Luganda Meal — Afrika Kalkınma Vakfı — Mürselat 77:1 – Nas 114:6

Kuno kunsi abatakkiriza Allah n'omubaka we bagambwa nti) mulye, era mweyagale kitono, wabula mumanye nti muli bonoonyi era mukimanye nti waliyo enkomerero.

Mürselat 77:47

Ku lunaku olwo okubonaabona kugenda kubeera kw'abo abaliimbisa.

Mürselat 77:49

Ku lunaku olwo okubonaabona kugenda kubeera kw'abo abaliimbisa.

Mürselat 77:50

Olwo bigamboki ebitali qur'an byebagenda okukkiriza.

Nebe' 78:5

Nedda era oluvanyuma bajja kumanyira ddala.

Nebe' 78:7

N’ensozi ne tuzifuula enkondo (ezijinyweza obutayuuga)!

Nebe' 78:8

Ne tubatonda mu ngeri bbiri (omukazi n’omusajja).

Nebe' 78:9

Ne tufuula okwebaka kwa mmwe nga kiwummulo!

Nebe' 78:10

Ne tufuula ekiro ekyambalo ekibabikka (olw’enzikiza yaakyo)

Nebe' 78:11

Ne tufuula emisana nga mwemunonyezebwa eky’okubabeezaawo.

Nebe' 78:12

Ne tuzimba waggulu wamwe emyaliiro emigumu musanvu.

Nebe' 78:14

Ne tussa okuva mu bire by’enkuba amazzi agafukumuka.

Nebe' 78:17

Mazima olunaku lw’okulamula lulina ekiseera kyalwo ekigere.

Nebe' 78:18

Olwo Lwe lunaku engombe lw'erifuuyibwa ne mujja nga muli bibinja.

Nebe' 78:19

N’eggulu liliggulwawo ne libeerako emiryango.

Nebe' 78:20

N’ensozi nezitambuzibwa nezijibwa mubifo byazo ne zibanga ezitabangawo.

Nebe' 78:21

Mazima omuliro Jahannama weeguli gulinze.

Nebe' 78:22

Nga bwe buddo bw’abo abayisa ekomo mukwonoona.

Nebe' 78:24

Nga bali mu gwo tebagenda kufuna buweerero wadde ak'okunywa akaweweeza.

Nebe' 78:25

Okujjako olweje n’amasira Ag'olusaayisaayi.

Nebe' 78:27

Kubanga baali tebasuubira era nga tebakkiliza lunaku lw'okubalibwa.

Nebe' 78:28

Ne balimbisa n'obubonero bwaffe olulimbisa.

Nebe' 78:29

So ng’ate buli kintu twakikuuma mu bujjuvu era mu buwandiike.

Nebe' 78:30

Kale baligambibwa kulunaku olwo mukombe ku kibabu kyebibonerezo olwebikolwa byamwe kubanga tetujja kubongera okujjako ebibonerezo.

Nebe' 78:31

Mazima abatya Allah bajja kufuna okwesiima (okulimu buli kyonna kye baagala).

Nebe' 78:33

N’abawala ab’amabeere amatutu (ngabavubuka)

Nebe' 78:35

Nga bali mu yo (e jjana) tebagenda kuwulira bigambo bya butaliimu wadde eby’obulimba.

Nebe' 78:36

Nga y’empeera okuva eri omulezi wo, nga kuweebwa okumatiza okutaliiko kubalilira

Nebe' 78:37

Oyo nanyini Gulu omusanvu n’ensi n’ebiri wakati wa byombi, oweekisa ekingi, tebalyetantala kwogeraganya naye.

Nebe' 78:38

Jibriilu ne ba malayika abalala ku lunaku lwe baliyimirira nga bali mu nyiriri nga bonna tewali ayogera okujjako oyo yekka Katonda omusaasizi, gw’aliba akkiriza okwogera ate n'ayogera bituufu.

Nebe' 78:39

Olwo lwe lunaku olw’amazima. Omuntu ayagala emirembe alwetegekere afune ekimuzza eri Katonda we ngamusiimye.

Nebe' 78:40

Mazima tubatiisizza ebibonerezo ebiri okumpi ennyo. Olunaku omuntu lw’aliraba kulunaku olwo emikonoje bye jaakola, atakkiriza Allah nomubaka we aligamba nti: zinsanze nze kale singa nfuuse ettaka!.

Naziat 79:1

Ndayira Malayika ezisikambula emyoyo j’abajeemu mu bukambwe (mukiseera kyokufa).

Naziat 79:2

Era ndayira Malayika ezisowola mumpola emyoyo jabakkiriza Allah nomubaka we olusowola olwangu.

Naziat 79:3

Era ndayira Malayika eziwugira mu bbanga oluwuga.

Naziat 79:4

Era ndayira Malayika ezivuganya oluvuganya mukuteka munkola Allah byaaba alagidde.

Naziat 79:5

Ne ndayira ne Malayika ezissa mu nkola ebiragiro Byange

Naziat 79:6

Mukimanye nti ebitonde byonna bigenda kuzikirira ku lunaku buli kintu kyonna lwe kirikankanyizibwa musisi nga engombe efuuyiddwa.

Naziat 79:7

Oluvanyuma luligobererwa olufuuwa olw'okubiri (olw'okuzuukira).

Naziat 79:8

Emitima j’abatakkiriza Allah n'omubaka we ku lunaku olwo jiribeera mu kutya.

Naziat 79:10

Bagamba (nga bajerega), nti "Mazima ddala tuliddizibwawo mu bulamu oluvanyuma lwokufa nga bwetulimu kati?"

Naziat 79:11

Bwe tuliba tumaze okufuuka amagumba amamerengufu?

Naziat 79:12

Bongerako ne bagamba nti (ekyonno bwekiriba bwekityo) kuliba kudda kwa kufaafaaganirwa.

Naziat 79:13

Mazima okuzuukira lugenda kubeera olukanga lumu lwokka (olufuuwa lwengombe lumu)

Naziat 79:14

Baligenda okulaba abantu bonna nga bali kungulu kunsi.

Naziat 79:15

Abaffe wamanyako ku kyafaayo kya Nabbi Musa?

Naziat 79:16

Mukiseera Katonda weyakoowoolera Musa nga (Musa) ali mu lusenyi olutukuvu 'Tuwa'?

Naziat 79:17

N'amugamba nti genda eri Firaawo kubanga ye asusse ekkomo mu bujeemu ne mu buwakanyi.

Naziat 79:18

Omugambe nti, walyetukuzza n'okkiriza Allah mukama Katonda wo.

Naziat 79:19

Ndyoke mbe nga nkulungamya eri Katonda wo obeere nga omutya.

Naziat 79:20

Nabbi Musa n’alaga Faraawo obujulizi obwenkukunala.

Naziat 79:22

Oluvannyuma n'abikuba amabega era n’akola kaweefube w'okubirwanyisa.

Naziat 79:23

N’akungaanya abantu omuli amaje ge, abakungu be, n’abalogo nakowoola nagamba:

Naziat 79:24

nze omulezi wamwe (Katonda) ow'awaggulu.

Naziat 79:25

Allah namukwatako n’amubonereza era n’amuzikiriza olw’ekisobyo ekyasembayo n’ekyasooka.

Naziat 79:26

Mazima mu ekyo (eky’okuzikiriza Firaawo) mulimu ebyokuyiga eri oyo atya Allah (katonda).

Naziat 79:27

Abaffe, mwe be mweraba mwe musinga obuzibu okutonda okusinga eggulu? Allah yaliziimba oluzimba olwewunyisa.

Naziat 79:28

Awamu n'obunene bweliliko yaliwanika n'alitereeza.

Naziat 79:29

Era n'aleeta enzikiza yaalyo (ekilo) era n’ajjayo ekitangaala kyalyo.

Naziat 79:30

N’ensi oluvanyuma lwebyo yajaliira najitekamu buli kimu.

Naziat 79:31

Muyo mwennyini mweyajja amazzi gaayo namalundiro gaayo.

Naziat 79:33

Ebyo yabikola lwa kugasa mmwe n'ensolo za mmwe.

Naziat 79:34

Akabenje akanene bwe kalijja (olwo lwe luliba olunaku lw'enkomerero).

Naziat 79:35

Olunaku lw’alijjukira omuntu ebyo byonna bye yakola.

Naziat 79:36

Omuliro Jahiimu negulagibwa eri yenna alaba.

Naziat 79:37

Naye Oyo yenna eyasukka ekkomo mu kujeema kunsi

Naziat 79:38

N’asukkulumya obulamu bw’ensi ku bw'enkomerero

Naziat 79:40

N'oyo aliba nga yatya okuyimirira mu maaso ga Mukama we (Katonda). N’aziyiza omwoyo gwe ku by’obwagazi.

Naziat 79:42

Bakubuuza gwe (Nabbi Muhammad) ebikwata ku lunaku lw’enkomerero, nti lulibaawo ddi.

Naziat 79:44

Eri omulezi wo Allah yewali ebilukwatako.

Naziat 79:45

Mazima dala ggwe oli mutiisa eri oyo alutya.

Naziat 79:46

Mazima olunaku lwebaliraba enkomelero balibanga abataatuula ku nsi okujjako akaseera k'olweggulo oba ak'okunkya!

Abese 80:1

Nabbi Muhammad azze emitaafu, n’akyuka emabega.

Abese 80:3

Naye ki ki ekikumanyisa ob'olyawo muzibe oyo aneetukuza.

Abese 80:5

Naye ate oyo eyeegaggawaza nga yeematira.

Abese 80:8

Naye oyo akujjidde ng’ayanguwa (muzibe).

Abese 80:11

Nedda si bwe kyandibadde, mazima yyo (Qur'ani) kya kwe buulirira.

Abese 80:15

Qur'an eri mu mikono ja Babalayika abawandiisi.

Abese 80:17

Omuntu yakolimirwa, ki ki ddala ekimuwakanyisa Allah katonda we?

Abese 80:18

Omuntu talaba kintu ki Allah mwe yamutonda?

Abese 80:19

Yamutonda mu mazzi (e nkwaso) mwe yamutonda n'amugerera byonna ebiri mutuukako.

Abese 80:20

Oluvanyuma n’amwanguyiza ekkubo ly’okuzaalibwa

Abese 80:21

Bw’amala n’amutta era n’aziikibwa mu kabbuli.

Abese 80:22

Oluvanyuma alimuzuukiza bwaliba ayagadde (Allah).

Abese 80:23

Wabula omuntu tatuukiriza ebyo Katonda by’amulagira okukola.

Abese 80:24

Omuntu ateekwa okutunuulira by’alya emitendera jebiyitamu.

Abese 80:25

Mazima ffe tufuukirira amazzi olufukirira olusaanidde.

Abese 80:26

Oluvanyuma netulyoka twaasa ettaka olwaasa olusaanira ebimera.

Abese 80:28

N'emizabbibu n’ebimera ebizimba omubiri.

Abese 80:31

N’ebibala n’omuddo oguliibwako e bisolo.

Abese 80:34

Olunaku olwo omuntu lwalidduka mugandawe,

Abese 80:37

Buli muntu ku lunaku olwo ajja kuba ku nsonga emukwatako yekka.

Abese 80:38

Ebyenyi ebimu ku lunaku olwo bigenda kuba byakaayakana.

Abese 80:39

Nga biriko akamwenyumwenyu, nga bisanyufu.

Abese 80:40

Ate ebyenyi ebirala bigenda kuba nga bigubye.

Abese 80:42

Abo nno be b'awakanya Allah (katonda) nomubaka we, aboonoonyi.

Tekvir 81:3

Era ensozi bwe zirikungunsibwa (ne zijjibwawo).

Tekvir 81:4

Era nga n’ebisolo ebyo mu maka nga tebikyafiibwako (newakubadde nga biriba mawako).

Tekvir 81:5

N’ebisolo by’omu nsiko nabyo nga bikungaanyiziddwa.

Tekvir 81:6

Era nga n’enyanja zikuumiddwako omuliro (ne zibumbujja).

Tekvir 81:7

Era nga n’emyoyo gigatiddwa buli egifaanagana nga jiri wamu (Emirungi nga jiri n’emirungi, emibi nga jiri n’emibi).

Tekvir 81:8

Era omwana omuwala eyaziikibwa nga mulamu bw'aliba abuuziddwa.

Tekvir 81:10

Era ebitabo bwe biribeera nga bisasaanyiziddwa (nga buli kitabo omuli ebyo byeyakola kunsi kituuka ku nannyini kyo).

Tekvir 81:14

Olwo omuntu alimanya ekyo kye yakola (kibe kirunji oba kibi).

Tekvir 81:17

Era ndayira ekiro bwe kiba nga kyolekedde okuggwaawo.

Tekvir 81:18

Era Allah alayira amakya g’obudde nga busaasaana.

Tekvir 81:19

Mazima Qur'an bigambo bya Katonda byeyassa ku mubaka (Nabbi Muhammad) ow'ekitiibwa.

Tekvir 81:20

Oyo (Jiburilu) owaamaanyi era ow'ekitiibwa eri nannyini Arishi (Allah).

Tekvir 81:21

Agonderwa (ba Malayika banne) eyo (mu ggulu) ng'ate mwesigwa.

Tekvir 81:22

Era munnammwe (Nabbi Muhammad) si mulalu.

Tekvir 81:23

Mazima ddala ye (Muhammad) yamulaba (Jiburilu) mu bweyolefu nga ajjudde obwengula.

Tekvir 81:24

Era tali (Nabbi Muhammad) ku bigambo ebyekwese (ebikwata ku bubaka obuva eri Katonda n'ebigambo by'omu gulu) ayinza obutatuukiriza.

Tekvir 81:25

Ebigambo bya Qur'an Muhammad byayogera si bigambo bya sitaani omukolimire.

Tekvir 81:27

Qur’an yyo teri okujjako okuba nti kya kubuulirira eri ebitonde.

Tekvir 81:28

Eri oyo omu mumwe aba ayagadde okulungama.

Tekvir 81:29

Naye ate temujja kwagala okujjako nga Katonda Omulezi w’ebitonde ayagadde.

İnfitar 82:2

N'emunyenye bwe ziriba nga zivudde waggulu ne zisaasaana.

İnfitar 82:4

Ne Kabbuli (entaana) bwe ziriba nga zifuukuddwa (abafu bonna ne bavaayo).

İnfitar 82:5

Olwo omuntu alimanya ebyo byeyakulembeza okukola ne byeyasembyayo.

İnfitar 82:6

Owange ggwe omuntu kale kiki ekyakugayaaza okukujja ku muleziwo (Katonda) Omugabi.

İnfitar 82:7

Oyo eyakutonda n’akutereeza era n’akwenkanyankanya.

İnfitar 82:8

Mu kifaananyi kyonna kye yayagala mwe yakutondera.

İnfitar 82:9

Nedda, wabula mulimbisa olunaku olw’okusasulwa (olw’enkomerero).

İnfitar 82:11

Abeekitiibwa abawandiisi (abawandiika ebyo byonna byemukola)

İnfitar 82:13

Mazima abakozi b’obulungi balibeera mu byengera.

İnfitar 82:14

Era mazima abakozi b’ebibi bagenda kubeera mu muliro oguyitibwa Jahiimu.

İnfitar 82:15

Bagenda kuguyingira ku lunaku olw’okusasulwa (olw'enkomerero).

İnfitar 82:17

Ki ekikumanyisa olunaku olw'okusasulwa (olw’enkomerero).

İnfitar 82:18

Naye ddala on'omanyira ku ki olunaku olwokusasulwa (Katonda yakiddamu olwokuggumiza obukulu bw’olunaku olwo).

İnfitar 82:19

Olunaku omwoyo lwe gutaliba na buyinza bugasa mwoyo mulala na kintu kyonna. Era ebiragiro ku lunaku olwo biriba bya Katonda yekka.

Mütaffifin 83:1

Okuzikirira kuli ku abo abakendeeza ebipimo.

Mütaffifin 83:2

Abo nga bwebaba nga beebapimirwa, basaba ebipimo byabwe bijjuzibwe.

Mütaffifin 83:3

So nga bo bwe baba nga be babapima era nga bebalenga abantu abalala, oba be bapima, bakendeeza ebipimo byabwe.

Mütaffifin 83:4

Abaffe tebakakasa nti mazima ddala baakuzuukizibwa.

Mütaffifin 83:6

Olunaku abantu lwe baliyimirira mu maaso g'omulezi w’ebitonde.

Mütaffifin 83:7

Mazima ddala ebiwandiiko by’emirimu j’aboonoonyi biri mu Sijjiin.

Mütaffifin 83:9

Ky’ekitabo ekiwandiikibwamu ebibi by’omuntu.

Mütaffifin 83:10

Ku lunaku olwo okubonaabona kugenda kubeera kw'abo abalulimbisa.

Mütaffifin 83:11

Abo abalimbisa olunaku lw’okusasulirwamu (olw’enkomerero).

Mütaffifin 83:12

Era tewali alimbisa lunaku olwo okujjako oyo omwononyi era asukka ensalo z’amateeka ga Allah (Katonda).

Mütaffifin 83:13

Omuntu oyo bwasomerwa ebigambo byaffe (Allah) agamba nti nfumo z'abantu abedda.

Mütaffifin 83:14

Nedda, ssi bwekiri; wabula bye baali bakola (ebyonoono) byetuuma ku mitima jabwe.

Mütaffifin 83:15

Mazima ddala abatakkiriza ku lunaku olwo baakuziyizibwa okulaba Omulezi waabwe (Katonda).

Mütaffifin 83:16

Oluvanyuma mazima ddala baakuyingira omuliro Jahiimu.

Mütaffifin 83:17

Oluvanyuma bagenda kugambibwa nti ekyo kye mwalimbisanga.

Mütaffifin 83:18

Mazima ddala ebiwandiiko by’abakozi b’obulungi biri mu elliyyiina.

Mütaffifin 83:20

Ky’ekitabo ekiwandiikibwamu buli kimu ekilunji omuntu kyeyakola.

Mütaffifin 83:21

Bakisemberera Ba malayika abali okumpi ne Katonda era nebakijulira.

Mütaffifin 83:22

Mazima abakozi b’obulungi bagenda kubeera mu byengera.

Mütaffifin 83:23

Nga bali ku bitanda ebiwunde nga batunuulira ebintu ebibeetoolodde.

Mütaffifin 83:24

Ebyenyi byabwe ngabwobitunulako ebyengera bibijjudde nessanyu

Mütaffifin 83:25

Baligabulwanga omubisi (ogw’omu jjana) omusaanikire obulungi.

Mütaffifin 83:26

Olunaagunywangako ng'owulira akawoowo ka misk (akawunya obulunji). Kale olw'ebyo byowulidde, abaagala okuvuganya mu kukola emirimu emirungi bavuganye.

Mütaffifin 83:27

Omubisi ogwo gugenda kutabulwa mu Tasnim.

Mütaffifin 83:28

Tasnim nsulo erinywebwangako abaliba basembezeddwa eri Allah.

Mütaffifin 83:29

Mazima abantu abo abaali abajeemu baalinga ku nsi nga basekerera abakkiriza.

Mütaffifin 83:30

Bwe baabayitangako nga babageyesa amaaso.

Mütaffifin 83:31

Era bwe baddanga mu bantu baabwe nga beewaana.

Mütaffifin 83:32

Bwe baabalabanga abakkiriza nga bagamba nti mazima abo babuze!.

Mütaffifin 83:33

Ate nga tebatumwangako kubeera nga bebalondoola emirimu jabasilaamu.

Mütaffifin 83:34

Kati olwaleero (kulunaku lw'enkomerero) abo abakkiriza bajja kubeera nga bebasekerera abatakkiriza.

Mütaffifin 83:35

Nga bali ku bitanda ebiwunde nga batunuulira ebintu ebibeetoolodde.

Mütaffifin 83:36

Nga bwe bagamba nti abaffe abatakkiriza basasuddwa bye baalinga bakola.

İnşikak 84:2

Ne ligondera ekiragiro kya Mukama waalyo, era nga bwe kyandibadde.

İnşikak 84:4

N'ewandula ebigirimu n'esigala nga njereere.

İnşikak 84:5

Negondera ekiragiro kya Mukama waalyo, era nga bwe kyandibadde.

İnşikak 84:6

Owange ggwe omuntu! Otakabana olutakabana (okukola e mirimu) ng'odda eri omulezi wo. Era oli wakumusisinkana.

İnşikak 84:7

Kale nno omuntu aliweebwa ekitabo kye mu mukono gwe ogwa ddyo.

İnşikak 84:10

Naye oyo aliweebwa ekitabokye e mabega w'omugongogwe.

İnşikak 84:13

Kubanga yabeeranga (ku nsi) mu bantube nga musanyufu (mu ng'ajemera amateeka ga Mukama Katonda).

İnşikak 84:14

Mazima Dala yalowooza nti tagenda kuzuukira.

İnşikak 84:15

So ng'ate mazima Dala Katondawe (omuleziwe) yalinga amulaba.

İnşikak 84:16

Ndayira ekire ekimyufu (ekibaawo ng'enjuba yakagwa).

İnşikak 84:17

Era ndayira n'ekiro n'ebyo bye kikungaanya.

İnşikak 84:19

Mujja kukyusibwakyusibwa (mu mbeera za mmwe nga muva mu mbeera okudda ku ndala).

İnşikak 84:22

Wabula e nsonga ebagaana okuvunnama lwakuba nti abatakkiriza Allah n'omubaka we balimbisa qur'an.

İnşikak 84:23

Ate nga Allah amannyidde ddala bye bakweka (mu mitima jabwe).

İnşikak 84:25

Okujjako abakkiriza era ne bakola emirimu emilunji. Abo be bagenda okufuna empeera etakutukawo.

Büruc 85:1

Ndayira e ggulu eririmu ebifo omutambulira e munyeenye (nga mwe muli e njuba n’omwezi).

Büruc 85:2

Era ndayira olunaku olwalagaanyisibwa (olunaku lw’enkomerero)

Büruc 85:3

Era ndayira oyo aliwaayo obujulizi n’oyo gwe balibuwaako (ku lunaku lw’enkomerero).

Büruc 85:4

Katonda yagoba mu kusaasirakwe abo ab'asima agannya okubonererezaamu abakkiriza.

Büruc 85:6

Olwo ngabbo batudde awo ku mabbali waagwo.

Büruc 85:7

Era nga bo (bennyini) balaba buli kyonna kyebakola ku bakkiriza.

Büruc 85:8

Tebaalina kye baali babavunaana okujjako olwokuba bakkiriza Allah oweekitiibwa atenderezebwa.

Büruc 85:9

Oyo Alina obufuzi bwe ggulu omusanvu n'ensi. Era Allah alaba buli kintu.

Büruc 85:10

Mazima abo abaawalagganya abakkiriza abasajja n’abakkiriza abakazi ate ne bateenenya, bakutuukibwako ebibonerezo by’omuliro Jahannama era balina ebibonerezo by’omuliro ogwokya ennyo.

Büruc 85:11

Mazima abo abakkiriza ne bakola emirimu emirunji bajja kufuna ejjana nga mukulukutira muyo emigga. Okwo nno kwe kwesiima okwannamaddala.

Büruc 85:12

Mazima okukwata kwa Mukamaawo kwamaanyi nnyo.

Büruc 85:13

Mazima Dala yye ye mutandisi wa buli kintu era yewookubizzaawo.

Büruc 85:14

Era yemusonyiyi ennyo, era ayagala ennyo mukwno je.

Büruc 85:19

Wabula abo abatakkiriza bali mu kulimbisa.

Büruc 85:21

Wabula yo qur'an (eyassibwa ku Nabbi Muhammad) ya kitiibwa.

Büruc 85:22

Eri mu ggwandiikiro erikuumwa obutiribiri.

Târık 86:1

Ndayira eggulu ne munyeenye ezirabika ekiro.

Târık 86:2

Naye omanyi emunyeenye ezirabika ekiro kye ki?

Târık 86:3

Z’emunyeenye ezaaka ennyo ekitangaala kyazo ne kiyita mu nzikiza ne kituuka ku nsi.

Târık 86:4

Buli muntu yenna aliko abakuumi (Ba Malayika).

Târık 86:5

Kale nno omuntu yalibadde atunuulira kye yatondebwamu.

Târık 86:6

Yatondebwa ng’ajjibwa mu mazzi agasammuka mubwangu obwamanyi.

Târık 86:7

Nga gava wakati w’omugongo gw'omusajja n’amasaabiro g'omukazi.

Târık 86:8

Mazima ddala oyo (Katonda) asobolera ddala okumuzzaawo oluvanyuma lw'okufa.

Târık 86:9

Ku lunaku ebyama byonna lwe biribikkulwa.

Târık 86:10

Omuntu tagenda kuba na maanyi gonna yadde omutaasa.

Târık 86:11

Era ndayira egulu ewava enkuba etonnya nga eddingana.

Târık 86:12

Ne ndayira n’ettaka eryeyasa olw’okumeza ebimera.

Târık 86:13

Mazima dala yo (qur'an) kigambo ekyawula wakati w’amazima n’obulimba.

Târık 86:16

Nange nenkola enteekateeka zange (Allah)

Târık 86:17

Abatakkiriza Allah n'omubaka we byeyajja nabyo balindirize, nange mbawadde akaseera katono.

A'lâ 87:1

Tendereza erinnya ly’omuleziwo ow'awaggulu.

A'lâ 87:3

Era eyateekateeka buli kintu n'akyenkanyankanya.

A'lâ 87:6

Tujja kukusomesa (qur'an) obeere nga teweerabira.

A'lâ 87:7

Okujjako ebyo Allah by’anaaba ayagadde okukwerabiza. Mazima Dala yye y’amanyi ebyogerwa mu lwatu ne mu kyama.

A'lâ 87:8

Tujja kukwanguyiza amateeka gabeere mangu.

A'lâ 87:9

Kale buulirira, okubuulirira bwe kuba nga kunaagasa.

A'lâ 87:11

Omwonoonyi ajja ku kwesamba okubuulirira okwo.

A'lâ 87:13

Ng’amaze okusonsekebwa mu muliro ogwo, tagenda kufa wadde okufuna obulamu (obwesiimisa).

A'lâ 87:15

N’ayogera ku linnya ly’omuleziwe era n’asaala.

A'lâ 87:16

Wabula mwe musukkulumya obulamu obw’ensi.

A'lâ 87:17

So nga obulamu obw'enkomerero bwe businga obulungi era bwe bwokusigalawo.

A'lâ 87:18

Mazima bino biri mu biwandiiko ebyasooka.

Gâşiye 88:1

Abaffe wali ofunye okunyumizibwa ku kibuutikira (eky’olunaku lw'enkomerero)?

Gâşiye 88:2

Olunaku olwo ebyenyi bigenda kuba nga biswavu.

Gâşiye 88:6

Abantu abo tebagenda kubeera na kya kulya kyonna okujjako emiti ej'amaggwa

Gâşiye 88:7

Ejitaliimu kiriisa wadde okuwonya enjala.

Gâşiye 88:8

Ebyenyi ebirala bigenda kubeera mu byengera.

Gâşiye 88:9

Bigenda kusiima olw’okutakabana kw'abyo.

Gâşiye 88:11

Togenda kuwulira mu yo bigambo bya butaliimu.

Gâşiye 88:17

Abaffe tebatunuulira (olutunuulira olw’okuyiga) engamiya ngeri ki bwe yatondebwa?

Gâşiye 88:21

Kale nno jukiza owange gwe (Nabbi Muhammad) kubanga oli mujjukiza.

Gâşiye 88:23

Naye abo abanaava ku bigambobyo ne bajeema.

Gâşiye 88:24

Allah ajja kumubonereza ebibonerezo ebisinga okuba ebikakali.

Gâşiye 88:25

Mazima ddala jetuli y’eri obuddo bwabwe.

Gâşiye 88:26

Oluvanyuma mazima dala okubalibwa kwabwe kuli ku ffe.

Fecr 89:4

N’ekiro bwekiba nga kitambula (nga kijja oba nga kivaawo).

Fecr 89:5

Abaffe mu kulayira okwo temuliimu kwebuulirira eri oyo alina amagezi.

Fecr 89:6

Tolaba owange gwe omubaka engeri omuleziwo nebyo byeyatuusa ku bantu b'ekika kya A'adi.

Fecr 89:8

Ekika ekyo ewatatondebwangayo babafaanana mu nsi.

Fecr 89:9

N’ebyo bye yatuusa ku ba Thamuud ab'ayasaanga enjazi mu lusenyi.

Fecr 89:10

N'ebyo bye yatuusa ku Firaawo nannyini nkondo.

Fecr 89:11

Abo bonna (aboogeddwako) beewaggula kuno ku nsi.

Fecr 89:13

Omuleziwo (Katonda) kye yava abafukirira ebibonerezo eby'enjawulo.

Fecr 89:14

Mazima ddala Omuleziwo (Katonda) abalindiridde.

Fecr 89:15

Wabula omuntu, Omuleziwe (Katonda) bw'amugezesa n'amugabira ebirunji, omuntu oyo agamba nti omulezi wange ampadde.

Fecr 89:16

Ate bw'aba amugezesezza n'amufundiza ebyenfunaye agamba nti omulezi wange (Katonda) anzikakkanyiza.

Fecr 89:17

Nedda, wabula temuyisa bulungi ba Mulekwa.

Fecr 89:19

Era mulya emmaali ya ba Mulekwa, olulya olunene.

Fecr 89:20

Era mwagala eby'enfuna olwagala okuyitiridde.

Fecr 89:21

Nedda eyo si y'enkola entuufu ey’ebintu, era ensi bwe ribeera nga ebetenteddwa.

Fecr 89:22

Omuleziwo n'ajja ne Ba Malayika nebajja nga basimbye ennyiriri.

Fecr 89:23

Era kwolwo omuliro Jahannama gulireetebwa, olwonno omuntu alijjukira (bye yakola ku nsi) naye okujjukira kuno kugenda ku mugasaaki.

Fecr 89:24

Agenda kugamba: zinsanze nze. Singa nategekera obulamu bwange buno.

Fecr 89:25

Olunaku olwo (Katonda) ebibonerezo by'agenda okubonereza nabyo tewali n'omu yali abibonerezzaako.

Fecr 89:26

Era ensiba jalisiba ku lunaku olwo tewali yali agisibyeko.

Fecr 89:27

Owange gwe omwoyo omutebenkevu (omuntu).

Fecr 89:28

Dda eri Omuleziwo ng'oli musimu era ng'osiimiddwa.

Fecr 89:29

Era yingira mu baddu bange (abalongoofu).

Beled 90:2

Nga naawe (Muhammad) oli mutuuze mu kibuga kino.

Beled 90:4

Mazima twatonda omuntu nga lubeerera abeera mu kutawaana.

Beled 90:5

Alowooza nti tewali n’omu ayinza ku musobola.

Beled 90:6

Ng’agamba nti nsaasanyiza emmaali nyinji nnyo.

Beled 90:10

Era ne tumulungamya okumanya amakubo abiri (ery'ebirungi n'ery'ebibi).

Beled 90:11

Kale singa yabikozesa mu kuvvuunuka obizibu (bw'olunaku lw'enkomerero n'aba nga akozesa bye yafuna naafunamu enkomerero).

Beled 90:12

Abaffe obuzibu obumanyi (n'ekiyinza okubukuyambako)?

Beled 90:17

Ate era aliisa n’abeera mu abo abakkiriza abalaamiragana obugumiikiriza nga bwe balaamiragana n'okusaasiragana.

Beled 90:19

Naye abo abawakanya obubonero bwaffe baakubeera ku mukono ogwa kkono.

Şems 91:2

Era ndayira omwezi bweguba nga gugoberedde enjuba (ng’egudde)

Şems 91:3

Era ndayira obudde obw’emisana ngabweerudde enjuba.

Şems 91:4

Era ndayira ekiro bwe kiba nga kibisse ebiri kunsi.

Şems 91:5

Era ndayira eggulu n’eyalitonda nokutondebwa kwaalyo okunene.

Şems 91:8

N’aguwa (omwoyo) okwawula wakati w’ekibi n’ekirung.

Şems 91:9

Yesiimye alongoosa omwoyogwe okugujja mu bibi.

Şems 91:10

Era aviiriddemu awo oyo agunnyika mu bibi.

Şems 91:11

Abantu ba thamuud, olw'obwonoonefu bwabwe baalimbisa (omubaka waabwe).

Şems 91:12

Asinga obwonoonefu mu bo bwe yeesowolayo (naafumita engamiya).

Şems 91:13

Omubaka wa Allah n’abagamba “muleke engamiya ya Allah n’okunywa kwayo”.

Şems 91:14

Kyokka ne bamulimbisa ne bajifumita. Katonda omulezi wabwe (Allah) waabwe kwe kubabuutikira nebibonerezo olw’obwonoonefu bwabwe awatali n’omu kuwona

Şems 91:15

Era tatya nkomerero y'ekyo (eky'okubazikiriza).

Leyl 92:2

Ndayira n'obudde bwemisana bwe buba nga bwetadde.

Leyl 92:3

Ndayira oyo eyatonda ebintu ebisajja n’ebikazi.

Leyl 92:4

Mazima dala okulafuubana kwa mwe si kwe kumu.

Leyl 92:5

Nabwekityo omuntu awaayo ekintu kyonna ng’atya Katonda.

Leyl 92:6

Nakkiriza ebirungi. (ebiva mu kukkiriza Katonda).

Leyl 92:7

Tujja kumwanguyiza ekubo erimutuusa eri obwangu.

Leyl 92:8

Naye oyo akodowala ne yeegaggasa (ng’alowooza nti ebiri ewa Katonda tabyetaaga).

Leyl 92:9

N’alimbisa obubaka obwakkira ku Nabbi Muhammad.

Leyl 92:10

Tujja kumwanguyiza okutuuka eri obuzibu.

Leyl 92:11

Era obugaggabwe tebugenda kumugasa ng’ayingidde okuzikirira (olw’ebikolwa bye ebibi)

Leyl 92:13

Era mazima ebikwata ku nkomerero ne nsi biri mu buyinza bwaffe.

Leyl 92:15

Taliguyingira okujjako oyo omwonoonefu ennyo (atakkiriza Allah nomubaka we)

Leyl 92:16

Oyo alimbisa (ebigambo bya Katonda) era nabyawukanako.

Leyl 92:17

Era ajja kugwesambisibwa (omuliro) oyo atya Allah

Leyl 92:18

Oyo awaayo ku by'alina ng’anoonya okwetukuza eri Allah (so si lwa kabandabe oba okwatiikirira)

Leyl 92:19

Nga tawaayo lwa kusasulwa muntu yenna gweyali akoledde ekirungi.

Leyl 92:20

Wabula okunoonya okusiimwa ew'omuleziwe Owa waggulu ennyo.

Leyl 92:21

Mazima ddala ajja kusiima (ky’anaasasulwa).

Duhâ 93:3

Omulezi wo (Allah) takwabuliranga (gwe Nabbi Muhammad) era takukyawanga.

Duhâ 93:4

Era enkomerero y’ennunji gyoli okusinga entandikwa.

Duhâ 93:5

Era Omulezi wo ajja kukuwa naawe osiime.

Duhâ 93:6

Teyakusanga ng’oli mulekwa n'akulabirira?

Duhâ 93:7

Era yakusanga nga tomanyi bikwatagana kubyabukkiriza n'ekitabo?

Duhâ 93:11

era ekyengera kyonna Omuleziwo Allah ky’abanga akuwadde kinyumyengako.

İnşirah 94:1

Tetwakwanjululiza ekifubakyo (eri obwa Nabbi n’okumanya ebigambo eby’amagezi).

İnşirah 94:3

Obuzito obwo obwalibadde bukubendula omugongo.

İnşirah 94:5

mazima ddala buli awabeera obuzibu, wabaawo obwangu

İnşirah 94:6

Mazima ddala buli awabeera obuzibu wabaawo obwangu.

İnşirah 94:7

Bwoba nga omaze okukola emirimu (egikuyimirizaawo ku nsi) olwo nno yimirira (osinze Katondawo).

İnşirah 94:8

Era eri Omuleziwo Allah j’oba oteeka e ssuubilyo lyonna.

Tin 95:1

Ndayira ekibala ekiyitibwa Tiin n’ekibala ekiyitibwa Zaitun.

Tin 95:3

Ndayidde n'ekibuga (Makkah) eky’emirembe

Tin 95:4

Mazima twakola omuntu mu kifaananyi ekisinga ekirunji.

Tin 95:5

oluvanyuma tumuzzaayo wansi mu ddaala erisembayo.

Tin 95:6

Okujjako abo abakkiriza ne bakola emirimu emirunji, bagenda kufuna empeera etalina kkomo.

Tin 95:7

Bwekiba bw'ekityo (ate gwe omuntu) olimbisa otya olunaku lw'enkomerero.

Tin 95:8

Abbe Allah siyemulamuzi asinga okuba omwenkanya era owamazima!?.

Alak 96:1

Soma ng'otandika ne linnya ly'omulezi wo oyo eyatonda (buli kintu).

Alak 96:2

Yatonda omuntu nga amujja mu kisaayisaayi.

Alak 96:3

Soma, kuba Omulezi wo (Katonda) ye mugabi asinga.

Alak 96:4

Oyo eyayigiriza omuntu okuwandiika n'ekkalaamu.

Alak 96:5

Yayigiriza omuntu ebyo (omuntu) bye yali tamanyi.

Alak 96:6

Nedda, mazima omuntu agenda n'asukka ekkomo.

Alak 96:7

Olw’okweraba nti yeemalirira (olw’ebyo by’aba alina).

Alak 96:8

Mazima ddala eri Omuleziwo (Katonda) y’eri obuddo.

Alak 96:10

(Agaana) omuddu wa Katonda bw’aba ng'asaala.

Alak 96:11

Olaba otya gwebagaana singa aba kubulungamu

Alak 96:13

Olaba oyo (agaana asaala) singa aba alimbisa era ng'ava ku mazima.

Alak 96:14

Abaffe tamanyi (oyo alimbisa) nti Mazima Allah alaba ebyo by’akola.

Alak 96:15

Nedda bw’anaaba teyeekomyeko (ku bikolwa ebyo) tujja kumuwalula nga tumukutte ku kawompo.

Alak 96:16

Akawompo ako akajjudde obulimba n’okusobya.

Alak 96:17

Kale ayitanga abawagizibe (mubujeemu) bamutaase.

Alak 96:18

Naffe tujja kukoowoola ba Malayika abakambwe abakuumi b’omuliro (abatuusa ebibonerezo ku bajeemu).

Alak 96:19

Nedda (Owange Nabbi Muhammad) togonderanga omuntu ng’oyo, kale vunnamanga (ng'osinza) Katonda era weeyongere okusembera j'ali.

Kadr 97:1

Mazima ffe twassa qur'an mu kiro ekiyitibwa Layila-tul-kadri (e kiro ekyokugera era ekyekitiibwa).

Kadr 97:2

Era kki ekikumanyisa Layila-tul-kadri kye ki?

Kadr 97:3

Layila-tul-kadri kiro kirunji okusinga emyezi olukumi (1000).

Kadr 97:4

Mukiro ekyo, ba malayika bakka nga ne Jiburilu mwali ku lw’ekiragiro ky'omulezi waabwe (Katonda). Nga bajja na buli kiragiro.

Kadr 97:5

Ekiro ekyo kya mirembe myereere, okutuusa obudde okukya.

Beyyine 98:1

Abajeemu mu bantu abaweebwa ebitabo, n'abo abagatta ebintu ebirala ku Katonda, tebaali baakuva ku nzikiriza yaabwe enkyamu okutuusa nga obunnyonnyofu bubajjidde.

Beyyine 98:2

Nga, ye Mubaka (Nabbi Muhammad) eyatumwa okuva ewa Katonda, nga asoma ekitabo ekitukuvu (qur'an).

Beyyine 98:3

Empapula ezo ezatukuzibwa zirimu amateeka amalambulukufu.

Beyyine 98:4

Era abantu abo abaweebwa ekitabo tebayawukanayawukana okutuusa nga obunyonnyofu bumaze okubajjira.

So nga ate tebaalagirwa okujjako okusinza Allah yekka nga buli kyebakola bakikola ku lulwe yekka, awatali ku mugattako kantu konna, era nga bateekwa okuyimirizaawo eswala n’okutoola Zzaka, era nga eyo y'eddiini ennambulukufu.

Beyyine 98:6

Mazima abo abaajeema mu bantu abaaweebwa ekitabo n’abo abagatta ku Allah ebintu ebirala bakuyingira omuliro Jahannama mwe bagenda okubeera olubeerera. Abo nno be babi okusinga ebitonde ebirala byonna.

Beyyine 98:7

Mazima abo abakkiriza ne bakola emirimu emirungi be balungi okusinga ebitonde byonna.

Beyyine 98:8

Empeera yaabwe ew'omulezi waabwe jjana eyitibwa Aden (eyoluberera) emigga jikulukutira mu yo. Baakujibeeramu olubeerera. Allah yabasiima nabo ne bamusiima. Ebyo nno bigenda kufunwa oyo eyatya omuleziwe (Katonda).

Zilzal 99:1

Ensi bweriba eyuguumizziddwa oluyuguuma lwayo.

Zilzal 99:2

Era ensi n'efulumya (nga ewandula) ebyo byonna ebijirimu.

Zilzal 99:3

Omuntu aligamba nga yeebuuza nti! ebadde ki?

Zilzal 99:4

Ku lunaku olwo egenda kuttottola ebigambo byonna ebikwata ku ebyo ebyakolebwanga ku yyo.

Zilzal 99:5

Nti mazima omulezi wo y'aliba ajiragidde okwogera ebyo.

Zilzal 99:6

Abantu ku lunaku olwo baliva mu ntaana zaabwe nga bali mu bibinja babe nga balagibwa emirimu jaabwe.

Zilzal 99:7

Omuntu eyakola omulimu omulungi gwonna kagube mutono gutya agenda kugulaba.

Zilzal 99:8

N'omuntu eyakola omulimu omubi gwonna kagube mutono gutya agenda kugulaba.

Adiyat 100:1

Ndayira embalaasi enzilusi ngabwezivaamu amaloboozi

Adiyat 100:2

Nezimansula ensasi z’omuliro olw’okukoona enjazi.

Adiyat 100:3

Ezizinda abalabe ku makya ennyo.

Adiyat 100:4

Nezisiikuula enfuufu n'okudduka kwazo.

Adiyat 100:5

Neziyingira mu balabe wakati.

Adiyat 100:6

Mazima ddala omuntu mutomi eri omuleziwe.

Adiyat 100:7

Era mazima ye (omuntu) ku ky'obutomi mujulizi.

Adiyat 100:8

Era mazima yye muyitirivu nnyo mu kwagala ebilunji (emaali).

Adiyat 100:9

Abaffe (omuntu) tamanyi ebiri mu ntaana bwe biriba bizuukiziddwa.

Adiyat 100:10

N’ebiri mu bifuba ne byolesebwa.

Adiyat 100:11

Mazima Katonda omulezi waabwe nga bulijjo ne ku lunaku olwo agenda kuba ng'amanyi byonna ebibakwatako.

Karia 101:1

Ekikoona (ekyentiisa).

Karia 101:2

Ekikoona kye ki?

Karia 101:3

Naye omanyi ekikoona kye ki?

Karia 101:4

Lwe lunaku abantu lwe balibeera nga ebiwojjolo ebisaasaanye.

Karia 101:5

N’ensozi lwe zirifuuka nga pamba omusuunsule afuumuuka.

Karia 101:6

Naye, omuntu alibeera n'emirimu emirunji nga jizitowa (okusinga ebibibye).

Karia 101:7

Oyo nno agenda kubeera mu bulamu obwesiimisa.

Karia 101:8

Ate oyo aliwewukirwa emirimu je emirunji (ebibi bye n’ebisinga obuzito).

Karia 101:9

Oyo nno, obuddo n'obutuulo bwe muliro oguyitibwa “Haawiya”.

Karia 101:10

Naye omanyi ‘Haawiya’ kye ki?

Karia 101:11

Gwe muliro ogwengeredde (ogwokya ennyo).

Tekâsür 102:1

Okunoonya okufuna ebinji, kubalabankanyizza (ne kubajja ku kugondera amateeka ga Katonda).

Tekâsür 102:2

Okutuusa lwemuliyingira kabbuli (entaana).

Tekâsür 102:3

Nedda, kyaddaki mujja kumanya (mu kiseera ky'okufa)

Tekâsür 102:4

Oluvanyuma era kyaddaki mujja kumanya (nga muyingidde kabbuli)

Tekâsür 102:5

Nedda, singa mubadde mumanyi mu bukakafu bw'okumanya (temwandirabankanyiziddwa na kukungaanya bingi)

Tekâsür 102:6

Mujja kulabira ddala omuliro “Jahiim”.

Tekâsür 102:7

oluvanyuma era omuliro ogwo mujja kugulaba mugutegeerere ddala.

Tekâsür 102:8

Ate ddala oluvanyuma mugenda kubuuzibwa kubyengera bye mwafuna ku nsi (mwabifuna mu makubo ki, era mwabisaasaanya mu makubo ki).

Asr 103:1

Ndayira omulembe (buli mulembe)

Asr 103:2

Mazima ddala omuntu yenna j'ava yenkana ali mu kufaafaaganirwa.

Asr 103:3

Okujjako abo abakkiriza Katonda (mu nzikiriza entuufu) ate ne bakola emirimu emirunji, era ne balaamirigana okukoleranga ku mazima (mu bulamu bwabwe bwonna) era ne balaamiragana okubeera abagumikiriza (mu bulamu bwabwe bwonna).

Hümezeh 104:1

Okubonaabona okwamaanyi kugenda kubeera ku buli muntu atambuza engambo, ageya banne n'abajja obumogo.

Hümezeh 104:2

Oyo akungaanya ebyo bugagga n’abituuma.

Hümezeh 104:3

Alowooza nti eby'obugaggabye byakumukuumira ku nsi olubeerera.

Hümezeh 104:4

Nedda, ajja kukanyugwa mu muliro oguyitibwa “Hutwama”.

Hümezeh 104:5

Ye omanyi “Hutwama” kye ki?

Hümezeh 104:6

(Hutwama) muliro gwa Allah omukume, ogubumbujja.

Hümezeh 104:7

Ogwo ogwokya negutuukira ddala ku mitima.

Hümezeh 104:8

Mazima ddala omuliro ogwo (Hutwama) ku bantu abo (abogeddwaako) gugenda kubabuutikira.

Hümezeh 104:9

Mu midumu emiwanvu.

Fil 105:1

Tewamanya Katonda kyeyakola ejje ly’enjovu?

Fil 105:2

Enkwe zaabwe tezaagwa butaka?

Fil 105:3

N'abasindikira ebinyonyi nga bijjira mu bibinja.

Fil 105:4

Nga bibakanyugira amayinja amookye.

Fil 105:5

Nebafuuka nga omuddo ogugaayiddwa ensolo ne gufuluma nga gufuuse obusa.

Kureyş 106:1

Ku olw'embera nempangaala ya ba Quraish.

Kureyş 106:2

okumanyiira kwaabwe okw'okutambula engendo mu butiti ne mu kyeya.

Kureyş 106:3

Bateekwa basinze Katonda nannyini nyumba eno (Kaaba).

Kureyş 106:4

Oyo Katonda eyabawa eby'okulya, n’abawonya enjala, n’abawa emirembe, ne bataba mu kutya.

Mâûn 107:1

Olabye oyo alimbisa olunaku lw'enkomerero.

Mâûn 107:2

Oyo nno y’oyo awalagganya ba mulekwa.

Mâûn 107:3

Era nga takubiriza kuliisa banaku.

Mâûn 107:4

Okubonaabona kuli kubasaaze

Mâûn 107:5

Abo abalagajjalira eswala zaabwe.

Mâûn 107:6

Abo abakola bandabe.

Mâûn 107:7

Era abamma bannaabwe ebintu ebitasaana kumma.

Kevser 108:1

Mazima ffe twakuwa ebirungi binji, (mu ebyo mwe muli n'oluzzi Kauthara olw'omu jjana).

Kevser 108:2

N'olwekyo wenywereze ku kusaala kulw'omuleziwo, era osale n’ebisolo, nga osaddaaka ku lulwe.

Kevser 108:3

Mazima oyo akuwalagganya, (ng'akuvuma era n'okukujeeja) yye yewenkuggu.

Kâfirun 109:1

Bagambe nti, abange mwe abatakkiriza (abawakanyi).

Kâfirun 109:2

sisiinza ebyo byemusinza (amasanamu, lubaale, n'ebirala).

Kâfirun 109:3

Wadde namwe temusiinza oyo gwe nsinza (ali omu mu bwa Katonda bwe).

Kâfirun 109:4

Era siri waakusinza ebyo bye musinza.

Kâfirun 109:5

Wadde namwe temusinza oyo gwe nsinza (ali omu mu bwa Katonda bwe).

Kâfirun 109:6

Mulina enkola yammwe (ey'okusinza ba Katonda abanji, nange nina enkola yange (ey'okusinza Katonda omu yekka).

Nasr 110:1

Okutaasa kwa Allah n’obuwanguzi bwe bwebinajja.

Nasr 110:2

N’olaba abantu nga bayingira eddiini ya Katonda mu bibinja;

Nasr 110:3

Otenderezanga Mukama Katondawo (omulezi wo) n’ebitendobye, era omwetondere, mazima yye akkiriza okwenenya.

Tebbet 111:1

Mu Hadith eri mu kitabo kya Bukhari Nabbi yagenda kukasozi naakuba wuuli abantu banji bajja nga balowooza nti waliyo ebya maguzi, Nabbi bweyatandika okubabuulira ebikwata ku Katonda, Abu Lahbi naakasuka emikono nga bwagamba nti kino kyotukunganyirizza era kyotuyitidde?! Zikirira. Allah kwe kumwanukula mu suura eno naagamba nti: (jizikirire emikono ja Abu Lahbi (j'awuuba), era naye kenyini azikilire.