dili maglangan sa usa ka tawo, sa diha nga ang tinudlong panahon niini nga moabut. Ang Allah mao ang Labing Nakahibalo sa unsay inyong gibuhat.

Ang bisan unsa nga anaa sa mga langit ug bisan unsa nga anaa sa yuta nagadayeg ug naghimayaa Kang Allah, Kaniya ang Gingharian ug (tanang) Pagdayeg, ug Siya adunay bug-os nga Gahum ibabaw sa tanang butang.

Siya mao ang naglalang kaninyo, unya ang uban kaninyo mga manlilimod ug ang uban mga magtutuo; ug ang Allah Labing Naka-kita sa tanan ninyong mga buhat.

Siya naglalang sa mga langit ug sa yuta sa tinuod nga katuyoan, ug Siya nag-umol kaninyo, ug naghimo kaninyo sa labing maayo nga mga porma (hulagway), ug ngadto Kaniya (Allah) mao ang katapusan nga Pagbalik.

Siya nahibalo kon unsa ang anaa sa mga langit ug sa yuta, ug Siya nahibalo sa unsay inyong gitagoan o gidayag. Ang Allah mao ang Labing Nakahibalo sa unsay anaa sa mga dughan (sa katawhan).

Wala ba miabot kaninyo ang sugilanon niadtong naglimod kaniadto, unya nakatilaw sa daotang resulta sa ilang mga buhat, ug sila nakaangkon ug sakit nga silot?

Kini tungod kay miabot kanila ang ilang mga Mensahero uban sa tin-aw nga mga Pamatuod, apan sila miingon: "Ang tawo ba maga-giya kanato?" Busa sila milimod ug mitalikod, ug ang Allah wala magkinahanglan kanila (o sa ilang pagtuo). Kay ang Allah Igo sa Kaugalingon, Dalaygon.

Kadtong mga manlilimod naghunahuna nga sila dili na gayod mabanhaw (gikan sa mga patay). Isulti: "Oo, pinaagi sa akong Ginoo (Allāh), kamo mabanhaw, unya kamo pahibaloon sa unsay inyong gibuhat; ug kini labing sayon ​​alang sa Allāh.

Busa tumoo kamo sa Allah ug sa Iyang mensahero (Muhammad) ug sa Kahayag (ang Qur’an) nga Among gipakanaog 'sa pagpadayag' . Ang Allah mao ang Labing Nakahibalo sa unsay inyong gibuhat.

Sa Adlaw nga Siya magtipok kaninyo alang sa Adlaw sa Panagtigom, kana mao ang Adlaw sa pagkalugi ug pagkaganansya sa usag-usa. Bisan kinsa nga mituo sa Allah ug nagbuhat ug matarung nga mga buhat, Siya (Allah) mokuha gikan kaniya sa iyang mga dautang binuhatan ug pasudlon siya sa mga Tanaman (Paraiso) nga sa ubos niini mao ang mga suba nga nagadagayday, aron sa pagpabilin sa sulod niini hangtud sa kahangturan; kini mao ang Dakong Kalamposan.

Kanila nga naglimod (sa Kamatuoran) ug misalikway sa Among mga Bersikulo (ang Qur’an), sila mao ang mga pumoluyo sa Kalayo (sa Imperno), sila magapuyo didto sa kahangturan. Pagka-alaut nga katapusan.

Walay katalagman nga mahitabo (kang bisan kinsa) gawas sa Pagtugot sa Allah; ug bisan kinsa nga mituo sa Allah, Siya nagtultol sa iyang kasingkasing. Ang Allāh naka-ila sa tanan.

Tumana ang Allah ug tumana ang Mensahero ( Muhammad), apan kung kamo motalikod, nan ang katungdanan sa Among Mensahero mao lamang ang tin-aw nga paghatod (sa Mensahe).

Ang Allah, wala nay laing diyos gawas Kaniya; ug ngadto sa Allah (lamang) himoa nga ang mga magtotoo mosalig.

Oh mga magtutuo, sa pagkatinuod gikan sa inyong mga asawa ug sa inyong mga anak adunay pipila (kanila) nga inyong mga kaaway (kay sila magpatalikod kaninyo gikan sa pagsunod sa Husto nga Dalan); busa pagbantay kanila; apan kon kamo mobaliwala ug mopasaylo (sa ilang mga kasaypanan nganha kaninyo ug sa kalibutanon nga mga butang), nan sa pagkatinuod ang Allah mao ang Labing Mapasayloon, Labing Maluluy-on.

Ang inyong bahandi ug ang inyong mga anak usa lamang ka pagsulay, samtang ngadto sa Allah adunay Dakong Ganti.

Busa kahadloki ang Allah hangtod sa inyong makaya, paminaw ug pagtuman, paggasto (sa Dalan sa Allah) ug makig-bahin, kini labing maayo alang sa inyong mga kaugalingon. Bisan kinsa nga naluwas gikan sa pagkahakog sa iyang kaugalingon. Kini sila mao ang mga nagmalampuson.

Kon kamo magpahulam ngadto sa Allah (Dios) sa usa ka maayo nga pagpahulam (mugasto sa kinabobot-on nga pagpanghatag para sa mga pobre), Siya magadoble niini alang kaninyo ug mupasaylo kaninyo; kay ang Allah mao ang mapasalamaton, nga mapailubon.

(Siya mao) ang Nakahibalo sa dili makita ug sa makita, ang Hingpit Gamhanan, ang Hingpit Maalamon.

Oh Propeta (ug mga magtutuo), kon kamo buot nga makig-bulag sa mga babaye, pakigbulag kanila sa human nga sila makasugod sa ilang panahon sa paghulat sa gikatakdang nga panahon alang kanila[1], ug ihapa ang panahon sa paghulat. Ug kahadloki ang Allāh nga imong Ginoo. Ayaw sila papa-hawa-a sa ilang manga panimalay, ni sila mogawas gawas lamang, kon sila sad'an sa dayag nga pakig-hilawas o kalaw'ayan. Kini mao ang mga utlanan nga gitakda sa Allah, ug bisan kinsa nga molapas sa gitakda nga mga utlanan sa Allah, siya sa pagkatinuod nagbuhat ug inhustisya sa iyang kaugalingon. Wala kamo mahibalo nga tingali ang Allāh magdala ug bag-ong kahimtang (sa pagpakig-uli tali kanila). ——— [1] Nga mao ang pagkahuman sa iyang pagregla ug sa dili pa mahitabo ang pakighilawas o kaha sa panahon sa kumpirmadong pagmabdos.

Busa sa diha nga sila hapit na moabut sa katapusan sa ilang gikatakdang panahon, nan tipigi sila sa dawatnon nga paagi, o bulagi sila sa dawatnon nga paagi, ug pagtawag aron sa pagsaksi ug duha ka mga tawo nga makataronganon gikan kaninyo, ug paghatag matarung nga pagpamatuod alang sa Allah. Ingon niin ang tambag nga gihatagan siya nga mituo sa Allah ug sa Ulahing Adlaw. Bisan kinsa nga nahadlok sa Allah ug nagtuman sa Iyang mga kamandoan, Siya magahimo alang kaniya ug paagi pagawas (sa matag kalisdanan),

Ug siya hatagan sa grasya nga dili niya mahanduraw[2]. Bisan kinsa nga mosalig sa Allah, nan Siya igo na alang kaniya. Ang Allah nagtuman sa Iyang Katuyoan. Sa pagkatinuod ang Allah nagtakda alang sa tanang butang ug gikatakdang sukod. ——— [2] Bisan kinsa nga mobiya sa usa ka butang alang sa Allah, Siya magpuli niini sa usa ka butang nga labing maayo.

Ug (alang) niadtong inyong mga babaye nga nawad-an na sa paglaum sa pagregla, kon kamo nagduhaduha mahitungod niini, nan, ang ilang termino sa paghulat mao ang tulo ka bulan, ug mao usab niadtong wala maabti sa ilang (binulan nga pagregla); ug (mahitungod sa) mga nagmabdos nga mga babaye, ang ilang gikatakdang panahon mao ang hangtod nga sila manganak. Bisan kinsa nga nahadlok sa Allah, ug nagpasakop sa Iyang mga Kasugoan, ug naglikay sa Iyang mga gidili, Iyang himoon nga sayon ​​alang kaniya ang mga butang.

Mao kana ang Sugo sa Allāh, nga Iyang gipakanaog nganha kaninyo. Bisan kinsa nga mahadlok sa Allāh, Iyang tangtangon gikan kaniya ang iyang mga sayop nga buhat, ug magapadagaya sa iyang ganti.

Pa-puy'a sila (ang mga diborsiyo sa bana nga mga babaye hangtud sa katapusan sa ilang Iddah o panahon sa paghulat) sa inyong panimalay sumala sa inyong maarangan, ayaw sila dagmali (aron maobliga sila sa pagbiya). Ug kong sila nagmabdos, gumasto kamo alang kanila hangtud nga sila manganak; unya kong sila magpasuso alang kaninyo, ihatag kanila ang ilang bayad, ug pagtinambagay kamo sa inyong kaugalingon sa paagi nga dawatnon. Apan kon kamo anaa sa panagsumpaki, nan pagkuha kamo ug laing babaye nga mag-pasuso.

Himoa nga siya nga adunay kaabunda mugasto sumala sa yang katakos, ug kaniya nga ang lyang bahandi sinukod, mugasto siya gikan niadtong gihatag sa Allah kaniya; Ang Allah wala mag-hatag kaninyo ug lulan nga labaw sa Iyang gikahatag kaninyo. Ang Allah muhatag ug kasayon human sa kalisdanan.

Pila na ka lungsod ang misupak batok sa Kasugoan sa iyang Ginoo (Allah), ug sa Iyang mga mensahero, busa Kami nagtawag niini ngadto sa usa ka hilabihan nga pagkwenta (nga mao ang silot niining kalibutanon nga kinabuhi), ug Kami musilot niini (uban) sa makalilisang nga pag-antus (sa Imperno, sa Pikas Kinabuhi).

Busa kini (ang lungsod) nakatilaw sa daotang sangpotanan sa iyang binuhatan, ug ang kataposan sa binuhatan niini mao ang (walay kataposan) nga pagkalugi.

Ang Allah nag-andam alang kanila ug usa ka hilabihan nga Silot, busa pagmatngon gayod kamo sa inyong mga katungdanan (kang) Allāh, Oh mga tawo nga may salabutan. Ang Allah sa pagkatinuod nagpadala kaninyo ug usa ka Pahinumdom (kini Qur'an).

(Ug nagpadala nganha kaninyo) ug usa ka Mensahero (ang Propeta Muhammad) nga nag naglitok kaninyo sa mga Bersikulo sa Allah (ang Qur'an) nga naglangkob sa tin-aw nga mga pagpasabot, aron nga Siya modala niadtong mituo ug nagbuhat ug matarung nga mga buhat, gikan sa kangitngit ngadto sa kahayag; ug bisan kinsa nga mituo sa Allah ug nagbuhat Sa mga matarung nga buhat, Siya mopasulod kaniya sa mga Tanaman nga sa ubos niini anaa ang mga suba nga nagadagayday, aron sa pagpabilin sa sulod niini hangtud sa kahangturan, ang Allah sa pagkatinuod naghatag kaniya ug usa ka maayong tagana.

Ang Allah Siya nga maoy naglalang ug pito ka mga langit, ug sa kayutaan nga managsama kanila (pito); Ang Iyang Kamandoan nagpadayon sa pagkanaog taliwala kanila (sa mga langit ug sa yuta), aron kamo mahibalo nga ang Allah adunay Gahum sa tanang butang, ug nga ang Allah sa pagkatinuod naglangkob sa tanang butang sa Iyang Kahibalo ug sa kaalam.

Oh Propeta, nganong gidili man nimo (sa imong kaugalingon) ang gitugot sa Allah alang kanimo, nga nagtinguha sa kahimuot sa imong mga asawa? Ang Allah maoy Labing Mapasayloon, ang Labing Maluluy-on.

Ang Allah sa pagkatinuod nagmando na alang kaninyo sa bayad sa inyong mga pagpanumpa, ug ang Allah mao ang inyong Tigpanalipod, ug Siya ang Makahibalo sa Tanan, ang Labing Maalamon.

Hisguti' sa diha nga ang Propeta misugid ngadto sa usa sa iyang mga asawa (nga mao si Hafsah) sa usa ka pamahayag; ug unya iyang gipahibalo (ang usa, Aishah) ang mahitungod niini. Apan ang Allah mibutyag niini ngadto kaniya (Muhammad); gipahibalo niya ang usa ka bahin niini, ug gitago ang laing bahin. Ug unya sa diha nga siya (Muhammad) mipahibalo kaniya (Hafsah) mahitungod niini, siya (Hafsah) miingon: "Kinsa ang nagsulti kanimo niini?" Siya miingon: "Ako gipahibalo sa (Allah) nga Mao ang Labing Nahibalo, ang Labing Nasayud."

Kon kamong duha (Hafsah ug 'Aishah, mga asawa sa Propeta) mobalik (sa paghinulsol) ngadto sa Allah (kini labing maayo alang kaninyo), tungod kay ang inyong mga kasingkasing nadalahig (sa pagsupak sa unsay gusto ug matarong alang sa Propeta); apan kon kamo magtinabangay sa usag-usa batok kaniya (Muhammad), nan, sa pagkatinuod, ang Allah mao ang iyang Tigpanalipod, ingon man Gabriel, ug ang mga matarung gikan sa mga magtutuo; ug dugang pa, ang mga anghel mao ang (iyang) mga magtatabang.

Tingali, kun siya (ang Propeta) makigbulag kaninyo, ang iyang Ginoo (Allah) mohatag kaniya puli kaninyo ug mga asawa nga labing maayo kay kaninyo - nga sila mga Muslim, mga magtutuo, masinulundon (sa Allah), nga (makanunayong) nagabalik sa Allah sa paghinulsol, ug nagasimba sa Allah nga sinsero (kinasing-kasing), nga naga-ampo ug nagapuasa, kinsa mga balo o dalagang ulay.

Oh mga magtutuo, luwasa ang inyong mga kaugalingon ug ang inyong mga pamilya gikan sa Kalayo, kansang sugnod niini mao ang mga tawo ug mga bato; nga sa ibabaw niini (Imperno) anaa ang mga anghel nga mapig-oton ug kusgan, nga dili gayod maga-supak sa manga kamandoan (ni) Allāh, Apan magahimo sa mga gika-sugo kanila.

Oh mga manlilimod, ayaw gayod pag-himog manga pasangil niining Adlawa. Kamo paga-gantihan lamang sumala sa inyong gibuhat kaniadto (nga kadautan).

Oh mga magtutuo, balik ngadto sa Allāh uban ang matinud'anon nga pag-hinul'sol, tingali ang inyong Ginoo (Allah) mokuha gikan kaninyo sa inyong mga kasaypanan, ug pasudlon kamo sa Paraiso nga sa ilalom niini nagadagayday ang mga suba, sa Adlaw nga diin ang Allah dili magpakaulaw sa Propeta ug niadtong mituo uban kaniya; ang ilang kahayag modan-ag sa ilang atubangan, ug sa ilang tuong mga kamot[1]; ug sila moingon: "(O Allāh) among Ginoo, himoa nga hingpit alang kanamo ang among kahayag, ug pasayloa kami, sa pagkatinuod Ikaw makahimo sa tanang butang." ——— [1] Mao ang ilang talaan sa mga buhat, uban ang matag tipik sa kaayohan nga ilang nahimo niining kinabuhia nga natala niini.

Oh Propeta (Muhammad), paningkamot pag-ayo batok sa mga manlilimod[2] ug sa mga tigpakaaron-ingnon[3] ug pagmatig-a ngadto kanila[4]; ug ang ilang puloy-anan mao ang Imperno, ug dautan gayud kana nga padulngan. ——— [2] Pinaagi sa pagpakita kanila sa mga pamaagi sa kalinaw ug kaluwasan, ug pakig-away kamo kanila kon sila mosupak ug mobarug batok sa Islam, ang Mensahe sa Gugma, Kamatuoran, Kalinaw, Hustisya, ug Pagkamatarong. [3] Pinaagi sa pagpatuman sa balaod ug hustisya diha kanila. [4] Sa mga manlilimod, sa diha nga kamo makasugat kanila sa gubat.

Ang Allah nagbutang ug panig-ingnan ngadto sa mga manlilimod, Ang asawa ni Noe ug ang asawa ni Lut; silang duha anaa ilalom sa Among duha ka matarung nga mga sulugoon, apan sila sukwahi (sa) ilang mga bana, mao nga kadtong mga propeta wala gayud makapahimulos kanila gikan sa Allah sa bisan unsa, ug kanila gika-ingon: 'Sumulod kamo sa kalayo (kamong duha) uban niadtong nga mga nanag-sulod niini

Ug ang Allah naghatag ug panig-ingnan alang sa mga magtutuo: Ang asawa ni Paraon (‘Asiyah) sa dihang siya miingon: ‘(Oh Allah) akong Ginoo, pagtukod alang kanako ug usa ka balay nga haduol kanimo sa Paraiso, ug luwasa ako gikan kang Paraon ug sa iyang (mga dautang) buhat, ug luwasa ako gikan sa mga mamumuhat ug kasaypanan.'

Ug si Maria, ang anak nga babaye ni Imran, nga nagbantay sa iyang kaputli, busa Kami nag-huyop ngadto sa iyang (bisti) pinaagi sa Among anghel (Gabriel), ug siya mituo sa mga Pulong sa iyang Ginoo (Allah), ug sa Iyang mga Kasulatan, ug siya kauban sa mga masilimbahon nga masinugtanon (sa iyang Ginoo, Allah).

Bulahan ang (Allah) kansang Kamot anaa ang tanang kamandoan, ug Siya ang Labing Makahimo sa tanang butang.

(Siya) mao ang nagbuhat sa kamatayon ug sa kinabuhi aron Iyang sulayan kamo - kun kinsa kaninyo ang labing maayo sa mga buhat (panggawi ug pamatasan); ug Siya (Allah) mao ang Labing Gamhanan, ang Labing Mapasayloon,

Siya mao ang nagbuhat sa pito ka kalangitan ang usa labaw sa lain; dili ka makakita og bisan unsa nga pagkadili hingpit sa paglalang sa Labing Madagayaon (Allah); Busa tan-awa pag-usab (ang kalangitan), nakakita ka ba ug bisan unsang mga sayup?

Tan-awa pag-usab, ug pag-usab pa, ang imong panan-aw mobalik kanimo nga mapaubsanon ug gikapoy.

Kami nagdayandayan sa pinakaubos nga langit pinaagi sa mga bituon (sama sa mga lampara), ug nag-himo niini ingon nga luthang alang sa mga satanas, ug Kami nag-andam alang kanila ug Silot sa nagdilaab nga Kalayo.

Ug alang kanila nga milimod sa ilang Ginoo (Allāh), mao ang Silot sa Imperno, ug kini mao ang hilabihan ka dautan nga padulngan.

Sa diha nga sila itambog sa sulod niini, sila makadungog sa (makalilisang) nga pag-ngurob sa lalom nga gininhawa niini samtang kini nagbukal.

(Kini) halos mobuto sa (hilabihang) kasuko. Sa matag higayon nga adunay pundok nga itambog niini, ang magbalantay niini mangutana kanila: Wala ba miabot kaninyo ang usa ka tigpasidaan (usa ka Mensahero gikan sa Allah)?

Sila moingon: Oo, sa pagkatinuod adunay miabot kanamo nga tigpasidaan, apan kami misalikway (kaniya) ug miingon: "Si Allāh wala nagpadala ug bisan unsa nga pagpadayag. Kamo anaa lamang sa dakong kasaypanan".

Ug sila moingon: "Kon kami naminaw pa lamang (sa Mensahe sa Allah) o migamit sa among rason (aron sa pagpangita sa Kamatuoran niini), kami wala unta malakip sa mga binilanggo sa nagdilaab nga Kalayo."

Busa sila moangkon sa ilang mga sala. Hilabihan kahalayo (ang tanang maayo) gikan sa mga lumulupyo sa nagdilaab nga Kalayo ug wala nay pag-laum kanila.

Apan alang kanila nga mga mahinadlokon sa ilang Ginoo (Allah) bisan pa dili nila siya makita, sila sa pagkatinuod makabaton og Kapasayloan ug usa ka Dakong Ganti.

Ug bisan kong inyong itago o ipahibalo ang inyong isulti; sa pagkatinuod Siya (Allah) adunay hingpit nga Kahibalo sa unsay anaa sa mga dughan (sa katawhan).

Siya ba nga naglalang (sa tanang butang) wala ba makaila mahitungod kanila? Ug Siya mao (ang Labing) Maliputon, ang Labing Nasayud.

Siya mao ang naghimo sa yuta nga masinugtanon alang kaninyo, busa panglakaw kamo sa halapad nga mga dapit niini, ug kaon kamo gikan sa Iyang tagana ug magmaya sa kadagaya nga Iyang gihatag. Ngadto Kaniya (Allāh) ang Pagkabanhaw.

Nakabati ba kamo ug luwas nga Siya (Allah), nga anaa sa ibabaw sa mga langit, dili maga-uyog sa yuta aron sa paglamoy kaninyo?

O nakabati ba kamo ug luwas nga Siya (ang Allah), nga anaa sa ibabaw sa mga langit, dili magpadala nganha kaninyo ug Buhawi uban ang Bato? Sa dili madugay kamo mahibalo kung unsa ka hilabihan ang Akong mga pasidaan.

Ug sa pagkatinuod kadtong mga nauna kanila nagsalikway (sa Kamatuoran), busa unsa (ka makalilisang) ang Akong tubag (kanila)?

Wala ba nila makita ang mga langgam ibabaw kanila nga nagbukhad (sa ilang mga pako) ug nagtik-op (niini)? Walay nagpugong kanila (samtang sila anaa sa kawanangan), gawas (sa Allah) ang Labing Madagayaon. Sa pagkatinuod, Siya mao ang Makakita sa tanan.

Kinsa ba sa inyong kasundalohan ang moabut aron sa pagtabang kaninyo batok sa Labing Madagayaon (Allah)? Apan ang mga manlilimod anaa lamang sa pagkailad.

O kinsa ba ang maghatag kaninyo ug sustento (pagkaon) kon Siya (Allah) magpugong sa Iyang (ginahatag nga) pagkaon? Bisan pa niini sila (nga mga manlilimod) manag-padayon sa (ilang) garbo ug pag-supil (gikan sa Kamatuoran).

Kinsa bay matood nga giniyahan; siya ba nga maga-lakaw nga ang nawong maga-mug'ot ug nga pina-ubos; o siya nga magalakaw nga barog nga subay sa matul-id nga dalan?

Isulti: Siya (Allah) mao ang naghimo kaninyo, ug naghatag kaninyo sa dung'gan, mata ug kasing-kasing sa pagbati ug salabutan. Apan gamay lang ang inyong pagpasalamat.

Isulti: "Siya (Allah) mao ang nagpadaghan kaninyo sa yuta, ug ngadto Kaniya kamo (tanan) pagatigumon (alang sa Paghukom)."

Sila maga-pangutana: "Kanus-a man kini nga Saad (ang Adlaw sa Pagkabanhaw ug Paghukom) mahitabo, kon ang imong gisulti tinuod?”

Isulti: "Ang Kahibalo niini anaa lamang sa Allah, ug ako usa lamang ka tin-aw nga tigpasidaan."

Apan sa dihang sila makakita sa silot nga nagpadulong na, ang mga nawong niadtong naglimod (ang Kamatuoran) pagahampakon sa kabalaka, ug iga-ingon kanila: 'Mao na Kini ang unsay inyong gipangutana kaniadto"

Isulti: Pananglitan kon ang Allāh hinungdan sa akong kamatayon, maingon man sila nga mga kuyog kanako; o dili ba hinoon, Siya maga-hatag sa Iyang kalooy nganhi kanamo: nan, kinsa may maga-luwas sa mga manlilimod gikan sa makalilisang nga silot?

Isulti: "Siya mao ang Labing Madagayaon (Allāh), kami nagatoo ug nagasalig Kaniya; ug inyong mahibaloan kon kinsa ang dayag nga sayop!

Isulti: "kon ang inyong tubig mahubas unya sa yuta; kinsa (gawas sa Allah) may mupagula sa tin'aw nga manga tuburan sa tubig?

Nun[1]. [Ako Dios] manumpa pinaagi sa gamit pangsulat ug pinaagi sa bisan unsa nga ilang mga 'ang anghel' igasulat, ——— [1] Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Pinaagi sa Grasya sa imong Ginoo (Allah), ikaw (Oh Muhammad) dili gisudlan sa daotang espiritu.

Ug sa pagkatinuod, alang kanimo maoy ganti nga dili gayod katapusan.

Ug sa pagkatinuod ikaw (Oh Muhammad) adunay dakong halangdon nga kinaiya ug talagsaon pamatasan.

Busa imong makita, ug sila usab makakita,

Kun kinsa kaninyo ang gisudlan sa kabuang (pinaagi sa mga satanas).

Sa pagkatinuod ang imong Ginoo (Allah) labing nakaila kaniya nga nahisalaag gikan sa Iyang Dalan, ug Siya mao ang labing nakaila niadtong (matarong) nga nagiyahan.

Busa ayaw tumana ang mga manlilimod (magsusupak sa Islam).

Sila naghandom nga ikaw mukumprumiso (sa mga sukaranan sa Islam), aron sila usab mukumprumiso uban kaninyo!

Ayaw tumana mga walay pulos nga kanunay nanumpa.

Usa ka mabutangbutangon, nga nagsuroysuroy uban ang dautang tabi-tabi,

Tigbabag sa maayo, nga malinapason ug makasasala,

Mabangis, ug gawas pa nianang tanan, bastos;

(Siya ingon niana) tungod kay siya adunay bahandi ug mga anak.

Sa diha nga ang Among mga bersikulo (ang Qur'an) ilitok ngadto kaniya, siya muingon: ‘(Kini) Mga Sugilanon sa karaang tawo.’

Siya Among pagamarkahan sa simod.

Sa pagkatinuod Amo silang sulayan ingon nga Kami misulay sa mga tag-iya sa tanaman, sa diha nga sila nanumpa sa pagpamupo sa mga bunga sa (tanaman) sa (takna) sa kabuntagon,

Apan wala gayod mangandam sa paggahin (alang sa mga kabus) ni dili miingon insha Allāh (itugot sa Diyos).

Hinonoa, dihay Magduduaw 'kalayo' nga gikan sa imong Ginoo 'Allāh', nga gihampak 'ang tanaman' samtang sila nangatulog,

Busa kini nahimong ingon sa usa ka itom, nga umaw nga yuta.

Ug sa na-buntag na, sila nanag- panawag sa usag usa,

Nag-ingon: Lakaw ug sayo sa inyong tanaman kon kamo buot mamupo (mang-ani).

Busa sila milakaw, nga naghinung-hongay sa usag-usa, 'ug nag-ingon',

Walay kabus nga tawo nga mosulod kaninyo (sa tanaman) karong adlawa.

Ug sila nanlimbasog gayod nga makus-ganon niining maong katuyoan;

Apan sa diha nga sila nakakita niini (sa tanaman nga hingpit nga nadaut), sila miingon: "Sa pagkatinuod kita sayop!

Dili, kita gihikawan (sa mga bunga).

Ang labing maayo gikan kanila miingon: "Wala ba ako nag-ingon nganha kaninyo, nga Nganong wala man kamo magdayeg ug maghimaya (sa Allah)?"

Sila miingon: "Himaya sa (Allah) nga among Ginoo, sa pagkatinuod kami dili makiangayon."

Unya ang uban kanila giatubang ang uban, nga nagbasol sa usag-usa.

Sila miingon: "Alaut kita! Sa pagkatinuod kita mga malinapason."

Tingali (ang Allāh) nga atong Ginoo magapuli kanato sa usa ka maayong nga (tanaman) kay sa niini; sa pagkatinuod ngadto sa (Allāh) nga among Ginoo kami mapaubsanong naghangyo (sa Iyang Kadagaya).

Ingon niana ang silot (niining kinabuhia), ug sa pagkatinuod ang silot sa Pikas Kinabuhi mas mabug-at, kon sila nahibalo lang.

Ang mga matarung makabaton og mga tanaman sa Kabulahanan duol sa ilang Ginoo (Allāh).

Kami ba unya mutratar sa mga Muslim (mga mitugyan sa ilang mga kaugalingon ngadto sa Allāh) sama sa mga dautan nga mga tawo.

Unsay nahitabo kaninyo? Giunsa ba ninyo paghukom?

O aduna ba kamoy Kasulatan diin kamo nakakat-on,

Nga kamo makaangkon sa unsay inyong gipili didto?

O nakadawat ba kamo gikan Kanamo ug usa ka kasabutan nga gipamatud-an pinaagi sa usa ka panumpa nga muabot sa Adlaw sa Pagkabanhaw nga ma-mainyo ang bisan unsay inyong pangayoon?

Pangutan-a sila, kinsa kanila ang manubag alang niana (nga pagdahum),

O aduna ba silay mga kauban (gawas sa Allāh Diyos)? Unya himoa nga sila modala sa ilang mga kauban[2], kon sila matinud-anon. ——— [2] I.e., kadtong ilang gipasangil nga pagkadios gawas sa Allāh, o kauban Niya gikan sa ilang kaugalingon.

Sa adlaw nga din ang tuman nga kalis-danan maga-abot[3], sila (ang mga manlilimod ug mga salingkapaw) paga-mandoan sa pag-hapa aron sa pagdayeg, apan sila dili maka-himo niini! ——— [3] O sa laing kahulogan: Sa Adlaw nga ang Batiis (sa tinuod nga Ginoo, Allah) madayag (ug ang Allah dili ikatandi sa Iyang mga binuhat), ug sila pagatawgon aron sa paghapa, apan sila (ang mga dili magtutuo ug mga salingkapaw) dili makahimo (sama nga sila napakyas sa pagbuhat niini nga kinabubut-on niining kinabuhia),

Ang ilang mga mata mapaubos, ang kaulawon motabon kanila. Ug sa pagkatinuod sila gitawag aron sa paghapa samtang sila maayo pa (panglawas ug makahimo pa).

Busa pasagdi Ako (Oh Muhammad); sila nga nagpanghimakak niining nga Mensahe (ang Qur'an). Kami sa hinay-hinay modala kanila (ngadto sa Silot), gikan sa dapit nga sila wala mahibalo.

Ug Ako maghatag kanila ug panahon. Sa pagkatinuod, ang Akong Plano lig-on.

​​O nangayo ka ba kanila ug bayad (alang niini nga Mensahe), aron sila mabug-atan sa utang?

O aduna ba silay (kahibalo sa) dili makita, aron ila kining isulat.

Busa paghulat nga mapailubon alang sa Paghukom sa (Allah) nga imong Ginoo, ug ayaw pagpahisama sa kauban sa isda (Jonas), sa dihang siya mituaw (ngadto sa Allāh) samtang siya anaa sa tuman nga kalisod.

Ug Kon wala pa miabot kaniya ang Pabor gikan sa iyang Ginoo (Allah), siya (nagpabilin pa unta sa tiyan sa isda, apan Amo siyang gipasaylo), busa siya gitambog ngadto sa umaw nga baybayon samtang siya maoy angayang basolon.

Apan ang iyang Ginoo (Allāh) nagpili kaniya, ug siya gipahiluna ipon kanila nga mga matarung.

Ug kadtong naglimod ( sa Kamatuoran) halos na hampak kanimo pinaagi sa ilang mga mata sa diha nga sila nakadungog sa Pahinumdom (Qur'an), ug sila miingon: 'Sa pagkatinuod siya nawala sa iyang hunahuna!'

Apan kini usa lamang ka pahinumdom (Mensahe gikan sa Allāh) ngadto sa tanang kanasoran (jinn ug katawhan).

Ang dili kalikayan nga kamatooran (nga labing dayag)!

Unsa ang dili kalikayan nga Kamatuoran.

Ug unsa ang makapahibalo kanimo kung unsa ang dili kalikayan nga Kamatuoran?

(Ang mga tribo ni) Thamud ug ‘Aad milimod sa mihampak nga Katalagman (ang Pagkabanhaw sa dili pa ang Paghukom).

Unya mahitungod sa (katawhan sa) Thamud, sila gilaglag pinaagi sa gamhanan (nga pagbuto).

Ug mahitungod sa (mga katawhan sa) ‘Aad, sila gilaglag pinaagi sa usa ka mabangis ug mapintas nga hangin.

Nga (ang Allah) nagpahamtang (niini) kanila sulod sa pito ka gabii ug walo ka adlaw nga walay hunong, aron imong makita ang mga tawo didto nga nanggibuy-od (nangalaglag) ingon nga sila sama sa mga haw-ang nga mga punoan sa palma (datiles).

Busa, nakakita ka ba ug salin kanila (nga buhi)?

Si Paraon, ang mga nauna kaniya, ug ang nangalaglag nga mga syudad (sa Sodoma ug Gomora) nagpadayon sa pagbuhat ug mga sala.

Sila misupak ang Mensahero sa ilang Ginoo (Allāh), busa Siya (Allāh) misakmit kanila uban sa makusganon nga pagsakmit!

Sa pagkatinuod, sa diha nga ang tubig miagas sa nga hilabihan, Kami midala kaninyo pinaagi sa naglutaw arka (nga gitukod ni Noe).

Aron Kami magahimo niini nga usa ka timaan ug nga pahinumdum kaninyong tanan, aron ang hait dalunggan nga maka-dungog magatipig niini, ug kanunay nga makahinumdom.

Unya sa diha nga ang trompeta pagatayhopan nga adunay kauban nga usa ka paghuyop,

Ug ang kalibutan mabalhin ug ang kabukiran madugmok ingon sa abog, pinaagi sa usa (lang) ka pagdugmok.

Busa, nianang Adlawa mahitabo ang Dakong Dili kalikayan nga Panghitabo,

Ug ang langit mapikas, tungod kay nianang Adlawa, kini mahuyang (gumikan sa pagkagisi);

Ug ang mga anghel anaa sa tanang kiliran niini; ug walo (dakong laray) sa mga Anghel mupas-an sa Trono sa (Allāh) imong Ginoo, nianang adlawa, sa ibabaw nila.

Nianang Adlawa, kamo pagadal-on sa Paghukom, walay tinago (sekreto) ninyo nga magpabiling matago.

Busa alang kaniya nga pagahatagan sa iyang talaan (sa mga buhat) sa iyang tuo nga kamot, siya moingon: Ania! Basaha ang akong basahon!

"Nasayod gayod ako nga akong atubangon ang akong Pag-ihap ug Paghusay!"

Busa siya maanaa sa malipayong kahimtang sa kinabuhi,

Sa habog nga Paraiso,

Ang mga bunga niini haduol lang nga maabot sa kamot, ug sayon kab'uton.

(Ug iga-ingon kanila): "Kaon ug inom kamo nga malipayon tungod sa unsay inyong gibuhat kaniadto sa nangaging mga adlaw."

Ug alang kaniya nga gihatagan sa iyang talaan (sa mga buhat) diha sa iyang wala nga kamot, siya moingon: "Oh, hinaut unta nga ang akong talaan wala gayud mahatag ngari kanako,"

Ug ako wala mahibalo kung unsa ang akong Pag-ihap ug husay;

Ah, hinaut unta nga ang kamatayon nag-tapos kanako sa hingpit;

Ang akong mga bahandi wala gayod mag-pulos kanako;

Ang akong gahom na-wagtang na kanako.

(Ang mando mao): "Dakpa siya, ug gapusa siya"!

Ug sunoga siya, pinaagi sa nag-lagiting nga kalayo sa Imperno!

Gapusa siya sa usa ka talikala nga ang gitas-on niini kapitoan ka maniko!

Kay siya ang nagdumili sa pag-too (kang) Allāh nga Makaga-gahom.

Wala usab siya mag-awhag sa pagpakaon sa mga kabus.

Busa dinhi, niining adlawa, wala siyay mahimo nga higala "sa pagtabang",

Ni bisan unsang pagkaon gawas sa nana gikan nga mga samad,

Walay magakaon niini gawas sa matinuyoon nga mga makasasala[1]. ——— [1] Nga nagbutang ug kauban sa Allah, o nakahimo sa uban nga dagkong makamatay nga mga sala, ug namatay sa ingon nga walay paghinulsol.

Busa ako (Dios) manumpa pinaagi sa unsay inyong makita,

Maingon man unsay dili nimo makakita;

Sa pagkatinuod, kini (ang Qur’an) mao ang (dinasig nga) Pulong (gikan sa Allah) gisangyaw sa usa ka halangdon nga Mensahero (Propeta Muhammad),

Kini dili pulong sa Magbabalak. Diyutay ra ang imong gi-toohan;

Ni pulong sa usa ka mananagna; gamay lang gayud ang inyong nahinumduman.

Kini usa ka Pinadayag nga gipadala gikan (sa Allah) ang Ginoo sa tanan nga linalang.

Ug kon siya (ang Propeta Muhammad) nagmugna batok Kanamo ug pipila ka (bakak) nga mga pulong,

Kami sa pagkatinuod misakmit na kaniya pinaagi sa tuong kamot (sa usa ka dako ug gamhanan nga Pagsakmit,

​​Ug Kami sa pagkatinuod moputol sa iyang (aorta) ugat.

Ug walay usa kaninyo nga makapugong Kanamo gikan kaniya.

Ug sa pagkatinuod kini (ang Qur’an) usa ka Pahinumdom alang sa mga matarong.

Ug sa pagkatinuod Kami nasayod nga diha kaninyo adunay mga nagsalikway niini.

Ug tinooray kini mahimong (hinungdan) sa dakong pagbasol ngadto sa mga manlilimod.

Ug sa pagkatinuod, mao kini ang kamatooran nga labing siguro ug hingpit.

Busa dayega ang Ngalan sa imong Ginoo (Allāh) ang Labing Bantugan.

Ang usa ka mapugsanon, namugos para Silot nga gikatakdang mahitabo,

Ngadto sa mga manlilimod - walay makapugong niini,

(Kini) gikan sa Allah, ang Ginoo sa mga Dalan sa Pagsaka.

Ngadto Kaniya musaka ang mga anghel ug ang (balaan) nga espiritu (Gabriel) sulod sa usa ka Adlaw nga ang sukod niini anaa sa kalimaan ka libo ka katuigan "sa inyong ihap".

Busa pagmapailubon (Oh Muhammad) uban sa matahum nga pagpailub[1]. ——— [1] Diin walay kaguol o reklamo.

Tan'awa, sila naghunahuna nga hilabihan ka layo (ang adlaw sa Pagkabanhaw).

Apan Kami Naglantaw niini nga duol na.

Sa adlaw nga ang langit mahimong sama sa tinunaw nga tumbaga.

Ug ang kabukiran mahimong sama sa mga balhibo sa karnero.

Ug walay higala nga maga-pangu-tana mahitungod sa iyang suod nga higala;

(Bisan pa) sila makita sa usag-usa. Ang daotan nga tawo magtinguha sa pagtubos sa iyang kaugalingon gikan sa Silot nianang Adlawa pinaagi sa (pagsakripisyo) sa iyang mga anak,

Ug sa iyang asawa ug sa iyang igsoon nga lalake,

Ug sa iyang labing duol nga kaparentehan nga nagpasilong (nagpapuyo) kaniya,

Ug ang tanan nga anaa sa yuta, (manghinaut) unya, (nga) kini (tingali unta) makaluwas kaniya.

Dili, sa pagkatinuod kini usa ka nagdilaab nga Kalayo,

Nga naglangkat sa mga panit sa ulo (ug ang panit sa lawas),

Ug magatawag kanila kinsay mitalikod ug mikalagiw (gikan sa Kamatuoran),

Ug nagtigum (sa katigayunan) ug nagtipig niini.

Ang tawo mao gilalang nga adunay madali-dalion nga kinaiya,

Walay pailub sa diha nga ang kadautan magsakit kaniya,

Labing hakog, sa diha nga ang maayo muabot kaniya.

Gawas niadtong makinasing-kasingon nga nag-ampo,

Kadtong makununayon sa ilang mga pag-ampo,

Kanila nga (sa ilang) bahandi adunay nahibaloan nga katungod ug nakigbahin,

Ngadto kanila nga manga kabos ug nanginahanglan.

Ug kadtong mituo sa Adlaw sa 'paghukom ug' Pagbalus;

Ug kadtong nahadlok sa pagsakit sa ilang Ginoo (Allah),

Sa pagkatinuod ang Pagsakit sa ilang Ginoo (Allāh), walay bisan kinsa nga mobati nga luwas gikan (niini).

Ug kadtong nagbantay sa ilang kaputli ug lawasnon nga tinguha (ug pagpanalipod sa ilang pribadong mga bahin sa lawas gikan sa ilegal nga pakighilawas).

Gawas sa ilang mga asawa o niadtong gipanag-iyahan sa ilang tuong mga kamot (pinaagi sa hustong legal nga mga paagi); kay sa pagkatinuod, sila dili pagabasolon,

Apan siya nga nagtinguha sa labaw pa niini, kini sila mao ang mga malinapason.

Ug kanila nga mga nanag-tuman sa ilang mga pagsalig ug saad,

Ug kadtong nanag-barog sa ilang mga gipa-matud'an;

Ug kadtong mga mabinantayon sa ilang mga pag-ampo,

Sila mao kadtong maga-puyo sa mga tanaman (Paraiso), nga gipasidunggan.

Apan unsa bay sayop niadtong naglimod (sa Kamatuoran) nga sila naglibot-libot sa imong atubangan,

Sa tuo ug sa wala nga kamot, nga anaa sa mga pundok?

Ang matag usa ba kanila nagdahum nga siya makasulod sa Tanaman (Paraiso) sa Kabulahanan?

Apan dili, sa pagkamatood, Kami naglalang kanila gikan sa matang nga ilang nahibaloan.

Busa ako nanumpa (Allāh) Ginoo sa tanan nga dapit sa mga Sidlakan ug Kasadpan, sa pagkatinuod Kami maka-himo,

Aron ilisan sila sa mga tawo nga mas maayo kay kanila, ug dili gayud Kami mabuntog.

Busa pasagdi sila sa pagpakigsulti nga walay kapuslanan ug maglingaw sa ilang mga kaugalingon, (nagsunod sa ilang ubos nga mga tinguha), hangtud nga sila muatubang sa ilang Adlaw nga gisaad kanila (ang adlaw sa Pagkabanhaw ug sa Paghukom),

Sa Adlaw diin sila mogula gikan sa ilang mga lubnganan nga nagdali, ingon nga naglumba sa usa ka diosdios ˹para sa usa ka panalangin˺,

Ang ilang mga mata gipaubos; ang kaulawan motabon kanila; kana mao ang Adlaw nga gisaad kanila.

Sa pagkatinuod, Among gipadala si Noe ngadto sa iyang mga katawhan, nga nag-ingon: "Pasidan-i ang imong mga katawhan sa dili pa moabut diha kanila ang usa ka sakit nga Pagsilot."

Siya miingon: "O akong katawhan, sa pagkatinuod ako usa ka tin-aw nga tigpasidaan nganha kaninyo,"

"Nga kamo kinahanglan nga mosimba sa Allah lamang, kahadloki Siya ug sunod kanako"

Siya mopasaylo kaninyo sa inyong mga sala ug maga-hatag kaninyo ug lugway sa gitagal nga panahon; sa pagkatinuod, ang panahon nga gitakda sa Allah sa diha nga kini moabut, kini dili malangan; kung inyo lang nahibaloan!

Si (Noe) miingon: "(O Allāh) akong Ginoo, Sa pagkatinuod ako nagtawag sa akong katawhan (sa Islam) sa gabii ug sa adlaw,"

"Apan ang akong pagwali walay nadugang gawas sa ilang pagkalagiw 'gikan sa Kamatuoran'."

"Sa diha nga ako motawag kanila (ngadto sa Islam) aron Ikaw mopasaylo kanila, sila nagbutang sa ilang mga tudlo ngadto sa ilang mga dalunggan ug mitabon sa ilang mga kaugalingon pinaagi sa ilang mga bisti, ug mipadayon (sa paglimod) ug nagpadako sa ilang mga kaugalingon uban sa garbo".

"Unya ako nagwali kanila ngadto 'sa Islam' sa dayag,"

"Ug sa pagkatinuod ako nakigsulti kanila sa dayag ug ako nakigsulti (usab) kanila sa tago,"

Ako miingon (kanila): "Pangayo ug Kapasayloan gikan sa (Allah) nga inyong Ginoo, sa pagkatinuod Siya mao ang Labing Mapinasayloon."

"Siya magbubo kaninyo sa madagayaon nga ulan (nga tagana)."

"Ug magahatag kaninyo ug mga bahandi ug ka-anakan, maingon man sa mga tanaman ug suba."

"Unsa ba ang nahitabo kaninyo, nga wala kamo nagpahinungod Kang Allāh sa kahalangdon Kaniya, samtang ang tanang kaayo naga-gikan Kaniya?"

Samtang Siya naglalang kaninyo pinaagi sa managkasunod nga hugna.

Wala ba ninyo makita kon sa unsang paagi ang Allāh naglalang sa pito ka mga langit, ang usa ibabaw sa usa?

Ug nagbuhat sa bulan ingon nga usa ka kahayag, ug nagbuhat sa adlaw nga usa ka lamparahan?

Si Allāh naghimo kaninyo nga maga-tubo pinaagi ug gikan sa yuta,

Ug sa katapusan, Siya maga-balik kaninyo sa yuta, ug magbanhaw kaninyo, gikan usab niini (sa Adlaw sa Pagkabanhaw).

Ug ang Allah naghimo alang kaninyo sa yuta ingon usa ka karpet (nagbuklad),

Aron kamo maglibotlibot ug makasubay sa halapad nga mga dalan sa sulod niini.

Si Noe miingon: "(O Allah) akong Ginoo, sa pagkatinuod sila misupak kanako ug misunod kaniya, kansang bahandi ug mga anak nagpadugang lamang kaniya sa kapildihan (ug pagkadili mapasalamaton)."

Ug sila (ang mga mapahitas-on nga mga pangulo) nagplano sa usa ka makuyaw nga panagkunsabo.

Ug sila miingon: "Ayaw gayud ninyo biyai ang inyong mga dios, (ang inyong mga kinulit nga mga larawan ug mga dios-dios), ilabina ayaw gayud ninyo biyai si Wadd, o Suwa’, o Yaghus, ug Yauq ug Nasr (ang mga ngalan sa ilang mga dios-dios).

Ug sa pagkatinuod sila (ang mapahitas-ong mga pangulo o kini nga mga dios-dios) nakapahisalaag sa daghan. (O Allāh akong Ginoo) ayaw dugangi ngadto sa mga malinapason gawas sa kasaypanan.

Tungod sa ilang kalapasan sila gipanag-lumos, ug gipasulod sa kalayo, ug sila walay nakaplagan nga motabang kanila batok kang Allah.

Ug si Noe miingon: "(O Allah) akong Ginoo, ayaw pagbilin dinhi sa yuta ug bisan kinsa nga pumoluyo nga gikan sa mga manlilimod."

Kay kon ikaw mubiya kanila nga nag-inusara , sila maga-pasalaag sa Imong mga ulipon (sa katawhan ug jinn), ug dili manganak ug bisan unsa gawas sa makasasala 'nga kaliwat' ug dili mapasalamaton (nga mga makasasala).

(O Allāh) akong Ginoo, pasayloa ako ug ang akong mga ginikanan, ug siya nga mosulod sa akong balay nga ingon magtotoo, ug ang magtotoo nga mga lalaki ug nga mga babaye; ug ayaw dugangi ang mga dautan sa bisan unsa gawas sa kalaglagan.

Isulti (Oh Muhammad): Gipadayag nganhi kanako nga dihay ang usa ka pundok sa mga jinn (mga demonyo, dili makita nga espiritu) naminaw (sa Qur'an), ug sila miingon: Sa pagkatinuod kami nakadungog sa usa ka ma-anindot, ug kahibulongan nga Qur'an,

Nga Giya ngadto sa husto nga pangginawi, busa kami mituo niini, ug kami dili gayud mag-uban kang bisan kinsa (sa pagsimba) uban sa among Ginoo (Allah)[1]. ——— [1] Busa kami maga-simba ug maga-silbi sa among Ginoo - Allāh - ang Bug-tong tinuod nga Dios.

Ug gipataas sa pagabayawon ang himaya nga 'Allāh' among Ginoo: Siya walay asawa, ni anak nga lalaki 'o mga anak nga babaye'.

Apan adunay pipila tilawala kanamo nga mga hangal-hangal nga nanag-litok sa mga pulong nga bakak mahitungod Allāh[2], ——— [2] Pinaagi sa bakak nga pagbutang-butang Kaniya og asawa, o anak nga lalaki, o mga anak nga babaye o bisan unsa nga kaubanan.

Ug kami gayud gihunahuna nga walay tawo o Jinn nga maga-sulti ug bakak mahitungod Kang Allāh.

Nga adunay mga kalalakin-an ipon sa mga katawhan nga nanag-dangop sa kalalakin-an nga mga jinn (mga yawa - dili makita nga espiritu), busa sila nagdugang kanila sa kasaypanan (paglimod ug sala).

Ug sila gihunahuna sama sa inyong gihunahuna, nga ang Allah dili gayud magpadala ni bisan kinsa (ingon nga usa ka Mensahero ngadto sa katawhan ug sa jinn).

Ug kami nagtinguha sa pagkab-ot sa langit aron sa pag-paniid, apan among hikaplagan nga kini nga nalukop sa kusganon nga mga magbalantay ug nagdilaab nga kalayo.

Kaniadto, kami didto nanag-lingkod sa kawanangan sa langit, aron sa pag-paminaw, apan siya (nga mosulay sa) pagpamati karon makakita og usa ka kalayo nga naghulat alang kaniya.

"Ug kami wala mahibalo kon ang kadaotan ba gitagana alang kanila nga ania sa yuta, o kon ang ilang Ginoo (Allāh) nag- tinguha sa pag-giya kanila ngadto sa maayong buhat.

Taliwala kanamo adunay (mga jinn) mao ang mga matarung, apan ang uban sukwahi, kami maoy mga pundok, apan nanag-sunod sa nagkadaiya nga mga sekta.

Ug kami sigurado nga kami dili gayod maka-ikyas (kang) Allah sa kalibutan, ni kami makaikyas Kaniya pinaagi sa pagkalagiw.

Ug sa diha nga kami nakadungog sa Giya (ang Qur’an), kami nanag-dawat niini; busa bisan kinsa nga maga-too sa iyang Ginoo (Allāh, ug magkinabuhi nga matarong ) walay gayoy kabalaka sa kalugi (sa Ganti alang sa iyang maayong mga buhat) o inhustisya.

Ang jinn dugang miingon: "Taliwala kanamo mao ang mga Muslim (nga masinugtanon ngadto sa Allāh), ug ang uban kanamo mao ang mga nagtipas; busa bisan kinsa nga mitugyan (sa kaugalingon ngadto sa Allāh), mao kini sila ang nanag-pakasubay sa matarong dalan.

Apan sila nga mga nagtipas (gikan Islam), sila mahimong sugnod sa Imperno.

Kon sila (sa katawhan ug jinn) magpabilin nga lig-on sa (matarong) nga Dalan, Kami sa pagkatinuod mohatag kanila ug madagayaon nga tubig (tagana),

Aron Kami mosulay kanila pinaagi niini; ug bisan kinsa nga motalikod gikan sa Paghinumdum sa iyang Ginoo (Allah), Siya maga-himo kanila sa pag-agi sa usa ka mapintas nga pagsakit.

Ug hibaloi nga ang tanang (lehitimo) nga pagsimba Iya sa Allah (lamang) sa mga Masajid (dapit sa pagsimba), busa ayaw pagsangpit (pag-ampo) kang bisan kinsa[3] gawas sa Allah. ——— [3] Bisan pa kini usa ka anghel nga duol kang Allah, sama sa balaang espiritu Gabriel, o usa ka propeta nga gipadala Niya sama ni Hesukristo, o usa ka santos sama ni Maria, o usa ka jinn, o estatwa, ug uban pa.

Sa diha nga ang alagad sa Allah (ang Propeta Muhammad) mitindog nga nangamuyo sa Allah (Dios lamang), sila (mga jinn) nanag-tapok palibot kaniya nga dakong panon (aron sa pagpaminaw sa Mensahe sa Propeta).

Isulti: "Ako nag-ampo lamang (sa Allah) nga akong Ginoo, ug ako dili magbutang ug bisan kinsa nga uban Kaniya."

Isulti: "Dili sa akong gahom ang kadaot kaninyo, o makabenepisyo kaninyo.” (gawas sa Kabubut-on sa Allāh).

Isulti: "Bisan kanako, walay bisan kinsa nga makaluwas kanako batok sa Allah (kon ako mosupak Kaniya), ni ako makakaplag sa lain gawas Kaniya ug usa ka dalangpanan";

Ang akong katungdanan kay' usa lamang ka pagpadangat (sa Kamatuoran) gikan sa Allah, ug 'paghatod' sa Iyang mga Mensahe; ug bisan kinsa nga maga-supak sa Allah ug sa Iyang mensahero (Muhammad), nan sa pagkatinuod alang kaniya ang Kalayo sa Imperno, nga magpabilin niini sa kahangturan.

Hangtud nga makita nila ang gika-pasi-daan kanila, unya mahibaloan nila kung kinsa ang labing huyang sa magtatabang ug labing diyutay sa gidaghanon.

Isulti: "Ako wala masayud kon kana nga (Silot) nga gisaad kaninyo haduol na, o kon ang akong Ginoo (si Allah) magtakda ba alang niini maglugway sa panahon."

(Siya lamang mao) ang Nakahibalo sa dili makita, ug Siya wala magpadayag (sa Iyang Kahibalo sa) dili makita kang bisan kinsa,

Gawas kaniya nga Iyang gipili ingon nga usa ka Mensahero; kay sa pagkatinuod Siya naghimo ug mga bantay (anghel) sa atubangan ug sa Iyang likod.

Aron Siya (Allah) mahibalo nga sila tinuod nga naghatud sa mga Mensahe sa nga ilang Ginoo (Allāh), ug Siya naglibut sa tanan (nga) uban kanila, ug Iyang gitipigan nga asoy ang tanang butang.

Oh ikaw (Muhammad) nga giputos sa mga bisti!

Tumindog ka (sa Pag-ampo) sa kagabhion apan dili sa tibook gabii;

Katunga niini o kapin gamay;

O dugangi ug gamay pa: ug ilitok ang Qur'an, uban ang maayong sinu-kod nga tingog;

Sa pagkatinuod Kami magpadala kanimo sa labi pang daghan nga pulong (sa kaalam).

Sa pagkatinuod ang pagbangon sa kagabion (alang sa pag-ampo) malisod alang sa usa ka kalag apan labing angay (alang sa pagsabut) sa mga Pulong (sa Allah).

Sa pagkatinuod kamo adunay usa ka taas nga panahon sa pagpanarbaho sa adlaw.

Busa dayega ang ngalan sa Allāh' imong Ginoo, ug itug-yan ang imong kaugalingon Kaniya sa tibook "kasing-kasing"

Ang Ginoo sa Sidlakan ug Kasadpan - walay nay laing diyos gawas Kaniya - busa himoa Siya nga imong sinaligan nga saliganan sa (tanan ninyo) nga mga kalihokan.

Antusa nga mapailubon ang bisan unsa nga ilang gisulti, ug likayi sila uban sa mapuanguron nga paglikay.

Pasagdi Ako sa pagpakighusay sa mga manlilimod (sa Kamatuoran), nga nanag-iya sa kasayon ​​ug kadagaya, ug hatagi sila lugway.

Sa pagkatinuod ania Kanamo ang bug-at nga mga talikala (aron sa paggapos kanila) ug ang nagdilaab nga Kalayo,

Ug kalan-on nga makapatuok, ug usa ka sakit nga Silot (alang sa mga manmilimod),

Sa Adlaw nga ang yuta ug ang mga bukid magkurog, ug ang mga bukid mahimong (sama sa) mga tapok sa balas.

Sa pagkatinuod, Kami nagpadala ngadto kaninyo ug usa ka Mensahero 'Muhammad' aron mahimong saksi diha kaninyo, ingon nga Kami nagpadala ug usa ka Mensahero (Moises) ngadto kang Paraon.

Apan si Paraon misupak sa Mensahero (Moises), busa Kami misakmit kaniya sa usa ka makapadaut nga Pagsakmit.

Nan, unsaon man ninyo pagbantay sa inyong mga kaugalingon (gikan sa Silot sa Allah), kon kamo naglimod "sa Kamatuoran", sa Adlaw nga ang mga bata mahimong mga ubanon ang ulo?

Tungod niini ang langit pagagision (pagapikason); Iyang saad kanunay nga natuman.

Sa pagkatinuod, kini usa ka Pasidaan, busa, si bisan kinsa nga mobuot, makahimo sa pagsubay sa Dalan sa iyang Ginoo (Allāh).

Sa pagkatinuod, ang imong Ginoo (Allah) nahibalo nga ikaw (Oh Muhammad) buhat sa pag-ampo nga halos dos-tersiya sa tulo ka bahin] sa kagabion, ug (usahay) katunga niini, ug (usahay) ikatulo nga bahin niini, ug (mao usab) ang usa ka pundok gikan niadtong mga kaubanan nimo. Ang Allah maoy nagtakda (sa gitas-on sa) gabii ug adlaw. Siya nahibalo nga kamo dili makahimo sa pag-ampo sa tibuok gabii, busa Siya milantaw kaninyo (nga maluluy-on), busa litoka ang unsay sayon ​​(alang kaninyo) gikan sa Qur'an. Siya nasayud nga adunay uban kaninyo nga nag-masakiton, ug ang uban anaa sa pagbiyahe sa yuta aron sa pagpangita sa kadagaya sa Allah, ug ang uban nakig-away sa Dalan sa Allah, busa litoka ang unsay sayon 'alang kaninyo' gikan niini, ug magmakanunayon sa Salah (pag-ampo), ug ihatag ninyo ang Zakah (obligadong limos) ug pahulam ngadto sa Allah usa ka maayo nga pagpahulam, ug bisan unsa nga kaayohan nga inyong ipadala alang sa inyong mga kaugalingon, kamo makakaplag niini uban sa Allah; kini mas maayo ug mas dako sa ganti. Ug pangayo ug Kapasayloan gikan sa Allah; sa pagkatinuod ang Allah mao ang Labing Mapasayloon, Labing Maluluy-on.

Oh ikaw (Muhammad) nga naputos sa imong kupo ug tabon!

Tindog ug pasidan-i (ang kalibutan),

Ug ipahibalo ug Pagkadako sa inyong Ginoo 'Allāh' ug himayaa Siya lamang,

Ug pagputli ang imong mga sapot (gikan sa kahugawan).

Ug magpalayo sa tanang dulumtanan ug mga kahugawan "espirituhanon ug pisikal".

Ug ayaw kamo paghatag ug pabor aron kamo makadawat ug labaw pa (nga balos),

Ug pagmapailubon alang sa Kawsa sa (Allah) nga imong Ginoo.

Kay sa diha nga ang trompeta patingogon,

Kana nga Adlaw, mahimong usa ka malisud nga adlaw,

Alang sa mga manlilimod, dili sayon.

Ug pasagdi Ako (sa pag-atubang) uban sa usa nga akong gibuhat nga nag-inusara,

Ug Ako naghatag kaniya sa daghang mga bahandi,

Ug mga anak nga lalaki nga anaa sa iyang kiliran (sa pag-alagad kaniya),

Ug gihimo Nako 'Allāh' ang iyang kinabuhi nga hapsay ug komportable alang kaniya;

Apan bisan pa niana siya nagtinguha nga Ako magdugang pa!

Apan dili, (kini dili mahitabo) sukad nga Siya misupak sa Among mga Bersikulo.

Obligahon Ko siya sa pagsaka sa usa ka sakit nga pagsaka sa bungtod.

Siya nagplano ug naglaraw (batok sa Kamatuoran sa Islam).

Busa, hinaot nga siya tunglo, giunsa niya pagplano.

Sa makausa pa, hinaot nga siya tunglo, giunsa niya pagplano.

Ug tan 'awa, siya misud'ong;

Ug pagkahuman mikunot ang iyang agtang ug nagpakitag kasuko,

Ug siya mipalayo uban ang tuman nga garbo,

Unya siya miingon: ‘Kini mao lamang ka salamangka nga gisundog gikan sa karaan.

Kini mao lamang sa pulong sa usa ka tawo.’

Sa dili madugay Ako (Allah) mutambog kaniya ngadto sa Imperno.

Ug unsa ang makapahibalo kanimo kon unsa ang hilabihan nga kalayo?

Wala kini’y ginalaktawan o ginabilin nga bisan unsa (dili gisunog ug madugmok).

Kini makapaso sa panit.

Ug sa ibabaw niini adunay napulog siyam (anghel ingon nga mga magbalantay sa Imperno).

Kami nagbutang lamang ug mga anghel aron nga mahimong mga magbalantay sa Kalayo, ug Kami nagtino lamang sa ilang gidaghanon ingon nga pagsulay alang sa mga dili magtutuo, aron sila (mga Hudeyo ug Kristohanon) nga gihatagan sa Kasulatan makasiguro, ug ang mga magtotoo makahimo sa pag-uswag sa ilang Pagtoo, ug kadtong (mga Hudeyo ug Kristohanon) nga gihatagan sa Kasulatan, ug ang mga magtutuo dili magduhaduha. Ug sila nga kansang mga kasingkasing adunay sakit (sa pagkasalingkapaw), ug ang mga dili magtutuo moingon: "Unsa ang gipasabut sa Allah niini nga panag-ingnan?" Sa ingon niini ang Allah (makatarunganon nga) magpahisalaag sa kinsay Iyang gusto ug Siya mugiya (ingon nga Pabor gikan Kaniya) sa kinsay Iyang gusto, ug walay usa nga nakaila sa mga sundalo sa (Allah) nga imong Ginoo gawas Kaniya; ug kini usa lamang ka Pahinumdom sa katawhan.

Apan dili, Ako (Dios) nanumpa pinaagi sa bulan,

Ug ang gabii sa diha nga kini mobiya,

Ug pinaagi sa banagbanag sa diha nga kini modan-ag;

Sa pagkatinuod nga ang Impiyerno usa sa labing kinadagkoan nga mga kasakitan —

Usa ka Pasidaan sa katawhan,

Ngadto kaniya gikan kaninyo nga buot mopadayon sa unahan o magpabilin sa luyo.

Ang matag kalag papanubagon sa unsay natigom niini,

Gawas sa mga tawo nga anaa sa tuong kamot,

(Nga maanaa) sa mga Tanaman – nga sila mangutana sa usag-usa,

Mahitungod ang mga dautan:

Unsa ang nagdala kaninyo ngadto sa (sulod) Imperno?

Sila moingon: "Kami dili kauban niadtong nanag ampo;"

Ug kami dili kauban niadtong nagpakaon sa mga kabus;

Ug kami kaniadto nagpatuyang sa bakak nga mga pakigpulong uban niadtong nagpatuyang niini.

​​Ug kami kaniadto naglimod sa Adlaw sa Paghukom ug Pagbalos.

Hangtud nga miabut kanamo ang kasigurohan (sa kamatayon).

Busa ang pagpataliwala sa mga tigpataliwala dili makaayo kanila.

Unsa bay hinungdan kanila nga sila nanag-palayo sa tambag ug Pahimangno (sa Qur'an).

Ingon nga sama sila sa mga nangahadlok nga mga asno.

Nga mikalagiw gikan sa usa ka leon?

Hinunoa, ang matag-usa kanila nanag-handom nga kahatagan ug tinagsa ka linukot nga basahon nga gibuklad,

Dili, apan sila wala mahadlok sa Pikas Kinabuhi.

Dili, kini (ang Qur'an) sa pagkatinuod usa ka Pahinumdom.

Busa bisan kinsa nga mobuot, (sila) makahinumdom niini.

Apan dili sila makahimo niini gawas kon mobuot ang Allāh. Siya mao ang takus nga kahadlokan, ug Siya mao ang usa nga tigpasaylo.

Ako (Dios) nanumpa sa Adlaw sa Pagkabanhaw (ug Paghukom).

Ug nanumpa ako pinaagi sa nagbadlong ug nagbasol sa kaugalingon nga kalag 'sa magtotoo' (nga ikaw siguradong mahimong mabanhaw).

Naghunahuna ba tawo nga Kami dili magtapok iyang mga ka-bukogan 'sa pagbanhaw kaniya alang Paghukom'?

Apan oo, Kami makahimo sa pagpasig-uli (bisan pa) sa tumoy sa iyang mga tudlo (sa hingpit nga pagkahan-ay).

Apan ang tawo nagtinguha nga magpadayon sa pagpakasala (ug pagpanghimakak sa unsay anaa sa iyang unahan).

nga naga-pangutana ˹sa pagbiaybiay˺: "Kanus-a ang Adlaw sa Pagkabanhaw (ug Paghukom)?"

Busa sa diha nga ang ang panan-aw nakugang (sa pagkakurat ug pagkahadlok),

Ug ang bulan midulom,

ug ang adlaw ug ang bulan gihiusa[1], ——— [1] Nagsubang gikan sa kasadpan ug nawad-an sa ilang kahayag.

Ang tawo moingon nianang Adlawa: "Hain (ang dalangpanan) aron sa pagkalagiw (pag-ikyas)?"

Apan dili, wala nay dapit nga dalangpanan!

Anaa sa imong Ginoo (Allah) lamang nianang Adlawa ang dapit nga kapahulayan.

Nianang adlawa, ang tawo paga-tug'anan sa unsay ang iyang gipadala unahan ug gibiyaan (sa kung maayo o daotan nga mga buhat).

Hinoon, ang tawo maoy saksi batok sa iyang kaugalingon,

Bisan pa siya maga-himog pama-libad (aron sa pagtabon sa iyang mga sayop nga buhat).

Ayaw ilihok (O Propeta Muhammad) ang imong dila sa pagdali (pagsubli sa unsay madayag kanimo sa Qur'an sa wala pa kini makompleto).

Sa pagkatinuod ngadto Kanamo ang paghimo kanimo sa pag-saulo ug aron sa paghatag kanimo sa katakos sa pagbasa (sa Qur'an).

Busa sa diha nga Kami maglitok niini (pinaagi ni anghel Gabriel) nganha kanimo (Oh Muhammad), sunda ang paglitok niini.

Ug ngadto Kanamo (sa Allah) ang (katungdanan sa) pagpatin-aw niini nganha kanimo (oh Muhammad).

Apan kamo (mga manlilimod) naghigugma ang hamubo kinabuhi,

Ug pagpasagad sa Pikas Kinabuhi.

(Ang uban sa) mga nawong nianang Adlawa maghayag,

Nagtan-aw sa ilang Ginoo 'Allāh'.

Ug "uban" nga mga nawong nianang Adlawa mangitngit uban sa pagkawalay paglaum,

Sa pagkahibalo nga ang pipila ka dagkong Katalagman muabotay na ngadto kanila.

Apan sa dihang ang kalag makaabot sa kwelyo bukog 'samtang kini mobiya',

Ug iga-ingon: "Kinsa ba ang makaayo kaniya ug makaluwas kaniya gikan sa kamatayon?"

Ug siya masayod nga kini mao na ang (panahon sa) pagbiya (kamatayon).

Ug sa diha nga ang usa ka tiil idikit na ngadto sa pikas (nga mao ang pagputos aron sa paglubong);

Ngadto sa (Allah) nga imong Ginoo nianang Adlawa mao ang dapit kapadulngan.

Busa siya wala gayod sa motoo o nag-ampo,

Apan siya misalikway (sa Kamatuoran sa Islam) ug mitalikod (gikan niini),

Unya miadto siya sa iyang katawhan, nga naglakaw nga mapahitas-on.

Alaut kamo, ug labaw pa nga alaut!

Pag-usab, alaut kamo, ug labi pang alaut!

Naghunahuna ba ang tawo nga siya pasagdan nga maglatagaw nga walay katuyoan (ug dili mobalik ngadto sa Allah alang sa Paghukom)?.

Dili ba siya usa lamang ka tulo sa semilya nga migawas,

Unya siya nahimo nga usa ka tibugol nga dugo, ug Siya (Allah) milalang (kaniya) ug miumol (kaniya) sa tukma nga hulma (o hulagway).

Ug gikan niana, Siya 'Allāh' mibuhat sa duha ka matang, lalaki ug babaye.

Dili pa kana (Allah, ang Manlalalang ), makahimo sa pagbanhaw sa mga patay[2]? ——— [2] Oo, Siya makahimo sa tanang butang.

Dili ba adunay panahon, nga ang tawo ingon nga binuhat wala gayod Hisguti ug naglungtad?

Sa pagkatinuod, Kami naglalang sa tawo gikan sa nagkasagol nga semilya (gikan nga sa lalaki ug nga sa babaye), aron sa pagsulay kaniya, busa Kami naghimo kaniya nga makadungog ug makakita.

Among gipakita kaniya ang husto nga Dalan: din niini siya magapasalamat o dili mapasalamaton.

Kami nag-andam alang sa mga manmilimod ug mga kadena ug mga talikala ug nagdilaab nga Kalayo.

Sa pagkatinuod ang mga matarung maanaa sa Paraiso nga nag-inom gikan sa usa kopa (sa lunsay nga bino) nga gisagolan ug camphor[1]. ——— [1] Usa ka ilimnon nga makapalipay tungod sa lamian nga lasa niini ug humot.

Usa ka tubod diin ang (matarong) nga mga ulipon sa Allah magainom; Kini naga-agas sa hilabihan nga kadagaya sa ilang kabubut-on.

Sila (mao kadtong) nagtuman (sa ilang) mga panaad, ug gikahadlokan ang Adlaw, nga diin ang kadautan mahimong malapad nga mukuyanap.

Sila nanag-pakaon, tungod sa pag-higugma (kang) Allāh, kanila nga manga kabos, manga ilo ug mga binilanggo,

"Kami nagpakaon lamang kaninyo alang sa Nawong sa Allah; kami wala mag-handom gikan kaninyo ug ganti, ni pag-pasalamat."

Kami nahadlok sa (Allah) nga among Ginoo, sa usa ka mabangis, malisud nga Adlaw (ang adlaw sa Pagkabanhaw ug sa Paghukom) .

Busa ang Allah magluwas kanila gikan sa kadautan niadtong Adlawa, ug maghatag kanila sa kahayag sa kahimayaan ug kalipayan.

Alang sa ilang pagpailub ug paglahutay Siya muganti kanila uban sa Tanaman (sa kadagaya) ug mga seda.

Sila naglingkod sulod niini sa gipataas nga mga higdaanan, ug didto dili nila makakita ang kainit sa adlaw ni sa katugnaw.

Ug ang landong sa mga tanaman maga-tabon kanila, ug ang mga bunga niini himoon nga haduol (kanila), nga sayon ​​sa pagkab-ot.

Ug sa ilang taliwala igalibot kanila nga gisilbihan nga mga sudlanan nga plata ug mga kopa nga hinimo sa bildo;

(Labing tin-aw) nga bildo, nga hinimo sa plata; nga diin ilang tinoan sa sukod sumala sa ilang tinguha.

Ug sila pagahatagan aron sa pag-inum sa sulod niini ug kopa (sa lunsay nga bino) nga gisagolan ug luy-a,

Gikan sa usa ka tuburan sa sulod niini nga ginganlag Salsabeel.

Ug palibot kanila maga-silbi sa mga dili mamatay nga mga batan'on; sa diha nga sila Imong lantawon, kamo maghunahuna nga sila nagkatag nga mga mutya.

Ug sa diha nga kamo motan-aw didto 'sa Paraiso', imong makita ang himaya nga malahalon nga uyamot ug usa ka Dakong Gingharian.

Kanila adunay mga bisti sa lunhaw nga seda ug baga nga seda nga giburdahan sa bulawan, ug sila pagadayandayan sa mga pulseras nga pilak, ug ang ilang Ginoo (Allāh) mohatag kanila ug putli nga ilimnon.

Sa pagkatinuod, mao kini ang usa ka ganti alang kaninyo ug ang imong mga paningkamot gihatagag bili.”

Sa pagkatinuod Kami ang nagpakanaog sa Qur’an nganha kanimo (Oh Muhammad) nga nagpadayag (niini pinaagi) sa mga hugna.

Busa paghulat nga mapailubon alang sa Kasugoan sa (Allah) nga inyong Ginoo, ug ayaw sunda gikan kanila ang usa ka makasasala o ang dili mapasalamaton (dili magtutuo).

Hinumdomi ug humugyaw ka sa ngalan sa imong Ginoo (Allāh) sa buntag ug gabii[2], ——— [2] Nga mao ang mga pagsimba sa sayong buntag, kaudtohon, ug kahaponon.

Ug sa panahon sa kagabhion[3], yumukbo Kamo ngadto Kaniya, ug dayega Siya sa taas nga (bahin sa) kagabion. ——— [3] Ang pagsalop sa adlaw ug ang gabii nga mga pag-ampo.

Sa pagkatinuod, sila (ang mga manlilimod) naghigugma sa lumalabay nga kinabuhi, ug gibutang sa ilang luyo (ang paghinumdom sa) Mabug-at nga Adlaw[4]. ——— [4] Ang adlaw sa Pagkabanhaw ug sa Paghukom.

Kami (Allah) nagbuhat kanila, ug Kami naglig-on sa ilang mga kaunoran. Ug kun Among gustohon, Kami makahimo sa pag-ilis kanila sa hingpit pinaagi sa uban nga sama kanila.

Sa pagkatinuod kini usa ka Pahinumdum, busa bisan kinsa nga makagusto, pasagdi siya nga mosubay sa Dalan sa iyang Ginoo (Sa Islam).

Ug kamo dili makahimo (sa bisan unsang butang nga inyong gustohon), gawas kon gustohon sa Allah. Sa pagkatinuod ang Allah mao ang Labing Nakahibalo sa Tanan, ang Tinuod nga Maalamon;

Iyang dawaton ang bisan kinsa nga Iyang gusto sa Iyang Kalooy, ug (alang sa ang) mga mamumuhat sa kadautan, Siya giandam alang kanila ug sakit nga Silot.

Ako (Dios) nanumpa pinaagi sa mga hangin nga gipadala unahan nga nagsunod-sunod (alang sa kaayohan sa mga tawo),

Ug pinaagi sa naghaguros nga mga unos,

Ug pinaagi sa mga hangin nga nagsabwag sa mga panganod ug ulan sa layo ug lapad,

Ug pinaagi sa ang mga anghel nga nagdala mga pagpadayag nga nagbulag sa husto gikan sa sayop,

Ug Ako nanumpa pinaagi sa mga anghel nga nagdala sa Pinadayag,

Nagtapos sa mga pasangil ug paghatag ug mga pasidaan[1]. ——— [1] Sa pagpasaylo (sa mga magtutuo ug aron sa pagpasidaan ug pagputol sa tanan nga mga pasangil gikan sa ang mga manlilimod.

Sa pagkatinuod, ang unsay saad kaninyo (sa grasya o kapungot sa Allāh Dios) matuman gayud.

Busa sa diha nga ang mga bitoon mawad-an sa ilang kahayag,

Sa diha nga ang langit napikas,

Sa diha nga ang manga kabukiran paga-dugmukon sama sa abog,

Ug sa diha nga ang mga Mensahero (sa Allah) matigom sa ilang gikatakdang panahon.

Alang sa unsang Adlawa ba kini gilangan?

Alang sa Adlaw sa Paghukom.

Ug unsay makapahibalo kanimo kon unsa ang Adlaw sa Paghukom?

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Wala ba Kami naglaglag sa kanhing (makasasala) mga Henerasyon?

Ug Kami maghimo sa ulahing mga kaliwatan (nga sama kanila) nga mosunod kanila (sa kalaglagan).

Sa ingon niana Kami nakiglabot ang mga daotan.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Wala ba Kami naglalang kaninyo gikan sa usa ka tinamay nga likido?

Unya Among Gitipigan kini sa usa ka luwas nga dapit (ang tagoangkan),

Hangtod sa usa ka gitakda nga panahon,

Kami nagtakda niini, ug Kami maoy labing maayo sa pagtino niini.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Wala ba Namo gihimo ang yuta ingon nga tigumanan 'ninyong tanan',

Alang sa mga buhi ug sa mga patay,

Ug naghimo sulod niini ug tag-as nga mga bukid, ug naghatag kaninyo ug lab-as nga tubig aron sa pag-inom?

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Ang mga manlilimod pagasultihon ', "Padayon ngadto sa kalayo nga imong gilimod kaniadto.

Padayon ngadto sa usa ka landong [sa aso] nga adunay tulo ka kolum,

Nga wala maghatag ug katugnaw o kapasilongan gikan sa mga dilaab sa kalayo.

Sa pagkatinuod kini nagpadala ug mga aligato (nga ang gidak-on sama) sa mga palasyo,

Sama sa dalag [itom] nga mga kamelyo.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Kini mao ang adlaw diin nga sila dili makahimo sa pagsulti:

Ug ang pagtugot dili ihatag ngadto kanila aron sila makahatag og mga pasangil.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Kini mao ang Adlaw sa Paghukom: Gitigom ka namo ug niadtong nauna kaninyo.

Busa kon kamo adunay ilaraw, himoa ninyo kini nga paglaraw karon batok Kanako.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Sa pagkatinuod ang mga matarong maanaa sa mga landong nga kapasilongan ug mga tuburan,

Uban sa nagka-daiyang matang sa mga bunga nga ilang gitinguha.

Sila pagasultihon': "Kumaon ug uminom kamo sa katag-bawan sa inyong manga kasing-kasing, tungod sa imong mga matarong nga buhat."

Sa pagkatinuod, sa ingon niana Kami moganti sa mga tigbuhat ug maayo.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

O kamong mga manlilimod', kaon ug lipaya ang inyong mga kaugalingon sa makadiyut; sa pagkatinuod kamo sad-an.

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Sa diha nga kini iga-ingon ngadto kanila: "Yumukbo (ngadto sa Allah, ug pagbuhat ang pag-ampo alang sa Paghandum Kaniya), sila dili muyukbo."

Nan, niadtong adlawa alaut alang niadtong milimod (sa Kamatuoran ug misupak sa Kalinaw),

Sa unsa nga pamahayag pa unya, human niini (Qur'an), sila motuo?

Mahitungod sa unsay ilang (mga pagano ug manlilimod) gipangutana sa usag-usa?

Mahitungod sa Dakong Balita[1]? ——— [1] Ang Adlaw sa Pagkabanhaw ug Paghukom ug ang Qur’an.

Nga sila magkalahi (o wala magkasinabot)?

Apan dili! Sa dili madugay sila mahibalo,

Pag-usab dili, sa dili madugay sila mahibalo[2]. ——— [2] Nga ang Adlaw sa Pagkabanhaw ug Paghukom mao tinuod.

Wala ba Kami nagbuhat sa yuta ingon nga patag nga dapit pahulayanan alang kaninyo?

Ug ang mga bukid ingon nga mga haligi ug sa mga istaka (dinha)?

Ug naglalang kaninyo nga managkapares,

Ug gihimo ang imong pagkatulog alang sa pagpahulay,

Ug gihimo ang gabii ingon ka usa tabon (pinaagi sa kangitngit niini),

Ug gihimo ang adlaw alang sa panginabuhian.

Ug nagtukod sa ibabaw nimo ug pito ka kusgan 'langit' usa ibabaw sa usa?

Among gihimo 'ang adlaw' nagsiga nga lampara,

Ug nagpadala gikan sa mga panganod tubig nga nagabu’bo nga abunda,

Aron Kami makapabunga pinaagi niini ug mga lugas ug lain-laing mga tanom,

Ug mga tanaman nga baga ug labong.

Ang Adlaw sa Paghukom usa ka tinudlong panahon;

Ang adlaw diin pagahuypan ang trompeta, ug unya kamo mangabot nga pinundok-pundok.

Ug ang langit maabli aron kini mahimong mga ganghaan.

Ug ang mga bukid mapadpad, busa sila mahimong ingon mirage.

Sa pagkatinuod ang Impiyerno mahimong usa ka pagbanhig,

Alang sa mga malinapason 'kini' maoy dapit nga padulngan.

nga magpabilin didto sa mga panahon ug mga yugto nga walay kataposan.

Walay bisan unsa nga bugnaw ang ilang matilawan niini, ni bisan unsa nga ilimnon,

Gawas sa nag-bukal nga tubig ug (nana sa mga samad),

Usa ka balus nga angay (sa ilang mga dautang buhat).

Sa pagkatinuod sila wala magdahum sa pag-ihap ug Paghukom,

Ug ilang gilimod ang Among mga pagpadayag (ang Qur’an) sa hingpit nga paglimod.

Apan ang tanang manga butang Amo nga gisulat ug gitipigan sa usa ka talaan,

Busa tilawi 'ang silot'! Kay Kami dili magdugang kaninyo ug bisan unsa gawas sa Silot.

Sa pagkatinuod alang sa mga matarung ang pagkab-ot (sa Paraiso),

Mga tanaman ug mga ubasan,

Ug maanyag nga mga dalaga, uban sa kaulay niini ug sa pagkabatan-on, nga managsama ug edad,

Ug usa ka kopa nga puno (sa lunsay nga bino).

Sila dili makadungog sa sulod niini (sa Paraiso) ug bisan unsa nga walay kapuslanan nga mga pulong o bakak.

Usa ka Ganti gikan sa imong Ginoo (Allah), usa ka Gasa, nga igo na,

Ang Ginoo sa mga langit ug sa yuta ug sa unsay anaa sa taliwala kanila, ang Labing Madagayaon (Allah), walay usa nga adunay gahum sa pagpakigsulti ngadto Kaniya (sa Adlaw sa Paghukom gawas nga human sa Iyang Pagtugot).

Ang Adlaw diin ang nga espiritu (Gabriel) ug ang mga anghel magatindog nga mga nanaglaray; sila dili mosulti gawas sa usa nga gitugotan sa (Allah) ang Labing Madagayaon, ug mosulti sa kamatuoran.

Mao kana ang dili kalikayan nga adlaw; busa bisan kinsa nga magkagusto, tugoti siya nga mosubay sa (matarong) nga Dalan (Islam) nga padulong ngadto sa iyang (tinuod nga) Ginoo (Allah).

Kami nagpasidaan kaninyo mahitungod sa usa ka haduol nga pagsakit, ang Adlaw sa diha nga ang tawo makakita kon unsa ang (maayo o dautan nga mga buhat) gibuhat sa iyang duha ka mga kamot, ug ang manlilimod moingon: ‘Alaot ako, hinaut ako nahimo nalang ug abog!’

Ako (Allāh) Nanumpa pinaagi niadtong (mga anghel) nga nagguyod sa mga kalag sa mga manlilimod (sa panahon sa kamatayon) uban kayugot.

Ug pinaagi niadtong (mga anghel) nga malumong nagkuha sa mga kalag (sa mga magtotoo sa panahon sa kamatayon),

Ug pinaagi niadtong (mga bituon ug mga planeta) nga naglutaw-lutaw sa kawanangan (diha sa ilang mga orbito o agianan),

Ug pinaagi niadtong (mga anghel) nga naglumba sa usag-usa diha sa panaglumba, nga nagdali sa pagtuman sa mga sugo ni Allāh;

Ug pinaagi niadtong (mga anghel) nga naghan-ay sa matag butang sumala sa Pagtakda sa Allāh[1]. ——— [1] Si Allāh nanumpa sa mga anghel nga nagtuman sa Iyang gisugo ug gihukom, sama sa mga anghel nga gitugyan sa mga kalihokan sa mga tawo. Siya nanumpa didto sa tibuok nga Siya sa pagkatinuod banhawon sila alang sa pag-ihap ug pagbalos,

Sa Adlaw nga ang unang (Pagtayhop sa) Trumpeta, mahitabo ug magpauyog (sa kalibutan).

Ug ang ikaduha nga (Pagtayhop sa Trumpeta alang sa Pagkabanhaw) mosunod niini.

Ang mga kasingkasing sa mga manlilimod ug mga masupilon nianang adlawa magkurog,

Ang ilang mga mata nagpaubos (uban sa kahadlok).

(Niining kinabuhia ) ingon nila: "Kami ba gayud ibalik (human sa kamatayon) ngadto sa (among) unang kahimtang?"

Bisan pa kon kami nangadunot na nga mga bukog "mabanhaw ba kita human niana"?

Sila nag-ingon: "Kana, unya, usa ka pagbalik uban sa kapildihan."

Apan kini (ang ikaduhang Pagtayhop sa trompeta alang sa Pagkabanhaw) usa lamang ka 'gamhanan' singgit,

Sa diha nga sila pukawon (nga buhi human sa kamatayon).

Wala ba ang istorya ni Moises midangat kanimo ˹O Propeta Muhammad˺?

Sa diha nga ang iyang Ginoo – Allāh – mitawag kaniya didto sa sagrado nga walog sa Ṭuwā:

(Ug Miingon): "Lakaw ngadto kang Paraon, kay siya sa pagkatinuod nakalapas sa tanang mga utlanan."

Ug isulti: "Ikaw ba (adunay tinguha) sa pagputli sa imong kaugalingon 'gikan mga sala'?"

Ug ako magatultol kaninyo ngadto sa inyong Ginoo (Allah) aron kamo mahadlok Kaniya.

Unya siya (Moises) nag-pakita kaniya sa labing dako nga ilhanan[2]; ——— [2] Kana mao ang sungkod nga nagpamatuod nga siya usa ka mensahero gikan sa Allāh.

Apan siya (Paraon) misalikway ug misupak 'ni Moises'.

unya siya mitalikod, nga nanlimbasug ˹batok sa kamatuoran˺.

Busa iyang gitigum (ang iyang mga tawo) ug nagtawag:

Sa pag-ingon: "Ako mao ang inyong ginoo, ang labing taas!"

Busa ang Allah milabnot kaniya alang sa iyang ulahi ug una "nga paglapas[3]", ——— [3] Busa ang Allah milabnot kaniya (sa hilabihan nga Silot) alang sa iyang ulahi ug una (nga paglapas, kay si Paraon nagpahayag sa iyang kaugalingon nga usa ka dios ug alang sa iyang kanhing pagpangdaugdaug sa mga tawo ug pagsalikway kang Moises. Busa Allāh gisilotan siya sa Kalibutan pinaagi sa pagkalumos siya sa dagat ug silotan Niya kini sa Pikas Kinabuhi pinaagi sa pagpasulod niini sa labing grabe nga pagsakit.

Sa pagkatinuod adunay pagtulon-an niini ngadto kaniya nga nahadlok (sa Allah).

Mas kusgan ka ba sa paglalang o ang langit, nga Iyang (Allāh) gitukod,

Sa kahitas' an Siya nagtuboy niini ug Siya nag-hatag niini sa nag-kaigo nga kahingpitan.

Ug iyang gihimo nga mangitngit ang gabii niini, ug gipagula ang adlaw niini (kahayag).

Ug ang yuta, Iyang gipalapdan kini human niana.

Siya gipagula gikan niini ang tubig ug ang mga sibsibanan niini.

Ug ang kabukiran Iyang gipahamutang nga malig-on,

Usa ka tagana alang kaninyo ug sa inyong mga bakahan.

Apan sa diha nga ang dakong Makagagahum nga Katalagman moabut,

Sa Adlaw nga ang matag tawo mahinumdom sa tanan nilang pagpaningkamot (maayo man o daotan),

Ug ang Imperno nga kalayo gibutyag alang sa bisan kinsa nga makakita niini,

Alang kaniya nga nakalapas;

Ug gipalabi ang kinabuhi niining kalibutana,

Nan, sa pagkatinuod ang Imperno, kana mao ang iyang Puloy-anan.

Apan alang kaniya nga anaa sa Kahadlok sa pagbarog sa Atubangan sa 'Allāh' Ang Ginoo (alang sa Pagkwenta ug Paghukom), ug nagpugong sa iyang kalag gikan sa ubos nga mga tinguha,

Nan sa pagkatinuod ang Paraiso, mao ang iyang Puloy-anan.

Sila nangutana kanimo mahitungod sa Takna (ang Adlaw sa Pagkabanhaw ug Paghukom), Kanus'a ba kini mahitabo?

lkaw walay kahibalo sa pagsulti ug bisan unsa mahitungod niini (bisan pa ikaw usa sa mga Timaan).

Ngadto sa (Allah) nga imong Ginoo (lamang) mao(ang Kahibalo sa) takna niini.

Ang imong katungdanan mao lamang ang pagpasidaan ngadto kaniya nga nahadlok niini.

Sa Adlaw nga sila makakita niini, kini mahitabo nga sama nga sila wala makapabilin (niining kalibutana) gawas sa (gidugayon) sa usa ka hapon o usa ka buntag lamang.

Siya (ang Propeta) mikunot ang agtang ug mitalikod,

Sa diha nga kaniya mi-duol ang ta-wong buta[1], ——— [1] Nga mao si Abdullah ibn Umm Maktoom nga nabalda kaniya, nangita og Giya, samtang ang Propeta nalinga sa iyang pagdapit sa mga bantogan nga mga Quraysh tawo ngadto sa Islam.

Apan unsa ba nakapaamgo kanimo tingali mahimong siya mosulay sa pagputli sa iyang kaugalingon,

O mapahinumdoman, ug ang Pahinumdom kaayohan kaniya?

Alang kaniya nga nag-isip sa iyang kaugalingon nga gawasnon gikan sa panginahanglanon (sa Balaanong Giya),

Ikaw naghatag ug (labaw nga) pagtagad ngadto kaniya.

Ug dili ka mahimong mabasol kong siya dili magputli sa iyang kaugalingon,

Apan mahitungod sa usa nga miabot kanimo naghinamhinam (aron makat-on ug magiyahan),

samtang nahadlok (sa Allah) ug nagtahod,

Gikan kaniya ikaw nalinga?

Apan dili! Kini nga ˹Qur'an˺ tinuod nga usa ka pahinumdom.

Busa siya nga buot, siya pahinumdomi pinaagi niini;

(Kini) natala (pag-ayo) sa pinasidunggan nga mga talaan,

Gipataas, ug Giputli,

Sa mga kamot sa mga eskriba (nga mga anghel).

Halangdon ug masinulondon.

Tinunglo ang tawo (ang manlilimod). Pagkadili-mapasalamaton ba gud niya!

Sa unsa nga butang (ang Allah) naglalang kaniya?

Gikan sa usa ka tinulo sa semilya; Siya naglalang kaniya, unya Siya nagtakda alang kaniya;

Unya (mahitungod sa) dalan Iyang gihimo nga sayon ​​alang kaniya[2], ——— [2] Nga mao, ang iyang paggawas gikan sa sabakan sa iyang inahan, o ang iyang dalan sa kinabuhi, o ang Dalan ngadto sa tinuod nga Giya.

Unya Siya nag-buot kaniya nga ma-matay ug igalubong.

Unya sa diha nga Siya mobuot, Siya magbanhaw kaniya pag-usab.

Apan wala niya buhata ang unsay Iyang (Allah) gisugo kaniya.

Unya himoa nga ang tawo makahunahuna (sa tinubdan sa) iyang pagkaon,

Nga Kami (Allah) nagbubo sa tubig 'gikan sa mga panganod', pagbubo (niini) nga abunda,

Unya Kami nagpikas sa yuta, pagpikas (niini) sa pagkabahin 'uban sa mga turok',

Aron sa pagpatubo niini sa mga lugas,

Ug mga ubas ug mga pananom,

Ug ang olibo ug ang palma,

Ug labong nga mga tanaman,

Ug mga prutas ug mga (lunhaw) nga sagbot,

Usa ka tagana alang kaninyo ug sa inyong mga bakahan.

Apan sa diha nga ang makabungol nga pagbuto moabut[3], ——— [3] Ang ikaduha nga pagtayhop sa Trumpeta.

Nianang adlawa ang usa ka tawo mokalagiw gikan sa iyang igsoon,

Ug 'gikan sa' iyang inahan ug amahan,

Ug gikan sa iyang asawa ug mga anak.

Ang matag usa kanila sa Adlawa adunay igo nga mabalaka sa sa iyang kaugalingon ug makapapuliki kaniya.

(Ang uban sa) mga nawong nianang Adlawa mahayag (kini sila ang mga magtutuo),

Nga nagkatawa ug malipayon.

Apan (ang uban) nga mga nawong nianang Adlawa masulob-on, sa ibabaw niini abug,

Ang kangitngit motabon kanila.

Kini sila mao ang mga manlilimod, ang mga dautan.

Sa diha nga ang adlaw naputos 'sa kangitngit' ug gitabonan,

Ug sa diha nga ang mga bitoon mongitngit (ug mangahulog),

Ug sa diha nga ang mga kabukiran papalihokon 'ug ipakatag ingon nga mga abog',

Ug sa diha nga ang buros nga mga kamelyo nga hapit nang manganak[1] mapasagdan, ——— [1] Apil ang labing bililhon nga mga kabtangan sa usa ka tawo.

Ug sa diha nga ang ihalas nga mga mananap pagatigumon,

Ug sa diha nga ang mga dagat gitakda sa kalayo ug magbukal (o moawas ngadto sa usag-usa),

Ug sa diha nga ang mga kalag mahiusa[2], ——— [2] Sama uban sama o mahiusa pag-usab sa ilang mga lawas.

Ug sa diha nga ang anak nga babaye nga gilubong nga buhi pangutan-on[3], ——— [3] O gipatay tungod sa kahadlok sa kakabus.

Alang sa unsa nga sala siya gipatay,

Ug sa diha nga ang mga linukot nga basahon (sa mga buhat sa tawo) mabuklad,

Ug sa diha nga ang langit makunis,

ug sa diha nga ang Impiyerno mapintas nga misilaob,

ug sa diha nga ang Paraiso gipaduol (ngadto sa mga matarung),

Ang matag kalag 'unya' mahibalo kung unsa ang sa giandam (nga maayo o daotan nga mga buhat).

Busa nanumpa ako sa mga planeta nga nag-urong,

Nga nagdagan sa ilang mga agianan (ug) musalop,

Ug pinaagi sa gabii sa diha nga kini matapos,

Ug pinaagi sa kabuntagon sa diha nga kini muginhawa (muhayag),

Sa pagkatinuod, kini nga ˹Quran˺ mao ang Pulong sa ˹Allah nga gihatud ni Gabriel,˺ usa ka halangdon nga mensahero-anghel,

Gitugahan sa gahum, nga gihatag sa (Allah), ang Ginoo sa (Dakong) Trono,

Mituman didto ˹sa langit˺, ug kasaligan.

Ug (Oh mga tawo) ang inyong kauban (ang Propeta Muhammad) dili (gayud) buang.

Ug sa pagkatinuod siya nakakita kaniya (Gabriel) sa tin-aw nga kapunawpunawan.

Ug siya niini wala mag-hikaw ˹unsay padayag kaniya sa˺ nga dili makita.

Ni kini (ang Qur’an dili) pulong sa tinunglo nga Satanas,

Busa asa kamo padulong 'sa inyong paglimod sa Qur'an ug pagtalikod niini?

Kini (ang Qur’an) mao lamang sa usa ka Pahinumdom sa (tanang) mga katawhan ug jinn,

Alang Kaniya taliwala kaninyo nga buot musubay sa hustong dalan 'ngadto sa Allāh'.

Apan dili kamo makahimo sa nagbuot, gawas kon ang Allah ang mobuot, ang Ginoo sa tanan nga linalang.

Sa diha nga ang langit magkabuak-buak.

Ug sa diha nga ang mga bitoon magkatibulaag,

Ug sa diha nga ang mga dagat maga-awas,

Ug sa diha nga ang (mga sulod sa) mga lubnganan mahabwa,

Ang matag kalag (unya) mahibalo kung unsa ang iyang gipadala ug unsa ang iyang gibiyaan (nga maayo o daotan nga mga buhat).

Oh tawo, unsa ang nakapalinga kaninyo gikan sa imong Ginoo (Allah), nga Labing Mahinatagon,

Kinsa ba ang naglalang kaninyo, nag-umol kaninyo, ug naghulma kaninyo sa kahingpitan?

Sa bisan unsang dagway nga Iyang gibuot gimugna Niya kamo.

Apan dili, Ikaw naglimod sa (Adlaw sa Paghukom ug) Pagbalus.

Ug sa pagkatinuod adunay mga magbalantay ibabaw kaninyo (mga anghel);

Nga pinasidung'gan nga mga eskriba,

Nahibalo sila sa tanan ninyong gibuhat.

Sa pagkatinuod, ang mga matarung maanaa sa Kalipay,

Ug sa pagkatinuod ang mga dautan maanaa sa nagdilaab nga Kalayo,

Nga diin sila mosulod sa Adlaw sa Pagbalus.

Ug sila dili gayud mawala gikan niini.

Ug unsa ang magpahibalo kanimo kung unsa ang Adlaw 'sa Paghukom ug' sa Pagbalus?

Sa makausa pa, unsay makapahibalo kanimo kon unsa ang Adlaw sa Pagbalus?

Mao na kana ang adlaw sa diha nga ang kalag wala nay gahum sa pagbuhat ug bisan unsa alang sa (laing) kalag; ug tanang hukom nianang Adlawa (bug-os) alang lang sa Allāh.

Alaut ang mga limbongan (sa mga timbang ug sukod),

Sila, nga sa dihang sila mokuha ug sukod (sa ilang mga bahin) gikan sa mga tawo, sila nagakuha niiini sa hingpit (ug hustong sukod),

Apan sa diha nga sila mosukod o motimbang alang sa uban, sila maghatag ug mas ubos ug hinungdan sa pagkawala.

Wala ba sila maghunahuna nga sila pagabanhawon (ug mubangon gikan sa mga patay alang sa pag-ihap ug pagpanimalos),

Alang sa usa ka dakong Adlaw,

(Nga mao) Ang Adlaw nga ang tanang mga tawo mobarog atubangan sa Ginoo sa tanang linalang[1]. ——— [1] Nianang panahona hukman iyang kamo ug mosaksi batok sa tanan nga mga barangan ug mga mananapaw ug mga bakakon. Mamulong iyang batok sa mga nanglimbong ang mga trabahante sa ilang mga suhol, nga nagdaugdaug sa mga balo ug mga ilo, o naghikaw sa mga langyaw nga nagpuyo sa taliwala kanila sa hustisya, kay kini nga mga tawo wala mahadlok Allāh, ang Ginoo sa mga Kasundalohan sa Langit.

Apan dili, sa pagkatinuod ang talaan sa mga makasasala, (gitipigan) sa Sijjeen,

Ug unsa ang makapahibalo kanimo kon unsa ang Sijjeen?

Kini ang ilang padulngan nga natala sa usa ka rehistro nga gisulat[2]. ——— [2] Ang kinaubsang giladmon sa Impiyerno.

Alaut nianang Adlawa alang sa mga manlilimod,

Kadtong naglimod sa Adlaw sa (Paghukom ug) Pagbalus.

Ug walay milimod niini gawas sa tanang matag nakasala nga malapason.

Sa diha nga ang Among mga Bersikulo (ang Qur'an) ilitok ngadto kaniya, siya miingon: 'Mga Sugilanon sa mga karaan.'

Dili, hinunoa, ang ilang gibuhat kaniadto (nga mga sala) nagbutang ug taya sa ilang mga kasingkasing.

Sa pagkatinuod sila nianang Adlawa magbulag gikan sa ilang Ginoo (Allah).

Unya sa pagkatinuod sila makasulod sa Kalayo sa Imperno.

Unya kini igasulti (ngadto kanila): "Kini mao ang inyong naandan sa paglimod."

Sa pagkatinuod ang talaan sa mga matarung anaa sa (gitipigan) nga 'illiyyeen.

Ug unsay makapahibalo kanimo kon unsa ang Iliyyeen?

Kini ang ilang destinasyon nga natala sa usa ka rehistro nga gisulat[3]. ——— [3] Nga anaa sa ikapitong langit diin ang mga kalag sa tinuod nga magtutoo ato didto.

(Nga diin) gisaksihan sa mga labing duol (gikan sa taliwala sa mga anghel).

Sa pagkatinuod, ang mga matarung maanaa sa Tanaman sa Kabulahanan (Paraiso),

Panggilingkod nga malipayon' sa mga trono (sa dignidad), nga sila nagalantaw 'sa tanang mga panalangin'.

Imong mailhan sa ilang mga nawong ang kasidlak sa Kalipay.

Ang ilang kauhaw matagbaw pinaagi sa usa ka lunsay nga ilimnon, nga sinilyohan.

Ang kataposan niana (nga bino) mao ang humot sa musk; ug alang niana pasagdi (ang tanan) nga naningkamot, maningkamot (sa pagtuman sa Allah).

Ug kining nasagol mao ang tubig sa Tasneem (gikan ang kinatas-ang tubod sa Paraiso),

Usa ka tubod diin ginaimnan niadtong mga labing duol sa Allah.

Sa pagkatinuod sila nga mga dautan nagkatawa niadtong mga nagatoo.

Ug sa diha nga sila molabay kanila, sila mangidhat sa usag-usa (sa pagbiaybiay).

Sa diha nga sila mobalik ngadto sa ilang mga katawhan sila mobalik nga malipayon 'pagbiaybiay sa mga magtotoo'.

Ug sa diha nga sila makakita kanila (nga mga magtutuo), sila moingon: 'Sa pagkatinuod kini mao mga nahisalaag!'

Apan sila nga (manlilimod) wala ipadala aron mahimong mga magbalantay ibabaw kanila (nga mga magtutuo).

Apan niining Adlawa (sa Paghukom) kadtong mga mituo magkatawa sa mga manlilimod;

Panggilingkod nga malipayon' sa mga trono 'sa dignidad', nga sila nagalantaw 'sa tanang mga panalangin'.

Ang mga manlilimod ba wala gibalosan (sa hingpit) alang sa unsay ilang gibuhat kaniadto (ni kadautan)?

Sa dihang ang langit nagkapikas-pikas,

Ug naminaw sa iyang Ginoo (Allāh sa bug-os nga pagtuman), nga kini kinahanglan gayud nga mahimo sa ingon.

Ug sa diha nga ang yuta mao giinat ug palawig,

Ug ginasalibay ang unsay anaa sa sulod niini ug nahimong walay sulod,

Ug naminaw sa iyang Ginoo (Allāh sa bug-os nga pagtuman), nga kini kinahanglan gayud nga mahimo sa ingon.

Oh tawo, sa pagkatinuod ikaw naghago ngadto sa imong Ginoo (Allah) uban sa (dako) nga pagpaningkamot, ug matagboan (ang mga resulta o sangpotanan sa inyong buhat).

Unya mahitungod kaniya nga gihatagan sa iyang talaan sa iyang toong kamot,

Siya pagahukman uban sa gaan ​​nga pag-ihap;

Ug siya mobalik sa iyang katawhan nga malipayon.

Ug alang kaniya nga gihatagan sa iyang talaan sa iyang likod,

Siya mosinggit alang sa (kaugalingong) kalaglagan (kamatayon),

Ug siya mosulod ngadto sa nagdilaab nga Kalayo.

Sa pagkatinuod, siya nagmalipayon kauban sa iyang katawhan.

Sa pagkatinuod siya naghunahuna nga siya dili na mobalik (sa Allah).

Apan oo, sa pagkatinuod ang iyang Ginoo (Allah) kanunay nga Nagbantay kaniya.

Busa Ako (Dios) manumpa pinaagi sa kilumkilom sa pagsalop sa adlaw,

Ug pinaagi sa kagabhion, ug sa unsay natigum niini sa kangitngit,

Ug pinaagi sa bulan sa diha nga kini motakdol na,

Nga kamo sa pagkatinuod mosulod sa usa ka kahimtang, human sa usa ka kahimtang.

Nan, unsa ba ang hinungdan nga sila wala motuo?

Ug sa diha nga ang Qur’an gilitok ngadto kanila sila dili mohapa (ni mupailalom sa mga Kamandoan niini)?

Apan sila nga wala nagtuo (sa Allah ug sa Iyang mga Pinadayag) nagsalikway sa Kamatuoran.

Ug ang Allah labing nakahibalo sa unsay ilang gitagoan (sa ilang mga dughan),

Busa ipahibalo kanila ang usa ka sakit nga silot,

Gawas niadtong mituo ug nagbuhat ug matarung nga buhat. Alang kanila mao ang usa ka Ganti nga dili gayud maputol.

Ako (Allāh) nanumpa sa langit nga napuno sa dagkong mga konstelasyon,

Pinaagi sa Gikasaad nga Adlaw (sa Pagkabanhaw),

Ug mosaksi ug gisaksihan.

Tinunglo ang mga nagbuhat sa gahong (sa kalayo aron sa pagsakit sa mga magtotoo).

Sa kalayo nga ginahatagan ug (abunda nga) sugnod,

Sa diha nga nanglingkod sila duol niini,

Ug sila mga saksi sa unsay ilang gibuhat sa mga magtotoo.

Ug sila walay bisan unsa batok kanila gawas nga sila mituo sa Allāh, ang Hingpit Makagagahum, ang Dalaygon,

Nga Kaniya ang Gingharian sa mga langit ug sa yuta; ug si Allah mao ang saksi sa tanang butang.

Kadtong naglutos (nagsunog) sa magtutuo nga mga lalaki ug nga mga babaye, ug unya wala maghinulsol, sila makabaton sa Silot sa Imperno, ug sila makabaton sa Silot sa nagdilaab nga Kalayo.

Kadtong mga mituo ug nagbuhat sa matarung nga mga buhat, sila makabaton og mga Tanaman nga sa ubos niini anaa ang mga suba nga nagadagayday, kana mao ang Dakong Kalamposan.

Sa pagkatinuod ang Pagkupot (Pagsakmit ug Pagpanimalos) sa (Allah) nga imong Ginoo grabe.

Sa pagkatinuod ang Allah mao ang nagbuhat (sa tanang butang) gikan sa sinugdanan, ug magpabalik niini (sa kinabuhi human sa kamatayon alang sa Paghukom),

Ug Siya mao ang Labing Mapasayloon, ang Labing Mahigugmaon,

Ang nanag-iya sa Trono, ang Labing Mahimayaon,

Ang nagbuhat sa bisan unsa nga Iyang gusto.

Wala ba ang istorya sa mga sundalo moabut kanimo?

Ni Paraon, ug (sa tribu ni) Thamud?

Ug bisan pa niana ang mga manlilimod (nagpadayon) sa pagsalikway 'sa Kamatuoran ug nagsupak sa Kalinaw'.

Apan ang Allāh nag-libot kanila sa tanan nga kilid 'ug pagabalusan sila tungod sa ilang mga binuhatan'.

Apan kini usa ka Mahimayaon nga Qu'ran.

Gisulat' Sa usa ka Gipreserbar nga Papan.

Ako (Allah) nanumpa sa langit ug ang bituon sa gabii!.

Unsay nagpahibalo kanimo mahitungod niining bituon sa gabie?

(Kini mao) ang bitoon nga nagsiga sa hilabihan nga kasilaw.

Walay usa nga kalag apan sa ibabaw niini adunay magbalantay (anghel).

Busa pasagdi nga mamalandong ang tawo kun asa siya gikan sa pag-lalang:

Siya gi-lalang gikan sa usa ka tulo (sa semilya), nga migawas,

Nga migawas gikan sa taliwala sa buko-buko (sa lalaki), ug sa mga gusok (sa babaye).

Sa pagkatinuod Siya (Allah) makahimo sa pagpabalik sa tawo (sa kinabuhi human sa iyang kamatayon alang sa Paghukom).

Sa Adlaw nga ang mga tinago madayag (gisusi ug gihukman),

Ang tawo walay gahum ni magtatabang.

Ug (Ako Allah nanumpa pinaagi) sa langit nga nagabalik sa 'ulan, ug uban pa'.

Ug pinaagi sa yuta nga kanunay nga magpa-turok (uban sa pagtubo sa mga tanom).

Sa pagkatinuod kini (ang Qur'an) usa ka mahukmanong Pulong,

Ug kini dili dula ug binuang 'nga dili pagatuohan; "apan kini seryoso ug tinuod".

Sa pagkatinuod sila 'mga manlilimod' naglaraw ug usa ka laraw (batok sa Kamatuoran),

Ako (usab) nagplano ug usa ka plano (batok kanila).

Busa hatagi ang mga manlilimod sa lugway; ug pasagdi sila sa makadiyot.

Dayga ug Himayaa ang Ngalan nga imong Ginoo (Allāh), ang Labing Taas,

Nga mao ang nagbuhat (sa tanang butang), ug unya miumol niini (sa kahingpit).

Nga maoy nagtino ug naggiya,

Nga maoy nag-paturok ug nagpagula sa sibsibanan,

Unya naghimo niini nga malaya sama sa abog.

Kami maghimo kanimo (Oh Muhammad) nga magalitok (sa Qur'an), aron nga ikaw dili makalimot,

Gawas sa unsay gibuot sa Allah, sa pagkatinuod Siya nasayud kun unsa ang dayag, ug unsa ang tinago.

Kami maghimo niini nga sayon ​​alang kanimo, (sa pagsunod) sa sayon ​​nga Dalan (sa Islam).

Busa padayun sa pagpahinumdum, basta ang pagpahinumdom mapuslanon.

Siya nga anaa sa kahadloki sa Allāh mahinumdom niini,

Apan ang labing alaot maglikay niini,

kinsa paga-sunugon sa labing dako nga kalayo.

Ug didto siya dili na mamatay ni mabuhi.

Siya sa pagkatinuod makabaton ug malungtarong kalipay kinsa nagaputli sa iyang kaugalingon (gikan sa kadautan),

Ug magdayeg sa Ngalan sa iyang Ginoo - Allāh - ug nag-ampo.

Apan gipalabi ninyo 'mga manlilimod' ang kinabuhi niining kalibutana,

Samtang ang Pikas Kinabuhi maoy labing maayo ug mas malungtaron.

Sa pagkatinuod, kini anaa sa nahaunang mga 'Balaan' nga Kasulatan,

Ang mga Kasulatan ni Abraham ug ni Moises.

Midangat ba kanimo ang balita mahitungod sa Makalilisang nga hitabo (sa Pagkabanhaw)?

Pipila ka mga nawong nga nianang Adlawa mapakaulawan (ang mga nawong sa mga manlilimod),

Nga hago pag-ayo 'sa kini niini kinabuhi', ug gikapoy uban ang hila-bihan nga kaluya (sa Pikas Kinabuhi),

Sila mosulod sa naga-dilaab nga kalayo,

Ug didto sila paga-paimnon sa usa ka nagbukal nga init nga tubod.

Ug didto wala silay makaon gawas sa usa ka makahilo ug tunokon nga tanum,

Nga dili makaamuma o makatagbaw (kanila) batok sa kagutom.

Ubang mga nawong nianang adlawa magmalipayon (ang mga nawong sa mga magtotoo),

Nalipay pag-ayo sa ilang pagpaningkamot 'alang sa gingharian sa Dios',

Sa hataas nga tanaman (Paraiso),

Didto, dili sila makadungog ug mga pulong nga kawang (o dautan).

Didto adunay nagadagayday nga mga tubod,

Uban sa mga trono nga gipataas,

Ug mga kopa nga gibutang andam,

Ug mga unlan nga gipanglaray,

Ug mga alpombra nga nangabuklad.

Nan wala ba nila gitan-aw ang mga kamelyo, kun giunsa sila paglalang?

Ug sa langit, kun giunsa kini pagpataas?

Ug ang mga kabukiran, kun giunsa sila pagbutang nga malig-on?

Ug ang yuta, giunsa kini mikaylap?

Busa (padayon sa) pagpahinumdom (kanila), kay ikaw usa lamang ka tigpahinumdom.

Wala nimo sa pagpugos kanila 'sa pagtuo';

Apan bisan kinsa nga motalikod ug naglimod (sa Kamatuoran),

Ang Allah mosilot kaniya sa Labing Dako nga pagsakit.

Sa pagkatinuod nganhi Kanamo (Allah) ang ilang pagbalik,

Ug unya, sa pagkatinuod nganhi Kanamo (Allāh) mao ang ilang pag-ihap (ug Paghukom).

Ako (Allah Dios) nanumpa pinaagi sa pagbanagbanag sa kaadlawon,

Ug sa (unang) napulo ka gabii (sa bulan sa Dhul-Hijjah),

ug ang even (numero), ug ang odd (numero),

ug ang gabii sa diha nga kini molabay,

Sa pagkatinuod, niini adunay igo nga panumpa alang sa mga tawo nga adunay salabutan.

Wala ba nimo makita (O Muhammad) kung giunsa sa imong Ginoo (Allah) pagpakiglabot (sa tribo sa) ‘Aad,

(Sa siyudad sa) Iram, nga adunay tag-as nga mga haligi,

Nga ang sama niini wala pa hikaplagan sa (uban) ​​nga mga syudad.

Ug (ang tribo ni) Thamud, nga mikulit 'sa ilang mga balay gikan sa dagko' nga mga bato sa walog,

Ug kang Paraon, nga nagbaton ug gamhanang mga kasundalohan ug dako nga gingharian (ug mga gambalay),

Nga sila (tanan) nakalapas sa kayutaan,

Ug nagbuhat ug daghang korapsyon (kadautan) niini;

Busa ang imong Ginoo (Allah) nagpahamtang kanila ug han-ay nga lain-laing matang sa pagsakit.

Sa pagkatinuod! Ang imong Ginoo (Allah) kanunay nga Mabinantayon.

Alang sa tawo 'ang manlilimod', sa diha nga ang iyang Ginoo (Allah) mosulay kaniya, ug nagmanggihatagon ngadto kaniya, ug naghimo kaniya mabuhi sa sayon ​​nga kinabuhi, siya muingon: 'Ang Akong Ginoo (Allah) nagpasidungog kanako.'

Apan sa diha nga Siya mosulay kaniya ug magnihit alang kaniya sa iyang panginabuhian, siya moingon: 'Ang akong Ginoo (Allah) nagpakaulaw kanako.'

Dili, apan kamo walay pagbati sa mga ilo,

Ni kamo nagdasig sa usag-usa sa pagpakaon sa mga kabus,

Ug nga kamo nag-kaon sa ilang mga panulondon, sa hilabihan nga pagka-hakog.

Kamo nahigugma sa bahandi uban sa hilabihan nga paghigugma.

Apan tan'awa, sa diha nga ang kalibutan dugmokon sa hilabihan nga mahisama sa pulbos,

Ug ang imong Ginoo (Allah) moabut (alang sa Paghukom) ug ang mga anghel nga nahan-ay sa mga laray,

Ang Imperno madayag sa duol nianang Adlawa. Nianang Adlawa ang tawo makahinumdom, apan unsaon [o unsa pa ang bili] kaniya sa ingon niadto nga pagkahinumdom?

Siya moingon: "Oh, Hinaut pa unta nga nakagahin ako kaniadto (pipila ka maayong mga buhat) alang niining akong kinabuhi karon (sa Pikas Kinabuhi)."

Busa niadtong Adlawa, walay makasilot nga sama sa Silot (sa Allah),

Ug walay bisan kinsa nga makagapos sama sa Paggapos sa Allah 'alang sa mga mamumuhat sa dautan'.

Iga-ingon ngadto sa mga matarung): "O (ikaw), ang usa nga anaa sa (hingpit nga) kapahulayan ug katagbawan";

Balik ngadto sa imong Ginoo, nalipay pag-ayo ˹uban Kaniya˺ ug makapahimuot (ngadto Kaniya).

Busa sulod uban sa Akong (matarung) nga mga ulipon (sa katawhan ug jinn),

Ug sumulod sa Akong Paraiso.