Oromoca Meal — Gali Ababor — Duhan 44:1 – Mürselat 77:50

Wal dhabuu halkanii, guyyaatiifi اhiree (rooba) irraa waan Rabbiin samirraa (duumeessarraa) buusee, dachii eega du'uu (goggogina) isheetii ittiin jiraachise (magarseefi) qilleensa gara gaggalchuu keessa warra xinxalaniif mallattooleen taatuudha.

Câsiye 45:6

(Yaa Muhammad!) tunniin keeyyattoota Rabbiitii, dhugaan sirratti ishee dubbifna. Sila erga Rabbiifi keeyyattoota Isaatii oduu akkamii amanu?

Câsiye 45:7

Cufa nama akkaan kijibaa, dilaawaa ta’eetiif laga ibiddaatu jira.

Câsiye 45:8

Keeyyattoota Rabbii kan isa irratti dubbifaman dhaga’aa; ergasii akka waan ishee hin dhaga’iniitti boona isaa itti fufa. adabbii laalessaan isa gammachiisi.

Câsiye 45:9

Yeroo keeyyattoota keenya irraa waa beeke qishina (qoosaa) ishee godhata. Warra san adabbii xiqqeessaa ta’etu isaaniif jira.

Câsiye 45:10

Fuuldura isaanii jahannamtu jira. Wanti isaan horatanis ta’ee wanti isaan Rabbiin ala jaalalleewwan godhatanis homaa isaan irraa hin deebisanu. Isaaniif adabbii guddaatu jira.

Câsiye 45:11

(Qur’aanni) kun qajeelfama. Isaan keeyyattoota Gooftaa isaaniitti kafaran, adabbii gubaa laalessaa irraa ta’etu isaaniif jira.

Câsiye 45:12

Rabbiin Isa galaana isiniif laaffise sani akka dooniwwan ajaja Isaatiin isa keessa deemtu, akka tola Isaa irraa barbaaddattaniif, akka Isa galateeffattaniif.

Câsiye 45:13

Waan samiilee keessa jiruufi waan dachii keessa jiru hunda (laaffisuu) Isa irraa ta’e isiniif laaffise. Kana keessa ummattoota xiinxalaniif mallattooleetu jira.

Câsiye 45:14

(Yaa Muhammad!) Warra amananiin, “warra guyyoota Rabbii hin sodaanneef dhiifama godhaa” jedhi. Akka Inni namootaaf waan isaan dalaganiin mindaa kennuuf (dhiifama godhaa).

Câsiye 45:15

Namni toltuu hojjate lubbuma isaatiifi. Namni badii dalages isheedhuma irratti. Ergasii gara Gooftaa keessanii deebifamtu.

Câsiye 45:16

Dhugumatti, ilmaan Israa’iliif kitaaba, seeraafii nabiyyummaas kennineerra. Wantoota gaggaarii irraas isaaniif kenninee, aalama (yeroo isaanii) hunda irras isaan caalchifne.

Câsiye 45:17

Shari’aa irraas waan ifa ta’e isaaniif kannine. Erga beekumsi isaanitti dhufee booda malee (waan birootiif) wal hin dhabne, jibbansa gidduu isaanii jiruuf jecha. Dhugumatti, Gooftaan kee Guyyaa Qiyaamaa gidduu isaanitti murteessa waan isaan isa keessatti wal dhabaa turan keessatti.

Câsiye 45:18

Ergasii seera ajaja (keenya) irraa ta’e irra si keenyee, ishee hordofi. Fedhaalee lubbuu warra homaa hin beeknee hin hordofin.

Câsiye 45:19

Isaan homaa (adabbii) Rabbii irraa si hin duroomsan. Miidhaa hojjattoonni gariin isaanii jaalalleewwan gariiti. Rabbiin immoo jaalallee warra Isa sodaataniiti.

Câsiye 45:20

(Qur’aanni) kun namootaaf beekumsa ifa ba’aadha. Warra dhugoomsaniif qajeelfamaafi rahmata.

Câsiye 45:21

Sila warri hamtuulee hojjatan, akka warra amananii toltuu hojjatanii gochuu keenya yaadanii? jiraa isaaniitiifi du’aa isaaniitis walqixxeessinaa (yaadanii) Wanti isaan murteessan waa fokkate!

Câsiye 45:22

Rabbiin samiileefi dachii haqaan uume, akka lubbuun hundi waan hojjatteen mindeeffamtuuf, Odoo isaan hin miidhamne.

Câsiye 45:23

Sila agartee nama gabbaramaa isaa fedhii isaa godhate, kan Rabbiinisa jallisee beekumsarratti, dhageettii isaatiifi onnee isaa irratti cufee, ija isaa irrattis haguuggaa godhe. Erga Rabbiin (jallisee) booda eenyutu isa qajeelcha? Sila hin gorfamtanuu?

Câsiye 45:24

Nijedhan “Jireenya keenya kan addunyaa malee isheen (jiruun biraa) hin jirtu. ni duuna; (gariin keenyas) ni jiraanna, zamana malee wanti nu balleessu hin jiru”. Waan kanatti beekumsa homaatuu isaaniif hintaane. Isaan se’oo malee hin taane.

Câsiye 45:25

Yeroo keeyyattoonni keenya ifa ba’anii isaan irratti dubbifaman, ragaan isaanii waa hintaane “yoo kan dhugaa dubbattan taataniif abbootii keenya fidaa” jechuu malee.

Câsiye 45:26

(Yaa Muhammad!) Jedhi: “Rabbumatu isin jiraachisee, ergasii isin ajjeesa; ergasii Guyyaa Qiyaamaa keessatti walitti isin qaba. mamiin Isa keessa hin jiru. Garuu irra hedduun namaa hin beekanu.”

Câsiye 45:27

Mootummaan samiifi dachii kan Rabbiiti. Guyyaa Qiyaaman dhaabbattu, guyyaa san warri dharaa ni hoonga’u.

Câsiye 45:28

(Guyyaa san) ummata hunda jilbiiffatanii argita. Ummanni hunduu gara kitaaba isheetti waamamti. “Har’a waan dalagaa turtan mindeeffamtu” (isaaniin jedhama).

Câsiye 45:29

Kun kitaaba keenya kan isin irratti dhugaan dubbatuudha. Dhugumatti, Nuti waan isin dalagaa turtan galmeessuu turre.

Câsiye 45:30

Isaan amananii, toltuuwwan dalagan immoo Gooftaan isaanii rahmata Isaa keessa isaan seensisa. Kun isumatu milkii ifa galaadha.

Câsiye 45:31

Isaan kafaran immoo “sila keeyyatoonni Kiyya isin irratti dubbifamaa hin turree?, boontanii, ummata badoo taatan” (jedhamaan).

Câsiye 45:32

Yeroo “waadaan Rabbii dhugaadha; Qiyaamaan (akka dhuftu) mamiin ishee keessa hin jiru” jedhame, “Qiyaamaan maal akka taate hin beeknu; mamii mamoo malee hintaane. Nuti dhugoomsoo hin taane” jettan.

Câsiye 45:33

Hamtuun waan dalaganii ifa isaaniif bahe; wanti isaan itti qishnaa (qoosaa) turanis isaanitti bu'e.

Câsiye 45:34

Ni jedhamaani: “ Har’a isin daganna (isin dhiifna) akkuma isin qunnamtii guyyaa keessan kanaa dagattanitti; teessoon keessanis ibidda; tumsitoonni isiniif hin jiranu.”

Câsiye 45:35

Kun waan isin keeyyattoota Rabbii qishnaa (qoosaa) taasiiftaniifi, waan jiruun addunyaa isin gowwoomsiteefi, Har’a ishee (ibidda) irraa hin baafamanu; isaan ceephoos hin buufachiifamanu.

Câsiye 45:36

Faaruun kan Rabbiiti Gooftaa samiileefi Gooftaa dachii, Gooftaa aalamootaa.

Câsiye 45:37

Samiileefi dachii keessatti boonni Isumaafi. Inni injifataa, ogeessa.

Ahkaf 46:1

Haa Miim.

Ahkaf 46:2

Buufamiinsi kitaabaa (Qur’aanaa) Rabbii injifataa, ogeeysa ta’e irraayi.

Ahkaf 46:3

Samii, dachiifi waan isaan lamaan gidduu jiranis dhugaafi yeroo beekamaa ta’eef malee hin uumne. Isaan kafaran waan ittiin sodaachifaman irraa garagaloodha.

Ahkaf 46:4

(Yaa Muhammad!) jedhi: “wantoota Rabbiin ala gabbartan naaf himaa? Dachii irraa waan isaan uuman natti agarsiisaa. Moo samiilee keessatti shariikummaan isaaniif jira? mee kitaaba (Qur’aana) kana dura (bu’e) yookiin hambaa beekumsa durii wahii naaf dhiyeessaa Yoo dhugaa dubbattoota taataniif.”

Ahkaf 46:5

Nama Rabbiin ala waan hanga Guyyaa Qiyaamaatti homaa isaaf hin owwaanneefi {1} isaan kadhaa isaanii irraa dagatoo ta’an gabbaru caalaa jallataan eenyu? ——— {1} hiikkaan kanaa homa gonkumaa isaaniif awwaachuu hin dandayan jechuudha.

Ahkaf 46:6

Yeroo ilmi namaa walitti qabamu diinota isaaniif ta’u. Ibaadaa isaaniittis kafaroo ta’u.

Ahkaf 46:7

Yeroo keeyyatoonni keenya ifa ta’anii isaan irratti dubbifaman, isaan kafaran dhugaan nijedhan yeroo isaanitti dhufe “kun Sihrii ifa galaadha”.

Ahkaf 46:8

Moo “(Muhammadtu SAW) sobaan isa uume” jedhu? (Yaa Muhammad!) jedhi “yoo ani sobaan isa uume (adabbii) Rabbii irraa homaa naaf tumsuu hin dandeessanu. Inni (Rabbiin) waan isin keessa galtan beekaadha. Anaafi isin giddutti ragaaf Inni ga’aadha. Inni araaramaa, rahmata godhaadha”.

Ahkaf 46:9

(Yaa Muhammad!) jedhi: “Ani ergamtoota irraa isa jalaqabaatii (kan fakkii hinqabnee) miti. Waan anaafi isin irratti dalagamuuf jiru hin beeku. Waan gara kiyyatti wahyii godhamu malee (wanta biraa) hin hordofu. Ani sodaachisaa ifa bahaadha malee waan biraatii miti.”

Ahkaf 46:10

Jedhi “Mee naaf himaa! Yoo (Qur’aanni kun) Rabbi biraa ta’ee itti kafartan, raga bahaan Ilmaan Israa’ilii irraa ta’e fakkaataa isaa irratti ragaa bahee, yoo amanee isin immoo boontan, (isin miidhaa hin hojjannee)? Rabbiin miidhaa raawwattoota hin qajeelchu”.

Ahkaf 46:11

Isaan kafaran isaan amananiin ni jedhu: “Odoo inni (Qur’aanni) waan gaarii ta’ee silaa gara isaatti nu hin dursanu ture.” Isaan eega hin qajeelinii “kun dhara duriiti” jechuuf jiru.

Ahkaf 46:12

Isa (Qur’aana) duras kitaaba Muusaa kan qajeelfamaafi rahmata ta’etu (ture). Kuni kitaaba dhugoomsaa, Afaan Arabaatiin (bu’ee) dha. akka warra miidhaa hojjatan sodaachisee, toltuu hojjattoota immoo gammachiisuuf.

Ahkaf 46:13

Isaan “Gooftaan keenya Allaahdha” jedhanii ergasii (sana irratti) gadi dhaabbatan, sodaan isaan irra hin jiru; isaan hin gaddanis.

Ahkaf 46:14

Isaan sun warra jannataati; ishee keessa yeroo hunda jiraatu; mindaa waan dalagaa turaniif (isaanif kenname).

Ahkaf 46:15

Namaaf abbaafi haadha isaatti tola ooluu dhaamne. Haati isaa rakkoon isa baadhattee (ulfooftee), rakkoon isa deesse, Ulfaafi harma gu’uun isaa ji’oota soddoma; hanga jabina isaa ga’ee, waggaa afurtama ga’u nijedhe “Gooftaa kiyya! Ani ni’imaa kee kan Ati ana, haadhaafi abbaa kiyya irratti oolte galateeffachuufi dalagaa gaarii Ati jaallattu hojjachuu na qabsiisi. Sanyii (hortee) kiyyas gaarii taasisi. Ani gara kee tawbaa deebi’eera. Ani Muslimtoota irraayi” jedhe.

Ahkaf 46:16

Isaan sun warra irra gaggaarii wantoota isaan dalaganii nuti irraa qeeballee, hamtuu isaanii dhiifama goonufi. (Fuula duras) namoota Jannataa keessatti ta’u. (Kun) waadaa dhugaa kan isaaniif galamaa ture.

Ahkaf 46:17

Inni abbaafi haadha isaatiin “isin lachaniifuu ish (uffi)! akka ani kaafamu natti himtuu Kanuma dhaloonni baay’een naan dura dabrtee jirtu, ?” jedhe. Haala isaan lamaan birmachuu Rabbii gaafachaa, “yaa badii kee!amani Beellamni Rabbii dhugaadhaa” (jedhanii gorsanuu) “kun ogbarruu warra duriiti malee waa biraa miti” jedha;

Ahkaf 46:18

Isaan sun warra jechi (adabbii) isaan irratti mirkanaa’eedha, ummattoota isaan dura dabran kan jinnootaafi namoota irraa ta’an keessatti. Isaan hoonga’oota ta’aniiru.

Ahkaf 46:19

Hundaafuu sadarkaatu jira waan dalagan irraa, hojii isaanii isaanii guutuuf (mindeessa) isaan hin miidhaman.

Ahkaf 46:20

Guyyaa isaan kafaran ibidda irra fidaman: “(wantoota) gaggaarii keessan jireenya keessan kan addunyaa keessatti dabarfattan. isitti qananiitan. Har’a adabbii salphisaa mindeeffamtu waan dachii keessatti dhugaan ala boonaa turtaniifi waan fincilaa turtaniif jecha (isaaniin jedhama).

Ahkaf 46:21

obboleessa Aad (Huud) yaadadhu, yeroo Ahqaafitti ummata isaa dinniine. Isa duraafi isa boodas sodaachiftoonni dabartee turte. “Allaah malee waan biraa hin gabbarinaa; ani adabbii guyyaa guddaan isin irratti sodaadha” (jechuun).

Ahkaf 46:22

(Ummanni isaas) ni jedhan: “Sila ati gooftolii keenya irraa akka gara nu galchituuf nutti dhuftee? waan nuun sodaachiftuun nutti koottu Yoo warra dhugaa dubbatan irraa taateef.”

Ahkaf 46:23

(Huud) ni jedhe: “Beekumsi (adabbittii) Allaah bira jira. Ani waanuman ittiin ergame qofan isinitti geessa. Garuu ani ummata wollaaloo ta’uun isin arga.”

Ahkaf 46:24

Yeroo isa (adabicha) (duumessa fakkaatee) gara laggeen isaanii garagalee dhufaa ta’uu argan: “kun duumessa nuuf roobu” jedhan. “Lakkisaa! Inni waan isa jarjarfachaa turtan sanii; bubbee adabbiin laalessaan isa keessa jiruudha” (jedhaman).

Ahkaf 46:25

Waan hunda ajaja Rabbii isheetiin balleessiti. Manneen isaanii malee wanti tokkos kan hin mul’anne ta’an. Akka kanatti namoota badii hojjatan mindeessina.

Ahkaf 46:26

(Yaa Qureyshotaa!) dhugumatti, Nuti waan isiniif hin mijeessin isaaniif mijeessinee turre. Dhageettii, agartuuleefi qalbiilees isaaniif goonee. Dhageettiin, agartuuleefi qalbiileen isaanii homaa isaan irraa hin deebifne. waan aayatoota keenya mormaa turaniif. Wanti isaan qishnaa itti godhaa turan isaanitti qubate.

Ahkaf 46:27

Dhugumatti, magaalota (ummatoota) moggaa keessan jiran gidduu (heddu) balleessinee jirra. Mallattoolee (keenyas) karaa adda addaatiin isaan argisiifne akka isaan deebi'aniif..

Ahkaf 46:28

Maaliif wantoonni isaan akka Rabbiitti isaan dhiheessituuf gabbaramoo godhatan isaan hin tumsin? Lakkisaa! (yeroo san) gonkumaa isaan irraa fagaatan. Kun kijiba isaanitiifi waan isaan sobaan haasa’aa turaniidha.

Ahkaf 46:29

(Yaa Muhammad!) Yeroo garee jinnoota irraa ta’e gara keetti garagalchine [yaadadhu] kan Qur’aana dhageeffatan ta’anii, Yeroo isa bira dhufan “cal’isaa (dhageeffadhaa)” (waliin) jedhan. Yeroo inni xumuramu immoo dinniintota ta’anii gara ummattoota isaanii deebi’an.

Ahkaf 46:30

Ni jedhan: “Yaa ummata keenya! Nuti kitaaba Muusaa booda bu’e dhageenyee jirra, kan waan isa duraa dhugoomsaa ta’e, kan gara dhugaafi gara karaa sirrii qajeelchu.

Ahkaf 46:31

Yaa ummata keenya! Waamaa Rabbii (nabi Muhammadiin) tole jedhaa; isattis amanaa. Inni (Rabbiin) badiilee keessan irraa isiniif araarama; adabbii laalessaa irraas isin baraara.

Ahkaf 46:32

Namni waamaa Rabbii tole hin jenne, dachii keessatti dadhabsiisaa miti; isaan (Allaahn) alas gargaaraan biraa isaaf hin jiru. Warri sun jallina ifa ta’e keessa jiru.”

Ahkaf 46:33

Sila Rabbiin, Isa samiileefi dachii uumee, isaan uumuu keessatti dadhabbiin itti hin dhaga’amin, du’aa kaasuu irratti danda’aa akka ta’e hin arginee? Eeyyeen; Inni waan hunda irratti danda’aadha.

Ahkaf 46:34

Guyyaa isaan kafaran ibidda irratti fidaman “sila kun dhugaa mitii?” (isaanin jedhama). Isaanis “Eeyyeen; Gooftaa keenyatti kakannee! (Dhugaa dha)” jedhu. Innis “Waan (Rabbitti) kafaraa turtaniif adabbii kana dhandhamaa” (isaaniin) jedha.

Ahkaf 46:35

(Yaa Muhammad!) Akkuma ergamtoota irraa warri murannoo obsetti, obsi. Isaanitti hin ariifatin. Guyyaa waan waadaa isaaniif galame argan akka waan guyyaa irraa sa’aatii tokko malee hin jiraatiniitti of lakkaa’u. (Qur’aanni) (ergaa) ga’aadha. Sila finciltoota malee namni biraa ni badaa?

Muhammed 47:1

Warra kafaranii, karaa Rabbii irraa [namoota] deebisan [Rabbiin] hojiiwwan isaanii balleesseera.

Muhammed 47:2

Warra amananii, dalagaa gaggaarii hojjatanii, waan Muhammad irratti buufametti amanan, ‘inni dhugaa Gooftaa isaanii irraa ta’e’ , (Rabbiin) diliilee isaanii isaan irraa haqe, haala isaaniis tolche.

Muhammed 47:3

Kun waan warri kafaran dhara (bu’ura hin qabne) hordofaniifi, warri amanan immoo dhugaa Gooftaa isaanii irraa ta’e hordofaniifi. Akka kanatti Rabbiin fakkeenyota isaanii ilma namaatiif ibsa.

Muhammed 47:4

Yeroo warra kafare qunnamtan mormoota dhawaa. hanga yeroo isaan dadhabsiiftanitti (isaan baay’ee ajjeeftanitti), hidhaa jabeessaa. Sana booda isaan irratti tola oolaa yookiin waa irraa fudhaa, hanga lolli qara (ho’a) ishee dhiiftutti (kana godhaa). Dubbiin kana, Rabbiin odoo fedhee isaan irraa haaloo bahata. Garuu (isaaniin loluutti wanni isin ajajeef) garii keessan gariin mokkoruuf jecha. Warra karaa Rabbii keessatti ajjeefaman hojii isaanii hin balleessu.

Muhammed 47:5

Fuulduratti isaan ni qajeelcha; haala isaaniis ni tolcha.

Muhammed 47:6

Jannata isaan seensisa; ishee isaanitti beeksisa.

Muhammed 47:7

Yaa warra amantan! Yoo (diin) Rabbii tumsitan, Inni isinii tumsa. Faannaan keessanis gadi dhaaba.

Muhammed 47:8

Warri kafaran badiin isaaniif ta’aadha. (Rabbiin) dalagaalee (hojii) isaanii ni balleessa.

Muhammed 47:9

Kun waan isaan waan Rabbiin buuse (Qur’aana) jibbaniifi. Kanaafuu (Rabbiin) dalagaa isaanii balleesse.

Muhammed 47:10

Sila dachii keessa deemanii hin ilaallee booddeen warra isaan duraa akkam akka ta’e? Rabbiin isaan barbadeesse. Kaafirootaaf fakkaattuun ishee taatuudha.

Muhammed 47:11

Kun waan Allaahn gargaaraa warra amananii ta’eefi kaafiroonni immoo gargaaraan isaaniif hinjiru.

Muhammed 47:12

Rabbiin warra amananii, hojiiwwan gaggaarii hojjatan jannatoowwan laggeen ishee keessa yaa’u seensisa. Warri kafaran immoo (addunyaa irratti) qanani’aniiti, akkuma beelladoonni nyaatanitti nyaachaa (jiraatan). Ibiddi bakka jireenya isaaniiti.

Muhammed 47:13

Baay’ee magaalotaa, kan magaalaa tee ishee (of irraa) si baafte (Makkaan) irra ciccimoo ta’an balleessinee jirra. Homaa tumsaan isaaniif hin jiru.

Muhammed 47:14

Sila inni ragaa (ifa ba’aa) Gooftaa isaa irraa ta’e irra jiru akka nama dalagaan hamtuun isaa isaaf miidhagfamee nitahee? kan fedha lubbuu isaanii hordofan.

Muhammed 47:15

Fakkeenyi jannata warra Rabbiin sodaatan waadaa galamanii (akka kana): ishee keessa laggeen bishaan hin xiraahin irraa ta’etu jira, (akkasuma) laggeen aannan dhandhamni isaa hin jijjiiramin irraa ta’e, laggeen daadhii namoota dhuganiif mi’aayaa ta’e irraa ta’eefi laggeen damma qulqulleeffame (nadhii) irraa (ta’etu jira). Ammas isaaniif ishee (jannata) keessa fuduraalee hundaafi araarama Gooftaa isaanii irraa ta’etu jira. (Sila isaan kun) akka namoota ibidda keessa yeroo hunda jiraataniifi bishaan danfaa obaafamanii, inni marrimaan isaanii cicciruutii? (lakki jarru sun akka jara kanaatii miti).

Muhammed 47:16

Isaan irraa namoota si dhaggeeffatee hanga yeroo si biraa gadi bahanii nijedhan warra beekkumsa kennamaniin “reefu maal jedhe?”. Isaan sun warra qalbiilee isaanii irratti Rabbiin cufee, fedhiilee isaanii hordofan.

Muhammed 47:17

Isaan qajeelan (Rabbiin) qajeeluma isaaniif dabalee, sodaa isaanii isaaniif kenne.

Muhammed 47:18

Sila ni eeganii Qiyaaman tasa isaanitti dhufuu malee? Mallattooleen ishee dhufe. Yeroo isheen isaanitti dhufte gorfamuun isaanii akkamitti isaaniif ta’a?

Muhammed 47:19

Rabbiin malee dhugaan gabbaramaan biraa hinjiruu beeki; dilii teetiif araarama (Rabbii) kadhu; mu’uminoota dhiiraafi dubartootaatiifis (kadhu). Rabbiin sochii keessaniifi qubannoota keessanis ni beeka.

Muhammed 47:20

Warri amanan “odoo suuraan (jihaada ajajju) buufamtee maal qaba?” jedhu. Yeroo Suuraan heera tumtu buufamtee ishee keessatti lolli dubbatame, warra onneewwan isaanii keessa dhukkubni jiru - ilaalcha nama machii du’aa isa gaggabsee- kan gara kee ilaalan argita. Badiin isaaniif haa ta’u.

Muhammed 47:21

Ajaja fudhachuufi jecha gaariitu (isaaniif caala). Yeroo dhimmichi murtaa’e odoo Rabbitti dhugaa haasa’anii irra isaaniif caala ture.

Muhammed 47:22

Sila yoo duubatti deebitan dachii keessatti badii hojjachuufi firooma keessan muruu kajeeltanii?

Muhammed 47:23

Isaan sun warra Rabbiin isaan abaaree gurra isaaniis duuchee ijoowwan isaanii jaamseedha.

Muhammed 47:24

Sila Qur’aana hin xiinxalanii? Moo onneewwan isaanii irra cufaa isheetu jira?

Muhammed 47:25

Isaan duubatti garagalan erga karaan qajeelaan isaaniif ibsame booda, sheyxaanatu (hojii gadhee) isaanitti bareechee hamilee isaanitti godhe.

Muhammed 47:26

Kun waan isaan warra waan Rabbiin buuse jibbaniin “dhimma garii keessatti ajaja keessan fudhanna” jedhaniif. Rabbiin iccitii isaanii ni beeka.

Muhammed 47:27

Akkam tahuu taa’an Yeroo maleeykonni isaan ajjeeftu, fuulleen isaaniitiifi dugdowwan isaanii tumaadhaa?

Muhammed 47:28

Kun waan isaan waan Rabbiin dallansiisu hordofaniifii jaalala Isaa (Rabbii) jibbaniifi. (Rabbiin) dalagaalee isaanii balleesse.

Muhammed 47:29

Sila warri onneewwan isaanii keessa dhukkubni jiru Rabbiin jibbansa (garaa isaanii keessa jiru) hin baasuu yaadanii?

Muhammed 47:30

Odoo feenee isaan sitti argisiifneeti, mallattoolee isaanitiin isaan beekta. Ergaa jechootaatiinis isaan ni beekta. Rabbiin dalagaalee keessan ni beeka.

Muhammed 47:31

Isin mokkorra Hanga beeknutti (adda baafnutti) nqabsaa’otaafi obsitoota isin irraa tahan. oduulee keessanis nimokkorra (adda baafna).

Muhammed 47:32

Isaan kafaranii karaa Rabbii irraa (nama) dhorgan, erga karaan qajeelaan isaaniif ifa ta’e booda ergamaa (Rabbii) didan, homaa Rabbiin hin miidhanu (Rabbiin) dalagaalee isaanii balleessuuf jira.

Muhammed 47:33

Yaa warra amantan! Rabbiif ajajamaa; ergamaa (Isaatifis) ajajamaa; dalagaawwan keessan hin balleessinaa.

Muhammed 47:34

Isaan kafaranii (namoota) karaa Rabbii irraa dhorgan, ergasii kafaroo ta’anii du’an, Rabbiin isaaniif hin araaramu.

Muhammed 47:35

Hin dadhabinaa; gara araaramaatti hin waaminaa. isintu injifatoodha. Rabbiin isin waliin jira; dalagaalee keessan isin irraa hin hir’isu.

Muhammed 47:36

Jireenyi addunyaa taphaafi dagduudha, Yoo amantanii Rabbiin sodaattan mindaalee keessan isiniif kenna; qabeenya keessan isin hin gaafatu.

Muhammed 47:37

Yoo ishee isin gaafatee (gaafii) isinitti bay’ise isin ni dhorgattu turtan; Innis (Rabbiinis) gadoo keessan ni baasa.

Muhammed 47:38

Isin warri kun dhaga’aa! Karaa Rabbii keessatti arjoomuuf waamamtu. Isin irraa nama doynoomuutu jira. Namni doynoome kan inni dooynoomu lubbuma isaa irratti. Rabbiin dureessa; isin hiyyeeyyiidha. Yoo garagaltan, (Rabbiin) namoota biraa kan isin hin ta’in bakka keessan buusa. Isaan ergasii akka keessan hin ta’an.

Feth 48:1

(Yaa Muhammad!) Nuti siif banne baniinsa mul'ataa.

Feth 48:2

Akka Rabbiin dilii tee irraa waan dabreefi waan dhufus siif araaramuuf, akka ni’imaa Isaa sirratti guutufi, akka karaa qajeelaa si qajeelchuf jecha (injifannoo ifa ta’e siif kenne).

Feth 48:3

Rabbiin tumsa cimaa sii tumsuuf (si injifachiise).

Feth 48:4

Inni Isa tasgabbii onneewwan mu’uminootaa keessatti buuse, akka isaan iimaana isaanii wajjiin iimaana dabalataniifi, Waraanni samiifi dachii kanuma Rabbiiti, Rabbiin beekaa ogeessa ta’eera.

Feth 48:5

Mu’uminoota dhiiraafi dubartootaa jannata isa jala laggeen yaa’an seensisuufi, kan yeroo hunda ishee keessa jiraatan. diliilee isaanii isaan irraa haquufi, kun Rabbiin biratti milkii guddaa ta’eera.

Feth 48:6

Munaafiqoota dhiiraafi dubartootaa azzabuufi, mushrikoota dhiiraafi dhalaas, isaan Rabbi irratti hamtuu yaadan, isaan irratti marsaan hamtuun taatuudha. Rabbiin isaan irratti dallane.isaan abaare, Jahannamiinis isaaniif qopheesse, waa hammaattee deebii tahuun isii!

Feth 48:7

Waraanni samiifi dachii (hundi) kan Allaahti. Rabbiin injifataa, ogeessa ta’eera.

Feth 48:8

(Yaa Muhammad!) Nuti ragaa, gammachiisaafi sodaachisaa goonee si ergine.

Feth 48:9

(Yaa Namootaa!) Akka isin Allaahfi ergamaa isaatti amantaniifi, isa guddiftanii, kabajjaniifi akkasumas ganamaafi galgala Isa faarsitaniif (isiniif ergine).

Feth 48:10

Isaan ahdii siif seenan, kan isaan ahdii seenan Rabbiifi. Harki Rabbii harkoowwan isaanii gubbaadha. Namni waadaa diige, kan inni waadaa diige lubbuma isaa irratti. Nama waan irratti Rabbiif waadaa gale guute, Inni mindaa guddaa isaa kennuuf jira.

Feth 48:11

Shanaanota irraa namoonni duubatti hafan “qabeenyalee keenyaafi maatiilee keenyatu nu qabe; Rabbiin araarama nuuf kadhu” siin jechuuf jiru. Waan onneewwan isaanii keessa hin jirre arraboota isaanitiin jedhu. (Yaa Muhammad) eenyutu waan Allaahn barbaade irraa isiniif waa gochuu dandaya? “yoo Inni miidhaa isin irra geessuu yookiin bu’aa isiniif kennuu fedhe, Rabbiin waan isin hojjattan beekaa ta’eera” jedhi.

Feth 48:12

Dhugumatti, Ergamaan Rabbiitiifi mu’uminoonni gara maatii isaanii gonkumaa hindeebi'anii yaaddanii turtan. Sun onneewwan keessan keessatti miidhagfame, yaada hamtuu yaaddan, ummata mancaafamoo taatan.

Feth 48:13

Namni Rabbiifi ergamaa Isaatti hin amanin (kaafira). Nuti kaafirootaaf ibidda boba’aa qopheessinee jirra.

Feth 48:14

Mootummaan samiileefi dachii kan Rabbiiti, Nama fedheef ni araarama; nama fedhes ni adaba. Rabbiin araaramaa, mararfataa ta’eera.

Feth 48:15

Isaan duubatti hafan “yeroo gara boojuu, ishee fudhachuuf deemtan isin hordofnaa nu dhiisaa” jedhu. Jecha Rabbii jijjiiruu fedhu. “Nu hin hordoftan! Rabbiin duraanis akkasuma jedhe” jedhiin. “Isin nu waanyitu (hassaddu)” jechuuf jiru. Waa xiqqoo malee hin hubatanu.

Feth 48:16

Shanaanota irraa isaan duubatti hafaniin jedhi: “gara namoota lolatti cimoo ta’aniitti waamamuuf jirtu; isaaniin loltu yookiin harka kennu. yoo tole jettan, Rabbiin mindaa gaarii isiniif kenna. Yoo akkuma duraan garagaltanitti ammas garagaltan, Inni adabbii laalessaa isin adaba.

Feth 48:17

(Lola irraa hafuudhaan) jaamaa irra badiin hin jiru. Hokkolaa irras badiin hin jiru. Dhukkubsataa irras diliin hin jiru. Nama Rabbiifi ergamaa isaatif ajajame, (Rabbiin) jannatoowwan laggeen ishee jala yaatu isa seensisa. Nama irraa garagale immoo adabbii laalessaa isa adaba.

Feth 48:18

(Yaa Muhammad!) Rabbiin mu’uminoota yeroo isaan muka jalatti waadaa siif galan irraa jaallateera. Waan onneewwan isaanii keessa jirus beekeera. Tasgabbii isaan irratti buuse. injifannoo dhihoo ta’e (sulhii hudeebiyaa) isaaniif galata galche.

Feth 48:19

Boojii baay’ee ta’e kan isaan fudhatanis (galata galche). Rabbiin injifataa, ogeessa ta’eera.

Feth 48:20

Rabbiin boojuu baay’ee kan ishee fudhattan waadaa isiniif galeera. Ishee kana immoo isiniif jarjarse. Harkoowwan namootaa isin irraa qabe. (Kanas kan godhe) akka isheen mu’uminootaaf mallattoo taatuufi, karaa qajeelaa isin qajeelchuufi.

Feth 48:21

(Injifannoofi boojuu) biraa kan isin irratti hindandayin, kan Rabbiin dhugumatti ishee marsetu jira. Rabbiin waan hunda irratti danda’aa ta’eera.

Feth 48:22

Isaan kafaran odoo isinin lolaniiyyuu, dugdota garagalan. eegasii tiksaafi tumsaa hin argatan.

Feth 48:23

Karaa Rabbii kan dhugumatti duraan dabarte (karaa godhe). Karaa Rabbiitiif jijjiirama hin argitu.

Feth 48:24

Innis Isa harka isaanii isin irraa, harka keessanis isaan irraa qabeedha Laga Makkaa keessatti. erga isaan irratti isin moosisee booda. Rabbiin waan isin hojjattan argaa ta’eera.

Feth 48:25

Isaan warra kafaranii, masjiida kabajamaa (seenuu) irraa isin dhorganii, horii wareegaas hidhamaa tahee akka iddoo qalma isaanii hin geenye (dhorgan). Odoo dhiirotiin mu’uminoota ta’aniifi dubartoonni mu’uminoota ta’an kan isin hin beekne jiraachuu baatanii; isin isaan irra ejjachuun (ajjeesuun) jiraachuu baatee; odoo hin beekin isaan irraa rakkinni (diliin) isin tuquun jiraachuu baatee (Rabbiin isiniif hayyama ture). Rabbiin nama fedhe rahmata Isaa keessa seensisuuf (hin hayyamini). Odoo (mu’uminootaafi kaafiroonni) addaan bahanii silaa isaan irraa warra kafaran adabbii laalessaa ta’een adabna turre.

Feth 48:26

Yeroo warri kafare qalbii isaanii keessa haaloo, hinaaffaa wallaaltotaa godhee, Rabbiin tasgabbii isaa ergamaa isaatiifi mu’uminoota irratti buusee. jecha sodaa (Isaa) isaan qabachiise [yaadadhu]. Isaanumatu ishee haqa godhatee, warra ishee ta’e. Rabbiin waan hunda beekaa ta’eera.

Feth 48:27

Rabbiin ergamaa Isaatiif manaama haqaan dhugoomsee jira. Yoo Rabbiin fedhe masjiida kabajamaa niseentu, nagayaan mataalee keessan haaddachaa, (gariinis) gabaabsachaa, odoo hin sodaanne. Inni (Rabbiin) waan isin hin beekin beekeeti sanaa asitti injifannoo dhihoo (araara hudeeybiyaa) godhe.

Feth 48:28

Inni Isa ergamaa Isaa erge qajeelloofi amantii dhugaatiin. amantii hunda irratti ol isa taasisuuf. Ragaaf Rabbiin ga’aadha.

Feth 48:29

Muhammad ergamaa Rabbiiti. Warri isaan wajjii kuffaara irratti ciccimoo, gidduu isaanitti immoo wal mararfatoodha. rukuu’aafi sujuuda kan baay’isan argita Tolaafi jaalala Rabbii barbaadan. Mallattooleen isaanii fuulleen isaanii keessa jira kan faanaa sujuudaa irraa ta’e. Sun fakkeenya isaanii kan Tawraat keessaati. Fakkeenyi isaanii kan Injiil keessa jiru immoo akka midhaan lakkuu isaa baasee isa jabeessee, furdatee, jirma isaa irratti dhaabbateeti. facaafattoota jaalachiise. (Wanni akkanatti isaan jabeessef) akka isaaniin kaafirtoota dallansiisuufi. Rabbiin isaan irraa warra amananii gaggaarii hojjatan araaramaafi mindaa guddaa waadaa isaaniif galee jira.

Hucurat 49:1

Yaa warra amantan! Rabbiifi ergamaa Isaa dura hin dabrinaa. Rabbiin sodaadhaa. Rabbiin dhagayaa, beekaadha.

Hucurat 49:2

Yaa warra amantan! Sagaleewwan keessan sagalee Nabiyyichaa irra ol hin kaasinaa. haasa’a isa irratti ol hin fuudhinaa, akka gariin keessan garii irratti ol fuudhutti. Akka dalagaawwan keessan odoo isin hin beekne hin banneef jecha.

Hucurat 49:3

Isaan sagaleewwan isaanii ergamaa Rabbii biratti gadi qabatan, isaan sun warra Rabbiin onneewwan isaanii sodaa Rabbiitif qorate. Isaaniif araaramaafi mindaa guddaatu jira.

Hucurat 49:4

Isaan duuba manneenii irraa si waaman, hedduun isaanii hin hubatanu.

Hucurat 49:5

Odoo hanga ati isaanitti gadi baatutti obsanii silaa (sanatu) isaaniif caala taha ture. Rabbiin araaramaa, rahmata godhaadha.

Hucurat 49:6

Yaa warra amantan! Yoo jallaan oduun isinitti dhufe dubbii adda baafadhaa, akka wallaalumaan namoota miitanii, ergasii waan hojjattan irratti hin gaabbineef.

Hucurat 49:7

Isin keessa ergamaa Rabbiittu jiraa beekaa. Dhimmoota baay’ee keessatti odoo isin tole jedhee nirakkattu ture. Garuu Rabbiin iimaana gara keessanitti jaallachiise, onneewwan keessan keessatti isa miidhagsee, kufrii, fincilaafi dilii gara keessanitti jibbamaa godhe. Isaan sun (warri iimaana jaalatanii kufrii jibban) isaanumatu qajeeloodha.

Hucurat 49:8

Tolaafi ni’imaa Rabbi irraa ta’een (kana godhe). Rabbiin beekaa, ogeessa.

Hucurat 49:9

Yoo gareen mu’uminoota irraa ta’an lama wal waraanan, gidduu isaanii araarsaa. Yoo takkaan isaan lameeni taan irratti daangaa darbite, ishee daangaa darbite san hanga isheen gara ajaja Rabbii deebitutti waraanaa. Yoo isheen (ajaja Rabbiitif) bulte gidduu isaanitti haqaan tolchaa; wal qixxeessas. Rabbiin warra wal qixxeessan jaallata.

Hucurat 49:10

Mu’uminoonni obboleeyyani; gidduu obboleeyyan keessanii tolchaa. Rabbiin sodaadhaa Akka mararfatamtanuuf jecha.

Hucurat 49:11

Isin yaa warra amantan Dhiironni dhiirota biraatti hin qoosin. Isaan irra caaluun isaanii (tuffatamtootaa) ni mala. Dubartoonnis dubartoota biraa (hinqoosin). Isaan irra caaluun isaanii (tuffatamtootaa) ni mala. lubbuulee teessan wal hin xureessina; maqaa qoosaatiin wal hin arrabsinaa. Erga amanuutii maqaan faasiquummaa (amantiin alaa) waa fokkatee! Namni hin tawbatin, isaanumatu miidhaa raawwattoota.

Hucurat 49:12

Yaa warra amantan! Hedduu seehaa (mamii) irraa fagaadhaa; gariin seehaa diliidha. Wal hin basaasinaa. Gariin keessanis garii hin hamatin. Tokkoon keessan foon obboleessa isaa odoo du’ee jiruu nyaachuu ni fedhaa? jibbitanii jirtan. (isa jiraa hoo maalif nyaachuu feetan?) Rabbiin sodaadhaa. Rabbiin akkaan tawbaa qeebalaa, rahmata godhaadha.

Hucurat 49:13

Isin Yaa namootaa! Nuti dhiiraafi dubartii irraa isin uumne, sabootaafi gosoota isin taasifne akka wal beektaniif jecha. Rabbiin biratti irra kabajamaan keessan, irra Rabbiin sodaataa keessani. Rabbiin beekaa keessa hubataadha.

Hucurat 49:14

Shanaanoon “nuti amanneerra” jette. jedhiin isin hin amanne garuu islaamoyne jedhaa, hanga silaa iimaanni onneewwan keessan keessa hin seenne. yoo ajaja Rabbiifi ergamaa Isaa fudhattan, hojiiwwan keessan irraa homaa isinduraa hin hir’isu. Rabbiin araaramaa, mararfataadha.

Hucurat 49:15

Mu’uminoonni isaan Rabbiifi ergamaa Isaatti amananii, ergasii hinshakkini, qabeenyaalee isaanitiifi lubbuulee isaaniitiin karaa Rabbii keessatti qabsaa’aniidha. Isaan isaanumatu warra dhugaati.

Hucurat 49:16

Jedhi: “Amantii keessan Rabbiin beysiistuu? Rabbiin waan samiilee keessa jiruufi waan dachii keessa jiru ni beeka. Rabbiin waan hunda beekaadha.”

Hucurat 49:17

Islaamawuu isaaniitiin sirratti galata himatu “Islaamummaa keessaniin ana irratti galata hin himatinaa, Rabbiin waan imaanatti isin qajeelcheef isin irratti galata himata” jedhiin. Yoo warra dhugaa taatan (kan galata himatu Rabbi tahuu beekaa).

Hucurat 49:18

Rabbiin fagoo samiileefi dachii keessaa ni beeka. Rabbiin waan isin dalagdan (hunda) argaadha.”

Kâf 50:1

Qaaf Qur’aana guddaanin (kakadha).

Kâf 50:2

Dhugumaatti, sodaachisaan isaan irraa ta’e isaanitti dhufuu dinqisiifatan. Kaafiroonni “kun waan dinqisiisaadha” jedhan.

Kâf 50:3

“Sila yeroo duunee biyyee taane (ni kaafamnaa)? Sun deebii fagoodha.”(jedhu).

Kâf 50:4

Dhugumatti, waan dachiin isaan irraa hir’iftu beeknee jirra. kitaabni tiksaan nu biratti tahee jira.

Kâf 50:5

Dhugumatti isaan dhugaa sobsiisan yeroo inni isaanitti dhufu. Isaan dubbii wal makataa keessa jiru.

Kâf 50:6

Sila gara samii gubbaa isaanii jirtuu hin ilaallee? akkamitti akka ishee ijaarreefi ishee miidhagsine, uraan homaatuu isiif hintaane.

Kâf 50:7

Dachii diriirsinee gaarreen dhaabbatoo ishee keessatti gadi suuqnee, akaakuu (biqiltootaa) babbareedoo hunda irraa ishee keessatti magarsine.

Kâf 50:8

Gabricha tawbatuuf hubannaafi gorsa akka ta’uuf (kana goone).

Kâf 50:9

Samii irraas bishaan barakaa qabu buufne. isaan ashaakiltiiwwaniifi firiiwwan haamamanis biqilchine.

Kâf 50:10

Hundee timiraa dhedheeroo, kan daraaraa dachaa (ni magarsine).

Kâf 50:11

Hiree Gabrootanniitiif (buufne). Isaan (bishaan saniin) dachii duutuu jiraachifne. Baafamuunis akkuma kana.

Kâf 50:12

Isaaniin dura ummanni Nuuh kijibsiifte, warri eelaatiifi Samuudis.

Kâf 50:13

Aad, Fir’awniifi obboleeyyan Luuxis (kijibsiisan).

Kâf 50:14

Warri bosonaatiifi ummanni Tubba’is Hunduu ergamtoota sobsiisan, adabbiin (kiyya) isaanitti mirkanaa’e.

Kâf 50:15

Sila Nuti uumaa duraatiin ni dadhabnee? Lakkii! Isaan uumaa haarawa irraa shakkii wal makate keessa jiru.

Kâf 50:16

Nuti dhugumatti, nama uumneerra. Waan lubbuun isaa itti hasaastus ni beekna. Nuti (beekumsa keenyan) hidda dhiigaa (dhamaa) irra gara isaatti dhihoodha.

Kâf 50:17

Yeroo (maleeykonni) jecha fuudhan lamaan mirgaafi bitaa isaa irra taa’anii jecha fuudhan (yaadachiisi).

Kâf 50:18

Jecha tokkoyyuu hin dubbatu Tiksaan itti dhihaataan isa bira jiraatu malee .

Kâf 50:19

Machiin du’aa dhugaan dhuftee jirti. “Kun waan ati irraa dheessaa turteedha” (jedhamaan).

Kâf 50:20

Xurumbaan ni afuufama; sun guyyaa sodaachisaati.

Kâf 50:21

Lubbuun hundi haala ishee wajjin oofaafi ragaa bahaan jiranuun dhufte.

Kâf 50:22

“Ati kana irraa daguu keessa turte. Nuti haguuggaa kee sirraa kaafne. ijji kee har’a qara” (jedhamaan).

Kâf 50:23

Qindiin (maleeyakaan) isaa ni jedha: “kun waan (galmaa’ee) na bira dhihaataa tahee jiruudha.”

Kâf 50:24

Akkaan kafaraa haqa didaa hunda jahannamitti darbaa.

Kâf 50:25

(Kaafira) toltuu dhorgaa, daangaa dabraafi shakkaa ta’e (jahannamitti darbaa).

Kâf 50:26

Isa Rabbii wajjin gabbaramaa biraa taasise azaaba cimaa keessa isa buusaa.

Kâf 50:27

Hiriyaan isaa (kan sheyxaanaa) ni jedha: “Gooftaa keenya! Ani isa hin jallifne. Garuu isumatu jallina fagoo ta’e keessa ture.”

Kâf 50:28

Rabbiin ni jedha,“Ana biratti wal hin falminaa, Ani dursee sodaachisa kiyya gara keessanitti ergeera.

Kâf 50:29

Ana biratti jechi hin jijjiiramu; Ani gabroota kiyya miidhaa miti.”

Kâf 50:30

Guyyaa Nuti jahannamiin “sila guutamteettaa?” jennuun, isheen immoo “dabalanni jiraa?” jettu (isaan sodaachidi.)

Kâf 50:31

Jannanni dhiheeffamte namoota Rabbi sodaataniif haala hin fagaatiniin.

Kâf 50:32

Kun waan waadaa galamtaniidha Cufa nama akkaan gara Rabbii deebi’aa tikfataa ta’eetiif, (jedhama).

Kâf 50:33

“Nama fagotti Rahmaan sodaatee, onnee gara Rabbii deebituun dhufeefi (nidhihaatti).

Kâf 50:34

Nagayaan ishee seenaa; sun guyyaa hafiinsaati” (jedhama).

Kâf 50:35

Isaaniif waan fedhantu ishee keessa jira, Nu bira daballis jira.

Kâf 50:36

Meeqaa meeqa balleessinee Isaan dura dhalootarraa? (baayyee), isaantu (warra balleeysineetu) humnaan isaan (ammaa kana) irra ciccimoodha. Biyya keessa fiigan (qoratan) “iddoo baqaan jiraa?” jechaa.

Kâf 50:37

San keessa yaadannootu jira, Nama onnee qabuuf yookin gurra itti kennuuf,haala yeroo (gorsa) irratti hirmaataa taheen.

Kâf 50:38

Dhugumatti, Nuti samiileefi dachii, wantoota gidduu isaanii jiran guyyoota jaha keessatti uumne; dadhabbirraa homtuu Nu hin tuqne.

Kâf 50:39

Waan isaan jedhanu irratti obsi. galata Rabbii keetiitiin baha aduu duraafi lixa (ishee) dura faarsi.

Kâf 50:40

Halkan irraas Isa qulqulleessi; salaata boodas (isa qulqulleessi).

Kâf 50:41

Guyyaa lallabaan iddoo dhihoo irraa lallabu dhaggeeffadhu.

Kâf 50:42

Guyyaa dhugaan iyyansa dhagayan, sun guyyaa (qabrii irraa) ba’iinsaati.

Kâf 50:43

Nuti, Numatu jiraachisa; Numatu ajjeesas; deebiin (dhumaas) garumma keenya.

Kâf 50:44

Guyyaa dachiin isaan irraa ariitiidhaan babbaqaqxu (deebiin garuma keenya). Sun walitti qabuu Nurratti laafaa ta’eedha.

Kâf 50:45

Nuti akkaan beekoo waan isaan jedhaniiti. Ati isaan irratti moosifamaa hin taane. Nama adabbii (kiyya) sodaatu Qur’aanaan gorsi.

Zariyat 51:1

(Qilleensa) bubbisiinsa bubbiftuunin kakadha.

Zariyat 51:2

(Duumessa bishaan) ulfaataa baadhattuunis.

Zariyat 51:3

(Dooniwwan) haala salphaan (bishaan gubbaa) yaa’aniinis.

Zariyat 51:4

(Maleykota) ajaja (Rabbii) raabsaniinis.

Zariyat 51:5

Wanti isin beellamamtan dhugaadha.

Zariyat 51:6

Murtiin argamaadha.

Zariyat 51:7

Samii abbaa miidhaginaatiin 9karaa urjiitiin) kakadhe.

Zariyat 51:8

Isin yaada wal dhadhabaa keessa jirtu.

Zariyat 51:9

Kan namni haqa irraa garagalfamu ittiin garagalfamuudha.

Zariyat 51:10

Sobdoonni abaaramaniiru.

Zariyat 51:11

Isaan sun wallaaluma keessatti kan of dagataniidha.

Zariyat 51:12

“Guyyaan galataa yoomi?” (jechuun) gaafatu.

Zariyat 51:13

(Inni) Guyyaa isaan ibidda irra fidamanii (qoratamaniidha).

Zariyat 51:14

“Adaba keessan dhandhamaa, kun ka isa jarjarsiifachaa turtani ” (isaaniin jedhama).

Zariyat 51:15

Isaan Rabbiin sodaatan, jannataafi burqituuwwan keessa jiraatu.

Zariyat 51:16

Waan Gooftaan isaanii isaaniif kenne fudhatoodha, Isaan sana dura toltuu hojjattoota turan.

Zariyat 51:17

Halkan irraa xiqqaa qofa kan rafan turan.

Zariyat 51:18

Yeroo hiraabaa (obboroo) isaan araarama kadhatan.

Zariyat 51:19

qabeenya isaanii keessa kadhataafi kan hin kadhanneefis haqni jira.

Zariyat 51:20

Dachii keessa mu'imintootaaf mallattooleetu jiru.

Zariyat 51:21

Lubbuulee keessan keessas (akkasuma), Sila hin argitanuu?

Zariyat 51:22

Samii keessa jira Sooranni keessaaniifi wanti isin waadaa galamtanis.

Zariyat 51:23

Gooftaa samiifi dachiitiin kakadhee! Inni dhugaa fakkiidhuma waan isinuu dubbattanuuti.

Zariyat 51:24

Seenaan keessummaa Ibraahiim kabajamoo ta’anii sitti dhufeeraa?

Zariyat 51:25

Yeroo isa irratti seenanii “Nagaa (si irratti buufna)” jedhan. [Inni] “nageenyi (isin irras haa jiraatu); ummata wallaalamoo” jedheen.

Zariyat 51:26

Gara maatii isaa deebi’eeti mirgoo (jibicha) gabbataan dhufe.

Zariyat 51:27

Isaanitti dhiyeesseeti “sila hin nyaattanuu?” jedhe.

Zariyat 51:28

Ergasii (yeroo nyaachuu dhabuu isaanii argu) isaan irraa sodaan isa qabe. Isaan “hin sodaatin” jedhaniin. Ilma beekumsa qabuunis isa gammachiisan.

Zariyat 51:29

Sana booda niitin isaa sagalee ol fuudhamaan haasa’aa dhufte. Fuula ishee dhooyte “Ani dullattii maseena hoo (akkamittin daha)!” jette.

Zariyat 51:30

(Maleykonni) ni jedhan: akka kana Rabbiin kee jedhe inni isaatu ogeessa beekaadha.

Zariyat 51:31

(Ibraahiim) ni jedhe: “Yaa ergamootaa! dubbiin keessan maali?”

Zariyat 51:32

[Isaan] ni jedhan: “Nuti gara ummata yakkamtootaa ergamne.

Zariyat 51:33

Dhagaa dhoqqee gubataa irraa ta’e isaan irratti erguuf (dhufne).”

Zariyat 51:34

Rabbii kee biratti daanga dabartootaaf kan milikitoomfamte haala taateen.

Zariyat 51:35

Mu’uminoota irraa namoota ishee keessa jiran ni baafne.

Zariyat 51:36

ishee keessatti homaa hin argine Mana Muslimtootaa irraa ta’e tokko malee.

Zariyat 51:37

Warra adabbii laalessaa sodaataniif ishee keessatti mallattoo hambifnee jirra.

Zariyat 51:38

(Seenaa) Muusaa keessas yeroo ragaa ifa ba’aan gara Fir’awnitti isa ergine (mallattoo goonee jirra).

Zariyat 51:39

(Fir’awnis) humna waraanaa isaa waliin (dhugaa irraa) gara galee, “(Muusaan) falfalaadha; yookiin maraataadha” jedhe.

Zariyat 51:40

Isaafi waraana isaas qabnee. galaana keessatti isaan darbine haala inni komatamaa ta’een.

Zariyat 51:41

(Seenaa) Aad keessas, yeroo qilleensa maseenaa isaan irratti ergine (mallattootu jira).

Zariyat 51:42

Waan isa irra dhufte tokkoyyuu akka lafee dhumee isa gootu malee hin dhiiftu.

Zariyat 51:43

(Seenaa) Samuud keessas, yeroo hanga murtaa’e tokko qanani’aa isaaniin jedhame (mallattootu jira).

Zariyat 51:44

Ajaja Gooftaa isaanii irraa ni boonan. iyyansi (dhumti) isaan qabatte Odoo isaan ilaalanuu .

Zariyat 51:45

Ergasii dhaabbachuu hin dandeenye; tumsamoos hin taane.

Zariyat 51:46

Ummata Nuuhis san dura (ballessinee jirra). isaan ummata finciltoota turan.

Zariyat 51:47

Samiis humnaan ishee ijaarre. Dhugumatti, Nuti (ishee) bal’isoodha.

Zariyat 51:48

Dachiis diriirsinee jirra; (Nuti) diriirsitoonni waa tolle!

Zariyat 51:49

Akka isin gorfamtaniif waan hunda irraa qindiiwwan uumne.

Zariyat 51:50

Gara Rabbii baqadhaa. Ani Isa irraa isiniif sodaachisaa ifa bahaadha.

Zariyat 51:51

Allaah wajjini gabbaramaa biraa hin taasisinaa. Ani Isa irraa isiniif sodaachisaa ifa bahaadha.

Zariyat 51:52

Akkasuma, ergamaan tokkos warra isaan dura turanitti hin dhufne, yoo isaan “falfalaadha; yookiin maraataadha” jedhaniin malee.

Zariyat 51:53

Sila isa (sobsiisuu kana) waliif dhaamanii? Lakkisaa, isaanumatu ummata daangaa dabroodha.

Zariyat 51:54

Isaan irraa garagali; ati komatamaa miti.

Zariyat 51:55

Yaadachiisi; yaadachiifni mu’uminoota ni fayyaddii.

Zariyat 51:56

Jinniifi ilma namaa haa na gabbaraniif malee hin uumne.

Zariyat 51:57

Hiree homaatuu isaan irraa hin fedhu. Akka Ana nyaachisanis hin fedhu.

Zariyat 51:58

Rabbiin Isatu akkaan hiree kennaa, abbaa humna cimaati.

Zariyat 51:59

Miidhaa raawwattootaaf qooda adabaa kan akka adabbii fakkaattota isaaniitu jiraafii akka Nan jarjarfanne.

Zariyat 51:60

Warra kafaraniif guyyaa isaanii kan beellama godhaman keessatti badiin isaaniif mirkanaa’eera.

Tûr 52:1

(Gaara) Xuuriin kakadhe. {1} ——— {1} gaarri xuur kuni gaara Rabbiin nabi muusaa irratti dubbise.

Tûr 52:2

Kitaaba barreeffamaanis.

Tûr 52:3

Xalaayaa bal’ifamaa keessatti.

Tûr 52:4

Mana jiraachifamaanis. {2} ——— {2} inni mana samii keessatti tahe. malaaykaan isatti xawaafti.

Tûr 52:5

Ijoo (gombisaa) ol fuudhamaanis. {3} ——— {3} kana jechuun samii duniyaati.

Tûr 52:6

Galaana bishaaniin guutameenis.

Tûr 52:7

Dhugumatti, adabbiin Gooftaa keetii argamaadha.

Tûr 52:8

Deebisaan tokkolleen isaaf hintaane.

Tûr 52:9

Guyyaa samiin socho’iinsa (hamaa) sochootu.

Tûr 52:10

(Guyyaa) gaarreenis deemicha deemtu.

Tûr 52:11

Warra kijibsiisaniif guyyaa san ibiddaatu jira.

Tûr 52:12

(Isaan) warra soba keessa taphataniidha.

Tûr 52:13

Guyyaa humnaan gara ibidda jahannam oofamiinsa oofaman.

Tûr 52:14

(Isaaniin jedhama): “Isheen kun ibidda kan ishee sobsiisaa turtaniidha.

Tûr 52:15

Sila kun falfala moo isinumatu hin argitanu?!

Tûr 52:16

Ishee seenaa (dhandhamaa); obsaa yookaan hin obsinaa isinirratti waluma qixa. Wanti isin mindeeffamtan waanuma hojjachaa turtan qofa” (jedhaman).

Tûr 52:17

Dhugumatti, isaan Rabbiin sodaatan jannatootaafi qananii keessa jiraatu.

Tûr 52:18

Waan Gooftaan isaanii isaaniif kennetti gammadoo ta’anii (keessa jiraatu); Gooftaan isaanii azaaba gubaa jalaa isaan baraarse.

Tûr 52:19

“Waan hojjataa turtaniif jecha gaarii haala ta’een nyaadhaa; dhugaa” (isaaniin jedhama).

Tûr 52:20

Sireewwan tarree galfaman irra hirkatoo ta’anii (jiraatu). Dubartoota adaadii ija babal’aa isaan fuusifna.

Tûr 52:21

Isaan amananii ilmaan isaaniis iimaanaan isaan hordofan, maatii isaanii isaanitti dhaqqabsiifna (Galata) dalagaa isaanii irraas homaayyuu hin hir’ifnu. Namni hunduu waan hojjateen qabamaadha.

Tûr 52:22

Mudraaleefi foon waan isaan fedhan irraa ta’e isaaniif daballa.

Tûr 52:23

Ishee keessatti geeba (xoofoo farsoo jannataa) walitti daddabarsu (waliif kennu) ishee keessa sobaafi diliin hin jiru.

Tûr 52:24

Isaan irra naanna’u Ijoollee dhiiraa isaanii. (bareedinni isaanii) akka waan isaan faaya eegamaati.

Tûr 52:25

Gariin isaanii garii irratti gara galaniiti wal gaggaafatu.

Tûr 52:26

Ni jedhu: “Nuti kana dura maatii keenya keessatti (Rabbi irraa) sodaatoo turre.

Tûr 52:27

Rabbiin nu qanansiisee, adabbii summaa’aa jalaas nu baraarse.

Tûr 52:28

Nuti kana dura Isa kadhataa turre. Inni Isumatu tola oolaa, mararfataadha.

Tûr 52:29

Yaadachiisi! Ati ni’imaa Gooftaa keetiitiin, raagaafi maraataa miti.

Tûr 52:30

Moo “Weellisaadha; dhufuu du’aa isa irratti eegna” jedhanii?

Tûr 52:31

“Eegaa! Anis isin waliin warra eegu irrayii” jedhiin.

Tûr 52:32

Sila sammuu isaaniitu kanatti isaan ajaja moo? Lakkii, isaanumatu ummata jallatoodha.

Tûr 52:33

Moo Sila isatu isa (Qur’aana) uume jedhu?” lakkii, isaan hin amanan.

Tûr 52:34

haasaa fakkaataa isaatiin haa dhufanu Yoo kan dhugaa dubbatan ta’an.

Tûr 52:35

Sila isaan odoo wanti isaan uume hin jirre uumaman? moo isaanumatu uumoo dha?

Tûr 52:36

Moo samiifi dachii uuman? Lakki, isaan hin dhugoomsanu.

Tûr 52:37

Moo Kuusaa Gooftaa keetiitu isaan bira jira, moo isaantu injifattoota?

Tûr 52:38

Moo kortoo (samii geessu) kan isa keessaan (maleykota) dhagayantu isaaniif jira! Dhaggeeffataan isaanii ragaa ifa ta’een haa dhufu.

Tûr 52:39

Moo Isaaf ilmaan dubaraa jiraataniiti isiniif immoo ilmaan dhiiraa jiru?

Tûr 52:40

Moo mindaa isaan gaafatteeti kaffaltiin isaa isaanitti ulfaate?

Tûr 52:41

Moo isaan bira iccitiin fagoo jiraateeti isaan barreeffatan?

Tûr 52:42

Lakkii! Tooftaa baasuu fedhani, Warri kafare isaanuma kan tooftaan itti baafamu.

Tûr 52:43

Moo Rabbiin malee gabbaramaa biraa qabu? Rabbiin waan isaan itti qixxeessan irraa qulqullaa’e.

Tûr 52:44

Yoo samii irraa cittuu wahii kan gadi kuftu arganis “duumessa kuufamaadha” jedhu.

Tûr 52:45

Hanga guyyaa isaanii kan isa keessa dhuman qunnamanitti isaan dhiisi.

Tûr 52:46

Guyyaa tooftaan isaanii homaa isaan hin fayyadneefi isaanis hin tumsamne (hanga qunnamanitti).

Tûr 52:47

Dhugumatti, isaan miidhaa raawwataniif sana dura adabbiitu jira. Garuu irra hedduun isaanii hin beekanu.

Tûr 52:48

Murtii Gooftaa keetiitiif obsi. Ati tika keenya jala jirta. Yeroo kaatu Faaruu Gooftaa keetiitiin Isa qulqulleessi.

Tûr 52:49

Halkanis Isa faarsi; yeroo urjiiwwan seenanis (faarsi).

Necm 53:1

Urjiin kakadhe; yeroo inni bu’e (seene).

Necm 53:2

Hiriyaan keessan (Muhammad SAW) hin jallanne; hin dogoggorres.

Necm 53:3

Fedha lubbuu irraas hin haasa’u.

Necm 53:4

Inni (wanti inni dubbatu) wahyii buufamu qofa.

Necm 53:5

(Jibriil) kan humni isaa cimaatu isa barsiise.

Necm 53:6

Abbaa humnaa ta’ee (bifa Rabbiin irratti isa uumeen) ol ta’e.

Necm 53:7

Inni moggaa (samii) isa ol aanaa irratti (ol ta’e).

Necm 53:8

Ergasii dhihaatee gadis bu’e.

Necm 53:9

Hanga (fageenya) qabannaa gooboo (dagaanaa) lamaanii yookiin sana irra dhihoo ta’e. {2} ——— {2} Kun fakkii dhihaatinsa Jibriil nabi Muhammaditti dhihaateeti ibsa.

Necm 53:10

Gara gabricha Isaatti (Rabbiitti) waan wahyii godhe wahyii godhe. {2} ——— {2} Rabbiitu gabricha isaa nabi muhammaditti wahyii godhe.

Necm 53:11

Onneen (Nabiyyii-SAW) waan arge keessatti homaa hin sobne.

Necm 53:12

Sila ergasii waan inni (yeroo mi’iraajaa) arge irratti isa mormituu?

Necm 53:13

Dhugumatti yeroo biraas isa argeera.

Necm 53:14

Qurquraa dhumaa (samii torbaffaa) biratti arge.

Necm 53:15

Ishee bira jannata qubsumaatu jira.

Necm 53:16

Yeroo wanti haguugu mukattii qurquraa haguugu (arge).

Necm 53:17

Ijji gamaa gamana hin jallanne, irras hin dabarre.

Necm 53:18

Dhugumatti, inni mallattoolee Gooftaa isaa gurguddoo irraa argeera.

Necm 53:19

Mee (taabota) Laatiifi Uzzaa (jedhaman) naaf himaa?

Necm 53:20

Manaatiin kan sadaffaa duubatti haftuu taates (naaf himaa)?

Necm 53:21

Sila isiniif dhiirri ta'eeti dubartiin isaaf taatee?

Necm 53:22

Isheen kun oggas qooda jalloodha.

Necm 53:23

Isheen maqoota isiniifi abbootiin keessan moggaaftani malee homaa miti. Rabbiin ragaa isheef hin buufne. Se’aafi waan lubbuuleen isaanii feetu feetu malee waan biraa hin hordofan. Dhugumaan qajeellloon Rabbii isaanii irraa isaanitti dhufee jira.

Necm 53:24

Moo namaaf waanuma hawwetu jira?

Necm 53:25

Aakiraafi tanduraatis Rabbiif taate.

Necm 53:26

meeqaa meeqaatu Maleeykota irraa samii keessa jiru? kan manguddummaan isaanii homaa hin fayyadne, erga Rabbiin nama fedhuuf hayyamee, jaallate malee.

Necm 53:27

Isaan Aakhiratti hin amanne moggaasa dubartootaa maleeykota moggaasu.

Necm 53:28

Isa irratti beekumsa homaatuu hin qaban. Shakkii malee homaa hin hordofanu. Shakkiin immoo dhugaa irraa homaa hin duroomsu.

Necm 53:29

Nama yaadannoo keenya irraa garagalee, jiruu addunyaa malee hin fedhin irraa garagali.

Necm 53:30

Kun beekumsa irraa daangaa isaaniiti. Rabbiin kee Isumatu nama karaa Isaa irraa jallate akkaan beekaadha. Inni nama qajeeles akkaan beekaadha.

Necm 53:31

Wanti samiilee keessa jiruufi wanti dachii keessa jirus kan Rabbiiti. Isaan hamtuu dalagan waan isaan dalaganiin isaaniif galata galchuuf isaan toltuu hojjatanis ishee caaltuu taate isaan mindeessuuf (uume).

Necm 53:32

Isaan sun warra dogoggora xixiqqoo malee dilii gugurdoofi sagaagalummaa irraa fagaataniidha. Gooftaan kee araaramni Isaa bal’aadha. Inni akkaan isin beeka yeroo dachii irraa isin uumeefi yeroo isin garaa haadha teessanii keessatti ulfa taatanii jirtan . Lubbuulee keessan hin qulqulleessinaa. Inni nama (Isa) sodaatu akkaan beekaadha.

Necm 53:33

Mee isa gara gale naaf himi?

Necm 53:34

Kan xiqqoo kennee, ergasii dhoorgate.

Necm 53:35

Sila beekumsi fagoottu isa bira jiraa? inni (isa) beekee?

Necm 53:36

Moo wanta barreeffamoota Muusaa keessa jirutu itti hin himaminii?

Necm 53:37

Kan Ibraahiim isa (ajaja Rabbii) guutees.

Necm 53:38

(Isheen sun) lubbuun dilii baadhattu ba’aa lubbuu biraa hin baadhattuudha.

Necm 53:39

Namaaf waan hojjate malee hintaane.

Necm 53:40

Hojiin isaa uf duratti ni mul'ata.

Necm 53:41

Achii booda mindaa guutuutu isaaf kennamaadha.

Necm 53:42

Xumurri (waan hundaas) gara Rabbii keetiitti.

Necm 53:43

Inni Isumatu kofalchiise; boochises.

Necm 53:44

Inni Isumatu ajjeese; jiraachises.

Necm 53:45

Inni cimdii lama, kormaafi dhalaa, uume.

Necm 53:46

Bishaan hormaataa irraa (uume), yeroo (gadaamessaa keessatti) nagamtu.

Necm 53:47

Uumuun boodaas isuma (Rabbuma) irra jira.

Necm 53:48

Inni Isa duroomseefi hiyyoomseedha.

Necm 53:49

Inni Isumatu Gooftaa Shi’iraati

Necm 53:50

Isumatu Aadii duraa balleesse.

Necm 53:51

(Ummata) Samuudis hin hambifne.

Necm 53:52

Ummata Nuuhis sana dura (balleesse) Isaan isaanumatu akkaan miidhaa raawwattootaafi daangaa darbitoota turan.

Necm 53:53

Ganda gombifamtuus gadi kuffise.

Necm 53:54

Wanti haguuge ishee haguuge.

Necm 53:55

Ni’imaa Rabbii keetii irraa kamiin shakkita?

Necm 53:56

Kun (Muhammad SAW) sodaachisaa sodaachistoota durii irraa ta’eedha.

Necm 53:57

Dhihaattuun (Qiyaamaa) dhihaatteetti.

Necm 53:58

Rabbiin ala isheef mul’iftuun hin jirtu.

Necm 53:59

Sila haasa’a kana (Qur’aana) irraa dinqisiifattanii?

Necm 53:60

Ni kolfituu! Hin boochanuu?

Necm 53:61

Haala isin dagamoo taataniin (irraa garagaltuu)?

Necm 53:62

Allaah’f sujuudaa; (Isuma qofa) gabbaraa {2} ——— {2} bakka kanatti sujuuda qaraatii qur'aanaattu godhama.

Kamer 54:1

Qiyaamaan kaloofte; jiinis lamatti addaan dhoohe.

Kamer 54:2

Yeroo mallattoo argan gara galaniiti “(kun) sihrii ittifufaa” jedhu.

Kamer 54:3

(Qur’aana) sobsiisanii fedha lubbuu isaanii hordofu. Wanti hunduu galma ga’aadha.

Kamer 54:4

Dhugumatti, oduu irraa wanti isa keessa sodaachisni jiru isaanitti dhufeera.

Kamer 54:5

Beekumsi ga’aan (isaanitti dhufeera). Akeekkachiistonni homaa isaan hin fayyadu.

Kamer 54:6

Isaan irraa garagali Guyyaa waamaan gara waan rifachiisaa ta’eetti (isaan) waamu (yaadachiisi).

Kamer 54:7

(Guyyaa san) ijji isaanii sodaan guutamteeti, awwaala (isaanii) irraa ba’an akka awwaannisa faca’ee fakkaatu.

Kamer 54:8

Gara waamaatti ori’u Kaafiroonni “Kun guyyaa (rakkisaa) cimaadha.” jedhu.

Kamer 54:9

Isaaniin dura ummanni Nuuh sobsiifteera. Gabricha keenya (Nuuh) sobsiisan, “inni maraataa dhajedhan" rakkifame.

Kamer 54:10

“Ani injifatamaa dhaa naaf tumsi” (jedhee) Gooftaa isaa kadhate.

Kamer 54:11

Bishaan dhangala’aa ta’een hulaalee samii itti banne.

Kamer 54:12

Burqituuwwan dachii burqisiifnee bishaan (samiifi dachii) murtii dhugumaan murtaa’e irratti walitti dhufan.

Kamer 54:13

Doonii abbaa xawulaafi mismaaraa irratti isa yaabbachiifne (feene).

Kamer 54:14

Tika keenyaan deemti Galata isa itti kafaramee (haa taatuuf kana goone).

Kamer 54:15

Dhugumatti, Nuti mallattoo akka taatuuf ishee dhiifne. Namni ittiin gorfamu jiraa laata?

Kamer 54:16

(Yeroo san) adabbiin kiyyaafi sodaachisni kiyyas akkam ture laata?

Kamer 54:17

Dhugumatti, Qur’aanas hubachuudhaaf laaffifneerra gorfamaan jiraa?

Kamer 54:18

(Ummanni) Aad (Huudiin) sobsiifte. adabbiin kiyyaafi akeekkachiifni kiyyaas akkam ta’e ree?

Kamer 54:19

Nuti qilleensa qorraa isaanitti ergine guyyaa hamaa itti fufaa ta’e keessa.

Kamer 54:20

Nama ni buqqifti (Yeroo san) jirma teemiraa kan dachii irraa buqqa’e fakkaatu.

Kamer 54:21

(Yeroo san) adabbiin kiyyaafi akeekkachiisni kiyyas akkam ture laata?

Kamer 54:22

Dhugumatti, Qur’aana hubachuuf laaffifnee jirra. gorfamaan jiraa?

Kamer 54:23

(Ummanni) Samuudis akeekkachiisa (kiyya) sobsiisaniiru.

Kamer 54:24

Ni jedhan: “nama nurraa ta’e tokko hordofnaa? Nuti yuggas jallinaafi maraatuu keessa jirra.

Kamer 54:25

Sila yaadachiifni kun nu hunda gidduu isa (Nabi Saalih) qofa irratti buufamee? Lakkisaa! Inni akkaan sobaa, boonaadha.

Kamer 54:26

Sobaan boonaan eenyuun akka ta’e boru beekuuf jiru.

Kamer 54:27

Dhugumatti, Nuti gaala dhaltuu isaaniin mokkoruuf ergoodha. Kanaaf (Yaa Saalih!) Isaan eegi; obsis.

Kamer 54:28

Bishaan (gaalattii fi) isaan gidduutti qoodamus isaanitti himi. Dhugaatiin (garee) hundaayyuu dhufamaadha.

Kamer 54:29

Hiriyaa isaaniitti lallabaniiti, (waraana isaa) fudhatee waraane.

Kamer 54:30

(Yeroo san) adabbiin kiyyaafi akeekkachiisni kiyyaa akkam ture laata?

Kamer 54:31

Nuti iyya tokkittii isaan irratti ergine. Ergasii akka caccabaa mooraa horiin irra deemee tahan.

Kamer 54:32

Dhugumatti, Qur’aana hubachuuf laaffifneerra. Egaa namni gorfamu jiraa?

Kamer 54:33

Ummanni “Luux” dinniina sobsiisaniiru.

Kamer 54:34

Nuti isaan irratti bubbee cirrachaa erginee jirra. Maatii Luux malee, (yeroo) bariisaa isaan baraarsine.

Kamer 54:35

Qananii Nu biraa ta’eef (baraarsine). Akka kanatti nama galata Nuuf galche galateessina.

Kamer 54:36

Dhugumatti, inni (Luux) qabaa keenya isaan akeekkachiisee jira. Isaan garuu dinniinicha falmaniiru.

Kamer 54:37

Keessummaa isaa irraa (badii itti hojjachuuf) isa gaafatan. ijoowwan isaanii jaamsinee “adaba kiyyaafi dinniina (kiyyas) dhandhamaa” (jenneen).

Kamer 54:38

Dhugumatti, adabbiin cimaan bariidhaan isaanitti ganamfate.

Kamer 54:39

Adaba kiyyaafi dinniina (kiyyas) dhandhamaa” (isaaniin jenne).

Kamer 54:40

Dhugumatti, Qur’aana hubachuuf laaffifneerra. Egaa namni gorfamu jiraa?

Kamer 54:41

Dhugumatti, maatii Fir’awnitti akeekkachiisonni dhufeera.

Kamer 54:42

Mallattoolee keenya hunda sobsiisaniiti, qabaa Isa injifataa, danda’aa ta’ee isaan qabne.

Kamer 54:43

(Yaa Qureeyshotaa!) Sila kaafiroota keessantu isaan kanneen irra caala moo kitaabota keessa (adabbii irraa) baraaramuutu isiniif jira?

Kamer 54:44

Hinumaayyuu “Nuti tuuta injifattoota” jedhu.

Kamer 54:45

Tuutni isaanii cabsameeti dugda gara galuuf jiru.

Kamer 54:46

Dhugumatti, Qiyaamaan beellama isaaniiti. Qiyaamaan irra ulfaattuufi akkaan hadhooftuudha.

Kamer 54:47

Dhugumatti, yakkamtoonni jallinaafi ibidda qabsiifamaa keessatti ta’u.

Kamer 54:48

Guyyaa fuulleen isaanii irratti ibidda keessa harkifaman, “tuqiinsa Saqar (gubaa ibiddaa) dhandhamaa” (jedhamaan).

Kamer 54:49

Nuti waan hunda likki likkiin isa uumne.

Kamer 54:50

Ajajni keenya waantaane takka malee akkuma liphsuu ijaa.

Kamer 54:51

Dhugumatti, Nuti fakkaattota keessan balleessinee jirra. Namni gorfamu jiraa?

Kamer 54:52

Wanti isaan hojjatan hunduu galmeewwan keessa jira.

Kamer 54:53

Wanti xiqqaafi guddaan hundi barreeffamaadha.

Kamer 54:54

Warri Rabbiin sodaatan jannatootaafi laggeen keessa jiraatu.

Kamer 54:55

Teessoo dhugaa (jannata) keessa Mootii danda’aa bira jiraatu.

Rahman 55:1

Ar-Rahmaan.

Rahman 55:2

Qur’aana barsiise.

Rahman 55:3

Nama uume.

Rahman 55:4

Haasaawa isa barsiise.

Rahman 55:5

Aduufi jiini qixa murtaa’een deemu.

Rahman 55:6

Urjiifii muknis (Allaahf) sujuudu.

Rahman 55:7

Samii ol ishee fuudhe; miizaana ni kaaye.

Rahman 55:8

Akka isin madaala keessatti daangaa hin dabrineef jecha.

Rahman 55:9

Madaala sirriitti qajeelchaa; madaalamaa hin hir’isinaa.

Rahman 55:10

Dachii uumama hundaaf ishee kaaye.

Rahman 55:11

Ishee keessatti fuduraaleefi mukkeen temiraa kan qolola (qola) habaaboo qabantu jira.