Oromoca Meal — Rowad Tercüme Merkezi — Cinn 72:1 – Nas 114:6

(Yaa Muhammad SAW!) Wahyiin natti godhameera jedhi Gareen jinnii irraa ta'an (Qur'aana) dhageeffatanii NI jedhan: “nuti Qur'aana dinqisiisaa dhageenye. [1] ——— [1] garee jinnirraa taateetu bakka nakhlah jedhamtutti yeroo nabiin s.a.w. qur'aana qara'u dhaggeeffatanii deebi'aani ummata isaanii gorsan. aayatoonni tuni sanirraa dubbatti.

[Inni] gara karaa sirriitti qajeelcha; isatti amanneerra. Gooftaa keenyatti tokkollee hin qindeessinu.

Inumaa kabajaan Gooftaa keenyaa dhugumatti guddateera; niitiis ta'ee ilmoo hin godhanne.

Gowwoonni keenya Rabbi irratti soba dubbatu turan.

Nuti immoo namoonniifi jinnoonni Rabbi irratti soba hin dubbatanu jechuu yaanne.

Ammas dhiironni nama irraa ta'an dhiirota jinnii irraa ta'anitti maganfatanii boona isaaniif (jinnootaaf) dabalaa turan. [2] ——— [2] zamana wallaalummaa namoonni yeroo karaa deemanii bakka sodaachiftuu qubatan "jinnii qondaala laga kanaatti maganfanna hamtuu hamaa isaaniirraa" jechuu turan. kuni shirkii hamtuudha. Rabbiin nidhoowwe.

Akkuma isin yaaddan isaanis Rabbiin nama tokkollee (erga du'ee) hin kaasu jechuu yaadaa turan.

Nutis samiitti ga'uu (feeneti) kan isheen eegdota jajjaboofi qaanqeen (urjii furguuggamtuu) guutamte ishee argine.

Nuti ishee irraa teessuma (haasa'a) dhageeffachuuf teenyu qabna turre. Namni amma dhageeffate immoo qaanqee (urjii) isa eeggatu isaaf arga.

Nuti nama dachii keessa jirutti hamtuun yaadame moo Gooftaan isaanii qajeeluma isaaniin fedhee hin beeknu! [3] ——— [3] karaan samii nutti cufamee eeggomsi jabeeffamuun kuni toltuufi moo hamtuufiin nuuf hingalle jedhan.

Nuti nurraa gaggaariin ni jiran. Ammas nurraa kan sanaan ala ta'antu jiru. Nuti warra karaalee adda addaati turre.

Nuti beeknee jirra dachii keessatti Rabbiin jalaa hin baanu; dheessuudhaanis Isa hin dadhabsiifnuu.

Nuti yeroma (Qur'aana) Qajeelfama dhageenye isatti amanne. Namni Gooftaa isaatti amane hir’achuu (mindaa) ta'ee dabaltii (adabaa) hin sodaatu.

Nuti, nurraa muslimoonni ni jiran; jallattoonnis nurraa ni jiru; Namni Islaamaye isaan sun karaa qajeelaa barbaadanii jiru.

Jallattoonni immoo Jahannamiif qoraan ta'an.”

Odoo isaan karaa qajeelaa irra gadi dhaabbatanii, bishaan baay'ee (samii irraa) isaan obaafna (rooba guddaa isaanii roobsina) turre.

Isa keessatti isaan qormaatuuf jecha (obaafna ture). Namni yaadannoo Gooftaa isaa (Qur'aana) irraa garagale, (Rabbiin) azaaba jabaa isa seensisa.

Masjiidonni kan Rabbiiti; Rabbii wajjiin homaa hin waammatinaa.

Yeroo gabrichi Rabbii (Muhammad SAW!) Isa kadhachuuf dhaabbatu (jinnoonni) isa irratti tuuta ta'utti dhihaatu. [4] ——— [4] qur'aana qaraatii nabii dhaggeefachuuf hedduminaan biratti argaman.

(Yaa Muhammad SAW!) jedhi: "ani kan gabbaru Gooftaa kiyya qofa; Isattii waan tokkollee hin qindeessu."

Jedhi: "Ani miidhaa (isinirraa deebisuu) ta'ee qajelluma isiniif (fiduu) hin danda'u."

Jedhi: "Ani (yoon dilaaye) (adabbii) Rabbii jalaa wanti tokkollee na hin baraaru. Isa malee irkoo hin argadhu.

Rabbi irraa (wahyii)fi ergaawwan Isaa geessuu malee (hin danda'u). Namni Rabbiifi Ergamaa Isaa faallesse, dhugumatti ibidda jahannam kan zalaalam ishee keessatti hafutu isaaf jira.

Hanga (guyyaa qiyaamaa) waan ittiin sodaachifaman arganitti namni tumsaadhaan akkaan dadhabaafi lakkoofsaan daran xiqqaa eenyuun akka ta'e beekuuf jiru.

“Wanti isin sodaachifamtan (azaabarraa) dhihoo ta'uu yookiin Rabbiin kiyya beellama yeroo (dheeraa) isaaf godhaa hin beeku” jedhiin.

(Rabbiin) Beekaa fagooti; fagoo Isaa irratti nama tokkollee hin mul'isu.

Ergamaa irraa nama jaalate malee (kan biraatti hin mul'isu) Inni fuuldura isaatiifi duuba isaatiin eegdota (malaykota) seensisa (erga).

Ergaawwan Gooftaa isaanii dhugumatti bakkaan ga'uu isaanii’ akka ifa baasuuf (eegdota kaa'e) waan isaan bira jiru hundatti marsee waan hundaayyuu lakkoofsaan walitti qabe (beeke) ‘

Ati Yaa mammarataa! [1] ——— [1] muzzamil jechuun kan uffata ufitti maru jechu nabi muhammad s.a.w. itti baana.

halkan (saalaatan) dhaabbadhu Xiqqo malee.

Walakkaa isaa (salaataan) (dhaabbadhu) yookiin xiqqoo isa irraa ir’isi.

Yookiin isa irratti dabali Qur'aana suutaan dubbisiinsa dubbisi.

Nuti jecha ulfaataa sirratti buusuuf jirra. [2] ——— [2] jechi ulfaataan Qur'aana.

Ka'umsi halkanii isheen (arrabaafi qalbii) wal simachiisuutti akkaan jabaafi dubbisuufis qajeelaadha.

Guyyaa keessa (dhimma jireenyaatiif) sochii dheeraatu siif jira.

Maqaa Gooftaa keetii faarsi; gara isaattis citiinsa citi.

(Inni) Gooftaa bahaafi dhihaati. Isa malee gabbaramaan dhugaa hin jiru; irkoo isa taasifadhu.

Waan isaan (kuffaarri) jedhan irratti obsi; fageenya gaarii isaan irraa fagaadhu.

Anaafi sobsiiftota warra qananii walitti Na dhiisi; beellama xiqqoos isaaniif qabi.

Nu bira (aakhiratti) sakaallaa ulfaataafi ibiddatu jira.

Nyaata nama hudhuufi adabbii laalessaa ta'etu (jira).

(guyyaa qiyaamaa) Guyyaa dachiifi gaarreen hurgufamaniifi gaarreen tuulaa cirracha yaa'uu taatu keessa (sakkaalamu).

Nuti gara keessanitti Ergamaa ragaa isin irratti ba'u erginee jirra, akkuma gara Fir'awn Ergamaa (muusaa) ergineetti.

Fir'awnna Ergamaa san morme (didee) qabaa cimaa isa qabne.

Yoo kafartaniif, (adabbii) Guyyaa (qiyaamaa) ijoollee arrii taasisuu akkamitti eeggattu?

Samiin isaan (guyyaa san) dhodhootuudha. Baallamni Isaa raawwatamaa ta'e.

Isheen tun gorsa. Nama fedhe gara Gooftaa isaatti karaa godhata.

(Yaa Muhammad SAW!) Gooftaan kee ni beeka akka atiifi warri sii wajjin ta'an irraa gareen wahii, lama sadaffaa halkaniitii gadi, walakkaa isaatiifi tokko sadaffaa isaat (salaataan) dhaabbattan (nibeeka). Rabbiin halkaniifi guyyaa ni shallaga. Akka isin isa safartanii waliin hin geenye beekee tawbaa keessan isin irraa qeebale. Qur'aana irraa (salaata keessatti) waan isiniif laafe qara'aa. Isin irraa dhukkubsataan akka jiru, warri biraa immoo tola Rabbii barbaacha dachii keessa akka deeman, warri biraas karaa Rabbii keessatti akka lolan beekeeti (isin irrraa laaffise). Kanaafuu, isa (Qur'aana) irraa waan isiniif laafe qara'aa. salaata dhaabaa; zakaas kennaa. Liqii bareedaa Rabbiif liqeessaa. Toltuu irraa waan lubbuu keessaniif dura dabarfattan Rabbiin biratti inni caalaafi kan mindaa guddaa qabu ta'eeti isa argitu. Rabbiin araarama kadhaa; Rabbiin araaramaa, rahmata godhaadha.

Yaa mammarataa! [1] ——— [1] ka uffata ufitti maree ufhagoogu jechuudha.

Ka'ii (ummata azaaba Rabbiirraa) akeekkachiisi.

Gooftaa kee guddisi

Uffata kee qulqulleessi

Taabotaan oodi.

Baay'ifannaa barbaachaaf hin arjoomin.

Gooftaa keetiif obsi.

Yeroo xurumbaa keessa afuufame.

Sun, guyyaan gaafasii guyyaa rakkisaadha.

Kaafiroota irratti (guyyaa) laafaa miti.

Nama ani kophaa isa uumee wajjin (walitti) Na dhiisi.

Kan Ani qabeenya bal'aas isaaf godhe.

Ilmaan dhiiraa kan isa biratti argamanis.

Bal'isuus kan Ani isaaf bal'ise;

Ergasii akka Ani isaaf dabalu kan kajeela tahe;

Haa dhorgamu! Inni keeyyattoota Keenya mormaa ture.

Rakkoo (azaabarraa tahe) guddaattin isa dirqa.

Inni ni xiinxale; ni tilmaames.[2] ——— [2] osoo Rabbiin akkanatti isa qananiisee jiru jecha qur'aanaan xiqqeeysu xiinxallee barbaade.

Abaarame! Akkamumatti tilmaame?

Ergasiis abaarame! Akkamumatti tilmaame?

Ergasii ni ilaale

Ergasii fuula guure; akkaan jijjiirame.

Ergasii (iimaanarraa) gara gale; ni boone.

Ni jedhes: "(Qur'aanni) kun falfala (nama biraa) irraa waraabame qofa.

Kun jecha namaa malee hin taane."

Saqar isa seensisuufin jira.[3] ——— [3] saqar maqaa ibidda jahannami.

Saqar maal akka ta'e maaltu si barsiise?

(Foon) hin hambiftu (lafees) hin dhiiftu.

Gogaa gubduudha.

Ishee irra (waardiyyaa) (malaaykaa) kudha sagaltu jira.

Eegdota Ibiddaa malaykota malee kan biraa hin goone. Lakkoofsa isaaniis warra kafaraniif qormaata malee hingoone, warri kitaaba kennaman akka mirkaneeffatan, warri amanan iimaana akka dabalatanuuf, warri kitaaba kennamaniifi mu'uminoonnis akka hin shakkinee, fi akka warri onnee isaanii keessa dhukkubni jiruufi kaafiroonni ‘Rabbiin (lakkoofsa) kanaan fakkeenya maalii fedhe’ jedhaniif (kana goone). Akka kanatti Rabbiin nama fedhe jallisee nama fedhe immoo qajeelcha. (Baay'ina) waraana Gooftaa keetii Isa malee homtuu hin beeku. Isheen namaaf gorsa malee waan biraatii miti.

Haa dhorgamu! Ji'attin kakadha!

Halkaniinis; yeroo inni deeme.

Bariidhaanis yeroo inni ife.

Isheen (saqar) tokkoo (rakkoolee) gurgurddooti.

Namaaf akeekkachiiftuudha.

Nama isin irraa (iimaanaafii hojii gaariidhaan) fuulduratti deemuu, yookiin (kufriifii jallinaan) duubatti hafuu fedheef (akeekkachiistuu dha).

Lubbuun hundi waan hojjatteen qabamtuudha.

Warra mirgaa malee.

(Isaan) jannata keessatti wal gaggaafatu.

Yakkamtoota irraa (wal gaafatu).

"Maaltu Saqar keessa isin seensise?" (kaafirootaan jedhan).

Ni jedhan: "nuti warra salaatan irraa hin turre.

Hiyyeeyyii kan nyaachifnus hin turre;

Warra (oduun) (hamtuu) keessa seenu wajjin seenaa turre;

Guyyaa galataa kan sobsiifnu turre;

Hanga (duuti) mirkanaayaan nutti dhufutti (haala kana irra turre)" (jedhan).

Jaarsummaan (araarri) warra araarsanii isaan hin fayyaddu.

Maaltu isaaniif jiraayi gorsa (Qur'aanaa) irraa gara galoo ta'u?

(Yeroo akeekkachiisa Rabbii irraa dheessan) akka harree diidoo dammaqanii (gugatanii) fakkaatu.

Leenca irraa kan dheessan.

Inumaa namni isaan irraa ta'e hundi kitaabota banamoo kennamuu fedha.

Haadhoowwamanii (hin kennaman) isaan Aakhirumaayyuu hin sodaatanu.

haadhoowwamanii inni (Qur'aanni) gorsa.

Nama fedheetu isaan gorfama.

Yoo Rabbiin fedhe malee hin gorfaman. Inni (Rabbiin) kan sodaatamuu haqa godhatuufi Abbaa Araaramaati.

Miti Guyyaa Qiyaamaatiinin kakadha.[1] ——— [1] Rabbiin guyyaa qiyaamaatiin kakate.

Lubbuu of komattuu taateenis nan kakadha; (mindaa galfamuuf jirtu).

Sila namni lafee isaa walitti hin qabnuu yaadaa?

Eeyyeen (walitti ni qabna) (Nuti) qubbeen isaatuu (akka turanitti deebifnee) sirreessuu irratti danda'oodha.

Dhugumatti namni fuuldura isaa (Qiyaamaa) sobsiisuu fedha.

"Guyyaan Qiyaamaa yoomii?"gaafata.

(Guyyaan sun) yeroo ijji dhamaatu.

(Yeroo) jiini ifa dhabu (gaddiddaa’u)

Aduufi jiinis walitti qabamu.

Guyyaa san namni "bakki baqaa eessa?" jedha.

Dhorgamaa! (Guyyaa san) iddoon baqaa hin jiru.

Guyyaa san bakki qubannaa gara Gooftaa keetiiti.

Namni guyyaa san (hojii isaarraa) wanti inni durseefii booda aanse itti himama.

Dhugumatti, namni lubbuu isaa irratti ragaadha.[2] ——— [2] qaamni isaa waan inni dalage ragaa irratti baha.

Odoma rakkoo adda addaa dhiyeeffatellee.

(yaa ergamaa) Isa (qabachuu)tti ariifachuuf jecha arraba kee isaan hin sochoosin.

Isa (onnee kee keessatti) walitti qabuufi isa dubbisuun kee nurra jira.

Yeroo Nuti isa qaraane qiraatii isaa hordofi.

Ergasii isa ibsuun Nurra jira.

Miti isin ariifattuu (duuniyaa) jaalattu.

Aakhiraaf (hojjachuu) ni dhiiftu.

Fuulleen (mu'imintootaa) Guyyaa san iftuudha.

Gara Gooftaa ishee ilaaltuudha.

Fuulli (kaafirootaa) Guyyaa san akkaan suntuurtuudha.

Balaan (azaabni) guddaan ishee irratti raawwatamuu yaaddi.

Miti Dhaga’aa! Yeroo (lubbuun ba'uuf) kokkee geesse,

(Yeroo) "eenyutu isa yaala?" jedhame,

(Namni du'aa jiru sun) inni (addunyaa kana irraa) adda ba'uu dha’ jechuu yeroo mirkaneeffate;

(Yeroo) mogoleen mogoleetti maramte.

Guyyaa san oofamiinsi gara Gooftaa keetiiti. [3] ——— [3] yeroo du'e gara Rabbiit deema.

(kaafirtichi) Hin amanne (hindhuga'oomsine); hin salaanne.

Garuu (waan nabiyyichi fide) kijibsiisee irraa gara gale.

Ergasii boonaa gara maatii isaa deeme.

Badiin siif haa ta’u! Ammas badiin!

Sana booda badiin siif haa ta’u! Ammas badiin!

Sila namni akkanumaan dhiifamuu yaadaa?

Sila inni bishaan saalaa kan dhangalaafamu irraa ta'ee hin turree?

Ergasii dhiiga ititaa ta'eeti (nama godhee) uumee guute.

Isa irraas cimdii lama, dhiiraafi dhalaa, taasise.

Sila (Rabbiin akkas godhe) sun du'aa jiraachisuu irratti danda'aa mitii?

Sila barri hangi ta'e nama irra kan inni waan yaadatamu hin ta'in hin dhufnee?[1] ——— [1] ilma namaa isaa dhabamaa zamana dheeraatu irra dabre.

Nuti nama bishaan saalaa walitti makamaa ta'e irraa uumnee; isa qormaatuuf jecha Dhaga'aafi argaa isa goone.

Nuti haala (inni) galateeffataa (mu'imin) yookiin mormaa (kaafira) ta'een karaa isa qajeelchine (isaa ibsine).

Nuti kaafirootaaf (aakhiratti) shanshalata, sakaallaawwaniifi ibidda boba'aa qopheessinee jirra.

Warri gaggaariin khamrii makaan ishee kaafuuriin ta'e irraa dhugu.

(Kun) burqaa gabroonni Rabbii ishee dhuganiidha. (Karaa fedhanitti) dhangalaafachuu ishee dhangalaafatu.

Qodhaa (nazrii) isaanii ni guutu; guyyaa hamtuun isaa babal'atu ni sodaatu.[2] ——— [2] qodhaa jechuun yoo Rabbiin haajaa akkasii naafbaase waan akkanaatin Rabbiif godha jedhanii waadaa seenuudha. waadaa akkanaa guutuun dirqama. seera nazrii kitaabban fiqhii keessatti bal'inaan laaluun nidandayama.

Nyaata ofii jaallachuu wajjin hiyyeessa, yatiimaafi booji'amaas nyaachisu.

(Ni jedhu): "wanti nuti isin nyaachifnuuf Fuula Rabbii qofaafi; isin irraa mindaas ta'ee galata wahii hin barbaannu. [3] ——— [3] qalbii isaanii keessatti jedhan.

Nuti Gooftaa keenya irraa Guyyaa fuula guuraa hammaataa ta'e sodaanna.”

Rabbiini hamtuu guyyaa gaafasii irraa isaan tikseeti (fuula isaaniis) ifaafi gammachuu qunnamsiise.

Sababa isaan obsaniif jannataafi hariira galata isaaniif galche. [4] ——— [4] sabriin sadarkaa guddaa qabdi.

Ishee keessatti sireewwan irratti hirkatanii (jiraatu), ishee keessatti aduufi qorra hamaa hin argan.

Haala gaaddisni ishee isaan irratti gadi dhihoo, firiiwwan ishees isaaniif laaffifamuu laaffifamteen (jannata seenu).

Meeshota meeta irraa ta'aniifi kubbaayyawwan qaruuraa irraa ta'een isaan irra naanna'ama.

Qaruuraalee meeta irraa ta'een likki godhan likkii godhiinsa.

Ishee keessatti khamrii makaan ishee zinjibila ta'e obaafamu.

Burqituu ishee (jannata) keessa jirtu Salsabiil jedhamtee kan waamamtu (irraa obaafamu).

Ijoollee ishee keessatti hafoo ta’antu isaan irra naanna'a; yeroo isaan argitu (bareedinarraa) faaya bibittinneeffame isaan seeta. [5] ——— [5] joollee jannataa babbareedduu hedduu taateetu warra jannataarra deemee kaddama.

Yeroo achi keessa ilaalte qananiifi mootummaa guddaa argita.

Gubbaa isaanii irra uffata hariira qal'aa magariisa fi hariira furdaatu jira; gumeelee meeta irraa ta'es ni faayamu. Gooftaan isaanii dhugaatii qulqulleessaa isaan obaasa.

"kun galata isiniif ta'eera. Dalagaan keessanis (qeebalamaa) galateeffatamaa taheera" (isaaniin jedhama).

Nuti Qur'aana buusiinsa sirratti buusnee jirra.

Murtii Gooftaa keetiitiif obsi; isaan irraa nama dilaawaa yookiin kafaraa ta'eef hin ajajamin.

Ganamaafi galgalas maqaa Gooftaa keetii faarsi.

Halkan irraallee Isaaf sujuudi (salaati); halkan dheeraas Isaaf (salaata laylii) salaati.

Jarri kun (addunyaa) arifattuu jaalatu; guyyaa (qiyaamaa) ulfaataa duuyda duuba isaaniitti dhiisu (dagatu).

Nuti isaan uumnee qaama isaaniis jabeessine; yeroo feene (isaan balleessinee) fakkaatuma isaanii bakka buusinsa bakka buufna.

Tuni gorsa; namni fedhe gara Gooftaa isaatti karaa (isa geessitu) godhata.

Yoo Rabbiin fedhe malee isin homaa hin feetan. Rabbiin beekaa ogeessa ta’eera.

Nama fedhe (iimaana kenneefii) rahmata Isaa keessa seensisa. Miidhaa raawwattoota immoo isaaniif adabbii laalessaa qopheesse.

(qilleensa) wal hordoftuu ta'anii ergamaniinin kakadha. [1] ——— [1] bubbee waljala deemtu.

(Bubbeewwan) humnaan bubbisuu bubbisaniinis;

(Bubbeewwan rooba) faffacaasuu facaasaniinis;

(Keeyyatoota haqaafi dhara) adda baasuu adda baasanittis;

(Malaykota) ergaa buuftotattis;

Sababaa dhabamsiisuuf yookiin akeekkachiisuuf jecha (kan buusanittin kakadha).

Wanti (Qiyaamaan) isin sodaachifamtan argamaadha. [2] ——— [2] deebiin kakuu kana qiyaamaa kaafamuufii herregamuun galateeffatamuun nidhufti shakkiin hinjirtu.

Yeroo urjiiwwan (ifti ishee irraa) haqamte,

Yeroo samiileenis babbanamte;

Yeroo gaarreen (bakka irraa) bubuqqifamte,

Yeroo Ergamtoonni beellamaan walitii qabamte;

Guyyaa kamiif beellamaman?

Guyyaa addaan bahiinsaatiif (beellamaman).

Guyyaan Addaan bahiinsaa maal akka ta'e maaltu si beeksise?

Kijibsiiftotaaf guyyaa san badiin mirkanaa'e.

Sila Nuti warra duraanii hin balleessinee?

Ergasiis warra boodaa isaan hordofsiifna. [3] ——— [3] akkuma kanduraa dhabamsiifnetti isaanis dhabamsiifna.

Yakkamtootas akkanuma goona.

Kijibsiiftotaaf guyyaa san badiin mirkanaa'e.

Sila Nuti bishaan dadhabaa (maniyyii) irraa isin hin uumnee?

Bakka mijaa'aa keessas isa goone. [4] ——— [4] sun gadaamessa dubartiiti.

Hanga yeroo beekamaatti. [5] ——— [5] sun yeroo dayuumsaati.

Ni shallagne; nuti shallagdoota akkaan tole.

Kijibsiiftotaaf guyyaa san badiin mirkanaa'e.

Sila Nuti dachii kan hunda walitti qabdu (qubannoota) hin taasifnee?

Jiraafi du'aas (walitti qabdi)?

Gaarreen ragga'oo dhedheeraa ishee keessatti goone. Bishaan mi'aawaas isin obaafne.

Kijibsiiftotaaf guyyaa san badiin mirkanaa'e.

(Isaaniin ni jedhama): "gara waan sobsiisaa turtanii (azaabaa) deemaa.

Gara gaaddisa (aara ibiddaarraa tahee) abbaa damee sadihii deemaa."

Gaaddiseessaa miti; boba'aa ibiddaa irraas hin duroomsu.

Isheen qaanqeewwan akka gamoo darbatti.

Inni (qaanqechi) gaalota bobboora fakkaata.

Kijibsiiftotaaf guyyaa san badiin mirkanaa'e.

Kun Guyyaa isaan hin dubbanneedha.

Rakkoo haa himataniif isaaniif hin eeyyamamu.

Kijibsiiftotaaf guyyaa san badiin mirkanaa'e.

Kun guyyaa adda foo'amiinsaati; Isiniifi warra duraas walitti qabne.

Yoo tooftaa wahii qabaattan tooftaa Natti baafadhaa.

Kijibsiiftotaaf guyyaa san badiin mirkanaa'e.

warri Rabbiin sodaatan gaaddisootaafi burqituuwwan (jannata) keessa jiraatu.

Asheeta irraa waan fedhan (keessa taa'u).

"Sababaa waan dalagaa turtaniitiif gammachuun nyaadhaa; dhugaa" (jedhamu).

Nuti akka kanatti warra toltuu hojjatan mindeessina.

Kijibsiiftotaaf guyyaa san badiin mirkanaa'e.

(Addunyaa irratti) "nyaadhaa; xiqqoo qanani'aa; dhugumatti isin badii hojjattoota” (isaaniin jedhama).

Kijibsiiftotaaf guyyaa san badiin mirkanaa'e.

Yeroo ‘salaataa’ isaaniin jedhame hin salaatan.

Kijibsiiftotaaf guyyaa san badiin mirkanaa'e.

Isa (Qur'aana) malee haasawa kamitti amanu ree?

[Warri hin amanin] maal irraa wal gaaggaafatan? [1] ——— [1] maalirraa walgaggaafatan?

Oduu guddaa irraa [wal gaafatu] [2] ——— [2] Qur'aanaraa walgaggaafatu.

Isa isaan isa keessatti wal dhaban [irraayi].

Haa dhowwamanii! fuula dura beekuuf jiru.

Ammas haa dhowwamanu! fuula dura beekuuf jiru.

Sila Nuti dachii firaasha hin goonee?

Gaarreen shikaaloowwan [hin goonee]?

Cimdii goonee isin uumne.

Hirriba keessan boqonnaa goone.

Halkan uffata goone.

Guyyaas yeroo jireenyaa (keessa hojjatan) goone.

Gubbaa keessanitti [samii] jajjaboo torba ijaarre.

(aduu) Ifaa boba'aa uumne.

Duumessoota irraa bishaan dhangala'aa baay'ee buufne.

Isaan fuduraafi marga baasuuf (magarsuuf) jecha [buufne].

Ashaakiltii damee wal keessa seensifattes.

Guyyaan adda bahiinsaa (qiyaamaan) yeroo beellamamaa ta'e.

[Guyyaan sun] guyyaa Garriin (xurumbaan) afuufamee isinis garee gareen dhuftanuudha.[3] ——— [3] kun afuuffaa 2ffaati, isiin tankaafamiinsaati.

[Guyyaa] samiileen banamtee hulaalee taatuudha.

Gaarreenis deemsifamtee siribii (siribduu) taate.

Dhugumatti jahannam keellaa taateetti.

jallattootaaf iddoo deebiiti.

Yeroo dheeraaf ishee keessa turu.

Ishee keessatti qabbanas ta'ee dhugaatii hin dhandhamanu.

Bishaan akkaan danfaafi malaa malee [dhugaatii biraa hin argatanu].

Mindaa wal madaalu [mindeeffaman].

Isaan qormaata hin sodaatanu turan.

Keeyyattoota keenya kijibsiisuu kijibsiisan.

Wanta cufaayyuu haala barreeffameen walitti qabne.

“Dhandhamaa; azaaba malees isiniif hin daballu” [isaaniin jedhama].

Warra Rabbiin sodaataniif milkiitu jira.

Ashaakiltiifi inabatu [jira].

Dubartoota harma guntuttuu hiriyaa ta'antu [jiru].

Geeba (xoofoo) guutamtuu.

Achi keessatti dubbii badaafi wal kijibsiisuu hin dhaga'anu.

(kuni hundinuu) Mindaa Gooftaa kee irraa ta’e kennaa ga’aa [mindeeffaman].

Gooftaa samii, dachiifi waan gidduu isaanii jiru, mararfataa kan ta'e [irraa mindeeffaman]. Isaa wajjin dubbachuu hin danda'anu.

Guyyaa Jibriiliifi Maleykonni haala hiriiraniin dhaabbatan nama Rabbiin eeyyameefi dhugaa dubbate malee hin haasawan.

Sun guyyaa [dhufaatiin isaa] haqaati. Namni fedhe [hojii gaarii hojjachuun] gara Gooftaa isaatti deebii tolfata.

Nuti adabbii dhihoo tahe isin sodaachifne. kan guyyaa namni waan harki lamaan isaa dabarfatte argu, kan kaafirri jedhu "yaa hawwii kiyya! odoon biyyee ta’ee".

[Maleykaa lubbuu kaafiraa] humnaan buttuunin (kakadha). [1] ——— [1] suuraa naazi'aat, isiin suuraa makkaati, aayanni isii 46.

[Kan lubbuu mu’uminaa] luqqisuu suuta luqqiftuunis.

[Kan ajaja Rabbii geessuuf] adeemuu demaniinis.

Maleykota] dorgommii wal dorgomaniinis.

(Kan) ajaja Rabbii gara dachii geessaniininis (nan kakadha).

Guyyaa sochootuun (dachiin afuuffaa jalqabaatiin) sochootu;

Hordoftuutu (afuuffii lammaffaattu) ishee hordofa.

Onneewwan (kaafiraa) guyyaa san rifattuudha.

Ijji ishee salphattuudha.

Ni jedhu: "sila nuti dhugumatti haala jireenya duriitti ni deebifamnaa?

Sila erga lafee dhumte taanee moo?

Yoo akkas ta'e sun deebii hoongooti" jedhan.

Isheen iyya (afuuffii) tokko qofa.

Yeroma san isaan gubbaa dachii irratti ta'u. [2] ——— [2] du'arraa qabrii keessaa kaafamii duuyda dachiirratti olbahu.

Sila haasofni waa’ee Muusaa sitti dhufee?

Yeroo Gooftaan isaa laga qulqulleffamaa "Xuwaa" jedhamu keessatti isatti lallabe.

Gara Fir'awna deemi; inni (jallatee) daangaa darbee jira.

Jedhiin: "sila gara (shirkii irraa) qulqulleffachuutti fedha qabdaa?

Akka sodaattuuf gara Gooftaa keetii si qajeelchutti (fedha qabdaa)."

[Muusan] mallattoo guddaa isa (Fir'awnaan) agarsiise. [3] ——— [3] mu'ijizaaleen muusaan kenname waa sagal, sankeessaa hangafoonni uleen isaa jawwetti jijjiiramuufii harki isaa addaattee ifuudha.

Inni (Fir’awn) sobsiisee faallesse.

Ergasii ariifataa (iimaanarraa) gara gale.

(ummata isaa) walitti qabee lallabe:

“Ani gooftaa keessan isa ol aanaadha” jedhe.

Sana booda Rabbiin adabbii [badii] boodaatiifi jalqabaatiifis isa qabe. [4] ——— [4] addunyaafii aakhirattis isa azzabe.

Dugumatti, kana keessa nama Rabbiin sodaatuuf gorsatu jira.

Sila uumaa keessantu irra jabaata moo samii dha? Inni (Rabbiin) ishee ni ijaare.

Ijaarsa ishee ol fuudhee, ishee wal qixxeesse.

Halkan ishee dukkaneessee guyyaa ishee ibse.

Dachii sana booda diriirse.

Ishee irraa bishaan isheetiifi biqiltuu ishee ni baase (nimagarse).

Gaarreenis dachii irra ni dhaabe.

Isiniifi beelladoota keessan qanansiisuuf [kana godhe].

Yeroo balaan guddoon (Qiyaamaan) dhufte,

Guyyaa namni waan hojjate hunda yaadatu,

(Guyyaa) ibiddi jahannam namuma arguuf mul'atte,

Namni (jallatee) daangaa dabree,

Jireenya addunyaa kanaa (aakhirarra) filate,

Dhugumatti, jahannam teesson isaa.

Namni Gooftaa isaa dura dhaabbachuu sodaatee, lubbuu isaa waan isheen hawwitu (dilii) irraa dhorge,

Dhugumatti, jannanni bakka qubannaa isaati.

[Yaa Muhammad SAW!] Qiyaamaa irraa sigaafatu, yoom argamtii isheen? (jedhanii).

Ati beekumsa ishee irraa maal keessa jirta?

Beekumsi ishee kan dhumaa garuma Gooftaa keetiiti.

Ati akeekkachiisaa nama ishee sodaatuuti.

Isaan guyyaa ishee argan akka waan isaan galgala tokko yookiin ganama tokko malee (addunyaa irra) hin turin itti fakkaata.

Fuula guuree gara gale.[1] ——— [1] Nabiyyitu fuulaguuree gurbaa tokkorraa garagale.

Sababa jaamaan isatti dhufeef. [2] ——— [2] jaamaan sun abdallaa ibnu umi maktuum jedhama. barnootaaf gara nabiyyii dhufe, yeroo san nabiin qondaalota qureyshii gorsutti jiran yoo islaamawan kajeeluuf jecha. yeroo kana osoo dhufuu baatee isaa jecha qondaalotiin tun nudheeysitii jechaaf gara qondaalotaa irraa garagale malee jibbaafii hammeenyaafii miti.

Maaltu si beeksise? Qulqullaa’uun isaa ni kajeelama.

Yookiin gorfameeti gorsi isa fayyada.

Nama duroomee (iimaanarraa dantaa dhabe) immoo,

Ati [akka amananuuf jecha] gara isaa gara galta.

Haala qulqullaa'uu dhiisuun isaa homaa sirra hin jirreen.

Nama (toltuu barbaachaaf) fiigaa sitti dhufe immoo,

Kan Rabbiin sodaatu ta’ee,

Ati isa irraa dagatta.

Dhorgami! Isheen gorsa.

Nama fedhetu isa (Qur'aana) yaadata. (ittiin gorfama).

Galmeewwan kabajamtuu keessa jira.

Ol fuudhamtuu, qulqulleeffamtuu (keessa jira).

Harka barressitootaa (maleykotaa) jira.

Kabajamoo, ajajamtoota (harka jira).

Namni (kaafiraa) abaarame! Sila maaltu isa kafarsiise?

(Rabbiin) waan akkamii irraa isa uume? (hin xiinxaluu?)

Bishaan saalaa irraa isa uumeeti, ergasii isa sirreesse.

Ergasii karaa (inni ittiin dhalatu) isaaf laaffise.

Ergasii isa ajjeeseti isa awwaalchise. [3] ——— [3] eega umrii waan isaa murtaaye jiraate, isa ajjeesee, awwaalchisiise.

Ergasii yeroo fedhe (guyyaa qiyaamaa) isa kaasa.

Miti (namni) waan Rabbiin isa ajaje ammallee hin raawwanne.

Namni gara nyaata isaa haa ilaalu.

Nuti bishaan buusiinsa baay’inaan buufne (roobsine).

Ergasii dachii dhodhoosiinsa dhodhoofne.

Ishee keessatti firii magarsine.

Inabaafi margas,

Zeytunaafi muka timiraas,

Ashaakiltiilee muka baay’atanis,

Fuduraafi kaloo [akka nuti uumne haa ilaalu].

Isiniifi beylada keessanis qanansiisuuf.

Yeroo gurra duuchituun (Qiyaamaan) dhufte,

Guyyaa namni obboleessa isaa irraa dheessu,

Haadha isaatiifi abbaa isaa irraas,

Niitii isaatiifi ijoollee isaa irraas (baqatu san dhufti).

Nama Isaan irraa ta’e hundaaf guyyaa sana dhimma isa duroomsutu jira.

Fuulli gariin guyyaa san ni ifti. [4] ——— [4] isiin fuula mu'imintootaati.

Kolfituu, gammadduudha.

Fuulli gariin immoo guyyaa san dhukkeetu (quttootu dhukkeetu) irra jira. [5] ——— [5] sun fuuala kuffaaraati.

Gurraachinni ishee haguugdi.

Isaan sun warra Rabbitti kafaranii, balleessa hojjataniidha.

Yeroo aduun maramte, [1] ——— [1] ifaafii oowwi isiillee irraa fudhmee aduun maramte.

Yeroo urjiin harcaate,

Yeroo gaarreen bakkaa oofamte,

Yeroo gaalli rimaan baatii kudhanii dhiifamte (tiksitee malee hafte),

Yeroo bineensonni bosonaa walitti qabamte,

Yeroo galaanni qabsiifamte (akka ibiddaatti bobeette),

Yeroo lubbuuleen hundi (tan isii fakkaattuun walitti) qindeeffamte.

Yeroo durbi jirtuun awwaalamte gaafatamte, [2] ——— [2] Zamana wallaalummaa islaama dura arabni joollee dubraa jirtuu awwaaluu turte. kana islaamummaan cimsee dhoowwe. warra isii ajjeese mudduuf isii gaafatan, maal balleessitee si ajjeesan? jedhanii.

Balleessa kamiif akka ajjeefamte;

Yeroo galmeen (hojii) raabsamte, [3] ——— [3] akka namni hundinuu dubbisee hojii isaa achi keessatti barreefame beekuuf.

Yeroo samiin buqqifamtee maramte,

Yeroo ibiddi qabsiifamte,

Yeroo jannanni (mu'imintootaaf) dhiheeffamte,

Lubbuun waan dalagatte beektee jirtti. [4] ——— [4] kun deebisaa waan olitti dubbatamaniiti. yeroo wanni himame kun hundi tahe. sun guyyaa qiyaamaatii, lubbuun waan dalayde nibeeyti.

(Urjiiwwan) guyyaa badanii halkan mul'ataniinin kakadha.

(Urjiiwwan) yaa’aa seenaa ta’aniinin (kakadha).

Halkaniinis yeroo inni dukkanaa’en (kakadha),

Bariittillee (ninkakadha) yeroo inni hafuura baafate (ife),

Inni (Qur'aanni) kun jecha Ergamaa kabajamaati [5] ——— [5] Qur'aanni kuni jecha Rbbiiti kan Jibriil fuudhee Nabi muhammaditti geessuudha.

(Ergamaa) abbaa humnaa ta'e, kan Gooftaa Arshii biratti bakka jabaa qabu.

Bakka sanatti ajajni isaa fudhatamaafi amanamaa kan ta'e.

Saahibni keessan (Muhammad SAW!) maraataa miti.

Dhugumatti, inni moggaa ol aanaa (samii) mul'ataa keessatti isa argee jira. [6] ——— [6] Nabi muhammad jibriiliin suura isa tan aslii Rabbiin irratti uumerratti isa arge.

Inni (Nabiyyiin) beekumsa fagoo irratti dony'aa miti (hin dhoksu).

Inni (Qur'aanni) jecha sheeyxaana darbamaatii miti.

Mee eessuma deemtu? [7] ——— [7] eega ragaa kana hundaatii akkamitti qur'aana mormuu dandeessan?

Inni (Qur'aanni) aalama hundaaf gorsa malee hintaane.

Nama isin irraa qajeeluma fedheef (gorsa ta'a).

Yoo Rabbiin aalamaa fedhe malee isin homaa hin feetanu.

Yeroo samiin dhodhoote, [1] ——— [1] guyyaa qiyaamaa samiin dhodhooti.

Yeroo urjiiwwan harcaate,

Yeroo galaanonni (bahri) walitti makaman,

Yeroo qabroonni gara gaggalfamtee du’aa ishee keessa jiru ol baafte,

(Yeroo san) lubbuun hundi waan dabarfatte (hojjattee)fi booda aansite ni beekti.

Ati Yaa ilma namaa! Gooftaa kee kan Arjaa ta'etti (amanuu irraa) maaltu si dage?

Isa si uumee, ergasii si guutee, si sirreesse,

Boca fedhe keessatti walitti si qabe (sanarraa maaltu si gowwoomse)? [2] ——— [2] bareechee si uume.

Dhorgamaa! Dhugumatti, guyyaa murtii ni sobsiiftu.

Isin irra to’attootatu jiru.

Kabajamoo, barreessitoota kan ta’an.

Waan isin dalagdan ni beeku. [3] ——— [3] nama hunda bira malaaykaa hojii isaa barreesantu itti ramadamee bira jira. hojii isaa hunda nibarreessan.

Dhugumatti, warri toltuu hojjatan (guyyaa qiyaamaa) qananii (jannata) keessa jiraatu.

Warri hamtuu hojjatan immoo ibidda keessa jiraatu.

Guyyaa murtii ishee seenu.

Isaan ishee irraa hin fagaatanu. [4] ——— [4] keeysaa hinbahan zalaalam keessa jiraatu.

Sila guyyaan murtii maal akka ta'e maaltu si beeksise?

Ergasii guyyaan murtii maal akka ta'e maaltu si beeksise?

(Inni) guyyaa lubbuun takka lubbuu biraatiif homaa gochuu hin dandeenye. Guyyaa san amriin (hundi) kan Rabbiiti.

Salaabiiwwaniif (warra safara hir’isuuf) badiin haa ta’u! [1] ——— [1] badiifii kasaaraan saamtotaaf haatahu.

Isaan yeroo namoota irraa safaratan guuchisiifatan,

Kan Yeroo namootaaf safaran yookiin miizaanan immoo ir’isan.

Sila isaan sun kaafamuu isaanii hin yaadanii?[2] ——— [2] miizaanaafii safara ir'isanii nama cirachuun badii hamtuu guddoodha.

(Qorannoo) Guyyaa guddaadhaaf.

Guyyaa namni Gooftaa aalamaatiif dhaabbatu.

Miti, galmeen badii hojjattootaa Sijjiin keessa taha.

"Sijjiin" maal akka ta'e maaltu si beeksise?

Kitaaba barreeffamaadha (dalagaa yakkamtootaatu irratti barreeffama).

Kijibsiiftotaaf Guyyaa san badiin mirkanaa’e.

Isaan guyyaa murtii kijibsiisaniif.

Daangaa dabritoota dilaawoo cufa ta’e malee namni isa kijibsiisu hin jiru.

Yeroo keeyyattoonni Keenya isaan irratti qara'amte "ogbarruu warra duriiti" jedha.

Haa dhorgamanu! Dhugumatti wanti isaan hojjataa turan onnee isaanii haguuge.

Haadhoorgamanii! Isaan guyyaa san Gooftaa isaanii irraa haguugamoodha.

Ergasii isaan ibidda seenoodha.

Ergasii "inni kun (azaabni) isa isin sobsiisaa turtan" isaaniin jedhama.

Miti, galmeen toltuu hojjattootaa Illiyyiin keessatti ta'aadha.

"Illiyyiin" maal akka ta'e maaltu si beeksise?

Kitaaba barreeffamaadha (hojii warra Rabbitti amaneetu irratti barreeffame).

Warra Rabbitti dhiheeffamantu isa arga.

Dhugumatti, toltuu hojjattoonni qananiilee keessa jiraatu.

Sireewwan irra (taa'anii) ilaalu.

Fuulleen isaanii keessatti ifina qananii ni beekta.

Dhugaatii qadaadamaa irraa obaafamu.

Dhumti isaa miskiidha; sana keessatti warri wal dorgoman wal haa dorgomanii. [3] ——— [3] waan Rabbiin jaalatu hojjatanii waan inni dhoowweraa fagaachuudhaan.

Makaan isaa ‘Tasniim’ irraayi.

(Tasniim) madda warri Rabbitti dhiheeffaman irraa dhuganiidha. [4] ——— [4] isiin gararree jannataatti argamti.

isaan dilaawan(kaafiroonni) (qoosaaf) isaan amananitti kolfaa turan.

Yeroo isaan bira dabran wal akeeku.

Yeroo gara maatii isaanii deebi'an gammadaa deebi’u.

Yeroo isaan argan " isaan kun jallattoota" jedhan.

Haala to'attoota ta'anii isaan irratti hin ergaminiin.

ar’a (guyyaa kaafamiinsaa) isaan amanantu kaafirootatti kolfa.

Sireewwan irra (ta'anii) ilaalu.

"Sila kaafiroonni waan dalagaa turan mindeffamaniiruu?”.

Yeroo samiin dhodhoote [1] ——— [1] guyyaa qiyaamaa yeroo samiin dhodhoote.

(Yeroo isheen ajaja) Gooftaa ishee dhaggeeffatte; (wanti kana godhu waan itti argameef) dhugaa qabdi.

Yeroo dachiin diriirfamte,

Waan ishee keessa jiru ol darbitee, duwwaa taate, [2] ——— [2] waan isii keessaa albuudaafii nama itti awwaalame oldarbiti.

(Yeroo isheen ajaja) Gooftaa ishee dhaggeeffatte; (wanti kana godhu waan itti argameef) dhugaa qabdi.

Ati Yaa ilma namaa! Ati gara Rabbii keetii (dhaqqabuuf) hojiin laffa'aadha laffa'iinsa, isa qunnamaadhasi. [3] ——— [3] hojii toltu yooka hamtuu dalaydeeti qabattee fuula Rabbii dhayxa.

Ammoo Namni kitaaba isaa mirga isaatiin kenname;

Qormaata salphaa qoramuuf jira.

Gammadaa gara maatii isaa deebi’a.

Namni kitaaba isaa dugdaisaa duubaan (harka bitaatiin) kenname immoo;

Badii yaamuuf jira (Yaa badii tiyya jedhee) (uf abaara).

Ibidda boba’aa (jahannam) seena.

Inni maatii isaa keessatti (adduniyatti) (diliifii kufrii isaarratti) gammadaa ture.

Inni (gama Rabbii) hindeebi’uu (hinkaafamuu) yaade.

Lakki! (ni deebi’a) Gooftaan isaa isa argaadha.

Miti! Diimina galgalaattin (kan seensa aduu boodaa) kakadha.

Halkaniifi waan inni walitti qabeenis (nan kakadha).

Ji'attis yeroo inni guuteenin (goobana taheen) (kakadha).

Isin sadarkaa tokko irraa gara sadarkaa biraatti ceetu.

Maaltu isaaniif jiraayi hin amanne?

Yeroo Qur'aanni isaan irratti qara'amu hinsujuudan. [4] ——— [4] as sujuuda qaraatii qur'aanaattu jira.

Dhugumaatti, warri kafaran ni kijibsiisu.

Rabbiin beekaa waan isaan (onnee isaanii keessatti) walitti qabaniiti.

Adaba laalessaadhaan isaan gammachiisi.

Isaan amananii gaggaarii hojjatan malee isaaniif mindaa hin cinnetu jira. [5] ——— [5] galanni hincinne sun jannata.

Samii abbaa buufataale (orbitii) (aduu, ji'aafii urjiin ittiin naannawaniin) kakadha. [1] ——— [1] buruuj jechuunurjiilee buufata ji'aafii aduuti.

Guyyaa beellamamaanis (guyyaa qiyaamaa)tiinis (ninkakadha),

Ragaa ba'aafi warra ragaan itti ba'amuunis (nan kakadhaa),

Warri handaqa abaaraman.

(Warri) ibidda boba’aa. [2] ——— [2] handaqa qotanii ibidda keessatti bobeessanii mu'imintoota jiroo itti darbanii guban.

Yeroo isaan ishee irra taa'an,

Isaan waan mu'imintootatti hojjatan irratti hirmaattota.

Rabbii injifataa, faarfamaatti amanuu malee homaa isaan irraa hinjibbine. [3] ——— [3] seenaan warra mu'mintoota kafarsiisuuf ibiddaan gubanii tuni bal'inaan hadiisa keessa jirti.

(Rabbiin) Isa mootummaan samiileefi dachii Isaaf ta'eedha. Rabbiin waan hunda irratti ragaadha.

Isaan mu'imintoota dhiiraafi dubartootaa rakkisanii ergasii gara Rabbii isaanii kan hin deebi'in (hin tawbatin) isaaniif adabbii jahannamtu jira; ammas isaaniif adabbii gubaatu jira.

Isaan amananii gaggaarii hojjatan, isaaniif jannatoowwan laggeen jala ishee yaatutu jira. Sun milkii guddaadha.

Qabaan Gooftaa keetii (kan zaalimtoota qabu) haalaan cimaadha.

Inni Isumatu [uumama] jalqaba; (du'a boodas) ni deebisa.

Inni akkaan araaramaa, akkaan jaalataadha

(Inni) abbaa Arshiiti; guddaadha.

Waan fedhe akkaan hojjataadha.

Sila oduun waraanaa si ga'eeraa?

(Waraana) Fir'awnaafi Samuud.

Dhugumatti, isaan kafaran kijibsiisuu keessa jiru.

Rabbiin immoo duuba isaanii irraan marsaadha.

Dhugumatti, inni Qur'aana guddaadha.

Luuhii tiikfamaa keessa jira.

Samiifi (urjii) halkan dhufaa ta’eenin (kakadha). [1] ——— [1] Rabbiin samiifii urjiin kakate.

(Urjii) halkan dhufaa ta’e maaltu si beeksise?

(Inni) urjii ifti isaa dukkana uraa ta’eedha.

Lubbuun hundi (malaaykaan) tiksaan ishee irra jiraatu malee hin hafu.

Namni maal irraa akka uumame haa ilaalu.

Bishaan (hormaataa) utaalaa irraa uumame.

Jidduu dugdaatiifi qomaatii kan ba’u.

Inni isa deebisuu irratti danda’aadha.

Guyyaa iccitiiwwan ifa baatu.

(Gaafas) humnas ta’ee tumsaan isaaf hin jiru.

Samii abbaa (rooba) deddeebiitiinin (kakadha).

Dachii dhodhootuunin (kakadha).

Inni (Qur'aanni) jecha (dhugaaf dhara) adda baasaadha.

Inni qoosaa miti.

isaan shira shiru.

Anis shiran (isaanii nifashalsiisa) baasa.

Kaafirootaaf yeroo kenni. Ammas xinnoo yeroo kenniif.

Maqaa Gooftaa kee olaanaa ta'ee qulqulleessi. [1] ——— [1] subhaana Rabbiyal a'ilaa jedhii Rabbi qulqulleessi.

Isa (waan hunda) uumee guute.

Isa murteessee qajeelche.

Isa marga baase,

Goggogaa gurraacha isa taasise.

Si qaraasisuuf jirraa hin dagattu. [2] ——— [2] yaa muhammad qur'aana akka ati hin irraanfanneti siqaraasisuuf jirraa nindagadha jettee hinyaaddawin.

Waan Rabbiin fedhe malee Inni mul’ataafi dhokataas ni beeka.

Nuti karaa laaftuu taateef si laaffifna.

yaadachiisi Yoo yaadachiisni fayyadde.

Namni Rabbiin sodaatu (muslimni) gorfamuuf jira.

Hoongawaan (kaafirri) ishee irraa fagaata.

Inni ibidda guddoo seenu sun.

Ergasii ishee keessatti hin du'u; (jiruu nagayaa) hin jiraatus.

Dhugumatti, namni of qulqulleeffate milkaa’e. [3] ——— [3] diliifii shirkirraa qulqullaawuudhaan.

Maqaa Gooftaa isaa dubbatee (faarsee) kan salaate.

Inumaa isin jiruu addunyaa filattu.

Odoo Aakhiraan caaltuufi haftuu taatee jirtuu [addunyaa filattu].

Kun barreeffamoota duraanii keessa jira.

Barreeffamoota Ibraahiimifi Muusaa [keessa jira].

Sila oduun haguugduu (Qiyaamaa) sitti dhufeeraa? [1] ——— [1] hagooyduun maqaa qiyaamaati.

Fuulleen (gariin) guyyaa san xiqqaattuudha.[2] ——— [2] sun fuula warra hoongayeeti.

Hojjattuu ifaajjuudha.

Ibidda gubduu seenti.

Burqituu danfituu irraa obaafamti.

Adaamii (cuqun) (hadhaawaa, ajaawaa) malee nyaanni isaaniif hin jiru.

(isa nyaachuun) Hin gabbisu; beela irraas hin duroomsu.

Fuulleen gariin guyyaa san qananiituudha. [3] ——— [3] sunfuula warra milkaayeeti, mu'imintootaati.

Dalagaa ishee jaalattuudha.

Jannata ol fuudhamtuu keessa jiraatti.

Ishee keessatti waca hin dhageessu.

Ishee keessa burqituu yaatutu jirti.

Ishee keessa sireewwan ol fuudhamtuutu jirti.

Kubbaayyaawwan kaa’amtuutu jirti.

Boraatiiwwan tarree galfamantu (isaaniif jira).

Afaawwan diriirfamanis (isaaniif jirti).

Sila gara gaalaa hin ilaalanuu akkamitti akka uumamte?

Gara samii akkamitti akka ol fuudhamte (hin ilaalanuu)?

Gara gaarreenis akkamitti akka dhaabamte (hin ilaalanuu)?

Gara dachiis akkamitti akka diriirfamte (hin ilaalanuu)?

Yaadachiisi; ati yaadachiisaa qofa.

Isaan irratti dirqisiisaa hin taane.

Nama gara galee kafare malee,

Rabbiin adabbii guddaa isa adaba. [4] ——— [4] jahannam isa seensisa.

Deebiin isaanii garuma Keenya.

Ergasii qormaanni isaanii Nurra jira.

Bariinin (kakadha). [1] ——— [1] Rabbiin yeroo bariitiin kakate.

Halkan kurnaniinis, [2] ——— [2] Rabbiin halkan kurnan duraa tan ji'a zulhijjaatiin kakate.

Cimdiifi qarattis;

Halkanittis; yeroo inni deeme. [3] ——— [3] deebisaan kakuuwwan kanaa, "hojii keessanirratti galata galfamuuf jiraattan aakhiratti" jechuudha.

Sila sana keessa abbootii sammuutiif kakuun quubsaan jiraa? (ee ni jira)!

Sila akkam akka Gooftaan kee Aaditti hojjate hin arginee? [4] ——— [4] yeroo isaan nabiyyii isaan huud kijibsiisan.

Iramiin warra dhedheerootti, [5] ——— [5] iram akaakayyuu isaanii kan isaan hore, isaan moggaafaman.

Ishee fakkiin ishee biyyoota keessatti hin uumamin san.

Samuudittis (ummata nabi saalih) warra laga (Hijri) keessatti dhagaa uran (mana irraa tolfatan).

Fir'awniinis abbaa shikaalaatti;

Isaan biyyoota keessatti daangaa dabran.

Kan ishee keessatti badii baay'isan.

Gooftaan kee gosa azaabaa isaan irratti buuse.

Gooftaan kee keellatti tahaadha. [6] ——— [6] hojii isaanii toohataadha, galata irratti galchaaf.

Ammoo Namni yeroo gooftaan isaa isa qorate, isa kabajee, isa qanansiise nijedha “Gooftaan kiyya na kabaje”.

Yeroo inni hiree isaa itti xiqqeessee isa qorate immoo “Gooftaan kiyya na xiqqeesse” jedha.

Haa dhorgamu! Dhugumatti, isin yatiima hin kabajjan.

Hiyyeessa nyaachisuu irrattis hin kakaaftan.

Qabeenya dhaalaa, nyaata [halaalaafi haraama] walitti qabate (nyaata hamaa) nyaattan.

Jaalala baay’ee qabeenya jaalattu.[7] ——— [7] qusannootaaf jechaa karaa Rabbii keessatti kennuu diddanii dhoowwattan.

Dhorgamaa! Yeroo dachiin waliin dhawamiinsa jabaa waliin dhawamte (sossoote).

(Yeroo) Gooftaan kee dhufee maleykonnis hiriira hiriiran [dhufan]. [8] ——— [8] dhufiinsa Rabbii keenya akkaataa isaan malutti dhufuun beekamaadha. guyyaa qiyaamaa gabroota jiddutti murteessuuf dhufa. kana mormuun hintahu.

Guyyaa san jahannamis ni fidama Guyyaa san namni ni yaadata Yaadannoon (guyyaa sanii) maal isaaf godha ree? (homaa isa hinfayyadu) [9] ——— [9] hadiisatti akkana jedhame "guyyaa san jahannam nifidhamti haala lugaama kuma torbaatam qabduun kan lugaama tokko maleeykan kuma torbaatam harkiftu".

Ni jedha: "yaa gaabbii tiyya odoon jiruu tiyyaaf dabarfadhee." [10] ——— [10] hojii gaarii jiruu isaa tan aakhiraatii osoo addunyatti hojjatee dabarfateef gaabbe.

Guyyaa san adabbii (akka adabbii isaa) Isaa tokkolleen hin adabu.

Hidhaa (akka hidhaa) Isaas tokkolleen hin hidhu.

(lubbuu mu'imintootaatiin nijedhama) “Ati Yaa lubbuu tasgabbooftuu!

Gara Gooftaa keetii deebi'i Jaalattuu, jaalatamtuu tahaadhaa .

Gabroota kiyya keessas seeni.

Jannata kiyyas seeni” (jedhamti)

Miti, Biyya (Makkaa) kanaanin kakadha. [1] ——— [1] biyya makkaa kabajmtuun kakate Rabbiin.

Ati biyyia kana qubataadha.

Abbaafi waan inni dhaleenis (nan kakadha).

Dhugumatti, Nuti nama cinqii keessatti uumne.

Sila inni tokkolleen isa irratti hin danda'uu yaadaa?

“Qabeenya (tuulamaa) guddaan balleesse" jedha.

Sila inni tokkolleen isa hin arguu yaadaa? [2] ——— [2] Rabbiin isa argaa, qabeenya isaarraayis isa gaafataa kana haabeekuu.

Sila Nuti ija lama (tan isiidhaan waa argu) isaaf hin taasifnee?

Arrabaafi hidhii lameenis (kan ittiin dubbatu);

Karaa lama (gaariifi badaa) isaaf ibsine.

Sila maaliif tulluu (isaaf jannata jidduu jirtu) hin dabrine?

Tulluttiin maal akka taate maaltu si beeksise?

(Inni) Gabra bilisoomsuudha.

Yookiin guyyaa beelaa keessa nyaachisuudha.

Yatiima fira ta’an;

Yookiin hiyyeessa harkaan lafa qabate (deege).

Ergasii warra amananii, obsa waliif dhaamaniifi rahmata waliif dhaaman irraa maaliif hin taane?

Isaan sun warra mirgaati.

Isaan keeyyattoota keenyatti kafaran immoo isaan warra bitaati.

(guyyaa qiyyaamaa) Isaan irratti ibiddi cufamtuudha.

Aduufi waaree (ifa) isheetiinin (kakadha). [1] ——— [1] Aduufii yeroo waareetiin kakate Rabbiin.

Ji’aanis (kakadhe) yeroo inni ishee hordofe.

Guyyaanis (kakadhe) yeroo inni ishee (waan lafarra jiru) mul’ise;

Halkaniinis (kakadhe) yeroo inni ishee haguuge (dachii dukkaneesse);

Samiifi kan ishee ijaareenis (kakadhe);

Dachiifi kan ishee diriirseenis;

Lubbuufi kan ishee uumeenis;

Kan jall’ina isheefi qajeeluma ishee ishee barsiise.

Namni ishee qulqulleesse dhugumatti milkaa’e. [2] ——— [2] hamturraa isii fageessee tolturratti isii bobbaasuun.

Namni ishee xureesses dhugaatti hoonga’e.[3] ——— [3] hamtuu isii hojjachiisuun.

Samuud (nabi saalihiin) daangaa dabruu isheetiin kijibsiifte.

Yeroo irra jallaan ishee ka’u (kijibsiifte).

Ergamaan Rabbiis (Saalih) isaaniin “gaala Rabbiitiifi dhugaatii ishee (eeggadhaa, hintuqinaa)” jedhe.

Isa kijibsiisanii, ishee waraanan, Rabbiin isaanii Sababa badii isaanii isaan balleessee, ishee wal qixxeesse.

Haaloo ishee hin sodaatu.

Halkaniin (nan kakadha); yeroo (inni) (dukkanaan dachii) haguuge.[1] ——— [1] Rabbiin halkan gurraachaan kakate.

Guyyaanis (ninkakadhaa) yeroo inni mul'ate;

Uuminsa isa kormaafi dhalaa uumeenis;

Dhugumatti, dalagaan keessan adda adda (wal dhaba) (kuun jallaa kuun qajeelaadha).

Ammoo Namni kennatee Rabbiin sodaate, [2] ——— [2] zakkaa, sadaqaafii kan biraallee kennate.

(Islaamummaa) bareedduu dhugoomse,

(Karaa) laaftuuf isa laaffisuuf jirra (hojii gaarii isaaf laaffifna).

Ammoo Nama dony'oomee (karaa Rabbii keessatti kennuu didee) of ga’e,

(Islaamummaa) bareedduu sobsiise,

(Karaa) jabduuf isa laaffisuuf jirra (hamtuu hojjatuutu isaaf laafa).

Yeroo inni (ibiddatti) kufu qabeenyi isaa isa hin fayyadu.

Karaa qajeelaa ifa galchuun (mul'isuun) Nurra jira.

Aakhiraafi addunyaan nuuf tahe (keenya).

(Yaa ilmaan namaa) (Ani) Ibidda qabsiifamaa ta'e isin sodaachise.

Hoonga’aa (kaafira) malee ishee hin seenu.

Kan (islaamummaa) sobsiisee gara gale (malee).

Namni Rabbiin sodaatu ishee irraa fageeffamuuf jira. [3] ——— [3] Aayata tanaafii tanneen isii boodaa keessa warra jiran keessaa abuubakri ssiddiq hangafootarraayi.

Kan qabeenya isaa qulqulleeffachuuf kennu.

Haala isa bira nama tokkoof galanni galfamtu hin jirreen (kan kennatu).

Fuula Gooftaa isaa ol aanaa ta'e barbaachaaf malee (hin kennu).

Dhugumatti, inni fuulduratti (galata Rabbiin isaa galchuun) jaalachuuf jira.

Waareenin (kakadha). [1] ——— [1] jalqaba guyyaa waareen kakate Rabbiin.

Halkaniinis yeroo inni (dukkaneessee) callise.

Gooftaan kee si hin dhiifne; si hin jibbines.

Aakhiraatu tanduraa (addunyaa) irra siif caala.(qananii hindhumne waan qabduuf).

Dhugumatti, Rabbiin kee fuula dura (kenna guddaa) siifii (ummata keetiifis) kenna; ni jaalattas.

Sila yatiima ta’uu si argee si hin irkifnee?

Dogoggoraa (wallaalaa) ta’uu si argee si qajeelche (sibarsiise).

Hiyyeessas taatee si argee si duroomse.

Yatiima hin hacuucin.

Kadhataas hin xixin.

Ni'imaa (qananii) Gooftaa keetii odeessi (galata galchi).

Sila Nuti qoma kee siif hin bal'ifnee? [1] ——— [1] qomatee siif bal'ifnee akka wahyii teenya qeebaltu siifgoone jedhe.

Ba’aa (badii) kee sirraa buufne.

Isa dugda keetti ulfaate (sirraa buufne).

Maqaa keet siif ol kaafne. [2] ——— [2] Rabbiin sadarka gurguddoo nabiyyii keenyaa Muhammadiif s.a.w. kenne. san keessaa maqaan nabiyyichaa kan isaatti aanee akka olfuudhamee dubbatamu taasise. fakkeenyaaf shahaadaa, azaana, iqaamaa, salaata keessattiifii bakka heddutti maqaan nabiyyichaa maqaa Rabbiitti aanee dubbatama.

Rakkinaa wajjin laafinatu (furmaataatu) jira.

Dhugumatti, rakkina wajjin laafinatu jira.

Yeroo (dalagaa wahii) raawwatte xaari (ta biraa ittifufi).

Gara Gooftaa keetii qofa kajeeli.

Tiiniifi Zaytuuniiniin (kakadha). [1] ——— [1] muka lama kan nyaatamuun kakate.

Gaara (Tulluu) xuuri Siiniinaatiinis. [2] ——— [2] gaarri sun bakka Rabbiin nabi muusaa itti dubbise.

Biyya nagaa kanaanis (nin kakadha). [3] ——— [3] makkaan kakate.

Dhugumatti, Nuti nama dhaabbata irra gaarii ta'e keessatti isa uumne.

Ergasii bakka warra jalaa hundarra gadi aanaa ta'etti isa deebifne.

Isaan amananii gaggaarii dalagan malee isaaniif mindaa addaan hin cinnetu jira.

Kana booda maaltu galata [guyyaa Qiyaamaa] si kijibsiisisa (yaa ilma namaa) (kijibsiisutti si kaase)?

Sila Rabbiin irra murteessaa murteessitootaa hin taanee?(tahe).

Maqaa Gooftaa keetii Isa (waan hunda) uumeetiin dubbisi.[1] ——— [1] Aayanni tunihfii tanneen itti aantu dura waan qur'aanarraa Nabi Muhammad s.a.w. irratti buufameeti.

(Isa) nama dhiiga ititaa irraa uume.

Haala Gooftaan kee hunda irra arjaa ta’een qara'i.

Isa qalamaan (barreessuu) barsiise sani.

Nama, waan inni hin beekne barsiise.

Dhugumatti, namni (jallaan) daangaa dabra.

Sababa duroomuu of arguutiin.

(guyyaa qiyaamaa) Deebiin garuma Gooftaa keetiiti.

Sila isa dhorgu san argitee?

Gabricha yeroo inni salaatu (kan dhorgu argitee)? [2] ——— [2] abii jahliitu nabiyyii ka'ibaa biratti salaatuu dhoowwe.

Yoo inni (dhoorgame kun) qajeeluma irra jiraate hoo mee naaf himi!

Yookiin immoo sodaa Rabbiitti yoo ajaje hoo?

Yoo inni (Abuu Jahal) (ergamaa) kijibsiisee (islaamummaa) irraa gara gale hoo mee naaf himi?

Sila inni (abujahli) (hamtuu inni hojjate tana) Rabbiin niargaa hin beekuu?

Miti; yoo inni (Abuu Jahal) dhorgamuu baate, sammuu (isa) qabna. [3] ——— [3] sammuu isaa qabnee bunnee ibiddatti harkifna.

Sammuu sobduu, dogoggortuu taate (qabna).

(akka isa gargaaraniif) Garee isaa haa waammatu.

Nutis waardiyyaa keenya (kan azaabaa) waammachuuf jirra. [4] ——— [4] kamtu akka irra jajjabaa nilaalla.

Miti! ajaja isaa tole hinjedhin, Sujuudi, gara Rabbiitti dhihaadhu.[5] ——— [5] Asitti sujuuda qaraatii qur'aanaattu bu'ama. kun sujuuda xumuraati.

Dhugumatti, Nuti halkan sadarkaa qabdu keessa isa (Qur'aana) buufne. [1] ——— [1] qur'aanni bakkuma takkaa walitti qabamee samii gadi aantutti leylatalqadri keessa gadi buufame. akkasuma Nabiyyirratti lafarratti kan gadi buufamuu jalqabe leylatalqadri ji'a ramadaanaa keessa.

Halkan sadarkaa qabdu maal akka taate maaltu si beeksise?

Halkan sadarkaa qabdu ji'a kumarra caalti. [2] ——— [2] toltuun isii keessa hojjatan toltuu ji'a kuma hojjatan irra caalti.

Maleykonniifi Jibriil ishee keessa eeyyama Gooftaa isaaniitiin waayee hundaan (gara lafaatti) gadi bu'an.

Isheen hanga baha fajriitti nagaadha. [3] ——— [3] leyalulqadriin halkan nagayaati.

Warri abbootii kitaabaafi mushrikoota irraa kafaran jallina isaanii kan gadidhiisan hintaane hanga ragaan isaanitti dhufetti.[1] ——— [1] suuraa bayyinaati, isiin suuraa madiinaati, aayanni isii 8ti.

(Ragichis) ergamaa Rabbi irraa ta’e kan kitaabota qulqulleeffame dubbisu. [2] ——— [2] ergamaan nabi muhammadi, kitabdichi qur'aana.

Ishee keessa barreeffamoota sirriitu (oduu dhugaatiifii seera haqaatu) jira.

Isaan kitaaba kennaman adda hinfacaane eega ragaan ifaan isaanitti dhufue booda malee.

Rabbiin qofa gabbaruu, qajeelanii amantii Isa qofaaf qulqulleessuu, salaata dhaabuufi zakaa kennuutti malee homaa hin ajajamne. Kun amantii qajeelaadha. [3] ——— [3] ikhlaasa yooka hojii Rabbiif qulqulleessuun barbaachisaadha. hojiin ibaadaa agarsiifannaafii dhageessifannaan itti seennaan nibaddi. aayanni kuni kanatti qajeelcha.

Warri abbootii kitaabaafi mushrikoota irraa kafaran ibidda jahannam keessatti hafoo ta’anii jiraatu. Warri sun isaanumatu irra hamtuu uumamaati.

Isaan amananiifi gaggaarii hojjatan, isaan sun isaanumatu irra caalaa uumamaati.

galanni isaanii Gooftaa isaanii biratti jannata qubsumaa, kan jala ishee laggeen yaatu, zalaalam ishee keessa jiraatu. Rabbiin isaan irraa jaalateera; isaanis Isa irraa jaalataniiru. Kun nama Gooftaa isaa sodaatuuf qofa ta’a.

(guyyaa qiyaamaa) Yeroo dachiin sochii ishee sosochoote, [1] ——— [1] suuraa zalzalaati, isiin suuraa madiinaati, aayanni isii8ti.

(yeroo) dachiin ba'aa ishee baafte, [2] ——— [2] waan garaa isii keessa jiru, nama du'eefii kanneen kana fakkaatan.

Namni "sila isheen maal taate?" jedhe,

Guyyaa san (dachiin) oduu ishee ni odeessiti. [3] ——— [3] oduun isii waan duuyda isiirratti hojjatame toltuufii hamtuun guyyaa san ni odeessiti.

[Kunis] Waan Gooftaan kee isheetti beeksisa godheef.

Guyyaa san namoonni hojii isaanii agarsiifamuuf jecha garee gareen (bakka dhaabbii irraa) deebi’u.

Namni (hanga) ulfina mixii (xiqqoo takka) toltuu dalage isuma arga.

Namni (hanga) ulfina mixii (xiqqoo takka) hamtuu dalages isuma arga.

(Faradoo jihaadaa) harganaa guluftuunin (kakadha), [1] ——— [1] suuraa aadiyaat, isiin suuraa makkaati, aayanni isii 11.

(Isaan yeroo gulufan kottee isaaniitiin) ibidda qabsiisaniin,

(Isaan) bariidhaan (diina irratti) weerara adeemsisanitti;

Isaan dhukkee ol kaasanitti;

Isaan (weeraraan) gamtaa diinaa walakkeessaniin [kakadha].[2] ——— [2] kanneen warra isaan yaabbatu saniin gulufanii diina walakkaa geessan jechuudha.

Dhugumatti, namni (hedduun) Gooftaa isaa mormaadha. [3] ——— [3] deebiin kakuu kana kunoo.

Inni kana irratti ragaadha.

Inni (namni) qabeenya jaalachuutti cimaadha.

Sila inni yeroo wanti qabroota keessa jiran hundi baafaman sana (qormaana isa eeggatu) hin beekuu?

Yeroo wanti qomoota keessa jiran (hundi) ifa baafaman (hin beekuu?)

Dhugumatti, Gooftan isaanii guyyaa san isaan beekaadha (hojii isaaniirratti galata isaaniif galcha).

Qalbii rukuttuun (Qiyaamaan). [1] ——— [1] qaari'aan maqaa qiyaamaati.

Qalbii rukuttuun maali? [2] ——— [2] qaari'ah maqaa qiyaamaati.

Qalbii rukuttuun maal akka taate maaltu si beeksise?

Guyyaa namni akka billaacha faffacaafamee ta’u.

(Guyyaa) gaarreen (haffalatuufii sossohuu keessatti) akka jirbii iddamee (qaasasame) taatu.

Namni madaalli (hojii) (toltuu) isaa ulfaatte,[3] ——— [3] totuun isaa hamtuu isaarra ulfaatte.

Inni (jannata seenee) jireenya jaalatamtuu keessa ta'a.

Namni madaalli (hojii) isaa (toituun) salphatte immoo,

Qubannoonni isaa (guyyaa qiyaamaa ibidda) “Haawiyaa”dha.

Isheen (Haawiyaan) maal akka taate maaltu si beeksise?

(Isheen) ibidda (haalaan owwituu) gubduudha.

(Qabeenya) Baay’ifachuun (ibaadaa irraa) isin jaataneesse (shaagale). [1] ——— [1] duniyaan ilma namaa aakhirarraa shaagalte.

Hanga qabroota dhaqxanitti (duutanii awwaalamtanitti).

(kan isin irraa hinbarbaachisu) Dhorgamaa! Fuula dura beekuuf jirtu.

Ergasiis dhorgamaa! Fuula dura beekuuf jirtu.

Dhugumatti, odoo beekumsa mirkanaa’aa beektanii (hin shaagalamtanu ture). [2] ——— [2] osoo Rabbii qiyaamaa nukaasee galata hojii keenyaa nuuf galchaa osoo beytanii silaa hindagamtan ture.

Dhugumatti (guyyaa qiyaamaa) ibidda (jahannam) ni argitu.

Ergasii argaa mirkanaa’aa arguuf jirtu.

Ergasii guyyaa san qananiilee irraa gaafatamuuf jirtu.

Yeroonin (saafayaan) kakadha. [1] ——— [1] Rabbiin yeroon kakate.

Dhugumatti, namni hoongoo keessa jira.

Isaan amanan, gaggaarii dalagan, haqa walii dhaamaniifi obsa walii dhaaman malee (warri hafan hoongoo guddaa keessa jiru). [2] ——— [2] warri bifa afran tana qaban adduniyaafii aakhirattis milkaawan. isiin iimaana, gaarii hojjachuu, dhugaa waliif dhaamuu, obsa waliif dhaamuudha.

Hamattuufi arrabsituu hundaaf badiin (azaabni) mirkanaa’e. [1] ——— [1] hamaafii arrabni badii guddaadha,

Isa qabeenya walitti qabee lakkaa'e.

Qabeenyi isaa isa hambisaa yaada. [2] ——— [2] kan duune zalaam qabeenyi isaa isa jiraachisa seha.

Haa dhorgamu! [Ibidda] (jahannam) caccabsituu keessatti darbamuuf jira.

(ibiddi) Caccabsituun maal akka taate maaltu si beeksise?

(Isheen) ibidda Rabbii tan (bobeette) qabsiifamteedha.

Ishee onneewwan irratti (laalaan ishee) mul’attuudha (tan onnee gubduudha).

isheen isaan irratti cufamtuudha.

Utubaalee diriirfamaa keessatti (itti cufama).

Sila Gooftan kee Abbootii Arbaa irratti akkam akka dalage hin arginee? [1] ——— [1] warri arbaa kan ka'ibaa diiguuf duule.

Sila shira isaanii (kan ka'ibaa diiguu) dhabama hin goonee? (godheera).

Simbira (isaan haleeltu) garee gareedhaan isaanitti erge.

Dhagaalee xuubii (suphee, faara gubamte) irraa taateen isaan darbatti.

Akka alalaa (okaya) nyaatamee isaan taasise. [2] ——— [2] caccabseeti akka qachaa isaangodhe.

Qurayshota barsiisuuf (booharsuuf), [1] ——— [1] qureeyshii warra makkaa booharsuuf.

Fe’annaa gannaafi bonaa isaan barsiisuuf jecha (warra arbaa balleesse). [2] ——— [2] ganna yamanitti bona shaamitti fe'atan daldalaaf jecha.

Gooftaa mana kanaa (ka'ibaa) haa gabbaranii.

Isa beela irraa isaan nyachiseefi sodaa irraa isaan tasgabbeesse.

Isa qormaata (galata guyyaa qiyaamaa) sobsiisu argitee? [1] ——— [1] suuraa maa'uun, isiin suuraa makkaati, aayanni isii7.

Sun isa yatiima humnaan deebisu. [2] ——— [2] yatiimatti garaa jabaachuun badii guddaadha. akkasuma yatiimatti tola ooluun gargaaruun galata guddaa qaba.

Hiyyeessa nyaachisuu irrattis (lubbuu isaatiifii namoota) hin kakaasu. [3] ——— [3] hiyyeessa rakkataa nyaachisuufii itti sadaqachuun waan sawaaba guddaa qabu. faallaan kana bifa warra hoongayeeti.

Warra (xiqqeessaa) salaataniif badiin mirkanaa’e.

Isaan sun warra salaata isaanii irraa dagatoo tahan (kan dantaa hinqabne).

Isaan warra (salaataafii dalagaa namatti) agarsiifatan.[4] ——— [4] agarsiifannaan ibaadaa badii guddoodha. dalagaa teenyaa ikhlaasa Rabbiif qulqulleessuutu barbaachisa. hojiin ikhlaasa hinqabne fudhatama hinqabdu.

Isaan meeshaa ergisaa dhorgataniif (badiin mirkanaa’e).

Nuti dhugumatti, tola guddaa siif kennineerra. [1] ——— [1] kowsar laga jannatarraa tahe kan Nabiyyiif kennamu.

Gooftaa keetiif sagadii isaaf qali. [2] ——— [2] akkuma salaanni ibaadaa Rabbuma qofaaf tahe beyladaa qaluunis ibaadaadha Rabbuma qofaaf tahuu qabdi.

Dhugumatti kan si jibbu isuma kan qaccee (shanyiin) cite (kheyrii hunda irraa cite).

Jedhi: "isin yaa warra Rabbitti kafartan! [1] ——— [1] kaafirootaan jedhi.

Ani waan isin gabbartan (taabota) (ammas tahee fuulduratti) hin gabbaru.

Isinis waan ani gabbaru (Rabbii tokkicha) kan gabbartan hin taane.

Anis waan isin gabbartan (taabota) (fuula duras) kan gabbaruu miti.

Isinis waan ani gabbaru (Rabbii tokkicha) (fuula duras) kan gabbartanii miti.

Isiniif amantiin keessan (kan kufriifii jallinaattu) jira; anaaf amantiin kiyya (qajeelaa islaamummaattu) jira."

Yeroo tumsi Rabbiitiifi banamiinsi (Makkaa) dhufe, [1] ——— [1] yeroo Rabbiin siif tumsee makkaan siif bane.

Namootas garee gareedhaan diinii Rabbii (islaama) keessa kan seenan argite,

Gooftaa kee faarsuu wajjin qulqulleessi; araarama isa kadhadhu, inni akkaan tawbaa qeebalaa taheera.[2] ——— [2] injifannoofii banaan makkaa dhufuun kun dirqama ergaa Rabbii geessisuu xumuruu nabiyyiiti garsiisa. akkasuma adduniyarraa deemuun isaanii dhihaatuuf mallattoodha.

Harki lamaan Abuu Lahab badde [Innis] bade. [1] ——— [1] abuu lahab kaafira hamaa nabiin rakkisaa ture, adeera nabiiti garuu addawwii hamaa itti tahe.

Qabeenyi isaatiifi wanti inni hores (joolleen) isa hin fayyanne.

(Guyyaa qiyaamaa) Ibidda abbaa bobayaa (belbelaa) taate seenuuf jira (isii keessatti gubata).

Niitiin isaas baadhattuu qoraanii taatee (ibidda seenti). [2] ——— [2] ummu jamiil jedhamti, qoree karaa nabiin deemanirratti guurtee isaan dararaa turte.

Morma ishee keessa haada quncee temiraa irraa ta'etu jira. [3] ——— [3] haadaan morma hidhamtee ibidda jahannamitti oofamti.

Jedhi: "Inni Allaah (gabbaramaa dhugaa) tokkicha. [1] ——— [1] Rabbiin tokko jedhi.

Allaahn irkoo waa hundaati.

Hin dhalle hin dhalannes. [2] ——— [2] Rabbiin ilmoo hindhalle, ilmoo hinqabu, nabi iisaan ergamaa malee ilma Rabbiitii miti. warri akkas jedhu kijibeeti kafaresi.

Hiriyaan (fakkaataan) tokkoos isaaf hin taane.”

Jedhi: "Gooftaa bariittin maganfadha. [1] ——— [1] Rabbii bariibarraaqaatiin tiiyfama jedhi.

Hamtuu waan Inni uumee (tan nama miituu) irraa.

Hamtuu dukkanaa yeroo dukkanaa’e (hamtuu halkan keessa argamtu) irraas,

Hamtuu (dubartii sihrii) guduunfaalee keessatti tuftu irraas, [2] ——— [2] suuraa tanaafii tan itti aantu nama sihriin ittigodhamte, kan budaan nyaatteefii jinniin seente itti qara'anii yaaluun nidandayama.

Hamtuu haasidaa yeroo inni hassadu (waanyu) irraas (Rabbittin maganfadha).”

Jedhi: "Gooftaa namaattin maganfadha. [1] ——— [1] Rabbii namaatiinin tiiyfama jedhi.

Mootii namaatti,

Gabbaramaa namaatti (kan isa malee gabbaramaan haqaa hinjirretti),

Hamtuu hasaassii (sheyxaana) dhokatuufi mul’atuu irraa [2] ——— [2] hamtuu sheyxaanaa kan yoo zikrii Rabbii godhan dhokatee yoo zikrii dhiisan namatti dhufu irraa Rabbitti maganfadha.

Isa qomoota namaa (onneewwan) keessa waswaasu irraa,

Jinniifi nama irraa kan ta’e (irraan maganfadha).”