Luhya Meal — Uluslararası İlim ve Kültür Cemiyeti — Nebe' 78:1 – Nas 114:6
Contents
- Nebe' 78:1
- Nebe' 78:2
- Nebe' 78:3
- Nebe' 78:4
- Nebe' 78:5
- Nebe' 78:6
- Nebe' 78:7
- Nebe' 78:8
- Nebe' 78:9
- Nebe' 78:10
- Nebe' 78:11
- Nebe' 78:12
- Nebe' 78:13
- Nebe' 78:14
- Nebe' 78:15
- Nebe' 78:16
- Nebe' 78:17
- Nebe' 78:18
- Nebe' 78:19
- Nebe' 78:20
- Nebe' 78:21
- Nebe' 78:22
- Nebe' 78:23
- Nebe' 78:24
- Nebe' 78:25
- Nebe' 78:26
- Nebe' 78:27
- Nebe' 78:28
- Nebe' 78:29
- Nebe' 78:30
- Nebe' 78:31
- Nebe' 78:32
- Nebe' 78:33
- Nebe' 78:34
- Nebe' 78:35
- Nebe' 78:36
- Nebe' 78:37
- Nebe' 78:38
- Nebe' 78:39
- Nebe' 78:40
- Naziat 79:1
- Naziat 79:2
- Naziat 79:3
- Naziat 79:4
- Naziat 79:5
- Naziat 79:6
- Naziat 79:7
- Naziat 79:8
- Naziat 79:9
- Naziat 79:10
- Naziat 79:11
- Naziat 79:12
- Naziat 79:13
- Naziat 79:14
- Naziat 79:15
- Naziat 79:16
- Naziat 79:17
- Naziat 79:18
- Naziat 79:19
- Naziat 79:20
- Naziat 79:21
- Naziat 79:22
- Naziat 79:23
- Naziat 79:24
- Naziat 79:25
- Naziat 79:26
- Naziat 79:27
- Naziat 79:28
- Naziat 79:29
- Naziat 79:30
- Naziat 79:31
- Naziat 79:32
- Naziat 79:33
- Naziat 79:34
- Naziat 79:35
- Naziat 79:36
- Naziat 79:37
- Naziat 79:38
- Naziat 79:39
- Naziat 79:40
- Naziat 79:41
- Naziat 79:42
- Naziat 79:43
- Naziat 79:44
- Naziat 79:45
- Naziat 79:46
- Abese 80:1
- Abese 80:2
- Abese 80:3
- Abese 80:4
- Abese 80:5
- Abese 80:6
- Abese 80:7
- Abese 80:8
- Abese 80:9
- Abese 80:10
- Abese 80:11
- Abese 80:12
- Abese 80:13
- Abese 80:14
- Abese 80:15
- Abese 80:16
- Abese 80:17
- Abese 80:18
- Abese 80:19
- Abese 80:20
- Abese 80:21
- Abese 80:22
- Abese 80:23
- Abese 80:24
- Abese 80:25
- Abese 80:26
- Abese 80:27
- Abese 80:28
- Abese 80:29
- Abese 80:30
- Abese 80:31
- Abese 80:32
- Abese 80:33
- Abese 80:34
- Abese 80:35
- Abese 80:36
- Abese 80:37
- Abese 80:38
- Abese 80:39
- Abese 80:40
- Abese 80:41
- Abese 80:42
- Tekvir 81:1
- Tekvir 81:2
- Tekvir 81:3
- Tekvir 81:4
- Tekvir 81:5
- Tekvir 81:6
- Tekvir 81:7
- Tekvir 81:8
- Tekvir 81:9
- Tekvir 81:10
- Tekvir 81:11
- Tekvir 81:12
- Tekvir 81:13
- Tekvir 81:14
- Tekvir 81:15
- Tekvir 81:16
- Tekvir 81:17
- Tekvir 81:18
- Tekvir 81:19
- Tekvir 81:20
- Tekvir 81:21
- Tekvir 81:22
- Tekvir 81:23
- Tekvir 81:24
- Tekvir 81:25
- Tekvir 81:26
- Tekvir 81:27
- Tekvir 81:28
- Tekvir 81:29
- İnfitar 82:1
- İnfitar 82:2
- İnfitar 82:3
- İnfitar 82:4
- İnfitar 82:5
- İnfitar 82:6
- İnfitar 82:7
- İnfitar 82:8
- İnfitar 82:9
- İnfitar 82:10
- İnfitar 82:11
- İnfitar 82:12
- İnfitar 82:13
- İnfitar 82:14
- İnfitar 82:15
- İnfitar 82:16
- İnfitar 82:17
- İnfitar 82:18
- İnfitar 82:19
- Mütaffifin 83:1
- Mütaffifin 83:2
- Mütaffifin 83:3
- Mütaffifin 83:4
- Mütaffifin 83:5
- Mütaffifin 83:6
- Mütaffifin 83:7
- Mütaffifin 83:8
- Mütaffifin 83:9
- Mütaffifin 83:10
- Mütaffifin 83:11
- Mütaffifin 83:12
- Mütaffifin 83:13
- Mütaffifin 83:14
- Mütaffifin 83:15
- Mütaffifin 83:16
- Mütaffifin 83:17
- Mütaffifin 83:18
- Mütaffifin 83:19
- Mütaffifin 83:20
- Mütaffifin 83:21
- Mütaffifin 83:22
- Mütaffifin 83:23
- Mütaffifin 83:24
- Mütaffifin 83:25
- Mütaffifin 83:26
- Mütaffifin 83:27
- Mütaffifin 83:28
- Mütaffifin 83:29
- Mütaffifin 83:30
- Mütaffifin 83:31
- Mütaffifin 83:32
- Mütaffifin 83:33
- Mütaffifin 83:34
- Mütaffifin 83:35
- Mütaffifin 83:36
- İnşikak 84:1
- İnşikak 84:2
- İnşikak 84:3
- İnşikak 84:4
- İnşikak 84:5
- İnşikak 84:6
- İnşikak 84:7
- İnşikak 84:8
- İnşikak 84:9
- İnşikak 84:10
- İnşikak 84:11
- İnşikak 84:12
- İnşikak 84:13
- İnşikak 84:14
- İnşikak 84:15
- İnşikak 84:16
- İnşikak 84:17
- İnşikak 84:18
- İnşikak 84:19
- İnşikak 84:20
- İnşikak 84:21
- İnşikak 84:22
- İnşikak 84:23
- İnşikak 84:24
- İnşikak 84:25
- Büruc 85:1
- Büruc 85:2
- Büruc 85:3
- Büruc 85:4
- Büruc 85:5
- Büruc 85:6
- Büruc 85:7
- Büruc 85:8
- Büruc 85:9
- Büruc 85:10
- Büruc 85:11
- Büruc 85:12
- Büruc 85:13
- Büruc 85:14
- Büruc 85:15
- Büruc 85:16
- Büruc 85:17
- Büruc 85:18
- Büruc 85:19
- Büruc 85:20
- Büruc 85:21
- Büruc 85:22
- Târık 86:1
- Târık 86:2
- Târık 86:3
- Târık 86:4
- Târık 86:5
- Târık 86:6
- Târık 86:7
- Târık 86:8
- Târık 86:9
- Târık 86:10
- Târık 86:11
- Târık 86:12
- Târık 86:13
- Târık 86:14
- Târık 86:15
- Târık 86:16
- Târık 86:17
- A'lâ 87:1
- A'lâ 87:2
- A'lâ 87:3
- A'lâ 87:4
- A'lâ 87:5
- A'lâ 87:6
- A'lâ 87:7
- A'lâ 87:8
- A'lâ 87:9
- A'lâ 87:10
- A'lâ 87:11
- A'lâ 87:12
- A'lâ 87:13
- A'lâ 87:14
- A'lâ 87:15
- A'lâ 87:16
- A'lâ 87:17
- A'lâ 87:18
- A'lâ 87:19
- Gâşiye 88:1
- Gâşiye 88:2
- Gâşiye 88:3
- Gâşiye 88:4
- Gâşiye 88:5
- Gâşiye 88:6
- Gâşiye 88:7
- Gâşiye 88:8
- Gâşiye 88:9
- Gâşiye 88:10
- Gâşiye 88:11
- Gâşiye 88:12
- Gâşiye 88:13
- Gâşiye 88:14
- Gâşiye 88:15
- Gâşiye 88:16
- Gâşiye 88:17
- Gâşiye 88:18
- Gâşiye 88:19
- Gâşiye 88:20
- Gâşiye 88:21
- Gâşiye 88:22
- Gâşiye 88:23
- Gâşiye 88:24
- Gâşiye 88:25
- Gâşiye 88:26
- Fecr 89:1
- Fecr 89:2
- Fecr 89:3
- Fecr 89:4
- Fecr 89:5
- Fecr 89:6
- Fecr 89:7
- Fecr 89:8
- Fecr 89:9
- Fecr 89:10
- Fecr 89:11
- Fecr 89:12
- Fecr 89:13
- Fecr 89:14
- Fecr 89:15
- Fecr 89:16
- Fecr 89:17
- Fecr 89:18
- Fecr 89:19
- Fecr 89:20
- Fecr 89:21
- Fecr 89:22
- Fecr 89:23
- Fecr 89:24
- Fecr 89:25
- Fecr 89:26
- Fecr 89:27
- Fecr 89:28
- Fecr 89:29
- Fecr 89:30
- Beled 90:1
- Beled 90:2
- Beled 90:3
- Beled 90:4
- Beled 90:5
- Beled 90:6
- Beled 90:7
- Beled 90:8
- Beled 90:9
- Beled 90:10
- Beled 90:11
- Beled 90:12
- Beled 90:13
- Beled 90:14
- Beled 90:15
- Beled 90:16
- Beled 90:17
- Beled 90:18
- Beled 90:19
- Beled 90:20
- Şems 91:1
- Şems 91:2
- Şems 91:3
- Şems 91:4
- Şems 91:5
- Şems 91:6
- Şems 91:7
- Şems 91:8
- Şems 91:9
- Şems 91:10
- Şems 91:11
- Şems 91:12
- Şems 91:13
- Şems 91:14
- Şems 91:15
- Leyl 92:1
- Leyl 92:2
- Leyl 92:3
- Leyl 92:4
- Leyl 92:5
- Leyl 92:6
- Leyl 92:7
- Leyl 92:8
- Leyl 92:9
- Leyl 92:10
- Leyl 92:11
- Leyl 92:12
- Leyl 92:13
- Leyl 92:14
- Leyl 92:15
- Leyl 92:16
- Leyl 92:17
- Leyl 92:18
- Leyl 92:19
- Leyl 92:20
- Leyl 92:21
- Duhâ 93:1
- Duhâ 93:2
- Duhâ 93:3
- Duhâ 93:4
- Duhâ 93:5
- Duhâ 93:6
- Duhâ 93:7
- Duhâ 93:8
- Duhâ 93:9
- Duhâ 93:10
- Duhâ 93:11
- İnşirah 94:1
- İnşirah 94:2
- İnşirah 94:3
- İnşirah 94:4
- İnşirah 94:5
- İnşirah 94:6
- İnşirah 94:7
- İnşirah 94:8
- Tin 95:1
- Tin 95:2
- Tin 95:3
- Tin 95:4
- Tin 95:5
- Tin 95:6
- Tin 95:7
- Tin 95:8
- Alak 96:1
- Alak 96:2
- Alak 96:3
- Alak 96:4
- Alak 96:5
- Alak 96:6
- Alak 96:7
- Alak 96:8
- Alak 96:9
- Alak 96:10
- Alak 96:11
- Alak 96:12
- Alak 96:13
- Alak 96:14
- Alak 96:15
- Alak 96:16
- Alak 96:17
- Alak 96:18
- Alak 96:19
- Kadr 97:1
- Kadr 97:2
- Kadr 97:3
- Kadr 97:4
- Kadr 97:5
- Beyyine 98:1
- Beyyine 98:2
- Beyyine 98:3
- Beyyine 98:4
- Beyyine 98:5
- Beyyine 98:6
- Beyyine 98:7
- Beyyine 98:8
- Zilzal 99:1
- Zilzal 99:2
- Zilzal 99:3
- Zilzal 99:4
- Zilzal 99:5
- Zilzal 99:6
- Zilzal 99:7
- Zilzal 99:8
- Adiyat 100:1
- Adiyat 100:2
- Adiyat 100:3
- Adiyat 100:4
- Adiyat 100:5
- Adiyat 100:6
- Adiyat 100:7
- Adiyat 100:8
- Adiyat 100:9
- Adiyat 100:10
- Adiyat 100:11
- Karia 101:1
- Karia 101:2
- Karia 101:3
- Karia 101:4
- Karia 101:5
- Karia 101:6
- Karia 101:7
- Karia 101:8
- Karia 101:9
- Karia 101:10
- Karia 101:11
- Tekâsür 102:1
- Tekâsür 102:2
- Tekâsür 102:3
- Tekâsür 102:4
- Tekâsür 102:5
- Tekâsür 102:6
- Tekâsür 102:7
- Tekâsür 102:8
- Asr 103:1
- Asr 103:2
- Asr 103:3
- Hümezeh 104:1
- Hümezeh 104:2
- Hümezeh 104:3
- Hümezeh 104:4
- Hümezeh 104:5
- Hümezeh 104:6
- Hümezeh 104:7
- Hümezeh 104:8
- Hümezeh 104:9
- Fil 105:1
- Fil 105:2
- Fil 105:3
- Fil 105:4
- Fil 105:5
- Kureyş 106:1
- Kureyş 106:2
- Kureyş 106:3
- Kureyş 106:4
- Mâûn 107:1
- Mâûn 107:2
- Mâûn 107:3
- Mâûn 107:4
- Mâûn 107:5
- Mâûn 107:6
- Mâûn 107:7
- Kevser 108:1
- Kevser 108:2
- Kevser 108:3
- Kâfirun 109:1
- Kâfirun 109:2
- Kâfirun 109:3
- Kâfirun 109:4
- Kâfirun 109:5
- Kâfirun 109:6
- Nasr 110:1
- Nasr 110:2
- Nasr 110:3
- Tebbet 111:1
- Tebbet 111:2
- Tebbet 111:3
- Tebbet 111:4
- Tebbet 111:5
- İhlas 112:1
- İhlas 112:2
- İhlas 112:3
- İhlas 112:4
- Felak 113:1
- Felak 113:2
- Felak 113:3
- Felak 113:4
- Felak 113:5
- Nas 114:1
- Nas 114:2
- Nas 114:3
- Nas 114:4
- Nas 114:5
- Nas 114:6
Nebe' 78:1
Barebananga hekulu wa shina?
Nebe' 78:2
Hekulu wa amacheni amakhongo ako.
Nebe' 78:3
Kalia akabawukhanangamwo.
Nebe' 78:4
Tawe! Lekha butswa. Ahambi hano baletsa okhumanya.
Nebe' 78:5
Mana khandi tawe lekha butswa. Ahambi hano baletsa okhumanya.
Nebe' 78:6
Shikhwakhola liloba okhuba shinga obulili?
Nebe' 78:7
Ne efikulu okhuba tsisiilo?
Nebe' 78:8
Ne ni khubaloonga tsimbia tsibili (eshisatsa neshikhasi)?
Nebe' 78:9
Ne nikhukhola okhukona khwenyu okhuba okhuwuluukha?
Nebe' 78:10
Ne nikhukhola eshilo okhuba eshifwalo?
Nebe' 78:11
Ne nikhukhola eshitere okhuba shiokhukhalabanila obulamu?
Nebe' 78:12
Ne nikhumbakha hekulu wenyu amakulu saba aka amaani.
Nebe' 78:13
Ne nikhukasia itaa yobulafu obunji (eliuba).
Nebe' 78:14
Ne nikhwishia amatsi karulanga mubunji okhurula mumaleesi.
Nebe' 78:15
Kho khurusie khuko imele nende emimela.
Nebe' 78:16
Nende emikunda chiemisala chiatilana.
Nebe' 78:17
Toto inyanga yobwaukhasi yarebwaho khubise.
Nebe' 78:18
Inyanga yolwika lulifurwamwo, nanyu muliitsa mumikanda.
Nebe' 78:19
Ne likulu liliikulwa liaba shinga emiliango.
Nebe' 78:20
Ne efikulu filisiulwa fiaba shinga amaweruweru.
Nebe' 78:21
Toto Jahannamu iliindanga muno!
Nebe' 78:22
Ni habundu wokhumenya wa Ababura eshichelo (shia Nyasaye).
Nebe' 78:23
Balimenyamwo tsinyanga netsinyanga.
Nebe' 78:24
Shibalipilamwo shiosishiosi eshinyifu nohomba eshinywebwa tawe.
Nebe' 78:25
Halali amatsi kayile pa nende amafila.
Nebe' 78:26
Nomurungo kubayela.
Nebe' 78:27
Toto bo shibasubilanga mbu khuliba nende inyanga yokhurebwa ebikhole tawe.
Nebe' 78:28
Ne bakatsulanga muno ebimanyisio biefu.
Nebe' 78:29
Ne buli eshindu khwashimanya obulai muno mubuhandiche.
Nebe' 78:30
Kho pile! Shikhulabameta shiosishiosi tawe halali eshinyasio!
Nebe' 78:31
Toto abaria Nyasaye nibo abalibura.
Nebe' 78:32
(Balinyoola) emikunda (chomwikulu) nende tsizabibu.
Nebe' 78:33
Nende abakhana bayelana ninabo.
Nebe' 78:34
Nende tsigilasi tsitsule (ebinywebwa ebilayi).
Nebe' 78:35
Shibaliwulilamwo obusilu nohomba okhukatsulana tawe.
Nebe' 78:36
Omurungo okhurula khu Nyasaye wuwo Omulesi, okhuhebwa khuyela.
Nebe' 78:37
Nyasaye Omulesi welikulu nende eshialo nende bioosi bilimwo, Omunji wetsimbabaasi, shibalinyala okhulomaloma imbeli wuwe tawe.
Nebe' 78:38
Inyanga ya Roho (Jibril) alisinjila nende Abamalaika khulunyaali. Shalilomaloma yesiyesi tawe okhuyiniakhwo ulia ulifuchililwa nende Omunji wetsimbabaasi, ne aliboola obulaamba bwonyene.
Nebe' 78:39
Eyo niyo inyanga yatoto. Ne owenya, atile injila akalushile Nyasaye wuwe Omulesi.
Nebe' 78:40
Toto efwe khubekanyisilia eshinyasio shili ahambi okhuula. Inyanga yomundu alilola kayakhola omwene. Ne Omukhayi aliboola mbu: “Manyanga ndakhabeele liloba!”
Naziat 79:1
Nditsuba khubamalaika bakhunyulanga (emioyo cha bakhayi) nende amaani.
Naziat 79:2
Nende balia barusinjia (emioyo chiabasuubili) kaala.
Naziat 79:3
Nende balia bakulukhanga mwikulu bukulukha.
Naziat 79:4
Nende balia bashilananga tsimbilo (nende emioyo chiabasuubili okhuyila mwikulu).
Naziat 79:5
Nende balia bachesinjia amakhuwa (emioyo emibii nichinyoola eshinyasio, ne emilayi nichisangaasibwa).
Naziat 79:6
Inyanga yolwika lulifurwamwo lweyimbeli (lulirenjia buli eshindu).
Naziat 79:7
Ne olwika lundi lulilondakhwo.
Naziat 79:8
Inyanga eyo emioyo chilirengarenga khuburi.
Naziat 79:9
Tsimoni tsiachio tsilikhookha (tsilihenga hasi).
Naziat 79:10
(Abakhayi) baboolanga mbu: “Khulikalusibwa toto shinga khwali (khulilamusibwa)?
Naziat 79:11
Olwakhuliba ebikumba biabulungukha?”
Naziat 79:12
Baboola mbu: “Okhukalusibwa okho khulibulamwo obukhala (khwifwe)!”
Naziat 79:13
Kho toto okhulamusibwa okho ni oluyoka lulala lwonyene.
Naziat 79:14
Hawo na hawo buli eshiloonje shiliba mushikuri eshiya.
Naziat 79:15
Koo! Lwakhuulilakhwo olukano lwa Musa?
Naziat 79:16
Olwa Nyasaye wuwe Omulesi yamulanjila mulitwoma lioluyali lia T’uwaa.
Naziat 79:17
“Tsia ewa Firauni. Toto ye yaburirira.
Naziat 79:18
Omuboolele mbu: 'Koo, chama obe Omutswenufu?
Naziat 79:19
Ekhwimilile khu Nyasaye wo Omulesi onyoole okhumuria.'”
Naziat 79:20
Mana namwechesia ebimanyisio ebikhongo muno.
Naziat 79:21
Ne nakatsula mana nakhaila elala.
Naziat 79:22
Khandi nakalukha inyuma, nakhola eshinani (okhukania Abandu balafuchilila Musa tawe).
Naziat 79:23
Nakhung’asia Abandu nalaanga.
Naziat 79:24
Naboola mbu: “Nesie nyasaye wenyu omulesi ohuli hekulu muno.”
Naziat 79:25
Kho Nyasaye namutila namuhelesia eshinyasio khukayaboola kokhumalilikha (‘nesie Nyasaye wenyu omukhongo’), nende kayaranjilila (‘abulaho Nyasaye wundi owulali esie’).
Naziat 79:26
Toto esho neshimanyisio khubalia baria Nyasaye.
Naziat 79:27
Koo! Nobutinyu okhubaloonga enywe nohomba likulu? Ye niye waliumbakha!
Naziat 79:28
Yalichingula hekulu, nalikasia obulayi muno.
Naziat 79:29
Ne nara eshilima mushilo shiayio, ne nayiniamwo eshitere.
Naziat 79:30
Okhurula awo nakwalasia liloba.
Naziat 79:31
Narusiamwo amatsi kalio nende emimela.
Naziat 79:32
Ne efikulu nafitinyia mwiloba.
Naziat 79:33
Bibe biokhwisangasia bwenyu nende ebiayo bienyu.
Naziat 79:34
Olwamatinyu amakhongo kaliula,
Naziat 79:35
Inyanga eyo omundu aliitsulila kayakhola.
Naziat 79:36
Ne Jahannamu ililolesibwa yalolekha khu ulola.
Naziat 79:37
Kho ulia waburirira mubufuru.
Naziat 79:38
Mana nachama muno obulamu bweshialo.
Naziat 79:39
Toto Jahannamu ni habundu wuwe wokhumenya!
Naziat 79:40
Ne ulia waria okhwema imbeli wa Nyasaye wuwe Omulesi, mana nakaania omwoyo kukwe eshihonya.
Naziat 79:41
Toto oyo Omukunda kwomwikulu nikuliba habundu wuwe wokhumenya!
Naziat 79:42
Bakhurebanga ebise bieyindukho biliba lina?
Naziat 79:43
Ne shiomanyile shiosishiosi khubio khobabolere tawe.
Naziat 79:44
Obumalilishi bweyinyanga eyo buli khu Nyasaye wuwo Omulesi.
Naziat 79:45
Toto ewe oli butswa Omwikanyilisi khu ulia owaria inyanga eyo.
Naziat 79:46
Olwa baliyilola inyanga eyo, balikaala mbu shibaamenyakhwo (khushialo) tawe halali ingolobe ndala nohomba eshitere shiayo.
Abese 80:1
Yakhulusia obweni mana nafutara.
Abese 80:2
Mbu omuwofu yamwitsila!
Abese 80:3
Ne nishina shikhumanyia ye awundi anyala okhwitswenula?
Abese 80:4
Nohomba aletsulisibwa mana ametsulisio kamukhoonye?
Abese 80:5
Ne ulia wilola neshileka.
Abese 80:6
Nawe niye oworeerekhwo eshinani?
Abese 80:7
Shikali khwiwe tawe nakhaya okhutswenukha.
Abese 80:8
Ne ulia ukhwitsila neshinani.
Abese 80:9
Naye naririre.
Abese 80:10
Niye woshulila likosi?
Abese 80:11
Shikali kario tawe! Toto kano nametsulisio.
Abese 80:12
Ulia uchama, akeetsulile.
Abese 80:13
Kali mutsimbapulo tsioluyali.
Abese 80:14
Tsiachingulwa hekulu, tsinzwenufu.
Abese 80:15
Tsili mumikhono chia Abamalaika Abahandichi.
Abese 80:16
Boluyali, abalayi muno.
Abese 80:17
Omundu yasikha! Nishina shimukholanga naba omukhayi?
Abese 80:18
Yamulongwa okhurula khushina?
Abese 80:19
Okhurulana nende indonyande ya amaatsi kolwibulo, yamuloonga mana namupangila amakhuwa ke.
Abese 80:20
Mana namwanguyilisilia Injila.
Abese 80:21
Mana namufwisia, mana namura mushilindwa.
Abese 80:22
Mana nalichama, alimulamusia.
Abese 80:23
Tawe! Ashili okhumala kayamulomesia.
Abese 80:24
Kho Omundu ahenjekhwo eshilibwa shishie.
Abese 80:25
Toto efwe khwayomboola amatsi buyomboola.
Abese 80:26
Ne nikhwaarula liloba bwaarula.
Abese 80:27
Ne nikhumesiamwo imele.
Abese 80:28
Nende tsizabibu nende eliani liamasafu.
Abese 80:29
Nende emizaituna nende mitende.
Abese 80:30
Nende emikunda chiemisala chiasitanakhwo obulayi.
Abese 80:31
Nende ebiamo, nende olwayilo lwemiruko.
Abese 80:32
Khulwa okhwisangasia khwenyu nende ebiruche bienyu.
Abese 80:33
Mana shingala omwayukho kulia kuliitsa.
Abese 80:34
Inyanga yomundu alimwilukha omusiani wabu.
Abese 80:35
Nende nyinamwana nende samwana.
Abese 80:36
Nende omukhaye wuwe nende abana be.
Abese 80:37
Buli shiamulala aliba nende akeke kamuyela.
Abese 80:38
Inyanga eyo obweni bundi buling’enang’ena.
Abese 80:39
Bulitsekha nibusangalile.
Abese 80:40
Ne obweni bundi inyanga eyo buliba nende olufu.
Abese 80:41
Eshilima tititi shilibufunikha.
Abese 80:42
Abo nibo Abakhayi abakholi betsimbi.
Tekvir 81:1
Olwa eliuba lilifumbwafubwa.
Tekvir 81:2
Ne olwa tsing’ining’ini tsilikwa.
Tekvir 81:3
Ne olwa tsingulu tsilirusibwaho.
Tekvir 81:4
Ne olwa tsingamia tsili inda tsililekhwa.
Tekvir 81:5
Ne olwa tsisolo tsiomwiswa tsilikhung’asibwa.
Tekvir 81:6
Ne olwa tsinyanza tsiliakha omulilo.
Tekvir 81:7
Ne olwa emioyo chililimasibwa.
Tekvir 81:8
Ne olwa omukhana wayabilwa omulamu alireebwa.
Tekvir 81:9
Khulibii shina liayererwa?
Tekvir 81:10
Ne olwa Ebitabu bilisaalasibwa.
Tekvir 81:11
Ne olwa likulu lilirusibwaho.
Tekvir 81:12
Ne olwa omulilo kwa Jahannamu kulimetwa omwakho (khukutsiririre okhwaakha).
Tekvir 81:13
Ne olwa omukunda kwomwikulu kulisitibwa ahambi.
Tekvir 81:14
Buli omundu alimanya shiayakhola.
Tekvir 81:15
Nditsuba khutsing’ining’ini tsikalukhanga inyuma.
Tekvir 81:16
Tsitsitsanga, mana khandi tsifisa.
Tekvir 81:17
Ne olweshilo shitsitsanga nishichelela.
Tekvir 81:18
Ne eshialo nishitsia okhushia.
Tekvir 81:19
Toto kano ni amakhuwa komurumwa woluyali.
Tekvir 81:20
Owamaani, owa ingasi yoluyali, ewa Mwene Eshisala shiobwami.
Tekvir 81:21
Uwuwulilungwa eyo mana khandi omwisikwa.
Tekvir 81:22
Ne owashienywe uno shali omulalu tawe.
Tekvir 81:23
Ne toto bwene yamulola (Jibril) netsimoni tsie elubeka wa hekulu muno welikulu lia hasi ili habulafu.
Tekvir 81:24
Naye shali omwimani khumakhuwa kefisa tawe.
Tekvir 81:25
Ne kano shikali amakhuwa ka Shetani walondwa tawe.
Tekvir 81:26
Kho mutsitsanga yena?
Tekvir 81:27
Ikurani ino ni eshitsulisio butswa khubiloonje bioosi.
Tekvir 81:28
Khu yesiyesi mwinywe wenyanga okhulunjikha.
Tekvir 81:29
Ne enywe shimulenya tawe halali okhuula Nyasaye yenye, Omulesi webiloonje bioosi.
İnfitar 82:1
Olwe likulu lilisambukha.
İnfitar 82:2
Ne olwa tsing’ining’ini tsilibulungukha.
İnfitar 82:3
Ne olwa tsinyanza tsiliarulwa.
İnfitar 82:4
Ne olwa ebilindwa biliyabululwa.
İnfitar 82:5
Buli omundu alimanya shayakhola imbeli nende mukhumalilikha.
İnfitar 82:6
Ewe Omundu, ni shina shiakhukatia waalekha Nyasaye wuwo Omulesi, Woluyali?
İnfitar 82:7
Ulia wakhuloonga, mana naakhukasia obulayi, nakhuleng’ania.
İnfitar 82:8
Nakhukasia mulikondo liomwene yachama.
İnfitar 82:9
Shikali kario tawe! Halali enywe mukatsulanga Inyanga yomurungo.
İnfitar 82:10
Ne toto bwene muli nende Abalindi.
İnfitar 82:11
Abahandichi aboluyali.
İnfitar 82:12
Bamanya koosi kamukholanga.
İnfitar 82:13
Toto abakholi bamalayi baliba mubwokholo.
İnfitar 82:14
Ne toto abakholi betsimbi baliba mumulilo.
İnfitar 82:15
Balinjilamwo inyanga yomurungo.
İnfitar 82:16
Ne shibalinyalilwa okhurulamwo tawe.
İnfitar 82:17
Ne ni shina shilakhumanyia inyanga yomurungo eyo?
İnfitar 82:18
Khandi ni shina shilakhumanyia inyanga yomurungo eyo?
İnfitar 82:19
Inyanga yomundu alikhaywa okhukhoonya owundi shiosishiosi, ne inyanga eyo okhulomesia khwoosi khuliba khwa Nyasaye yenyene.
Mütaffifin 83:1
Bali khushibi abakalakala, beshichelo!
Mütaffifin 83:2
Balia abeene nibechelela khubandu, benyanga betsusilibwe.
Mütaffifin 83:3
Nabo nibachelela abandu khushichelo nohomba khuratili, nibakatia.
Mütaffifin 83:4
Koo, shibaparangakhwo mbu toto bakhayabululwe mubafu?
Mütaffifin 83:5
Khulwa inyanga ikhongo.
Mütaffifin 83:6
Inyanga yabandu baliema khulwa Nyasaye Omulesi webilonje bioosi.
Mütaffifin 83:7
Shikali kario tawe (shinga olwa mukholanga)! Toto bwene amaandiko ka (ebikhole bia) abamabii kali mushitabu shilangwa mbu Sijjiin.
Mütaffifin 83:8
Ne ni shina shikhumanyia Sijjiin ino?
Mütaffifin 83:9
Ni eshitabu shiahandikwamwo (ebikhole bia abonooni).
Mütaffifin 83:10
Eshinyasio eshikhongo inyanga eyo shiliba khubakhayi.
Mütaffifin 83:11
Balia bakatsulanga inyanga yeyindukho.
Mütaffifin 83:12
Ne shibachikatsulanga inyanga eyo tawe okhuyiniakhwo buli wabura eshichelo, omukholi wetsimbi.
Mütaffifin 83:13
Nasoomelwa ebimanyisio biefu naboola mbu: “Etso ni tsingano etsia abakhale!”
Mütaffifin 83:14
Shikali kario tawe! Habula emioyo chiabu chakhupa tsindebelende okhurulana khu kalia kabakholanga.
Mütaffifin 83:15
Shikali kario tawe! Toto bwene abo inyanga eyo baliikalilwa okhunyoola emikabo chia Nyasaye wabu Omulesi.
Mütaffifin 83:16
Ne mana bakhenjile mumulilo!
Mütaffifin 83:17
Mana baboolelwe mbu: “Kano niko kamwakhayanga.”
Mütaffifin 83:18
Shikali kario tawe (shingala mukholanga)! Toto bwene amaandiko ka (ebikhole bia) abamalayi kali mushitabu shilangwa mbu I’liyyin.
Mütaffifin 83:19
Ne nishina shilikhumanyia I’liyyin ino?
Mütaffifin 83:20
Ni eshitabu shiahandikwamwo.
Mütaffifin 83:21
Bakhashilole balia abarebwa hambi nende Nyasaye.
Mütaffifin 83:22
Toto bwene abakholi bamalayi baliba mubwokholo.
Mütaffifin 83:23
Baliikhala khubifumbi bioluyali nibahenga.
Mütaffifin 83:24
Olibamanyila khukhumesamesa khwobweni bwabu okhurulana khubwokholo.
Mütaffifin 83:25
Balinywesibwa ebinywebwa ebilayi biasubwa.
Mütaffifin 83:26
Eshisubo shiabio shiliwunya obulayi shinga imisk. Ne khulwa okhunyoola kano, bashilane balia abenya okhushilana.
Mütaffifin 83:27
Ne shiasasibwamwo mu (amaatsi ka) Tasniim.
Mütaffifin 83:28
(Tasniim eyo) ni Isebele yabalia abali hambi nende Nyasaye balinywamwo.
Mütaffifin 83:29
Toto bwene abakholi betsimbi batsekhaanga abasuubili.
Mütaffifin 83:30
Ne olwa baburanga ewa bali, babakhondiolanga nibechesania.
Mütaffifin 83:31
Ne nibakalukha mubandu babu, bakalukha nibasangaalile.
Mütaffifin 83:32
Ne nibabalola, baboola mbu: “Toto bano nibo bakora.”
Mütaffifin 83:33
Nabo abo shibarumwa okhuba abalindi babu tawe.
Mütaffifin 83:34
Kho olwa lelo Abasuubila nibo abatsekha Abakhayi.
Mütaffifin 83:35
Nibekhaale khubifumbi nibahenga.
Mütaffifin 83:36
Ne koo, Abakhayi barunjilwe khukabakholanga?
İnşikak 84:1
Olwa likulu liliarukha.
İnşikak 84:2
Ne olwa liliwulila Nyasaye walio Omulesi, shingala lialachilwa okhumuwulila.
İnşikak 84:3
Olwa liloba lilikwalaasibwa.
İnşikak 84:4
Mana liarusia bioosi bilimwo liaba likhaya.
İnşikak 84:5
Ne olwa liliwulila Nyasaye walio Omulesi, shingala lialachilwa okhumuwulila.
İnşikak 84:6
Ewe omundu, toto ewe okhalabananga muno okhutsia ewa Nyasaye wuwo Omulesi, mana olibukana ninaye.
İnşikak 84:7
Kho ulia owulihebwa eshitabu shishie nomukhono kukwe omulunji.
İnşikak 84:8
Oyo okhubalilwa (ebikhole) khukhwe khuliba okhwangu.
İnşikak 84:9
Ne alikalushila abandu bebe naasangalile.
İnşikak 84:10
Ne ulia ulihelesibwa eshitabu shishie namukongo wuwe.
İnşikak 84:11
Oyo alisaba okhusikha.
İnşikak 84:12
Ne alinjila mumulilo.
İnşikak 84:13
Toto ye yali mubandu bebe niyasaangala.
İnşikak 84:14
Toto ye yaparanga mbu shalikalukha khandi tawe.
İnşikak 84:15
Tawe! Toto bwene Nyasaye wuwe Omulesi yamulolanga muno!
İnşikak 84:16
Ne nditsuba khubwakhanyu bweliuba nilitsia okhukwa.
İnşikak 84:17
Nende khushilo nende shia shibuusinjia.
İnşikak 84:18
Nende khumwesi shingala kukhongoyanga.
İnşikak 84:19
Toto bwene mwitsa okhunina eshisia khushisia!
İnşikak 84:20
Bali barie abalasuubilanga tawe?
İnşikak 84:21
Ne nibasoomelwa Ikurani, shibaretsanga obweni hasi tawe.
İnşikak 84:22
Halali balia abakhaya bayingananga butswa.
İnşikak 84:23
Ne Nyasaye amanyile muno akababisanga mukari mwabu.
İnşikak 84:24
Kho baboolere akeshinyasio eshilulu!
İnşikak 84:25
Halali balia basuubila mana nibakhola amalayi. Abo baliba nende omurungo kulawa tawe.
Büruc 85:1
Nditsuba khulikulu lili nende ameeshelo ketsing’ining’ini tsikhongo!
Büruc 85:2
Nende khuinyanga yalakwa!
Büruc 85:3
Nende khumuloli nende shikholelwa obuloli!
Büruc 85:4
Basishibwa Abandu ba Omutaro.
Büruc 85:5
Omulilo kwetsikhwi tsinyinji.
Büruc 85:6
Olwa bali nibekhale awo (khumulilo).
Büruc 85:7
Nabo nibo abaloli khu kalia kabakholelanga Abasuubili.
Büruc 85:8
Nabo shibalolakhwo khubo obubii bwosibwosi tawe habula okhusuubila khwabu khu Nyasaye, Owamaani, Owitsomibungwa muno.
Büruc 85:9
Uli nende obwami bwomwikulu nende khushialo, ne Nyasaye nomuloli muno wabuli eshindu.
Büruc 85:10
Toto balia bara Abasuubili Abasatsa nende Abasuubili Abakhasi mumarechekho, mana nibalekanila tawe, abo balinyoola eshinyasio shiomulilo kwa Jahannam, ne balinyoola eshinyasio eshiokhusambwa.
Büruc 85:11
Toto bwene balia basuubila mana nibakhola amalayi, balinyoola emikunda chiburangamwo emialo hasi wachio, ne okho nikho okhubura okhukhongo.
Büruc 85:12
Toto bwene eshinyasio shia Nyasaye wuwo Omulesi neshilulu.
Büruc 85:13
Toto Ye aranjilisinjia, khandi niye ukalusinjia.
Büruc 85:14
Naye niwobulesheli po, owobuyanzi muno.
Büruc 85:15
Oweshifumbi shia obwami, Owoluyali.
Büruc 85:16
Owukholanga muno akayenya.
Büruc 85:17
Koo, wawulilakhwo olukano lwa abalwani beliyie?
Büruc 85:18
Aba Firauni nende Thamudi?
Büruc 85:19
Halali abakhayi bali mukhukatsula butswa.
Büruc 85:20
Ne Nyasaye yabaterera munyuma mwabu.
Büruc 85:21
Halali ino ni Ikurani yoluyali.
Büruc 85:22
Ili khulupao lwalindwa.
Târık 86:1
Nditsuba khulikulu nende shokhwitsa eshilo!
Târık 86:2
Ne nishina eshikhumanyia mbu nishina esho shitsanga eshilo?
Târık 86:3
Ing’ining’ini yili nende obulafu obunji.
Târık 86:4
Buli shiamundu ali nende umuhenganga.
Târık 86:5
Kho Omundu ahenge yalongwa okhurulana nende shina?
Târık 86:6
Yalongwa okhurulana nende amatsi karulanga nikamitsikha.
Târık 86:7
Karulanga hakarikari wa mulukongofuma nende natsimbafu.
Târık 86:8
Toto bwene Nyasaye ali nende obunyali bwokhumukalusia.
Târık 86:9
Inyanga ya kalia kefisa kalirebwa habulafu.
Târık 86:10
Abwene aho shaliba nende amaani nohomba Omuhabini tawe.
Târık 86:11
Nditsuba khulikulu lili nende amakalushilo!
Târık 86:12
Nende liloba liarukhanga!
Târık 86:13
Toto bwene lino nilikhuwa liokhwawukhasia.
Târık 86:14
Nalio shilili emibayo tawe.
Târık 86:15
Toto bwene abo batutanga bututa.
Târık 86:16
Ne siesi endutanga bututa.
Târık 86:17
Mana bahelesie ebise abakhayi kaala kaala.
A'lâ 87:1
Tswenula elira lia Nyasaye wuwo Omulesi, Owoluyali, Owa hekulu muno.
A'lâ 87:2
Ulia owaloonga mana naleng’aasia obulai.
A'lâ 87:3
Ulia wabusia amakhuwa mana nalunjisia.
A'lâ 87:4
Ulia wamesia olwayilo.
A'lâ 87:5
Mana nalukhola olumila olumali.
A'lâ 87:6
Khulakhusomesia mana sholibilila tawe.
A'lâ 87:7
Halali aka Nyasaye achama. Toto Ye amanyile akali habulafu nende kefisile.
A'lâ 87:8
Ne khutsia okhukhwanguyilisia kabe amangu.
A'lâ 87:9
Kho itsulisia, nikali mbu okhwitsulisia okho khukhoonya.
A'lâ 87:10
Yetsa okhwitsulila ulia uria.
A'lâ 87:11
Ne yetsa okhwira ehale nako (ametsulisio ako) omukori.
A'lâ 87:12
Ulia ulinjila mumulilo omukhongo muno.
A'lâ 87:13
Mana shalifwamwo nohomba shalilamukhamwo tawe.
A'lâ 87:14
Toto yamala okhubura ulia wetswenula.
A'lâ 87:15
Mana niyetsulila elira lia Nyasaye wuwe Omulesi mana naswaliya.
A'lâ 87:16
Halali enywe mwayanza mana nimuranjilisia muno obulamu bwokhushialo!
A'lâ 87:17
Ne obulamu bwomwikulu nobulayi ne nibwokhutong'a muno.
A'lâ 87:18
Toto kano kali mubitabo bia imbeli.
A'lâ 87:19
Ebitabu bia Ibrahim nende Musa.
Gâşiye 88:1
Koo, kamala okhukhwitsila amacheni kamasila kalifundesia Abandu?
Gâşiye 88:2
Obweni inyanga eyo bulihotselesia.
Gâşiye 88:3
Bukholele emilimo buchoonyele.
Gâşiye 88:4
Bulinjila mumulilo kwakhanga.
Gâşiye 88:5
Bulinywesibwa amatsi keyisebele karabachilanga.
Gâşiye 88:6
Shibalinyolamwo eshiakhulia tawe halali shiamawa.
Gâşiye 88:7
Sishikhomesinjia ta ne sishimalanga inzala tawe.
Gâşiye 88:8
Inyanga eyo obweni bundi buliba nibunula.
Gâşiye 88:9
Buliba nibuchamiile okhukhalabana khwabwo.
Gâşiye 88:10
Baliba mumikunda chomwikulu chia hekulu choluyali.
Gâşiye 88:11
Shonyala okhuwulilamwo akeshifwabi tawe.
Gâşiye 88:12
Mukariomo ilimwo isebele ikhulukusinjia.
Gâşiye 88:13
Ebifumbi bilimwo bia hekulu.
Gâşiye 88:14
Nende tsigilasi tsiarebwa khulala.
Gâşiye 88:15
Nende emitoo olunyaali olunyaali.
Gâşiye 88:16
Nende emikeka chiaalwa.
Gâşiye 88:17
Koo, shibahengangakhwo ingamia shingala yaloongwa tawe?
Gâşiye 88:18
Nende likulu shingala liachingulwa?
Gâşiye 88:19
Nende tsingulu shingala tsiatisibwa hasi?
Gâşiye 88:20
Nende liloba shingala liakwalasibwa?
Gâşiye 88:21
Kho itsulisia! Katoto ewe oli Omwitsulisi butswa.
Gâşiye 88:22
Ewe sholi wokhubanichilisia tawe.
Gâşiye 88:23
Halali ulia ukalukha inyuma nakhaya.
Gâşiye 88:24
Kho Nyasaye alimuhelesia eshinyasio eshikhongo muno!
Gâşiye 88:25
Toto ewefu niwo wamakalushilo kabu.
Gâşiye 88:26
Mana khandi toto okhubalilwa amakhuwa kabu khuli khwifwe!
Fecr 89:1
Nditsuba khubise biomumabwibwi.
Fecr 89:2
Nende khubilo ekhumi.
Fecr 89:3
Nende khu bibili bibili nende khushilala shilala.
Fecr 89:4
Nende khushilo shinga shiburanga.
Fecr 89:5
Kho, mu kano shilimwo eshitsubo khumuchesi?
Fecr 89:6
Shiwalolakhwo shinga Nyasaye wuwo Omulesi yakhola Abandu ba A’di tawe?
Fecr 89:7
Abandu ba Iram, eyali nende tsinzu tsindambi?
Fecr 89:8
Aba Nyasaye alalongakhwo shinga bo khushialo tawe.
Fecr 89:9
Nende Thamudi abakasinjia tsinzu mumatwoma?
Fecr 89:10
Nende Firauni wetsinzu shinga tsisiilo?
Fecr 89:11
Abakhola tsimbi muno khushialo?
Fecr 89:12
Nibetsusiamwo obwononia?
Fecr 89:13
Mana Nyasaye wuwo Omulesi nabakhupa eshiboko shieshinyasio.
Fecr 89:14
Toto Nyasaye wuwo Omulesi abahenganga nabalindilile.
Fecr 89:15
Ne Omundu olwa Nyasaye wuwe Omulesi amutema namuhelesia emiandu nende obwokholo, amalanga aboola mbu: “Nyasaye wanje Omulesi yambelesiye oluyali!”
Fecr 89:16
Ne namutema mana amuleemie omukabo kwe, naboola mbu: “Nyasaye wanje Omulesi yandutuyia!”
Fecr 89:17
Shikali kario tawe! Halali enywe shimuhenganga abana bafwilwa neshisa tawe.
Fecr 89:18
Ne shimutinyisaninjia okhulisia abamanani tawe.
Fecr 89:19
Ne mulitsanga emiandu chia abafwilwa okhulia khwatoto.
Fecr 89:20
Ne mwayanza emiandu obuyanzi obuunji muno.
Fecr 89:21
Shikali kario tawe! Olwa eshialo shilifunakwa ebitonye ebitonye.
Fecr 89:22
Ne aliitsa Nyasaye wuwo Omulesi nende Abamalaika olunyali olunyali.
Fecr 89:23
Ne omulilo kwa Jahannamu kulireerwa inyanga eyo, omundu inyanga eyo alitsulila, halali okhwitsulila okho shikhulimukhoonya shiosishiosi tawe.
Fecr 89:24
Aliboola mbu: “Manyanga, ndakharanjisiliyie ebikhole ebilayi khulwa obulamu bwanje (bwemakombe)!”
Fecr 89:25
Mana inyanga eyo abulaho yesiyesi ulihelesia eshinyasio shinga eshinyasio shishie.
Fecr 89:26
Ne yesiyesi shaliboya shinga okhuboya khukhwe tawe.
Fecr 89:27
Ewe omwoyo omwihotselefu!
Fecr 89:28
Kalukha khu Nyasaye wuwo Omulesi noli nende obuchami, ne khandi nochamilwe.
Fecr 89:29
Kho injila halala nende Abasumba banje.
Fecr 89:30
Mana winjile mumukunda kwanje kwomwikulu.
Beled 90:1
Nditsuba khulitokho lino!
Beled 90:2
Ne ewe oli omwibule omulekhule welitokho lino.
Beled 90:3
Nende khumwibusi nende shiayebula.
Beled 90:4
Toto bwene khwaloonga omundu khubusandi.
Beled 90:5
Koo, aparanga mbu abulaho omundu yesiyesi umunyala?
Beled 90:6
Aboola mbu: “Ndasamba eshiachi shiomwandu.”
Beled 90:7
Kho aparanga mbu abulaho yesiyesi umulolanga?
Beled 90:8
Koo, shikhwamuhelesia tsimoni tsibili tawe?
Beled 90:9
Nende olulimi nebinwa bibili?
Beled 90:10
Ne nikhumumanyia tsinjila tsioosi tsibili?
Beled 90:11
Ne shiyeruma khunjila yebisikirasio tawe.
Beled 90:12
Ne nishina shikhwechesia okhumanya injila yebisikirasio?
Beled 90:13
Nokhukhola omurumwa abe omulekhule.
Beled 90:14
Nohomba okhulisia inyanga yeyinzala.
Beled 90:15
Omwana omufwilwa omwikho.
Beled 90:16
Nohomba omumanani omushisandu.
Beled 90:17
Mana abe mubalia basuubila mana nibachelelana okhwifwila ne nibachelelana okhulolanila eshisa.
Beled 90:18
Abo nibo Abandu bomukhono musaatsa.
Beled 90:19
Ne balia bakhaya ebimanyisio biefu, abo nibo Abandu bomukhono mukhasi.
Beled 90:20
Ekulu wabu kuliba omulilo omululu kwekalilwa buli tsimbeka.
Şems 91:1
Nditsuba khuliuba nende obulafu bwalio!
Şems 91:2
Nende khumwesi shingala kuliloondangakho!
Şems 91:3
Nende khushitere olwa shiteranga!
Şems 91:4
Nende khushiro olwa shifuumanga eshitere!
Şems 91:5
Nende khulikulu nende ulia waliumbakha!
Şems 91:6
Nende khuliloba nende ulia walikwalasia!
Şems 91:7
Nende khu mwoyo nende ulia wakuleng’aasia!
Şems 91:8
Mana nakumanyisia injila ya amabii nende ya amalayi.
Şems 91:9
Toto bwene yamala okhubura ulia wakutswenula.
Şems 91:10
Ne toto bwene yamala okhusikha ulia wakulekhula.
Şems 91:11
Babu Tsamudi bayingasia (omurumwa wabu) khulwa okhubeela obufuru bwabu.
Şems 91:12
Olwa yanguya ulia womwoyo omumu muno mubo.
Şems 91:13
Aho Omurumwa wa Nyasaye nababoolela mbu: "Ingamia ino ni ya Nyasaye, muyileshe inywe amatsi kayio ne mulayira tawe."
Şems 91:14
Mana bamala bamukatsula, ne nibayisinza. Khulwako Nyasaye wabu Omulesi nabasishia khulwokhubeela tsimbi tsiabu nabamala boosi.
Şems 91:15
Naye sharitsanga akarulilaho tawe.
Leyl 92:1
Nditsuba khu shilo olwashifunikhanga!
Leyl 92:2
Nende khushiteere olwa shiteeranga!
Leyl 92:3
Nende khuwaloonga eshisatsa nende eshikhasi!
Leyl 92:4
Toto bwene okhukhalabana khwenyu khwaukhane.
Leyl 92:5
Kho, ulia urusia mana naaria Nyasaye,
Leyl 92:6
Mana naasubila muno kalia akali amalayi,
Leyl 92:7
Khwitsa okhumuwanguyisilia kabe amangu.
Leyl 92:8
Ne ulia ukhola obwimani, mana niyelola mbu yeyerere.
Leyl 92:9
Mana nakatsula amalayi po,
Leyl 92:10
Khwitsa okhumuwanguyisilia kabe amasiro!
Leyl 92:11
Ne omwandu kukwe kulimukhonya shina olwa aliba nasikhanga?
Leyl 92:12
Toto bwene kali khwifwe okhwechesia obulunjifu.
Leyl 92:13
Ne toto bwene kali khwifwe ka mutsuli (akhera) nende kokhuranjilila.
Leyl 92:14
Kho ebekanyisilie omulilo kwakhanga obutinyu!
Leyl 92:15
Shalikwinjilamwo tawe halali Omubii muno!
Leyl 92:16
Ulia wakatsula mana nafutara omukongo.
Leyl 92:17
Ne ulia waria Nyasaye alireebwa ehale ninakwo.
Leyl 92:18
Ulia urusinjia omwandu kukwe khulwa okhwitswenula.
Leyl 92:19
Ne shikali mbu aliho yesiyesi wamukholela amalayi lano khamurunje tawe.
Leyl 92:20
Halali nokhukhaaba obweni bwa Nyasaye wuwe Omulesi, Oweekulu muno.
Leyl 92:21
Naye yakhachame!
Duhâ 93:1
Nditsuba khu isenya (okhurula itsuli okhula eshitere)!
Duhâ 93:2
Nditsuba khushilo olwa shinjilanga!
Duhâ 93:3
Nyasaye wuwo shiyakhulekha tawe, nohomba shiyakhusinyishila tawe.
Duhâ 93:4
Ne obulamu bwomwikulu nobulayi khwiwe okhushira bwa khushialo.
Duhâ 93:5
Ne Nyasaye wuwo Omulesi alakhuwa okhula ochame.
Duhâ 93:6
Shiyakhunyoola noli omufwilwa mana nakhuwa eshimenyo?
Duhâ 93:7
Ne nakhunyoola niwakora, mana nakhulunjisia?
Duhâ 93:8
Ne nakhunyoola noli omumanani mana nakhuyindiasia?
Duhâ 93:9
Kho omwana omufwilwa, olamufuolafia tawe!
Duhâ 93:10
Naye usaba olamuwusa tawe!
Duhâ 93:11
Ne obwokholo bwa Nyasaye wuwo Omulesi obuboole.
İnşirah 94:1
Shikhwakhubambulila eshilifu shishio tawe?
İnşirah 94:2
Ne nikhukhuruula omusiko kukwo?
İnşirah 94:3
Kwali nikwafunaka omukongo kukwo?
İnşirah 94:4
Ne nikhura hekulu okhurumbulwa khukhwo?
İnşirah 94:5
Ne toto halala nende obusiro buliho obwangu.
İnşirah 94:6
Toto halala nende obusiro buliho obwangu.
İnşirah 94:7
Kho, nonyoola obwiyangu, khola eshinani.
İnşirah 94:8
Ne yenya muno ewa Nyasaye wuwo Omulesi.
Tin 95:1
Nditsuba khu tini nende zaituni!
Tin 95:2
Nende khulukulu lwa Sinai!
Tin 95:3
Nende khulitokho lino liomulembe po!
Tin 95:4
Khubwatoto khwaloonga Omundu okhuloonga okhulayi muno.
Tin 95:5
Mana nikhumukalusia hasi muno okhushila abali hasi!
Tin 95:6
Halali balia Abasuubila mana nibakhola amalayi. Abo balinyoola omurungo kulawa tawe.
Tin 95:7
Mana nishina nikhwakhamala shilakhukhola okhukatsula inyanga yomurungo?
Tin 95:8
Nyasaye shali niye wukhalakanga eshiina obulai muno okhushila abakhalakanga eshina boosi?
Alak 96:1
Soma khulira lia Nyasaye wuwo Omulesi owaloonga.
Alak 96:2
Yaloonga Omundu okhurulana nende lilika.
Alak 96:3
Soma! Ne Nyasaye wuwo Omulesi ni Omuhani Okhushila boosi.
Alak 96:4
Ulia wechesia nende ikalamu.
Alak 96:5
Yechesia Omundu kalia akayalali namanyile tawe.
Alak 96:6
Shikali kario tawe! Toto Omundu abetsanga omufuru.
Alak 96:7
Niyelola mbu yeyera omwene.
Alak 96:8
Toto khu Nyasaye wuwo Omulesi niho wamakalushilo.
Alak 96:9
Olutsikhwo ulia ukaninjia?
Alak 96:10
Omusumba nalaama?
Alak 96:11
Omulutsikhwo ye naba nali khubulunjifu?
Alak 96:12
Nohomba nalomesia okhuria Nyasaye?
Alak 96:13
Omulutsi kakhabanga ayingana mana akalukhe inyuma?
Alak 96:14
Shamanyilekho ta mbu toto Nyasaye alolanga?
Alak 96:15
Tawe! Nalalekha tawe, khulamukhwesulula khwiswi lia imberi woomurue.
Alak 96:16
Liswi lia imberi woomurue libeyi, lietsimbi!
Alak 96:17
Ne mana alange abayekhalanga ninabo!
Alak 96:18
Nafu khulalanga Zabania (abasikari bomulilo)!
Alak 96:19
Tawe! Olamuwulila tawe! Ra obweni hasi (nosujudila Nyasaye), ne mwisitiekhwo!
Kadr 97:1
Toto efwe khwayishia (Ikurani) mushilo shioluyali.
Kadr 97:2
Ne nishiina shilakhumanyia mbu nishina eshilo shioluyali?
Kadr 97:3
Eshilo shioluyali ni shiobukhala muno okhushila emiesi iyelefu.
Kadr 97:4
Abamalaika bekhanga nende Roho mushilo esho khumunwa kwa Nyasaye wabu Omulesi nende buli likhuwa.
Kadr 97:5
Eshilo esho nomulembe okhuula mumabwibwi.
Beyyine 98:1
Shibali Abakhayi mubandu beshitabu nende Abatsokaasi bokhulekha akabali ninako okhuula kaboolele amenoosio.
Beyyine 98:2
Omurumwa okhurula khu Nyasaye ubasomelanga tsimbapulo tsindafu.
Beyyine 98:3
Mukari mwatsio kalimwo amahandiko kakololokha.
Beyyine 98:4
Ne shibakabukhana balia bahebwa eshitabu halali nibakhamala okhuulilwa nende amenoosio.
Beyyine 98:5
Nabo shibalomesibwa shiosishiosi tawe halali okhulaama Nyasaye nibamutswenulila idini, Abandu abalunjifu, ne balumilile okhulaama iswala, ne barusie eshihanwa shia izaka. Ne eyo niyo idini yema obulayi muno.
Beyyine 98:6
Toto balia bakhaya mu bandu beshitabu nende mubatsokaasi balinjila mumulilo kwa Jahannamu, bamenyemwo tsinyanga tsioosi. Ebio nibio ebiloonje ebibii mubilonje bioosi.
Beyyine 98:7
Toto balia abasuubila mana nibakhola amalayi, ebio nibio ebilonje ebilayi mubilonje bioosi.
Beyyine 98:8
Omurungo kwabu ewa Nyasaye wabu Omulesi ni emikunda chilaliwa tawe, echiburangamwo emialo. Ako nikhu ulia uritsanga Nyasaye wuwe Omulesi.
Zilzal 99:1
Olwa liloba liliseswa okhuseswa khwalio!
Zilzal 99:2
Ne olwa liloba liliyinia emisiko chialio!
Zilzal 99:3
Ne Omundu aliboola mbu, "Libeele lirie?”
Zilzal 99:4
Inyanga eyo liliboola amakhuwa kalio.
Zilzal 99:5
Khulwa okhuba Nyasaye wuwo Omulesi alifimbulile!
Zilzal 99:6
Inyanga eyo Abandu balirula nibakabukhane emikanda khobalolesibwe ebikhole biabu!
Zilzal 99:7
Kho ulia ukhola amalayi shinga obusiro bwoluloolo, yakhakalole!
Zilzal 99:8
Ne ulia ukhola amabii shinga obusiro bwoluloolo, yakhakalole!
Adiyat 100:1
Nditsuba khutsifarasi tsitsitsaanga tsimbilo nitsiyesaana.
Adiyat 100:2
Nitsirusia tsinzesele tsiomulilo khukhupa ebilekeyi biatsio hasi.
Adiyat 100:3
Nende etsiseeranga liye itsuli.
Adiyat 100:4
Ne eno nitsitumuula olufu.
Adiyat 100:5
Mana tsyule hakari womukanda (kwa abasuku).
Adiyat 100:6
Toto Omundu ni omukhayi muno wa (tsimbabaasi tsia) Nyasaye wuwe Omulesi.
Adiyat 100:7
Ne toto ye mwene ni omuloli muno khu elo!
Adiyat 100:8
Ne toto ye ali neshinani muno shiokhuyanza omwandu!
Adiyat 100:9
Kho koo shamanyilekho olwa ebili mubilindwa bilipukululwa tawe?
Adiyat 100:10
Ne kakhung’asibwe akali mubilifu?
Adiyat 100:11
Toto Nyasaye wabu Omulesi inyanga eyo aliba nende amakhuwa kabu boosi!
Karia 101:1
Eshikhong’ondanga!
Karia 101:2
Eshikhong’ondanga ni shina?
Karia 101:3
Ne nishiina shilakhumanyia mbu eshikhong’ondanga nishina?
Karia 101:4
Inyanga yabandu baliba shinga tsimburukuru tsisaalanibwe.
Karia 101:5
Ne tsingulu tsiliba shinga obwoya bwelikondi busakhululwe!
Karia 101:6
Kho ulia weshichelo shishie shiliba eshisiro,
Karia 101:7
Oyo aliba mubulamu buchamisia.
Karia 101:8
Ne ulia weshichelo shishie shiliba eshiangu,
Karia 101:9
Oyo eshimenyo shishie shiliba mumulilo kwa Hawiya!
Karia 101:10
Ne nishina shikhumanyisia mbu nishina esho?
Karia 101:11
Ni omulilo kwakhanga muno!
Tekâsür 102:1
Okhukonya ebinji khubakoyaniyie.
Tekâsür 102:2
Okhula mulile mutsing’ani!
Tekâsür 102:3
Shikali kario tawe! Mulitsa okhumanya.
Tekâsür 102:4
Mana khandi shikali kario tawe! Mulitsa okhumanya!
Tekâsür 102:5
Shikali kario tawe! Mumanyangakhwo okhumanya khwatoto.
Tekâsür 102:6
Toto bwene mulilola Jahannam!
Tekâsür 102:7
Mana khandi toto bwene muliyilola nende imoni yatoto.
Tekâsür 102:8
Mana khandi toto mulirebwa inyanga eyo okhulondokhana nende obwokholo.
Asr 103:1
Nditsuba khufise!
Asr 103:2
Toto bwene omundu ali mu khusikha (abula inganga).
Asr 103:3
Halali balia basuubila, mana nibakhola amalayi, ne nibachelanila okhwema khubwatoto, ne nibachelanila okhwifwiila.
Hümezeh 104:1
Eshinyasio eshikhongo shilinyoola buli umoonyanga khubikhole nende khumakhuwa!
Hümezeh 104:2
Ulia wabunjelesia omwandu mana nakubala.
Hümezeh 104:3
Aparanga mbu omwandu kukwe kulimutonyia tsinyanga tsioosi!
Hümezeh 104:4
Shikali kario tawe! Toto alikhuyungwa mu Hutwama.
Hümezeh 104:5
Ne nishina shilakhwechesia mbu Hutwama nishina?
Hümezeh 104:6
Ni omulilo kwa Nyasaye okwawafibwa.
Hümezeh 104:7
Okuninanga khumioyo.
Hümezeh 104:8
Toto oko baliikalilwamwo.
Hümezeh 104:9
Khutsisiilo tsiarambiyibwa po.
Fil 105:1
Koo, shiwalolakhwo shinga Nyasaye wuwo Omulesi yakhola Abandu beyinzofu balia?
Fil 105:2
Shiyakhola ebifwanga biabu biabiiya?
Fil 105:3
Mana nabarumila amayoni emikanda nemikanda.
Fil 105:4
Mana nikabalasila amachina keliloba liomumulilo.
Fil 105:5
Mana nabakhola shinga obunyasi bunyanyilwe!
Kureyş 106:1
Khulwa omunalo kwa Abakuraish.
Kureyş 106:2
Okhunala khwabu tsinjendo tsieyirotso nende tsieshirumbi.
Kureyş 106:3
Khomana balaame Nyasaye Omulesi owe Inzu ino.
Kureyş 106:4
Ulia ubaliisinjia ninabelenje inzala, mana nabahelesia omulembe okhurulana nende oburi.
Mâûn 107:1
Koo! Olutsikhwo ulia ukananga omurungo kwa inyanga ya indukho?
Mâûn 107:2
Ni ulia uluumanga (usindikhanga) Omwana omufwilwa.
Mâûn 107:3
Ne shakholangakhwo eshinani shokhulisia omutakha tawe.
Mâûn 107:4
Oooh, eshinyasio eshikhongo shili khubalia balaamanga.
Mâûn 107:5
Balia beyibilisinjia okhulaama khwabu.
Mâûn 107:6
Balia belolosinjia.
Mâûn 107:7
Ne bekalilanga obukhonyi.
Kevser 108:1
Toto khwakhuhelesia obulayi obunji.
Kevser 108:2
Kho laama ne osinze khulwa Nyasaye wuwo Omulesi.
Kevser 108:3
Toto ulia ukhusila niye ulakhalishilwa muno (olwibulo nende amakhuwa keke).
Kâfirun 109:1
Boola mbu: “Enywe Abakhayi!
Kâfirun 109:2
Shelaamanga shiamulaamanga tawe.
Kâfirun 109:3
Ne enywe shimulaamanga owelaamanga tawe.
Kâfirun 109:4
Ne esie shindililaama shiamulaamanga tawe.
Kâfirun 109:5
Ne enywe shimulaamanga owelaamanga tawe.
Kâfirun 109:6
Enywe muli nende idini yenyu, nasi endi nende idini yanje.”
Nasr 110:1
Olwa obuhabini bwa Nyasaye nende obwikuli buliitsa,
Nasr 110:2
Ne nolola Abandu nibenjila mudini ya Nyasaye mumikanda.
Nasr 110:3
Awo tswenula Nyasaye wuwo Omulesi khutsifumia tsitsie tsindayi, ne omusabe eshileshelo. Toto bwene niye Omulesheli muno.
Tebbet 111:1
Chiasikha emikhono chibili chia Abu Lahab, naye mwene nasikha.
Tebbet 111:2
Omwandu kukwe shikwamukhoonya tawe nohomba ebiayakhalabanila.
Tebbet 111:3
Aliinjila mumulilo kupupuchilanga.
Tebbet 111:4
Nende Omukhasi wuwe omuchinji muno wetsikhwi.
Tebbet 111:5
Mwikosi mumwe alirebwamwo omukoye kwaborolwa.
İhlas 112:1
Boola mbu, “Ye ni Nyasaye mulala yenyene.
İhlas 112:2
Nyasaye owisikungwa.
İhlas 112:3
Shiyebula nohomba shiyebulwa tawe.
İhlas 112:4
Ne abulaho uyelana ninaye kata mulala."
Felak 113:1
Boola mbu, “Ndishinga khu Nyasaye Omulesi owa amabwibwi.
Felak 113:2
Okhurulana nende obubii obwa bilia ebia yaloonga.
Felak 113:3
Nende okhurulana nende obubii bwa eshilima shia eshilo olwashinjilanga.
Felak 113:4
Nende okhurulana nende obubii bwa balia abeshikhasi bafuririranga muno mumafundikho.
Felak 113:5
Nende okhurulana nende obubii bwa weshikhalikhali olwaaba nakhola eshikhalikhali."
Nas 114:1
Bola mbu, “Ndishiinganga khu Nyasaye, Omulesi wa Abandu.
Nas 114:2
Omwami wa Abandu.
Nas 114:3
Nyasaye wa Abandu.
Nas 114:4
Okhurulana nende obubii bwa (Shetani) ureranga obuyendi, owikhunanga muno.
Nas 114:5
Uretsanga obuyendi mubilifu bia Abandu,
Nas 114:6
Okhurula mu Majini nende Abandu."