Magindanao Meal — Rowad Tercüme Merkezi — Nebe' 78:1 – Nas 114:6
Contents
- Nebe' 78:1
- Nebe' 78:2
- Nebe' 78:3
- Nebe' 78:4
- Nebe' 78:5
- Nebe' 78:6
- Nebe' 78:7
- Nebe' 78:8
- Nebe' 78:9
- Nebe' 78:10
- Nebe' 78:11
- Nebe' 78:12
- Nebe' 78:13
- Nebe' 78:14
- Nebe' 78:15
- Nebe' 78:16
- Nebe' 78:17
- Nebe' 78:18
- Nebe' 78:19
- Nebe' 78:20
- Nebe' 78:21
- Nebe' 78:22
- Nebe' 78:23
- Nebe' 78:24
- Nebe' 78:25
- Nebe' 78:26
- Nebe' 78:27
- Nebe' 78:28
- Nebe' 78:29
- Nebe' 78:30
- Nebe' 78:31
- Nebe' 78:32
- Nebe' 78:33
- Nebe' 78:34
- Nebe' 78:35
- Nebe' 78:36
- Nebe' 78:37
- Nebe' 78:38
- Nebe' 78:39
- Nebe' 78:40
- Naziat 79:1
- Naziat 79:2
- Naziat 79:3
- Naziat 79:4
- Naziat 79:5
- Naziat 79:6
- Naziat 79:7
- Naziat 79:8
- Naziat 79:9
- Naziat 79:10
- Naziat 79:11
- Naziat 79:12
- Naziat 79:13
- Naziat 79:14
- Naziat 79:15
- Naziat 79:16
- Naziat 79:17
- Naziat 79:18
- Naziat 79:19
- Naziat 79:20
- Naziat 79:21
- Naziat 79:22
- Naziat 79:23
- Naziat 79:24
- Naziat 79:25
- Naziat 79:26
- Naziat 79:27
- Naziat 79:28
- Naziat 79:29
- Naziat 79:30
- Naziat 79:31
- Naziat 79:32
- Naziat 79:33
- Naziat 79:34
- Naziat 79:35
- Naziat 79:36
- Naziat 79:37
- Naziat 79:38
- Naziat 79:39
- Naziat 79:40
- Naziat 79:41
- Naziat 79:42
- Naziat 79:43
- Naziat 79:44
- Naziat 79:45
- Naziat 79:46
- Abese 80:1
- Abese 80:2
- Abese 80:3
- Abese 80:4
- Abese 80:5
- Abese 80:6
- Abese 80:7
- Abese 80:8
- Abese 80:9
- Abese 80:10
- Abese 80:11
- Abese 80:12
- Abese 80:13
- Abese 80:14
- Abese 80:15
- Abese 80:16
- Abese 80:17
- Abese 80:18
- Abese 80:19
- Abese 80:20
- Abese 80:21
- Abese 80:22
- Abese 80:23
- Abese 80:24
- Abese 80:25
- Abese 80:26
- Abese 80:27
- Abese 80:28
- Abese 80:29
- Abese 80:30
- Abese 80:31
- Abese 80:32
- Abese 80:33
- Abese 80:34
- Abese 80:35
- Abese 80:36
- Abese 80:37
- Abese 80:38
- Abese 80:39
- Abese 80:40
- Abese 80:41
- Abese 80:42
- Tekvir 81:1
- Tekvir 81:2
- Tekvir 81:3
- Tekvir 81:4
- Tekvir 81:5
- Tekvir 81:6
- Tekvir 81:7
- Tekvir 81:8
- Tekvir 81:9
- Tekvir 81:10
- Tekvir 81:11
- Tekvir 81:12
- Tekvir 81:13
- Tekvir 81:14
- Tekvir 81:15
- Tekvir 81:16
- Tekvir 81:17
- Tekvir 81:18
- Tekvir 81:19
- Tekvir 81:20
- Tekvir 81:21
- Tekvir 81:22
- Tekvir 81:23
- Tekvir 81:24
- Tekvir 81:25
- Tekvir 81:26
- Tekvir 81:27
- Tekvir 81:28
- Tekvir 81:29
- İnfitar 82:1
- İnfitar 82:2
- İnfitar 82:3
- İnfitar 82:4
- İnfitar 82:5
- İnfitar 82:6
- İnfitar 82:7
- İnfitar 82:8
- İnfitar 82:9
- İnfitar 82:10
- İnfitar 82:11
- İnfitar 82:12
- İnfitar 82:13
- İnfitar 82:14
- İnfitar 82:15
- İnfitar 82:16
- İnfitar 82:17
- İnfitar 82:18
- İnfitar 82:19
- Mütaffifin 83:1
- Mütaffifin 83:2
- Mütaffifin 83:3
- Mütaffifin 83:4
- Mütaffifin 83:5
- Mütaffifin 83:6
- Mütaffifin 83:7
- Mütaffifin 83:8
- Mütaffifin 83:9
- Mütaffifin 83:10
- Mütaffifin 83:11
- Mütaffifin 83:12
- Mütaffifin 83:13
- Mütaffifin 83:14
- Mütaffifin 83:15
- Mütaffifin 83:16
- Mütaffifin 83:17
- Mütaffifin 83:18
- Mütaffifin 83:19
- Mütaffifin 83:20
- Mütaffifin 83:21
- Mütaffifin 83:22
- Mütaffifin 83:23
- Mütaffifin 83:24
- Mütaffifin 83:25
- Mütaffifin 83:26
- Mütaffifin 83:27
- Mütaffifin 83:28
- Mütaffifin 83:29
- Mütaffifin 83:30
- Mütaffifin 83:31
- Mütaffifin 83:32
- Mütaffifin 83:33
- Mütaffifin 83:34
- Mütaffifin 83:35
- Mütaffifin 83:36
- İnşikak 84:1
- İnşikak 84:2
- İnşikak 84:3
- İnşikak 84:4
- İnşikak 84:5
- İnşikak 84:6
- İnşikak 84:7
- İnşikak 84:8
- İnşikak 84:9
- İnşikak 84:10
- İnşikak 84:11
- İnşikak 84:12
- İnşikak 84:13
- İnşikak 84:14
- İnşikak 84:15
- İnşikak 84:16
- İnşikak 84:17
- İnşikak 84:18
- İnşikak 84:19
- İnşikak 84:20
- İnşikak 84:21
- İnşikak 84:22
- İnşikak 84:23
- İnşikak 84:24
- İnşikak 84:25
- Büruc 85:1
- Büruc 85:2
- Büruc 85:3
- Büruc 85:4
- Büruc 85:5
- Büruc 85:6
- Büruc 85:7
- Büruc 85:8
- Büruc 85:9
- Büruc 85:10
- Büruc 85:11
- Büruc 85:12
- Büruc 85:13
- Büruc 85:14
- Büruc 85:15
- Büruc 85:16
- Büruc 85:17
- Büruc 85:18
- Büruc 85:19
- Büruc 85:20
- Büruc 85:21
- Büruc 85:22
- Târık 86:1
- Târık 86:2
- Târık 86:3
- Târık 86:4
- Târık 86:5
- Târık 86:6
- Târık 86:7
- Târık 86:8
- Târık 86:9
- Târık 86:10
- Târık 86:11
- Târık 86:12
- Târık 86:13
- Târık 86:14
- Târık 86:15
- Târık 86:16
- Târık 86:17
- A'lâ 87:1
- A'lâ 87:2
- A'lâ 87:3
- A'lâ 87:4
- A'lâ 87:5
- A'lâ 87:6
- A'lâ 87:7
- A'lâ 87:8
- A'lâ 87:9
- A'lâ 87:10
- A'lâ 87:11
- A'lâ 87:12
- A'lâ 87:13
- A'lâ 87:14
- A'lâ 87:15
- A'lâ 87:16
- A'lâ 87:17
- A'lâ 87:18
- A'lâ 87:19
- Gâşiye 88:1
- Gâşiye 88:2
- Gâşiye 88:3
- Gâşiye 88:4
- Gâşiye 88:5
- Gâşiye 88:6
- Gâşiye 88:7
- Gâşiye 88:8
- Gâşiye 88:9
- Gâşiye 88:10
- Gâşiye 88:11
- Gâşiye 88:12
- Gâşiye 88:13
- Gâşiye 88:14
- Gâşiye 88:15
- Gâşiye 88:16
- Gâşiye 88:17
- Gâşiye 88:18
- Gâşiye 88:19
- Gâşiye 88:20
- Gâşiye 88:21
- Gâşiye 88:22
- Gâşiye 88:23
- Gâşiye 88:24
- Gâşiye 88:25
- Gâşiye 88:26
- Fecr 89:1
- Fecr 89:2
- Fecr 89:3
- Fecr 89:4
- Fecr 89:5
- Fecr 89:6
- Fecr 89:7
- Fecr 89:8
- Fecr 89:9
- Fecr 89:10
- Fecr 89:11
- Fecr 89:12
- Fecr 89:13
- Fecr 89:14
- Fecr 89:15
- Fecr 89:16
- Fecr 89:17
- Fecr 89:18
- Fecr 89:19
- Fecr 89:20
- Fecr 89:21
- Fecr 89:22
- Fecr 89:23
- Fecr 89:24
- Fecr 89:25
- Fecr 89:26
- Fecr 89:27
- Fecr 89:28
- Fecr 89:29
- Fecr 89:30
- Beled 90:1
- Beled 90:2
- Beled 90:3
- Beled 90:4
- Beled 90:5
- Beled 90:6
- Beled 90:7
- Beled 90:8
- Beled 90:9
- Beled 90:10
- Beled 90:11
- Beled 90:12
- Beled 90:13
- Beled 90:14
- Beled 90:15
- Beled 90:16
- Beled 90:17
- Beled 90:18
- Beled 90:19
- Beled 90:20
- Şems 91:1
- Şems 91:2
- Şems 91:3
- Şems 91:4
- Şems 91:5
- Şems 91:6
- Şems 91:7
- Şems 91:8
- Şems 91:9
- Şems 91:10
- Şems 91:11
- Şems 91:12
- Şems 91:13
- Şems 91:14
- Şems 91:15
- Leyl 92:1
- Leyl 92:2
- Leyl 92:3
- Leyl 92:4
- Leyl 92:5
- Leyl 92:6
- Leyl 92:7
- Leyl 92:8
- Leyl 92:9
- Leyl 92:10
- Leyl 92:11
- Leyl 92:12
- Leyl 92:13
- Leyl 92:14
- Leyl 92:15
- Leyl 92:16
- Leyl 92:17
- Leyl 92:18
- Leyl 92:19
- Leyl 92:20
- Leyl 92:21
- Duhâ 93:1
- Duhâ 93:2
- Duhâ 93:3
- Duhâ 93:4
- Duhâ 93:5
- Duhâ 93:6
- Duhâ 93:7
- Duhâ 93:8
- Duhâ 93:9
- Duhâ 93:10
- Duhâ 93:11
- İnşirah 94:1
- İnşirah 94:2
- İnşirah 94:3
- İnşirah 94:4
- İnşirah 94:5
- İnşirah 94:6
- İnşirah 94:7
- İnşirah 94:8
- Tin 95:1
- Tin 95:2
- Tin 95:3
- Tin 95:4
- Tin 95:5
- Tin 95:6
- Tin 95:7
- Tin 95:8
- Alak 96:1
- Alak 96:2
- Alak 96:3
- Alak 96:4
- Alak 96:5
- Alak 96:6
- Alak 96:7
- Alak 96:8
- Alak 96:9
- Alak 96:10
- Alak 96:11
- Alak 96:12
- Alak 96:13
- Alak 96:14
- Alak 96:15
- Alak 96:16
- Alak 96:17
- Alak 96:18
- Alak 96:19
- Kadr 97:1
- Kadr 97:2
- Kadr 97:3
- Kadr 97:4
- Kadr 97:5
- Beyyine 98:1
- Beyyine 98:2
- Beyyine 98:3
- Beyyine 98:4
- Beyyine 98:5
- Beyyine 98:6
- Beyyine 98:7
- Beyyine 98:8
- Zilzal 99:1
- Zilzal 99:2
- Zilzal 99:3
- Zilzal 99:4
- Zilzal 99:5
- Zilzal 99:6
- Zilzal 99:7
- Zilzal 99:8
- Adiyat 100:1
- Adiyat 100:2
- Adiyat 100:3
- Adiyat 100:4
- Adiyat 100:5
- Adiyat 100:6
- Adiyat 100:7
- Adiyat 100:8
- Adiyat 100:9
- Adiyat 100:10
- Adiyat 100:11
- Karia 101:1
- Karia 101:2
- Karia 101:3
- Karia 101:4
- Karia 101:5
- Karia 101:6
- Karia 101:7
- Karia 101:8
- Karia 101:9
- Karia 101:10
- Karia 101:11
- Tekâsür 102:1
- Tekâsür 102:2
- Tekâsür 102:3
- Tekâsür 102:4
- Tekâsür 102:5
- Tekâsür 102:6
- Tekâsür 102:7
- Tekâsür 102:8
- Asr 103:1
- Asr 103:2
- Asr 103:3
- Hümezeh 104:1
- Hümezeh 104:2
- Hümezeh 104:3
- Hümezeh 104:4
- Hümezeh 104:5
- Hümezeh 104:6
- Hümezeh 104:7
- Hümezeh 104:8
- Hümezeh 104:9
- Fil 105:1
- Fil 105:2
- Fil 105:3
- Fil 105:4
- Fil 105:5
- Kureyş 106:1
- Kureyş 106:2
- Kureyş 106:3
- Kureyş 106:4
- Mâûn 107:1
- Mâûn 107:2
- Mâûn 107:3
- Mâûn 107:4
- Mâûn 107:5
- Mâûn 107:6
- Mâûn 107:7
- Kevser 108:1
- Kevser 108:2
- Kevser 108:3
- Kâfirun 109:1
- Kâfirun 109:2
- Kâfirun 109:3
- Kâfirun 109:4
- Kâfirun 109:5
- Kâfirun 109:6
- Nasr 110:1
- Nasr 110:2
- Nasr 110:3
- Tebbet 111:1
- Tebbet 111:2
- Tebbet 111:3
- Tebbet 111:4
- Tebbet 111:5
- İhlas 112:1
- İhlas 112:2
- İhlas 112:3
- İhlas 112:4
- Felak 113:1
- Felak 113:2
- Felak 113:3
- Felak 113:4
- Felak 113:5
- Nas 114:1
- Nas 114:2
- Nas 114:3
- Nas 114:4
- Nas 114:5
- Nas 114:6
Nebe' 78:1
Makapantag kanu ngin i ibamagidsaya nilan?
Nebe' 78:2
Pantag kanu tudtulan a masela?
Nebe' 78:3
Su silan entu kanu entuba na pembida-bida silan.
Nebe' 78:4
Benal a katukawan nilan.
Nebe' 78:5
Mawli sa entu na benal a katukawan nilan.
Nebe' 78:6
Ngintu da nami baluya su lupa sa belat?
Nebe' 78:7
Endu su manga palaw sa nakabuladtek endu nakapasek.
Nebe' 78:8
Na endu inaden nami sekanu sa edtitiwalay.
Nebe' 78:9
Endu inaden nami su kapedtulug nu sa ibpangintelenen nu.
Nebe' 78:10
Endu binaluy nami su magabi sa tanggub.
Nebe' 78:11
Endu binaluy nami su malmag sa ibpangilay nu sa kawyagan.
Nebe' 78:12
Pimbalay nami san kanu pulu nu su pitu lapis a langit a pimbagelan.
Nebe' 78:13
Endu inaden nami su senang sa pedsalindaw (egkalapat nin su dunya).
Nebe' 78:14
Endu papedtulunen nami ebpun kanu dadtem su ulan a maleges.
Nebe' 78:15
Endu nami makapatu’ sabap lun (ulan) su unud endu su mangengetu.
Nebe' 78:16
Endu su manga pamulan a manga malabung.
Nebe' 78:17
Saben- sabenal a su gay a mawli na aden timpu nin
Nebe' 78:18
Kanu gay a yupen su sanggakala na makatingguma kanu den (manga taw a pengguyung-guyung) sa lumpuk-lumpukan.
Nebe' 78:19
Endu kabukatan den su langit sa maaden lun su manga bengawan
Nebe' 78:20
Endu mamakanayug su manga palaw sa matunag a mabaluy a ig.
Nebe' 78:21
Saben-sabenal su naraka jahannam na ya nin kaaden na ebpangangata.
Nebe' 78:22
Sya kanu manga taw a dalwaka.
Nebe' 78:23
Lu ba silan dayun sa dayun.
Nebe' 78:24
Da mananam nilan a matenggaw endu da mainem nilan.
Nebe' 78:25
Ya bu tabya na ig a pedsebu-sebu endu dana (uta, ating endu manga kaped pan manga maledsik).
Nebe' 78:26
Balas a pakadayt (kanu kinasupak nilan).
Nebe' 78:27
Saben-sabenal na silan entu na di nilan gadsingani su kagkwinta (kanu manga galebekan).
Nebe' 78:28
Endu pinandalbut nilan su ayatan nami sa tidtu a kinapandalbut.
Nebe' 78:29
Endu su langun u enggaga-isa na inisulat nami sa tidtu-tidtu
Nebe' 78:30
Na tepengi nu ka daden makawman nami sa lekanu ya tabya na siksa.
Nebe' 78:31
Saben-sabenal na aden siya kanu manga magilek (kanu Allah) i bantugan (sulga).
Nebe' 78:32
Aden lun i manga pamulan endu manga anggur (grapes).
Nebe' 78:33
Endu manga laga a bagu sukud (manga mataya endu mamagidsan sa umul).
Nebe' 78:34
Endu manga basu a nangapenu (alak sa sulga).
Nebe' 78:35
Da makineg nilan (lu sa sulga) a da kapantag in a bityala endu kalbutan.
Nebe' 78:36
Balas a ebpun kanu Kadenan nengka (Allah) a inenggay a paka-ustu (kanu nanggalebekan nengka).
Nebe' 78:37
Kadenan (Allah) a pedtiyakap kanu pitu lapis a langit endu lupa na endu su nganin a nakapagelet kanilan duwa, sangat den a malimu (sa dunya), dala makatika sa kanilan embityala kanu Allahu Ta’ala (kanu gay a mawli).
Nebe' 78:38
Gay a edtindeg si Jibril endu su manga malaikat sa egkuyug-kuyug silan, di silan makadtalu ya tabya na entayn i sugutan nu Ar-Rahman (Allah) sa ya nin madtalu na endaw i benal.
Nebe' 78:39
Entuba su gay a bantang, na entayn i taw a magkahanda nin embalingan kanu Kadenan nin a (Allah) na embalingan den (gagalu a uyag-uyag pan siya sa dunya).
Nebe' 78:40
Saben-sabenal sa lekami na pina-ingat nami sekanu su kasiksan a masupeg, kanu gay a mailay nu taw su nganin a nanggalebek u duwa a lima nin, sa ya madtalu nu supak (kafir): nyaba ka naaden aku a libubuk.
Naziat 79:1
Idsapa ku (Allah) kanu manga malaikat (a pegketeng kanu ngyawa nu manga taw a di pamalityaya sa kapegketeng a mapasang).
Naziat 79:2
Idsapa ku (Allah) kanu manga malaikat (a malangkas i kapegkuwanin kanu ngyawa nu manga taw a pamalityaya.
Naziat 79:3
Endu su manga malaikat a malangkas i kapedtuman nilan kanu suguwan kanilan nu Allah sa benal a malangkas.
Naziat 79:4
Endu su manga malaikat a pegkuyakuya sa kapenggalebek sa kasuguwan kanilan.
Naziat 79:5
Na su manga malaikat a bagatul (sa egkatamanan nu manga kaaden) sa kasuguwan.
Naziat 79:6
Siya kanu gay a paganayan a kayup kanu Sanggakala a makugkung/kumegkel su dunya (na maibped matay su langun nu balangyawa.
Naziat 79:7
Tundugan kanu kaduwa a kayup kanu Sanggakala (egkawyag embalingan su manga balangyawa).
Naziat 79:8
Su manga pusung (nu manga kafir) kanu entuba a gay na egkyab-kyab (kukuken).
Naziat 79:9
Su kapangingilay nilan na luntana (matayungu) (sabap sa gilek ilan kanu entuba gay).
Naziat 79:10
Ya nilan madtalu: ngintu makambalingan tanu pamun kanu andangan a mambebetad tanu kanu uliyan nu kapatay tanu?
Naziat 79:11
Apya yanin kaaden i su manga tulan tanu na mimbubuk den?
Naziat 79:12
Ya nilan edtalun: su entuba a kinawyag nami na kena besen ka uyag-uyag a kalugyan (lugi lumugi).
Naziat 79:13
Ya bu kabpelesing (kagkag) kanu entuba na makaisa bu (kanu ika-duwa a kayup kanu Sanggakala).
Naziat 79:14
Na silan bantu kanu entuba a gay na midtudayuk sa ya nilan kinaimaman na siya kanu liyawaw nu bagu den a lupa.
Naziat 79:15
Ngintu nakatingguma sa leka (Muhammad) su tudtulan kanu Musa?
Naziat 79:16
Kutika a kinatawag sa lekanin nu Kadenan nin siya kanu bawgan a suti a binedtuwan sa Tuwa (bawgan sa palaw sa Sina).
Naziat 79:17
"Angay ka lu kani Fir’awn ka saben-sabenal na sekanin na mindupang.
Naziat 79:18
Edtalu ka (Musa kani Fir’awn): "Ngintu aden pan sa leka i kadtawbat nengka (kanu manga dusa nengka)?"
Naziat 79:19
"Ka tutulun ku seka lu kanu Kadenan nengka na mabaluy a magilek.
Naziat 79:20
Ulyan nu entu na pinailay ni Musa si Fir’awn sa tanda a masla.
Naziat 79:21
Na pinadalbutin (si Musa) endu sinupakin.
Naziat 79:22
Mawli na tinemaligkud na namagayas mawa (na pinatalus nin su kapendupang nin).
Naziat 79:23
Na linimudin na nanawag (sa manga taw nin).
Naziat 79:24
Sa pidtalu nin "Saki su Kadenan nu a mapulu!.”
Naziat 79:25
Tinumpalak (siniksa) sekanin nu Kadenan (Allah) sa siksa sa akhirat endu siksa sa dunya.
Naziat 79:26
Saben-sabenal kanu entuba na ibalatan (indawan) a masla kanu entayn i magilek (kanu Allah)
Naziat 79:27
"Ngintu sekanu den ba i labi i kapasangin a binaluy? Ataw ka su langit a pimbalay nin (Allah)?"
Naziat 79:28
Inipulu nu Allah su langit sa dala daway nin.
Naziat 79:29
Endu pinagkenemin su magabi nin endu pinagkaliwanagin su malamagin.
Naziat 79:30
Endu su lupa kanu uliyan a entuba na binelatin.
Naziat 79:31
Pinambuwat nin su manga ig, manga utan.
Naziat 79:32
Endu su manga palaw sa inipasekin ku lupa.
Naziat 79:33
Kawyagan nu sekanu endu su manga pangangayamen nu.
Naziat 79:34
Na amengka makawma den su bangkit a masla (gay a mawli).
Naziat 79:35
Gay a mendudulugud nu manusya su langun nu nanggalebekin (magidsan i mapya endu mawag).
Naziat 79:36
Endu ebpapayag den su apuy sa jaheem siya kanu entayn i dayt a makailay lun.
Naziat 79:37
Makapantag kanu entayn i mindupang.
Naziat 79:38
Endu inilabi nin su uyag-uyag sa dunya.
Naziat 79:39
Na saben-sabenal na su apuy sa naraka jaheem na entuba i kadtakenanin.
Naziat 79:40
Endu makapantag menem kanu entayn i inikagilek in su kapangadap in kanu Kadenan in (Allah), endu kinumpen nin su ginawa nin kanu nafsu hawa.
Naziat 79:41
Na saben-sabenal na su surga i kadtakenan in.
Naziat 79:42
Ibpagidsa nilan sa leka (Muhammad) kanu i kawma nu bangkit?
Naziat 79:43
Na kena man seka i dayt a makalabit lun.
Naziat 79:44
Su Kadenan nengka (Allah) i pegkatawkataw lun.
Naziat 79:45
Ya bu man leka na kabpanginggilek kanu entayn i magilek kanu gay a mawli.
Naziat 79:46
Kataw nilan kanu kinawget ilan sa dunya na nalalamagan bu ataw ka nagagabyan.
Abese 80:1
Migkalibedteng endu tinemaligkud (si Muhammad).
Abese 80:2
Kanu kinawma sa lekanin nu buta (di pakailay).
Abese 80:3
Endu di nengka egkatawan (Muhammad) i sekanin besen i pedsuti (malityaya) sa leka.
Abese 80:4
Ataw ka makandudulugud na makangguna lun su patadem.
Abese 80:5
Makapantag kanu entayn i di pakanasisita.
Abese 80:6
Na sekanin i inipamamantag nengka.
Abese 80:7
Endu da bun sa leka i dusa amengka di sekanin makadsuti (malityala).
Abese 80:8
Endu makapantag kanu entayn i nakawma sa leka a bamagayas.
Abese 80:9
Na sekanin banan i egkagilekan (kanu Allah).
Abese 80:10
Na sekanin i nakadtalipenda nengka.
Abese 80:11
Di kena maitu! Ka saben-sabenal na su Qur’an na patadem.
Abese 80:12
Na entayn i egkalilini (sa labitan/pangagi) na tademan nin intuba.
Abese 80:13
Siya kanu suhuf (Qur’an) masla/bala-alaga.
Abese 80:14
Mapulu (i pangkatan nin) a suti.
Abese 80:15
Siya kanu lima nu manga malaikat (a bamedsulat).
Abese 80:16
Manga mapulu i pangkatan nin endu matidtu
Abese 80:17
Gimela (namulkan) su manusya kanun ngin den a kinasupakin.
Abese 80:18
Endaw ebpun a enggaga-isa i binaluyan sa lekanin nu Kadenan?
Abese 80:19
Ebpun kanu ig (mama endu babay) i kinalimbag lun, mawli na dinyangka nin.
Abese 80:20
Mawli na su lalan a mapya na pinakalemuwanin sa lekanin.
Abese 80:21
Mawli na inalap sekanin (nu Allah) na inipalebengin.
Abese 80:22
Mawli na amayka magkahanda nin na pambuwaten nin (kanu ulyan nu kaalap).
Abese 80:23
Benal a da ka-ebplis in na da nin makatunay su nganin a kasuguwan sa lekanin.
Abese 80:24
Na panulimanen nu su manusya su makanin/pegkenin.
Abese 80:25
Saben-sabenal na sekami na inibubus nami su ig sa sampulna a kinabubus,
Abese 80:26
Mawli na pinambutekad nami su lupa sa kinambutekad.
Abese 80:27
Na pinatu’ nami kanu manga lupa su manga unud (lagas).
Abese 80:28
Endu manga anggur endu manga kakamun.
Abese 80:29
Endu zaitun endu kulma.
Abese 80:30
Endu manga pamumulan a malalabung.
Abese 80:31
Endu manga unga na kayu endu manga kawyagan nu manga binatang,
Abese 80:32
Kawyagan nu sekanu endu su manga pangangayamen nu.
Abese 80:33
Na amayka makatalingguma su kisek (kabangkit).
Abese 80:34
Gay a palaguyan nu taw su suledin.
Abese 80:35
Endu si ina nin endu si ama nin.
Abese 80:36
Endu si kaluma nin endu si wata nin,
Abese 80:37
Uman isa kanilan kanu entuba a gay na ya nin madtulan na ginawa nin.
Abese 80:38
Su manga pamenengan kanu entuba a gay na pedsigay.
Abese 80:39
Sa pedtatawa a masigalaw.
Abese 80:40
Endu pamenengan kanu entuba a gay aden lun i libubuk.
Abese 80:41
Nabawsan na kalibutengan.
Abese 80:42
Silan ba entu su manga sinumupak kanu Allah a manga dupang.
Tekvir 81:1
Amayka su senang ka malimumu (kaawan na sigay).
Tekvir 81:2
Endu amayka su manga bitun ka mangalubpug.
Tekvir 81:3
Endu amayka su manga palaw na makabayug,
Tekvir 81:4
Endu amayka su manga magingay a manga unta ka madtimatag (da den mamarihala lun).
Tekvir 81:5
Endu amayka su manga mayla a manga binatang na matimu.
Tekvir 81:6
Endu amayka su manga lagat na pakalegen.
Tekvir 81:7
Endu amayka su ngiyawa ka padtagapedan (kanu lawasin/badanin).
Tekvir 81:8
Endu amayka su wata a babay (a inilebeng sa bibyag) ka kaidsan.
Tekvir 81:9
Endaw i kadusan a sabap a kinabunu lun?
Tekvir 81:10
Endu su manga lukisan nu manga galebekan ka makapayapat.
Tekvir 81:11
Endu amayka su langit ka mabaluba.
Tekvir 81:12
Endu amayka su naraka na pasindawn.
Tekvir 81:13
Endu amayka su surga na isiken (kanu pakasulga).
Tekvir 81:14
Katawan den nu isa a ginawa su nganin a nanggalebekin.
Tekvir 81:15
Saben-sabenal na ipedsapa ku kanu manga bitun (egkadadag u mapita su sigay nin na egkaliwanag u magabi su sigay nin).
Tekvir 81:16
Su manga bitun a pendalaguyan sya kanu lalanin a pakapagena.
Tekvir 81:17
Endu idsapa ku kanu magabi amayka egkalibuteng.
Tekvir 81:18
Endu idsapa kanu mapita amayka egkaliwanag,
Tekvir 81:19
Saben-sabenal na su Qur’an na kadtalu a inipadtalu kanu sinugu a mapulu (Jibril).
Tekvir 81:20
Aden lun i bagel a katinggiyan nin lu kanu bamarihala kanu Arash.
Tekvir 81:21
Balityalan (nu manga malaikat lu sa langit) ataw ka kasaligan.
Tekvir 81:22
Endu kena man buneg su tagapeda nu.
Tekvir 81:23
Endu saben-sabenal a nailay nu Muhammad si Jibril sa kawang-kawangan sa mapayag.
Tekvir 81:24
Endu di nin ebpaningit su kataw makapantag kanu di nin gangailay.
Tekvir 81:25
Endu su Qur’an na kena kadtalu nu manga shaytan a berajamen.
Tekvir 81:26
Na endaw kanu pan ebpawang?
Tekvir 81:27
Dala kanu Qur’an ya tabya na patadem kanu sakalyan alam.
Tekvir 81:28
Kanu entayn i nagkahanda ebpun sa lekanu sa kadtinudtuan
Tekvir 81:29
Endu na da magkahanda nu ya tabya na egkahanda nu Allah a pedtiyakap kanu sakalyan alam.
İnfitar 82:1
1 Amayka su langit na magupakan.
İnfitar 82:2
Endu amayka su manga bitun na mangalubpug.
İnfitar 82:3
Endu amayka su manga lagat na embebetu (mamelipil).
İnfitar 82:4
Endu amayka su manga pakuburan na mabalikwat.
İnfitar 82:5
Na katawan den nu taw su nganin a nanggalebekin a nawna endu nawli.
İnfitar 82:6
Hay seka nan a manusya! Ngin i nakabintyana sa leka kanu kadenan nengka a mapulu?
İnfitar 82:7
A binaluy ka sa inimpitan ka nin sa pinandadayta ka nin.
İnfitar 82:8
Siya sa kanu ngin a buntal a nganin a nagkahanda nin na pinadsaluswa ka nin.
İnfitar 82:9
Benal! Ugayd na papendalbuten nu su gay a mawli.
İnfitar 82:10
Endu saben-sabenal na aden sa lekanu i bamedtanding (malaikat).
İnfitar 82:11
Manga mapulu a ebpamelukis (kanu manga galebekan).
İnfitar 82:12
Katawan nilan su penggalebeken nu.
İnfitar 82:13
Saben-sabenal a su manga mapya a taw na da den ka-ebplis in na siya den kanu limu.
İnfitar 82:14
Endu saben-sabenal na su manga dalwaka na da den ka-ebplis in na siya den kanu jaheem (naraka).
İnfitar 82:15
Kaludepan nilan den sa entuba (jaheem/naraka) sa gay a mawli.
İnfitar 82:16
Endu di den ba silan lun maka-awa.
İnfitar 82:17
Endu di nengka katawan (Muhammad) ngin i Yawm Ad-Deen?
İnfitar 82:18
Mawli na di nengka katawan ngini pidtalu a Yawm Ad-Deen?
İnfitar 82:19
Gay a di kamilikan nu isa a ginawa su isa a ginawa kanu enggaga-isa endu su kyug kanu entuba a timpu na kanu Allah.
Mütaffifin 83:1
Duwan duwan den nu manga salimbuten.
Mütaffifin 83:2
I amayka mapa-asad silan kanu manga taw na mapadtalutup silan.
Mütaffifin 83:3
Endu amayka magasad ataw ka edtimbang silan kanu manga taw na mamelugi silan.
Mütaffifin 83:4
Ngintu di nilan ga-antap i saben-sabenal na pambuwaten bun silan?
Mütaffifin 83:5
Kanu gay a masla.
Mütaffifin 83:6
Gay a temindeg su manga taw kanu kadenan nu sakalyan alam.
Mütaffifin 83:7
Bantang! Saben-sabenal na su lukisan nu manga dalwaka na da den kabplis nin na siya kanu Sijjeen.
Mütaffifin 83:8
Endu di nengka katawan (Muhammad) u ngin i Sijjeen?
Mütaffifin 83:9
Lukisan (ebpanulatan) a aden bilangan nin.
Mütaffifin 83:10
Duwan-duwan nin sa kanu entuba a gay su manga napandalbut,
Mütaffifin 83:11
A papendalbut kanu Yawm Ad-Deen.
Mütaffifin 83:12
Endu dala papendalbut lun ya tabya na su langun u matibaba a baladusa.
Mütaffifin 83:13
Amayka batiyan sa kanilan su manga tanda nami (Qur'an) na ya nilan edtalun na "Nan bun ba su manga tudtulan nu manga nawna (a manga taw).”
Mütaffifin 83:14
Kena! Ka edtangis den su manga pamusungan nilan kanu nganin a nanggalebek nilan.
Mütaffifin 83:15
Uway! Saben-sabenal na su silan (manga dalwaka) kanu Kadenan nilan na da ka-ebplis in na kangadalindingan (di nilan mailay su Allah).
Mütaffifin 83:16
Mawli na saben-sabenal na silan bantu na da den ka-ebplis in na makaludep silan kanu jaheem (naraka).
Mütaffifin 83:17
Mawli na edtalun sa kanilan (nu malaikat) nan den ba su ya nu kaaden lun (sa dunya) na papendalbuten nu.
Mütaffifin 83:18
Benal! Saben-sabenal na su lukisan nu manga mapya a taw na da ka-ebplis in na siya kanu Eilliyyeen?
Mütaffifin 83:19
Endu di nengka katawan (Muhammad) ngin i Eilliyyeen?
Mütaffifin 83:20
Lukisan a aden manga bilangan nin.
Mütaffifin 83:21
Pedsaksiyan sekanin nu manga masiken kanu Allah (malaikat).
Mütaffifin 83:22
Saben-sabenal a su manga mapya a manga taw na da ka-ebplis in na siya den matagu kanu limu.
Mütaffifin 83:23
Kanu untul nu manga usungan (bangku a malendu) silan bamedtulik.
Mütaffifin 83:24
Katawan nengka kanu manga pamenengan nilan su kapiyanan nu limu.
Mütaffifin 83:25
Pabpaginumen sila ebpun kanu alak a sinapengan.
Mütaffifin 83:26
Ya mawli a edtak in na “misk” (midtaman i kamutin) entuba i sabap nin i kagkuya-kuya nu manga taw kanu galebek a mapya.
Mütaffifin 83:27
Endu ya nin simbul na ebpun sa Tasneem (buwalan na surga).
Mütaffifin 83:28
Su buwal a mamanginem lun su manga masiken ku Allah.
Mütaffifin 83:29
Saben-sabenal na su silan a mimbaladusa na ya nilan kaaden kanu manga namalityala na pedtatawan nilan (sa dunya).
Mütaffifin 83:30
Amayka kasagadan nilan silan na pegkekedatay silan.
Mütaffifin 83:31
Endu amayka embalingan silan kanu pamilya nilan na mangagalaw silan (sabap kanu kinadsudi nilan kanilan).
Mütaffifin 83:32
Endu amayka mailay nilan silan na ya nilan edtalun na “saben-sabenal na silan ba nan na da den ka-ebplis in na nangatadin!”
Mütaffifin 83:33
Endu di kena silan inipapayt a edtanding kanilan.
Mütaffifin 83:34
Na saguna a gay na su manga namalityala manem i edtatawa kanu manga supak.
Mütaffifin 83:35
Kanu untul nu manga usungan (bangku a malendu) silan bamedtulik.
Mütaffifin 83:36
Ngintu binalasan su manga kafir kanu nganin a ya nilan kaaden na penggalebek nilan?
İnşikak 84:1
Amayka su langit ka magupakan.
İnşikak 84:2
Endu makikineg sekanin kanu pedtiyakap lun endu mabenal.
İnşikak 84:3
Amayka su lupa ka madatal.
İnşikak 84:4
Endu itubpa nin su nganin a nadalem lun endu maginibpedan.
İnşikak 84:5
Endu makikineg sekanin kanu pedtiyakap lun endu mabenal.
İnşikak 84:6
Hay seka a manusya! Saben-sabenal a seka na makambalingan ka kanu Kadenan nengka (Allah) sa tidtu a kambalingan na makambalatemuway nengka den sekanin.
İnşikak 84:7
Makapantag kanu entayn i duwalan kanu kawanan a lima nin.
İnşikak 84:8
Na di sumala na makwinta den sekanin sa kagkwinta a malemu,
İnşikak 84:9
Endu makambalingan sekanin lu kanu pamilya nin sa magalaw,
İnşikak 84:10
Endu makapantag kanu entayn i duwalan sa lukisan kanu taligkudan nu bigkugungin.
İnşikak 84:11
Di sumala na matawag sekanin sa kalugyan endu kabinasan.
İnşikak 84:12
Endu makaludep den sekanin kanu Sa-eir (naraka).
İnşikak 84:13
Saben-sabenal na sekanin na ya nin kaaden siya kanu pamilya nin (sa dunya) na magalaw.
İnşikak 84:14
Saben-sabenal na sekanin na inantapin i di den a benal sekanin makambalingan (sa Allah).
İnşikak 84:15
Uway! Saben-sabenal na su Kadenan nin (Allah) na ya nin kaaden na lekanin na gailay nin.
İnşikak 84:16
Na idsapa ku (Allah) kanu edsukilep.
İnşikak 84:17
Endu idsapa ku kanu magabi endu su nganin a kalangkapan nin.
İnşikak 84:18
Endu idsapa ku kanu ulan-ulan amayka egkaliwanag.
İnşikak 84:19
Da ka-ebplis in na mabalak nu den i pangkat pangkat (gatamanan).
İnşikak 84:20
Na ngin i aden sa kanilan ka di silan bamalityala?
İnşikak 84:21
Endu amayka batyan kanilan su Qur’an na di silan bamedsugyud?
İnşikak 84:22
Ugaid na su manga migkafir na papendalbuten nilan (su bantang).
İnşikak 84:23
Endu su Allah na labi a mataw kanu nganin a ibamedsulen nilan.
İnşikak 84:24
Na panudtul ka sa kanilan su kasiksan a masakit.
İnşikak 84:25
Ya tabya na su manga namalityala endu su namenggalebek sa manga mapya na aden kanilan i balas a di ebpapas.
Büruc 85:1
Idsapa ku kanu manga bitun a masla.
Büruc 85:2
Idsapa ku kanu gay a inibpasad (gay a mawli).
Büruc 85:3
Idsapa ku kanu pedsaksi endu su pedsaksiyan.
Büruc 85:4
Namulkan su kigkuwan kanu kalut.
Büruc 85:5
Su apuy a aden lun i manga laleg.
Büruc 85:6
Lu silan kanu entuba a bamagagayan.
Büruc 85:7
Endu silan kanu nganin a pinakaydan nilan kanu manga bamalityala na manga saksi.
Büruc 85:8
Endu da nabaluy a inikabensi nilan ku manga mu’min ya tabya na su kabalityala nilan kanu Allah a mapulu a bamantugen.
Büruc 85:9
A lekanin (Allah) su kadatu kanu manga langit endu lupa endu su Allah kanu langun u enggaga-isa na kadsaksiyan nin.
Büruc 85:10
Saben-sabenal a su silan antu a namatalu kanu manga mu’min a manga mama endu manga babay mawli na di silan edtawbat na aden kanilan su kasiksan a jahannam endu aden sa kanilan su kasiksan a makatutung.
Büruc 85:11
Saben-sabenal na silan antu a namalityala endu minggagalebek sa manga mapya na aden kanilan i kasulgan a pelagilay kanu kababan nin su manga lawas a ig entuba su bantugan a masla.
Büruc 85:12
Saben-sabenal na su kasiksa nu Kadenan nengka Muhammad na sangat a mapasang.
Büruc 85:13
Saben-sabenal na sekanin (Allah) i pangebpun endu papembalingan.
Büruc 85:14
Endu sekanin (Allah) i bangampun endu labi a bala-gagaw.
Büruc 85:15
Kigkuwan kanu Arash a mapulu.
Büruc 85:16
A penggula-ula sa nganin a egkahandan nin.
Büruc 85:17
Ngintu nakawma sa leka su tudtulan kanu manga sundalu?
Büruc 85:18
Ni Fir’awn endu Thamud?
Büruc 85:19
Ugayd na su silan a simupak na papendalbut.
Büruc 85:20
Endu su Allah kanu taligkudan nilan na balibet.
Büruc 85:21
Ugaid sekanin su Qur’an a mapulu
Büruc 85:22
Siya kanu Lawh Al-Mahfudh.
Târık 86:1
Idsapa ku kanu langit endu Taariq.
Târık 86:2
Endu di nengka katawan (Muhammad) u ngin i Taariq?
Târık 86:3
Bitun a matayaw.
Târık 86:4
Uman isa a balangyawa na aden lun i pedtiyakap.
Târık 86:5
Na edsulimanen nu manusya u ngin i binaluyan lun.
Târık 86:6
Binaluy a ebpun sa ig a pedsumpit.
Târık 86:7
Bpeliyu ebpun kanu pageletan u taldas nu mama endu laleb nu babay.
Târık 86:8
Saben-sabenal na su Allah kanu kapambalingan nin lun (ulyan nu kapatay) na di-ebplis na pakagaga.
Târık 86:9
Gay a ipayag su manga masulen.
Târık 86:10
Na da lun den i bagel endu pedtabang.
Târık 86:11
Idsapa ku kanu langit i aden lun i pembabalingan (ulan).
Târık 86:12
Idsapa ku kanu lupa i aden lun i butekad.
Târık 86:13
Saben-sabenal a su Qur’an na da ka-ebplis in na kadtalu a mapadsenggaya (kanu benal endu di kena benal).
Târık 86:14
Endu kena sekanin (Qur’an) dadamangyas.
Târık 86:15
Saben-sabenal na su silan (manga supak) na pedtipu sa tidtu a katipu.
Târık 86:16
Endu saki na ebpalanatan ku su pakadayt sa kanilan.
Târık 86:17
Na pamasagadi ka den muna su manga kafir.
A'lâ 87:1
Tasbih ka (Muhammad) su ingala nu Kadenan nengka a pinakamapulu.
A'lâ 87:2
A namaluy sa manusya sa nakandadayta.
A'lâ 87:3
Endu minukul a timutulu.
A'lâ 87:4
Endu napalyu kanu manga bangengetu’.
A'lâ 87:5
Na binaluy nin intu a magangu a maytem.
A'lâ 87:6
Di sumala na pabatiyan nami seka (Muhammad) na di nengka kalipatanan.
A'lâ 87:7
Ya tabya na nganin a egkahandan nu Allah ka saben-sabenal na katawan nin su mapayag endu nganin a ipedsulen.
A'lâ 87:8
Endu pakalemuwan nami seka kanu malemu.
A'lâ 87:9
Na patadem ka (Muhammad) amayka makangguna sa kanilan su patadem.
A'lâ 87:10
Ya ma-indaw na su magilek.
A'lâ 87:11
Endu tangkan intuba (a patadem) nu manga dupang.
A'lâ 87:12
A pakaludep sa naraka a masla.
A'lâ 87:13
Mawli na da kapatay lun endu da kawyag.
A'lâ 87:14
Saben-sabenal na badtugan den su entayn i midsuti (nag-Islam).
A'lâ 87:15
Endu tinademanin su ingalan nu Kadenan in na midsambayang.
A'lâ 87:16
Kena besen! Ka ibelabi nu su uyag-uyag sya sa dunya.
A'lâ 87:17
Endu su akhirat na ya labi a mapya endu tanikyasa.
A'lâ 87:18
Saben-sabenal i namba na nadalem kanu Suhuf (manga kitab) a nangawna.
A'lâ 87:19
Kanu Suhuf ni Ibrahim endu Musa.
Gâşiye 88:1
Ngintu nawma ka (Muhammad) nu tudtulan kanu Ghasiyah? (gay a mawli).
Gâşiye 88:2
Su manga beneng kanu entuba a gay na magilek.
Gâşiye 88:3
Penggalebek sa linutayan.
Gâşiye 88:4
A makaludep kanu naraka a pegkalaw-kalaw
Gâşiye 88:5
Pabpaginumen ebpun kanu buwalan na naraka a pedsebu-sebu.
Gâşiye 88:6
Da sa kanilan i pegken ya tabya na makabpun kanu manga Dhari (kayu sa Naraka a teneken, madu, mayaw, endu mapayt).
Gâşiye 88:7
Di makagkasebud endu di makangguna kanu taw a kagutem.
Gâşiye 88:8
Su manga beneng sa entuba gay na magalaw.
Gâşiye 88:9
Na mapya i ginawa nin kanu nanggalebekin (sa dunya a manga mapya) a nalinyanin (sa gay a mawli).
Gâşiye 88:10
Siya kanu surga mapulu.
Gâşiye 88:11
Sa dala makineg nengka lun a gusyawat (da kapantagin a bityala).
Gâşiye 88:12
Aden lun i manga buwalan a ebpelagilay.
Gâşiye 88:13
Aden lun i manga igan (katri) a namakapulu.
Gâşiye 88:14
Endu manga basu a namakaadil.
Gâşiye 88:15
Endu manga ulunan a namaka-antang.
Gâşiye 88:16
Endu su manga palamandi a nangapamelat.
Gâşiye 88:17
Ngintu di nilan pedsulimanen su unta u panun I kinapamaluy lun?
Gâşiye 88:18
Endu su langit na panun i kinapulu lun (kinagantung lun)?
Gâşiye 88:19
Endu su manga palaw sa panun i kinapamuladtek lun.
Gâşiye 88:20
Endu su lupa sa panun i kinapamelat lun.
Gâşiye 88:21
Na patedem ka (Muhammad) ka ya bu man leka na kapatadem.
Gâşiye 88:22
Ka di nengka man silan kagyug-kyugan.
Gâşiye 88:23
Ya tabya na entayn i taligkudanan nin (su indawan) endu egkafir.
Gâşiye 88:24
Na siksan sekanin nu Allah sa kasiksan a sangat a masela.
Gâşiye 88:25
Saben-sabenal na sekami i kambalinganan nilan.
Gâşiye 88:26
Mawli na saben-sabenal siya sa lekami su kagkwinta sa kanilan.
Fecr 89:1
Idsapa ku kanu Faj’r (kabukakas su mapita).
Fecr 89:2
Endu ku manga magabi a sapulu (paganayan a sapulu gay kanu Zul-Hijjah).
Fecr 89:3
Idsapa ku kani gunep (sapi) endu gansal (watri)
Fecr 89:4
Idsapa ko kanu magabi amayka lumipus.
Fecr 89:5
Ngintu lu kanu entuba a sapa i kigkuwan sa kenal?
Fecr 89:6
Ngintu da nengka madsuliman (Muhammad) u panun i kinapakayd nu Kadenan nengka kani Aad?
Fecr 89:7
Taw na Iram (mabagel endu masla a manga taw) a aden sa kanilan i manga walay a malambeg i manga palaws in.
Fecr 89:8
Da den napamaluy a pagidsan siya kanu manga dalpa.
Fecr 89:9
Endu si Thamud a pinamanebal nilan su manga lakungan siya ku bawgan.
Fecr 89:10
Endu si Fir’awn a kigkuwan sa manga pasek.
Fecr 89:11
Silan ba antu i naminasakan siya kanu manga dalpa.
Fecr 89:12
Na pinakadakel nilan lun su kabinasan.
Fecr 89:13
Na binubusan silan nu Kadenan nengka (Muhammad) sa tapidas a siksa.
Fecr 89:14
Saben-sabenal na su Kadenan nengka (Muhammad) na labi masuliman.
Fecr 89:15
Na makapantag kanu manusya amayka batalun sekanin nu Kadenanin na inipulu nin endu inikalimunin na yanin madtalu na “su Kadenan ku na inipulu aku nin.”
Fecr 89:16
Endu amayka batalun sekanin sa pagengeten sa lekanin su rizki nin na ya nin edtalun na “su Kadenan ku na inilusak aku nin.”
Fecr 89:17
Benal! Ugayd na di nu ipegkalimu su manga ilu.
Fecr 89:18
Endu di nu ipedsusuguway su kapakan ku manga miskin.
Fecr 89:19
Endu bamegkan kanu sa kawalisan sa kapegkan a ganggam.
Fecr 89:20
Na endu kalinyan nu su manga tamuk sa kalilini a subla.
Fecr 89:21
Benal den! Amayka tapungen den su lupa sa tidtu a katapung na matapung den.
Fecr 89:22
Makawma su Nangaden endu su manga malaikat a midsaf silan kanu kapagkukum.
Fecr 89:23
Endu itingguma den su jahannam (naraka) kanu namba a gay, na katademan nu taw su galebak nin a da katagan nin sa lekanin.
Fecr 89:24
Sa yanin madtalu na “Hay! Entuba ka nakatapenay aku (sa galebek) kanu uyag uyag aku pan (sa dunya).”
Fecr 89:25
Na gay ba antu na di makasiksa su siksa nin sa kaped.
Fecr 89:26
Endu di makapawik su pawikin sa kaped.
Fecr 89:27
Hay! Seka a ginawa a tumatana.
Fecr 89:28
Embalingan ka den kanu Kadenan nengka sa dalem a kasuwat ka endu kasuwatan ka nin.
Fecr 89:29
Na simbul ka siya kanu manga ulipen ku.
Fecr 89:30
Endu ludep ka den kanu surga ku.
Beled 90:1
Inidsapa ku kanu niyaba a dalpa (Makkah).
Beled 90:2
Endu seka (Muhammad) na daludaya ka kanu nyaba a dalpa.
Beled 90:3
Endu idsapa ku kanu (Adam) endu su nganin a madtupu nin.
Beled 90:4
Saben-sabenal na binaluy nami su manusya sa kamalasayan.
Beled 90:5
Ngin i ka-antapin da den makagaga sa lekanin apya isa bu?
Beled 90:6
Ya nin pidtalu na “Nagudal aku sa tamuk a madakel (si Abu Jahl na nagudal sa tamuk sa kinambunwa sa Badr).”
Beled 90:7
Ngintu egka-antap in sa da den nakailay lun apya isa bu?
Beled 90:8
Ngintu da nami baluya sa lekanin i duwa a mata?
Beled 90:9
Na endu dila endu duwa a bibil?
Beled 90:10
Endu tinutulu nami sekanin (manusya) sa duwa a lalan (mapya endu mawag)?
Beled 90:11
Da nin tinggapasi su Aqabah.
Beled 90:12
Endu di nengka katawan ngin i Aqabah?
Beled 90:13
Kabukawa (maradika) sa ulipen.
Beled 90:14
Ataw ka kapakan kanu timpu a penggutem a benal su taw.
Beled 90:15
Endu kanu manga wata ilu a pagali.
Beled 90:16
Ataw ka su miskin a mimbudta (sangat a kapasangin).
Beled 90:17
Ulyanin, naaden sekanin sa ped kanu manga namalityala endu inipamagindawa nilan su kadsabar endu inipamangindawa nilan su kagkakalimuwa.
Beled 90:18
Silan ba antu i kigkuwan kanu Maymanah (manga taw a ya nilan makakawa kanu kitab nilan na su kawanan a lima nilan).
Beled 90:19
Endu silan antu a migkafir kanu manga tanda nami na silan su kigkuwan kanu Mash-amah (manga taw a ya nilan makakawa kanu kitab nilan na su biwang a lima nilan).
Beled 90:20
Patut sa kanilan i makaludep kanu naraka sa kadtileban silan.
Şems 91:1
Idsapa ku kanu senang endu su sindaw nin.
Şems 91:2
Idsapa ku kanu ulan-ulan amayka tinundugin (kapedsedep u senang).
Şems 91:3
Idsapa ku kanu malamag amayka egkaliwanag.
Şems 91:4
Idsapa ku kanu magabi amayka egkalibuteng.
Şems 91:5
Idsapa ku kanu langit endu su mimbalay lun (Allah).
Şems 91:6
Idsapa ku kanu lupa endu su minelat lun (Allah).
Şems 91:7
Idsapa ku kanu ngyawa endu su linemimbag lun (Allah).
Şems 91:8
Na inilham sa lekanin su kakilala kanu kambaladusa nin endu kapaginuntulan nin.
Şems 91:9
Saben-sabenal a bala-untung su entayn i taw a sinuti nin su ginawa nin.
Şems 91:10
Endu saben-sabenal a nalugi su entayn i taw a ilusakin su ginawa nin (ebpun kanu manga kadusan).
Şems 91:11
Pinambudtud nila Thamud su sinugu (Salih) sabap kanu kadupangan nilan.
Şems 91:12
Kanu isa a timpu a namagayas su labi a dalwaka sa kanilan (kinasumbali ni Qaddaar bin Saalif kanu unta).
Şems 91:13
Ebpun kanu manga jin endu manga taw”.
Şems 91:14
Pinandalbut nilan (su Salih) ka binunu nilan su babay a unta. Bininasa silan nu Kadenan nilan sabap kanu dusa nilan a pinandadalagita silan (sa kasiksan).
Şems 91:15
Endu da kanu Allah i gilek kanu ulyanan u entu a nanggula (kinasiksa kanila Thamud).
Leyl 92:1
Idsapa ku kanu magabi amayka egkalibuteng.
Leyl 92:2
Idsapa ku kanu malamag amayka egkaliwanag.
Leyl 92:3
Idsapa ku kanu namaluy sa mama endu babay.
Leyl 92:4
Saben-sabenal na langun u galebekan nu na midsempad-sempad.
Leyl 92:5
Na makapantag kanu entayn i taw a mangalimuwan (kanu inisapal nu Allah).
Leyl 92:6
Endu pangimbenalin nin su mapya (laa ilaaha illallah/sulga/balas).
Leyl 92:7
Na pakalemuwan nami sekanin sa kanggalebek kanu mapya.
Leyl 92:8
Endu makapantag kanu entayn i taw a midsingit endu mimamasela.
Leyl 92:9
Endu pinandalbut nin su mapya (laa ilaaha illallah/sulga/balas).
Leyl 92:10
Na pakalemuwan nami sekanin kanu kinanggalebekin sa da lantekin.
Leyl 92:11
Endu di den makambalaguna sa lekanin su tamukin amayka mawlug den sekanin (sa naraka).
Leyl 92:12
Saben-sabenal a sya sa lekami su tidtu a tutulu.
Leyl 92:13
Endu saben-sabenal a lekami su mawli (akhirat) endu su mawna (dunya).
Leyl 92:14
Na pinayngatan ku sa lekanu su apuy a pegkalaw-kalaw.
Leyl 92:15
Da makaludep lun ya tabya na dupang.
Leyl 92:16
Su taw a pinandalebut nin su Nabi endu su taw a tinumaligkud kanu kapalityala.
Leyl 92:17
Endu di ebplis na itangka nu Allah (sa naraka) su taw a labi a magilek.
Leyl 92:18
Sekanin antu a ibpagenggay nin su tamukin ka endu masuti (pedzakat).
Leyl 92:19
Endu da sa kanu isa bu a taw i ya nin kabpangalimuwan kanu tamukin i kapamalasan.
Leyl 92:20
Ya tabya na pananangulin kanu Kadenan in a labi a mapulu.
Leyl 92:21
Endu saben-sabenal a di ebplis na kalilinyan nin su ipamalas lun (sa labi a masela kanu nakapangalimuwan nin).
Duhâ 93:1
Idsapa ku kani salindaw nu kagkapita.
Duhâ 93:2
Endu idsapa ku kanu magabi amayka egkalibuteng.
Duhâ 93:3
Da ka padtadaya (Muhammad) nu Kadenan nengka endu da ka nin kalipungeti.
Duhâ 93:4
Endu saben-sabenal na su egkawli (akhirat) na ya labi a mapya sa leka kumin kanu nawna (dunya).
Duhâ 93:5
Endu saben-sabenal na di ebplis na inggay sa leka nu Kadenan nengka na kalilinyan nengka.
Duhâ 93:6
Ngintu da ka nin matun (Muhammad) sa wata na ilu?
Duhâ 93:7
Endu natun ka nin sa tadin (di nengka katawan su Qur’an) na tinutulu ka nin.
Duhâ 93:8
Endu natun ka nin sa miskinan na pinagkawasa ka nin.
Duhâ 93:9
Na su wata a ilu na di ka mameges (kalalim).
Duhâ 93:10
Endu su ebpamangeni na di ka kumagkag.
Duhâ 93:11
Endu su limu (kabpagagama) nu Kadenan nengka na pamanudtul ka.
İnşirah 94:1
Ngintu da nami bukati sa leka su laleb nengka (Muhammad)?
İnşirah 94:2
Endu ngintu da nami iyawa sa leka su dusa nengka?
İnşirah 94:3
A pakawgat kanu taligkudan nengka.
İnşirah 94:4
Endu inipulu nami sa leka su labitan sa leka.
İnşirah 94:5
Na saben-sabenal na makasaleta kanu malegen su malemu.
İnşirah 94:6
Saben-sabenal na makasaleta kanu malegen su malemu.
İnşirah 94:7
Na amayka makapasad ka edsambayang na pangeni-ngeni ka (su nasisita nengka).
İnşirah 94:8
Na endu lu ka bu kanu Kadenan nengka pangingalap.
Tin 95:1
Idsapa ku kanu tin endu zaitun (manga unga na kayu sya kadakelan matun sa Palestine).
Tin 95:2
Endu idsapa ku kanu Tur (palaw sa Egypt a lu ba inimbityala nu Allah su nabi Musa) lu sa Saynaa.
Tin 95:3
Endu idsapa ku kanu nyaba dalpa malilintad (Makkah).
Tin 95:4
Saben-sabenal a binaluy nami su manusya kanu mababa kanu langun u manga mababa.
Tin 95:5
Ulyanin na imbalingan nami sekanin sa kanu mababa kanu langun u mababa.
Tin 95:6
Ya tabya na su silan a namalityala endu minggalebek sa manga mapya ka aden sa kanilan i manga balas a da kapedtaman nin,
Tin 95:7
Na ngin i nakasalet leka (kafir) kanu enggaga-isa a papendalbuten nengka i kabenal nu gay a mawli?
Tin 95:8
Ngintu kena ba su Allah i labi a matidtu i kakukumin kanu langun nu manga pakukukum?
Alak 96:1
Batya ka (Muhammad) sabap kanu ingalan nu Kadenan nengka a sekanin i nangaden.
Alak 96:2
Inaden nin su manusya ebpun sa sakempel a lugu.
Alak 96:3
Batya ka (Muhammad) ka su Kadenan nengka na sangat i kalimu nin.
Alak 96:4
Sekanin ba antu i namandu sabap kanu pinsil (kasulat).
Alak 96:5
Inipamandu nin kanu manusya su ngani-nganin a di nin katawan.
Alak 96:6
Bantang! Saben-sabenal na su manusya di ebplis na endalwaka den.
Alak 96:7
Amayka mailay nin den kanu ginawa nin i makagaga den.
Alak 96:8
Saben-sabenal (Muhammad) na lu kanu Kadenan nengka i kambalinganan.
Alak 96:9
Ngintu nadsuliman nengka (Muhammad) su pedsapal (Abu Jahl)?
Alak 96:10
Kanu ulipen amayka edsambayang.
Alak 96:11
Ngintu nadsuliman nengka (Muhammad) amayka ya nin kaaden (Abu Jahl) na naaden sa kanu tutulu.
Alak 96:12
Ataw ka pedsugu sa kagilek (sa Allah)?
Alak 96:13
Ngintu nadsuliman nengka (Muhammad) amayka papendalbut na endu mimbalikwat (si Abu Jahl)?
Alak 96:14
Ngintu da nin katawi i saben-sabenal na su Allah na pakailay?
Alak 96:15
Da ka-ebplisin, saben-sabenal na su Allah na pakailay?
Alak 96:16
Umbun-umbunan na malbut a baladusa.
Alak 96:17
Na tawagen nin (Abu Jahl) su manga tampilin.
Alak 96:18
Di sumala na tawagen nami (Allah) su manga malaikat a tameng sa naraka.
Alak 96:19
Saben-sabenal na di ka sekanin ebpaginuguti (Muhammad) endu sugyud ka endu siken ka (kanu Allah).
Kadr 97:1
Saben-sabenal sa lekami na initulun nami su namba (Qur’an) sya kanu magabi a inukul (Qadr).
Kadr 97:2
Endu di nengka katawan (Muhammad) ngin i magabi a inukul (Qadr).
Kadr 97:3
Su magabi a inukul na ya tumu kumin kanu sangibu a ulan-ulan.
Kadr 97:4
Pedtulun lu ba su manga malaikat endu su Ruh (Jibril) sabap sa sugut nu Kadenan nilan makapantag kanu langun nu galebekan.
Kadr 97:5
Malilintad su entuba a magabi taman kanu kasebang u Fajr (katibwas).
Beyyine 98:1
Da maaden kanu silan antu a namedsupak ebpun kanu kigkuwan sa kitab (Yahudi endu Nasrani) endu su manga panakutu i kinaumpalak, ya tabya na kinatingguma sa kanilan u Bayyinah (su kinasugu kani Muhammad a nadtapikin su Qur'an).
Beyyine 98:2
Sinugu a ganat sa Allah a pembatiyan nin i manga kitab a suti.
Beyyine 98:3
Aden kanu entuba i manga kitab a manga matidtu.
Beyyine 98:4
Na endu da sabapan a kinaumpalak u manga inenggan sa kitab (Yahudi endu Nasrani) ya tabya na kanu uliyan u kinawma sa kanilan u Bayyinah (si Muhammad endu su Qur'an).
Beyyine 98:5
Nandu dala sinuguwan sa kanilan ya tabya na simban nilan su Allah sa ikhlasen nilan sa lekanin su agama a matidtu endu itindeg ilan su sambayang endu inggay nilan su zakat, entuba su agama a ustu.
Beyyine 98:6
Saben-sabenal a silan a manga sinumupak a kigkwan kanu manga kitab (Yahud endu Nasrani) endu su manga balasakutu na siya silan sa naraka jahannam sa tanityasa. Silan bantu su labi i kawagin a pinamaluy.
Beyyine 98:7
Saben-sabenal a su silan a namalitiyaya endu minggalebek sa mapya na silan ba antu su pinakamapya a pinamaluy.
Beyyine 98:8
Ya nilan balas kanu Kadenan (Allah) nilan na surga ad’n, sa kanu kababan nin na pelagilay a lawas a ig sa tanityasa silan lu ba, nalilinyan silan nu Allah endu nalilinyan nilan su Allah, entuba na kanu entayn i inikagilekin su Kadenan nin.
Zilzal 99:1
Amayka palinugen den su lupa sa tidtu a kalinug.
Zilzal 99:2
Endu palyun den nu lupa su langun u nakadalem lun.
Zilzal 99:3
Endu ya madtalu nu manusya na “Nginyaba?”
Zilzal 99:4
Su entuba a gay na panudtulen nu lupa su tudtulan nin.
Zilzal 99:5
Sabap sa saben-sabenal na iniwahi nu Kadenan nengka (Muhammad) kanu lupa i mamanudtul.
Zilzal 99:6
Gay a makambuwat su manga manusya ebpun kanu pakuburan nilan sa lumpuk-lumpuk silan ka endu makapailay kanilan su manga galebekan nilan.
Zilzal 99:7
Na entayn i taw a enggalebek sa mana bu tepung a mapya na mailay nin.
Zilzal 99:8
Endu entayn i taw a enggalebek sa mana bu tepung a mawag na mailay nin.
Adiyat 100:1
Idsapa ku kanu manga kuda a palalaguy sa malangkas kanu kapendagesin.
Adiyat 100:2
Sa siya kanu kapegkambat nu manga kuba-kuba nu kuda nilan a pedsila.
Adiyat 100:3
Ya nilan kabpelumpak na magan mapita.
Adiyat 100:4
Na pakadtapuyak su libubuk.
Adiyat 100:5
Na pebpatilukan nilan su lumpukan nu kuntla.
Adiyat 100:6
Saben-sabenal su manusya kanu Kadenan nin na pupus i kasupakin.
Adiyat 100:7
Endu saben-sabenal a sekanin a manusya kanu entu a kapedsupakin na gadsaksiyan nin.
Adiyat 100:8
Na endu saben-sabenal na su manusya na sangat i kalilini nin sa mapya.
Adiyat 100:9
Ngintu di nilan katawan amayka balikwaten den su ngani-nganin a nadalem kanu pakuburan?
Adiyat 100:10
Endu ipayag den su manga nakadalem kanu manga laleb.
Adiyat 100:11
Saben-sabenal na su Kadenan nilan kanu entuba a gay i mamanudtulan.
Karia 101:1
Su Al-Qari’ah.
Karia 101:2
Ngin ba antu i Al-Qari’ah?
Karia 101:3
Endu di nengka katawan u ngin i Al-Qari’ah?
Karia 101:4
Gay a maaden su manusya sa mana palu-palu a nakapayapat,
Karia 101:5
Na endu maaden su manga palaw sa mana bumbul a pakambayu-bayug.
Karia 101:6
Makapantag kanu entayn a taw i migkawgat i manga timbangan nin.
Karia 101:7
Na sekanin bantu na sya matagu sa uyag-uyag a kalini-lini.
Karia 101:8
Endu makapantag menem kanu entayn i migkapegkag i manga timbangan nin.
Karia 101:9
Na lu sekanin makandalpa sa Haawiyah.
Karia 101:10
Endu di nengka katawan ngin intuba?
Karia 101:11
Apuy a tidtu i kayaw nin.
Tekâsür 102:1
Nabimban kanu nu kinapagkadakel.
Tekâsür 102:2
Taman sa makakapu su manga lebengan.
Tekâsür 102:3
Di sumala na katawan nu bun.
Tekâsür 102:4
Mawli na di sumala na katawan nu bun.
Tekâsür 102:5
Da ka-ebplis in ka u mana bu ka egkasabutan nu sa tidtu a kasabut.
Tekâsür 102:6
Da ka-ebplis in na mailay nu su jaheem (naraka).
Tekâsür 102:7
Mawli na di ebplis na mailay nu su namba sa matakapala.
Tekâsür 102:8
Mawli na di ebplis na masumalya kanu kanu entuba a gay sa kanu manga limu.
Asr 103:1
Idsapa ku kanu ‘Asr.
Asr 103:2
Saben-sabenal na su manga manusya na nadalem sa kalugyan.
Asr 103:3
Ya tabya na su manga namalityala endu minggalebek sa manga mapya endu inipagindawa nilan su kabantang endu inipamagindawa nilan su katigkel.
Hümezeh 104:1
Duwan-duwan nin den su umani tamelibaken a masudi.
Hümezeh 104:2
A namelimud sa tamuk endu pembilang-bilangen nin.
Hümezeh 104:3
Ya nin kwinta na saben-sabenal na matatap sekanin kanu tamukin.
Hümezeh 104:4
Saben-sabenal na da ka-ebplisin na makaidtug sekanin lu sa “Hutamah.”
Hümezeh 104:5
Endu di nengka katawan i Hutamah?
Hümezeh 104:6
Apuy nu Allah a pegkalaw-kalaw.
Hümezeh 104:7
A bananalusan su kayaw nin sa manga pusung.
Hümezeh 104:8
Saben-sabenal a lu ba silan maligken.
Hümezeh 104:9
Nalibet silan na alad a malambeg i manga palawsin.
Fil 105:1
Ngintu da nengka madsuliman (Muhammad) i pinakaydan u Kadenan nengka kanu kigkuwan kanu maga gagya (elepante)?
Fil 105:2
Ngintu da baluya (nu Kadenan) su katipuwan nilan a panun a kabinasa nilan?
Fil 105:3
Endu pinapaytan silan sa papanuk a midtambil-tambil.
Fil 105:4
Pinangulugan silan nu papanuk sa manga watu a ebpun sa Sijjil (lupa a pinadtegas).
Fil 105:5
Na nabaluy silan a mana utan a nagangu a sinepa.
Kureyş 106:1
Su kinaparihala kanu manga Quraysh.
Kureyş 106:2
Sa ya kinaparihala sa kanilan sa kabelakaw nilan sa timpu na balat endu timpu na panenang.
Kureyş 106:3
Na wagib a simban nilan su pedtiyakap (Allah) kanu nyaba a walay (Ka’bah).
Kureyş 106:4
Na sekanin i napakan kanilan kanu timpu a kinanggutem endu linumepas sa kanilan ebpun kanu manga makagilek.
Mâûn 107:1
Ngin nadsuliman nengka su papendalbut kanu gay a mawli?
Mâûn 107:2
Su entuba a taw na ebpameges kanu manga wata nu ilu.
Mâûn 107:3
Endu di nin ipedsugu i pakanen su manga miskinan.
Mâûn 107:4
Na duwan-duwan su manga taw a pasasambayang (a munafiq).
Mâûn 107:5
A ipedtalipenda nilan su kapedsambayang nilan.
Mâûn 107:6
Silan antu na pabpagilay-ilay bu.
Mâûn 107:7
Na endu ibangungen su manga tamuk nilan a makangguna.
Kevser 108:1
Saben-sabenal na inggay nami sa leka (Muhamamd) su Kawthar (lawas a ig sa sulga).
Kevser 108:2
Na edsambayang ka (Eidul Adha) kanu Kadenan nengka endu egQurban ka (kasumbali sa ayam).
Kevser 108:3
Saben-sabenal na su gabensi sa leka na entuba i kagkaydan.
Kâfirun 109:1
Edtalu ka (Muhammad) “Sekanu anan a manga supak.”
Kâfirun 109:2
Da sa laki i kapedsimba kanu pedsimban nu.
Kâfirun 109:3
Endu da sa lekanu i kasimba kanu pedsimban ku.
Kâfirun 109:4
Endu da sa laki i kasimba kanu pedsimban nu.
Kâfirun 109:5
Endu dala bun sa lekanu i kasimba nu kanu pedsimban ku.
Kâfirun 109:6
Lekanu den su agama nu, laki den su agama ku.
Nasr 110:1
Amayka makatingguma den su tabang nu Allah endu kataban (sa Makkah).
Nasr 110:2
Na madsuliman den su manga taw a mameludep kanu agama nu Allah (Islam) sa lumpuk-lumpukan.
Nasr 110:3
Na tasbih ka (edtalu ka sa Subhanallah) endu tahmid ka (edtalu ka su Alhmadulillah) endu pangeni ka sa lekanin sa ampun, saben-sabenal a sekanin na Allah na ya nin kaaden na ebpanalima sa tawbat.
Tebbet 111:1
Nabina-binasa su lima ni Abi Lahab sa tidtu a kinabinasa.
Tebbet 111:2
Na dala makambalaguna sa lekanin su tamukin endu su nganin a napaluli nin.
Tebbet 111:3
Di sumala na makaludep sekanin kanu apuy a pegkalaw-kalaw.
Tebbet 111:4
Endu si kaluma nin (Ummu Jaml bint Ibn Umayyah) a pedtatanggit sa kayu a ibelaleg.
Tebbet 111:5
A napikel su ligin na tali a nasulapid sa mabagel.
İhlas 112:1
Edtalu ka (Muhammad) “Su Allah na isa-isa nin bu.
İhlas 112:2
Su Allah i egkanasisita.
İhlas 112:3
Da embata endu di kena inimbata.
İhlas 112:4
Endu da maaden sa lekanin i pagidsan nin apya isa bu.”
Felak 113:1
Edtalu ka (Muhammad) “Pelindung aku kanu kadenan nu mapita.
Felak 113:2
Ebpun kanu kawagan nu pinangaden nin.
Felak 113:3
Endu ebpun sa kawagan nu magabi amayka egkagabi den.
Felak 113:4
Endu ebpun kanu kawagan nu manga bangyup sa palut (pangalintaw).
Felak 113:5
Endu kawagan nu manga matipu amayka tumipu.”
Nas 114:1
Edtalu ka (Muhammad) "Pelindung aku kanu kadenan nu manga taw.
Nas 114:2
A Datu nu manga taw.
Nas 114:3
A Kadenan nu manga taw.
Nas 114:4
Ebpun kanu kawagan nu sasat nu Khannas (Shaytan).
Nas 114:5
A banasat siya kanu manga laleb (manga pusung) nu manga taw.
Nas 114:6
Ebpun kanu manga jin endu manga taw.”