Şonaca Meal — Dârü'l-İlim Enstitüsü — Şûrâ 42:1 – Nuh 71:28
Contents
- Şûrâ 42:1
- Şûrâ 42:2
- Şûrâ 42:3
- Şûrâ 42:4
- Şûrâ 42:5
- Şûrâ 42:6
- Şûrâ 42:7
- Şûrâ 42:8
- Şûrâ 42:9
- Şûrâ 42:10
- Şûrâ 42:11
- Şûrâ 42:12
- Şûrâ 42:13
- Şûrâ 42:14
- Şûrâ 42:15
- Şûrâ 42:16
- Şûrâ 42:17
- Şûrâ 42:18
- Şûrâ 42:19
- Şûrâ 42:20
- Şûrâ 42:21
- Şûrâ 42:22
- Şûrâ 42:23
- Şûrâ 42:24
- Şûrâ 42:25
- Şûrâ 42:26
- Şûrâ 42:27
- Şûrâ 42:28
- Şûrâ 42:29
- Şûrâ 42:30
- Şûrâ 42:31
- Şûrâ 42:32
- Şûrâ 42:33
- Şûrâ 42:34
- Şûrâ 42:35
- Şûrâ 42:36
- Şûrâ 42:37
- Şûrâ 42:38
- Şûrâ 42:39
- Şûrâ 42:40
- Şûrâ 42:41
- Şûrâ 42:42
- Şûrâ 42:43
- Şûrâ 42:44
- Şûrâ 42:45
- Şûrâ 42:46
- Şûrâ 42:47
- Şûrâ 42:48
- Şûrâ 42:49
- Şûrâ 42:50
- Şûrâ 42:51
- Şûrâ 42:52
- Şûrâ 42:53
- Zuhruf 43:1
- Zuhruf 43:2
- Zuhruf 43:3
- Zuhruf 43:4
- Zuhruf 43:5
- Zuhruf 43:6
- Zuhruf 43:7
- Zuhruf 43:8
- Zuhruf 43:9
- Zuhruf 43:10
- Zuhruf 43:11
- Zuhruf 43:12
- Zuhruf 43:13
- Zuhruf 43:14
- Zuhruf 43:15
- Zuhruf 43:16
- Zuhruf 43:17
- Zuhruf 43:18
- Zuhruf 43:19
- Zuhruf 43:20
- Zuhruf 43:21
- Zuhruf 43:22
- Zuhruf 43:23
- Zuhruf 43:24
- Zuhruf 43:25
- Zuhruf 43:26
- Zuhruf 43:27
- Zuhruf 43:28
- Zuhruf 43:29
- Zuhruf 43:30
- Zuhruf 43:31
- Zuhruf 43:32
- Zuhruf 43:33
- Zuhruf 43:34
- Zuhruf 43:35
- Zuhruf 43:36
- Zuhruf 43:37
- Zuhruf 43:38
- Zuhruf 43:39
- Zuhruf 43:40
- Zuhruf 43:41
- Zuhruf 43:42
- Zuhruf 43:43
- Zuhruf 43:44
- Zuhruf 43:45
- Zuhruf 43:46
- Zuhruf 43:47
- Zuhruf 43:48
- Zuhruf 43:49
- Zuhruf 43:50
- Zuhruf 43:51
- Zuhruf 43:52
- Zuhruf 43:53
- Zuhruf 43:54
- Zuhruf 43:55
- Zuhruf 43:56
- Zuhruf 43:57
- Zuhruf 43:58
- Zuhruf 43:59
- Zuhruf 43:60
- Zuhruf 43:61
- Zuhruf 43:62
- Zuhruf 43:63
- Zuhruf 43:64
- Zuhruf 43:65
- Zuhruf 43:66
- Zuhruf 43:67
- Zuhruf 43:68
- Zuhruf 43:69
- Zuhruf 43:70
- Zuhruf 43:71
- Zuhruf 43:72
- Zuhruf 43:73
- Zuhruf 43:74
- Zuhruf 43:75
- Zuhruf 43:76
- Zuhruf 43:77
- Zuhruf 43:78
- Zuhruf 43:79
- Zuhruf 43:80
- Zuhruf 43:81
- Zuhruf 43:82
- Zuhruf 43:83
- Zuhruf 43:84
- Zuhruf 43:85
- Zuhruf 43:86
- Zuhruf 43:87
- Zuhruf 43:88
- Zuhruf 43:89
- Duhan 44:1
- Duhan 44:2
- Duhan 44:3
- Duhan 44:4
- Duhan 44:5
- Duhan 44:6
- Duhan 44:7
- Duhan 44:8
- Duhan 44:9
- Duhan 44:10
- Duhan 44:11
- Duhan 44:12
- Duhan 44:13
- Duhan 44:14
- Duhan 44:15
- Duhan 44:16
- Duhan 44:17
- Duhan 44:18
- Duhan 44:19
- Duhan 44:20
- Duhan 44:21
- Duhan 44:22
- Duhan 44:23
- Duhan 44:24
- Duhan 44:25
- Duhan 44:26
- Duhan 44:27
- Duhan 44:28
- Duhan 44:29
- Duhan 44:30
- Duhan 44:31
- Duhan 44:32
- Duhan 44:33
- Duhan 44:34
- Duhan 44:35
- Duhan 44:36
- Duhan 44:37
- Duhan 44:38
- Duhan 44:39
- Duhan 44:40
- Duhan 44:41
- Duhan 44:42
- Duhan 44:43
- Duhan 44:44
- Duhan 44:45
- Duhan 44:46
- Duhan 44:47
- Duhan 44:48
- Duhan 44:49
- Duhan 44:50
- Duhan 44:51
- Duhan 44:52
- Duhan 44:53
- Duhan 44:54
- Duhan 44:55
- Duhan 44:56
- Duhan 44:57
- Duhan 44:58
- Duhan 44:59
- Câsiye 45:1
- Câsiye 45:2
- Câsiye 45:3
- Câsiye 45:4
- Câsiye 45:5
- Câsiye 45:6
- Câsiye 45:7
- Câsiye 45:8
- Câsiye 45:9
- Câsiye 45:10
- Câsiye 45:11
- Câsiye 45:12
- Câsiye 45:13
- Câsiye 45:14
- Câsiye 45:15
- Câsiye 45:16
- Câsiye 45:17
- Câsiye 45:18
- Câsiye 45:19
- Câsiye 45:20
- Câsiye 45:21
- Câsiye 45:22
- Câsiye 45:23
- Câsiye 45:24
- Câsiye 45:25
- Câsiye 45:26
- Câsiye 45:27
- Câsiye 45:28
- Câsiye 45:29
- Câsiye 45:30
- Câsiye 45:31
- Câsiye 45:32
- Câsiye 45:33
- Câsiye 45:34
- Câsiye 45:35
- Câsiye 45:36
- Câsiye 45:37
- Ahkaf 46:1
- Ahkaf 46:2
- Ahkaf 46:3
- Ahkaf 46:4
- Ahkaf 46:5
- Ahkaf 46:6
- Ahkaf 46:7
- Ahkaf 46:8
- Ahkaf 46:9
- Ahkaf 46:10
- Ahkaf 46:11
- Ahkaf 46:12
- Ahkaf 46:13
- Ahkaf 46:14
- Ahkaf 46:15
- Ahkaf 46:16
- Ahkaf 46:17
- Ahkaf 46:18
- Ahkaf 46:19
- Ahkaf 46:20
- Ahkaf 46:21
- Ahkaf 46:22
- Ahkaf 46:23
- Ahkaf 46:24
- Ahkaf 46:25
- Ahkaf 46:26
- Ahkaf 46:27
- Ahkaf 46:28
- Ahkaf 46:29
- Ahkaf 46:30
- Ahkaf 46:31
- Ahkaf 46:32
- Ahkaf 46:33
- Ahkaf 46:34
- Ahkaf 46:35
- Muhammed 47:1
- Muhammed 47:2
- Muhammed 47:3
- Muhammed 47:4
- Muhammed 47:5
- Muhammed 47:6
- Muhammed 47:7
- Muhammed 47:8
- Muhammed 47:9
- Muhammed 47:10
- Muhammed 47:11
- Muhammed 47:12
- Muhammed 47:13
- Muhammed 47:14
- Muhammed 47:15
- Muhammed 47:16
- Muhammed 47:17
- Muhammed 47:18
- Muhammed 47:19
- Muhammed 47:20
- Muhammed 47:21
- Muhammed 47:22
- Muhammed 47:23
- Muhammed 47:24
- Muhammed 47:25
- Muhammed 47:26
- Muhammed 47:27
- Muhammed 47:28
- Muhammed 47:29
- Muhammed 47:30
- Muhammed 47:31
- Muhammed 47:32
- Muhammed 47:33
- Muhammed 47:34
- Muhammed 47:35
- Muhammed 47:36
- Muhammed 47:37
- Muhammed 47:38
- Feth 48:1
- Feth 48:2
- Feth 48:3
- Feth 48:4
- Feth 48:5
- Feth 48:6
- Feth 48:7
- Feth 48:8
- Feth 48:9
- Feth 48:10
- Feth 48:11
- Feth 48:12
- Feth 48:13
- Feth 48:14
- Feth 48:15
- Feth 48:16
- Feth 48:17
- Feth 48:18
- Feth 48:19
- Feth 48:20
- Feth 48:21
- Feth 48:22
- Feth 48:23
- Feth 48:24
- Feth 48:25
- Feth 48:26
- Feth 48:27
- Feth 48:28
- Feth 48:29
- Hucurat 49:1
- Hucurat 49:2
- Hucurat 49:3
- Hucurat 49:4
- Hucurat 49:5
- Hucurat 49:6
- Hucurat 49:7
- Hucurat 49:8
- Hucurat 49:9
- Hucurat 49:10
- Hucurat 49:11
- Hucurat 49:12
- Hucurat 49:13
- Hucurat 49:14
- Hucurat 49:15
- Hucurat 49:16
- Hucurat 49:17
- Hucurat 49:18
- Kâf 50:1
- Kâf 50:2
- Kâf 50:3
- Kâf 50:4
- Kâf 50:5
- Kâf 50:6
- Kâf 50:7
- Kâf 50:8
- Kâf 50:9
- Kâf 50:10
- Kâf 50:11
- Kâf 50:12
- Kâf 50:13
- Kâf 50:14
- Kâf 50:15
- Kâf 50:16
- Kâf 50:17
- Kâf 50:18
- Kâf 50:19
- Kâf 50:20
- Kâf 50:21
- Kâf 50:22
- Kâf 50:23
- Kâf 50:24
- Kâf 50:25
- Kâf 50:26
- Kâf 50:27
- Kâf 50:28
- Kâf 50:29
- Kâf 50:30
- Kâf 50:31
- Kâf 50:32
- Kâf 50:33
- Kâf 50:34
- Kâf 50:35
- Kâf 50:36
- Kâf 50:37
- Kâf 50:38
- Kâf 50:39
- Kâf 50:40
- Kâf 50:41
- Kâf 50:42
- Kâf 50:43
- Kâf 50:44
- Kâf 50:45
- Zariyat 51:1
- Zariyat 51:2
- Zariyat 51:3
- Zariyat 51:4
- Zariyat 51:5
- Zariyat 51:6
- Zariyat 51:7
- Zariyat 51:8
- Zariyat 51:9
- Zariyat 51:10
- Zariyat 51:11
- Zariyat 51:12
- Zariyat 51:13
- Zariyat 51:14
- Zariyat 51:15
- Zariyat 51:16
- Zariyat 51:17
- Zariyat 51:18
- Zariyat 51:19
- Zariyat 51:20
- Zariyat 51:21
- Zariyat 51:22
- Zariyat 51:23
- Zariyat 51:24
- Zariyat 51:25
- Zariyat 51:26
- Zariyat 51:27
- Zariyat 51:28
- Zariyat 51:29
- Zariyat 51:30
- Zariyat 51:31
- Zariyat 51:32
- Zariyat 51:33
- Zariyat 51:34
- Zariyat 51:35
- Zariyat 51:36
- Zariyat 51:37
- Zariyat 51:38
- Zariyat 51:39
- Zariyat 51:40
- Zariyat 51:41
- Zariyat 51:42
- Zariyat 51:43
- Zariyat 51:44
- Zariyat 51:45
- Zariyat 51:46
- Zariyat 51:47
- Zariyat 51:48
- Zariyat 51:49
- Zariyat 51:50
- Zariyat 51:51
- Zariyat 51:52
- Zariyat 51:53
- Zariyat 51:54
- Zariyat 51:55
- Zariyat 51:56
- Zariyat 51:57
- Zariyat 51:58
- Zariyat 51:59
- Zariyat 51:60
- Tûr 52:1
- Tûr 52:2
- Tûr 52:3
- Tûr 52:4
- Tûr 52:5
- Tûr 52:6
- Tûr 52:7
- Tûr 52:8
- Tûr 52:9
- Tûr 52:10
- Tûr 52:11
- Tûr 52:12
- Tûr 52:13
- Tûr 52:14
- Tûr 52:15
- Tûr 52:16
- Tûr 52:17
- Tûr 52:18
- Tûr 52:19
- Tûr 52:20
- Tûr 52:21
- Tûr 52:22
- Tûr 52:23
- Tûr 52:24
- Tûr 52:25
- Tûr 52:26
- Tûr 52:27
- Tûr 52:28
- Tûr 52:29
- Tûr 52:30
- Tûr 52:31
- Tûr 52:32
- Tûr 52:33
- Tûr 52:34
- Tûr 52:35
- Tûr 52:36
- Tûr 52:37
- Tûr 52:38
- Tûr 52:39
- Tûr 52:40
- Tûr 52:41
- Tûr 52:42
- Tûr 52:43
- Tûr 52:44
- Tûr 52:45
- Tûr 52:46
- Tûr 52:47
- Tûr 52:48
- Tûr 52:49
- Necm 53:1
- Necm 53:2
- Necm 53:3
- Necm 53:4
- Necm 53:5
- Necm 53:6
- Necm 53:7
- Necm 53:8
- Necm 53:9
- Necm 53:10
- Necm 53:11
- Necm 53:12
- Necm 53:13
- Necm 53:14
- Necm 53:15
- Necm 53:16
- Necm 53:17
- Necm 53:18
- Necm 53:19
- Necm 53:20
- Necm 53:21
- Necm 53:22
- Necm 53:23
- Necm 53:24
- Necm 53:25
- Necm 53:26
- Necm 53:27
- Necm 53:28
- Necm 53:29
- Necm 53:30
- Necm 53:31
- Necm 53:32
- Necm 53:33
- Necm 53:34
- Necm 53:35
- Necm 53:36
- Necm 53:37
- Necm 53:38
- Necm 53:39
- Necm 53:40
- Necm 53:41
- Necm 53:42
- Necm 53:43
- Necm 53:44
- Necm 53:45
- Necm 53:46
- Necm 53:47
- Necm 53:48
- Necm 53:49
- Necm 53:50
- Necm 53:51
- Necm 53:52
- Necm 53:53
- Necm 53:54
- Necm 53:55
- Necm 53:56
- Necm 53:57
- Necm 53:58
- Necm 53:59
- Necm 53:60
- Necm 53:61
- Necm 53:62
- Kamer 54:1
- Kamer 54:2
- Kamer 54:3
- Kamer 54:4
- Kamer 54:5
- Kamer 54:6
- Kamer 54:7
- Kamer 54:8
- Kamer 54:9
- Kamer 54:10
- Kamer 54:11
- Kamer 54:12
- Kamer 54:13
- Kamer 54:14
- Kamer 54:15
- Kamer 54:16
- Kamer 54:17
- Kamer 54:18
- Kamer 54:19
- Kamer 54:20
- Kamer 54:21
- Kamer 54:22
- Kamer 54:23
- Kamer 54:24
- Kamer 54:25
- Kamer 54:26
- Kamer 54:27
- Kamer 54:28
- Kamer 54:29
- Kamer 54:30
- Kamer 54:31
- Kamer 54:32
- Kamer 54:33
- Kamer 54:34
- Kamer 54:35
- Kamer 54:36
- Kamer 54:37
- Kamer 54:38
- Kamer 54:39
- Kamer 54:40
- Kamer 54:41
- Kamer 54:42
- Kamer 54:43
- Kamer 54:44
- Kamer 54:45
- Kamer 54:46
- Kamer 54:47
- Kamer 54:48
- Kamer 54:49
- Kamer 54:50
- Kamer 54:51
- Kamer 54:52
- Kamer 54:53
- Kamer 54:54
- Kamer 54:55
- Rahman 55:1
- Rahman 55:2
- Rahman 55:3
- Rahman 55:4
- Rahman 55:5
- Rahman 55:6
- Rahman 55:7
- Rahman 55:8
- Rahman 55:9
- Rahman 55:10
- Rahman 55:11
- Rahman 55:12
- Rahman 55:13
- Rahman 55:14
- Rahman 55:15
- Rahman 55:16
- Rahman 55:17
- Rahman 55:18
- Rahman 55:19
- Rahman 55:20
- Rahman 55:21
- Rahman 55:22
- Rahman 55:23
- Rahman 55:24
- Rahman 55:25
- Rahman 55:26
- Rahman 55:27
- Rahman 55:28
- Rahman 55:29
- Rahman 55:30
- Rahman 55:31
- Rahman 55:32
- Rahman 55:33
- Rahman 55:34
- Rahman 55:35
- Rahman 55:36
- Rahman 55:37
- Rahman 55:38
- Rahman 55:39
- Rahman 55:40
- Rahman 55:41
- Rahman 55:42
- Rahman 55:43
- Rahman 55:44
- Rahman 55:45
- Rahman 55:46
- Rahman 55:47
- Rahman 55:48
- Rahman 55:49
- Rahman 55:50
- Rahman 55:51
- Rahman 55:52
- Rahman 55:53
- Rahman 55:54
- Rahman 55:55
- Rahman 55:56
- Rahman 55:57
- Rahman 55:58
- Rahman 55:59
- Rahman 55:60
- Rahman 55:61
- Rahman 55:62
- Rahman 55:63
- Rahman 55:64
- Rahman 55:65
- Rahman 55:66
- Rahman 55:67
- Rahman 55:68
- Rahman 55:69
- Rahman 55:70
- Rahman 55:71
- Rahman 55:72
- Rahman 55:73
- Rahman 55:74
- Rahman 55:75
- Rahman 55:76
- Rahman 55:77
- Rahman 55:78
- Vakıa 56:1
- Vakıa 56:2
- Vakıa 56:3
- Vakıa 56:4
- Vakıa 56:5
- Vakıa 56:6
- Vakıa 56:7
- Vakıa 56:8
- Vakıa 56:9
- Vakıa 56:10
- Vakıa 56:11
- Vakıa 56:12
- Vakıa 56:13
- Vakıa 56:14
- Vakıa 56:15
- Vakıa 56:16
- Vakıa 56:17
- Vakıa 56:18
- Vakıa 56:19
- Vakıa 56:20
- Vakıa 56:21
- Vakıa 56:22
- Vakıa 56:23
- Vakıa 56:24
- Vakıa 56:25
- Vakıa 56:26
- Vakıa 56:27
- Vakıa 56:28
- Vakıa 56:29
- Vakıa 56:30
- Vakıa 56:31
- Vakıa 56:32
- Vakıa 56:33
- Vakıa 56:34
- Vakıa 56:35
- Vakıa 56:36
- Vakıa 56:37
- Vakıa 56:38
- Vakıa 56:39
- Vakıa 56:40
- Vakıa 56:41
- Vakıa 56:42
- Vakıa 56:43
- Vakıa 56:44
- Vakıa 56:45
- Vakıa 56:46
- Vakıa 56:47
- Vakıa 56:48
- Vakıa 56:49
- Vakıa 56:50
- Vakıa 56:51
- Vakıa 56:52
- Vakıa 56:53
- Vakıa 56:54
- Vakıa 56:55
- Vakıa 56:56
- Vakıa 56:57
- Vakıa 56:58
- Vakıa 56:59
- Vakıa 56:60
- Vakıa 56:61
- Vakıa 56:62
- Vakıa 56:63
- Vakıa 56:64
- Vakıa 56:65
- Vakıa 56:66
- Vakıa 56:67
- Vakıa 56:68
- Vakıa 56:69
- Vakıa 56:70
- Vakıa 56:71
- Vakıa 56:72
- Vakıa 56:73
- Vakıa 56:74
- Vakıa 56:75
- Vakıa 56:76
- Vakıa 56:77
- Vakıa 56:78
- Vakıa 56:79
- Vakıa 56:80
- Vakıa 56:81
- Vakıa 56:82
- Vakıa 56:83
- Vakıa 56:84
- Vakıa 56:85
- Vakıa 56:86
- Vakıa 56:87
- Vakıa 56:88
- Vakıa 56:89
- Vakıa 56:90
- Vakıa 56:91
- Vakıa 56:92
- Vakıa 56:93
- Vakıa 56:94
- Vakıa 56:95
- Vakıa 56:96
- Hadid 57:1
- Hadid 57:2
- Hadid 57:3
- Hadid 57:4
- Hadid 57:5
- Hadid 57:6
- Hadid 57:7
- Hadid 57:8
- Hadid 57:9
- Hadid 57:10
- Hadid 57:11
- Hadid 57:12
- Hadid 57:13
- Hadid 57:14
- Hadid 57:15
- Hadid 57:16
- Hadid 57:17
- Hadid 57:18
- Hadid 57:19
- Hadid 57:20
- Hadid 57:21
- Hadid 57:22
- Hadid 57:23
- Hadid 57:24
- Hadid 57:25
- Hadid 57:26
- Hadid 57:27
- Hadid 57:28
- Hadid 57:29
- Mücadele 58:1
- Mücadele 58:2
- Mücadele 58:3
- Mücadele 58:4
- Mücadele 58:5
- Mücadele 58:6
- Mücadele 58:7
- Mücadele 58:8
- Mücadele 58:9
- Mücadele 58:10
- Mücadele 58:11
- Mücadele 58:12
- Mücadele 58:13
- Mücadele 58:14
- Mücadele 58:15
- Mücadele 58:16
- Mücadele 58:17
- Mücadele 58:18
- Mücadele 58:19
- Mücadele 58:20
- Mücadele 58:21
- Mücadele 58:22
- Haşr 59:1
- Haşr 59:2
- Haşr 59:3
- Haşr 59:4
- Haşr 59:5
- Haşr 59:6
- Haşr 59:7
- Haşr 59:8
- Haşr 59:9
- Haşr 59:10
- Haşr 59:11
- Haşr 59:12
- Haşr 59:13
- Haşr 59:14
- Haşr 59:15
- Haşr 59:16
- Haşr 59:17
- Haşr 59:18
- Haşr 59:19
- Haşr 59:20
- Haşr 59:21
- Haşr 59:22
- Haşr 59:23
- Haşr 59:24
- Mümtehıne 60:1
- Mümtehıne 60:2
- Mümtehıne 60:3
- Mümtehıne 60:4
- Mümtehıne 60:5
- Mümtehıne 60:6
- Mümtehıne 60:7
- Mümtehıne 60:8
- Mümtehıne 60:9
- Mümtehıne 60:10
- Mümtehıne 60:11
- Mümtehıne 60:12
- Mümtehıne 60:13
- Sâff 61:1
- Sâff 61:2
- Sâff 61:3
- Sâff 61:4
- Sâff 61:5
- Sâff 61:6
- Sâff 61:7
- Sâff 61:8
- Sâff 61:9
- Sâff 61:10
- Sâff 61:11
- Sâff 61:12
- Sâff 61:13
- Sâff 61:14
- Cumua 62:1
- Cumua 62:2
- Cumua 62:3
- Cumua 62:4
- Cumua 62:5
- Cumua 62:6
- Cumua 62:7
- Cumua 62:8
- Cumua 62:9
- Cumua 62:10
- Cumua 62:11
- Münafikun 63:1
- Münafikun 63:2
- Münafikun 63:3
- Münafikun 63:4
- Münafikun 63:5
- Münafikun 63:6
- Münafikun 63:7
- Münafikun 63:8
- Münafikun 63:9
- Münafikun 63:10
- Münafikun 63:11
- Teğabün 64:1
- Teğabün 64:2
- Teğabün 64:3
- Teğabün 64:4
- Teğabün 64:5
- Teğabün 64:6
- Teğabün 64:7
- Teğabün 64:8
- Teğabün 64:9
- Teğabün 64:10
- Teğabün 64:11
- Teğabün 64:12
- Teğabün 64:13
- Teğabün 64:14
- Teğabün 64:15
- Teğabün 64:16
- Teğabün 64:17
- Teğabün 64:18
- Talak 65:1
- Talak 65:2
- Talak 65:3
- Talak 65:4
- Talak 65:5
- Talak 65:6
- Talak 65:7
- Talak 65:8
- Talak 65:9
- Talak 65:10
- Talak 65:11
- Talak 65:12
- Tahrim 66:1
- Tahrim 66:2
- Tahrim 66:3
- Tahrim 66:4
- Tahrim 66:5
- Tahrim 66:6
- Tahrim 66:7
- Tahrim 66:8
- Tahrim 66:9
- Tahrim 66:10
- Tahrim 66:11
- Tahrim 66:12
- Mülk 67:1
- Mülk 67:2
- Mülk 67:3
- Mülk 67:4
- Mülk 67:5
- Mülk 67:6
- Mülk 67:7
- Mülk 67:8
- Mülk 67:9
- Mülk 67:10
- Mülk 67:11
- Mülk 67:12
- Mülk 67:13
- Mülk 67:14
- Mülk 67:15
- Mülk 67:16
- Mülk 67:17
- Mülk 67:18
- Mülk 67:19
- Mülk 67:20
- Mülk 67:21
- Mülk 67:22
- Mülk 67:23
- Mülk 67:24
- Mülk 67:25
- Mülk 67:26
- Mülk 67:27
- Mülk 67:28
- Mülk 67:29
- Mülk 67:30
- Kalem 68:1
- Kalem 68:2
- Kalem 68:3
- Kalem 68:4
- Kalem 68:5
- Kalem 68:6
- Kalem 68:7
- Kalem 68:8
- Kalem 68:9
- Kalem 68:10
- Kalem 68:11
- Kalem 68:12
- Kalem 68:13
- Kalem 68:14
- Kalem 68:15
- Kalem 68:16
- Kalem 68:17
- Kalem 68:18
- Kalem 68:19
- Kalem 68:20
- Kalem 68:21
- Kalem 68:22
- Kalem 68:23
- Kalem 68:24
- Kalem 68:25
- Kalem 68:26
- Kalem 68:27
- Kalem 68:28
- Kalem 68:29
- Kalem 68:30
- Kalem 68:31
- Kalem 68:32
- Kalem 68:33
- Kalem 68:34
- Kalem 68:35
- Kalem 68:36
- Kalem 68:37
- Kalem 68:38
- Kalem 68:39
- Kalem 68:40
- Kalem 68:41
- Kalem 68:42
- Kalem 68:43
- Kalem 68:44
- Kalem 68:45
- Kalem 68:46
- Kalem 68:47
- Kalem 68:48
- Kalem 68:49
- Kalem 68:50
- Kalem 68:51
- Kalem 68:52
- Hakka 69:1
- Hakka 69:2
- Hakka 69:3
- Hakka 69:4
- Hakka 69:5
- Hakka 69:6
- Hakka 69:7
- Hakka 69:8
- Hakka 69:9
- Hakka 69:10
- Hakka 69:11
- Hakka 69:12
- Hakka 69:13
- Hakka 69:14
- Hakka 69:15
- Hakka 69:16
- Hakka 69:17
- Hakka 69:18
- Hakka 69:19
- Hakka 69:20
- Hakka 69:21
- Hakka 69:22
- Hakka 69:23
- Hakka 69:24
- Hakka 69:25
- Hakka 69:26
- Hakka 69:27
- Hakka 69:28
- Hakka 69:29
- Hakka 69:30
- Hakka 69:31
- Hakka 69:32
- Hakka 69:33
- Hakka 69:34
- Hakka 69:35
- Hakka 69:36
- Hakka 69:37
- Hakka 69:38
- Hakka 69:39
- Hakka 69:40
- Hakka 69:41
- Hakka 69:42
- Hakka 69:43
- Hakka 69:44
- Hakka 69:45
- Hakka 69:46
- Hakka 69:47
- Hakka 69:48
- Hakka 69:49
- Hakka 69:50
- Hakka 69:51
- Hakka 69:52
- Meâric 70:1
- Meâric 70:2
- Meâric 70:3
- Meâric 70:4
- Meâric 70:5
- Meâric 70:6
- Meâric 70:7
- Meâric 70:8
- Meâric 70:9
- Meâric 70:10
- Meâric 70:11
- Meâric 70:12
- Meâric 70:13
- Meâric 70:14
- Meâric 70:15
- Meâric 70:16
- Meâric 70:17
- Meâric 70:18
- Meâric 70:19
- Meâric 70:20
- Meâric 70:21
- Meâric 70:22
- Meâric 70:23
- Meâric 70:24
- Meâric 70:25
- Meâric 70:26
- Meâric 70:27
- Meâric 70:28
- Meâric 70:29
- Meâric 70:30
- Meâric 70:31
- Meâric 70:32
- Meâric 70:33
- Meâric 70:34
- Meâric 70:35
- Meâric 70:36
- Meâric 70:37
- Meâric 70:38
- Meâric 70:39
- Meâric 70:40
- Meâric 70:41
- Meâric 70:42
- Meâric 70:43
- Meâric 70:44
- Nuh 71:1
- Nuh 71:2
- Nuh 71:3
- Nuh 71:4
- Nuh 71:5
- Nuh 71:6
- Nuh 71:7
- Nuh 71:8
- Nuh 71:9
- Nuh 71:10
- Nuh 71:11
- Nuh 71:12
- Nuh 71:13
- Nuh 71:14
- Nuh 71:15
- Nuh 71:16
- Nuh 71:17
- Nuh 71:18
- Nuh 71:19
- Nuh 71:20
- Nuh 71:21
- Nuh 71:22
- Nuh 71:23
- Nuh 71:24
- Nuh 71:25
- Nuh 71:26
- Nuh 71:27
- Nuh 71:28
Şûrâ 42:1
Haa – Meem.
Şûrâ 42:2
Ain – Seen – Qaaf. (Mashoko ari mundima yekutanga neechipiri ndemamwe ezvishamiso zviri muQur’aan, uye hapana anoziva zvaanoreva kunze kwaAllah).
Şûrâ 42:3
Nokudaro Allah, samasimba vane ungwaru hwose, vanotumira (vanodzikisa) mashoko kwauri (Muhammad (SAW)) sekudzikisa kwavakaita kune avo vaivepo mushure mako.
Şûrâ 42:4
Kwavari ndiko kunobva zvose zviri mumatenga nezvose zviri pasi, uye ndivo vepamusoro vakuru.
Şûrâ 42:5
Matenga anopotsa kupatsanuka pamusoro pawo (nekuda kweukuru hwavo), uye ngirozi dzinorumbidza rukudzo rwaTenzi wadzo, uye dzova dzinokumbirira ruregerero avo vari panyika. Zvirokwazvo, Allah ndivo vane ruregerero rwose, netsitsi dzose.
Şûrâ 42:6
Uye avo vanotora (ana mwari venhema) sevabatsiri vachivasiya (Allah), Allah ndivo mutariri wavo (vanoona zviito zvavo uye vachavapa mubairo wazvo), uye iwe (Muhammad (SAW)) hausi muchengetedzi (mumiririri) pamusoro pavo (wemabasa avo).
Şûrâ 42:7
Uye naizvozvo takava tinotumira kwauri (Muhammad (SAW)) Qur’aan murudzi rwechiArab kuti uve unoyambira amai vemaguta (Makkah) nezvakaikomberedza, uye kuyambira nezvezuva regungano iro risina fungidziro, apo rimwe bato richave muParadhiso (avo vaitenda muna Allah uye vachitevera dzidziso dzaMuhammad (SAW)), uye rimwe bato mumarimi emoto (avo vaisatenda munaAllah uye vasingatevedzeri dzidziso dzaMuhammad (SAW)).
Şûrâ 42:8
Uye dai Allah vaida, dai vakavaita boka rimwechete, asi Allah vanoisa uyo wavanoda mutsitsi dzavo. Uye avo vanoita mabasa akaipa havasi kuzowana mumiririri kana mubatsiri.
Şûrâ 42:9
Kana kuti vave vanotora vabatsiri (vanamwari venhema) vachivasiya (Allah)? Asi Allah ndivo vega muchengeti. Uye ndivo vanopa hupenyu kune vakafa, uye vane simba rekuita zvose.
Şûrâ 42:10
Uye mune zvose zvamunopikisana, zvirokwazvo mutongo wazvo una Allah. (Uye iti Muhammad (SAW) kune vasingatendi): Ndivo Allah, Tenzi vangu avo vandinovimba navo, uye ndivo vandinokumbira ruregerero.
Şûrâ 42:11
Musiki wedenga nenyika. Vakakugadzirirai vakadzi kubva kwamuri, uye mombe vakadzigadzirira mombe dzechikadzi. Nenzira iyi vanokusikai. Hapana chakafanana naivo, uye ndivo munzwi wezvose, muoni wezvose.
Şûrâ 42:12
Ndivo vane svumbunuro dzedenga nenyika. Vanowedzera raramo kune uyo wavanoshuvira, uye kuderedza (kune wavanoshuvira). Zvirokwazvo, ndivo muzivi wezvose.
Şûrâ 42:13
Vakave (Allah) vanotsidza kwauri chitendero (Islaam) chavakatsidza kuna Nowa, uye neizvo zvatadzikisa kwauri (Muhammad (SAW)), uye neizvo zvatakatsidza kuna Abrahamu, Musa, uye Isa (Jesu), tichiti munofanira kuchengetedza chitendero uye musava munopatsanura machiri (kuva mapoka akasiyana siyana). Hazvitambirwi kune avo vasingatendi, izvo zvaunovadeedzera (Muhammad (SAW)) kwazviri. Allah vanozvisarudzira uyo wavanoda, uye vanomutungamirira uyo anokumbira ruregerero uye achivateerera.
Şûrâ 42:14
Uye havana kupatsanuka kusara kwemushure mekunge ruzivo rwauya kwavari, nokuda kwekupfurikidza mwero pakati pavo. Uye dai risiri shoko rakauya kwavari kubva kuna Tenzi vako kwenguva yakatarwa, dai zvakagadziriswa pakati pavo izvo zvainetsa. Uye zvirokwazvo avo vakagariswa nhaka yeGwaro (Torah neVhangeri) mushure mavo (maJudha nemaKristu) vari mufungidziro zvikuru pamusoro pacho (chi Islaam).
Şûrâ 42:15
Saka naizvozvo shevedza (vanhu) (iwe Muhammad (SAW)), uye mira zvakasimba (uri muchi Islaam) sekukomekedzwa kwawakaitwa, uye usave unotevedzera zvido zvavo, uye iti: “Ndinotenda mune zvakadzikiswa naAllah mumabhuku ese (Qur’aan nemabhuku ari mushure maro, Torah, Injeel (Vhangeri), nebhuku raAbrahamu), uye ndava ndinokomekedzwa kuenzanisa pakati penyu. Allah ndiTenzi vedu uye Tenzi venyu. Isu tine mabasa edu uye imi mune mabasa enyu. Hapana kupokana pakati pedu nemi. Allah vachava vanotiunganidza tose, uye kwavari ndiko kwatichadzokera.”
Şûrâ 42:16
Uye avo vanopikisa pamusoro paAllah (chitendero chavo Islaam) mushure mekunge chatambirwa (nevanhu), kupikisa kwavo hakuna basa pamberi paAllah, Tenzi vavo, uye kutsamwa nemarwadzo akanyanya zvichange zviri kwavari.
Şûrâ 42:17
Allah ndivo vakadzikisa Bhuku (Qur’aan) muzvokwadi, uye chikero (kuti muve munoenzanisa). Uye chii chinoita kuti uzive kuti dzimwe nguva, nguva yekupedzisira yava pedyo?
Şûrâ 42:18
Avo vasingatendi mairi (nguva yekupedzisira) vanoda kuti ikurumidze, asi avo vanotenda, vanoitya zvakanyanya, uye vanoziva kuti zvirokwazvo ichokwadi. Zvirokwazvo, avo vanopikisa maererano nenguva (yekupedzisira) vari mukurasika zvakanyanya.
Şûrâ 42:19
Allah vane tsitsi kuvaranda vavo. Vanopa raramo kune wavanoda. Uye ndivo samasimba, mukuru wezvose.
Şûrâ 42:20
Uyo anoda (nemabasa ake) mubairo wehupenyu huchatevera, tinova tinomuwedzera mubairo wake; uye uyo anoda mubairo wepasi pano (nemabasa ake), tinomupa (Pano pasi), uye achange asina chidimbu muhupenyu hwemangwana.
Şûrâ 42:21
Kana kuti vane vabatsiri vakavagadzirira chitendero chisina mvumo kubva kuna Allah? Uye dai rakanga risiri shoko rechokwadi (rakataurwa kare naAllah), iyi nyaya ingadai yakatongwa pakati pavo. Uye zvirokwazvo vatadzi vachange vaine mutongo unorwadza.
Şûrâ 42:22
Uchaona (pazuva rekutongwa) vatadzi vachitya zvavakawana, uye marwadzo achava anovawira. Uye avo vanotenda (muIslaam) nekuita mabasa akanaka, vachange vari mumapindu emuParadhiso. Vachange vaine zvose zvavanoshuvira kuna Tenzi vavo. Iwawo ndiwo makomborero makuru (Paradhiso).
Şûrâ 42:23
Iyo ndiyo Paradhiso iyo Allah vanopa mashoko akanaka kuvaranda vavo vanotenda nekuita mabasa akanaka. Iti (Muhammad (SAW)): “Handisi kukukumbirai mubairo pazviri kusara kwetsitsi dzenyu kwandiri neukama hwangu nemi.” Uye uyo anowana basa rakanaka tichava tinomuwedzera zvakanaka. Zvirokwazvo, Allah ndivo muregereri, mutendi (anotenda mabasa akanaka anoitwa neavo vanomuteerera).
Şûrâ 42:24
Kana kuti vari kuti: “Akagadzira manyepo pamusoro paAllah?” Kana Allah vaida, vangadai vakavhara moyo wako (kuti ukanganwe Qur’aan rese). Uye vanodzima manyepo nekubuditsa chokwadi pachena neshoko ravo (Qur’aan). Zvirokwazvo, (Allah) vanoziva zvese zviri mumatundundu.
Şûrâ 42:25
Uye ndivo vanotambira ruregerero kubva kuvaranda vavo, uye kuregerera zvitadzo, uye vanoziva zvamunoita.
Şûrâ 42:26
Uye (Allah) vanodaira avo vanotenda vachiita mabasa akanaka, uye vovawedzera kubva mumakomborero avo (Allah). Uye kune avo vasingatendi, kwavari vachava nemutongo wakaomarara.
Şûrâ 42:27
Uye dai Allah vakawedzera raramo kuvaranda vavo, zvirokwazvo vaizopanduka panyika, asi vanotumira zvine chiero sekuda kwavo. Zvirokwazvo, (Allah) varanda vavo vanovaziva pamwechete nekuvaona.
Şûrâ 42:28
Uye ndivo vanotumira mvura mushure mekunge (vanhu) vashushikana, uye voparadzira tsitsi dzavo. Uye ndivo Wali (Muchengeti, Tenzi), vane kodzero yekurumbidzwa.
Şûrâ 42:29
Uye muzviratidzo zvavo mune kusikwa kwematenga nenyika, uye zvisikwa zvose zvinofamba zvavakaparadzira maari ese. Uye (Allah) vanokwanisa kuzviunganidza zvose pamwechete kana vada.
Şûrâ 42:30
Uye chose chakaipa chinokuwana, chinokuwana nekuda kwezvaunenge wabata nemaoko ako. Uye (Allah) vanoregerera kazhinji.
Şûrâ 42:31
Uye hamukwanisi kutiza (mutongo wa) Allah pano panyika, uye kunze kwaAllah hamuna mumwe muchengeti kana mubatsiri.
Şûrâ 42:32
Uye kubva muzviratidzo zvavo mune ngarava munzizi semakomo.
Şûrâ 42:33
Kana vachida, vanoita kuti mhepo ipere kuvhuvhuta, naizvozvo zvobva (ngarava) dzamira pamusoro (pemvura mugungwa). Zvirokwazvo, mazviri mune zviratidzo kune wese anotsungirira uye achitenda.
Şûrâ 42:34
Kana kuti (Allah) vanovaparadza (vanhu) (nekunyura kwengarava) nekuda kwezvavakawana. Uye vanoregerera zvakanyanya.
Şûrâ 42:35
Uye avo vanopikisa maererano nezviratidzo zvedu, kuti vazive kuti hakuna nzvimbo yavo yekutizira (kubva kumutongo waAllah).
Şûrâ 42:36
Saka chose chamakapihwa chingave chii zvacho anongova mafaro ehupenyu hwepano panyika, asi izvo zvina Allah (Paradhiso) zviri nani uye hazviperi kune avo vanotenda (muhumwechete hwaAllah), uye vachiisa kuvimba kwavo muna Tenzi vavo (munyaya dzavo dzese).
Şûrâ 42:37
Uye avo vanozvidzora kubva mukuita zvitadzo zvikuru, uye Al-Fawaahish (cheupombwe), uye kana vachinge vatsamwa vanoregerera.
Şûrâ 42:38
Uye avo vanodaira kudana kwaTenzi vavo (kuti vatende kuti vamwechete uye kuvanamata), uye vachiita Swalaah, neavo vanofambisa nyaya dzavo kuburikidza nekupana mazano, uye vachipa kubva kune izvo zvatakavapa.
Şûrâ 42:39
Uye avo vanoti kana udzvanyiriri uchinge waitwa kwavari vanotsiva.
Şûrâ 42:40
Mugove wechakaipa ndechakaipa chakafanana nacho, asi uyo anoregerera uye owadzanisa, mugove wake una Allah. Zvirokwazvo, Allah havafariri vatadzi.
Şûrâ 42:41
Uye zvirokwazvo uyo anotsiva mushure mekunge akanganisirwa, kune avo hapana nzira (yekupomerwa mhosva) kwavari.
Şûrâ 42:42
Zvirokwazvo, nzira (yekupomera mhosva) iri kune avo vanodzvinyirira vanhu uye vachipanduka panyika zvisina kodzero. Kwavari kuchave nemutongo unorwadza wakaoma.
Şûrâ 42:43
Uye zvirokwazvo ani nani anotsungirira uye oregerera, izvi zvirokwazvo zvinenge zviri zvinhu zvinobva kune zvinokurudzirwa naAllah.
Şûrâ 42:44
Uye uyo Allah wavanoita kuti arasike, kwaari haana Wali (Mununuri) mushure mavo (Allah). Uye uchaona vatadzi apo pavachaona mutongo vachati: “Pane here chero nzira yekudzokera (Panyika)?”
Şûrâ 42:45
Uye uchavaona vachiunzwa kwariri (Gehena) vakazvininipisa nekuda kwekukudzikisrwa, vachitarisa zvinyoro-nyoro. Uye avo vanotenda vachati: “Zvirokwazvo, vakarasikirwa ndeavo vanorasikirwa pachavo pamwechete nemhuri dzavo pazuva rekutongwa. Zvirokwazvo, vatadzi (vange vasingatendi) vachave nemutongo usingaperi.”
Şûrâ 42:46
Uye vachange vasina maAwliya (Vanunuri/Vabatsiri) kuti vavabatsire kunze kwaAllah. Uye uyo Allah wavanoita kuti arasike, kwaari hapana nzira (yekutevera).
Şûrâ 42:47
Dairai kudana kwaTenzi venyu (Tambirai Islaam imi vanhu nemaJinn) kusati kwasvika kubva kuna Allah zuva iro risingakwanisiki kutiza (zuva rekutongwa). Muchange musina kwekutizira zuva iri uye hamuzokwanisi kuramba (mhosva dzenyu nekuti dzakanyorwa mumabhuku emabasa enyu).
Şûrâ 42:48
Asi kana vachinge vafuratira (Iwe Muhammad (SAW)), (ziva kuti) hatina kukutumira kwavari semuchengetedzi. Basa rako nderekusvitsa shoko. Uye zvirokwazvo kana tichinge taita kuti munhu aravire tsitsi dzedu kubva kwatiri anofadzwa nazvo; asi kana chakaipa chikamuwira nekuda kwemabasa akaitwa nemaoko avo, naizvozvo zvirokwazvo munhu haatendi!
Şûrâ 42:49
Allah ndivo muridzi weumambo hwematenga nepasi, vanosika zvavanoda. Vanopa vanasikana wavanoda uye vanopa wavanoda vanakomana.
Şûrâ 42:50
Kana kuti vanopa vese vanakomana nevanasikana, uye vanoita ngomwa uyo wavanoda. Zvirokwazvo, vanoziva zvose uye vanokwanisa kuita zvinhu zvose.
Şûrâ 42:51
Hazvina kuva zvinopihwa munhu kuti Allah vanotaura naye kunze kwekunge riri shoko rinenge radzikiswa, kana kuti paine chidziro, kana kuti (Allah) vanotumira mutumwa kuti ave anobuditsa zvavanoda nekuda kwemvumo yavo. Zvirokwazvo, ndivo vepamusoro-soro, vazere neungwaru.
Şûrâ 42:52
Saizvozvo takava tinotumira kwauri (Muhammad (SAW)) Rooh (Shoko uye tsitsi) nekuda kwedu. Hawaiziva Gwaro (Qur’aan) kana kuti chii chinonzi kutenda, asi takariita (Qur’aan) sechiedza chatinotungamidza nacho watinoda kubva kuvaranda vedu. Uye zvirokwazvo, (Muhammad (SAW) uri kutungamirira (vanhu) kunzira yakatwasuka (Islaam).
Şûrâ 42:53
Nzira yaAllah, avo vari muridzi hwezvose zviri mumatenga nezvose zviri pasi. Zvirokwazvo, zvinhu zvose mukuguma kwazvo zvichadzokera kuna Allah.
Zuhruf 43:1
Haa – Meem. (Mashoko aya ndemamwe ezvishamiso zviri muQur’aan, uye hapana anoziva zvaanoreva kunze kwaAllah).
Zuhruf 43:2
Ndinopika neGwaro (Qur’aan) riri pachena (Rinobuditsa zvinhu zvese pachena).
Zuhruf 43:3
Zvirokwazvo, takariita Qur’aan rive muchirudzi chechiArabhu kuti muve munonzwisisa.
Zuhruf 43:4
Uye zvirokwazvo (Qur’aan) riri muna Amai veBhuku (Al-Lauh Al-Mahfoodh) nesu, zvirokwazvo ndere pamusoro, rizere neungwaru.
Zuhruf 43:5
Tochitora here yeuchidzo (Qur’aan) kubva kwamuri, nokuda kwekuti muri vanhu vanopfurikidza mwero?
Zuhruf 43:6
Uyezve vaporofita vangani vatakatumira pakati pevanhu vekare?
Zuhruf 43:7
Uyezve hakuna kuuya muporofita kwavari kusara kwekuti vaimuseka.
Zuhruf 43:8
Naizvozvo takaparadza vanhu vakasimba pane ava, uye muenzaniso wevekare wakapfuura (Pamberi pavo).
Zuhruf 43:9
Uye zvirokwazvo ukavabvunza: “Ndiani akasika matenga nenyika?” Zvirokwazvo, vachataura kuti: “Samasimba vane ruzivo rwose ndivo vakawasika.”
Zuhruf 43:10
Avo vakakugadzirirai nyika semubhedha, uye vakakugadzirirai nzira mairi, kuti muve munotungamirirwa (munofamba zvakanaka).
Zuhruf 43:11
Uye avo vanotumira mvura (inonaya) kubva kudenga zvakaenzanirana, naizvozvo tinopa upenyu kuivhu nayo mvura, uye saizvozvo muchava munodzoswa (kuupenyu mushure mekunge mafa).
Zuhruf 43:12
Uye avo vakasika zvinhu zvose zviri zviviri zviviri (chirume nechikadzi), uye vakakugadzirirai ngarava nezvipfuyo izvo zvamunotasva.
Zuhruf 43:13
Kuti muve munotasva kumisana yazvo (zvipfuyo), uye kuti muve munorangarira makomborero aTenzi venyu pamunotasva, uye moti: “Kurumbidzwa ngakuve kune avo vakatungamidza izvi kwatiri, uye hataikwanisa kuzviwana (nekuda kwesimba redu)!”
Zuhruf 43:14
“Uye zvirokwazvo kuna Tenzi vedu tichadzokera!”
Zuhruf 43:15
Asi vanovasanganisa (Allah) nechidimbu kubva mune vamwe varanda vavo (vachiti vane vana uye vachivaenzanisa pakunamata). Zvirokwazvo, munhu ari mukusatenda kuri pachena!
Zuhruf 43:16
Kana kuti (Allah) vakatora vanasikana kubva mune zvavakasika, uye ivo (Allah) vakakusarudzirai imi vanakomana?
Zuhruf 43:17
Uye kana umwe wavo akaudzwa nezvemashoko (ekuzvarwa kwemwanasikana) zvaanotaura kune Mupi wenyasha (Allah), chiso chake chinosviba uye anozadzwa nekutsamwa!
Zuhruf 43:18
Uyo anokudzwa achishongedzwa (achipfekedzwa siriki negoridhe, mukadzi), uye asingakwanisi pakupokana kutaura mashoko ari pachena?
Zuhruf 43:19
Uye vanoita ngirozi izvo dziri varanda veMupi ane nyasha (Allah), vakadzi. Vakamboona kusikwa kwazvo here? Uchapupu hwavo hwuchanyorwa uye vachabvunzwa!
Zuhruf 43:20
Uye vanoti: “Dai kusiri kuda kweMupi ane nyasha (Allah), tingadai tisina kuzvinamata.” Havana ruzivo nazvo, uye hapana chavanoita kusara kwekunyepa!
Zuhruf 43:21
Kana kuti takavapa rimwe Bhuku mushure meiri (Qur’aan) iro ravarikubatisisa?
Zuhruf 43:22
Asi vanoti: “Takawana madzibaba edu vachitevera imwe nzira nechitendero, uye tinozvitungamirira kuburikidza netsoka dzavo.”
Zuhruf 43:23
Uye saizvozvo, hatina kutuma muyambiri mushure mako (Muhammad (SAW)) kune guta ripi zvarwo (vanhu), asi vaigara zvakanaka pakati pavo vakati: “Zvirokwazvo, takawana madzibaba edu vachitevera imwe nzira nechitendero, uye zvirokwazvo ticharamba tichitevera tsoka dzavo.”
Zuhruf 43:24
(Muyambiri) akati: “Kunyangwe ndakuunzirai gwara rakanaka pane ramakawana madzibaba enyu achitevera?” Vakati: “Zvirokwazvo, hatitendi mune zvawakatumwa nazvo.”
Zuhruf 43:25
Naizvozvo takavadzorera (takavaranga), uye tarisai ndeapi akazova magumo eavo vakaramba (Islaam).
Zuhruf 43:26
Uye (Rangarira) apo Abrahamu paakati kuna baba vake nevanhu vake: “Zvirokwazvo, handipo pane zvamunonamata.”
Zuhruf 43:27
“Kusara kwaivo (Allah) vakandisika; uye zvirokwazvo, vachanditungamirira.”
Zuhruf 43:28
Uye akariita shoko (Laa ilaaha illallaah (Hapana chimwe chinhu chine kodzero yekunamatwa kunze kwaAllah)) rinogara muvana vake, uye kuti zvimwe vangadzoke (kuna Allah kana kuwana yambiro).
Zuhruf 43:29
Asi ndakapa (zvakanaka zvehupenyu hwuno) kune ava (vasingatendi) nemadzibaba avo kuti vafare, kusvikira chokwadi chauya kwavari (Qur’aan), nemutumwa (Muhammad (SAW)) ari pachena (anoburitsa zvinhu zvese pachena).
Zuhruf 43:30
Asi pakauya chokwadi kwavari (Qur’aan), vakati (vasingatendi mariri): “Aya ndiwo mapipi, uye hatitendi maari.”
Zuhruf 43:31
Uye vakati: “Sei Qur’aan iri risina kudzikiswa kumurume mukuru wemaguta maviri (Makkah neTaif)?”
Zuhruf 43:32
Ndivo here vanopa tsitsi dzaTenzi vako? Tisu tinopa pakati pavo raramo yavo muhupenyu hwepano pasi, uye tinosimudzira vamwe vavo pamusoro pevamwe muzvidanho, kuti vamwe vave vanotora vamwe mumabasa avo. Asi tsitsi dzaTenzi vako (Paradhiso) dziri nani pane zvavanounganidza.
Zuhruf 43:33
Uye dai vanhu vakanga vari boka rimwe chete (vasingatendi), tingadai takapa vanhu vasingatendi muna Mupi ane nyasha (Allah) matenga esirivha edzimba dzavo, nemanera avanokwira nawo.
Zuhruf 43:34
Uye padzimba dzavo paiva nemisiwo (yesirivha) nemibhedha (yesirivha) yavairarira.
Zuhruf 43:35
Uye shongedzo dzegoridhe. Asi zvose izvi hapana zvazviri kusara kwemafaro epano panyika. Uye hupenyu hwuchatevera hwuna Tenzi vako ndewe avo vanotya Allah (vanoteerera Allah).
Zuhruf 43:36
Uye uyo anofuratira kubva kurangariro yeMupi ane nyasha (Allah) (Qur’aan nekunamata Allah), tinomusarudzira Satani kuti ave shamwari yake.
Zuhruf 43:37
Uye zvirokwazvo vanasatani vanovadzivirira kubva munzira (yaAllah), asi vanofunga kuti vakatungamiririrwa.
Zuhruf 43:38
Kusvika (iye) auya kwatiri, anoti (kushamwari yake satani): “Ndinoshuvira kuti dai pakati pangu newe pange pane musiyano wemufambo wemabvazuva maviri (kana wemabvazuva nemadokero).” Zvirokwazvo uri shamwari yakaipa!
Zuhruf 43:39
Hazvikubatsirei zuva ranhasi (imi vasingatendi) nekuti maiita zvakaipa. Muchava vagovani (iwe neshamwari yako) mumarwadzo.
Zuhruf 43:40
(Muhammad (SAW)) ungaite kuti matsi anzwe here, kana kutungamirira bofu, kana uyo ari mukurasika kuri pachena?
Zuhruf 43:41
Uye kunyangwe tikakutora (Muhammad (SAW)), zvirokwazvo tichava tinovadzorera (tinovaranga).
Zuhruf 43:42
Kana (tikava) tinokuratidza zvatakavavimbisa, zvirokwazvo tine simba pamusoro pavo.
Zuhruf 43:43
Naizvozvo batisisa (Muhammad (SAW)) izvo zvirikudzikiswa kwauri. Zvirokwazvo, uri panzira yakaswatuka.
Zuhruf 43:44
Uye zvirokwazvo (Qur’aan) iri zvirokwazvo iyambiro kwauri (Muhammad (SAW)) nevanhu vako, uye muchabvunzwa (nezvaro).
Zuhruf 43:45
Uye (Muhammad (SAW)) bvunza vamwe vevatumwa vedu vatakatuma mushure mako kuti: “Takasarudza here vamwe vanamwari kuti vave vanonamatwa kunze kweMupi ane nyasha (Allah)?”
Zuhruf 43:46
Uye zvirokwazvo takatuma Musa nezviratidzo zvedu kuna Farawo nemadzimambo ake (achivakoka kuchitendero chaAllah cheIslaam). Akati: “Zvirokwazvo, ndiri mutumwa waTenzi vepasi rose (vanhu nemaJinn nezvihnu zvese).”
Zuhruf 43:47
Asi apo paakasvika kwavari nezviratidzo zvedu kwavari, zvirokwazvo vakazviseka.
Zuhruf 43:48
Uye hapana chiratidzo chatakavaratidza asi kuti chaiva chikuru kudarika chimwe chacho, uye takavabata nemarwadzo kuti pamwe vangadzoke (kuchitendero chaAllah, Islaam).
Zuhruf 43:49
Uye vakati (kuna Musa): “Iwe wemapipi! Tikumbirire kuna Tenzi vako maererano nezvavakakuvimbisa. Zvirokwazvo, tichava tinozvitungamirira (zvakanaka).”
Zuhruf 43:50
Asi patakabvisa mutongo kwavari, vakave vanotyora chitsidzo (kuti vaizotenda tikabvisa marwadzo kubva kwavari).
Zuhruf 43:51
Uye Farawo akasheedzera kuvanhu vake (achiti): “Imi vanhu vangu! Hausi hwangu here humambo hweEgypt, uye nzizi idzi dzinoyerera pasi pangu? Hamuoni here?”
Zuhruf 43:52
“Handisi nani here pane uyu (Musa) wepasi, uye asingagoni kutaura zvinonzwika?”
Zuhruf 43:53
“Sei nguwo dzendarama dzisina kuiswa paari, kana kutumwa aine ngirozi?”
Zuhruf 43:54
Naizvozvo (Farawo) akafurira vanhu vake uye vakamuteerera. Zvirokwazvo, vange vari vanhu vakapanduka (vasingateereri Allah).
Zuhruf 43:55
Naizvozvo pavakatitsamwisa, takavapa murango, uye tikavanyudza vose.
Zuhruf 43:56
Uye takavaita chidzidzo uye muenzaniso kune vaizotevera.
Zuhruf 43:57
Uye panotorwa mwanakomana waMariya (Jesu) somuenzaniso, vanhu vako vanoseka muenzaniso iwowo.
Zuhruf 43:58
Uye vanoti: “Vanamwari vedu vari nani here kana kuti iye (Jesu)?” Havape muenzaniso uyu, kusara kwekuda kupikisa. Naizvozvo vari vanhu vanopikisa.
Zuhruf 43:59
Zvirokwazvo, (Isa (Jesu)) anga asiri kunze kwemuranda. Takamupa makomborero edu, uye tikamuita muenzaniso kuvana vaIzirairi (kusikwa kwake pasina baba).
Zuhruf 43:60
Uye dai taida, ingadai (takakuparadzai imi vanhu mese, uye) tikaisa ngirozi pachinzvimbo chenyu panyika.
Zuhruf 43:61
Uye iye (Isa (Jesu)) mwanakomana waMariya (nekuburuka kwake achibva kudenga achiuya pasi pano) achave chiratidzo chinozivikanwa chenguva (zuva rekutongwa). Naizvozvo musave nefungidziro pamusoro paro (zuva rekutongwa). Uye nditeverei (ini Allah)! Iri ndiro gwara rakatwasuka (Islaam).
Zuhruf 43:62
Uye musave munosiya Satani achikurasisai (kubva muchitendero cheIslaam). Zvirokwazvo, (satani) muvengi ari pachena kwamuri.
Zuhruf 43:63
Uye Isa (Jesu) paakauya nehumboo huri pachena akati: “Zvirokwazvo, ndave ndinouya kwamuri neAl-Hikmah ( Huporofita), uye kuti ndive ndinoburitsa pachena izvo zvamaisiyana. Naizvozvo ityai Allah uye mova munonditeerera.”
Zuhruf 43:64
“Zvirokwazvo, Allah ndi Tenzi vangu uye Tenzi venyu. Naizvozvo vanamatei. Iri ndiro gwara rakatwasuka (Islaam).”
Zuhruf 43:65
Asi mapato pakati pavo akapatsanurana. Nokudaro matambudziko kune avo vanokanganisa (nekutaura manyepo pamusoro paJesu) kubva kune mutongo wakaomarara unorwadza!
Zuhruf 43:66
Vanomirira here nguva ichauya nekukurumidza kwavari vasingazive?
Zuhruf 43:67
Shamwari pazuva iri dzichave vavengi, kusara kwevaitya (Allah).
Zuhruf 43:68
(Zvichanzi kune avo vaitenda): Vanamati vangu! Hapana kutya kuchave kwamuri zuva ranhasi, kana kuti kusuruvara.
Zuhruf 43:69
Avo vaitenda muzviratidzo zvedu uye vaive vakazvipira kuna Allah (maMuslim).
Zuhruf 43:70
Pindai muParadhiso imi nevakadzi venyu murufaro.
Zuhruf 43:71
Matireyi egoridhe nemakomichi achatenderedzwa mavari. Mariri (Paradhiso) muchange muine zvinoshuvirwa nemoyo yavo, neizvo meso anoyevedzwa nazvo, uye vachagaramo zvachose.
Zuhruf 43:72
Iri ndiro Paradhiso ramagadzwa nhaka nekuda kwemabasa enyu amaiita (pahupenyu hwepanyika).
Zuhruf 43:73
Mariri (Paradhiso) kwamuri muchange muine michero yakawanda yamuchange muchidya (sezvamunoshuvira).
Zuhruf 43:74
Zvirokwazo, maMujrimoon (vatadzi) vachange vari mumarwadzo ekumoto umo mavachagara zvachose.
Zuhruf 43:75
Marwadzo haazomborerutswi kwavari, uye vachakandwa mumatambudziko vaine kudemba kwakanyanya, uye vaine kushushikana mariri.
Zuhruf 43:76
Hatina kuva tinovakanganisira, asi (kuti) ivo pachavo vaiva vatadzi.
Zuhruf 43:77
Uye vachachema: “Iwe Malik (muchengetedzi weGehena)! Ita kuti Tenzi vako vatipedzise (vatiuraye).” Achati: “Zvirokwazvo, muchagaramo zvachose.”
Zuhruf 43:78
Zvirokwazvo, taunza chokwadi (Muhammad (SAW) neQur’aan) kwamuri, asi vazhinji venyu vanovenga chokwadi.
Zuhruf 43:79
Kana kuti vakaronga urongwa? Naizvozvo nesuwo tiri kuronga.
Zuhruf 43:80
Kana kuti vanofunga here kuti hatinzwi zvakavandika zvavo uye zvavanoutaura muchivande? Hongu (tinozinzwa), uye vatumwa vedu (ngirozi) vanawo, vachinyora.
Zuhruf 43:81
Iti (Muhammad (SAW)): “Kana vane nyasha dzose (Allah) vaine mwana (kana vana sezvamunotaura), naizvozvo ndiri wekutanga weavo vanomunamata (kuramba zvamunotaura, uye kutenda kuti Allah vari vega uye havana vana).”
Zuhruf 43:82
Kukudzwa kwose ngakuve kuna Tenzi vematenga nenyika, Tenzi vechigaro chepamusoro-soro. Kurumbidzwa kwose ngakuve kwavari pane zvose zvavanovasanganisa navo.
Zuhruf 43:83
Saka vasiyei vachitaura zvisina maturo uye vachitamba kusvikira vasangana nezuva ravo iro ravakavimbiswa.
Zuhruf 43:84
Ndivo (Allah) vanova vamwechete Ilaah (Mwari vanofanirwa kunamatwa) kudenga, vanova zvakare Ilaah (Mwari vanofanirwa kunamatwa) panyika. Ndivo vazere neungwaru, muzivi wezvose.
Zuhruf 43:85
Makomborero ndeavo, muridzi weumambo hwekudenga nepasi, nezvose zviri pakati pawo, uye kwavari ndiko kune ruzivo rwenguva, uye kwavari muchadzoserwa (mese).
Zuhruf 43:86
Uye avo vavanodana kunze kwavo (Allah) havana masimba ekumiririra – kusara kweavo vanopa uchapupu pachokwadi (vanotenda muhumwechete hwaAllah uye vachiteerera mirairo yavo), uye vanoziva (humwechete hwaAllah).
Zuhruf 43:87
Asi kana ukavabvunza kuti ndiani akavasika, muzvokwadi vanoti: “Allah.” Saka vanofuratira sei (mukunamata Allah vakavasika)?
Zuhruf 43:88
(Uye Allah vane ruzivo) rwe (Mashoko aMuhammad (SAW)) anoti: “Tenzi wangu! Zvirokwazvo, ava vanhu vasingatendi!”
Zuhruf 43:89
Saka vafuratire (Muhammad (SAW)) uye oti: Salaam (Runyararo)! Asi vachazviziva.
Duhan 44:1
Haa – Meem. (Mashoko aya ndemamwe ezvishamiso zvri muQur’aan, uye hapana anoziva zvaanoreva kunze kwaAllah).
Duhan 44:2
Ndinopika neGwaro riri pachena (Qur’aan rinoburitsa zvinhu pachena).
Duhan 44:3
Zvirokwazvo, takaridzikisa (Qur’aan) pausiku hwakakomborerwa (usiku hwe Al-Qadr mumwedzi weRamadhaan). Zvirokwazvo, tiri kuyambira (kuti ticharanga avo vasingatendi).
Duhan 44:4
Mauri (usiku uhwu) munotarwa nyaya dzose dzakarongwa (ndufu, keberekwa kwemhuka, nezviitiko zvese zvichaitika gore rinotevera).
Duhan 44:5
Sechikomekedzo (Qur’aan iri kana kutarwa kwezviitiko) kubva kwatiri. Zvirokwazvo, tinotumira (vatumwa).
Duhan 44:6
Setsitsi kubva kuna Tenzi vako. Zvirokwazvo, ndivo vanonzwa, muzivi wezvose.
Duhan 44:7
Tenzi vematenga nenyika nezvose zviri pakati pawo, kana muine kutenda kwechokwadi (nekusangana naTenzi venyu).
Duhan 44:8
Laa ilaaha illaa huwa (Hakuna mumwe ane kodzero yekunamatwa kunze kwavo). Ndivo vanopa upenyu uye vanokonzera rufu – Tenzi venyu uye Tenzi vemadzibaba enyu.
Duhan 44:9
Asi vanotamba vari mukugunun’una.
Duhan 44:10
Naizvozvo mirira zuva iro denga parichaunza chiutsi chiri pachena (chinooneka).
Duhan 44:11
Chichafukidza vanhu. Ichi chirango chinorwadza.
Duhan 44:12
(Vachati): “Tenzi vedu! Bvisai mutongo kwatiri, muzvokwadi tichava vatendi!”
Duhan 44:13
Vangave sei nendangariro (murango wauya kwavari), apo mutumwa ari pachena akauya kwavari (achivajekesera).
Duhan 44:14
Naizvozvo vakamufuratira (Muhammad (SAW)) vakati: “Munhu akadzidziswa (nemumwe munhu), uye anopenga!”
Duhan 44:15
Zvirokwavo, tichabvisa mutongo kwekanguva. Zvirokwazvo, muchadzokera (mukusatenda).
Duhan 44:16
Pazuva iro ratichakutorai nenzira hombe inorwadza. Zvirokwazvo tichadzorera nekupa chirango.
Duhan 44:17
Uye zvirokwazvo takaedza mushure mavo vanhu vaFarawo, apo mutumwa anoremekedzwa akauya kwavari (Musa (AS)).
Duhan 44:18
Achiti: “Ndipei varanda vaAllah (vana vaIzirairi). Zvirokwazvo, ndiri mutumwa anovimbika kwamuri.”
Duhan 44:19
“Uye musava munozvikudza pamusoro paAllah. Zvirokwazvo, ndauya kwamuri nenzira iri pachena (murairo uri pachena).”
Duhan 44:20
“Uye zvirokwazvo ndinokumbira chengetedzo kubva kuna (Allah) Tenzi vangu naTenzi venyu, nekuti munganditeme (kana kunditi ndiri ngan’a kana kundiuraya).”
Duhan 44:21
“Asi kana musingatendi mandiri, naizvozvo swederai kure neni mondisiya ndega ndakadaro.”
Duhan 44:22
Asi (Musa (AS)) akadana Tenzi vake achiti: “Zvirokwazvo, ava vanhu vanotadza (vatadzi).”
Duhan 44:23
(Allah vakati): “Buda pamwechete nevaranda vangu neusiku. Zvirokwazvo muchateverwa.”
Duhan 44:24
“Uye siya gungwa riri zvariri (rakapatsanuka). Zvirokwazvo vari mauto achanyudzwa.”
Duhan 44:25
Mapindu mangani nezvitubu zvavakasiya (vanhu vaFarawo) kumashure!
Duhan 44:26
Nezvirimwa (minda inoyevedza) nenzvimbo dzakanaka!
Duhan 44:27
Uye mutefetefe weupenyu umo mavaiwana mufaro!
Duhan 44:28
Zvakaitika kudaro! Naizvozvo, takaita kuti vamwe vanhu vavagare nhaka (Vana vaIzirairi vagare nhaka humambo weku Egypt).
Duhan 44:29
Uye matenga nenyika hazvina kuvachemera, zvakare havana kupihwa nguva (havana kunonotswa).
Duhan 44:30
Uye zvirokwazvo takanunura vana vaIzirairi kubva kumutongo unonyadzisa wakaomarara.
Duhan 44:31
Kubva kunaFarawo. Zvirokwazvo, aizvitutumadza uye aive mumwe wemaMusrifoon (avo vanhu vanopfurikidza mitemo yaAllah).
Duhan 44:32
Uye takavasarudza (vana vaIzirairi) pamusoro pevose (vanhu nemaJinn panguva yaMusa (AS)) neruzivo.
Duhan 44:33
Uye tikavapa zviratidzo zvaive nemuyedzo uri pachena.
Duhan 44:34
Zvirokwazvo, ava (maQuraish) vari kuti:
Duhan 44:35
“Hapana chimwe chinhu kunze kwerufu rwedu rwekutanga, uye hatisi kuzomutswa (zvakare)!”
Duhan 44:36
“Tiunzire madzibaba edu kana uri pachokwadi!”
Duhan 44:37
Vari nani here kana kuti vanhu vekuTubba neavo (vaivepo) mushure mavo? Takavaparadza nekuti zvirokwazvo vaive maMujrimoon (vatadzi).
Duhan 44:38
Uye hatina kuva tinosika matenga nenyika, nezvose zviri pakati pawo sedambe.
Duhan 44:39
Hatina kuva tinozvisika kusara kwekuti muchokwadi (kuti tione avo vanoteerera neavo vasingateereri), asi vazhinji vavo havazivi.
Duhan 44:40
Zvirokwazvo, zuva rekutongwa inguva yavakatarirwa vose.
Duhan 44:41
Zuva rekuti Maula (hama yepedyo) haikwanisi kubatsira Maula (hama yepedyo) nechimwe chinhu, uye zvakare hapana rubatsiro rwavachawana.
Duhan 44:42
Kunze kweuyo Allah wavanoratidza tsitsi. Zvirokwazvo, ndivo samasimba, vazere netsitsi.
Duhan 44:43
Zvirokwazvo, muti weZaqqoom (unovava zvikuru)
Duhan 44:44
Uchava chikafu chevatadzi.
Duhan 44:45
Semafuta anofashaira, chichafashaira mumatumbu avo,
Duhan 44:46
Sekufashaira kunoita mvura inopisa.
Duhan 44:47
(Zvichanzi): “Mutorei momudhonzera pakati pemarimi emoto!”
Duhan 44:48
“Modira mumusoro make mutongo wemvura inofashaira!”
Duhan 44:49
“Ravira (izvi)! Zvirokwazvo waiva (unozviita kunge) wepamusoro anoremekedzwa!”
Duhan 44:50
“Zvirokwazvo, izvi ndizvo zvamairamba (zvamaigunun’una)!”
Duhan 44:51
Zvirokwazvo, avo vanotya Allah vachange vari munzvimbo yerunyararo (yakachengetedzeka).
Duhan 44:52
Mumapindu nezvitubu.
Duhan 44:53
Vakapfeka siriki yakanaka uye siriki yakakora vachitarisana.
Duhan 44:54
Zvichava kudaro! Uye tichavaroodza kumaHouri vane maziso mahombe akanaka (vakadzi vakanaka vekuJannah).
Duhan 44:55
Vachadaidzira imomo michero yemhando dzose murunyararo nechengetedzo.
Duhan 44:56
Havazomboravira rufu imomo kusara kwerufu rwekutanga (panyika), uye (Allah) vachavanunura kubva kumutongo wekumoto.
Duhan 44:57
Semakomborero kubva kuna Tenzi vako! Uku kuchava kubudirira kwepamusoro!
Duhan 44:58
Zvirokwazvo, takarirerutsa (Qur’aan iri) parurimi rwako, kuti vave vanorangarira.
Duhan 44:59
Naizvozvo mirira (Muhammad (SAW)), zvirokwazvo ivo vakamirira (zvekare).
Câsiye 45:1
Haa – Meem. (Mashoko aya ndemamwe ezvishamiso zviri muQur’aan, uye hapana anoziva zvaanoreva kunze kwaAllah).
Câsiye 45:2
Mashoko akadzikiswa eGwaro (Qur’aan) anobva kuna Allah, Samasimba, vazere neuchenjeri.
Câsiye 45:3
Zvirokwazvo, mumatenga nenyika mune zviratidzo kune vanotenda.
Câsiye 45:4
Uye mukusikwa kwenyu, neizvo zvavakapararira (Panyika) kubva kuzvisikwa zvinofamba (mhuka) mune zviratidzo kuvanhu vanotenda zvechokwadi.
Câsiye 45:5
Uye mukutenderera kweusiku nemasikati, neizvo Allah zvavanopa seraramo (mvura) kubva kudenga, vopa nayo nyika upenyu mushure mekunge isina upenyu, uye kuvhuvhuta kunoita mhepo, zviratidzo kuvanhu vanonzwisisa.
Câsiye 45:6
Izvi zviratidzo zvaAllah, zvatinokuverengera (Muhammad (SAW)) muchokwadi. Naizvozvo ndeipi nhaurwa mushure maAllah nezviratidzo zvavo zvavachatenda?
Câsiye 45:7
Matambudziko kumutadzi wese anonyepa.
Câsiye 45:8
Anonzwa ndima dzaAllah dzichiverengwa kwaari, asi oenderera mberi achizvitutumadza sekunge asina kudzinzwa. Nokudaro mukorokotedze nezvemutongo unorwadza!
Câsiye 45:9
Uye akadzidza zvimwe zvinhu mundima dzedu (dziri muQur’aan), anozvitora sechiseko. Vanhu vakadaro vachava nomutongo unonyadzisa.
Câsiye 45:10
Pamberi pavo pane Gehena. Uye vose izvo zvavakawana hazvisi kuzovabatsira, kana avo vavakatora sevabatsiri vachisiya Allah. Uye vachave nemutongo mukuru.
Câsiye 45:11
Iri (Qur’aan) inungamiri. Uyezve avo vasingatendi muzviratidzo zvaTenzi vavo, vachave nemutongo wakaomarara unorwadza.
Câsiye 45:12
NdiAllah vakakupai gungwa kuti ngarava dzive dzinofamba mariri nokuda kwavo, uye kuti muve munotsvaga makomborero avo, uye kuti muve munotenda.
Câsiye 45:13
Uye vakakupai zvese zviri mumatenga nezvose zviri panyika, zvese izvi kubva kwavari. Zvirokwazvo, mazviri mune zviratidzo kune vanhu avo vanofunga zvakadzama.
Câsiye 45:14
Iti (Muhammad (SAW)) kuvatendi kuti varegerere avo vasina tarisiro nezvemazuva aAllah, kuti vave vanoripa vanhu zvichienderana nezvavakawana (kutonga avo vasingatendi vaikanganisa vatendi).
Câsiye 45:15
Uyo anoita basa rakanaka, nderake pachake; uye uyo anoita basa rakaipa, rakanangana naiye. Naizvozvo muchave munodzokera kuna Tenzi venyu.
Câsiye 45:16
Uye zvirokwazvo takapa vana vaIzirairi Gwaro, uye kunzwisisa Gwaro uye nemitemo yarwo, uye huporofita; uye tikavapa zvinhu zvakanaka, uye tikavasarudza pamusoro pevose (vanhu nemaJinn enguva yavo).
Câsiye 45:17
Uye takavapa humboo hwuri pachena wenyaya dzese (nekuvadzikisira Torah). Uye havana kupokana kusara kwekunge ruzivo rwauya kwavari, nokuda kweruvengo pakati pavo. Zvirokwazvo, Tenzi vako vachatonga pakati pavo pazuva rokutongwa pamusoro peizvo zvavaipikisana.
Câsiye 45:18
Naizvozvo takuisa (Muhammad (SAW)) panzira yomukomekedzo (Islaam). Naizvozvo itevere, uye usatevere zvido zveavo vasingazivi.
Câsiye 45:19
Zvirokwazvo, hapana chavanokwanisa kukubatsira nacho kuna Allah (kana vachida kukuranga). Zvirokwazvo, avo vanoita mabasa akaipa madzishamwari, asi Allah mubatsiri weavo vanotya (Allah).
Câsiye 45:20
Iri (Qur’aan) chioneso chiri pachena uye humboo kuvanhu, uye inungamiri netsitsi kuvanhu avo vanotenda zvechokwadi (nezve zuva rekupedzisira).
Câsiye 45:21
Kana kuti avo vanoita mabasa akaipa vanofunga kuti tichavabatanidza neavo vanotenda (muhumwechete waAllah) uye vachiita mabasa akanaka, muhupenyu hwavo uye mushure mekufa kwavo? Huipi ndiwo mutongo wavanoita.
Câsiye 45:22
Uye Allah vakasika denga nenyika muchokwadi, kuti munhu wese ave anoripwa zvaakawana, uye havasi kuzodzvinyirirwa.
Câsiye 45:23
Wakamboona here uyo anotora zvido zvake samwari vake? Uye Allah vachiziva, vakamusiya akarasika, uye vakavhara manzwiro ake nemoyo wake, uye vakaisa chivharo pamaonero ake. Nokudaro ndiani angamutungamirire mushure maAllah? Hamurangariri here?
Câsiye 45:24
Uye vanoti: “Hapana chiripo kusara kwehupenyu wedu hwepano pasi, tinofa uye tinorarama, uye hapana chinotiparadza kusara kwenguva.” Uye havana ruzivo nezvazvo, asi vanongofungidzira.
Câsiye 45:25
Uye kana ndima dzedu dziri pachena dzichiverengwa kwavari, kupikisa kwavo hakusi kumwe kusara kwekuti: “Dzora madzibaba edu (akafa) kana uri pachokwadi!”
Câsiye 45:26
Iti (kwavari): “Allah vanokupai hupenyu, uye voita kuti mufe, uye vachakuunganidzai pazuva rokutongwa iro pariri hapana kusagutsikana. Asi vanhu vazhinji havazivi.”
Câsiye 45:27
Uye kuna Allah ndiko kune humambo hwematenga nenyika. Uye pazuva iro nguva ichasvika, zuva iroro vatevedzeri vemanyepo (vasingatendi) vacharasikirwa (nezvose).
Câsiye 45:28
Uye uchaona rwudzi rwega rwega ruchizvininipisa (rwakapfugama). Rwudzi rwega rwega ruchishevedzerwa kuzvinyorwa zvaro (zvemabasa). Nhasi muchabhadharwa maererano nezvamaiita.
Câsiye 45:29
Zvinyorwa zvedu izvi zvirikutaura pamusoro penyu chokwadi. Zvirokwazvo, Tainyora izvo zvamaiita (ngirozi dzedu dzainyora mabasa enyu).
Câsiye 45:30
Uye kune avo vaitenda (muhumwechete waAllah) uye vachiita mabasa akanaka, Tenzi vavo vachavaisa mutsitsi dzavo (Paradhiso). Ikoko ndiko kuchava kubudirira kuri pachena.
Câsiye 45:31
Asi kune avo vaisatenda (zvichanzi kwavari): “Ndima dzedu hadzina kuverengwa kwamuri here? Asi makazvitutumadza, uye maiva vanhu vaitadza.”
Câsiye 45:32
Uye apo pazvainzi: “Zvirokwazvo, vimbiso yaAllah ndeyechokwadi, uye hapana kusagutsikana maererano nekuuya kwenguva,” makati: “Hatizivi kuti chii chinonzi nguva. Hatifungi nezvayo asi kuti kufungidzira, uye hatina kutenda kunogutsa (mairi nguva).”
Câsiye 45:33
Uye zvakaipa zvavakaiita zvichava zvinobuda kwavari, uye zvavaishora zvichavakomberedza.
Câsiye 45:34
Uye zvichanzi: “Zuva rino tichakukanganwai sekukanganwa kwamakaita kusangana kwezuva renyu rino. Uye nzvimbo yenyu yokugara imoto, uye hapana achakubatsirai.”
Câsiye 45:35
Izvi (zvirikuitika) nekuda kwekuti maitora ndima dzaAllah (Qur’aan) sechiseko, uye hupenyu hwepasi hwakakunyengedzai. Naizvozvo, nhasi havambobudiswi mauri (moto) kana kudzorerwa kuhupenyu hwepanyika (kuti vanokumbira ruregerero kuna Allah).
Câsiye 45:36
Naizvozvo kurumbidzwa kwese nekutendwa ndekwa Allah, Tenzi vematenga uye Tenzi venyika, uye Tenzi vepasi rose (vanhu nemaJinn nezvisikwa zvese).
Câsiye 45:37
Uye kwavari ndiko kune humambo mumatenga nepasi, uye ndivo samasimba, vane hungwaru hwose.
Ahkaf 46:1
Haa – Meem. (Mashoko aya ndemamwe ezvishamiso zviri muQur’aan, uye hapana anoziva zvaanoreva kunze kwaAllah).
Ahkaf 46:2
Kudzikiswa kweBhuku (Qur’aan) kubva kuna Allah, Samasimba, Muchenjeri Mukuru.
Ahkaf 46:3
Hatina kusika matenga nenyika nezviri pakati pawo asi kuti muchokwadi, uye kwenguva yakatarwa. Asi avo vasingatendi vanofuratira izvo zvavanoyambirwa nazvo.
Ahkaf 46:4
Iti (Muhammad (SAW)): “Munoona here zvose izvo zvamunodaidza kunze kwaAllah? Ndiratidzei. Chii chavakasika panyika? Kana kuti vane mugove here kumatenga (pakusikwa kwawo)? Ndiunzirei Bhuku (riri mumashure meiri) kana matsimba eruzivo (anotsigira zvamunotaura), kana imi muri pachokwadi!”
Ahkaf 46:5
Uye ndiani akarasika zvakanyanya kukunda uyo anodaidza (anonamata) izvo zvisiri Allah, izvo zvisingazomupinduri kusvikira pazuva rekutongwa, zvakare havana kana chavanoziva maererano neminamato yavo kwavari?
Ahkaf 46:6
Uye kana vanhu vaunganidzwa (pazuva rekutongwa), (zvavainamata) zvichave mhandu kwavari uye zvicharamba kunamatwa kwavo.
Ahkaf 46:7
Uye kana humboo hwedu huri pachena hukaverengwa kwavari, avo vasingatendi vanoti kune chokwadi kana chauya kwavari: “Aya ndiwo masaramusi ari pachena!”
Ahkaf 46:8
Kana kuti vanoti: “Iye (Muhammad (SAW)) akazvigadzirira!” Iti: “Kana ndakazvigadzirira, nazvino hamuna kana simba rekundibetsera kubva kuna Allah. Ivo (Allah) vanoziva chaizvo zvamunotaura pakati penyu maererano nezvaro (Qur’aan)! Vakakwana semupupuri pakati pangu nemi! Uye ndivo vanoregerera, vane nyasha zhinji.”
Ahkaf 46:9
Iti (Muhammad (SAW)): “Handisi chinhu chitsva pavatumwa (handisi ini wekutanga), uye handizivi kuti chii chichaitwa kwandiri kana kwamuri. Ndinongotevera chete izvo zvinodzikiswa kwandiri, uye ndinongori muyambiri ari pachena chete.”
Ahkaf 46:10
Iti: “Munoona here kana iri (Qur’aan) richibva kuna Allah uye imi moriramba, uye mupupuri kubva kuvana vaIzirairi (Abdullah bin Salaam (RA)) vopupura kuti (iri Qur’aan riri kubva kuna Allah) se(Torah), uye otenda (opinda Islaam) apo imi muchizvitutumadza (musingatendi).” Zvirokwazvo, Allah havatungamiriri vanhu vanotadza.
Ahkaf 46:11
Uye avo vasingatendi (vane simba nehupfumi) vanoti kune avo vanotenda (varombo vasina simba): “Dai change chakanaka (chitendero che Islaam), vangadai (varombo vasina simba) vasina kutitangira kwachiri!” Uye kana vasina kutungamirwa nacho, vanoti: “Aya ndiwo manyepo ekare!”
Ahkaf 46:12
Uye mushure maro (Qur’aan) kwaive neGwaro raMusa richitungamira uye senyasha. Uye iri iBhuku (Qur’aan) rinopupura mururimi rwechiArabhu, richijekesa uye richiyambira avo vanoita zvakaipa, uye semashoko akanaka kune vanoita mabasa akanaka.
Ahkaf 46:13
Zvirokwazvo, avo vanoti: “Tenzi vedu ndiAllah,” uye vobva vashinga zvakasimba (muIslaam), hapazove nekutya kwavari kana kushushikana (kusuruwara).
Ahkaf 46:14
Vanhu vakadaro vachave vagari vekuParadhiso, vachagara imomo (zvachose) semubairo wezvavakaita.
Ahkaf 46:15
Uye takakomekedza munhu kuti abetsere vabereki vake, nekuve nemoyo munyoro kwavari. Amai vake vakamutakura mumatambudziko uye vakamubereka vachitambudzika. Uye kumutakura nekumuyamwisa kwakatora mwedzi makumi matatu, kusvikira apo paanenge anesimba rakakwana uye asvika makore makumi mana, obva ati: “Tenzi vangu! Ndipeiwo simba kuti ndikwanise kutenda makomborero amakandipa nevabereki vangu, uye kuti ndikwanise kuita mabasa akanaka ayo amunofarira, uye mhuri yangu moiita yakanaka. Chokwadi, ndatarisa kwamuri ndichikumbira ruregerero rwenyu, uye chokwadi, ndiri umwe wevatendi (maMuslim).”
Ahkaf 46:16
Vanhu vakadaro ndeavo vatichatambira mabasa avo akanaka uye tovakanganwira mabasa avo akaipa. (Vachava) mukati mevagari vekuParadhiso, vimbiso yechokwadi, iyo yavakavimbiswa.
Ahkaf 46:17
Asi uyo anotaura kuvabereki vake achiti: “Hapana zvamunotaura! Muri kundivimbisa ini kuti ndichamutswa zvakare asi kwadarika zvizvarwa kare mushure mangu (Pasina kumutswa)?” Apo (vabereki) vachikumbira Allah rubetsero (vachiyambira mwana wavo) (vachiti): “Matambudziko kwauri! Tenda! Zvirokwazvo, vimbiso yaAllah ndeyechokwadi.” Asi iye achiti: “Hapana zviripo, asi inyaya dzekare chete.”
Ahkaf 46:18
Vanhu vakadaro ndeavo shoko (rechirango) rakazadziswa kumarudzi akapfuura mushure maivo vasati vavepo maJinn nevanhu. Zvirokwazvo, vakarasikirwa.
Ahkaf 46:19
Uye vose, kwavari kuchange kuine kukwiridzirwa zvichienderana nezvavaiita, uye (Allah) zvakare vachavapa mugove wakakwana nokuda kwemabasa avo. Uye havazombodzvanyirirwa.
Ahkaf 46:20
Uye nezuva iro avo vasingatendi (muhumwechete waAllah) vachaendeswa kumoto (zvichataurwa zvichinzi): “Zvakanaka zvenyu makazviwana paupenyu hwenyu hwepanyika, uye mukanakidzwa mairi. Zvino zuva ranhasi muchapiwa murango unonyadzisa, nokuda kwekuti maizvitutumadza panyika zvisina mvumo, uye imi maipandukira mirairo yaAllah (maisateerera Allah).”
Ahkaf 46:21
Uye rangarira (Hud) mukoma wemaAad, apo akatsiura vanhu muAl-Ahqaaf (dzimba dzavaigadzira mumakomo muArabia). Uye zvirokwazvo kwange kwadarika vayambiri mushure make uye mberi kwake (vachiti): “Musanamata chimwe chinhu kunze kwaAllah; zvirokwazvo, ndinokutyirai kubva kumutongo wezuva guru (zuva rokumutswa).”
Ahkaf 46:22
Vakati: “Wauya here kuzotiburitsa kubva kuna vanamwari vedu? Zvino chitiunzira izvo zvauri kutityityidzira nazvo, kana iwe uri umwe weavo vanotaura chokwadi!”
Ahkaf 46:23
Akati: “Zvirokwazvo, ruzivo rwacho (rwemurango) rwuna Allah chete. Uye ini ndinongokuudzai izvo zvandakatumwa nazvo, asi ndiri kukuonai muri vanhu vasina ruzivo!”
Ahkaf 46:24
Zvino pavakauona (murango) segore rakanga richiuya padyo nemipata yavo, vakati: “Iri igore ririkutiunzira mvura!” Asi kwete, ndeizvo zvamaikumbira kuti zvikurumidze kuitika, mhepo ine murango unorwadza!
Ahkaf 46:25
Ichiparadza zvinhu zvose nokuda kwekuronga kwaTenzi wayo! Nokudaro vakapedzisira pasina chaioneka kusara kwepokugara pavo chete! Saizvozvo ndiwo mapiro atinoita mubairo kuvanhu vanotadza!
Ahkaf 46:26
Uye zvirokwazvo tange takavagadzika zvakasimba neizvo zvatisina kukugadzikai imi (maQuraish)! Uyezve tikavaita kuti vave nekunzwa uye kuona uye nemoyo. Asi kunzwa kwavo, uye kuona kwavo, nemoyo yavo hazvina kuvabetsera kana nechimwechete zvacho nekuti vairamba humboo hwaAllah (maporofita aAllah nedzidziso dzavo), uye vakabva vakomberedzwa neizvo zvavaituka (zvavaiseka)!
Ahkaf 46:27
Uye zvirokwazvo takaparadza matunhu akakukomberedzai, uye tikavaratidza zvakare zviratidzo kuti pamwe vangadzoka (kuchokwadi, Islaam).
Ahkaf 46:28
Nokudaro sei avo vavakatora saanamwari vachisiya Allah vasina kuvabetsera, senzira yemasvikiro (kuna Allah)? Asi vakavarasa zvachose (pakauya murango). Uye uku ndiko kwaive kunyepa kwavo neivo zvavaiwedzerera (vasati vaparadzwa).
Ahkaf 46:29
Uye rangarira (Muhammad (SAW)) apo takatumira chikwata chemaJinn (vatatu kunosvika gumi) vachiteerera Qur’aan. Zvino (maJinn) pavakamira pamberi paro vakati: “Teererai!” Zvino parakapedziswa kuverengwa, vakadzokera kune vamwe vavo, sevayambiri.
Ahkaf 46:30
Vakati: “Vamwe vedu! Zvirokwazvo, tanzwa Bhuku (Qur’aan) rakadzikiswa mushure maMusa richidudzira zvakauya mushure maro. Rinotungamira kune chokwadi uye kunzira yakatwasuka (Islaam).”
Ahkaf 46:31
“Vamwe vedu! Dairai mudaidzi waAllah (Muhammad (SAW)), uye tendai kwaari (uye momutevera), Allah vachakuregererai kubva kune zvitado zvenyu, uye vachakununurai kubva kune murango unorwadza (Gehena).”
Ahkaf 46:32
“Uye uyo asingadairi mudaidzi waAllah, haakwanisi kutiza munyika, uye hapana vabetseri vaachawana kunze kwavo (Allah). Vanhu vakadaro ndivo vakarasika zviri pachena.”
Ahkaf 46:33
Havaoni here kuti Allah avo vakasika matenga nenyika, uye havana kuomerwa nekusikwa kwawo, vane simba rokupa upenyu kune vakafa? Hongu, zvirokwazvo vanokwanisa kuita zvinhu zvose.
Ahkaf 46:34
Uye nezuva iro avo vasingatendi vachaunzwa kumoto (zvichanzi kwavari): “Hachisi chokwadi here ichi?” Vachati: “Hongu, tinopika naTenzi vedu!” Vachati: “Zvino chiravirai murango nokuda kwekuti makanga musingatendi!”
Ahkaf 46:35
Zvino chitsungirira (Muhammad (SAW)) sezvakaita vatumwa vakasimba (Muhammad, Nowa, Abrahamu, Musa naJesu) uye usamhanye nezvavo (vasingatendi). Nezuva ravachaona izvo zvavakavimbiswa, zvichaita sokunge havana kugara nguva imwe chete zvayo pazuva rimwechete. Mashoko ari pachena (iri Qur’aan kunokununurai kubva mukuparadzwa)! Asi pachave here nekuparadzwa kunze kwevanhu vanopandukira Allah (vasingateereri Allah)?
Muhammed 47:1
Avo vasingatendi (muIslaam), uye vanorambidza vanhu kupinda munzira yaAllah, vachaita kuti mabasa avo ave asina maturo.
Muhammed 47:2
Uye avo vanotenda uye vachiita mabasa akanaka, uye vachitenda kune zvakatumirwa kuna Muhammad (SAW), icho chiri chokwadi kubva kuna Tenzi vavo, vachavakanganwira zvitadzo zvavo, uyezve vachaita mamiriro avo ave akanaka.
Muhammed 47:3
Nokuda kwekuti avo vasingatendi vanotevera manyepo, uye zvirokwazvo avo vanotenda vanotevera chokwadi kubva kuna Tenzi vavo. Saizvozvo Allah vanoratidza vanhu mienzaniso yavo.
Muhammed 47:4
Zvino kana masangana neavo vasingatendi (kurwa navo), varovei mitsipa yavo kusvikira mavauraya uye makuvadza vakawanda vavo, uye movasunga zvakasimba (movatora senhapwa). Mushure mezvo vaitirei tsitsi (movasungura zvisina mubhadharo), kana kuti motora mubhadharo (zvamunoona zvichibatsira Islaam), kusvikira hondo yanyarara. Naizvozvo dai Allah vaida, zvirokwazvo dai vakavaranga pachavo, asi (kurwa) vakakuitira kuedza vamwe venyu kuburikidza nevamwe. Uye avo vanouraiwa munzira yaAllah, havasi kuzosiya mabasa avo achitambisika (pasina mugove).
Muhammed 47:5
Vachavatungamira uye vomisa zvakanaka hunhu hwavo.
Muhammed 47:6
Uye vachavaendesa kuParadhiso iro ravakaita kuti rizivikanwe kwavari (Vachaziva nzwimbo dzavo muParadhiso kukunda maziviro avaiita dzimba dzavo panyika).
Muhammed 47:7
Imi vanotenda! Kana mukabetsera (munzira ya) Allah, ivo vachakubetseraiwo, uye vachaita kuti makumbo enyu agwinye.
Muhammed 47:8
Asi avo vasingatendi (muhumwechete waAllah), kwavari kuchave nekuparadzwa, uye vachaita (Allah) kuti mabasa avo ave asina maturo.
Muhammed 47:9
Nokuda kwekuti vanovenga izvo zvakatumirwa naAllah (iri Qur’aan nemitemo yechi Islaam), naizvozvo vaita kuti mabasa avo ashaye maturo.
Muhammed 47:10
Havana here kufamba munyika vakaona mhedzisiro yeavo vakange vari mumashure mavo? Allah vakavaparadza zvachose, uye zvimwechetezvo zvakamirira vasingatendi.
Muhammed 47:11
Nokuda kwekuti zvirokwazvo Allah ndivo mubetseri (mambo nemudziviriri) weavo vanotenda, uye vasingatendi havana mubetseri.
Muhammed 47:12
Zvirokwazvo, Allah vachaendesa avo vanotenda (muhumwechete wavo) uye vachiita mabasa akanaka kuParadhiso rine nzizi dzinoerera pasi paro; uye apo avo vasingatendi vachinakirwa nekudya sokudya kunoita mombe; uye moto uchava nzvimbo yavo yokugara.
Muhammed 47:13
Uye maguta mangani akanga aiine simba kukunda guta rako (Makkah) rakakudzinga, avo atakaparadza. Uye pakanga pasina kana mubetseri kwavari.
Muhammed 47:14
Akafanana here uyo ari muchiedza kubva kuna Tenzi vake neavo zvitadzo zvavo zvinoitwa sezvakanaka kwavari, apo vachitevera zvido zvavo (zvakaipa)?
Muhammed 47:15
Muenzaniso weParadhiso iro rakavimbiswa vatsvene (ndewekuti) mariri mune nzizi dzemvura idzo maraviriro nemweya wacho haushanduki, uye nzizi dzemukaka usingashanduki, uye nzizi dzewaini inonaka kune avo vanoinwa, uye nzizi dzeuchi hwakachenurwa, uye imomo vachange vaine ndudzi dzose dzemichero, uye nekuregererwa naTenzi vavo. Vakafanana here neavo vachagara mumoto zvachose vachipiwa mvura inokwata ichipisa iyo ichadambura matumbu avo?
Muhammed 47:16
Uyezve mukati mavo mune vanokuteerera (Muhammad (SAW)) kusvikira vabva kwauri, vanoti kune avo vakagamuchira ruzivo: “Chii chaarikutaura zvino?” Vanhu vakadaro ndivo vakavharwa moyo yavo naAllah, uyezve vanotevera zvido zvavo (zvakaipa).
Muhammed 47:17
Uye avo vakatungamirwa, vanovawedzera kutungamirwa kwavo uye vanovapa Taqwa (Kutya Allah vovaita vatsvene).
Muhammed 47:18
Vakamirira here chimwe chinhu kunze kwenguva kuti iuye ivo vakavarairwa? Asi mviro mviro dzacho dzakatouya; zvino kana yave pavari, vachabetserekana sei nekurangarira kwavo?
Muhammed 47:19
Naizvozvo chiziva (Muhammad (SAW)) kuti, Laa ilaaha illallaah (Hakuna mumwe mwari akafanira kunamatwa kunze kwaAllah), uye kumbira ruregerero pazvitadzo zvako uye nezvevatendi varume nevakadzi. Uye Allah vanoziva kufamba kwenyu, uye nenzvimbo dzenyu dzekuzororera.
Muhammed 47:20
Uye avo vanotenda vanoti: “Ko sei chikamu (cheQur’aan) chisingadzikiswi?” Asi kana chikamu chadzikiswa chichitsanangura (zvinhu), uye nekurwa kuchitaurwa machiri, uchaona avo vane chirwere mumoyo yavo (cheunyengedzi) vachitarisa kwauri matarisiro euyo ave kukomoka zvokufa. Asi zvakanga zviri nani kwavari (kuti vateerere).
Muhammed 47:21
Kuteerera (Allah) uye mashoko akanaka (akavanakira). Naizvozvo kana hurongwa (weJihaad) hwatarwa, zvino dai vange vari pachokwadi kuna Allah, zvingadai zvakavanakira.
Muhammed 47:22
Mukapiwa simba, maizoita zvakashata here panyika uye kugura hukama hwenyu?
Muhammed 47:23
Vanhu vakadaro ndeavo vakashorwa naAllah. Naizvozvo vakavaita kuti vasanzwe uyezve vakavaita kuti vasaone.
Muhammed 47:24
Ko havafungi here zvakadzama nezveQur’aan kana kuti moyo yavo yakavharwa (kuti isarinzwisise)?
Muhammed 47:25
Zvirokwazvo, vakadzokera shure (kubuda muIslaam) mushure mokunge kutungamirwa kwajekeswa kwavari, satani akaita kuti zvive zvakanaka kwavari, uye (Allah) ndokurebesa nguva yavo.
Muhammed 47:26
Nokuda kwekuti vakati kune avo vanovenga izvo zvakatumirwa naAllah: “Tichakuteererai pane zvimwe.” Asi Allah vanoziva zvakavanzika zvavo.
Muhammed 47:27
Zvino zvichange zvakaita sei apo ngirozi dzichatora hupenyu hwavo pakufa, dzichirova zviso zvavo uye nekumashure kwavo?
Muhammed 47:28
Nokuda kwekuti vakatevera izvo zvakatsamwisa Allah uye vakavenga izvo zvaivafadza. Nokudaro vakaita kuti mabasa avo ave asina maturo.
Muhammed 47:29
Kana kuti avo vanechirwere mumoyo yavo (cheunyengedzi), vanofunga kuti Allah havasi kuzoburitsa pachena zvido zvakaipa zvavo zvakavanzika?
Muhammed 47:30
Dai taida, tingadai takavaratidza kwamuri, uye dai hwakavaziva nezviratidzo zvavo; asi chokwadi uchavaziva nokuda kwemataurirwo avo! Uye Allah vanoziva mabasa avo ose.
Muhammed 47:31
Uye chokwadi tichakuedzai kusvikira taziva avo vanoshinga munzira yaAllah uye vane tariro, uye tichaedza humboo hwenyu (ari kunyepa uye ari pachokwadi).
Muhammed 47:32
Zvirokwazvo, avo vasingatendi, uye vanorambidza vanhu nzira yaAllah (Islaam), uye vanopikisa mutumwa (Muhammad (SAW)) mushure mokunge kutungamirwa kwauya pachena kwavari, havasi kana kurwadzisa Allah, uye vachaita (Allah) mabasa avo ave asina maturo.
Muhammed 47:33
Imi vanotenda! Teererai Allah, uye moteerera mutumwa (Muhammad (SAW)), uye musaite mabasa enyu ave asina maturo.
Muhammed 47:34
Zvirokwazvo, avo vasingatendi, uye vanorambidza vanhu nzira yaAllah (Islaam); uye vobva vafa vasingatendi, Allah havasi kuzovaregerera.
Muhammed 47:35
Naizvozvo musanete kana kudaidzira runyararo imi muine mukana wepamusoro. Allah vanemi, uye havambodzikisa mugove wemabasa enyu.
Muhammed 47:36
Zvirokwazvo, hupenyu hwenyika ino kutamba chete nekufambisa nguva. Asi kana imi mukatenda (muhumwechete waAllah) nekuvatya nekusiya zvakaipa, vachakupai mugove wenyu, uye havambokukumbirai upfumi hwenyu.
Muhammed 47:37
Dai vakakumbirai, vobva vaomesa, maizoomera. Uye vachaburitsa pachena zvido zvenyu zvakashata.
Muhammed 47:38
Tarisai! Ndimi avo vari kudaidzwa kuti mushandise (hupfumi) hwenyu munzira yaAllah, asi mukati menyu mune vamwe vakaomera. Uye uyo akaomera, zvirokwazvo akaomera iye pachake. Asi Allah mupfumi, uye imi muri varombo. Uye kana mukafuratira (Islaam nekuteerera Allah), vachakutsivai nevamwe vanhu vasiri imi, uye havazoiti semi.
Feth 48:1
Zvirokwazvo, takakuita (Muhammad (SAW)) kuti ukunde zviri pachena.
Feth 48:2
Kuitira kuti Allah vagokuregerera zvitadzo zvako zvekare uye zvemberi, uye kuti vagozadzisa makomborero avo kwauri, uye kukutungamirira kunzira yakatwasuka.
Feth 48:3
Uyezve kuti Allah vagokubetsera nerubetsero rwakasimba.
Feth 48:4
Ndivo vakatumidzira runyararo mumoyo yevatendi kuti vagowedzera kutenda pamwe nokutenda kwavainako. Uye Allah ndivo vane hukuru hwekudenga nepasi, uye Allah vanoziva zvose, vane hungwaru hwese.
Feth 48:5
Kuitira kuti vazopinza vatendi vechirume nevatendi vechikadzi kuParadhiso iro rinoerera nzizi pasi paro kuti vagare imomo zvachose, uye vagovaregerera zvitadzo zvavo; uye ikoko ndiko kubudirira kuhombe pamberi paAllah.
Feth 48:6
Uye kuti vagoranga vanyengedzi vechirume nevanyengedzi vechikadzi, uye maMushrikoon (vanonamata zvimwe zvinhu kunze kwaAllah kana kuti vachimusanganisa nezvimwe zvinhu) varume nevakadzi; avo vanofunga zvakaipa pamusoro paAllah. Kwavari kuchave nekurangwa kunonyadzisa. Uye Allah vakavatsamwira, uye kuvarengera, uye kuvagadzirira Gehena. Ndiyo mhedzisiro yakashata.
Feth 48:7
Uye Allah ndivo muridzi hwemawuto ekumatenga nepanyika. Uye Allah ndivo mukuru, vane hungwaru hwese.
Feth 48:8
Zvirokwazvo, takakutumirai (Muhammad (SAW)) semupupuri, uye mupi wemashoko akanaka, uye semuyambiri.
Feth 48:9
Kuitira imi (vanhu) mugotenda kuna Allah nemutumwa wavo (SAW), uye kuti mumubetsere nekumuremekedza (SAW), uye kuti imi mugorumbidza (Allah) mangwanani nemasikati.
Feth 48:10
Zvirokwazvo, avo vanopa Bay’ah (Chitsidzo) kwauri (Muhammad (SAW)), chokwadi, vari kupa Bay’ah kuna Allah. Ruoko rwaAllah rwuri pamusoro pemaoko avo. Zvino uyo anoputsa chitsidzo chake anenge azviputsira iye pachake, uye uyo anozadzisa chitsidzo chaakatsidzira kuna Allah, ivo vachamupa mubairo mukuru.
Feth 48:11
Vamwe vevagari vemugwenga avo vakasara vachati kwauri: “Midziyo yedu nemhuri dzedu ndizvo zvakaita kuti tive mubishi, nokudaro tikumbirire ruregerero.” Vanotaura nerurimi rwavo izvo zvisiri mumoyo yavo. Iti: “Ndiani achakwanisa kukumirirai pachinhu chipi zvacho pamberi paAllah, kana vachida kukurwadzisai kana kuti vachida kukuitirai zvakanaka? Asi Allah vanoziva chaizvo zvamunoita.”
Feth 48:12
“Asi maifunga kuti mutumwa (Muhammad (SAW)) nevatendi havaizodzokera kumhuri dzavo zvachose, uye izvi ndizvo zvakashongedzwa mumoyo yenyu, uye maifunga zvakaipa, uye muchave vanhu vachaparara.”
Feth 48:13
Uye uyo asingatendi kuna Allah uye mutumwa wavo (Muhammad (SAW)), zvirokwazvo, takavagadzirira moto unopisa avo vasingatendi.
Feth 48:14
Uye Allah ndivo vane humambo hwekudenga nepanyika. Vanoregerera wavanoda, uye vanotonga wavanoda. Uye Allah ndivo vanoregerera zvikuru, vane tsitsi zhinji.
Feth 48:15
Avo vakasara shure vachati, apo pamuchati mubude kunotora mhimbiri: “Tibvumirei kuti tikuteverei.” Vane chido chokusandura mashoko aAllah. Iti: “Kunyangwe zvikaita sei hamufi matitevera; ndizvo zvakataurwa naAllah kare.” Asi vachati: “Asi mune godo nesu imi.” Asi zvishoma ndizvo zvavanonzwisisa.
Feth 48:16
Iti (Muhammad (SAW)) kuvagari vemugwenga avo vakasara: “Muchava munokokwa kuti murwe nevanhu vane simba rakawanda, mucharwa navo kana kuti vachizvipira (kana zvadaro movatorera). Kana mukateerera, Allah vachakupai mubairo wakanaka. Asi kana mukafuratira sekufuratira kwamakamboita mushure, vachakutongai nemutongo wakaomarara.”
Feth 48:17
Hazvina mhaka kune uyo asingaoni, kana mhaka kune akaremara, kana mhaka kune uyo anorwara (kana vasina kuenda kunorwa). Uye achateerera Allah nemutumwa wavo (Muhammad (SAW)), vachamupinza muParadhiso rine nzizi dzinoerera pasi paro. Asi uyo achafuratira vachamutonga nemutongo unorwadza.
Feth 48:18
Zvirokwazvo, Allah vakafadzwa nevatendi apo ivo vakapika kwauri (Muhammad (SAW) kuti vacharwa) pavakanga vari pasi pemuti. Uye vaiziva zvaive mumoyo yavo, naizvozvo vakadzikisa runyararo nemufaro kwavari, uye vakavaripa nekukunda kwaiva padyo.
Feth 48:19
Uye nemhimbiri yakawanda yavachatora. Uye Allah ndivo mukuru, vane hungwaru hwese.
Feth 48:20
Allah vakakuvimbisai mhimbiri zhinji iyo yamuchatora, uye vatungamidza izvi kwamuri, uye vakabata (vakadzivisa) maoko evamwe vanhu kubva kwamuri, kuti chive chiratidzo kuvatendi, uye kuti vakutungamirirei mugwara rakatwasuka.
Feth 48:21
Uye nezvimwe (hondo nemhimbiri vanokuvimbisai) zvamusati makwanisa kuva nazvo; zvirokwazvo Allah vanozviziva. Uye Allah vanokwanisa kuita zvose.
Feth 48:22
Uye kana avo vasingatendi vakarwa nemi, ivo zvirokwazvo vachafuratira. Zvadaro vachashaya muchengeti uye mubatsiri.
Feth 48:23
Uku ndiko kuita kwaAllah kwavakaita avo vakafa kare. Uye hapana shanduko yamungawana mukuita kwaAllah.
Feth 48:24
Uye ndivo vakadzivirira maoko avo kwamuri uye ndokudzivirira maoko enyu kwavari mukati meMakkah mushure mokunge mavakunda. Uye Allah vanoona zvose zvamunoita.
Feth 48:25
Ndivo vasina kutenda (muIslaam) uye vakakudzivirirai kubva ku Al-Masjid Al-Haraam (kuMakkah), apo zvipiro zvakatadziswa kusvika panzvimbo yazvo yekuurairwa. Uye dai pakanga pasina varume nevakadzi vanotenda avo makange musingazivi, maivauraya, nokudaro maiita chitadzo musingazvizivi, kuti Allah vapinze mutsitsi dzavo uyo wavanoda. Dai (vatendi ne vasingatendi) vaiva kure nakure, tingadai takatonga avo vasina kutenda kubva pakati pavo nemutongo unorwadza.
Feth 48:26
Apo vasingatendi vakaisa mumoyo yavo kuzvitutumadza nekuramba, kuzvitutumadza nekuramba kwemazuva ekusaziva, asi Allah vakadzikisa runyararo kumutumwa wavo (Muhammad (SAW)) nevatendi avo vakaita kuti vachengetedze izwi reTaqwa (Kuti hapana chimwe chinhu chinofanirwa kunamatwa kunze kwaAllah), uye rakange rakavakodzera uye ndivo varidzi varwo. Uye Allah ndivo vanoziva zvose.
Feth 48:27
Zvirokwazvo, Allah vakaratidza mutumwa wavo (Muhammad (SAW)) chiroto chechokwadi: Kuti zvirokwazvo muchave munopinda muAl-Masjid Al-Haraam kana Allah vachida, makachengetedzeka, vamwe vaine misoro yakaveurwa vamwe vaine vhudzi rakadimburirwa, uye musingatyi. Allah vaiziva zvakange musingazivi. Nokudaro vakakupai pamberi kukunda kuri padyo.
Feth 48:28
Ndivo vakatuma mutumwa wavo (Muhammad (SAW)) nechengetedzo uye chitendero chechokwadi (Islaam), kuti chogova pamusoro pezvitendero zvose. Uye Allah ndivo chete vakakwana kuva chapupu.
Feth 48:29
Muhammad (SAW) mutumwa waAllah. Uye avo vanaye vakasimba moyo vakanangana nevasingatendi, uye ivo vane tsitsi pachavo. Unovaona vachipfugama (vachinamata) vachizvininipisa, vachikumbira nyasha nemufaro waAllah. Zviratidzo zvavo (zvekutenda) zviri pazviso zvavo nokuda kwekupfugama (vachinamata). Ndiyo tsananguro yavo muTorah. Asi tsananguro yavo muInjeel (Vhangeri) iri sekumera kunoita mbesa yobva yareba yobva yatwasuka yakasimba padzinde ichinakidza vadyari, kuti vatyise maKuffaar (vasingatendi) navo. Allah vakavimbisa avo vanotenda mukati mavo uye vachiita mabasa akanaka, ruregerero nemubairo mukuru (Paradhiso).
Hucurat 49:1
Imi vanotenda! Musaenda pamberi paAllah uye mutumwa wavo (panyaya dzechitendero), uye ityai Allah. Zvirokwazvo, Allah vanonzwa zvose, uye vanoziva zvese.
Hucurat 49:2
Imi vanotenda! Musasimudza mazwi enyu kupfuura izwi ramutumwa (SAW), uye musataurire pamusoro kwavari sematauriro amunoitirana pachenyu, nokuti mabasa enyu anokwanisa kusatambirwa musingazvizivi.
Hucurat 49:3
Zvirokwazvo, avo vanodzikisa mazwi avo kuna mutumwa waAllah (SAW), ndeavo vane moyo yakaedzwa naAllah kuti mune kuvatya here. Vachave vanoregererwa uye vachapiwa muripo mukuru.
Hucurat 49:4
Zvirokwazvo, avo vanokusheedza vari panze kuseri kwemakamuri, vazhinji vavo havanzwisisi.
Hucurat 49:5
Uye dai vatsungirira vakakumirira kuti uuye kwavari, dai zviri nani kwavari. Uye Allah ndivo vanoregerera zvikuru, vane tsitsi zhinji.
Hucurat 49:6
Imi vanotenda! Kana munhu anonyepa akauya kwamuri nenhau, ongororai pamwe mungakuvadza vanhu musingazivi, mushure mezvo mozodemba zvamunenge maita.
Hucurat 49:7
Uye zivai kuti mukati menyu pane mutumwa waAllah. Akakutevedzerai pane zvizhinji (zvamunofunga nezvamunoda), zvirokwazvo muchava munopinda mukushungurudzika. Asi Allah vaita kuti muve munofarira kutenda uye vakakushongedza mumoyo yenyu, uye vakaita kuti muvenge kusatenda, nekupfurikidza mirairo, uye nekusateerera (Allah nemutumwa wavo (SAW)). Ava ndivo vari mugwara rakanaka.
Hucurat 49:8
(Idzi ndidzo) nyasha kubva kuna Allah nemakomborero avo. Uye Allah ndivo vanoziva zvese, uye vane hungwaru hwese.
Hucurat 49:9
Uye kana mapoka maviri pakati pevatendi akatanga kurwa, ivai munoyananisa pakati pavo ari maviri. Asi kana rimwe boka rikaramba kunzwisisa rimwe, rwisai mese boka risinganzwisisi kusvikira ranzwisisa (ratambira) mitemo yaAllah. Kana rawirirana navo, chiyananisai pakati pavo mune zvakanaka. Zvirokwazvo, Allah vanoda avo vanotonga zvakanaka zvakakodzera.
Hucurat 49:10
Vatendi vose madzikoma nemadzikoma (muchitendero cheIslaam). Naizvozvo yananisai pakati pevakoma venyu, uye ityai Allah kuti mugogamuchira tsitsi dzavo.
Hucurat 49:11
Imi vatendi! Itai kuti rimwe bato risaseke rimwe bato, nokuda kwekuti rimwe bato rinogona rakanaka kupfuura rimwe. Kana kusiya vanhukadzi vachiseka vamwe vakadzi, nokuti vechipiri vanogona vari nani kupfuura vekutanga. Uye musapomerane zvakaipa muchinyepa kana kusheedzana nemazita ekunemerana (akaipa). Zvakaipa sei kutuka mukoma wako mushure mokutenda. Uye upi neupi asingakumbiri ruregerero, zvirokwazvo ndivo vatadzi vakuru.
Hucurat 49:12
Imi vatendi! Musava munofungidzira zvakanyanya, zvirokwazvo kumwe kufungidzira chitadzo. Uye musatsvaga tsvaga nyaya dzevamwe, uye musanyeyana. Umwe wenyu angada here kudya nyama yeumwe wake akafa? Munozvivenga (nokudaro vengai kunyeyana). Ivai munotya Allah. Zvirokwazvo, Allah ndivo vanoregerera, uye vanotambira kukumbira ruregerero, uye vane tsitsi zhinji.
Hucurat 49:13
Imi vanhu! Takakusikai kubva kumunhurume nemunhukadzi, uye tikakuitai marudzi nemhuri dzakasiyana kuti imi mugozivana. Zvirokwazvo, uyo anoremekedzeka pakati penyu pamberi paAllah ndeuyo pakati penyu anovatya (Allah) zvakanyanya. Zvirokwazvo, Allah ndivo vanoziva zvose.
Hucurat 49:14
Vagari vemugwenga vanoti: “Tinotenda.” Iti (Muhammad (SAW)): “Hamutendi asi taurai kuti: ‘Tazvipira (muchitendero cheIslaam).’ Nokuti kutenda hakusati kwapinda mumoyo menyu. Asi kana mukateerera Allah uye mutumwa wavo (SAW), havambodzikisi makomborero kana padiki emabasa enyu. Zvirokwazvo, Allah ndivo vanoregerera zvikuru, uye vane tsitsi zhinji.”
Hucurat 49:15
Ava ndivo vatendi chete, avo vakatenda muna Allah uye mutumwa wavo, uye mushure mezvo havana kusagutsikana, asi vanoshingirira pachavo neupfumi hwavo munzira yaAllah. Vanhu vakadaro ndivo vari muchokwadi.
Hucurat 49:16
Iti (Muhammad (SAW): “Munozivisa Allah chitendero chenyu asi ivo Allah vachiziva zviri kumatenga uye panyika, uye Allah ndivo muzivi wezvose.”
Hucurat 49:17
Vanotora sechipo kwauri (Muhammad (SAW)) kutambira kwavo Islaam. Iti: “Musava munotora kutambira kwenyu Islaam sechipo kwandiri. Kwete! Asi Allah ndivo vakupai chipo nekukutungamirirai mukutenda kana muri pachokwadi.”
Hucurat 49:18
“Zvirokwazvo, Allah vanoziva zvisingaonekwi kumatenga uye panyika. Uye Allah ndivo vanoona zvose zvamunoita.”
Kâf 50:1
Qaaf (Mashoko aya ndemamwe ezvishamiso zviri muQur’aan, uye hapana anoziva zvaanoreva kunze kwaAllah). (Ndinopika) neQur’aan dzvene.
Kâf 50:2
Vanoshamiswa kuti kwakauya muyambiri kwavari (Muhammad (SAW)) kubva mukati mavo. Naizvozvo avo vasingatendi vanoti: “Ichi ndicho chishamiso!”
Kâf 50:3
“Kana tichinge tafa tave huruva (tichave tinomutswa here)? Ndiko kudzoka kuri kure.”
Kâf 50:4
Tinoziva izvo zvinotorwa nevhu kubva kwavari (vafi), uye tine gwaro rakachengetedzwa (gwaro remirairo).
Kâf 50:5
Asi vakaramba chokwadi (Qur’aan) apo chakange chauya kwavari, nokudaro vakave vanokanganisika (havakwanisi kuona chakaipa nechakanaka).
Kâf 50:6
Havana here kutarisa matenga ari pamusoro pavo, magadziriro atakaaiita uye kushongedza kwatakaaiita, uye haana kutsemuka?
Kâf 50:7
Uye pasi rino takariparadzira, uye tikadzika mariri makomo akamira zvakasimba, uye tikaburitsa mariri zvirimwa zvose zvakanaka.
Kâf 50:8
Simba rekuona uye yeuchidzo kune muranda wose uyo anocheuka kuna Allah achikumbira ruregerero.
Kâf 50:9
Uye tinodzikisa mvura yakakomborerwa kubva kudenga, zvadaro toburitsa mapindu uye zvirimwa zvikohwewa.
Kâf 50:10
Uye miti yemadheti yakareba, ine bumburudzi dzakarongedzwa, dzimwe pamusoro pedzimwe.
Kâf 50:11
Raramo yevaranda (vaAllah). Uye tinopa raramo nayo kunyika yakanga yaparara. Kudaro kuchave kumutswa (kuchaiitwa vakafa).
Kâf 50:12
Vaivepo ivo vasati vavepo (vasingatendi vekuMakkah) vakaramba, vanhu vaNowa, uye vagari vemuRassi, uye maThamood.
Kâf 50:13
Uye Aad, uye Farawo, uye madzikoma aLoti.
Kâf 50:14
Uye vagari vemusango, uye vanhu vekuTubba’. Vose vakaramba vatumwa (vavo), nokudaro vakapiwa chirango changu.
Kâf 50:15
Takaneta here nezvisikwa zvokutanga? Asi vari mukusagutsikana maererano nezvisikwa zvitsva (Kumutswa kubva kuvafi).
Kâf 50:16
Uye zvirokwazvo takasika munhu, uye tinoziva zvaanozevezera. Uye tiri padyo naye kukunda tsinga dzake dzepahuro (neruzivo rwedu).
Kâf 50:17
(Rangarirai) kuti avo vagashiri vaviri (ngirozi dzinonyora) vanogashira (munhu wese), imwe yakagara kurudyi imwe kuruboshwe (dzichinyora mabasa ese emunhu).
Kâf 50:18
Hapana izwi raanotaura asi kuti pane mutariri akamirira (kunyora pasi).
Kâf 50:19
Uye kudhaka kwerufu kuchauya muchokwadi. Zvichanzi: “Izvi ndizvo zvawaidzivirira!”
Kâf 50:20
Uye hwamanda icharidzwa, ndiro richava zuva rakayambirwa (zuva rekumutswa).
Kâf 50:21
Uye munhu wose achauya mberi pamwechete (nengirozi) ichimutinha uye (nengirozi) kuti igopa uchapupu.
Kâf 50:22
(Zvichanzi kumutadzi): “Zvirokwazvo, waive usingazvizivi izvi. Zvino takubvisa zvakanga zvakakupfukidza, uye meso ako ajeka nhasi!”
Kâf 50:23
Uye shamwari yake yepedyo (ngirozi) ichati: “Izvi ndizvo zvatakanyora zvatinazvo!”
Kâf 50:24
(Allah vachati kune ngirozi): “Imi muri vaviri, kandai mumoto, wese aive nemukonyo asingatendi (muhumwechete waAllah nemuvatumwa vavo).”
Kâf 50:25
“Muwomesi wezvakanaka, mupfurikidzi, uyo asingagutsikani.”
Kâf 50:26
“Aisanganisa vamwe vanamwari naAllah. Nokudaro mukandei muri vaviri mumutongo wakaomarara.”
Kâf 50:27
Wepedyo pake (Satani) achati: “Tenzi vedu! Handina kumumanikidza kuti atadze, asi ndiye akanga akarasika zvakanyanya.”
Kâf 50:28
Allah vachati: “Musava munopikisana pamberi pangu, ndakatokutumidzirai yambiro kare.”
Kâf 50:29
“Mashoko abva kwandiri haashanduki uye handidzvanyiriri varanda.”
Kâf 50:30
Iro zuva ratichati kuGehena: “Wazara here?” Richati: “Pane vamwe here (vari kuuya)?”
Kâf 50:31
Uye Paradhiso richaunzwa padyo nevatendi vanotya Allah kwete kure navo.
Kâf 50:32
(Zvichanzi): “Izvi ndizvo zvamakanga mavimbiswa, kune avo vanokumbira ruregerero kuna Allah, uye vanochengetedza chitsidzo chavo kuna Allah (kuti vachatevera chitendero chaAllah, Islaam).”
Kâf 50:33
“Uyo aitya avo vane tsitsi dzakawanda (Allah) mune izvo zvisingaoneki uye ouya nemoyo wekukumbira ruregerero (kubva kuzvitadzo zvese).”
Kâf 50:34
“Pinda mariri nerunyararo uye chengetedzo. Iri ndiro zuva rehupenyu husina magumo!”
Kâf 50:35
Imomo vachawana zvido zvemoyo yavo uye tine zvizhinji (kwavari, sekuona Allah).
Kâf 50:36
Uye madzinza mangani atakaparadza mushure mavo ange anemasimba kuvakunda. Uye (apo mutongo wedu wakauya) vakamhanya vachitsvaga rubatsiro kune dzimwe nzvimbo! Vakawana nzvimbo yekuhwanda here (kubva mukuparadzwa)?
Kâf 50:37
Zvirokwazvo, mune izvozvo mune yambiro kune uyo ane moyo kana anopa nzeve dzake achiteerera.
Kâf 50:38
Uye zvirokwazvo takasika matenga nenyika uye zviri pakati pawo nemazuva matanhatu, uye hatina kuneta nazvo.
Kâf 50:39
Nokudaro tsungirira (Muhammad (SAW)) mune zvose zvavanotaura, uye rumbidza kurumbidzwa kwaTenzi vako zuva risati rabuda uye risati ranyura (nekuita minamato yeFajr, Dhuhr ne Asr).
Kâf 50:40
Uye muchidimbu cheusiku varumbidze (nekuita minamato yeMaghrib neIsha), uyezve mushure meminamato (nekuita minamato isingamanikidzirwi maSunnah nekurumbidza uchiti Subhaanallaah, Alhamdulillaah, Allaahu Akbar).
Kâf 50:41
Uye teererai iro zuva apo mudaidzi achadaidzira munzvimbo iri padyo.
Kâf 50:42
Iro zuva ravachanzwa kusheedzera kwechokwadi. Iri ndiro richava zuva rekubuda (kubva kumakuva).
Kâf 50:43
Zvirokwazvo, tisu tinopa upenyu uye tinokonzera rufu, uye kwatiri ndiko kwamuchadzokera.
Kâf 50:44
Pazuva iro nyika ichatsemuka, vobuda vachimhanya. Uku ndiko kuchava kuunganidza kwatiri kuri nyore.
Kâf 50:45
Tinoziva zvakanyanya izvo zvavanotaura. Uye (iwe Muhammad (SAW)) hausi iwe unovamanikidza (kutenda). Asi yambira neQur’aan uyo anotya tyisidziro yangu (yemurango).
Zariyat 51:1
(Ndinopika) nemhepo inopfumbura huruva.
Zariyat 51:2
Uye (nemakore) anotakura mvura inorema.
Zariyat 51:3
Uye neizvo zvinofamba pamusoro pemvura (ngarava) zviri nyore uye zvakadzikama.
Zariyat 51:4
Uye neizvo (ngirozi) zvinopa (chikafu, mvura, nemamwe makomborero) nokuda kwaAllah.
Zariyat 51:5
Zvirokwazvo, izvo zvamunovimbiswa (kumutswa kubva kuvafi) ichokwadi.
Zariyat 51:6
Uye zvirokwazvo kupa mubairo kuchaiitika.
Zariyat 51:7
Ndinopika nedenga iro rakazara nenzira.
Zariyat 51:8
Zvirokwazvo, mune maonero akasiyana (maererano naMuhammad (SAW) neQur’aan).
Zariyat 51:9
Akapfuratira kubva kwariri (Qur’aan) ndeuyo anopfuratidzwa (neurongwa waAllah).
Zariyat 51:10
Kushorwa ngakuve kune vanonyepa.
Zariyat 51:11
Avo vasina hanya nezvezuva rokutongwa.
Zariyat 51:12
Vanobvunza: “Zuva rekutongwa ririko rinhi?”
Zariyat 51:13
(Richava) zuva ravacharangwa nemoto!
Zariyat 51:14
“Ravirai murango wenyu (kutswa nemoto)! Izvi ndizvo zvamaikumbira kuti zvikurumidze kuitwa!”
Zariyat 51:15
Zvirokwazvo, vanotya (Allah) vachange vari mumapindu uye nezvitubu (muParadhiso).
Zariyat 51:16
Vachinakirwa nezvinhu zvavanenge vapiwa naTenzi vavo. Zvirokwazvo, vakanga vari vaiti vemabasa akanaka mushure.
Zariyat 51:17
Vairara nguva shoma usiku (vachinamata).
Zariyat 51:18
Uye vaikumbira ruregerero mangwanani kusati kwachena.
Zariyat 51:19
Uye paupfumi hwavo pakanga paine kodzero dzeavo vanokumbira neavo vanotambura asi vasingakumbiri.
Zariyat 51:20
Uye panyika kune zviratidzo kune avo vanotenda uye vari pachokwadi.
Zariyat 51:21
Uye mukati menyu. Hamuoni here?
Zariyat 51:22
Uye kumatenga ndiko kune raramo yenyu, uye izvo zvamakavimbiswa.
Zariyat 51:23
Naizvozvo ndinopika naTenzi vematenga nenyika, zvirokwazvo ichokwadi (zvamakavimbiswa) sokunge huchokwadi wekuti munotaura.
Zariyat 51:24
Ko haina here kusvika kwamuri nyaya yevaenzi vaAbrahamu vanoremekedzeka (Gabriel nedzimwe ngirozi mbiri)?
Zariyat 51:25
Apo vakapinda kwaari vakati: “Rugare!” Iye akati: “Rugare!” Akati: “Muri vanhu vandisingazivi.”
Zariyat 51:26
Naizvozvo akaenda kumhuri yake, uye ndokubva auya nekamhuru kakakangiwa (hupfumi waAbrahamu wakawanda wange uri wemombe).
Zariyat 51:27
Akabva akaisa pamberi pavo (achiti): “Hamungadyi here?”
Zariyat 51:28
Naizvozvo akataridza kuvatya (apo pavasina kudya). Vakati: “Usatya.” Ndokubva vamupa mashoko akanaka emwanakomana ane ruzivo (rweIslaam).
Zariyat 51:29
Zvino mukadzi wake akauya padyo neizwi riri pamusoro, akazvirova kumeso kwake ndokubva ati: “Mukadzi mukuru asingabereki!”
Zariyat 51:30
Ivo ndokuti: “Ndizvo zvataurwa naTenzi vako. Zvirokwazvo, vane hungwaru hwese, vanoziva zvese.”
Zariyat 51:31
(Abrahamu) akati: “Saka mavingei nhai vatumwa?”
Zariyat 51:32
Vakati: “Zvirokwazvo, tiri vatumwa kune avo vanhu vanotadza.”
Zariyat 51:33
“Kuti titumire kwavari matombo evhu rakatsva.”
Zariyat 51:34
“Akatarwa naTenzi vako kune avo vatadzi.”
Zariyat 51:35
Naizvozvo takaburitsa vatendi mairi.
Zariyat 51:36
Nokudaro hatina kuwana imba yemutendi (Muslim) imomo kunze kweimwechete (Loti nevanasikana vake vaviri).
Zariyat 51:37
Uye takasiya chiratidzo imomo (Dead Sea ku Palestine) kune avo vanotya murango unorwadza.
Zariyat 51:38
Uye muna Musa zvakare (mune chiratidzo), apo takamutuma kuna Farawo nehumboo uri pachena.
Zariyat 51:39
Asi (Farawo) pamwe nevatsigiri vake vakafuratira, uye akati: “Munhu anoita masaramusi kana kuti anopenga.”
Zariyat 51:40
Naizvozvo takamutora iye nemauto ake, uye tikavanyudza mugungwa, nokuda kwekuti ndiye akanga aine mhosva.
Zariyat 51:41
Uye kumaAad (kune chiratidzo), apo takatumira kwavari mhepo inoparadza.
Zariyat 51:42
Haina kusiya kana chii zvacho chayakasvikira, asi kuti yakasiya yaita marara.
Zariyat 51:43
Uye kuma Thamood (kune chiratidzo), apo zvakanzi kwavari: “Nakirwai kwekanguvana!”
Zariyat 51:44
Asi havana kuteerera mirairo yaTenzi vavo vakazvikudza, ndokubva varohwa nemheni apo vakatarisa.
Zariyat 51:45
Zvino vakanga vasingachakwanisi kusimuka, kana kukwanisa kuzvibetsera.
Zariyat 51:46
Uye vanhu vaNowa mushure. Zvirokwazvo, vaive vanhu vasinganzwisisi (vasingateereri Allah).
Zariyat 51:47
Uye matenga takaagadzira nesimba. Uye zvirokwazvo tinokwanisa kuwawedzera.
Zariyat 51:48
Uye nyika takaiparadzira, (uye) tiri nyanzvi dzakadii pakuparadzira zvakanaka!
Zariyat 51:49
Uye pazvinhu zvose takasika zviviri zviviri kuitira kuti mugorangarira (makomborero aAllah).
Zariyat 51:50
Naizvozvo chimhanyirai kuna Allah (Islaam). Zvirokwazvo, ini (Muhammad (SAW)) ndiri muyambiri ari pachena kwamuri kubva kwavari.
Zariyat 51:51
Uye musatora chimwe chinamatwa pamwechete naAllah. Zvirokwazvo, ini (Muhammad (SAW)) ndiri muyambiri ari pachena kwamuri kubva kwavari.
Zariyat 51:52
Saizvozvo, hakuna mutumwa akauya kune avo mushure mavo kunze kwekuti vakati: “In’anga kana kuti anopenga!”
Zariyat 51:53
(Vanhu vekare) Vakavasiira here mashoko aya (maQuraish)? Kana kuti ivo vanhu vanotsaudzira mirairo!
Zariyat 51:54
Zvino enda (Muhammad (SAW)) kure navo (vasingatendi), naizvozvo iwe hauna mhaka (nokuti wasvitsa shoko raAllah).
Zariyat 51:55
Uye chiyeuchidza (Muhammad (SAW)), nokuti zvirokwazvo yeuchidzo inobetsera vanotenda.
Zariyat 51:56
Uye handina (ini Allah) kusika maJinn nevanhu asi kuti vandinamate.
Zariyat 51:57
Handidi raramo kubva kwavari, uye handidi kana kuti vandipe chikafu.
Zariyat 51:58
Zvirokwazvo, Allah ndivo muridzi wechengeto, muridzi wemasimba, vakasimba chaizvo.
Zariyat 51:59
Naizvozvo, zvirokwazvo kune avo vatadzi pane chidimbu chemurango wakafanana newevamwe vavo (mushure). Zvino ngavarege kundimhanyira mberi!
Zariyat 51:60
Naizvozvo, matambudziko kune avo vasingatendi (muhumwechete hwaAllah) kubva pazuva ravo ravakavimbiswa.
Tûr 52:1
(Ndinopika) negomo.
Tûr 52:2
Uye neBhuku rakanyorwa.
Tûr 52:3
Mugwaro risina kubhedhenurwa.
Tûr 52:4
Uye neAl-Baitul Ma’moor (imba iri pamusoro pematenga iri pamusoro pe Ka’bah kuMakkah inogaro shanyirwa nengirozi).
Tûr 52:5
Uye nedenga rakasimudzwa mudenga.
Tûr 52:6
Uye negungwa rakazadzwa (kana kuti richava moto wakatungidzwa pazuva rekutongwa).
Tûr 52:7
Zvirokwazvo, kuranga kwaTenzi vako kuchaitika.
Tûr 52:8
Hakuna mumwe anokwanisa kukudzivirira (kuranga kwaAllah).
Tûr 52:9
Nezuva iro denga richadengeneka kudengeneka kunotyisa.
Tûr 52:10
Uye makomo achafamba, kufamba kunotyisa.
Tûr 52:11
Naizvozvo matambudziko kune avo vanoramba.
Tûr 52:12
Avo vanotamba nekunyepa.
Tûr 52:13
Zuva ravachasundirwa kumoto zvokumanikidzwa, uye kumanikidzwa kunovhundutsa.
Tûr 52:14
Uyu ndiwo moto wamaimboramba.
Tûr 52:15
Mapipi here ahwa kana kuti hamuoni?
Tûr 52:16
Pindai mauri (moravira kupisa kwawo), motsungirira kana kusatsungirira zvakangofanana kwamuri. Zvirokwazvo, murikungopiwa mubairo weizvo zvamaiita.
Tûr 52:17
Zvirokwazvo, vanotya Allah vachange vari muParadhiso nezvinonakidza.
Tûr 52:18
Vachinakidzwa nezvavapiwa naTenzi vavo, uye (nekuti) Tenzi vavo vakavabetsera kubva muhurango hwemoto unopisa.
Tûr 52:19
“Idyai nekunwa zvine mufaro nokuda kwezvamaiita.”
Tûr 52:20
Vachagara pazvigaro zvakarongedzwa, uye tichavaroodza kune vakadzi vakanaka vane maziso ane rudo.
Tûr 52:21
Uye avo vanotenda uye mhuri dzavo dzobva dzavatevera mukutenda, tichavabatanidza nemhuri dzavo kwavari, uye hatizodzikisi mugove wemabasa avo kana nechii zvacho. Munhu wese chipikirwa kune zvaakaita.
Tûr 52:22
Uye tichavapa michero nenyama yavanoda.
Tûr 52:23
Imomo vachapanana mukombe (wewaini), uye pachange pasina mitauro yakaipa kana chitadzo (nekuti vanenge vane mvumo yekunwa kubva kunaAllah).
Tûr 52:24
Uye vakomana vavo (varanda) vachange vachitenderera pavari sokunge vari maPera akachengetedzwa.
Tûr 52:25
Uye vamwe vachaswedera kune vamwe vachibvunzana.
Tûr 52:26
Vachiti: “Mushure taitya (murango waAllah) tiri mukati memhuri dzedu.”
Tûr 52:27
“Asi Allah vatiitira nyasha, uye vakatibetsera kubva mukurangwa nemoto.”
Tûr 52:28
“Zvirokwazvo, mushure taivasheedza (taivanamata). Zvirokwazvo (Allah) vane rudo, vane tsitsi.”
Tûr 52:29
Naizvozvo rangaridza (vanhu iwe Muhammad (SAW)). Nerudo rwaAllah, hausi mufemberi, kana kuti mupengo.
Tûr 52:30
Kana kuti vanoti: “(Muhammad (SAW)) Mudetembi! Tiri kumirira kuti awirwe nedambudziko!”
Tûr 52:31
Iti (Muhammad (SAW)): “Mirai! Ndiri pamwechete nemi nevamiriri!”
Tûr 52:32
Kana kuti njere dzavo dzinovatungamirira kune izvozvo (kunyepera Muhammad (SAW)) kana kuti vanhu vari kutyora mirairo (yaAllah)?
Tûr 52:33
Kana kuti vanoti: “(Muhammad (SAW)) Akawedzerera (Qur’aan)?” Asi ivo havatendi!
Tûr 52:34
Naizvozvo ngavaburitse mashoko akafanana naro (Qur’aan) kana vari pachokwadi.
Tûr 52:35
Kana kuti vakasikwa pasina chiripo? Kana kuti ivo vakazvisika pachavo?
Tûr 52:36
Kana kuti vakasika denga nenyika? Asi ivo havatendi.
Tûr 52:37
Kana kuti vane hupfumi hwaTenzi vako? Kana kuti vadzvanyiriri vanoita zvavanoda nemutemo?
Tûr 52:38
Kana kuti vane nzira yokudenga senzira yavo yekunzwa nayo (zvinenge zvichitaurwa nengirozi)? Zvino chisiya vateereri vavo vaburitse humboo uri pachena.
Tûr 52:39
Kana kuti ivo (Allah) vane vanasikana chete, uye imi mune vanakomana?
Tûr 52:40
Kana kuti iwe (Muhammad (SAW)) uri kuvabvunza kuti vakupe mugove (wekusheedzera kuIslaam), nokudaro vakaremerwa nechikwereti?
Tûr 52:41
Kana kuti vane ruzivo rwezvisingaoneki zvavanonyora pasi?
Tûr 52:42
Kana kuti vanoda kuronga (kupikisana newe Muhammad (SAW))? Asi avo vasingatendi (muhumwechete waAllah) ndivo vari kurongerwa!
Tûr 52:43
Kana kuti vane chimwe chinamatwa chisiri Allah? Allah ngavarumbidzwe kubva mune izvo zvavanomusanganisa nazvo.
Tûr 52:44
Uye dai vakaona zvidimbu zvedenga zvichidonhera pasi, vaiiti: “Makore akaungana!”
Tûr 52:45
Naizvozvo vasiye kusvikira vasangana nezuva ravo iro ravachatambura vokomoka (nekutyiswa).
Tûr 52:46
Nezuva iro kuronga kwavo hakuvadziviriri, uye hakuzombovabetseri kana nechimwe.
Tûr 52:47
Uye zvirokwazvo kune avo vanoita zvakaipa, vane murango umwewo (pasi rino nemumakuva), asi vazhinji vavo havazvizivi.
Tûr 52:48
Saka mirira uchitsungirira (Muhammad (SAW)) matongero aTenzi vako, nokuti zvirokwazvo iwe uri pasi pemaziso edu; uye rumbidza Tenzi vako kana wamuka kubva kuhope.
Tûr 52:49
Uye nenguva dzemanheru varumbidze (Allah) uye nenguva dzekunyura kwenyeredzi.
Necm 53:1
Ndinopika nenyeredzi apo inoenda pasi.
Necm 53:2
Umwe wenyu (Muhammad (SAW)) haana kurasika kana kukanganisa.
Necm 53:3
Uye haangotauri zvaanoda pachake.
Necm 53:4
Anongori mashoko anodzikiswa kubva kudenga.
Necm 53:5
Akadzidziswa (Qur’aan) neuyo ane masimba makuru (Gabriel).
Necm 53:6
Uyo asina hurema pamuviri nepapfungwa dzake, uye akakwidza (Gabriel) akadzikama.
Necm 53:7
Apo iye (Gabriel) paakanga ari pamusoro-soro pekupedzisira.
Necm 53:8
Ndokubva iye (Gabriel) aswedera ndokuuya padyo.
Necm 53:9
Uye akanga ari padyo seuta miviri kana kuti padyo.
Necm 53:10
Ndokubva (Allah) vadzikisa kumuranda wavo (Muhammad (SAW) kuburikidza naGabriel) zvavaida kudzikisa.
Necm 53:11
Moyo hauna kunyepa pane zvaakaona (Muhammad (SAW)).
Necm 53:12
Munomupikisa here (Muhammad (SAW)) pane izvo zvaakaona (parwendo rwake rwekudenga, Mi’raaj)?
Necm 53:13
Uye zvirokwazvo (Muhammad (SAW)) akamuona (Gabriel) kechipiri.
Necm 53:14
Padyo neSidratul Muntaha (muti weLoti uri pamuganhu redenga rekupedzisira uyo usina mupfuuri).
Necm 53:15
Padyo nawo pane nzvimbo yekugara yeParadhiso.
Necm 53:16
Apo muti weLoti wakavharwa nezvakauvhara (Chiedza chaAllah uye nengirozi uye nemavara akasiyana siyana).
Necm 53:17
Maziso ake (Muhammad (SAW)) haana kutarisa mativi kana kukanganisa.
Necm 53:18
Zvirokwazvo, (Muhammad (SAW)) akaona zviratidzo zvaTenzi vake zvihombe.
Necm 53:19
Murikuona here Laat naUzza (zvidhori zviviri zvemaArabhu zvavainamata)?
Necm 53:20
Uye naManaat (chimwe chidhori chemaArabhu chavainamata) wechitatu?
Necm 53:21
Ndizvo here kuti imi mune varume ivo (Allah) vane vakadzi?
Necm 53:22
Zvirokwazvo, ikoko ndiko kugovanisa kwakaipa!
Necm 53:23
Anongori mazita chete amakatumidza imi nemadzibaba enyu, izvo Allah havana kudzikisa mvumo yazvo. Vanongotevedzera kufungidzira chete neizvo zvinoda moyo yavo, asi zvirokwazvo nungamiro yauya kwavari kubva kuna Tenzi vavo.
Necm 53:24
Kana kuti munhu achawana zvaanoda?
Necm 53:25
Asi Allah ndivo muridzi wenyika yekupedzisira (hupenyu hwemangwana) uye wenyika yekutanga (pasi rino).
Necm 53:26
Uye ngirozi ngani dziri kumatenga idzo kureverera kwadzo hakuzombobetseri kana chimwechete, kunze kwekuti mushure mokunge Allah vabvumidza uyo wavanenge vada uye kufadzwa naye.
Necm 53:27
Zvirokwazvo, avo vasingatendi muzuva rekupedzisira vanotumidza ngirozi nemazita echikadzi.
Necm 53:28
Asi havana ruzivo nazvo. Asi vanongotevera kufungidzira. Uye zvirokwazvo kufungidzira hakungatori nzvimbo yechokwadi.
Necm 53:29
Naizvozvo siyana (Muhammad (SAW)) neuyo anofuratira yeuchidzo yedu (Qur’aan) uye hapana chaanoda kunze hwehupenyu hwepanyika.
Necm 53:30
Ndipo pavanosvika neruzivo rwavo. Zvirokwazvo, Tenzi vako ndivo vanoziva uyo anorasika kubva munzira yavo, uye vanoziva uyo ane kutungamirirwa.
Necm 53:31
Uye kuna Allah ndiko kune zviri kumatenga nepanyika, kuti vagopa mugove kune avo vanoita zvakashata neizvo zvavakaita, uye kupa mugove wakanaka kune avo vanoita zvakanaka.
Necm 53:32
Avo vanosiya zvitadzo zvihombe neFawaahish (zvitadzo nebonde risiri pamutemo) kusara kwezvidiki, zvirokwazvo, Tenzi vako vane kuregerera kukuru. Vanokuzivai chaizvo apo vakakusikai kubva muivhu, uye pamakanga muri mudumbu mavanaamai venyu. Naizvozvo musazvichenure. Vanoziva chaizvo uyo anotya (Allah).
Necm 53:33
Wakamuona here (Muhammad (SAW)) uyo anofuratira (Islaam).
Necm 53:34
Uye akapa zvishoma ndokubva arega (kupa)?
Necm 53:35
Ane ruzivo here rwezvisingaonekwi kuti anoona?
Necm 53:36
Kana kuti haana kuziviswa nezviri mubhuku raMusa,
Necm 53:37
Uye neraAbrahamu uyo akazadzikisa zvose (zvaakatumwa):
Necm 53:38
Kuti hakuna munhu ane musengwa wake (zvitadzo) achatakura musengwa wemumwe munhu.
Necm 53:39
Uyezve kuti munhu hapana chaachawana kunze kwezvaanoita.
Necm 53:40
Uye kuti mabasa ake achaonekwa.
Necm 53:41
Uyezve kuti achapiwa mubairo wakafanira wakakwana.
Necm 53:42
Uye kuti kuna Tenzi vako ndiko kune magumo.
Necm 53:43
Uye ndivo vanoita kuti (munhu) aseke uye kuchema.
Necm 53:44
Uye kuti ndivo vanokonzera rufu uye neupenyu.
Necm 53:45
Uye kuti vanosika mapoka maviri, varume nevakadzi.
Necm 53:46
Kubva muNutfah (mbeu yemukadzi nemurume) painobuditswa.
Necm 53:47
Uye kuti Allah ndivo vachamutsa zvakare (vafi).
Necm 53:48
Uye kuti ndivo vanopa hupfumi hwakawanda uye nehushoma.
Necm 53:49
Uye kuti Allah ndivo muridzi weAsh-shi’raa (nyenyedzi yainamatwa nemaArabhu).
Necm 53:50
Uye kuti ndivo (Allah) vakaparadza vanhu vekutanga vemhuri yaAad.
Necm 53:51
Uye maThamood, havana kusiya kana umwechete wavo.
Necm 53:52
Uye nevanhu vaNowa mushure. Zvirokwazvo, vakanga vari vatadzi zvakanyanya vasinganzwi.
Necm 53:53
Uye (Allah) vakaparadza maguta akarasirwa (eSodom uko kwakatumwa Loti).
Necm 53:54
Naizvozvo vakavharwa neizvo zvakavavhara (chirango nematombo).
Necm 53:55
Zvino ndeapi makomborero aTenzi venyu (imi vanhu) amusingagutsikani nawo?
Necm 53:56
Uyu (Muhammad (SAW)) muyambiri wevayambiri venguva yekutanga (kare).
Necm 53:57
Zuva rekutongwa raswedera padyo.
Necm 53:58
Hakuna mumwe kunze kwaAllah anogona kuridzosa (shure kana mberi).
Necm 53:59
Murikushamiswa here nemashoko aya (Qur’aan)?
Necm 53:60
Uye muchiwaseka musingachemi
Necm 53:61
Apo muchitambisa nguva yenyu (nemafaro).
Necm 53:62
Naizvozvo pfugamirai Allah uye munamatei (ari ega).
Kamer 54:1
Nguva yaswedera, uye mwedzi wapatsanurwa (Vanhu vakakumbira chiratidzo kunaMuhammad (SAW), uye akavaratidza kupatsanurwa kwemwedzi).
Kamer 54:2
Uye kana vakaona humboo vanofuratira, vachiti: “Aya ndivo mapipi asingaperi.”
Kamer 54:3
Uye vakaramba (Qur’aan) ndokutevera zvido zvavo. Uye zvinhu zvose zvichagadziriswa (zvichifambirana nemabasa, vaiti vemabasa akanaka vachaenda kuParadhiso, uye vaiti vemabasa akaipa vachaenda kuGehena).
Kamer 54:4
Uye zvirokwazvo nhau dzakauya kwavari (muQur’aan) mune yambiro (inovarambidza zvakaipa).
Kamer 54:5
Huchenjeri hwakakwana (iri Qur’aan), asi kuparidza kwevayambiri hakuvabatsiri.
Kamer 54:6
Naizvozvo iwe (Muhammad (SAW)) vasiye. Zuva iro mudaidzi achavadaidzira kune chinhu chinotyisa chaizvo.
Kamer 54:7
Vachabuda mumakuva avo maziso aine kuzvininipisa sokunge vari hwiza idzo dzakapararira.
Kamer 54:8
Vachimhanyira kune mudaidzi. Vasingatendi vachati: “Iri izuva rakaoma.”
Kamer 54:9
Vanhu vaNowa mushure mavo vakaramba. Vakaramba muranda wedu, uye ndokuti: “Munhu anopenga!” Uye akatyityidzirwa.
Kamer 54:10
Zvino akadaidza Tenzi vake (achiti): “Ndakurirwa, naizvozvo ndibetserei!”
Kamer 54:11
Naizvozvo takavhura mikova yekudenga nemvura yainaya chaizvo.
Kamer 54:12
Uye takaita kuti zvitubu zviyerere panyika. Naizvozvo mvura (yekudenga nepasi pano) yakasangana sekukomekedzwa kwakanga kwarongwa.
Kamer 54:13
Uye takamutakura mungarava yakagadzirwa nemapuranga nezvipikiri.
Kamer 54:14
Ichiyangarara iri pamusoro pemvura mumaziso edu (tichiona). Semubairo kune uyo akarambwa!
Kamer 54:15
Uye zvirokwazvo takaisiya sechiratidzo. Saka pane here angarangarira?
Kamer 54:16
Naizvozvo murango wangu nerangaridzo dzangu dzakanga dzakadii?
Kamer 54:17
Uye zvirokwazvo takaita kuti Qur’aan rive nyore kunzwisisa uye kurangarira. Pane here angarangarira?
Kamer 54:18
(Vanhu va) Aad vakaramba (mutumwa wavo Hud), zvino mutongo wangu nerangaridzo yangu yakanga yakadii?
Kamer 54:19
Zvirokwazvo, takatumira mhepo kwavari ine simba pazuva rakashata uye nematambudziko asingaperi.
Kamer 54:20
Ichiburitsa vanhu panze sokunge midzi yemadheti yakadzurwa.
Kamer 54:21
Zvino mutongo wangu nerangaridzo yangu yakanga iri sei?
Kamer 54:22
Uye zvirokwazvo Qur’aan takariita kuti rive nyore kunzwisisa uye kurangarira. Zvino pane here angarangarira?
Kamer 54:23
MaThamood (zvakare) vakaramba yambiro.
Kamer 54:24
Vakati: “Tingatevera murume mumwechete pakati pedu? Chokwadi, tinenge tatorasika kana kukanganisika (kana kupenga)!”
Kamer 54:25
“Ndizvo here kuti yeuchidzo yakatumirwa kwaari iye chete (Swaalih (AS)) mukati medu? Asi iye munyepi akaipa!”
Kamer 54:26
Mangwana vachaziva kuti ndiani anonyepa, akaipa.
Kamer 54:27
Zvirokwazvo, tirikutumira ngamera hadzi semuedzo kwavari. Saka vatarise (Swaalih (AS)), uye iva netariro!
Kamer 54:28
Uye vazivise kuti mvura inogovaniswa pakati pavo, kodzero dzeumwe neumwe dzichizadzikiswa.
Kamer 54:29
Asi vakadaidza umwe wavo akatora banga (bakatwa) ndokubva aiuraya (ngamera).
Kamer 54:30
Saka mutongo wangu nerangaridzo yangu yakanga iri sei?
Kamer 54:31
Zvirokwazvo, takatumira kwavari Saihah imwe chete (murango weruzha rwakanyanya), uye vakabva vaita sokunge mashanga emafuro akaoma.
Kamer 54:32
Uye zvirokwazvo takaita kuti Qur’aan rive nyore kunzwisisa uye kurangarira, zvino pane here angakwanisa kurangarira?
Kamer 54:33
Vanhu vaLoti vakaramba yambiro.
Kamer 54:34
Zvirokwazvo, takavatumira mhepo yematombo (yakavaparadza vese) kusara kwemhuri yaLoti. Takavabetsera munguva yokupedzisira yemanheru.
Kamer 54:35
Sechipo kubva kwatiri. Ndiwo mapiro atinoita mubairo kune uyo anopa kutenda.
Kamer 54:36
Uye zvirokwazvo iye (Loti) akavayambira maererano nemutongo wedu, asi vakataridza kusagutsikana neyambiro!
Kamer 54:37
Uye zvirokwazvo vaida kunyadzisa vaenzi vake (nekuita hungochani navo). Naizvozvo takavhara maziso avo (tichiti): “Ravirai murango wangu neyambiro yangu.”
Kamer 54:38
Uye zvirokwazvo murango wakafanira wakavasvikira rungwanani.
Kamer 54:39
“Naizvozvo ravirai mutongo wangu neyambiro yangu.”
Kamer 54:40
Uye zvirokwazvo takaita kuti Qur’aan rive nyore kunzwisisa nekurangarira; zvino pane here umwe angarangarira?
Kamer 54:41
Uye zvirokwazvo yambiro yakauya kune vanhu vaFarawo (kuburikidza naMusa naAroni).
Kamer 54:42
Vakaramba humboo hwedu hwese, naizvozvo takavaparadza kuparadza kwemukuru anemasimba, uye anokwanisa kuita zvose.
Kamer 54:43
Vari nani here avo venyu vasingatendi (imi maQuraish) pane avo (vari mushure mavo, vanhu vaNowa, Loti, Swaalih, naFarawo avo vakaparadzwa)? Kana kuti imi mune rusununguko rwakanyorwa (kuti hamuzowani chirango) mumabhuku?
Kamer 54:44
Kana kuti vanoti: “Tiri vakundi vakawanda?”
Kamer 54:45
Kuwanda kwavo kuchakurirwa uye vachafuratira vachitiza.
Kamer 54:46
Asi (Kumutswa) inguva yakatarwa kwavari, uye inguva ichange ichityisa zvikuru uye ichirwadza.
Kamer 54:47
Zvirokwazvo, vatadzi vakarasika uye vachatsva (mumoto weGehena).
Kamer 54:48
Zuva iro vachadhonzerwa mumoto nezviso zvavo, (zvichanzi kwavari): “Ravirai imi kutsva nemoto!”
Kamer 54:49
Zvirokwazvo, takasika zvinhu zvose neQadar (nemarongero edu nekuda kwedu).
Kamer 54:50
Uye kukomekedza kwedu kunongove kumwe chete sekubwaira kweziso.
Kamer 54:51
Uye zvirokwazvo, takaparadza vakafanana nemi, saka hapana here umwe angayeuka?
Kamer 54:52
Uye zvose zvavakaita zvakatonyorwa mumabhuku (emabasa).
Kamer 54:53
Uye chinhu chose, chiduku kana chihombe chakanyorwa pasi (mu Al-Lauh Al-Mahfoodh chisati chaitika kana kuitwa).
Kamer 54:54
Zvirokwazvo, avo vanotya (Allah), vachange vari mumapindu nenzizi (muParadhiso).
Kamer 54:55
Vachave muchigaro chechokwadi (Paradhiso), padyo naMambo (mukuru) ane simba rekuita zvose.
Rahman 55:1
Mupi ane tsitsi dzakanyanya (Allah)!
Rahman 55:2
Vakava vanodzidzisa (vanhu) Qur’aan (netsitsi dzavo).
Rahman 55:3
Vakasika munhu.
Rahman 55:4
Vakava vanomudzidzisa kutaura zvakanaka.
Rahman 55:5
Zuva nemwedzi zvinomhanya munzira yadzo yakatarwa yakaerwa zvakanaka.
Rahman 55:6
Uye zvirimwa (kana nyenyedzi) nemiti zvinopfugamira (Allah).
Rahman 55:7
Uye matenga: Vakava vanomasimudza mudenga, uye vakava vanogadzirisa chikero.
Rahman 55:8
Kuti musazove munotsaudzira (kudzikisa) chikero.
Rahman 55:9
Uye muve munoera zvakafanira, uye musave munodzikisa chikero pakuera.
Rahman 55:10
Uye nyika: Vakava vanoiita yezvisikwa.
Rahman 55:11
Mukati mayo mune michero, uye miti yemadheti inobuditsa mapazi anenzvimbo dzinochengetedza michero.
Rahman 55:12
Uye chibage chine mashizha acho nemashanga sechikafu chezvipfuyo, uye zvirimwa zvinonhuhwirira.
Rahman 55:13
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:14
Vakave vanosika munhu (Adam) kubva muivhu rakafanana neivhu rekuumbisa.
Rahman 55:15
Uye maJinn vakaasika kubva muviriri remoto usina chiutsi.
Rahman 55:16
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:17
Tenzi vekumabvazuva maviri (munguva yekupisa neyechando) nekumadokero maviri (munguva yekupisa neyechando).
Rahman 55:18
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:19
Vakave vanosiya nzizi mbiri (mvura ine munyu neisina) dzichisangana.
Rahman 55:20
Pakati padzo pane chidziviro chekuti hapana inokwanisa kudarika imwe.
Rahman 55:21
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:22
Madziri (nzizi) munobuda matombo akakosha (mapera nekora).
Rahman 55:23
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:24
Uye ngarava ndedzavo dzinoenda nekuuya mumakungwa, semakomo.
Rahman 55:25
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:26
Zvose zviri pairi (nyika) zvichaparara.
Rahman 55:27
Uye kuchasara chiso chaTenzi vako chakazara nehukuru, neruremekedzo.
Rahman 55:28
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:29
Ani naani ari kumatenga nepanyika vanovakumbira (Allah, rubetsero). Zuva nezuva vanenge vari mune zvimwe (sekupa hupenyu nerufu)!
Rahman 55:30
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:31
Tichauya kwamuri, imi mapoka maviri (vanhu nemaJinn)!
Rahman 55:32
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:33
Imi gungano remaJinn nevanhu! Kana muchikwanisa kupfuura hwaro hwematenga nenyika, pfuurai! Asi hamukwanisi kupfuura kunze kwekuti zvine mvumo (yaAllah)!
Rahman 55:34
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:35
Kuchatumirwa kwamuri maviriri emoto usina chiutsi uye simbi yakanyunguduka, uye hamuzokwanisi kuzvidzivirira.
Rahman 55:36
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:37
Zvino apo denga parichaparadzwa, uye robva raita dzvuku semafuta matsvuku.
Rahman 55:38
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:39
Naizvozvo nezuva iroro hakuna mubvunzo uchabvunzwa munhu kana Jinn maererano nezvitadzo zvake (nekuti zvichange zvichizivikanwa nezviso zvavo, vamwe vachipenya (vekuParadhiso) uye vamwe vakasviba (vekuGehena).
Rahman 55:40
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:41
Vatadzi vachazivikananwa nezviratidzo zvavo, uye vachabatwa nebvudzi ravo repamberi uye netsoka dzavo.
Rahman 55:42
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:43
Iri ndiro Gehena iro vatadzi ravairamba.
Rahman 55:44
Vachaenda pakati paro (Gehena) uye mvura inopisa!
Rahman 55:45
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:46
Asi uyo anotya kumira pamberi paTenzi vake (oita mabasa akanaka) achawana mapindu maviri (muParadhiso).
Rahman 55:47
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:48
Anemapazi anopararira.
Rahman 55:49
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:50
Mukati mawo muchange muine zvitubu zviviri zvinoerera.
Rahman 55:51
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:52
Mukati mawo muchange muine marudzi ose emichero iri miviri miviri.
Rahman 55:53
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:54
Vachange vakarara pamibhedha yakarukirwa nesiriki, uye michero yemapindu maviri ichange iri padyo.
Rahman 55:55
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:56
Mukati mawo muchange muine vakadzi vakatsiga, vasina varume kana maJinn akamborara navo.
Rahman 55:57
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:58
(Runako) Sokunge vari matombo akakosha (masandawana nemakora).
Rahman 55:59
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:60
Pane mubairo wezvakanaka here kunze kwezvakanaka?
Rahman 55:61
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:62
Uye asiri aya maviri, pane mamwe mapindu maviri (muParadhiso).
Rahman 55:63
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:64
Ane ruvara rwakasvibira.
Rahman 55:65
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:66
Mukati mawo (mapindu) muchange muine zvitubu zviviri zvinoerera.
Rahman 55:67
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:68
Mukati mawo ose muchange muine michero uye madheti neRummaan (chibage chechirungu).
Rahman 55:69
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:70
Mukati mawo muchange muine vakadzi vakanaka.
Rahman 55:71
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:72
Vakadzi vakanaka munzvimbo dzakachengetedzwa.
Rahman 55:73
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:74
Hapana murume akambovabata mushure kana maJinn.
Rahman 55:75
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:76
Vanenge vakazorora pamakusheni akasvibira uye nemametiresi akakosha, akanaka.
Rahman 55:77
Naizvozvo ndeapi makomborero aTenzi venyu amucharamba (imi vanhu nemaJinn)?
Rahman 55:78
Rakakomborerwa zita raTenzi vako, mukuru, uye muridzi weremekedzo.
Vakıa 56:1
Kana chiitiko chazoitika (zuva rekutongwa).
Vakıa 56:2
Hapana marambiro nezvekuitika kwacho.
Vakıa 56:3
Chichadzikisira (vamwe vachienda kuGehena), uye chichakwiridzira (vamwe vachienda kuParadhiso).
Vakıa 56:4
Apo nyika ichadengenyeka kudengenyeka kunotyisa.
Vakıa 56:5
Uye makomo achaparadzwa kuita huruva.
Vakıa 56:6
Kuti agove huruva inopepereka.
Vakıa 56:7
Uye mose muchange muri mapoka matatu.
Vakıa 56:8
Naizvozvo avo vachange vari kuruoko rwerudyi (avo vachapiwa mabhuku ezviito zvavo mumaoko avo erudyi), zvichava zvakanaka sei kune avo vari kuruoko rwerudyi! (Seruremekedzo, nekuti vachapinda Paradhiso).
Vakıa 56:9
Uye avo vachange vari kuruoko rweruboshwe (avo vachapiwa mabhuku ezviito zvavo mumaoko avo eruboshwe), vachange vakadii avo vari kuruoko rweruboshwe! (Sekunyadziswa, nekuti vachapinda kumoto).
Vakıa 56:10
Uye vekutanga (muIslaam nekuita mabasa akanaka pasi rino) vachange vari vekutanga (kuParadhiso).
Vakıa 56:11
Vanhu vakadaro vachange vari padyo (naAllah).
Vakıa 56:12
Mumapindu emufaro (Paradhiso).
Vakıa 56:13
Huwandu hwavo (vekutanga) huchange huchibva kune vanhu vekutanga (kupinda muIslaam).
Vakıa 56:14
Uye vashoma veavo (vekutanga) vachange vari kune vanhu vekupedzisira.
Vakıa 56:15
(Vachange vari) pazvigaro zvakashongedzwa nendarama nematombo akakosha.
Vakıa 56:16
Vakagara ipapo, vakatarisana.
Vakıa 56:17
Vakomana vasingafi vanovabatsira nekuvashandira vachange vachitenderera pavari.
Vakıa 56:18
Nemakomichi, nemajagi, uye negirazi rewaini inoerera.
Vakıa 56:19
Kubva kwairi havazombowani kurwadziwa nemusoro kana kudhakiwa.
Vakıa 56:20
Uye nemuchero wavanosarudza.
Vakıa 56:21
Nenyama yeshiri iyo yavanenge vachida.
Vakıa 56:22
Uye (kuchange kune) maHoor (vakadzi kwavo) vane maziso makuru ane rudo.
Vakıa 56:23
Sokunge matombo akakosha (mapera) akachengetedzwa.
Vakıa 56:24
Semubairo wezvavaiita.
Vakıa 56:25
Havambonzwi mashoko akaipa imomo kana kutaura kwehuipi imomo.
Vakıa 56:26
Asi kutaura kuti: Rugare! Rugare! (kwaziso).
Vakıa 56:27
Uye avo vokuruoko rwerudyi, vachange vari sei avo vekuruoko rwerudyi?
Vakıa 56:28
Vachange vari pane miti yeLoti isina minzwa.
Vakıa 56:29
Uye mukati meTalh (miti yemabanana) ine michero yakaturikidzana imwe pamusoro peimwe.
Vakıa 56:30
Uye nemimvuri yakawedzerwa yakareba.
Vakıa 56:31
Uye nemvura ichierera.
Vakıa 56:32
Nemichero yakawanda.
Vakıa 56:33
Isingashaiki kana kuita mishoma, kana isingaswikiriki.
Vakıa 56:34
Uye mumibhedha yakasimudzwa mudenga.
Vakıa 56:35
Zvirokwazvo, takavasika vakadzi vekuParadhiso vakakosha.
Vakıa 56:36
Uye tikavaita mhandara.
Vakıa 56:37
Vanoda (varume vavo chete), (uye) vezera rimwe
Vakıa 56:38
Veavo vekuruoko rwekurudyi.
Vakıa 56:39
Boka rakawanda (reavo veruoko rwerudyi) richabva kune vanhu vekutanga (vakatambira chitendero cheIslaam).
Vakıa 56:40
Uye boka rakawanda (reavo vekuruoko rwerudyi) richabva muvanhu vekupedzisira.
Vakıa 56:41
Uye avo vekuruoko rweruboshwe, vachange vakarasikirwa sei vekuruoko rweruboshwe?
Vakıa 56:42
Mumhepo inopisa ine simba nemvura inokwata.
Vakıa 56:43
Nemumvuri wehutsi hutema.
Vakıa 56:44
(Mvuri iwowo) hautonhoreri, kana kufadza.
Vakıa 56:45
Zvirokwazvo, mushure mezvo vainakidzwa.
Vakıa 56:46
Uye vaishingirira kuita zvitadzo zvikuru (Kunamata Allah vachivasanganisa nezvimwe zvinhu nekuita mamwe mabasa akaipa).
Vakıa 56:47
Uye vaiti: “Kana tikafa tikave ivhu nemapfupa, zvirokwazvo tichazomutswa here?”
Vakıa 56:48
“Uye madzitateguru edu zvakare?”
Vakıa 56:49
Iti (Muhammad (SAW)): “(Hongu!) Zvirokwazvo, avo vekare neavo vazvino.”
Vakıa 56:50
“Vose zvirokwazvo vachaunganidzwa pamwechete pamusangano wezuva rinozivikanwa.”
Vakıa 56:51
“Uye zvakare zvirokwazvo imi vatadzi vanoramba (zuva rekutongwa)!”
Vakıa 56:52
“Zvirokwazvo muchadya kubva pamiti yeZaqqoom (inovava zvikuru).”
Vakıa 56:53
“Muchazadza matumbu enyu nazvo.”
Vakıa 56:54
“Uye mobva manwa mvura inokwata pamusoro paizvozvo.”
Vakıa 56:55
“Uye muchanwa (izvozvo) sekunge ngamera dzine nyota!”
Vakıa 56:56
Ndiyo ichava varaidzo yavo pazuva rokutongwa!
Vakıa 56:57
Isu takakusikai, saka sei musingatendi?
Vakıa 56:58
Hamuoni here mvura yamunoburitsa (hurume)?
Vakıa 56:59
Ndimi here makaisika kana kuti isu tisu takaisika?
Vakıa 56:60
Takatara rufu kwamuri mose, uye hatikurirwi.
Vakıa 56:61
Kukushandurai uye tokusikai kukuitai izvo zvamusingazivi.
Vakıa 56:62
Uye zvirokwazvo makatoziva kare mhando yechisikwa chokutanga (Adam), saka sei imi musingarangariri (kana kuchenjerera)?
Vakıa 56:63
Zvino chindiudzai nezvembeu dzamunodyara pasi.
Vakıa 56:64
Ndimi here munoita kuti dzikure, kana kuti tisu tinodzikudza?
Vakıa 56:65
Dai taida, tingadai takadziita marara akaoma, uye maizodemba (kana kusiiwa muchidzungaira).
Vakıa 56:66
(Muchiti): “Zvirokwazvo taparadzwa!”
Vakıa 56:67
“Asi tanyengedzwa (tanyimwa)!”
Vakıa 56:68
Munoiona here mvura yamunonwa?
Vakıa 56:69
Ndimi here munoita kuti inaye panyika kana kuti tisu tinokonzera kuti inaye pasi?
Vakıa 56:70
Dai taida, tingadai takaiita munyu. Naizvozvo nemhaka yei musingatendi (Allah)?
Vakıa 56:71
Munouona here moto uyo wamunotungidza?
Vakıa 56:72
Ndimi here munoita kuti muti wacho ukure, kana kuti tisu tinoukudza?
Vakıa 56:73
Isu takauita yeuchidzo (yeGehena), uye chinhu chekushandisa kune vari parwendo (nevamwe vari munyika).
Vakıa 56:74
Zvino rumbidza zita raTenzi vako mukuru.
Vakıa 56:75
Saka ndinopika nekugara kwenyenyedzi.
Vakıa 56:76
Uye zvirokwazvo uku ndiko kupika kukuru dai maiziva.
Vakıa 56:77
Kuti zvirokwazvo (uku) kuverenga kunoremekedzwa (Qur’aan rinoremekedzwa).
Vakıa 56:78
Kuri Mubhuku rakachengetedzwa (Al-Lauh Al-Mahfoodh).
Vakıa 56:79
Iro (Bhuku rinaAllah) risingabatwi nemumwe munhu kunze kweavo vakachena (ngirozi).
Vakıa 56:80
Rakadzikiswa (Qur’aan) kubva kuna Tenzi vezvisikwa zvose.
Vakıa 56:81
Ndiro here shoko iri (Qur’aan) ramunoramba (imi vasingatendi)?
Vakıa 56:82
Uye pachinzvimbo (chokutenda Allah) pararamo yavakakupai, munovaramba (nekusatenda)!
Vakıa 56:83
Naizvozvo sei musingabatsiri kana (mweya weuyo arikufa) wasvika pagurokuro?
Vakıa 56:84
Uye imi ipapo makatarisa.
Vakıa 56:85
Asi isu (ngirozi dzedu dzinotora mweya) tiri padyo naye kupfuura imi, asi hamuzvioni.
Vakıa 56:86
Sei musingati kana chokwadi musingazotongwi:
Vakıa 56:87
Dzosai mweya (pamuviri wacho), kana imi muri pachokwadi?
Vakıa 56:88
Zvino kana iye munhu ari kufa ari weavo wepedyo (naAllah),
Vakıa 56:89
(Kwaari kune) kuzorora neraramo, uye Paradhiso rinonakidza.
Vakıa 56:90
Uye kana iye (mufi) ari wekurudyi.
Vakıa 56:91
Zvino pane kuchengetedzeka nerunyararo kune avo vekuruoko rwerudyi.
Vakıa 56:92
Asi kana iye (mufi) ari umwe weavo vanoramba, vakarasika.
Vakıa 56:93
Kwaari kuchave nemafaro emvura inokwata.
Vakıa 56:94
Uye kutsva mumoto weGehena.
Vakıa 56:95
Zvirokwazvo, ichi ndicho chokwadi chaicho.
Vakıa 56:96
Naizvozvo rumbidza zita raTenzi vako mukuru.
Hadid 57:1
Zvose zviri mumatenga nepanyika zvinorumbidza Allah, uye ndivo mukuru, ane hungwaru hwese.
Hadid 57:2
Ndehwake humambo hwekumatenga nepanyika. Ndivo vanopa hupenyu uye rufu, uye ivo vanokwanisa kuita zvinhu zvose.
Hadid 57:3
Ndivo vekutanga uye vekupedzisira, uye ndivo vepamusoro-soro uye vepadyo padyo. Uye ndivo vanoziva zvose.
Hadid 57:4
Ndivo vakasika matenga nenyika mumazuva matanhatu, ndokubva vaenda pamusoro pechigaro (choumambo). Vanoziva zvinopinda munyika uye zvinobuda munyika, uye zvinodzika kubva kudenga uye izvo zvinosimuka kuenda ikoko. Uye vanemi kwese kwese kwamunenge muri. Uye Allah vanoona zvose zvamunoita.
Hadid 57:5
Ndehwake humambo hwekumatenga nepanyika. Uye hurongwa hwose hunodzokera kuna Allah.
Hadid 57:6
Vanoita kuti usiku hupinde muchaedza (kushomeka kweusiku kowedzerwa kunguva yemasikati), uye kuti chaedza (masikati) chipinde muhusiku (kudoka) (kushomeka kwemasikati kowedzerwa kuusika), uye vanoziva zvose zviri mumoyo.
Hadid 57:7
Tendai muna Allah nemutumwa wavo (Muhammad (SAW)), uye ipai kubva kune izvo zvavakakuitai vamiriri vazvo. Naizvozvo avo vanotenda pakati penyu uye vopa (munzira yaAllah), kwavari kune mubairo mukuru.
Hadid 57:8
Uye chii chinonetsa kwamuri kuti hamutendi kuna Allah! Uye mutumwa (Muhammad (SAW)) achikudaidzai kuti mutende kuna Tenzi venyu; uye ivo (Allah) zvirokwazvo vakatora chitsidzo chenyu kana muri vatendi chaivo.
Hadid 57:9
Ndivo vanodzikisa kune muranda wavo (Muhammad (SAW)) zviratidzo zviri pachena kuti vakuburitsei murima muchienda kuchaedza. Uye Allah vane chido nemi, uye tsitsi.
Hadid 57:10
Uye chii chinonetsa kwamuri kuti hamupi (hupfumi hwenyu) munzira yaAllah? Uye kuna Allah ndiko kune nhaka yekumatenga uye nepanyika. Vasina kufanana pakati penyu ndeavo vakapa vasati vabudirira (kutora Makkah) uye vakarwa (neavo vakaita kudaro mushure). Vanhu vakadaro vane zvinzvimbo zvepamusoro kudarika avo vakashandisa (hupfumi) mushure uye vakarwa. Asi kune vose, Allah vakavimbisa zvakanaka. Uye Allah vanoziva zvose zvamunoita.
Hadid 57:11
Ndiani uyo angapa Allah chikwereti chakanaka? Naizvozvo (Allah) vanobva vamuwedzera, uye anobva awana mubairo mukuru (Paradhiso).
Hadid 57:12
Zuva ramuchaona varume nevakadzi vanotenda, chaedza chavo chichimhanya mberi kwavo uye mumaoko avo ekurudyi. Mashoko akanaka kwamuri nhasi! Mapindu ane nzizi dzinoerera umo vachagara zvachose! Chokwadi, uku ndiko kubudirira kukuru!
Hadid 57:13
Pazuva iro vanyengedzi, varume nevakadzi, vachati kune avo vanotenda: “Timirirei! Tibetserekane kubva muchaedza chenyu!” Zvichanzi: “Dzokerai kushure kwenyu! Motsvaga chiedza!” Saka mudhuri une gonhi uchaiswa pakati pavo. Mukati muchange muine tsitsi, uye panze pawo pachange paine murango.
Hadid 57:14
(Vanyengedzi) vachavasheedza (vatendi): “Takanga tisiri nemi here?” (Vatendi) vachati: “Hongu! Asi makazvipinza pamiedzo pachenyu. Maitarisira kurangwa kwedu, uye hamuna kugutsikana (nekutenda), uye imi makanyengedzwa nezvido zvamanyepo kusvika kutonga kwaAllah kwasvika pakuitika. Uye mukuru wevanyengedzi (Satani) akakunyengedzai maererano naAllah.”
Hadid 57:15
Naizvozvo, zuva ranhasi hapana mubhadharo uchatorwa kwamuri (vanyengedzi), kunyangwe kubva kune avo vasingatendi (muIslaam). Nzvimbo yenyu imoto (weGehena). Ndiyo nzvimbo yenyu chaiyo. Uye zvirokwazvo ndiwo magumo akashata.
Hadid 57:16
Haina kusvika here nguva kune avo vanotenda (muIslaam) kuti vabatikane moyo yavo nerangaridzo yaAllah (Qur’aan), uye nechokwadi chakadzikiswa, kuti vasazoita seavo vakapiwa Bhuku (Torah neVhangeri) mushure. Naizvozvo nguva ikarebeswa kwavari ndokubva moyo yavo yaomeswa? Asi vakawanda vavo vapanduki (havanzwisisi).
Hadid 57:17
Zivai kuti Allah vanopa hupenyu kune pasi mushure mekunge paparara. Zvirokwazvo, takaita kuti zviratidzo zvive pachena kwamuri, kana imi muchinzwisisa.
Hadid 57:18
Zvirokwazvo, avo vanopa maSwadaqaat (Zvipo neZakaah), vakadzi nevarume, uye vopa Allah chikwereti chakanaka chichawedzerwa kwavari, uye vachawana mubairo unoremekedzeka (Paradhiso).
Hadid 57:19
Uye avo vanotenda muna Allah nevatumwa vavo, vanhu vakadaro ndivo vari muchokwadi. Uye vakafa munzira yaAllah vana Tenzi vavo, vachawana mubairo wavo nechiedza chavo. Asi avo vasingatendi (muIslaam) uye vachiramba zviratidzo zvedu, vanhu vakadaro ndivo vachava vagari vemuGehena.
Hadid 57:20
Zivai kuti zvirokwazvo hupenyu hwepanyika ndehwekungotamba chete, nokuvaraidzwa uye kunakidzwa nekungozvikudza chete pakati penyu, uye kuwanda kwehupfumi nevana. Zvakafanana nemvura inonaya, apo zvirimwa kukura kwazvo kunofadza vanorima; mushure mezvo munozviona zvichiita ruvara rwendarama, zvobva zvaoma zvoita mashanga. Asi muhupenyu hwemangwana kune mutongo wakaoma (kune vasingatendi - vanoita mabasa akaipa), nekuregererwa kubva kuna Allah uye mafaro (aAllah) (kune vatendi - vanoita mabasa akanaka). Uye hupenyu hwenyika ino hunongova kunakirwa kwekunyengedzwa.
Hadid 57:21
Mhanyidzanai kururegerero rwaTenzi venyu, uye Paradhiso iyo yakakura sematenga nenyika, yakagadzirirwa avo vanotenda muna Allah nevatumwa vavo. Iwayo ndiwo makomborero aAllah avanopa uyo wavanoda. Uye Allah ndivo muridzi wemakomborero makuru.
Hadid 57:22
Hakuna dambudziko rinouya panyika, kana kwamuri pachenyu, asi kuti rinenge rakatonyorwa mubhuku mushure tisati tariunza pakurarama. Zvirokwazvo, izvozvo zviri nyore kuna Allah.
Hadid 57:23
Kuitira kuti musazoshungurudzika pane zvinhu zvamunokundikana kuwana, kana kufadzwa nezvinhu zvamunopiwa. Uye Allah havadi munhu anozvikudza achizvitutumadza.
Hadid 57:24
Avo vakaomera uye vachikurudzira vanhu kuti vachiomera (Allah havadi zvipo zvavo). Uye uyo anofuratira (osiya kutenda), zvino zvirokwazvo Allah ndivo mupfumi (vasina chavanoda), vanofanirwa kurumbidzwa chete.
Hadid 57:25
Zvirokwazvo, takatuma vatumwa vedu nezviratidzo zviri pachena, uye tikadzikisa Bhuku navo nechikero kuti vanhu vayere zvakafanira. Uye takadzikisa simbi, mairi mune simba uye pundutso kuvanhu, kuitira kuti Allah vagoziva kuti ndiani achavabetsera (muchitendero chavo) nevatumwa vavo pane zvisingaoneki. Zvirokwazvo, Allah vane simba, uye ndivo mukuru.
Hadid 57:26
Uye zvirokwazvo takatumira Nowa naAbrahamu, uye takaisa mumhuri dzavo huporofita nemabhuku. Uye mukati mavo mune vamwe vakatungamirirwa; asi vakawanda vavo vapanduki (vasingateereri Allah).
Hadid 57:27
Uyezve takatevedza mushure mavo nevatumwa, uye tikatuma Jesu mwana waMariya, uye takamupa Injeel (Vhangeri). Tikaisa rudo netsitsi mumoyo yeavo vakamutevera. Asi kugara mukereke vachinamata vasingaroori kwavakawedzera, izvo hatina kuvanyorera, asi (vakazviita) vachitsvaga kufadza Allah chete, asi havana kuzviita maitirwo azvinofanira kuitwa. Naizvozvo takapa avo vakatenda mukati mavo mubairo wavo; asi vazhinji vavo vapanduki (vasingateereri Allah).
Hadid 57:28
Imi vanotenda (muna Musa naJesu)! Ityai Allah, uye motenda mune mutumwa wavo (Muhammad (SAW)), vachakupai tsitsi dzavo dzakapetwa kaviri, uye vachakupai chiedza chamuchafamba nacho, uye vachakuregererai. Uye Allah ndivo vanoregerera, vane tsitsi zhinji.
Hadid 57:29
Kuitira kuti vanhu veBhuku (Makristu nemaJudha) vagoziva kuti havana simba pamusoro pemakomborero aAllah, uye kuti makomborero ari muruoko rwaAllah, vanopa uyo wavanoda. Uye Allah ndivo muridzi wemakomborero makuru.
Mücadele 58:1
Zvirokwazvo, Allah vanzwa mashoko ake (Khaulah bint Tha’labah) uyo ari kuita gakava newe (Muhammad (SAW)) maererano nemurume wake (Aus Ibn As-Swaamit), uye achinyunyuta kuna Allah. Uye Allah vanonzwa kupikisana kwenyu. Zvirokwazvo, Allah vanonzwa zvose, vanoona zvose.
Mücadele 58:2
Avo mukati menyu vanozvirambidza vakadzi vavo kuburikidza neDhihaar (Kuti kwavari: “Wakafanana naamai vangu”), havangaiti vana mai vavo. Hapana vanokwanisa kuita vana mai vavo kunze kweavo vakavabereka. Uye zvirokwazvo vanotaura mashoko akaipa nemanyepo. Uye zvirokwazvo Allah vanokanganwira, uye vanoregerera.
Mücadele 58:3
Uye avo vanozvirambidza vakadzi vavo neDhihaar uye voda kuzvisunungura kubva kune zvavakataura vanofanirwa (panyaya yakadaro) kusunungura muranda vasati vabatana (kusangana pabonde). Ndiyo rairo kwamuri (kuti musave munozviita zwe). Uye Allah vanoziva zvamunoita zvose.
Mücadele 58:4
Asi uyo asingakwanisi kuwana (Mari yekusunungura muranda) anofanirwa kutsanya mwedzi miviri yakatevedzana vasati vasangana (pabonde). Asi kana asingakwanisi (kutsanya), anofanirwa kupa chikafu kuvanhu makumi matanhatu vanotambura. Ndiko kuti muve nekutenda kwakakwana kuna Allah nemutumwa wavo. Uye iyi ndiyo mirairo yakatarwa naAllah. Uye vasingatendi, vachawana mutongo unorwadza.
Mücadele 58:5
Zvirokwazvo avo vanopikisa Allah nemutumwa wavo (Muhammad (SAW)) vachanyadziswa, sokunyadziswa kwakaitwa avo mushure mavo. Uye takatumira zviratidzo zviri pachena. Uye vasingatendi vachawana mutongo unonyadzisa.
Mücadele 58:6
Pazuva iro Allah vachavamutsa vese pamwechete nekuvaudza zvavakaita. Allah vakazvichengeta apo ivo vakazvikanganwa. Uye Allah mupupuri pamusoro pezvinhu zvose.
Mücadele 58:7
Hauna kuona here kuti Allah vanoziva zvose zviri kumatenga nepanyika? Hapana zvinotaurwa muchivande nevatatu asi kuti ivo (Allah) ndevechina (neruzivo rwavo asi ivo vari pamusoro pematenga), kana kuti vashanu asi kuti ivo (Allah) ndevechitanhatu (neruzivo rwavo), kana kuti vashoma pane izvozvo kana vakawanda asi kuti (Allah) vanova pose pavanenge vari. Uyezve (Allah) vachavazivisa zvavaiita pazuva rekutongwa. Zvirokwazvo Allah ndivo vanoziva zvinhu zvose.
Mücadele 58:8
Hauna here kuona avo vakarambidzwa kuita misangano yavo muchivande ndokubva vadzokera kune izvo zvavakarambidzwa. Uye vanotaurirana zvitadzo nemabasa akashata uye nekusateerera mutumwa (Muhammad (SAW)). Uye kana ivo vakauya kwauri, vanokukwazisa nekwaziso isina kumboitwa naAllah kwauri, uye mumoyo vanoti: “Sei Allah vasingatirangi nokuda kwezvatinotaura?” Gehena richavakwanira, uye vachatsva imomo. Uye zvirokwazvo ndiwo magumo akashata!
Mücadele 58:9
Imi vanotenda! Kana muchiita musangano muchivande, itai kwete nechinangwa chekutadza kana mabasa akaipa uye kusateerera mutumwa (Muhammad (SAW)), asi taurai zvakanaka uye nekutya Allah; uye ityai Allah avo kwavari ndiko kwamuchaunganidzwa.
Mücadele 58:10
Zvirokwazvo, misangano yakavanzwa ndeyaSatani, kuitira kuti agokonzeresa kushushikana kune avo vanotenda. Asi haakwanisi kuvarwadzisa kana nechimwe chinhu asi nekuda kwaAllah. Uye vatendi vanofanirwa kuvimba naAllah.
Mücadele 58:11
Imi vanotenda! Kana zvikanzi kwamuri gadzirai nzvimbo pamisangano, gadzirai. Allah vachakugadzirirai nzvimbo (netsitsi dzavo). Uye kana zvikanzi simukai (kunonamata kana kunoita mamwe mabasa akanaka), simukai. Allah vachakwiridzira avo vanotenda pane chimwe chinzvimbo, pamwe neavo vakapiwa ruzivo. Uye Allah vanoziva zvamunoita.
Mücadele 58:12
Imi vanotenda! Kana muchida kuona mutumwa (Muhammad (SAW)) pachivande, ipai chipo musati masangana naye pachivande. Izvozvo zvakakunakirai uye zvakachena. Asi kana musingakwanisi kuwana (chipo), zvirokwazvo, Allah vanoregerera, vane tsitsi.
Mücadele 58:13
Mungatya kupa chipo musati masangana naye muchivande? Kana mukasazviita, uye Allah vakakuregererai, nokudaro chiitai Swalaah (Munamato) uye mopa chipo (Zakaah) uye moteera Allah nemutumwa wavo. Uye Allah vane ruzivo rweizvo zvamunoita.
Mücadele 58:14
Hauna kuona here (Muhammad (SAW)) avo (vanyengedzi) vanotora vanhu vakatsamwirwa naAllah seshamwari (maJudha)? Havasi vamwe venyu kana vamwe vavo (maJudha), uye vanopika nemanyepo apo vachiziva.
Mücadele 58:15
Allah vakavagadzirira mutongo wakaomarara. Zvirokwazvo, izvo zvavaiita zvakaipa.
Mücadele 58:16
Vanoita mhiko dzavo chidzitiro (pamabasa avo akaipa). Nokudaro vanodzivisa (vanhu) munzira yaAllah. Naizvozvo vachawana mutongo unonyadzisa.
Mücadele 58:17
Hupfumi hwavo nevana vavo hazvisi kana kuzovadzivirira kubva kuna Allah kana nechimwechete. Vanhu vakadaro ndivo vagari vekumoto, vachagara imomo zvachose.
Mücadele 58:18
Nezuva iro Allah vachavamutsa vose, zvino vachapika kwavari sekupika kwavanoita kwamuri (maMuslim). Uye vanofunga kuti vane zvavainazvo. Zvirokwazvo, ivo vanonyepa!
Mücadele 58:19
Satani akavakurira. Naizvozvo akavaita kuti vakanganwe kurangarira Allah. Vanhu vakadaro ndivo chikwata chaSatani. Chokwadi, chikwata chaSatani ndicho chakarasikirwa!
Mücadele 58:20
Zvirokwazvo, avo vanopikisa Allah nemutumwa wavo (Muhammad (SAW)), vachange vari mukati meavo vepasi pasi.
Mücadele 58:21
Allah vakatonyora: “Zvirokwazvo, ini nevatumwa vangu tisu tichakunda.” Zvirokwazvo, Allah ndivo vane simba rese, ndivo mukuru.
Mücadele 58:22
Iwe (Muhammad (SAW)) haufi wakawana vanhu avo vanotenda kuna Allah uye nezuva rekutongwa (rekupedzisira) vachiita ushamwari neavo vanopikisa Allah nemutumwa wavo (Muhammad (SAW)), kunyangwe zvazvo vari vanababa vavo kana kuti vana vavo kana madzikoma avo kana hama dzavo dzepedyo. Kune vanhu vakadaro, (Allah) vakavanyorera kutenda mumoyo yavo, uye vakavasimbisa nemweya (uchapupu nechiedza) kubva kwavari. Uye vachavapinza muParadhiso rine nzizi dzinoerera mavachagara zvachose. Allah vachifara navo uye ivo vachifara naAllah. Vanhu vakadaro ndivo chikwata chaAllah. Chokwadi, chikwata chaAllah ndicho chichabudirira.
Haşr 59:1
Zvose zviri kumatenga nepanyika zvinorumbidza Allah. Uye ndivo mukuru, vane huchenjeri hwese.
Haşr 59:2
Ndivo vakaburitsa avo vasingatendi kubva kuvanhu veBhuku (maJudha emhuri ya Nadheer) kubva mudzimba dzavo pakuunganidzwa kwekutanga. Hamuna kumbofungidzira kuti ivo vachabuda. Uye ivo vaifunga kuti nzvimbo dzavo dzakachengetedzwa dzaizovadzivirira kubva kuna Allah! Asi Allah vakavasvikira (chirango chavo) kubva kune nzvimbo yavakanga vasingafungiri. Uye vakaisa kutya mumoyo yavo kusvika pakuti vakaparadza pokugara pavo pachavo nemaoko avo uye nemaoko evatendi. Zvino torai chidzidzo, imi vane maziso (ekuona).
Haşr 59:3
Uye dai kusiri kuti Allah vakanga vakanyora kudzingwa kwavari, vangadai zvirokwazvo vakavaranga panyika ino, uye kuhupenyu hwemangwana vachawana mutongo wemoto (Gehena).
Haşr 59:4
Nekuda kwekuti vakapikisa Allah nemutumwa wavo (Muhammad (SAW)). Uye uyo anopikisa Allah, zvirokwazvo, Allah vakaoma pakuranga.
Haşr 59:5
Iyo miti (yemadheti yemuvengi) yamakagura (maMuslim), kana kusiya yakamira nemidzi yayo, yakanga iri mvumo yaAllah, uye kuitira kuti vagonyadzisa vapanduki (vasingateereri).
Haşr 59:6
Uye zvakapiwa naAllah semhimbiri kune mutumwa wavo (Muhammad (SAW)) kubva kwavari, musina kuzvirwira kana nehachi kana pangamera. Asi Allah vanopa simba kuvatumwa vavo pamusoro peuyo wavanoda. Uye Allah vanokwanisa kuita zvinhu zvose.
Haşr 59:7
Izvo zvinopiwa naAllah semhimbiri kumutumwa wavo (Muhammad (SAW)) kubva kune vanhu vemumaguta, ndezvaAllah, uye mutumwa wavo (Muhammad (SAW)), uye hama dzake dzepedyo, uye nherera, uye vanoshaya, uye nevafambi (vari parwendo), kuitira kuti mukana usave wevapfumi chete mukati menyu. Uye chose chamunopiwa nemutumwa (Muhammad (SAW)), chibatisisei; uye izvo zvaanokurambidzai, siyai. Uye ityai Allah; zvirokwazvo, Allah vakaoma pakuranga.
Haşr 59:8
(Pane mugove zvakare) kune vatami vanotambura, avo vakaburitswa mudzimba dzavo nehupfumi hwavo, vachitsvaga makomborero kubva kuna Allah uye mufaro wavo, uye kubetsera Allah (chitendero chavo) nemutumwa wavo (Muhammad (SAW)). Vanhu vakadaro ndivo vari pachokwadi (mune zvavanotaura).
Haşr 59:9
Uye avo mushure mavo vakange vaine dzimba (kuMadinah) uye vakatenda, vanoda avo vakatama vachiuya kwavari, uye havana godo mumoyo yavo pane izvo zvavakapiwa (kubva muhupfumi wemhuri yaNadheer), uye vanovapa (vatami) sarudzo pamusoro pavo kunyangwe zvazvo ivo vaizvida. Uye uyo anobetserwa kubva mukuomera kwemoyo wake, vanhu vakadaro ndivo vachabudirira.
Haşr 59:10
Uye avo vakauya mushure mavo vanoti: “Tenzi vedu! Tiregerereiwo uye madzikoma edu avo vakatitangira kutenda, uye musaise ruvengo mumoyo yedu kune avo vanotenda. Tenzi vedu! Zvirokwazvo, mune ngoni dzakazara, uye tsitsi zhinji.
Haşr 59:11
Hauna (Muhammad (SAW)) kuona here vanyengedzi avo vanotaura kune madzikoma avo, avo vasingatendi kubva mune vanhu veBhuku (vachiti): “(Tinopika naAllah!) Kana imi mukadzingwa, zvirokwazvo tichaenda pamwe nemi, uye hatizomboteereri kana ani zvake pamusoro penyu; uye kana mukarwiswa, zvirokwazvo tichakubetserai.” Asi Allah vanopupura kuti zvirokwazvo vanyepi.
Haşr 59:12
Chokwadi, kana vakaburitswa (maJudha), havambobudi (vanyengedzi) pamwe navo; uye kana vakarwisa havambovabetseri. Uye kana vakavabetsera, vachafuratira shure, uye havambozobudiriri.
Haşr 59:13
Zvirokwazvo, imi (vatendi veIslaam) munotonyanya kutyisa mumoyo yavo kukunda Allah, nechikonzero chokuti vanhu vasinganzwisisi (masimba aAllah).
Haşr 59:14
Havambokurwisei imi vari pamwechete, asi kunze kwekuti vari mumaguta akachengetedzwa, kana kuseri kwemadziro. Ruvengo pakati pavo rwakasimba. Munofunga kuti vakabatana, asi moyo yavo yakapatsanurwa, nokuda kwekuti vanhu vasinganzwisisi.
Haşr 59:15
Vakafanana neavo mushure mavo venguva yakapfuura yepedyo (maJudha vemhuri yaQainuqa), vakaravira magumo emabasa avo akaipa, uye vachawana (mune ramangwana) mutongo unorwadza.
Haşr 59:16
(Shamwari dzavo dzinovanyengedza) Kufanana naSatani, paanoti kune munhu: “Usatenda muna Allah.” Asi paanorega kutenda, (Satani) anoti: “Ini ndakasununguka kubva kwauri. Zvirokwazvo, ini ndinotya Allah, Tenzi vezvisikwa zvose!”
Haşr 59:17
Naizvozvo, magumo avo vese ndeekuti vachange vari mumoto vose, umo vachagara. Iwowo ndiwo mubairo wevatadzi.
Haşr 59:18
Imi vanotenda! Ityai Allah, uye munhu ngaatarise kuti chii chaarikuita kuitira mangwana, uye ityai Allah. Zvirokwazvo, Allah vanoziva zvose zvamunoita.
Haşr 59:19
Uye musaite seavo vakakanganwa Allah, uye (Allah) vakavaita kuti vazvikanganwe pachavo. Vanhu vakadaro ndivo vatadzi (vasingateereri Allah).
Haşr 59:20
Vagari vemumoto havana kufanana nevagari vemuParadhiso. Vagari vemuParadhiso ndivo vachave vakabudirira.
Haşr 59:21
Dai takadzikisa Qur’aan iri kugomo mairiona richizvininipisa uye kuparara nekutya Allah. Iyi ndiyo mifananidzo yatinopa vanhu kuti pamwe vangacherechedze.
Haşr 59:22
Ndivo Allah, avo hakuna chimwe chinamatwa kunze kwavo, muzivi wezvisingaoneki nezvinooneka. Ndivo vane nyasha, vane tsitsi zhinji.
Haşr 59:23
Ndivo Allah, avo hakuna chimwe chinamatwa kunze kwavo, Mambo, Mutsvene, Vakasununguka, Muchengetedzi, Mutarisi, Mukuru, Vane masimba, Mukuru Mukuru. Allah ngavarumbidzwe pamusoro pezvose zvavanomusanganisa nazvo.
Haşr 59:24
Ndivo Allah, Musiki, Mutangi wezvinhu zvose, Muumbi wezvose. Vane mazita ese akanaka. Zvose zviri kumatenga nepanyika zvinovarumbidza. Uye ndivo Mukuru, vane huchenjeri hwese.
Mümtehıne 60:1
Imi vanotenda! Musatora mhandu dzangu nemhandu dzenyu seshamwari, muchidzitaridza rudo, asi vasina kutenda mune izvo zvauya kwamuri muchokwadi (Islaam), uye vachidzinga mutumwa (Muhammad (SAW)) pamwechete nemi (kubva munyika yenyu) nokuda kwekuti munotenda muna Allah, Tenzi venyu! Apo pamunobuda muchirwa munzira (yaAllah) yangu uye muchitsvaga mufaro wangu (musatora avo vasingatendi seshamwari). Munotaridza ushamwari kwavari muchivande, asi ini ndichiziva izvo zvamunovanza uye izvo zvamunoburitsa pachena. Uye uyo anozviita pakati penyu (maMuslim), zvirokwazvo anenge arasika chaizvo kubva munzira tsvene.
Mümtehıne 60:2
Kana vakakwanisa kuwana mukana pamusoro penyu, vanobva vaita mhandu dzenyu, uye vanobva vatambanudza maoko avo nerurimi rwavo mune zvakaipa, uye vanoshuvira kuti dai mukasatenda.
Mümtehıne 60:3
Hama dzenyu nevana venyu havazokubetserai pazuva reQiyaamah (kumutswa kubva kuvafi). (Allah) vachatonga pakati penyu. Uye Allah vanoona zvose zvamunoita.
Mümtehıne 60:4
Zvirokwazvo, pane muenzaniso wakanaka kwamuri pana Ibrahim (Abrahamu) neavo vakange vainaye, apo pavakati kune vanhu vavo: “Chokwadi, takasununguka kubva kwamuri uye neizvo zvamunonamata zvisiri Allah. Isu takurambai, uye pakati pedu nemi pave neruvengo uye kutsamwirana zvachose kusvikira imi matenda muna Allah mumwechete,” kusara kwemashoko aAbrahamu kuna baba vake: “Chokwadi, ndichakukumbirirai ruregerero (kuna Allah), asi handina simba rekukuitirai chimwe chinhu pamberi paAllah.” “Tenzi vedu! Tinovimba nemi, uye kwamuri ndiko kwatinoreurura, uye kwamuri ndiko kwatichadzokera.”
Mümtehıne 60:5
“Tenzi vedu! Musatiite muedzo weavo vasingatendi, uye tiregerereiwo, Tenzi vedu! Zvirokwazvo imi, imi chete ndimi mukuru, ane huchenjeri hwose.”
Mümtehıne 60:6
Chokwadi, paive nemuenzaniso wakanaka kwamuri kubva kwavari wekutevedzera, kune avo vanovimba kusanga naAllah uye zuva rekutongwa. Uye uyo anofuratira, zvirokwazvo, Allah ndivo mupfumi (vasina chavanoda), uye vanekodzero yekurumbidzwa chete.
Mümtehıne 60:7
Pamwe Allah vangagadzira hushamwari pakati penyu neavo vamakaita vavengi. Uye Allah vane simba (pamusoro pezvinhu zvese), uye Allah vanoregerera zvikuru, vane tsitsi zhinji.
Mümtehıne 60:8
Allah havakurambidzii kushanda (zvakafanira uye zvakanaka) neavo vasinga kurwisei maererano nechitendero kana kukudzingai mudzimba dzenyu. Zvirokwazvo, Allah vanoda avo vanoshanda zvakafanira uye zvakanaka.
Mümtehıne 60:9
Zvirokwazvo, Allah vanokurambidzai kune avo vakakurwisai muchitendero uye vakakudzingai mudzimba dzenyu, uye vakabetsera kukudzingai, Allah vanokurambidzai kuita ushamwari navo. Asi uyo anoita ushamwari navo, vanhu vakadaro ndivo vatadzi (vasingateereri Allah).
Mümtehıne 60:10
Imi vanotenda! Kana vatendi vechikadzi vauya kwamuri sevatami, vaedzei, asi Allah vanoziva kutenda kwavo. Kana mukaona kutenda mavari, musavadzosera kune vasingatendi. Havabvumidzwi kwavari kana ivo kubvumidzwa kwavari (kuroorana). Uye vapei (vasingatendi) zvavakashandisa (Mahr – Mari inobviswa nemurume achipa mudzimai wake pazuva remuchato). Uye hapana mhaka kwamuri kana imi mukavaroora kana mukavapa mugove wavo (Mahr). Uye musarambe mune vakadzi vasingatendi sevakadzi venyu, uye mobvunza zvamakashandisa (kudzorerwa Mahr) uye ivo (vasingatendi) ngavabunzewo zvavakashandisa. Uku ndiko kutonga kwaAllah, vanotonga pakati penyu. Uye Allah vanoziva zvese, vane huchenjeri hwese.
Mümtehıne 60:11
Uye kana mumwe wevakadzi venyu akaenda kune avo vasingatendi achibva kwamuri (asiya chitendero, uye avo vasingatendi voramba kukudzorerai zvamakashandisa (Mahr), uye mukavarwisa movatorera hupfumi), chibhadharai (kubva muhupfumi iwowo) avo vane vakadzi vakaenda zvakangofanana nezvavakashandisa (Mahr). Uye ityai Allah avo vamunotenda mavari.
Mümtehıne 60:12
Iwe muporofita! Kana vakadzi vanotenda vauya kwauri vachikupa Bai’ah (Mhiko), kuti havasi kuzosanganisa chimwe chinhu naAllah, havasi kuzoba, uye kuti havasi kuzoita cheupombwe, uye kuti havasi kuzouraya vana vavo, uye kuti havasi kuzombotaura manyepo vachinyepa kuti vana vavainavo ndevevarume vavo, uye kuti havasi kuzorega kukuteerera pane izvo zvakana (Islaam), chitambira Mhiko (Bai’ah) dzavo kwauri, uye vokumbira Allah kuti vavaregerere. Zvirokwazvo, Allah vanoregerera zvikuru, vane tsitsi dzakanyanya.
Mümtehıne 60:13
Imi vanotenda! Musashamwaridzana nevanhu vakatsamwirwa naAllah (maJudha). Chokwadi, havana tarisiro yehupenyu hwemangwana (kuti vachawana zvakanaka), sekushaiwa tarisiro kweavo vasingatendi kune avo vari kumakuva (kuti vachamuka pazuva rekutongwa).
Sâff 61:1
Zvose zviri kumatenga nepanyika zvinorumbidza Allah. Uye ndivo mukuru, vane huchenjeri hwese.
Sâff 61:2
Imi vanotenda! Sei muchitaura izvo zvamusingaiti?
Sâff 61:3
Zvakanyanya kuvengwa pamberi paAllah ndezvekutaura izvo zvamusingaiti.
Sâff 61:4
Zvirokwazvo, Allah vanoda avo vanorwa munzira yavo vari pamitsara sokunge mudhuri wakasimba.
Sâff 61:5
Uye rangarirai apo Musa akati kuvanhu vake: “Imi vanhu vangu! Nemhaka yei imi muchindirwadzisa asi imi muchiziva muchokwadi kuti ini ndiri mutumwa waAllah kwamuri?” Saka pavakafuratira, Allah vakaita kuti moyo yavo ifuratire (nzira yakanaka). Uye Allah havatungamiri vanhu vasingateereri.
Sâff 61:6
Uye rangarirai apo Isa (Jesu) mwana wa Mariya akati: “Imi vana vaIzrairi! Ini ndiri mutumwa waAllah kwamuri, kuzodudzira izvo zvakauya pamberi pangu zviri muTorah, uye kupa mashoko akanaka emutumwa achauya mushure mangu, zita rake anonzi Ahmad (zita rimwe raMuhammad (SAW)).” Asi paakauya (Ahmad (SAW)) kwavari nehumboo huri pachena, vakati: “Aya masaramusi ari pachena.”
Sâff 61:7
Uye ndiani anotadza zvikuru kudarika uyo anonyepera Allah, asi iye achidaidzirwa kuIslaam? Uye Allah havatungamiriri vanhu vanotadza.
Sâff 61:8
Vanoshuvira kudzima mwenje waAllah (Islaam) nemiromo yavo, asi Allah vachadzadzikisa mwenje wavo kunyangwe zvazvo vasingatendi vachizvivenga.
Sâff 61:9
Ndivo vakatuma mutumwa wavo (Muhammad (SAW)) nenungamiro uye chitendero chechokwadi (Islaam) kuti chigokunda zvitendero zvose kunyangwe zvazvo maMushrikoon (Vasingatendi nevanonamata vana mwari vakawanda) vachizvivenga.
Sâff 61:10
Imi vanotenda! Ndingakutungamirai here kune bhizimusi richakununurai kubva kumurango unorwadza?
Sâff 61:11
Kuti imi mutende kuna Allah uye mutumwa wavo (Muhammad (SAW)), uye moshinga nekurwa munzira yaAllah nehupfumi hwenyu uye nehupenyu hwenyu. Izvozvo ndizvo zvakanaka kwamuri kana muchiziva!
Sâff 61:12
(Allah) vachakuregererai zvitadzo zvenyu, uye vachakupinzai muParadhiso iro pasi paro panoerera nzizi, uyedzimba dzakanaka muEden, Paradhiso. Zvirokwazvo, ikoko ndiko kubudirira kukuru.
Sâff 61:13
Nezvimwe zvamunoda kubva kuna Allah (vachakupai), rubatsiro kubva kuna Allah nekukunda kuri pedyo. Uye ipa mashoko akanaka (Muhammad (SAW)) kune vatendi.
Sâff 61:14
Imi vanotenda! Ivai vabetseri vaAllah sokutaura kwakaita Isa (Jesu) mwana waMariya kuvadzidzi vake (achiti): “Ndivanaani vachandibetsera kuna Allah?” Vadzidzi vakataura kuti: “Isu tiri vabetseri vaAllah!” Naizvozvo chikwata chevana veIzrairi chakatenda uye chikwata chimwe hachina kutenda. Naizvozvo takapa simba kune avo vakatenda pamusoro pemhandu dzavo, uye vakabva vakunda.
Cumua 62:1
Zvose zviri kumatenga nepanyika zvinorumbidza Allah, Mambo, Mutsvene, Mukuru, Muchenjeri.
Cumua 62:2
Ndivo avo vakatuma kubva mune vasina kudzidza mutumwa (Muhammad (SAW)) mukati mavo, achiverenga ndima dzavo kwavari, uye achivachenura (kubva mukusatenda), uye achivadzidzisa Bhuku (Qur’aan) neruzivo Al-Hikmah (Sunnah: Manamatiro nemagariro aMuhammad (SAW)), kunyange zvazvo vakange vari mukurasika kuri pachena.
Cumua 62:3
Uye (vakamutuma Muhammad (SAW)) kune vamwe mukati mavo (maMuslim) avo vasati vave navo (asi vachauya). Uye (Allah) ndivo mukuru, vane huchenjeri wese.
Cumua 62:4
Ndiwo makomborero aAllah avanopa kune wavanoda. Uye Allah ndivo muridzi wemakomborero makuru.
Cumua 62:5
Muenzaniso weavo vakapiwa Torah vobva varega kurichengetedza wakafanana nedhongi rinotakura mabhuku (asi ariwanzwisisi). Wakaipa sei muenzaniso weavo vanoramba zviratidzo zvaAllah. Uye Allah havatungamiri vanhu vanotadza.
Cumua 62:6
Iti (Muhammad (SAW)): “Imi maJudha! Kana imi muchiita sokunge shamwari dzaAllah, kusara kwevanhu vose, chishuvirai rufu kana muri pachokwadi.”
Cumua 62:7
Asi havamborushuviri (rufu) nokuda kwezvakaitwa nemaoko avo! Uye Allah vanoziva zvikuru vatadzi.
Cumua 62:8
Iti (kwavari): “Zvirokwazvo, rufu rwamunotiza, zvirokwazvo rwuchakubatai, muchazodzorerwa zvakare kuna (Allah), muzivi wezvisipo nezvinoonekwa, uye vachakuzivisai (Allah) izvo zvamaiita.”
Cumua 62:9
Imi vanotenda! Kana Swalaah ikadaidzirwa nemusi weChishanu (munamato weJumu’ah), mhanyirai kundangariro yaAllah (Mharidzo nemunamato weJumu’ah), uye mosiya mabhizimusi (nemamwe mabasa). Ndizvo zvakanaka kwamuri kana muchiziva!
Cumua 62:10
Zvino kana munamato weJumu’ah wapera, chipararirai nenyika, uye motsvaga makomborero aAllah (nekushanda), uye morangarira Allah zvakanyanya kuti mugobudirira.
Cumua 62:11
Uye apo pavakaona bhizimusi kana mutambo (ngoma dzichiridzwa) vakamhanyira kwazviri, uye vakakusiya (Muhammad (SAW)) wakamira (uchiparidza). Iti: “Izvo zvina Allah zvakanaka kupfuura mutambo nemabhizimusi! Uye Allah ndivo mupi akanaka.”
Münafikun 63:1
Kana vanyengedzi vakauya kwauri (Muhammad (SAW)) vanoti: “Tinopa uchapupu kuti zvirokwazvo uri mutumwa waAllah.” Uye Allah vanoziva kuti iwe uri mutumwa wavo, uye Allah vanopupura kuti zvirokwazvo vanyengedzi vanyepi.
Münafikun 63:2
Kupika kwavo vakakuita dziti. Naizvozvo ivo vanodzivisa (vanhu) munzira yaAllah. Zvirokwazvo, zvavaiita ndizvo zvakashata.
Münafikun 63:3
Nokuda kwekuti vakatenda ndokubva varega kutenda; naizvozvo moyo yavo yakavharwa, saka havanzwisisi.
Münafikun 63:4
Uye kana wakavatarisa, miviri yavo inokufadza; uye kana vakataura, unoteerera mashoko avo. Vakaita sokunge matanda akarongedzwa. Vanofunga kuti kuchema kwese kwakanangana naivo. Ndivo vavengi, saka vachenjerere. Dai Allah vakavashora! Sei vachiramba (vachisiya) nzira yakanaka?
Münafikun 63:5
Uye kana zvikanzi kwavari: “Huyai, kuitira kuti mutumwa waAllah agokukumbirirai ruregerero kuna Allah,” vanotendeudza misoro yavo, uyezve uchavaona vachitendeudza zviso zvavo apo ivo vachizvitutumadza.
Münafikun 63:6
Zvakangofanana kwavari kunyangwe (iwe Muhammad (SAW)) ukavakumbirira ruregerero kana kusavakumbirira ruregerero, Allah havambovaregereri. Zvirokwazvo, Allah havatungamiriri vanhu vasingateereri (vanotadza).
Münafikun 63:7
Ndivo avo vanoti: “Musabetsere (nekuvapa zvipo) avo vane mutumwa waAllah (SAW) kusvikira vamusiya.” Uye kuna Allah ndiko kune hupfumi hwematenga nepanyika, asi vanyengedzi havanzwisisi.
Münafikun 63:8
Vanoti (vanyengedzi): “Kana tikadzokera kuMadinah, zvirokwazvo anoremekedzeka (Abdullah Ibn Ubayy Ibn Salool, mutungamiri wevanyengedzi kuMadinah) achadzinga munhu wepasi (Muhammad (SAW)).” Asi ruremekedzo nderwaAllah nemutumwa wavo (Muhammad (SAW)), uye nekuvatendi, asi vanyengedzi havazvizivi.
Münafikun 63:9
Imi vanotenda! Musasiye hupfumi hwenyu nevana venyu zvichikutendeudzai kubva munzira yekurangarira Allah. Uye uyo anoita izvozvo, zvino ndivo vakarasikirwa.
Münafikun 63:10
Uye shandisai (kupa zvipo) kubva mune izvo zvatakakupai rufu rwusati rwasvikira umwe wenyu, kuti azoti: “Tenzi wangu! Dai mandipa mukana, kwekanguva kadiki, kuti ndipe Swadaqah (chipo) uye ndive uyo weavo vanoita zvakanaka (Hajj nemamwe mabasa akanaka).
Münafikun 63:11
Uye Allah havambopi mukana wekanguva kune munhu kana nguva yake (yekufa) yakwana. Uye Allah vanoziva zvose zvamunoita.
Teğabün 64:1
Zvose zviri kumatenga nepanyika zvinorumbidza Allah. Humambo ndehwavo, uye rumbidzo nekutenda kwese ndekwavo, uye (Allah) vane simba pamusoro pezvinhu zvose.
Teğabün 64:2
Ndivo (Allah) vakakusikai, naizvozvo vamwe venyu havatendi uye vamwe venyu vanotenda. Uye Allah vanoona zvose zvamunoita.
Teğabün 64:3
Vakasika matenga nenyika muchokwadi, uye vakakuumbai ndokubva vaita maumbirwo enyu kuti ave akanaka. Uye kwavari ndiko kune magumo ekupedzisira.
Teğabün 64:4
(Allah) vanoziva zvose zviri kumatenga uye zvose zviri panyika, uye vanoziva zvamunovanza uye izvo zvamunoburitsa pachena. Uye Allah vanoziva zvose zviri muhana.
Teğabün 64:5
Hadzina kusvika kwamuri here nhau dzeavo vasina kutenda mumashure? Naizvozvo vakaravira magumo emabasa avo akaipa (kusatenda kwavo), uye vachawana mutongo unorwadza.
Teğabün 64:6
Nokuda kwekuti vatumwa vavo vakauya kwavari nezviratidzo zviri pachena, asi vakati: “Varume zvavo vangatitungamira?” Naizvozvo havana kutenda ndokubva vafuratira (chokwadi). Uye Allah vakanga vasingadi rubetsero rwavo. Uye Allah ndivo mupfumi (hapana chavanoda), muridzi werumbidzo dzese.
Teğabün 64:7
Avo vasingatendi vanofungidzira kuti havasi kuzomutswa. Iti (Muhammad(SAW)): Hongu! Ndinopika naTenzi vangu, kuti zvirokwazvo muchamutswa, uye muchazoudzwa izvo zvamaiita, uye izvozvo zviri nyore kuna Allah.
Teğabün 64:8
Naizvozvo tendai muna Allah nemutumwa wavo (Muhammad (SAW)), uye nechiedza chatakatumira (Qur’aan iri). Uye Allah vanoziva zvose zvamunoita.
Teğabün 64:9
(Rangarirai) Zuva iro (Allah) vachakuunganidzai mose pazuva rekuungana. Ndiro richava zuva rokuwana nekurasikirwa (vatendi vachipinda Paradhiso uye vasingatendi vachipinda Gehena). Uye uyo anotenda muna Allah uye achiita mabasa akanaka, (Allah) vachamukanganwira zvitadzo zvake, uye vachamupinza mumapindu ayo anoerera nzizi pasi pawo, umo vachagara zvachose. Uku ndiko kubudirira kuhombe.
Teğabün 64:10
Uye avo vasingatendi (muhumwechete waAllah) uye vakaramba zviratidzo zvedu, vanhu vakadaro ndivo vagari vekumoto, umo vachagara zvachose. Uye magumo akadaro ndiwo akashata.
Teğabün 64:11
Hakuna matambudziko anouya asi nokuda kwemvumo yaAllah. Uye wese anotenda kuna Allah, vachatungamira moyo wake (kuchokwadi). Uye Allah vanoziva zvinhu zvose.
Teğabün 64:12
Uye teererai Allah uye moteerera mutumwa (Muhammad (SAW)); asi kana mukafuratira, zvino zvirokwazvo basa remutumwa wedu kuparidza shoko pachena.
Teğabün 64:13
Allah! Laa ilaaha illaa Huwa (Hakuna chimwe chinamatwa kunze kwavo). Uye regai vatendi vavimbe naAllah (vega).
Teğabün 64:14
Imi vanotenda! Zvirokwazvo mukati mevakadzi venyu nevana venyu pane mhandu dzenyu (vanokudzivirirai kuteerera Allah), naizvozvo vachenjererei! Asi kana mukavasiya uye kuvakanganwira nekuvaregerera, zvirokwazvo Allah vanoregerera zvikuru, vane tsitsi zhinji.
Teğabün 64:15
Zvirokwazvo hupfumi hwenyu nevana venyu miedzo chete, apo Allah vane mubairo mukuru (Paradhiso).
Teğabün 64:16
Naizvozvo ityai Allah sekukwanisa kwamunoita; inzwai uye teererai, uye shandisai (hupfumi hwenyu), zvakanaka kwamuri. Uye uyo anonunurwa kubva mukuomera kwemoyo wake, vanhu vakadaro ndivo vachabudirira.
Teğabün 64:17
Kana mukapa Allah chikwereti chakanaka (mochishandisa munzira yaAllah), vachachipeta kaviri kwamuri, uye vachakuregererai. Uye Allah vanotenda zvikuru, uye vane moyo munyoro.
Teğabün 64:18
Ndivo muzivi wezvose zvisingaoneki nezvinooneka, mukuru, vane hungwaru wese.
Talak 65:1
Iwe Muporofita (Muhammad (SAW))! Kana uchiramba vakadzi, varambe nenguva yavo yakatarwa (Iddah), uye verenga nguva (Iddah) yavo zvakanaka. Uye ityai Allah, Tenzi wenyu. Uye imi musavaburitsa mudzimba dzavo kana ivo kubuda pachavo, kusara kwekuti vaita chitadzo chiri pachena (hupombwe). Uye iyi ndiyo mirairo yaAllah. Uye uyo anotsaudzira mirairo yaAllah, zvirokwazvo anenge azvitadzira pachake. Hauzivi (iwe murambi wemukadzi wake) kuti pamwe Allah vanogona kuunza chiitiko chitsva mushure mezvo (kukudzorera mukadzi kana kwange kuri kurambana kwekutanga kana kwechipiri).
Talak 65:2
Saka kana vapedza nguva yavo yakatarwa, vatorei mune zvakanaka, kana kuti mosiyana mune zvakanaka. Uye torai vapupuri vaviri vakanaka mukati menyu (maMuslim). Uye ivai munopika naAllah. Iyi ndiyo rairo kune uyo anotenda naAllah uye muzuva rekupedzisira. Uye uyo anotya Allah, vachamugadzirira nzira yekubuda nayo (mumatambudziko).
Talak 65:3
Uye vachamupa raramo kubva kune zvaakanga asingafungiri. Uye uyo anovimba naAllah, zvino vanomuitira zvaanoda. Zvirokwazvo, Allah vachadzadzikisa chinangwa chavo. Zvirokwazvo Allah vakatara raramo pazvinhu zvose.
Talak 65:4
Uye avo vevakadzi venyu vasingachatsiki mwedzi, Iddah (Nguva yakatarwa) yavo kana musingagutsikani, imwedzi mitatu; uye avo vasingaendi kumwedzi (kutsika, nekuti vadiki, nguva yavo imwedzi mitatu, kunze keavo vakafirwa – Qur’aan 2: 234). Uye avo vakazvitakura (varambwa kana kuti vafirwa nevarume), nguva yavo kusvikira vabetserwa; uye uyo anotya Allah achiita mabasa avo, vachaita kuti hupenyu hwake huve nyore.
Talak 65:5
Iyi ndiyo mitemo yaAllah yavanodzikisa kwamuri; uye uyo anotya Allah achiita mabasa avo, vachamukanganwira zvitadzo zvake, uye vowedzera mubairo wake.
Talak 65:6
Vagarisei (vakadzi varambwa) pamunogarawo imi, sezvamunokwanisawo kuwana, uye musavarwadzise muchivashungurudza (kuti vagosiya misha yenyu). Asi kana vakazvitakura vachengetei kusvikira vasununguka pamuviri pavo. Uye kana vakayamwisa vana venyu, vapei mugove wavo, uye umwe wenyu ngaatambire yambiro yeumwe mune zvakanaka. Asi kana mukaomeserana, umwe mukadzi anokwanisa kuvayamwisira (baba vemwana).
Talak 65:7
Mupfumi ngaachengete zvichienderana nekuwana kwake; uye uyo anowana zvishoma ngaachengete zvichiendarana nezvaakapiwa naAllah. Allah havaisi musengwa pamunhu kudarika izvo zvavakamupa. Allah vachaunza rugare mushure mematambudziko.
Talak 65:8
Uye maguta akawanda akatsaudzira mirairo yaTenzi wavo uye vatumwa vavo. Naizvozvo takawapa mutongo wakaoma (pasi rino), uye tichavaranga nemurango unorwadza chaizvo (muhupenyu unotevera).
Talak 65:9
Naizvozvo vakaravira magumo emabasa avo akashata, uye magumo emabasa avo kurasikirwa (pasi rino nekudenga).
Talak 65:10
Allah vakavagadzirira mutongo (unorwadza) wakaoma. Saka ityai Allah, imi vanonzwisisa, avo vanotenda! Zvirokwazvo Allah vadzikisa rangaridzo kwamuri (Qur’aan iri).
Talak 65:11
(Vakatuma zvakare) mutumwa (Muhammad (SAW)) anokuverengerai zviratidzo zvaAllah (Qur’aan) zviri pachena, kuitira kuti vagoburitsa avo vanotenda neavo vanoita mabasa akanaka kubva murima (kusatenda) kuenda kune chiedza (Islaam). Uye uyo anotenda muna Allah uye achiita zvakanaka, (Allah) vachamupinza mubindu (Paradhiso) iro rine nzizi dzinoerera pasi paro kuti agogara imomo zvachose. Zvirokwazvo Allah vachamupa raramo yakanaka.
Talak 65:12
NdiAllah vakasika matenga manomwe uye nenyika yakafanana nawo (nomwe). Mutemo wavo unodzika pakati pavo (matenga nenyika), kuitira kuti muzive kuti Allah vane simba pamusoro pezvinhu zvose, uye zvirokwazvo kuti Allah vakakomberedza zvinhu zvose neruzivo rwavo.
Tahrim 66:1
Iwe muporofita! Nemhaka yei uchirambidza izvo zvakabvumidzwa kwauri naAllah, uchida kufadza vakadzi vako? Uye Allah vanoregerera, vane tsitsi.
Tahrim 66:2
Zvirokwazvo Allah vakatokukomekedzai (imi vanhu) kuti musunungure mhiko dzenyu. Uye Allah ndivo muchengeti wenyu, uye ndivo vane ruzivo, uye huchenjeri.
Tahrim 66:3
Uye (rangarirai) apo muporofita (Muhammad (SAW)) akavandudza mashoko kune umwe wevakadzi vake (Hafsah), ndokubva iye (mukadzi) azvitaura (kuna Aishah). Uye Allah vakaita kuti azvizive. Akamuudza chidimbu akasiya chidimbu. Zvino iye (muporofita) paakamuudza nezvazvo akati: “Ndiani akuudza izvozvo?” Iye akati: “Muzivi wazvose, ane ruzivo chairwo (Allah) ndiye andiudza.”
Tahrim 66:4
Kana imi muri vaviri (Aishah naHafsah) mukasakumbira ruregerero kuna Allah, zvirokwazvo moyo yenyu inenge yabatana (kupikisa muporofita). Uye kana imi mukabetserana maringe naye (Kupikisana naye), zvirokwazvo Allah ndivo muchengeti wake, naGabriel, uye nevatendi vanoita zvakanaka; uye pamusoro pezvo, nengirozi dzinomubetsera.
Tahrim 66:5
Pamwe Tenzi vake, kana iye akakurambai, vanogona kumupa vamwe vakadzi vasiri imi, vari nani kudarika imi, maMuslim (vanozvipira kuna Allah), vatendi, vanoteerera (Allah), vanokumbira Allah ruregerero, vanonamata Allah nemoyo wese, vanotsanya (kana vakatama munzira yaAllah), vakamboroorwa uye mhandara.
Tahrim 66:6
Imi vanotenda! Zvinunurei imi nemhuri dzenyu kubva kumoto uyo huni dzacho vanhu nematombo, pamusoro pawo pane ngirozi dzakasimba dzakakasharara, dzisingaiti zvokusateerera Allah pane izvo zvaanodzikomekedza, uye dzinoita izvo zvinenge zvakomekedzerwa.
Tahrim 66:7
Imi vasingatendi (mu Islaam)! Musape kana zvikonzero zuva ranhasi. Zvirokwazo murikupiwa mubairo wezvamakaita.
Tahrim 66:8
Imi vanotenda! Kumbirai ruregerero kuna Allah zvakakwana! Pamwe Tenzi venyu vachakukanganwirai zvitadzo zvenyu, uye vachakupinzai mumapindu ayo pasi pawo pane nzizi dzinoyerera. Zuva iro Allah havazi kuzonyadzisa muporofita (Muhammad (SAW)) neavo vanotenda pamwe naye. Chiedza chavo chichimhanya mberi kwavo uye nekurudyi rwavo. Vachange vachiti: “Tenzi vedu! Zadzikisai chiedza chedu (kusvikira tayambuka As-Siraat (bhiriji riri pamusoro peGehena)) uye tiregerereiwo. Zvirokwazvo imi munokwanisa kuita zvose.”
Tahrim 66:9
Iwe muporofita(Muhammad (SAW))! Shinga pamberi pevasingatendi nevanyengedzi, uye wokasharara kwavari; uye kuGehena ndiko kwavachagara, uye zvirokwazvo ndiwo magumo akashata.
Tahrim 66:10
Allah vanopa muenzaniso kune avo vasingatendi: Mukadzi waNowa nemukadzi waLoti. Vakanga vari pasi pevaranda vedu vaviri vatsvene asi vakavabhanya (varume vavo nekuramba chitendero chavo). Uye (Nowa naLoti) havana kukwanisa kuvadzivirira kubva kuna Allah, uye zvakanzi: “Pindai mumoto pamwe nevarikupinda mumoto!”
Tahrim 66:11
Uye Allah vakapa mufananidzo kune avo vanotenda: Mukadzi waFarawo apo akati: “Tenzi vangu! Ndivakirei imba kwamuri muParadhiso, uye ndinunurei kubva kuna Farawo nemabasa ake, uyezve ndinunureiwo kubva kune vanhu vanotadza.”
Tahrim 66:12
Uye naMaria mwanasikana waImraan uyo akachengetedza hunhu hwake. Uye takafemera maari (mumbasha dzaakange akapfeka) kubva mumweya wedu (Gabriel), uye akabvuma mashoko aTenzi vake (akatenda mushoko raAllah rekuti: “Ivapo!” – uye akavapo Jesu mwanakomana waMaria mutumwa waAllah), uye (akabvuma) mabhuku avo, uye akanga ari weavo vanoteerera (Allah).
Mülk 67:1
Vakakomborerwa ndeavo mumaoko avo mune humambo wese. Uye vanokwanisa kuita zvinhu zvose (Vane masimba pamusoro pezvinhu zvose).
Mülk 67:2
Avo vakasika rufu neupenyu kuti vave vanokuedzai kuti ndiani pakati penyu anemabasa akanaka. Uyezve ndivo samasimba ose, vane ruregerero rwese.
Mülk 67:3
Avo vakasika matenga manomwe rimwe pamusoro perimwe. Uye haukwanisi kuona chakakanganiswa pazvisikwa zvaane tsitsi dzose. Dzokororazve kutarisa! “Uri kuona here kutsemuka?”
Mülk 67:4
Nokudaro dzokorora zvakare kutarisa! Asi maziso ako anodzoka kwauri anenyadzi uyezve aneta.
Mülk 67:5
Uye zvirokwazvo, takashongedza denga repadyo nenyika nemarambi, uye takaaita marambi iwayo sezvombo kumaDhiyabhorosi, uye takavagadzirira marwadzo emoto unobvira.
Mülk 67:6
Uye kune avo vasingatendi muna Tenzi vavo kune marwadzo eGehena, uye inzvimbo yokugara yakaipisisa.
Mülk 67:7
Apo pavachakandwa imomo mariri vachanzwa kukweva mariri (kwakasimba) apo parinenge richifema apo richibvira.
Mülk 67:8
Richasvika pakuda kuputsika nehasha. Nguva dzose chikwata pachinokandwa mariri, vachengetedzi varo vachabvunza: “Muyambiri haana kuuya kwamuri here?”
Mülk 67:9
Vachati: “Hongu, zvirokwazvo muyambiri akauya kwatiri, asi takamuramba tikati: ‘Allah havana kutumira pano pasi chimwe chinhu (mashoko), asi makarasika zvakanyanya.’”
Mülk 67:10
Uye vachati: “Dai takateerera kana kushandisa huchenjeri hwedu, taisazowanikwa muvanhu vekumoto!”
Mülk 67:11
Vachapupura zvitadzo zvavo. Nokudaro, ngavave kure vanhu vekumoto unobvira!
Mülk 67:12
Zvirokwazvo, avo vanotya Tenzi vavo vakavanzika, vachawana ruregerero uye mubairo mukuru.
Mülk 67:13
Uye taurai mashoko enyu muchizevezeve kana kuwaburitsa pachena, zvirokwazvo (Allah) vanoziva zvakanyanya izvo zviri muzvipfuva (zvevanhu).
Mülk 67:14
Havangazivi here ivo vari ivo vakasika? Uye ndivo vane tsitsi dzose, muzivi wezvose.
Mülk 67:15
Ndivo vakaita kuti nyika ive inozvipira kwamuri (muchifamba nokugara pamusoro payo uye nekuirima), nokudaro fambai munzira dzayo uye idyai zvokudya zvayo. Uye kwavari ndiko kune kumutswa kwenyu.
Mülk 67:16
Munogadzikana here kuti avo vari pamusoro pematenga (Allah) havaiiti nyika kuti inyure nemi, apo paino dengenyeka?
Mülk 67:17
Kana kuti munogadzikana here kuti avo vari pamusoro pematenga havakwanisi kukutumirai kwamuri mhepo yakasimba? Nokudaro muchaziva kuti yambiro yangu yakaita sei.
Mülk 67:18
Uye zvirokwazvo avo vaiva kumashure kwenyu vakaramba, nokudaro kwakaipa sei kuvaramba kwangu (chirango changu)?
Mülk 67:19
Havaoni here shiri pamusoro pavo dzichitambanudza mapapiro adzo, nekumadzosa mukati? Hapana anodzitakura kunze kwamuzvina tsitsi dzose. Zvirokwazvo, ndivo muoni wezvose.
Mülk 67:20
Ndiani kunze kune vane tsitsi dzose (Allah) vanokwanisa kuva masoja kwamuri kuti akubetserei? Vasingatendi hapana mavari kunze kwemumanyepo (munyengedzo).
Mülk 67:21
Ndiani angakupai imi (zvokushandisa, kudya) kana vakabata zvokudya (vakasakupai) zvavo? Asi vanoenderera mberi nekuzvitutumadza, uye nekutiza (kubva pachokwadi).
Mülk 67:22
Ndizvo here kuti uyo anofamba nechiso chake asingaoni, akatungamirirwa zvakanyanya kudarika uyo anofamba akatwasuka munzira yakatwasuka (Islaam)?
Mülk 67:23
Iti: “Ndivo vakakusikai, uye vakakupai nzeve uye maziso uye nemoyo. Asi munotenda zvishoma.”
Mülk 67:24
Iti: “Ndivo vakakusikai munyika, uye kwavari muchaunganidzwa (muhupenyu hwamangwana).”
Mülk 67:25
Vanoti: “Ndiriniko pachauya vimbiso iyi (zuva rekutongwa) kana muchitaura chokwadi?”
Mülk 67:26
Iti (Muhammad (SAW)): “Zvirokwazvo, ruzivo rwuna Allah voga, uye zvirokwazvo ndiri muyambiri ari pachena.”
Mülk 67:27
Asi pavachaona (marwadzo eZuva Rokutongwa) achiuya, zviso zveavo vasingatendi zvichachinja zvoita zvitema uye zvichanzi: “Iyi ndiyo (vimbiso) yamaidana!”
Mülk 67:28
Iti (Muhammad (SAW)): “Ndiudzei! Kana Allah vakandiparadza neavo vandinavo, kana kuti votiitira tsitsi, ndiani achabatsira vasingatendi kubva kumarwadzo akaoma?”
Mülk 67:29
Iti (Muhammad (SAW)): “Ndivo vane tsitsi dzose (Allah), kwavari tinotenda, uye tinovimba navo. Nokudaro muchaziva kuti ndiani akarasika zviri pachena.”
Mülk 67:30
Iti (Muhammad (SAW)): “Ndiudzei! Kana mvura yenyu yose ikanyura, ndiani achakupai mvura inoyerera?”
Kalem 68:1
Noon. (Mashoko aya ndemamwe ezvishamiso zveQur’aan, uye hapana anoziva zvaanoreva kunze kwaAllah). (Ndinopika) nechinyoreso uye (ndinopika) neizvo zvazvinonyora (ngirozi) (mumabhuku emabasa evanhu).
Kalem 68:2
Iwe (Muhammad (SAW)) nenyasha dzaTenzi vako haupengi.
Kalem 68:3
Uye zvirokwazvo, uchawana (Muhammad (SAW)) mubairo usingagumi.
Kalem 68:4
Uye zvirokwazvo, (iwe Muhammad (SAW) ndiwe une tsika dzepamusoro-soro.
Kalem 68:5
Uchawona uyezve vachawona.
Kalem 68:6
Ndeupi pakati penyu asina kukwana (anopenga).
Kalem 68:7
Zvirokwazvo, Tenzi vako ndivo muzivi mukuru weavo vakarasika kubva munzira, uye ndivo muzivi mukuru wevari pagwara.
Kalem 68:8
Nokudaro (iwe Muhammad (SAW)) usava unoteerera avo vanoramba (kutenda).
Kalem 68:9
Vanoshuvira kuti uve unonzwisisana navo (Panyaya dzechitendero). Nokudaro ivo vonzwisisana newe.
Kalem 68:10
Uye (iwe Muhammad (SAW)) usava unoteerera wega wega ari Hallaaf Maheen (uyo anopika zvakanyanya achinyepa kana asina maturo).
Kalem 68:11
Uye mupomeri manyepo (munyeyi) anofamba nemakuhwa.
Kalem 68:12
Uye mudziviriri wezvakanaka, mutyori wemutemo, mutadzi mukuru.
Kalem 68:13
Uye ane utsinye pamusoro pazvo akazvarwa zvisiri pamutemo.
Kalem 68:14
Anga akadaro nokuti anga aine hupfumi nevana.
Kalem 68:15
Kana ndima dzedu dzichiverengwa (Qur’aan) kwaari anoti: “Ingano dzevanhu vakare!”
Kalem 68:16
Tichamuisa muchiso pamhuno!
Kalem 68:17
Zvirokwazvo, tinovaedza semaedzero atakaita vanhu vebindu, pavakapika kukohwa michero mangwanani.
Kalem 68:18
Vasina kuti: “Kana Allah vakatitendera (Inshaa Allaah).”
Kalem 68:19
Nokudaro wakapfuura napo muenzi (moto) kubva kuna Tenzi vako ivo vakarara.
Kalem 68:20
Nokudaro (bindu) rakava dema sehusiku hutema.
Kalem 68:21
Vakashevedzana mangwanani ngwanani.
Kalem 68:22
Vachiti: “Endai kubindu renyu, kana muchida kukohwa michero.”
Kalem 68:23
Nokudaro vakasimuka vachitaura chinyararire nezwi riri pasi pasi.
Kalem 68:24
Hakuna murombo achakupindirai mariri zuva ranhasi.
Kalem 68:25
Uye vakaenda mangwanani nechinangwa chakasimba vachifunga kuti vane samba (rokunyima varombo michero).
Kalem 68:26
Asi pavakariwona (bindu) vakati: “Zvirokwazvo, tarasika.”
Kalem 68:27
Vakati: “Pamwe zvirokwazvo tiri kudzvinyirirwa (pamuchero)!”
Kalem 68:28
Akanaka pakati pavo akati: “Handina kukuudzai here kuti sei musingati kana Allah vachida (Inshaa Allaah)?”
Kalem 68:29
Vakati: “Rumbidzo ngadzive kuna Tenzi vedu. Zvirokwazvo, tanga tiri vatadzi.”
Kalem 68:30
Vakatendeukirana umwe neumwe pakati pavo vachipomerana.
Kalem 68:31
Vakati: “Marwadzo kwatiri. Zvirokwazvo, tanga tiri vatadzi.”
Kalem 68:32
“Tinovimba kuti Tenzi vedu vachatipa rinani (bindu) kupfuura iri. Zvechokwadi, tinotendeukira kuna Tenzi vedu (tichishuvira zvakanaka neruregerero nemubairo muhupenyu unotevera).”
Kalem 68:33
Aya ndiwo marwadzo, asi zvirokwazvo marwadzo ehupenyu hwamangwana makuru dai henyu maiziva.
Kalem 68:34
Zvirokwazvo, kuvatsvene kune mapindu akanaka kuna Tenzi vavo.
Kalem 68:35
Tobata here maMuslim (vatendi) sevatadzi?
Kalem 68:36
Mhaka yenyu ndeyeyi? Munotonga sei?
Kalem 68:37
Kana kuti mune bhuku ramunodzidza mariri.
Kalem 68:38
Kuti zvirokwazvo kwamuri mariri mune zvose zvamunosarudza?
Kalem 68:39
Kana kuti mune mhiko kubva kwatiri, kusvika pazuva rokutongwa, kuti kwamuri kuchava zvamunotonga?
Kalem 68:40
Vabvunzei: “Ndiani pakati pavo achamira pazviri?”
Kalem 68:41
“Kana kuti vane shamwari?” Nokudaro vasiyei vauye neshamwari dzavo kana vari pachokwadi!
Kalem 68:42
(Rangarirai) zuva iro gumbo (raAllah) richaburitswa pachena, uye vachadanwa kuti vapfugame (pamberi paAllah), asi vachakundikana (avo vasinganamati kana kuti avo vasinganamati nemoyo wese).
Kalem 68:43
Maziso avo akadzikiswa uye nyadzi dzakavavhara, nokuti zvirokwazvo vaidanwa kuti vapfugame vari vatano (asi vaitadza kudaro).
Kalem 68:44
Saka ndisiyei neavo vanoramba Qur’aan iri. Tichavaranga zvishoma nezvishoma kubva kumativi avasingazivi.
Kalem 68:45
Uye ndichavapa nguva. Zvirokwazvo, hurongwa hwangu hwakakura.
Kalem 68:46
Kana kuti (iwe Muhammad (SAW)) uri kuvabvunza mubhadharo, nokudaro vakaomerwa nezvikwereti?
Kalem 68:47
Kana kuti zvisingaonekwi zviri mumaoko avo kuti vazvinyore pasi?
Kalem 68:48
Saka mirira nekutsungirira hurongwa hwaTenzi vako, uye usava unoita semuvakidzani wehove, paakachema (kwatiri) aine kushushikana kwakanyanya.
Kalem 68:49
Dai dzisiri nyasha dzaTenzi vake dzakamusvikira, aisiiwa (mudumbu mehove), asi akanorutsirwa (akakandwa) kumahombe kombe achipomerwa mhosva.
Kalem 68:50
Nokudaro Tenzi vake vakamusarudza uye vakamuita umwe wevatsvene.
Kalem 68:51
Uye zvirokwazvo, avo vasingatendi vanoposa zvishoma kukuita kuti utsvedze nekuda kwemaziso avo (aneruvengo) apo pavanonzwa yeuchidzo (Qur’aan), uye vanoti: “Zvirokwazvo, (Muhammad (SAW)) munhu anopenga!”
Kalem 68:52
Asi hapana chiripo kunze kweyeuchidzo kuzvisikwa zvose (vanhu nemaJinn).
Hakka 69:1
Rechokwadi (Zuva rekutongwa)!
Hakka 69:2
Chii chacho chechokwadi?
Hakka 69:3
Uyezve chii chingakuite kuti uzive chechokwadi chacho kuti chii?
Hakka 69:4
MaThamood nemaAad vakaramba Al-Qaari’ah (kusvika kwezuva rekutongwa).
Hakka 69:5
Vari semaThamood, vakaparadzwa neruzha rwakasimba!
Hakka 69:6
Uye vari semaAad, vakaparadzwa nemhepo yakasimba!
Hakka 69:7
Iyo yavakatarirwa (naAllah) kwehusiku hunomwe nemazuva masere achitevedzana, zvokuti waiona varume vakarara sekunge ingwanda dzemiti yemadheti!
Hakka 69:8
Uri kuona here zvakasara zvavo?
Hakka 69:9
Uye Farawo, neavo vaiva mushure make, uye nemaguta (evanhu vaLoti) akatsindikirwa vaiita zvitadzo.
Hakka 69:10
Uye havana kuteerera mutumwa waTenzi vavo, nokudaro vakavapa marwadzo akaomarara.
Hakka 69:11
Zvirokwazo, apo mvura payakapfachukira (mvura yaNowa), takakutakurai (imi vanhu) muri pamusoro payo (mungarava yakagadzirwa naNowa).
Hakka 69:12
Kuti tiyiite (ngarava yaNowa) kuti ive chiyeuchidzo kwamuri, uye kuti nzeve inonzwisisa ive inonzwa.
Hakka 69:13
Nokudaro apo pacharidzwa hwamanda zvine simba kamwechete (Kuridza kwekutanga).
Hakka 69:14
Uye nyika nemakomo zvichabviswa panzvimbo dzawo, uye zvoputswa kamwechete.
Hakka 69:15
Zuva iro chiitiko chikuru chichaiitika.
Hakka 69:16
Uye denga richatsemuka. Pazuva iri richava nyore (kutsemuka) nekudambuka.
Hakka 69:17
Uye ngirozi dzichava mumativi arwo, uye ngirozi sere dzichange dzakatakura chigaro chehumambo hwaTenzi vako pamusoro padzo zuva iri.
Hakka 69:18
Zuva iri muchaunzwa kuhutongi, (uye) hapana chakavanzika chenyu chichavigwa.
Hakka 69:19
Nokudaro kune uyo achapihwa zvinyorwa zvake (bhuku) kuruoko rwerudyi achati: “Kuno! Verengai zvinyorwa zvangu!”
Hakka 69:20
“Zvirokwazvo ini ndaitenda kuti ndichasangana nekutongwa kwangu!”
Hakka 69:21
Nokudaro achava muupenyu wemufaro.
Hakka 69:22
Mubindu rakakwiridzirwa (Paradhiso).
Hakka 69:23
Michero iri bumbu iri pazasi uye pedyo.
Hakka 69:24
Idyai nekunwa makadekara izvo zvamakatungamidza mazuva apfuura!
Hakka 69:25
Asi kune uyo achapihwa zvinyorwa zvake (bhuku) kuruoko rweruboshwe achati: “Dai hangu ndisina kupihwa chinyorwa changu!”
Hakka 69:26
“Uyezve ndisingazive kuti mutongo wangu wakamira sei!”
Hakka 69:27
“Dai (rufu) rwakaita magumo angu!”
Hakka 69:28
“Hupfumi hwangu hauna kundidzivirira!”
Hakka 69:29
“Simba rangu (hutongi) hwabva pandiri!”
Hakka 69:30
(Zvichanzi): “Mubatei momusunga!”
Hakka 69:31
“Mobva mamukanda murimi remoto!”
Hakka 69:32
“Mobva mamusunga nengetani kureba kwadzo makumi manomwe ehonokono!”
Hakka 69:33
Zvirokwazvo, anga asingatendi muna Allah mukuru wezvose.
Hakka 69:34
Uye aive asingakurudziri kuti varombo vapihwe chekudya.
Hakka 69:35
Nokudaro haana shamwari yaanayo pano zuva ranhasi.
Hakka 69:36
Kana chokudya kunze kwemvura dzezvironda (nemakwati).
Hakka 69:37
Hakuna anoadya kunze kwevatadzi (nevasingatendi).
Hakka 69:38
Uye ndinopika neizvo zvose zvamunoona.
Hakka 69:39
Uyezve neizvo zvose zvamusingaoni.
Hakka 69:40
Kuti zvirokwazvo, ishoko remutumwa anoremekedzwa (Gabriel kana kuti Muhammad(SAW) raaunza kubva kuna Allah).
Hakka 69:41
Haasi mashoko anyanduri. Zvishoma ndizvo zvamunotenda!
Hakka 69:42
Kana kuti mashoko emufemberi. Zvishoma ndizvo zvamunorangarira!
Hakka 69:43
(Aya mashoko) akadzikiswa kubva kuna Tenzi vezvinhu zvese.
Hakka 69:44
Dai (Muhammad (SAW)) aitaura mashoko enhema maererano nesu (Allah).
Hakka 69:45
Zvirokwazvo taimubata neruoko rwake rwerudyi.
Hakka 69:46
Uye tomudambura tsinga dzake dzeupenyu.
Hakka 69:47
Uye hapana mumwechete wenyu aikwanisa kutitadzisa kumuranga.
Hakka 69:48
Uye zvirokwazvo, iri (Qur’aan) murangaridzo wevatsvene (Qur’aan 2: 2).
Hakka 69:49
Uye zvirokwazvo, tinoziva kuti pakati penyu pane vamwe vanoriramba.
Hakka 69:50
Uye zvirokwazvo, iri (Qur’aan) richava chirwadzo kune avo vasingatendi (Pazuva rekutongwa).
Hakka 69:51
Uye zvirokwazvo, iri (Qur’aan) ichokwadi chiri pachena.
Hakka 69:52
Nokudaro rumbidza zita raTenzi vako, mukuru mukuru wezvose.
Meâric 70:1
Mubvunzi akabvunza maererano nemutongo uchaitika.
Meâric 70:2
Kune vasingatendi, uyo usina anokwanisa kuudzivirira.
Meâric 70:3
Kubva kuna Allah, Tenzi venzira dzekukwira.
Meâric 70:4
Ngirozi neRooh (Gabriel) dzinokwira kwavari pazuva rakaenzana nemakore zvuru makumi mashanu.
Meâric 70:5
Naizvozvo tsungirira (Iwe Muhammad (SAW)) kutsungirira kwakanaka.
Meâric 70:6
Zvirokwazvo, vanouona (mutongo) seuri kure.
Meâric 70:7
Asi tinouona uri padyo.
Meâric 70:8
Zuva iro denga richaita kunge marara emafuta akavira.
Meâric 70:9
Uye makomo achaita kunge marara eshinda.
Meâric 70:10
Uye hapana shamwari ichabvunza shamwari.
Meâric 70:11
Kunyangwe vachange vachionana (pazuva rokutongwa, asi hapana achataudza mumwe kana kubvunza). Mutadzi achashuvira kuzvibhadharira kubva kune marwadzo ezuva iroro nevana vake.
Meâric 70:12
Uye mukadzi wake nemukoma wake.
Meâric 70:13
Uye nehama dzake dzaimuchengeta.
Meâric 70:14
Uye nevese vari panyika kuti vamubatsire (vamununure).
Meâric 70:15
Hazvigoneke! Zvirokwazvo, uchange uri moto wekuGehena.
Meâric 70:16
Uchitora (uchipisa) nyama yemusoro!
Meâric 70:17
Uchisheedza uyo akafuratira nemusana wake nechiso chake (achisiya kutenda).
Meâric 70:18
Achiunganidza (hupfumi) uye achiuvanza (kubva mukupa munzira yaAllah).
Meâric 70:19
Zvirokwazvo, munhu akasikwa ane kusatsungirira.
Meâric 70:20
Kana zvakaipa zvamubata anonyunyuta.
Meâric 70:21
Uye kana zvakanaka zvamubata anonyima.
Meâric 70:22
Kusara kweavo vanonamata (vanoita Swalaah).
Meâric 70:23
Avo vanobatisisa minamato yavo.
Meâric 70:24
Uye avo muhupfumi hwavo munekodzero dzinozivikana.
Meâric 70:25
Kune anokumbira uye anoshaya (anorasikirwa nehupfumi wake uye upenyu womuomera).
Meâric 70:26
Uye avo vanotenda muzuva rekutongwa.
Meâric 70:27
Uye avo vanotya mutongo waTenzi vavo.
Meâric 70:28
Zvirokwazvo, mutongo waTenzi vavo ndeuyo usina ani nani angazvidzivirire.
Meâric 70:29
Uye avo vanochengetedza nhengo dzavo dzakavanzika (kubva muhupombwe nedzimwe nzira dzisiri pamutemo dzekuzvifadza nadzo).
Meâric 70:30
Kunze kwekuvakadzi vavo kana (varandakadzi) vari mumaoko avo ekurudyi. Kwavari hakuna kupomerwa mhosva.
Meâric 70:31
Asi uyo achatsvaka zvinopfurikidza ipapo, ndivo avo vatadzi (vanopfurikidza mwero).
Meâric 70:32
Uye avo vanochengeta vimbiso dzavo nemhiko.
Meâric 70:33
Uye avo vanomira zvakadzama pauchapupu hwavo.
Meâric 70:34
Uye avo vanochengetedza zvakanaka minamato yavo (Swalaah).
Meâric 70:35
Vakadaro ndivo vachagara muParadhiso vachiremekedzwa.
Meâric 70:36
Naizvozvo sei avo vasingatendi vachimhanyira kukuteerera (Iwe Muhammad (SAW), kuti vave vanokuramba kana kukuseka)?
Meâric 70:37
(Vakagara) Muzvikwata zvikwata kurudyi nekuruboshwe (kwako iwe Muhammad (SAW))?
Meâric 70:38
Munhu wese pakati pavo anoshuvira here kupinda Paradhiso remafaro?
Meâric 70:39
Kwete! Zvirokwazvo, takavasika kubva kune izvo zvavanoziva!
Meâric 70:40
Naizvozvo ndinopika naTenzi vemabvazuva nemadokero kuti zvokwadi tinokwanisa
Meâric 70:41
Kuunza vamwe vari nani pachinzvimbo chavo; uye hapana vanotikunda.
Meâric 70:42
Naizvozvo vasiyei vachitaura mukuzvikudza nekutamba kudzamara vasangana nezuva ravo iro ravakavimbiswa.
Meâric 70:43
Zuva iro ravachabuda mumakuva nekuchimbidza sevari kumhanyira kune chinangwa.
Meâric 70:44
Maziso avo akatarisa pasi nekutya uye nekuzvininipisa, vakazara nekuzvidzikisira! Iro ndiro zuva ravakavimbiswa!
Nuh 71:1
Zvirokwazvo, takatumira Nuh (Nowa) kuvanhu vake (tichiti): “Yambira vanhu vako mutongo unorwadza usati wauya kwavari.”
Nuh 71:2
(Nuh) akati: “Imi vanhu vangu! Zvirokwazvo, ndiri muyambiri ari pachena kwamuri.”
Nuh 71:3
“Munofanira kunamata Allah (vega), uye nekuvatya, uyezve mova munonditeerera.”
Nuh 71:4
“(Allah) vachakuregererai zvitadzo zvenyu uye vokusiyai kusvika panguva yakatarwa. Zvirokwazvo, kana nguva yaAllah yasvika, haigoni kunonotswa dai maiziva.”
Nuh 71:5
Nuh akati: “Tenzi vangu! Zvirokwazvo, inini ndasheedza vanhu vangu usiku nesikati.”
Nuh 71:6
“Asi kusheedza kwangu hakuna kuvawedzera (kuvabatsira) kunze kwekutiza (chokwadi).”
Nuh 71:7
“Uye zvirokwazvo, pese pandinovasheedza kuti muve munovaregerera, vanoisa minwe yavo munzeve dzavo, vozvifukidza nenguwo dzavo, uye vosimbirira (nekuramba kwavo), uye vozvitutumadza zvakanyanya.”
Nuh 71:8
“Uye zvirokwazvo, inini ndaivasheedza pachena (nezwi riri pamusoro).”
Nuh 71:9
“Uye zvirokwazvo, ndaivaparidzira pachena, uye ndaivakumbira pakahwanda.”
Nuh 71:10
“Naizvozvo ndikati (kwavari): ‘Kumbirai ruregerero kuna Tenzi venyu. Zvirokwazvo, vazere neruregerero.’
Nuh 71:11
‘Vachatumira mvura zhinji kwamuri.’
Nuh 71:12
‘Uye vanokuwedzerai hupfumi uye nevana, uye vanokupai minda uye vanokupai nzizi.’”
Nuh 71:13
Dambudziko renyu nderei? Hamushuviri mubairo kubva kuna Allah.
Nuh 71:14
Uye zvirokwazvo, vakakusikai nezvidanho (Nutfah, Alaqah, uye Mudghah – Qur’aan 23: 13-14).
Nuh 71:15
Hamuoni here kuti Allah vakasika sei matenga manomwe rimwe pamusoro perimwe?
Nuh 71:16
Uye vakasika mwedzi sechiedza pakati pawo (matenga), uye vakasika zuva serambi?
Nuh 71:17
Uyezve Allah vakakusikai kubva kuivhu.
Nuh 71:18
Naizvozvo vachakudzorerai ikoko (kuivhu), uye vozokumutsai zvakare (pazuva rekutongwa).
Nuh 71:19
Uye Allah vakakusikirai nyika yakafara.
Nuh 71:20
Kuti mufambe mairi munzira dzakafara.
Nuh 71:21
Nuh (Nowa) akati: “Tenzi vangu! (Vanhu ava) vakaramba kunditeerera, uye vakatevera uyo hupfumi nevana vake hazvina zvazvinomuwedzera kunze kwekurasikirwa.”
Nuh 71:22
“Uyezve vakaronga kuronga kukuru.”
Nuh 71:23
“Uyezve vakati (kune vamwe vavo): ‘Hamufanirwi kusiya vanamwari venyu, kana kuti musiye Wadd, kana kuti Suwaa, kana kuti Yaghooth, kana kuti Yauooq, kana kuti Nasr (Aya mazita ezviumbwa zvavainamata).’”
Nuh 71:24
“Uye zvirokwazvo vakatsaudza vakawanda, uye (Allah): ‘Musawedzere avo vanoita zvakaipa kunze kwekurasika.’”
Nuh 71:25
Nekuda kwezvitadzo zvavo vakanyudzwa (mumvura), vakaitwa kuti vapinde mumoto. Uyezve havana kuwana mubatsiri kunze kwaAllah.
Nuh 71:26
Uye Nuh (Nowa) akati: “Tenzi vangu! Musava munosiya kana mumwechete wevasingatendi panyika (Paradzai vese)!”
Nuh 71:27
“Kana mukavasiya, vachatsaudza varanda venyu, uye havazombobereki (vana) asi vasingatendi.”
Nuh 71:28
“Tenzi vangu! Ndiregererei inini, uye nevabereki vangu, uye neuyo anopinda mumba mangu ari mutendi, uye nevatendi vose varume nevakadzi. Uye kune avo vasingatendi (vaiiti vezvakaipa), musava munovawedzera asi mukuparadzwa.”